Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya

баажид̇д̇ияагат̇аа

Pācittiyakathā

889.

самбаж̇аанамусааваад̣̇з , баажид̇д̇ияамуд̣̇ийрид̇ам̣;

Sampajānamusāvāde , pācittiyamudīritaṃ;

д̣̇аваа раваа бхан̣анд̇асса, на д̣̇осуммад̇д̇агаад̣̇ино.

Davā ravā bhaṇantassa, na dosummattakādino.

890.

ан̃н̃ад̇т̇аабад̇д̇ияо бан̃жа, мусааваад̣̇асса гааран̣аа;

Aññatthāpattiyo pañca, musāvādassa kāraṇā;

самудтаанаад̣̇аяо саб̣б̣з, ад̣̇иннаад̣̇аанад̇уляагаа.

Samuṭṭhānādayo sabbe, adinnādānatulyakā.

самбаж̇аанамусааваад̣̇агат̇аа.

Sampajānamusāvādakathā.

891.

ж̇аад̇иаад̣̇ийсу вуд̇д̇зсу, д̣̇асасваггосавад̇т̇усу;

Jātiādīsu vuttesu, dasasvakkosavatthusu;

бхууд̇зна ваа абхууд̇зна, язна гзнажи вад̇т̇унаа.

Bhūtena vā abhūtena, yena kenaci vatthunā.

892.

яааяа гааяажи бхаасааяа, хад̇т̇амуд̣̇д̣̇ааяа ваа бана;

Yāya kāyaci bhāsāya, hatthamuddāya vā pana;

баарааж̇игаманаабаннам̣, бхигкумаабаннамзва ваа.

Pārājikamanāpannaṃ, bhikkhumāpannameva vā.

893.

ан̃н̃ад̇ран̃н̃аабад̣̇зсзна, омасанд̇асса бхигкуно;

Aññatraññāpadesena, omasantassa bhikkhuno;

д̇ад̇т̇а баажид̇д̇ияаабад̇д̇и, самб̣уд̣̇д̇хзна багаасид̇аа.

Tattha pācittiyāpatti, sambuddhena pakāsitā.

894.

д̇зхзван̃н̃аабад̣̇зсзна , баал̣имуд̇д̇абад̣̇зхиби;

Tehevaññāpadesena , pāḷimuttapadehipi;

саб̣б̣ад̇т̇аанубасамбаннам̣, аггосанд̇асса д̣̇уггадам̣.

Sabbatthānupasampannaṃ, akkosantassa dukkaṭaṃ.

895.

анаггосид̇угаамасса, гзвалам̣ д̣̇авагамяад̇аа;

Anakkositukāmassa, kevalaṃ davakamyatā;

вад̣̇ад̇о бана саб̣б̣ад̇т̇а, д̣̇уб̣бхаасид̇амуд̣̇ийрид̇ам̣.

Vadato pana sabbattha, dubbhāsitamudīritaṃ.

896.

бавидтаанубасамбанна-дтаанз ид̇ха жа бхигкуний;

Paviṭṭhānupasampanna-ṭṭhāne idha ca bhikkhunī;

анаабад̇д̇и бурагкад̇ваа, ад̇т̇ад̇хаммаанусаасаним̣.

Anāpatti purakkhatvā, atthadhammānusāsaniṃ.

897.

вад̣̇ад̇о бана бхигкусса, самудтаанаад̣̇аяо наяаа;

Vadato pana bhikkhussa, samuṭṭhānādayo nayā;

ананд̇арасамаа вуд̇д̇аа, д̣̇угкаа ход̇зд̇т̇а взд̣̇анаа.

Anantarasamā vuttā, dukkhā hotettha vedanā.

омасаваад̣̇агат̇аа.

Omasavādakathā.

898.

аабад̇д̇и бхигкубзсун̃н̃з, д̣̇увид̇хаагаарад̇о сияаа;

Āpatti bhikkhupesuññe, duvidhākārato siyā;

ад̇д̇ано бияагаамасса, барабхзд̣̇ад̇т̇иноби ваа.

Attano piyakāmassa, parabhedatthinopi vā.

899.

аггосанд̇асса барияааяа-баал̣имуд̇д̇анаязхи жа;

Akkosantassa pariyāya-pāḷimuttanayehi ca;

важанассубасам̣хаарз, ход̇и аабад̇д̇и д̣̇уггадам̣.

Vacanassupasaṃhāre, hoti āpatti dukkaṭaṃ.

900.

д̇ат̇аа анубасамбанна-аггосам̣ харад̇оби жа;

Tathā anupasampanna-akkosaṃ haratopi ca;

тид̇аа анубасамбанна-дтаанз ид̇ха жа бхигкуний.

Ṭhitā anupasampanna-ṭṭhāne idha ca bhikkhunī.

901.

на жзва бияагаамасса, на жа бхзд̣̇ад̇т̇иноби ваа;

Na ceva piyakāmassa, na ca bhedatthinopi vā;

баабаанам̣ г̇арахад̇т̇ааяа, вад̣̇анд̇асса жа бхигкуно.

Pāpānaṃ garahatthāya, vadantassa ca bhikkhuno.

902.

д̇ат̇аа уммад̇д̇агаад̣̇ийнам̣, анаабад̇д̇ийд̇и д̣̇ийбид̇аа;

Tathā ummattakādīnaṃ, anāpattīti dīpitā;

самудтаанаад̣̇аяо саб̣б̣з, ад̣̇иннаад̣̇аанасаад̣̇исаа.

Samuṭṭhānādayo sabbe, adinnādānasādisā.

бзсун̃н̃агат̇аа.

Pesuññakathā.

903.

табзд̇ваа бхигкуним̣ бхигкум̣, ан̃н̃зна бидагад̇д̇аяам̣;

Ṭhapetvā bhikkhuniṃ bhikkhuṃ, aññena piṭakattayaṃ;

д̇хаммам̣ саха бхан̣анд̇асса, д̇асса баажид̇д̇ияам̣ сияаа.

Dhammaṃ saha bhaṇantassa, tassa pācittiyaṃ siyā.

904.

рааж̇оваад̣̇аад̣̇аяо вуд̇д̇аа, махаабажжарияаад̣̇ису;

Rājovādādayo vuttā, mahāpaccariyādisu;

анаарул̣хзсу сан̇г̇ийд̇им̣, аабад̇д̇иж̇анагаад̇и хи.

Anāruḷhesu saṅgītiṃ, āpattijanakāti hi.

905.

д̣̇уггадам̣ ход̇и бхигкусмим̣, д̇ат̇аа бхигкунияааби жа;

Dukkaṭaṃ hoti bhikkhusmiṃ, tathā bhikkhuniyāpi ca;

бхигкуссаанубасамбанна-сан̃н̃ино вимад̇исса ваа.

Bhikkhussānupasampanna-saññino vimatissa vā.

906.

згад̇о уд̣̇д̣̇исаабзд̇и, саж̇жхааяам̣ ваа гарод̇и яо;

Ekato uddisāpeti, sajjhāyaṃ vā karoti yo;

бхан̣анд̇ам̣ баг̇ун̣ам̣ г̇ант̇ам̣, обаад̇зд̇и жа яо бана.

Bhaṇantaṃ paguṇaṃ ganthaṃ, opāteti ca yo pana.

907.

д̇асса жаанубасамбанна-санд̇игз г̇ан̣хад̇оби жа;

Tassa cānupasampanna-santike gaṇhatopi ca;

уд̣̇д̣̇зсам̣ д̇у анаабад̇д̇и, бхан̣анз д̇зна згад̇о.

Uddesaṃ tu anāpatti, bhaṇane tena ekato.

908.

ваажад̇о жа самудтаад̇и, ваажаажид̇д̇ад̣̇ваяааби жа;

Vācato ca samuṭṭhāti, vācācittadvayāpi ca;

самудтаанамид̣̇ам̣ вуд̇д̇ам̣, бад̣̇асод̇хаммасан̃н̃ид̇ам̣.

Samuṭṭhānamidaṃ vuttaṃ, padasodhammasaññitaṃ.

бад̣̇асод̇хаммагат̇аа.

Padasodhammakathā.

909.

саб̣б̣ажчаннабарижчаннз, нибаж̇ж̇зяяа сажз бана;

Sabbacchannaparicchanne, nipajjeyya sace pana;

язбхуяязна барижчаннз, чаннз сзнаасанзби ваа.

Yebhuyyena paricchanne, channe senāsanepi vā.

910.

д̇иссаннам̣ бана рад̇д̇ийнам̣, уд̣̇д̇хам̣ яо бана рад̇д̇ияам̣;

Tissannaṃ pana rattīnaṃ, uddhaṃ yo pana rattiyaṃ;

табзд̇ваа бхигкум̣ ан̃н̃зна, д̇асса баажид̇д̇ияам̣ сияаа.

Ṭhapetvā bhikkhuṃ aññena, tassa pācittiyaṃ siyā.

911.

вад̇т̇ум̣ яам̣ бана нид̣̇д̣̇идтам̣, мзт̇унасса бахонагам̣;

Vatthuṃ yaṃ pana niddiṭṭhaṃ, methunassa pahonakaṃ;

аабад̇яанд̇амасо д̇зна, д̇иражчаанаг̇ад̇знаби.

Āpatyantamaso tena, tiracchānagatenapi.

912.

нибаннз убасамбаннз, ид̇аро жз нибаж̇ж̇ад̇и;

Nipanne upasampanne, itaro ce nipajjati;

ид̇арасмим̣ нибаннз ваа, сажз бхигку нибаж̇ж̇ад̇и.

Itarasmiṃ nipanne vā, sace bhikkhu nipajjati.

913.

убхиннам̣ удтахид̇ваа ваа, нибаж̇ж̇анабаяог̇ад̇о;

Ubhinnaṃ uṭṭhahitvā vā, nipajjanapayogato;

аабад̇д̇аанубасамбанна-г̇ан̣анааяаби ваа сияаа.

Āpattānupasampanna-gaṇanāyapi vā siyā.

914.

сажз бид̇хааяа ваа г̇аб̣бхам̣, нибаж̇ж̇ад̇ибид̇хааяа ваа;

Sace pidhāya vā gabbhaṃ, nipajjatipidhāya vā;

аабад̇д̇ад̇т̇ан̇г̇ад̇з суурияз, жад̇уд̇т̇ад̣̇ивасз сияаа.

Āpattatthaṅgate sūriye, catutthadivase siyā.

915.

д̣̇ияад̣дхахад̇т̇уб̣б̣зд̇хзна , баагааражаяанаад̣̇инаа;

Diyaḍḍhahatthubbedhena , pākāracayanādinā;

баригкид̇д̇амби д̇ам̣ саб̣б̣ам̣, баригкид̇д̇анд̇и вужжад̇и.

Parikkhittampi taṃ sabbaṃ, parikkhittanti vuccati.

916.

бхигкуссанд̇амасо д̣̇усса-гудияам̣ васад̇оби жа;

Bhikkhussantamaso dussa-kuṭiyaṃ vasatopi ca;

сахасзяяааяа аабад̇д̇и, ход̇ийд̇и барид̣̇ийбид̇о.

Sahaseyyāya āpatti, hotīti paridīpito.

917.

саб̣б̣ажчаннабарижчанна-язбхуяяаад̣̇иббабхзд̣̇ад̇о;

Sabbacchannaparicchanna-yebhuyyādippabhedato;

сад̇д̇а баажид̇д̇ияаанзд̇т̇а, д̣̇адтаб̣б̣аани суб̣уд̣̇д̇хинаа.

Satta pācittiyānettha, daṭṭhabbāni subuddhinā.

918.

ад̣дхажчаннабарижчаннз, д̣̇уггадам̣ барид̣̇ийбид̇ам̣;

Aḍḍhacchannaparicchanne, dukkaṭaṃ paridīpitaṃ;

саб̣б̣ажуул̣абарижчанна-чаннаад̣̇ийхиби бан̃жад̇хаа.

Sabbacūḷaparicchanna-channādīhipi pañcadhā.

919.

анаабад̇д̇и д̣̇ирад̇д̇ам̣ ваа, д̇ирад̇д̇ам̣ васад̇о саха;

Anāpatti dirattaṃ vā, tirattaṃ vasato saha;

арун̣асса бурзязва, д̇ад̇ияааяа жа рад̇д̇ияаа.

Aruṇassa pureyeva, tatiyāya ca rattiyā.

920.

нигкамид̇ваа васанд̇асса, буна сад̣̇д̇хин̃жа бхигкуно;

Nikkhamitvā vasantassa, puna saddhiñca bhikkhuno;

д̇ат̇аа саб̣б̣абарижчанна-саб̣б̣ажчаннаад̣̇игзби жа.

Tathā sabbaparicchanna-sabbacchannādikepi ca.

921.

звам̣ анубасамбаннз, нибаннзби нисийд̣̇ад̇о;

Evaṃ anupasampanne, nipannepi nisīdato;

сзсаа зл̣агаломзна, самудтаанаад̣̇аяо самаа.

Sesā eḷakalomena, samuṭṭhānādayo samā.

сахасзяяагат̇аа.

Sahaseyyakathā.

922.

сажз д̇ад̣̇ахуж̇аад̇ааяа, аби яо маанусид̇т̇ияаа;

Sace tadahujātāya, api yo mānusitthiyā;

сахасзяяам̣ багаббзяяа, д̇асса баажид̇д̇ияам̣ сияаа.

Sahaseyyaṃ pakappeyya, tassa pācittiyaṃ siyā.

923.

д̣̇иссамаанагаруубааяа, яагкияаа бзд̇ияаа саха;

Dissamānakarūpāya, yakkhiyā petiyā saha;

рад̇д̇ияам̣ яо нибаж̇ж̇зяяа, д̣̇звияаа бан̣д̣агзна ваа.

Rattiyaṃ yo nipajjeyya, deviyā paṇḍakena vā.

924.

мзт̇унавад̇т̇убхууд̇ааяа, д̇иражчаанаг̇ад̇ид̇т̇ияаа;

Methunavatthubhūtāya, tiracchānagatitthiyā;

вад̇т̇уунам̣ г̇ан̣анааяасса, ход̇и аабад̇д̇и д̣̇уггадам̣.

Vatthūnaṃ gaṇanāyassa, hoti āpatti dukkaṭaṃ.

925.

ид̇хзгад̣̇ивасзнзва , аабад̇д̇и барид̣̇ийбид̇аа;

Idhekadivaseneva , āpatti paridīpitā;

сзсо ананд̇арз вуд̇д̇а-сад̣̇исова винижчаяо.

Seso anantare vutta-sadisova vinicchayo.

д̣̇уд̇ияасахасзяяагат̇аа.

Dutiyasahaseyyakathā.

926.

уд̣̇д̇хам̣ чаббан̃жаваажаахи, вин̃н̃ум̣ бурисавиг̇г̇ахам̣;

Uddhaṃ chappañcavācāhi, viññuṃ purisaviggahaṃ;

винаа д̇хаммам̣ бхан̣анд̇асса, ход̇и баажид̇д̇и ид̇т̇ияаа.

Vinā dhammaṃ bhaṇantassa, hoti pācitti itthiyā.

927.

г̇аат̇аабаад̣̇о банзгова, згаваажаад̇и сан̃н̃ид̇о;

Gāthāpādo panekova, ekavācāti saññito;

бад̣̇асод̇хаммам̣ нид̣̇д̣̇идтам̣, д̇хаммамадтагат̇амби ваа.

Padasodhammaṃ niddiṭṭhaṃ, dhammamaṭṭhakathampi vā.

928.

чаннам̣ убари ваажаанам̣, бад̣̇аад̣̇ийнам̣ васаа бана;

Channaṃ upari vācānaṃ, padādīnaṃ vasā pana;

д̣̇зсзнд̇асса сияаабад̇д̇и, бад̣̇аад̣̇иг̇ан̣анааяа жа.

Desentassa siyāpatti, padādigaṇanāya ca.

929.

нимминид̇ваа тид̇знааби, сад̣̇д̇хим̣ бурисавиг̇г̇ахам̣;

Nimminitvā ṭhitenāpi, saddhiṃ purisaviggahaṃ;

яагкзнаби жа бзд̇зна, д̇иражчаанаг̇ад̇знаби.

Yakkhenapi ca petena, tiracchānagatenapi.

930.

тид̇асса маад̇уг̇аамасса, д̇хаммам̣ яо бана бхаасад̇и;

Ṭhitassa mātugāmassa, dhammaṃ yo pana bhāsati;

чаннам̣ убари ваажаанам̣, д̇асса баажид̇д̇ияам̣ сияаа.

Channaṃ upari vācānaṃ, tassa pācittiyaṃ siyā.

931.

бурисз ид̇т̇исан̃н̃исса, вимад̇исса жа бан̣д̣агз;

Purise itthisaññissa, vimatissa ca paṇḍake;

уд̇д̇ари чахи ваажаахи, вад̣̇ад̇о ход̇и д̣̇уггадам̣.

Uttari chahi vācāhi, vadato hoti dukkaṭaṃ.

932.

ид̇т̇ируубам̣ г̇ахзд̇ваана, тид̇аанам̣ бхаасад̇оби жа;

Itthirūpaṃ gahetvāna, ṭhitānaṃ bhāsatopi ca;

д̣̇уггадам̣ яагкибзд̇ийнам̣, д̇иражчаанаг̇ад̇ид̇т̇ияаа.

Dukkaṭaṃ yakkhipetīnaṃ, tiracchānagatitthiyā.

933.

бурисз сад̇и вин̃н̃усмим̣, саяам̣ удтааяа ваа буна;

Purise sati viññusmiṃ, sayaṃ uṭṭhāya vā puna;

д̣̇зсзнд̇асса нисийд̣̇ид̇ваа, маад̇уг̇аамасса ваа д̇ат̇аа.

Desentassa nisīditvā, mātugāmassa vā tathā.

934.

ан̃н̃иссаа буна ан̃н̃иссаа, ид̇т̇ияаа бхан̣ад̇оби жа;

Aññissā puna aññissā, itthiyā bhaṇatopi ca;

чахи бан̃жахи ваажаахи, анаабад̇д̇и багаасид̇аа.

Chahi pañcahi vācāhi, anāpatti pakāsitā.

935.

бад̣̇асод̇хаммад̇уляаава, самудтаанаад̣̇аяо мад̇аа;

Padasodhammatulyāva, samuṭṭhānādayo matā;

аяамзва висзсод̇и, грияаагрияамид̣̇ам̣ бана.

Ayameva visesoti, kriyākriyamidaṃ pana.

д̇хаммад̣̇зсанаагат̇аа.

Dhammadesanākathā.

936.

махаг̇г̇ад̇ам̣ бан̣ийд̇ам̣ ваа, аарожзнд̇асса бхигкуно;

Mahaggataṃ paṇītaṃ vā, ārocentassa bhikkhuno;

табзд̇ваа бхигкуним̣ бхигкум̣, бхууд̇з баажид̇д̇ияам̣ сияаа.

Ṭhapetvā bhikkhuniṃ bhikkhuṃ, bhūte pācittiyaṃ siyā.

937.

но жз ж̇аанаад̇и со вуд̇д̇ам̣, аарожзнд̇асса бхигкуно;

No ce jānāti so vuttaṃ, ārocentassa bhikkhuno;

барияааяаважанз жасса, ход̇и аабад̇д̇и д̣̇уггадам̣.

Pariyāyavacane cassa, hoti āpatti dukkaṭaṃ.

938.

анаабад̇д̇и д̇ат̇ааруубз, гааран̣з сад̇и бхаасад̇о;

Anāpatti tathārūpe, kāraṇe sati bhāsato;

саб̣б̣ассаби жа сийлаад̣̇им̣, вад̣̇ад̇о аад̣̇игаммино.

Sabbassapi ca sīlādiṃ, vadato ādikammino.

939.

уммад̇д̇агабад̣̇ам̣ зд̇т̇а, на вуд̇д̇ам̣ д̇ад̣̇асамбхаваа;

Ummattakapadaṃ ettha, na vuttaṃ tadasambhavā;

бхууд̇аарожанагам̣ наама, самудтаанамид̣̇ам̣ мад̇ам̣.

Bhūtārocanakaṃ nāma, samuṭṭhānamidaṃ mataṃ.

940.

гааяад̇о ваажад̇о гааяа-ваажад̇о жа д̇ид̇хаа сияаа;

Kāyato vācato kāya-vācato ca tidhā siyā;

гусалааб̣яаагад̇зхзва, д̣̇вижид̇д̇ан̃жа д̣̇вивзд̣̇анам̣.

Kusalābyākateheva, dvicittañca dvivedanaṃ.

бхууд̇аарожанагат̇аа.

Bhūtārocanakathā.

941.

аабад̇д̇им̣ бана д̣̇удтуллам̣, аарожзнд̇асса бхигкуно;

Āpattiṃ pana duṭṭhullaṃ, ārocentassa bhikkhuno;

аабад̇д̇аанубасамбаннз, табзд̇ваа бхигкусаммуд̇им̣.

Āpattānupasampanne, ṭhapetvā bhikkhusammutiṃ.

942.

сан̇гхаад̣̇исзсамаабанно, можзд̇ваа асужим̣ аяам̣;

Saṅghādisesamāpanno, mocetvā asuciṃ ayaṃ;

гхадзд̇ваа вад̇т̇унаабад̇д̇им̣, вад̣̇анд̇ассзва важ̇ж̇ад̇аа.

Ghaṭetvā vatthunāpattiṃ, vadantasseva vajjatā.

943.

ид̇ха сан̇гхаад̣̇исзсаава, д̣̇удтуллаабад̇д̇ияо мад̇аа;

Idha saṅghādisesāva, duṭṭhullāpattiyo matā;

д̇асмаа суд̣̇д̇хасса д̣̇удтуллам̣, вад̣̇ам̣ баажид̇д̇ияам̣ пусз.

Tasmā suddhassa duṭṭhullaṃ, vadaṃ pācittiyaṃ phuse.

944.

ад̣̇удтуллааяа д̣̇удтулла-сан̃н̃ино вимад̇исса ваа;

Aduṭṭhullāya duṭṭhulla-saññino vimatissa vā;

аабад̇д̇ияоби ваа сзсаа, аарожзнд̇асса д̣̇уггадам̣.

Āpattiyopi vā sesā, ārocentassa dukkaṭaṃ.

945.

д̇ат̇аа анубасамбаннз, д̣̇удтуллам̣ бан̃жад̇хаа мад̇ам̣;

Tathā anupasampanne, duṭṭhullaṃ pañcadhā mataṃ;

аж̇жхаажаарамад̣̇удтуллам̣, аарожзд̇ум̣ на ваддад̇и.

Ajjhācāramaduṭṭhullaṃ, ārocetuṃ na vaṭṭati.

946.

вад̇т̇ум̣ ваа бана аабад̇д̇им̣, аарожзнд̇асса гзвалам̣;

Vatthuṃ vā pana āpattiṃ, ārocentassa kevalaṃ;

анаабад̇д̇ийд̇и н̃аад̇аб̣б̣ам̣, бхигкусаммуд̇ияаа д̇ат̇аа.

Anāpattīti ñātabbaṃ, bhikkhusammutiyā tathā.

947.

звамуммад̇д̇агаад̣̇ийнам̣, самудтаанаад̣̇аяо наяаа;

Evamummattakādīnaṃ, samuṭṭhānādayo nayā;

ад̣̇иннаад̣̇аанад̇уляаава, взд̣̇анаа д̣̇угкавзд̣̇анаа.

Adinnādānatulyāva, vedanā dukkhavedanā.

д̣̇удтуллаарожанагат̇аа.

Duṭṭhullārocanakathā.

948.

кан̣зяяа ваа кан̣аабзяяа, бат̇авим̣ яо агаббияам̣;

Khaṇeyya vā khaṇāpeyya, pathaviṃ yo akappiyaṃ;

бхзд̣̇аабзяяа жа бхинд̣̇зяяа, д̇асса баажид̇д̇ияам̣ сияаа.

Bhedāpeyya ca bhindeyya, tassa pācittiyaṃ siyā.

949.

саяамзва кан̣анд̇асса, бат̇авим̣ бана бхигкуно;

Sayameva khaṇantassa, pathaviṃ pana bhikkhuno;

бахаарасмим̣ бахаарасмим̣, баажид̇д̇ияамуд̣̇ийрид̇ам̣.

Pahārasmiṃ pahārasmiṃ, pācittiyamudīritaṃ.

950.

аан̣аабзнд̇асса згаава, д̣̇ивасам̣ кан̣ад̇оби жа;

Āṇāpentassa ekāva, divasaṃ khaṇatopi ca;

бунаббунаан̣аабзнд̇асса, ваажад̇о ваажад̇о сияаа.

Punappunāṇāpentassa, vācato vācato siyā.

951.

‘‘кан̣а богкаран̣им̣ ваабим̣, ааваадам̣ кан̣а гуубагам̣’’;

‘‘Khaṇa pokkharaṇiṃ vāpiṃ, āvāṭaṃ khaṇa kūpakaṃ’’;

ижжзвам̣ д̇у вад̣̇анд̇асса, гожи д̣̇осо на виж̇ж̇ад̇и.

Iccevaṃ tu vadantassa, koci doso na vijjati.

952.

‘‘имам̣ кан̣а жа огаасам̣, ид̇ха богкаран̣им̣ кан̣а;

‘‘Imaṃ khaṇa ca okāsaṃ, idha pokkharaṇiṃ khaṇa;

имасмим̣ кан̣а огаасз’’, вад̇д̇умзвам̣ на ваддад̇и.

Imasmiṃ khaṇa okāse’’, vattumevaṃ na vaṭṭati.

953.

‘‘ганд̣̇ам̣ кан̣а гурунд̣̇ам̣ ваа, т̇уун̣ам̣ кан̣а жа каан̣угам̣;

‘‘Kandaṃ khaṇa kurundaṃ vā, thūṇaṃ khaṇa ca khāṇukaṃ;

муулам̣ кан̣а жа д̇аалам̣ ваа’’, звам̣ вад̣̇ад̇и ваддад̇и.

Mūlaṃ khaṇa ca tālaṃ vā’’, evaṃ vadati vaṭṭati.

954.

‘‘имам̣ муулам̣ имам̣ валлим̣, имам̣ д̇аалам̣ имам̣ нал̣ам̣;

‘‘Imaṃ mūlaṃ imaṃ valliṃ, imaṃ tālaṃ imaṃ naḷaṃ;

кан̣аа’’д̇и нияамзд̇ваана, вад̇д̇ум̣ бана на ваддад̇и.

Khaṇā’’ti niyametvāna, vattuṃ pana na vaṭṭati.

955.

уссин̃жид̇ум̣ сажз саггаа, гхадзхи д̇анугад̣̇д̣̇амо;

Ussiñcituṃ sace sakkā, ghaṭehi tanukaddamo;

бхигкунаа абанзд̇аб̣б̣о, б̣ахалам̣ на жа ваддад̇и.

Bhikkhunā apanetabbo, bahalaṃ na ca vaṭṭati.

956.

бхиж̇ж̇ид̇ваа над̣̇ияаад̣̇ийнам̣, бад̇ид̇ам̣ д̇ояасанд̇игз;

Bhijjitvā nadiyādīnaṃ, patitaṃ toyasantike;

д̇адам̣ вадтам̣ вигобзд̇ум̣, жаад̇умаасамби ваддад̇и.

Taṭaṃ vaṭṭhaṃ vikopetuṃ, cātumāsampi vaṭṭati.

957.

сажз бад̇ад̇и д̇ояасмим̣, д̣̇звз вудтзби ваддад̇и;

Sace patati toyasmiṃ, deve vuṭṭhepi vaṭṭati;

жаад̇умаасамад̇игганд̇з, д̇ояз д̣̇зво хи вассад̇и.

Cātumāsamatikkante, toye devo hi vassati.

958.

баасаан̣абидтияам̣ сон̣д̣им̣, кан̣анд̇и яад̣̇и д̇ад̇т̇а д̇у;

Pāsāṇapiṭṭhiyaṃ soṇḍiṃ, khaṇanti yadi tattha tu;

раж̇ам̣ бад̇ад̇и жз буб̣б̣ам̣, бажчаа д̣̇звобхивассад̇и.

Rajaṃ patati ce pubbaṃ, pacchā devobhivassati.

959.

сод̇хзд̇ум̣ бхинд̣̇ид̇ум̣ анд̇о-жаад̇умаасам̣ д̇у ваддад̇и;

Sodhetuṃ bhindituṃ anto-cātumāsaṃ tu vaṭṭati;

жаад̇умаасагад̇о уд̣̇д̇хам̣, вигобзд̇ум̣ на ваддад̇и.

Cātumāsakato uddhaṃ, vikopetuṃ na vaṭṭati.

960.

вааринаа батамам̣ бун̣н̣з, бажчаа бад̇ад̇и жз раж̇ам̣;

Vārinā paṭhamaṃ puṇṇe, pacchā patati ce rajaṃ;

д̇ам̣ ваддад̇и вигобзд̇ум̣, д̇ояз д̣̇зво хи вассад̇и.

Taṃ vaṭṭati vikopetuṃ, toye devo hi vassati.

961.

аллийяад̇и пусааяанд̇з, бидтибаасаан̣агз раж̇ам̣;

Allīyati phusāyante, piṭṭhipāsāṇake rajaṃ;

жаад̇умаасажжаяз д̇амби, вигобзд̇ум̣ на ваддад̇и.

Cātumāsaccaye tampi, vikopetuṃ na vaṭṭati.

962.

сажз агад̇абаб̣бхаарз, ваммиго бана удтид̇о;

Sace akatapabbhāre, vammiko pana uṭṭhito;

яат̇аасукам̣ вигобзяяа, жаад̇умаасажжаязби жа.

Yathāsukhaṃ vikopeyya, cātumāsaccayepi ca.

963.

аб̣бхогаасз сажз вадто, жаад̇умаасам̣ д̇у ваддад̇и;

Abbhokāse sace vaṭṭho, cātumāsaṃ tu vaṭṭati;

ругкз убажигаад̣̇ийнам̣, мад̇д̇игааяаби со наяо.

Rukkhe upacikādīnaṃ, mattikāyapi so nayo.

964.

муусигуггара г̇оган̣да-г̇ан̣д̣уббаад̣̇амалзсуби;

Mūsikukkara gokaṇṭa-gaṇḍuppādamalesupi;

аяамзва наяо вуд̇д̇о, асамб̣ад̣̇д̇хзсу бхуумияаа.

Ayameva nayo vutto, asambaddhesu bhūmiyā.

965.

д̇зхзва сад̣̇исаа хонд̇и, гасинан̇г̇аламад̇д̇игаа;

Teheva sadisā honti, kasinaṅgalamattikā;

ажчиннаа бхуумисамб̣анд̇хаа, саа ж̇аад̇абат̇авий сияаа.

Acchinnā bhūmisambandhā, sā jātapathavī siyā.

966.

сзнаасанамби ажчаннам̣, винадтачад̣̇анамби ваа;

Senāsanampi acchannaṃ, vinaṭṭhachadanampi vā;

жаад̇умаасагад̇о уд̣̇д̇хам̣, овадтам̣ на вигобаяз.

Cātumāsakato uddhaṃ, ovaṭṭhaṃ na vikopaye.

967.

д̇ад̇о ‘‘г̇обаанасим̣ бхид̇д̇им̣, т̇амбхам̣ ваа бад̣̇арад̇т̇арам̣;

Tato ‘‘gopānasiṃ bhittiṃ, thambhaṃ vā padarattharaṃ;

г̇ан̣хиссаамий’’д̇и сан̃н̃ааяа, г̇ахзд̇ум̣ бана ваддад̇и.

Gaṇhissāmī’’ti saññāya, gahetuṃ pana vaṭṭati.

968.

г̇ан̣ханд̇ассидтагаад̣̇ийни, сажз бад̇ад̇и мад̇д̇игаа;

Gaṇhantassiṭṭhakādīni, sace patati mattikā;

анаабад̇д̇и сияаабад̇д̇и, мад̇д̇игам̣ яад̣̇и г̇ан̣хад̇и.

Anāpatti siyāpatti, mattikaṃ yadi gaṇhati.

969.

ад̇инд̇о мад̇д̇игаабун̃ж̇о, анд̇ог̇зхз сажз сияаа;

Atinto mattikāpuñjo, antogehe sace siyā;

ановадто жа бхигкуунам̣, саб̣б̣ад̣̇аа ход̇и габбияо.

Anovaṭṭho ca bhikkhūnaṃ, sabbadā hoti kappiyo.

970.

вудтз буна жа г̇зхасмим̣, г̇зхам̣ чаад̣̇знд̇и д̇ам̣ сажз;

Vuṭṭhe puna ca gehasmiṃ, gehaṃ chādenti taṃ sace;

жаад̇умаасажжаяз саб̣б̣о, д̇инд̇о ход̇и агаббияо.

Cātumāsaccaye sabbo, tinto hoti akappiyo.

971.

яад̇д̇агам̣ д̇ад̇т̇а д̇инд̇ам̣ д̇у, д̇ад̇д̇агам̣ ход̇яагаббияам̣;

Yattakaṃ tattha tintaṃ tu, tattakaṃ hotyakappiyaṃ;

ад̇инд̇ам̣ д̇ад̇т̇а яам̣ яам̣ д̇у, д̇ам̣ д̇ам̣ ход̇и хи габбияам̣.

Atintaṃ tattha yaṃ yaṃ tu, taṃ taṃ hoti hi kappiyaṃ.

972.

д̇змид̇о вааринаа со жз, згааб̣ад̣̇д̇хова бхуумияаа;

Temito vārinā so ce, ekābaddhova bhūmiyā;

бат̇авий жзва саа ж̇аад̇аа, на ваддад̇и д̇ад̇о барам̣.

Pathavī ceva sā jātā, na vaṭṭati tato paraṃ.

973.

аб̣бхогаасз жа баагааро, овадто мад̇д̇игаамаяо;

Abbhokāse ca pākāro, ovaṭṭho mattikāmayo;

жаад̇умаасажжаяз ‘‘ж̇аад̇аа, бат̇авий’’д̇и бавужжад̇и.

Cātumāsaccaye ‘‘jātā, pathavī’’ti pavuccati.

974.

д̇ад̇т̇а лаг̇г̇ам̣ раж̇ам̣ сан̣хам̣, агхам̣санд̇ова мад̇д̇асо;

Tattha laggaṃ rajaṃ saṇhaṃ, aghaṃsantova mattaso;

чубид̇ваа аллахад̇т̇зна, сажз г̇ан̣хаад̇и ваддад̇и.

Chupitvā allahatthena, sace gaṇhāti vaṭṭati.

975.

сажз идтагабаагааро, язбхуяяагат̇алз бана;

Sace iṭṭhakapākāro, yebhuyyakathale pana;

таанз д̇идтад̇и со д̇асмаа, вигобзяяа яат̇аасукам̣.

Ṭhāne tiṭṭhati so tasmā, vikopeyya yathāsukhaṃ.

976.

аб̣бхогаасз тид̇ам̣ т̇амбхам̣, жаалзд̇ваа банид̇о жид̇о;

Abbhokāse ṭhitaṃ thambhaṃ, cāletvā panito cito;

бат̇авим̣ д̇у вигобзд̇ваа, г̇ахзд̇ум̣ на жа ваддад̇и.

Pathaviṃ tu vikopetvā, gahetuṃ na ca vaṭṭati.

977.

ан̃н̃амби сугкаругкам̣ ваа, каан̣угам̣ вааби г̇ан̣хад̇о;

Aññampi sukkharukkhaṃ vā, khāṇukaṃ vāpi gaṇhato;

аяамзва наяо д̣̇осо, уж̇умуд̣̇д̇харад̇о на жа.

Ayameva nayo doso, ujumuddharato na ca.

978.

баасаан̣ам̣ яад̣̇и ваа ругкам̣, ужжаалзд̇ваа баваддад̇и;

Pāsāṇaṃ yadi vā rukkhaṃ, uccāletvā pavaṭṭati;

на д̣̇осо суд̣̇д̇хажид̇д̇асса, сажз бат̇ави бхиж̇ж̇ад̇и.

Na doso suddhacittassa, sace pathavi bhijjati.

979.

паалзнд̇аанамби д̣̇аарууни, саакаад̣̇ийни жа гад̣дхад̇о;

Phālentānampi dārūni, sākhādīni ca kaḍḍhato;

аяамзва наяо вуд̇д̇о, бхуумияам̣ суд̣̇д̇хажзд̇асо.

Ayameva nayo vutto, bhūmiyaṃ suddhacetaso.

980.

ган̣дагам̣ суужимадтим̣ ваа, килам̣ ваа бхуумияам̣ бана;

Kaṇṭakaṃ sūcimaṭṭhiṃ vā, khilaṃ vā bhūmiyaṃ pana;

аагодзд̇ум̣ бавзсзд̇ум̣, бхигкуно на жа ваддад̇и.

Ākoṭetuṃ pavesetuṃ, bhikkhuno na ca vaṭṭati.

981.

‘‘ахам̣ бассаавад̇хаарааяа, бхинд̣̇иссаамий’’д̇и мзд̣̇иним̣;

‘‘Ahaṃ passāvadhārāya, bhindissāmī’’ti mediniṃ;

бхигкусса бана бассаава-мзвам̣ гаад̇ум̣ на ваддад̇и.

Bhikkhussa pana passāva-mevaṃ kātuṃ na vaṭṭati.

982.

анаабад̇д̇и гаронд̇асса, сажз бхиж̇ж̇ад̇и мзд̣̇иний;

Anāpatti karontassa, sace bhijjati medinī;

самаж̇ж̇ад̇о самам̣ гаад̇ум̣, гхам̣сид̇ум̣ на жа ваддад̇и.

Samajjato samaṃ kātuṃ, ghaṃsituṃ na ca vaṭṭati.

983.

баад̣̇ан̇г̇удтзна ваа бхуумим̣, ликид̇умби на ваддад̇и;

Pādaṅguṭṭhena vā bhūmiṃ, likhitumpi na vaṭṭati;

бхинд̣̇анд̇зна жа баад̣̇зхи, д̇ат̇аа жан̇гамид̇умби ваа.

Bhindantena ca pādehi, tathā caṅkamitumpi vā.

984.

бат̇авим̣ аллахад̇т̇зна, чубид̇ваа сукумам̣ раж̇ам̣;

Pathaviṃ allahatthena, chupitvā sukhumaṃ rajaṃ;

агхам̣санд̇о г̇ахзд̇ваа жз, хад̇т̇ам̣ д̇ховад̇и ваддад̇и.

Aghaṃsanto gahetvā ce, hatthaṃ dhovati vaṭṭati.

985.

саяам̣ д̣̇ахад̇и жз бхуумим̣, д̣̇ахаабзд̇и барзхи ваа;

Sayaṃ dahati ce bhūmiṃ, dahāpeti parehi vā;

аабад̇д̇анд̇амасо бад̇д̇ам̣, д̣̇аханд̇ассааби бхигкуно.

Āpattantamaso pattaṃ, dahantassāpi bhikkhuno.

986.

таанзсу яад̇д̇агзсваг̇г̇им̣, д̣̇зд̇и д̣̇аабзд̇и ваа бана;

Ṭhānesu yattakesvaggiṃ, deti dāpeti vā pana;

д̇ад̇д̇агаанзва бхигкусса, хонд̇и баажид̇д̇ияааниби.

Tattakāneva bhikkhussa, honti pācittiyānipi.

987.

табзд̇ум̣ бхигкуно аг̇г̇им̣, бхуумияам̣ на жа ваддад̇и;

Ṭhapetuṃ bhikkhuno aggiṃ, bhūmiyaṃ na ca vaṭṭati;

габаалз бад̇д̇абажанз, табзд̇ум̣ бана ваддад̇и.

Kapāle pattapacane, ṭhapetuṃ pana vaṭṭati.

988.

аг̇г̇им̣ убари д̣̇ааруунам̣, табзд̇ум̣ на жа ваддад̇и;

Aggiṃ upari dārūnaṃ, ṭhapetuṃ na ca vaṭṭati;

д̣̇аханд̇о д̇аани г̇анд̇ваа со, бхуумим̣ д̣̇ахад̇и жз бана.

Dahanto tāni gantvā so, bhūmiṃ dahati ce pana.

989.

зсзва жа наяо вуд̇д̇о, идтагааваасагаад̣̇ису;

Eseva ca nayo vutto, iṭṭhakāvāsakādisu;

табзд̇ум̣ идтагаад̣̇ийнам̣, мад̇т̇агзсвзва ваддад̇и.

Ṭhapetuṃ iṭṭhakādīnaṃ, matthakesveva vaṭṭati.

990.

гасмаа банаад̇и жз? д̇зса-манубаад̣̇аанабхаавад̇о;

Kasmā panāti ce? Tesa-manupādānabhāvato;

каан̣угз сугкаругкз ваа, аг̇г̇им̣ д̣̇аад̇ум̣ на ваддад̇и.

Khāṇuke sukkharukkhe vā, aggiṃ dātuṃ na vaṭṭati.

991.

анаабад̇д̇и д̇ин̣уггам̣ д̇у, г̇ахзд̇ваа бана г̇ажчад̇о;

Anāpatti tiṇukkaṃ tu, gahetvā pana gacchato;

д̣аяхамаанз д̇у хад̇т̇асмим̣, сажз баад̇зд̇и бхуумияам̣.

Ḍayhamāne tu hatthasmiṃ, sace pāteti bhūmiyaṃ.

992.

буна д̇ам̣ бад̇ид̇адтаанз, д̣̇ад̇ваа д̇асса банинд̇ханам̣;

Puna taṃ patitaṭṭhāne, datvā tassa panindhanaṃ;

аг̇г̇им̣ ваддад̇и гаад̇унд̇и, махаабажжарияам̣ руд̇ам̣.

Aggiṃ vaṭṭati kātunti, mahāpaccariyaṃ rutaṃ.

993.

д̇ассаабат̇авияам̣язва, бат̇авийд̇и жа сан̃н̃ино;

Tassāpathaviyaṃyeva, pathavīti ca saññino;

вимад̇иссубхаяад̇т̇ааби, д̣̇уггадам̣ барияаабуд̇ам̣.

Vimatissubhayatthāpi, dukkaṭaṃ pariyāputaṃ.

994.

анаабад̇д̇и ‘‘имам̣ ж̇аана, имамаахара д̣̇зхи’’д̇и;

Anāpatti ‘‘imaṃ jāna, imamāhara dehi’’ti;

вад̣̇анд̇асса, сажид̇д̇ан̃жа, д̇исамудтаанамзва жа.

Vadantassa, sacittañca, tisamuṭṭhānameva ca.

бат̇авийкан̣анагат̇аа.

Pathavīkhaṇanakathā.

мусааваад̣̇аваг̇г̇о батамо.

Musāvādavaggo paṭhamo.

995.

бхаванд̇асса жа бхууд̇асса, бхууд̇аг̇аамасса бхигкуно;

Bhavantassa ca bhūtassa, bhūtagāmassa bhikkhuno;

баад̇аб̣яад̇аанимид̇д̇ам̣ д̇у, баажид̇д̇ияамуд̣̇ийрид̇ам̣.

Pātabyatānimittaṃ tu, pācittiyamudīritaṃ.

996.

уд̣̇агадто т̇аладтод̇и, д̣̇увид̇хо ход̇и со бана;

Udakaṭṭho thalaṭṭhoti, duvidho hoti so pana;

д̇илаб̣ийж̇аад̣̇иго д̇ад̇т̇а, сабан̣н̣оби абан̣н̣аго.

Tilabījādiko tattha, sapaṇṇopi apaṇṇako.

997.

уд̣̇агадтод̇и вин̃н̃зяяо, саб̣б̣о сзваалаж̇аад̇иго;

Udakaṭṭhoti viññeyyo, sabbo sevālajātiko;

вигобзнд̇асса д̇ам̣ саб̣б̣ам̣, д̇асса баажид̇д̇ияам̣ сияаа.

Vikopentassa taṃ sabbaṃ, tassa pācittiyaṃ siyā.

998.

вияуухид̇ваа д̇у хад̇т̇зна, нхааяид̇ум̣ бана ваддад̇и;

Viyūhitvā tu hatthena, nhāyituṃ pana vaṭṭati;

ход̇и д̇асса жа саб̣б̣амби, таанан̃хи сагалам̣ ж̇алам̣.

Hoti tassa ca sabbampi, ṭhānañhi sakalaṃ jalaṃ.

999.

уд̣̇агзна винаа жзжжа, д̇ам̣ бануд̣̇д̇харид̇ум̣ ж̇алаа;

Udakena vinā cecca, taṃ panuddharituṃ jalā;

на жа ваддад̇и бхигкусса, таанасан̇гаманан̃хи д̇ам̣.

Na ca vaṭṭati bhikkhussa, ṭhānasaṅkamanañhi taṃ.

1000.

уд̣̇агзнугкибид̇ваа д̇ам̣, багкибанд̇асса ваарису;

Udakenukkhipitvā taṃ, pakkhipantassa vārisu;

ваддад̇ийд̇и жа нид̣̇д̣̇идтам̣, саб̣б̣аадтагат̇аасуби.

Vaṭṭatīti ca niddiṭṭhaṃ, sabbaaṭṭhakathāsupi.

1001.

ж̇алз валлид̇ин̣аад̣̇ийни, уд̣̇д̇харанд̇асса д̇ояад̇о;

Jale vallitiṇādīni, uddharantassa toyato;

вигобзнд̇асса ваа д̇ад̇т̇а, ход̇и баажид̇д̇и бхигкуно.

Vikopentassa vā tattha, hoti pācitti bhikkhuno.

1002.

барзхуббаадид̇аанзд̇т̇а, вигобзнд̇асса д̣̇уггадам̣;

Parehuppāṭitānettha, vikopentassa dukkaṭaṃ;

г̇ажчанд̇и хи яад̇о д̇аани, б̣ийж̇аг̇аамзна сан̇г̇ахам̣.

Gacchanti hi yato tāni, bījagāmena saṅgahaṃ.

1003.

т̇аладтз чиннаругкаанам̣, тид̇о харид̇акаан̣уго;

Thalaṭṭhe chinnarukkhānaṃ, ṭhito haritakhāṇuko;

уд̣̇д̇хам̣ вад̣дханаго д̇асса, бхууд̇аг̇аамзна сан̇г̇ахо.

Uddhaṃ vaḍḍhanako tassa, bhūtagāmena saṅgaho.

1004.

наал̣игзраад̣̇игаанамби, каан̣у уд̣̇д̇хам̣ на вад̣дхад̇и;

Nāḷikerādikānampi, khāṇu uddhaṃ na vaḍḍhati;

д̇асмаа д̇асса гад̇о ход̇и, б̣ийж̇аг̇аамзна сан̇г̇ахо.

Tasmā tassa kato hoti, bījagāmena saṅgaho.

1005.

д̇ат̇аа гад̣̇алияаа каан̣у, палид̇ааяа багаасид̇о;

Tathā kadaliyā khāṇu, phalitāya pakāsito;

апалид̇ааяа яо каан̣у, бхууд̇аг̇аамзна со мад̇о.

Aphalitāya yo khāṇu, bhūtagāmena so mato.

1006.

палид̇аа гад̣̇алий яаава, нийлабан̣н̣аа жа д̇аава саа;

Phalitā kadalī yāva, nīlapaṇṇā ca tāva sā;

нал̣авзл̣уд̇ин̣аад̣̇ийна-маяамзва винижчаяо.

Naḷaveḷutiṇādīna-mayameva vinicchayo.

1007.

аг̇г̇ад̇о бана бадтааяа, яад̣̇ааяам̣ взл̣у суссад̇и;

Aggato pana paṭṭhāya, yadāyaṃ veḷu sussati;

д̇ад̣̇аа сан̇г̇ахид̇о ход̇и, б̣ийж̇аг̇аамзна наамасо.

Tadā saṅgahito hoti, bījagāmena nāmaso.

1008.

инд̣̇асаалаад̣̇иругкаанам̣, б̣ийж̇аг̇аамзна сан̇г̇ахо;

Indasālādirukkhānaṃ, bījagāmena saṅgaho;

чинд̣̇ид̇ваа табид̇аанам̣ д̇у, вин̃н̃зяяо винаяан̃н̃унаа.

Chinditvā ṭhapitānaṃ tu, viññeyyo vinayaññunā.

1009.

ман̣д̣абаад̣̇ийнамад̇т̇ааяа, нигкан̣анд̇и жа д̇з сажз;

Maṇḍapādīnamatthāya, nikkhaṇanti ca te sace;

ниг̇г̇ад̇з муулабан̣н̣асмим̣, бхууд̇аг̇аамзна сан̇г̇ахо.

Niggate mūlapaṇṇasmiṃ, bhūtagāmena saṅgaho.

1010.

мууламад̇д̇зби ваа язсам̣, бан̣н̣амад̇д̇зби ваа бана;

Mūlamattepi vā yesaṃ, paṇṇamattepi vā pana;

ниг̇г̇ад̇зби гад̇о д̇зсам̣, б̣ийж̇аг̇аамзна сан̇г̇ахо.

Niggatepi kato tesaṃ, bījagāmena saṅgaho.

1011.

саганд̣̇аа бана д̇ааладти, б̣ийж̇аг̇аамод̇и вужжад̇и;

Sakandā pana tālaṭṭhi, bījagāmoti vuccati;

бад̇д̇авадди яад̣̇аа нийлаа, ниг̇г̇ажчад̇и д̇ад̣̇аа на жа.

Pattavaṭṭi yadā nīlā, niggacchati tadā na ca.

1012.

наал̣игзрад̇ажам̣ бхид̇ваа, д̣̇анд̇асуужийва ан̇гуро;

Nāḷikeratacaṃ bhitvā, dantasūcīva aṅkuro;

ниг̇г̇ажчад̇и д̇ад̣̇аа соби, б̣ийж̇аг̇аамод̇и вужжад̇и.

Niggacchati tadā sopi, bījagāmoti vuccati.

1013.

миг̇асин̇г̇асамаанааяа, сад̇ияаа бад̇д̇аваддияаа;

Migasiṅgasamānāya, satiyā pattavaṭṭiyā;

аниг̇г̇ад̇зби мууласмим̣, бхууд̇аг̇аамод̇и вужжад̇и.

Aniggatepi mūlasmiṃ, bhūtagāmoti vuccati.

1014.

на хонд̇и харид̇аа яаава, вийхиаад̣̇ийнаман̇гураа;

Na honti haritā yāva, vīhiādīnamaṅkurā;

ниг̇г̇ад̇зсуби бан̣н̣зсу, б̣ийж̇аг̇аамзна сан̇г̇ахо.

Niggatesupi paṇṇesu, bījagāmena saṅgaho.

жад̇д̇ааро бхаан̣аваараа нидтид̇аа.

Cattāro bhāṇavārā niṭṭhitā.

1015.

амб̣аж̇амб̣удтигаад̣̇ийна-мзсзва жа винижчаяо;

Ambajambuṭṭhikādīna-meseva ca vinicchayo;

ванд̣̇аагаа вааби ан̃н̃ам̣ ваа, ругкз ж̇ааяад̇и яам̣ бана.

Vandākā vāpi aññaṃ vā, rukkhe jāyati yaṃ pana.

1016.

ругковасса сияаа таанам̣, вигобзд̇ум̣ на ваддад̇и;

Rukkhovassa siyā ṭhānaṃ, vikopetuṃ na vaṭṭati;

амуулаваллиаад̣̇ийна-маяамзва винижчаяо.

Amūlavalliādīna-mayameva vinicchayo.

1017.

баагаараад̣̇ийсу сзваало, аг̇г̇аб̣ийж̇анд̇и вужжад̇и;

Pākārādīsu sevālo, aggabījanti vuccati;

яаава д̣̇вз д̇ийн̣и бад̇д̇аани, на сан̃ж̇ааяанд̇и д̇аава со.

Yāva dve tīṇi pattāni, na sañjāyanti tāva so.

1018.

бад̇д̇зсу бана ж̇аад̇зсу, вад̇т̇у баажид̇д̇ияасса со;

Pattesu pana jātesu, vatthu pācittiyassa so;

гхам̣сид̇ваа бана д̇ам̣ д̇асмаа, абанзд̇ум̣ на ваддад̇и.

Ghaṃsitvā pana taṃ tasmā, apanetuṃ na vaṭṭati.

1019.

сзваалз б̣ахи баанийяа-гхадаад̣̇ийнам̣ д̇у д̣̇уггадам̣;

Sevāle bahi pānīya-ghaṭādīnaṃ tu dukkaṭaṃ;

аб̣б̣охаарова со анд̇о, бууваад̣̇ийсуби ган̣н̣агам̣.

Abbohārova so anto, pūvādīsupi kaṇṇakaṃ.

1020.

баасаан̣ад̣̇ад̣̇д̣̇усзваала-сзлзяяаббабхуд̇ийни жа;

Pāsāṇadaddusevāla-seleyyappabhutīni ca;

хонд̇и д̣̇уггадавад̇т̇ууни, абад̇д̇аанийд̇и нид̣̇д̣̇исз.

Honti dukkaṭavatthūni, apattānīti niddise.

1021.

бубпид̇ам̣ д̇у ахижчад̇д̇ам̣, аб̣б̣охааригад̇ам̣ г̇ад̇ам̣;

Pupphitaṃ tu ahicchattaṃ, abbohārikataṃ gataṃ;

сажз д̇ам̣ магул̣ам̣ ход̇и, ход̇и д̣̇уггадавад̇т̇угам̣.

Sace taṃ makuḷaṃ hoti, hoti dukkaṭavatthukaṃ.

1022.

ругкз д̇ажам̣ вигобзд̇ваа, д̇ат̇аа баббадигамби жа;

Rukkhe tacaṃ vikopetvā, tathā pappaṭikampi ca;

нияяаасамби баналласмим̣, г̇ахзд̇ум̣ на жа ваддад̇и.

Niyyāsampi panallasmiṃ, gahetuṃ na ca vaṭṭati.

1023.

нухиаад̣̇ийсу ругкзсу, д̇аалабан̣н̣аад̣̇игзсу ваа;

Nuhiādīsu rukkhesu, tālapaṇṇādikesu vā;

ликад̇о д̇ад̇т̇аж̇аад̇зсу, баажид̇д̇ияамуд̣̇ийраяз.

Likhato tatthajātesu, pācittiyamudīraye.

1024.

бубпам̣ бан̣д̣убалаасам̣ ваа, палам̣ ваа баггамзва ваа;

Pupphaṃ paṇḍupalāsaṃ vā, phalaṃ vā pakkameva vā;

баад̇знд̇асса жа жаалзд̇ваа, баажид̇д̇ияамуд̣̇ийрид̇ам̣.

Pātentassa ca cāletvā, pācittiyamudīritaṃ.

1025.

наамзд̇ваа палиним̣ саакам̣, д̣̇аад̇ум̣ ваддад̇и г̇ан̣хад̇о;

Nāmetvā phaliniṃ sākhaṃ, dātuṃ vaṭṭati gaṇhato;

саяам̣ каад̣̇ид̇угаамо жз, д̣̇аад̇умзвам̣ на ваддад̇и.

Sayaṃ khāditukāmo ce, dātumevaṃ na vaṭṭati.

1026.

угкибид̇ваа барам̣ ган̃жи, г̇аахаабзд̇умби ваддад̇и;

Ukkhipitvā paraṃ kañci, gāhāpetumpi vaṭṭati;

бубпаани ожинанд̇зсу, аяамзва винижчаяо.

Pupphāni ocinantesu, ayameva vinicchayo.

1027.

язсам̣ рухад̇и ругкаанам̣, саакаа д̇зсамби саакинам̣;

Yesaṃ ruhati rukkhānaṃ, sākhā tesampi sākhinaṃ;

габбияам̣ д̇амагаарзд̇ваа, вигобзнд̇асса д̣̇уггадам̣.

Kappiyaṃ tamakāretvā, vikopentassa dukkaṭaṃ.

1028.

аяамзва наяо алла-син̇г̇ивзраад̣̇игзсуби;

Ayameva nayo alla-siṅgiverādikesupi;

д̣̇уггадам̣ б̣ийж̇аг̇аамзсу, нид̣̇д̣̇идтад̇д̇аа махзсинаа.

Dukkaṭaṃ bījagāmesu, niddiṭṭhattā mahesinā.

1029.

‘‘ругкам̣ чинд̣̇а лад̇ам̣ чинд̣̇а, ганд̣̇ам̣ мууламби уд̣̇д̇хара;

‘‘Rukkhaṃ chinda lataṃ chinda, kandaṃ mūlampi uddhara;

уббаадзхий’’д̇и вад̇д̇умби, ваддад̇зваанияаамад̇о.

Uppāṭehī’’ti vattumpi, vaṭṭatevāniyāmato.

1030.

‘‘амб̣ам̣ ж̇амб̣умби нимб̣ам̣ ваа, чинд̣̇а бхинд̣̇уд̣̇д̇хараа’’д̇и ваа;

‘‘Ambaṃ jambumpi nimbaṃ vā, chinda bhinduddharā’’ti vā;

г̇ахзд̇ваа бана наамамби, ваддад̇зваанияаамад̇о.

Gahetvā pana nāmampi, vaṭṭatevāniyāmato.

1031.

‘‘имам̣ ругкам̣ имам̣ валлим̣, имам̣ чаллим̣ имам̣ лад̇ам̣;

‘‘Imaṃ rukkhaṃ imaṃ valliṃ, imaṃ challiṃ imaṃ lataṃ;

чинд̣̇а бхинд̣̇аа’’д̇и ваа вад̇д̇ум̣, нияамзд̇ваа на ваддад̇и.

Chinda bhindā’’ti vā vattuṃ, niyametvā na vaṭṭati.

1032.

буурзд̇ваа ужчукан̣д̣аанам̣, бажчияо аахаранд̇и жз;

Pūretvā ucchukhaṇḍānaṃ, pacchiyo āharanti ce;

саб̣б̣амзва гад̇ам̣ ход̇и, згасмим̣ габбияз гад̇з.

Sabbameva kataṃ hoti, ekasmiṃ kappiye kate.

1033.

згад̇о бана б̣ад̣̇д̇хаани, ужчуд̣̇аарууни хонд̇и жз;

Ekato pana baddhāni, ucchudārūni honti ce;

габбияам̣ гаронд̇о бана, д̣̇аарум̣ виж̇жхад̇и ваддад̇и.

Kappiyaṃ karonto pana, dāruṃ vijjhati vaṭṭati.

1034.

валлияаа раж̇ж̇уяаа вааби, яааяа б̣ад̣̇д̇хаани д̇аани хи;

Valliyā rajjuyā vāpi, yāya baddhāni tāni hi;

бхааж̇анзна самаанад̇д̇аа, д̇ам̣ виж̇жхад̇и на ваддад̇и.

Bhājanena samānattā, taṃ vijjhati na vaṭṭati.

1035.

бхад̇д̇ам̣ марижабаггзхи, миссзд̇ваа аахаранд̇и жз;

Bhattaṃ maricapakkehi, missetvā āharanti ce;

згасид̇т̇зби бхад̇д̇асса, сажз виж̇жхад̇и ваддад̇и.

Ekasitthepi bhattassa, sace vijjhati vaṭṭati.

1036.

аяамзва наяо вуд̇д̇о, д̇илад̇ан̣д̣улагаад̣̇ису;

Ayameva nayo vutto, tilataṇḍulakādisu;

згааб̣ад̣̇д̇хз габид̇т̇зби, гадаахз габбияам̣ гарз.

Ekābaddhe kapitthepi, kaṭāhe kappiyaṃ kare.

1037.

гадаахам̣ яад̣̇и мун̃жид̇ваа, анд̇о жарад̇и мин̃ж̇агам̣;

Kaṭāhaṃ yadi muñcitvā, anto carati miñjakaṃ;

бхинд̣̇аабзд̇ваа габид̇т̇ам̣ д̇ам̣, гаарзд̇аб̣б̣ам̣ д̇у габбияам̣.

Bhindāpetvā kapitthaṃ taṃ, kāretabbaṃ tu kappiyaṃ.

1038.

абхууд̇аг̇аамаб̣ийж̇зсу, бхууд̇аг̇аамаад̣̇исан̃н̃ино;

Abhūtagāmabījesu, bhūtagāmādisaññino;

д̇ад̇т̇а взмад̇игассааби, ход̇и аабад̇д̇и д̣̇уггадам̣.

Tattha vematikassāpi, hoti āpatti dukkaṭaṃ.

1039.

ад̇ат̇аасан̃н̃ино д̇ад̇т̇а, асан̃жижжаасад̇исса жа;

Atathāsaññino tattha, asañciccāsatissa ca;

уммад̇д̇агаад̣̇игаанан̃жа, анаабад̇д̇и багаасид̇аа.

Ummattakādikānañca, anāpatti pakāsitā.

1040.

ид̣̇ан̃жа д̇исамудтаанам̣, грияам̣ сан̃н̃аавимогкагам̣;

Idañca tisamuṭṭhānaṃ, kriyaṃ saññāvimokkhakaṃ;

гааяагаммам̣ важийгаммам̣, д̇ижид̇д̇ан̃жа д̇ивзд̣̇анам̣.

Kāyakammaṃ vacīkammaṃ, ticittañca tivedanaṃ.

бхууд̇аг̇аамагат̇аа.

Bhūtagāmakathā.

1041.

гад̇з сан̇гхзна гаммасмим̣, ан̃н̃аваад̣̇авихзсагз;

Kate saṅghena kammasmiṃ, aññavādavihesake;

д̇ат̇аа буна гаронд̇асса, ход̇и баажид̇д̇ияад̣̇ваяам̣.

Tathā puna karontassa, hoti pācittiyadvayaṃ.

1042.

д̇игабаажид̇д̇ияам̣ д̇хаммз, ад̇хаммз д̇игад̣̇уггадам̣;

Tikapācittiyaṃ dhamme, adhamme tikadukkaṭaṃ;

гаммз аробид̇з жзвам̣, вад̣̇анд̇асса жа д̣̇уггадам̣.

Kamme aropite cevaṃ, vadantassa ca dukkaṭaṃ.

1043.

аабад̇д̇им̣ вааби аабаннам̣, аж̇аананд̇асса, ‘‘бхан̣д̣анам̣;

Āpattiṃ vāpi āpannaṃ, ajānantassa, ‘‘bhaṇḍanaṃ;

бхависсад̇ий’’д̇и сан̃н̃исса, г̇илаанасса на д̣̇осад̇аа.

Bhavissatī’’ti saññissa, gilānassa na dosatā.

1044.

ад̣̇иннаад̣̇аанад̇уляаава, самудтаанаад̣̇аяо наяаа;

Adinnādānatulyāva, samuṭṭhānādayo nayā;

грияаагрияамид̣̇ам̣ вуд̇д̇ам̣, взд̣̇анаа д̣̇угкавзд̣̇анаа.

Kriyākriyamidaṃ vuttaṃ, vedanā dukkhavedanā.

ан̃н̃аваад̣̇агат̇аа.

Aññavādakathā.

1045.

аяасам̣ гад̇д̇угаамова, саммад̇асса хи бхигкуно;

Ayasaṃ kattukāmova, sammatassa hi bhikkhuno;

вад̣̇анд̇о убасамбаннз, уж̇жхаабзд̇и жа кийяад̇и.

Vadanto upasampanne, ujjhāpeti ca khīyati.

1046.

д̇асмим̣ вад̇т̇уд̣̇ваяз д̇асса, ход̇и баажид̇д̇ияад̣̇ваяам̣;

Tasmiṃ vatthudvaye tassa, hoti pācittiyadvayaṃ;

д̇игабаажид̇д̇ияам̣ д̇хаммз, ад̇хаммз д̇игад̣̇уггадам̣.

Tikapācittiyaṃ dhamme, adhamme tikadukkaṭaṃ.

1047.

аван̣н̣ам̣нубасамбанна-санд̇игз бана бхигкуно;

Avaṇṇaṃnupasampanna-santike pana bhikkhuno;

асаммад̇асса бхигкусса, бхаасад̇о яасса гассажи.

Asammatassa bhikkhussa, bhāsato yassa kassaci.

1048.

сааман̣зрасса ваа ван̣н̣ам̣, саммад̇аасаммад̇ассаби;

Sāmaṇerassa vā vaṇṇaṃ, sammatāsammatassapi;

вад̣̇ад̇о д̣̇уггадам̣ ход̇и, яасса гассажи санд̇игз.

Vadato dukkaṭaṃ hoti, yassa kassaci santike.

1049.

чанд̣̇аад̣̇ийнам̣ васзнзва, гаронд̇ам̣ бхан̣ад̇о бана;

Chandādīnaṃ vaseneva, karontaṃ bhaṇato pana;

анаабад̇д̇и грияаасзса-мананд̇арасамам̣ мад̇ам̣.

Anāpatti kriyāsesa-manantarasamaṃ mataṃ.

уж̇жхаабанагат̇аа.

Ujjhāpanakathā.

1050.

аж̇жхогаасз д̇у ман̃жаад̣̇им̣, ад̇д̇ано ваа барасса ваа;

Ajjhokāse tu mañcādiṃ, attano vā parassa vā;

ад̇т̇ааяа сант̇араабзд̇ваа, сант̇арид̇вааби ваа бана.

Atthāya santharāpetvā, santharitvāpi vā pana.

1051.

нзвуд̣̇д̇харзяяа сан̇гхасса, уд̣̇д̇хараабзяяа ваа на д̇ам̣;

Nevuddhareyya saṅghassa, uddharāpeyya vā na taṃ;

баггаманд̇о сажз д̇асса, ход̇и баажид̇д̇и бхигкуно.

Pakkamanto sace tassa, hoti pācitti bhikkhuno.

1052.

вассигз жад̇уро маасз, сажз д̣̇зво на вассад̇и;

Vassike caturo māse, sace devo na vassati;

аж̇жхогаасз д̇ат̇аа жааби, табзд̇ум̣ на жа ваддад̇и.

Ajjhokāse tathā cāpi, ṭhapetuṃ na ca vaṭṭati.

1053.

яад̇т̇а вассад̇и хзманд̇з, жад̇д̇ааро абарзби жа;

Yattha vassati hemante, cattāro aparepi ca;

табзд̇ум̣ д̇ад̇т̇а ман̃жаад̣̇им̣, адта маасз на ваддад̇и.

Ṭhapetuṃ tattha mañcādiṃ, aṭṭha māse na vaṭṭati.

1054.

гаагаад̣̇ийнам̣ ниваасасмим̣, ругкамуулз гад̣̇аажиби;

Kākādīnaṃ nivāsasmiṃ, rukkhamūle kadācipi;

ман̃жаад̣̇им̣ бана сан̇гхасса, табзд̇ум̣ на жа ваддад̇и.

Mañcādiṃ pana saṅghassa, ṭhapetuṃ na ca vaṭṭati.

1055.

ан̃н̃ассад̇т̇ааяа яам̣ гин̃жи, сант̇ад̇ам̣ яад̣̇и сан̇гхигам̣;

Aññassatthāya yaṃ kiñci, santhataṃ yadi saṅghikaṃ;

яад̇т̇а гад̇т̇ажи ваа таанз, язна гзнажи бхигкунаа.

Yattha katthaci vā ṭhāne, yena kenaci bhikkhunā.

1056.

яаава со на нисийд̣̇зяяа, ‘‘г̇ажчаа’’д̇и на вад̣̇зяяа ваа;

Yāva so na nisīdeyya, ‘‘gacchā’’ti na vadeyya vā;

д̇аава сант̇аарагассзва, бхааро д̇анд̇и бавужжад̇и.

Tāva santhārakasseva, bhāro tanti pavuccati.

1057.

сажз д̇ам̣ сааман̣зрзна, сант̇араабзд̇и сант̇ад̇ам̣;

Sace taṃ sāmaṇerena, santharāpeti santhataṃ;

сант̇араабид̇абхигкусса, балиб̣од̇ход̇и д̣̇ийбид̇о.

Santharāpitabhikkhussa, palibodhoti dīpito.

1058.

сант̇ад̇ам̣ бхигкунаа д̇ам̣ жз, бхааро д̇ассзва д̇аава д̇ам̣;

Santhataṃ bhikkhunā taṃ ce, bhāro tasseva tāva taṃ;

яаава аан̣аабаго д̇ад̇т̇а, ааг̇анд̇ваа на нисийд̣̇ад̇и.

Yāva āṇāpako tattha, āgantvā na nisīdati.

1059.

бхигкум̣ ваа сааман̣зрам̣ ваа, аараамигамубаасагам̣;

Bhikkhuṃ vā sāmaṇeraṃ vā, ārāmikamupāsakaṃ;

анаабужчаа нияяаад̇зд̇ваа, сан̇гхигам̣ саяанаасанам̣.

Anāpucchā niyyātetvā, saṅghikaṃ sayanāsanaṃ.

1060.

лзд̣д̣уббаад̇амад̇иггамма, г̇ажчад̇о батамз бад̣̇з;

Leḍḍuppātamatikkamma, gacchato paṭhame pade;

д̣̇уггадам̣, д̣̇уд̇ияз ваарз, баажид̇д̇ияамуд̣̇ийрид̇ам̣.

Dukkaṭaṃ, dutiye vāre, pācittiyamudīritaṃ.

1061.

тад̇ваа бхож̇анасаалааяам̣, вад̇ваа яо сааман̣зрагам̣;

Ṭhatvā bhojanasālāyaṃ, vatvā yo sāmaṇerakaṃ;

асугасмим̣ д̣̇иваадтаанз, бан̃н̃аабзхийд̇и ман̃жагам̣.

Asukasmiṃ divāṭṭhāne, paññāpehīti mañcakaṃ.

1062.

нигкамид̇ваа сажз д̇асмаа, таанаа ан̃н̃ад̇т̇а г̇ажчад̇и;

Nikkhamitvā sace tasmā, ṭhānā aññattha gacchati;

баад̣̇уд̣̇д̇хаарзна со бхигку, гаарзд̇аб̣б̣од̇и д̣̇ийбид̇о.

Pāduddhārena so bhikkhu, kāretabboti dīpito.

1063.

д̇игабаажид̇д̇ияам̣ вуд̇д̇ам̣, д̇игаад̇ийд̇зна сад̇т̇унаа;

Tikapācittiyaṃ vuttaṃ, tikātītena satthunā;

д̇ат̇аа буг̇г̇алигз д̇зна, д̣̇ийбид̇ам̣ д̇игад̣̇уггадам̣.

Tathā puggalike tena, dīpitaṃ tikadukkaṭaṃ.

1064.

жимилим̣ д̇аддигам̣ жаммам̣, палагам̣ баад̣̇абун̃чаним̣;

Cimiliṃ taṭṭikaṃ cammaṃ, phalakaṃ pādapuñchaniṃ;

бхуумад̇т̇аран̣агам̣ вааби, уд̇д̇арад̇т̇аран̣амби ваа.

Bhūmattharaṇakaṃ vāpi, uttarattharaṇampi vā.

1065.

д̣̇аарумад̇д̇игабхан̣д̣аани , бад̇д̇аад̇хаарагамзва ваа;

Dārumattikabhaṇḍāni , pattādhārakameva vā;

аб̣бхогаасз табзд̇ваа д̇ам̣, г̇ажчад̇о ход̇и д̣̇уггадам̣.

Abbhokāse ṭhapetvā taṃ, gacchato hoti dukkaṭaṃ.

1066.

сажз ааран̃н̃агзнааби, ановассз жа но сад̇и;

Sace āraññakenāpi, anovasse ca no sati;

лаг̇г̇зд̇ваа бана ругкасмим̣, г̇анд̇аб̣б̣ам̣ д̇у яат̇аасукам̣.

Laggetvā pana rukkhasmiṃ, gantabbaṃ tu yathāsukhaṃ.

1067.

яат̇аа убажигаад̣̇ийхи, на каж̇ж̇ад̇и на луж̇ж̇ад̇и;

Yathā upacikādīhi, na khajjati na lujjati;

д̇ат̇аа гад̇вааби д̇ам̣ саб̣б̣ам̣, г̇анд̇ум̣ бана жа ваддад̇и.

Tathā katvāpi taṃ sabbaṃ, gantuṃ pana ca vaṭṭati.

1068.

анаабад̇д̇уд̣̇д̇хараабзд̇ваа, аабужчид̇вааби г̇ажчад̇о;

Anāpattuddharāpetvā, āpucchitvāpi gacchato;

ад̇д̇ано санд̇агз руд̣̇д̇хз, аабад̣̇аасуби бхигкуно.

Attano santake ruddhe, āpadāsupi bhikkhuno.

1069.

самудтаанаад̣̇аяо саб̣б̣з, гат̇инзна самаа мад̇аа;

Samuṭṭhānādayo sabbe, kathinena samā matā;

грияаагрияамид̣̇ам̣ вуд̇д̇а-маяамзва висзсад̇аа.

Kriyākriyamidaṃ vutta-mayameva visesatā.

батамасзнаасанагат̇аа.

Paṭhamasenāsanakathā.

1070.

бхисижимилигаа бхуума-д̇т̇аран̣ам̣ уд̇д̇арад̇т̇арам̣;

Bhisicimilikā bhūma-ttharaṇaṃ uttarattharaṃ;

д̇аддигаа жаммакан̣д̣о жа, бажжад̇т̇аранисийд̣̇анам̣.

Taṭṭikā cammakhaṇḍo ca, paccattharanisīdanaṃ.

1071.

сант̇ааро д̇ин̣абан̣н̣аанам̣, сзяяаа д̣̇асавид̇хаа сияаа;

Santhāro tiṇapaṇṇānaṃ, seyyā dasavidhā siyā;

саб̣б̣ажчаннабарижчаннз, вихаарз бхигку яо бана.

Sabbacchannaparicchanne, vihāre bhikkhu yo pana.

1072.

зд̇ам̣ д̣̇асавид̇хам̣ сзяяам̣, сант̇арид̇вааби ваа саяам̣;

Etaṃ dasavidhaṃ seyyaṃ, santharitvāpi vā sayaṃ;

ануд̣̇д̇харид̇ваанаабужчаа, ад̇иггамад̇и д̇ам̣ сажз.

Anuddharitvānāpucchā, atikkamati taṃ sace.

1073.

аараамассуубажаарам̣ ваа, баригкзбам̣ банасса ваа;

Ārāmassūpacāraṃ vā, parikkhepaṃ panassa vā;

батамз д̣̇уггадам̣ баад̣̇з, баажид̇д̇и д̣̇уд̇ияз сияаа.

Paṭhame dukkaṭaṃ pāde, pācitti dutiye siyā.

1074.

сзнаасанасса сзяяааяа, убхаязсам̣ винаасад̇о;

Senāsanassa seyyāya, ubhayesaṃ vināsato;

г̇ажчад̇о сант̇арид̇ванд̇о-г̇аб̣бхз баажид̇д̇и ван̣н̣ид̇аа.

Gacchato santharitvanto-gabbhe pācitti vaṇṇitā.

1075.

убажаарз вихаарасса, д̣̇уггадам̣ ман̣д̣абаад̣̇игз;

Upacāre vihārassa, dukkaṭaṃ maṇḍapādike;

г̇ажчад̇о сант̇арид̇ваа ваа, сзяяаамад̇д̇ам̣ винаасад̇о.

Gacchato santharitvā vā, seyyāmattaṃ vināsato.

1076.

д̇игабаажид̇д̇ияам̣ вуд̇д̇ам̣, сан̇гхигз д̣̇асавад̇т̇угз;

Tikapācittiyaṃ vuttaṃ, saṅghike dasavatthuke;

д̇ат̇аа буг̇г̇алигз д̇асса, д̣̇ийбид̇ам̣ д̇игад̣̇уггадам̣.

Tathā puggalike tassa, dīpitaṃ tikadukkaṭaṃ.

1077.

анаабад̇д̇уд̣̇д̇харид̇ваа ваа, аабужчам̣ вааби г̇ажчад̇о;

Anāpattuddharitvā vā, āpucchaṃ vāpi gacchato;

балиб̣уд̣̇д̇хзби ваан̃н̃зна, ад̇д̇ано санд̇агзби ваа.

Palibuddhepi vāññena, attano santakepi vā.

1078.

саабзгкова жа г̇анд̇ваа д̇ам̣, д̇ад̇т̇а тад̇вааби бужчад̇и;

Sāpekkhova ca gantvā taṃ, tattha ṭhatvāpi pucchati;

самудтаанаад̣̇аяо саб̣б̣з, ананд̇арасамаа мад̇аа.

Samuṭṭhānādayo sabbe, anantarasamā matā.

д̣̇уд̇ияасзнаасанагат̇аа.

Dutiyasenāsanakathā.

1079.

яо буб̣б̣убаг̇ад̇ам̣ бхигкум̣, ж̇аанам̣ анубакаж̇ж̇а жа;

Yo pubbupagataṃ bhikkhuṃ, jānaṃ anupakhajja ca;

габбзяяа сан̇гхигааваасз, сзяяам̣ баажид̇д̇ияасса жз.

Kappeyya saṅghikāvāse, seyyaṃ pācittiyassa ce.

1080.

баад̣̇ад̇хованабаасаан̣аа, бависанд̇асса бхигкуно;

Pādadhovanapāsāṇā, pavisantassa bhikkhuno;

яаава д̇ам̣ ман̃жабийтам̣ ваа, нигкаманд̇асса ваа бана.

Yāva taṃ mañcapīṭhaṃ vā, nikkhamantassa vā pana.

1081.

ман̃жабийтагад̇о яаава, бассаавадтаанамзва д̇у;

Mañcapīṭhakato yāva, passāvaṭṭhānameva tu;

зд̇т̇анд̇арз ид̣̇ам̣ таанам̣, убажаарод̇и вужжад̇и.

Etthantare idaṃ ṭhānaṃ, upacāroti vuccati.

1082.

д̇ад̇т̇а б̣аад̇хзд̇угаамасса, убажаарз д̇у бхигкуно;

Tattha bādhetukāmassa, upacāre tu bhikkhuno;

д̣̇асасван̃н̃ад̇арам̣ сзяяам̣, сант̇аранд̇асса д̣̇уггадам̣.

Dasasvaññataraṃ seyyaṃ, santharantassa dukkaṭaṃ.

1083.

нисийд̣̇анд̇асса ваа д̇ад̇т̇а, нибаж̇ж̇анд̇асса ваа бана;

Nisīdantassa vā tattha, nipajjantassa vā pana;

д̇ат̇аа д̣̇взби гаронд̇асса, ход̇и баажид̇д̇ияад̣̇ваяам̣.

Tathā dvepi karontassa, hoti pācittiyadvayaṃ.

1084.

бунаббунам̣ гаронд̇асса, баяог̇аг̇ан̣анаавасаа;

Punappunaṃ karontassa, payogagaṇanāvasā;

д̇игабаажид̇д̇ияам̣ вуд̇д̇ам̣, буг̇г̇алз д̇игад̣̇уггадам̣.

Tikapācittiyaṃ vuttaṃ, puggale tikadukkaṭaṃ.

1085.

вуд̇д̇уубажаарам̣ мун̃жид̇ваа, сзяяам̣ сант̇арад̇оби ваа;

Vuttūpacāraṃ muñcitvā, seyyaṃ santharatopi vā;

вихаарассуубажаарз ваа, аж̇жхогаасзби ваа бана.

Vihārassūpacāre vā, ajjhokāsepi vā pana.

1086.

сант̇араабаяад̇о вааби, д̇ад̇т̇а д̇асса нисийд̣̇ад̇о;

Santharāpayato vāpi, tattha tassa nisīdato;

саб̣б̣ад̇т̇а д̣̇уггадам̣ вуд̇д̇ам̣, ниваасо жа ниваарид̇о.

Sabbattha dukkaṭaṃ vuttaṃ, nivāso ca nivārito.

1087.

анаабад̇д̇и г̇илаанасса, сийд̇аад̣̇уббийл̣ид̇асса ваа;

Anāpatti gilānassa, sītāduppīḷitassa vā;

аабад̣̇аасуби бхигкусса, д̇ат̇аа уммад̇д̇агаад̣̇ино.

Āpadāsupi bhikkhussa, tathā ummattakādino.

1088.

самудтаанаад̣̇аяо саб̣б̣з, батаманд̇имавад̇т̇унаа;

Samuṭṭhānādayo sabbe, paṭhamantimavatthunā;

сад̣̇исаад̇и жа вин̃н̃зяяаа, ход̇ийд̣̇ам̣ д̣̇угкавзд̣̇анам̣.

Sadisāti ca viññeyyā, hotīdaṃ dukkhavedanaṃ.

анубакаж̇ж̇агат̇аа.

Anupakhajjakathā.

1089.

вихаараа сан̇гхигаа бхигкум̣, ниггад̣дхзяяа сажз бана;

Vihārā saṅghikā bhikkhuṃ, nikkaḍḍheyya sace pana;

ниггад̣дхаабзяяа ваа гуд̣̇д̇хо, д̇асса баажид̇д̇ияам̣ сияаа.

Nikkaḍḍhāpeyya vā kuddho, tassa pācittiyaṃ siyā.

1090.

б̣ахубхуумааби баасаад̣̇аа, баяог̇знзгагзна яо;

Bahubhūmāpi pāsādā, payogenekakena yo;

ниггад̣дхзд̇и сажз д̇асса, згаа баажид̇д̇и д̣̇ийбид̇аа.

Nikkaḍḍheti sace tassa, ekā pācitti dīpitā.

1091.

табзд̇ваа жа табзд̇ваа жа, ниггад̣дханд̇асса анд̇араа;

Ṭhapetvā ca ṭhapetvā ca, nikkaḍḍhantassa antarā;

д̣̇ваараанам̣ г̇ан̣анааяасса, хонд̇и баажид̇д̇ияо бана.

Dvārānaṃ gaṇanāyassa, honti pācittiyo pana.

1092.

‘‘нигкамаа’’д̇и вад̣̇анд̇асса, ваажааяаби аяам̣ наяо;

‘‘Nikkhamā’’ti vadantassa, vācāyapi ayaṃ nayo;

аан̣ад̇д̇ияаа кан̣зязва, аан̣аабзнд̇асса д̣̇уггадам̣.

Āṇattiyā khaṇeyeva, āṇāpentassa dukkaṭaṃ.

1093.

сажз со сагимаан̣ад̇д̇о, д̣̇ваарзби б̣ахугз бана;

Sace so sakimāṇatto, dvārepi bahuke pana;

ад̇иггаамзд̇и згаава, б̣ахугаани б̣ахууни жз.

Atikkāmeti ekāva, bahukāni bahūni ce.

1094.

д̇ассуубадтаанасаалаад̣̇и-вихаарассуубажаарад̇о ;

Tassūpaṭṭhānasālādi-vihārassūpacārato ;

гааязнаби жа ваажааяа, д̇ат̇аа ниггад̣дханзби жа.

Kāyenapi ca vācāya, tathā nikkaḍḍhanepi ca.

1095.

вихаарассуубажаараа ваа, вихаараа вааби жзд̇арам̣;

Vihārassūpacārā vā, vihārā vāpi cetaraṃ;

ниггад̣дханд̇асса саб̣б̣зсам̣, баригкаарамби д̣̇уггадам̣.

Nikkaḍḍhantassa sabbesaṃ, parikkhārampi dukkaṭaṃ.

1096.

асамб̣ад̣̇д̇хзсу бхигкусса, баригкаарзсу бан̣д̣ид̇о;

Asambaddhesu bhikkhussa, parikkhāresu paṇḍito;

вад̇т̇уунам̣ г̇ан̣анааяасса, д̣̇уггадам̣ барид̣̇ийбаяз.

Vatthūnaṃ gaṇanāyassa, dukkaṭaṃ paridīpaye.

1097.

анд̇зваасималаж̇ж̇им̣ ваа, д̇ат̇аа сад̣̇д̇хивихааригам̣;

Antevāsimalajjiṃ vā, tathā saddhivihārikaṃ;

ниггад̣дханд̇асса уммад̇д̇ам̣, саяам̣ уммад̇д̇агасса жа.

Nikkaḍḍhantassa ummattaṃ, sayaṃ ummattakassa ca.

1098.

ад̇д̇ано васанадтаанаа, д̇ат̇аа виссаасигасса ваа;

Attano vasanaṭṭhānā, tathā vissāsikassa vā;

баригкааран̃жа ваа д̇зсам̣, анаабад̇д̇и багаасид̇аа.

Parikkhārañca vā tesaṃ, anāpatti pakāsitā.

1099.

сан̇гхаараамааби саб̣б̣асмаа, д̇ат̇аа галахагаарагам̣;

Saṅghārāmāpi sabbasmā, tathā kalahakārakaṃ;

ид̣̇ам̣ д̇у д̇исамудтаанам̣, взд̣̇анаа д̣̇угкавзд̣̇анаа.

Idaṃ tu tisamuṭṭhānaṃ, vedanā dukkhavedanā.

ниггад̣дханагат̇аа.

Nikkaḍḍhanakathā.

1100.

маж̇жхимаасийсагхаддааяа, взхаасагудияуубари;

Majjhimāsīsaghaṭṭāya, vehāsakuṭiyūpari;

аахажжабаад̣̇агз ман̃жз, бийтз ваа бана бхигкуно.

Āhaccapādake mañce, pīṭhe vā pana bhikkhuno.

1101.

нисийд̣̇анд̇асса ваа д̇асмим̣, нибаж̇ж̇анд̇асса ваа бана;

Nisīdantassa vā tasmiṃ, nipajjantassa vā pana;

баяог̇аг̇ан̣анааязва, д̇асса баажид̇д̇ияо сияум̣.

Payogagaṇanāyeva, tassa pācittiyo siyuṃ.

1102.

д̇игабаажид̇д̇ияам̣ вуд̇д̇ам̣, буг̇г̇алз д̇игад̣̇уггадам̣;

Tikapācittiyaṃ vuttaṃ, puggale tikadukkaṭaṃ;

хздтаа абарибхог̇з ваа, сийсагхаддааяа ваа бана.

Heṭṭhā aparibhoge vā, sīsaghaṭṭāya vā pana.

1103.

авзхаасавихаарз ваа, ад̇д̇ано санд̇агзби ваа;

Avehāsavihāre vā, attano santakepi vā;

виссаасигавихаарз ваа, на д̣̇осуммад̇д̇агаад̣̇ино.

Vissāsikavihāre vā, na dosummattakādino.

1104.

яад̇т̇а бадаан̣и ваа д̣̇иннаа, д̇ад̇т̇а тад̇ваа лаг̇зд̇и ваа;

Yattha paṭāṇi vā dinnā, tattha ṭhatvā lageti vā;

ид̣̇амзл̣агаломзна, самудтаанам̣ самам̣ мад̇ам̣.

Idameḷakalomena, samuṭṭhānaṃ samaṃ mataṃ.

взхаасагудигат̇аа.

Vehāsakuṭikathā.

1105.

яаава д̣̇ваарасса госамхаа, аг̇г̇ал̣адтабанааяа д̇у;

Yāva dvārassa kosamhā, aggaḷaṭṭhapanāya tu;

бхигкунаа лимбид̇аб̣б̣ам̣ ваа, лзбаабзд̇аб̣б̣амзва ваа.

Bhikkhunā limpitabbaṃ vā, lepāpetabbameva vā.

1106.

н̃зяяо аалогасанд̇хийнам̣, баригаммзбяаяам̣ наяо;

Ñeyyo ālokasandhīnaṃ, parikammepyayaṃ nayo;

чад̣̇анасса д̣̇вад̇д̇ибарияааяам̣, тид̇зна харид̇з бана.

Chadanassa dvattipariyāyaṃ, ṭhitena harite pana.

1107.

ад̇хидтзяяам̣ д̇ад̇о уд̣̇д̇хам̣, ад̇хидтзд̇и сажз бана;

Adhiṭṭheyyaṃ tato uddhaṃ, adhiṭṭheti sace pana;

д̇асса баажид̇д̇ияам̣ ход̇и, д̣̇уггадам̣ д̇ад̇т̇а д̇идтад̇о.

Tassa pācittiyaṃ hoti, dukkaṭaṃ tattha tiṭṭhato.

1108.

бидтивам̣сз тид̇о гожи, чад̣̇анасса мукаваддияаа;

Piṭṭhivaṃse ṭhito koci, chadanassa mukhavaṭṭiyā;

яасмим̣ таанз тид̇ам̣ бхигкум̣, ологзнд̇о на бассад̇и.

Yasmiṃ ṭhāne ṭhitaṃ bhikkhuṃ, olokento na passati.

1109.

д̇асмим̣ таанз бана таад̇ум̣, нзва бхигкусса ваддад̇и;

Tasmiṃ ṭhāne pana ṭhātuṃ, neva bhikkhussa vaṭṭati;

вихаарасса бад̇анд̇асса, бад̇аногаасад̇о хи д̇ам̣.

Vihārassa patantassa, patanokāsato hi taṃ.

1110.

уунагад̣̇вад̇д̇ибарияааяз, ад̇ирзгод̇и сан̃н̃ино;

Ūnakadvattipariyāye, atirekoti saññino;

д̇ад̇т̇а взмад̇игассааби, ход̇и аабад̇д̇и д̣̇уггадам̣.

Tattha vematikassāpi, hoti āpatti dukkaṭaṃ.

1111.

на д̣̇осо д̣̇вад̇д̇ибарияааяз, лзн̣з д̇ин̣агудийсу ваа;

Na doso dvattipariyāye, leṇe tiṇakuṭīsu vā;

самудтаанаад̣̇аяо саб̣б̣з, сан̃жарид̇д̇асамаа мад̇аа.

Samuṭṭhānādayo sabbe, sañcarittasamā matā.

д̣̇вад̇д̇ибарияааяагат̇аа.

Dvattipariyāyakathā.

1112.

ж̇аанам̣ саббаан̣агам̣ д̇ояам̣, д̇ин̣ам̣ ваа мад̇д̇игамби ваа;

Jānaṃ sappāṇakaṃ toyaṃ, tiṇaṃ vā mattikampi vā;

яад̣̇и син̃жзяяа баажид̇д̇и, син̃жаабзяяа барзхи ваа.

Yadi siñceyya pācitti, siñcāpeyya parehi vā.

1113.

ажчинд̣̇ид̇ваа сажз д̇хаарам̣, мад̇д̇игам̣ син̃жад̇о бана;

Acchinditvā sace dhāraṃ, mattikaṃ siñcato pana;

згасмимби гхадз згаа, баажид̇д̇и барид̣̇ийбид̇аа.

Ekasmimpi ghaṭe ekā, pācitti paridīpitā.

1114.

вижчинд̣̇ад̇и сажз д̇хаарам̣, баяог̇аг̇ан̣анаавасаа;

Vicchindati sace dhāraṃ, payogagaṇanāvasā;

саммукамби гаронд̇асса, маад̇игам̣ санд̣̇амаанагам̣.

Sammukhampi karontassa, mātikaṃ sandamānakaṃ.

1115.

згаава жз сияаабад̇д̇и, д̣̇ивасамби жа санд̣̇ад̇у;

Ekāva ce siyāpatti, divasampi ca sandatu;

б̣анд̇хад̇о д̇ад̇т̇а д̇ад̇т̇асса, баяог̇аг̇ан̣анаа сияаа.

Bandhato tattha tatthassa, payogagaṇanā siyā.

1116.

сажз сагадабун̣н̣амби, мад̇д̇игам̣ д̇ин̣амзва ваа;

Sace sakaṭapuṇṇampi, mattikaṃ tiṇameva vā;

уд̣̇агз багкибанд̇асса, згаа баажид̇д̇и згад̇о.

Udake pakkhipantassa, ekā pācitti ekato.

1117.

згзгам̣ багкибанд̇асса, баяог̇аг̇ан̣анааяа жз;

Ekekaṃ pakkhipantassa, payogagaṇanāya ce;

каяам̣ ваа аавилад̇д̇ам̣ ваа, ж̇алам̣ г̇ажчад̇и д̇аад̣̇исз.

Khayaṃ vā āvilattaṃ vā, jalaṃ gacchati tādise.

1118.

‘‘син̃жаахий’’д̇и вад̣̇анд̇асса, ход̇и аабад̇д̇и д̣̇уггадам̣;

‘‘Siñcāhī’’ti vadantassa, hoti āpatti dukkaṭaṃ;

згааяаан̣ад̇д̇ияаа згаа, д̣̇ивасамби жа син̃жад̇о.

Ekāyāṇattiyā ekā, divasampi ca siñcato.

1119.

аббаан̣з уд̣̇агз суд̣̇д̇хз, саббаан̣амид̇и сан̃н̃ино;

Appāṇe udake suddhe, sappāṇamiti saññino;

саб̣б̣ад̇т̇а вимад̇иссааби, ход̇и аабад̇д̇и д̣̇уггадам̣.

Sabbattha vimatissāpi, hoti āpatti dukkaṭaṃ.

1120.

саб̣б̣ад̇т̇аабаан̣асан̃н̃исса, асан̃жижжаасад̇исса ваа;

Sabbatthāpāṇasaññissa, asañciccāsatissa vā;

аж̇аанад̇о анаабад̇д̇и, д̇ат̇аа уммад̇д̇агаад̣̇ино.

Ajānato anāpatti, tathā ummattakādino.

1121.

саббаан̣агад̇д̇ам̣ д̇ояасса, саббаан̣анд̇и виж̇аананам̣;

Sappāṇakattaṃ toyassa, sappāṇanti vijānanaṃ;

винаа вад̇хагажид̇д̇зна, д̇ин̣аад̣̇ийнам̣ нисзжанам̣.

Vinā vadhakacittena, tiṇādīnaṃ nisecanaṃ.

1122.

жад̇д̇аарзвасса ан̇г̇аани, нид̣̇д̣̇идтаани махзсинаа;

Cattārevassa aṅgāni, niddiṭṭhāni mahesinā;

ад̣̇иннаад̣̇аанад̇уляаава, самудтаанаад̣̇аяо наяаа.

Adinnādānatulyāva, samuṭṭhānādayo nayā.

1123.

ид̣̇ам̣ бан̣н̣ад̇д̇иваж̇ж̇ан̃жа, д̇ижид̇д̇ан̃жаад̇и д̣̇ийбид̇ам̣;

Idaṃ paṇṇattivajjañca, ticittañcāti dīpitaṃ;

ид̣̇амзвзд̇т̇а нид̣̇д̣̇идтам̣, д̇асса жасса висзсанам̣.

Idamevettha niddiṭṭhaṃ, tassa cassa visesanaṃ.

саббаан̣агагат̇аа.

Sappāṇakakathā.

сзнаасанаваг̇г̇о д̣̇уд̇ияо.

Senāsanavaggo dutiyo.

1124.

бхигкуссаадтан̇г̇аяуд̇д̇асса, бхигкуноваад̣̇асаммуд̇и;

Bhikkhussāṭṭhaṅgayuttassa, bhikkhunovādasammuti;

ид̇ха н̃ад̇д̇ижад̇уд̇т̇зна, анун̃н̃аад̇аа махзсинаа.

Idha ñatticatutthena, anuññātā mahesinā.

1125.

яо д̇ааяаасаммад̇о бхигку, г̇аруд̇хаммзхи адтахи;

Yo tāyāsammato bhikkhu, garudhammehi aṭṭhahi;

згам̣ самб̣ахулаа вааби, бхигкунисан̇гхамзва ваа.

Ekaṃ sambahulā vāpi, bhikkhunisaṅghameva vā.

1126.

осаарзнд̇ова д̇з д̇хаммз, овад̣̇зяяа сажз бана;

Osārentova te dhamme, ovadeyya sace pana;

оваад̣̇абарияосаанз, д̇асса баажид̇д̇ияам̣ сияаа.

Ovādapariyosāne, tassa pācittiyaṃ siyā.

1127.

ан̃н̃зна бана д̇хаммзна, овад̣̇анд̇асса д̣̇уггадам̣;

Aññena pana dhammena, ovadantassa dukkaṭaṃ;

згад̇оубасамбаннам̣, г̇аруд̇хаммзхи ваа д̇ат̇аа.

Ekatoupasampannaṃ, garudhammehi vā tathā.

1128.

бхигкуунам̣ санд̇игзязва, убасамбаннабхигкуним̣;

Bhikkhūnaṃ santikeyeva, upasampannabhikkhuniṃ;

д̇ат̇аа, лин̇г̇авибаллаасз, баажид̇д̇зва багаасид̇аа.

Tathā, liṅgavipallāse, pācitteva pakāsitā.

1129.

саммад̇ассааби бхигкусса, д̣̇уггадам̣ самуд̣̇ийрид̇ам̣;

Sammatassāpi bhikkhussa, dukkaṭaṃ samudīritaṃ;

оваад̣̇ам̣ анияаад̣̇зд̇ваа, д̇хаммзнан̃н̃зна бхаасад̇о.

Ovādaṃ aniyādetvā, dhammenaññena bhāsato.

1130.

‘‘самаг̇г̇амхаа’’д̇и вуд̇д̇зби, ан̃н̃зновад̣̇ад̇о д̇ат̇аа;

‘‘Samaggamhā’’ti vuttepi, aññenovadato tathā;

‘‘ваг̇г̇амхаа’’д̇и жа вуд̇д̇зби, г̇аруд̇хаммзхи д̣̇уггадам̣.

‘‘Vaggamhā’’ti ca vuttepi, garudhammehi dukkaṭaṃ.

1131.

аг̇ан̣ханд̇асса оваад̣̇ам̣, абажжаахарад̇оби д̇ам̣;

Agaṇhantassa ovādaṃ, apaccāharatopi taṃ;

табзд̇ваа д̣̇уггадам̣ б̣аалам̣, г̇илаанам̣ г̇амигам̣ сияаа.

Ṭhapetvā dukkaṭaṃ bālaṃ, gilānaṃ gamikaṃ siyā.

1132.

ад̇хаммз бана гаммасмим̣, ад̇хамманд̇и жа сан̃н̃ино;

Adhamme pana kammasmiṃ, adhammanti ca saññino;

ваг̇г̇з бхигкунисан̇гхасмим̣, д̇игабаажид̇д̇ияам̣ сияаа.

Vagge bhikkhunisaṅghasmiṃ, tikapācittiyaṃ siyā.

1133.

д̇ат̇аа взмад̇игассааби, д̇хаммагамманд̇и сан̃н̃ино;

Tathā vematikassāpi, dhammakammanti saññino;

нава баажид̇д̇ияо вуд̇д̇аа, самаг̇г̇зби жа д̇ад̇д̇агаа.

Nava pācittiyo vuttā, samaggepi ca tattakā.

1134.

навагаанам̣ васаа д̣̇виннам̣, адтаараса бхаванд̇и д̇аа;

Navakānaṃ vasā dvinnaṃ, aṭṭhārasa bhavanti tā;

д̣̇уггадам̣ д̇хаммагаммзби, сад̇д̇арасавид̇хам̣ сияаа.

Dukkaṭaṃ dhammakammepi, sattarasavidhaṃ siyā.

1135.

‘‘осаарзхий’’д̇и вуд̇д̇о ваа, бан̃хам̣ будто гат̇зд̇и ваа;

‘‘Osārehī’’ti vutto vā, pañhaṃ puṭṭho katheti vā;

сигкамаанааяа ваа нзва, д̣̇осо уммад̇д̇агаад̣̇ино.

Sikkhamānāya vā neva, doso ummattakādino.

1136.

ваажуг̇г̇ад̇аава гаад̇аб̣б̣аа, баг̇ун̣аа д̣̇взби маад̇игаа;

Vācuggatāva kātabbā, paguṇā dvepi mātikā;

суд̇д̇анд̇ад̇о жа жад̇д̇ааро, бхаан̣аваараа багаасид̇аа.

Suttantato ca cattāro, bhāṇavārā pakāsitā.

1137.

зго баригат̇ад̇т̇ааяа, гат̇аамаг̇г̇о багаасид̇о;

Eko parikathatthāya, kathāmaggo pakāsito;

ман̇г̇алааман̇г̇алад̇т̇ааяа, д̇иссоязваанумод̣̇анаа.

Maṅgalāmaṅgalatthāya, tissoyevānumodanā.

1138.

убосат̇аад̣̇иад̇т̇ааяа, гаммаагаммавинижчаяо;

Uposathādiatthāya, kammākammavinicchayo;

гаммадтаанам̣ д̇ат̇аа згам̣, уд̇д̇амад̇т̇асса баабагам̣.

Kammaṭṭhānaṃ tathā ekaṃ, uttamatthassa pāpakaṃ.

1139.

зд̇д̇агам̣ уг̇г̇ахзд̇ваана, бан̃жавассо б̣ахуссуд̇о;

Ettakaṃ uggahetvāna, pañcavasso bahussuto;

мун̃жид̇ваа ниссаяам̣ гаамам̣, васид̇ум̣ лабхад̇иссаро.

Muñcitvā nissayaṃ kāmaṃ, vasituṃ labhatissaro.

1140.

ваажуг̇г̇ад̇аа вибхан̇г̇аа д̣̇вз, баг̇ун̣аа б̣яан̃ж̇анаад̣̇ид̇о;

Vācuggatā vibhaṅgā dve, paguṇā byañjanādito;

жад̇уусваби нигааязсу, зго ваа бод̇т̇агоби жа.

Catūsvapi nikāyesu, eko vā potthakopi ca.

1141.

гаммаагамман̃жа вад̇д̇аани, уг̇г̇ахзд̇аб̣б̣амзд̇д̇агам̣;

Kammākammañca vattāni, uggahetabbamettakaṃ;

саб̣б̣анд̇имабарижчзд̣̇о, д̣̇асавассо сажз бана.

Sabbantimaparicchedo, dasavasso sace pana.

1142.

б̣ахуссуд̇о д̣̇исаамогко, язнагаамам̣г̇амо сияаа;

Bahussuto disāmokkho, yenakāmaṃgamo siyā;

барисам̣ лабхад̇з гаамам̣, убадтаабзд̇умиссаро.

Parisaṃ labhate kāmaṃ, upaṭṭhāpetumissaro.

1143.

яасса саадтагат̇ам̣ саб̣б̣ам̣, ваажуг̇г̇ам̣ бидагад̇д̇аяам̣;

Yassa sāṭṭhakathaṃ sabbaṃ, vācuggaṃ piṭakattayaṃ;

сояам̣ б̣ахуссуд̇о наама, бхигкуноваад̣̇аго сияаа.

Soyaṃ bahussuto nāma, bhikkhunovādako siyā.

1144.

ассаасаммад̇ад̇аад̣̇ийни , д̇ийн̣и ан̇г̇аани д̣̇ийбаяз;

Assāsammatatādīni , tīṇi aṅgāni dīpaye;

бад̣̇асод̇хаммад̇уляаава, самудтаанаад̣̇аяо наяаа.

Padasodhammatulyāva, samuṭṭhānādayo nayā.

оваад̣̇агат̇аа.

Ovādakathā.

1145.

баажид̇д̇и г̇аруд̇хаммзхи, д̇хаммзнан̃н̃зна ваа бана;

Pācitti garudhammehi, dhammenaññena vā pana;

ход̇яад̇т̇ан̇г̇ад̇з суурияз, овад̣̇анд̇асса бхигкуним̣.

Hotyatthaṅgate sūriye, ovadantassa bhikkhuniṃ.

1146.

д̇игабаажид̇д̇ияам̣ вуд̇д̇ам̣, саммад̇ассааби бхигкуно;

Tikapācittiyaṃ vuttaṃ, sammatassāpi bhikkhuno;

згад̇оубасамбаннам̣, овад̣̇анд̇асса д̣̇уггадам̣.

Ekatoupasampannaṃ, ovadantassa dukkaṭaṃ.

1147.

д̇ат̇аанад̇т̇ан̇г̇ад̇з суурияз, г̇ад̇з ад̇т̇анд̇и сан̃н̃ино;

Tathānatthaṅgate sūriye, gate atthanti saññino;

д̇ад̇т̇а взмад̇игассааби, ход̇и аабад̇д̇и д̣̇уггадам̣.

Tattha vematikassāpi, hoti āpatti dukkaṭaṃ.

1148.

уд̣̇д̣̇зсаад̣̇инаязнасса, анаабад̇д̇и багаасид̇аа;

Uddesādinayenassa, anāpatti pakāsitā;

ананд̇арасамаа сзсаа, самудтаанаад̣̇аяо наяаа.

Anantarasamā sesā, samuṭṭhānādayo nayā.

ад̇т̇ан̇г̇ад̇асуурияагат̇аа.

Atthaṅgatasūriyakathā.

1149.

бхигкуним̣ овад̣̇анд̇асса, г̇анд̇ваа бхигкунубассаяам̣;

Bhikkhuniṃ ovadantassa, gantvā bhikkhunupassayaṃ;

г̇аруд̇хаммзхи ан̃н̃ад̇ра, гаалаа баажид̇д̇ияам̣ сияаа.

Garudhammehi aññatra, kālā pācittiyaṃ siyā.

1150.

сажз асаммад̇о ход̇и, ход̇и баажид̇д̇ияад̣̇ваяам̣;

Sace asammato hoti, hoti pācittiyadvayaṃ;

ад̇т̇ан̇г̇ад̇з жа суурияз, сажз вад̣̇ад̇и д̇ийн̣иби.

Atthaṅgate ca sūriye, sace vadati tīṇipi.

1151.

ан̃н̃зна бана д̇хаммзна, вад̣̇ад̇о д̣̇уггадад̣̇ваяам̣;

Aññena pana dhammena, vadato dukkaṭadvayaṃ;

згам̣ баажид̇д̇ияам̣ ход̇и, бхигкуно рад̇д̇ихзд̇угам̣.

Ekaṃ pācittiyaṃ hoti, bhikkhuno rattihetukaṃ.

1152.

саммад̇ассааби бхигкусса, ход̇и баажид̇д̇ияад̣̇ваяам̣;

Sammatassāpi bhikkhussa, hoti pācittiyadvayaṃ;

г̇аруд̇хамманид̣̇аанасса, саммад̇ад̇д̇аа абхаавад̇о.

Garudhammanidānassa, sammatattā abhāvato.

1153.

д̇ассзван̃н̃зна д̇хаммзна, овад̣̇анд̇асса д̣̇уггадам̣;

Tassevaññena dhammena, ovadantassa dukkaṭaṃ;

саммад̇ад̇д̇аа анаабад̇д̇и, згаа баажид̇д̇и рад̇д̇ияам̣.

Sammatattā anāpatti, ekā pācitti rattiyaṃ.

1154.

д̇игабаажид̇д̇ияам̣ вуд̇д̇ам̣, д̣̇уггадам̣ ид̇арад̣̇ваяз;

Tikapācittiyaṃ vuttaṃ, dukkaṭaṃ itaradvaye;

згад̇оубасамбаннам̣, овад̣̇анд̇асса д̣̇уггадам̣.

Ekatoupasampannaṃ, ovadantassa dukkaṭaṃ.

1155.

д̇ат̇аа ан̃н̃зна д̇хаммзна, г̇анд̇ваа бхигкунубассаяам̣;

Tathā aññena dhammena, gantvā bhikkhunupassayaṃ;

самудтаанаад̣̇аяо саб̣б̣з, гат̇инзна самаа мад̇аа.

Samuṭṭhānādayo sabbe, kathinena samā matā.

бхигкунубассаяагат̇аа.

Bhikkhunupassayakathā.

1156.

жийвараад̣̇ийнамад̇т̇ааяа , овад̣̇анд̇ийд̇и бхигкуним̣;

Cīvarādīnamatthāya , ovadantīti bhikkhuniṃ;

вад̣̇ад̇о саммад̇з бхигку, д̇асса баажид̇д̇ияам̣ сияаа.

Vadato sammate bhikkhu, tassa pācittiyaṃ siyā.

1157.

д̇игабаажид̇д̇ияам̣ вуд̇д̇ам̣, д̇ат̇зва д̇игад̣̇уггадам̣;

Tikapācittiyaṃ vuttaṃ, tatheva tikadukkaṭaṃ;

сан̇гхзнаасаммад̇ам̣ бхигкум̣, вад̣̇анд̇асса жа д̣̇уггадам̣.

Saṅghenāsammataṃ bhikkhuṃ, vadantassa ca dukkaṭaṃ.

1158.

д̇ат̇зваанубасамбаннам̣, саммад̇ам̣ ваа асаммад̇ам̣;

Tathevānupasampannaṃ, sammataṃ vā asammataṃ;

на д̣̇осо аамисад̇т̇ааяа, овад̣̇анд̇асса бхаасад̇о.

Na doso āmisatthāya, ovadantassa bhāsato.

1159.

д̇ат̇аа уммад̇д̇агаад̣̇ийнам̣, анаабад̇д̇и багаасид̇аа;

Tathā ummattakādīnaṃ, anāpatti pakāsitā;

ид̣̇ан̃хи д̇исамудтаанам̣, взд̣̇анаа д̣̇угкавзд̣̇анаа.

Idañhi tisamuṭṭhānaṃ, vedanā dukkhavedanā.

аамисагат̇аа.

Āmisakathā.

1160.

сажз бхигкунияаа бхигку, д̣̇ад̣̇зяяа бана жийварам̣;

Sace bhikkhuniyā bhikkhu, dadeyya pana cīvaraṃ;

ан̃н̃аад̇игааяа баажид̇д̇и, табзд̇ваа бааривад̇д̇агам̣.

Aññātikāya pācitti, ṭhapetvā pārivattakaṃ.

1161.

жийварасса бадиг̇г̇ааха-сигкаабад̣̇асамо наяо;

Cīvarassa paṭiggāha-sikkhāpadasamo nayo;

авасзсо мад̇о сад̣̇д̇хим̣, самудтаанаад̣̇инаа бана.

Avaseso mato saddhiṃ, samuṭṭhānādinā pana.

1162.

д̇ад̇т̇а бхигкунияаа д̣̇иннам̣, жийварам̣ ид̇ха бхигкунаа;

Tattha bhikkhuniyā dinnaṃ, cīvaraṃ idha bhikkhunā;

д̇ад̇т̇а ниссаг̇г̇ияам̣ суд̣̇д̇ха-баажид̇д̇и ид̇ха суужид̇аа.

Tattha nissaggiyaṃ suddha-pācitti idha sūcitā.

жийварад̣̇аанагат̇аа.

Cīvaradānakathā.

1163.

жийварам̣ яо хи сиб̣б̣зяяа, сиб̣б̣аабзяяа барзна ваа;

Cīvaraṃ yo hi sibbeyya, sibbāpeyya parena vā;

ан̃н̃аад̇игааяа баажид̇д̇и, ход̇и бхигкунияаа бана.

Aññātikāya pācitti, hoti bhikkhuniyā pana.

1164.

яам̣ ваа ниваасид̇ум̣ саггаа, яам̣ ваа баарубануубаг̇ам̣;

Yaṃ vā nivāsituṃ sakkā, yaṃ vā pārupanūpagaṃ;

жийваранд̇и ад̇хиббзд̇о, ид̣̇амзд̇т̇а махзсинаа.

Cīvaranti adhippeto, idamettha mahesinā.

1165.

саяам̣ суужим̣ бавзсзд̇ваа, сиб̣б̣анд̇асса жа бхигкуно;

Sayaṃ sūciṃ pavesetvā, sibbantassa ca bhikkhuno;

суужинийхаран̣з д̇асса, баажид̇д̇ияамуд̣̇ийрид̇ам̣.

Sūcinīharaṇe tassa, pācittiyamudīritaṃ.

1166.

сад̇агкад̇д̇умби виж̇жхид̇ваа, сагим̣ нийхарад̇о бана;

Satakkhattumpi vijjhitvā, sakiṃ nīharato pana;

згам̣ баажид̇д̇ияам̣ вуд̇д̇ам̣, баяог̇асса васаа б̣ахуу.

Ekaṃ pācittiyaṃ vuttaṃ, payogassa vasā bahū.

1167.

‘‘сиб̣б̣аа’’д̇и бана аан̣ад̇д̇о, ависзсзна бхигкунаа;

‘‘Sibbā’’ti pana āṇatto, avisesena bhikkhunā;

нидтаабзд̇и сажз саб̣б̣ам̣, згам̣ баажид̇д̇ияам̣ сияаа.

Niṭṭhāpeti sace sabbaṃ, ekaṃ pācittiyaṃ siyā.

1168.

‘‘яамзд̇т̇а жийварз гаммам̣, бхааро саб̣б̣ам̣ д̇аваа’’д̇и хи;

‘‘Yamettha cīvare kammaṃ, bhāro sabbaṃ tavā’’ti hi;

аан̣ад̇д̇о бхигкунаа саб̣б̣ам̣, нидтаабзд̇и сажз бана.

Āṇatto bhikkhunā sabbaṃ, niṭṭhāpeti sace pana.

1169.

бхигкуссаан̣аабагассзва, згааяаан̣ад̇д̇ияаа бана;

Bhikkhussāṇāpakasseva, ekāyāṇattiyā pana;

хонд̇и баажид̇д̇ияаабад̇д̇и, анзгаараабат̇з бат̇з.

Honti pācittiyāpatti, anekārāpathe pathe.

1170.

бунаббунаан̣аабзнд̇асса, анзгаан̣ад̇д̇ияам̣ бана;

Punappunāṇāpentassa, anekāṇattiyaṃ pana;

гаа хи наама гат̇аа ад̇т̇и? д̇игабаажид̇д̇ияам̣ сияаа.

Kā hi nāma kathā atthi? Tikapācittiyaṃ siyā.

1171.

н̃аад̇игааяа жа ан̃н̃аад̇и-сан̃н̃исса вимад̇исса ваа;

Ñātikāya ca aññāti-saññissa vimatissa vā;

згад̇оубасамбанна-жийварз д̣̇уггадам̣ сияаа.

Ekatoupasampanna-cīvare dukkaṭaṃ siyā.

1172.

табзд̇ваа жийварам̣ ан̃н̃ам̣, баригкааран̃жа сиб̣б̣ад̇о;

Ṭhapetvā cīvaraṃ aññaṃ, parikkhārañca sibbato;

анаабад̇д̇и винид̣̇д̣̇идтаа, сигкамаанаад̣̇игааяаби.

Anāpatti viniddiṭṭhā, sikkhamānādikāyapi.

1173.

сан̃жарид̇д̇асамудтаанам̣, грияам̣ бан̣н̣ад̇д̇иваж̇ж̇агам̣;

Sañcarittasamuṭṭhānaṃ, kriyaṃ paṇṇattivajjakaṃ;

гааяагаммам̣ важийгаммам̣, д̇ижид̇д̇ан̃жа д̇ивзд̣̇анам̣.

Kāyakammaṃ vacīkammaṃ, ticittañca tivedanaṃ.

жийварасиб̣б̣анагат̇аа.

Cīvarasibbanakathā.

1174.

бхигку бхигкунияаа сад̣̇д̇хим̣, сам̣вид̇хааяа банзгад̇о;

Bhikkhu bhikkhuniyā saddhiṃ, saṃvidhāya panekato;

бадибаж̇ж̇зяяа маг̇г̇ам̣ жз, ан̃н̃ад̇ра самаяаа ид̇ха.

Paṭipajjeyya maggaṃ ce, aññatra samayā idha.

1175.

г̇ааманд̇ароггамз вааби, ад̣̇д̇хаяож̇анад̇иггамз;

Gāmantarokkame vāpi, addhayojanatikkame;

аг̇аамагз аран̃н̃з ваа, ход̇и аабад̇д̇и бхигкуно.

Agāmake araññe vā, hoti āpatti bhikkhuno.

1176.

зд̇т̇аагаббияабхуумадто, сам̣вид̇хаанам̣ гарод̇и яо;

Etthākappiyabhūmaṭṭho, saṃvidhānaṃ karoti yo;

сам̣вид̇хаананимид̇д̇ам̣ д̇у, д̣̇уггадам̣ д̇асса д̣̇ийбид̇ам̣.

Saṃvidhānanimittaṃ tu, dukkaṭaṃ tassa dīpitaṃ.

1177.

сам̣вид̇хаанам̣ гаронд̇асса, тад̇ваа габбияабхуумияам̣;

Saṃvidhānaṃ karontassa, ṭhatvā kappiyabhūmiyaṃ;

сам̣вид̇хаананимид̇д̇ам̣ д̇у, на вад̣̇анд̇асса д̣̇уггадам̣.

Saṃvidhānanimittaṃ tu, na vadantassa dukkaṭaṃ.

1178.

убхаяад̇т̇ааби баажид̇д̇и, г̇ажчанд̇ассзва бхигкуно;

Ubhayatthāpi pācitti, gacchantasseva bhikkhuno;

ананд̇арасса г̇аамасса, убажаароггамз сияаа.

Anantarassa gāmassa, upacārokkame siyā.

1179.

д̇ад̇рааби батамз баад̣̇з, д̣̇уггадам̣ самуд̣̇ийрид̇ам̣;

Tatrāpi paṭhame pāde, dukkaṭaṃ samudīritaṃ;

д̣̇уд̇ияз бад̣̇аваарасмим̣, баажид̇д̇ияамуд̣̇ийрид̇ам̣.

Dutiye padavārasmiṃ, pācittiyamudīritaṃ.

1180.

анд̇араа сам̣вид̇хаанзби, бхигкуно д̣̇уггадам̣ сияаа;

Antarā saṃvidhānepi, bhikkhuno dukkaṭaṃ siyā;

д̣̇ваарамаг̇г̇ависан̇гзд̇з, сад̇и жаабад̇д̇и вужжад̇и.

Dvāramaggavisaṅkete, sati cāpatti vuccati.

1181.

асам̣вид̣̇ахид̇з гаалз, вид̣̇ахид̇од̇и сан̃н̃ино;

Asaṃvidahite kāle, vidahitoti saññino;

бхигкуссзва вид̇хаанасмим̣, ход̇и аабад̇д̇и д̣̇уггадам̣.

Bhikkhusseva vidhānasmiṃ, hoti āpatti dukkaṭaṃ.

1182.

самаяз вид̣̇ахид̇ваа ваа, висан̇гзд̇зна г̇ажчад̇о;

Samaye vidahitvā vā, visaṅketena gacchato;

аабад̣̇аасу анаабад̇д̇и, д̇ат̇аа уммад̇д̇агаад̣̇ино.

Āpadāsu anāpatti, tathā ummattakādino.

1183.

ид̣̇ам̣ жад̇усамудтаанам̣, гааяад̇о гааяаваажад̇о;

Idaṃ catusamuṭṭhānaṃ, kāyato kāyavācato;

гааяажид̇д̇аа самудтаад̇и, гааяаваажаад̣̇игад̇д̇аяаа.

Kāyacittā samuṭṭhāti, kāyavācādikattayā.

сам̣вид̇хаанагат̇аа.

Saṃvidhānakathā.

1184.

згамуж̇ж̇аваним̣ наавам̣, д̇ат̇аа ож̇аванимби ваа;

Ekamujjavaniṃ nāvaṃ, tathā ojavanimpi vā;

абхируухзяяа баажид̇д̇и, сад̣̇д̇хим̣ бхигкунияаа сажз.

Abhirūheyya pācitti, saddhiṃ bhikkhuniyā sace.

1185.

саг̇аамад̇ийрабассзна , г̇ааманд̇аравасзна ваа;

Sagāmatīrapassena , gāmantaravasena vā;

аг̇аамад̇ийрабассзна, г̇аманз ад̣̇д̇хаяож̇анз.

Agāmatīrapassena, gamane addhayojane.

1186.

д̇ат̇аа яож̇анавид̇т̇ин̣н̣а-над̣̇иймаж̇жхзна г̇ажчад̇о;

Tathā yojanavitthiṇṇa-nadīmajjhena gacchato;

ад̣̇д̇хаяож̇анасан̇кааяа, хонд̇и баажид̇д̇ияо бана.

Addhayojanasaṅkhāya, honti pācittiyo pana.

1187.

яат̇аасукам̣ самуд̣̇д̣̇асмим̣, саб̣б̣аадтагат̇аасу хи;

Yathāsukhaṃ samuddasmiṃ, sabbaaṭṭhakathāsu hi;

над̣̇ияам̣язва аабад̇д̇и, на самуд̣̇д̣̇з вижаарид̇аа.

Nadiyaṃyeva āpatti, na samudde vicāritā.

1188.

д̇ид̇т̇асамбаад̣̇анад̇т̇ааяа, уд̣̇д̇хам̣ ваа над̣̇ияаа ад̇хо;

Titthasampādanatthāya, uddhaṃ vā nadiyā adho;

сажз харанд̇и д̇ам̣яуд̇д̇аа, анаабад̇д̇и багаасид̇аа.

Sace haranti taṃyuttā, anāpatti pakāsitā.

1189.

д̇ат̇аа сам̣вид̣̇ахид̇ваа ваа, д̇ирияам̣ д̇аран̣ааяа ваа;

Tathā saṃvidahitvā vā, tiriyaṃ taraṇāya vā;

аабад̣̇аасу висзсо хи, ананд̇арасамо мад̇о.

Āpadāsu viseso hi, anantarasamo mato.

нааваабхируханагат̇аа.

Nāvābhiruhanakathā.

1190.

н̃ад̇ваа бхигкунияаа бхад̇д̇ам̣, бхун̃ж̇ад̇о барибаажид̇ам̣;

Ñatvā bhikkhuniyā bhattaṃ, bhuñjato paripācitaṃ;

хид̇ваа г̇ихисамаарамбхам̣, ход̇и баажид̇д̇и бхигкуно.

Hitvā gihisamārambhaṃ, hoti pācitti bhikkhuno.

1191.

бхож̇анам̣ бан̃жад̇хаа вуд̇д̇ам̣, г̇ахан̣з д̇асса д̣̇уггадам̣;

Bhojanaṃ pañcadhā vuttaṃ, gahaṇe tassa dukkaṭaṃ;

аж̇жхохаарзсу саб̣б̣зсу, д̇асса баажид̇д̇ияо сияум̣.

Ajjhohāresu sabbesu, tassa pācittiyo siyuṃ.

1192.

санд̇агам̣ н̃аад̇агаад̣̇ийнам̣, г̇ихисамбаад̣̇ид̇амби ваа;

Santakaṃ ñātakādīnaṃ, gihisampāditampi vā;

винаа бхигкунияаа д̣̇осо, бхун̃ж̇ад̇о барибаажид̇ам̣.

Vinā bhikkhuniyā doso, bhuñjato paripācitaṃ.

1193.

барибаажид̇асан̃н̃исса , бхигкуссаабарибаажид̇з;

Paripācitasaññissa , bhikkhussāparipācite;

убхосу вимад̇иссааби, ход̇и саб̣б̣ад̇т̇а д̣̇уггадам̣.

Ubhosu vimatissāpi, hoti sabbattha dukkaṭaṃ.

1194.

згад̇оубасамбанна-барибаажид̇абхож̇анам̣;

Ekatoupasampanna-paripācitabhojanaṃ;

аж̇жхохааравасзнзва, д̣̇уггадам̣ барибхун̃ж̇ад̇о.

Ajjhohāravaseneva, dukkaṭaṃ paribhuñjato.

1195.

ан̃н̃ам̣ ваа бана яам̣ гин̃жи, табзд̇ваа бан̃жабхож̇анам̣;

Aññaṃ vā pana yaṃ kiñci, ṭhapetvā pañcabhojanaṃ;

бхун̃ж̇анд̇асса анаабад̇д̇и, яааг̇укаж̇ж̇апалаад̣̇игам̣.

Bhuñjantassa anāpatti, yāgukhajjaphalādikaṃ.

1196.

самудтаанаад̣̇аяо д̇уляаа, батаманд̇имавад̇т̇унаа;

Samuṭṭhānādayo tulyā, paṭhamantimavatthunā;

ид̣̇ам̣ бан̣н̣ад̇д̇иваж̇ж̇ам̣ д̇у, д̇ижид̇д̇ан̃жа д̇ивзд̣̇анам̣.

Idaṃ paṇṇattivajjaṃ tu, ticittañca tivedanaṃ.

барибаажид̇агат̇аа.

Paripācitakathā.

1197.

д̣̇уд̇ияаанияад̇знзва, д̣̇асамам̣ сад̣̇исам̣ мад̇ам̣;

Dutiyāniyateneva, dasamaṃ sadisaṃ mataṃ;

ид̣̇ам̣ сигкаабад̣̇ам̣ саб̣б̣ам̣, самудтаананаяаад̣̇инаа.

Idaṃ sikkhāpadaṃ sabbaṃ, samuṭṭhānanayādinā.

рахонисаж̇ж̇агат̇аа.

Rahonisajjakathā.

бхигкуниваг̇г̇о д̇ад̇ияо.

Bhikkhunivaggo tatiyo.

1198.

зго аавасат̇о бин̣д̣о, аг̇илаанзна бхигкунаа;

Eko āvasatho piṇḍo, agilānena bhikkhunā;

бхун̃ж̇ид̇аб̣б̣о д̇ад̇о уд̣̇д̇хам̣, баажид̇д̇и барибхун̃ж̇ад̇о.

Bhuñjitabbo tato uddhaṃ, pācitti paribhuñjato.

1199.

анод̣̇иссзва бан̃н̃ад̇д̇з, яаавад̣̇ад̇т̇зва бхигкунаа;

Anodisseva paññatte, yāvadattheva bhikkhunā;

бхун̃ж̇ид̇аб̣б̣ам̣ сагим̣ д̇ад̇т̇а, д̇ад̇о уд̣̇д̇хам̣ на ваддад̇и.

Bhuñjitabbaṃ sakiṃ tattha, tato uddhaṃ na vaṭṭati.

1200.

д̣̇уд̇ияз д̣̇ивасз д̇ад̇т̇а, г̇ахан̣з д̣̇уггадам̣ мад̇ам̣;

Dutiye divase tattha, gahaṇe dukkaṭaṃ mataṃ;

аж̇жхохаарзсу саб̣б̣зсу, д̇асса баажид̇д̇ияо мад̇аа.

Ajjhohāresu sabbesu, tassa pācittiyo matā.

1201.

гулзнзгзна бан̃н̃ад̇д̇з, саха наанаагулзхи ваа;

Kulenekena paññatte, saha nānākulehi vā;

наанзгадтаанабхзд̣̇зсу, згабхааг̇ова ваддад̇и.

Nānekaṭṭhānabhedesu, ekabhāgova vaṭṭati.

1202.

наанаадтаанзсу бан̃н̃ад̇д̇о, яо жа, наанаагулзхи ваа;

Nānāṭṭhānesu paññatto, yo ca, nānākulehi vā;

бхун̃ж̇ад̇о бана саб̣б̣ад̇т̇а, на д̣̇осо бадибаадияаа.

Bhuñjato pana sabbattha, na doso paṭipāṭiyā.

1203.

бадибаадимасзсзна, кзбзд̇ваа буна бхун̃ж̇ад̇о;

Paṭipāṭimasesena, khepetvā puna bhuñjato;

аад̣̇ид̇о бана бадтааяа, на жа габбад̇и бхигкуно.

Ādito pana paṭṭhāya, na ca kappati bhikkhuno.

1204.

анаабад̇д̇и г̇илаанасса, ааг̇ажчанд̇асса г̇ажчад̇о;

Anāpatti gilānassa, āgacchantassa gacchato;

од̣̇иссаби жа бан̃н̃ад̇д̇з, барид̇д̇з бхун̃ж̇ад̇о сагим̣.

Odissapi ca paññatte, paritte bhuñjato sakiṃ.

1205.

яааг̇уаад̣̇ийни нижжамби, бхун̃ж̇ид̇ум̣ бана ваддад̇и;

Yāguādīni niccampi, bhuñjituṃ pana vaṭṭati;

сзсамзл̣агаломзна, самудтаанаад̣̇игам̣ самам̣.

Sesameḷakalomena, samuṭṭhānādikaṃ samaṃ.

аавасат̇агат̇аа.

Āvasathakathā.

1206.

ан̃н̃ад̇ра самаяаа вуд̇д̇аа, баажид̇д̇и г̇ан̣абхож̇анз;

Aññatra samayā vuttā, pācitti gaṇabhojane;

г̇ан̣од̇и бана нид̣̇д̣̇идтаа, жад̇д̇ааро ваа д̇ад̇уд̇д̇арим̣.

Gaṇoti pana niddiṭṭhā, cattāro vā tatuttariṃ.

1207.

яам̣ ниманд̇анад̇о вааби, лад̣̇д̇хам̣ вин̃н̃ад̇д̇ид̇оби ваа;

Yaṃ nimantanato vāpi, laddhaṃ viññattitopi vā;

бхож̇анам̣ бана бан̃жаннам̣, ход̇и ан̃н̃ад̇арам̣ ид̇ха.

Bhojanaṃ pana pañcannaṃ, hoti aññataraṃ idha.

1208.

бхож̇анаанамби бан̃жаннам̣, г̇ахзд̇ваа наамамзва д̇у;

Bhojanānampi pañcannaṃ, gahetvā nāmameva tu;

ниманд̇зд̇и сажз бхигкуу, жад̇д̇ааро б̣ахугзби ваа.

Nimanteti sace bhikkhū, cattāro bahukepi vā.

1209.

‘‘од̣̇анам̣ бхож̇анам̣ бхад̇д̇ам̣, самбадижчат̇а г̇ан̣хат̇а’’;

‘‘Odanaṃ bhojanaṃ bhattaṃ, sampaṭicchatha gaṇhatha’’;

ид̇и взважанзхзва, ат̇а бхаасанд̇арзна ваа.

Iti vevacaneheva, atha bhāsantarena vā.

1210.

д̇ад̇о д̇асса жа д̇з бхигкуу, саад̣̇ияид̇ваа ниманд̇анам̣;

Tato tassa ca te bhikkhū, sādiyitvā nimantanaṃ;

згад̇о наанад̇о ваа жз, г̇анд̇ваа г̇ан̣ханд̇и згад̇о.

Ekato nānato vā ce, gantvā gaṇhanti ekato.

1211.

саб̣б̣зсам̣ ход̇и баажид̇д̇и, г̇ан̣абхож̇анагааран̣аа;

Sabbesaṃ hoti pācitti, gaṇabhojanakāraṇā;

згад̇о г̇ахан̣ам̣ зд̇т̇а, г̇ан̣абхож̇анагааран̣ам̣.

Ekato gahaṇaṃ ettha, gaṇabhojanakāraṇaṃ.

1212.

згад̇о наанад̇о вааби, г̇аманам̣ бхож̇анамби ваа;

Ekato nānato vāpi, gamanaṃ bhojanampi vā;

гааран̣анд̇и на д̇ам̣ вин̃н̃уу, бхан̣анд̇и г̇ан̣абхож̇анз.

Kāraṇanti na taṃ viññū, bhaṇanti gaṇabhojane.

1213.

сажзби од̣̇анаад̣̇ийнам̣, г̇ахзд̇ваа наамамзва ваа;

Sacepi odanādīnaṃ, gahetvā nāmameva vā;

згад̇о наанад̇о вааби, вин̃н̃аабзд̇ваа мануссагз.

Ekato nānato vāpi, viññāpetvā manussake.

1214.

наанад̇о взгад̇о г̇анд̇ваа, сажз г̇ан̣ханд̇и згад̇о;

Nānato vekato gantvā, sace gaṇhanti ekato;

звамби бана ход̇ийд̇и, ван̣н̣ид̇ам̣ г̇ан̣абхож̇анам̣.

Evampi pana hotīti, vaṇṇitaṃ gaṇabhojanaṃ.

1215.

д̣̇увид̇хассааби зд̇асса, бадиг̇г̇ахан̣агааран̣аа;

Duvidhassāpi etassa, paṭiggahaṇakāraṇā;

д̣̇уггадам̣ ход̇и баажид̇д̇и, аж̇жхохаарзсу д̣̇ийбид̇аа.

Dukkaṭaṃ hoti pācitti, ajjhohāresu dīpitā.

1216.

самаязсу анаабад̇д̇и, сад̇д̇асваби багаасид̇аа;

Samayesu anāpatti, sattasvapi pakāsitā;

г̇ахзд̇ваа згад̇о д̣̇виннам̣, д̇ин̣н̣ам̣ ваа бхун̃ж̇ад̇ам̣ д̇ат̇аа.

Gahetvā ekato dvinnaṃ, tiṇṇaṃ vā bhuñjataṃ tathā.

1217.

мунинаанубасамбанна-жаарибад̇д̇ааниманд̇ид̇аа ;

Muninānupasampanna-cāripattānimantitā ;

жад̇уд̇т̇з згад̇о гад̇вааби, г̇ан̣абхзд̣̇о багаасид̇о.

Catutthe ekato katvāpi, gaṇabhedo pakāsito.

1218.

нзва самаяалад̣̇д̇хаанам̣, васзнаби хи саб̣б̣асо;

Neva samayaladdhānaṃ, vasenapi hi sabbaso;

г̇ан̣абхзд̣̇о банаабад̇д̇и, взд̣̇ид̇аб̣б̣аа вибхаавинаа.

Gaṇabhedo panāpatti, veditabbā vibhāvinā.

1219.

бхож̇анаанан̃жа бан̃жаннам̣, васзна г̇ан̣абхож̇анз;

Bhojanānañca pañcannaṃ, vasena gaṇabhojane;

над̇т̇зва жа висан̇гзд̇ам̣, яааг̇уаад̣̇ийсу д̇ам̣ сияаа.

Nattheva ca visaṅketaṃ, yāguādīsu taṃ siyā.

1220.

г̇ан̣абхож̇анасан̃н̃исса, бхигкуссааг̇ан̣абхож̇анз;

Gaṇabhojanasaññissa, bhikkhussāgaṇabhojane;

д̇ад̇т̇а взмад̇игассааби, ход̇и аабад̇д̇и д̣̇уггадам̣.

Tattha vematikassāpi, hoti āpatti dukkaṭaṃ.

1221.

бхож̇анаани жа бан̃жзва, табзд̇ваа яааг̇уаад̣̇ису;

Bhojanāni ca pañceva, ṭhapetvā yāguādisu;

анаабад̇д̇ийд̇и н̃аад̇аб̣б̣аа, нижжабхад̇д̇аад̣̇игзсуби.

Anāpattīti ñātabbā, niccabhattādikesupi.

1222.

д̇ат̇аа уммад̇д̇агаад̣̇ийнам̣, самудтаанаад̣̇инаа бана;

Tathā ummattakādīnaṃ, samuṭṭhānādinā pana;

ид̣̇ам̣ зл̣агаломзна, сад̣̇исанд̇и багаасид̇ам̣.

Idaṃ eḷakalomena, sadisanti pakāsitaṃ.

г̇ан̣абхож̇анагат̇аа.

Gaṇabhojanakathā.

1223.

б̣ахуухи яо бхигку мануссагзхи;

Bahūhi yo bhikkhu manussakehi;

ниманд̇ид̇о бан̃жахи бхож̇анзхи;

Nimantito pañcahi bhojanehi;

хид̇ваа сажз буб̣б̣аниманд̇анааяа;

Hitvā sace pubbanimantanāya;

вигаббанам̣ бан̃жасу яасса гасса.

Vikappanaṃ pañcasu yassa kassa.

1224.

бажчаа ниманд̇ид̇ам̣ бхад̇д̇ам̣, д̇ат̇аа уббадибаадияаа;

Pacchā nimantitaṃ bhattaṃ, tathā uppaṭipāṭiyā;

бхун̃ж̇ад̇о згасид̇т̇амби, д̇асса баажид̇д̇ияам̣ сияаа.

Bhuñjato ekasitthampi, tassa pācittiyaṃ siyā.

1225.

бхож̇анаанам̣ д̇у бан̃жаннам̣, язна гзна ниманд̇ид̇о;

Bhojanānaṃ tu pañcannaṃ, yena kena nimantito;

д̇ам̣ табзд̇ваа сажз ан̃н̃ам̣, бхож̇анам̣ барибхун̃ж̇ад̇и.

Taṃ ṭhapetvā sace aññaṃ, bhojanaṃ paribhuñjati.

1226.

д̇зсамзва жа бан̃жаннам̣, бхож̇анаанам̣ махзсинаа;

Tesameva ca pañcannaṃ, bhojanānaṃ mahesinā;

зд̇ам̣ барамбарам̣ наама, бхож̇анам̣ барид̣̇ийбид̇ам̣.

Etaṃ paramparaṃ nāma, bhojanaṃ paridīpitaṃ.

1227.

яад̇т̇а кийрам̣ расам̣ вааби, аагиранд̇и сажз бана;

Yattha khīraṃ rasaṃ vāpi, ākiranti sace pana;

язна аж̇жход̇т̇адам̣ бхад̇д̇ам̣, саб̣б̣амзгарасам̣ сияаа.

Yena ajjhotthaṭaṃ bhattaṃ, sabbamekarasaṃ siyā.

1228.

годид̇о бана бадтааяа, сам̣садтам̣ барибхун̃ж̇ад̇о;

Koṭito pana paṭṭhāya, saṃsaṭṭhaṃ paribhuñjato;

анаабад̇д̇ийд̇и нид̣̇д̣̇идтам̣, махаабажжарияам̣ бана.

Anāpattīti niddiṭṭhaṃ, mahāpaccariyaṃ pana.

1229.

барамбаранд̇и сан̃н̃ааяа, абарамбарабхож̇анз;

Paramparanti saññāya, aparamparabhojane;

д̇ад̇т̇а взмад̇игассааби, д̣̇уггадам̣ барибхун̃ж̇ад̇о.

Tattha vematikassāpi, dukkaṭaṃ paribhuñjato.

1230.

сагалзнаби г̇аамзна, бууг̇зна ниг̇амзна ваа;

Sakalenapi gāmena, pūgena nigamena vā;

ниманд̇ид̇асса ваа нижжа-бхад̇д̇з д̣̇осо на виж̇ж̇ад̇и.

Nimantitassa vā nicca-bhatte doso na vijjati.

1231.

самудтаанаад̣̇аяо саб̣б̣з, гат̇инзнаад̣̇инаа самаа;

Samuṭṭhānādayo sabbe, kathinenādinā samā;

грияаагрияамид̣̇ам̣ вуд̇д̇ам̣, бхож̇анан̃жаавигаббанам̣.

Kriyākriyamidaṃ vuttaṃ, bhojanañcāvikappanaṃ.

барамбарабхож̇анагат̇аа.

Paramparabhojanakathā.

1232.

бууваа бахзн̣агад̇т̇ааяа, бадияад̇д̇аа сажз бана;

Pūvā paheṇakatthāya, paṭiyattā sace pana;

баат̇зяяад̇т̇ааяа мант̇аа ваа, яз хи д̇ад̇т̇а жа бхигкунаа.

Pātheyyatthāya manthā vā, ye hi tattha ca bhikkhunā.

1233.

д̣̇вад̇д̇ибад̇д̇аа г̇ахзд̇аб̣б̣аа, буураа буувзхи сад̇д̇ухи;

Dvattipattā gahetabbā, pūrā pūvehi sattuhi;

д̇ад̇о жз уд̇д̇арим̣ д̇асса, ход̇и баажид̇д̇и г̇ан̣хад̇о.

Tato ce uttariṃ tassa, hoti pācitti gaṇhato.

1234.

г̇ахзд̇ваа нигкаманд̇зна, ‘‘д̣̇вад̇д̇ибад̇д̇аа маяаа ид̇ха;

Gahetvā nikkhamantena, ‘‘dvattipattā mayā idha;

г̇ахид̇аа бана бууваа’’д̇и, бхигкум̣ д̣̇исваа вад̣̇з б̣уд̇хо.

Gahitā pana pūvā’’ti, bhikkhuṃ disvā vade budho.

1235.

‘‘маа ко д̇вам̣ бадиг̇ан̣хаа’’д̇и, авад̣̇анд̇асса д̣̇уггадам̣;

‘‘Mā kho tvaṃ paṭigaṇhā’’ti, avadantassa dukkaṭaṃ;

г̇ан̣хад̇оби жа д̇ам̣ суд̇ваа, ход̇и аабад̇д̇и д̣̇уггадам̣.

Gaṇhatopi ca taṃ sutvā, hoti āpatti dukkaṭaṃ.

1236.

уунагад̣̇вад̇д̇ибад̇д̇зсу, ад̇ирзгод̇и сан̃н̃ино;

Ūnakadvattipattesu, atirekoti saññino;

д̇ад̇т̇а взмад̇игассааби, ход̇и аабад̇д̇и д̣̇уггадам̣.

Tattha vematikassāpi, hoti āpatti dukkaṭaṃ.

1237.

язна д̇ад̇т̇а д̇аяо лад̣̇д̇хаа, бад̇д̇абуураа д̇ад̇о бана;

Yena tattha tayo laddhā, pattapūrā tato pana;

д̣̇вз сан̇гхасса бад̣̇аад̇аб̣б̣аа, д̣̇вз жз зго, на згад̇о.

Dve saṅghassa padātabbā, dve ce eko, na ekato.

1238.

абахзн̣агабаат̇зяяам̣, авасзсамби ваа д̇ад̇о;

Apaheṇakapātheyyaṃ, avasesampi vā tato;

санд̇агам̣ н̃аад̇агаад̣̇ийнам̣, д̣̇знд̇аанамби д̇ад̣̇уунагам̣.

Santakaṃ ñātakādīnaṃ, dentānampi tadūnakaṃ.

1239.

г̇ан̣хад̇оби анаабад̇д̇и, д̇ат̇аа уммад̇д̇агаад̣̇ино;

Gaṇhatopi anāpatti, tathā ummattakādino;

самудтаанаад̣̇аяо саб̣б̣з, сан̃жарид̇д̇асамаа мад̇аа.

Samuṭṭhānādayo sabbe, sañcarittasamā matā.

гаан̣амаад̇угат̇аа.

Kāṇamātukathā.

1240.

ан̃н̃зна бана бан̃жаннам̣, бхож̇анаанам̣ баваарид̇о;

Aññena pana pañcannaṃ, bhojanānaṃ pavārito;

баажид̇д̇инад̇ирид̇д̇ам̣ жз, буна бхун̃ж̇ад̇и бхож̇анам̣.

Pācittinatirittaṃ ce, puna bhuñjati bhojanaṃ.

1241.

асанам̣ бхож̇анан̃жзва, хад̇т̇абаасаабхихаарад̇аа;

Asanaṃ bhojanañceva, hatthapāsābhihāratā;

гааяаваажаабадигкзбо, бан̃жан̇г̇зхи бавааран̣аа.

Kāyavācāpaṭikkhepo, pañcaṅgehi pavāraṇā.

1242.

од̣̇ано сад̇д̇у гуммаасо, мажчо мам̣санд̇и саб̣б̣асо;

Odano sattu kummāso, maccho maṃsanti sabbaso;

ниббабан̃жзна нид̣̇д̣̇идтам̣, бхож̇анам̣ бан̃жад̇хаа мад̇ам̣.

Nippapañcena niddiṭṭhaṃ, bhojanaṃ pañcadhā mataṃ.

1243.

од̣̇ано д̇ад̇т̇а сад̇д̇аннам̣, д̇хан̃н̃аанам̣ од̣̇ано мад̇о;

Odano tattha sattannaṃ, dhaññānaṃ odano mato;

бхаж̇ж̇ид̇аанам̣ д̇у д̇хан̃н̃аанам̣, жун̣н̣ам̣ ‘‘сад̇д̇уу’’д̇и вужжад̇и.

Bhajjitānaṃ tu dhaññānaṃ, cuṇṇaṃ ‘‘sattū’’ti vuccati.

1244.

гуммаасо яавагуммаасо, мажчо вужжад̇и од̣̇аго;

Kummāso yavakummāso, maccho vuccati odako;

мам̣самби габбияамам̣сам̣, аяамзд̇т̇а винижчаяо.

Maṃsampi kappiyamaṃsaṃ, ayamettha vinicchayo.

1245.

саали вийхи яаво ган̇г̇у, вараго г̇од̇хумо д̇ат̇аа;

Sāli vīhi yavo kaṅgu, varako godhumo tathā;

гуд̣̇руусагод̇и сад̇д̇зд̇з, д̇хан̃н̃аа д̇хан̃н̃зна д̣̇зсид̇аа.

Kudrūsakoti sattete, dhaññā dhaññena desitā.

1246.

саамаагаад̣̇ид̇ин̣ам̣ саб̣б̣ам̣, гуд̣̇руусзнзва д̣̇ийбид̇ам̣;

Sāmākāditiṇaṃ sabbaṃ, kudrūseneva dīpitaṃ;

нийвааро саалияам̣ вуд̇д̇о, варагз варагажораго.

Nīvāro sāliyaṃ vutto, varake varakacorako.

1247.

сад̇д̇аннам̣ бана д̇хан̃н̃аанам̣, од̣̇ано яааг̇у ваа бана;

Sattannaṃ pana dhaññānaṃ, odano yāgu vā pana;

ан̇г̇асамбад̇д̇ияаа яуд̇д̇аа, сан̃ж̇анзд̇и бавааран̣ам̣.

Aṅgasampattiyā yuttā, sañjaneti pavāraṇaṃ.

1248.

хад̇т̇зна г̇ахид̇огаасз, од̇хим̣ д̣̇ассзд̇и яаа бана;

Hatthena gahitokāse, odhiṃ dasseti yā pana;

яааг̇усаа ид̇ха саб̣б̣ааби, од̣̇анод̇и бавужжад̇и.

Yāgusā idha sabbāpi, odanoti pavuccati.

1249.

аб̣бхун̣хаа бана яаа яааг̇у, уд̣̇д̇ханоробид̇аа д̇ану;

Abbhuṇhā pana yā yāgu, uddhanoropitā tanu;

сажз од̇хим̣ на д̣̇ассзд̇и, на ж̇анзд̇и бавааран̣ам̣.

Sace odhiṃ na dasseti, na janeti pavāraṇaṃ.

1250.

буна саа сийд̇алийбхууд̇аа, гханабхаавам̣ г̇ад̇аа сажз;

Puna sā sītalībhūtā, ghanabhāvaṃ gatā sace;

од̇хим̣ д̣̇ассзд̇и со буб̣б̣з, д̇анубхааво на рагкад̇и.

Odhiṃ dasseti so pubbe, tanubhāvo na rakkhati.

1251.

д̇аггад̇хан̃н̃арасаад̣̇ийни, ааробзд̇ваа б̣ахууниби;

Takkadhaññarasādīni, āropetvā bahūnipi;

палабан̣н̣агал̣ийраани, багкибид̇ваана д̇ад̇т̇а жа.

Phalapaṇṇakaḷīrāni, pakkhipitvāna tattha ca.

1252.

д̇ан̣д̣улз мудтимад̇д̇зби, багкибид̇ваа бажанд̇и жз;

Taṇḍule muṭṭhimattepi, pakkhipitvā pacanti ce;

од̇хим̣ бана жа д̣̇ассзд̇и, сан̃ж̇анзд̇и бавааран̣ам̣.

Odhiṃ pana ca dasseti, sañjaneti pavāraṇaṃ.

1253.

расз д̇хан̃н̃арасз кийрз, ваагирид̇ваана од̣̇анам̣;

Rase dhaññarase khīre, vākiritvāna odanaṃ;

‘‘яааг̇ум̣ г̇ан̣хат̇а, яааг̇у’’нд̇и, вад̇ваа д̣̇знд̇и сажз бана.

‘‘Yāguṃ gaṇhatha, yāgu’’nti, vatvā denti sace pana.

1254.

гин̃жааби д̇анугаа ход̇и, сан̃ж̇анзд̇и бавааран̣ам̣;

Kiñcāpi tanukā hoti, sañjaneti pavāraṇaṃ;

д̇ам̣ бажид̇ваа сажз д̣̇знд̇и, яааг̇усан̇г̇ахид̇аа бана.

Taṃ pacitvā sace denti, yāgusaṅgahitā pana.

1255.

чубанд̇и мажчамам̣сам̣ ваа, д̇анугааяаби яааг̇уяаа;

Chupanti macchamaṃsaṃ vā, tanukāyapi yāguyā;

сажз саасабамад̇д̇амби, бан̃н̃ааяад̇и бавааран̣ам̣.

Sace sāsapamattampi, paññāyati pavāraṇaṃ.

1256.

мажчамам̣сарасо суд̣̇д̇хо, сам̣сад̇д̇о расаяааг̇у ваа;

Macchamaṃsaraso suddho, saṃsatto rasayāgu vā;

на жаагаббияамам̣сам̣ ваа, сан̃ж̇анзд̇и бавааран̣ам̣.

Na cākappiyamaṃsaṃ vā, sañjaneti pavāraṇaṃ.

1257.

табзд̇ваа вуд̇д̇ад̇хан̃н̃аанам̣, од̣̇анам̣ бана саб̣б̣асо;

Ṭhapetvā vuttadhaññānaṃ, odanaṃ pana sabbaso;

взл̣уд̇ан̣д̣улагаад̣̇ийнам̣, на баваарзд̇и од̣̇ано.

Veḷutaṇḍulakādīnaṃ, na pavāreti odano.

1258.

бут̇угаа ваа д̇ад̇о д̇аахи, гад̇абхад̇д̇амби сад̇д̇уби;

Puthukā vā tato tāhi, katabhattampi sattupi;

суд̣̇д̇хаа на бана бууваа ваа, баваарзнд̇и гад̣̇аажиби.

Suddhā na pana pūvā vā, pavārenti kadācipi.

1259.

карабаагзна бхадтаанам̣, вийхийнам̣ д̇ан̣д̣улз бана;

Kharapākena bhaṭṭhānaṃ, vīhīnaṃ taṇḍule pana;

годдзд̇ваа д̣̇знд̇и д̇ам̣ жун̣н̣ам̣, сад̇д̇усан̇г̇ахид̇ам̣ мад̇ам̣.

Koṭṭetvā denti taṃ cuṇṇaṃ, sattusaṅgahitaṃ mataṃ.

1260.

бхаж̇ж̇ид̇аанам̣ д̇у вийхийнам̣, на баваарзнд̇и д̇ан̣д̣улаа;

Bhajjitānaṃ tu vīhīnaṃ, na pavārenti taṇḍulā;

д̇зсам̣ бана жа яам̣ жун̣н̣ам̣, д̇ам̣ ж̇анзд̇и бавааран̣ам̣.

Tesaṃ pana ca yaṃ cuṇṇaṃ, taṃ janeti pavāraṇaṃ.

1261.

карабаагзна бхадтаанам̣, вийхийнам̣ гун̣д̣агамби жа;

Kharapākena bhaṭṭhānaṃ, vīhīnaṃ kuṇḍakampi ca;

сад̇д̇унам̣ мод̣̇аго вааби, сан̃ж̇анзд̇и бавааран̣ам̣.

Sattunaṃ modako vāpi, sañjaneti pavāraṇaṃ.

1262.

самабаагзна бхадтаанам̣, сугкаанам̣ аад̇абзна жа;

Samapākena bhaṭṭhānaṃ, sukkhānaṃ ātapena ca;

гун̣д̣агам̣ бана вийхийнам̣, на ж̇анзд̇и бавааран̣ам̣.

Kuṇḍakaṃ pana vīhīnaṃ, na janeti pavāraṇaṃ.

1263.

лааж̇аа ваа бана д̇зхзва, гад̇абхад̇д̇амби сад̇д̇у ваа;

Lājā vā pana teheva, katabhattampi sattu vā;

каж̇ж̇агам̣ бана суд̣̇д̇хам̣ ваа, на ж̇анзд̇и бавааран̣ам̣.

Khajjakaṃ pana suddhaṃ vā, na janeti pavāraṇaṃ.

1264.

буурид̇ам̣ мажчамам̣сзхи, д̇ам̣ ж̇анзд̇и бавааран̣ам̣;

Pūritaṃ macchamaṃsehi, taṃ janeti pavāraṇaṃ;

яам̣ гин̃жи бхаж̇ж̇ид̇ам̣ бидтам̣, на баваарзд̇и суд̣̇д̇хагам̣.

Yaṃ kiñci bhajjitaṃ piṭṭhaṃ, na pavāreti suddhakaṃ.

1265.

яавзхи гад̇агуммаасо, баваарзд̇и, на жаабаро;

Yavehi katakummāso, pavāreti, na cāparo;

мажчамам̣сзсу вад̇д̇аб̣б̣ам̣, баагадад̇д̇аа на виж̇ж̇ад̇и.

Macchamaṃsesu vattabbaṃ, pākaṭattā na vijjati.

1266.

каад̣̇анд̇о габбияам̣ мам̣сам̣, нисзд̇хзд̇и агаббияам̣;

Khādanto kappiyaṃ maṃsaṃ, nisedheti akappiyaṃ;

на со д̇зна баваарзд̇и, авад̇т̇уд̇д̇аад̇и д̣̇ийбид̇ам̣.

Na so tena pavāreti, avatthuttāti dīpitaṃ.

1267.

д̇ат̇зваагаббияам̣ мам̣сам̣, каад̣̇анд̇о габбияам̣ сажз;

Tathevākappiyaṃ maṃsaṃ, khādanto kappiyaṃ sace;

нисзд̇хзд̇и баваарзд̇и, вад̇т̇угад̇д̇аад̇и ван̣н̣ид̇ам̣.

Nisedheti pavāreti, vatthukattāti vaṇṇitaṃ.

1268.

мам̣сам̣ бана жа каад̣̇анд̇о, габбияам̣ ваа агаббияам̣;

Maṃsaṃ pana ca khādanto, kappiyaṃ vā akappiyaṃ;

баваарзд̇и нисзд̇хзд̇и, гин̃жи габбияабхож̇анам̣.

Pavāreti nisedheti, kiñci kappiyabhojanaṃ.

1269.

сажз агаббияам̣ мам̣сам̣, каад̣̇анд̇ова агаббияам̣;

Sace akappiyaṃ maṃsaṃ, khādantova akappiyaṃ;

нисзд̇хам̣ на баваарзд̇и, д̇ат̇аа ан̃н̃ам̣ агаббияам̣.

Nisedhaṃ na pavāreti, tathā aññaṃ akappiyaṃ.

1270.

сажз аж̇жхохадам̣ ход̇и, сид̇т̇амзгамби бхигкунаа;

Sace ajjhohaṭaṃ hoti, sitthamekampi bhikkhunā;

бад̇д̇з хад̇т̇з мукз вааби, бхож̇анам̣ бана виж̇ж̇ад̇и.

Patte hatthe mukhe vāpi, bhojanaṃ pana vijjati.

1271.

бавааран̣абахонам̣ жз, бадигкибад̇и бхож̇анам̣;

Pavāraṇapahonaṃ ce, paṭikkhipati bhojanaṃ;

баваарзд̇и сажз над̇т̇и, на баваарзд̇и гад̇т̇ажи.

Pavāreti sace natthi, na pavāreti katthaci.

1272.

г̇илид̇ваа жа мукз бхад̇д̇ам̣, сзсамаад̣̇ааяа г̇ажчад̇и;

Gilitvā ca mukhe bhattaṃ, sesamādāya gacchati;

анд̇араа жа нисзд̇хзнд̇о, на баваарзд̇и бхож̇анам̣.

Antarā ca nisedhento, na pavāreti bhojanaṃ.

1273.

мукз жа бхад̇д̇ам̣ г̇илид̇ан̃жа хад̇т̇з;

Mukhe ca bhattaṃ gilitañca hatthe;

бхад̇д̇ам̣ д̇у ан̃н̃асса жа д̣̇аад̇угаамо;

Bhattaṃ tu aññassa ca dātukāmo;

бад̇д̇з жа бхад̇д̇ам̣ буна д̣̇аад̇угаамо;

Patte ca bhattaṃ puna dātukāmo;

бадигкибанд̇о на баваарид̇о со.

Paṭikkhipanto na pavārito so.

1274.

асанасса убажчзд̣̇аа, на баваарзд̇и сод̇и хи;

Asanassa upacchedā, na pavāreti soti hi;

гат̇аяанд̇и махаабан̃н̃аа, гааран̣аагааран̣ан̃н̃уно.

Kathayanti mahāpaññā, kāraṇākāraṇaññuno.

1275.

г̇ан̣хад̇о бажчимам̣ ан̇г̇ам̣, д̣̇ад̣̇ад̇о буримам̣ бана;

Gaṇhato pacchimaṃ aṅgaṃ, dadato purimaṃ pana;

убхиннам̣ ад̣дхад̇зяяам̣ жз, винаа хад̇т̇ам̣ басаарид̇ам̣.

Ubhinnaṃ aḍḍhateyyaṃ ce, vinā hatthaṃ pasāritaṃ.

1276.

д̇асмим̣ абхихадам̣ таанз, бавааран̣абахонагам̣;

Tasmiṃ abhihaṭaṃ ṭhāne, pavāraṇapahonakaṃ;

д̇аад̣̇исам̣ бхун̃ж̇амаанова, нисзд̇хзд̇и баваарид̇о.

Tādisaṃ bhuñjamānova, nisedheti pavārito.

1277.

хад̇т̇з аад̇хаарагз вааби, бад̇д̇ам̣ ууруусу ваа тид̇ам̣;

Hatthe ādhārake vāpi, pattaṃ ūrūsu vā ṭhitaṃ;

аахарид̇ваа сажз бхигку, ‘‘бхад̇д̇ам̣ г̇ан̣хаа’’д̇и бхаасад̇и.

Āharitvā sace bhikkhu, ‘‘bhattaṃ gaṇhā’’ti bhāsati.

1278.

ананд̇арз нисиннова, д̇ам̣ бадигкибад̇о бана;

Anantare nisinnova, taṃ paṭikkhipato pana;

абхихаарасса жаабхааваа, над̇т̇и д̇асса бавааран̣аа.

Abhihārassa cābhāvā, natthi tassa pavāraṇā.

1279.

бхад̇д̇абажчим̣ бан̣аамзд̇ваа, табзд̇ваа бурад̇о ‘‘ид̣̇ам̣;

Bhattapacchiṃ paṇāmetvā, ṭhapetvā purato ‘‘idaṃ;

г̇ан̣хаахий’’д̇и жа вуд̇д̇зби, аяамзва винижчаяо.

Gaṇhāhī’’ti ca vuttepi, ayameva vinicchayo.

1280.

ананд̇арасса бхигкусса, д̣̇ийяамаанз банзд̇аро;

Anantarassa bhikkhussa, dīyamāne panetaro;

бид̣̇аханд̇о сагам̣ бад̇д̇ам̣, хад̇т̇зхи на баваарид̇о.

Pidahanto sakaṃ pattaṃ, hatthehi na pavārito.

1281.

гааязнаабхихадам̣ бхад̇д̇ам̣, бадигкибад̇и яо бана;

Kāyenābhihaṭaṃ bhattaṃ, paṭikkhipati yo pana;

гааязна вааби ваажааяа, ход̇и гасса бавааран̣аа.

Kāyena vāpi vācāya, hoti kassa pavāraṇā.

1282.

зго абхихадз бхад̇д̇з, бавааран̣абхаяаа бана;

Eko abhihaṭe bhatte, pavāraṇabhayā pana;

‘‘аагираагира годдзд̇ваа, годдзд̇ваа буураяаа’’д̇и жа.

‘‘Ākirākira koṭṭetvā, koṭṭetvā pūrayā’’ti ca.

1283.

сажз вад̣̇ад̇и д̇ассааби, на банад̇т̇и бавааран̣аа;

Sace vadati tassāpi, na panatthi pavāraṇā;

ижжзвааха махаат̇зро, махаабад̣̇уманаамаго.

Iccevāha mahāthero, mahāpadumanāmako.

1284.

самам̣сан̃хи расам̣ нзд̇ваа, г̇ан̣хат̇аад̇и расам̣ вад̣̇з;

Samaṃsañhi rasaṃ netvā, gaṇhathāti rasaṃ vade;

д̇ам̣ суд̇ваа жа нисзд̇хзнд̇о, нзва ход̇и баваарид̇о.

Taṃ sutvā ca nisedhento, neva hoti pavārito.

1285.

‘‘г̇ан̣ха мажчарасам̣ саарам̣, г̇ан̣ха мам̣сараса’’нд̇и ваа;

‘‘Gaṇha maccharasaṃ sāraṃ, gaṇha maṃsarasa’’nti vā;

‘‘ид̣̇ам̣ г̇ан̣хаа’’д̇и ваа вуд̇д̇з, бадигкзбз бавааран̣аа.

‘‘Idaṃ gaṇhā’’ti vā vutte, paṭikkhepe pavāraṇā.

1286.

сажз мам̣сам̣ висум̣ гад̇ваа, ‘‘г̇ан̣ха мам̣сараса’’нд̇и ваа;

Sace maṃsaṃ visuṃ katvā, ‘‘gaṇha maṃsarasa’’nti vā;

вад̣̇зяяад̇т̇и жа мам̣сам̣ жз, бадигкзбз бавааран̣аа.

Vadeyyatthi ca maṃsaṃ ce, paṭikkhepe pavāraṇā.

1287.

од̣̇анзна жа бужчанд̇ам̣, ‘‘мухуд̇д̇ам̣ ааг̇амзхи’’д̇и;

Odanena ca pucchantaṃ, ‘‘muhuttaṃ āgamehi’’ti;

г̇ахан̣ад̇т̇ам̣ табзнд̇асса, нзва д̇асса бавааран̣аа.

Gahaṇatthaṃ ṭhapentassa, neva tassa pavāraṇā.

1288.

гал̣ийрабанасаад̣̇ийхи, миссагам̣ мажчамам̣сагам̣;

Kaḷīrapanasādīhi, missakaṃ macchamaṃsakaṃ;

‘‘гал̣ийрасуубагам̣ г̇ан̣ха, банасаб̣яан̃ж̇ана’’нд̇и ваа.

‘‘Kaḷīrasūpakaṃ gaṇha, panasabyañjana’’nti vā.

1289.

вад̣̇анд̇и жз бадигкзбз, нзва ход̇и бавааран̣аа;

Vadanti ce paṭikkhepe, neva hoti pavāraṇā;

абавааран̣ахзд̇уунам̣, наамзна бана вуд̇д̇ад̇о.

Apavāraṇahetūnaṃ, nāmena pana vuttato.

1290.

‘‘мажчасууба’’нд̇и ваа вуд̇д̇з, ‘‘мам̣сасууба’’нд̇и ваа бана;

‘‘Macchasūpa’’nti vā vutte, ‘‘maṃsasūpa’’nti vā pana;

‘‘ид̣̇ам̣ г̇ан̣хаа’’д̇и ваа вуд̇д̇з, ход̇иязва бавааран̣аа.

‘‘Idaṃ gaṇhā’’ti vā vutte, hotiyeva pavāraṇā.

1291.

зсзва жа наяо вуд̇д̇о, н̃зяяо мам̣сагарамб̣агз;

Eseva ca nayo vutto, ñeyyo maṃsakarambake;

саб̣б̣зсу мажчамам̣сзхи, миссагзсу аяам̣ наяо.

Sabbesu macchamaṃsehi, missakesu ayaṃ nayo.

1292.

бхад̇д̇асаммиссид̇ам̣ яааг̇ум̣, аахарид̇ваа сажз бана;

Bhattasammissitaṃ yāguṃ, āharitvā sace pana;

‘‘яааг̇ум̣ г̇ан̣хаа’’д̇и вуд̇д̇асмим̣, на баваарзд̇и ваараяам̣.

‘‘Yāguṃ gaṇhā’’ti vuttasmiṃ, na pavāreti vārayaṃ.

1293.

‘‘бхад̇д̇ам̣ г̇ан̣хаа’’д̇и вуд̇д̇з д̇у, баваарзд̇и бадигкибам̣;

‘‘Bhattaṃ gaṇhā’’ti vutte tu, pavāreti paṭikkhipaṃ;

язна ваабужчид̇о д̇асса, ад̇т̇ид̇ааяаад̇и гааран̣ам̣.

Yena vāpucchito tassa, atthitāyāti kāraṇaṃ.

1294.

‘‘яааг̇умиссагам̣ г̇ан̣хаа’’д̇и, вуд̇д̇з д̇ад̇т̇а жа яааг̇у жз;

‘‘Yāgumissakaṃ gaṇhā’’ti, vutte tattha ca yāgu ce;

самаа б̣ахуд̇араа ваа саа, на баваарзд̇и со гира.

Samā bahutarā vā sā, na pavāreti so kira.

1295.

манд̣̇аа яааг̇у, б̣ахум̣ бхад̇д̇ам̣, сажз ход̇и бавааран̣аа;

Mandā yāgu, bahuṃ bhattaṃ, sace hoti pavāraṇā;

ид̣̇ам̣ саб̣б̣ад̇т̇а нид̣̇д̣̇идтам̣, гааран̣ам̣ бана д̣̇уд̣̇д̣̇асам̣.

Idaṃ sabbattha niddiṭṭhaṃ, kāraṇaṃ pana duddasaṃ.

1296.

расам̣ б̣ахурасз бхад̇д̇з, кийрам̣ ваа б̣ахукийрагз;

Rasaṃ bahurase bhatte, khīraṃ vā bahukhīrake;

г̇ан̣хат̇аад̇и висум̣ гад̇ваа, д̣̇зд̇и над̇т̇и бавааран̣аа.

Gaṇhathāti visuṃ katvā, deti natthi pavāraṇā.

1297.

г̇ажчанд̇знзва бход̇д̇аб̣б̣ам̣, г̇ажчанд̇о жз баваарид̇о;

Gacchanteneva bhottabbaṃ, gacchanto ce pavārito;

бхун̃ж̇ид̇аб̣б̣ам̣ тид̇знзва, тад̇ваа яад̣̇и баваарид̇о.

Bhuñjitabbaṃ ṭhiteneva, ṭhatvā yadi pavārito.

1298.

уд̣̇агам̣ вааби бад̇ваа со, сажз д̇идтад̇и гад̣̇д̣̇амам̣;

Udakaṃ vāpi patvā so, sace tiṭṭhati kaddamaṃ;

ад̇ирид̇д̇ам̣ д̇у гаарзд̇ваа, бхун̃ж̇ид̇аб̣б̣ам̣ д̇ад̇о буна.

Atirittaṃ tu kāretvā, bhuñjitabbaṃ tato puna.

1299.

бийтагз яо нисийд̣̇ид̇ваа, баваарзд̇и сажз бана;

Pīṭhake yo nisīditvā, pavāreti sace pana;

аасанам̣ авижаалзд̇ваа, бхун̃ж̇ид̇аб̣б̣ам̣ яат̇аасукам̣.

Āsanaṃ avicāletvā, bhuñjitabbaṃ yathāsukhaṃ.

1300.

сажз ман̃жз нисийд̣̇ид̇ваа, баваарзд̇и д̇ад̇о бана;

Sace mañce nisīditvā, pavāreti tato pana;

ид̇о сам̣сарид̇ум̣ зд̇д̇о, ийсагамби на лаб̣бхад̇и.

Ito saṃsarituṃ etto, īsakampi na labbhati.

1301.

д̇зна ман̃жзна нам̣ сад̣̇д̇хим̣, ваддад̇ан̃н̃ад̇ра нзнд̇и жз;

Tena mañcena naṃ saddhiṃ, vaṭṭataññatra nenti ce;

звам̣ саб̣б̣ад̇т̇а н̃аад̇аб̣б̣ам̣, вин̃н̃унаа винаяан̃н̃унаа.

Evaṃ sabbattha ñātabbaṃ, viññunā vinayaññunā.

1302.

нибаж̇ж̇ид̇ваава бход̇д̇аб̣б̣ам̣, нибанно жз баваарид̇о;

Nipajjitvāva bhottabbaṃ, nipanno ce pavārito;

ваарзд̇уггудиго худ̇ваа, бхун̃ж̇ид̇аб̣б̣ам̣ д̇ат̇зва жа.

Vāretukkuṭiko hutvā, bhuñjitabbaṃ tatheva ca.

1303.

ат̇ааламзд̇ам̣ саб̣б̣анд̇и, вад̇д̇аб̣б̣ам̣ д̇зна бхигкунаа;

Athālametaṃ sabbanti, vattabbaṃ tena bhikkhunā;

ад̇ирид̇д̇ам̣ гаронд̇зна, онамзд̇ваана бхааж̇анам̣.

Atirittaṃ karontena, onametvāna bhājanaṃ.

1304.

габбияам̣ бана гаад̇аб̣б̣ам̣, на бад̇д̇зязва гзвалам̣;

Kappiyaṃ pana kātabbaṃ, na patteyeva kevalaṃ;

бажчияам̣ яад̣̇и ваа гун̣д̣з, гаад̇ум̣ ваддад̇и бхааж̇анз.

Pacchiyaṃ yadi vā kuṇḍe, kātuṃ vaṭṭati bhājane.

1305.

баваарид̇аанам̣ абаваарид̇аанам̣;

Pavāritānaṃ apavāritānaṃ;

ан̃н̃зсамзд̇ам̣ бана ваддад̇зва;

Aññesametaṃ pana vaṭṭateva;

язнаад̇ирид̇д̇ам̣ д̇у гад̇ам̣ табзд̇ваа;

Yenātirittaṃ tu kataṃ ṭhapetvā;

д̇амзва жзгам̣ барибхун̃ж̇ид̇аб̣б̣ам̣.

Tameva cekaṃ paribhuñjitabbaṃ.

1306.

габбияам̣ бана гаарзд̇ваа, бхун̃ж̇анд̇ассзва бхигкуно;

Kappiyaṃ pana kāretvā, bhuñjantasseva bhikkhuno;

б̣яан̃ж̇анам̣ вааби яам̣ гин̃жи, бад̇д̇з д̇ассаагиранд̇и жз.

Byañjanaṃ vāpi yaṃ kiñci, patte tassākiranti ce.

1307.

ад̇ирид̇д̇ам̣ д̇у гаарзд̇ваа, бхун̃ж̇ид̇аб̣б̣ам̣ д̇ат̇аа буна;

Atirittaṃ tu kāretvā, bhuñjitabbaṃ tathā puna;

язна д̇ам̣ агад̇ам̣ яам̣ ваа, гаад̇аб̣б̣ам̣ д̇зна д̇ам̣ висум̣.

Yena taṃ akataṃ yaṃ vā, kātabbaṃ tena taṃ visuṃ.

1308.

гад̇ам̣ агаббияаад̣̇ийхи, ад̇ирид̇д̇ам̣ д̇у сад̇д̇ахи;

Kataṃ akappiyādīhi, atirittaṃ tu sattahi;

на г̇илаанаад̇ирид̇д̇ан̃жа, д̇ам̣ ход̇инад̇ирид̇д̇агам̣.

Na gilānātirittañca, taṃ hotinatirittakaṃ.

1309.

яоби баад̇ова згамби, сид̇т̇ам̣ бхуд̇ваа нисийд̣̇ад̇и;

Yopi pātova ekampi, sitthaṃ bhutvā nisīdati;

убагадтуубанийд̇амби, гаад̇ум̣ лабхад̇и габбияам̣.

Upakaṭṭhūpanītampi, kātuṃ labhati kappiyaṃ.

1310.

аахаарад̇т̇ааяа яаамаад̣̇и-гаалигам̣ бадиг̇ан̣хад̇о;

Āhāratthāya yāmādi-kālikaṃ paṭigaṇhato;

анаамисам̣ д̇амзвасса, д̣̇уггадам̣ барибхун̃ж̇ад̇о.

Anāmisaṃ tamevassa, dukkaṭaṃ paribhuñjato.

1311.

д̇ат̇аа анад̇ирид̇д̇анд̇и, сан̃н̃ино ад̇ирид̇д̇агз;

Tathā anatirittanti, saññino atirittake;

д̇ад̇т̇а взмад̇игассааби, д̣̇уггадам̣ барид̣̇ийбид̇ам̣.

Tattha vematikassāpi, dukkaṭaṃ paridīpitaṃ.

1312.

анаабад̇д̇аад̇ирид̇д̇ам̣ д̇у, гаараабзд̇ваана бхун̃ж̇ад̇о;

Anāpattātirittaṃ tu, kārāpetvāna bhuñjato;

г̇илаанассаад̇ирид̇д̇ам̣ ваа, д̇ат̇аа уммад̇д̇агаад̣̇ино.

Gilānassātirittaṃ vā, tathā ummattakādino.

1313.

самудтаанаад̣̇аяо саб̣б̣з, гат̇инзна самаа мад̇аа;

Samuṭṭhānādayo sabbe, kathinena samā matā;

габбияаагаран̣ан̃жзва, бхож̇анан̃жа грияаагрияам̣.

Kappiyākaraṇañceva, bhojanañca kriyākriyaṃ.

батамабавааран̣агат̇аа.

Paṭhamapavāraṇakathā.

1314.

яо банаанад̇ирид̇д̇зна, баваарзяяа баваарид̇ам̣;

Yo panānatirittena, pavāreyya pavāritaṃ;

ж̇аанам̣ аасаад̣̇анаабзгко, бхуд̇д̇з баажид̇д̇и д̇асса д̇у.

Jānaṃ āsādanāpekkho, bhutte pācitti tassa tu.

1315.

д̣̇уггадам̣ абхихаарз жа, г̇ахан̣з ид̇арасса хи;

Dukkaṭaṃ abhihāre ca, gahaṇe itarassa hi;

аж̇жхохаарабаяог̇зсу, саб̣б̣зсуби жа д̣̇уггадам̣.

Ajjhohārapayogesu, sabbesupi ca dukkaṭaṃ.

1316.

бхож̇анассаавасаанасмим̣, баажид̇д̇и барид̣̇ийбид̇аа;

Bhojanassāvasānasmiṃ, pācitti paridīpitā;

абхихаарагабхигкусса, саб̣б̣ам̣ д̇ассзва д̣̇ассид̇ам̣.

Abhihārakabhikkhussa, sabbaṃ tasseva dassitaṃ.

1317.

баваарид̇од̇и сан̃н̃исса, бхигкусмим̣ абаваарид̇з;

Pavāritoti saññissa, bhikkhusmiṃ apavārite;

вимад̇иссубхаяад̇т̇ааби, д̣̇уггадам̣ барид̣̇ийбид̇ам̣.

Vimatissubhayatthāpi, dukkaṭaṃ paridīpitaṃ.

1318.

анаабад̇д̇аад̇ирид̇д̇ам̣ ваа, гаараабзд̇ваава д̣̇зд̇и жз;

Anāpattātirittaṃ vā, kārāpetvāva deti ce;

г̇илаанассаавасзсам̣ ваа, ан̃н̃ассад̇т̇ааяа д̣̇зд̇и ваа.

Gilānassāvasesaṃ vā, aññassatthāya deti vā.

1319.

сзсам̣ саб̣б̣амасзсзна, ананд̇арасамам̣ мад̇ам̣;

Sesaṃ sabbamasesena, anantarasamaṃ mataṃ;

омасаваад̣̇ад̇уляаава, самудтаанаад̣̇аяо наяаа.

Omasavādatulyāva, samuṭṭhānādayo nayā.

д̣̇уд̇ияабавааран̣агат̇аа.

Dutiyapavāraṇakathā.

1320.

каад̣̇анийяам̣ ваа бхож̇анийяам̣ ваа;

Khādanīyaṃ vā bhojanīyaṃ vā;

гин̃жи вигаалз яо бана бхигку;

Kiñci vikāle yo pana bhikkhu;

каад̣̇ад̇и бхун̃ж̇ад̇и вааби жа д̇ам̣;

Khādati bhuñjati vāpi ca taṃ;

со ж̇инавуд̇д̇ам̣ д̣̇осамубзд̇и.

So jinavuttaṃ dosamupeti.

1321.

яамаамисаг̇ад̇ан̃жзд̇т̇а, ванамуулапалаад̣̇игам̣;

Yamāmisagatañcettha, vanamūlaphalādikaṃ;

гаалигзсвасаммохад̇т̇ам̣, взд̣̇ид̇аб̣б̣амид̣̇ам̣ бана.

Kālikesvasammohatthaṃ, veditabbamidaṃ pana.

1322.

муулам̣ ганд̣̇ам̣ мул̣аалан̃жа, мад̇т̇агам̣ канд̇хагам̣ д̇ажам̣;

Mūlaṃ kandaṃ muḷālañca, matthakaṃ khandhakaṃ tacaṃ;

бад̇д̇ам̣ бубпам̣ палам̣ адти, бидтам̣ нияяаасамзва жа.

Pattaṃ pupphaṃ phalaṃ aṭṭhi, piṭṭhaṃ niyyāsameva ca.

1323.

муулакаад̣̇анийяаад̣̇ийнам̣, мукамад̇д̇анид̣̇ассанам̣;

Mūlakhādanīyādīnaṃ, mukhamattanidassanaṃ;

бхигкуунам̣ баадавад̇т̇ааяа, наамад̇т̇зсу ниб̣од̇хат̇а.

Bhikkhūnaṃ pāṭavatthāya, nāmatthesu nibodhatha.

1324.

муулагам̣ каараган̃жзва, вад̇т̇улам̣ д̇ан̣д̣улзяяагам̣;

Mūlakaṃ khārakañceva, vatthulaṃ taṇḍuleyyakaṃ;

д̇амб̣агам̣ ж̇аж̇жхариган̃жа, жажжу важ̇агалийби жа.

Tambakaṃ jajjharikañca, caccu vajakalīpi ca.

1325.

муулаани звамаад̣̇ийнам̣, саагаанам̣ аамисз бана;

Mūlāni evamādīnaṃ, sākānaṃ āmise pana;

сан̇г̇ахам̣ ид̇ха г̇ажчанд̇и, аахаарад̇т̇ам̣ паранд̇и хи.

Saṅgahaṃ idha gacchanti, āhāratthaṃ pharanti hi.

1326.

чад̣д̣знд̇и ж̇арадтам̣ чзд̇ваа, яам̣ д̇ам̣ важ̇агалисса д̇у;

Chaḍḍenti jaraṭṭhaṃ chetvā, yaṃ taṃ vajakalissa tu;

д̇ам̣ яааваж̇ийвигам̣ вуд̇д̇ам̣, сзсаанам̣ яаавагаалигам̣.

Taṃ yāvajīvikaṃ vuttaṃ, sesānaṃ yāvakālikaṃ.

1327.

халид̣̇д̣̇и син̇г̇ивзран̃жа, важад̇д̇ам̣ ад̇ивисам̣ важам̣;

Haliddi siṅgiverañca, vacattaṃ ativisaṃ vacaṃ;

усийрам̣ бхад̣̇д̣̇амуд̇д̇ан̃жа, д̇ат̇аа гадугарохин̣ий.

Usīraṃ bhaddamuttañca, tathā kaṭukarohiṇī.

1328.

ижжзвамаад̣̇игам̣ ан̃н̃ам̣, бан̃жамуулаад̣̇игам̣ б̣аху;

Iccevamādikaṃ aññaṃ, pañcamūlādikaṃ bahu;

наанаббагаарагам̣ муулам̣, вин̃н̃зяяам̣ яааваж̇ийвигам̣.

Nānappakārakaṃ mūlaṃ, viññeyyaṃ yāvajīvikaṃ.

1329.

масаалубин̣д̣алаад̣̇ийнам̣ , валлийнам̣ аалувасса жа;

Masālupiṇḍalādīnaṃ , vallīnaṃ āluvassa ca;

ганд̣̇о уббалаж̇аад̇ийнам̣, д̇ат̇аа бад̣̇умаж̇аад̇ияаа.

Kando uppalajātīnaṃ, tathā padumajātiyā.

1330.

гад̣̇алийсиг̇г̇уд̇аалаанам̣, маалувасса жа взл̣уяаа;

Kadalīsiggutālānaṃ, māluvassa ca veḷuyā;

сад̇аавари гасзруунам̣, ганд̣̇о амб̣аадагасса жа.

Satāvari kaserūnaṃ, kando ambāṭakassa ca.

1331.

ижжзвамаад̣̇аяо ганд̣̇аа;

Iccevamādayo kandā;

д̣̇ассид̇аа яаавагаалигаа;

Dassitā yāvakālikā;

д̇ход̇о со аамисз вуд̇д̇о;

Dhoto so āmise vutto;

ганд̣̇о яо кийраваллияаа.

Kando yo khīravalliyā.

1332.

ад̇ход̇о ласун̣ан̃жзва, кийрагааголиаад̣̇аяо;

Adhoto lasuṇañceva, khīrakākoliādayo;

ганд̣̇аа ваагяабат̇аад̇ийд̇аа, вин̃н̃зяяаа яааваж̇ийвигаа.

Kandā vākyapathātītā, viññeyyā yāvajīvikā.

1333.

бун̣д̣арийгамул̣аалан̃жа , мул̣аалам̣ бад̣̇умасса жа;

Puṇḍarīkamuḷālañca , muḷālaṃ padumassa ca;

звамаад̣̇иманзгамби, мул̣аалам̣ яаавагаалигам̣.

Evamādimanekampi, muḷālaṃ yāvakālikaṃ.

1334.

д̇аалахинд̇аалагунд̇аала-наал̣игзраад̣̇исамбхавам̣;

Tālahintālakuntāla-nāḷikerādisambhavaṃ;

халид̣̇д̣̇исин̇г̇ивзраанам̣, мул̣аалам̣ яааваж̇ийвигам̣.

Haliddisiṅgiverānaṃ, muḷālaṃ yāvajīvikaṃ.

1335.

д̇аалахинд̇аалагунд̇аала-гал̣ийро гзд̇агасса жа;

Tālahintālakuntāla-kaḷīro ketakassa ca;

гад̣̇алийнаал̣игзраанам̣, мад̇т̇агам̣ муулагасса жа.

Kadalīnāḷikerānaṃ, matthakaṃ mūlakassa ca.

1336.

каж̇ж̇урзрагавзд̇д̇аанам̣, ужчувзл̣унал̣аад̣̇инам̣;

Khajjurerakavettānaṃ, ucchuveḷunaḷādinaṃ;

сад̇д̇аннам̣ бана д̇хан̃н̃аанам̣, гал̣ийро саасабасса жа.

Sattannaṃ pana dhaññānaṃ, kaḷīro sāsapassa ca.

1337.

ижжзвамаад̣̇аяонзгз, мад̇т̇агаа яаавагаалигаа;

Iccevamādayoneke, matthakā yāvakālikā;

ан̃н̃з халид̣̇д̣̇иаад̣̇ийнам̣, мад̇т̇агаа яааваж̇ийвигаа.

Aññe haliddiādīnaṃ, matthakā yāvajīvikā.

1338.

д̇аалагунд̇аалагаад̣̇ийнам̣, чинд̣̇ид̇ваа баад̇ид̇о бана;

Tālakuntālakādīnaṃ, chinditvā pātito pana;

г̇ад̇о ж̇арадтаб̣унд̣̇о со, сан̇г̇ахам̣ яааваж̇ийвигз.

Gato jaraṭṭhabundo so, saṅgahaṃ yāvajīvike.

1339.

канд̇хакаад̣̇анийяам̣ наама, ужчуканд̇хо багаасид̇о;

Khandhakhādanīyaṃ nāma, ucchukhandho pakāsito;

саалагаляаан̣ияаа канд̇хо, д̇ат̇аа бат̇авияам̣ г̇ад̇о.

Sālakalyāṇiyā khandho, tathā pathaviyaṃ gato.

1340.

звамуббалаж̇аад̇ийнам̣, д̣̇ан̣д̣аго яаавагаалиго;

Evamuppalajātīnaṃ, daṇḍako yāvakāliko;

бан̣н̣ад̣̇ан̣д̣уббалаад̣̇ийнам̣, саб̣б̣о бад̣̇умаж̇аад̇ияаа.

Paṇṇadaṇḍuppalādīnaṃ, sabbo padumajātiyā.

1341.

яааваж̇ийвигасан̇каад̇аа , гарамад̣̇д̣̇аад̣̇ид̣̇ан̣д̣агаа;

Yāvajīvikasaṅkhātā , karamaddādidaṇḍakā;

д̇ажзсужчуд̇ажовзго, сарасо яаавагаалиго.

Tacesucchutacoveko, saraso yāvakāliko.

1342.

муулагам̣ каараго жажжу, д̇амб̣аго д̇ан̣д̣улзяяаго;

Mūlakaṃ khārako caccu, tambako taṇḍuleyyako;

вад̇т̇уло жийнамуг̇г̇о жа, уммаа важ̇агалий д̇ат̇аа.

Vatthulo cīnamuggo ca, ummā vajakalī tathā.

1343.

ж̇аж̇жхарий гаасамад̣̇д̣̇о жа, сзллу сиг̇г̇у жа наал̣игаа;

Jajjharī kāsamaddo ca, sellu siggu ca nāḷikā;

варун̣о аг̇г̇имант̇о жа, ж̇ийванд̇ий сунисаннаго.

Varuṇo aggimantho ca, jīvantī sunisannako.

1344.

рааж̇амаасо жа маасо жа, нибпааво миг̇абубпигаа;

Rājamāso ca māso ca, nipphāvo migapupphikā;

ван̣даго бхуумилон̣ийд̇и, звамаад̣̇иманзгагам̣.

Vaṇṭako bhūmiloṇīti, evamādimanekakaṃ.

1345.

бад̇д̇акаад̣̇анийяам̣ наама, гат̇ид̇ам̣ яаавагаалигам̣;

Pattakhādanīyaṃ nāma, kathitaṃ yāvakālikaṃ;

ид̇араа жа махаалон̣и, д̣̇ийбид̇аа яааваж̇ийвигаа.

Itarā ca mahāloṇi, dīpitā yāvajīvikā.

1346.

яаавагаалигамижжзва, гат̇ид̇ам̣ амб̣абаллавам̣;

Yāvakālikamicceva, kathitaṃ ambapallavaṃ;

нимб̣асса гудаж̇ассааби, бан̣н̣ам̣ суласияааби жа.

Nimbassa kuṭajassāpi, paṇṇaṃ sulasiyāpi ca.

1347.

габбаасигабадолаанам̣ , д̇зсам̣ бубпапалаани жа;

Kappāsikapaṭolānaṃ , tesaṃ pupphaphalāni ca;

пан̣иж̇ж̇агаж̇ж̇угаанан̃жа, бан̣н̣ам̣ д̇ам̣ яааваж̇ийвигам̣.

Phaṇijjakajjukānañca, paṇṇaṃ taṃ yāvajīvikaṃ.

1348.

адтаннам̣ муулагаад̣̇ийнам̣, бубпам̣ нибпаавагасса жа;

Aṭṭhannaṃ mūlakādīnaṃ, pupphaṃ nipphāvakassa ca;

д̇ат̇аа бубпам̣ гарийрасса, бубпам̣ варун̣агасса жа.

Tathā pupphaṃ karīrassa, pupphaṃ varuṇakassa ca.

1349.

бубпам̣ гасзругассааби, ж̇ийванд̇ий сиг̇г̇убубпагам̣;

Pupphaṃ kaserukassāpi, jīvantī siggupupphakaṃ;

бад̣̇умуббалаж̇аад̇ийнам̣, бубпаанам̣ ган̣н̣игааби жа.

Padumuppalajātīnaṃ, pupphānaṃ kaṇṇikāpi ca.

1350.

наал̣игзрасса д̇ааласса, д̇арун̣ам̣ гзд̇агасса жа;

Nāḷikerassa tālassa, taruṇaṃ ketakassa ca;

ижжзвамаад̣̇игам̣ бубпа-манзгам̣ яаавагаалигам̣.

Iccevamādikaṃ puppha-manekaṃ yāvakālikaṃ.

1351.

яаавагаалигабубпаани, табзд̇ваа бана сзсагам̣;

Yāvakālikapupphāni, ṭhapetvā pana sesakaṃ;

яааваж̇ийвигабубпанд̇и, д̣̇ийбаяз саб̣б̣амзва жа.

Yāvajīvikapupphanti, dīpaye sabbameva ca.

1352.

д̇илагамагуласааламаллигаанам̣ ;

Tilakamakulasālamallikānaṃ ;

гагуд̇хагабид̇т̇агагунд̣̇агал̣ийнам̣;

Kakudhakapitthakakundakaḷīnaṃ;

гуравагагаравийрабаадалийнам̣;

Kuravakakaravīrapāṭalīnaṃ;

гусумамид̣̇ам̣ бана яааваж̇ийвигам̣.

Kusumamidaṃ pana yāvajīvikaṃ.

1353.

амб̣амб̣аадагаж̇амб̣уунам̣, палан̃жа банасасса жа;

Ambambāṭakajambūnaṃ, phalañca panasassa ca;

маад̇улун̇г̇агабид̇т̇аанам̣, палам̣ д̇инд̇ин̣игасса жа.

Mātuluṅgakapitthānaṃ, phalaṃ tintiṇikassa ca.

1354.

д̇ааласса наал̣игзрасса, палам̣ каж̇ж̇уурияааби жа;

Tālassa nāḷikerassa, phalaṃ khajjūriyāpi ca;

лаб̣уж̇асса жа жожасса, можасса мад̇хугасса жа.

Labujassa ca cocassa, mocassa madhukassa ca.

1355.

б̣ад̣̇арасса гарамад̣̇д̣̇асса, палам̣ ваад̇ин̇г̇ан̣асса жа;

Badarassa karamaddassa, phalaṃ vātiṅgaṇassa ca;

гумбхан̣д̣ад̇ибусаанан̃жа, палам̣ зл̣аалугасса жа.

Kumbhaṇḍatipusānañca, phalaṃ eḷālukassa ca.

1356.

рааж̇ааяад̇анапалам̣ бусса-палам̣ д̇имб̣аругасса жа;

Rājāyatanaphalaṃ pussa-phalaṃ timbarukassa ca;

звамаад̣̇иманзгамби, палам̣ д̇ам̣ яаавагаалигам̣.

Evamādimanekampi, phalaṃ taṃ yāvakālikaṃ.

1357.

д̇ипалам̣ бибпалий ж̇аад̇и-палан̃жа гадугабпалам̣;

Tiphalaṃ pipphalī jāti-phalañca kaṭukapphalaṃ;

г̇одтапалам̣ б̣илан̇г̇ан̃жа, д̇агголамарижаани жа.

Goṭṭhaphalaṃ bilaṅgañca, takkolamaricāni ca.

1358.

звамаад̣̇ийни вуд̇д̇аани, авуд̇д̇аани жа баал̣ияам̣;

Evamādīni vuttāni, avuttāni ca pāḷiyaṃ;

палаани бана г̇ажчанд̇и, яааваж̇ийвигасан̇г̇ахам̣.

Phalāni pana gacchanti, yāvajīvikasaṅgahaṃ.

1359.

банасамб̣аадагадтийни, сааладти лаб̣уж̇адти жа;

Panasambāṭakaṭṭhīni, sālaṭṭhi labujaṭṭhi ca;

жин̃жааб̣имб̣апаладтийни, богкарадти жа саб̣б̣асо.

Ciñcābimbaphalaṭṭhīni, pokkharaṭṭhi ca sabbaso.

1360.

каж̇ж̇ууригзд̇агаад̣̇ийнам̣ , д̇ат̇аа д̇аалапаладти жа;

Khajjūriketakādīnaṃ , tathā tālaphalaṭṭhi ca;

звамаад̣̇ийни г̇ажчанд̇и, яаавагаалигасан̇г̇ахам̣.

Evamādīni gacchanti, yāvakālikasaṅgahaṃ.

1361.

буннааг̇амад̇хугадтийни, сзлладти д̇ипаладти жа;

Punnāgamadhukaṭṭhīni, sellaṭṭhi tiphalaṭṭhi ca;

звамаад̣̇ийни адтийни, нид̣̇д̣̇идтаани анаамисз.

Evamādīni aṭṭhīni, niddiṭṭhāni anāmise.

1362.

сад̇д̇аннам̣ бана д̇хан̃н̃аанам̣, абаран̣н̣аанамзва жа;

Sattannaṃ pana dhaññānaṃ, aparaṇṇānameva ca;

бидтам̣ банасасаалаанам̣, лаб̣уж̇амб̣аадагасса жа.

Piṭṭhaṃ panasasālānaṃ, labujambāṭakassa ca.

1363.

д̇аалабидтам̣ д̇ат̇аа д̇ход̇ам̣, бидтам̣ яам̣ кийраваллияаа;

Tālapiṭṭhaṃ tathā dhotaṃ, piṭṭhaṃ yaṃ khīravalliyā;

звамаад̣̇иманзгамби, гат̇ид̇ам̣ яаавагаалигам̣.

Evamādimanekampi, kathitaṃ yāvakālikaṃ.

1364.

ад̇ход̇ам̣ д̇аалабидтан̃жа, бидтам̣ яам̣ кийраваллияаа;

Adhotaṃ tālapiṭṭhañca, piṭṭhaṃ yaṃ khīravalliyā;

ассаг̇анд̇хаад̣̇ибидтан̃жа, ход̇и д̇ам̣ яааваж̇ийвигам̣.

Assagandhādipiṭṭhañca, hoti taṃ yāvajīvikaṃ.

1365.

нияяаасо ужчуниб̣б̣ад̇д̇о, зго сад̇д̇аахагаалиго;

Niyyāso ucchunibbatto, eko sattāhakāliko;

авасзсо жа хин̇г̇аад̣̇и, нияяаасо яааваж̇ийвиго.

Avaseso ca hiṅgādi, niyyāso yāvajīviko.

1366.

муулаад̣̇ийсу маяаа гин̃жи, мукамад̇д̇ам̣ нид̣̇ассид̇ам̣;

Mūlādīsu mayā kiñci, mukhamattaṃ nidassitaṃ;

зд̇ассзваанусаарзна, сзсо н̃зяяо вибхаавинаа.

Etassevānusārena, seso ñeyyo vibhāvinā.

1367.

‘‘бхун̃ж̇иссаами вигаалз’’д̇и, аамисам̣ бадиг̇ан̣хад̇о;

‘‘Bhuñjissāmi vikāle’’ti, āmisaṃ paṭigaṇhato;

гаалз вигааласан̃н̃исса, гаалз взмад̇игасса жа.

Kāle vikālasaññissa, kāle vematikassa ca.

1368.

д̣̇уггадам̣, гааласан̃н̃исса, анаабад̇д̇и багаасид̇аа;

Dukkaṭaṃ, kālasaññissa, anāpatti pakāsitā;

ид̣̇ам̣ зл̣агаломзна, самудтаанаад̣̇инаа самам̣.

Idaṃ eḷakalomena, samuṭṭhānādinā samaṃ.

вигаалабхож̇анагат̇аа.

Vikālabhojanakathā.

1369.

бхож̇анам̣ саннид̇хим̣ гад̇ваа, каад̣̇анам̣ вааби яо бана;

Bhojanaṃ sannidhiṃ katvā, khādanaṃ vāpi yo pana;

бхун̃ж̇зяяа вааби каад̣̇зяяа, д̇асса баажид̇д̇ияам̣ сияаа.

Bhuñjeyya vāpi khādeyya, tassa pācittiyaṃ siyā.

1370.

бхигку яам̣ сааман̣зраанам̣, барижжаж̇ад̇яанаалаяо;

Bhikkhu yaṃ sāmaṇerānaṃ, pariccajatyanālayo;

нид̣̇ахид̇ваа сажз д̇асса, д̣̇знд̇и д̇ам̣ буна ваддад̇и.

Nidahitvā sace tassa, denti taṃ puna vaṭṭati.

1371.

саяам̣ бадиг̇г̇ахзд̇ваана, абарижжад̇д̇амзва яам̣;

Sayaṃ paṭiggahetvāna, apariccattameva yaṃ;

д̣̇уд̇ияз д̣̇ивасз д̇асса, нихид̇ам̣ д̇ам̣ на ваддад̇и.

Dutiye divase tassa, nihitaṃ taṃ na vaṭṭati.

1372.

д̇ад̇о аж̇жхохаранд̇асса, згасид̇т̇амби бхигкуно;

Tato ajjhoharantassa, ekasitthampi bhikkhuno;

баажид̇д̇и гат̇ид̇аа суд̣̇д̇хаа, суд̣̇д̇хажид̇д̇зна д̇аад̣̇инаа.

Pācitti kathitā suddhā, suddhacittena tādinā.

1373.

агаббиязсу мам̣сзсу, мануссассзва мам̣сагз;

Akappiyesu maṃsesu, manussasseva maṃsake;

т̇уллажжаязна баажид̇д̇и, д̣̇уггадзна сахзд̇арз.

Thullaccayena pācitti, dukkaṭena sahetare.

1374.

яаамагаалигасан̇каад̇ам̣ , баажид̇д̇и барибхун̃ж̇ад̇о;

Yāmakālikasaṅkhātaṃ , pācitti paribhuñjato;

д̣̇уггадаабад̇д̇ияаа сад̣̇д̇хим̣, аахаарад̇т̇ааяа бхун̃ж̇ад̇о.

Dukkaṭāpattiyā saddhiṃ, āhāratthāya bhuñjato.

1375.

сажз баваарид̇о худ̇ваа, аннам̣ анад̇ирид̇д̇агам̣;

Sace pavārito hutvā, annaṃ anatirittakaṃ;

бхун̃ж̇ад̇о багад̇ам̣ д̇асса, ход̇и баажид̇д̇ияад̣̇ваяам̣.

Bhuñjato pakataṃ tassa, hoti pācittiyadvayaṃ.

1376.

т̇уллажжаязна сад̣̇д̇хим̣ д̣̇вз, мам̣сз маанусагз сияум̣;

Thullaccayena saddhiṃ dve, maṃse mānusake siyuṃ;

сзсз агаббияз мам̣сз, д̣̇уггадзна саха д̣̇ваяам̣.

Sese akappiye maṃse, dukkaṭena saha dvayaṃ.

1377.

яаамагаалигасан̇каад̇ам̣, бхун̃ж̇ад̇о сад̇и бажжаяз;

Yāmakālikasaṅkhātaṃ, bhuñjato sati paccaye;

саамисзна мукзна д̣̇вз, згамзва нираамисам̣.

Sāmisena mukhena dve, ekameva nirāmisaṃ.

1378.

д̇амзваж̇жхохаранд̇асса, аахаарад̇т̇ааяа гзвалам̣;

Tamevajjhoharantassa, āhāratthāya kevalaṃ;

д̣̇вийсу д̇зсу вигаббзсу, д̣̇уггадам̣ бана вад̣дхад̇и.

Dvīsu tesu vikappesu, dukkaṭaṃ pana vaḍḍhati.

1379.

вигаалз бхун̃ж̇ад̇о суд̣̇д̇хам̣, саннид̇хибажжаяааби жа;

Vikāle bhuñjato suddhaṃ, sannidhipaccayāpi ca;

вигаалабхож̇анаа жзва, ход̇и баажид̇д̇ияад̣̇ваяам̣.

Vikālabhojanā ceva, hoti pācittiyadvayaṃ.

1380.

мам̣сз т̇уллажжаяан̃жзва, д̣̇уггадамби жа вад̣дхад̇и;

Maṃse thullaccayañceva, dukkaṭampi ca vaḍḍhati;

мануссамам̣сз сзсз жа, яат̇аануггамад̇о д̣̇ваяам̣.

Manussamaṃse sese ca, yathānukkamato dvayaṃ.

1381.

над̇т̇зваанад̇ирид̇д̇амби, вигаалз барибхун̃ж̇ад̇о;

Natthevānatirittampi, vikāle paribhuñjato;

д̣̇осо саб̣б̣авигаббзсу, бхигкуно д̇аннимид̇д̇аго.

Doso sabbavikappesu, bhikkhuno tannimittako.

1382.

вигаалабажжаяаа вааби, на д̣̇осо яаамагаалигз;

Vikālapaccayā vāpi, na doso yāmakālike;

сад̇д̇аахагаалигам̣ яаава-ж̇ийвигам̣ бадиг̇ан̣хад̇о.

Sattāhakālikaṃ yāva-jīvikaṃ paṭigaṇhato.

1383.

аахаарассзва ад̇т̇ааяа, г̇ахан̣з д̣̇увид̇хасса д̇у;

Āhārasseva atthāya, gahaṇe duvidhassa tu;

аж̇жхохаарабаяог̇зсу, д̣̇уггадам̣ д̇у нираамисз.

Ajjhohārapayogesu, dukkaṭaṃ tu nirāmise.

1384.

ат̇а аамисасам̣садтам̣, г̇ахзд̇ваа табид̇ам̣ сажз;

Atha āmisasaṃsaṭṭhaṃ, gahetvā ṭhapitaṃ sace;

буна аж̇жхохаранд̇асса, баажид̇д̇зва багаасид̇аа.

Puna ajjhoharantassa, pācitteva pakāsitā.

1385.

гаало яаамо жа сад̇д̇аахам̣, ид̇и гаалад̇д̇аяам̣ ид̣̇ам̣;

Kālo yāmo ca sattāhaṃ, iti kālattayaṃ idaṃ;

ад̇иггамаяад̇о д̣̇осо, гаалам̣ д̇ам̣ д̇ам̣ д̇у гаалигам̣.

Atikkamayato doso, kālaṃ taṃ taṃ tu kālikaṃ.

1386.

ад̇д̇анаа д̇ийн̣и самбхинна-расаани ид̇араани хи;

Attanā tīṇi sambhinna-rasāni itarāni hi;

сабхаавамубанзд̇зва, яаавагаалигамад̇д̇ано.

Sabhāvamupaneteva, yāvakālikamattano.

1387.

звамзва жа сзсзсу, гаалигзсу винид̣̇д̣̇исз;

Evameva ca sesesu, kālikesu viniddise;

имзсу бана саб̣б̣зсу, гаалигзсу жад̇уусваби.

Imesu pana sabbesu, kālikesu catūsvapi.

1388.

гаалигад̣̇ваяамаад̣̇имхи, анд̇овуд̇т̇ан̃жа саннид̇хи;

Kālikadvayamādimhi, antovutthañca sannidhi;

убхаяамби на ход̇зва, бажчимам̣ гаалигад̣̇ваяам̣.

Ubhayampi na hoteva, pacchimaṃ kālikadvayaṃ.

1389.

агаббияааяа гудияаа, вуд̇т̇знанд̇ад̣̇ваязна д̇ам̣;

Akappiyāya kuṭiyā, vutthenantadvayena taṃ;

г̇ахид̇ам̣ д̇ад̣̇ахз вааби, д̣̇ваяам̣ буб̣б̣ам̣ на ваддад̇и.

Gahitaṃ tadahe vāpi, dvayaṃ pubbaṃ na vaṭṭati.

1390.

мукасаннид̇хи наамааяам̣, анд̇овуд̇т̇ам̣ на габбад̇и;

Mukhasannidhi nāmāyaṃ, antovutthaṃ na kappati;

ид̇и вуд̇д̇ам̣ д̣̇ал̣хам̣ гад̇ваа, махаабажжарияам̣ бана.

Iti vuttaṃ daḷhaṃ katvā, mahāpaccariyaṃ pana.

1391.

на д̣̇осо нид̣̇ахид̇вааби, батамам̣ гаалигад̇д̇аяам̣;

Na doso nidahitvāpi, paṭhamaṃ kālikattayaṃ;

д̇ам̣ д̇ам̣ сагам̣ сагам̣ гаала-манад̇иггамма бхун̃ж̇ад̇о.

Taṃ taṃ sakaṃ sakaṃ kāla-manatikkamma bhuñjato.

1392.

д̇ат̇аа уммад̇д̇агаад̣̇ийнам̣, анаабад̇д̇и багаасид̇аа;

Tathā ummattakādīnaṃ, anāpatti pakāsitā;

самамзл̣агаломзна, самудтаанаад̣̇инаа ид̣̇ам̣.

Samameḷakalomena, samuṭṭhānādinā idaṃ.

саннид̇хигаарагат̇аа.

Sannidhikārakathā.

1393.

бхож̇анаани бан̣ийд̇аани, аг̇илаано банад̇д̇ано;

Bhojanāni paṇītāni, agilāno panattano;

ад̇т̇ааяа вин̃н̃аабзд̇ваана, баажид̇д̇и барибхун̃ж̇ад̇о.

Atthāya viññāpetvāna, pācitti paribhuñjato.

1394.

‘‘саббинаа д̣̇зхи бхад̇д̇ам̣ мз, сасаббим̣ саббимиссагам̣;

‘‘Sappinā dehi bhattaṃ me, sasappiṃ sappimissakaṃ;

саббибхад̇д̇ан̃жа д̣̇зхий’’д̇и, вин̃н̃аабзнд̇асса д̣̇уггадам̣.

Sappibhattañca dehī’’ti, viññāpentassa dukkaṭaṃ.

1395.

вин̃н̃аабзд̇ваа д̇ат̇аа д̇ам̣ жз, д̣̇уггадам̣ бадиг̇ан̣хад̇о;

Viññāpetvā tathā taṃ ce, dukkaṭaṃ paṭigaṇhato;

буна аж̇жхохаранд̇асса, баажид̇д̇и барияаабуд̇аа.

Puna ajjhoharantassa, pācitti pariyāputā.

1396.

суд̣̇д̇хаани саббиаад̣̇ийни, вин̃н̃аабзд̇ваана бхун̃ж̇ад̇о;

Suddhāni sappiādīni, viññāpetvāna bhuñjato;

сзкиязсуби вин̃н̃ад̇д̇и, д̣̇уггадам̣ барид̣̇ийбаяз.

Sekhiyesupi viññatti, dukkaṭaṃ paridīpaye.

1397.

д̇асмаа бан̣ийд̇асам̣садтам̣, вин̃н̃аабзд̇ваава бхун̃ж̇ад̇о;

Tasmā paṇītasaṃsaṭṭhaṃ, viññāpetvāva bhuñjato;

сад̇д̇ад̇хан̃н̃амаяам̣ бхад̇д̇ам̣, баажид̇д̇ияамуд̣̇ийраяз.

Sattadhaññamayaṃ bhattaṃ, pācittiyamudīraye.

1398.

сажз ‘‘г̇осаббинаа маяхам̣, д̣̇зхи бхад̇д̇а’’нд̇и яаажид̇о;

Sace ‘‘gosappinā mayhaṃ, dehi bhatta’’nti yācito;

аж̇ияаа саббиаад̣̇ийхи, висан̇гзд̇ам̣ д̣̇ад̣̇аад̇и жз.

Ajiyā sappiādīhi, visaṅketaṃ dadāti ce.

1399.

‘‘саббинаа д̣̇зхи’’ вуд̇д̇о жз, наванийд̇аад̣̇игзсуби;

‘‘Sappinā dehi’’ vutto ce, navanītādikesupi;

д̣̇зд̇и ан̃н̃ад̇арзнасса, висан̇гзд̇анд̇и д̣̇ийбид̇ам̣.

Deti aññatarenassa, visaṅketanti dīpitaṃ.

1400.

язна язна хи вин̃н̃ад̇д̇ам̣, д̇асмим̣ муулзби д̇асса ваа;

Yena yena hi viññattaṃ, tasmiṃ mūlepi tassa vā;

лад̣̇д̇хзби бана д̇ам̣ лад̣̇д̇хам̣, ход̇иязва на ан̃н̃ат̇аа.

Laddhepi pana taṃ laddhaṃ, hotiyeva na aññathā.

1401.

табзд̇ваа саббиаад̣̇ийни, ааг̇ад̇аани хи баал̣ияам̣;

Ṭhapetvā sappiādīni, āgatāni hi pāḷiyaṃ;

ан̃н̃зхи вин̃н̃аабзнд̇асса, ход̇и аабад̇д̇и д̣̇уггадам̣.

Aññehi viññāpentassa, hoti āpatti dukkaṭaṃ.

1402.

саб̣б̣зхи саббиаад̣̇ийхи, вин̃н̃аабзд̇ваава згад̇о;

Sabbehi sappiādīhi, viññāpetvāva ekato;

бхун̃ж̇ад̇згарасам̣ гад̇ваа, нава баажид̇д̇ияо мад̇аа.

Bhuñjatekarasaṃ katvā, nava pācittiyo matā.

1403.

агаббиязна вуд̇д̇зби, саббинаа д̣̇зд̇и д̇зна жз;

Akappiyena vuttepi, sappinā deti tena ce;

г̇ахан̣з барибхог̇зби, д̣̇уггадам̣ барид̣̇ийбид̇ам̣.

Gahaṇe paribhogepi, dukkaṭaṃ paridīpitaṃ.

1404.

г̇илаанасса г̇илаанод̇и, сан̃н̃ино вимад̇исса ваа;

Gilānassa gilānoti, saññino vimatissa vā;

д̣̇уггадам̣ мунинаа вуд̇д̇ам̣, анаабад̇д̇и багаасид̇аа.

Dukkaṭaṃ muninā vuttaṃ, anāpatti pakāsitā.

1405.

г̇илаанагаалз вин̃н̃ад̇д̇а-маг̇илаанасса бхун̃ж̇ад̇о;

Gilānakāle viññatta-magilānassa bhuñjato;

г̇илаанассаавасзсам̣ ваа, н̃аад̇агаад̣̇ийнамзва ваа.

Gilānassāvasesaṃ vā, ñātakādīnameva vā.

1406.

ид̣̇ам̣ жад̇усамудтаанам̣, гааяад̇о гааяаваажад̇о;

Idaṃ catusamuṭṭhānaṃ, kāyato kāyavācato;

гааяажид̇д̇аа д̇ат̇аа гааяа-ваажаажид̇д̇ад̇д̇аяааби жа.

Kāyacittā tathā kāya-vācācittattayāpi ca.

бан̣ийд̇абхож̇анагат̇аа.

Paṇītabhojanakathā.

1407.

ад̣̇иннан̃хи мукад̣̇ваарам̣, аахаарам̣ аахарзяяа яо;

Adinnañhi mukhadvāraṃ, āhāraṃ āhareyya yo;

д̣̇анд̇абонод̣̇агам̣ хид̇ваа, д̇асса баажид̇д̇ияам̣ сияаа.

Dantaponodakaṃ hitvā, tassa pācittiyaṃ siyā.

1408.

хад̇т̇абаасобхинийхааро, маж̇жхимужжааран̣агкамо;

Hatthapāsobhinīhāro, majjhimuccāraṇakkhamo;

мануссо ваамануссо ваа, д̣̇зд̇и гааяаад̣̇инаа д̇ид̇хаа.

Manusso vāmanusso vā, deti kāyādinā tidhā.

1409.

бадиг̇г̇ан̣хаад̇и д̇ам̣ бхигку, д̣̇ийяамаанам̣ сажз д̣̇вид̇хаа;

Paṭiggaṇhāti taṃ bhikkhu, dīyamānaṃ sace dvidhā;

звам̣ бан̃жан̇г̇асам̣яог̇з, г̇ахан̣ам̣ д̇асса руухад̇и.

Evaṃ pañcaṅgasaṃyoge, gahaṇaṃ tassa rūhati.

1410.

д̣̇ааяаго г̇аг̇анадто жз, бхуумадто жзд̇аро сияаа;

Dāyako gaganaṭṭho ce, bhūmaṭṭho cetaro siyā;

бхуумадтасса жа сийсзна, г̇аг̇анадтасса д̣̇зхино.

Bhūmaṭṭhassa ca sīsena, gaganaṭṭhassa dehino.

1411.

яамаасаннад̇арам̣ ан̇г̇ам̣, ориманд̇зна д̇асса д̇у;

Yamāsannataraṃ aṅgaṃ, orimantena tassa tu;

д̣̇аад̇ум̣ вааби г̇ахзд̇ум̣ ваа, винаа хад̇т̇ам̣ басаарид̇ам̣.

Dātuṃ vāpi gahetuṃ vā, vinā hatthaṃ pasāritaṃ.

1412.

хад̇т̇абаасо минзд̇аб̣б̣о, наг̇адтаад̣̇ийсваяам̣ наяо;

Hatthapāso minetabbo, nagaṭṭhādīsvayaṃ nayo;

зваруубз бана таанз, тад̇ваа жз д̣̇зд̇и ваддад̇и.

Evarūpe pana ṭhāne, ṭhatvā ce deti vaṭṭati.

1413.

багкий ваа мукад̇ун̣д̣зна, хад̇т̇ий сон̣д̣ааяа ваа бана;

Pakkhī vā mukhatuṇḍena, hatthī soṇḍāya vā pana;

сажз яам̣ гин̃жи бубпам̣ ваа, палам̣ ваа д̣̇зд̇и ваддад̇и.

Sace yaṃ kiñci pupphaṃ vā, phalaṃ vā deti vaṭṭati.

1414.

бхад̇д̇аб̣яан̃ж̇анабун̣н̣аани, бхааж̇анаани б̣ахууниби;

Bhattabyañjanapuṇṇāni, bhājanāni bahūnipi;

сийсзнаад̣̇ааяа бхигкусса, г̇анд̇ваа гассажи санд̇игам̣.

Sīsenādāya bhikkhussa, gantvā kassaci santikaṃ.

1415.

ийсагам̣ бана онад̇ваа, ‘‘г̇ан̣хаа’’д̇и яад̣̇и бхаасад̇и;

Īsakaṃ pana onatvā, ‘‘gaṇhā’’ti yadi bhāsati;

д̇зна хад̇т̇ам̣ басаарзд̇ваа, хздтимам̣ бана бхааж̇анам̣.

Tena hatthaṃ pasāretvā, heṭṭhimaṃ pana bhājanaṃ.

1416.

бадижчид̇аб̣б̣ам̣ д̇ам̣ зга- д̣̇зсзнааби жа бхигкунаа;

Paṭicchitabbaṃ taṃ eka- desenāpi ca bhikkhunā;

хонд̇и зд̇д̇аавад̇аа д̇аани, г̇ахид̇аанзва саб̣б̣асо.

Honti ettāvatā tāni, gahitāneva sabbaso.

1417.

д̇ад̇о бадтааяа д̇ам̣ саб̣б̣ам̣, оробзд̇ваа яат̇аасукам̣;

Tato paṭṭhāya taṃ sabbaṃ, oropetvā yathāsukhaṃ;

уг̇гхаадзд̇ваа д̇ад̇о идтам̣, г̇ахзд̇ум̣ бана ваддад̇и.

Ugghāṭetvā tato iṭṭhaṃ, gahetuṃ pana vaṭṭati.

1418.

бажчиаад̣̇имхи вад̇д̇аб̣б̣а-мад̇т̇и гим̣ згабхааж̇анз;

Pacchiādimhi vattabba-matthi kiṃ ekabhājane;

гааж̇абхад̇д̇ам̣ харанд̇о жз, онад̇ваа д̣̇зд̇и ваддад̇и.

Kājabhattaṃ haranto ce, onatvā deti vaṭṭati.

1419.

д̇им̣сахад̇т̇о сияаа взл̣у, анд̇зсу жа д̣̇увз гхадаа;

Tiṃsahattho siyā veḷu, antesu ca duve ghaṭā;

саббино, г̇ахид̇згасмим̣, саб̣б̣ам̣ г̇ахид̇амзва д̇ам̣.

Sappino, gahitekasmiṃ, sabbaṃ gahitameva taṃ.

1420.

б̣ахубад̇д̇аа жа ман̃жз ваа, бийтз ваа гадасаарагз;

Bahupattā ca mañce vā, pīṭhe vā kaṭasārake;

табид̇аа д̣̇ааяаго хад̇т̇а-баасз тад̇ваана д̣̇зд̇и жз.

Ṭhapitā dāyako hattha-pāse ṭhatvāna deti ce.

1421.

бадиг̇г̇ахан̣асан̃н̃ааяа, ман̃жаад̣̇ийни сажз бана;

Paṭiggahaṇasaññāya, mañcādīni sace pana;

нисийд̣̇ад̇и пусид̇ваа яо, яан̃жа бад̇д̇зсу д̣̇ийяад̇и.

Nisīdati phusitvā yo, yañca pattesu dīyati.

1422.

г̇ахид̇ам̣ д̇зна д̇ам̣ саб̣б̣ам̣, ход̇иязва на сам̣саяо;

Gahitaṃ tena taṃ sabbaṃ, hotiyeva na saṃsayo;

бадиг̇г̇ахзссаамижжзва, ман̃жаад̣̇ийни сажз бана.

Paṭiggahessāmicceva, mañcādīni sace pana.

1423.

г̇ахид̇ам̣ ход̇и д̇ам̣ саб̣б̣ам̣, аарухид̇ваа нисийд̣̇ад̇и;

Gahitaṃ hoti taṃ sabbaṃ, āruhitvā nisīdati;

аахажжа гужчияаа гужчим̣, тид̇аа бад̇д̇аа хи бхуумияам̣.

Āhacca kucchiyā kucchiṃ, ṭhitā pattā hi bhūmiyaṃ.

1424.

яам̣ яам̣ ан̇г̇улияаа вааби, пусид̇ваа суужияааби ваа;

Yaṃ yaṃ aṅguliyā vāpi, phusitvā sūciyāpi vā;

нисинно д̇ад̇т̇а д̇ад̇т̇зва, д̣̇ийяамаанам̣ д̇у ваддад̇и.

Nisinno tattha tattheva, dīyamānaṃ tu vaṭṭati.

1425.

гадасаарз маханд̇асмим̣, д̇ат̇аа хад̇т̇ад̇т̇араад̣̇ису;

Kaṭasāre mahantasmiṃ, tathā hatthattharādisu;

г̇ан̣хад̇о хад̇т̇абаасасмим̣, виж̇ж̇амаанз д̇у ваддад̇и.

Gaṇhato hatthapāsasmiṃ, vijjamāne tu vaṭṭati.

1426.

д̇ад̇т̇аж̇аад̇агабан̣н̣зсу, г̇ахзд̇ум̣ на жа ваддад̇и;

Tatthajātakapaṇṇesu, gahetuṃ na ca vaṭṭati;

на банзд̇аани гааязна, бадиб̣ад̣̇д̇хаани хонд̇и хи.

Na panetāni kāyena, paṭibaddhāni honti hi.

1427.

асам̣хааримабаасаан̣з , палагз вааби д̇аад̣̇исз;

Asaṃhārimapāsāṇe , phalake vāpi tādise;

каан̣уб̣ад̣̇д̇хзби ваа ман̃жз, г̇ахан̣ам̣ нзва руухад̇и.

Khāṇubaddhepi vā mañce, gahaṇaṃ neva rūhati.

1428.

д̇инд̇ин̣игаад̣̇ибан̣н̣зсу, бхуумияам̣ бад̇т̇адзсу ваа;

Tintiṇikādipaṇṇesu, bhūmiyaṃ patthaṭesu vā;

д̇хаарзд̇умасамад̇т̇ад̇д̇аа, г̇ахан̣ам̣ на жа руухад̇и.

Dhāretumasamatthattā, gahaṇaṃ na ca rūhati.

1429.

хад̇т̇абаасамад̇иггамма, д̣̇ийгхад̣̇ан̣д̣зна д̣̇зд̇и жз;

Hatthapāsamatikkamma, dīghadaṇḍena deti ce;

вад̇д̇аб̣б̣о бхигкунааг̇анд̇ваа, д̣̇зхийд̇и баривзсаго.

Vattabbo bhikkhunāgantvā, dehīti parivesako.

1430.

сажз бад̇д̇з раж̇о ход̇и, д̇ховид̇аб̣б̣о ж̇алз сад̇и;

Sace patte rajo hoti, dhovitabbo jale sati;

д̇асмим̣ асад̇и бун̃чид̇ваа, г̇ахзд̇аб̣б̣о асзсад̇о.

Tasmiṃ asati puñchitvā, gahetabbo asesato.

1431.

бин̣д̣ааяа вижаранд̇асса, раж̇ам̣ бад̇ад̇и жз бана;

Piṇḍāya vicarantassa, rajaṃ patati ce pana;

бхигкаа бадиг̇г̇ахзд̇ваава, г̇ахзд̇аб̣б̣аа виж̇аанад̇аа.

Bhikkhā paṭiggahetvāva, gahetabbā vijānatā.

1432.

аббадиг̇г̇ахид̇з бхигкум̣, г̇ан̣хад̇о бана д̣̇уггадам̣;

Appaṭiggahite bhikkhuṃ, gaṇhato pana dukkaṭaṃ;

бадиг̇г̇ахзд̇ваанаабад̇д̇и, бажчаа д̇ам̣ барибхун̃ж̇ад̇о.

Paṭiggahetvānāpatti, pacchā taṃ paribhuñjato.

1433.

‘‘бадиг̇г̇ахзд̇ваа д̣̇зт̇аа’’д̇и, вуд̇д̇з д̇ам̣ важанам̣ бана;

‘‘Paṭiggahetvā dethā’’ti, vutte taṃ vacanaṃ pana;

асуд̇ваанаад̣̇ияид̇ваа ваа, д̣̇знд̇и жз над̇т̇и д̣̇уггадам̣.

Asutvānādiyitvā vā, denti ce natthi dukkaṭaṃ.

1434.

бажчаа бадиг̇г̇ахзд̇ваава, г̇ахзд̇аб̣б̣ам̣ виж̇аанад̇аа;

Pacchā paṭiggahetvāva, gahetabbaṃ vijānatā;

сажз раж̇ам̣ нибаад̇зд̇и, махааваад̇о д̇ад̇о д̇ад̇о.

Sace rajaṃ nipāteti, mahāvāto tato tato.

1435.

на саггаа жа сияаа бхигкам̣, г̇ахзд̇ум̣ яад̣̇и бхигкунаа;

Na sakkā ca siyā bhikkhaṃ, gahetuṃ yadi bhikkhunā;

ан̃н̃асса д̣̇аад̇угаамзна, г̇ахзд̇ум̣ бана ваддад̇и.

Aññassa dātukāmena, gahetuṃ pana vaṭṭati.

1436.

сааман̣зрасса д̇ам̣ д̣̇ад̇ваа, д̣̇иннам̣ ваа д̇зна д̇ам̣ буна;

Sāmaṇerassa taṃ datvā, dinnaṃ vā tena taṃ puna;

д̇асса виссаасад̇о вааби, бхун̃ж̇ид̇ум̣ бана ваддад̇и.

Tassa vissāsato vāpi, bhuñjituṃ pana vaṭṭati.

1437.

бхигкаажаарз сажз бхад̇д̇ам̣, сараж̇ам̣ д̣̇зд̇и бхигкуно;

Bhikkhācāre sace bhattaṃ, sarajaṃ deti bhikkhuno;

‘‘бадиг̇г̇ахзд̇ваа бхигкам̣ д̇вам̣, г̇ан̣ха ваа бхун̃ж̇а ваа’’д̇и жа.

‘‘Paṭiggahetvā bhikkhaṃ tvaṃ, gaṇha vā bhuñja vā’’ti ca.

1438.

вад̇д̇аб̣б̣о со д̇ат̇аа д̇зна, гад̇д̇аб̣б̣ан̃жзва бхигкунаа;

Vattabbo so tathā tena, kattabbañceva bhikkhunā;

раж̇ам̣ убари бхад̇д̇асса, д̇ассублавад̇и жз бана.

Rajaṃ upari bhattassa, tassuplavati ce pana.

1439.

ган̃ж̇игам̣ д̇у баваахзд̇ваа, бхун̃ж̇ид̇аб̣б̣ам̣ яат̇аасукам̣;

Kañjikaṃ tu pavāhetvā, bhuñjitabbaṃ yathāsukhaṃ;

анд̇о бадиг̇г̇ахзд̇аб̣б̣ам̣, бавидтам̣ д̇у сажз бана.

Anto paṭiggahetabbaṃ, paviṭṭhaṃ tu sace pana.

1440.

бад̇ид̇ам̣ сугкабхад̇д̇з жз, абанийяаава д̇ам̣ раж̇ам̣;

Patitaṃ sukkhabhatte ce, apanīyāva taṃ rajaṃ;

сукумам̣ жз сабхад̇д̇амби, бхун̃ж̇ид̇аб̣б̣ам̣ яат̇аасукам̣.

Sukhumaṃ ce sabhattampi, bhuñjitabbaṃ yathāsukhaṃ.

1441.

ул̣ун̇гзнаахарид̇вааби , д̣̇знд̇асса батамам̣ бана;

Uḷuṅkenāharitvāpi , dentassa paṭhamaṃ pana;

т̇зво ул̣ун̇гад̇о бад̇д̇з, сажз бад̇ад̇и ваддад̇и.

Thevo uḷuṅkato patte, sace patati vaṭṭati.

1442.

бхад̇д̇з аагирамаанз д̇у, жаругзна д̇ад̇о бана;

Bhatte ākiramāne tu, carukena tato pana;

маси ваа чааригаа вааби, сажз бад̇ад̇и бхааж̇анз.

Masi vā chārikā vāpi, sace patati bhājane.

1443.

д̇асса жаабхихадад̇д̇ааби, на д̣̇осо убалаб̣бхад̇и;

Tassa cābhihaṭattāpi, na doso upalabbhati;

ананд̇арасса бхигкусса, д̣̇ийяамаанам̣ д̇у бад̇д̇ад̇о.

Anantarassa bhikkhussa, dīyamānaṃ tu pattato.

1444.

уббабхид̇ваа сажз бад̇д̇з, ид̇арасса жа бхигкуно;

Uppabhitvā sace patte, itarassa ca bhikkhuno;

бад̇ад̇и ваддад̇звааяам̣, бадиг̇г̇ахид̇амзва д̇ам̣.

Patati vaṭṭatevāyaṃ, paṭiggahitameva taṃ.

1445.

бааяаасасса жа буурзд̇ваа, бад̇д̇ам̣ жз д̣̇знд̇и бхигкуно;

Pāyāsassa ca pūretvā, pattaṃ ce denti bhikkhuno;

ун̣хад̇д̇аа бана д̇ам̣ хздтаа, г̇ахзд̇ум̣ на жа саггад̇и.

Uṇhattā pana taṃ heṭṭhā, gahetuṃ na ca sakkati.

1446.

ваддад̇ийд̇и жа нид̣̇д̣̇идтам̣, г̇ахзд̇ум̣ мукаваддияам̣;

Vaṭṭatīti ca niddiṭṭhaṃ, gahetuṃ mukhavaṭṭiyaṃ;

на саггаа жз г̇ахзд̇аб̣б̣о, д̇ат̇аа аад̇хаарагзнаби.

Na sakkā ce gahetabbo, tathā ādhārakenapi.

1447.

сажз аасанасаалааяам̣, г̇ахзд̇ваа бад̇д̇амад̇д̇ано;

Sace āsanasālāyaṃ, gahetvā pattamattano;

нид̣̇д̣̇ааяад̇и нисиннова, д̣̇ийяамаанам̣ на ж̇аанад̇и.

Niddāyati nisinnova, dīyamānaṃ na jānati.

1448.

нзваахарияамаанам̣ ваа, аббадиг̇г̇ахид̇амзва д̇ам̣;

Nevāhariyamānaṃ vā, appaṭiggahitameva taṃ;

аабхог̇ам̣ бана гад̇ваа жз, нисинно ход̇и ваддад̇и.

Ābhogaṃ pana katvā ce, nisinno hoti vaṭṭati.

1449.

сажз хад̇т̇зна мун̃жид̇ваа, бад̇д̇ам̣ аад̇хаарагамби ваа;

Sace hatthena muñcitvā, pattaṃ ādhārakampi vā;

бзллзд̇ваа бана баад̣̇зна, нид̣̇д̣̇ааяад̇и хи ваддад̇и.

Pelletvā pana pādena, niddāyati hi vaṭṭati.

1450.

баад̣̇знаад̇хаарагам̣ агга-мид̇вааби бадиг̇ан̣хад̇о;

Pādenādhārakaṃ akka-mitvāpi paṭigaṇhato;

ж̇ааг̇арассааби ход̇зва, г̇ахан̣асмим̣ анаад̣̇аро.

Jāgarassāpi hoteva, gahaṇasmiṃ anādaro.

1451.

д̇асмаа д̇ам̣ на жа гаад̇аб̣б̣ам̣, бхигкунаа винаяан̃н̃унаа;

Tasmā taṃ na ca kātabbaṃ, bhikkhunā vinayaññunā;

яам̣ д̣̇ийяамаанам̣ бад̇ад̇и, г̇ахзд̇ум̣ д̇ам̣ д̇у ваддад̇и.

Yaṃ dīyamānaṃ patati, gahetuṃ taṃ tu vaṭṭati.

1452.

бхун̃ж̇анд̇аанан̃жа д̣̇анд̇аа ваа, кийяанд̇иби накааби ваа;

Bhuñjantānañca dantā vā, khīyantipi nakhāpi vā;

д̇ат̇аа бад̇д̇асса ван̣н̣о ваа, аб̣б̣охааранаяо аяам̣.

Tathā pattassa vaṇṇo vā, abbohāranayo ayaṃ.

1453.

сад̇т̇агзнужчуаад̣̇ийни, паалзнд̇аанам̣ сажз малам̣;

Satthakenucchuādīni, phālentānaṃ sace malaṃ;

бан̃н̃ааяад̇и хи д̇ам̣ д̇зсу, сияаа навасамудтид̇ам̣.

Paññāyati hi taṃ tesu, siyā navasamuṭṭhitaṃ.

1454.

бадиг̇г̇ахзд̇ваа д̇ам̣ бажчаа, каад̣̇ид̇аб̣б̣ам̣ д̇у бхигкунаа;

Paṭiggahetvā taṃ pacchā, khāditabbaṃ tu bhikkhunā;

на бан̃н̃ааяад̇и жз д̇асмим̣, малам̣ ваддад̇и каад̣̇ид̇ум̣.

Na paññāyati ce tasmiṃ, malaṃ vaṭṭati khādituṃ.

1455.

бисанд̇аанамби бхзсаж̇ж̇ам̣, годдзнд̇аанамби ваа д̇ат̇аа;

Pisantānampi bhesajjaṃ, koṭṭentānampi vā tathā;

нисад̣̇од̣̇угкалаад̣̇ийнам̣, кийяанзби аяам̣ наяо.

Nisadodukkhalādīnaṃ, khīyanepi ayaṃ nayo.

1456.

бхзсаж̇ж̇ад̇т̇ааяа д̇аабзд̇ваа, ваасим̣ кийрз кибанд̇и жз;

Bhesajjatthāya tāpetvā, vāsiṃ khīre khipanti ce;

удтзд̇и нийлигаа д̇ад̇т̇а, сад̇т̇агз вияа нижчаяо.

Uṭṭheti nīlikā tattha, satthake viya nicchayo.

1457.

сажз аамагад̇аггз ваа, кийрз ваа багкибанд̇и д̇ам̣;

Sace āmakatakke vā, khīre vā pakkhipanti taṃ;

саамабааганимид̇д̇амхаа, на д̇у мужжад̇и д̣̇уггадаа.

Sāmapākanimittamhā, na tu muccati dukkaṭā.

1458.

бин̣д̣ааяа вижаранд̇асса, вассагаалзсу бхигкуно;

Piṇḍāya vicarantassa, vassakālesu bhikkhuno;

бад̇д̇з бад̇ад̇и жз д̇ояам̣, гилидтам̣ гааяавад̇т̇ад̇о.

Patte patati ce toyaṃ, kiliṭṭhaṃ kāyavatthato.

1459.

бажчаа бадиг̇г̇ахзд̇ваа д̇ам̣, бхун̃ж̇ид̇аб̣б̣ам̣ яат̇аасукам̣;

Pacchā paṭiggahetvā taṃ, bhuñjitabbaṃ yathāsukhaṃ;

зсзва жа наяо вуд̇д̇о, ругкамуулзби бхун̃ж̇ад̇о.

Eseva ca nayo vutto, rukkhamūlepi bhuñjato.

1460.

сад̇д̇аахам̣ бана вассанд̇з, д̣̇звз суд̣̇д̇хам̣ ж̇алам̣ сажз;

Sattāhaṃ pana vassante, deve suddhaṃ jalaṃ sace;

аб̣бхогаасзби ваа бад̇д̇з, д̇ояам̣ бад̇ад̇и ваддад̇и.

Abbhokāsepi vā patte, toyaṃ patati vaṭṭati.

1461.

од̣̇анам̣ бана д̣̇знд̇зна, сааман̣зрасса бхигкунаа;

Odanaṃ pana dentena, sāmaṇerassa bhikkhunā;

д̣̇аад̇аб̣б̣о ажчубанд̇зна, д̇асса бад̇д̇аг̇ад̇од̣̇анам̣.

Dātabbo acchupantena, tassa pattagatodanaṃ.

1462.

бадиг̇г̇ахзд̇ваа ваа бад̇д̇ам̣, д̣̇аад̇аб̣б̣о д̇асса од̣̇ано;

Paṭiggahetvā vā pattaṃ, dātabbo tassa odano;

чубид̇ваа д̣̇зд̇и жз бхад̇д̇ам̣, д̇ам̣ бануг̇г̇ахид̇ам̣ сияаа.

Chupitvā deti ce bhattaṃ, taṃ panuggahitaṃ siyā.

1463.

ан̃н̃асса д̣̇аад̇угаамзна, барижжад̇д̇ам̣ сажз бана;

Aññassa dātukāmena, pariccattaṃ sace pana;

яаава хад̇т̇аг̇ад̇ам̣ д̇аава, бадиг̇г̇ахид̇амзва д̇ам̣.

Yāva hatthagataṃ tāva, paṭiggahitameva taṃ.

1464.

‘‘г̇ан̣хаа’’д̇и нирабзгкова, бад̇д̇амаад̇хаарагз тид̇ам̣;

‘‘Gaṇhā’’ti nirapekkhova, pattamādhārake ṭhitaṃ;

сажз вад̣̇ад̇и бажчаа д̇ам̣, бадиг̇г̇ан̣хзяяа бан̣д̣ид̇о.

Sace vadati pacchā taṃ, paṭiggaṇheyya paṇḍito.

1465.

саабзгкоязва яо бад̇д̇ам̣, табзд̇ваад̇хаарагз бана;

Sāpekkhoyeva yo pattaṃ, ṭhapetvādhārake pana;

‘‘зд̇д̇о буувамби бхад̇д̇ам̣ ваа, гин̃жи г̇ан̣хаа’’д̇и бхаасад̇и.

‘‘Etto pūvampi bhattaṃ vā, kiñci gaṇhā’’ti bhāsati.

1466.

сааман̣зроби д̇ам̣ бхад̇д̇ам̣, д̇ховид̇ваа хад̇т̇амад̇д̇ано;

Sāmaṇeropi taṃ bhattaṃ, dhovitvā hatthamattano;

ад̇д̇абад̇д̇аг̇ад̇ам̣ бхад̇д̇ам̣, апусид̇ваа сажз бана.

Attapattagataṃ bhattaṃ, aphusitvā sace pana.

1467.

багкибанд̇о сад̇агкад̇д̇ум̣, уд̣̇д̇харид̇вааби г̇ан̣хад̇у;

Pakkhipanto satakkhattuṃ, uddharitvāpi gaṇhatu;

д̇ам̣бадиг̇г̇ахан̣з гижжам̣, буна д̇асса на виж̇ж̇ад̇и.

Taṃpaṭiggahaṇe kiccaṃ, puna tassa na vijjati.

1468.

ад̇д̇абад̇д̇аг̇ад̇ам̣ бхад̇д̇ам̣, пусид̇ваа яад̣̇и г̇ан̣хад̇и;

Attapattagataṃ bhattaṃ, phusitvā yadi gaṇhati;

бажчаа бадиг̇г̇ахзд̇аб̣б̣ам̣, сам̣садтад̇д̇аа барзна д̇ам̣.

Pacchā paṭiggahetabbaṃ, saṃsaṭṭhattā parena taṃ.

1469.

бхигкуунам̣ яааг̇уаад̣̇ийнам̣, бажанз бхааж̇анз бана;

Bhikkhūnaṃ yāguādīnaṃ, pacane bhājane pana;

багкибид̇ваа табзнд̇зна, ан̃н̃ассад̇т̇ааяа од̣̇анам̣.

Pakkhipitvā ṭhapentena, aññassatthāya odanaṃ.

1470.

бхааж̇анубари хад̇т̇зсу, сааман̣зрасса багкибз;

Bhājanupari hatthesu, sāmaṇerassa pakkhipe;

бад̇ид̇ам̣ хад̇т̇ад̇о д̇асмим̣, на гарод̇и агаббияам̣.

Patitaṃ hatthato tasmiṃ, na karoti akappiyaṃ.

1471.

барижжад̇д̇ан̃хи д̇ам̣ звам̣, агад̇ваагирад̇зва жз;

Pariccattañhi taṃ evaṃ, akatvākirateva ce;

бхун̃ж̇ид̇аб̣б̣ам̣ д̇у д̇ам̣ гад̇ваа, бад̇д̇ам̣ вияа нираамисам̣.

Bhuñjitabbaṃ tu taṃ katvā, pattaṃ viya nirāmisaṃ.

1472.

сажз яааг̇угудам̣ бун̣н̣ам̣, сааман̣зро хи д̣̇уб̣б̣ало;

Sace yāgukuṭaṃ puṇṇaṃ, sāmaṇero hi dubbalo;

бхигкум̣ бадиг̇г̇ахаабзд̇ум̣, на саггод̇и хи д̇ам̣ буна.

Bhikkhuṃ paṭiggahāpetuṃ, na sakkoti hi taṃ puna.

1473.

гудасса г̇ийвам̣ бад̇д̇асса, табзд̇ваа мукаваддияам̣;

Kuṭassa gīvaṃ pattassa, ṭhapetvā mukhavaṭṭiyaṃ;

бхигкунаа убанийд̇асса, ааваж̇ж̇зд̇и хи ваддад̇и.

Bhikkhunā upanītassa, āvajjeti hi vaṭṭati.

1474.

ат̇а ваа бхуумияам̣язва, хад̇т̇з бхигку табзд̇и жз;

Atha vā bhūmiyaṃyeva, hatthe bhikkhu ṭhapeti ce;

ааробзд̇и баваддзд̇ваа, д̇ад̇т̇а жз бана ваддад̇и.

Āropeti pavaṭṭetvā, tattha ce pana vaṭṭati.

1475.

бхад̇д̇абажчужчубхаарзсу, аяамзва винижчаяо;

Bhattapacchucchubhāresu, ayameva vinicchayo;

д̣̇вз д̇аяо сааман̣зраа ваа, д̣̇знд̇и жз г̇ахан̣уубаг̇ам̣.

Dve tayo sāmaṇerā vā, denti ce gahaṇūpagaṃ.

1476.

бхаарамзгасса бхигкусса, г̇ахзд̇ум̣ бана ваддад̇и;

Bhāramekassa bhikkhussa, gahetuṃ pana vaṭṭati;

згзна ваа д̇ат̇аа д̣̇иннам̣, г̇ан̣ханд̇и д̣̇вз д̇аяоби ваа.

Ekena vā tathā dinnaṃ, gaṇhanti dve tayopi vā.

1477.

ман̃жасса баад̣̇з бийтасса, баад̣̇з д̇злагхадаад̣̇игам̣;

Mañcassa pāde pīṭhassa, pāde telaghaṭādikaṃ;

лаг̇г̇знд̇и д̇ад̇т̇а бхигкусса, ваддад̇зва нисийд̣̇ид̇ум̣.

Laggenti tattha bhikkhussa, vaṭṭateva nisīdituṃ.

1478.

аббадиг̇г̇ахид̇ам̣ хздтаа-ман̃жз жз д̇злат̇аалагам̣;

Appaṭiggahitaṃ heṭṭhā-mañce ce telathālakaṃ;

саммуж̇ж̇анд̇о жа гхаддзд̇и, на бануг̇г̇ахид̇ам̣ сияаа.

Sammujjanto ca ghaṭṭeti, na panuggahitaṃ siyā.

1479.

бадиг̇г̇ахид̇асан̃н̃ааяа, аббадиг̇г̇ахид̇ам̣ бана;

Paṭiggahitasaññāya, appaṭiggahitaṃ pana;

г̇ан̣хид̇ваа буна д̇ам̣ н̃ад̇ваа, табзд̇ум̣ д̇ад̇т̇а ваддад̇и.

Gaṇhitvā puna taṃ ñatvā, ṭhapetuṃ tattha vaṭṭati.

1480.

виварид̇ваа сажз буб̣б̣з, табид̇ам̣ бихид̇амби жа;

Vivaritvā sace pubbe, ṭhapitaṃ pihitampi ca;

д̇ат̇зва д̇ам̣ табзд̇аб̣б̣ам̣, гад̇д̇аб̣б̣ам̣ на банан̃н̃ат̇аа.

Tatheva taṃ ṭhapetabbaṃ, kattabbaṃ na panaññathā.

1481.

б̣ахи табзд̇и жз д̇зна, чубид̇аб̣б̣ам̣ на д̇ам̣ буна;

Bahi ṭhapeti ce tena, chupitabbaṃ na taṃ puna;

яад̣̇и чубад̇и жз н̃ад̇ваа, д̇ам̣ бануг̇г̇ахид̇ам̣ сияаа.

Yadi chupati ce ñatvā, taṃ panuggahitaṃ siyā.

1482.

бадиг̇г̇ахид̇ад̇зласмим̣, удтзд̇и яад̣̇и ган̣н̣агаа;

Paṭiggahitatelasmiṃ, uṭṭheti yadi kaṇṇakā;

син̇г̇ийвзраад̣̇игз муулз, гханажун̣н̣амби ваа д̇ат̇аа.

Siṅgīverādike mūle, ghanacuṇṇampi vā tathā.

1483.

д̇ам̣самудтаанад̇о саб̣б̣ам̣, д̇ан̃н̃зваад̇и бавужжад̇и;

Taṃsamuṭṭhānato sabbaṃ, taññevāti pavuccati;

бадиг̇г̇ахан̣агижжам̣ д̇у, д̇асмим̣ буна на виж̇ж̇ад̇и.

Paṭiggahaṇakiccaṃ tu, tasmiṃ puna na vijjati.

1484.

д̇аалам̣ ваа наал̣игзрам̣ ваа, аарул̣хо гожи буг̇г̇ало;

Tālaṃ vā nāḷikeraṃ vā, āruḷho koci puggalo;

д̇ад̇радто д̇аалабин̣д̣им̣ со, од̇аарзд̇ваана раж̇ж̇уяаа.

Tatraṭṭho tālapiṇḍiṃ so, otāretvāna rajjuyā.

1485.

сажз вад̣̇ад̇и ‘‘г̇ан̣хаа’’д̇и, на г̇ахзд̇аб̣б̣амзва жа;

Sace vadati ‘‘gaṇhā’’ti, na gahetabbameva ca;

д̇аман̃н̃о бана бхуумадто, г̇ахзд̇ваа д̣̇зд̇и ваддад̇и.

Tamañño pana bhūmaṭṭho, gahetvā deti vaṭṭati.

1486.

чинд̣̇ид̇ваа жз вад̇им̣ ужчум̣, палам̣ ваа д̣̇зд̇и г̇ан̣хид̇ум̣;

Chinditvā ce vatiṃ ucchuṃ, phalaṃ vā deti gaṇhituṃ;

д̣̇ан̣д̣агз апусид̇ваава, ниг̇г̇ад̇ам̣ бана ваддад̇и.

Daṇḍake aphusitvāva, niggataṃ pana vaṭṭati.

1487.

сажз на бут̇уло ход̇и, баагааро ад̇иужжаго;

Sace na puthulo hoti, pākāro atiuccako;

анд̇одтид̇аб̣ахидтаанам̣, хад̇т̇абаасо баход̇и жз.

Antoṭṭhitabahiṭṭhānaṃ, hatthapāso pahoti ce.

1488.

уд̣̇д̇хам̣ хад̇т̇асад̇ам̣ г̇анд̇ваа, самбад̇д̇ам̣ буна д̇ам̣ бана;

Uddhaṃ hatthasataṃ gantvā, sampattaṃ puna taṃ pana;

г̇ан̣хад̇о бхигкуно д̣̇осо, гожи нзвуубалаб̣бхад̇и.

Gaṇhato bhikkhuno doso, koci nevūpalabbhati.

1489.

бхигкуно сааман̣зрам̣ д̇у, канд̇хзна вахад̇о сажз;

Bhikkhuno sāmaṇeraṃ tu, khandhena vahato sace;

палам̣ г̇ахзд̇ваа д̇ад̇т̇зва, нисинно д̣̇зд̇и ваддад̇и.

Phalaṃ gahetvā tattheva, nisinno deti vaṭṭati.

1490.

абароби ваханд̇ова, бхигкум̣ яо гожи буг̇г̇ало;

Aparopi vahantova, bhikkhuṃ yo koci puggalo;

палам̣ канд̇хз нисиннасса, бхигкуно д̣̇зд̇и ваддад̇и.

Phalaṃ khandhe nisinnassa, bhikkhuno deti vaṭṭati.

1491.

г̇ахзд̇ваа палиним̣ саакам̣, чааяад̇т̇ам̣ яад̣̇и г̇ажчад̇и;

Gahetvā phaliniṃ sākhaṃ, chāyatthaṃ yadi gacchati;

буна жид̇д̇з самуббаннз, каад̣̇ид̇ум̣ бана бхигкуно.

Puna citte samuppanne, khādituṃ pana bhikkhuno.

1492.

саакам̣ бадиг̇г̇ахаабзд̇ваа, палам̣ каад̣̇ад̇и ваддад̇и;

Sākhaṃ paṭiggahāpetvā, phalaṃ khādati vaṭṭati;

магкигаанам̣ ниваарад̇т̇ам̣, г̇ахид̇ааяабяаяам̣ наяо.

Makkhikānaṃ nivāratthaṃ, gahitāyapyayaṃ nayo.

1493.

габбияам̣ бана гаарзд̇ваа, бадиг̇г̇ан̣хаад̇и д̇ам̣ буна;

Kappiyaṃ pana kāretvā, paṭiggaṇhāti taṃ puna;

бход̇д̇угаамо сажз муула-г̇ахан̣ам̣язва ваддад̇и.

Bhottukāmo sace mūla-gahaṇaṃyeva vaṭṭati.

1494.

маад̇аабид̇уунамад̇т̇ааяа, г̇ахзд̇ваа саббиаад̣̇игам̣;

Mātāpitūnamatthāya, gahetvā sappiādikaṃ;

г̇ажчанд̇о анд̇араамаг̇г̇з, яам̣ ижчад̇и д̇ад̇о бана.

Gacchanto antarāmagge, yaṃ icchati tato pana.

1495.

д̇ам̣ со бадиг̇г̇ахаабзд̇ваа, барибхун̃ж̇ад̇и ваддад̇и;

Taṃ so paṭiggahāpetvā, paribhuñjati vaṭṭati;

д̇ам̣ бадиг̇г̇ахид̇ам̣ муула-г̇ахан̣ам̣язва ваддад̇и.

Taṃ paṭiggahitaṃ mūla-gahaṇaṃyeva vaṭṭati.

1496.

сааман̣зрасса баат̇зяяа-д̇ан̣д̣улз бхигку г̇ан̣хад̇и;

Sāmaṇerassa pātheyya-taṇḍule bhikkhu gaṇhati;

бхигкусса сааман̣зроби, г̇ахзд̇ваа бана г̇ажчад̇и.

Bhikkhussa sāmaṇeropi, gahetvā pana gacchati.

1497.

д̇ан̣д̣улзсу хи кийн̣зсу, ад̇д̇анаа г̇ахид̇зсу со;

Taṇḍulesu hi khīṇesu, attanā gahitesu so;

сажз яааг̇ум̣ бажид̇ваана, д̇ан̣д̣улзхид̇арзхиби.

Sace yāguṃ pacitvāna, taṇḍulehitarehipi.

1498.

убхиннам̣ д̣̇вийсу бад̇д̇зсу, аагирид̇ваа банад̇д̇ано;

Ubhinnaṃ dvīsu pattesu, ākiritvā panattano;

яааг̇ум̣ бхигкусса д̇ам̣ д̣̇ад̇ваа, саяам̣ бивад̇и д̇асса жз.

Yāguṃ bhikkhussa taṃ datvā, sayaṃ pivati tassa ce.

1499.

саннид̇хибажжаяаа нзва, на уг̇г̇ахид̇агааран̣аа;

Sannidhipaccayā neva, na uggahitakāraṇā;

сааман̣зрасса бийд̇ад̇д̇аа, д̣̇осо бхигкусса виж̇ж̇ад̇и.

Sāmaṇerassa pītattā, doso bhikkhussa vijjati.

1500.

маад̇аабид̇уунамад̇т̇ааяа, д̇злаад̣̇им̣ харад̇оби жа;

Mātāpitūnamatthāya, telādiṃ haratopi ca;

саакам̣ чааяаад̣̇иад̇т̇ааяа, имасса на висзсад̇аа.

Sākhaṃ chāyādiatthāya, imassa na visesatā.

1501.

д̇асмаа хисса висзсасса, жинд̇зд̇аб̣б̣ам̣ д̇у гааран̣ам̣;

Tasmā hissa visesassa, cintetabbaṃ tu kāraṇaṃ;

д̇асса саалаяабхаавам̣ д̇у, висзсам̣ д̇аггаяаамахам̣.

Tassa sālayabhāvaṃ tu, visesaṃ takkayāmahaṃ.

1502.

д̇ан̣д̣улз бана д̇ховид̇ваа, нижжаалзд̇ун̃хи жзлаго;

Taṇḍule pana dhovitvā, niccāletuñhi celako;

на саггод̇и сажз д̇з жа, д̇ан̣д̣улз бхааж̇анамби жа.

Na sakkoti sace te ca, taṇḍule bhājanampi ca.

1503.

бадиг̇г̇ахзд̇ваа д̇ховид̇ваа, ааробзд̇ваа бануд̣̇д̇ханам̣;

Paṭiggahetvā dhovitvā, āropetvā panuddhanaṃ;

бхигкунааг̇г̇и на гаад̇аб̣б̣о, виварид̇вааби баггад̇аа.

Bhikkhunāggi na kātabbo, vivaritvāpi pakkatā.

1504.

н̃аад̇аб̣б̣аа баггагааласмим̣, оробзд̇ваа яат̇аасукам̣;

Ñātabbā pakkakālasmiṃ, oropetvā yathāsukhaṃ;

бхун̃ж̇ид̇аб̣б̣ам̣, на бажчасса, бадиг̇г̇ахан̣агааран̣ам̣.

Bhuñjitabbaṃ, na pacchassa, paṭiggahaṇakāraṇaṃ.

1505.

ааробзд̇ваа сажз бхигку, уд̣̇д̇ханам̣ суд̣̇д̇хабхааж̇анам̣;

Āropetvā sace bhikkhu, uddhanaṃ suddhabhājanaṃ;

уд̣̇агам̣ яааг̇уад̇т̇ааяа, д̇аабзд̇и яад̣̇и ваддад̇и.

Udakaṃ yāguatthāya, tāpeti yadi vaṭṭati.

1506.

д̇ад̇д̇з бануд̣̇агз гожи, жз багкибад̇и д̇ан̣д̣улз;

Tatte panudake koci, ce pakkhipati taṇḍule;

д̇ад̇о бадтааяа д̇знаг̇г̇и, на гаад̇аб̣б̣ова бхигкунаа.

Tato paṭṭhāya tenaggi, na kātabbova bhikkhunā.

1507.

бадиг̇г̇ахзд̇ваа д̇ам̣ яааг̇ум̣, баад̇ум̣ ваддад̇и бхигкуно;

Paṭiggahetvā taṃ yāguṃ, pātuṃ vaṭṭati bhikkhuno;

сажз бажад̇и бажчаа д̇ам̣, саамабаагаа на мужжад̇и.

Sace pacati pacchā taṃ, sāmapākā na muccati.

1508.

д̇ад̇т̇аж̇аад̇апалам̣ гин̃жи, саха жаалзд̇и валлияаа;

Tatthajātaphalaṃ kiñci, saha cāleti valliyā;

д̇ассзва жа д̇ад̇о лад̣̇д̇хам̣, палам̣ гин̃жи на ваддад̇и.

Tasseva ca tato laddhaṃ, phalaṃ kiñci na vaṭṭati.

1509.

паларугкам̣ бараамадтум̣, д̇амабассаяид̇умби ваа;

Phalarukkhaṃ parāmaṭṭhuṃ, tamapassayitumpi vā;

ган̣дагз б̣анд̇хид̇ум̣ вааби, бхигкуно гира ваддад̇и.

Kaṇṭake bandhituṃ vāpi, bhikkhuno kira vaṭṭati.

1510.

сан̣д̣аасзна жа д̣̇ийгхзна, г̇ахзд̇ваа т̇аалагам̣ бана;

Saṇḍāsena ca dīghena, gahetvā thālakaṃ pana;

бажад̇о бхигкуно д̇злам̣, бхасмам̣ бад̇ад̇и д̇ад̇т̇а жз.

Pacato bhikkhuno telaṃ, bhasmaṃ patati tattha ce.

1511.

амун̃жанд̇зна хад̇т̇зна, бажид̇ваа д̇злат̇аалагам̣;

Amuñcantena hatthena, pacitvā telathālakaṃ;

од̇аарзд̇ваава д̇ам̣ бажчаа, бадиг̇г̇ан̣хзяяа ваддад̇и.

Otāretvāva taṃ pacchā, paṭiggaṇheyya vaṭṭati.

1512.

бадиг̇г̇ахзд̇ваа ан̇г̇аарз, д̇аани д̣̇аарууни ваа бана;

Paṭiggahetvā aṅgāre, tāni dārūni vā pana;

табид̇аани сажз хонд̇и, буб̣б̣аг̇аахова ваддад̇и.

Ṭhapitāni sace honti, pubbagāhova vaṭṭati.

1513.

ужчум̣ каад̣̇ад̇и жз бхигку, сааман̣зроби ижчад̇и;

Ucchuṃ khādati ce bhikkhu, sāmaṇeropi icchati;

‘‘чинд̣̇ид̇ваа д̇вамид̇о г̇ан̣ха’’, ид̇и вуд̇д̇о жа г̇ан̣хад̇и.

‘‘Chinditvā tvamito gaṇha’’, iti vutto ca gaṇhati.

1514.

над̇т̇зва авасзсасса, бадиг̇г̇ахан̣агааран̣ам̣;

Nattheva avasesassa, paṭiggahaṇakāraṇaṃ;

каад̣̇ад̇о г̇ул̣абин̣д̣амби, аяамзва винижчаяо.

Khādato guḷapiṇḍampi, ayameva vinicchayo.

1515.

гаад̇ум̣ сааг̇арад̇оязна, лон̣агижжам̣ д̇у ваддад̇и;

Kātuṃ sāgaratoyena, loṇakiccaṃ tu vaṭṭati;

яааваж̇ийвигасан̇каад̇ам̣, д̇ояад̇д̇аа на д̇у г̇ажчад̇и.

Yāvajīvikasaṅkhātaṃ, toyattā na tu gacchati.

1516.

ид̣̇ам̣ гаалавиниммуд̇д̇ам̣, уд̣̇агам̣ барид̣̇ийбид̇ам̣;

Idaṃ kālavinimmuttaṃ, udakaṃ paridīpitaṃ;

ниб̣б̣аанам̣ вияа ниб̣б̣аана-гусалзна махзсинаа.

Nibbānaṃ viya nibbāna-kusalena mahesinā.

1517.

уд̣̇агзна самаа вуд̇д̇аа, химасса гарагааби жа;

Udakena samā vuttā, himassa karakāpi ca;

гуубаад̣̇ийсу ж̇алам̣ баад̇ум̣, б̣ахаламби жа ваддад̇и.

Kūpādīsu jalaṃ pātuṃ, bahalampi ca vaṭṭati.

1518.

кзд̇д̇зсу гасид̇адтаанз, б̣ахалам̣ д̇ам̣ на ваддад̇и;

Khettesu kasitaṭṭhāne, bahalaṃ taṃ na vaṭṭati;

санд̣̇ид̇ваа яад̣̇и д̇ам̣ г̇анд̇ваа, над̣̇им̣ буурзд̇и ваддад̇и.

Sanditvā yadi taṃ gantvā, nadiṃ pūreti vaṭṭati.

1519.

соб̣бхзсу гагуд̇хаад̣̇ийнам̣, ж̇алз бубпасамаагулз;

Sobbhesu kakudhādīnaṃ, jale pupphasamākule;

на н̃ааяад̇и расо д̇зсам̣, на бадиг̇г̇ахан̣агааран̣ам̣.

Na ñāyati raso tesaṃ, na paṭiggahaṇakāraṇaṃ.

1520.

сарзн̣угаани бубпаани, баанийяасса гхадз бана;

Sareṇukāni pupphāni, pānīyassa ghaṭe pana;

багкид̇д̇аани сажз хонд̇и, бадиг̇г̇ан̣хзяяа д̇ам̣ бана.

Pakkhittāni sace honti, paṭiggaṇheyya taṃ pana.

1521.

бадиг̇г̇ахзд̇ваа д̣̇зяяаани, ваасабубпаани д̇ад̇т̇а ваа;

Paṭiggahetvā deyyāni, vāsapupphāni tattha vā;

гамаллигаасу д̣̇иннаасу, аб̣б̣охаарод̇и ваддад̇и.

Kamallikāsu dinnāsu, abbohāroti vaṭṭati.

1522.

аббадиг̇г̇ахид̇ассзва , д̣̇анд̇агадтасса яо расо;

Appaṭiggahitasseva , dantakaṭṭhassa yo raso;

аж̇аананд̇асса баажид̇д̇и, со жз висад̇и каад̣̇ад̇о.

Ajānantassa pācitti, so ce visati khādato.

1523.

сарийрадтзсу бхууд̇зсу, гим̣ ваддад̇и? на ваддад̇и?

Sarīraṭṭhesu bhūtesu, kiṃ vaṭṭati? Na vaṭṭati?

габбаагаббияамам̣саанам̣, кийрам̣ саб̣б̣амби ваддад̇и.

Kappākappiyamaṃsānaṃ, khīraṃ sabbampi vaṭṭati.

1524.

ган̣н̣агкиг̇уут̇аго д̣̇анд̇а- малам̣ муд̇д̇ам̣ гарийсагам̣;

Kaṇṇakkhigūthako danta- malaṃ muttaṃ karīsakaṃ;

сзмхам̣ син̇гхаан̣игаа кзл̣о, ассу лон̣анд̇и ваддад̇и.

Semhaṃ siṅghāṇikā kheḷo, assu loṇanti vaṭṭati.

1525.

яам̣ банзд̇т̇а сагадтаанаа, жавид̇ваа бад̇ид̇ам̣ сияаа;

Yaṃ panettha sakaṭṭhānā, cavitvā patitaṃ siyā;

бад̇д̇з ваа бана хад̇т̇з ваа, бадиг̇г̇ан̣хзяяа д̇ам̣ буна.

Patte vā pana hatthe vā, paṭiggaṇheyya taṃ puna.

1526.

ан̇г̇алаг̇г̇амавижчаннам̣, бадиг̇г̇ахид̇амзва д̇ам̣;

Aṅgalaggamavicchannaṃ, paṭiggahitameva taṃ;

ун̣хаяааг̇ум̣ биванд̇асса, сзд̣̇о хад̇т̇зсу ж̇ааяад̇и.

Uṇhayāguṃ pivantassa, sedo hatthesu jāyati.

1527.

бин̣д̣ааяа вижаранд̇асса, сзд̣̇о хад̇т̇аанусаарад̇о;

Piṇḍāya vicarantassa, sedo hatthānusārato;

орохад̇и сажз бад̇д̇ам̣, на бадиг̇г̇ахан̣агааран̣ам̣.

Orohati sace pattaṃ, na paṭiggahaṇakāraṇaṃ.

1528.

саамам̣ г̇ахзд̇ваа жад̇д̇аари, вигадаани над̣̇ааяагз;

Sāmaṃ gahetvā cattāri, vikaṭāni nadāyake;

саббад̣̇адтагкан̣зязва, на д̣̇осо барибхун̃ж̇ад̇о.

Sappadaṭṭhakkhaṇeyeva, na doso paribhuñjato.

1529.

бат̇авим̣ мад̇д̇игад̇т̇ааяа, кан̣ид̇ум̣ чинд̣̇ид̇умби ваа;

Pathaviṃ mattikatthāya, khaṇituṃ chinditumpi vā;

д̇арумби чааригад̇т̇ааяа, бхигкуно бана ваддад̇и.

Tarumpi chārikatthāya, bhikkhuno pana vaṭṭati.

1530.

ажчзд̣̇аг̇ааханирабзгканисаж̇ж̇ад̇о жа;

Acchedagāhanirapekkhanisajjato ca;

сигкаббахаанамаран̣зхи жа лин̇г̇абхзд̣̇аа;

Sikkhappahānamaraṇehi ca liṅgabhedā;

д̣̇аанзна д̇асса жа барасса абхигкугасса;

Dānena tassa ca parassa abhikkhukassa;

саб̣б̣ам̣ бадиг̇г̇ахан̣амзд̇и винаасамзвам̣.

Sabbaṃ paṭiggahaṇameti vināsamevaṃ.

1531.

д̣̇уруубажин̣н̣з нид̣̇д̣̇идтам̣, г̇ахан̣уг̇г̇ахид̇ассаби;

Durūpaciṇṇe niddiṭṭhaṃ, gahaṇuggahitassapi;

анд̇овуд̇т̇з саяам̣баггз, анд̇обаггз жа д̣̇уггадам̣.

Antovutthe sayaṃpakke, antopakke ca dukkaṭaṃ.

1532.

бадиг̇г̇ахид̇агз д̇асмим̣, аббадиг̇г̇ахид̇асан̃н̃ино;

Paṭiggahitake tasmiṃ, appaṭiggahitasaññino;

д̇ад̇т̇а взмад̇игассааби, ход̇и аабад̇д̇и д̣̇уггадам̣.

Tattha vematikassāpi, hoti āpatti dukkaṭaṃ.

1533.

бадиг̇г̇ахид̇асан̃н̃исса , д̣̇анд̇абонод̣̇агзсуби;

Paṭiggahitasaññissa , dantaponodakesupi;

на д̣̇осзл̣агаломзна, самудтаанаад̣̇аяо самаа.

Na doseḷakalomena, samuṭṭhānādayo samā.

1534.

навамаж̇жхимат̇зрабхигкунийнам̣;

Navamajjhimatherabhikkhunīnaṃ;

ависзсзна яад̇ижчид̇аб̣б̣аго;

Avisesena yaticchitabbako;

сагало асамаасад̇ова маяаа;

Sakalo asamāsatova mayā;

гат̇ид̇о зд̇т̇а винижчаяо д̇ад̇о.

Kathito ettha vinicchayo tato.

д̣̇анд̇абонагат̇аа.

Dantaponakathā.

бхож̇анаваг̇г̇о жад̇уд̇т̇о.

Bhojanavaggo catuttho.

1535.

яам̣ гин̃жижзлагаад̣̇ийнам̣, д̇ид̇т̇ияаанам̣ банаамисам̣;

Yaṃ kiñcicelakādīnaṃ, titthiyānaṃ panāmisaṃ;

д̣̇знд̇ассзгабаяог̇зна, згам̣ баажид̇д̇ияам̣ сияаа.

Dentassekapayogena, ekaṃ pācittiyaṃ siyā.

1536.

вижчинд̣̇ид̇ваана д̣̇знд̇асса, баяог̇аг̇ан̣анаавасаа;

Vicchinditvāna dentassa, payogagaṇanāvasā;

хонд̇и баажид̇д̇ияо д̇асса, д̇игабаажид̇д̇ияам̣ сияаа.

Honti pācittiyo tassa, tikapācittiyaṃ siyā.

1537.

уд̣̇агам̣ д̣̇анд̇абонам̣ ваа, д̣̇знд̇асса жа ад̇ид̇т̇ияз;

Udakaṃ dantaponaṃ vā, dentassa ca atitthiye;

д̇ид̇т̇ияод̇и жа сан̃н̃исса, д̣̇уггадам̣ вимад̇исса жа.

Titthiyoti ca saññissa, dukkaṭaṃ vimatissa ca.

1538.

д̣̇аабзнд̇асса банан̃н̃зна, сааман̣зраад̣̇игзна ваа;

Dāpentassa panaññena, sāmaṇerādikena vā;

нигкид̇д̇абхааж̇анз д̇зсам̣, д̣̇знд̇асса б̣ахилзбанам̣.

Nikkhittabhājane tesaṃ, dentassa bahilepanaṃ.

1539.

табзд̇ваа бхож̇анам̣ д̇зсам̣, санд̇игз ‘‘г̇ан̣хат̇аа’’д̇и жа;

Ṭhapetvā bhojanaṃ tesaṃ, santike ‘‘gaṇhathā’’ti ca;

вад̣̇анд̇асса анаабад̇д̇и, самудтаанзл̣агуубамам̣.

Vadantassa anāpatti, samuṭṭhāneḷakūpamaṃ.

ажзлагагат̇аа.

Acelakakathā.

1540.

д̣̇аабзд̇ваа ваа ад̣̇аабзд̇ваа, бхигку яам̣ гин̃жи аамисам̣;

Dāpetvā vā adāpetvā, bhikkhu yaṃ kiñci āmisaṃ;

гад̇д̇угаамо сажз сад̣̇д̇хим̣, хасанаад̣̇ийни ид̇т̇ияаа.

Kattukāmo sace saddhiṃ, hasanādīni itthiyā.

1541.

уяяож̇зд̇и хи ‘‘г̇ажчаа’’д̇и, вад̇ваа д̇аббажжаяаа бана;

Uyyojeti hi ‘‘gacchā’’ti, vatvā tappaccayā pana;

д̇ассуяяож̇анамад̇д̇асмим̣, д̣̇уггадам̣ батамзна жа.

Tassuyyojanamattasmiṃ, dukkaṭaṃ paṭhamena ca.

1542.

баад̣̇знассубажаарасмим̣, ад̇игганд̇з жа д̣̇уггадам̣;

Pādenassupacārasmiṃ, atikkante ca dukkaṭaṃ;

д̣̇уд̇иязнасса баажид̇д̇и, сиймаад̇иггаманз бана.

Dutiyenassa pācitti, sīmātikkamane pana.

1543.

д̣̇ассанз убажаарасса, хад̇т̇аа д̣̇ваад̣̇аса д̣̇зсид̇аа;

Dassane upacārassa, hatthā dvādasa desitā;

бамаан̣ам̣ саванз жзвам̣, аж̇жхогаасз на жзд̇арз.

Pamāṇaṃ savane cevaṃ, ajjhokāse na cetare.

1544.

бхигкусмим̣ д̇игабаажид̇д̇и, ид̇арз д̇игад̣̇уггадам̣;

Bhikkhusmiṃ tikapācitti, itare tikadukkaṭaṃ;

убхиннам̣ д̣̇уггадам̣ вуд̇д̇ам̣, галисаасанаробанз.

Ubhinnaṃ dukkaṭaṃ vuttaṃ, kalisāsanaropane.

1545.

уяяож̇знд̇асса гижжзна, на д̣̇осуммад̇д̇агаад̣̇ино;

Uyyojentassa kiccena, na dosummattakādino;

ад̣̇иннаад̣̇аанад̇уляаава, самудтаанаад̣̇аяо наяаа.

Adinnādānatulyāva, samuṭṭhānādayo nayā.

уяяож̇анагат̇аа.

Uyyojanakathā.

1546.

куд̣̇д̣̇агз бидтивам̣сам̣ яо, ад̇иггамма нисийд̣̇ад̇и;

Khuddake piṭṭhivaṃsaṃ yo, atikkamma nisīdati;

сабхож̇анз гулз д̇асса, ход̇и баажид̇д̇и бхигкуно.

Sabhojane kule tassa, hoti pācitti bhikkhuno.

1547.

хад̇т̇абаасам̣ ад̇иггамма, бидтисан̇гхаадагасса жа;

Hatthapāsaṃ atikkamma, piṭṭhisaṅghāṭakassa ca;

саяанасса банаасаннз, таанз д̣̇осо махаллагз.

Sayanassa panāsanne, ṭhāne doso mahallake.

1548.

асаяанигхарз д̇асса, саяанигхарасан̃н̃ино;

Asayanighare tassa, sayanigharasaññino;

д̇ад̇т̇а взмад̇игассааби, д̣̇уггадам̣ барид̣̇ийбид̇ам̣.

Tattha vematikassāpi, dukkaṭaṃ paridīpitaṃ.

1549.

нисийд̣̇анд̇ассанаабад̇д̇и, бхигкусса д̣̇уд̇ияз сад̇и;

Nisīdantassanāpatti, bhikkhussa dutiye sati;

вийд̇арааг̇зсу ваа д̇зсу, нигканд̇зсу убхосу ваа.

Vītarāgesu vā tesu, nikkhantesu ubhosu vā.

1550.

нисиннассаанад̇иггамма, бад̣̇зсам̣ вуд̇д̇алагкан̣ам̣;

Nisinnassānatikkamma, padesaṃ vuttalakkhaṇaṃ;

самудтаанаад̣̇аяо д̇уляаа, батаманд̇имавад̇т̇унаа.

Samuṭṭhānādayo tulyā, paṭhamantimavatthunā.

сабхож̇анагат̇аа.

Sabhojanakathā.

1551.

жад̇уд̇т̇з бан̃жамз жзва, вад̇д̇аб̣б̣ам̣ над̇т̇и гин̃жиби;

Catutthe pañcame ceva, vattabbaṃ natthi kiñcipi;

вад̇д̇аб̣б̣ам̣ яан̃жа д̇ам̣ саб̣б̣ам̣, вуд̇д̇ам̣ анияад̇ад̣̇ваяз.

Vattabbaṃ yañca taṃ sabbaṃ, vuttaṃ aniyatadvaye.

1552.

самудтаанам̣ банзд̇зсам̣, ананд̇арасамам̣ мад̇ам̣;

Samuṭṭhānaṃ panetesaṃ, anantarasamaṃ mataṃ;

аяамзва висзсод̇и, д̇зсамзсан̃жа д̣̇ийбид̇о.

Ayameva visesoti, tesamesañca dīpito.

рахобадижчаннарахонисаж̇ж̇агат̇аа.

Rahopaṭicchannarahonisajjakathā.

1553.

бхож̇анаанам̣ д̇у бан̃жаннам̣, вуд̇д̇о ан̃н̃ад̇арзна яо;

Bhojanānaṃ tu pañcannaṃ, vutto aññatarena yo;

санд̇ам̣ бхигкуманаабужчаа, аабаж̇ж̇зяяа гулзсу жз.

Santaṃ bhikkhumanāpucchā, āpajjeyya kulesu ce.

1554.

жаарид̇д̇ам̣ д̇асса баажид̇д̇и, ан̃н̃ад̇ра самаяаа сияаа;

Cārittaṃ tassa pācitti, aññatra samayā siyā;

табзд̇ваа самаяам̣ бхигку, д̣̇увид̇хам̣ вуд̇д̇алагкан̣ам̣.

Ṭhapetvā samayaṃ bhikkhu, duvidhaṃ vuttalakkhaṇaṃ.

1555.

авийд̇ивад̇д̇з маж̇жхан̣хз, гхараман̃н̃асса г̇ажчад̇и;

Avītivatte majjhaṇhe, gharamaññassa gacchati;

гхаруубажаароггаманз, батамзна хи д̣̇уггадам̣.

Gharūpacārokkamane, paṭhamena hi dukkaṭaṃ.

1556.

ад̇игганд̇з гхаруммаарз, абарамби жа д̣̇уггадам̣;

Atikkante gharummāre, aparampi ca dukkaṭaṃ;

д̣̇уд̇иязна жа баад̣̇зна, баажид̇д̇и самад̇иггамз.

Dutiyena ca pādena, pācitti samatikkame.

1557.

тид̇адтаанз сажз бхигкум̣, ологзд̇ваа на бассад̇и;

Ṭhitaṭṭhāne sace bhikkhuṃ, oloketvā na passati;

‘‘асанд̇а’’нд̇и анаабужчаа, бавидто наама вужжад̇и.

‘‘Asanta’’nti anāpucchā, paviṭṭho nāma vuccati.

1558.

сажз д̣̇уурз тид̇о ход̇и, асанд̇о наама бхигку со;

Sace dūre ṭhito hoti, asanto nāma bhikkhu so;

над̇т̇и аарожанз гижжам̣, г̇авзсид̇ваа ид̇о жид̇о.

Natthi ārocane kiccaṃ, gavesitvā ito cito.

1559.

на д̣̇осо самаяз санд̇ам̣, аабужчид̇ваа жа г̇ажчад̇о;

Na doso samaye santaṃ, āpucchitvā ca gacchato;

бхигкум̣ гхарзна маг̇г̇о жз, аараамам̣ г̇ажчад̇оби жа.

Bhikkhuṃ gharena maggo ce, ārāmaṃ gacchatopi ca.

1560.

д̇ид̇т̇ияаанамби сзяяам̣ ваа, д̇ат̇аа бхигкунубассаяам̣;

Titthiyānampi seyyaṃ vā, tathā bhikkhunupassayaṃ;

аабад̣̇аасанасаалам̣ ваа, бхад̇д̇ияасса гхарамби ваа.

Āpadāsanasālaṃ vā, bhattiyassa gharampi vā.

1561.

ид̣̇ам̣ бана самудтаанам̣, гат̇инзна самам̣ мад̇ам̣;

Idaṃ pana samuṭṭhānaṃ, kathinena samaṃ mataṃ;

грияаагрияамажид̇д̇ан̃жа, д̇ижид̇д̇ан̃жа д̇ивзд̣̇анам̣.

Kriyākriyamacittañca, ticittañca tivedanaṃ.

жаарид̇д̇агат̇аа.

Cārittakathā.

1562.

саб̣б̣ааби саад̣̇ид̇аб̣б̣аава, жад̇умаасабавааран̣аа;

Sabbāpi sāditabbāva, catumāsapavāraṇā;

бхигкунаа аг̇илаанзна, буна нижжабавааран̣аа.

Bhikkhunā agilānena, puna niccapavāraṇā.

1563.

‘‘вин̃н̃аабзссаами рог̇асмим̣, сад̇и мз бажжаяз’’д̇и жа;

‘‘Viññāpessāmi rogasmiṃ, sati me paccaye’’ti ca;

на бадигкибид̇аб̣б̣аа саа, ‘‘рог̇о д̣̇аани на мз’’д̇и жа.

Na paṭikkhipitabbā sā, ‘‘rogo dāni na me’’ti ca.

1564.

д̇игабаажид̇д̇ияам̣ вуд̇д̇ам̣, д̣̇уггадам̣ над̇ад̇уд̇д̇арим̣;

Tikapācittiyaṃ vuttaṃ, dukkaṭaṃ natatuttariṃ;

д̇ад̇уд̇д̇аринд̇и сан̃н̃исса, д̇ад̇т̇а взмад̇игасса жа.

Tatuttarinti saññissa, tattha vematikassa ca.

1565.

над̇ад̇уд̇д̇арисан̃н̃исса, язхи язна баваарид̇о;

Natatuttarisaññissa, yehi yena pavārito;

д̇ад̇о ан̃н̃зхи ваа бхияяо, аажигкид̇ваа яат̇аад̇ат̇ам̣.

Tato aññehi vā bhiyyo, ācikkhitvā yathātathaṃ.

1566.

вин̃н̃аабзнд̇асса бхигкусса, ан̃н̃ассад̇т̇ааяа ваа бана;

Viññāpentassa bhikkhussa, aññassatthāya vā pana;

н̃аад̇агаанаманаабад̇д̇и, ад̇д̇ано ваа д̇ханзнаби.

Ñātakānamanāpatti, attano vā dhanenapi.

1567.

д̇ат̇аа уммад̇д̇агаад̣̇ийнам̣, анаабад̇д̇и багаасид̇аа;

Tathā ummattakādīnaṃ, anāpatti pakāsitā;

самудтаанаад̣̇аяо саб̣б̣з, сан̃жарид̇д̇асамаа мад̇аа.

Samuṭṭhānādayo sabbe, sañcarittasamā matā.

бхзсаж̇ж̇агат̇аа.

Bhesajjakathā.

1568.

уяяуд̇д̇ам̣ бхигкуно сзнам̣, д̣̇ассанад̇т̇ааяа г̇ажчад̇о;

Uyyuttaṃ bhikkhuno senaṃ, dassanatthāya gacchato;

ан̃н̃ад̇ра бажжаяаа д̇асса, д̣̇уггадам̣ д̇у бад̣̇з бад̣̇з.

Aññatra paccayā tassa, dukkaṭaṃ tu pade pade.

1569.

д̣̇ассанассубажаарасмим̣, тад̇ваа баажид̇д̇и бассад̇о;

Dassanassupacārasmiṃ, ṭhatvā pācitti passato;

убажаарам̣ вимун̃жид̇ваа, бассанд̇асса баяог̇ад̇о.

Upacāraṃ vimuñcitvā, passantassa payogato.

1570.

аарохаа бана жад̇д̇ааро, д̣̇вз д̣̇вз д̇ам̣баад̣̇арагкагаа;

Ārohā pana cattāro, dve dve taṃpādarakkhakā;

звам̣ д̣̇ваад̣̇асабосо жа, зго хад̇т̇ийд̇и вужжад̇и.

Evaṃ dvādasaposo ca, eko hatthīti vuccati.

1571.

д̣̇взбаад̣̇арагкаа аарохо, зго д̇ибурисохаяо;

Dvepādarakkhā āroho, eko tipurisohayo;

зго саарат̇и яод̇хзго, аан̣ирагкаа д̣̇увз ж̇анаа.

Eko sārathi yodheko, āṇirakkhā duve janā.

1572.

жад̇убосо рат̇о вуд̇д̇о, жад̇усажжавибхаавинаа;

Catuposo ratho vutto, catusaccavibhāvinā;

жад̇д̇ааро бад̣̇ахад̇т̇аа жа, бурисаа бад̇д̇ийд̇и вужжад̇и.

Cattāro padahatthā ca, purisā pattīti vuccati.

1573.

вуд̇д̇алагкан̣асамбаннаа , аяам̣ бажчимагодияаа;

Vuttalakkhaṇasampannā , ayaṃ pacchimakoṭiyā;

жад̇уран̇г̇асамааяуд̇д̇аа, сзнаа наама бавужжад̇и.

Caturaṅgasamāyuttā, senā nāma pavuccati.

1574.

хад̇т̇иаад̣̇ийсу згзгам̣, д̣̇ассанад̇т̇ааяа г̇ажчад̇о;

Hatthiādīsu ekekaṃ, dassanatthāya gacchato;

ануяяуд̇д̇зби уяяуд̇д̇а-сан̃н̃иссааби жа д̣̇уггадам̣.

Anuyyuttepi uyyutta-saññissāpi ca dukkaṭaṃ.

1575.

ад̇д̇ано жа тид̇огаасам̣, самбад̇д̇ам̣ бана бассад̇и;

Attano ca ṭhitokāsaṃ, sampattaṃ pana passati;

аабад̣̇аасу анаабад̇д̇и, д̇ат̇ааруубз жа бажжаяз.

Āpadāsu anāpatti, tathārūpe ca paccaye.

уяяуд̇д̇агат̇аа.

Uyyuttakathā.

1576.

жад̇уд̇т̇з д̣̇ивасз ад̇т̇а-н̇г̇ад̇з суурияз арог̇аваа;

Catutthe divase attha-ṅgate sūriye arogavā;

сажз д̇идтад̇у сзнааяа, нисийд̣̇ад̇у нибаж̇ж̇ад̇у.

Sace tiṭṭhatu senāya, nisīdatu nipajjatu.

1577.

аагаасз ид̣̇д̇хияаа сзяяам̣, багаббзд̇у жа ид̣̇д̇химаа;

Ākāse iddhiyā seyyaṃ, pakappetu ca iddhimā;

ход̇зва д̇асса баажид̇д̇и, д̇игабаажид̇д̇ияам̣ сияаа.

Hoteva tassa pācitti, tikapācittiyaṃ siyā.

1578.

уунагз жа д̇ирад̇д̇асмим̣, ад̇ирзгод̇и сан̃н̃ино;

Ūnake ca tirattasmiṃ, atirekoti saññino;

д̇ад̇т̇а взмад̇игассааби, ход̇и аабад̇д̇и д̣̇уггадам̣.

Tattha vematikassāpi, hoti āpatti dukkaṭaṃ.

1579.

бураарун̣аава нигкамма, д̇ад̇ияааяа жа рад̇д̇ияаа;

Purāruṇāva nikkhamma, tatiyāya ca rattiyā;

на д̣̇осо буна васанд̇асса, г̇илаанассаабад̣̇аасуби.

Na doso puna vasantassa, gilānassāpadāsupi.

сзнааваасагат̇аа.

Senāvāsakathā.

1580.

уяяод̇хигам̣ б̣алаг̇г̇ам̣ ваа, сзнааб̣яуухамби ваа бана;

Uyyodhikaṃ balaggaṃ vā, senābyūhampi vā pana;

д̣̇ассанад̇т̇ааяанийгам̣ ваа, ход̇и баажид̇д̇и г̇ажчад̇о.

Dassanatthāyanīkaṃ vā, hoti pācitti gacchato.

1581.

буримз бана яо вуд̇д̇о, ‘‘хад̇т̇ий д̣̇ваад̣̇асаборисо’’;

Purime pana yo vutto, ‘‘hatthī dvādasaporiso’’;

ид̇и д̇зна д̇аяо хад̇т̇ий, ‘‘хад̇т̇аанийга’’нд̇и д̣̇ийбид̇ам̣.

Iti tena tayo hatthī, ‘‘hatthānīka’’nti dīpitaṃ.

1582.

сзсзсуби жа зсзва, наяо н̃зяяо вибхаавинаа;

Sesesupi ca eseva, nayo ñeyyo vibhāvinā;

д̇ин̣н̣амзл̣агаломзна, самудтаанаад̣̇аяо самаа.

Tiṇṇameḷakalomena, samuṭṭhānādayo samā.

уяяод̇хигагат̇аа.

Uyyodhikakathā.

ажзл̣агаваг̇г̇о бан̃жамо.

Aceḷakavaggo pañcamo.

1583.

бидтаад̣̇ийхи гад̇ам̣ маж̇ж̇ам̣, сураа наамаад̇и вужжад̇и;

Piṭṭhādīhi kataṃ majjaṃ, surā nāmāti vuccati;

бубпаад̣̇ийхи гад̇о саб̣б̣о, аасаво ход̇и мзраяам̣.

Pupphādīhi kato sabbo, āsavo hoti merayaṃ.

1584.

б̣ийж̇ад̇о бана бадтааяа, биванд̇ассубхаяамби жа;

Bījato pana paṭṭhāya, pivantassubhayampi ca;

баяог̇з жа баяог̇з жа, ход̇и баажид̇д̇и бхигкуно.

Payoge ca payoge ca, hoti pācitti bhikkhuno.

1585.

д̇игабаажид̇д̇ияам̣ вуд̇д̇ам̣, амаж̇ж̇з маж̇ж̇асан̃н̃ино;

Tikapācittiyaṃ vuttaṃ, amajje majjasaññino;

д̇ад̇т̇а взмад̇игассааби, ход̇и аабад̇д̇и д̣̇уггадам̣.

Tattha vematikassāpi, hoti āpatti dukkaṭaṃ.

1586.

амаж̇ж̇ам̣ маж̇ж̇аван̣н̣ан̃жа, маж̇ж̇аг̇анд̇харасамби жа;

Amajjaṃ majjavaṇṇañca, majjagandharasampi ca;

аридтам̣ лон̣асовийрам̣, суд̇д̇агам̣ бивад̇оби жа.

Ariṭṭhaṃ loṇasovīraṃ, suttakaṃ pivatopi ca.

1587.

ваасаг̇аахаабанад̇т̇ааяа, багкибид̇ваана ийсагам̣;

Vāsagāhāpanatthāya, pakkhipitvāna īsakaṃ;

суубаад̣̇ийнам̣ д̇у баагзби, анаабад̇д̇и багаасид̇аа.

Sūpādīnaṃ tu pākepi, anāpatti pakāsitā.

1588.

ход̇зл̣агасамудтаанам̣, ажид̇д̇ам̣ вад̇т̇уж̇аананаа;

Hoteḷakasamuṭṭhānaṃ, acittaṃ vatthujānanā;

ид̣̇ан̃жаагусалзнзва, баанад̇о логаваж̇ж̇агам̣.

Idañcākusaleneva, pānato lokavajjakaṃ.

сураабаанагат̇аа.

Surāpānakathā.

1589.

язна гзнажи ан̇г̇зна, хасаад̇хиббааяино бана;

Yena kenaci aṅgena, hasādhippāyino pana;

пусад̇о убасамбаннам̣, ход̇и баажид̇д̇и бхигкуно.

Phusato upasampannaṃ, hoti pācitti bhikkhuno.

1590.

саб̣б̣ад̇т̇а д̣̇уггадам̣ гааяа-бадиб̣ад̣̇д̇хаад̣̇игз наяз;

Sabbattha dukkaṭaṃ kāya-paṭibaddhādike naye;

д̇ат̇зваанубасамбаннз, д̣̇ийбид̇ам̣ д̇игад̣̇уггадам̣.

Tathevānupasampanne, dīpitaṃ tikadukkaṭaṃ.

1591.

зд̇т̇а жаанубасамбанна-дтаанз д̇идтад̇и бхигкуний;

Ettha cānupasampanna-ṭṭhāne tiṭṭhati bhikkhunī;

кид̣д̣аад̇хиббааяино д̇амби, пусанд̇асса жа д̣̇уггадам̣.

Khiḍḍādhippāyino tampi, phusantassa ca dukkaṭaṃ.

1592.

анаабад̇д̇и нахасаад̇хи-ббааяасса пусад̇о барам̣;

Anāpatti nahasādhi-ppāyassa phusato paraṃ;

сад̇и гижжз пусанд̇асса, д̇ат̇аа уммад̇д̇агаад̣̇ино.

Sati kicce phusantassa, tathā ummattakādino.

ан̇г̇улибад̇од̣̇агагат̇аа.

Aṅgulipatodakakathā.

1593.

ж̇алз нимуж̇ж̇анаад̣̇ийна-мад̇т̇ааяа бана гзвалам̣;

Jale nimujjanādīna-matthāya pana kevalaṃ;

бад̣̇аваарзсу саб̣б̣зсу, од̇аранд̇асса д̣̇уггадам̣.

Padavāresu sabbesu, otarantassa dukkaṭaṃ.

1594.

гийл̣аабзгко сажз худ̇ваа, ж̇алз убариг̇обпагз;

Kīḷāpekkho sace hutvā, jale uparigopphake;

нимуж̇ж̇зяяаби ваа бхигку, уммуж̇ж̇зяяа д̇арзяяа ваа.

Nimujjeyyapi vā bhikkhu, ummujjeyya tareyya vā.

1595.

баяог̇з жа баяог̇з жа, д̇асса баажид̇д̇ияам̣ сияаа;

Payoge ca payoge ca, tassa pācittiyaṃ siyā;

анд̇оязвод̣̇агз д̇асса, нимуж̇ж̇ид̇ваана г̇ажчад̇о.

Antoyevodake tassa, nimujjitvāna gacchato.

1596.

хад̇т̇абаад̣̇абаяог̇зхи, баажид̇д̇им̣ барид̣̇ийбаяз;

Hatthapādapayogehi, pācittiṃ paridīpaye;

хад̇т̇зхзва д̇аранд̇асса, хад̇т̇аваарзхи гаараяз.

Hattheheva tarantassa, hatthavārehi kāraye.

1597.

язна язна банан̇г̇зна, бхигкуно д̇арад̇о ж̇алам̣;

Yena yena panaṅgena, bhikkhuno tarato jalaṃ;

д̇асса д̇асса баяог̇зна, баажид̇д̇им̣ барид̣̇ийбаяз.

Tassa tassa payogena, pācittiṃ paridīpaye.

1598.

д̇аруд̇о д̇ийрад̇о вааби, баажид̇д̇и бад̇ад̇о ж̇алз;

Taruto tīrato vāpi, pācitti patato jale;

д̇игабаажид̇д̇ияам̣ вуд̇д̇ам̣, д̇ат̇зва д̇игад̣̇уггадам̣.

Tikapācittiyaṃ vuttaṃ, tatheva tikadukkaṭaṃ.

1599.

бааж̇знд̇оби сажз наавам̣, арид̇д̇зна пиязна ваа;

Pājentopi sace nāvaṃ, arittena phiyena vā;

уссаарзнд̇оби д̇ийрз ваа, наавам̣ гийл̣ад̇и д̣̇уггадам̣.

Ussārentopi tīre vā, nāvaṃ kīḷati dukkaṭaṃ.

1600.

хад̇т̇зна вааби баад̣̇зна, гадтзна гат̇алааяа ваа;

Hatthena vāpi pādena, kaṭṭhena kathalāya vā;

уд̣̇агам̣ нийхаранд̇асса, ход̇и аабад̇д̇и д̣̇уггадам̣.

Udakaṃ nīharantassa, hoti āpatti dukkaṭaṃ.

1601.

уд̣̇агам̣ ган̃ж̇игам̣ вааби, жигкаллам̣ вааби вигкибам̣;

Udakaṃ kañjikaṃ vāpi, cikkhallaṃ vāpi vikkhipaṃ;

гийл̣анд̇ассааби бхигкусса, ход̇и аабад̇д̇и д̣̇уггадам̣.

Kīḷantassāpi bhikkhussa, hoti āpatti dukkaṭaṃ.

1602.

виг̇аахид̇ваа ж̇алам̣ гижжз, сад̇и ниммуж̇ж̇анаад̣̇игам̣;

Vigāhitvā jalaṃ kicce, sati nimmujjanādikaṃ;

гаронд̇асса анаабад̇д̇и, д̇ат̇аа бааран̃жа г̇ажчад̇о.

Karontassa anāpatti, tathā pārañca gacchato.

1603.

самудтаанаад̣̇аяо д̇уляаа, батаманд̇имавад̇т̇унаа;

Samuṭṭhānādayo tulyā, paṭhamantimavatthunā;

ананд̇арассимассааби, над̇т̇и гаажи висзсад̇аа.

Anantarassimassāpi, natthi kāci visesatā.

хасад̇хаммагат̇аа.

Hasadhammakathā.

1604.

вужжамаано сажз бхигку, бан̃н̃ад̇д̇знзва бхигкунаа;

Vuccamāno sace bhikkhu, paññatteneva bhikkhunā;

агад̇д̇угаамад̇ааяасса, важанам̣ д̇хаммамзва ваа.

Akattukāmatāyassa, vacanaṃ dhammameva vā.

1605.

яо асигкид̇угаамова, на гарод̇и банаад̣̇арам̣;

Yo asikkhitukāmova, na karoti panādaraṃ;

д̇ассаанаад̣̇арияз д̇асмим̣, баажид̇д̇ияамуд̣̇ийраяз.

Tassānādariye tasmiṃ, pācittiyamudīraye.

1606.

д̇игабаажид̇д̇ияам̣ вуд̇д̇ам̣, д̇игаад̇ийд̇зна сад̇т̇унаа;

Tikapācittiyaṃ vuttaṃ, tikātītena satthunā;

д̇ат̇зваанубасамбаннаа-наад̣̇арз д̇игад̣̇уггадам̣.

Tathevānupasampannā-nādare tikadukkaṭaṃ.

1607.

суд̇д̇знзваабхид̇хаммзна, абан̃н̃ад̇д̇зна бхигкунаа;

Suttenevābhidhammena, apaññattena bhikkhunā;

д̣̇уггадам̣ сааман̣зрзна, вуд̇д̇асса убхаязнаби.

Dukkaṭaṃ sāmaṇerena, vuttassa ubhayenapi.

1608.

‘‘аажарияаанамаяам̣ г̇аахо, амхаагам̣ д̇у бавзн̣ияаа;

‘‘Ācariyānamayaṃ gāho, amhākaṃ tu paveṇiyā;

ааг̇ад̇о’’д̇и бхан̣анд̇асса, на д̣̇осуммад̇д̇агаад̣̇ино.

Āgato’’ti bhaṇantassa, na dosummattakādino.

1609.

зд̇т̇а нзва г̇ахзд̇аб̣б̣о, г̇аараяхаажарияуг̇г̇ахо;

Ettha neva gahetabbo, gārayhācariyuggaho;

омасаваад̣̇ад̇уляаава, самудтаанаад̣̇аяо наяаа.

Omasavādatulyāva, samuṭṭhānādayo nayā.

анаад̣̇арияагат̇аа.

Anādariyakathā.

1610.

бхаяасан̃ж̇ананад̇т̇ааяа, руубаад̣̇им̣ убасам̣харз;

Bhayasañjananatthāya, rūpādiṃ upasaṃhare;

бхаяаанагам̣ гат̇ам̣ вааби, гат̇зяяа барасанд̇игз.

Bhayānakaṃ kathaṃ vāpi, katheyya parasantike.

1611.

д̣̇исваа ваа бана д̇ам̣ суд̇ваа, маа ваа бхааяад̇у, бхааяад̇у;

Disvā vā pana taṃ sutvā, mā vā bhāyatu, bhāyatu;

ид̇арасса д̇у бхигкусса, ход̇и баажид̇д̇и д̇ан̇кан̣з.

Itarassa tu bhikkhussa, hoti pācitti taṅkhaṇe.

1612.

д̇игабаажид̇д̇ияам̣ вуд̇д̇ам̣, д̇ат̇зва д̇игад̣̇уггадам̣;

Tikapācittiyaṃ vuttaṃ, tatheva tikadukkaṭaṃ;

сааман̣зрам̣ г̇ахадтам̣ ваа, бхим̣саабзнд̇асса бхигкуно.

Sāmaṇeraṃ gahaṭṭhaṃ vā, bhiṃsāpentassa bhikkhuno.

1613.

набхим̣саабзд̇угаамасса, анаабад̇д̇аад̣̇игаммино;

Nabhiṃsāpetukāmassa, anāpattādikammino;

самудтаанаад̣̇и саб̣б̣амби, ананд̇арасамам̣ мад̇ам̣.

Samuṭṭhānādi sabbampi, anantarasamaṃ mataṃ.

бхим̣саабанагат̇аа.

Bhiṃsāpanakathā.

1614.

ж̇од̇им̣ д̇аббзд̇угаамо жз, ж̇алаабзяяа ж̇алзяяа ваа;

Jotiṃ tappetukāmo ce, jalāpeyya jaleyya vā;

табзд̇ваа ход̇и баажид̇д̇и, д̇ат̇ааруубам̣ д̇у бажжаяам̣.

Ṭhapetvā hoti pācitti, tathārūpaṃ tu paccayaṃ.

1615.

саяам̣ самаад̣̇аханд̇асса, яаава ж̇аалаа на ж̇ааяад̇и;

Sayaṃ samādahantassa, yāva jālā na jāyati;

д̇аава саб̣б̣абаяог̇зсу, ход̇и аабад̇д̇и д̣̇уггадам̣.

Tāva sabbapayogesu, hoti āpatti dukkaṭaṃ.

1616.

ж̇аалудтаанз банаабад̇д̇и, баажид̇д̇и барид̣̇ийбид̇аа;

Jāluṭṭhāne panāpatti, pācitti paridīpitā;

ж̇аалаабзнд̇асса ан̃н̃зна, ход̇и аабад̇д̇и д̣̇уггадам̣.

Jālāpentassa aññena, hoti āpatti dukkaṭaṃ.

1617.

г̇илаанасса г̇илаанод̇и, сан̃н̃исса вимад̇исса ваа;

Gilānassa gilānoti, saññissa vimatissa vā;

алаад̇ам̣ угкибанд̇асса, авиж̇жхаад̇ам̣ д̇у д̣̇уггадам̣.

Alātaṃ ukkhipantassa, avijjhātaṃ tu dukkaṭaṃ.

1618.

виж̇жхаад̇ам̣ д̇уж̇ж̇аланд̇асса, яат̇аавад̇т̇угад̇аа мад̇аа;

Vijjhātaṃ tujjalantassa, yathāvatthukatā matā;

анаабад̇д̇и г̇илаанасса, гад̇ам̣ ан̃н̃зна ваа бана.

Anāpatti gilānassa, kataṃ aññena vā pana.

1619.

висиб̣б̣знд̇асса ан̇г̇аарам̣, бад̣̇ийбуж̇ж̇ааланаад̣̇игз;

Visibbentassa aṅgāraṃ, padīpujjālanādike;

самудтаанаад̣̇аяо саб̣б̣з, сан̃жарид̇д̇асамаа мад̇аа.

Samuṭṭhānādayo sabbe, sañcarittasamā matā.

ж̇од̇исамаад̣̇аханагат̇аа.

Jotisamādahanakathā.

1620.

абун̣н̣з ад̣̇д̇хамаасасмим̣, д̣̇зсз жз маж̇жхимз бана;

Apuṇṇe addhamāsasmiṃ, dese ce majjhime pana;

‘‘нхааяиссаамий’’д̇и жун̣н̣ам̣ ваа, мад̇д̇игам̣ вааби г̇омаяам̣.

‘‘Nhāyissāmī’’ti cuṇṇaṃ vā, mattikaṃ vāpi gomayaṃ.

1621.

абхисан̇карад̇о саб̣б̣а-баяог̇зсуби д̣̇уггадам̣;

Abhisaṅkharato sabba-payogesupi dukkaṭaṃ;

нхаанасса барияосаанз, ход̇и баажид̇д̇и бхигкуно.

Nhānassa pariyosāne, hoti pācitti bhikkhuno.

1622.

ад̇ирзгад̣̇д̇хамаасууна-сан̃н̃ино вимад̇исса ваа;

Atirekaddhamāsūna-saññino vimatissa vā;

д̣̇уггадам̣ ад̇ирзгад̣̇д̇ха- маасз жа самаязсу жа.

Dukkaṭaṃ atirekaddha- māse ca samayesu ca.

1623.

нхааяанд̇асса анаабад̇д̇и, над̣̇ийбаарамби г̇ажчад̇о;

Nhāyantassa anāpatti, nadīpārampi gacchato;

ваалигам̣ уггирид̇ваана, гад̇ааваадзсу ваа д̇ат̇аа.

Vālikaṃ ukkiritvāna, katāvāṭesu vā tathā.

1624.

бажжанд̇имзби ваа д̣̇зсз, саб̣б̣зсам̣ аабад̣̇аасуби;

Paccantimepi vā dese, sabbesaṃ āpadāsupi;

ид̣̇амзл̣агаломзна, самудтаанаад̣̇инаа самам̣.

Idameḷakalomena, samuṭṭhānādinā samaṃ.

нхаанагат̇аа.

Nhānakathā.

1625.

жийварам̣ яам̣ ниваасзд̇ум̣, саггаа баарубид̇умби ваа;

Cīvaraṃ yaṃ nivāsetuṃ, sakkā pārupitumpi vā;

чаннаман̃н̃ад̇арам̣ бхигку, раж̇ид̇ваа яад̇т̇а гад̇т̇ажи.

Channamaññataraṃ bhikkhu, rajitvā yattha katthaci.

1626.

бад̣̇зсз гам̣санийлзна, бад̇д̇анийлзна ваа бана;

Padese kaṃsanīlena, pattanīlena vā pana;

язна гзнажи гаал̣зна, гад̣̇д̣̇амзнаби ваа д̇ат̇аа.

Yena kenaci kāḷena, kaddamenapi vā tathā.

1627.

ман̇г̇уласса маяуурасса, бидтиагкиббамаан̣агам̣;

Maṅgulassa mayūrassa, piṭṭhiakkhippamāṇakaṃ;

агад̇ваа габбияам̣ б̣инд̣̇ум̣, баажид̇д̇и барибхун̃ж̇ад̇о.

Akatvā kappiyaṃ binduṃ, pācitti paribhuñjato.

1628.

баал̣иган̣н̣игагаббо ваа, на жа ваддад̇и гад̇т̇ажи;

Pāḷikaṇṇikakappo vā, na ca vaṭṭati katthaci;

згам̣ вааби анзгам̣ ваа, б̣инд̣̇у ваддад̇и ваддагам̣.

Ekaṃ vāpi anekaṃ vā, bindu vaṭṭati vaṭṭakaṃ.

1629.

аад̣̇иннзби анаад̣̇инна-сан̃н̃ино вимад̇исса жа;

Ādinnepi anādinna-saññino vimatissa ca;

д̣̇уггадам̣ мунинаа вуд̇д̇ам̣, анаабад̇д̇и багаасид̇аа.

Dukkaṭaṃ muninā vuttaṃ, anāpatti pakāsitā.

1630.

габбз надтзби ваа сад̣̇д̇хим̣, д̇зна сам̣сиб̣б̣ид̇зсу ваа;

Kappe naṭṭhepi vā saddhiṃ, tena saṃsibbitesu vā;

грияаагрияамид̣̇ам̣ вуд̇д̇ам̣, самудтаанзл̣агуубамам̣.

Kriyākriyamidaṃ vuttaṃ, samuṭṭhāneḷakūpamaṃ.

д̣̇уб̣б̣ан̣н̣агаран̣агат̇аа.

Dubbaṇṇakaraṇakathā.

1631.

вигаббанаа д̣̇увз вуд̇д̇аа, саммукаасаммукаад̇иби;

Vikappanā duve vuttā, sammukhāsammukhātipi;

саммукааяа вигаббзнд̇о, бхигкуссзгасса санд̇игз.

Sammukhāya vikappento, bhikkhussekassa santike.

1632.

згад̇д̇ам̣ б̣ахубхаавам̣ ваа, д̣̇уурасанд̇игад̇амби ваа;

Ekattaṃ bahubhāvaṃ vā, dūrasantikatampi vā;

жийвараанам̣ д̇у ж̇аанид̇ваа, яат̇ааважанаяог̇ад̇о.

Cīvarānaṃ tu jānitvā, yathāvacanayogato.

1633.

‘‘имаахам̣ жийварам̣ д̇уяхам̣, вигаббзмий’’д̇и нид̣̇д̣̇исз;

‘‘Imāhaṃ cīvaraṃ tuyhaṃ, vikappemī’’ti niddise;

габбад̇зд̇д̇аавад̇аа гаамам̣, нид̇хзд̇ум̣, на жа габбад̇и.

Kappatettāvatā kāmaṃ, nidhetuṃ, na ca kappati.

1634.

барибхог̇аад̣̇игам̣ д̇зна, абажжуд̣̇д̇хадад̇о бана;

Paribhogādikaṃ tena, apaccuddhaṭato pana;

д̇зна бажжуд̣̇д̇хадзязва, барибхог̇аад̣̇и ваддад̇и.

Tena paccuddhaṭeyeva, paribhogādi vaṭṭati.

1635.

‘‘санд̇агам̣ бана маяхам̣ д̇вам̣, барибхун̃ж̇а барижжаж̇а;

‘‘Santakaṃ pana mayhaṃ tvaṃ, paribhuñja pariccaja;

яат̇аабажжаяам̣ гарохий’’д̇и, вуд̇д̇з бажжуд̣̇д̇хадам̣ сияаа.

Yathāpaccayaṃ karohī’’ti, vutte paccuddhaṭaṃ siyā.

1636.

абараа саммукаа вуд̇д̇аа, бхигкуссзгасса санд̇игз;

Aparā sammukhā vuttā, bhikkhussekassa santike;

яасса гассажи наамам̣ д̇у, г̇ахзд̇ваа сахад̇хамминам̣.

Yassa kassaci nāmaṃ tu, gahetvā sahadhamminaṃ.

1637.

‘‘имаахам̣ жийварам̣ д̇исса- бхигкуно, д̇иссат̇зрияаа;

‘‘Imāhaṃ cīvaraṃ tissa- bhikkhuno, tissatheriyā;

вигаббзмий’’д̇и вад̇д̇аб̣б̣ам̣, вад̇д̇аб̣б̣ам̣ буна д̇знаби.

Vikappemī’’ti vattabbaṃ, vattabbaṃ puna tenapi.

1638.

‘‘д̇иссасса бхигкуно ваа д̇вам̣, д̇ассаа д̇иссааяа т̇зрияаа;

‘‘Tissassa bhikkhuno vā tvaṃ, tassā tissāya theriyā;

санд̇агам̣ барибхун̃ж̇аахи, виссаж̇ж̇зхий’’д̇и ваа д̇ат̇аа.

Santakaṃ paribhuñjāhi, vissajjehī’’ti vā tathā.

1639.

д̇ад̇о бабхуд̇и саб̣б̣амби, барибхог̇аад̣̇и ваддад̇и;

Tato pabhuti sabbampi, paribhogādi vaṭṭati;

звам̣ бараммукааяааби, вад̇д̇аб̣б̣ам̣ згасанд̇игз.

Evaṃ parammukhāyāpi, vattabbaṃ ekasantike.

1640.

‘‘имаахам̣ жийварам̣ д̇уяхам̣, вигаббад̇т̇ааяа д̣̇амми’’д̇и;

‘‘Imāhaṃ cīvaraṃ tuyhaṃ, vikappatthāya dammi’’ti;

буна д̇знаби вад̇д̇аб̣б̣ам̣, ‘‘го д̇з мид̇д̇о’’д̇и бхигкунаа.

Puna tenapi vattabbaṃ, ‘‘ko te mitto’’ti bhikkhunā.

1641.

ид̇арзнаби вад̇д̇аб̣б̣ам̣, ‘‘д̇иссо д̇иссаа’’д̇и ваа буна;

Itarenapi vattabbaṃ, ‘‘tisso tissā’’ti vā puna;

вад̇д̇аб̣б̣ам̣ бхигкунаа д̇зна, ‘‘ид̣̇ам̣ д̇иссасса санд̇агам̣.

Vattabbaṃ bhikkhunā tena, ‘‘idaṃ tissassa santakaṃ.

1642.

д̇иссааяа т̇зрияаа ваа д̇вам̣, санд̇агам̣ барибхун̃ж̇а ваа;

Tissāya theriyā vā tvaṃ, santakaṃ paribhuñja vā;

виссаж̇ж̇зхий’’д̇и ваа вуд̇д̇з, ход̇и бажжуд̣̇д̇хадам̣ буна.

Vissajjehī’’ti vā vutte, hoti paccuddhaṭaṃ puna.

1643.

ижжзд̇аасу бана д̣̇вийсу, яааяа гааяажи жийварам̣;

Iccetāsu pana dvīsu, yāya kāyaci cīvaraṃ;

вигаббзд̇ваа сад̇хаммзсу, яасса гассажи бан̃жасу.

Vikappetvā sadhammesu, yassa kassaci pañcasu.

1644.

абажжуд̣̇д̇хаарагам̣ вааби, ависсаасзна д̇асса ваа;

Apaccuddhārakaṃ vāpi, avissāsena tassa vā;

язна д̇ам̣ винаяам̣ гаммам̣, гад̇ам̣ банид̇ха бхигкунаа.

Yena taṃ vinayaṃ kammaṃ, kataṃ panidha bhikkhunā.

1645.

жийварам̣ барибхун̃ж̇зяяа, ход̇и баажид̇д̇и бхигкуно;

Cīvaraṃ paribhuñjeyya, hoti pācitti bhikkhuno;

д̇ан̃жзваад̇хидтаханд̇асса, виссаж̇ж̇анд̇асса д̣̇уггадам̣.

Tañcevādhiṭṭhahantassa, vissajjantassa dukkaṭaṃ.

1646.

бажжуд̣̇д̇хаарагавад̇т̇зсу , абажжуд̣̇д̇хаарасан̃н̃ино;

Paccuddhārakavatthesu , apaccuddhārasaññino;

д̇ад̇т̇а взмад̇игассааби, ход̇и аабад̇д̇и д̣̇уггадам̣.

Tattha vematikassāpi, hoti āpatti dukkaṭaṃ.

1647.

бажжуд̣̇д̇хааран̣асан̃н̃исса, виссаасаа барибхун̃ж̇ад̇о;

Paccuddhāraṇasaññissa, vissāsā paribhuñjato;

анаабад̇д̇и самудтаанам̣, гат̇инзнаад̣̇инаа самам̣.

Anāpatti samuṭṭhānaṃ, kathinenādinā samaṃ.

вигаббанагат̇аа.

Vikappanakathā.

1648.

ад̇хидтаанубаг̇ам̣ бад̇д̇ам̣, жийварам̣ вааби д̇аад̣̇исам̣;

Adhiṭṭhānupagaṃ pattaṃ, cīvaraṃ vāpi tādisaṃ;

д̇ат̇аа суужигхарам̣ гааяа-б̣анд̇ханам̣ ваа нисийд̣̇анам̣.

Tathā sūcigharaṃ kāya-bandhanaṃ vā nisīdanaṃ.

1649.

абанзд̇ваа нид̇хзнд̇асса, хасаабзгкасса гзвалам̣;

Apanetvā nidhentassa, hasāpekkhassa kevalaṃ;

ход̇и баажид̇д̇ияам̣ ан̃н̃ам̣, аан̣аабзнд̇асса д̣̇уггадам̣.

Hoti pācittiyaṃ aññaṃ, āṇāpentassa dukkaṭaṃ.

1650.

д̇знаабанихид̇з д̇асса, баажид̇д̇им̣ барид̣̇ийбаяз;

Tenāpanihite tassa, pācittiṃ paridīpaye;

вуд̇д̇ам̣ анубасамбанна-санд̇агз д̇игад̣̇уггадам̣.

Vuttaṃ anupasampanna-santake tikadukkaṭaṃ.

1651.

винаа вуд̇д̇аббагаараани, бад̇д̇аад̣̇ийни д̇ад̇о бана;

Vinā vuttappakārāni, pattādīni tato pana;

ан̃н̃ам̣ абанид̇хзнд̇асса, ход̇и аабад̇д̇и д̣̇уггадам̣.

Aññaṃ apanidhentassa, hoti āpatti dukkaṭaṃ.

1652.

саб̣б̣зсванубасамбанна-санд̇агзсуби д̣̇уггадам̣;

Sabbesvanupasampanna-santakesupi dukkaṭaṃ;

д̣̇уннигкид̇д̇аманаабад̇д̇и, бадисаамаяад̇о бана.

Dunnikkhittamanāpatti, paṭisāmayato pana.

1653.

д̇ат̇аа ‘‘д̇хаммагат̇ам̣ гад̇ваа, д̣̇ассаамий’’д̇и нид̇хзд̇и жз;

Tathā ‘‘dhammakathaṃ katvā, dassāmī’’ti nidheti ce;

авихзсзд̇угаамасса, агийл̣ассаад̣̇игаммино.

Avihesetukāmassa, akīḷassādikammino.

1654.

самудтаанаад̣̇аяо д̇уляаа, д̣̇уд̇ияанд̇имавад̇т̇унаа;

Samuṭṭhānādayo tulyā, dutiyantimavatthunā;

ид̣̇ам̣ агусалзнзва, сажид̇д̇ан̃жа д̇ивзд̣̇анам̣.

Idaṃ akusaleneva, sacittañca tivedanaṃ.

жийвараабанид̇хаанагат̇аа.

Cīvarāpanidhānakathā.

сураабаанаваг̇г̇о чадто.

Surāpānavaggo chaṭṭho.

1655.

д̇иражчаанаг̇ад̇ам̣ баан̣ам̣, маханд̇ам̣ куд̣̇д̣̇агамби ваа;

Tiracchānagataṃ pāṇaṃ, mahantaṃ khuddakampi vā;

ход̇и баажид̇д̇ияаабад̇д̇и, маарзнд̇ассасса бхигкуно.

Hoti pācittiyāpatti, mārentassassa bhikkhuno.

1656.

аббаан̣з баан̣асан̃н̃исса, вимад̇иссубхаяад̇т̇а жа;

Appāṇe pāṇasaññissa, vimatissubhayattha ca;

д̣̇уггадам̣ д̇у анаабад̇д̇и, асан̃жижжа аж̇аанад̇о.

Dukkaṭaṃ tu anāpatti, asañcicca ajānato.

1657.

на жа маарзд̇угаамасса, д̇ат̇аа уммад̇д̇агаад̣̇ино;

Na ca māretukāmassa, tathā ummattakādino;

самудтаанаад̣̇аяо д̇уляаа, д̇ад̇ияанд̇имавад̇т̇унаа.

Samuṭṭhānādayo tulyā, tatiyantimavatthunā.

сан̃жижжабаан̣агат̇аа.

Sañciccapāṇakathā.

1658.

саббаан̣агам̣ ж̇алам̣ ж̇аанам̣, баажид̇д̇и барибхун̃ж̇ад̇о;

Sappāṇakaṃ jalaṃ jānaṃ, pācitti paribhuñjato;

баяог̇аб̣ахуд̇ааяасса, баажид̇д̇иб̣ахуд̇аа сияаа.

Payogabahutāyassa, pācittibahutā siyā.

1659.

згзнзва баяог̇зна, авижчиж̇ж̇а сажз бана;

Ekeneva payogena, avicchijja sace pana;

бивад̇о бад̇д̇абуурамби, згам̣ баажид̇д̇ияам̣ сияаа.

Pivato pattapūrampi, ekaṃ pācittiyaṃ siyā.

1660.

д̇аад̣̇исзнуд̣̇агзнасса, аавин̃чид̇ваана саамисам̣;

Tādisenudakenassa, āviñchitvāna sāmisaṃ;

д̇ховад̇о бана бад̇д̇ам̣ ваа, ниб̣б̣аабзнд̇асса яааг̇уяо.

Dhovato pana pattaṃ vā, nibbāpentassa yāguyo.

1661.

хад̇т̇зна д̇ам̣ ул̣ун̇гзна, г̇ахзд̇ваа нхааяад̇оби ваа;

Hatthena taṃ uḷuṅkena, gahetvā nhāyatopi vā;

баяог̇з жа баяог̇з жа, баажид̇д̇и барид̣̇ийбид̇аа.

Payoge ca payoge ca, pācitti paridīpitā.

1662.

аббаан̣агзби саббаан̣а-сан̃н̃исса убхаяад̇т̇аби;

Appāṇakepi sappāṇa-saññissa ubhayatthapi;

вимад̇иссааби бхигкусса, ход̇и аабад̇д̇и д̣̇уггадам̣.

Vimatissāpi bhikkhussa, hoti āpatti dukkaṭaṃ.

1663.

саббаан̣зби жа аббаан̣з, аббаан̣амид̇и сан̃н̃ино;

Sappāṇepi ca appāṇe, appāṇamiti saññino;

на д̣̇осо ‘‘барибхог̇зна, на маранд̇ий’’д̇и ж̇аанад̇о.

Na doso ‘‘paribhogena, na marantī’’ti jānato.

1664.

бад̇анам̣ салабхаад̣̇ийнам̣, н̃ад̇ваа суд̣̇д̇хзна жзд̇асаа;

Patanaṃ salabhādīnaṃ, ñatvā suddhena cetasā;

бад̣̇ийбуж̇ж̇аланан̃жзд̇т̇а, н̃ад̇ваа саббаан̣абхаавад̇ам̣.

Padīpujjalanañcettha, ñatvā sappāṇabhāvataṃ.

1665.

бхун̃ж̇ад̇о ж̇аласан̃н̃ааяа, н̃зяяаа бан̣н̣ад̇д̇иваж̇ж̇ад̇аа;

Bhuñjato jalasaññāya, ñeyyā paṇṇattivajjatā;

син̃жанз син̃жанам̣ вуд̇д̇ам̣, барибхог̇з ид̣̇ам̣ бана.

Siñcane siñcanaṃ vuttaṃ, paribhoge idaṃ pana.

1666.

аяамзва висзсод̇и, д̇асса жзва банасса жа;

Ayameva visesoti, tassa ceva panassa ca;

ад̣̇иннаад̣̇аанад̇уляаава, самудтаанаад̣̇аяо наяаа.

Adinnādānatulyāva, samuṭṭhānādayo nayā.

саббаан̣агагат̇аа.

Sappāṇakakathā.

1667.

нихад̇ам̣ д̇у яат̇аад̇хаммам̣, гижжаад̇хигаран̣ам̣ буна;

Nihataṃ tu yathādhammaṃ, kiccādhikaraṇaṃ puna;

нихаад̇аб̣б̣анд̇и баажид̇д̇и, уггодзнд̇асса бхигкуно.

Nihātabbanti pācitti, ukkoṭentassa bhikkhuno.

1668.

‘‘агад̇ам̣ д̣̇уггад̇ам̣ гаммам̣, гаад̇аб̣б̣ам̣ бунад̣̇зви’’д̇и;

‘‘Akataṃ dukkataṃ kammaṃ, kātabbaṃ punadevi’’ti;

вад̣̇ад̇аа бана д̇ам̣ гаммам̣, ужжаалзд̇ум̣ на ваддад̇и.

Vadatā pana taṃ kammaṃ, uccāletuṃ na vaṭṭati.

1669.

сажз виббагад̇з гаммз, бадиггосад̇и д̇ам̣ буна;

Sace vippakate kamme, paṭikkosati taṃ puna;

сан̃н̃аабзд̇ваава гаад̇аб̣б̣ам̣, на гаад̇аб̣б̣ам̣ банан̃н̃ат̇аа.

Saññāpetvāva kātabbaṃ, na kātabbaṃ panaññathā.

1670.

ад̇хаммз бана гаммасмим̣, д̇хаммагамманд̇и сан̃н̃ино;

Adhamme pana kammasmiṃ, dhammakammanti saññino;

вимад̇иссубхаяад̇т̇ааби, ход̇и аабад̇д̇и д̣̇уггадам̣.

Vimatissubhayatthāpi, hoti āpatti dukkaṭaṃ.

1671.

‘‘ад̇хаммзна жа ваг̇г̇зна, на жа гаммаарахасса ваа;

‘‘Adhammena ca vaggena, na ca kammārahassa vā;

гад̇а’’нд̇и ж̇аанад̇о над̇т̇и, д̣̇осо уггоданз бана.

Kata’’nti jānato natthi, doso ukkoṭane pana.

1672.

д̇ат̇аа уммад̇д̇агаад̣̇ийна-манаабад̇д̇и багаасид̇аа;

Tathā ummattakādīna-manāpatti pakāsitā;

омасаваад̣̇ад̇уляаава, самудтаанаад̣̇аяо наяаа.

Omasavādatulyāva, samuṭṭhānādayo nayā.

уггоданагат̇аа.

Ukkoṭanakathā.

1673.

сан̇гхаад̣̇исзсам̣ д̣̇удтуллам̣, аабад̇д̇им̣ бхигкуно бана;

Saṅghādisesaṃ duṭṭhullaṃ, āpattiṃ bhikkhuno pana;

н̃ад̇ваа чаад̣̇аяад̇о д̇асса, баажид̇д̇и барияаабуд̇аа.

Ñatvā chādayato tassa, pācitti pariyāputā.

1674.

нигкибид̇ваа д̇хурам̣ д̇асса, бадижчаад̣̇анахзд̇угам̣;

Nikkhipitvā dhuraṃ tassa, paṭicchādanahetukaṃ;

аарожзд̇и сажан̃н̃асса, соби ан̃н̃асса ваад̇и хи.

Āroceti sacaññassa, sopi aññassa vāti hi.

1675.

звам̣ сад̇амби бхигкуунам̣, сахассамби жа д̇аава д̇ам̣;

Evaṃ satampi bhikkhūnaṃ, sahassampi ca tāva taṃ;

аабаж̇ж̇ад̇зва аабад̇д̇им̣, яаава годи на чиж̇ж̇ад̇и.

Āpajjateva āpattiṃ, yāva koṭi na chijjati.

1676.

муулзнаарожид̇ассзва , д̣̇уд̇ияасса багаасид̇з;

Mūlenārocitasseva , dutiyassa pakāsite;

д̇ад̇иязна нивад̇д̇ид̇ваа, годи чиннаад̇и вужжад̇и.

Tatiyena nivattitvā, koṭi chinnāti vuccati.

1677.

д̣̇удтуллааяа жа д̣̇удталла-сан̃н̃ий баажид̇д̇ияам̣ пусз;

Duṭṭhullāya ca duṭṭhalla-saññī pācittiyaṃ phuse;

ид̇арзсу бана д̣̇вийсу, д̣̇уггадам̣ барид̣̇ийбид̇ам̣.

Itaresu pana dvīsu, dukkaṭaṃ paridīpitaṃ.

1678.

ад̣̇удтуллааяа саб̣б̣ад̇т̇а, нид̣̇д̣̇идтам̣ д̇игад̣̇уггадам̣;

Aduṭṭhullāya sabbattha, niddiṭṭhaṃ tikadukkaṭaṃ;

саб̣б̣ад̇т̇аанубасамбанна-ваарзсуби жа д̣̇уггадам̣.

Sabbatthānupasampanna-vāresupi ca dukkaṭaṃ.

1679.

‘‘сан̇гхасса бхзд̣̇анаад̣̇ийни, бхависсанд̇ий’’д̇и ваа бана;

‘‘Saṅghassa bhedanādīni, bhavissantī’’ti vā pana;

на жа чаад̣̇зд̇угаамо ваа, сабхааг̇ам̣ ваа на бассад̇и.

Na ca chādetukāmo vā, sabhāgaṃ vā na passati.

1680.

‘‘бан̃н̃ааяиссад̇и гаммзна, сагзнааяанд̇и гагкал̣о’’;

‘‘Paññāyissati kammena, sakenāyanti kakkhaḷo’’;

анаарожзд̇и жз д̣̇осо, над̇т̇и уммад̇д̇агаад̣̇ино.

Anāroceti ce doso, natthi ummattakādino.

1681.

д̇хуранигкзбад̇уляаава, самудтаанаад̣̇аяо наяаа;

Dhuranikkhepatulyāva, samuṭṭhānādayo nayā;

гааяагаммам̣ важийгаммам̣, агрияам̣ д̣̇угкавзд̣̇анам̣.

Kāyakammaṃ vacīkammaṃ, akriyaṃ dukkhavedanaṃ.

д̣̇удтуллагат̇аа.

Duṭṭhullakathā.

1682.

уунавийсад̇ивассам̣ яо, гарзяяа убасамбад̣̇ам̣;

Ūnavīsativassaṃ yo, kareyya upasampadaṃ;

д̇асса баажид̇д̇ияам̣ ход̇и, сзсаанам̣ ход̇и д̣̇уггадам̣.

Tassa pācittiyaṃ hoti, sesānaṃ hoti dukkaṭaṃ.

1683.

убасамбаад̣̇ид̇о жзсо, ж̇аанад̇аа ваа аж̇аанад̇аа;

Upasampādito ceso, jānatā vā ajānatā;

ход̇зваанубасамбанно, гаад̇аб̣б̣о бунарзва со.

Hotevānupasampanno, kātabbo punareva so.

1684.

д̣̇асавассажжаязнасса, убаж̇жхааяасса жз сад̇о;

Dasavassaccayenassa, upajjhāyassa ce sato;

убасамбаад̣̇анз д̣̇осо, ан̃н̃зсам̣ над̇т̇и гожиби.

Upasampādane doso, aññesaṃ natthi kocipi.

1685.

мун̃жид̇ваа бана д̇ам̣ бхигкум̣, г̇ан̣о жз барибуурад̇и;

Muñcitvā pana taṃ bhikkhuṃ, gaṇo ce paripūrati;

хонд̇и д̇з суубасамбаннаа, на д̣̇осо гожи виж̇ж̇ад̇и.

Honti te sūpasampannā, na doso koci vijjati.

1686.

убаж̇жхааяо сажз худ̇ваа, г̇ан̣ам̣ аажарияамби ваа;

Upajjhāyo sace hutvā, gaṇaṃ ācariyampi vā;

бариязсад̇и бад̇д̇ам̣ ваа, самманнад̇и жа маал̣агам̣.

Pariyesati pattaṃ vā, sammannati ca māḷakaṃ.

1687.

‘‘убасамбаад̣̇аяиссаами’’ , ид̇и саб̣б̣зсу д̇асса хи;

‘‘Upasampādayissāmi’’ , iti sabbesu tassa hi;

н̃ад̇д̇ияаа жа д̇ат̇аа д̣̇вийсу, гаммаваажаасу д̣̇уггадам̣.

Ñattiyā ca tathā dvīsu, kammavācāsu dukkaṭaṃ.

1688.

гаммаваажааяа осаанз, баажид̇д̇и барид̣̇ийбид̇аа;

Kammavācāya osāne, pācitti paridīpitā;

уунавийсад̇исан̃н̃исса, барибун̣н̣зби буг̇г̇алз.

Ūnavīsatisaññissa, paripuṇṇepi puggale.

1689.

вимад̇иссубхаяад̇т̇ааби, ход̇и аабад̇д̇и д̣̇уггадам̣;

Vimatissubhayatthāpi, hoti āpatti dukkaṭaṃ;

барибун̣н̣од̇и сан̃н̃исса, убхаяад̇т̇а на д̣̇осад̇аа.

Paripuṇṇoti saññissa, ubhayattha na dosatā.

1690.

д̇ат̇аа уммад̇д̇агассааби, аад̣̇игаммигабхигкуно;

Tathā ummattakassāpi, ādikammikabhikkhuno;

ад̣̇иннаад̣̇аанад̇уляаава, самудтаанаад̣̇аяо наяаа.

Adinnādānatulyāva, samuṭṭhānādayo nayā.

уунавийсад̇игат̇аа.

Ūnavīsatikathā.

1691.

т̇зяяасад̇т̇зна ж̇аананд̇о, сам̣вид̇хааяа сажз бана;

Theyyasatthena jānanto, saṃvidhāya sace pana;

маг̇г̇ам̣ г̇ажчад̇и сад̣̇д̇хим̣ яо, д̇асса баажид̇д̇ияам̣ сияаа.

Maggaṃ gacchati saddhiṃ yo, tassa pācittiyaṃ siyā.

1692.

г̇аманз сам̣вид̇хаанз жа, вад̇д̇аб̣б̣о яо винижчаяо;

Gamane saṃvidhāne ca, vattabbo yo vinicchayo;

со жа бхигкуниваг̇г̇асмим̣, вуд̇д̇ад̇д̇аа на жа уд̣̇д̇хадо.

So ca bhikkhunivaggasmiṃ, vuttattā na ca uddhaṭo.

1693.

маг̇г̇аадавивисан̇гзд̇з, яат̇аавад̇т̇угамзва д̇у;

Maggāṭavivisaṅkete, yathāvatthukameva tu;

д̇зсвасам̣вид̣̇аханд̇зсу, саяам̣ вид̣̇ахад̇оби жа.

Tesvasaṃvidahantesu, sayaṃ vidahatopi ca.

1694.

д̇ат̇зваат̇зяяасад̇т̇зби, т̇зяяасад̇т̇анд̇и сан̃н̃ино;

Tathevātheyyasatthepi, theyyasatthanti saññino;

вимад̇иссубхаяад̇т̇ааби, ход̇и аабад̇д̇и д̣̇уггадам̣.

Vimatissubhayatthāpi, hoti āpatti dukkaṭaṃ.

1695.

ат̇зяяасад̇т̇асан̃н̃исса , асам̣вид̣̇ахад̇оби жа;

Atheyyasatthasaññissa , asaṃvidahatopi ca;

аабад̣̇аасу анаабад̇д̇и, висан̇гзд̇з жа гаалигз.

Āpadāsu anāpatti, visaṅkete ca kālike.

1696.

т̇зяяасад̇т̇асамудтаанам̣, гат̇ид̇ам̣ гааяажид̇д̇ад̇о;

Theyyasatthasamuṭṭhānaṃ, kathitaṃ kāyacittato;

гааяаваажаажид̇д̇ад̇о жа, д̇ижид̇д̇ан̃жа д̇ивзд̣̇анам̣.

Kāyavācācittato ca, ticittañca tivedanaṃ.

т̇зяяасад̇т̇агат̇аа.

Theyyasatthakathā.

1697.

ход̇и бхигкунияаа сад̣̇д̇хим̣, сам̣вид̇хаанзна сад̇д̇амам̣;

Hoti bhikkhuniyā saddhiṃ, saṃvidhānena sattamaṃ;

самудтаанаад̣̇инаа д̇уляам̣, висзсо над̇т̇и гожиби.

Samuṭṭhānādinā tulyaṃ, viseso natthi kocipi.

сам̣вид̇хаанагат̇аа.

Saṃvidhānakathā.

1698.

гаммам̣ гилзсо бааго жа, убаваад̣̇о ад̇иггамо;

Kammaṃ kileso pāko ca, upavādo atikkamo;

анд̇арааяагараа зд̇з, бан̃жа д̇хаммаа багаасид̇аа.

Antarāyakarā ete, pañca dhammā pakāsitā.

1699.

‘‘ананд̇арааяигаа зд̇з, яат̇аа хонд̇и д̇ат̇аа ахам̣;

‘‘Anantarāyikā ete, yathā honti tathā ahaṃ;

д̣̇зсид̇ам̣ мунинаа д̇хамма-мааж̇аанаамий’’д̇и яо вад̣̇з.

Desitaṃ muninā dhamma-mājānāmī’’ti yo vade.

1700.

д̇игкад̇д̇ум̣ д̇зхи вад̇д̇аб̣б̣о, яз бассанд̇и сун̣анд̇и жа;

Tikkhattuṃ tehi vattabbo, ye passanti suṇanti ca;

‘‘маа хзвам̣ аважааяасмаа’’, ид̇и бхигкуухи со бана.

‘‘Mā hevaṃ avacāyasmā’’, iti bhikkhūhi so pana.

1701.

д̣̇уггадам̣ авад̣̇анд̇асса, д̇ам̣ аниссаж̇ад̇оби жа;

Dukkaṭaṃ avadantassa, taṃ anissajatopi ca;

н̃ад̇д̇ияаа жа д̇ат̇аа д̣̇вийхи, гаммаваажаахи д̣̇уггадам̣.

Ñattiyā ca tathā dvīhi, kammavācāhi dukkaṭaṃ.

1702.

гаммаваажааяа осаанз, баажид̇д̇и барид̣̇ийбид̇аа;

Kammavācāya osāne, pācitti paridīpitā;

д̇игабаажид̇д̇ияам̣ вуд̇д̇ам̣, ад̇хаммз д̇игад̣̇уггадам̣.

Tikapācittiyaṃ vuttaṃ, adhamme tikadukkaṭaṃ.

1703.

наабад̇д̇аагад̇агаммасса, бадиниссаж̇ад̇оби жа;

Nāpattākatakammassa, paṭinissajatopi ca;

самудтаанаад̣̇аяо саб̣б̣з, вуд̇д̇аа саманубхаасанз

Samuṭṭhānādayo sabbe, vuttā samanubhāsane

аридтагат̇аа.

Ariṭṭhakathā.

1704.

н̃ад̇ваагад̇аануд̇хаммзна, д̇ат̇ааваад̣̇игабхигкунаа;

Ñatvākatānudhammena, tathāvādikabhikkhunā;

сам̣васзяяа жа бхун̃ж̇зяяа, баажид̇д̇и саха сзяяа ваа.

Saṃvaseyya ca bhuñjeyya, pācitti saha seyya vā.

1705.

убосат̇аад̣̇игам̣ гаммам̣, гарод̇о саха д̇зна хи;

Uposathādikaṃ kammaṃ, karoto saha tena hi;

гаммасса барияосаанз, д̇асса баажид̇д̇ияам̣ сияаа.

Kammassa pariyosāne, tassa pācittiyaṃ siyā.

1706.

згзнзва баяог̇зна, г̇ан̣хад̇о аамисам̣ б̣ахум̣;

Ekeneva payogena, gaṇhato āmisaṃ bahuṃ;

д̣̇ад̣̇ад̇оби д̇ат̇аа згам̣, б̣ахууни жа б̣ахуусваби.

Dadatopi tathā ekaṃ, bahūni ca bahūsvapi.

1707.

угкид̇д̇агз нибаннасмим̣, ид̇аро сзд̇и жз бана;

Ukkhittake nipannasmiṃ, itaro seti ce pana;

ид̇арасмим̣ нибаннз ваа, баро сзд̇и убхоби ваа.

Itarasmiṃ nipanne vā, paro seti ubhopi vā.

1708.

нибаж̇ж̇анабаяог̇аанам̣, васзнаабад̇д̇ияо сияум̣;

Nipajjanapayogānaṃ, vasenāpattiyo siyuṃ;

зганаануубажаарзсу, згажчаннз винижчаяо.

Ekanānūpacāresu, ekacchanne vinicchayo.

1709.

анугкид̇д̇зби угкид̇д̇а-сан̃н̃ино бана бхигкуно;

Anukkhittepi ukkhitta-saññino pana bhikkhuno;

вимад̇иссубхаяад̇т̇ааби, д̣̇уггадам̣ барид̣̇ийбид̇ам̣.

Vimatissubhayatthāpi, dukkaṭaṃ paridīpitaṃ.

1710.

анаабад̇д̇убхаяад̇т̇ааби, анугкид̇д̇агасан̃н̃ино;

Anāpattubhayatthāpi, anukkhittakasaññino;

ниссадтод̇и жа д̇ам̣ д̣̇идтим̣, сан̃н̃иссосаарид̇од̇и жа.

Nissaṭṭhoti ca taṃ diṭṭhiṃ, saññissosāritoti ca.

1711.

д̇ат̇аа уммад̇д̇агаад̣̇ийнам̣, ид̣̇ам̣ бан̣н̣ад̇д̇иваж̇ж̇агам̣;

Tathā ummattakādīnaṃ, idaṃ paṇṇattivajjakaṃ;

ад̣̇иннаад̣̇аанад̇уляаава, самудтаанаад̣̇аяо наяаа.

Adinnādānatulyāva, samuṭṭhānādayo nayā.

угкид̇д̇агат̇аа.

Ukkhittakathā.

1712.

д̇ат̇аа винаасид̇ам̣ ж̇аанам̣, убалаабзяяа д̇зна ваа;

Tathā vināsitaṃ jānaṃ, upalāpeyya tena vā;

убадтаабзяяа баажид̇д̇и, сам̣бхун̃ж̇зяяа васзяяа ваа.

Upaṭṭhāpeyya pācitti, saṃbhuñjeyya vaseyya vā.

1713.

сам̣ваасзна жа лин̇г̇зна, д̣̇ан̣д̣агаммзна наасанаа;

Saṃvāsena ca liṅgena, daṇḍakammena nāsanā;

д̇иссо зд̇т̇а ад̇хиббзд̇аа, д̣̇ан̣д̣агаммзна наасанаа.

Tisso ettha adhippetā, daṇḍakammena nāsanā.

1714.

самбхог̇аа сахасзяяаа жа, ананд̇арасамаа мад̇аа;

Sambhogā sahaseyyā ca, anantarasamā matā;

д̇ад̇т̇а вуд̇д̇анаязнзва, взд̣̇ид̇аб̣б̣о винижчаяо.

Tattha vuttanayeneva, veditabbo vinicchayo.

1715.

самудтаанаад̣̇аяо саб̣б̣з, аридтзна самаа мад̇аа;

Samuṭṭhānādayo sabbe, ariṭṭhena samā matā;

на хзд̇т̇а гин̃жи вад̇д̇аб̣б̣ам̣, саб̣б̣ам̣ уд̇д̇аанамзвид̣̇ам̣.

Na hettha kiñci vattabbaṃ, sabbaṃ uttānamevidaṃ.

ган̣дагагат̇аа.

Kaṇṭakakathā.

саббаан̣агаваг̇г̇о сад̇д̇амо.

Sappāṇakavaggo sattamo.

1716.

вужжамаано хи бхигкуухи, бхигку сигкаабад̣̇зна яо;

Vuccamāno hi bhikkhūhi, bhikkhu sikkhāpadena yo;

‘‘сигкаабад̣̇з банзд̇асмим̣, на сигкиссаами д̇аавахам̣.

‘‘Sikkhāpade panetasmiṃ, na sikkhissāmi tāvahaṃ.

1717.

яаава наан̃н̃ам̣ вияад̇д̇ан̃жа, багад̇ан̃н̃ум̣ б̣ахуссуд̇ам̣;

Yāva nāññaṃ viyattañca, pakataññuṃ bahussutaṃ;

бужчаамий’’д̇и бхан̣анд̇асса, д̇асса баажид̇д̇ияам̣ сияаа.

Pucchāmī’’ti bhaṇantassa, tassa pācittiyaṃ siyā.

1718.

сад̇т̇унаанубасамбаннз, д̣̇ийбид̇ам̣ д̇игад̣̇уггадам̣;

Satthunānupasampanne, dīpitaṃ tikadukkaṭaṃ;

на саллзкааяид̣̇ам̣ ход̇и, вужжамаанассубхохиби.

Na sallekhāyidaṃ hoti, vuccamānassubhohipi.

1719.

абан̃н̃ад̇д̇зна д̇ассзвам̣, вад̣̇ад̇о ход̇и д̣̇уггадам̣;

Apaññattena tassevaṃ, vadato hoti dukkaṭaṃ;

на д̣̇осуммад̇д̇агаад̣̇ийнам̣, ‘‘сигкиссаамий’’д̇и бхаасад̇о.

Na dosummattakādīnaṃ, ‘‘sikkhissāmī’’ti bhāsato.

сахад̇хаммигагат̇аа.

Sahadhammikakathā.

1720.

уд̣̇д̣̇идтзхи гимзд̇зхи, гуггужжаад̣̇инид̣̇аанад̇о;

Uddiṭṭhehi kimetehi, kukkuccādinidānato;

ход̇и баажид̇д̇ияаабад̇д̇и, сигкаабад̣̇авиван̣н̣анз.

Hoti pācittiyāpatti, sikkhāpadavivaṇṇane.

1721.

д̇игабаажид̇д̇ияам̣ вуд̇д̇ам̣, д̇ат̇зва д̇игад̣̇уггадам̣;

Tikapācittiyaṃ vuttaṃ, tatheva tikadukkaṭaṃ;

виван̣н̣знубасамбанна-санд̇игз д̇ам̣ сажз бана.

Vivaṇṇenupasampanna-santike taṃ sace pana.

1722.

д̣̇уггадам̣ банубхиннамби, ан̃н̃ад̇хаммавиван̣н̣анз;

Dukkaṭaṃ panubhinnampi, aññadhammavivaṇṇane;

навиван̣н̣зд̇угаамасса, ‘‘суд̇д̇анд̇ам̣ барияаабун̣а.

Navivaṇṇetukāmassa, ‘‘suttantaṃ pariyāpuṇa.

1723.

винаяам̣ бана бажчааби, ханд̣̇а барияаабун̣иссаси’’;

Vinayaṃ pana pacchāpi, handa pariyāpuṇissasi’’;

ижжзвам̣ д̇у вад̣̇анд̇асса, д̇ат̇аа уммад̇д̇агаад̣̇ино.

Iccevaṃ tu vadantassa, tathā ummattakādino.

1724.

анаабад̇д̇ийд̇и н̃аад̇аб̣б̣ам̣, самудтаанаад̣̇аяо наяаа;

Anāpattīti ñātabbaṃ, samuṭṭhānādayo nayā;

ананд̇арассимассааби, омасаваад̣̇асаад̣̇исаа.

Anantarassimassāpi, omasavādasādisā.

вилзканагат̇аа.

Vilekhanakathā.

1725.

ан̃н̃аан̣зна банаабад̇д̇и, могко нзвасса виж̇ж̇ад̇и;

Aññāṇena panāpatti, mokkho nevassa vijjati;

гаарзд̇аб̣б̣о д̇ат̇аа бхигку, яат̇аа д̇хаммо тид̇о бана.

Kāretabbo tathā bhikkhu, yathā dhammo ṭhito pana.

1726.

д̇ассааробанияо мохо, уд̇д̇аримби хи бхигкуно;

Tassāropaniyo moho, uttarimpi hi bhikkhuno;

д̣̇уд̇иязнзва гаммзна, нинд̣̇ид̇ваа д̇ан̃хи буг̇г̇алам̣.

Dutiyeneva kammena, ninditvā tañhi puggalaṃ.

1727.

звам̣ ааробид̇з мохз, яад̣̇и мохзд̇и яо бана;

Evaṃ āropite mohe, yadi moheti yo pana;

д̇асмим̣ моханагз вуд̇д̇аа, баажид̇д̇и бана буг̇г̇алз.

Tasmiṃ mohanake vuttā, pācitti pana puggale.

1728.

ад̇хаммз бана гаммасмим̣, д̣̇ийбид̇ам̣ д̇игад̣̇уггадам̣;

Adhamme pana kammasmiṃ, dīpitaṃ tikadukkaṭaṃ;

д̇ат̇аанааробид̇з мохз, д̣̇уггадам̣ баригид̇д̇ид̇ам̣.

Tathānāropite mohe, dukkaṭaṃ parikittitaṃ.

1729.

на жа мохзд̇угаамасса, вид̇т̇аарзнаасуд̇ассаби;

Na ca mohetukāmassa, vitthārenāsutassapi;

уунагз д̣̇вад̇д̇игкад̇д̇ум̣ ваа, вид̇т̇аарзнаасуд̇асса жа.

Ūnake dvattikkhattuṃ vā, vitthārenāsutassa ca.

1730.

анаабад̇д̇ийд̇и вин̃н̃зяяам̣, д̇ат̇аа уммад̇д̇агаад̣̇ино;

Anāpattīti viññeyyaṃ, tathā ummattakādino;

самудтаанаад̣̇аяо саб̣б̣з, ананд̇арасамаа мад̇аа.

Samuṭṭhānādayo sabbe, anantarasamā matā.

моханагат̇аа.

Mohanakathā.

1731.

гуд̣̇д̇хо д̣̇зд̇и бахаарам̣ жз, д̇асса баажид̇д̇ияам̣ сияаа;

Kuddho deti pahāraṃ ce, tassa pācittiyaṃ siyā;

самбахарид̇угаамзна, бахаарз бхигкуно бана.

Sampaharitukāmena, pahāre bhikkhuno pana.

1732.

д̣̇иннз бхиж̇ж̇ад̇у сийсам̣ ваа, баад̣̇о ваа барибхиж̇ж̇ад̇у;

Dinne bhijjatu sīsaṃ vā, pādo vā paribhijjatu;

со жз марад̇у ваа, маа ваа, баажид̇д̇и барид̣̇ийбид̇аа.

So ce maratu vā, mā vā, pācitti paridīpitā.

1733.

вируубагаран̣аабзгко, ‘‘ижжааяам̣ на вирожад̇и’’;

Virūpakaraṇāpekkho, ‘‘iccāyaṃ na virocati’’;

ган̣н̣ам̣ ваа д̇асса наасам̣ ваа, яад̣̇и чинд̣̇ад̇и д̣̇уггадам̣.

Kaṇṇaṃ vā tassa nāsaṃ vā, yadi chindati dukkaṭaṃ.

1734.

д̇ат̇зваанубасамбаннз, ид̇т̇ияаа бурисасса ваа;

Tathevānupasampanne, itthiyā purisassa vā;

д̇иражчаанаг̇ад̇ассааби, бахаарам̣ д̣̇зд̇и д̣̇уггадам̣.

Tiracchānagatassāpi, pahāraṃ deti dukkaṭaṃ.

1735.

сажз бахарад̇ид̇т̇ин̃жа, бхигку рад̇д̇зна жзд̇асаа;

Sace paharatitthiñca, bhikkhu rattena cetasā;

г̇аругаа д̇асса аабад̇д̇и, винид̣̇д̣̇идтаа махзсинаа.

Garukā tassa āpatti, viniddiṭṭhā mahesinā.

1736.

бахаарам̣ д̣̇зд̇и могкаад̇хи-ббааяо д̣̇осо на виж̇ж̇ад̇и;

Pahāraṃ deti mokkhādhi-ppāyo doso na vijjati;

гааязна гааяаб̣ад̣̇д̇хзна, д̇ат̇аа ниссаг̇г̇иязна ваа.

Kāyena kāyabaddhena, tathā nissaggiyena vā.

1737.

бассид̇ваа анд̇араамаг̇г̇з, жорам̣ бажжад̇т̇игамби ваа;

Passitvā antarāmagge, coraṃ paccatthikampi vā;

хзтзд̇угаамамааяанд̇ам̣, ‘‘маа ид̇хааг̇ажчубаасага’’.

Heṭhetukāmamāyantaṃ, ‘‘mā idhāgacchupāsaka’’.

1738.

ид̇и вад̇ваа банааяанд̇ам̣, ‘‘г̇ажча рз’’д̇и жа муг̇г̇арам̣;

Iti vatvā panāyantaṃ, ‘‘gaccha re’’ti ca muggaraṃ;

сад̇т̇ам̣ вааби г̇ахзд̇ваа ваа, бахарид̇ваа д̇у яаад̇и жз.

Satthaṃ vāpi gahetvā vā, paharitvā tu yāti ce.

1739.

анаабад̇д̇и сажз д̇зна, бахаарзна мад̇зби жа;

Anāpatti sace tena, pahārena matepi ca;

зсзва жа наяо вуд̇д̇о, д̇худ̇д̇аваал̣амиг̇зсуби.

Eseva ca nayo vutto, dhuttavāḷamigesupi.

1740.

д̇игабаажид̇д̇ияам̣ вуд̇д̇ам̣, сзсз жа д̇игад̣̇уггадам̣;

Tikapācittiyaṃ vuttaṃ, sese ca tikadukkaṭaṃ;

гааяажид̇д̇асамудтаанам̣, сажид̇д̇ам̣ д̣̇угкавзд̣̇анам̣.

Kāyacittasamuṭṭhānaṃ, sacittaṃ dukkhavedanaṃ.

бахаарагат̇аа.

Pahārakathā.

1741.

гааяам̣ ваа гааяаб̣ад̣̇д̇хам̣ ваа, ужжаарзяяа сажз бана;

Kāyaṃ vā kāyabaddhaṃ vā, uccāreyya sace pana;

ход̇и баажид̇д̇ияаабад̇д̇и, д̇ассуг̇г̇иран̣абажжаяаа.

Hoti pācittiyāpatti, tassuggiraṇapaccayā.

1742.

уг̇г̇ирид̇ваа вирад̣̇д̇хо со, бахаарам̣ д̣̇зд̇и жз бана;

Uggiritvā viraddho so, pahāraṃ deti ce pana;

асамбахарид̇угаамзна, д̣̇иннад̇д̇аа д̣̇уггадам̣ сияаа.

Asampaharitukāmena, dinnattā dukkaṭaṃ siyā.

1743.

сажз д̇зна бахаарзна, бахадасса жа бхигкуно;

Sace tena pahārena, pahaṭassa ca bhikkhuno;

хад̇т̇аад̣̇ийсуби яам̣ гин̃жи, ан̇г̇ам̣ бхиж̇ж̇ад̇и д̣̇уггадам̣.

Hatthādīsupi yaṃ kiñci, aṅgaṃ bhijjati dukkaṭaṃ.

1744.

сзсо ананд̇арз вуд̇д̇а-наязна винаяан̃н̃унаа;

Seso anantare vutta-nayena vinayaññunā;

самудтаанаад̣̇инаа сад̣̇д̇хим̣, взд̣̇ид̇аб̣б̣о винижчаяо.

Samuṭṭhānādinā saddhiṃ, veditabbo vinicchayo.

д̇аласад̇д̇игат̇аа.

Talasattikathā.

1745.

амуулагзна сан̇гхаад̣̇и-сзсзна бана бхигку яо;

Amūlakena saṅghādi-sesena pana bhikkhu yo;

жод̣̇аабзяяаби жод̣̇зяяа, д̇асса баажид̇д̇ияам̣ сияаа.

Codāpeyyapi codeyya, tassa pācittiyaṃ siyā.

1746.

д̇игабаажид̇д̇ияам̣ д̇ад̇т̇а, д̣̇идтаажааравибад̇д̇ияаа;

Tikapācittiyaṃ tattha, diṭṭhācāravipattiyā;

жод̣̇ад̇о д̣̇уггадаабад̇д̇и, сзсз жа д̇игад̣̇уггадам̣.

Codato dukkaṭāpatti, sese ca tikadukkaṭaṃ.

1747.

д̇ат̇аасан̃н̃иссанаабад̇д̇и , д̇ат̇аа уммад̇д̇агаад̣̇ино;

Tathāsaññissanāpatti , tathā ummattakādino;

омасаваад̣̇ад̇уляаава, самудтаанаад̣̇аяо наяаа.

Omasavādatulyāva, samuṭṭhānādayo nayā.

амуулагагат̇аа.

Amūlakakathā.

1748.

сан̃жижжа бана гуггужжам̣, уббаад̣̇знд̇асса бхигкуно;

Sañcicca pana kukkuccaṃ, uppādentassa bhikkhuno;

‘‘уунавийсад̇ивассо д̇вам̣, ман̃н̃з’’ ижжзвамаад̣̇инаа.

‘‘Ūnavīsativasso tvaṃ, maññe’’ iccevamādinā.

1749.

ход̇и ваажааяа ваажааяа, баажид̇д̇и бана бхигкуно;

Hoti vācāya vācāya, pācitti pana bhikkhuno;

д̇ат̇ааруубз банан̃н̃асмим̣, сажз асад̇и бажжаяз.

Tathārūpe panaññasmiṃ, sace asati paccaye.

1750.

д̇игабаажид̇д̇ияам̣ вуд̇д̇ам̣, сзсз жа д̇игад̣̇уггадам̣;

Tikapācittiyaṃ vuttaṃ, sese ca tikadukkaṭaṃ;

науббаад̣̇зд̇угаамасса, гуггужжам̣ над̇т̇и важ̇ж̇ад̇аа.

Nauppādetukāmassa, kukkuccaṃ natthi vajjatā.

1751.

‘‘хид̇зсид̇ааяахам̣ ман̃н̃з, нисиннам̣ ид̇т̇ияаа саха;

‘‘Hitesitāyahaṃ maññe, nisinnaṃ itthiyā saha;

вигаалз жа д̇аяаа бхуд̇д̇ам̣, маа зва’’нд̇и жа бхаасад̇о.

Vikāle ca tayā bhuttaṃ, mā eva’’nti ca bhāsato.

1752.

д̇ат̇аа уммад̇д̇агаад̣̇ийна-манаабад̇д̇и багаасид̇аа;

Tathā ummattakādīna-manāpatti pakāsitā;

самудтаанаад̣̇аяо саб̣б̣з, ананд̇арасамаа мад̇аа.

Samuṭṭhānādayo sabbe, anantarasamā matā.

сан̃жижжагат̇аа.

Sañciccakathā.

1753.

сажз бхан̣д̣анаж̇аад̇аанам̣, бхигкуунам̣ бана бхигку яо;

Sace bhaṇḍanajātānaṃ, bhikkhūnaṃ pana bhikkhu yo;

д̇идтзяяубассуд̇им̣ сод̇ум̣, д̇асса баажид̇д̇ияам̣ сияаа.

Tiṭṭheyyupassutiṃ sotuṃ, tassa pācittiyaṃ siyā.

1754.

‘‘яам̣ имз д̇у бхан̣иссанд̇и, д̇ам̣ соссаамий’’д̇и г̇ажчад̇о;

‘‘Yaṃ ime tu bhaṇissanti, taṃ sossāmī’’ti gacchato;

жод̣̇зд̇угаамад̇ааяасса, д̣̇уггадам̣ д̇у бад̣̇з бад̣̇з.

Codetukāmatāyassa, dukkaṭaṃ tu pade pade.

1755.

бурад̇о г̇ажчад̇о сод̇ум̣, охийяанд̇асса д̣̇уггадам̣;

Purato gacchato sotuṃ, ohīyantassa dukkaṭaṃ;

г̇ажчад̇о д̇урид̇ам̣ вааби, аяамзва винижчаяо.

Gacchato turitaṃ vāpi, ayameva vinicchayo.

1756.

тид̇огаасам̣ банааг̇анд̇ваа, яад̣̇и манд̇знд̇и ад̇д̇ано;

Ṭhitokāsaṃ panāgantvā, yadi mantenti attano;

уггаасид̇вааби ваа зд̇т̇а, н̃аабзд̇аб̣б̣амаханд̇и ваа.

Ukkāsitvāpi vā ettha, ñāpetabbamahanti vā.

1757.

д̇ассзвамагаронд̇асса , баажид̇д̇и саванз сияаа;

Tassevamakarontassa , pācitti savane siyā;

д̇игабаажид̇д̇ияам̣ вуд̇д̇ам̣, сзсз жа д̇игад̣̇уггадам̣.

Tikapācittiyaṃ vuttaṃ, sese ca tikadukkaṭaṃ.

1758.

‘‘имзсам̣ важанам̣ суд̇ваа, орамисса’’нд̇и г̇ажчад̇о;

‘‘Imesaṃ vacanaṃ sutvā, oramissa’’nti gacchato;

д̇ат̇аа уммад̇д̇агаад̣̇ийна-манаабад̇д̇и багаасид̇аа.

Tathā ummattakādīna-manāpatti pakāsitā.

1759.

т̇зяяасад̇т̇асамудтаанам̣, ид̣̇ам̣ ход̇и грияаагрияам̣;

Theyyasatthasamuṭṭhānaṃ, idaṃ hoti kriyākriyaṃ;

гааяагаммам̣ важийгаммам̣, сад̣̇осам̣ д̣̇угкавзд̣̇анам̣.

Kāyakammaṃ vacīkammaṃ, sadosaṃ dukkhavedanaṃ.

убассуд̇игат̇аа.

Upassutikathā.

1760.

д̇хаммигаанам̣ д̇у гаммаанам̣, чанд̣̇ам̣ д̣̇ад̇ваа сажз бана;

Dhammikānaṃ tu kammānaṃ, chandaṃ datvā sace pana;

бажчаа кийяад̇и баажид̇д̇и, ваажад̇о ваажад̇о сияаа.

Pacchā khīyati pācitti, vācato vācato siyā.

1761.

ад̇хаммз бана гаммасмим̣, д̇хаммагамманд̇и сан̃н̃ино;

Adhamme pana kammasmiṃ, dhammakammanti saññino;

вимад̇иссубхаяад̇т̇ааби, ход̇и аабад̇д̇и д̣̇уггадам̣.

Vimatissubhayatthāpi, hoti āpatti dukkaṭaṃ.

1762.

‘‘ад̇хаммзна жа ваг̇г̇зна, д̇ат̇аагаммаарахасса жа;

‘‘Adhammena ca vaggena, tathākammārahassa ca;

имз гаммам̣ гаронд̇ий’’д̇и, н̃ад̇ваа кийяад̇и д̇асса жа.

Ime kammaṃ karontī’’ti, ñatvā khīyati tassa ca.

1763.

д̇ат̇аа уммад̇д̇агаад̣̇ийна-манаабад̇д̇и багаасид̇аа;

Tathā ummattakādīna-manāpatti pakāsitā;

амуулагасамаанаава, самудтаанаад̣̇аяо наяаа.

Amūlakasamānāva, samuṭṭhānādayo nayā.

гаммабадиб̣ааханагат̇аа.

Kammapaṭibāhanakathā.

1764.

яаава аарожид̇ам̣ вад̇т̇у, авинижчид̇амзва ваа;

Yāva ārocitaṃ vatthu, avinicchitameva vā;

табид̇аа н̃ад̇д̇и ваа нидтам̣, гаммаваажаа на г̇ажчад̇и.

Ṭhapitā ñatti vā niṭṭhaṃ, kammavācā na gacchati.

1765.

зд̇асмим̣ анд̇арз гаммам̣, гобзд̇ум̣ барисааяа хи;

Etasmiṃ antare kammaṃ, kopetuṃ parisāya hi;

хад̇т̇абаасам̣ ж̇аханд̇асса, ход̇и аабад̇д̇и д̣̇уггадам̣.

Hatthapāsaṃ jahantassa, hoti āpatti dukkaṭaṃ.

1766.

ад̣̇ад̇ваа ж̇ахид̇з чанд̣̇ам̣, д̇асса баажид̇д̇ияам̣ сияаа;

Adatvā jahite chandaṃ, tassa pācittiyaṃ siyā;

д̇хаммагаммз ад̇хаммз жа, вимад̇исса жа д̣̇уггадам̣.

Dhammakamme adhamme ca, vimatissa ca dukkaṭaṃ.

1767.

ад̇хаммзби жа гаммасмим̣, д̇хаммагамманд̇и сан̃н̃ино;

Adhammepi ca kammasmiṃ, dhammakammanti saññino;

‘‘сан̇гхасса бхан̣д̣анаад̣̇ийни, бхависсанд̇ий’’д̇и сан̃н̃ино.

‘‘Saṅghassa bhaṇḍanādīni, bhavissantī’’ti saññino.

1768.

г̇илаано ваа г̇илаанасса, гаран̣ийяз на д̣̇осад̇аа;

Gilāno vā gilānassa, karaṇīye na dosatā;

на жа гобзд̇угаамасса, гаммам̣ бассааванаад̣̇инаа.

Na ca kopetukāmassa, kammaṃ passāvanādinā.

1769.

бийл̣ид̇ассааг̇амиссаами, ижжзвам̣ г̇ажчад̇оби ваа;

Pīḷitassāgamissāmi, iccevaṃ gacchatopi vā;

самам̣ саманубхаасзна, самудтаанам̣ грияаагрияам̣.

Samaṃ samanubhāsena, samuṭṭhānaṃ kriyākriyaṃ.

чанд̣̇ам̣ ад̣̇ад̇ваа г̇аманагат̇аа.

Chandaṃ adatvā gamanakathā.

1770.

самаг̇г̇зна жа сан̇гхзна, сад̣̇д̇хим̣ д̣̇ад̇ваана жийварам̣;

Samaggena ca saṅghena, saddhiṃ datvāna cīvaraṃ;

саммад̇асса хи бхигкусса, бажчаа кийяад̇и яо бана.

Sammatassa hi bhikkhussa, pacchā khīyati yo pana.

1771.

д̇асса ваажааяа ваажааяа, баажид̇д̇и барид̣̇ийбид̇аа;

Tassa vācāya vācāya, pācitti paridīpitā;

д̇игабаажид̇д̇ияам̣ д̇хамма- гаммз вуд̇д̇ам̣ д̇у жийварам̣.

Tikapācittiyaṃ dhamma- kamme vuttaṃ tu cīvaraṃ.

1772.

табзд̇ваан̃н̃абаригкаарам̣, д̣̇ад̇ваа кийяад̇и д̣̇уггадам̣;

Ṭhapetvāññaparikkhāraṃ, datvā khīyati dukkaṭaṃ;

сан̇гхзнаасаммад̇ассааби, жийварам̣ ан̃н̃амзва ваа.

Saṅghenāsammatassāpi, cīvaraṃ aññameva vā.

1773.

д̇ат̇зваанубасамбаннз, саб̣б̣ад̇т̇ааби жа д̣̇уггадам̣;

Tathevānupasampanne, sabbatthāpi ca dukkaṭaṃ;

чанд̣̇аад̣̇ийнам̣ васзнзва, гаронд̇ан̃жа сабхаавад̇о.

Chandādīnaṃ vaseneva, karontañca sabhāvato.

1774.

кийяанд̇асса анаабад̇д̇и, д̇ат̇аа уммад̇д̇агаад̣̇ино;

Khīyantassa anāpatti, tathā ummattakādino;

амуулагасамаа н̃зяяаа, самудтаанаад̣̇аяо наяаа.

Amūlakasamā ñeyyā, samuṭṭhānādayo nayā.

д̣̇уб̣б̣алагат̇аа.

Dubbalakathā.

1775.

ид̣̇ам̣ д̇им̣сагаган̣д̣асмим̣, анд̇имзна жа саб̣б̣ат̇аа;

Idaṃ tiṃsakakaṇḍasmiṃ, antimena ca sabbathā;

д̇уляам̣ д̣̇ваад̣̇асамам̣ саб̣б̣ам̣, аяамзва висзсад̇аа.

Tulyaṃ dvādasamaṃ sabbaṃ, ayameva visesatā.

1776.

д̇ад̇т̇а ниссаг̇г̇ияам̣ вуд̇д̇ам̣, ад̇д̇ано барин̣ааманаа;

Tattha nissaggiyaṃ vuttaṃ, attano pariṇāmanā;

ид̇ха суд̣̇д̇хигабаажид̇д̇и, буг̇г̇алз барин̣ааманаа.

Idha suddhikapācitti, puggale pariṇāmanā.

барин̣ааманагат̇аа.

Pariṇāmanakathā.

сахад̇хаммигаваг̇г̇о адтамо.

Sahadhammikavaggo aṭṭhamo.

1777.

анигканд̇з жз рааж̇асмим̣, анигканд̇ааяа д̣̇звияаа;

Anikkhante ce rājasmiṃ, anikkhantāya deviyā;

саяанийяагхараа д̇асса, уммаарам̣ яо ад̇иггамз.

Sayanīyagharā tassa, ummāraṃ yo atikkame.

1778.

д̣̇уггадам̣ батамз баад̣̇з, баажид̇д̇и д̣̇уд̇ияз сияаа;

Dukkaṭaṃ paṭhame pāde, pācitti dutiye siyā;

д̣̇звияаа вааби ран̃н̃о ваа, сажз на вид̣̇ид̇ааг̇амо.

Deviyā vāpi rañño vā, sace na viditāgamo.

1779.

бадисам̣вид̣̇ид̇з нзва-бадисам̣вид̣̇ид̇асан̃н̃ино;

Paṭisaṃvidite neva-paṭisaṃviditasaññino;

д̇ад̇т̇а взмад̇игассааби, д̣̇уггадам̣ барид̣̇ийбид̇ам̣.

Tattha vematikassāpi, dukkaṭaṃ paridīpitaṃ.

1780.

бадисам̣вид̣̇ид̇асан̃н̃исса, нзва жа кад̇д̇ияасса ваа;

Paṭisaṃviditasaññissa, neva ca khattiyassa vā;

на кад̇д̇ияаабхисзгзна, абхисид̇д̇асса ваа бана.

Na khattiyābhisekena, abhisittassa vā pana.

1781.

убхосубхиннаман̃н̃асмим̣, нигканд̇з висад̇оби ваа;

Ubhosubhinnamaññasmiṃ, nikkhante visatopi vā;

на д̣̇осуммад̇д̇агаад̣̇ийнам̣, гат̇инзна грияаагрияам̣.

Na dosummattakādīnaṃ, kathinena kriyākriyaṃ.

анд̇збурагат̇аа.

Antepurakathā.

1782.

раж̇ад̇ам̣ ж̇аад̇аруубам̣ ваа, уг̇г̇ан̣ханд̇асса ад̇д̇ано;

Rajataṃ jātarūpaṃ vā, uggaṇhantassa attano;

д̇асса ниссаг̇г̇ияаабад̇д̇и, уг̇г̇ан̣хаабаяад̇оби ваа.

Tassa nissaggiyāpatti, uggaṇhāpayatopi vā.

1783.

г̇ан̣абуг̇г̇аласан̇гхаанам̣, навагаммасса жзд̇ияз;

Gaṇapuggalasaṅghānaṃ, navakammassa cetiye;

уг̇г̇ан̣хаабаяад̇о ход̇и, д̣̇уггадам̣ г̇ан̣хад̇оби ваа.

Uggaṇhāpayato hoti, dukkaṭaṃ gaṇhatopi vā.

1784.

авасзсан̃жа муд̇д̇аад̣̇и-рад̇анам̣ ад̇д̇аноби ваа;

Avasesañca muttādi-ratanaṃ attanopi vā;

сан̇гхаад̣̇ийнамби ад̇т̇ааяа, уг̇г̇ан̣ханд̇асса д̣̇уггадам̣.

Saṅghādīnampi atthāya, uggaṇhantassa dukkaṭaṃ.

1785.

сажз габбияавад̇т̇ум̣ ваа, вад̇т̇ум̣ вааби агаббияам̣;

Sace kappiyavatthuṃ vā, vatthuṃ vāpi akappiyaṃ;

д̇аалабан̣н̣амби ваа ход̇у, маад̇уган̣н̣абиланд̇ханам̣.

Tālapaṇṇampi vā hotu, mātukaṇṇapilandhanaṃ.

1786.

бхан̣д̣ааг̇ааригасийсзна, яам̣ гин̃жи г̇ихисанд̇агам̣;

Bhaṇḍāgārikasīsena, yaṃ kiñci gihisantakaṃ;

д̇асса баажид̇д̇ияаабад̇д̇и, бадисаамаяад̇о бана.

Tassa pācittiyāpatti, paṭisāmayato pana.

1787.

‘‘ид̣̇ам̣ табзд̇ваа д̣̇зхий’’д̇и, вуд̇д̇зна бана гзнажи;

‘‘Idaṃ ṭhapetvā dehī’’ti, vuttena pana kenaci;

‘‘на ваддад̇ий’’д̇и вад̇ваа д̇ам̣, на нид̇хзд̇аб̣б̣амзва д̇у.

‘‘Na vaṭṭatī’’ti vatvā taṃ, na nidhetabbameva tu.

1788.

‘‘табзхий’’д̇и жа баад̇зд̇ваа, сажз г̇ажчад̇и буг̇г̇ало;

‘‘Ṭhapehī’’ti ca pātetvā, sace gacchati puggalo;

балиб̣од̇хо хи наамзсо, табзд̇ум̣ бана ваддад̇и.

Palibodho hi nāmeso, ṭhapetuṃ pana vaṭṭati.

1789.

анун̃н̃аад̇з банадтаанз, уг̇г̇ахзд̇ваа анаад̣̇араа;

Anuññāte panaṭṭhāne, uggahetvā anādarā;

саммаа анигкибанд̇асса, ход̇и аабад̇д̇и д̣̇уггадам̣.

Sammā anikkhipantassa, hoti āpatti dukkaṭaṃ.

1790.

анун̃н̃аад̇з банадтаанз, г̇ахзд̇ваа рад̇анам̣ бана;

Anuññāte panaṭṭhāne, gahetvā ratanaṃ pana;

нигкибанд̇асса ваа саммаа, бхан̣д̣ам̣ рад̇анасаммад̇ам̣.

Nikkhipantassa vā sammā, bhaṇḍaṃ ratanasammataṃ.

1791.

г̇ан̣ханд̇асса жа виссаасам̣, д̇аавагаалигамзва жа;

Gaṇhantassa ca vissāsaṃ, tāvakālikameva ca;

на д̣̇осуммад̇д̇агаад̣̇ийнам̣, сан̃жарид̇д̇асамод̣̇аяам̣.

Na dosummattakādīnaṃ, sañcarittasamodayaṃ.

рад̇анагат̇аа.

Ratanakathā.

1792.

маж̇жхан̣хасамаяаа уд̣̇д̇хам̣, арун̣уг̇г̇амад̇о бурз;

Majjhaṇhasamayā uddhaṃ, aruṇuggamato pure;

зд̇асмим̣ анд̇арз гаало, вигаалод̇и бавужжад̇и.

Etasmiṃ antare kālo, vikāloti pavuccati.

1793.

санд̇ам̣ бхигкуманаабужчаа, вигаалз бажжаяам̣ винаа;

Santaṃ bhikkhumanāpucchā, vikāle paccayaṃ vinā;

баригкид̇д̇асса г̇аамасса, баригкзбоггамз бана.

Parikkhittassa gāmassa, parikkhepokkame pana.

1794.

абаригкид̇д̇аг̇аамасса, убажаароггамзби ваа;

Aparikkhittagāmassa, upacārokkamepi vā;

д̣̇уггадам̣ батамз баад̣̇з, баажид̇д̇и д̣̇уд̇ияз сияаа.

Dukkaṭaṃ paṭhame pāde, pācitti dutiye siyā.

1795.

ат̇а самб̣ахулаа г̇аамам̣, вигаалз бависанд̇и жз;

Atha sambahulā gāmaṃ, vikāle pavisanti ce;

аабужчид̇ваава г̇анд̇аб̣б̣ам̣, ан̃н̃аман̃н̃ам̣ на жан̃н̃ат̇аа.

Āpucchitvāva gantabbaṃ, aññamaññaṃ na caññathā.

1796.

г̇ажчанд̇и жз д̇ад̇о ан̃н̃ам̣, д̇ад̇о ан̃н̃анд̇и ваддад̇и;

Gacchanti ce tato aññaṃ, tato aññanti vaṭṭati;

буна аабужчанз гижжам̣, над̇т̇и г̇аамасад̇зби жа.

Puna āpucchane kiccaṃ, natthi gāmasatepi ca.

1797.

бассамбхзд̇ваана уссаахам̣, вихаарад̇т̇ааяа ниг̇г̇ад̇аа;

Passambhetvāna ussāhaṃ, vihāratthāya niggatā;

бависанд̇и сажз ан̃н̃ам̣, бужчид̇аб̣б̣ам̣ д̇у анд̇араа.

Pavisanti sace aññaṃ, pucchitabbaṃ tu antarā.

1798.

гад̇ваа гулагхарз бхад̇д̇а- гижжам̣ ан̃н̃ад̇т̇а ваа бана;

Katvā kulaghare bhatta- kiccaṃ aññattha vā pana;

сажз жарид̇угаамо яо, саббибхигкааяа ваа сияаа.

Sace caritukāmo yo, sappibhikkhāya vā siyā.

1799.

аабужчид̇ваава г̇анд̇аб̣б̣ам̣, бассз жз бхигку лаб̣бхад̇и;

Āpucchitvāva gantabbaṃ, passe ce bhikkhu labbhati;

асанд̇з бана над̇т̇ийд̇и, г̇анд̇аб̣б̣ам̣ д̇у яат̇аасукам̣.

Asante pana natthīti, gantabbaṃ tu yathāsukhaṃ.

1800.

од̇арид̇ваа махаавийт̇им̣, бхигкум̣ яад̣̇и жа бассад̇и;

Otaritvā mahāvīthiṃ, bhikkhuṃ yadi ca passati;

над̇т̇и аабужчанз гижжам̣, жарид̇аб̣б̣ам̣ яат̇аасукам̣.

Natthi āpucchane kiccaṃ, caritabbaṃ yathāsukhaṃ.

1801.

г̇аамамаж̇жхзна маг̇г̇зна, г̇ажчанд̇ассзва бхигкуно;

Gāmamajjhena maggena, gacchantasseva bhikkhuno;

‘‘жариссаамий’’д̇и уббаннз, д̇злабхигкааяа маанасз.

‘‘Carissāmī’’ti uppanne, telabhikkhāya mānase.

1802.

аабужчид̇ваава г̇анд̇аб̣б̣ам̣, бассз жз бхигку виж̇ж̇ад̇и;

Āpucchitvāva gantabbaṃ, passe ce bhikkhu vijjati;

аноггамма жаранд̇асса, маг̇г̇аа аабужчанзна гим̣?

Anokkamma carantassa, maggā āpucchanena kiṃ?

1803.

д̇игабаажид̇д̇ияам̣ , гаалз, вигаалояанд̇и сан̃н̃ино;

Tikapācittiyaṃ , kāle, vikāloyanti saññino;

гаалз взмад̇игассааби, ход̇и аабад̇д̇и д̣̇уггадам̣.

Kāle vematikassāpi, hoti āpatti dukkaṭaṃ.

1804.

аабужчид̇ваава санд̇ам̣ ваа, анаабужчаа асанд̇агам̣;

Āpucchitvāva santaṃ vā, anāpucchā asantakaṃ;

гижжз ажжааяигз вааби, бависанд̇асса бхигкуно.

Kicce accāyike vāpi, pavisantassa bhikkhuno.

1805.

г̇ажчад̇о анд̇араараамам̣, бхигкунийнам̣ убассаяам̣;

Gacchato antarārāmaṃ, bhikkhunīnaṃ upassayaṃ;

д̇ат̇аа аасанасаалам̣ ваа, д̇ид̇т̇ияаанам̣ убассаяам̣.

Tathā āsanasālaṃ vā, titthiyānaṃ upassayaṃ.

1806.

сияаа г̇аамзна маг̇г̇о жз, анаабад̇д̇аабад̣̇аасуби;

Siyā gāmena maggo ce, anāpattāpadāsupi;

самудтаанаад̣̇аяо саб̣б̣з, гат̇инзна самаа мад̇аа.

Samuṭṭhānādayo sabbe, kathinena samā matā.

1807.

на гзваламанаабужчаа, аб̣анд̇хид̇ваа жа б̣анд̇ханам̣;

Na kevalamanāpucchā, abandhitvā ca bandhanaṃ;

абаарубид̇ваа сан̇гхаадим̣, г̇ажчад̇обинаваж̇ж̇ад̇аа.

Apārupitvā saṅghāṭiṃ, gacchatopinavajjatā.

вигаалаг̇аамаббавзсанагат̇аа.

Vikālagāmappavesanakathā.

1808.

адтид̣̇анд̇амаяам̣ суужи-гхарам̣ вааби висаан̣аж̇ам̣;

Aṭṭhidantamayaṃ sūci-gharaṃ vāpi visāṇajaṃ;

гаараабанз жа гаран̣з, бхигкуно ход̇и д̣̇уггадам̣.

Kārāpane ca karaṇe, bhikkhuno hoti dukkaṭaṃ.

1809.

лаабхз бхзд̣̇анагам̣ д̇асса, баажид̇д̇ияамуд̣̇ийрид̇ам̣;

Lābhe bhedanakaṃ tassa, pācittiyamudīritaṃ;

ан̃н̃ассад̇т̇ааяа гаран̣з, д̇ат̇аа гаараабанзби жа.

Aññassatthāya karaṇe, tathā kārāpanepi ca.

1810.

ан̃н̃зна жа гад̇ам̣ лад̣̇д̇хаа, д̣̇уггадам̣ барибхун̃ж̇ад̇о;

Aññena ca kataṃ laddhā, dukkaṭaṃ paribhuñjato;

анаабад̇д̇ааран̣игз вид̇хз, г̇ан̣тиган̃ж̇анигаасуби.

Anāpattāraṇike vidhe, gaṇṭhikañjanikāsupi.

1811.

д̣̇агабун̃чанияаа вааси-ж̇адз уммад̇д̇агаад̣̇ино;

Dakapuñchaniyā vāsi-jaṭe ummattakādino;

самудтаанаад̣̇аяо наяаа, сан̃жарид̇д̇асамаа мад̇аа.

Samuṭṭhānādayo nayā, sañcarittasamā matā.

суужигхарагат̇аа.

Sūcigharakathā.

1812.

навам̣ ман̃жамби бийтам̣ ваа, гаараабзнд̇зна бхигкунаа;

Navaṃ mañcampi pīṭhaṃ vā, kārāpentena bhikkhunā;

адтан̇г̇улаббамаан̣зна, суг̇ад̇ан̇г̇улад̇о бана.

Aṭṭhaṅgulappamāṇena, sugataṅgulato pana.

1813.

гаараабзд̇аб̣б̣амзвам̣ д̇у, табзд̇ваа хздтимааданим̣;

Kārāpetabbamevaṃ tu, ṭhapetvā heṭṭhimāṭaniṃ;

сажчзд̣̇аа д̇асса баажид̇д̇и, д̇амад̇иггамад̇о сияаа.

Sacchedā tassa pācitti, tamatikkamato siyā.

1814.

ан̃н̃ассад̇т̇ааяа гаран̣з, д̇ат̇аа гаараабанзби жа;

Aññassatthāya karaṇe, tathā kārāpanepi ca;

ан̃н̃зна жа гад̇ам̣ лад̣̇д̇хаа, д̣̇уггадам̣ барибхун̃ж̇ад̇о.

Aññena ca kataṃ laddhā, dukkaṭaṃ paribhuñjato.

1815.

анаабад̇д̇и бамаан̣зна, гаронд̇ассаббамаан̣игам̣;

Anāpatti pamāṇena, karontassappamāṇikaṃ;

лабхид̇ваа д̇асса баад̣̇зсу, чинд̣̇ид̇ваа барибхун̃ж̇ад̇о.

Labhitvā tassa pādesu, chinditvā paribhuñjato.

1816.

нзва чинд̣̇ид̇угаамо жз, никан̣ид̇ваа бамаан̣ад̇о;

Neva chinditukāmo ce, nikhaṇitvā pamāṇato;

уд̇д̇аанам̣ вааби аддам̣ ваа, б̣анд̇хид̇ваа барибхун̃ж̇ад̇о.

Uttānaṃ vāpi aṭṭaṃ vā, bandhitvā paribhuñjato.

ман̃жагат̇аа.

Mañcakathā.

1817.

ман̃жам̣ ваа бана бийтам̣ ваа, д̇уулонад̣̇д̇хам̣ гарзяяа яо;

Mañcaṃ vā pana pīṭhaṃ vā, tūlonaddhaṃ kareyya yo;

д̇ассуд̣̇д̣̇ааланагам̣ вуд̇д̇ам̣, баажид̇д̇ияаманийд̇инаа.

Tassuddālanakaṃ vuttaṃ, pācittiyamanītinā.

1818.

анаабад̇д̇и банааяог̇з, б̣анд̇ханз ам̣саб̣ад̣̇д̇хагз;

Anāpatti panāyoge, bandhane aṃsabaddhake;

б̣иб̣б̣оханз бариссаавз, т̇авигаад̣̇ийсу бхигкуно.

Bibbohane parissāve, thavikādīsu bhikkhuno.

1819.

ан̃н̃зна жа гад̇ам̣ лад̣̇д̇хаа, уд̣̇д̣̇аалзд̇ваа нисзвад̇о;

Aññena ca kataṃ laddhā, uddāletvā nisevato;

ананд̇арассимассааби, сан̃жарид̇д̇асамаа наяаа.

Anantarassimassāpi, sañcarittasamā nayā.

д̇уулонад̣̇д̇хагат̇аа.

Tūlonaddhakathā.

1820.

нисийд̣̇анам̣ гаронд̇зна, гаад̇аб̣б̣ам̣ д̇у бамаан̣ад̇о;

Nisīdanaṃ karontena, kātabbaṃ tu pamāṇato;

бамаан̣аад̇иггамз д̇асса, баяог̇з д̣̇уггадам̣ сияаа.

Pamāṇātikkame tassa, payoge dukkaṭaṃ siyā.

1821.

бадилаабхзна сажчзд̣̇ам̣, баажид̇д̇ияамуд̣̇ийрид̇ам̣;

Paṭilābhena sacchedaṃ, pācittiyamudīritaṃ;

д̣̇вийсу таанзсу паалзд̇ваа, д̇асса д̇иссо д̣̇асаа сияум̣.

Dvīsu ṭhānesu phāletvā, tassa tisso dasā siyuṃ.

1822.

анаабад̇д̇и бамаан̣зна, гаронд̇асса д̇ад̣̇уунагам̣;

Anāpatti pamāṇena, karontassa tadūnakaṃ;

вид̇аанаад̣̇им̣ гаронд̇асса, сан̃жарид̇д̇асамаа наяаа.

Vitānādiṃ karontassa, sañcarittasamā nayā.

нисийд̣̇анагат̇аа.

Nisīdanakathā.

1823.

рог̇з ган̣д̣убадижчаад̣̇и, гаад̇аб̣б̣аа хи бамаан̣ад̇о;

Roge kaṇḍupaṭicchādi, kātabbā hi pamāṇato;

бамаан̣аад̇иггамз д̇асса, баяог̇з д̣̇уггадам̣ сияаа.

Pamāṇātikkame tassa, payoge dukkaṭaṃ siyā.

1824.

бадилаабхзна сажчзд̣̇ам̣, баажид̇д̇ияамуд̣̇ийрид̇ам̣;

Paṭilābhena sacchedaṃ, pācittiyamudīritaṃ;

анаабад̇д̇инаяобзд̇т̇а, ананд̇арасамо мад̇о.

Anāpattinayopettha, anantarasamo mato.

ган̣д̣убадижчаад̣̇игат̇аа.

Kaṇḍupaṭicchādikathā.

1825.

бамаан̣знзва гаад̇аб̣б̣аа, д̇ат̇аа вассигасаадигаа;

Pamāṇeneva kātabbā, tathā vassikasāṭikā;

бамаан̣аад̇иггамз д̇асса, ананд̇арасамо наяо.

Pamāṇātikkame tassa, anantarasamo nayo.

вассигасаадигагат̇аа.

Vassikasāṭikakathā.

1826.

жийварзна сажз д̇уляа-ббамаан̣ам̣ суг̇ад̇асса д̇у;

Cīvarena sace tulya-ppamāṇaṃ sugatassa tu;

жийварам̣ бхигку гаарзяяа, гаран̣з д̣̇уггадам̣ сияаа.

Cīvaraṃ bhikkhu kāreyya, karaṇe dukkaṭaṃ siyā.

1827.

бадилаабхзна сажчзд̣̇ам̣, баажид̇д̇ияамуд̣̇ийрид̇ам̣;

Paṭilābhena sacchedaṃ, pācittiyamudīritaṃ;

ананд̇арасамоязва, анаабад̇д̇инаяо мад̇о.

Anantarasamoyeva, anāpattinayo mato.

1828.

д̣̇ийгхасо жа бамаан̣зна, нава д̇асса вид̣̇ад̇т̇ияо;

Dīghaso ca pamāṇena, nava tassa vidatthiyo;

д̇ирияам̣ ча винид̣̇д̣̇идтаа, суг̇ад̇асса вид̣̇ад̇т̇ияаа.

Tiriyaṃ cha viniddiṭṭhā, sugatassa vidatthiyā.

1829.

ан̃н̃зна жа гад̇ам̣ лад̣̇д̇хаа, сзвад̇о д̣̇уггадам̣ бхавз;

Aññena ca kataṃ laddhā, sevato dukkaṭaṃ bhave;

самудтаанаад̣̇аяо саб̣б̣з, сан̃жарид̇д̇асамаа мад̇аа.

Samuṭṭhānādayo sabbe, sañcarittasamā matā.

нанд̣̇агат̇аа.

Nandakathā.

рааж̇аваг̇г̇о навамо.

Rājavaggo navamo.

ид̇и винаяавинижчаяз баажид̇д̇ияагат̇аа нидтид̇аа.

Iti vinayavinicchaye pācittiyakathā niṭṭhitā.

Next: баадид̣̇зсанийяагат̇аа • Pāṭidesanīyakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact