| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
бажчимавигаббанубаг̇ажийвараад̣̇игат̇аа
Pacchimavikappanupagacīvarādikathā
359. бам̣сугуулагад̇од̇и гад̇абам̣сугууло. г̇аруго ход̇ийд̇и ж̇ин̣н̣аж̇ин̣н̣адтаанз аг̇г̇ал̣ааробанзна г̇аруго ход̇и. суд̇д̇алуукам̣ гаад̇унд̇и суд̇д̇знзва аг̇г̇ал̣ам̣ гаад̇унд̇и ад̇т̇о. виган̣н̣о ход̇ийд̇и суд̇д̇ам̣ ажчзд̇ваа ажчзд̇ваа сиб̣б̣анд̇аанам̣ зго сан̇гхаадигон̣о д̣̇ийгхо ход̇и. виган̣н̣ам̣ уд̣̇д̇харид̇унд̇и д̣̇ийгхагон̣ам̣ чинд̣̇ид̇ум̣. огирияанд̇ийд̇и чиннагон̣ад̇о г̇ал̣анд̇и. ануваад̇ам̣ барибхан̣д̣анд̇и ануваад̇ан̃жзва барибхан̣д̣ан̃жа. бад̇д̇аа луж̇ж̇анд̇ийд̇и маханд̇зсу бад̇д̇амукзсу д̣̇иннаани суд̇д̇аани г̇ал̣анд̇и, д̇ад̇о бад̇д̇аа луж̇ж̇анд̇и. адтабад̣̇агам̣ гаад̇унд̇и адтабад̣̇агажчаннзна бад̇д̇амукам̣ сиб̣б̣ид̇ум̣.
359.Paṃsukūlakatoti katapaṃsukūlo. Garuko hotīti jiṇṇajiṇṇaṭṭhāne aggaḷāropanena garuko hoti. Suttalūkhaṃ kātunti sutteneva aggaḷaṃ kātunti attho. Vikaṇṇo hotīti suttaṃ acchetvā acchetvā sibbantānaṃ eko saṅghāṭikoṇo dīgho hoti. Vikaṇṇaṃ uddharitunti dīghakoṇaṃ chindituṃ. Okiriyantīti chinnakoṇato gaḷanti. Anuvātaṃ paribhaṇḍanti anuvātañceva paribhaṇḍañca. Pattā lujjantīti mahantesu pattamukhesu dinnāni suttāni gaḷanti, tato pattā lujjanti. Aṭṭhapadakaṃ kātunti aṭṭhapadakacchannena pattamukhaṃ sibbituṃ.
360. анваад̇хигамби ааробзд̇унд̇и ааг̇анд̇угабад̇д̇амби д̣̇аад̇ум̣. ид̣̇ам̣ бана аббахонагз ааробзд̇аб̣б̣ам̣. сажз баход̇и, ааг̇анд̇угабад̇д̇ам̣ на ваддад̇и, чинд̣̇ид̇аб̣б̣амзва.
360.Anvādhikampi āropetunti āgantukapattampi dātuṃ. Idaṃ pana appahonake āropetabbaṃ. Sace pahoti, āgantukapattaṃ na vaṭṭati, chinditabbameva.
361. на жа бхигкавз сад̣̇д̇хаад̣̇зяяанд̇и зд̇т̇а сзсан̃аад̇ийнам̣ д̣̇знд̇о винибаад̇зд̇иязва. маад̇аабид̇аро бана сажз раж̇ж̇з тид̇аа бад̇т̇аяанд̇и, д̣̇аад̇аб̣б̣ам̣.
361.Na ca bhikkhave saddhādeyyanti ettha sesañātīnaṃ dento vinipātetiyeva. Mātāpitaro pana sace rajje ṭhitā patthayanti, dātabbaṃ.
362. г̇илаанод̇и г̇илаанад̇ааяа г̇ахзд̇ваа г̇анд̇ум̣ асамад̇т̇о. вассигасан̇гзд̇анд̇и вассигз жад̇д̇ааро маасз. над̣̇ийбааранд̇и над̣̇ияаа баарз бхад̇д̇ам̣ бхун̃ж̇ид̇аб̣б̣ам̣ ход̇и. аг̇г̇ал̣аг̇уд̇д̇ивихаарод̇и саб̣б̣зсвзва жзд̇зсу г̇илаанавассигасан̇гзд̇анад̣̇ийбаараг̇аманаад̇т̇ад̇агат̇инабхаавзсу аг̇г̇ал̣аг̇уд̇д̇иязва бамаан̣ам̣. г̇уд̇д̇з зва хи вихаарз зд̇зсу гааран̣зсу нигкибид̇ваа б̣ахи г̇анд̇ум̣ ваддад̇и, на аг̇уд̇д̇з. ааран̃н̃агасса бана вихааро на суг̇уд̇д̇о ход̇и, д̇зна бхан̣д̣угкалигааяа багкибид̇ваа баасаан̣асусира ругкасусираад̣̇ийсу суббадижчаннзсу табзд̇ваа г̇анд̇аб̣б̣ам̣.
362.Gilānoti gilānatāya gahetvā gantuṃ asamattho. Vassikasaṅketanti vassike cattāro māse. Nadīpāranti nadiyā pāre bhattaṃ bhuñjitabbaṃ hoti. Aggaḷaguttivihāroti sabbesveva cetesu gilānavassikasaṅketanadīpāragamanaatthatakathinabhāvesu aggaḷaguttiyeva pamāṇaṃ. Gutte eva hi vihāre etesu kāraṇesu nikkhipitvā bahi gantuṃ vaṭṭati, na agutte. Āraññakassa pana vihāro na sugutto hoti, tena bhaṇḍukkhalikāya pakkhipitvā pāsāṇasusira rukkhasusirādīsu suppaṭicchannesu ṭhapetvā gantabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 221. бажчимавигаббанубаг̇ажийвараад̣̇игат̇аа • 221. Pacchimavikappanupagacīvarādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бажчимавигаббанубаг̇ажийвараад̣̇игат̇ааван̣н̣анаа • Pacchimavikappanupagacīvarādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / нисийд̣̇анаад̣̇иануж̇аананагат̇ааван̣н̣анаа • Nisīdanādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 221. бажчимавигаббанубаг̇ажийвараад̣̇игат̇аа • 221. Pacchimavikappanupagacīvarādikathā
