| Library / Tipiṭaka / ติปิฎก • Tipiṭaka / มหาวคฺค-อฎฺฐกถา • Mahāvagga-aṭṭhakathā |
ปจฺฉิมวิกปฺปนุปคจีวราทิกถา
Pacchimavikappanupagacīvarādikathā
๓๕๙. ปํสุกูลกโตติ กตปํสุกูโลฯ ครุโก โหตีติ ชิณฺณชิณฺณฎฺฐาเน อคฺคฬาโรปเนน ครุโก โหติฯ สุตฺตลูขํ กาตุนฺติ สุเตฺตเนว อคฺคฬํ กาตุนฺติ อโตฺถฯ วิกโณฺณ โหตีติ สุตฺตํ อเจฺฉตฺวา อเจฺฉตฺวา สิพฺพนฺตานํ เอโก สงฺฆาฎิโกโณ ทีโฆ โหติฯ วิกณฺณํ อุทฺธริตุนฺติ ทีฆโกณํ ฉินฺทิตุํฯ โอกิริยนฺตีติ ฉินฺนโกณโต คฬนฺติฯ อนุวาตํ ปริภณฺฑนฺติ อนุวาตเญฺจว ปริภณฺฑญฺจฯ ปตฺตา ลุชฺชนฺตีติ มหเนฺตสุ ปตฺตมุเขสุ ทินฺนานิ สุตฺตานิ คฬนฺติ, ตโต ปตฺตา ลุชฺชนฺติฯ อฎฺฐปทกํ กาตุนฺติ อฎฺฐปทกจฺฉเนฺนน ปตฺตมุขํ สิพฺพิตุํฯ
359.Paṃsukūlakatoti katapaṃsukūlo. Garuko hotīti jiṇṇajiṇṇaṭṭhāne aggaḷāropanena garuko hoti. Suttalūkhaṃ kātunti sutteneva aggaḷaṃ kātunti attho. Vikaṇṇo hotīti suttaṃ acchetvā acchetvā sibbantānaṃ eko saṅghāṭikoṇo dīgho hoti. Vikaṇṇaṃ uddharitunti dīghakoṇaṃ chindituṃ. Okiriyantīti chinnakoṇato gaḷanti. Anuvātaṃ paribhaṇḍanti anuvātañceva paribhaṇḍañca. Pattā lujjantīti mahantesu pattamukhesu dinnāni suttāni gaḷanti, tato pattā lujjanti. Aṭṭhapadakaṃ kātunti aṭṭhapadakacchannena pattamukhaṃ sibbituṃ.
๓๖๐. อนฺวาธิกมฺปิ อาโรเปตุนฺติ อาคนฺตุกปตฺตมฺปิ ทาตุํฯ อิทํ ปน อปฺปโหนเก อาโรเปตพฺพํฯ สเจ ปโหติ, อาคนฺตุกปตฺตํ น วฎฺฎติ, ฉินฺทิตพฺพเมวฯ
360.Anvādhikampi āropetunti āgantukapattampi dātuṃ. Idaṃ pana appahonake āropetabbaṃ. Sace pahoti, āgantukapattaṃ na vaṭṭati, chinditabbameva.
๓๖๑. น จ ภิกฺขเว สทฺธาเทยฺยนฺติ เอตฺถ เสสญาตีนํ เทโนฺต วินิปาเตติเยวฯ มาตาปิตโร ปน สเจ รเชฺช ฐิตา ปตฺถยนฺติ, ทาตพฺพํฯ
361.Na ca bhikkhave saddhādeyyanti ettha sesañātīnaṃ dento vinipātetiyeva. Mātāpitaro pana sace rajje ṭhitā patthayanti, dātabbaṃ.
๓๖๒. คิลาโนติ คิลานตาย คเหตฺวา คนฺตุํ อสมโตฺถฯ วสฺสิกสเงฺกตนฺติ วสฺสิเก จตฺตาโร มาเสฯ นทีปารนฺติ นทิยา ปาเร ภตฺตํ ภุญฺชิตพฺพํ โหติฯ อคฺคฬคุตฺติวิหาโรติ สเพฺพเสฺวว เจเตสุ คิลานวสฺสิกสเงฺกตนทีปารคมนอตฺถตกถินภาเวสุ อคฺคฬคุตฺติเยว ปมาณํฯ คุเตฺต เอว หิ วิหาเร เอเตสุ การเณสุ นิกฺขิปิตฺวา พหิ คนฺตุํ วฎฺฎติ, น อคุเตฺตฯ อารญฺญกสฺส ปน วิหาโร น สุคุโตฺต โหติ, เตน ภณฺฑุกฺขลิกาย ปกฺขิปิตฺวา ปาสาณสุสิร รุกฺขสุสิราทีสุ สุปฺปฎิจฺฉเนฺนสุ ฐเปตฺวา คนฺตพฺพํฯ
362.Gilānoti gilānatāya gahetvā gantuṃ asamattho. Vassikasaṅketanti vassike cattāro māse. Nadīpāranti nadiyā pāre bhattaṃ bhuñjitabbaṃ hoti. Aggaḷaguttivihāroti sabbesveva cetesu gilānavassikasaṅketanadīpāragamanaatthatakathinabhāvesu aggaḷaguttiyeva pamāṇaṃ. Gutte eva hi vihāre etesu kāraṇesu nikkhipitvā bahi gantuṃ vaṭṭati, na agutte. Āraññakassa pana vihāro na sugutto hoti, tena bhaṇḍukkhalikāya pakkhipitvā pāsāṇasusira rukkhasusirādīsu suppaṭicchannesu ṭhapetvā gantabbaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๒๒๑. ปจฺฉิมวิกปฺปนุปคจีวราทิกถา • 221. Pacchimavikappanupagacīvarādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปจฺฉิมวิกปฺปนุปคจีวราทิกถาวณฺณนา • Pacchimavikappanupagacīvarādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / นิสีทนาทิอนุชานนกถาวณฺณนา • Nisīdanādianujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / จีวรรชนกถาทิวณฺณนา • Cīvararajanakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๒๒๑. ปจฺฉิมวิกปฺปนุปคจีวราทิกถา • 221. Pacchimavikappanupagacīvarādikathā
