| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
221. பச்சி²மவிகப்பனுபக³சீவராதி³கதா²
221. Pacchimavikappanupagacīvarādikathā
359. கதபங்ஸுகூலோதி கதோ பங்ஸுகூலோ. இமினா ‘‘பங்ஸுகூலதோ’’தி பத³ஸ்ஸ விஸேஸனபரபத³த்தங் த³ஸ்ஸேதி. அக்³க³ளாரோபனேனாதி அக்³க³ளஸ்ஸ ஆரோபனேன. ‘‘ஸுத்தேனேவா’’தி எத்த² ஏவஸத்³தே³ன பிலோதிகங் நிவத்தேதி. அஞ்சி²த்வா அஞ்சி²த்வாதி ஆகட்³டி⁴த்வா ஆகட்³டி⁴த்வா. அபி⁴தா⁴து ஹி ஆகட்³ட⁴னத்தோ². ‘‘ஸங்கா⁴டிகோணோ தீ³கோ⁴’’தி இமினா விகண்ணோதி எத்த² விஸமோ கண்ணோ விகண்ணோதி கத்வா கண்ணஸத்³த³ஸ்ஸ கோணத்த²ங் த³ஸ்ஸேதி. ததோதி க³ளனதோ. லுஜ்ஜந்தீதி வலிங் க³ண்ஹந்தி. அட்ட²பத³கந்தி பத³ஸ்ஸ அட்ட²பதே³ன ஸிப்³பி³தங் அட்ட²பத³கந்தி வசனத்த²ங் த³ஸ்ஸெந்தோ ஆஹ ‘‘அட்ட²பத³கச்சி²ன்னேன பத்தமுக²ங் ஸிப்³பி³து’’ந்தி. தத்த² அட்ட²பத³கச்சி²ன்னேன பத்தமுக²ங் ஸிப்³பி³துந்தி அட்ட²பத³லிக²னேன தத்த² தத்த² க³ப்³ப⁴ங் த³ஸ்ஸெத்வா பத்தமுக²ங் ஸிப்³பி³துங். ‘‘அட்ட²பத³கச்ச²ன்னேனா’’திபி பாடோ², அட்ட²ப²லகாகாரேனாதி அத்தோ².
359.Katapaṃsukūloti kato paṃsukūlo. Iminā ‘‘paṃsukūlato’’ti padassa visesanaparapadattaṃ dasseti. Aggaḷāropanenāti aggaḷassa āropanena. ‘‘Suttenevā’’ti ettha evasaddena pilotikaṃ nivatteti. Añchitvā añchitvāti ākaḍḍhitvā ākaḍḍhitvā. Abhidhātu hi ākaḍḍhanattho. ‘‘Saṅghāṭikoṇo dīgho’’ti iminā vikaṇṇoti ettha visamo kaṇṇo vikaṇṇoti katvā kaṇṇasaddassa koṇatthaṃ dasseti. Tatoti gaḷanato. Lujjantīti valiṃ gaṇhanti. Aṭṭhapadakanti padassa aṭṭhapadena sibbitaṃ aṭṭhapadakanti vacanatthaṃ dassento āha ‘‘aṭṭhapadakacchinnena pattamukhaṃ sibbitu’’nti. Tattha aṭṭhapadakacchinnena pattamukhaṃ sibbitunti aṭṭhapadalikhanena tattha tattha gabbhaṃ dassetvā pattamukhaṃ sibbituṃ. ‘‘Aṭṭhapadakacchannenā’’tipi pāṭho, aṭṭhaphalakākārenāti attho.
360. ‘‘ஆக³ந்துகபத்தம்பி தா³து’’ந்தி இமினா அன்வாதி³கந்தி பத³ஸ்ஸ அனுபச்சா² ஆக³ந்துகபா⁴வேன தீ³யதீதி அன்வாதி³கந்தி வசனத்த²ங் த³ஸ்ஸேதி. சதுத்த²க்க²ரேனபி பாடோ², அனுபச்சா² ஆக³ந்துகபா⁴வேன தீ⁴யதி ட²பீயதீதி அன்வாதி⁴கந்தி காதப்³போ³. இத³ங் பனாதி அன்வாதி⁴கங் பன.
360. ‘‘Āgantukapattampi dātu’’nti iminā anvādikanti padassa anupacchā āgantukabhāvena dīyatīti anvādikanti vacanatthaṃ dasseti. Catutthakkharenapi pāṭho, anupacchā āgantukabhāvena dhīyati ṭhapīyatīti anvādhikanti kātabbo. Idaṃ panāti anvādhikaṃ pana.
361. ஸேஸஞாதீனந்தி மாதாபிதூஹி ஸேஸஞாதீனங். வினிபாதேதியேவாதி வினஸ்ஸந்தோ நிபாதேதியேவ.
361.Sesañātīnanti mātāpitūhi sesañātīnaṃ. Vinipātetiyevāti vinassanto nipātetiyeva.
362. ‘‘வஸ்ஸிகோ’’தி ஸங்கேதீயதி க³ண்ஹீயதீதி வஸ்ஸிகஸங்கேதந்தி வுத்தே சத்தாரோ மாஸாதி ஆஹ ‘‘சத்தாரோ மாஸே’’தி. ஹீதி ஸச்சங், யஸ்மா வா. ஆரஞ்ஞகஸ்ஸ பி⁴க்கு²னோதி ஸம்ப³ந்தோ⁴. தேனாதி ஆரஞ்ஞகேன பி⁴க்கு²னா.
362. ‘‘Vassiko’’ti saṅketīyati gaṇhīyatīti vassikasaṅketanti vutte cattāro māsāti āha ‘‘cattāro māse’’ti. Hīti saccaṃ, yasmā vā. Āraññakassa bhikkhunoti sambandho. Tenāti āraññakena bhikkhunā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 221. பச்சி²மவிகப்பனுபக³சீவராதி³கதா² • 221. Pacchimavikappanupagacīvarādikathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பச்சி²மவிகப்பனுபக³சீவராதி³கதா² • Pacchimavikappanupagacīvarādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பச்சி²மவிகப்பனுபக³சீவராதி³கதா²வண்ணனா • Pacchimavikappanupagacīvarādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / நிஸீத³னாதி³அனுஜானநகதா²வண்ணனா • Nisīdanādianujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / சீவரரஜனகதா²தி³வண்ணனா • Cīvararajanakathādivaṇṇanā
