| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
221. бажчимавигаббанубаг̇ажийвараад̣̇игат̇аа
221. Pacchimavikappanupagacīvarādikathā
358. ат̇а ко бхигкуунам̣ зд̇ад̣̇ахоси – ‘‘яаани д̇аани бхаг̇авад̇аа анун̃н̃аад̇аани д̇ижийваранд̇и ваа вассигасаадигаад̇и ваа нисийд̣̇ананд̇и ваа бажжад̇т̇аран̣анд̇и ваа ган̣д̣уббадижчаад̣̇ийд̇и ваа мукабун̃чанажол̣анд̇и ваа баригкааражол̣анд̇и ваа, саб̣б̣аани д̇аани ад̇хидтаад̇аб̣б̣аани ну ко, уд̣̇ааху, вигаббзд̇аб̣б̣ааний’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇ижийварам̣ ад̇хидтаад̇ум̣ на вигаббзд̇ум̣; вассигасаадигам̣ вассаанам̣ жаад̇умаасам̣ ад̇хидтаад̇ум̣, д̇ад̇о барам̣ вигаббзд̇ум̣; нисийд̣̇анам̣ ад̇хидтаад̇ум̣ на вигаббзд̇ум̣; бажжад̇т̇аран̣ам̣ ад̇хидтаад̇ум̣ на вигаббзд̇ум̣; ган̣д̣уббадижчаад̣̇им̣ яааваааб̣аад̇хаа ад̇хидтаад̇ум̣ д̇ад̇о барам̣ вигаббзд̇ум̣; мукабун̃чанажол̣ам̣ ад̇хидтаад̇ум̣ на вигаббзд̇ум̣; баригкааражол̣ам̣ ад̇хидтаад̇ум̣ на вигаббзд̇унд̇и.
358. Atha kho bhikkhūnaṃ etadahosi – ‘‘yāni tāni bhagavatā anuññātāni ticīvaranti vā vassikasāṭikāti vā nisīdananti vā paccattharaṇanti vā kaṇḍuppaṭicchādīti vā mukhapuñchanacoḷanti vā parikkhāracoḷanti vā, sabbāni tāni adhiṭṭhātabbāni nu kho, udāhu, vikappetabbānī’’ti? Bhagavato etamatthaṃ ārocesuṃ. Anujānāmi, bhikkhave, ticīvaraṃ adhiṭṭhātuṃ na vikappetuṃ; vassikasāṭikaṃ vassānaṃ cātumāsaṃ adhiṭṭhātuṃ, tato paraṃ vikappetuṃ; nisīdanaṃ adhiṭṭhātuṃ na vikappetuṃ; paccattharaṇaṃ adhiṭṭhātuṃ na vikappetuṃ; kaṇḍuppaṭicchādiṃ yāvaābādhā adhiṭṭhātuṃ tato paraṃ vikappetuṃ; mukhapuñchanacoḷaṃ adhiṭṭhātuṃ na vikappetuṃ; parikkhāracoḷaṃ adhiṭṭhātuṃ na vikappetunti.
ат̇а ко бхигкуунам̣ зд̇ад̣̇ахоси – ‘‘гид̇д̇агам̣ бажчимам̣ ну ко жийварам̣ вигаббзд̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ааяаамзна адтан̇г̇улам̣ суг̇ад̇ан̇г̇улзна жад̇уран̇г̇улавид̇т̇ад̇ам̣ бажчимам̣ жийварам̣ вигаббзд̇унд̇и.
Atha kho bhikkhūnaṃ etadahosi – ‘‘kittakaṃ pacchimaṃ nu kho cīvaraṃ vikappetabba’’nti? Bhagavato etamatthaṃ ārocesuṃ. Anujānāmi, bhikkhave, āyāmena aṭṭhaṅgulaṃ sugataṅgulena caturaṅgulavitthataṃ pacchimaṃ cīvaraṃ vikappetunti.
359. д̇зна ко бана самаязна ааяасмад̇о махаагассабасса бам̣сугуулагад̇о г̇аруго ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, суд̇д̇алуукам̣ гаад̇унд̇и. виган̣н̣о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, виган̣н̣ам̣ уд̣̇д̇харид̇унд̇и. суд̇д̇аа огирияанд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ануваад̇ам̣ барибхан̣д̣ам̣ ааробзд̇унд̇и.
359. Tena kho pana samayena āyasmato mahākassapassa paṃsukūlakato garuko hoti. Bhagavato etamatthaṃ ārocesuṃ. Anujānāmi, bhikkhave, suttalūkhaṃ kātunti. Vikaṇṇo hoti. Bhagavato etamatthaṃ ārocesuṃ. Anujānāmi, bhikkhave, vikaṇṇaṃ uddharitunti. Suttā okiriyanti. Bhagavato etamatthaṃ ārocesuṃ. Anujānāmi, bhikkhave, anuvātaṃ paribhaṇḍaṃ āropetunti.
д̇зна ко бана самаязна сан̇гхаадияаа бад̇д̇аа луж̇ж̇анд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, адтабад̣̇агам̣ гаад̇унд̇и.
Tena kho pana samayena saṅghāṭiyā pattā lujjanti. Bhagavato etamatthaṃ ārocesuṃ. Anujānāmi, bhikkhave, aṭṭhapadakaṃ kātunti.
360. д̇зна ко бана самаязна ан̃н̃ад̇арасса бхигкуно д̇ижийварз гаяирамаанз саб̣б̣ам̣ чиннагам̣ наббаход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̣̇вз чиннагаани згам̣ ажчиннаганд̇и.
360. Tena kho pana samayena aññatarassa bhikkhuno ticīvare kayiramāne sabbaṃ chinnakaṃ nappahoti. Bhagavato etamatthaṃ ārocesuṃ. Anujānāmi, bhikkhave, dve chinnakāni ekaṃ acchinnakanti.
д̣̇вз чиннагаани згам̣ ажчиннагам̣ наббаход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̣̇вз ажчиннагаани згам̣ чиннаганд̇и.
Dve chinnakāni ekaṃ acchinnakaṃ nappahoti. Bhagavato etamatthaṃ ārocesuṃ. Anujānāmi, bhikkhave, dve acchinnakāni ekaṃ chinnakanti.
д̣̇вз ажчиннагаани згам̣ чиннагам̣ наббаход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, анваад̇хигамби ааробзд̇ум̣, на жа, бхигкавз, саб̣б̣ам̣ ажчиннагам̣ д̇хаарзд̇аб̣б̣ам̣. яо д̇хаарзяяа, аабад̇д̇и д̣̇уггадассаад̇и.
Dve acchinnakāni ekaṃ chinnakaṃ nappahoti. Bhagavato etamatthaṃ ārocesuṃ. Anujānāmi, bhikkhave, anvādhikampi āropetuṃ, na ca, bhikkhave, sabbaṃ acchinnakaṃ dhāretabbaṃ. Yo dhāreyya, āpatti dukkaṭassāti.
361. д̇зна ко бана самаязна ан̃н̃ад̇арасса бхигкуно б̣ахум̣ жийварам̣ уббаннам̣ ход̇и. со жа д̇ам̣ жийварам̣ маад̇аабид̇уунам̣ д̣̇аад̇угаамо ход̇и. бхаг̇авад̇о зд̇амад̇т̇ам̣ аарожзсум̣. маад̇аабид̇арод̇и 1 ко, бхигкавз, д̣̇ад̣̇амаанз 2 гим̣ вад̣̇зяяаама? ануж̇аанаами , бхигкавз, маад̇аабид̇уунам̣ д̣̇аад̇ум̣. на жа, бхигкавз, сад̣̇д̇хаад̣̇зяяам̣ винибаад̇зд̇аб̣б̣ам̣. яо винибаад̇зяяа, аабад̇д̇и д̣̇уггадассаад̇и.
361. Tena kho pana samayena aññatarassa bhikkhuno bahuṃ cīvaraṃ uppannaṃ hoti. So ca taṃ cīvaraṃ mātāpitūnaṃ dātukāmo hoti. Bhagavato etamatthaṃ ārocesuṃ. Mātāpitaroti 3 kho, bhikkhave, dadamāne 4 kiṃ vadeyyāma? Anujānāmi , bhikkhave, mātāpitūnaṃ dātuṃ. Na ca, bhikkhave, saddhādeyyaṃ vinipātetabbaṃ. Yo vinipāteyya, āpatti dukkaṭassāti.
362. д̇зна ко бана самаязна ан̃н̃ад̇аро бхигку анд̇хаванз жийварам̣ нигкибид̇ваа санд̇аруд̇д̇арзна г̇аамам̣ бин̣д̣ааяа баависи. жораа д̇ам̣ жийварам̣ авахарим̣су. со бхигку д̣̇ужжол̣о ход̇и луукажийваро. бхигкуу звамаахам̣су – ‘‘гисса д̇вам̣, аавусо, д̣̇ужжол̣о луукажийваросий’’д̇и? ‘‘ид̇хаахам̣ 5, аавусо, анд̇хаванз жийварам̣ нигкибид̇ваа санд̇аруд̇д̇арзна г̇аамам̣ бин̣д̣ааяа баависим̣. жораа д̇ам̣ жийварам̣ авахарим̣су. д̇знаахам̣ д̣̇ужжол̣о луукажийваро’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, санд̇аруд̇д̇арзна г̇аамо бависид̇аб̣б̣о. яо бависзяяа, аабад̇д̇и д̣̇уггадассаад̇и.
362. Tena kho pana samayena aññataro bhikkhu andhavane cīvaraṃ nikkhipitvā santaruttarena gāmaṃ piṇḍāya pāvisi. Corā taṃ cīvaraṃ avahariṃsu. So bhikkhu duccoḷo hoti lūkhacīvaro. Bhikkhū evamāhaṃsu – ‘‘kissa tvaṃ, āvuso, duccoḷo lūkhacīvarosī’’ti? ‘‘Idhāhaṃ 6, āvuso, andhavane cīvaraṃ nikkhipitvā santaruttarena gāmaṃ piṇḍāya pāvisiṃ. Corā taṃ cīvaraṃ avahariṃsu. Tenāhaṃ duccoḷo lūkhacīvaro’’ti. Bhagavato etamatthaṃ ārocesuṃ. Na, bhikkhave, santaruttarena gāmo pavisitabbo. Yo paviseyya, āpatti dukkaṭassāti.
д̇зна ко бана самаязна ааяасмаа аананд̣̇о ассад̇ияаа санд̇аруд̇д̇арзна г̇аамам̣ бин̣д̣ааяа баависи. бхигкуу ааяасманд̇ам̣ аананд̣̇ам̣ зд̇ад̣̇авожум̣ – ‘‘нану , аавусо аананд̣̇а, бхаг̇авад̇аа бан̃н̃ад̇д̇ам̣ – ‘на санд̇аруд̇д̇арзна г̇аамо бависид̇аб̣б̣о’д̇и? гисса д̇вам̣, аавусо аананд̣̇а, санд̇аруд̇д̇арзна г̇аамам̣ бавидто’’д̇и? ‘‘сажжам̣, аавусо, бхаг̇авад̇аа бан̃н̃ад̇д̇ам̣ – ‘на санд̇аруд̇д̇арзна г̇аамо бависид̇аб̣б̣о’д̇и. аби жаахам̣ ассад̇ияаа бавидто’’д̇и. бхаг̇авад̇о зд̇амад̇т̇ам̣ аарожзсум̣.
Tena kho pana samayena āyasmā ānando assatiyā santaruttarena gāmaṃ piṇḍāya pāvisi. Bhikkhū āyasmantaṃ ānandaṃ etadavocuṃ – ‘‘nanu , āvuso ānanda, bhagavatā paññattaṃ – ‘na santaruttarena gāmo pavisitabbo’ti? Kissa tvaṃ, āvuso ānanda, santaruttarena gāmaṃ paviṭṭho’’ti? ‘‘Saccaṃ, āvuso, bhagavatā paññattaṃ – ‘na santaruttarena gāmo pavisitabbo’ti. Api cāhaṃ assatiyā paviṭṭho’’ti. Bhagavato etamatthaṃ ārocesuṃ.
бан̃жимз, бхигкавз, бажжаяаа сан̇гхаадияаа нигкзбааяа – г̇илаано ваа ход̇и, вассигасан̇гзд̇ам̣ ваа ход̇и, над̣̇ийбаарам̣ г̇анд̇ум̣ ваа ход̇и, аг̇г̇ал̣аг̇уд̇д̇ивихааро ваа ход̇и, ад̇т̇ад̇агат̇инам̣ ваа ход̇и. имз ко, бхигкавз, бан̃жа бажжаяаа сан̇гхаадияаа нигкзбааяа.
Pañcime, bhikkhave, paccayā saṅghāṭiyā nikkhepāya – gilāno vā hoti, vassikasaṅketaṃ vā hoti, nadīpāraṃ gantuṃ vā hoti, aggaḷaguttivihāro vā hoti, atthatakathinaṃ vā hoti. Ime kho, bhikkhave, pañca paccayā saṅghāṭiyā nikkhepāya.
бан̃жимз, бхигкавз, бажжаяаа уд̇д̇араасан̇г̇асса нигкзбааяа…бз… анд̇араваасагасса нигкзбааяа – г̇илаано ваа ход̇и, вассигасан̇гзд̇ам̣ ваа ход̇и, над̣̇ийбаарам̣ г̇анд̇ум̣ ваа ход̇и, аг̇г̇ал̣аг̇уд̇д̇ивихааро ваа ход̇и, ад̇т̇ад̇агат̇инам̣ ваа ход̇и. имз ко, бхигкавз, бан̃жа бажжаяаа уд̇д̇араасан̇г̇асса анд̇араваасагасса нигкзбааяа.
Pañcime, bhikkhave, paccayā uttarāsaṅgassa nikkhepāya…pe… antaravāsakassa nikkhepāya – gilāno vā hoti, vassikasaṅketaṃ vā hoti, nadīpāraṃ gantuṃ vā hoti, aggaḷaguttivihāro vā hoti, atthatakathinaṃ vā hoti. Ime kho, bhikkhave, pañca paccayā uttarāsaṅgassa antaravāsakassa nikkhepāya.
бан̃жимз, бхигкавз, бажжаяаа вассигасаадигааяа нигкзбааяа – г̇илаано ваа ход̇и, ниссиймам̣ г̇анд̇ум̣ ваа ход̇и, над̣̇ийбаарам̣ г̇анд̇ум̣ ваа ход̇и, аг̇г̇ал̣аг̇уд̇д̇ивихааро ваа ход̇и, вассигасаадигаа агад̇аа ваа ход̇и виббагад̇аа ваа. имз ко, бхигкавз, бан̃жа бажжаяаа вассигасаадигааяа нигкзбааяаад̇и.
Pañcime, bhikkhave, paccayā vassikasāṭikāya nikkhepāya – gilāno vā hoti, nissīmaṃ gantuṃ vā hoti, nadīpāraṃ gantuṃ vā hoti, aggaḷaguttivihāro vā hoti, vassikasāṭikā akatā vā hoti vippakatā vā. Ime kho, bhikkhave, pañca paccayā vassikasāṭikāya nikkhepāyāti.
бажчимавигаббанубаг̇ажийвараад̣̇игат̇аа нидтид̇аа.
Pacchimavikappanupagacīvarādikathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бажчимавигаббанубаг̇ажийвараад̣̇игат̇аа • Pacchimavikappanupagacīvarādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бажчимавигаббанубаг̇ажийвараад̣̇игат̇ааван̣н̣анаа • Pacchimavikappanupagacīvarādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / нисийд̣̇анаад̣̇иануж̇аананагат̇ааван̣н̣анаа • Nisīdanādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 221. бажчимавигаббанубаг̇ажийвараад̣̇игат̇аа • 221. Pacchimavikappanupagacīvarādikathā
