| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
(3) баажид̇д̇ияаад̣̇ибан̃хааван̣н̣анаа
(3) Pācittiyādipañhāvaṇṇanā
481. салаагам̣ д̣̇знд̇асса асса бхигкусса чзж̇ж̇ам̣ ход̇ийд̇и яож̇анаа. ‘‘баарааж̇игам̣ ход̇ий’’д̇и иминаа ход̇ичзж̇ж̇анд̇и бад̣̇асса ад̇т̇ам̣ д̣̇ассзд̇и.
481. Salākaṃ dentassa assa bhikkhussa chejjaṃ hotīti yojanā. ‘‘Pārājikaṃ hotī’’ti iminā hotichejjanti padassa atthaṃ dasseti.
суббад̇идтид̇аниг̇род̇хасад̣̇исам̣ ругкамуулам̣, д̇амзва ваа г̇ахзд̇аб̣б̣ам̣.
Suppatiṭṭhitanigrodhasadisaṃ rukkhamūlaṃ, tameva vā gahetabbaṃ.
д̇иссид̇т̇ияод̇и зд̇т̇а бхуммад̇т̇з убаяог̇аважанам̣, бажжад̇д̇аважанам̣ ваад̇и ааха ‘‘д̇аасубий’’д̇и. ‘‘яам̣ д̇ам̣ мзт̇унам̣ наама д̇а’’нд̇и иминаа ‘‘мзт̇унам̣ яам̣ д̇а’’нд̇и бад̣̇аанам̣ самаанаад̇хигаран̣абхаавам̣ д̣̇ассзд̇и. ‘‘на сзвад̇ий’’д̇и иминаа на сзвзд̇и зд̇т̇а д̇игаарасса згаараад̣̇зсабхаавам̣ (ж̇аа. адта. 4.11.76 буд̇д̇о ваа бид̇арам̣ яаажз вияа) д̣̇ассзд̇и. д̇аяо бурисзд̇и зд̇т̇а ‘‘убаг̇анд̇ваа’’д̇и бад̣̇ам̣ аж̇жхаахарид̇ваа самб̣анд̇хид̇аб̣б̣анд̇и д̣̇ассзнд̇о ааха‘‘д̇аяо бурисзби убаг̇анд̇ваа’’д̇и. иминаа д̇аяо бурисзд̇и зд̇т̇а убаяог̇ад̇т̇з убаяог̇аважананд̇и д̣̇ассзд̇и. буриманаяам̣ г̇ахзд̇ваа зд̇т̇ааби ‘‘д̇ийсу бурисзсуу’’д̇и бхуммад̇т̇з убаяог̇аважананд̇и ад̇т̇оби яуж̇ж̇ад̇зва. имам̣ наяам̣ г̇ахзд̇ваа буримабад̣̇зби д̇иссид̇т̇ияо убаг̇анд̇ваад̇и убаяог̇ад̇т̇з убаяог̇аважананд̇и ад̇т̇оби яуж̇ж̇ад̇зва. д̇асмаа д̇з д̣̇вз наяаа ан̃н̃аман̃н̃обад̣̇зсад̣̇ааяаганаяаа наамаад̇и д̣̇адтаб̣б̣ам̣. ‘‘убхад̇об̣яан̃ж̇анасан̇каад̇з’’д̇и иминаа анарияасад̣̇д̣̇зна убхад̇об̣яан̃ж̇анова ид̇ха г̇ахзд̇аб̣б̣од̇и д̣̇ассзд̇и. ‘‘наажарад̇ий’’д̇и иминаа на жаажарзд̇и зд̇т̇ааби д̇исад̣̇д̣̇асса згаараад̣̇зсабхаавамзва д̣̇ассзд̇и. мзт̇унад̇хаммасса буб̣б̣абхааг̇ам̣ гааяасам̣саг̇г̇ам̣ аабаж̇ж̇ид̇ум̣ вааяаманд̇ияаа д̇ассаа бхигкунияаад̇и яож̇анаа.
Tissitthiyoti ettha bhummatthe upayogavacanaṃ, paccattavacanaṃ vāti āha ‘‘tāsupī’’ti. ‘‘Yaṃ taṃ methunaṃ nāma ta’’nti iminā ‘‘methunaṃ yaṃ ta’’nti padānaṃ samānādhikaraṇabhāvaṃ dasseti. ‘‘Na sevatī’’ti iminā na seveti ettha tikārassa ekārādesabhāvaṃ (jā. aṭṭha. 4.11.76 putto vā pitaraṃ yāce viya) dasseti. Tayo puriseti ettha ‘‘upagantvā’’ti padaṃ ajjhāharitvā sambandhitabbanti dassento āha‘‘tayo purisepi upagantvā’’ti. Iminā tayo puriseti ettha upayogatthe upayogavacananti dasseti. Purimanayaṃ gahetvā etthāpi ‘‘tīsu purisesū’’ti bhummatthe upayogavacananti atthopi yujjateva. Imaṃ nayaṃ gahetvā purimapadepi tissitthiyo upagantvāti upayogatthe upayogavacananti atthopi yujjateva. Tasmā te dve nayā aññamaññopadesadāyakanayā nāmāti daṭṭhabbaṃ. ‘‘Ubhatobyañjanasaṅkhāte’’ti iminā anariyasaddena ubhatobyañjanova idha gahetabboti dasseti. ‘‘Nācaratī’’ti iminā na cācareti etthāpi tisaddassa ekārādesabhāvameva dasseti. Methunadhammassa pubbabhāgaṃ kāyasaṃsaggaṃ āpajjituṃ vāyamantiyā tassā bhikkhuniyāti yojanā.
ассаад̇и г̇аат̇ааяа, д̇ид̇т̇ияо аараад̇хаго ход̇ийд̇и яож̇анаа. д̇ад̇т̇зваад̇и д̇ид̇т̇ияавад̇д̇з зва. ассаад̇и д̇ид̇т̇ияасса. д̇амзваад̇и д̇ид̇т̇ияавад̇д̇амзва.
Assāti gāthāya, titthiyo ārādhako hotīti yojanā. Tatthevāti titthiyavatte eva. Assāti titthiyassa. Tamevāti titthiyavattameva.
сан̇гхаад̣̇исзсанд̇иаад̣̇иг̇аат̇аа вуд̇д̇аад̇и самб̣анд̇хо. д̇анд̇и аж̇жхохаран̣ам̣.
Saṅghādisesantiādigāthā vuttāti sambandho. Tanti ajjhoharaṇaṃ.
аагаасаг̇ад̇ам̣ сааман̣зранд̇и самб̣анд̇хо. сан̇гхзнабийд̇и бисад̣̇д̣̇о на гаммаарахзнзваад̇и д̣̇ассзд̇и. ‘‘на гаад̇аб̣б̣а’’нд̇и иминаа сан̇гхоби гаммаарахоби бхуумиг̇ад̇ова ваддад̇ийд̇и д̣̇ассзд̇и.
Ākāsagataṃ sāmaṇeranti sambandho. Saṅghenapīti pisaddo na kammārahenevāti dasseti. ‘‘Na kātabba’’nti iminā saṅghopi kammārahopi bhūmigatova vaṭṭatīti dasseti.
ассаад̇и г̇аат̇ааяа винижчаяод̇и самб̣анд̇хо.
Assāti gāthāya vinicchayoti sambandho.
‘‘на д̣̇зд̇и, на бадиг̇г̇ан̣хаад̇ий’’д̇и гирияаабад̣̇аанам̣ гад̇д̇аарам̣ д̣̇ассзнд̇о ааха ‘‘нааби уяяож̇игаа’’д̇иаад̣̇и. д̇ассаад̇и авассуд̇абурисасса. ‘‘гааран̣знаа’’д̇и иминаа д̇знаад̇и бад̣̇асса гааран̣ад̇т̇ам̣ д̣̇ассзд̇и. звасад̣̇д̣̇о бана самбхававасзна яож̇ид̇о, на ан̃н̃зна гааран̣знаад̇и ад̇т̇о, авассуд̇асса бурисассаад̇и самб̣анд̇хо. г̇ахан̣зд̇и уяяож̇ид̇ааяа г̇ахан̣з. д̇ан̃жа барибхог̇абажжаяаад̇и зд̇т̇а д̇асад̣̇д̣̇асса висаяам̣, барибхог̇асса жа самб̣анд̇хам̣ д̣̇ассзнд̇о ааха ‘‘д̇ан̃жа банаа’’д̇иаад̣̇и. д̇ад̇т̇а ‘‘аабад̇д̇и’’нд̇и иминаа д̇асад̣̇д̣̇асса висаяам̣ д̣̇ассзд̇и. ‘‘д̇ассаа уяяож̇ид̇ааяаа’’д̇и иминаа барибхог̇асса самб̣анд̇хам̣ д̣̇ассзд̇и. д̇ассаад̇и уяяож̇ид̇ааяа.
‘‘Na deti, na paṭiggaṇhātī’’ti kiriyāpadānaṃ kattāraṃ dassento āha ‘‘nāpi uyyojikā’’tiādi. Tassāti avassutapurisassa. ‘‘Kāraṇenā’’ti iminā tenāti padassa kāraṇatthaṃ dasseti. Evasaddo pana sambhavavasena yojito, na aññena kāraṇenāti attho, avassutassa purisassāti sambandho. Gahaṇeti uyyojitāya gahaṇe. Tañca paribhogapaccayāti ettha tasaddassa visayaṃ, paribhogassa ca sambandhaṃ dassento āha ‘‘tañca panā’’tiādi. Tattha ‘‘āpatti’’nti iminā tasaddassa visayaṃ dasseti. ‘‘Tassā uyyojitāyā’’ti iminā paribhogassa sambandhaṃ dasseti. Tassāti uyyojitāya.
сад̇д̇арасагзсу сан̇гхаад̣̇исзсзсууд̇и самб̣анд̇хо. важ̇ж̇ам̣ на пусад̇ийд̇и бад̣̇асса ад̇т̇ам̣ д̣̇ассзнд̇о ааха ‘‘ан̃н̃ам̣ навам̣ аабад̇д̇и’’нд̇и.
Sattarasakesu saṅghādisesesūti sambandho. Vajjaṃ na phusatīti padassa atthaṃ dassento āha ‘‘aññaṃ navaṃ āpatti’’nti.
ид̇и сзд̣̇аможигаг̇аат̇ааван̣н̣анааяа яож̇анаа самад̇д̇аа.
Iti sedamocikagāthāvaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 3. баажид̇д̇ияаад̣̇ибан̃хаа • 3. Pācittiyādipañhā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / (3) баажид̇д̇ияаад̣̇ибан̃хааван̣н̣анаа • (3) Pācittiyādipañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баарааж̇игаад̣̇ибан̃хаван̣н̣анаа • Pārājikādipañhavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баажид̇д̇ияаад̣̇ибан̃хааван̣н̣анаа • Pācittiyādipañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баарааж̇игаад̣̇ибан̃хааван̣н̣анаа • Pārājikādipañhāvaṇṇanā
