| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੨੧. ਪਚ੍ਛਿਮવਿਕਪ੍ਪਨੁਪਗਚੀવਰਾਦਿਕਥਾ
221. Pacchimavikappanupagacīvarādikathā
੩੫੮. ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਯਾਨਿ ਤਾਨਿ ਭਗવਤਾ ਅਨੁਞ੍ਞਾਤਾਨਿ ਤਿਚੀવਰਨ੍ਤਿ વਾ વਸ੍ਸਿਕਸਾਟਿਕਾਤਿ વਾ ਨਿਸੀਦਨਨ੍ਤਿ વਾ ਪਚ੍ਚਤ੍ਥਰਣਨ੍ਤਿ વਾ ਕਣ੍ਡੁਪ੍ਪਟਿਚ੍ਛਾਦੀਤਿ વਾ ਮੁਖਪੁਞ੍ਛਨਚੋਲ਼ਨ੍ਤਿ વਾ ਪਰਿਕ੍ਖਾਰਚੋਲ਼ਨ੍ਤਿ વਾ, ਸਬ੍ਬਾਨਿ ਤਾਨਿ ਅਧਿਟ੍ਠਾਤਬ੍ਬਾਨਿ ਨੁ ਖੋ, ਉਦਾਹੁ, વਿਕਪ੍ਪੇਤਬ੍ਬਾਨੀ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਤਿਚੀવਰਂ ਅਧਿਟ੍ਠਾਤੁਂ ਨ વਿਕਪ੍ਪੇਤੁਂ; વਸ੍ਸਿਕਸਾਟਿਕਂ વਸ੍ਸਾਨਂ ਚਾਤੁਮਾਸਂ ਅਧਿਟ੍ਠਾਤੁਂ, ਤਤੋ ਪਰਂ વਿਕਪ੍ਪੇਤੁਂ; ਨਿਸੀਦਨਂ ਅਧਿਟ੍ਠਾਤੁਂ ਨ વਿਕਪ੍ਪੇਤੁਂ; ਪਚ੍ਚਤ੍ਥਰਣਂ ਅਧਿਟ੍ਠਾਤੁਂ ਨ વਿਕਪ੍ਪੇਤੁਂ; ਕਣ੍ਡੁਪ੍ਪਟਿਚ੍ਛਾਦਿਂ ਯਾવਆਬਾਧਾ ਅਧਿਟ੍ਠਾਤੁਂ ਤਤੋ ਪਰਂ વਿਕਪ੍ਪੇਤੁਂ; ਮੁਖਪੁਞ੍ਛਨਚੋਲ਼ਂ ਅਧਿਟ੍ਠਾਤੁਂ ਨ વਿਕਪ੍ਪੇਤੁਂ; ਪਰਿਕ੍ਖਾਰਚੋਲ਼ਂ ਅਧਿਟ੍ਠਾਤੁਂ ਨ વਿਕਪ੍ਪੇਤੁਨ੍ਤਿ।
358. Atha kho bhikkhūnaṃ etadahosi – ‘‘yāni tāni bhagavatā anuññātāni ticīvaranti vā vassikasāṭikāti vā nisīdananti vā paccattharaṇanti vā kaṇḍuppaṭicchādīti vā mukhapuñchanacoḷanti vā parikkhāracoḷanti vā, sabbāni tāni adhiṭṭhātabbāni nu kho, udāhu, vikappetabbānī’’ti? Bhagavato etamatthaṃ ārocesuṃ. Anujānāmi, bhikkhave, ticīvaraṃ adhiṭṭhātuṃ na vikappetuṃ; vassikasāṭikaṃ vassānaṃ cātumāsaṃ adhiṭṭhātuṃ, tato paraṃ vikappetuṃ; nisīdanaṃ adhiṭṭhātuṃ na vikappetuṃ; paccattharaṇaṃ adhiṭṭhātuṃ na vikappetuṃ; kaṇḍuppaṭicchādiṃ yāvaābādhā adhiṭṭhātuṃ tato paraṃ vikappetuṃ; mukhapuñchanacoḷaṃ adhiṭṭhātuṃ na vikappetuṃ; parikkhāracoḷaṃ adhiṭṭhātuṃ na vikappetunti.
ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਕਿਤ੍ਤਕਂ ਪਚ੍ਛਿਮਂ ਨੁ ਖੋ ਚੀવਰਂ વਿਕਪ੍ਪੇਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਆਯਾਮੇਨ ਅਟ੍ਠਙ੍ਗੁਲਂ ਸੁਗਤਙ੍ਗੁਲੇਨ ਚਤੁਰਙ੍ਗੁਲવਿਤ੍ਥਤਂ ਪਚ੍ਛਿਮਂ ਚੀવਰਂ વਿਕਪ੍ਪੇਤੁਨ੍ਤਿ।
Atha kho bhikkhūnaṃ etadahosi – ‘‘kittakaṃ pacchimaṃ nu kho cīvaraṃ vikappetabba’’nti? Bhagavato etamatthaṃ ārocesuṃ. Anujānāmi, bhikkhave, āyāmena aṭṭhaṅgulaṃ sugataṅgulena caturaṅgulavitthataṃ pacchimaṃ cīvaraṃ vikappetunti.
੩੫੯. ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਮਹਾਕਸ੍ਸਪਸ੍ਸ ਪਂਸੁਕੂਲਕਤੋ ਗਰੁਕੋ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਸੁਤ੍ਤਲੂਖਂ ਕਾਤੁਨ੍ਤਿ। વਿਕਣ੍ਣੋ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, વਿਕਣ੍ਣਂ ਉਦ੍ਧਰਿਤੁਨ੍ਤਿ। ਸੁਤ੍ਤਾ ਓਕਿਰਿਯਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਅਨੁવਾਤਂ ਪਰਿਭਣ੍ਡਂ ਆਰੋਪੇਤੁਨ੍ਤਿ।
359. Tena kho pana samayena āyasmato mahākassapassa paṃsukūlakato garuko hoti. Bhagavato etamatthaṃ ārocesuṃ. Anujānāmi, bhikkhave, suttalūkhaṃ kātunti. Vikaṇṇo hoti. Bhagavato etamatthaṃ ārocesuṃ. Anujānāmi, bhikkhave, vikaṇṇaṃ uddharitunti. Suttā okiriyanti. Bhagavato etamatthaṃ ārocesuṃ. Anujānāmi, bhikkhave, anuvātaṃ paribhaṇḍaṃ āropetunti.
ਤੇਨ ਖੋ ਪਨ ਸਮਯੇਨ ਸਙ੍ਘਾਟਿਯਾ ਪਤ੍ਤਾ ਲੁਜ੍ਜਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਅਟ੍ਠਪਦਕਂ ਕਾਤੁਨ੍ਤਿ।
Tena kho pana samayena saṅghāṭiyā pattā lujjanti. Bhagavato etamatthaṃ ārocesuṃ. Anujānāmi, bhikkhave, aṭṭhapadakaṃ kātunti.
੩੬੦. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਤਿਚੀવਰੇ ਕਯਿਰਮਾਨੇ ਸਬ੍ਬਂ ਛਿਨ੍ਨਕਂ ਨਪ੍ਪਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਦ੍વੇ ਛਿਨ੍ਨਕਾਨਿ ਏਕਂ ਅਚ੍ਛਿਨ੍ਨਕਨ੍ਤਿ।
360. Tena kho pana samayena aññatarassa bhikkhuno ticīvare kayiramāne sabbaṃ chinnakaṃ nappahoti. Bhagavato etamatthaṃ ārocesuṃ. Anujānāmi, bhikkhave, dve chinnakāni ekaṃ acchinnakanti.
ਦ੍વੇ ਛਿਨ੍ਨਕਾਨਿ ਏਕਂ ਅਚ੍ਛਿਨ੍ਨਕਂ ਨਪ੍ਪਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਦ੍વੇ ਅਚ੍ਛਿਨ੍ਨਕਾਨਿ ਏਕਂ ਛਿਨ੍ਨਕਨ੍ਤਿ।
Dve chinnakāni ekaṃ acchinnakaṃ nappahoti. Bhagavato etamatthaṃ ārocesuṃ. Anujānāmi, bhikkhave, dve acchinnakāni ekaṃ chinnakanti.
ਦ੍વੇ ਅਚ੍ਛਿਨ੍ਨਕਾਨਿ ਏਕਂ ਛਿਨ੍ਨਕਂ ਨਪ੍ਪਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਅਨ੍વਾਧਿਕਮ੍ਪਿ ਆਰੋਪੇਤੁਂ, ਨ ਚ, ਭਿਕ੍ਖવੇ, ਸਬ੍ਬਂ ਅਚ੍ਛਿਨ੍ਨਕਂ ਧਾਰੇਤਬ੍ਬਂ। ਯੋ ਧਾਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ।
Dve acchinnakāni ekaṃ chinnakaṃ nappahoti. Bhagavato etamatthaṃ ārocesuṃ. Anujānāmi, bhikkhave, anvādhikampi āropetuṃ, na ca, bhikkhave, sabbaṃ acchinnakaṃ dhāretabbaṃ. Yo dhāreyya, āpatti dukkaṭassāti.
੩੬੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਬਹੁਂ ਚੀવਰਂ ਉਪ੍ਪਨ੍ਨਂ ਹੋਤਿ। ਸੋ ਚ ਤਂ ਚੀવਰਂ ਮਾਤਾਪਿਤੂਨਂ ਦਾਤੁਕਾਮੋ ਹੋਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਮਾਤਾਪਿਤਰੋਤਿ 1 ਖੋ, ਭਿਕ੍ਖવੇ, ਦਦਮਾਨੇ 2 ਕਿਂ વਦੇਯ੍ਯਾਮ? ਅਨੁਜਾਨਾਮਿ , ਭਿਕ੍ਖવੇ, ਮਾਤਾਪਿਤੂਨਂ ਦਾਤੁਂ। ਨ ਚ, ਭਿਕ੍ਖવੇ, ਸਦ੍ਧਾਦੇਯ੍ਯਂ વਿਨਿਪਾਤੇਤਬ੍ਬਂ। ਯੋ વਿਨਿਪਾਤੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ।
361. Tena kho pana samayena aññatarassa bhikkhuno bahuṃ cīvaraṃ uppannaṃ hoti. So ca taṃ cīvaraṃ mātāpitūnaṃ dātukāmo hoti. Bhagavato etamatthaṃ ārocesuṃ. Mātāpitaroti 3 kho, bhikkhave, dadamāne 4 kiṃ vadeyyāma? Anujānāmi , bhikkhave, mātāpitūnaṃ dātuṃ. Na ca, bhikkhave, saddhādeyyaṃ vinipātetabbaṃ. Yo vinipāteyya, āpatti dukkaṭassāti.
੩੬੨. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਨ੍ਧવਨੇ ਚੀવਰਂ ਨਿਕ੍ਖਿਪਿਤ੍વਾ ਸਨ੍ਤਰੁਤ੍ਤਰੇਨ ਗਾਮਂ ਪਿਣ੍ਡਾਯ ਪਾવਿਸਿ। ਚੋਰਾ ਤਂ ਚੀવਰਂ ਅવਹਰਿਂਸੁ। ਸੋ ਭਿਕ੍ਖੁ ਦੁਚ੍ਚੋਲ਼ੋ ਹੋਤਿ ਲੂਖਚੀવਰੋ। ਭਿਕ੍ਖੂ ਏવਮਾਹਂਸੁ – ‘‘ਕਿਸ੍ਸ ਤ੍વਂ, ਆવੁਸੋ, ਦੁਚ੍ਚੋਲ਼ੋ ਲੂਖਚੀવਰੋਸੀ’’ਤਿ? ‘‘ਇਧਾਹਂ 5, ਆવੁਸੋ, ਅਨ੍ਧવਨੇ ਚੀવਰਂ ਨਿਕ੍ਖਿਪਿਤ੍વਾ ਸਨ੍ਤਰੁਤ੍ਤਰੇਨ ਗਾਮਂ ਪਿਣ੍ਡਾਯ ਪਾવਿਸਿਂ। ਚੋਰਾ ਤਂ ਚੀવਰਂ ਅવਹਰਿਂਸੁ। ਤੇਨਾਹਂ ਦੁਚ੍ਚੋਲ਼ੋ ਲੂਖਚੀવਰੋ’’ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਨ, ਭਿਕ੍ਖવੇ, ਸਨ੍ਤਰੁਤ੍ਤਰੇਨ ਗਾਮੋ ਪવਿਸਿਤਬ੍ਬੋ। ਯੋ ਪવਿਸੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ।
362. Tena kho pana samayena aññataro bhikkhu andhavane cīvaraṃ nikkhipitvā santaruttarena gāmaṃ piṇḍāya pāvisi. Corā taṃ cīvaraṃ avahariṃsu. So bhikkhu duccoḷo hoti lūkhacīvaro. Bhikkhū evamāhaṃsu – ‘‘kissa tvaṃ, āvuso, duccoḷo lūkhacīvarosī’’ti? ‘‘Idhāhaṃ 6, āvuso, andhavane cīvaraṃ nikkhipitvā santaruttarena gāmaṃ piṇḍāya pāvisiṃ. Corā taṃ cīvaraṃ avahariṃsu. Tenāhaṃ duccoḷo lūkhacīvaro’’ti. Bhagavato etamatthaṃ ārocesuṃ. Na, bhikkhave, santaruttarena gāmo pavisitabbo. Yo paviseyya, āpatti dukkaṭassāti.
ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਆਨਨ੍ਦੋ ਅਸ੍ਸਤਿਯਾ ਸਨ੍ਤਰੁਤ੍ਤਰੇਨ ਗਾਮਂ ਪਿਣ੍ਡਾਯ ਪਾવਿਸਿ। ਭਿਕ੍ਖੂ ਆਯਸ੍ਮਨ੍ਤਂ ਆਨਨ੍ਦਂ ਏਤਦવੋਚੁਂ – ‘‘ਨਨੁ , ਆવੁਸੋ ਆਨਨ੍ਦ, ਭਗવਤਾ ਪਞ੍ਞਤ੍ਤਂ – ‘ਨ ਸਨ੍ਤਰੁਤ੍ਤਰੇਨ ਗਾਮੋ ਪવਿਸਿਤਬ੍ਬੋ’ਤਿ? ਕਿਸ੍ਸ ਤ੍વਂ, ਆવੁਸੋ ਆਨਨ੍ਦ, ਸਨ੍ਤਰੁਤ੍ਤਰੇਨ ਗਾਮਂ ਪવਿਟ੍ਠੋ’’ਤਿ? ‘‘ਸਚ੍ਚਂ, ਆવੁਸੋ, ਭਗવਤਾ ਪਞ੍ਞਤ੍ਤਂ – ‘ਨ ਸਨ੍ਤਰੁਤ੍ਤਰੇਨ ਗਾਮੋ ਪવਿਸਿਤਬ੍ਬੋ’ਤਿ। ਅਪਿ ਚਾਹਂ ਅਸ੍ਸਤਿਯਾ ਪવਿਟ੍ਠੋ’’ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ।
Tena kho pana samayena āyasmā ānando assatiyā santaruttarena gāmaṃ piṇḍāya pāvisi. Bhikkhū āyasmantaṃ ānandaṃ etadavocuṃ – ‘‘nanu , āvuso ānanda, bhagavatā paññattaṃ – ‘na santaruttarena gāmo pavisitabbo’ti? Kissa tvaṃ, āvuso ānanda, santaruttarena gāmaṃ paviṭṭho’’ti? ‘‘Saccaṃ, āvuso, bhagavatā paññattaṃ – ‘na santaruttarena gāmo pavisitabbo’ti. Api cāhaṃ assatiyā paviṭṭho’’ti. Bhagavato etamatthaṃ ārocesuṃ.
ਪਞ੍ਚਿਮੇ, ਭਿਕ੍ਖવੇ, ਪਚ੍ਚਯਾ ਸਙ੍ਘਾਟਿਯਾ ਨਿਕ੍ਖੇਪਾਯ – ਗਿਲਾਨੋ વਾ ਹੋਤਿ, વਸ੍ਸਿਕਸਙ੍ਕੇਤਂ વਾ ਹੋਤਿ, ਨਦੀਪਾਰਂ ਗਨ੍ਤੁਂ વਾ ਹੋਤਿ, ਅਗ੍ਗਲ਼ਗੁਤ੍ਤਿવਿਹਾਰੋ વਾ ਹੋਤਿ, ਅਤ੍ਥਤਕਥਿਨਂ વਾ ਹੋਤਿ। ਇਮੇ ਖੋ, ਭਿਕ੍ਖવੇ, ਪਞ੍ਚ ਪਚ੍ਚਯਾ ਸਙ੍ਘਾਟਿਯਾ ਨਿਕ੍ਖੇਪਾਯ।
Pañcime, bhikkhave, paccayā saṅghāṭiyā nikkhepāya – gilāno vā hoti, vassikasaṅketaṃ vā hoti, nadīpāraṃ gantuṃ vā hoti, aggaḷaguttivihāro vā hoti, atthatakathinaṃ vā hoti. Ime kho, bhikkhave, pañca paccayā saṅghāṭiyā nikkhepāya.
ਪਞ੍ਚਿਮੇ, ਭਿਕ੍ਖવੇ, ਪਚ੍ਚਯਾ ਉਤ੍ਤਰਾਸਙ੍ਗਸ੍ਸ ਨਿਕ੍ਖੇਪਾਯ…ਪੇ॰… ਅਨ੍ਤਰવਾਸਕਸ੍ਸ ਨਿਕ੍ਖੇਪਾਯ – ਗਿਲਾਨੋ વਾ ਹੋਤਿ, વਸ੍ਸਿਕਸਙ੍ਕੇਤਂ વਾ ਹੋਤਿ, ਨਦੀਪਾਰਂ ਗਨ੍ਤੁਂ વਾ ਹੋਤਿ, ਅਗ੍ਗਲ਼ਗੁਤ੍ਤਿવਿਹਾਰੋ વਾ ਹੋਤਿ, ਅਤ੍ਥਤਕਥਿਨਂ વਾ ਹੋਤਿ। ਇਮੇ ਖੋ, ਭਿਕ੍ਖવੇ, ਪਞ੍ਚ ਪਚ੍ਚਯਾ ਉਤ੍ਤਰਾਸਙ੍ਗਸ੍ਸ ਅਨ੍ਤਰવਾਸਕਸ੍ਸ ਨਿਕ੍ਖੇਪਾਯ।
Pañcime, bhikkhave, paccayā uttarāsaṅgassa nikkhepāya…pe… antaravāsakassa nikkhepāya – gilāno vā hoti, vassikasaṅketaṃ vā hoti, nadīpāraṃ gantuṃ vā hoti, aggaḷaguttivihāro vā hoti, atthatakathinaṃ vā hoti. Ime kho, bhikkhave, pañca paccayā uttarāsaṅgassa antaravāsakassa nikkhepāya.
ਪਞ੍ਚਿਮੇ, ਭਿਕ੍ਖવੇ, ਪਚ੍ਚਯਾ વਸ੍ਸਿਕਸਾਟਿਕਾਯ ਨਿਕ੍ਖੇਪਾਯ – ਗਿਲਾਨੋ વਾ ਹੋਤਿ, ਨਿਸ੍ਸੀਮਂ ਗਨ੍ਤੁਂ વਾ ਹੋਤਿ, ਨਦੀਪਾਰਂ ਗਨ੍ਤੁਂ વਾ ਹੋਤਿ, ਅਗ੍ਗਲ਼ਗੁਤ੍ਤਿવਿਹਾਰੋ વਾ ਹੋਤਿ, વਸ੍ਸਿਕਸਾਟਿਕਾ ਅਕਤਾ વਾ ਹੋਤਿ વਿਪ੍ਪਕਤਾ વਾ। ਇਮੇ ਖੋ, ਭਿਕ੍ਖવੇ, ਪਞ੍ਚ ਪਚ੍ਚਯਾ વਸ੍ਸਿਕਸਾਟਿਕਾਯ ਨਿਕ੍ਖੇਪਾਯਾਤਿ।
Pañcime, bhikkhave, paccayā vassikasāṭikāya nikkhepāya – gilāno vā hoti, nissīmaṃ gantuṃ vā hoti, nadīpāraṃ gantuṃ vā hoti, aggaḷaguttivihāro vā hoti, vassikasāṭikā akatā vā hoti vippakatā vā. Ime kho, bhikkhave, pañca paccayā vassikasāṭikāya nikkhepāyāti.
ਪਚ੍ਛਿਮવਿਕਪ੍ਪਨੁਪਗਚੀવਰਾਦਿਕਥਾ ਨਿਟ੍ਠਿਤਾ।
Pacchimavikappanupagacīvarādikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਚ੍ਛਿਮવਿਕਪ੍ਪਨੁਪਗਚੀવਰਾਦਿਕਥਾ • Pacchimavikappanupagacīvarādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਚ੍ਛਿਮવਿਕਪ੍ਪਨੁਪਗਚੀવਰਾਦਿਕਥਾવਣ੍ਣਨਾ • Pacchimavikappanupagacīvarādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਨਿਸੀਦਨਾਦਿਅਨੁਜਾਨਨਕਥਾવਣ੍ਣਨਾ • Nisīdanādianujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚੀવਰਰਜਨਕਥਾਦਿવਣ੍ਣਨਾ • Cīvararajanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੨੧. ਪਚ੍ਛਿਮવਿਕਪ੍ਪਨੁਪਗਚੀવਰਾਦਿਕਥਾ • 221. Pacchimavikappanupagacīvarādikathā
