| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
баажид̇д̇ияагат̇аа
Pācittiyakathā
2129.
2129.
ласун̣ам̣ бхан̣д̣игам̣ вуд̇д̇ам̣, на згад̣̇вид̇имин̃ж̇агам̣;
Lasuṇaṃ bhaṇḍikaṃ vuttaṃ, na ekadvitimiñjakaṃ;
аамагам̣ мааг̇ад̇хам̣язва, ‘‘каад̣̇иссаамий’’д̇и г̇ан̣хад̇и.
Āmakaṃ māgadhaṃyeva, ‘‘khādissāmī’’ti gaṇhati.
2130.
2130.
г̇ахан̣з д̣̇уггадам̣ д̇ассаа, баажид̇д̇и яад̣̇и каад̣̇ад̇и;
Gahaṇe dukkaṭaṃ tassā, pācitti yadi khādati;
аж̇жхохааравасзнзва, баажид̇д̇им̣ барид̣̇ийбаяз.
Ajjhohāravaseneva, pācittiṃ paridīpaye.
2131.
2131.
д̣̇вз д̇аяо бхан̣д̣игз сад̣̇д̇хим̣, сан̇каад̣̇ид̇ваа сажз бана;
Dve tayo bhaṇḍike saddhiṃ, saṅkhāditvā sace pana;
аж̇жхохарад̇и яаа д̇ассаа, згам̣ баажид̇д̇ияам̣ сияаа.
Ajjhoharati yā tassā, ekaṃ pācittiyaṃ siyā.
2132.
2132.
бхинд̣̇ид̇ваа д̇ад̇т̇а згзгам̣, мин̃ж̇ам̣ каад̣̇анд̇ияаа бана;
Bhinditvā tattha ekekaṃ, miñjaṃ khādantiyā pana;
мин̃ж̇аанам̣ г̇ан̣анааяассаа, баажид̇д̇иг̇ан̣анаа сияаа.
Miñjānaṃ gaṇanāyassā, pācittigaṇanā siyā.
2133.
2133.
балан̣д̣уго бхан̃ж̇анаго, харид̇о жаабалоби жа;
Palaṇḍuko bhañjanako, harito cāpalopi ca;
ласун̣аа бана жад̇д̇ааро, вадданд̇зва сабхаавад̇о.
Lasuṇā pana cattāro, vaṭṭanteva sabhāvato.
2134.
2134.
балан̣д̣уго бан̣д̣уван̣н̣о, бхан̃ж̇ано лохид̇оби жа;
Palaṇḍuko paṇḍuvaṇṇo, bhañjano lohitopi ca;
харид̇о харид̇аван̣н̣о, жаабало сзд̇агоби жа.
Harito haritavaṇṇo, cāpalo setakopi ca.
2135.
2135.
згаа мин̃ж̇аа балан̣д̣усса, бхан̃ж̇анасса д̣̇увз сияум̣;
Ekā miñjā palaṇḍussa, bhañjanassa duve siyuṃ;
д̇иссо харид̇агассааби, жаабало ход̇яамин̃ж̇аго.
Tisso haritakassāpi, cāpalo hotyamiñjako.
2136.
2136.
суубамам̣саад̣̇исам̣баагз , саал̣авуд̇д̇арибхан̇г̇агз;
Sūpamaṃsādisaṃpāke , sāḷavuttaribhaṅgake;
на д̣̇осуммад̇д̇игаад̣̇ийнам̣, самудтаанзл̣агуубамам̣.
Na dosummattikādīnaṃ, samuṭṭhāneḷakūpamaṃ.
батамам̣.
Paṭhamaṃ.
2137.
2137.
самб̣аад̇хз убагажчзсу, муд̇д̇асса гаран̣зби ваа;
Sambādhe upakacchesu, muttassa karaṇepi vā;
згаломамби баажид̇д̇и, сам̣хараабзнд̇ияаа сияаа.
Ekalomampi pācitti, saṃharāpentiyā siyā.
2138.
2138.
б̣ахугзби д̇ат̇аа ломз, сам̣хараабзнд̇ияаа бана;
Bahukepi tathā lome, saṃharāpentiyā pana;
баяог̇аг̇ан̣анааяассаа, на ломаг̇ан̣анааяа хи.
Payogagaṇanāyassā, na lomagaṇanāya hi.
2139.
2139.
на д̣̇осо сад̇и ааб̣аад̇хз, ломагз сам̣харанд̇ияаа;
Na doso sati ābādhe, lomake saṃharantiyā;
самудтаанаад̣̇аяо маг̇г̇а- сам̣вид̇хаанасамаа мад̇аа.
Samuṭṭhānādayo magga- saṃvidhānasamā matā.
д̣̇уд̇ияам̣.
Dutiyaṃ.
2140.
2140.
ход̇и анд̇амасо муд̇д̇а-гаран̣асса д̇алагхаад̇анз;
Hoti antamaso mutta-karaṇassa talaghātane;
гзсарзнааби рааг̇зна, баажид̇д̇и бад̣̇умасса ваа.
Kesarenāpi rāgena, pācitti padumassa vā.
2141.
2141.
г̇ан̣д̣ам̣ д̇ад̇т̇а ван̣ам̣ вааби, на д̣̇осо бахаранд̇ияаа;
Gaṇḍaṃ tattha vaṇaṃ vāpi, na doso paharantiyā;
самудтаанаад̣̇аяо д̇уляаа, батаманд̇имавад̇т̇унаа.
Samuṭṭhānādayo tulyā, paṭhamantimavatthunā.
д̇ад̇ияам̣.
Tatiyaṃ.
2142.
2142.
яаа бануббалабад̇д̇амби, б̣яан̃ж̇анз бхигкунад̇д̇ано;
Yā panuppalapattampi, byañjane bhikkhunattano;
гаамарааг̇абарзд̇аа д̇у, бавзсзд̇и на ваддад̇и.
Kāmarāgaparetā tu, paveseti na vaṭṭati.
2143.
2143.
ид̣̇ам̣ вад̇т̇увасзнзва, вуд̇д̇ам̣ д̇у ж̇ад̇умадтагам̣;
Idaṃ vatthuvaseneva, vuttaṃ tu jatumaṭṭhakaṃ;
д̣̇ан̣д̣амзлаал̣угам̣ вааби, муд̇д̇асса гаран̣з бана.
Daṇḍamelāḷukaṃ vāpi, muttassa karaṇe pana.
2144.
2144.
сампассам̣ саад̣̇ияанд̇ияаа, бавзсзд̇и сажз бана;
Samphassaṃ sādiyantiyā, paveseti sace pana;
бавзсаабзд̇и ваа д̇асмим̣, д̇ассаа баажид̇д̇ияам̣ сияаа.
Pavesāpeti vā tasmiṃ, tassā pācittiyaṃ siyā.
2145.
2145.
ааб̣аад̇хабажжаяаа д̣̇осо, над̇т̇и уммад̇д̇игааяа ваа;
Ābādhapaccayā doso, natthi ummattikāya vā;
д̇алагхаад̇агад̇уляаава, самудтаанаад̣̇аяо мад̇аа.
Talaghātakatulyāva, samuṭṭhānādayo matā.
жад̇уд̇т̇ам̣.
Catutthaṃ.
2146.
2146.
ан̇г̇улийнам̣ бана д̣̇виннам̣, аг̇г̇абаб̣б̣ад̣̇ваяаад̇хигам̣;
Aṅgulīnaṃ pana dvinnaṃ, aggapabbadvayādhikaṃ;
баажид̇д̇ияам̣ бавзсзд̇ваа, д̣̇агасуд̣̇д̇хим̣ гаронд̇ияаа.
Pācittiyaṃ pavesetvā, dakasuddhiṃ karontiyā.
2147.
2147.
згиссаан̇г̇улияаа д̇ийн̣и, баб̣б̣аани бана д̣̇ийгхад̇о;
Ekissāṅguliyā tīṇi, pabbāni pana dīghato;
баажид̇д̇ияам̣ бхавз суд̣̇д̇хим̣, бавзсзд̇ваад̣̇ияанд̇ияаа.
Pācittiyaṃ bhave suddhiṃ, pavesetvādiyantiyā.
2148.
2148.
жад̇уннам̣ вааби д̇иссаннам̣, згабаб̣б̣амби яаа бана;
Catunnaṃ vāpi tissannaṃ, ekapabbampi yā pana;
вид̇т̇аарад̇о бавзсзд̇и, д̇ассаа баажид̇д̇ияам̣ сияаа.
Vitthārato paveseti, tassā pācittiyaṃ siyā.
2149.
2149.
ид̇и саб̣б̣аббагаарзна, махаабажжарияаа бана;
Iti sabbappakārena, mahāpaccariyā pana;
абхиб̣яад̇д̇ад̇арам̣ гад̇ваа, аяамад̇т̇о вибхаавид̇о.
Abhibyattataraṃ katvā, ayamattho vibhāvito.
2150.
2150.
д̣̇осо д̣̇ван̇г̇улабаб̣б̣з ваа, над̇т̇и ааб̣аад̇хагааран̣аа;
Doso dvaṅgulapabbe vā, natthi ābādhakāraṇā;
ад̇хигамби бавзсзд̇ваа, д̣̇агасуд̣̇д̇хим̣ гаронд̇ияаа.
Adhikampi pavesetvā, dakasuddhiṃ karontiyā.
2151.
2151.
д̇ат̇аа уммад̇д̇игаад̣̇ийна-манаабад̇д̇и багаасид̇аа;
Tathā ummattikādīna-manāpatti pakāsitā;
самудтаанаад̣̇аяо саб̣б̣з, д̇алагхаад̇асамаа мад̇аа.
Samuṭṭhānādayo sabbe, talaghātasamā matā.
бан̃жамам̣.
Pañcamaṃ.
2152.
2152.
бхун̃ж̇ад̇о бана бхигкусса, баанийяам̣ ваа вид̇хуубанам̣;
Bhuñjato pana bhikkhussa, pānīyaṃ vā vidhūpanaṃ;
г̇ахзд̇ваа убад̇идтзяяа, д̇ассаа баажид̇д̇ияам̣ сияаа.
Gahetvā upatiṭṭheyya, tassā pācittiyaṃ siyā.
2153.
2153.
г̇ахид̇аа уд̣̇агзнзва, кийрад̇аггаад̣̇аяо расаа;
Gahitā udakeneva, khīratakkādayo rasā;
‘‘б̣ийж̇аний’’д̇и жа яаа гаажи, вад̇т̇агон̣аад̣̇и вужжад̇и.
‘‘Bījanī’’ti ca yā kāci, vatthakoṇādi vuccati.
2154.
2154.
хад̇т̇абаасз ид̇хадтаана-бажжаяаабад̇д̇и д̣̇ийбид̇аа;
Hatthapāse idhaṭṭhāna-paccayāpatti dīpitā;
бахаарабажжаяаа вуд̇д̇ам̣, канд̇хагз д̣̇уггадам̣ висум̣.
Pahārapaccayā vuttaṃ, khandhake dukkaṭaṃ visuṃ.
2155.
2155.
хад̇т̇абаасам̣ ж̇ахид̇ваа ваа, убад̇идтанд̇ияаа бана;
Hatthapāsaṃ jahitvā vā, upatiṭṭhantiyā pana;
каад̣̇ад̇о каад̣̇анам̣ вааби, ход̇и аабад̇д̇и д̣̇уггадам̣.
Khādato khādanaṃ vāpi, hoti āpatti dukkaṭaṃ.
2156.
2156.
на д̣̇осо д̣̇зд̇и д̣̇аабзд̇и, д̇ат̇аа уммад̇д̇игааяа ваа;
Na doso deti dāpeti, tathā ummattikāya vā;
ид̣̇ам̣ зл̣агаломзна, самудтаанам̣ самам̣ мад̇ам̣.
Idaṃ eḷakalomena, samuṭṭhānaṃ samaṃ mataṃ.
чадтам̣.
Chaṭṭhaṃ.
2157.
2157.
вин̃н̃ад̇ваа аамагам̣ д̇хан̃н̃ам̣, бхаж̇ж̇ид̇ваа яад̣̇и бхигкуний;
Viññatvā āmakaṃ dhaññaṃ, bhajjitvā yadi bhikkhunī;
годдзд̇ваа жа бажид̇ваа жа, баажид̇д̇и барибхун̃ж̇ад̇и.
Koṭṭetvā ca pacitvā ca, pācitti paribhuñjati.
2158.
2158.
на гзвалам̣ д̇у д̇хан̃н̃аанам̣, г̇ахан̣зязва д̣̇уггадам̣;
Na kevalaṃ tu dhaññānaṃ, gahaṇeyeva dukkaṭaṃ;
харан̣зби жа д̇хан̃н̃аанам̣, д̇ат̇аа сугкаабанз бана.
Haraṇepi ca dhaññānaṃ, tathā sukkhāpane pana.
2159.
2159.
бхаж̇ж̇анад̇т̇ааяа д̇хан̃н̃аанам̣, габаллуд̣̇д̇ханасаж̇ж̇анз;
Bhajjanatthāya dhaññānaṃ, kapalluddhanasajjane;
аг̇г̇исса гаран̣з д̣̇аб̣б̣и-саж̇ж̇анз жа, габаллагз.
Aggissa karaṇe dabbi-sajjane ca, kapallake.
2160.
2160.
д̇хан̃н̃абагкибанз д̇ад̇т̇а, д̣̇аб̣б̣ияаа гхаддагодданз;
Dhaññapakkhipane tattha, dabbiyā ghaṭṭakoṭṭane;
бабподанаад̣̇игз саб̣б̣а-баяог̇з д̣̇уггадам̣ бхавз.
Papphoṭanādike sabba-payoge dukkaṭaṃ bhave.
2161.
2161.
бхож̇анан̃жзва вин̃н̃ад̇д̇и, бамаан̣ам̣ ид̣̇амзд̇т̇а хи;
Bhojanañceva viññatti, pamāṇaṃ idamettha hi;
вин̃н̃ад̇ваа ваа саяам̣ д̇асмаа, бхаж̇ж̇анаад̣̇ийни ан̃н̃ад̇о.
Viññatvā vā sayaṃ tasmā, bhajjanādīni aññato.
2162.
2162.
вин̃н̃аабзд̇ваа банан̃н̃ааяа, бхаж̇ж̇анаад̣̇ийни ваа саяам̣;
Viññāpetvā panaññāya, bhajjanādīni vā sayaṃ;
гаараабзд̇вааби гад̇ваа ваа, аж̇жхохарад̇и яаа бана.
Kārāpetvāpi katvā vā, ajjhoharati yā pana.
2163.
2163.
аж̇жхохаарабаяог̇зсу, д̇ассаа баажид̇д̇ияо сияум̣;
Ajjhohārapayogesu, tassā pācittiyo siyuṃ;
маад̇арам̣ вааби яаажид̇ваа, баажид̇д̇и барибхун̃ж̇ад̇и.
Mātaraṃ vāpi yācitvā, pācitti paribhuñjati.
2164.
2164.
бхаж̇ж̇анаад̣̇ийни гад̇ваа ваа, гаараабзд̇вааби ваа бана;
Bhajjanādīni katvā vā, kārāpetvāpi vā pana;
авин̃н̃ад̇д̇и саяам̣ лад̣̇д̇хам̣, д̣̇уггадам̣ барибхун̃ж̇ад̇и.
Aviññatti sayaṃ laddhaṃ, dukkaṭaṃ paribhuñjati.
2165.
2165.
вин̃н̃ад̇д̇ияаа банан̃н̃ааяа, лад̣̇д̇хам̣ д̇ааяа саяамби ваа;
Viññattiyā panaññāya, laddhaṃ tāya sayampi vā;
гаараабзд̇вааби гад̇ваа ваа, д̇ат̇аа аж̇жхохаранд̇ияаа.
Kārāpetvāpi katvā vā, tathā ajjhoharantiyā.
2166.
2166.
сзд̣̇агаммаад̣̇иад̇т̇ааяа, д̇хан̃н̃авин̃н̃ад̇д̇ияаа бана;
Sedakammādiatthāya, dhaññaviññattiyā pana;
табзд̇ваа сад̇д̇а д̇хан̃н̃аани, сзсавин̃н̃ад̇д̇ияааби жа.
Ṭhapetvā satta dhaññāni, sesaviññattiyāpi ca.
2167.
2167.
анаабад̇д̇ийд̇и н̃аад̇аб̣б̣ам̣, д̇ат̇аа уммад̇д̇игааяа жа;
Anāpattīti ñātabbaṃ, tathā ummattikāya ca;
н̃аад̇агаанамби д̇хан̃н̃ам̣ д̇у, аамагам̣ на жа ваддад̇и.
Ñātakānampi dhaññaṃ tu, āmakaṃ na ca vaṭṭati.
2168.
2168.
винаа вин̃н̃ад̇д̇ияаа лад̣̇д̇хам̣, навагаммзсу ваддад̇и;
Vinā viññattiyā laddhaṃ, navakammesu vaṭṭati;
самудтаанаад̣̇аяо саб̣б̣з, ад̣̇д̇хаанасад̣̇исаа мад̇аа.
Samuṭṭhānādayo sabbe, addhānasadisā matā.
сад̇д̇амам̣.
Sattamaṃ.
2169.
2169.
ужжаарам̣ вааби бассаавам̣, сан̇гаарам̣ ваа вигхаасагам̣;
Uccāraṃ vāpi passāvaṃ, saṅkāraṃ vā vighāsakaṃ;
чад̣д̣зяяа ваа д̇ирогуддз, чад̣д̣аабзяяа барзхи ваа.
Chaḍḍeyya vā tirokuṭṭe, chaḍḍāpeyya parehi vā.
2170.
2170.
ход̇и баажид̇д̇ияам̣ д̇ассаа, баагаарзби аяам̣ наяо;
Hoti pācittiyaṃ tassā, pākārepi ayaṃ nayo;
чад̣д̣знд̇ияаа банзгзга-манзгаабад̇д̇и д̣̇ийбид̇аа.
Chaḍḍentiyā panekeka-manekāpatti dīpitā.
2171.
2171.
зд̇аани бана вад̇т̇ууни, жад̇д̇аари сагалааниби;
Etāni pana vatthūni, cattāri sakalānipi;
згзнзва баяог̇зна, згаа чад̣д̣знд̇ияаа сияаа.
Ekeneva payogena, ekā chaḍḍentiyā siyā.
2172.
2172.
аан̣ад̇д̇ияамби зсзва, наяо н̃зяяо вибхаавинаа;
Āṇattiyampi eseva, nayo ñeyyo vibhāvinā;
чад̣д̣анз д̣̇анд̇агадтасса, баажид̇д̇и барид̣̇ийбид̇аа.
Chaḍḍane dantakaṭṭhassa, pācitti paridīpitā.
2173.
2173.
саб̣б̣ад̇т̇а бана бхигкусса, ход̇и аабад̇д̇и д̣̇уггадам̣;
Sabbattha pana bhikkhussa, hoti āpatti dukkaṭaṃ;
авалан̃ж̇зби ваа таанз, ологзд̇вааби ваа бана.
Avalañjepi vā ṭhāne, oloketvāpi vā pana.
2174.
2174.
чад̣д̣знд̇ияаа анаабад̇д̇и, д̇ат̇аа уммад̇д̇игааяа ваа;
Chaḍḍentiyā anāpatti, tathā ummattikāya vā;
сан̃жарид̇д̇асамудтаанам̣, грияаагрияамид̣̇ам̣ сияаа.
Sañcarittasamuṭṭhānaṃ, kriyākriyamidaṃ siyā.
адтамам̣.
Aṭṭhamaṃ.
2175.
2175.
кзд̇д̇з ваа наал̣игзраад̣̇и-аараамз вааби яаа бана;
Khette vā nāḷikerādi-ārāme vāpi yā pana;
робимз харид̇адтаанз, яад̇т̇а гад̇т̇ажи бхигкуний.
Ropime haritaṭṭhāne, yattha katthaci bhikkhunī.
2176.
2176.
д̇аани жад̇д̇аари вад̇т̇ууни, сажз чад̣д̣зд̇и ваа саяам̣;
Tāni cattāri vatthūni, sace chaḍḍeti vā sayaṃ;
чад̣д̣аабзд̇и д̇ат̇аа вуд̇д̇а-наяо аабад̇д̇инижчаяо.
Chaḍḍāpeti tathā vutta-nayo āpattinicchayo.
2177.
2177.
бхун̃ж̇амаанаа нисийд̣̇ид̇ваа, кзд̇д̇з д̇у харид̇з д̇ат̇аа;
Bhuñjamānā nisīditvā, khette tu harite tathā;
ужчуаад̣̇ийни каад̣̇анд̇ий, г̇ажчанд̇ий бана д̇ад̇т̇а яаа.
Ucchuādīni khādantī, gacchantī pana tattha yā.
2178.
2178.
чад̣д̣зд̇и яад̣̇и ужчидтам̣, уд̣̇агам̣ жалагаани ваа;
Chaḍḍeti yadi ucchiṭṭhaṃ, udakaṃ calakāni vā;
ход̇и баажид̇д̇ияам̣ д̇ассаа, бхигкуно ход̇и д̣̇уггадам̣.
Hoti pācittiyaṃ tassā, bhikkhuno hoti dukkaṭaṃ.
2179.
2179.
чад̣д̣знд̇ияаа сияаабад̇д̇и, таанз анд̇амасо ж̇алам̣;
Chaḍḍentiyā siyāpatti, ṭhāne antamaso jalaṃ;
бивид̇ваа мад̇т̇агажчиннам̣, наал̣игзрамби д̇аад̣̇исз.
Pivitvā matthakacchinnaṃ, nāḷikerampi tādise.
2180.
2180.
гасид̇з д̇у банадтаанз, б̣ийж̇анигкзбанз гад̇з;
Kasite tu panaṭṭhāne, bījanikkhepane kate;
на удтзд̇ан̇гурам̣ яаава, саб̣б̣зсам̣ д̇аава д̣̇уггадам̣.
Na uṭṭhetaṅkuraṃ yāva, sabbesaṃ tāva dukkaṭaṃ.
2181.
2181.
лааяид̇амби мануссаанам̣, кзд̇д̇ам̣ рагкад̇и жз буна;
Lāyitampi manussānaṃ, khettaṃ rakkhati ce puna;
роханад̇т̇ааяа д̇ад̇т̇ассаа, яат̇аавад̇т̇угамзва хи.
Rohanatthāya tatthassā, yathāvatthukameva hi.
2182.
2182.
на д̣̇осо чад̣д̣ид̇з кзд̇д̇з, саб̣б̣ам̣ чад̣д̣знд̇ияаа бана;
Na doso chaḍḍite khette, sabbaṃ chaḍḍentiyā pana;
самудтаанаад̣̇аяо саб̣б̣з, адтамзна самаа мад̇аа.
Samuṭṭhānādayo sabbe, aṭṭhamena samā matā.
навамам̣.
Navamaṃ.
2183.
2183.
нажжам̣ ваа бана г̇ийд̇ам̣ ваа, ваад̣̇ид̇ам̣ вааби бхигкуний;
Naccaṃ vā pana gītaṃ vā, vāditaṃ vāpi bhikkhunī;
д̣̇ассанад̇т̇ааяа г̇ажчзяяа, д̇ассаа баажид̇д̇ияам̣ сияаа.
Dassanatthāya gaccheyya, tassā pācittiyaṃ siyā.
2184.
2184.
д̣̇ассанад̇т̇ааяа нажжасса, г̇ийд̇асса саванааяа жа;
Dassanatthāya naccassa, gītassa savanāya ca;
г̇ажчанд̇ияаа сияаа д̇ассаа, бад̣̇аваарзна д̣̇уггадам̣.
Gacchantiyā siyā tassā, padavārena dukkaṭaṃ.
2185.
2185.
сажз згабаяог̇зна, ологзнд̇ий жа бассад̇и;
Sace ekapayogena, olokentī ca passati;
сун̣аад̇и д̇зсам̣ г̇ийд̇амби, згаа баажид̇д̇и д̣̇ийбид̇аа.
Suṇāti tesaṃ gītampi, ekā pācitti dīpitā.
2186.
2186.
ан̃н̃асмимби д̣̇исаабхааг̇з, нажжам̣ бассад̇и жз бана;
Aññasmimpi disābhāge, naccaṃ passati ce pana;
сун̣аад̇и ан̃н̃ад̇о г̇ийд̇ам̣, висум̣ баажид̇д̇ияо сияум̣.
Suṇāti aññato gītaṃ, visuṃ pācittiyo siyuṃ.
2187.
2187.
баяог̇аг̇ан̣анааязд̇т̇а, аабад̇д̇иг̇ан̣анаа сияаа;
Payogagaṇanāyettha, āpattigaṇanā siyā;
нажжид̇ум̣ г̇ааяид̇ум̣ нзва, саяам̣ лабхад̇и бхигкуний.
Naccituṃ gāyituṃ neva, sayaṃ labhati bhikkhunī.
2188.
2188.
‘‘ан̃н̃ам̣ нажжаад̇и ваад̣̇зхи’’, ид̇и вад̇д̇ум̣ на ваддад̇и;
‘‘Aññaṃ naccāti vādehi’’, iti vattuṃ na vaṭṭati;
‘‘убадтаанам̣ гаромаа’’д̇и, вуд̇д̇з ваа самбадижчид̇ум̣.
‘‘Upaṭṭhānaṃ karomā’’ti, vutte vā sampaṭicchituṃ.
2189.
2189.
д̇ассаа баажид̇д̇и саб̣б̣ад̇т̇а, бхигкуно ход̇и д̣̇уггадам̣;
Tassā pācitti sabbattha, bhikkhuno hoti dukkaṭaṃ;
‘‘убадтаанам̣ гаромаа’’д̇и, вуд̇д̇з бхигкунияаа бана.
‘‘Upaṭṭhānaṃ karomā’’ti, vutte bhikkhuniyā pana.
2190.
2190.
‘‘убадтаанам̣ басад̇т̇а’’нд̇и, вад̇д̇умзвам̣ д̇у ваддад̇и;
‘‘Upaṭṭhānaṃ pasattha’’nti, vattumevaṃ tu vaṭṭati;
аараамзязва тад̇ваа ваа, яаа бассад̇и сун̣аад̇и ваа.
Ārāmeyeva ṭhatvā vā, yā passati suṇāti vā.
2191.
2191.
ад̇д̇ано жа тид̇огаасам̣, ааг̇анд̇ваа жа баяож̇ид̇ам̣;
Attano ca ṭhitokāsaṃ, āgantvā ca payojitaṃ;
г̇анд̇ваа бассанд̇ияаа вааби, д̇ат̇ааруубаа хи гааран̣аа.
Gantvā passantiyā vāpi, tathārūpā hi kāraṇā.
2192.
2192.
бассанд̇ияаа д̇ат̇аа маг̇г̇ам̣, нажжам̣ бадибат̇зби жа;
Passantiyā tathā maggaṃ, naccaṃ paṭipathepi ca;
д̇ат̇аа уммад̇д̇игаад̣̇ийна-манаабад̇д̇аабад̣̇аасуби.
Tathā ummattikādīna-manāpattāpadāsupi.
2193.
2193.
ид̣̇амзл̣агаломзна, самудтаанам̣ самам̣ мад̇ам̣;
Idameḷakalomena, samuṭṭhānaṃ samaṃ mataṃ;
логаваж̇ж̇амид̣̇ам̣ бааба-жид̇д̇ан̃жзва д̇ивзд̣̇анам̣.
Lokavajjamidaṃ pāpa-cittañceva tivedanaṃ.
д̣̇асамам̣.
Dasamaṃ.
ласун̣аваг̇г̇о батамо.
Lasuṇavaggo paṭhamo.
2194.
2194.
яаад̇ха рад̇д̇анд̇хагаарасмим̣, аббад̣̇ийбз банзгигаа;
Yādha rattandhakārasmiṃ, appadīpe panekikā;
санд̇идтад̇и сажз сад̣̇д̇хим̣, бурисзна жа бхигкуний.
Santiṭṭhati sace saddhiṃ, purisena ca bhikkhunī.
2195.
2195.
д̇ассаа баажид̇д̇ияам̣ вуд̇д̇ам̣, сад̣̇д̇хим̣ ваа саллабанд̇ияаа;
Tassā pācittiyaṃ vuttaṃ, saddhiṃ vā sallapantiyā;
хад̇т̇абаасам̣ самааг̇анд̇ваа, рахассаад̣̇авасзна д̇у.
Hatthapāsaṃ samāgantvā, rahassādavasena tu.
2196.
2196.
хад̇т̇абаасам̣ ж̇ахид̇ваа ваа, бурисасса сажз бана;
Hatthapāsaṃ jahitvā vā, purisassa sace pana;
аж̇ахид̇вааби ваа яагка-бзд̇аад̣̇ийнамби бхигкуний.
Ajahitvāpi vā yakkha-petādīnampi bhikkhunī.
2197.
2197.
санд̇идтад̇и жа яаа д̇ассаа, д̣̇уггадам̣ барид̣̇ийбид̇ам̣;
Santiṭṭhati ca yā tassā, dukkaṭaṃ paridīpitaṃ;
анаабад̇д̇и сажз гожи, д̣̇уд̇ияаа вин̃н̃у виж̇ж̇ад̇и.
Anāpatti sace koci, dutiyā viññu vijjati.
2198.
2198.
д̇ат̇аа уммад̇д̇игаад̣̇ийна-мат̇ан̃н̃авихид̇ааяа ваа;
Tathā ummattikādīna-mathaññavihitāya vā;
т̇зяяасад̇т̇асамудтаанам̣, грияам̣ сан̃н̃аавимогкагам̣.
Theyyasatthasamuṭṭhānaṃ, kriyaṃ saññāvimokkhakaṃ.
батамам̣.
Paṭhamaṃ.
2199.
2199.
д̣̇уд̇ияз д̇у ‘‘бадижчаннз, огаасз’’д̇и ид̣̇ам̣ бана;
Dutiye tu ‘‘paṭicchanne, okāse’’ti idaṃ pana;
ад̇хигам̣ ид̇арам̣ саб̣б̣ам̣, батамзна самам̣ мад̇ам̣.
Adhikaṃ itaraṃ sabbaṃ, paṭhamena samaṃ mataṃ.
д̣̇уд̇ияам̣.
Dutiyaṃ.
2200.
2200.
д̇ад̇иязби жад̇уд̇т̇зби, абуб̣б̣ам̣ над̇т̇и гин̃жиби;
Tatiyepi catutthepi, apubbaṃ natthi kiñcipi;
самаанам̣ батамзнзва, самудтаанаад̣̇инаа саха.
Samānaṃ paṭhameneva, samuṭṭhānādinā saha.
д̇ад̇ияажад̇уд̇т̇аани.
Tatiyacatutthāni.
2201.
2201.
чад̣̇ананд̇о нисийд̣̇ид̇ваа, ановассаббад̣̇зсагам̣;
Chadananto nisīditvā, anovassappadesakaṃ;
аж̇жхогаасз нисийд̣̇ид̇ваа, убажаарамби ваа сажз.
Ajjhokāse nisīditvā, upacārampi vā sace.
2202.
2202.
ад̇иггамзд̇и яаа, ход̇и, д̣̇уггадам̣ батамз бад̣̇з;
Atikkameti yā, hoti, dukkaṭaṃ paṭhame pade;
д̣̇уд̇ияз жа бад̣̇з д̇ассаа, баажид̇д̇и барияаабуд̇аа.
Dutiye ca pade tassā, pācitti pariyāputā.
2203.
2203.
баллан̇гасса аногаасз, д̣̇уггадам̣ самуд̣̇ийрид̇ам̣;
Pallaṅkassa anokāse, dukkaṭaṃ samudīritaṃ;
д̇ат̇аабудтз анаабудта-сан̃н̃ааяа вижигижчад̇о.
Tathāpuṭṭhe anāpuṭṭha-saññāya vicikicchato.
2204.
2204.
асам̣хааримзнаабад̇д̇и, г̇илаанааяаабад̣̇аасу ваа;
Asaṃhārimenāpatti, gilānāyāpadāsu vā;
самудтаанаад̣̇аяо саб̣б̣з, гат̇инзна самаа мад̇аа.
Samuṭṭhānādayo sabbe, kathinena samā matā.
бан̃жамам̣.
Pañcamaṃ.
2205.
2205.
згаабад̇д̇и нисийд̣̇ид̇ваа, ход̇и г̇ажчанд̇ияаа бана;
Ekāpatti nisīditvā, hoti gacchantiyā pana;
згаава анисийд̣̇ид̇ваа, нибаж̇ж̇ид̇ваа важ̇анд̇ияаа.
Ekāva anisīditvā, nipajjitvā vajantiyā.
2206.
2206.
нисийд̣̇ид̇ваа нибаж̇ж̇ид̇ваа, хонд̇и г̇ажчанд̇ияаа д̣̇увз;
Nisīditvā nipajjitvā, honti gacchantiyā duve;
сзсам̣ ананд̇арзнзва, самудтаанаад̣̇инаа самам̣.
Sesaṃ anantareneva, samuṭṭhānādinā samaṃ.
чадтам̣.
Chaṭṭhaṃ.
2207.
2207.
чадтзна сад̇д̇амам̣ д̇уляам̣, адтамз над̇т̇и гин̃жиби;
Chaṭṭhena sattamaṃ tulyaṃ, aṭṭhame natthi kiñcipi;
вад̇д̇аб̣б̣ам̣ д̇исамудтаанам̣, сажид̇д̇ам̣ д̣̇угкавзд̣̇анам̣.
Vattabbaṃ tisamuṭṭhānaṃ, sacittaṃ dukkhavedanaṃ.
сад̇д̇амадтамаани.
Sattamaṭṭhamāni.
2208.
2208.
нираяаб̣рахмажариязхи, ад̇д̇аанам̣ ваа барамби ваа;
Nirayabrahmacariyehi, attānaṃ vā parampi vā;
абхисабзяяа баажид̇д̇и, ваажад̇о ваажад̇о сияаа
Abhisapeyya pācitti, vācato vācato siyā
2209.
2209.
табзд̇ваа нираяан̃жзва, б̣рахмажарияан̃жа яаа бана;
Ṭhapetvā nirayañceva, brahmacariyañca yā pana;
‘‘сунакий суугарий гаагий, гаан̣аа гун̣ий’’д̇иаад̣̇инаа.
‘‘Sunakhī sūkarī kākī, kāṇā kuṇī’’tiādinā.
2210.
2210.
аггосад̇и жа ваажааяа, ваажааяаабад̇д̇и д̣̇уггадам̣;
Akkosati ca vācāya, vācāyāpatti dukkaṭaṃ;
д̇игабаажид̇д̇ияам̣ вуд̇д̇ам̣, сзсааяа д̇игад̣̇уггадам̣.
Tikapācittiyaṃ vuttaṃ, sesāya tikadukkaṭaṃ.
2211.
2211.
бурагкад̇ваа вад̣̇анд̇ийна-мад̇т̇ад̇хаммаанусаасаним̣;
Purakkhatvā vadantīna-matthadhammānusāsaniṃ;
анаабад̇д̇адтамзнзва, самудтаанаад̣̇аяо самаа.
Anāpattaṭṭhameneva, samuṭṭhānādayo samā.
навамам̣.
Navamaṃ.
2212.
2212.
род̣̇анд̇ияаа вад̇хид̇ваа ваа, баажид̇д̇и барид̣̇ийбид̇аа;
Rodantiyā vadhitvā vā, pācitti paridīpitā;
д̣̇вийсу д̇зсу банзгзгам̣, д̣̇уггадам̣ д̇у гаронд̇ияаа.
Dvīsu tesu panekekaṃ, dukkaṭaṃ tu karontiyā.
2213.
2213.
сзсамуд̇д̇аанамзвзд̇т̇а, самудтаанаад̣̇аяо бана;
Sesamuttānamevettha, samuṭṭhānādayo pana;
д̇хуранигкзбад̇уляаава, грияаамад̇д̇ам̣ висзсагам̣.
Dhuranikkhepatulyāva, kriyāmattaṃ visesakaṃ.
д̣̇асамам̣.
Dasamaṃ.
анд̇хагаараваг̇г̇о д̣̇уд̇ияо.
Andhakāravaggo dutiyo.
2214.
2214.
нхааяад̇и наг̇г̇аа яаа бана худ̇ваа;
Nhāyati naggā yā pana hutvā;
саб̣б̣абаяог̇з д̣̇уггадамассаа;
Sabbapayoge dukkaṭamassā;
д̇асса жа восаанз ж̇инавуд̇д̇ам̣;
Tassa ca vosāne jinavuttaṃ;
бхигкуни д̣̇осам̣ саа самубзд̇и.
Bhikkhuni dosaṃ sā samupeti.
2215.
2215.
ажчиннажийвараа надта-жийвараа аабад̣̇аасу ваа;
Acchinnacīvarā naṭṭha-cīvarā āpadāsu vā;
на д̣̇осзл̣агаломзна, самудтаанаад̣̇аяо самаа.
Na doseḷakalomena, samuṭṭhānādayo samā.
батамам̣.
Paṭhamaṃ.
2216.
2216.
д̣̇уд̇ияз бана вад̇д̇аб̣б̣ам̣, абуб̣б̣ам̣ над̇т̇и гин̃жиби;
Dutiye pana vattabbaṃ, apubbaṃ natthi kiñcipi;
самудтаанаад̣̇аяо саб̣б̣з, сан̃жарид̇д̇асамаа мад̇аа.
Samuṭṭhānādayo sabbe, sañcarittasamā matā.
д̣̇уд̇ияам̣.
Dutiyaṃ.
2217.
2217.
д̣̇уссиб̣б̣ид̇ам̣ висиб̣б̣зд̇ваа, сиб̣б̣анад̇т̇ааяа жийварам̣;
Dussibbitaṃ visibbetvā, sibbanatthāya cīvaraṃ;
ананд̇арааяа д̇ам̣ бажчаа, яаа на сиб̣б̣зяяа бхигкуний.
Anantarāya taṃ pacchā, yā na sibbeyya bhikkhunī.
2218.
2218.
табзд̇ваа жад̇убан̃жаахам̣, ‘‘на сиб̣б̣иссаамяаха’’нд̇и хи;
Ṭhapetvā catupañcāhaṃ, ‘‘na sibbissāmyaha’’nti hi;
д̇хурз нигкид̇д̇амад̇д̇зва, д̇ассаа баажид̇д̇ияам̣ сияаа.
Dhure nikkhittamatteva, tassā pācittiyaṃ siyā.
2219.
2219.
бажчаа сиб̣б̣ад̇и баажид̇д̇и, нигкибид̇ваа д̇хурам̣ сажз;
Pacchā sibbati pācitti, nikkhipitvā dhuraṃ sace;
д̇игабаажид̇д̇ияам̣ вуд̇д̇ам̣, сзсааяа д̇игад̣̇уггадам̣.
Tikapācittiyaṃ vuttaṃ, sesāya tikadukkaṭaṃ.
2220.
2220.
вуд̇д̇ам̣ убхиннаман̃н̃асмим̣, баригкаарз д̇у д̣̇уггадам̣;
Vuttaṃ ubhinnamaññasmiṃ, parikkhāre tu dukkaṭaṃ;
анаабад̇д̇и г̇илаанааяа, анд̇арааязби ваа сад̇и.
Anāpatti gilānāya, antarāyepi vā sati.
2221.
2221.
ад̇иггамзд̇и бан̃жаахам̣, гаронд̇ий вааби жийварам̣;
Atikkameti pañcāhaṃ, karontī vāpi cīvaraṃ;
д̇хуранигкзбанам̣ наама, самудтаанамид̣̇ам̣ мад̇ам̣.
Dhuranikkhepanaṃ nāma, samuṭṭhānamidaṃ mataṃ.
д̇ад̇ияам̣.
Tatiyaṃ.
2222.
2222.
бан̃жаахигам̣ д̇у сан̇гхаади-жаарам̣ яаад̇иггамзяяа хи;
Pañcāhikaṃ tu saṅghāṭi-cāraṃ yātikkameyya hi;
ход̇и баажид̇д̇ияаабад̇д̇и, чадтз д̇ассаарун̣уг̇г̇амз.
Hoti pācittiyāpatti, chaṭṭhe tassāruṇuggame.
2223.
2223.
згасмим̣ жийварз згаа, бан̃жа бан̃жасу д̣̇ийбид̇аа;
Ekasmiṃ cīvare ekā, pañca pañcasu dīpitā;
д̇ижийваран̃жа сам̣гажжи, д̣̇агасаадийд̇и бан̃жа д̇у.
Ticīvarañca saṃkacci, dakasāṭīti pañca tu.
2224.
2224.
д̇игабаажид̇д̇и бан̃жаахаа-над̇игганд̇з д̣̇вид̣̇уггадам̣;
Tikapācitti pañcāhā-natikkante dvidukkaṭaṃ;
бан̃жамз д̣̇ивасз бан̃жа, жийвараани нисзвад̇и.
Pañcame divase pañca, cīvarāni nisevati.
2225.
2225.
од̇аабзд̇и г̇илаанааяа, анаабад̇д̇ибад̣̇аасуби;
Otāpeti gilānāya, anāpattipadāsupi;
самудтаанаад̣̇аяо саб̣б̣з, гат̇инзна самаа мад̇аа.
Samuṭṭhānādayo sabbe, kathinena samā matā.
жад̇уд̇т̇ам̣.
Catutthaṃ.
2226.
2226.
г̇ахзд̇ваа яаа анаабужчаа, сан̇гамзд̇аб̣б̣ажийварам̣;
Gahetvā yā anāpucchā, saṅkametabbacīvaraṃ;
барибхун̃ж̇ад̇и ан̃н̃иссаа, д̇ассаа баажид̇д̇ияам̣ сияаа.
Paribhuñjati aññissā, tassā pācittiyaṃ siyā.
2227.
2227.
д̇игабаажид̇д̇ияам̣ вуд̇д̇ам̣, сзсааяа д̇игад̣̇уггадам̣;
Tikapācittiyaṃ vuttaṃ, sesāya tikadukkaṭaṃ;
ажчиннажийвараа надта-жийвараа аабад̣̇аасу ваа.
Acchinnacīvarā naṭṭha-cīvarā āpadāsu vā.
2228.
2228.
д̇ат̇аа уммад̇д̇игаад̣̇ийна-манаабад̇д̇и багаасид̇аа;
Tathā ummattikādīna-manāpatti pakāsitā;
гат̇инзна самудтаанам̣, д̇уляамзд̇ам̣ грияаагрияам̣.
Kathinena samuṭṭhānaṃ, tulyametaṃ kriyākriyaṃ.
бан̃жамам̣.
Pañcamaṃ.
2229.
2229.
яаа хи бхигкуни сан̇гхасса, лабхид̇аб̣б̣ам̣ д̇у жийварам̣;
Yā hi bhikkhuni saṅghassa, labhitabbaṃ tu cīvaraṃ;
ниваарзд̇и сажз д̇ассаа, баажид̇д̇и барид̣̇ийбаяз.
Nivāreti sace tassā, pācitti paridīpaye.
2230.
2230.
г̇ан̣ассааби жа згиссаа, лаабхз аабад̇д̇и д̣̇уггадам̣;
Gaṇassāpi ca ekissā, lābhe āpatti dukkaṭaṃ;
д̇ат̇зван̃н̃ам̣ баригкаарам̣, ниваарзд̇и сажз бана.
Tathevaññaṃ parikkhāraṃ, nivāreti sace pana.
2231.
2231.
аанисам̣сам̣ нид̣̇ассзд̇ваа, ниваарзд̇и на д̣̇осад̇аа;
Ānisaṃsaṃ nidassetvā, nivāreti na dosatā;
ад̣̇иннаад̣̇аанад̇уляаава, самудтаанаад̣̇аяо мад̇аа.
Adinnādānatulyāva, samuṭṭhānādayo matā.
чадтам̣.
Chaṭṭhaṃ.
2232.
2232.
жийвараанам̣ вибхан̇г̇ам̣ яаа, бадисзд̇хзяяа д̇хаммигам̣;
Cīvarānaṃ vibhaṅgaṃ yā, paṭisedheyya dhammikaṃ;
ход̇и баажид̇д̇ияам̣ д̇ассаа, д̣̇уггадам̣ барид̣̇ийбид̇ам̣.
Hoti pācittiyaṃ tassā, dukkaṭaṃ paridīpitaṃ.
2233.
2233.
ад̇хаммз д̇хаммасан̃н̃ааяа, убхо взмад̇игааяа ваа;
Adhamme dhammasaññāya, ubho vematikāya vā;
аанисам̣сам̣ нид̣̇ассзд̇ваа, бадисзд̇хзнд̇ияаа бана.
Ānisaṃsaṃ nidassetvā, paṭisedhentiyā pana.
2234.
2234.
д̇ат̇аа уммад̇д̇игаад̣̇ийна-манаабад̇д̇и багаасид̇аа;
Tathā ummattikādīna-manāpatti pakāsitā;
самудтаанаад̣̇аяо саб̣б̣з, ананд̇арасамаа мад̇аа.
Samuṭṭhānādayo sabbe, anantarasamā matā.
сад̇д̇амам̣.
Sattamaṃ.
2235.
2235.
ниваасануубаг̇ам̣ вааби, д̇ат̇аа баарубануубаг̇ам̣;
Nivāsanūpagaṃ vāpi, tathā pārupanūpagaṃ;
габбаб̣инд̣̇угад̇ам̣ гин̃жи, мун̃жид̇ваа сахад̇хаммигз.
Kappabindukataṃ kiñci, muñcitvā sahadhammike.
2236.
2236.
бид̇ароби банан̃н̃асса, д̣̇ад̣̇зяяа яад̣̇и жийварам̣;
Pitaropi panaññassa, dadeyya yadi cīvaraṃ;
яасса гассажи д̇ассааби, баажид̇д̇и барияаабуд̇аа.
Yassa kassaci tassāpi, pācitti pariyāputā.
2237.
2237.
г̇ан̣анааяа васзнзд̇т̇а, жийвараанам̣ д̇у д̇аа бана;
Gaṇanāya vasenettha, cīvarānaṃ tu tā pana;
баажид̇д̇ияо г̇ан̣зд̇аб̣б̣аа, бхигкуно д̣̇уггадам̣ сияаа.
Pācittiyo gaṇetabbā, bhikkhuno dukkaṭaṃ siyā.
2238.
2238.
д̇аавагаалигаман̃н̃зса-манаабад̇д̇и д̣̇ад̣̇аад̇и жз;
Tāvakālikamaññesa-manāpatti dadāti ce;
сан̃жарид̇д̇асамаа вуд̇д̇аа, самудтаанаад̣̇аяо наяаа.
Sañcarittasamā vuttā, samuṭṭhānādayo nayā.
адтамам̣.
Aṭṭhamaṃ.
2239.
2239.
жийварасса вибхан̇г̇ам̣ яаа, нисзд̇хзд̇ваана жийварз;
Cīvarassa vibhaṅgaṃ yā, nisedhetvāna cīvare;
гаалам̣ ад̇иггамзяяассаа, д̣̇уб̣б̣алаасааяа д̣̇осад̇аа.
Kālaṃ atikkameyyassā, dubbalāsāya dosatā.
2240.
2240.
ад̣̇уб̣б̣алз д̇у жийварз, суд̣̇уб̣б̣аланд̇и жзд̇асаа;
Adubbale tu cīvare, sudubbalanti cetasā;
убхосу ган̇кид̇ааяа ваа, авожа д̣̇уггадам̣ ж̇ино.
Ubhosu kaṅkhitāya vā, avoca dukkaṭaṃ jino.
2241.
2241.
аанисам̣сам̣ нид̣̇ассзд̇ваа, ниваарзд̇и на д̣̇осад̇аа;
Ānisaṃsaṃ nidassetvā, nivāreti na dosatā;
ад̣̇иннаад̣̇аанад̇уляаава, самудтаанаад̣̇аяо мад̇аа.
Adinnādānatulyāva, samuṭṭhānādayo matā.
навамам̣.
Navamaṃ.
2242.
2242.
д̇хаммигам̣ гат̇инуд̣̇д̇хаарам̣, яаа ниваарзяяа бхигкуний;
Dhammikaṃ kathinuddhāraṃ, yā nivāreyya bhikkhunī;
д̇ассаа баажид̇д̇ияаабад̇д̇и, мунинд̣̇зна багаасид̇аа.
Tassā pācittiyāpatti, munindena pakāsitā.
2243.
2243.
аанисам̣со махаа ход̇и, яасса ад̇т̇аарамуулаго;
Ānisaṃso mahā hoti, yassa atthāramūlako;
уд̣̇д̇хаарамуулаго аббо, на д̣̇аад̇аб̣б̣о банийд̣̇исо.
Uddhāramūlako appo, na dātabbo panīdiso.
2244.
2244.
аанисам̣со махаа ход̇и, яасса уб̣бхаарамуулаго;
Ānisaṃso mahā hoti, yassa ubbhāramūlako;
ад̇т̇аарамуулаго аббо, д̣̇аад̇аб̣б̣о зваруубаго.
Atthāramūlako appo, dātabbo evarūpako.
2245.
2245.
д̇ат̇аа самаанисам̣соби, сад̣̇д̇хаабааланагааран̣аа;
Tathā samānisaṃsopi, saddhāpālanakāraṇā;
аанисам̣сам̣ нид̣̇ассзд̇ваа, бадисзд̇хзд̇и ваддад̇и.
Ānisaṃsaṃ nidassetvā, paṭisedheti vaṭṭati.
2246.
2246.
сзсам̣ бана асзсзна, сад̇д̇амзна самам̣ мад̇ам̣;
Sesaṃ pana asesena, sattamena samaṃ mataṃ;
самудтаанаад̣̇инаа сад̣̇д̇хим̣, абуб̣б̣ам̣ над̇т̇и гин̃жиби.
Samuṭṭhānādinā saddhiṃ, apubbaṃ natthi kiñcipi.
д̣̇асамам̣.
Dasamaṃ.
наг̇г̇аваг̇г̇о д̇ад̇ияо.
Naggavaggo tatiyo.
2247.
2247.
згааяа д̇у нибаннааяа, абараа ваа нибаж̇ж̇ад̇у;
Ekāya tu nipannāya, aparā vā nipajjatu;
нибаж̇ж̇зяяум̣ сахзва д̣̇вз, д̣̇виннам̣ баажид̇д̇ияам̣ сияаа.
Nipajjeyyuṃ saheva dve, dvinnaṃ pācittiyaṃ siyā.
2248.
2248.
аабад̇д̇иб̣ахугаа н̃зяяаа, бунаббунам̣ нибаж̇ж̇анз;
Āpattibahukā ñeyyā, punappunaṃ nipajjane;
згааяа жа нибаннааяа, сажз згаа нисийд̣̇ад̇и.
Ekāya ca nipannāya, sace ekā nisīdati.
2249.
2249.
убхо вааби нисийд̣̇анд̇и, самам̣, уммад̇д̇игааяа ваа;
Ubho vāpi nisīdanti, samaṃ, ummattikāya vā;
анаабад̇д̇и самудтаанам̣, зл̣агзна самам̣ мад̇ам̣.
Anāpatti samuṭṭhānaṃ, eḷakena samaṃ mataṃ.
батамам̣.
Paṭhamaṃ.
2250.
2250.
бааваарагадасаараад̣̇им̣, сант̇арид̇ваа банзгагам̣;
Pāvārakaṭasārādiṃ, santharitvā panekakaṃ;
сам̣хааримзсу д̇знзва, баарубид̇ваа сажз бана.
Saṃhārimesu teneva, pārupitvā sace pana.
2251.
2251.
нибаж̇ж̇анд̇и сахзва д̣̇вз, д̇аасам̣ баажид̇д̇ияам̣ сияаа;
Nipajjanti saheva dve, tāsaṃ pācittiyaṃ siyā;
згасмим̣ д̣̇уггадам̣ д̣̇виннам̣, вуд̇д̇ам̣ д̇у д̣̇вигад̣̇уггадам̣.
Ekasmiṃ dukkaṭaṃ dvinnaṃ, vuttaṃ tu dvikadukkaṭaṃ.
2252.
2252.
вавад̇т̇аанам̣ нид̣̇ассзд̇ваа, нибаж̇ж̇анд̇и сажз бана;
Vavatthānaṃ nidassetvā, nipajjanti sace pana;
на д̣̇осуммад̇д̇игаад̣̇ийнам̣, сзсам̣ д̇уляам̣ банаад̣̇инаа.
Na dosummattikādīnaṃ, sesaṃ tulyaṃ panādinā.
д̣̇уд̇ияам̣.
Dutiyaṃ.
2253.
2253.
бурад̇о жа анаабужчаа, яад̣̇и жан̇гаманаад̣̇аяо;
Purato ca anāpucchā, yadi caṅkamanādayo;
гарзяяа бана баажид̇д̇и, ан̃н̃иссаапаасугааран̣аа.
Kareyya pana pācitti, aññissāphāsukāraṇā.
2254.
2254.
нивад̇д̇анаанам̣ г̇ан̣анааяа д̇ассаа;
Nivattanānaṃ gaṇanāya tassā;
баажид̇д̇ияаанам̣ г̇ан̣анаа жа н̃зяяаа;
Pācittiyānaṃ gaṇanā ca ñeyyā;
баяог̇ад̇оязва бхаванд̇и д̣̇осаа;
Payogatoyeva bhavanti dosā;
нибаж̇ж̇анадтаананисийд̣̇анаанам̣.
Nipajjanaṭṭhānanisīdanānaṃ.
2255.
2255.
уд̣̇д̣̇зсаад̣̇ийсу баажид̇д̇и, бад̣̇аанам̣ г̇ан̣анаавасаа;
Uddesādīsu pācitti, padānaṃ gaṇanāvasā;
д̇игабаажид̇д̇ияам̣ вуд̇д̇ам̣, сзсааяа д̇игад̣̇уггадам̣.
Tikapācittiyaṃ vuttaṃ, sesāya tikadukkaṭaṃ.
2256.
2256.
на жа апаасугаамааяа, аабужчаа бурад̇о бана;
Na ca aphāsukāmāya, āpucchā purato pana;
д̇ассаа жан̇гаманаад̣̇ийни, анаабад̇д̇и гаронд̇ияаа.
Tassā caṅkamanādīni, anāpatti karontiyā.
2257.
2257.
ад̣̇иннаад̣̇аанад̇уляаава , самудтаанаад̣̇аяо наяаа;
Adinnādānatulyāva , samuṭṭhānādayo nayā;
грияаагрияамид̣̇ам̣ бааба- маанасам̣ д̣̇угкавзд̣̇анам̣.
Kriyākriyamidaṃ pāpa- mānasaṃ dukkhavedanaṃ.
д̇ад̇ияам̣.
Tatiyaṃ.
2258.
2258.
саяам̣ ананд̇арааяаа яаа, д̣̇угкид̇ам̣ сахаж̇ийвиним̣;
Sayaṃ anantarāyā yā, dukkhitaṃ sahajīviniṃ;
нубадтаабзяяа жан̃н̃ааяа, нубадтзяяа саяамби ваа.
Nupaṭṭhāpeyya caññāya, nupaṭṭheyya sayampi vā.
2259.
2259.
д̇хурз нигкид̇д̇амад̇д̇зва, д̇ассаа баажид̇д̇ияам̣ сияаа;
Dhure nikkhittamatteva, tassā pācittiyaṃ siyā;
анд̇зваасинияаа вааби, д̣̇уггадам̣ ид̇арааяа ваа.
Antevāsiniyā vāpi, dukkaṭaṃ itarāya vā.
2260.
2260.
анаабад̇д̇и г̇илаанааяа, г̇авзсид̇ваалабханд̇ияаа;
Anāpatti gilānāya, gavesitvālabhantiyā;
аабад̣̇уммад̇д̇игаад̣̇ийнам̣, д̇хуранигкзбанод̣̇аяам̣.
Āpadummattikādīnaṃ, dhuranikkhepanodayaṃ.
жад̇уд̇т̇ам̣.
Catutthaṃ.
2261.
2261.
сагам̣ буг̇г̇алигам̣ д̣̇ад̇ваа, сагаваадам̣ убассаяам̣;
Sakaṃ puggalikaṃ datvā, sakavāṭaṃ upassayaṃ;
саяам̣ убассаяаа д̇амхаа, ниггад̣дхад̇и сажз бана.
Sayaṃ upassayā tamhā, nikkaḍḍhati sace pana.
2262.
2262.
згзнзва баяог̇зна, д̣̇ваараад̣̇ийсу б̣ахууниби;
Ekeneva payogena, dvārādīsu bahūnipi;
д̇ам̣ ниггад̣дханд̇ияаа д̇ассаа, згам̣ баажид̇д̇ияам̣ сияаа.
Taṃ nikkaḍḍhantiyā tassā, ekaṃ pācittiyaṃ siyā.
2263.
2263.
баяог̇аг̇ан̣анааязд̇т̇а, баажид̇д̇иг̇ан̣анаа мад̇аа;
Payogagaṇanāyettha, pācittigaṇanā matā;
аан̣ад̇д̇ияамби зсзва, наяо вуд̇д̇о махзсинаа.
Āṇattiyampi eseva, nayo vutto mahesinā.
2264.
2264.
‘‘зд̇д̇агаава имам̣ д̣̇ваараа, ниггад̣дхаахий’’д̇и бхаасад̇и;
‘‘Ettakāva imaṃ dvārā, nikkaḍḍhāhī’’ti bhāsati;
згааяаан̣ад̇д̇ияаа д̣̇ваара-г̇ан̣анаабад̇д̇ияо сияум̣.
Ekāyāṇattiyā dvāra-gaṇanāpattiyo siyuṃ.
2265.
2265.
д̣̇уггадам̣ агаваадамхаа, сзсааяа д̇игад̣̇уггадам̣;
Dukkaṭaṃ akavāṭamhā, sesāya tikadukkaṭaṃ;
убхиннам̣ бана саб̣б̣ад̇т̇а, баригкаарзсу д̣̇уггадам̣.
Ubhinnaṃ pana sabbattha, parikkhāresu dukkaṭaṃ.
2266.
2266.
сзсамзд̇т̇а асзсзна, самудтаанаад̣̇инаа саха;
Sesamettha asesena, samuṭṭhānādinā saha;
сан̇гхигаа хи вихаарасмаа, ниггад̣дханасамам̣ мад̇ам̣.
Saṅghikā hi vihārasmā, nikkaḍḍhanasamaṃ mataṃ.
бан̃жамам̣.
Pañcamaṃ.
2267.
2267.
чадтз банид̇ха вад̇д̇аб̣б̣ам̣, абуб̣б̣ам̣ над̇т̇и гин̃жиби;
Chaṭṭhe panidha vattabbaṃ, apubbaṃ natthi kiñcipi;
сигкаабад̣̇знаридтасса, сад̣̇исова винижчаяо.
Sikkhāpadenariṭṭhassa, sadisova vinicchayo.
чадтам̣.
Chaṭṭhaṃ.
2268.
2268.
саасан̇гасаммад̇з анд̇о-радтз бхигкунияаа бана;
Sāsaṅkasammate anto-raṭṭhe bhikkhuniyā pana;
жаранд̇ияаа сияаабад̇д̇и, винаа сад̇т̇зна жааригам̣.
Carantiyā siyāpatti, vinā satthena cārikaṃ.
2269.
2269.
г̇ааманд̇арабавзсз жа, аран̃н̃з ад̣̇д̇хаяож̇анз;
Gāmantarapavese ca, araññe addhayojane;
баажид̇д̇ияанаяо н̃зяяо, бхигкунаа винаяан̃н̃унаа.
Pācittiyanayo ñeyyo, bhikkhunā vinayaññunā.
2270.
2270.
на д̣̇осо саха сад̇т̇зна, кзмадтаанаабад̣̇аасу ваа;
Na doso saha satthena, khemaṭṭhānāpadāsu vā;
ид̣̇ам̣ зл̣агаломзна, самудтаанаад̣̇инаа самам̣.
Idaṃ eḷakalomena, samuṭṭhānādinā samaṃ.
сад̇д̇амам̣.
Sattamaṃ.
2271.
2271.
адтамз навамз вааби, ануд̇д̇аанам̣ на виж̇ж̇ад̇и;
Aṭṭhame navame vāpi, anuttānaṃ na vijjati;
сад̇д̇амзна самаанаани, самудтаанаад̣̇инаа саха.
Sattamena samānāni, samuṭṭhānādinā saha.
адтаманавамаани.
Aṭṭhamanavamāni.
2272.
2272.
баажид̇д̇и д̇хуранигкзбз, ‘‘на г̇амиссаамяаха’’нд̇и жа;
Pācitti dhuranikkhepe, ‘‘na gamissāmyaha’’nti ca;
гад̇ваа жа д̇хуранигкзбам̣, бажчаа г̇ажчанд̇ияаа д̇ат̇аа.
Katvā ca dhuranikkhepaṃ, pacchā gacchantiyā tathā.
2273.
2273.
яож̇анаани баваарзд̇ваа, бан̃жа г̇анд̇умби ваддад̇и;
Yojanāni pavāretvā, pañca gantumpi vaṭṭati;
часу вад̇д̇аб̣б̣амзвад̇т̇и, гинну наамид̇ха д̇ам̣ сияаа.
Chasu vattabbamevatthi, kinnu nāmidha taṃ siyā.
2274.
2274.
д̇ийн̣и г̇анд̇ваа жа д̇знзва, бажжааг̇анд̇ум̣ на ваддад̇и;
Tīṇi gantvā ca teneva, paccāgantuṃ na vaṭṭati;
ан̃н̃зна бана маг̇г̇зна, бажчааг̇ажчад̇и ваддад̇и.
Aññena pana maggena, pacchāgacchati vaṭṭati.
2275.
2275.
анаабад̇д̇анд̇арааяасмим̣, д̇ассаа д̣̇асавид̇хз сад̇и;
Anāpattantarāyasmiṃ, tassā dasavidhe sati;
аабад̣̇аасу г̇илаанааяа, алаабхз д̣̇уд̇ияааяа ваа.
Āpadāsu gilānāya, alābhe dutiyāya vā.
2276.
2276.
рааж̇ажорамануссаг̇г̇и-д̇ояаваал̣асарийсабаа;
Rājacoramanussaggi-toyavāḷasarīsapā;
мануссаж̇ийвид̇аб̣рахма-жарияассанд̇арааяигаа.
Manussajīvitabrahma-cariyassantarāyikā.
2277.
2277.
самудтаанаад̣̇инаа д̇уляам̣, батаманд̇имавад̇т̇унаа;
Samuṭṭhānādinā tulyaṃ, paṭhamantimavatthunā;
аяамзва висзсо хи, агрияам̣ д̣̇угкавзд̣̇анам̣.
Ayameva viseso hi, akriyaṃ dukkhavedanaṃ.
д̣̇асамам̣.
Dasamaṃ.
д̇уваддаваг̇г̇о жад̇уд̇т̇о.
Tuvaṭṭavaggo catuttho.
2278.
2278.
рааж̇ааг̇аарам̣ жид̇д̇ааг̇аарам̣, аараамам̣ гийл̣уяяаанам̣ ваа;
Rājāgāraṃ cittāgāraṃ, ārāmaṃ kīḷuyyānaṃ vā;
гийл̣ааваабим̣ наанаагаарам̣, д̣̇адтум̣ г̇ажчанд̇инам̣ д̇аани.
Kīḷāvāpiṃ nānākāraṃ, daṭṭhuṃ gacchantinaṃ tāni.
2279.
2279.
нид̣̇д̣̇идтам̣ мунинаа д̇аасам̣, д̣̇уггадам̣ д̇у бад̣̇з бад̣̇з;
Niddiṭṭhaṃ muninā tāsaṃ, dukkaṭaṃ tu pade pade;
бад̣̇ам̣ ануд̣̇д̇харид̇ваава, сажз бассанд̇и бан̃жаби.
Padaṃ anuddharitvāva, sace passanti pañcapi.
2280.
2280.
згааязва банаабад̇д̇и, баажид̇д̇и барид̣̇ийбид̇аа;
Ekāyeva panāpatti, pācitti paridīpitā;
г̇анд̇ваа бассанд̇и жз д̇ам̣ д̇ам̣, баадзггаабад̇д̇ияо сияум̣.
Gantvā passanti ce taṃ taṃ, pāṭekkāpattiyo siyuṃ.
2281.
2281.
баяог̇аб̣ахуд̇ааяааби, баажид̇д̇иб̣ахуд̇аа сияаа;
Payogabahutāyāpi, pācittibahutā siyā;
бхигкусса бана саб̣б̣ад̇т̇а, ход̇и аабад̇д̇и д̣̇уггадам̣.
Bhikkhussa pana sabbattha, hoti āpatti dukkaṭaṃ.
2282.
2282.
авасзсо анаабад̇д̇и-гат̇аамаг̇г̇авинижчаяо;
Avaseso anāpatti-kathāmaggavinicchayo;
нажжад̣̇ассанад̇уляова, самудтаанаад̣̇инаа саха.
Naccadassanatulyova, samuṭṭhānādinā saha.
батамам̣.
Paṭhamaṃ.
2283.
2283.
аасанд̣̇им̣ ваа баллан̇гам̣ ваа, маан̣анаад̇ийд̇ам̣ ваал̣уубзд̇ам̣;
Āsandiṃ vā pallaṅkaṃ vā, māṇanātītaṃ vāḷūpetaṃ;
сзванд̇ийнам̣ яаасам̣ д̇аасам̣, баажид̇д̇аабад̇д̇им̣ сад̇т̇ааха.
Sevantīnaṃ yāsaṃ tāsaṃ, pācittāpattiṃ satthāha.
2284.
2284.
нисийд̣̇анассааби нибаж̇ж̇анасса;
Nisīdanassāpi nipajjanassa;
баяог̇аб̣аахуллавасзна ход̇и;
Payogabāhullavasena hoti;
ижжзвамажжанд̇аяасзна вуд̇д̇аа;
Iccevamaccantayasena vuttā;
баажид̇д̇ияаанам̣ г̇ан̣анаа банзвам̣.
Pācittiyānaṃ gaṇanā panevaṃ.
2285.
2285.
баад̣̇з аасанд̣̇ияаа чзд̇ваа, бхид̇ваа баллан̇гаваал̣агз;
Pāde āsandiyā chetvā, bhitvā pallaṅkavāḷake;
анаабад̇д̇и самудтаана-мананд̇арасамам̣ мад̇ам̣.
Anāpatti samuṭṭhāna-manantarasamaṃ mataṃ.
д̣̇уд̇ияам̣.
Dutiyaṃ.
2286.
2286.
чаннам̣ ан̃н̃ад̇арам̣ суд̇д̇ам̣, яад̣̇и ганд̇ад̇и бхигкуний;
Channaṃ aññataraṃ suttaṃ, yadi kantati bhikkhunī;
яад̇д̇агам̣ ан̃чид̇ам̣ хад̇т̇аа, д̇асмим̣ д̇аггамхи взтид̇з.
Yattakaṃ añchitaṃ hatthā, tasmiṃ takkamhi veṭhite.
2287.
2287.
згаа баажид̇д̇и нид̣̇д̣̇идтаа, суд̇д̇аганд̇анад̇о бана;
Ekā pācitti niddiṭṭhā, suttakantanato pana;
саб̣б̣абуб̣б̣абаяог̇зсу, д̣̇уггадам̣ хад̇т̇аваарад̇о.
Sabbapubbapayogesu, dukkaṭaṃ hatthavārato.
2288.
2288.
на д̣̇осо ганд̇ид̇ам̣ суд̇д̇ам̣, буна ганд̇анд̇ияаа бана;
Na doso kantitaṃ suttaṃ, puna kantantiyā pana;
ид̣̇ам̣ зл̣агаломзна, самудтаанаад̣̇инаа самам̣.
Idaṃ eḷakalomena, samuṭṭhānādinā samaṃ.
д̇ад̇ияам̣.
Tatiyaṃ.
2289.
2289.
годданам̣ д̇ан̣д̣улаанам̣ д̇у, аад̣̇им̣ гад̇ваана д̣̇уггадам̣;
Koṭṭanaṃ taṇḍulānaṃ tu, ādiṃ katvāna dukkaṭaṃ;
саб̣б̣абуб̣б̣абаяог̇зсу, взяяааважжам̣ гаронд̇ияаа.
Sabbapubbapayogesu, veyyāvaccaṃ karontiyā.
2290.
2290.
бхааж̇анаани г̇ан̣зд̇ваава, баажид̇д̇и яааг̇уаад̣̇ису;
Bhājanāni gaṇetvāva, pācitti yāguādisu;
каж̇ж̇агаад̣̇ийсу руубаанам̣, г̇ан̣анааяа хи д̣̇ийбаяз.
Khajjakādīsu rūpānaṃ, gaṇanāya hi dīpaye.
2291.
2291.
сажз маад̇аабид̇уунамби, ааг̇ад̇аанам̣ банад̇д̇ано;
Sace mātāpitūnampi, āgatānaṃ panattano;
гин̃жи гаммам̣ агаарзд̇ваа, гин̃жи гаад̇ум̣ на ваддад̇и.
Kiñci kammaṃ akāretvā, kiñci kātuṃ na vaṭṭati.
2292.
2292.
сан̇гхасса яааг̇убаанз ваа, сан̇гхабхад̇д̇зби ваа д̇ат̇аа;
Saṅghassa yāgupāne vā, saṅghabhattepi vā tathā;
жзд̇ияасса жа бууж̇ааяа, взяяааважжагарасса ваа.
Cetiyassa ca pūjāya, veyyāvaccakarassa vā.
2293.
2293.
ад̇д̇ано жа анаабад̇д̇и, д̇ат̇аа уммад̇д̇игааяа ваа;
Attano ca anāpatti, tathā ummattikāya vā;
самудтаанаад̣̇аяо саб̣б̣з, д̇ад̇иязна самаа мад̇аа.
Samuṭṭhānādayo sabbe, tatiyena samā matā.
жад̇уд̇т̇ам̣.
Catutthaṃ.
2294.
2294.
баажид̇д̇и д̇хуранигкзбз, яат̇аа жийварасиб̣б̣анз;
Pācitti dhuranikkhepe, yathā cīvarasibbane;
д̇ат̇аа ид̇ха банзгаахам̣, барихааро на лаб̣бхад̇и.
Tathā idha panekāhaṃ, parihāro na labbhati.
2295.
2295.
сзсам̣ вуд̇д̇анаязнзва, д̇ад̇т̇а жийварасиб̣б̣анз;
Sesaṃ vuttanayeneva, tattha cīvarasibbane;
самудтаанаад̣̇инаа сад̣̇д̇хим̣, взд̣̇ид̇аб̣б̣ам̣ вибхаавинаа;
Samuṭṭhānādinā saddhiṃ, veditabbaṃ vibhāvinā;
бан̃жамам̣.
Pañcamaṃ.
2296.
2296.
гааязна гааяаб̣ад̣̇д̇хзна, д̇ат̇аа ниссаг̇г̇иязна ваа;
Kāyena kāyabaddhena, tathā nissaggiyena vā;
г̇ихийнам̣ бана яам̣ гин̃жи, д̣̇анд̇абонод̣̇агам̣ винаа.
Gihīnaṃ pana yaṃ kiñci, dantaponodakaṃ vinā.
2297.
2297.
аж̇жхохаран̣ияам̣ ан̃н̃ам̣, ан̃н̃зсам̣ д̇у д̣̇ад̣̇аад̇и яаа;
Ajjhoharaṇiyaṃ aññaṃ, aññesaṃ tu dadāti yā;
ход̇и баажид̇д̇ияам̣ д̇ассаа, табзд̇ваа сахад̇хаммигз.
Hoti pācittiyaṃ tassā, ṭhapetvā sahadhammike.
2298.
2298.
д̣̇анд̇агадтод̣̇агз вуд̇д̇ам̣, д̣̇уггадам̣ мунинаа ид̇ха;
Dantakaṭṭhodake vuttaṃ, dukkaṭaṃ muninā idha;
яаа на д̣̇зд̇и жа д̣̇аабзд̇и, нигкамид̇вааби д̣̇знд̇ияаа.
Yā na deti ca dāpeti, nikkhamitvāpi dentiyā.
2299.
2299.
д̣̇зд̇и б̣аахиралзбам̣ ваа, на д̣̇осуммад̇д̇игааяа ваа;
Deti bāhiralepaṃ vā, na dosummattikāya vā;
самудтаанаад̣̇аяо саб̣б̣з, д̇ад̇иязна самаа мад̇аа.
Samuṭṭhānādayo sabbe, tatiyena samā matā.
чадтам̣.
Chaṭṭhaṃ.
2300.
2300.
ад̣̇ад̇ваа барибхун̃ж̇зяяа, яаа жаавасат̇ажийварам̣;
Adatvā paribhuñjeyya, yā cāvasathacīvaraṃ;
д̣̇ивасз д̇у жад̇уд̇т̇з д̇ам̣, д̇ховид̇ваа буна жийварам̣.
Divase tu catutthe taṃ, dhovitvā puna cīvaraṃ.
2301.
2301.
сааман̣зрааяа ваа анд̇а-масо уд̇унияаа сажз;
Sāmaṇerāya vā anta-maso utuniyā sace;
д̇ассаа баажид̇д̇ияам̣ вуд̇д̇ам̣, д̇игабаажид̇д̇ияам̣ сияаа.
Tassā pācittiyaṃ vuttaṃ, tikapācittiyaṃ siyā.
2302.
2302.
д̇ассаа ниссаж̇ж̇ид̇з д̇асмим̣, вуд̇д̇ам̣ д̇у д̣̇вигад̣̇уггадам̣;
Tassā nissajjite tasmiṃ, vuttaṃ tu dvikadukkaṭaṃ;
уд̇унийнам̣ абхаавз д̇у, ан̃н̃аасам̣ буна барияаяз.
Utunīnaṃ abhāve tu, aññāsaṃ puna pariyaye.
2303.
2303.
ажчиннажийвараад̣̇ийна-манаабад̇д̇аабад̣̇аасуби;
Acchinnacīvarādīna-manāpattāpadāsupi;
самудтаанаад̣̇аяо саб̣б̣з, гат̇инзна самаа мад̇аа.
Samuṭṭhānādayo sabbe, kathinena samā matā.
сад̇д̇амам̣.
Sattamaṃ.
2304.
2304.
ад̣̇ад̇ваа рагкан̣ад̇т̇ааяа, вихаарам̣ сагаваадагам̣;
Adatvā rakkhaṇatthāya, vihāraṃ sakavāṭakaṃ;
ход̇и баажид̇д̇ияам̣ д̇ассаа, жааригам̣ баггаманд̇ияаа.
Hoti pācittiyaṃ tassā, cārikaṃ pakkamantiyā.
2305.
2305.
ад̇д̇ано г̇аамад̇о ан̃н̃ам̣, г̇аамам̣ г̇ажчанд̇ияаа бана;
Attano gāmato aññaṃ, gāmaṃ gacchantiyā pana;
баригкид̇д̇авихаарасса, баригкзбамби ваа д̇ат̇аа.
Parikkhittavihārassa, parikkhepampi vā tathā.
2306.
2306.
ид̇арассубажаарам̣ ваа, батамзна бад̣̇зна д̇ам̣;
Itarassupacāraṃ vā, paṭhamena padena taṃ;
д̣̇уггадам̣ самад̇игганд̇з, баажид̇д̇и д̣̇уд̇иязна д̇у.
Dukkaṭaṃ samatikkante, pācitti dutiyena tu.
2307.
2307.
агаваадаб̣анд̇ханасмим̣, д̣̇уггадам̣ барид̣̇ийбид̇ам̣;
Akavāṭabandhanasmiṃ, dukkaṭaṃ paridīpitaṃ;
анд̇арааяз анаабад̇д̇и, ж̇аг̇г̇игам̣ алабханд̇ияаа.
Antarāye anāpatti, jaggikaṃ alabhantiyā.
2308.
2308.
аабад̣̇аасу г̇илаанааяа, д̇ат̇аа уммад̇д̇игааяа ваа;
Āpadāsu gilānāya, tathā ummattikāya vā;
самудтаанаад̣̇аяо саб̣б̣з, гат̇инзна самаа мад̇аа.
Samuṭṭhānādayo sabbe, kathinena samā matā.
адтамам̣.
Aṭṭhamaṃ.
2309.
2309.
хад̇т̇иассарат̇аад̣̇ийхи, сам̣яуд̇д̇ам̣ сиббамзва ваа;
Hatthiassarathādīhi, saṃyuttaṃ sippameva vā;
баруубагхаад̇агам̣ манд̇аа-г̇ад̣̇аяог̇аббабхзд̣̇агам̣.
Parūpaghātakaṃ mantā-gadayogappabhedakaṃ.
2310.
2310.
барияаабун̣зяяа жз гин̃жи, яасса гассажи санд̇игз;
Pariyāpuṇeyya ce kiñci, yassa kassaci santike;
ход̇и баажид̇д̇ияам̣ д̇ассаа, бад̣̇аад̣̇ийнам̣ васзнид̇ха.
Hoti pācittiyaṃ tassā, padādīnaṃ vasenidha.
2311.
2311.
лзкз бана анаабад̇д̇и, д̇хааран̣ааяа жа г̇уд̇д̇ияаа;
Lekhe pana anāpatti, dhāraṇāya ca guttiyā;
барид̇д̇зсу жа саб̣б̣зсу, д̇ат̇аа уммад̇д̇игааяа ваа.
Parittesu ca sabbesu, tathā ummattikāya vā.
навамам̣.
Navamaṃ.
2312.
2312.
д̣̇асамз над̇т̇и вад̇д̇аб̣б̣ам̣, навамзна самам̣ ид̣̇ам̣;
Dasame natthi vattabbaṃ, navamena samaṃ idaṃ;
самудтаанаад̣̇аяо д̣̇виннам̣, бад̣̇асод̇хаммасаад̣̇исаа.
Samuṭṭhānādayo dvinnaṃ, padasodhammasādisā.
д̣̇асамам̣.
Dasamaṃ.
жид̇д̇ааг̇аараваг̇г̇о бан̃жамо.
Cittāgāravaggo pañcamo.
2313.
2313.
сабхигкугам̣ банаараамам̣, ж̇аанид̇ваа бависанд̇ияаа;
Sabhikkhukaṃ panārāmaṃ, jānitvā pavisantiyā;
анаабужчаава яам̣ гин̃жи, баажид̇д̇и барияаабуд̇аа.
Anāpucchāva yaṃ kiñci, pācitti pariyāputā.
2314.
2314.
сажз анд̇амасо ругка-муулассаби жа бхигкуний;
Sace antamaso rukkha-mūlassapi ca bhikkhunī;
анаабужчаа баригкзбам̣, ад̇иггаамзд̇и яаа бана.
Anāpucchā parikkhepaṃ, atikkāmeti yā pana.
2315.
2315.
убажаароггамз вааби, абаригкид̇д̇агасса д̇у;
Upacārokkame vāpi, aparikkhittakassa tu;
д̣̇уггадам̣ батамз баад̣̇з, баажид̇д̇и д̣̇уд̇ияз сияаа.
Dukkaṭaṃ paṭhame pāde, pācitti dutiye siyā.
2316.
2316.
абхигкугз сабхигкууд̇и, сан̃н̃ааяа банубхосуби;
Abhikkhuke sabhikkhūti, saññāya panubhosupi;
ж̇аад̇аган̇кааяа ваа д̇ассаа, ход̇и аабад̇д̇и д̣̇уггадам̣.
Jātakaṅkhāya vā tassā, hoti āpatti dukkaṭaṃ.
2317.
2317.
батамам̣ бависанд̇ийнам̣, д̇аасам̣ сийсаанулогигаа;
Paṭhamaṃ pavisantīnaṃ, tāsaṃ sīsānulokikā;
д̇аа саннибад̇ид̇аа яад̇т̇а, д̇аасам̣ г̇ажчад̇и санд̇игам̣.
Tā sannipatitā yattha, tāsaṃ gacchati santikaṃ.
2318.
2318.
санд̇ам̣ бхигкум̣ банаабужчаа, маг̇г̇о ваараамамаж̇жхад̇о;
Santaṃ bhikkhuṃ panāpucchā, maggo vārāmamajjhato;
д̇зна г̇ажчанд̇ияаа вааби, аабад̣̇аасу висанд̇ияаа.
Tena gacchantiyā vāpi, āpadāsu visantiyā.
2319.
2319.
д̇ат̇аа уммад̇д̇игаад̣̇ийна-манаабад̇д̇и багаасид̇аа;
Tathā ummattikādīna-manāpatti pakāsitā;
д̇хуранигкзбад̇уляаава, самудтаанаад̣̇аяо наяаа.
Dhuranikkhepatulyāva, samuṭṭhānādayo nayā.
батамам̣.
Paṭhamaṃ.
2320.
2320.
аггосзяяа жа яаа бхигкум̣, барибхаасзяяа ваа бана;
Akkoseyya ca yā bhikkhuṃ, paribhāseyya vā pana;
д̇игабаажид̇д̇ияам̣ д̇ассаа, сзсз жа д̇игад̣̇уггадам̣.
Tikapācittiyaṃ tassā, sese ca tikadukkaṭaṃ.
2321.
2321.
бурагкад̇ваа вад̣̇анд̇ийна-;
Purakkhatvā vadantīna-;
мад̇т̇ад̇хаммаанусаасаним̣;
Matthadhammānusāsaniṃ;
на д̣̇осомасаваад̣̇зна;
Na dosomasavādena;
д̇уляо сзсанаяо мад̇о.
Tulyo sesanayo mato.
д̣̇уд̇ияам̣.
Dutiyaṃ.
2322.
2322.
яаа сан̇гхам̣ барибхаасзяяа, д̇ассаа баажид̇д̇ияам̣ сияаа;
Yā saṅghaṃ paribhāseyya, tassā pācittiyaṃ siyā;
згам̣ самб̣ахулаа вааби, д̇ат̇зва ид̇арааяа ваа.
Ekaṃ sambahulā vāpi, tatheva itarāya vā.
2323.
2323.
барибхаасанд̇ияаа д̇ассаа, д̣̇уггадам̣ барид̣̇ийбид̇ам̣;
Paribhāsantiyā tassā, dukkaṭaṃ paridīpitaṃ;
сзсам̣ ананд̇арзнзва, самудтаанаад̣̇инаа самам̣.
Sesaṃ anantareneva, samuṭṭhānādinā samaṃ.
д̇ад̇ияам̣.
Tatiyaṃ.
2324.
2324.
ниманд̇ид̇ааби ваа сажз, баваарид̇ааби ваа бана;
Nimantitāpi vā sace, pavāritāpi vā pana;
ниманд̇анабавааран̣аа, убхоби вуд̇д̇алагкан̣аа.
Nimantanapavāraṇā, ubhopi vuttalakkhaṇā.
2325.
2325.
бурзбхад̇д̇ам̣ д̇у яааг̇ун̃жа, табзд̇ваа гаалигад̇д̇аяам̣;
Purebhattaṃ tu yāguñca, ṭhapetvā kālikattayaṃ;
яаа жаж̇жхохаран̣ад̇т̇ааяа, яам̣ гин̃жи бана аамисам̣.
Yā cajjhoharaṇatthāya, yaṃ kiñci pana āmisaṃ.
2326.
2326.
бадиг̇г̇ан̣хаад̇и жз д̇ассаа, г̇ахан̣з д̣̇уггадам̣ сияаа;
Paṭiggaṇhāti ce tassā, gahaṇe dukkaṭaṃ siyā;
аж̇жхохааравасзнзд̇т̇а, баажид̇д̇и барид̣̇ийбид̇аа.
Ajjhohāravasenettha, pācitti paridīpitā.
2327.
2327.
гаалигаани жа д̇ийн̣зва, аахаарад̇т̇ааяа г̇ан̣хад̇и;
Kālikāni ca tīṇeva, āhāratthāya gaṇhati;
г̇ахан̣з д̣̇уггадам̣ вуд̇д̇ам̣, д̇ат̇аа аж̇жхохаранд̇ияаа.
Gahaṇe dukkaṭaṃ vuttaṃ, tathā ajjhoharantiyā.
2328.
2328.
ниманд̇ид̇аа яаа бана аббаваарид̇аа;
Nimantitā yā pana appavāritā;
сажзби яааг̇ум̣ бивад̇ийд̇ха ваддад̇и;
Sacepi yāguṃ pivatīdha vaṭṭati;
д̇ат̇аа гат̇зд̇ваа буна саамигасса ваа;
Tathā kathetvā puna sāmikassa vā;
сажзби саа бхун̃ж̇ад̇и ан̃н̃абхож̇анам̣.
Sacepi sā bhuñjati aññabhojanaṃ.
2329.
2329.
гаалигаани жа д̇ийн̣зва, бажжаяз сад̇и бхун̃ж̇ад̇и;
Kālikāni ca tīṇeva, paccaye sati bhuñjati;
д̇ат̇аа уммад̇д̇игаад̣̇ийнам̣, анаабад̇д̇и багаасид̇аа.
Tathā ummattikādīnaṃ, anāpatti pakāsitā.
2330.
2330.
самудтаанамид̣̇ам̣ д̇уляам̣, ад̣̇д̇хаанзна грияаагрияам̣;
Samuṭṭhānamidaṃ tulyaṃ, addhānena kriyākriyaṃ;
ниманд̇ид̇аа анаабужчаа, саамим̣ бхун̃ж̇ад̇и жз бана.
Nimantitā anāpucchā, sāmiṃ bhuñjati ce pana.
2331.
2331.
габбияам̣ бана гаарзд̇ваа, агаарзд̇вааби ваа яад̣̇и;
Kappiyaṃ pana kāretvā, akāretvāpi vā yadi;
барибхун̃ж̇ад̇и яаа д̇ассаа, баажид̇д̇и грияад̇о сияаа.
Paribhuñjati yā tassā, pācitti kriyato siyā.
жад̇уд̇т̇ам̣.
Catutthaṃ.
2332.
2332.
бхигкунийнам̣ аван̣н̣ам̣ ваа, баажид̇д̇и гуласанд̇игз;
Bhikkhunīnaṃ avaṇṇaṃ vā, pācitti kulasantike;
гулассааван̣н̣анам̣ вааби, бхигкунийнам̣ вад̣̇анд̇ияаа.
Kulassāvaṇṇanaṃ vāpi, bhikkhunīnaṃ vadantiyā.
2333.
2333.
санд̇ам̣ бхаасанд̇ияаа д̣̇осам̣, на д̣̇осуммад̇д̇игааяа ваа;
Santaṃ bhāsantiyā dosaṃ, na dosummattikāya vā;
омасаваад̣̇ад̇уляаава, самудтаанаад̣̇аяо наяаа.
Omasavādatulyāva, samuṭṭhānādayo nayā.
бан̃жамам̣.
Pañcamaṃ.
2334.
2334.
ад̣̇д̇хаяож̇анад̇о орз, бхигку оваад̣̇ад̣̇ааяаго;
Addhayojanato ore, bhikkhu ovādadāyako;
на васад̇и сажз маг̇г̇о, акзмо ваа сажз сияаа.
Na vasati sace maggo, akhemo vā sace siyā.
2335.
2335.
аяам̣ абхигкуго наама, ааваасо бана д̇ад̇т̇а хи;
Ayaṃ abhikkhuko nāma, āvāso pana tattha hi;
убаг̇ажчанд̇ияаа вассам̣, аабад̇д̇и арун̣уг̇г̇амз.
Upagacchantiyā vassaṃ, āpatti aruṇuggame.
2336.
2336.
багганд̇аа багкасан̇ганд̇аа, виб̣бханд̇аа ваа мад̇ааби ваа;
Pakkantā pakkhasaṅkantā, vibbhantā vā matāpi vā;
вассам̣ убаг̇ад̇аа бхигкуу, анаабад̇д̇аабад̣̇аасуби.
Vassaṃ upagatā bhikkhū, anāpattāpadāsupi.
2337.
2337.
сзсо н̃зяяо гат̇аамаг̇г̇о;
Seso ñeyyo kathāmaggo;
бхигкуноваад̣̇аго бана;
Bhikkhunovādako pana;
ид̣̇ам̣ зл̣агаломзна;
Idaṃ eḷakalomena;
самудтаанаад̣̇инаа самам̣.
Samuṭṭhānādinā samaṃ.
чадтам̣.
Chaṭṭhaṃ.
2338.
2338.
яаа бхигкунубхад̇осан̇гхз, вассам̣вудтаа д̇ад̇о буна;
Yā bhikkhunubhatosaṅghe, vassaṃvuṭṭhā tato puna;
‘‘наахам̣ баваарзссаамий’’д̇и, саа нигкибад̇и жз д̇хурам̣.
‘‘Nāhaṃ pavāressāmī’’ti, sā nikkhipati ce dhuraṃ.
2339.
2339.
д̇хурз нигкид̇д̇амад̇д̇асмим̣, д̇ассаа баажид̇д̇ияам̣ сияаа;
Dhure nikkhittamattasmiṃ, tassā pācittiyaṃ siyā;
сад̇и ваа анд̇арааяасмим̣, г̇илаанааяаабад̣̇аасуби.
Sati vā antarāyasmiṃ, gilānāyāpadāsupi.
2340.
2340.
бариязсид̇вааби ваа бхигкум̣, на д̣̇осо алабханд̇ияаа;
Pariyesitvāpi vā bhikkhuṃ, na doso alabhantiyā;
ид̣̇ам̣ д̇у д̇хуранигкзба-самудтаанамуд̣̇ийрид̇ам̣.
Idaṃ tu dhuranikkhepa-samuṭṭhānamudīritaṃ.
сад̇д̇амам̣.
Sattamaṃ.
2341.
2341.
‘‘оваад̣̇аад̣̇ийнамад̇т̇ааяа, на г̇ажчиссаамяаха’’нд̇и хи;
‘‘Ovādādīnamatthāya, na gacchissāmyaha’’nti hi;
д̇хурз нигкид̇д̇амад̇д̇асмим̣, баажид̇д̇и барид̣̇ийбаяз.
Dhure nikkhittamattasmiṃ, pācitti paridīpaye.
2342.
2342.
сад̣̇исам̣ д̇у самудтаанам̣, батаманд̇имавад̇т̇унаа;
Sadisaṃ tu samuṭṭhānaṃ, paṭhamantimavatthunā;
агрияам̣ логаваж̇ж̇ан̃жа, гааяигам̣ д̣̇угкавзд̣̇анам̣.
Akriyaṃ lokavajjañca, kāyikaṃ dukkhavedanaṃ.
адтамам̣.
Aṭṭhamaṃ.
2343.
2343.
‘‘на яаажиссаами оваад̣̇ам̣, на бужчиссаамубосат̇ам̣’’;
‘‘Na yācissāmi ovādaṃ, na pucchissāmuposathaṃ’’;
ижжзвам̣ бана нигкид̇д̇з, д̇хурз баажид̇д̇ияам̣ сияаа.
Iccevaṃ pana nikkhitte, dhure pācittiyaṃ siyā.
2344.
2344.
сад̇и ваа анд̇арааяасмим̣, г̇илаанааяаабад̣̇аасу ваа;
Sati vā antarāyasmiṃ, gilānāyāpadāsu vā;
на д̣̇осо бариязсид̇ваа, д̣̇уд̇ияам̣ алабханд̇ияаа.
Na doso pariyesitvā, dutiyaṃ alabhantiyā.
2345.
2345.
адтамзби анаабад̇д̇и, звамзва багаасид̇аа;
Aṭṭhamepi anāpatti, evameva pakāsitā;
ид̣̇ам̣ д̇у д̇хуранигкзба-самудтаанамуд̣̇ийрид̇ам̣.
Idaṃ tu dhuranikkhepa-samuṭṭhānamudīritaṃ.
навамам̣.
Navamaṃ.
2346.
2346.
басаакз бана сан̃ж̇аад̇ам̣, г̇ан̣д̣ам̣ ружид̇амзва ваа;
Pasākhe pana sañjātaṃ, gaṇḍaṃ rucitameva vā;
анаабужчаава сан̇гхам̣ ваа, г̇ан̣ам̣ згзна згигаа.
Anāpucchāva saṅghaṃ vā, gaṇaṃ ekena ekikā.
2347.
2347.
‘‘бхинд̣̇а паалзхи д̇ховаа’’д̇и, саб̣б̣аанзваан̣аабзнд̇ияаа;
‘‘Bhinda phālehi dhovā’’ti, sabbānevāṇāpentiyā;
гад̇зсу д̣̇уггадаанижча, д̇ассаа баажид̇д̇ияо ча жа.
Katesu dukkaṭāniccha, tassā pācittiyo cha ca.
2348.
2348.
‘‘яамзд̇т̇а ад̇т̇и гаад̇аб̣б̣ам̣, д̇ам̣ саб̣б̣ам̣ д̇вам̣ гарохи’’д̇и;
‘‘Yamettha atthi kātabbaṃ, taṃ sabbaṃ tvaṃ karohi’’ti;
аан̣аабзд̇и сажз звам̣, со жа саб̣б̣ам̣ гарод̇и жз.
Āṇāpeti sace evaṃ, so ca sabbaṃ karoti ce.
2349.
2349.
згааяа бана ваажааяа, д̣̇уггадаани банажча жа;
Ekāya pana vācāya, dukkaṭāni panaccha ca;
д̇ассаа баажид̇д̇ияажчаггам̣, д̣̇ваад̣̇асаабад̇д̇ияо сияум̣.
Tassā pācittiyacchakkaṃ, dvādasāpattiyo siyuṃ.
2350.
2350.
бхзд̣̇анаад̣̇ийсу згам̣ саа, аан̣аабзд̇и сажз бана;
Bhedanādīsu ekaṃ sā, āṇāpeti sace pana;
со гарод̇и жа саб̣б̣аани, згам̣ баажид̇д̇ияам̣ сияаа.
So karoti ca sabbāni, ekaṃ pācittiyaṃ siyā.
2351.
2351.
аабужчид̇вааби ваа вин̃н̃ум̣, г̇ахзд̇ваа д̣̇уд̇ияамби ваа;
Āpucchitvāpi vā viññuṃ, gahetvā dutiyampi vā;
бхзд̣̇анаад̣̇ийни саб̣б̣аани, гаараабзд̇и сажз бана.
Bhedanādīni sabbāni, kārāpeti sace pana.
2352.
2352.
д̇ассаа уммад̇д̇игаад̣̇ийна-манаабад̇д̇и багаасид̇аа;
Tassā ummattikādīna-manāpatti pakāsitā;
самудтаанаад̣̇аяо саб̣б̣з, гат̇инзна самаа мад̇аа.
Samuṭṭhānādayo sabbe, kathinena samā matā.
д̣̇асамам̣.
Dasamaṃ.
аараамаваг̇г̇о чадто.
Ārāmavaggo chaṭṭho.
2353.
2353.
г̇ан̣ам̣бариязсанаад̣̇исмим̣, г̇аб̣бхиним̣ вудтабзнд̇ияаа;
Gaṇaṃpariyesanādismiṃ, gabbhiniṃ vuṭṭhapentiyā;
н̃ад̇д̇ияаа гаммаваажаахи, убаж̇жхааяааяа д̣̇уггадам̣.
Ñattiyā kammavācāhi, upajjhāyāya dukkaṭaṃ.
2354.
2354.
гаммаваажааяа осаанз, баажид̇д̇и барияаабуд̇аа;
Kammavācāya osāne, pācitti pariyāputā;
д̇ат̇аа г̇аб̣бхинисан̃н̃ааяа, на жа г̇аб̣бхинияаа бана.
Tathā gabbhinisaññāya, na ca gabbhiniyā pana.
2355.
2355.
убхо сан̃ж̇аад̇аган̇кааяа, ход̇и аабад̇д̇и д̣̇уггадам̣;
Ubho sañjātakaṅkhāya, hoti āpatti dukkaṭaṃ;
д̇ат̇аажаринияаа д̇ассаа, г̇ан̣ассааби жа д̣̇ийбид̇ам̣.
Tathācariniyā tassā, gaṇassāpi ca dīpitaṃ.
2356.
2356.
д̣̇вийсваг̇аб̣бхинисан̃н̃ааяа, на д̣̇осуммад̇д̇игааяа ваа;
Dvīsvagabbhinisaññāya, na dosummattikāya vā;
ад̣̇иннаад̣̇аанад̇уляаава, самудтаанаад̣̇аяо наяаа.
Adinnādānatulyāva, samuṭṭhānādayo nayā.
батамам̣.
Paṭhamaṃ.
2357.
2357.
д̣̇уд̇ияз над̇т̇и вад̇д̇аб̣б̣ам̣, батамзна самам̣ мад̇ам̣;
Dutiye natthi vattabbaṃ, paṭhamena samaṃ mataṃ;
самудтаанаад̣̇инаа сад̣̇д̇хим̣, над̇т̇и гаажи висзсад̇аа.
Samuṭṭhānādinā saddhiṃ, natthi kāci visesatā.
д̣̇уд̇ияам̣.
Dutiyaṃ.
2358.
2358.
часвасигкид̇асигкам̣ д̇у, сигкамаанан̃хи бхигкуний;
Chasvasikkhitasikkhaṃ tu, sikkhamānañhi bhikkhunī;
д̣̇вз вассаани сияаабад̇д̇и, вудтаабзяяа сажз бана.
Dve vassāni siyāpatti, vuṭṭhāpeyya sace pana.
2359.
2359.
д̇игабаажид̇д̇ияам̣ вуд̇д̇ам̣, д̇хаммагаммз д̇у сад̇т̇унаа;
Tikapācittiyaṃ vuttaṃ, dhammakamme tu satthunā;
ад̇хаммз бана гаммасмим̣, д̣̇ийбид̇ам̣ д̇игад̣̇уггадам̣.
Adhamme pana kammasmiṃ, dīpitaṃ tikadukkaṭaṃ.
2360.
2360.
часу сигкид̇асигкам̣ яаа, д̣̇вз вассаани акан̣д̣ад̇о;
Chasu sikkhitasikkhaṃ yā, dve vassāni akhaṇḍato;
вудтаабзд̇и анаабад̇д̇и, д̇ат̇аа уммад̇д̇игааяа ваа.
Vuṭṭhāpeti anāpatti, tathā ummattikāya vā.
2361.
2361.
имаа хи ча жа сигкааяо, садтивассааби жз бана;
Imā hi cha ca sikkhāyo, saṭṭhivassāpi ce pana;
баб̣б̣аж̇ж̇ааяа бад̣̇аад̇аб̣б̣аа, ад̣̇ад̇ваа на жа гаараяз.
Pabbajjāya padātabbā, adatvā na ca kāraye.
д̇ад̇ияам̣.
Tatiyaṃ.
2362.
2362.
жад̇уд̇т̇з над̇т̇и вад̇д̇аб̣б̣ам̣, ид̇ха сан̇гхзна саммад̇ам̣;
Catutthe natthi vattabbaṃ, idha saṅghena sammataṃ;
сигкамаанаманаабад̇д̇и, ход̇и д̇ам̣ вудтабзнд̇ияаа.
Sikkhamānamanāpatti, hoti taṃ vuṭṭhapentiyā.
2363.
2363.
ад̣̇иннаа батамам̣ ход̇и, сажз вудтаанасаммуд̇и;
Adinnā paṭhamaṃ hoti, sace vuṭṭhānasammuti;
д̇ад̇т̇ааби жа бад̣̇аад̇аб̣б̣аа, убасамбад̣̇амаал̣агз.
Tatthāpi ca padātabbā, upasampadamāḷake.
2364.
2364.
д̇ад̇ияан̃жа жад̇уд̇т̇ан̃жа, самудтаанаад̣̇инаа бана;
Tatiyañca catutthañca, samuṭṭhānādinā pana;
батамзна самам̣ н̃зяяам̣, жад̇уд̇т̇ам̣ д̇у грияаагрияам̣.
Paṭhamena samaṃ ñeyyaṃ, catutthaṃ tu kriyākriyaṃ.
жад̇уд̇т̇ам̣.
Catutthaṃ.
2365.
2365.
уунад̣̇ваад̣̇асавассам̣ д̇у, ган̃жи г̇ихиг̇ад̇ам̣ бана;
Ūnadvādasavassaṃ tu, kañci gihigataṃ pana;
барибун̣н̣аад̇и сан̃н̃ааяа, на д̣̇осо вудтабзнд̇ияаа.
Paripuṇṇāti saññāya, na doso vuṭṭhapentiyā.
2366.
2366.
ход̇и ваанубасамбаннаа, убасамбаад̣̇ид̇ааби саа;
Hoti vānupasampannā, upasampāditāpi sā;
асзсзна жа сзсам̣ д̇у, батамзна самам̣ мад̇ам̣.
Asesena ca sesaṃ tu, paṭhamena samaṃ mataṃ.
бан̃жамам̣.
Pañcamaṃ.
2367.
2367.
чадтам̣ д̇у д̇ад̇ияз вуд̇д̇а-наязнзва вибхааваяз;
Chaṭṭhaṃ tu tatiye vutta-nayeneva vibhāvaye;
сад̇д̇амамби д̇ат̇аа саб̣б̣ам̣, жад̇уд̇т̇зна самам̣ мад̇ам̣.
Sattamampi tathā sabbaṃ, catutthena samaṃ mataṃ.
чадтасад̇д̇амаани.
Chaṭṭhasattamāni.
2368.
2368.
яам̣ д̇уваддагаваг̇г̇асмим̣, д̣̇угкид̇ам̣ сахаж̇ийвиним̣;
Yaṃ tuvaṭṭakavaggasmiṃ, dukkhitaṃ sahajīviniṃ;
вуд̇д̇ам̣ д̇зна самам̣ н̃зяяам̣, адтамам̣ на висзсад̇аа.
Vuttaṃ tena samaṃ ñeyyaṃ, aṭṭhamaṃ na visesatā.
адтамам̣.
Aṭṭhamaṃ.
2369.
2369.
д̣̇вз вассаани жа яаа гаажи, вудтаабид̇абавад̇д̇иним̣;
Dve vassāni ca yā kāci, vuṭṭhāpitapavattiniṃ;
наануб̣анд̇хзяяа жз д̇ассаа, баажид̇д̇и барияаабуд̇аа.
Nānubandheyya ce tassā, pācitti pariyāputā.
2370.
2370.
‘‘д̣̇вз вассаани ахам̣ наану-б̣анд̇хиссаамий’’д̇и жз бана;
‘‘Dve vassāni ahaṃ nānu-bandhissāmī’’ti ce pana;
д̇хурз нигкид̇д̇амад̇д̇асмим̣, д̇ассаа баажид̇д̇ияам̣ сияаа.
Dhure nikkhittamattasmiṃ, tassā pācittiyaṃ siyā.
2371.
2371.
д̇ан̃жа б̣ааламалаж̇ж̇им̣ ваа, г̇илаанааяаабад̣̇аасу ваа;
Tañca bālamalajjiṃ vā, gilānāyāpadāsu vā;
наануб̣анд̇ханд̇ияаа д̇ассаа, на д̣̇осуммад̇д̇игааяа ваа.
Nānubandhantiyā tassā, na dosummattikāya vā.
2372.
2372.
самудтаанаад̣̇аяо д̇уляаа, батаманд̇имавад̇т̇унаа;
Samuṭṭhānādayo tulyā, paṭhamantimavatthunā;
ид̣̇ам̣ банаагрияам̣ вуд̇д̇ам̣, взд̣̇анаа д̣̇угкавзд̣̇анаа.
Idaṃ panākriyaṃ vuttaṃ, vedanā dukkhavedanā.
навамам̣.
Navamaṃ.
2373.
2373.
вудтаабзд̇ваа д̇у яаа гаажи, бхигкуний сахаж̇ийвиним̣;
Vuṭṭhāpetvā tu yā kāci, bhikkhunī sahajīviniṃ;
д̇ам̣ г̇ахзд̇ваа на г̇ажчзяяа, на жан̃н̃ам̣ аан̣аабзяяа жз.
Taṃ gahetvā na gaccheyya, na caññaṃ āṇāpeyya ce.
2374.
2374.
д̇хурз нигкид̇д̇амад̇д̇асмим̣, д̇ассаа баажид̇д̇ияам̣ сияаа;
Dhure nikkhittamattasmiṃ, tassā pācittiyaṃ siyā;
сад̇и ваа анд̇арааяасмим̣, д̣̇уд̇ияам̣ алабханд̇ияаа.
Sati vā antarāyasmiṃ, dutiyaṃ alabhantiyā.
2375.
2375.
аабад̣̇аасу г̇илаанааяа, д̇ат̇аа уммад̇д̇игааяа ваа;
Āpadāsu gilānāya, tathā ummattikāya vā;
на д̣̇осо д̇хуранигкзба-самудтаанамид̣̇ам̣ бана.
Na doso dhuranikkhepa-samuṭṭhānamidaṃ pana.
д̣̇асамам̣.
Dasamaṃ.
г̇аб̣бхиниваг̇г̇о сад̇д̇амо.
Gabbhinivaggo sattamo.
2376.
2376.
гумаарибхууд̇аваг̇г̇асса, батамаад̣̇ийни д̇ийн̣иби;
Kumāribhūtavaggassa, paṭhamādīni tīṇipi;
г̇ихиг̇ад̇зхи д̇ийхзва, сад̣̇исаанийд̇и нид̣̇д̣̇исз.
Gihigatehi tīheva, sadisānīti niddise.
2377.
2377.
яаа махуубабад̣̇аа д̣̇вз д̇у, сигкамаанаа банаад̣̇ид̇о;
Yā mahūpapadā dve tu, sikkhamānā panādito;
‘‘г̇ад̇аа вийсад̇ивассаа’’д̇и, вин̃н̃аад̇аб̣б̣аа вибхаавинаа.
‘‘Gatā vīsativassā’’ti, viññātabbā vibhāvinā.
2378.
2378.
сажз г̇ихиг̇ад̇аа хонд̇и, на жа ваа бурисам̣ г̇ад̇аа;
Sace gihigatā honti, na ca vā purisaṃ gatā;
‘‘сигкамаанаа’’д̇и вад̇д̇аб̣б̣аа, д̇аа хи саммуд̇иаад̣̇ису.
‘‘Sikkhamānā’’ti vattabbā, tā hi sammutiādisu.
2379.
2379.
на д̇аа ‘‘гумаарибхууд̇аа’’д̇и, д̇ат̇аа ‘‘г̇ихиг̇ад̇аа’’д̇и ваа;
Na tā ‘‘kumāribhūtā’’ti, tathā ‘‘gihigatā’’ti vā;
вад̇д̇аб̣б̣аа банубхобзд̇аа, звам̣ вад̇д̇ум̣ на ваддад̇и.
Vattabbā panubhopetā, evaṃ vattuṃ na vaṭṭati.
2380.
2380.
саммуд̇им̣ д̣̇асавассааяа, д̣̇ад̇ваа д̣̇ваад̣̇асавассигаа;
Sammutiṃ dasavassāya, datvā dvādasavassikā;
гад̇д̇аб̣б̣аа убасамбаннаа, сзсаасуби аяам̣ наяо.
Kattabbā upasampannā, sesāsupi ayaṃ nayo.
2381.
2381.
яаа адтаарасавассаа д̇у, д̇ад̇о бадтааяа саа бана;
Yā aṭṭhārasavassā tu, tato paṭṭhāya sā pana;
вуд̇д̇аа ‘‘гумаарибхууд̇аа’’д̇и, д̇ат̇аа ‘‘г̇ихиг̇ад̇аа’’д̇иби.
Vuttā ‘‘kumāribhūtā’’ti, tathā ‘‘gihigatā’’tipi.
2382.
2382.
вуд̇д̇аа ‘‘гумаарибхууд̇аа’’д̇и, сааман̣зрий хи яаа бана;
Vuttā ‘‘kumāribhūtā’’ti, sāmaṇerī hi yā pana;
‘‘гумаарибхууд̇аа’’ ижжзва, вад̇д̇аб̣б̣аа на банан̃н̃ат̇аа.
‘‘Kumāribhūtā’’ icceva, vattabbā na panaññathā.
2383.
2383.
зд̇аа д̇у бана д̇иссоби, сигкаасаммуд̇ид̣̇аанад̇о;
Etā tu pana tissopi, sikkhāsammutidānato;
‘‘сигкамаанаа’’д̇и вад̇д̇умби, ваддад̇зва на сам̣саяо.
‘‘Sikkhamānā’’ti vattumpi, vaṭṭateva na saṃsayo.
д̇ад̇ияам̣.
Tatiyaṃ.
2384.
2384.
уунад̣̇ваад̣̇асавассаава, вудтаабзд̇и сажз барам̣;
Ūnadvādasavassāva, vuṭṭhāpeti sace paraṃ;
худ̇ваа саяамубаж̇жхааяаа, сигкамаанам̣ д̇у бхигкуний.
Hutvā sayamupajjhāyā, sikkhamānaṃ tu bhikkhunī.
2385.
2385.
буб̣б̣з вуд̇д̇анаязнзва, д̣̇уггадаанамананд̇арам̣;
Pubbe vuttanayeneva, dukkaṭānamanantaraṃ;
гаммаваажаанамосаанз, д̇ассаа баажид̇д̇и д̣̇ийбид̇аа.
Kammavācānamosāne, tassā pācitti dīpitā.
жад̇уд̇т̇ам̣.
Catutthaṃ.
2386.
2386.
бан̃жамз над̇т̇и вад̇д̇аб̣б̣ам̣, жад̇уд̇т̇ам̣ бан̃жамамби жа;
Pañcame natthi vattabbaṃ, catutthaṃ pañcamampi ca;
убхаяам̣ д̇исамудтаанам̣, бан̃жамам̣ д̇у грияаагрияам̣.
Ubhayaṃ tisamuṭṭhānaṃ, pañcamaṃ tu kriyākriyaṃ.
бан̃жамам̣.
Pañcamaṃ.
2387.
2387.
сан̇гхзнубабаригкид̇ваа, ‘‘алам̣ д̇ааваа’’д̇и ваарид̇аа;
Saṅghenupaparikkhitvā, ‘‘alaṃ tāvā’’ti vāritā;
убасамбаад̣̇ид̇знзд̇т̇а, бажчаа кийяад̇и д̣̇осад̇аа.
Upasampāditenettha, pacchā khīyati dosatā.
2388.
2388.
уж̇жхааяад̇и сажз чанд̣̇а-д̣̇осаад̣̇ийхи гаронд̇ияаа;
Ujjhāyati sace chanda-dosādīhi karontiyā;
на д̣̇осо д̇исамудтаанам̣, сажид̇д̇ам̣ д̣̇угкавзд̣̇анам̣.
Na doso tisamuṭṭhānaṃ, sacittaṃ dukkhavedanaṃ.
чадтам̣.
Chaṭṭhaṃ.
2389.
2389.
лад̣̇д̇хз жа жийварз бажчаа, асанд̇з анд̇арааяигз;
Laddhe ca cīvare pacchā, asante antarāyike;
‘‘вудтаабзссаами нааха’’нд̇и, д̇хуранигкзбанз бана.
‘‘Vuṭṭhāpessāmi nāha’’nti, dhuranikkhepane pana.
2390.
2390.
ход̇и баажид̇д̇ияам̣ д̇ассаа, г̇илаанааяаабад̣̇аасуби;
Hoti pācittiyaṃ tassā, gilānāyāpadāsupi;
на д̣̇осо бариязсид̇ваа, барисам̣ алабханд̇ияаа.
Na doso pariyesitvā, parisaṃ alabhantiyā.
2391.
2391.
ид̣̇ан̃хи д̇хуранигкзба-самудтаанам̣ сажид̇д̇агам̣;
Idañhi dhuranikkhepa-samuṭṭhānaṃ sacittakaṃ;
агрияам̣ логаваж̇ж̇ан̃жа, ход̇ид̣̇ам̣ д̣̇угкавзд̣̇анам̣.
Akriyaṃ lokavajjañca, hotidaṃ dukkhavedanaṃ.
сад̇д̇амам̣.
Sattamaṃ.
2392.
2392.
адтамам̣ сад̇д̇амзнзва, сад̣̇исам̣ бана саб̣б̣ат̇аа;
Aṭṭhamaṃ sattameneva, sadisaṃ pana sabbathā;
навамзби жа вад̇д̇аб̣б̣ам̣, над̇т̇и уд̇д̇аанамзвид̣̇ам̣.
Navamepi ca vattabbaṃ, natthi uttānamevidaṃ.
2393.
2393.
над̇т̇ааж̇аананд̇ияаа д̣̇осо, д̇ат̇аа уммад̇д̇игааяа ваа;
Natthājānantiyā doso, tathā ummattikāya vā;
ад̣̇иннаад̣̇аанад̇уляаава, самудтаанаад̣̇аяо наяаа.
Adinnādānatulyāva, samuṭṭhānādayo nayā.
адтаманавамаани.
Aṭṭhamanavamāni.
2394.
2394.
маад̇араа бид̇араа ваат̇а, наанун̃н̃аад̇ам̣ д̇у сааминаа;
Mātarā pitarā vātha, nānuññātaṃ tu sāminā;
д̇ассаа баажид̇д̇ияаабад̇д̇и, д̇ам̣ вудтаабзнд̇ияаа сияаа.
Tassā pācittiyāpatti, taṃ vuṭṭhāpentiyā siyā.
2395.
2395.
убасамбад̣̇агааласмим̣, д̇ат̇аа баб̣б̣ааж̇анагкан̣з;
Upasampadakālasmiṃ, tathā pabbājanakkhaṇe;
д̣̇вигкад̇д̇ум̣ бужчид̇аб̣б̣ам̣ д̇у, бхигкунийхи, на бхигкунаа.
Dvikkhattuṃ pucchitabbaṃ tu, bhikkhunīhi, na bhikkhunā.
2396.
2396.
анаабад̇д̇и на ж̇аанаад̇и, маад̇уаад̣̇ийнамад̇т̇ид̇ам̣;
Anāpatti na jānāti, mātuādīnamatthitaṃ;
ид̣̇ам̣ жад̇усамудтаанам̣, ваажад̇о гааяаваажад̇о.
Idaṃ catusamuṭṭhānaṃ, vācato kāyavācato.
2397.
2397.
ваажаамаанасад̇о жзва, гааяаваажаад̣̇ид̇оби жа;
Vācāmānasato ceva, kāyavācāditopi ca;
грияаагрияамажид̇д̇ан̃жа, д̇ижид̇д̇ан̃жа д̇ивзд̣̇анам̣.
Kriyākriyamacittañca, ticittañca tivedanaṃ.
д̣̇асамам̣.
Dasamaṃ.
2398.
2398.
яаа баариваасигзнзд̇т̇а, чанд̣̇ад̣̇аанзна бхигкуний;
Yā pārivāsikenettha, chandadānena bhikkhunī;
вудтаабзд̇и сажз сигка-маанам̣ баажид̇д̇ияам̣ сияаа.
Vuṭṭhāpeti sace sikkha-mānaṃ pācittiyaṃ siyā.
2399.
2399.
авудтид̇ааяанаабад̇д̇и, барисааяаавихааяа ваа;
Avuṭṭhitāyanāpatti, parisāyāvihāya vā;
чанд̣̇ам̣ д̇у д̇исамудтаанам̣, д̇ижид̇д̇ан̃жа д̇ивзд̣̇анам̣.
Chandaṃ tu tisamuṭṭhānaṃ, ticittañca tivedanaṃ.
згаад̣̇асамам̣.
Ekādasamaṃ.
2400.
2400.
д̣̇ваад̣̇асз д̇зрасз вааби, вад̇д̇аб̣б̣ам̣ над̇т̇и гин̃жиби;
Dvādase terase vāpi, vattabbaṃ natthi kiñcipi;
самудтаанаад̣̇аяо саб̣б̣з, ананд̇арасамаа мад̇аа.
Samuṭṭhānādayo sabbe, anantarasamā matā.
д̣̇ваад̣̇асамад̇зрасамаани.
Dvādasamaterasamāni.
гумаарийбхууд̇аваг̇г̇о адтамо.
Kumārībhūtavaggo aṭṭhamo.
2401.
2401.
саман̣ий аг̇илаанаа яаа, д̇хаарзяяа чад̇д̇убааханам̣;
Samaṇī agilānā yā, dhāreyya chattupāhanaṃ;
д̇ассаа баажид̇д̇ияаабад̇д̇и, ход̇ийд̇и барияаабуд̇аа.
Tassā pācittiyāpatti, hotīti pariyāputā.
2402.
2402.
сажз згабаяог̇зна, маг̇г̇асса г̇аманз бана;
Sace ekapayogena, maggassa gamane pana;
д̣̇ивасамби жа д̇хаарзд̇и, згам̣ баажид̇д̇ияам̣ сияаа.
Divasampi ca dhāreti, ekaṃ pācittiyaṃ siyā.
2403.
2403.
гад̣̇д̣̇амаад̣̇ийни бассид̇ваа, омун̃жид̇ваа убааханаа;
Kaddamādīni passitvā, omuñcitvā upāhanā;
чад̇д̇амзва жа д̇хаарзнд̇ий, яад̣̇и г̇ажчад̇и д̣̇уггадам̣.
Chattameva ca dhārentī, yadi gacchati dukkaṭaṃ.
2404.
2404.
сажз убааханаарул̣хаа, д̣̇исваа г̇ажчаад̣̇игам̣ бана;
Sace upāhanāruḷhā, disvā gacchādikaṃ pana;
д̇ам̣ чад̇д̇амабанаамзд̇ваа, д̣̇уггадам̣ ход̇и г̇ажчад̇и.
Taṃ chattamapanāmetvā, dukkaṭaṃ hoti gacchati.
2405.
2405.
чад̇д̇амби абанаамзд̇ваа, омун̃жид̇ваа убааханаа;
Chattampi apanāmetvā, omuñcitvā upāhanā;
буна д̇хаарзнд̇ияаа д̇ассаа, ход̇и баажид̇д̇ияам̣ бана.
Puna dhārentiyā tassā, hoti pācittiyaṃ pana.
2406.
2406.
баяог̇аг̇ан̣анааязва , баажид̇д̇иг̇ан̣анаа сияаа;
Payogagaṇanāyeva , pācittigaṇanā siyā;
д̇игабаажид̇д̇ияам̣ вуд̇д̇ам̣, д̇ат̇зва д̣̇вигад̣̇уггадам̣.
Tikapācittiyaṃ vuttaṃ, tatheva dvikadukkaṭaṃ.
2407.
2407.
аараамз убажаарз ваа, д̣̇осо над̇т̇аабад̣̇аасуби;
Ārāme upacāre vā, doso natthāpadāsupi;
ид̣̇ам̣ зл̣агаломзна, самудтаанаад̣̇инаа самам̣.
Idaṃ eḷakalomena, samuṭṭhānādinā samaṃ.
батамам̣.
Paṭhamaṃ.
2408.
2408.
ход̇и бхигкунияаа яаанаа, орохид̇ваа бунаббунам̣;
Hoti bhikkhuniyā yānā, orohitvā punappunaṃ;
абхирууханд̇ияаабад̇д̇и, баяог̇аг̇ан̣анаавасаа.
Abhirūhantiyāpatti, payogagaṇanāvasā.
2409.
2409.
аабад̣̇аасу анаабад̇д̇и, д̇ат̇аа уммад̇д̇игааяа ваа;
Āpadāsu anāpatti, tathā ummattikāya vā;
сзсам̣ ананд̇арзнзва, самудтаанаад̣̇инаа самам̣.
Sesaṃ anantareneva, samuṭṭhānādinā samaṃ.
д̣̇уд̇ияам̣.
Dutiyaṃ.
2410.
2410.
яаа жа д̇хаарзяяа сан̇гхаан̣им̣, яам̣ гин̃жиби гадуубияам̣;
Yā ca dhāreyya saṅghāṇiṃ, yaṃ kiñcipi kaṭūpiyaṃ;
д̇ассаа баажид̇д̇ияаабад̇д̇и, ход̇ийд̇и барияаабуд̇аа.
Tassā pācittiyāpatti, hotīti pariyāputā.
2411.
2411.
д̇хаарзнд̇ияаа банзд̇т̇ааби, омун̃жид̇ваа бунаббунам̣;
Dhārentiyā panetthāpi, omuñcitvā punappunaṃ;
баяог̇аг̇ан̣анааязва, д̇ассаа баажид̇д̇ияо сияум̣.
Payogagaṇanāyeva, tassā pācittiyo siyuṃ.
2412.
2412.
ааб̣аад̇хабажжаяаа яаа д̇у, д̇хаарзд̇и гадисуд̇д̇агам̣;
Ābādhapaccayā yā tu, dhāreti kaṭisuttakaṃ;
д̇ат̇аа уммад̇д̇игаад̣̇ийна-манаабад̇д̇и багаасид̇аа.
Tathā ummattikādīna-manāpatti pakāsitā.
2413.
2413.
сзсам̣ д̇у батамзнзва, сад̣̇исанд̇и багаасид̇ам̣;
Sesaṃ tu paṭhameneva, sadisanti pakāsitaṃ;
ид̇ха жаагусалам̣ жид̇д̇ам̣, логаваж̇ж̇ам̣ висзсад̇аа.
Idha cākusalaṃ cittaṃ, lokavajjaṃ visesatā.
д̇ад̇ияам̣.
Tatiyaṃ.
2414.
2414.
д̇хаарзд̇и бана яам̣ гин̃жи, сажз сийсуубаг̇аад̣̇ису;
Dhāreti pana yaṃ kiñci, sace sīsūpagādisu;
д̇ассаа д̇асса жа вад̇т̇усса, г̇ан̣анаабад̇д̇ияо сияум̣.
Tassā tassa ca vatthussa, gaṇanāpattiyo siyuṃ.
2415.
2415.
ааб̣аад̇хабажжаяаа д̣̇осо, гин̃жи д̇хаарзнд̇ияаа на жа;
Ābādhapaccayā doso, kiñci dhārentiyā na ca;
сзсам̣ ананд̇арзнзва, сад̣̇исам̣ барид̣̇ийбид̇ам̣.
Sesaṃ anantareneva, sadisaṃ paridīpitaṃ.
жад̇уд̇т̇ам̣.
Catutthaṃ.
2416.
2416.
язна гзнажи г̇анд̇хзна, саван̣н̣ааван̣н̣агзна жа;
Yena kenaci gandhena, savaṇṇāvaṇṇakena ca;
нхаасанд̇ияаа банаабад̇д̇и, нхааносаанз багаасид̇аа.
Nhāsantiyā panāpatti, nhānosāne pakāsitā.
2417.
2417.
г̇анд̇хаяож̇анад̇о саб̣б̣а-баяог̇з д̣̇уггадам̣ сияаа;
Gandhayojanato sabba-payoge dukkaṭaṃ siyā;
ааб̣аад̇хабажжаяаа д̣̇осо, над̇т̇и уммад̇д̇игааяа ваа.
Ābādhapaccayā doso, natthi ummattikāya vā.
2418.
2418.
сзсам̣ д̇у д̇ад̇иязнзва, сад̣̇исам̣ саб̣б̣ат̇аа мад̇ам̣;
Sesaṃ tu tatiyeneva, sadisaṃ sabbathā mataṃ;
чадтамби д̇ад̇иязнзва, сад̣̇исанд̇и багаасид̇ам̣.
Chaṭṭhampi tatiyeneva, sadisanti pakāsitaṃ.
бан̃жамачадтаани.
Pañcamachaṭṭhāni.
2419.
2419.
уб̣б̣аддаабзяяа жан̃н̃ааяа, самб̣аахаабзяяа ваа д̇ат̇аа;
Ubbaṭṭāpeyya caññāya, sambāhāpeyya vā tathā;
ход̇и бхигкунияаабад̇д̇и, сажз бхигкунияаа бана.
Hoti bhikkhuniyāpatti, sace bhikkhuniyā pana.
2420.
2420.
зд̇т̇а хад̇т̇амаможзд̇ваа, згаа уб̣б̣адданз сияаа;
Ettha hatthamamocetvā, ekā ubbaṭṭane siyā;
можзд̇ваа бана можзд̇ваа, баяог̇аг̇ан̣анаа сияаа.
Mocetvā pana mocetvā, payogagaṇanā siyā.
2421.
2421.
самб̣ааханзби зсзва, наяо н̃зяяо вибхаавинаа;
Sambāhanepi eseva, nayo ñeyyo vibhāvinā;
аабад̣̇аасу г̇илаанааяа, анаабад̇д̇и багаасид̇аа.
Āpadāsu gilānāya, anāpatti pakāsitā.
2422.
2422.
сзсам̣ д̇у д̇ад̇иязнзва, самудтаанаад̣̇инаа самам̣;
Sesaṃ tu tatiyeneva, samuṭṭhānādinā samaṃ;
сад̇д̇амзна самаанаава, адтамаад̣̇ийни д̇ийн̣иби.
Sattamena samānāva, aṭṭhamādīni tīṇipi.
сад̇д̇амадтаманавамад̣̇асамаани.
Sattamaṭṭhamanavamadasamāni.
2423.
2423.
яаа анд̇оубажаарасмим̣, бхигкусса бурад̇о бана;
Yā antoupacārasmiṃ, bhikkhussa purato pana;
анаабужчаа нисийд̣̇зяяа, чамааяаби на ваддад̇и.
Anāpucchā nisīdeyya, chamāyapi na vaṭṭati.
2424.
2424.
д̇игабаажид̇д̇ияам̣ вуд̇д̇ам̣, бужчид̇з д̣̇уггадад̣̇ваяам̣;
Tikapācittiyaṃ vuttaṃ, pucchite dukkaṭadvayaṃ;
аабад̣̇аасу г̇илаанааяа, на д̣̇осуммад̇д̇игааяа ваа.
Āpadāsu gilānāya, na dosummattikāya vā.
2425.
2425.
ид̣̇ам̣ бана самудтаанам̣, гат̇инзна самам̣ мад̇ам̣;
Idaṃ pana samuṭṭhānaṃ, kathinena samaṃ mataṃ;
грияаагрияамажид̇д̇ан̃жа, д̇ижид̇д̇ан̃жа д̇ивзд̣̇анам̣.
Kriyākriyamacittañca, ticittañca tivedanaṃ.
згаад̣̇асамам̣.
Ekādasamaṃ.
2426.
2426.
аногаасагад̇ам̣ бхигкум̣, бан̃хам̣ бужчзяяа д̣̇осад̇аа;
Anokāsakataṃ bhikkhuṃ, pañhaṃ puccheyya dosatā;
винаяз жа гад̇огаасам̣, суд̇д̇ам̣ бужчанд̇ияааби жа.
Vinaye ca katokāsaṃ, suttaṃ pucchantiyāpi ca.
2427.
2427.
гаарзд̇ваа бана огаасам̣, анод̣̇иссааби бужчад̇и;
Kāretvā pana okāsaṃ, anodissāpi pucchati;
на д̣̇осо бад̣̇асод̇хамма-самудтаанамид̣̇ам̣ бана.
Na doso padasodhamma-samuṭṭhānamidaṃ pana.
д̣̇ваад̣̇асамам̣.
Dvādasamaṃ.
2428.
2428.
сам̣гажжигам̣ винаа г̇аамам̣, бад̣̇асаа бависанд̇ияаа;
Saṃkaccikaṃ vinā gāmaṃ, padasā pavisantiyā;
баригкид̇д̇асса г̇аамасса, баригкзбоггамз бана.
Parikkhittassa gāmassa, parikkhepokkame pana.
2429.
2429.
д̣̇уггадам̣ батамз баад̣̇з, баажид̇д̇и д̣̇уд̇ияз сияаа;
Dukkaṭaṃ paṭhame pāde, pācitti dutiye siyā;
убажаароггамзбзд̇т̇а, зсзва жа наяо мад̇о.
Upacārokkamepettha, eseva ca nayo mato.
2430.
2430.
яассаа сам̣гажжигам̣ надтам̣, ажчиннам̣ вааби гзнажи;
Yassā saṃkaccikaṃ naṭṭhaṃ, acchinnaṃ vāpi kenaci;
анаабад̇д̇и сияаа д̇ассаа, г̇илаанааяаабад̣̇аасуби.
Anāpatti siyā tassā, gilānāyāpadāsupi.
2431.
2431.
ид̣̇амзл̣агаломзна, самудтаанаад̣̇инаа самам̣;
Idameḷakalomena, samuṭṭhānādinā samaṃ;
сзсам̣ вуд̇д̇анаязнзва, вин̃н̃аад̇аб̣б̣ам̣ вибхаавинаа.
Sesaṃ vuttanayeneva, viññātabbaṃ vibhāvinā.
д̇зрасамам̣.
Terasamaṃ.
чад̇д̇убааханаваг̇г̇о навамо.
Chattupāhanavaggo navamo.
ид̇и винаяавинижчаяз баажид̇д̇ияагат̇аа нидтид̇аа.
Iti vinayavinicchaye pācittiyakathā niṭṭhitā.
