| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. бажжубадтаанасан̃н̃агад̇т̇зраабад̣̇аанаван̣н̣анаа
9. Paccupaṭṭhānasaññakattheraapadānavaṇṇanā
ад̇т̇ад̣̇ассимхи суг̇ад̇зд̇иаад̣̇игам̣ ааяасмад̇о бажжубадтаанасан̃н̃агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о ад̇т̇ад̣̇ассисса бхаг̇авад̇о гаалз яагкаяонияам̣ ниб̣б̣ад̇д̇о бхаг̇авад̇и д̇харамаанз д̣̇ассанасса алад̣̇д̇хад̇д̇аа бажчаа бариниб̣б̣уд̇з махаасогаббад̇д̇о вихааси. д̇ад̣̇аа хисса бхаг̇авад̇о сааг̇ад̇о наама аг̇г̇асааваго анусаасанд̇о бхаг̇авад̇о саарийригад̇хаад̇убууж̇аа бхаг̇авад̇и д̇харамаанз гад̇абууж̇аа вияа жид̇д̇аббасаад̣̇авасаа махабпалам̣ бхавад̇ий’’д̇и вад̇ваа ‘‘т̇уубам̣ гарохий’’д̇и нияож̇ид̇о т̇уубам̣ гаарзси, д̇ам̣ бууж̇зд̇ваа д̇ад̇о жуд̇о д̣̇звамануссзсу саггажаггавад̇д̇исамбад̇д̇иманубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басийд̣̇ид̇ваа баб̣б̣аж̇ид̇ваа нажирассзва арахаа ахоси.
Atthadassimhi sugatetiādikaṃ āyasmato paccupaṭṭhānasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle yakkhayoniyaṃ nibbatto bhagavati dharamāne dassanassa aladdhattā pacchā parinibbute mahāsokappatto vihāsi. Tadā hissa bhagavato sāgato nāma aggasāvako anusāsanto bhagavato sārīrikadhātupūjā bhagavati dharamāne katapūjā viya cittappasādavasā mahapphalaṃ bhavatī’’ti vatvā ‘‘thūpaṃ karohī’’ti niyojito thūpaṃ kāresi, taṃ pūjetvā tato cuto devamanussesu sakkacakkavattisampattimanubhavitvā imasmiṃ buddhuppāde sāvatthiyaṃ ekasmiṃ kulagehe nibbatto viññutaṃ patto satthari pasīditvā pabbajitvā nacirasseva arahā ahosi.
72. со абарабхааг̇з ад̇д̇ано бун̃н̃агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ад̇т̇ад̣̇ассимхи суг̇ад̇зд̇иаад̣̇имааха. д̇ам̣ хздтаа вуд̇д̇амзва. яагкаяоним̣ убабаж̇ж̇инд̇и зд̇т̇а бана ад̇д̇ано сагаасам̣ самбад̇д̇асамбад̇д̇з каад̣̇анд̇аа яанд̇и г̇ажчанд̇ийд̇и яагкаа, яагкаанам̣ яони ж̇аад̇ийд̇и яагкаяони, яагкаяонияам̣ ниб̣б̣ад̇д̇од̇и ад̇т̇о.
72. So aparabhāge attano puññakammaṃ saritvā somanassajāto pubbacaritāpadānaṃ pakāsento atthadassimhi sugatetiādimāha. Taṃ heṭṭhā vuttameva. Yakkhayoniṃ upapajjinti ettha pana attano sakāsaṃ sampattasampatte khādantā yanti gacchantīti yakkhā, yakkhānaṃ yoni jātīti yakkhayoni, yakkhayoniyaṃ nibbattoti attho.
73. д̣̇уллад̣̇д̇хам̣ вад̇а мз аасийд̇и мз маяаа лад̣̇д̇хаяасам̣ д̣̇уллад̣̇д̇хам̣, б̣уд̣̇д̇хабхууд̇асса сад̇т̇уно саггаарам̣ агад̇ад̇д̇аа вираад̇хзд̇ваа лад̣̇д̇ханд̇и ад̇т̇о. д̣̇уббабхаад̇анд̇и д̣̇удту бабхаад̇ам̣ рад̇д̇ияаа бабхаад̇агаран̣ам̣, маяхам̣ на судтум̣ бабхаад̇анд̇и ад̇т̇о. д̣̇урудтид̇анд̇и д̣̇уудтид̇ам̣, суурияасса уг̇г̇аманам̣ маяхам̣ д̣̇ууг̇г̇амананд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
73.Dulladdhaṃvata me āsīti me mayā laddhayasaṃ dulladdhaṃ, buddhabhūtassa satthuno sakkāraṃ akatattā virādhetvā laddhanti attho. Duppabhātanti duṭṭhu pabhātaṃ rattiyā pabhātakaraṇaṃ, mayhaṃ na suṭṭhuṃ pabhātanti attho. Duruṭṭhitanti duuṭṭhitaṃ, sūriyassa uggamanaṃ mayhaṃ duuggamananti attho. Sesaṃ sabbattha uttānamevāti.
бажжубадтаанасан̃н̃агад̇т̇зраабад̣̇аанаван̣н̣анаа самад̇д̇аа.
Paccupaṭṭhānasaññakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. бажжубадтаанасан̃н̃агад̇т̇зраабад̣̇аанам̣ • 9. Paccupaṭṭhānasaññakattheraapadānaṃ
