| Library / Tipiṭaka / ತಿಪಿಟಕ • Tipiṭaka / ವಿನಯವಿನಿಚ್ಛಯ-ಟೀಕಾ • Vinayavinicchaya-ṭīkā |
ಪಾಚಿತ್ತಿಯಕಥಾವಣ್ಣನಾ
Pācittiyakathāvaṇṇanā
೨೧೨೯-೩೦. ಏವಂ ತಿಂಸ ನಿಸ್ಸಗ್ಗಿಯಪಾಚಿತ್ತಿಯಾನಿ ದಸ್ಸೇತ್ವಾ ಇದಾನಿ ಸುದ್ಧಪಾಚಿತ್ತಿಯಾನಿ ದಸ್ಸೇತುಮಾಹ ‘‘ಲಸುಣ’’ನ್ತಿಆದಿ। ಲಸುಣನ್ತಿ ಏತ್ಥ ಇತಿ-ಸದ್ದೋ ಲುತ್ತನಿದ್ದಿಟ್ಠೋ। ‘‘ಲಸುಣಂ’’ಇತಿ ಭಣ್ಡಿಕಂ ವುತ್ತಂ ಅಟ್ಠಕಥಾಯಂ (ಪಾಚಿ॰ ಅಟ್ಠ॰ ೭೯೩-೭೯೫)। ಚತುಪಞ್ಚಮಿಞ್ಜಾದಿಪ್ಪಭೇದಂ ಭಣ್ಡಿಕಂ ಲಸುಣಂ ನಾಮ, ನ ತತೋ ಊನಂ। ತೇನಾಹ ‘‘ನ ಏಕದ್ವಿತಿಮಿಞ್ಜಕ’’ನ್ತಿ। ಪಕ್ಕಲಸುಣತೋ, ಸೀಹಳದೀಪಸಮ್ಭವತೋ ಚ ವಿಸೇಸಮಾಹ ‘‘ಆಮಕಂ ಮಾಗಧಂಯೇವಾ’’ತಿ। ಮಗಧೇಸು ಜಾತಂ ಮಾಗಧಂ, ‘‘ವುತ್ತ’’ನ್ತಿ ಇಮಿನಾ ಸಮ್ಬನ್ಧೋ। ಯಥಾಹ ‘‘ಮಗಧರಟ್ಠೇ ಜಾತಲಸುಣಮೇವ ಹಿ ಇಧ ಲಸುಣನ್ತಿ ಅಧಿಪ್ಪೇತ’’ನ್ತಿ (ಪಾಚಿ॰ ಅಟ್ಠ॰ ೭೯೫)। ತಂ ‘‘ಖಾದಿಸ್ಸಾಮೀ’’ತಿ ಗಣ್ಹತೀತಿ ಸಮ್ಬನ್ಧೋ। ವುತ್ತಪ್ಪಕಾರಂ ಪಾಚಿತ್ತಿಯಞ್ಚ ಅಜ್ಝೋಹಾರವಸೇನಾತಿ ದಸ್ಸೇತುಮಾಹ ‘‘ಅಜ್ಝೋಹಾರವಸೇನೇವ, ಪಾಚಿತ್ತಿಂ ಪರಿದೀಪಯೇ’’ತಿ।
2129-30. Evaṃ tiṃsa nissaggiyapācittiyāni dassetvā idāni suddhapācittiyāni dassetumāha ‘‘lasuṇa’’ntiādi. Lasuṇanti ettha iti-saddo luttaniddiṭṭho. ‘‘Lasuṇaṃ’’iti bhaṇḍikaṃ vuttaṃ aṭṭhakathāyaṃ (pāci. aṭṭha. 793-795). Catupañcamiñjādippabhedaṃ bhaṇḍikaṃ lasuṇaṃ nāma, na tato ūnaṃ. Tenāha ‘‘na ekadvitimiñjaka’’nti. Pakkalasuṇato, sīhaḷadīpasambhavato ca visesamāha ‘‘āmakaṃ māgadhaṃyevā’’ti. Magadhesu jātaṃ māgadhaṃ, ‘‘vutta’’nti iminā sambandho. Yathāha ‘‘magadharaṭṭhe jātalasuṇameva hi idha lasuṇanti adhippeta’’nti (pāci. aṭṭha. 795). Taṃ ‘‘khādissāmī’’ti gaṇhatīti sambandho. Vuttappakāraṃ pācittiyañca ajjhohāravasenāti dassetumāha ‘‘ajjhohāravaseneva, pācittiṃ paridīpaye’’ti.
೨೧೩೧. ತದೇವ ವಕ್ಖತಿ ‘‘ದ್ವೇ ತಯೋ’’ತಿಆದಿನಾ। ಸದ್ಧಿನ್ತಿ ಏಕತೋ। ಸಙ್ಖಾದಿತ್ವಾತಿ ಗಲಬಿಲಂ ಅಪ್ಪವೇಸೇತ್ವಾ ದನ್ತೇಹಿ ಸಂಚುಣ್ಣಿಯನ್ತೀ ಖಾದಿತ್ವಾ। ಅಜ್ಝೋಹರತಿ ಪರಗಲಂ ಕರೋತಿ।
2131. Tadeva vakkhati ‘‘dve tayo’’tiādinā. Saddhinti ekato. Saṅkhāditvāti galabilaṃ appavesetvā dantehi saṃcuṇṇiyantī khāditvā. Ajjhoharati paragalaṃ karoti.
೨೧೩೨. ತತ್ಥಾತಿ ತಸ್ಮಿಂ ಭಣ್ಡಿಕಲಸುಣೇ। ‘‘ಮಿಞ್ಜಾನಂ ಗಣನಾಯಾ’’ತಿ ಇಮಿನಾ ಅಜ್ಝೋಹಾರಪಯೋಗಗಣನಾಯೇವ ದೀಪಿತಾ। ಯಥಾಹ ‘‘ಭಿನ್ದಿತ್ವಾ ಏಕೇಕಂ ಮಿಞ್ಜಂ ಖಾದನ್ತಿಯಾ ಪನ ಪಯೋಗಗಣನಾಯ ಪಾಚಿತ್ತಿಯಾನೀ’’ತಿ (ಪಾಚಿ॰ ಅಟ್ಠ॰ ೭೯೫)।
2132.Tatthāti tasmiṃ bhaṇḍikalasuṇe. ‘‘Miñjānaṃ gaṇanāyā’’ti iminā ajjhohārapayogagaṇanāyeva dīpitā. Yathāha ‘‘bhinditvā ekekaṃ miñjaṃ khādantiyā pana payogagaṇanāya pācittiyānī’’ti (pāci. aṭṭha. 795).
೨೧೩೩. ಸಭಾವತೋ ವಟ್ಟನ್ತೇವಾತಿ ಯೋಜನಾ।
2133. Sabhāvato vaṭṭantevāti yojanā.
೨೧೩೫. ಯಥಾವುತ್ತಪಲಣ್ಡುಕಾದೀನಂ ನಾನತ್ತಂ ದಸ್ಸೇತುಮಾಹ ‘‘ಏಕಾ ಮಿಞ್ಜಾ’’ತಿಆದಿ। ಇಧ ಮಿಞ್ಜಾನಂ ವಸೇನೇವ ನಾನತ್ತಂ ದಸ್ಸಿತಂ। ಅಟ್ಠಕಥಾಯಂ ಪನ ವಣ್ಣವಸೇನಾಪಿ। ಯಥಾಹ ‘‘ಪಲಣ್ಡುಕೋ ಪಣ್ಡುವಣ್ಣೋ ಹೋತಿ। ಭಞ್ಜನಕೋ ಲೋಹಿತವಣ್ಣೋ। ಹರಿತಕೋ ಹರಿತಪಣ್ಣವಣ್ಣೋ’’ತಿ (ಪಾಚಿ॰ ಅಟ್ಠ॰ ೭೯೭)।
2135. Yathāvuttapalaṇḍukādīnaṃ nānattaṃ dassetumāha ‘‘ekā miñjā’’tiādi. Idha miñjānaṃ vaseneva nānattaṃ dassitaṃ. Aṭṭhakathāyaṃ pana vaṇṇavasenāpi. Yathāha ‘‘palaṇḍuko paṇḍuvaṇṇo hoti. Bhañjanako lohitavaṇṇo. Haritako haritapaṇṇavaṇṇo’’ti (pāci. aṭṭha. 797).
೨೧೩೬. ‘‘ಸಾಳವೇ ಉತ್ತರಿಭಙ್ಗಕೇ’’ತಿ ಪದಚ್ಛೇದೋ। ‘‘ಬದರಸಾಳವಾದೀಸೂ’’ತಿ (ಪಾಚಿ॰ ಅಟ್ಠ॰ ೭೯೭) ಅಟ್ಠಕಥಾವಚನತೋ ಏತ್ಥ ಬದರ-ಸದ್ದೋ ಸೇಸೋ। ಬದರಸಾಳವಂ ನಾಮ ಬದರಫಲಾನಿ ಸುಕ್ಖಾಪೇತ್ವಾ ಚುಣ್ಣೇತ್ವಾ ಕಾತಬ್ಬಾ ಖಾದನೀಯವಿಕತಿ। ಉಮ್ಮತ್ತಿಕಾದೀನನ್ತಿ ಏತ್ಥ ಆದಿ-ಸದ್ದೇನ ಆದಿಕಮ್ಮಿಕಾ ಗಹಿತಾ। ಯಥಾಹ ‘‘ಉಮ್ಮತ್ತಿಕಾಯ ಆದಿಕಮ್ಮಿಕಾಯಾ’’ತಿ (ಪಾಚಿ॰ ೭೯೭)।
2136. ‘‘Sāḷave uttaribhaṅgake’’ti padacchedo. ‘‘Badarasāḷavādīsū’’ti (pāci. aṭṭha. 797) aṭṭhakathāvacanato ettha badara-saddo seso. Badarasāḷavaṃ nāma badaraphalāni sukkhāpetvā cuṇṇetvā kātabbā khādanīyavikati. Ummattikādīnanti ettha ādi-saddena ādikammikā gahitā. Yathāha ‘‘ummattikāya ādikammikāyā’’ti (pāci. 797).
ಪಠಮಂ।
Paṭhamaṃ.
೨೧೩೭. ಸಮ್ಬಾಧೇತಿ ಪಟಿಚ್ಛನ್ನೋಕಾಸೇ। ತಸ್ಸ ವಿಭಾಗಂ ದಸ್ಸೇತುಮಾಹ ‘‘ಉಪಕಚ್ಛೇಸು ಮುತ್ತಸ್ಸ ಕರಣೇಪಿ ವಾ’’ತಿ।
2137.Sambādheti paṭicchannokāse. Tassa vibhāgaṃ dassetumāha ‘‘upakacchesu muttassa karaṇepi vā’’ti.
೨೧೩೮. ಅಸ್ಸಾ ತಥಾ ಪಾಚಿತ್ತೀತಿ ಸಮ್ಬನ್ಧೋ। ‘‘ನ ಲೋಮಗಣನಾಯಾ’’ತಿ ಇಮಿನಾ ‘‘ಪಯೋಗಗಣನಾಯಾ’’ತಿ ಇದಮೇವ ಸಮತ್ಥಯತಿ।
2138. Assā tathā pācittīti sambandho. ‘‘Na lomagaṇanāyā’’ti iminā ‘‘payogagaṇanāyā’’ti idameva samatthayati.
೨೧೩೯. ಆಬಾಧೇತಿ ಕಣ್ಡುಆದಿಕೇ ರೋಗೇ। ಯಥಾಹ – ‘‘ಆಬಾಧಪಚ್ಚಯಾತಿ ಕಣ್ಡುಕಚ್ಛುಆದಿಆಬಾಧಪಚ್ಚಯಾ’’ತಿ (ಪಾಚಿ॰ ಅಟ್ಠ॰ ೮೦೧)। ಮಗ್ಗಸಂವಿಧಾನಸಮಾ ಮತಾತಿ ಭಿಕ್ಖುನಿಯಾ ಸಂವಿಧಾಯ ಏಕದ್ಧಾನಸಿಕ್ಖಾಪದೇನ ಸದಿಸಾ ಮತಾ ಞಾತಾತಿ ಅತ್ಥೋ।
2139.Ābādheti kaṇḍuādike roge. Yathāha – ‘‘ābādhapaccayāti kaṇḍukacchuādiābādhapaccayā’’ti (pāci. aṭṭha. 801). Maggasaṃvidhānasamā matāti bhikkhuniyā saṃvidhāya ekaddhānasikkhāpadena sadisā matā ñātāti attho.
ದುತಿಯಂ।
Dutiyaṃ.
೨೧೪೦. ಪದುಮಸ್ಸ ವಾ ಪುಣ್ಡರೀಕಸ್ಸ ವಾ ಅನ್ತಮಸೋ ಕೇಸರೇನಾಪಿ ಕಾಮರಾಗೇನ ಮುತ್ತಕರಣಸ್ಸ ತಲಘಾತನೇ ಮುತ್ತಕರಣಮ್ಪಿ ಪಹಾರದಾನೇ ಪಾಚಿತ್ತಿ ಹೋತೀತಿ ಯೋಜನಾ। ಕೇಸರೇನಾಪೀತಿ ಅಪಿ-ಸದ್ದೇನ ಮಹಾಪದುಮಪಣ್ಣೇಹಿ ವತ್ತಬ್ಬಮೇವ ನತ್ಥೀತಿ ದೀಪೇತಿ। ಯಥಾಹ – ‘‘ಅನ್ತಮಸೋ ಉಪ್ಪಲಪತ್ತೇನಾಪೀತಿ ಏತ್ಥ ಪತ್ತಂ ತಾವ ಮಹನ್ತಂ, ಕೇಸರೇನಾಪಿ ಪಹಾರಂ ದೇನ್ತಿಯಾ ಆಪತ್ತಿಯೇವಾ’’ತಿ (ಪಾಚಿ॰ ಅಟ್ಠ॰ ೮೦೩)।
2140. Padumassa vā puṇḍarīkassa vā antamaso kesarenāpi kāmarāgena muttakaraṇassa talaghātane muttakaraṇampi pahāradāne pācitti hotīti yojanā. Kesarenāpīti api-saddena mahāpadumapaṇṇehi vattabbameva natthīti dīpeti. Yathāha – ‘‘antamaso uppalapattenāpīti ettha pattaṃ tāva mahantaṃ, kesarenāpi pahāraṃ dentiyā āpattiyevā’’ti (pāci. aṭṭha. 803).
೨೧೪೧. ತತ್ಥಾತಿ ತಸ್ಮಿಂ ಮುತ್ತಕರಣತಲೇ।
2141.Tatthāti tasmiṃ muttakaraṇatale.
ತತಿಯಂ।
Tatiyaṃ.
೨೧೪೨. ಯಾ ಪನ ಭಿಕ್ಖುನೀ ಕಾಮರಾಗಪರೇತಾ ಕಾಮರಾಗೇನ ಪೀಳಿತಾ ಅತ್ತನೋ ಬ್ಯಞ್ಜನೇ ಮುತ್ತಪಥೇ ಉಪ್ಪಲಪತ್ತಮ್ಪಿ ಪವೇಸೇತಿ, ನ ವಟ್ಟತಿ ಪಾಚಿತ್ತಿ ಹೋತೀತಿ ಯೋಜನಾ। ಪಿ-ಸದ್ದೇನ ‘‘ಕೇಸರಮತ್ತಮ್ಪಿ ಪನ ಪವೇಸೇನ್ತಿಯಾ ಆಪತ್ತಿಯೇವಾ’’ತಿ (ಪಾಚಿ॰ ಅಟ್ಠ॰ ೮೧೨) ಅಟ್ಠಕಥಾ ಉಲ್ಲಿಙ್ಗಿತಾ।
2142. Yā pana bhikkhunī kāmarāgaparetā kāmarāgena pīḷitā attano byañjane muttapathe uppalapattampi paveseti, na vaṭṭati pācitti hotīti yojanā. Pi-saddena ‘‘kesaramattampi pana pavesentiyā āpattiyevā’’ti (pāci. aṭṭha. 812) aṭṭhakathā ulliṅgitā.
೨೧೪೩-೪. ಯದ್ಯೇವಂ ‘‘ಜತುಮಟ್ಠಕೇ ಪಾಚಿತ್ತಿಯ’’ನ್ತಿ ಕಸ್ಮಾ ವುತ್ತನ್ತಿ ಆಹ ‘‘ಇದಂ…ಪೇ॰… ಜತುಮಟ್ಠಕ’’ನ್ತಿ। ಇದಂ ಜತುಮಟ್ಠಕಂ ವತ್ಥುವಸೇನೇವ ವುತ್ತನ್ತಿ ‘‘ಅಥ ಖೋ ಸಾ ಭಿಕ್ಖುನೀ ಜತುಮಟ್ಠಕಂ ಆದಿಯಿತ್ವಾ ಧೋವಿತುಂ ವಿಸ್ಸರಿತ್ವಾ ಏಕಮನ್ತಂ ಛಡ್ಡೇಸಿ। ಭಿಕ್ಖುನಿಯೋ ಮಕ್ಖಿಕಾಹಿ ಸಮ್ಪರಿಕಿಣ್ಣಂ ಪಸ್ಸಿತ್ವಾ ಏವಮಾಹಂಸು ‘ಕಸ್ಸಿದಂ ಕಮ್ಮ’ನ್ತಿ। ಸಾ ಏವಮಾಹ ‘ಮಯ್ಹಿದಂ ಕಮ್ಮ’ನ್ತಿ। ಯಾ ತಾ ಭಿಕ್ಖುನಿಯೋ ಅಪ್ಪಿಚ್ಛಾ, ತಾ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ ‘ಕಥಞ್ಹಿ ನಾಮ ಭಿಕ್ಖುನೀ ಜತುಮಟ್ಠಕಂ ಆದಿಯಿಸ್ಸತೀ’’ತಿ (ಪಾಚಿ॰ ೮೦೬) ಆಗತವತ್ಥುವಸೇನೇವ ವುತ್ತಂ, ನ ತಂ ವಿನಾ ಅಞ್ಞಸ್ಸ ವಟ್ಟಕಸ್ಸ ಸಮ್ಭವತೋತಿ ಅಧಿಪ್ಪಾಯೋ। ಜತುಮಟ್ಠಕಂ ನಾಮ ಜತುನಾ ಕತೋ ಮಟ್ಠದಣ್ಡಕೋ।
2143-4. Yadyevaṃ ‘‘jatumaṭṭhake pācittiya’’nti kasmā vuttanti āha ‘‘idaṃ…pe… jatumaṭṭhaka’’nti. Idaṃ jatumaṭṭhakaṃ vatthuvaseneva vuttanti ‘‘atha kho sā bhikkhunī jatumaṭṭhakaṃ ādiyitvā dhovituṃ vissaritvā ekamantaṃ chaḍḍesi. Bhikkhuniyo makkhikāhi samparikiṇṇaṃ passitvā evamāhaṃsu ‘kassidaṃ kamma’nti. Sā evamāha ‘mayhidaṃ kamma’nti. Yā tā bhikkhuniyo appicchā, tā ujjhāyanti khiyyanti vipācenti ‘kathañhi nāma bhikkhunī jatumaṭṭhakaṃ ādiyissatī’’ti (pāci. 806) āgatavatthuvaseneva vuttaṃ, na taṃ vinā aññassa vaṭṭakassa sambhavatoti adhippāyo. Jatumaṭṭhakaṃ nāma jatunā kato maṭṭhadaṇḍako.
ದಣ್ಡನ್ತಿ ಏತ್ಥ ‘‘ಯಂ ಕಿಞ್ಚೀ’’ತಿ ಸೇಸೋ। ಯಥಾಹ ‘‘ಅನ್ತಮಸೋ ಉಪ್ಪಲಪತ್ತಮ್ಪಿ ಮುತ್ತಕರಣಂ ಪವೇಸೇತೀ’’ತಿ (ಪಾಚಿ॰ ೮೦೮)। ಏತಮ್ಪಿ ಚ ಅತಿಮಹನ್ತಂ, ಕೇಸರಮತ್ತಮ್ಪಿ ಪನ ಪವೇಸೇನ್ತಿಯಾ ಆಪತ್ತಿ ಏವ। ಏಳಾಲುಕನ್ತಿ ಕಕ್ಕಾರಿಫಲಂ ವಾ। ತಸ್ಮಿನ್ತಿ ಅತ್ತನೋ ಮುತ್ತಕರಣೇ।
Daṇḍanti ettha ‘‘yaṃ kiñcī’’ti seso. Yathāha ‘‘antamaso uppalapattampi muttakaraṇaṃ pavesetī’’ti (pāci. 808). Etampi ca atimahantaṃ, kesaramattampi pana pavesentiyā āpatti eva. Eḷālukanti kakkāriphalaṃ vā. Tasminti attano muttakaraṇe.
೨೧೪೫. ಆಬಾಧಪಚ್ಚಯಾತಿ ಮುತ್ತಕರಣಪ್ಪದೇಸೇ ಜಾತವಣಾದಿಮ್ಹಿ ವಣಟ್ಠಾನನಿರುಪನಾದಿಪಚ್ಚಯಾ।
2145.Ābādhapaccayāti muttakaraṇappadese jātavaṇādimhi vaṇaṭṭhānanirupanādipaccayā.
ಚತುತ್ಥಂ।
Catutthaṃ.
೨೧೪೬. ಅಗ್ಗಪಬ್ಬದ್ವಯಾಧಿಕನ್ತಿ ಅಗ್ಗಪಬ್ಬದ್ವಯತೋ ಕೇಸಗ್ಗಮತ್ತಮ್ಪಿ ಅಧಿಕಂ। ಯಥಾಹ ‘‘ಅನ್ತಮಸೋ ಕೇಸಗ್ಗಮತ್ತಮ್ಪಿ ಅತಿಕ್ಕಾಮೇತಿ, ಆಪತ್ತಿ ಪಾಚಿತ್ತಿಯಸ್ಸಾ’’ತಿ (ಪಾಚಿ॰ ೮೧೨)। ದಕಸುದ್ಧಿಂ ಕರೋನ್ತಿಯಾತಿ ಮುತ್ತಕರಣಟ್ಠಾನೇ ಧೋವನಂ ಕರೋನ್ತಿಯಾ। ಯಥಾಹ ‘‘ಉದಕಸುದ್ಧಿಕಂ ನಾಮ ಮುತ್ತಕರಣಸ್ಸ ಧೋವನಾ ವುಚ್ಚತೀ’’ತಿ (ಪಾಚಿ॰ ೮೧೨)।
2146.Aggapabbadvayādhikanti aggapabbadvayato kesaggamattampi adhikaṃ. Yathāha ‘‘antamaso kesaggamattampi atikkāmeti, āpatti pācittiyassā’’ti (pāci. 812). Dakasuddhiṃ karontiyāti muttakaraṇaṭṭhāne dhovanaṃ karontiyā. Yathāha ‘‘udakasuddhikaṃ nāma muttakaraṇassa dhovanā vuccatī’’ti (pāci. 812).
೨೧೪೭. ‘‘ತೀಣೀ’’ತಿ ಇಮಿನಾ ಏಕಙ್ಗುಲಿಯಾ ಪಬ್ಬದ್ವಯಸ್ಸ ಪವೇಸೇತ್ವಾ ಧೋವನೇ ದೋಸಾಭಾವಂ ದೀಪೇತಿ। ದೀಘತೋತಿ ಅಙ್ಗುಲಿಯಾ ದೀಘತೋ। ತೀಣಿ ಪಬ್ಬಾನಿ ಗಮ್ಭೀರತೋ ಮುತ್ತಕರಣೇ ಪವೇಸೇತ್ವಾ ಉದಕಸುದ್ಧಿಂ ಆದಿಯನ್ತಿಯಾ ಪಾಚಿತ್ತಿಯಂ ಭವೇತಿ ಯೋಜನಾ।
2147.‘‘Tīṇī’’ti iminā ekaṅguliyā pabbadvayassa pavesetvā dhovane dosābhāvaṃ dīpeti. Dīghatoti aṅguliyā dīghato. Tīṇi pabbāni gambhīrato muttakaraṇe pavesetvā udakasuddhiṃ ādiyantiyā pācittiyaṃ bhaveti yojanā.
೨೧೪೮. ತಿಸ್ಸೋ, ಚತಸ್ಸೋ ವಾ ಅಙ್ಗುಲಿಯೋ ಏಕತೋ ಕತ್ವಾ ವಿತ್ಥಾರೇನ ಪವೇಸನೇ ಏಕಪಬ್ಬೇಪಿ ಪವಿಟ್ಠೇ ‘‘ದ್ವಙ್ಗುಲಪಬ್ಬಪರಮ’’ನ್ತಿ ನಿಯಮಿತಪ್ಪಮಾಣಾತಿಕ್ಕಮತೋ ಆಹ ‘‘ಏಕಪಬ್ಬಮ್ಪಿ ಯಾ ಪನಾ’’ತಿ। ಯಾ ಪನ ಭಿಕ್ಖುನೀ ಚತುನ್ನಂ ವಾಪಿ ಅಙ್ಗುಲೀನಂ ತಿಸ್ಸನ್ನಂ ವಾಪಿ ಅಙ್ಗುಲೀನಂ ಏಕಪಬ್ಬಮ್ಪಿ ವಿತ್ಥಾರತೋ ಪವೇಸೇತಿ, ತಸ್ಸಾ ಪಾಚಿತ್ತಿಯಂ ಸಿಯಾತಿ ಯೋಜನಾ।
2148. Tisso, catasso vā aṅguliyo ekato katvā vitthārena pavesane ekapabbepi paviṭṭhe ‘‘dvaṅgulapabbaparama’’nti niyamitappamāṇātikkamato āha ‘‘ekapabbampi yā panā’’ti. Yā pana bhikkhunī catunnaṃ vāpi aṅgulīnaṃ tissannaṃ vāpi aṅgulīnaṃ ekapabbampi vitthārato paveseti, tassā pācittiyaṃ siyāti yojanā.
೨೧೪೯. ಇತೀತಿ ಏವಂ। ಸಬ್ಬಪ್ಪಕಾರೇನಾತಿ ಗಮ್ಭೀರಪವೇಸನಾದಿನಾ ಸಬ್ಬೇನ ಪಕಾರೇನ। ಅಭಿಬ್ಯತ್ತತರಂ ಕತ್ವಾತಿ ಸುಪಾಕಟತರಂ ಕತ್ವಾ। ಅಯಮತ್ಥೋತಿ ‘‘ಏಕಿಸ್ಸಙ್ಗುಲಿಯಾ ತೀಣೀ’’ತಿಆದಿನಾ ವುತ್ತೋ ಅಯಮತ್ಥೋ।
2149.Itīti evaṃ. Sabbappakārenāti gambhīrapavesanādinā sabbena pakārena. Abhibyattataraṃ katvāti supākaṭataraṃ katvā. Ayamatthoti ‘‘ekissaṅguliyā tīṇī’’tiādinā vutto ayamattho.
೨೧೫೦. ದ್ವಙ್ಗುಲಪಬ್ಬೇ ದೋಸೋ ನತ್ಥೀತಿ ಯೋಜನಾ। ಉದಕಸುದ್ಧಿಪಚ್ಚಯೇ ಪನ ಸತಿಪಿ ಫಸ್ಸಸಾದಿಯನೇ ಯಥಾವುತ್ತಪರಿಚ್ಛೇದೇ ಅನಾಪತ್ತಿ। ಅಧಿಕಮ್ಪೀತಿ ದ್ವಙ್ಗುಲಪಬ್ಬತೋ ಅಧಿಕಮ್ಪಿ। ಉದಕಸುದ್ಧಿಂ ಕರೋನ್ತಿಯಾ ದೋಸೋ ನತ್ಥೀತಿ ಯೋಜನಾ।
2150. Dvaṅgulapabbe doso natthīti yojanā. Udakasuddhipaccaye pana satipi phassasādiyane yathāvuttaparicchede anāpatti. Adhikampīti dvaṅgulapabbato adhikampi. Udakasuddhiṃ karontiyā doso natthīti yojanā.
೨೧೫೧. ತಥಾ ಉದಕಸುದ್ಧಿಂ ಕರೋನ್ತೀನಂ ಉಮ್ಮತ್ತಿಕಾದೀನಂ ಅನಾಪತ್ತಿ ಪಕಾಸಿತಾತಿ ಯೋಜನಾ।
2151. Tathā udakasuddhiṃ karontīnaṃ ummattikādīnaṃ anāpatti pakāsitāti yojanā.
ಪಞ್ಚಮಂ।
Pañcamaṃ.
೨೧೫೨. ಭುಞ್ಜತೋ ಪನ ಭಿಕ್ಖುಸ್ಸಾತಿ ಪಞ್ಚನ್ನಂ ಭೋಜನಾನಂ ಅಞ್ಞತರಂ ಭುಞ್ಜತೋ ಭಿಕ್ಖುಸ್ಸ। ಯಥಾಹ ‘‘ಭುಞ್ಜನ್ತಸ್ಸಾತಿ ಪಞ್ಚನ್ನಂ ಭೋಜನಾನಂ ಅಞ್ಞತರಂ ಭೋಜನಂ ಭುಞ್ಜನ್ತಸ್ಸಾ’’ತಿ (ಪಾಚಿ॰ ೮೧೭)। ಪಾನೀಯಂ ವಾ ವಿಧೂಪನಂ ವಾತಿ ವಕ್ಖಮಾನಂ ಪಾನೀಯಂ, ಬೀಜನೀಯಞ್ಚ। ಉಪತಿಟ್ಠೇಯ್ಯಾತಿ ‘‘ಹತ್ಥಪಾಸೇ ತಿಟ್ಠತೀ’’ತಿ (ಪಾಚಿ॰ ೮೧೭) ವಚನತೋ ಏತ್ಥ ಉಪ-ಸದ್ದೋ ಹತ್ಥಪಾಸಸಙ್ಖಾತಂ ಸಮೀಪಂ ವದತೀತಿ ವೇದಿತಬ್ಬಂ।
2152.Bhuñjato pana bhikkhussāti pañcannaṃ bhojanānaṃ aññataraṃ bhuñjato bhikkhussa. Yathāha ‘‘bhuñjantassāti pañcannaṃ bhojanānaṃ aññataraṃ bhojanaṃ bhuñjantassā’’ti (pāci. 817). Pānīyaṃ vā vidhūpanaṃvāti vakkhamānaṃ pānīyaṃ, bījanīyañca. Upatiṭṭheyyāti ‘‘hatthapāse tiṭṭhatī’’ti (pāci. 817) vacanato ettha upa-saddo hatthapāsasaṅkhātaṃ samīpaṃ vadatīti veditabbaṃ.
೨೧೫೩. ವತ್ಥಕೋಣಾದಿ ಯಾ ಕಾಚಿ ‘‘ಬೀಜನೀ’’ತಿ ವುಚ್ಚತೀತಿ ಯೋಜನಾ, ಇಮಿನಾ ‘‘ಬೀಜನಿಕಿಚ್ಚಂ ಸಮ್ಪಾದೇಸ್ಸಾಮೀ’’ತಿ ಅಧಿಟ್ಠಾಯ ಗಹಿತಚೀವರಕೋಣಪ್ಪಕಾರಂ ಯಂ ಕಿಞ್ಚಿ ‘‘ಬೀಜನೀ’’ತಿ ವುಚ್ಚತೀತಿ ಅತ್ಥೋ।
2153. Vatthakoṇādi yā kāci ‘‘bījanī’’ti vuccatīti yojanā, iminā ‘‘bījanikiccaṃ sampādessāmī’’ti adhiṭṭhāya gahitacīvarakoṇappakāraṃ yaṃ kiñci ‘‘bījanī’’ti vuccatīti attho.
೨೧೫೪. ‘‘ಅಥ ಖೋ ಸಾ ಭಿಕ್ಖುನೀ ತಸ್ಸ ಭಿಕ್ಖುನೋ ಭುಞ್ಜನ್ತಸ್ಸ ಪಾನೀಯೇನ ಚ ವಿಧೂಪನೇನ ಚ ಉಪತಿಟ್ಠಿತ್ವಾ ಅಚ್ಚಾವದತಿ। ಅಥ ಖೋ ಸೋ ಭಿಕ್ಖು ತಂ ಭಿಕ್ಖುನಿಂ ಅಪಸಾದೇತಿ ‘ಮಾ, ಭಗಿನಿ, ಏವರೂಪಂ ಅಕಾಸಿ, ನೇತಂ ಕಪ್ಪತೀ’ತಿ। ‘ಪುಬ್ಬೇ ಮಂ ತ್ವಂ ಏವಞ್ಚ ಏವಞ್ಚ ಕರೋಸಿ, ಇದಾನಿ ಏತ್ತಕಂ ನ ಸಹಸೀ’ತಿ ಪಾನೀಯಥಾಲಕಂ ಮತ್ಥಕೇ ಆಸುಮ್ಭಿತ್ವಾ ವಿಧೂಪನೇನ ಪಹಾರಂ ಅದಾಸೀ’’ತಿ (ಪಾಚಿ॰ ೮೧೫) ಇಮಸ್ಮಿಂ ವತ್ಥುಮ್ಹಿ ಭಿಕ್ಖೂಹಿ ಆರೋಚಿತೇ ‘‘ಕಥಞ್ಹಿ ನಾಮ, ಭಿಕ್ಖವೇ, ಭಿಕ್ಖುನೀ ಭಿಕ್ಖುಸ್ಸ ಪಹಾರಂ ದಸ್ಸತೀ’’ತಿಆದೀನಿ (ಪಾಚಿ॰ ೮೧೫) ವತ್ವಾ ‘‘ಯಾ ಪನ ಭಿಕ್ಖುನೀ ಭಿಕ್ಖುಸ್ಸ ಭುಞ್ಜನ್ತಸ್ಸ ಪಾನೀಯೇನ ವಾ ವಿಧೂಪನೇನ ವಾ ಉಪತಿಟ್ಠೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೮೧೬) ವುತ್ತತ್ತಾ ಪಹಾರಪಚ್ಚಯಾ ನು ಖೋತಿ ಆಸಙ್ಕಂ ನಿವತ್ತೇತುಮಾಹ ‘‘ಹತ್ಥಪಾಸೇ ಇಧ ಠಾನಪಚ್ಚಯಾಪತ್ತಿ ದೀಪಿತಾ’’ತಿ। ಏತ್ಥ ಚ ಆಸುಮ್ಭಿತ್ವಾತಿ ಪಾತೇತ್ವಾ। ಇಧಾತಿ ಇಮಸ್ಮಿಂ ಸಿಕ್ಖಾಪದೇ। ‘‘ನ, ಭಿಕ್ಖವೇ, ಭಿಕ್ಖುನಿಯಾ ಭಿಕ್ಖುಸ್ಸ ಪಹಾರೋ ದಾತಬ್ಬೋ। ಯಾ ದದೇಯ್ಯ, ಆಪತ್ತಿ ದುಕ್ಕಟಸ್ಸಾ’’ತಿ (ಚೂಳವ॰ ೪೨೦) ಭಿಕ್ಖುನಿಕ್ಖನ್ಧಕೇ ವುತ್ತಂ ಗಹೇತ್ವಾ ಆಹ ‘‘ಪಹಾರಪಚ್ಚಯಾ ವುತ್ತಂ, ಖನ್ಧಕೇ ದುಕ್ಕಟಂ ವಿಸು’’ನ್ತಿ। ಇಮಿನಾ ವುತ್ತಸ್ಸೇವತ್ಥಸ್ಸ ಕಾರಣಂ ದಸ್ಸಿತಂ ಹೋತಿ।
2154. ‘‘Atha kho sā bhikkhunī tassa bhikkhuno bhuñjantassa pānīyena ca vidhūpanena ca upatiṭṭhitvā accāvadati. Atha kho so bhikkhu taṃ bhikkhuniṃ apasādeti ‘mā, bhagini, evarūpaṃ akāsi, netaṃ kappatī’ti. ‘Pubbe maṃ tvaṃ evañca evañca karosi, idāni ettakaṃ na sahasī’ti pānīyathālakaṃ matthake āsumbhitvā vidhūpanena pahāraṃ adāsī’’ti (pāci. 815) imasmiṃ vatthumhi bhikkhūhi ārocite ‘‘kathañhi nāma, bhikkhave, bhikkhunī bhikkhussa pahāraṃ dassatī’’tiādīni (pāci. 815) vatvā ‘‘yā pana bhikkhunī bhikkhussa bhuñjantassa pānīyena vā vidhūpanena vā upatiṭṭheyya, pācittiya’’nti (pāci. 816) vuttattā pahārapaccayā nu khoti āsaṅkaṃ nivattetumāha ‘‘hatthapāse idha ṭhānapaccayāpatti dīpitā’’ti. Ettha ca āsumbhitvāti pātetvā. Idhāti imasmiṃ sikkhāpade. ‘‘Na, bhikkhave, bhikkhuniyā bhikkhussa pahāro dātabbo. Yā dadeyya, āpatti dukkaṭassā’’ti (cūḷava. 420) bhikkhunikkhandhake vuttaṃ gahetvā āha ‘‘pahārapaccayā vuttaṃ, khandhake dukkaṭaṃ visu’’nti. Iminā vuttassevatthassa kāraṇaṃ dassitaṃ hoti.
೨೧೫೫. ಹತ್ಥಪಾಸಂ ಜಹಿತ್ವಾತಿ ಏತ್ಥ ‘‘ಭೋಜನಂ ಭುಞ್ಜತೋ’’ತಿ ಚ ಖಾದನಂ ಖಾದತೋತಿ ಏತ್ಥ ‘‘ಹತ್ಥಪಾಸೇ’’ತಿ ಚ ವತ್ತಬ್ಬಂ । ಭೋಜನಂ ಭುಞ್ಜತೋ ಹತ್ಥಪಾಸಂ ಜಹಿತ್ವಾ ಉಪತಿಟ್ಠನ್ತಿಯಾ ವಾ ಖಾದನಂ ಖಾದತೋ ಹತ್ಥಪಾಸೇ ಉಪತಿಟ್ಠನ್ತಿಯಾ ವಾ ಹೋತಿ ಆಪತ್ತಿ ದುಕ್ಕಟನ್ತಿ ಯೋಜನಾ।
2155.Hatthapāsaṃ jahitvāti ettha ‘‘bhojanaṃ bhuñjato’’ti ca khādanaṃ khādatoti ettha ‘‘hatthapāse’’ti ca vattabbaṃ . Bhojanaṃ bhuñjato hatthapāsaṃ jahitvā upatiṭṭhantiyā vā khādanaṃ khādato hatthapāse upatiṭṭhantiyā vā hoti āpatti dukkaṭanti yojanā.
೨೧೫೬. ದೇತೀತಿ ಪಾನೀಯಂ ವಾ ಸೂಪಾದಿಂ ವಾ ‘‘ಇಮಂ ಪಿವಥ, ಇಮಿನಾ ಭುಞ್ಜಥಾ’’ತಿ ದೇತಿ। ತಾಲವಣ್ಟಂ ‘‘ಇಮಿನಾ ಬೀಜನ್ತಾ ಭುಞ್ಜಥಾ’’ತಿ ದೇತಿ। ದಾಪೇತೀತಿ ಅಞ್ಞೇನ ಉಭಯಮ್ಪಿ ದಾಪೇತಿ। ಇದಂ ಸಿಕ್ಖಾಪದಂ ಸಮುಟ್ಠಾನತೋ ಏಳಕಲೋಮೇನ ಸಮಂ ಮತನ್ತಿ ಯೋಜನಾ।
2156.Detīti pānīyaṃ vā sūpādiṃ vā ‘‘imaṃ pivatha, iminā bhuñjathā’’ti deti. Tālavaṇṭaṃ ‘‘iminā bījantā bhuñjathā’’ti deti. Dāpetīti aññena ubhayampi dāpeti. Idaṃ sikkhāpadaṃ samuṭṭhānato eḷakalomena samaṃ matanti yojanā.
ಛಟ್ಠಂ।
Chaṭṭhaṃ.
೨೧೫೭. ವಿಞ್ಞತ್ವಾತಿ ಸಯಂ ವಿಞ್ಞತ್ವಾ, ಅಞ್ಞಾಯ ವಾ ವಿಞ್ಞಾಪೇತ್ವಾ। ‘‘ವಿಞ್ಞತ್ವಾ ವಾ ವಿಞ್ಞಾಪೇತ್ವಾ ವಾ’’ತಿ (ಪಾಚಿ॰ ೮೨೧) ಹಿ ಸಿಕ್ಖಾಪದಂ। ಆಮಕಂ ಧಞ್ಞನ್ತಿ ಅಪಕ್ಕಂ ಅಭಟ್ಠಂ ಸಾಲಿಆದಿಕಂ ಸತ್ತವಿಧಂ ಧಞ್ಞಂ। ಯಥಾಹ – ‘‘ಆಮಕಧಞ್ಞಂ ನಾಮ ಸಾಲಿ ವೀಹಿ ಯವೋ ಗೋಧುಮೋ ಕಙ್ಗು ವರಕೋ ಕುದ್ರೂಸಕೋ’’ತಿ (ಪಾಚಿ॰ ೮೨೨)। ಕೋಟ್ಟೇತ್ವಾತಿ ಮುಸಲೇಹಿ ಕೋಟ್ಟೇತ್ವಾ। ಯದಿ ಪರಿಭುಞ್ಜತೀತಿ ಯೋಜನಾ।
2157.Viññatvāti sayaṃ viññatvā, aññāya vā viññāpetvā. ‘‘Viññatvā vā viññāpetvā vā’’ti (pāci. 821) hi sikkhāpadaṃ. Āmakaṃ dhaññanti apakkaṃ abhaṭṭhaṃ sāliādikaṃ sattavidhaṃ dhaññaṃ. Yathāha – ‘‘āmakadhaññaṃ nāma sāli vīhi yavo godhumo kaṅgu varako kudrūsako’’ti (pāci. 822). Koṭṭetvāti musalehi koṭṭetvā. Yadi paribhuñjatīti yojanā.
೨೧೫೮-೬೦. ‘‘ಭುಞ್ಜಿಸ್ಸಾಮೀತಿ ಪಟಿಗ್ಗಣ್ಹಾತಿ, ಆಪತ್ತಿ ದುಕ್ಕಟಸ್ಸಾತಿ ಇದಂ ಪಯೋಗದುಕ್ಕಟಂ ನಾಮ, ತಸ್ಮಾ ನ ಕೇವಲಂ ಪಟಿಗ್ಗಹಣೇಯೇವ ದುಕ್ಕಟಂ ಹೋತೀ’’ತಿಆದಿನಾ (ಪಾಚಿ॰ ಅಟ್ಠ॰ ೮೨೨) ಅಟ್ಠಕಥಾಗತಂ ವಿಭಾಗಂ ದಸ್ಸೇತುಮಾಹ ‘‘ನ ಕೇವಲಂ ತು ಧಞ್ಞಾನ’’ನ್ತಿಆದಿ। ಪನಾತಿ ಅಪಿ-ಸದ್ದತ್ಥೇ, ಸುಕ್ಖಾಪನೇಪೀತಿ ಅತ್ಥೋ। ಭಜ್ಜನತ್ಥಾಯಾತಿ ಏತ್ಥ ‘‘ವದ್ದಲಿದಿವಸೇ’’ತಿ ಸೇಸೋ। ‘‘ಕಪಲ್ಲಸಜ್ಜನೇ ಉದ್ಧನಸಜ್ಜನೇ’’ತಿ ಪಚ್ಚೇಕಂ ಯೋಜೇತಬ್ಬಂ। ದಬ್ಬಿಸಜ್ಜನೇತಿ ಕಟಚ್ಛುಸಮ್ಪಾದನೇ। ತತ್ಥ ಕಪಲ್ಲಕೇ ಧಞ್ಞಪಕ್ಖಿಪನೇತಿ ಯೋಜನಾ। ‘‘ಘಟ್ಟನಕೋಟ್ಟನೇ’’ತಿ ವತ್ತಬ್ಬೇ ಗಾಥಾಬನ್ಧವಸೇನ ನ-ಕಾರಲೋಪಂ ಕತ್ವಾ ‘‘ಘಟ್ಟಕೋಟ್ಟನೇ’’ತಿ ವುತ್ತಂ।
2158-60. ‘‘Bhuñjissāmīti paṭiggaṇhāti, āpatti dukkaṭassāti idaṃ payogadukkaṭaṃ nāma, tasmā na kevalaṃ paṭiggahaṇeyeva dukkaṭaṃ hotī’’tiādinā (pāci. aṭṭha. 822) aṭṭhakathāgataṃ vibhāgaṃ dassetumāha ‘‘na kevalaṃ tu dhaññāna’’ntiādi. Panāti api-saddatthe, sukkhāpanepīti attho. Bhajjanatthāyāti ettha ‘‘vaddalidivase’’ti seso. ‘‘Kapallasajjane uddhanasajjane’’ti paccekaṃ yojetabbaṃ. Dabbisajjaneti kaṭacchusampādane. Tattha kapallake dhaññapakkhipaneti yojanā. ‘‘Ghaṭṭanakoṭṭane’’ti vattabbe gāthābandhavasena na-kāralopaṃ katvā ‘‘ghaṭṭakoṭṭane’’ti vuttaṃ.
೨೧೬೧-೩. ಪಮಾಣ-ಸದ್ದಸ್ಸ ಆವತ್ತಲಿಙ್ಗಸಙ್ಖ್ಯತ್ತಾ ಆಹ ‘‘ಭೋಜನಞ್ಚೇವ ವಿಞ್ಞತ್ತಿಪಮಾಣ’’ನ್ತಿ । ಆವತ್ತಲಿಙ್ಗಸಙ್ಖ್ಯತ್ತಂ ನಾಮ ನಿಯತಲಿಙ್ಗೇಕತ್ತಬಹುತ್ತಂ। ತಥಾ ಹೇತ್ಥ ಪಮಾಣ-ಸದ್ದೋ ನಿಯತನಪುಂಸಕಲಿಙ್ಗೇ ನಿಯತೇಕತ್ತಂ ವುಚ್ಚತಿ। ಏತ್ಥ ಇಮಸ್ಮಿಂ ಸಿಕ್ಖಾಪದೇ ಭೋಜನಞ್ಚೇವ ವಿಞ್ಞತ್ತಿ ಚಾತಿ ಇದಂ ದ್ವಯಂ ಹಿ ಯಸ್ಮಾ ಪಮಾಣಂ, ತಸ್ಮಾ ಸಯಂ ವಿಞ್ಞತ್ವಾ ವಾ ಅಞ್ಞತೋ ಭಜ್ಜನಾದೀನಿ ಕಾರಾಪೇತ್ವಾ ವಾ ಅಞ್ಞಾಯ ಪನ ವಿಞ್ಞಾಪೇತ್ವಾ ಸಯಂ ಭಜ್ಜನಾದೀನಿ ಕತ್ವಾ ವಾ ಯಾ ಪನ ಭಿಕ್ಖುನೀ ಅಜ್ಝೋಹರತಿ, ತಸ್ಸಾ ಅಜ್ಝೋಹಾರಪಯೋಗೇಸು ಪಾಚಿತ್ತಿಯೋ ಸಿಯುನ್ತಿ ಯೋಜನಾ।
2161-3. Pamāṇa-saddassa āvattaliṅgasaṅkhyattā āha ‘‘bhojanañceva viññattipamāṇa’’nti . Āvattaliṅgasaṅkhyattaṃ nāma niyataliṅgekattabahuttaṃ. Tathā hettha pamāṇa-saddo niyatanapuṃsakaliṅge niyatekattaṃ vuccati. Ettha imasmiṃ sikkhāpade bhojanañceva viññatti cāti idaṃ dvayaṃ hi yasmā pamāṇaṃ, tasmā sayaṃ viññatvā vā aññato bhajjanādīni kārāpetvā vā aññāya pana viññāpetvā sayaṃ bhajjanādīni katvā vā yā pana bhikkhunī ajjhoharati, tassā ajjhohārapayogesu pācittiyo siyunti yojanā.
ಮಹಾಪಚ್ಚರಿಯಂ (ಪಾಚಿ॰ ಅಟ್ಠ॰ ೮೨೩) ವುತ್ತಂ ವಿನಿಚ್ಛಯಂ ದಸ್ಸೇತುಮಾಹ ‘‘ಮಾತರಂ ವಾ’’ತಿಆದಿ। ಮಾತರಂ ವಾಪಿ ಯಾಚಿತ್ವಾತಿ ಏತ್ಥ ವಾ-ಸದ್ದೋ ಅತ್ಥನ್ತರವಿಕಪ್ಪನೇ। ಪಿ-ಸದ್ದೋ ಸಮ್ಭಾವನೇ। ಮಾತರಂ ವಾ ಪಿತರಂ ವಾ ಅಞ್ಞಂ ವಾ ಞಾತಕಂ ವಾ ಪವಾರಿತಂ ವಾ ಆಮಕಧಞ್ಞಂ ಯಾಚಿತ್ವಾ ವಾ ಅಞ್ಞಾಯ ಕಾರಾಪೇತ್ವಾ ವಾ ಯಾ ಪರಿಭುಞ್ಜತಿ, ತಸ್ಸಾ ಪಾಚಿತ್ತೀತಿ ಯೋಜನಾ।
Mahāpaccariyaṃ (pāci. aṭṭha. 823) vuttaṃ vinicchayaṃ dassetumāha ‘‘mātaraṃ vā’’tiādi. Mātaraṃ vāpi yācitvāti ettha vā-saddo atthantaravikappane. Pi-saddo sambhāvane. Mātaraṃ vā pitaraṃ vā aññaṃ vā ñātakaṃ vā pavāritaṃ vā āmakadhaññaṃ yācitvā vā aññāya kārāpetvā vā yā paribhuñjati, tassā pācittīti yojanā.
೨೧೬೪. ಅವಿಞ್ಞತ್ತಿಯಾ ಲದ್ಧಂ ಸಯಂ ವಾ ಭಜ್ಜನಾದೀನಿ ಕತ್ವಾ ವಾ ಅಞ್ಞಾಯ ಕಾರಾಪೇತ್ವಾ ವಾ ಯಾ ಪರಿಭುಞ್ಜತಿ, ತಸ್ಸಾ ದುಕ್ಕಟನ್ತಿ ಯೋಜನಾ।
2164. Aviññattiyā laddhaṃ sayaṃ vā bhajjanādīni katvā vā aññāya kārāpetvā vā yā paribhuñjati, tassā dukkaṭanti yojanā.
೨೧೬೫. ಅಞ್ಞಾಯ ಪನ ವಿಞ್ಞತ್ತಿಯಾ ಲದ್ಧಂ ತಾಯ ಕಾರಾಪೇತ್ವಾಪಿ ಸಯಂ ಕತ್ವಾ ವಾ ಅಜ್ಝೋಹರನ್ತಿಯಾ ತಥಾ ಆಪತ್ತಿ ದುಕ್ಕಟನ್ತಿ ಯೋಜನಾ। ಇದಞ್ಚ ಮಹಾಪಚ್ಚರಿಯಾಗತನಯಂ ಗಹೇತ್ವಾ ವುತ್ತಂ। ಮಹಾಅಟ್ಠಕಥಾಯಂ ಪನ ‘‘ಅಞ್ಞಾಯ ವಿಞ್ಞತ್ತಂ ಭುಞ್ಜನ್ತಿಯಾ ದುಕ್ಕಟ’’ನ್ತಿ (ಪಾಚಿ॰ ಅಟ್ಠ॰ ೮೨೨) ವುತ್ತತ್ತಾ ವಿಞ್ಞತ್ತಿಯಾಪಿ ಅಞ್ಞಾಯ ಲದ್ಧಂ ಆಮಕಂ ಧಞ್ಞಂ ತಾಯ ಕಾರಾಪೇತ್ವಾ ವಾ ಸಯಂ ಕತ್ವಾ ವಾ ಪರಿಭುಞ್ಜನ್ತಸ್ಸಾಪಿ ದುಕ್ಕಟಮೇವ ವುತ್ತನ್ತಿ ವೇದಿತಬ್ಬಂ।
2165. Aññāya pana viññattiyā laddhaṃ tāya kārāpetvāpi sayaṃ katvā vā ajjhoharantiyā tathā āpatti dukkaṭanti yojanā. Idañca mahāpaccariyāgatanayaṃ gahetvā vuttaṃ. Mahāaṭṭhakathāyaṃ pana ‘‘aññāya viññattaṃ bhuñjantiyā dukkaṭa’’nti (pāci. aṭṭha. 822) vuttattā viññattiyāpi aññāya laddhaṃ āmakaṃ dhaññaṃ tāya kārāpetvā vā sayaṃ katvā vā paribhuñjantassāpi dukkaṭameva vuttanti veditabbaṃ.
೨೧೬೬-೭. ಸೇದಕಮ್ಮಾದಿಅತ್ಥಾಯಾತಿ ವಾತರೋಗಾದಿನಾ ಆತುರಾನಂ ಸೇದನಾದಿಪಟಿಕಾರತ್ಥಾಯ। ಇಧ ‘‘ಅಞ್ಞಾತಕಅಪ್ಪವಾರಿತಟ್ಠಾನೇಪೀ’’ತಿ ಸೇಸೋ। ಭಿಕ್ಖೂನಮ್ಪಿ ಏಸೇವ ನಯೋ। ಠಪೇತ್ವಾ ಸತ್ತ ಧಞ್ಞಾನಿ ಞಾತಕಪವಾರಿತಟ್ಠಾನೇ ಸೇಸವಿಞ್ಞತ್ತಿಯಾಪಿ ಅನಾಪತ್ತೀತಿ ಞಾತಬ್ಬನ್ತಿ ಯೋಜನಾ। ಸೇಸವಿಞ್ಞತ್ತಿಯಾತಿ ಮುಗ್ಗಮಾಸಅಲಾಬುಕುಮ್ಭಣ್ಡಕಾದೀನಂ ವುತ್ತಧಞ್ಞಾವಸೇಸಾನಂ ವಿಞ್ಞತ್ತಿಯಾ।
2166-7.Sedakammādiatthāyāti vātarogādinā āturānaṃ sedanādipaṭikāratthāya. Idha ‘‘aññātakaappavāritaṭṭhānepī’’ti seso. Bhikkhūnampi eseva nayo. Ṭhapetvā satta dhaññāni ñātakapavāritaṭṭhāne sesaviññattiyāpi anāpattīti ñātabbanti yojanā. Sesaviññattiyāti muggamāsaalābukumbhaṇḍakādīnaṃ vuttadhaññāvasesānaṃ viññattiyā.
ಸಾಲಿಆದೀನಂ ಸತ್ತನ್ನಂ ಧಞ್ಞಾನಂ ದುಕ್ಕಟಸ್ಸ ವುತ್ತತ್ತಾ, ಅನಾಮಾಸತ್ತಾ ಚ ಸಬ್ಬೇನ ಸಬ್ಬಂ ನ ವಟ್ಟನ್ತೀತಿ ದಸ್ಸೇತುಮಾಹ ‘‘ಞಾತಕಾನಮ್ಪೀ’’ತಿಆದಿ।
Sāliādīnaṃ sattannaṃ dhaññānaṃ dukkaṭassa vuttattā, anāmāsattā ca sabbena sabbaṃ na vaṭṭantīti dassetumāha ‘‘ñātakānampī’’tiādi.
೨೧೬೮. ಲದ್ಧನ್ತಿ ಲಬ್ಭಮಾನಂ। ನವಕಮ್ಮೇಸೂತಿ ನವಕಮ್ಮತ್ಥಾಯ, ನಿಮಿತ್ತತ್ಥೇ ಭುಮ್ಮಂ। ಏತ್ಥ ‘‘ಸಮ್ಪಟಿಚ್ಛಿತು’’ನ್ತಿ ಸೇಸೋ। ‘‘ಅವಿಞ್ಞತ್ತಿಯಾ ಲಬ್ಭಮಾನಂ ಪನ ನವಕಮ್ಮತ್ಥಾಯ ಸಮ್ಪಟಿಚ್ಛಿತುಂ ವಟ್ಟತೀ’’ತಿ (ಪಾಚಿ॰ ಅಟ್ಠ॰ ೮೨೩) ಮಹಾಪಚ್ಚರಿಯಂ ವುತ್ತಂ।
2168.Laddhanti labbhamānaṃ. Navakammesūti navakammatthāya, nimittatthe bhummaṃ. Ettha ‘‘sampaṭicchitu’’nti seso. ‘‘Aviññattiyā labbhamānaṃ pana navakammatthāya sampaṭicchituṃ vaṭṭatī’’ti (pāci. aṭṭha. 823) mahāpaccariyaṃ vuttaṃ.
ಸತ್ತಮಂ।
Sattamaṃ.
೨೧೬೯. ಸಙ್ಕಾರನ್ತಿ ಕಚವರಂ। ವಿಘಾಸಕಂ ವಾತಿ ಉಚ್ಛಿಟ್ಠಕಮಚ್ಛಕಣ್ಟಕಮಂಸಟ್ಠಿಚಲಕಮುಖಧೋವನಾದಿಕಂ ಯಂ ಕಿಞ್ಚಿ। ಛಡ್ಡೇಯ್ಯ ವಾತಿ ಏತ್ಥ ‘‘ಸಯ’’ನ್ತಿ ಸೇಸೋ ‘‘ಛಡ್ಡಾಪೇಯ್ಯ ಪರೇಹೀ’’ತಿ ವಕ್ಖಮಾನತ್ತಾ। ಕುಟ್ಟಸ್ಸ ತಿರೋ ತಿರೋಕುಟ್ಟಂ, ತಸ್ಮಿಂ, ಕುಟ್ಟಸ್ಸ ಪರಭಾಗೇತಿ ಅತ್ಥೋ। ‘‘ಪಾಕಾರೇಪಿ ಅಯಂ ನಯೋ’’ತಿ ವಕ್ಖಮಾನತ್ತಾ ಕುಟ್ಟನ್ತಿ ವಾ ಬ್ಯತಿರಿತ್ತಾ ಭಿತ್ತಿ ಗಹೇತಬ್ಬಾ।
2169.Saṅkāranti kacavaraṃ. Vighāsakaṃ vāti ucchiṭṭhakamacchakaṇṭakamaṃsaṭṭhicalakamukhadhovanādikaṃ yaṃ kiñci. Chaḍḍeyya vāti ettha ‘‘saya’’nti seso ‘‘chaḍḍāpeyya parehī’’ti vakkhamānattā. Kuṭṭassa tiro tirokuṭṭaṃ, tasmiṃ, kuṭṭassa parabhāgeti attho. ‘‘Pākārepi ayaṃ nayo’’ti vakkhamānattā kuṭṭanti vā byatirittā bhitti gahetabbā.
೨೧೭೧. ಏಕಾತಿ ಏತ್ಥ ಆಪತ್ತೀತಿ ಸೇಸೋ। ‘‘ತಸ್ಸಾ’’ತಿ ಇಮಿನಾ ಸಮ್ಬನ್ಧೋ।
2171.Ekāti ettha āpattīti seso. ‘‘Tassā’’ti iminā sambandho.
೨೧೭೨. ಛಡ್ಡನೇತಿ ಏತ್ಥ ಪಿ-ಸದ್ದೋ ಲುತ್ತನಿದ್ದಿಟ್ಠೋ। ದನ್ತಕಟ್ಠಸ್ಸ ಛಡ್ಡನೇಪಿ ಭಿಕ್ಖುನಿಯಾ ಪಾಚಿತ್ತಿ ಪರಿದೀಪಿತಾತಿ ಯೋಜನಾ।
2172.Chaḍḍaneti ettha pi-saddo luttaniddiṭṭho. Dantakaṭṭhassa chaḍḍanepi bhikkhuniyā pācitti paridīpitāti yojanā.
೨೧೭೩-೪. ಸಬ್ಬತ್ಥಾತಿ ವುತ್ತಪ್ಪಕಾರೇಸು ಸಬ್ಬೇಸು ವಿಕಪ್ಪೇಸು। ಅನಾಪತ್ತಿವಿಸಯಂ ದಸ್ಸೇತುಮಾಹ ‘‘ಅವಲಞ್ಜೇಪೀ’’ತಿಆದಿ। ಅವಲಞ್ಜೇ ಠಾನೇ ಅನೋಲೋಕೇತ್ವಾ ಛಡ್ಡೇನ್ತಿಯಾಪಿ ವಾ ವಲಞ್ಜೇ ಠಾನೇ ಓಲೋಕೇತ್ವಾಪಿ ವಾ ಪನ ಛಡ್ಡೇನ್ತಿಯಾ ಅನಾಪತ್ತೀತಿ ಯೋಜನಾ। ಛಡ್ಡನಂ ಕ್ರಿಯಂ। ಅನೋಲೋಕನಂ ಅಕ್ರಿಯಂ।
2173-4.Sabbatthāti vuttappakāresu sabbesu vikappesu. Anāpattivisayaṃ dassetumāha ‘‘avalañjepī’’tiādi. Avalañje ṭhāne anoloketvā chaḍḍentiyāpi vā valañje ṭhāne oloketvāpi vā pana chaḍḍentiyā anāpattīti yojanā. Chaḍḍanaṃ kriyaṃ. Anolokanaṃ akriyaṃ.
ಅಟ್ಠಮಂ।
Aṭṭhamaṃ.
೨೧೭೫-೬. ಯಾ ಪನ ಭಿಕ್ಖುನೀ ಖೇತ್ತೇ ವಾ ನಾಳಿಕೇರಾದಿಆರಾಮೇ ವಾ ಯತ್ಥ ಕತ್ಥಚಿ ರೋಪಿಮೇ ಹರಿತಟ್ಠಾನೇ ತಾನಿ ವಿಘಾಸುಚ್ಚಾರಸಙ್ಕಾರಮುತ್ತಸಙ್ಖಾತಾನಿ ಚತ್ತಾರಿ ವತ್ಥೂನಿ ಸಚೇ ಸಯಂ ಛಡ್ಡೇತಿ ವಾ, ತಥಾ ಪರೇ ಛಡ್ಡಾಪೇತಿ ವಾ, ತಸ್ಸಾ ಭಿಕ್ಖುನಿಯಾ ಆಪತ್ತಿವಿನಿಚ್ಛಯೋ ವುತ್ತನಯೋ ‘‘ಏಕೇಕ’’ಮಿಚ್ಚಾದಿನಾ ಯಥಾವುತ್ತಪಕಾರೋತಿ ಯೋಜನಾ।
2175-6. Yā pana bhikkhunī khette vā nāḷikerādiārāme vā yattha katthaci ropime haritaṭṭhāne tāni vighāsuccārasaṅkāramuttasaṅkhātāni cattāri vatthūni sace sayaṃ chaḍḍeti vā, tathā pare chaḍḍāpeti vā, tassā bhikkhuniyā āpattivinicchayo vuttanayo ‘‘ekeka’’miccādinā yathāvuttapakāroti yojanā.
೨೧೭೭-೮. ಯಾ ಪನ ಭಿಕ್ಖುನೀ ಹರಿತೇ ಖೇತ್ತೇ ನಿಸೀದಿತ್ವಾ ಭುಞ್ಜಮಾನಾ ವಾ ತಥಾ ಹರಿತೇ ತತ್ಥ ಖೇತ್ತೇ ಉಚ್ಛುಆದೀನಿ ಖಾದನ್ತಿ ಖಾದಮಾನಾ ಗಚ್ಛನ್ತೀ ವಾ ಯದಿ ಉಚ್ಛಿಟ್ಠಂ ಉದಕಂ ವಾ ಚಲಕಾದಿಂ ವಾ ಛಡ್ಡೇತಿ, ತಸ್ಸಾ ಪಾಚಿತ್ತಿಯಂ ಹೋತೀತಿ ಯೋಜನಾ। ಚಲಕಂ ನಾಮ ವಮಿಕರಂ।
2177-8.Yā pana bhikkhunī harite khette nisīditvā bhuñjamānā vā tathā harite tattha khette ucchuādīni khādanti khādamānā gacchantī vā yadi ucchiṭṭhaṃ udakaṃ vā calakādiṃ vā chaḍḍeti, tassā pācittiyaṃ hotīti yojanā. Calakaṃ nāma vamikaraṃ.
೨೧೭೯. ತಾದಿಸೇ ಹರಿತೇ ಠಾನೇ ಅನ್ತಮಸೋ ಮತ್ಥಕಛಿನ್ನಂ ನಾಳಿಕೇರಮ್ಪಿ ಜಲಂ ಪಿವಿತ್ವಾ ಛಡ್ಡೇನ್ತಿಯಾ ಆಪತ್ತಿ ಸಿಯಾತಿ ಯೋಜನಾ।
2179.Tādise harite ṭhāne antamaso matthakachinnaṃ nāḷikerampi jalaṃ pivitvā chaḍḍentiyā āpatti siyāti yojanā.
೨೧೮೦. ಸಬ್ಬೇಸನ್ತಿ ಭಿಕ್ಖುಭಿಕ್ಖುನೀನಂ।
2180.Sabbesanti bhikkhubhikkhunīnaṃ.
೨೧೮೧. ಲಾಯಿತಮ್ಪಿ ಖೇತ್ತಂ ಪುನ ರೋಹಣತ್ಥಾಯ ಮನುಸ್ಸಾ ರಕ್ಖನ್ತಿ ಚೇ, ತತ್ಥ ತಸ್ಮಿಂ ಖೇತ್ತೇ ವಿಘಾಸುಚ್ಚಾರಾದೀನಿ ಛಡ್ಡೇನ್ತಿಯಾ ಅಸ್ಸಾ ಭಿಕ್ಖುನಿಯಾ ಯಥಾವತ್ಥುಕಮೇವ ಹಿ ಪಾಚಿತ್ತಿಯಮೇವಾತಿ ಯೋಜನಾ। ‘‘ಅಸ್ಸಾ ಯಥಾವತ್ಥುಕ’’ನ್ತಿ ಇಮಿನಾ ಭಿಕ್ಖುಸ್ಸ ದುಕ್ಕಟನ್ತಿ ವುತ್ತಮೇವ ಹೋತಿ।
2181. Lāyitampi khettaṃ puna rohaṇatthāya manussā rakkhanti ce, tattha tasmiṃ khette vighāsuccārādīni chaḍḍentiyā assā bhikkhuniyā yathāvatthukameva hi pācittiyamevāti yojanā. ‘‘Assā yathāvatthuka’’nti iminā bhikkhussa dukkaṭanti vuttameva hoti.
೨೧೮೨. ಛಡ್ಡಿತೇ ಖೇತ್ತೇತಿ ಮನುಸ್ಸೇಹಿ ಉದ್ಧಟಸಸ್ಸೇ ಖೇತ್ತೇ। ಯಥಾಹ – ‘‘ಮನುಸ್ಸೇಸು ಸಸ್ಸಂ ಉದ್ಧರಿತ್ವಾ ಗತೇಸು ಛಡ್ಡಿತಖೇತ್ತಂ ನಾಮ ಹೋತಿ, ತತ್ಥ ವಟ್ಟತೀ’’ತಿ (ಪಾಚಿ॰ ಅಟ್ಠ॰ ೮೩೦)। ಏವಂ ಅಕತೇಪಿ ಖೇತ್ತೇ ಸಾಮಿಕೇ ಆಪುಚ್ಛಿತ್ವಾ ಕಾತುಂ ವಟ್ಟತಿ। ಯಥಾಹ ‘‘ಸಾಮಿಕೇ ಅಪಲೋಕೇತ್ವಾ ಛಡ್ಡೇತೀ’’ತಿ (ಪಾಚಿ॰ ೮೩೨)। ಇಧ ಖೇತ್ತಪಾಲಕಾ, ಆರಾಮಾದಿಗೋಪಕಾ ಚ ಸಾಮಿಕಾ ಏವ। ಸಙ್ಘಸ್ಸ ಖೇತ್ತೇ, ಆರಾಮೇ ಚ ಸಚೇ ‘‘ತತ್ಥ ಕಚವರಂ ನ ಛಡ್ಡೇತಬ್ಬ’’ನ್ತಿ ಕತಿಕಾ ನತ್ಥಿ, ಭಿಕ್ಖುಸ್ಸ ಛಡ್ಡೇತುಂ ವಟ್ಟತಿ ಸಙ್ಘಪರಿಯಾಪನ್ನತ್ತಾ, ನ ಭಿಕ್ಖುನೀನಂ। ತಾಸಂ ಪನ ಭಿಕ್ಖುಸಙ್ಘೇ ವುತ್ತನಯೇನ ನ ವಟ್ಟತಿ, ನ ತಸ್ಸ ಭಿಕ್ಖುಸ್ಸ, ಏವಂ ಸನ್ತೇಪಿ ಸಾರುಪ್ಪವಸೇನ ಕಾತಬ್ಬನ್ತಿ। ಸಬ್ಬನ್ತಿ ಉಚ್ಚಾರಾದಿ ಚತುಬ್ಬಿಧಂ।
2182.Chaḍḍite khetteti manussehi uddhaṭasasse khette. Yathāha – ‘‘manussesu sassaṃ uddharitvā gatesu chaḍḍitakhettaṃ nāma hoti, tattha vaṭṭatī’’ti (pāci. aṭṭha. 830). Evaṃ akatepi khette sāmike āpucchitvā kātuṃ vaṭṭati. Yathāha ‘‘sāmike apaloketvā chaḍḍetī’’ti (pāci. 832). Idha khettapālakā, ārāmādigopakā ca sāmikā eva. Saṅghassa khette, ārāme ca sace ‘‘tattha kacavaraṃ na chaḍḍetabba’’nti katikā natthi, bhikkhussa chaḍḍetuṃ vaṭṭati saṅghapariyāpannattā, na bhikkhunīnaṃ. Tāsaṃ pana bhikkhusaṅghe vuttanayena na vaṭṭati, na tassa bhikkhussa, evaṃ santepi sāruppavasena kātabbanti. Sabbanti uccārādi catubbidhaṃ.
ನವಮಂ।
Navamaṃ.
೨೧೮೩. ಏತ್ಥ ‘‘ನಚ್ಚಂ ನಾಮ ಯಂ ಕಿಞ್ಚಿ ನಚ್ಚಂ। ಗೀತಂ ನಾಮ ಯಂ ಕಿಞ್ಚಿ ಗೀತಂ। ವಾದಿತಂ ನಾಮ ಯಂ ಕಿಞ್ಚಿ ವಾದಿತ’’ನ್ತಿ (ಪಾಚಿ॰ ೮೩೫) ವಚನತೋ ‘‘ಯಂ ಕಿಞ್ಚೀ’’ತಿ ಸೇಸೋ। ಯಾ ಪನ ಭಿಕ್ಖುನೀ ಯಂ ಕಿಞ್ಚಿ ನಚ್ಚಂ ವಾ ಯಂ ಕಿಞ್ಚಿ ಗೀತಂ ವಾ ಯಂ ಕಿಞ್ಚಿ ವಾದಿತಂ ವಾ ದಸ್ಸನತ್ಥಾಯ ಗಚ್ಛೇಯ್ಯಾತಿ ಯೋಜನಾ। ತತ್ಥ ಯಂ ಕಿಞ್ಚಿ ನಚ್ಚನ್ತಿ ನಟಾದಯೋ ವಾ ನಚ್ಚನ್ತು ಸೋಣ್ಡಾ ವಾ, ಅನ್ತಮಸೋ ಮೋರಸುಕಮಕ್ಕಟಾದಯೋಪಿ, ಸಬ್ಬಮ್ಪೇತಂ ನಚ್ಚಮೇವ। ಯಂ ಕಿಞ್ಚಿ ಗೀತನ್ತಿ ನಟಾದೀನಂ ವಾ ಗೀತಂ ಹೋತು ಅರಿಯಾನಂ ಪರಿನಿಬ್ಬಾನಕಾಲೇ ರತನತ್ತಯಗುಣೂಪಸಂಹಿತಂ ಸಾಧುಕೀಳಿತಗೀತಂ ವಾ ಅಸಞ್ಞತಭಿಕ್ಖೂನಂ ಧಮ್ಮಭಾಣಕಗೀತಂ ವಾ, ಸಬ್ಬಮ್ಪೇತಂ ಗೀತಮೇವ। ಯಂ ಕಿಞ್ಚಿ ವಾದಿತನ್ತಿ ಘನಾದಿವಾದನೀಯಭಣ್ಡವಾದಿತಂ ವಾ ಹೋತು ಕುಟಭೇರಿವಾದಿತಂ ವಾ ಅನ್ತಮಸೋ ಉದರಭೇರಿವಾದಿತಮ್ಪಿ , ಸಬ್ಬಮ್ಪೇತಂ ವಾದಿತಮೇವ। ‘‘ದಸ್ಸನಸವನತ್ಥಾಯಾ’’ತಿ ವತ್ತಬ್ಬೇ ವಿರೂಪೇಕಸೇಸನಯೇನ ‘‘ದಸ್ಸನತ್ಥಾಯಾ’’ತಿ ವುತ್ತಂ। ಪಞ್ಚನ್ನಂ ವಿಞ್ಞಾಣಾನಂ ಯಥಾಸಕಂ ವಿಸಯಸ್ಸ ಆಲೋಚನಸಭಾವತಾಯ ವಾ ‘‘ದಸ್ಸನತ್ಥಾಯ’’ ಇಚ್ಚೇವ ವುತ್ತಂ।
2183. Ettha ‘‘naccaṃ nāma yaṃ kiñci naccaṃ. Gītaṃ nāma yaṃ kiñci gītaṃ. Vāditaṃ nāma yaṃ kiñci vādita’’nti (pāci. 835) vacanato ‘‘yaṃ kiñcī’’ti seso. Yā pana bhikkhunī yaṃ kiñci naccaṃ vā yaṃ kiñci gītaṃ vā yaṃ kiñci vāditaṃ vā dassanatthāya gaccheyyāti yojanā. Tattha yaṃ kiñci naccanti naṭādayo vā naccantu soṇḍā vā, antamaso morasukamakkaṭādayopi, sabbampetaṃ naccameva. Yaṃ kiñci gītanti naṭādīnaṃ vā gītaṃ hotu ariyānaṃ parinibbānakāle ratanattayaguṇūpasaṃhitaṃ sādhukīḷitagītaṃ vā asaññatabhikkhūnaṃ dhammabhāṇakagītaṃ vā, sabbampetaṃ gītameva. Yaṃ kiñci vāditanti ghanādivādanīyabhaṇḍavāditaṃ vā hotu kuṭabherivāditaṃ vā antamaso udarabherivāditampi , sabbampetaṃ vāditameva. ‘‘Dassanasavanatthāyā’’ti vattabbe virūpekasesanayena ‘‘dassanatthāyā’’ti vuttaṃ. Pañcannaṃ viññāṇānaṃ yathāsakaṃ visayassa ālocanasabhāvatāya vā ‘‘dassanatthāya’’ icceva vuttaṃ.
೨೧೮೪. ಪುಬ್ಬಪಯೋಗದುಕ್ಕಟೇನ ಸಹ ಪಾಚಿತ್ತಿಯಂ ದಸ್ಸೇತುಮಾಹ ‘‘ದಸ್ಸನತ್ಥಾಯ ನಚ್ಚಸ್ಸಾ’’ತಿಆದಿ। ಗೀತಸ್ಸಾತಿ ಏತ್ಥ ‘‘ವಾದಿತಸ್ಸಾ’’ತಿ ಪಕರಣತೋ ಲಬ್ಭತಿ।
2184. Pubbapayogadukkaṭena saha pācittiyaṃ dassetumāha ‘‘dassanatthāya naccassā’’tiādi. Gītassāti ettha ‘‘vāditassā’’ti pakaraṇato labbhati.
೨೧೮೫. ಏಕಪಯೋಗೇನಾತಿ ಏಕದಿಸಾವಲೋಕನಪಯೋಗೇನ। ತೇನೇವ ವಕ್ಖತಿ ‘‘ಅಞ್ಞಸ್ಮಿಮ್ಪಿ…ಪೇ॰… ಸಿಯು’’ನ್ತಿ। ಪಸ್ಸತೀತಿ ಏತ್ಥ ‘‘ನಚ್ಚ’’ನ್ತಿ ಸೇಸೋ। ತೇಸನ್ತಿ ಯೇಸಂ ನಚ್ಚಂ ಪಸ್ಸತಿ। ಪಿ-ಸದ್ದೇನ ವಾದಿತಮ್ಪಿ ಸಮ್ಪಿಣ್ಡೇತಿ। ಯಥಾಹ ‘‘ತೇಸಂಯೇವ ಗೀತವಾದಿತಂ ಸುಣಾತಿ, ಏಕಮೇವ ಪಾಚಿತ್ತಿಯ’’ನ್ತಿ (ಪಾಚಿ॰ ಅಟ್ಠ॰ ೮೩೬)।
2185.Ekapayogenāti ekadisāvalokanapayogena. Teneva vakkhati ‘‘aññasmimpi…pe… siyu’’nti. Passatīti ettha ‘‘nacca’’nti seso. Tesanti yesaṃ naccaṃ passati. Pi-saddena vāditampi sampiṇḍeti. Yathāha ‘‘tesaṃyeva gītavāditaṃ suṇāti, ekameva pācittiya’’nti (pāci. aṭṭha. 836).
೨೧೮೬. ಅಞ್ಞತೋತಿ ಅಞ್ಞಸ್ಮಿಂ ದಿಸಾಭಾಗೇ।
2186.Aññatoti aññasmiṃ disābhāge.
೨೧೮೭. ‘‘ವಿಸುಂ ಪಾಚಿತ್ತಿಯೋ ಸಿಯು’’ನ್ತಿ ಇದಮೇವ ಪಕಾಸೇತುಮಾಹ ‘‘ಪಯೋಗಗಣನಾಯೇತ್ಥ, ಆಪತ್ತಿಗಣನಾ ಸಿಯಾ’’ತಿ। ಏತ್ಥಾತಿ ಇಮಸ್ಮಿಂ ನಾನಾದಿಸಾಭಾಗೇ। ನಚ್ಚಗೀತವಾದಿತಾನಂ ದಸ್ಸನಸವನೇ ಅಟ್ಠಕಥಾಗತಂ ವಿನಿಚ್ಛಯಂ ದಸ್ಸೇತುಮಾಹ ‘‘ನಚ್ಚಿತು’’ನ್ತಿಆದಿ।
2187. ‘‘Visuṃ pācittiyo siyu’’nti idameva pakāsetumāha ‘‘payogagaṇanāyettha, āpattigaṇanā siyā’’ti. Etthāti imasmiṃ nānādisābhāge. Naccagītavāditānaṃ dassanasavane aṭṭhakathāgataṃ vinicchayaṃ dassetumāha ‘‘naccitu’’ntiādi.
೨೧೮೮. ‘‘ನಚ್ಚ ಇತೀ’’ತಿ ಪದಚ್ಛೇದೋ, ‘‘ನಚ್ಚಾಹೀ’’ತಿಪಿ ಪಾಠೋ। ಉಪಟ್ಠಾನನ್ತಿ ಭೇರಿಸದ್ದಪೂಜಂ। ಸಮ್ಪಟಿಚ್ಛಿತುನ್ತಿ ‘‘ಸಾಧೂ’’ತಿ ಅಧಿವಾಸೇತುಂ। ಇಮಸ್ಸ ಉಪಲಕ್ಖಣವಸೇನ ವುತ್ತತ್ತಾ ನಚ್ಚಗೀತೇಪಿ ಏಸೇವ ನಯೋ।
2188. ‘‘Nacca itī’’ti padacchedo, ‘‘naccāhī’’tipi pāṭho. Upaṭṭhānanti bherisaddapūjaṃ. Sampaṭicchitunti ‘‘sādhū’’ti adhivāsetuṃ. Imassa upalakkhaṇavasena vuttattā naccagītepi eseva nayo.
೨೧೮೯-೯೦. ಸಬ್ಬತ್ಥಾತಿ ನಚ್ಚನಾದೀಸು ಸಬ್ಬತ್ಥ। ಉಪಟ್ಠಾನಂ ಕರೋಮಾತಿ ತುಮ್ಹಾಕಂ ಚೇತಿಯಸ್ಸ ನಚ್ಚಾದೀಹಿ ಉಪಹಾರಂ ಕರೋಮಾತಿ। ಉಪಟ್ಠಾನಂ ಪಸತ್ಥನ್ತಿ ಉಪಟ್ಠಾನಕರಣಂ ನಾಮ ಸುನ್ದರನ್ತಿ।
2189-90.Sabbatthāti naccanādīsu sabbattha. Upaṭṭhānaṃ karomāti tumhākaṃ cetiyassa naccādīhi upahāraṃ karomāti. Upaṭṭhānaṃ pasatthanti upaṭṭhānakaraṇaṃ nāma sundaranti.
ಯಾ ಆರಾಮೇಯೇವ ಚ ಠತ್ವಾ ಪಸ್ಸತಿ ವಾ ಸುಣಾತಿ ವಾತಿ ಯೋಜನಾ, ಇಧ ‘‘ಅನ್ತರಾರಾಮೇ ವಾ’’ತಿಆದಿ ಸೇಸೋ। ‘‘ಆರಾಮೇ ಠತ್ವಾ ಅನ್ತರಾರಾಮೇ ವಾ ಬಹಿಆರಾಮೇ ವಾ ನಚ್ಚಾದೀನಿ ಪಸ್ಸತಿ ವಾ ಸುಣಾತಿ ವಾ, ಅನಾಪತ್ತೀ’’ತಿ (ಪಾಚಿ॰ ಅಟ್ಠ॰ ೮೩೭) ಅಟ್ಠಕಥಾಯ ವುತ್ತಂ। ‘‘ಠತ್ವಾ’’ತಿ ವುತ್ತೇಪಿ ಸಬ್ಬೇಸುಪಿ ಇರಿಯಾಪಥೇಸು ಲಬ್ಭತಿ। ಆರಾಮೇ ಠತ್ವಾತಿ ನ ಕೇವಲಂ ಠತ್ವಾವ, ತತೋ ಗನ್ತ್ವಾಪಿ ಸಬ್ಬಿರಿಯಾಪಥೇಹಿಪಿ ಲಭತಿ। ‘‘ಆರಾಮೇ ಠಿತಾ’’ತಿ (ಪಾಚಿ॰ ೮೩೭) ಪನ ಆರಾಮಪರಿಯಾಪನ್ನದಸ್ಸನತ್ಥಂ ವುತ್ತಂ। ಇತರಥಾ ನಿಸಿನ್ನಾಪಿ ನ ಲಭೇಯ್ಯಾತಿ ಗಣ್ಠಿಪದಾದೀಸು ವುತ್ತಂ। ಭಿಕ್ಖೂನಮ್ಪಿ ಏಸೇವ ನಯೋ।
Yā ārāmeyeva ca ṭhatvā passati vā suṇāti vāti yojanā, idha ‘‘antarārāme vā’’tiādi seso. ‘‘Ārāme ṭhatvā antarārāme vā bahiārāme vā naccādīni passati vā suṇāti vā, anāpattī’’ti (pāci. aṭṭha. 837) aṭṭhakathāya vuttaṃ. ‘‘Ṭhatvā’’ti vuttepi sabbesupi iriyāpathesu labbhati. Ārāme ṭhatvāti na kevalaṃ ṭhatvāva, tato gantvāpi sabbiriyāpathehipi labhati. ‘‘Ārāme ṭhitā’’ti (pāci. 837) pana ārāmapariyāpannadassanatthaṃ vuttaṃ. Itarathā nisinnāpi na labheyyāti gaṇṭhipadādīsu vuttaṃ. Bhikkhūnampi eseva nayo.
೨೧೯೧. ಯಾ ಅತ್ತನೋ ಠಿತೋಕಾಸಂ ಆಗನ್ತ್ವಾ ಪಯೋಜಿತಂ ಪಸ್ಸತಿ ವಾ ಸುಣಾತಿ ವಾತಿ ಯೋಜನಾ। ಠಿತೋಕಾಸನ್ತಿ ಏತ್ಥ ಗತಿನಿವತ್ತಿಸಾಮಞ್ಞೇನ ಸಯಿತನಿಸಿನ್ನಮ್ಪಿ ಗಯ್ಹತಿ। ತಥಾರೂಪಾ ಹಿ ಕಾರಣಾ ಗನ್ತ್ವಾ ಪಸ್ಸನ್ತಿಯಾ ವಾಪೀತಿ ಯೋಜನಾ। ಕಾರಣಂ ನಾಮ ಸಲಾಕಭತ್ತಾದಿಕಾರಣಂ। ಯಥಾಹ ‘‘ಸತಿ ಕರಣೀಯೇತಿ ಸಲಾಕಭತ್ತಾದೀನಂ ವಾ ಅತ್ಥಾಯ ಅಞ್ಞೇನ ವಾ ಕೇನಚಿ ಕರಣೀಯೇನ ಗನ್ತ್ವಾ ಗತಟ್ಠಾನೇ ಪಸ್ಸತಿ ವಾ ಸುಣಾತಿ ವಾ, ಅನಾಪತ್ತೀ’’ತಿ (ಪಾಚಿ॰ ಅಟ್ಠ॰ ೮೩೭)।
2191. Yā attano ṭhitokāsaṃ āgantvā payojitaṃ passati vā suṇāti vāti yojanā. Ṭhitokāsanti ettha gatinivattisāmaññena sayitanisinnampi gayhati. Tathārūpā hi kāraṇā gantvā passantiyā vāpīti yojanā. Kāraṇaṃ nāma salākabhattādikāraṇaṃ. Yathāha ‘‘sati karaṇīyeti salākabhattādīnaṃ vā atthāya aññena vā kenaci karaṇīyena gantvā gataṭṭhāne passati vā suṇāti vā, anāpattī’’ti (pāci. aṭṭha. 837).
೨೧೯೨. ಮಗ್ಗಂ ಗಚ್ಛನ್ತೀ ಪಟಿಪಥೇ ನಚ್ಚಂ ಅಟ್ಠತ್ವಾ ಪಸ್ಸತೀತಿ ಏವಂ ಪಸ್ಸನ್ತಿಯಾಪಿ ಚ ತಥಾ ಅನಾಪತ್ತೀತಿ ಅಜ್ಝಾಹಾರಯೋಜನಾ। ಪಟಿಪಥೇತಿ ಗಮನಮಗ್ಗಾಭಿಮುಖೇ। ಆಪದಾಸುಪೀತಿ ತಾದಿಸೇನ ಉಪದ್ದವೇನ ಉಪದ್ದುತಾ ಸಮಜ್ಜಟ್ಠಾನಂ ಪವಿಸತಿ, ಏವಂ ಪವಿಸಿತ್ವಾ ಪಸ್ಸನ್ತಿಯಾ ವಾ ಸುಣನ್ತಿಯಾ ವಾ ಅನಾಪತ್ತಿ।
2192. Maggaṃ gacchantī paṭipathe naccaṃ aṭṭhatvā passatīti evaṃ passantiyāpi ca tathā anāpattīti ajjhāhārayojanā. Paṭipatheti gamanamaggābhimukhe. Āpadāsupīti tādisena upaddavena upaddutā samajjaṭṭhānaṃ pavisati, evaṃ pavisitvā passantiyā vā suṇantiyā vā anāpatti.
೨೧೯೩. ಇದಂ ಸಿಕ್ಖಾಪದಂ ಸಮುಟ್ಠಾನತೋ ಏಳಕಲೋಮಸಿಕ್ಖಾಪದೇನ ಸಮಂ ಮತಂ ‘‘ಸಮಾನ’’ನ್ತಿ ವಿಞ್ಞಾತಂ।
2193.Idaṃ sikkhāpadaṃ samuṭṭhānato eḷakalomasikkhāpadena samaṃ mataṃ ‘‘samāna’’nti viññātaṃ.
ದಸಮಂ।
Dasamaṃ.
ಲಸುಣವಗ್ಗೋ ಪಠಮೋ।
Lasuṇavaggo paṭhamo.
೨೧೯೪-೫. ಇಧ ಇಮಸ್ಮಿಂ ಸಾಸನೇ ಯಾ ಪನ ಭಿಕ್ಖುನೀ ರತ್ತನ್ಧಕಾರಸ್ಮಿಂ ಅಪ್ಪದೀಪೇ ಪುರಿಸೇನ ಸದ್ಧಿಂ ಏಕಿಕಾ ಸಚೇ ಸನ್ತಿಟ್ಠತಿ, ತಸ್ಸಾ ಪಾಚಿತ್ತಿಯಂ ವುತ್ತನ್ತಿ ಯೋಜನಾ। ರತ್ತನ್ಧಕಾರಸ್ಮಿನ್ತಿ ರತ್ತಿಯಂ। ರತ್ತಿಪರಿಯಾಯೋ ಹಿ ರತ್ತನ್ಧಕಾರ-ಸದ್ದೋ। ಯಥಾಹ ಪದಭಾಜನೇ ‘‘ರತ್ತನ್ಧಕಾರೇತಿ ಓಗ್ಗತೇ ಸೂರಿಯೇ’’ತಿ (ಪಾಚಿ॰ ೮೪೦)। ಅಪ್ಪದೀಪೇತಿ ಪಜ್ಜೋತಚನ್ದಸೂರಿಯಅಗ್ಗೀಸು ಏಕೇನಾಪಿ ಅನೋಭಾಸಿತೇ, ಇಮಿನಾ ರತ್ತಿಕ್ಖೇತ್ತಂ ದಸ್ಸೇತಿ। ‘‘ಸನ್ತಿಟ್ಠತೀ’’ತಿ ಇಮಿನಾ ಗಮನನಿಸಿನ್ನಸಯನಸಙ್ಖಾತಂ ಇರಿಯಾಪಥತ್ತಿಕಞ್ಚ ಉಪಲಕ್ಖಿತನ್ತಿ ದಟ್ಠಬ್ಬಂ। ವುತ್ತಞ್ಹಿ ವಜಿರಬುದ್ಧಿನಾ ‘‘ಸನ್ತಿಟ್ಠೇಯ್ಯಾತಿ ಏತ್ಥ ಠಾನಾಪದೇಸೇನ ಚತುಬ್ಬಿಧೋಪಿ ಇರಿಯಾಪಥೋ ಸಙ್ಗಹಿತೋ, ತಸ್ಮಾ ಪುರಿಸೇನ ಸದ್ಧಿಂ ಚಙ್ಕಮನಾದೀನಿ ಕರೋನ್ತಿಯಾಪಿ ಪಾಚಿತ್ತಿಯಞ್ಚ ಉಪಲಬ್ಭತೀ’’ತಿ (ವಜಿರ॰ ಟೀ॰ ಪಾಚಿತ್ತಿಯ ೮೩೯ ಥೋಕಂ ವಿಸದಿಸಂ)। ಪುರಿಸೇನ ಸದ್ಧಿನ್ತಿ ಸನ್ತಿಟ್ಠಿತುಂ, ಸಲ್ಲಪಿತುಞ್ಚ ವಿಞ್ಞುನಾ ಮನುಸ್ಸಪುರಿಸೇನ ಸದ್ಧಿಂ।
2194-5.Idha imasmiṃ sāsane yā pana bhikkhunī rattandhakārasmiṃ appadīpe purisena saddhiṃ ekikā sace santiṭṭhati, tassā pācittiyaṃ vuttanti yojanā. Rattandhakārasminti rattiyaṃ. Rattipariyāyo hi rattandhakāra-saddo. Yathāha padabhājane ‘‘rattandhakāreti oggate sūriye’’ti (pāci. 840). Appadīpeti pajjotacandasūriyaaggīsu ekenāpi anobhāsite, iminā rattikkhettaṃ dasseti. ‘‘Santiṭṭhatī’’ti iminā gamananisinnasayanasaṅkhātaṃ iriyāpathattikañca upalakkhitanti daṭṭhabbaṃ. Vuttañhi vajirabuddhinā ‘‘santiṭṭheyyāti ettha ṭhānāpadesena catubbidhopi iriyāpatho saṅgahito, tasmā purisena saddhiṃ caṅkamanādīni karontiyāpi pācittiyañca upalabbhatī’’ti (vajira. ṭī. pācittiya 839 thokaṃ visadisaṃ). Purisena saddhinti santiṭṭhituṃ, sallapituñca viññunā manussapurisena saddhiṃ.
ರಹಸ್ಸಾದವಸೇನ ಪುರಿಸಸ್ಸ ಹತ್ಥಪಾಸಂ ಸಮಾಗನ್ತ್ವಾ ತೇನ ಸದ್ಧಿಂ ಸಲ್ಲಪನ್ತಿಯಾ ವಾ ಪಾಚಿತ್ತಿಯಂ ವುತ್ತನ್ತಿ ಯೋಜನಾ।
Rahassādavasena purisassa hatthapāsaṃ samāgantvā tena saddhiṃ sallapantiyā vā pācittiyaṃ vuttanti yojanā.
೨೧೯೬-೭. ಯಾ ಪನ ಭಿಕ್ಖುನೀ ಸಚೇ ಮನುಸ್ಸಪುರಿಸಸ್ಸ ಹತ್ಥಪಾಸಂ ವಿಜಹಿತ್ವಾ ಸನ್ತಿಟ್ಠತಿ ವಾ ಸಲ್ಲಪತಿ ವಾ, ಯಕ್ಖಪೇತತಿರಚ್ಛಾನಗತಾನಂ ಹತ್ಥಪಾಸಂ ಅವಿಜಹಿತ್ವಾ ಸನ್ತಿಟ್ಠತಿ ವಾ ಸಲ್ಲಪತಿ ವಾ, ತಸ್ಸಾ ದುಕ್ಕಟಂ ಪರಿದೀಪಿತನ್ತಿ ಯೋಜನಾ।
2196-7. Yā pana bhikkhunī sace manussapurisassa hatthapāsaṃ vijahitvā santiṭṭhati vā sallapati vā, yakkhapetatiracchānagatānaṃ hatthapāsaṃ avijahitvā santiṭṭhati vā sallapati vā, tassā dukkaṭaṃ paridīpitanti yojanā.
ವಿಞ್ಞುಗ್ಗಹಣೇನ ಅವಿಞ್ಞೂ ಪುರಿಸೋ ಅನಾಪತ್ತಿಂ ನ ಕರೋತೀತಿ ದೀಪೇತಿ।
Viññuggahaṇena aviññū puriso anāpattiṃ na karotīti dīpeti.
೨೧೯೮. ಅಞ್ಞವಿಹಿತಾಯಾತಿ ರಹೋಅಸ್ಸಾದತೋ ಅಞ್ಞಂ ಚಿನ್ತೇನ್ತಿಯಾ। ಯಥಾಹ ‘‘ರಹೋಅಸ್ಸಾದತೋ ಅಞ್ಞವಿಹಿತಾವ ಹುತ್ವಾ’’ತಿ (ಪಾಚಿ॰ ಅಟ್ಠ॰ ೮೪೧)। ಚತುತ್ಥೇನ, ಛಟ್ಠೇನ ಚ ಸಮುಟ್ಠಾನೇನ ಸಮುಟ್ಠಾನತೋ ಥೇಯ್ಯಸತ್ಥಸಮುಟ್ಠಾನಂ। ಸನ್ತಿಟ್ಠನಸಲ್ಲಪನವಸೇನ ಕ್ರಿಯಂ। ಸಞ್ಞಾಯ ವಿಮೋಕ್ಖೋ ಏತಸ್ಮಿನ್ತಿ ಸಞ್ಞಾವಿಮೋಕ್ಖಕಂ।
2198.Aññavihitāyāti rahoassādato aññaṃ cintentiyā. Yathāha ‘‘rahoassādato aññavihitāva hutvā’’ti (pāci. aṭṭha. 841). Catutthena, chaṭṭhena ca samuṭṭhānena samuṭṭhānato theyyasatthasamuṭṭhānaṃ. Santiṭṭhanasallapanavasena kriyaṃ. Saññāya vimokkho etasminti saññāvimokkhakaṃ.
ಪಠಮಂ।
Paṭhamaṃ.
೨೧೯೯. ಪಟಿಚ್ಛನ್ನೇ ಓಕಾಸೇತಿ ಕುಟ್ಟಾದೀಸು ಯೇನ ಕೇನಚಿ ಪಟಿಚ್ಛನ್ನೇ ಓಕಾಸೇ। ಇದಂ ವಚನಂ।
2199.Paṭicchanne okāseti kuṭṭādīsu yena kenaci paṭicchanne okāse. Idaṃ vacanaṃ.
ದುತಿಯಂ।
Dutiyaṃ.
೨೨೦೦. ತತಿಯೇ ‘‘ಅಜ್ಝೋಕಾಸೇ’’ತಿ ಚ ಚತುತ್ಥೇ ‘‘ರಥಿಕಾಯ, ಬ್ಯೂಹೇ, ಸಿಙ್ಘಾಟಕೇ’’ತಿ ಪದಾನಿ ಚ ವಜ್ಜೇತ್ವಾ ಅವಸೇಸಂ ಸನ್ಧಾಯಾಹ ‘‘ಅಪುಬ್ಬಂ ನತ್ಥಿ ಕಿಞ್ಚಿಪೀ’’ತಿ। ಏತ್ಥ ‘‘ವತ್ತಬ್ಬ’’ನ್ತಿ ಸೇಸೋ। ಏತ್ಥ ಚ ರಥಿಕಾಯಾತಿ ರಚ್ಛಾಯ। ಬ್ಯೂಹೇತಿ ಅನಿಬ್ಬಿದ್ಧರಚ್ಛಾಯ। ಸಿಙ್ಘಾಟಕೇತಿ ಚಚ್ಚರೇ ಓಕಾಸೇ, ತಿಕೋಣಂ ವಾ ಚತುಕೋಣಂ ವಾ ಮಗ್ಗಸಮೋಧಾನಟ್ಠಾನೇತಿ ವುತ್ತಂ ಹೋತಿ।
2200. Tatiye ‘‘ajjhokāse’’ti ca catutthe ‘‘rathikāya, byūhe, siṅghāṭake’’ti padāni ca vajjetvā avasesaṃ sandhāyāha ‘‘apubbaṃ natthi kiñcipī’’ti. Ettha ‘‘vattabba’’nti seso. Ettha ca rathikāyāti racchāya. Byūheti anibbiddharacchāya. Siṅghāṭaketi caccare okāse, tikoṇaṃ vā catukoṇaṃ vā maggasamodhānaṭṭhāneti vuttaṃ hoti.
ತತಿಯಚತುತ್ಥಾನಿ।
Tatiyacatutthāni.
೨೨೦೧-೨. ‘‘ಯಾ ಪನ ಭಿಕ್ಖುನೀ ಪುರೇಭತ್ತಂ ಕುಲಾನಿ ಉಪಸಙ್ಕಮಿತ್ವಾ ಆಸನೇ ನಿಸೀದಿತ್ವಾ ಸಾಮಿಕೇ ಅನಾಪುಚ್ಛಾ ಪಕ್ಕಮೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೮೫೫) ವಚನತೋ ಯಾ ಪನ ಭಿಕ್ಖುನೀ ಪುರೇಭತ್ತಂ ಕುಲಾನಿ ಉಪಸಙ್ಕಮಿತ್ವಾ ಛದನನ್ತೋ ಆಸನೇ ನಿಸೀದಿತ್ವಾ ಸಾಮಿಕೇ ಅನಾಪುಚ್ಛಾ ಅನೋವಸ್ಸಕಪ್ಪದೇಸಂ ಅತಿಕ್ಕಮೇತಿ, ಯಾ ಚ ಅಜ್ಝೋಕಾಸೇ ವಾ ನಿಸೀದಿತ್ವಾ ಸಚೇ ಉಪಚಾರಂ ಅತಿಕ್ಕಮೇತಿ, ತಸ್ಸಾ ಪಠಮೇ ಪದೇ ದುಕ್ಕಟಂ ಹೋತಿ, ದುತಿಯೇ ಪದೇ ಪಾಚಿತ್ತಿ ಪರಿಯಾಪುತಾತಿ ಯೋಜನಾ। ‘‘ಆಸನೇ’’ತಿ ಇಮಿನಾ ಪಲ್ಲಙ್ಕಮಾಭುಜಿತ್ವಾ ನಿಸೀದನಾರಹಮಾಸನಂ ಅಧಿಪ್ಪೇತಂ। ಯಥಾಹ – ‘‘ಆಸನಂ ನಾಮ ಪಲ್ಲಙ್ಕಸ್ಸ ಓಕಾಸೋ ವುಚ್ಚತೀ’’ತಿ (ಪಾಚಿ॰ ೮೫೬)। ಅನೋವಸ್ಸಪ್ಪದೇಸನ್ತಿ ನಿಬ್ಬಕೋಸಬ್ಭನ್ತರಂ। ಅಬ್ಭೋಕಾಸೇ ಆಪತ್ತಿಖೇತ್ತಂ ದಸ್ಸೇತುಮಾಹ ‘‘ಉಪಚಾರಮ್ಪಿ ವಾ ಸಚೇ’’ತಿ। ಉಪಚಾರನ್ತಿ ದ್ವಾದಸಹತ್ಥಪ್ಪಮಾಣಂ ಪದೇಸಂ। ಯಥಾಹ ಗಣ್ಠಿಪದೇ ‘‘ಉಪಚಾರೋ ದ್ವಾದಸಹತ್ಥೋ’’ತಿ।
2201-2. ‘‘Yā pana bhikkhunī purebhattaṃ kulāni upasaṅkamitvā āsane nisīditvā sāmike anāpucchā pakkameyya, pācittiya’’nti (pāci. 855) vacanato yā pana bhikkhunī purebhattaṃ kulāni upasaṅkamitvā chadananto āsane nisīditvā sāmike anāpucchā anovassakappadesaṃ atikkameti, yā ca ajjhokāse vā nisīditvā sace upacāraṃ atikkameti, tassā paṭhame pade dukkaṭaṃ hoti, dutiye pade pācitti pariyāputāti yojanā. ‘‘Āsane’’ti iminā pallaṅkamābhujitvā nisīdanārahamāsanaṃ adhippetaṃ. Yathāha – ‘‘āsanaṃ nāma pallaṅkassa okāso vuccatī’’ti (pāci. 856). Anovassappadesanti nibbakosabbhantaraṃ. Abbhokāse āpattikhettaṃ dassetumāha ‘‘upacārampi vā sace’’ti. Upacāranti dvādasahatthappamāṇaṃ padesaṃ. Yathāha gaṇṭhipade ‘‘upacāro dvādasahattho’’ti.
೨೨೦೩. ‘‘ತಥಾ’’ತಿ ಇಮಿನಾ ‘‘ದುಕ್ಕಟಂ ಸಮುದೀರಿತ’’ನ್ತಿ ಇದಂ ಪಚ್ಚಾಮಸತಿ। ಆಪುಟ್ಠೇ ಅನಾಪುಟ್ಠಸಞ್ಞಾಯ ಆಪುಟ್ಠೇ ವಿಚಿಕಿಚ್ಛತೋ ಪಕ್ಕಮನ್ತಿಯಾ ತಥಾ ದುಕ್ಕಟನ್ತಿ ಯೋಜನಾ। ಏತ್ಥ ಚ ‘‘ಭಿಕ್ಖುನಿಯಾ’’ತಿ ಸಮ್ಬನ್ಧಿನಿಯಾ ಸಮಾನತ್ತಾ ‘‘ವಿಚಿಕಿಚ್ಛನ್ತಿಯಾ’’ತಿ ವತ್ತಬ್ಬೇ ಲಿಙ್ಗವಿಪಲ್ಲಾಸವಸೇನ ‘‘ವಿಚಿಕಿಚ್ಛತೋ’’ತಿ ವುತ್ತನ್ತಿ ದಟ್ಠಬ್ಬಂ।
2203.‘‘Tathā’’ti iminā ‘‘dukkaṭaṃ samudīrita’’nti idaṃ paccāmasati. Āpuṭṭhe anāpuṭṭhasaññāya āpuṭṭhe vicikicchato pakkamantiyā tathā dukkaṭanti yojanā. Ettha ca ‘‘bhikkhuniyā’’ti sambandhiniyā samānattā ‘‘vicikicchantiyā’’ti vattabbe liṅgavipallāsavasena ‘‘vicikicchato’’ti vuttanti daṭṭhabbaṃ.
೨೨೦೪. ಗಿಲಾನಾಯಾತಿ ಯಾ ತಾದಿಸೇನ ಗೇಲಞ್ಞೇನ ಆಪುಚ್ಛಿತುಂ ನ ಸಕ್ಕೋತಿ। ಆಪದಾಸೂತಿ ಘರೇ ಅಗ್ಗಿ ಉಟ್ಠಿತೋ ಹೋತಿ ಚೋರಾ ವಾ, ಏವರೂಪೇ ಉಪದ್ದವೇ ಅನಾಪುಚ್ಛಾ ಪಕ್ಕಮನ್ತಿಯಾ ಅನಾಪತ್ತಿ।
2204.Gilānāyāti yā tādisena gelaññena āpucchituṃ na sakkoti. Āpadāsūti ghare aggi uṭṭhito hoti corā vā, evarūpe upaddave anāpucchā pakkamantiyā anāpatti.
ಪಞ್ಚಮಂ।
Pañcamaṃ.
೨೨೦೫-೬. ‘‘ಗಚ್ಛನ್ತಿಯಾ ವಜನ್ತಿಯಾ’’ತಿ ಚ ನಿಸೀದನನಿಪಜ್ಜನಾವಸಾನದಸ್ಸನತ್ಥಂ ವುತ್ತಂ। ಪಾಚಿತ್ತಿಯಂ ಪನ ಪಚ್ಛಾಭತ್ತಂ ಸಾಮಿಕೇ ‘‘ಇಧ ನಿಸೀದಾಮ ವಾ ಸಯಾಮ ವಾ’’ತಿ ಅನಾಪುಚ್ಛಿತ್ವಾ ನಿಸಿನ್ನನಿಪನ್ನಪಚ್ಚಯಾ ಹೋತೀತಿ ವೇದಿತಬ್ಬಂ। ಪಚ್ಛಾಭತ್ತಂ ಸಾಮಿಕೇ ಅನಾಪುಚ್ಛಾ ಆಸನೇ ನಿಸೀದಿತ್ವಾ ಗಚ್ಛನ್ತಿಯಾ ಏಕಾ ಪಾಚಿತ್ತಿ ಹೋತೀತಿ ಯೋಜನಾ। ಏಸ ನಯೋ ‘‘ನಿಪಜ್ಜಿತ್ವಾ’’ತಿಆದೀಸುಪಿ।
2205-6.‘‘Gacchantiyā vajantiyā’’ti ca nisīdananipajjanāvasānadassanatthaṃ vuttaṃ. Pācittiyaṃ pana pacchābhattaṃ sāmike ‘‘idha nisīdāma vā sayāma vā’’ti anāpucchitvā nisinnanipannapaccayā hotīti veditabbaṃ. Pacchābhattaṃ sāmike anāpucchā āsane nisīditvā gacchantiyā ekā pācitti hotīti yojanā. Esa nayo ‘‘nipajjitvā’’tiādīsupi.
ಯಥಾ ಪನ ತತ್ಥ ಅಸಂಹಾರಿಮೇ ಅನಾಪತ್ತಿ, ಏವಮಿಧ ಧುವಪಞ್ಞತ್ತೇ ವಾ ಅನಾಪತ್ತೀತಿ।
Yathā pana tattha asaṃhārime anāpatti, evamidha dhuvapaññatte vā anāpattīti.
ಛಟ್ಠಂ।
Chaṭṭhaṃ.
೨೨೦೭. ತಿಸಮುಟ್ಠಾನನ್ತಿ ಸಚಿತ್ತಕೇಹಿ ತೀಹಿ ಸಮುಟ್ಠಾನೇಹಿ ಸಮುಟ್ಠಾನತೋ।
2207.Tisamuṭṭhānanti sacittakehi tīhi samuṭṭhānehi samuṭṭhānato.
ಅಟ್ಠಮಂ।
Aṭṭhamaṃ.
೨೨೦೮. ಯಾ ಪನ ಭಿಕ್ಖುನೀ ಅತ್ತಾನಮ್ಪಿ ವಾ ಪರಮ್ಪಿ ವಾ ನಿರಯಬ್ರಹ್ಮಚರಿಯೇಹಿ ಅಭಿಸಪೇಯ್ಯ, ತಸ್ಸಾ ವಾಚತೋ ವಾಚತೋ ಸಿಯಾ ಪಾಚಿತ್ತೀತಿ ಯೋಜನಾ। ತತ್ಥ ಅಭಿಸಪೇಯ್ಯಾತಿ ಸಪಥಂ ಕರೇಯ್ಯ, ‘‘ನಿರಯೇ ನಿಬ್ಬತ್ತಾಮಿ, ಅವೀಚಿಮ್ಹಿ ನಿಬ್ಬತ್ತಾಮೀ’’ತಿ ಅತ್ತಾನಂ ವಾ ‘‘ನಿರಯೇ ನಿಬ್ಬತ್ತತು, ಅವೀಚಿಮ್ಹಿ ನಿಬ್ಬತ್ತತೂ’’ತಿ ಪರಂ ವಾ ‘‘ಗಿಹಿನೀ ಹೋಮಿ, ಓದಾತವತ್ಥಾ ಹೋಮೀ’’ತಿ ಅತ್ತಾನಂ ವಾ ‘‘ಗಿಹಿನೀ ಹೋತು, ಓದಾತವತ್ಥಾ ಹೋತೂ’’ತಿ ಪರಂ ವಾ ಅಭಿಸಪೇಯ್ಯಾತಿ ವುತ್ತಂ ಹೋತಿ।
2208. Yā pana bhikkhunī attānampi vā parampi vā nirayabrahmacariyehi abhisapeyya, tassā vācato vācato siyā pācittīti yojanā. Tattha abhisapeyyāti sapathaṃ kareyya, ‘‘niraye nibbattāmi, avīcimhi nibbattāmī’’ti attānaṃ vā ‘‘niraye nibbattatu, avīcimhi nibbattatū’’ti paraṃ vā ‘‘gihinī homi, odātavatthā homī’’ti attānaṃ vā ‘‘gihinī hotu, odātavatthā hotū’’ti paraṃ vā abhisapeyyāti vuttaṃ hoti.
೨೨೧೦. ಅಕ್ಕೋಸತಿ ಅತ್ತಾನಂ ವಾ ಪರಂ ವಾತಿ ಸಮ್ಬನ್ಧೋ। ತಿಕಪಾಚಿತ್ತಿಯನ್ತಿ ಉಪಸಮ್ಪನ್ನಾಯ ಉಪಸಮ್ಪನ್ನಸಞ್ಞಾವೇಮತಿಕಾಅನುಪಸಮ್ಪನ್ನಸಞ್ಞಾವಸೇನ। ಸೇಸಾಯಾತಿ ಅನುಪಸಮ್ಪನ್ನಾಯ। ಅನುಪಸಮ್ಪನ್ನಾಯ ಉಪಸಮ್ಪನ್ನಸಞ್ಞಾ, ವೇಮತಿಕಾ, ಅನುಪಸಮ್ಪನ್ನಸಞ್ಞಾ ಅಕ್ಕೋಸತಿ, ದುಕ್ಕಟನ್ತಿ ಏವಂ ತಿಕದುಕ್ಕಟಂ।
2210. Akkosati attānaṃ vā paraṃ vāti sambandho. Tikapācittiyanti upasampannāya upasampannasaññāvematikāanupasampannasaññāvasena. Sesāyāti anupasampannāya. Anupasampannāya upasampannasaññā, vematikā, anupasampannasaññā akkosati, dukkaṭanti evaṃ tikadukkaṭaṃ.
೨೨೧೧. ಅತ್ಥಧಮ್ಮಾನುಸಾಸನಿಂ ಪುರಕ್ಖತ್ವಾ ವದನ್ತೀನಂ ಅನಾಪತ್ತೀತಿ ಯೋಜನಾ। ಯಥಾಹ ಅಟ್ಠಕಥಾಯಂ ‘‘ಅತ್ಥಪುರೇಕ್ಖಾರಾಯಾತಿ ಅಟ್ಠಕಥಂ ಕಥೇನ್ತಿಯಾ। ಧಮ್ಮಪುರೇಕ್ಖಾರಾಯಾತಿ ಪಾಳಿಂ ವಾಚೇನ್ತಿಯಾ। ಅನುಸಾಸನಿಪುರೇಕ್ಖಾರಾಯಾತಿ ‘ಇದಾನಿಪಿ ತ್ವಂ ಏದಿಸಾ, ಸಾಧು ವಿರಮಸ್ಸು, ನೋ ಚೇ ವಿರಮಸಿ, ಅದ್ಧಾ ಪುನ ಏವರೂಪಾನಿ ಕಮ್ಮಾನಿ ಕತ್ವಾ ನಿರಯೇ ಉಪ್ಪಜ್ಜಿಸ್ಸಸಿ, ತಿರಚ್ಛಾನಯೋನಿಯಾ ಉಪ್ಪಜ್ಜಿಸ್ಸಸೀ’ತಿ ಏವಂ ಅನುಸಾಸನಿಯಂ ಠತ್ವಾ ವದನ್ತಿಯಾ ಅನಾಪತ್ತೀ’’ತಿ (ಪಾಚಿ॰ ಅಟ್ಠ॰ ೮೭೮)।
2211. Atthadhammānusāsaniṃ purakkhatvā vadantīnaṃ anāpattīti yojanā. Yathāha aṭṭhakathāyaṃ ‘‘atthapurekkhārāyāti aṭṭhakathaṃ kathentiyā. Dhammapurekkhārāyāti pāḷiṃ vācentiyā. Anusāsanipurekkhārāyāti ‘idānipi tvaṃ edisā, sādhu viramassu, no ce viramasi, addhā puna evarūpāni kammāni katvā niraye uppajjissasi, tiracchānayoniyā uppajjissasī’ti evaṃ anusāsaniyaṃ ṭhatvā vadantiyā anāpattī’’ti (pāci. aṭṭha. 878).
ನವಮಂ।
Navamaṃ.
೨೨೧೨. ವಧಿತ್ವಾತಿ ಸತ್ಥಾದೀಹಿ ಪಹರಿತ್ವಾ। ವಧಿತ್ವಾ ವಾತಿ ಏತ್ಥ ವಾ-ಸದ್ದೋ ಪಾಳಿಯಂ ‘‘ವಧಿತ್ವಾ ವಧಿತ್ವಾ’’ತಿ (ಪಾಚಿ॰ ೮೮೦) ವುತ್ತಂ ಆಮೇಡಿತಂ ಸೂಚೇತಿ।
2212.Vadhitvāti satthādīhi paharitvā. Vadhitvā vāti ettha vā-saddo pāḷiyaṃ ‘‘vadhitvā vadhitvā’’ti (pāci. 880) vuttaṃ āmeḍitaṃ sūceti.
೨೨೧೩. ಏತ್ಥಾತಿ ಇಮಸ್ಮಿಂ ಸಿಕ್ಖಾಪದೇ। ಕಾಯವಾಚಾಚಿತ್ತಸಮುಟ್ಠಾನಂ ಧುರನಿಕ್ಖೇಪಸಮುಟ್ಠಾನಂ ನಾಮ, ಸಮನುಭಾಸನಸಮುಟ್ಠಾನನ್ತಿಪಿ ಏತಸ್ಸೇವ ನಾಮಂ।
2213.Etthāti imasmiṃ sikkhāpade. Kāyavācācittasamuṭṭhānaṃ dhuranikkhepasamuṭṭhānaṃ nāma, samanubhāsanasamuṭṭhānantipi etasseva nāmaṃ.
ದಸಮಂ।
Dasamaṃ.
ಅನ್ಧಕಾರವಗ್ಗೋ ದುತಿಯೋ।
Andhakāravaggo dutiyo.
೨೨೧೪. ಯಾ ಪನ ಭಿಕ್ಖುನೀ ನಗ್ಗಾ ಅನಿವತ್ಥಾ ಅಪಾರುತಾ ಹುತ್ವಾ ನಹಾಯತಿ, ಅಸ್ಸಾ ಸಬ್ಬಪಯೋಗೇ ದುಕ್ಕಟಂ। ತಸ್ಸ ನಹಾನಸ್ಸ ವೋಸಾನೇ ಪರಿಯೋಸಾನೇ ಸಾ ಭಿಕ್ಖುನೀ ಜಿನವುತ್ತಂ ಜಿನೇನ ಭಗವತಾ ಭಿಕ್ಖುನೀನಂ ಪಞ್ಞತ್ತಂ ದೋಸಂ ಪಾಚಿತ್ತಿಯಾಪತ್ತಿಂ ಸಮುಪೇತಿ ಆಪಜ್ಜತೀತಿ ಯೋಜನಾ। ಭಿಕ್ಖುನಿ ದೋಸನ್ತಿ ಏತ್ಥ ಗಾಥಾಬನ್ಧವಸೇನ ರಸ್ಸೋ ಕತೋ।
2214. Yā pana bhikkhunī naggā anivatthā apārutā hutvā nahāyati, assā sabbapayoge dukkaṭaṃ. Tassa nahānassa vosāne pariyosāne sā bhikkhunī jinavuttaṃ jinena bhagavatā bhikkhunīnaṃ paññattaṃ dosaṃ pācittiyāpattiṃ samupeti āpajjatīti yojanā. Bhikkhuni dosanti ettha gāthābandhavasena rasso kato.
೨೨೧೫. ಅಚ್ಛಿನ್ನಚೀವರಾತಿ ಅಚ್ಛಿನ್ನಉದಕಸಾಟಿಕಚೀವರಾ। ನಟ್ಠಚೀವರಾತಿ ಚೋರಾದೀಹಿ ನಟ್ಠಉದಕಸಾಟಿಕಚೀವರಾ। ಆಪದಾಸು ವಾತಿ ‘‘ಮಹಗ್ಘಂ ಇಮಂ ದಿಸ್ವಾ ಚೋರಾಪಿ ಹರೇಯ್ಯು’’ನ್ತಿ ಏವರೂಪಾಸು ಆಪದಾಸು ವಾ ನಗ್ಗಾಯ ನಹಾಯನ್ತಿಯಾ ನ ದೋಸೋ।
2215.Acchinnacīvarāti acchinnaudakasāṭikacīvarā. Naṭṭhacīvarāti corādīhi naṭṭhaudakasāṭikacīvarā. Āpadāsu vāti ‘‘mahagghaṃ imaṃ disvā corāpi hareyyu’’nti evarūpāsu āpadāsu vā naggāya nahāyantiyā na doso.
ಪಠಮಂ।
Paṭhamaṃ.
೨೨೧೬. ದುತಿಯೇತಿ ‘‘ಉದಕಸಾಟಿಕಂ ಪನ ಭಿಕ್ಖುನಿಯಾ ಕಾರಯಮಾನಾಯಾ’’ತಿಆದಿಸಿಕ್ಖಾಪದೇ (ಪಾಚಿ॰ ೮೮೮)।
2216.Dutiyeti ‘‘udakasāṭikaṃ pana bhikkhuniyā kārayamānāyā’’tiādisikkhāpade (pāci. 888).
ದುತಿಯಂ।
Dutiyaṃ.
೨೨೧೭-೮. ದುಸ್ಸಿಬ್ಬಿತಂ ಚೀವರನ್ತಿ ಅಸಕ್ಕಚ್ಚಸಿಬ್ಬಿತಂ ಚೀವರಂ। ವಿಸಿಬ್ಬೇತ್ವಾತಿ ದುಸ್ಸಿಬ್ಬಿತಂ ಪುನ ಸಿಬ್ಬನತ್ಥಾಯ ಸಯಂ ವಾ ವಿಗತಸಿಬ್ಬನಂ ಕತ್ವಾ। ‘‘ವಿಸಿಬ್ಬಾಪೇತ್ವಾ’’ತಿ ಸೇಸೋ। ಯಥಾಹ ‘‘ವಿಸಿಬ್ಬೇತ್ವಾ ವಾ ವಿಸಿಬ್ಬಾಪೇತ್ವಾ ವಾ’’ತಿ (ಪಾಚಿ॰ ೮೯೩)। ಅನನ್ತರಾಯಾತಿ ದಸಸು ಅನ್ತರಾಯೇಸು ಅಞ್ಞತರನ್ತರಾಯರಹಿತಾ। ತಂ ವಿಸಿಬ್ಬಿತಂ, ವಿಸಿಬ್ಬಾಪಿತಂ ವಾ ಚೀವರಂ। ‘‘ಅನನ್ತರಾಯಾ ತಂ ಪಚ್ಛಾ’’ತಿ ವತ್ತಬ್ಬೇ ಗಾಥಾಬನ್ಧವಸೇನ ರಸ್ಸೋ ಕತೋ। ನ ಸಿಬ್ಬೇಯ್ಯಾತಿ ಏತ್ಥಾಪಿ ‘‘ನ ಸಿಬ್ಬಾಪೇಯ್ಯಾ’’ತಿ ಸೇಸೋ। ಯಥಾಹ ‘‘ನೇವ ಸಿಬ್ಬೇಯ್ಯ, ನ ಸಿಬ್ಬಾಪನಾಯ ಉಸ್ಸುಕ್ಕಂ ಕರೇಯ್ಯಾ’’ತಿ (ಪಾಚಿ॰ ೮೯೩)।
2217-8.Dussibbitaṃ cīvaranti asakkaccasibbitaṃ cīvaraṃ. Visibbetvāti dussibbitaṃ puna sibbanatthāya sayaṃ vā vigatasibbanaṃ katvā. ‘‘Visibbāpetvā’’ti seso. Yathāha ‘‘visibbetvā vā visibbāpetvā vā’’ti (pāci. 893). Anantarāyāti dasasu antarāyesu aññatarantarāyarahitā. Taṃ visibbitaṃ, visibbāpitaṃ vā cīvaraṃ. ‘‘Anantarāyā taṃ pacchā’’ti vattabbe gāthābandhavasena rasso kato. Na sibbeyyāti etthāpi ‘‘na sibbāpeyyā’’ti seso. Yathāha ‘‘neva sibbeyya, na sibbāpanāya ussukkaṃ kareyyā’’ti (pāci. 893).
ಚತುಪಞ್ಚಾಹನ್ತಿ ಏತ್ಥ ‘‘ಉತ್ತರಿಛಪ್ಪಞ್ಚವಾಚಾಹಿ (ಪಾಚಿ॰ ೬೨-೬೪), ಉತ್ತರಿದಿರತ್ತತಿರತ್ತ’’ನ್ತಿಆದೀಸು (ಪಾಚಿ॰ ೫೧-೫೨) ವಿಯ ಅಪ್ಪಸಙ್ಖ್ಯಾಯ ಬಹುಸಙ್ಖ್ಯಾಯಂ ಅನ್ತೋಗಧತ್ತೇಪಿ ಉಭಯವಚನಂ ಲೋಕವೋಹಾರವಸೇನ ವಚನಸಿಲಿಟ್ಠತಾಯಾತಿ ದಟ್ಠಬ್ಬಂ। ಧುರೇತಿ ಸಿಬ್ಬನುಸ್ಸಾಹೇ। ನಿಕ್ಖಿತ್ತಮತ್ತೇತಿ ವಿಸ್ಸಟ್ಠಮತ್ತೇ।
Catupañcāhanti ettha ‘‘uttarichappañcavācāhi (pāci. 62-64), uttaridirattatiratta’’ntiādīsu (pāci. 51-52) viya appasaṅkhyāya bahusaṅkhyāyaṃ antogadhattepi ubhayavacanaṃ lokavohāravasena vacanasiliṭṭhatāyāti daṭṭhabbaṃ. Dhureti sibbanussāhe. Nikkhittamatteti vissaṭṭhamatte.
೨೨೧೯. ತಿಕಪಾಚಿತ್ತಿಯಂ ವುತ್ತನ್ತಿ ಉಪಸಮ್ಪನ್ನಾಯ ಉಪಸಮ್ಪನ್ನಸಞ್ಞಾ, ವೇಮತಿಕಾ, ಅನುಪಸಮ್ಪನ್ನಸಞ್ಞಾತಿ ತೀಸು ವಾರೇಸು ತಿಕಪಾಚಿತ್ತಿಯಂ ವುತ್ತಂ। ಸೇಸಾಯಾತಿ ಅನುಪಸಮ್ಪನ್ನಾಯ। ತಿಕದುಕ್ಕಟನ್ತಿ ವಾರತ್ತಯೇ ದುಕ್ಕಟತ್ತಯಂ।
2219.Tikapācittiyaṃ vuttanti upasampannāya upasampannasaññā, vematikā, anupasampannasaññāti tīsu vāresu tikapācittiyaṃ vuttaṃ. Sesāyāti anupasampannāya. Tikadukkaṭanti vārattaye dukkaṭattayaṃ.
೨೨೨೦. ಉಭಿನ್ನನ್ತಿ ಉಪಸಮ್ಪನ್ನಾನುಪಸಮ್ಪನ್ನಾನಂ। ಅಞ್ಞಸ್ಮಿನ್ತಿ ಚೀವರತೋ ಅಞ್ಞಸ್ಮಿಂ। ಅನ್ತರಾಯೇಪಿ ವಾ ಸತೀತಿ ರಾಜಚೋರಾದಿಅನ್ತರಾಯಾನಂ ದಸನ್ನಂ ಅಞ್ಞತರೇ ಸತಿ।
2220.Ubhinnanti upasampannānupasampannānaṃ. Aññasminti cīvarato aññasmiṃ. Antarāyepi vā satīti rājacorādiantarāyānaṃ dasannaṃ aññatare sati.
೨೨೨೧. ‘‘ಧುರನಿಕ್ಖೇಪನಂ ನಾಮ, ಸಮುಟ್ಠಾನಮಿದಂ ಮತ’’ನ್ತಿ ಇದಂ ಅಟ್ಠಕಥಾಯ ‘‘ಧುರನಿಕ್ಖೇಪಸಮುಟ್ಠಾನ’’ನ್ತಿ (ಪಾಚಿ॰ ಅಟ್ಠ॰ ೮೯೩) ವುತ್ತಮೇವ ಗಹೇತ್ವಾ ವುತ್ತಂ, ತೇರಸಸು ಸಮುಟ್ಠಾನಸೀಸೇಸು ‘‘ಧುರನಿಕ್ಖೇಪಸಮುಟ್ಠಾನ’’ನ್ತಿ ವಿಸುಂ ಸಮುಟ್ಠಾನಸೀಸಂ ನಾಮ ನತ್ಥಿ। ಮಾತಿಕಟ್ಠಕಥಾಯಞ್ಚ ‘‘ಸಮನುಭಾಸನಸಮುಟ್ಠಾನ’’ನ್ತಿ (ಕಙ್ಖಾ॰ ಅಟ್ಠ॰ ಚೀವರಸಿಬ್ಬನಸಿಕ್ಖಾಪದವಣ್ಣನಾ, ಅತ್ಥತೋ ಸಮಾನಂ) ವುತ್ತಂ, ತಂ ಸಮುಟ್ಠಾನಸೀಸೇಸು ಅನ್ತೋಗಧಮೇವ। ತಸ್ಮಾ ‘‘ಧುರನಿಕ್ಖೇಪಸಮುಟ್ಠಾನ’’ನ್ತಿ ಇದಂ ಸಮನುಭಾಸನಸಮುಟ್ಠಾನಸ್ಸೇವ ಪರಿಯಾಯೋತಿ ಗಹೇತಬ್ಬಂ।
2221.‘‘Dhuranikkhepanaṃ nāma, samuṭṭhānamidaṃ mata’’nti idaṃ aṭṭhakathāya ‘‘dhuranikkhepasamuṭṭhāna’’nti (pāci. aṭṭha. 893) vuttameva gahetvā vuttaṃ, terasasu samuṭṭhānasīsesu ‘‘dhuranikkhepasamuṭṭhāna’’nti visuṃ samuṭṭhānasīsaṃ nāma natthi. Mātikaṭṭhakathāyañca ‘‘samanubhāsanasamuṭṭhāna’’nti (kaṅkhā. aṭṭha. cīvarasibbanasikkhāpadavaṇṇanā, atthato samānaṃ) vuttaṃ, taṃ samuṭṭhānasīsesu antogadhameva. Tasmā ‘‘dhuranikkhepasamuṭṭhāna’’nti idaṃ samanubhāsanasamuṭṭhānasseva pariyāyoti gahetabbaṃ.
ತತಿಯಂ।
Tatiyaṃ.
೨೨೨೨. ಪಞ್ಚ ಅಹಾನಿ ಪಞ್ಚಾಹಂ, ಪಞ್ಚಾಹಮೇವ ಪಞ್ಚಾಹಿಕಂ। ‘‘ಅತಿಕ್ಕಮೇಯ್ಯಾ’’ತಿ ಕಿರಿಯಾಯ ದ್ವಿಕಮ್ಮಕತ್ತಾ ‘‘ಪಞ್ಚಾಹಿಕ’’ನ್ತಿ ಚ ‘‘ಸಙ್ಘಾಟಿಚಾರ’’ನ್ತಿ ಚ ಉಪಯೋಗತ್ಥೇ ಏವ ಉಪಯೋಗವಚನಂ। ಸಙ್ಘಟಿತಟ್ಠೇನ ಸಙ್ಘಾಟಿ, ಇತಿ ವಕ್ಖಮಾನಾನಂ ಪಞ್ಚನ್ನಂ ಚೀವರಾನಮೇವಾಧಿವಚನಂ, ಸಙ್ಘಾಟೀನಂ ಚಾರೋ ಸಙ್ಘಾಟಿಚಾರೋ, ಪರಿಭೋಗವಸೇನ ವಾ ಓತಾಪನವಸೇನ ವಾ ಪರಿವತ್ತನನ್ತಿ ಅತ್ಥೋ। ‘‘ಪಞ್ಚಾಹಿಕಂ ಸಙ್ಘಾಟಿಚಾರಂ ಅತಿಕ್ಕಮೇಯ್ಯಾತಿ ಪಞ್ಚಮಂ ದಿವಸಂ ಪಞ್ಚ ಚೀವರಾನಿ ನೇವ ನಿವಾಸೇತಿ ನ ಪಾರುಪತಿ ನ ಓತಾಪೇತಿ ಪಞ್ಚಮಂ ದಿವಸಂ ಅತಿಕ್ಕಾಮೇತಿ, ಆಪತ್ತಿ ಪಾಚಿತ್ತಿಯಸ್ಸಾ’’ತಿ (ಪಾಚಿ॰ ೮೯೯) ವಚನತೋ ಪಞ್ಚದಿವಸಬ್ಭನ್ತರೇ ಯಂ ಕಿಞ್ಚಿ ಅಕತ್ವಾ ಅತಿಕ್ಕಾಮೇನ್ತಿಯಾ ಚೀವರಗಣನಾಯ ಪಾಚಿತ್ತಿ ಹೋತೀತಿ ದಸ್ಸೇತುಮಾಹ ‘‘ಯಾತಿಕ್ಕಮೇಯ್ಯಾ’’ತಿಆದಿ।
2222. Pañca ahāni pañcāhaṃ, pañcāhameva pañcāhikaṃ. ‘‘Atikkameyyā’’ti kiriyāya dvikammakattā ‘‘pañcāhika’’nti ca ‘‘saṅghāṭicāra’’nti ca upayogatthe eva upayogavacanaṃ. Saṅghaṭitaṭṭhena saṅghāṭi, iti vakkhamānānaṃ pañcannaṃ cīvarānamevādhivacanaṃ, saṅghāṭīnaṃ cāro saṅghāṭicāro, paribhogavasena vā otāpanavasena vā parivattananti attho. ‘‘Pañcāhikaṃ saṅghāṭicāraṃ atikkameyyāti pañcamaṃ divasaṃ pañca cīvarāni neva nivāseti na pārupati na otāpeti pañcamaṃ divasaṃ atikkāmeti, āpatti pācittiyassā’’ti (pāci. 899) vacanato pañcadivasabbhantare yaṃ kiñci akatvā atikkāmentiyā cīvaragaṇanāya pācitti hotīti dassetumāha ‘‘yātikkameyyā’’tiādi.
೨೨೨೩. ತಿಚೀವರನ್ತಿ ಅನ್ತರವಾಸಕಉತ್ತರಾಸಙ್ಗಸಙ್ಘಾಟಿಸಙ್ಖಾತಂ ತಿಚೀವರಞ್ಚ। ಸಂಕಚ್ಚೀತಿ ಥನವೇಠನಸಙ್ಖಾತಂ ಚೀವರಞ್ಚ। ದಕಸಾಟೀತಿ ಉತುನಿಕಾಲೇ ನಿವಾಸೇತಬ್ಬಉದಕಸಾಟಿಚೀವರಞ್ಚ। ಇತಿ ಇಮೇ ಪಞ್ಚ। ಪಞ್ಚ ತೂತಿ ಪಞ್ಚ ಚೀವರಾನಿ ನಾಮ।
2223.Ticīvaranti antaravāsakauttarāsaṅgasaṅghāṭisaṅkhātaṃ ticīvarañca. Saṃkaccīti thanaveṭhanasaṅkhātaṃ cīvarañca. Dakasāṭīti utunikāle nivāsetabbaudakasāṭicīvarañca. Iti ime pañca. Pañca tūti pañca cīvarāni nāma.
೨೨೨೪-೫. ತಿಕಪಾಚಿತ್ತೀತಿ ಪಞ್ಚಾಹಾತಿಕ್ಕನ್ತಸಞ್ಞಾ, ವೇಮತಿಕಾ, ಅನತಿಕ್ಕನ್ತಸಞ್ಞಾತಿ ವಿಕಪ್ಪತ್ತಯೇ ಪಾಚಿತ್ತಿಯತ್ತಯಂ ಹೋತಿ। ಪಞ್ಚಾಹಾನತಿಕ್ಕನ್ತೇ ಅತಿಕ್ಕನ್ತಸಞ್ಞಾವೇಮತಿಕಾನಂ ವಸೇನ ದ್ವಿಕದುಕ್ಕಟಂ।
2224-5.Tikapācittīti pañcāhātikkantasaññā, vematikā, anatikkantasaññāti vikappattaye pācittiyattayaṃ hoti. Pañcāhānatikkante atikkantasaññāvematikānaṃ vasena dvikadukkaṭaṃ.
‘‘ಪಞ್ಚಮೇ ದಿವಸೇ’’ತಿಆದಿ ಅನಾಪತ್ತಿವಾರಸನ್ದಸ್ಸನಂ। ನಿಸೇವತೀತಿ ನಿವಾಸೇತಿ ವಾ ಪಾರುಪತಿ ವಾ। ಓತಾಪೇತೀತಿ ಏತ್ಥ ವಾ-ಸದ್ದೋ ಲುತ್ತನಿದ್ದಿಟ್ಠೋ, ಓತಾಪೇತಿ ವಾತಿ ಅತ್ಥೋ। ಆಪದಾಸುಪೀತಿ ಮಹಗ್ಘಂ ಚೀವರಂ, ನ ಸಕ್ಕಾ ಹೋತಿ ಚೋರಭಯಾದೀಸು ಪರಿಭುಞ್ಜಿತುಂ, ಏವರೂಪೇ ಉಪದ್ದವೇ ಅನಾಪತ್ತಿ।
‘‘Pañcame divase’’tiādi anāpattivārasandassanaṃ. Nisevatīti nivāseti vā pārupati vā. Otāpetīti ettha vā-saddo luttaniddiṭṭho, otāpeti vāti attho. Āpadāsupīti mahagghaṃ cīvaraṃ, na sakkā hoti corabhayādīsu paribhuñjituṃ, evarūpe upaddave anāpatti.
ಚತುತ್ಥಂ।
Catutthaṃ.
೨೨೨೬. ಅಞ್ಞಿಸ್ಸಾ ಸಙ್ಕಮೇತಬ್ಬಚೀವರಂ ಅನಾಪುಚ್ಛಾ ಗಹೇತ್ವಾ ಯಾ ಪರಿಭುಞ್ಜತಿ, ತಸ್ಸಾ ಪಾಚಿತ್ತಿಯಂ ಸಿಯಾತಿ ಯೋಜನಾ, ಅಞ್ಞಿಸ್ಸಾ ಉಪಸಮ್ಪನ್ನಾಯ ಸನ್ತಕಂ ಪಞ್ಚನ್ನಂ ಚೀವರಾನಂ ಅಞ್ಞತರಂ ತಸ್ಸಾ ಅವತ್ವಾ ಆದಾಯ ಪುನ ತಸ್ಸಾ ದಾತಬ್ಬಂ, ಅದತ್ವಾ ಯಾ ಭಿಕ್ಖುನೀ ಪಟಿಸೇವತಿ, ತಸ್ಸಾ ಪಾಚಿತ್ತಿಯಂ ಹೋತೀತಿ ಅತ್ಥೋ। ‘‘ಸಙ್ಕಮೇತಬ್ಬಚೀವರಂ ಸಙ್ಕಮನೀಯ’’ನ್ತಿ ಪರಿಯಾಯಸದ್ದಾ ಏತೇ। ಯಥಾಹ ‘‘ಚೀವರಸಙ್ಕಮನೀಯನ್ತಿ ಸಙ್ಕಮೇತಬ್ಬಚೀವರಂ, ಅಞ್ಞಿಸ್ಸಾ ಸನ್ತಕಂ ಅನಾಪುಚ್ಛಾ ಗಹಿತಂ ಪುನ ಪಟಿದಾತಬ್ಬಚೀವರನ್ತಿ ಅತ್ಥೋ’’ತಿ (ಪಾಚಿ॰ ಅಟ್ಠ॰ ೯೦೩)।
2226. Aññissā saṅkametabbacīvaraṃ anāpucchā gahetvā yā paribhuñjati, tassā pācittiyaṃ siyāti yojanā, aññissā upasampannāya santakaṃ pañcannaṃ cīvarānaṃ aññataraṃ tassā avatvā ādāya puna tassā dātabbaṃ, adatvā yā bhikkhunī paṭisevati, tassā pācittiyaṃ hotīti attho. ‘‘Saṅkametabbacīvaraṃ saṅkamanīya’’nti pariyāyasaddā ete. Yathāha ‘‘cīvarasaṅkamanīyanti saṅkametabbacīvaraṃ, aññissā santakaṃ anāpucchā gahitaṃ puna paṭidātabbacīvaranti attho’’ti (pāci. aṭṭha. 903).
೨೨೨೭. ತಿಕಪಾಚಿತ್ತಿಯಂ ವುತ್ತನ್ತಿ ‘‘ಉಪಸಮ್ಪನ್ನಾಯ ಉಪಸಮ್ಪನ್ನಸಞ್ಞಾ…ಪೇ॰… ವೇಮತಿಕಾ …ಪೇ॰… ಅನುಪಸಮ್ಪನ್ನಸಞ್ಞಾ ಚೀವರಸಙ್ಕಮನೀಯಂ ಧಾರೇತಿ, ಆಪತ್ತಿ ಪಾಚಿತ್ತಿಯಸ್ಸಾ’’ತಿ (ಪಾಚಿ॰ ೯೦೫) ಏವಂ ತಿಕಪಾಚಿತ್ತಿಯಂ ಪಾಳಿಯಂ ವುತ್ತಂ। ಸೇಸಾಯಾತಿ ಅನುಪಸಮ್ಪನ್ನಾಯ। ‘‘ತಿಕದುಕ್ಕಟ’’ನ್ತಿ ಇದಞ್ಚ ವುತ್ತನಯಮೇವ। ಆಪದಾಸೂತಿ ಸಚೇ ಅಪಾರುತಂ ವಾ ಅನಿವತ್ಥಂ ವಾ ಚೋರಾ ಹರನ್ತಿ, ಏವರೂಪಾಸು ಆಪದಾಸು ವಾ।
2227.Tikapācittiyaṃ vuttanti ‘‘upasampannāya upasampannasaññā…pe… vematikā …pe… anupasampannasaññā cīvarasaṅkamanīyaṃ dhāreti, āpatti pācittiyassā’’ti (pāci. 905) evaṃ tikapācittiyaṃ pāḷiyaṃ vuttaṃ. Sesāyāti anupasampannāya. ‘‘Tikadukkaṭa’’nti idañca vuttanayameva. Āpadāsūti sace apārutaṃ vā anivatthaṃ vā corā haranti, evarūpāsu āpadāsu vā.
೨೨೨೮. ಏತಂ ಸಮುಟ್ಠಾನಂ ಕಥಿನೇನ ತುಲ್ಯನ್ತಿ ಯೋಜನಾ। ಗಹಣಂ, ಪರಿಭೋಗೋ ಚ ಕ್ರಿಯಂ। ಅನಾಪುಚ್ಛನಂ ಅಕ್ರಿಯಂ।
2228. Etaṃ samuṭṭhānaṃ kathinena tulyanti yojanā. Gahaṇaṃ, paribhogo ca kriyaṃ. Anāpucchanaṃ akriyaṃ.
ಪಞ್ಚಮಂ।
Pañcamaṃ.
೨೨೨೯. ಲಭಿತಬ್ಬಂ ತು ಚೀವರನ್ತಿ ಲಭಿತಬ್ಬಂ ವಿಕಪ್ಪನುಪಗಂ ಚೀವರಂ। ನಿವಾರೇತೀತಿ ಯಥಾ ತೇ ದಾತುಕಾಮಾ ನ ದೇನ್ತಿ, ಏವಂ ಅನ್ತರಾಯಂ ಪರಕ್ಕಮತಿ। ಪಾಚಿತ್ತಿಂ ಪರಿದೀಪಯೇತಿ ಸಚೇ ತಸ್ಸಾ ವಚನೇನ ತೇ ನ ದೇನ್ತಿ, ಭಿಕ್ಖುನಿಯಾ ಪಾಚಿತ್ತಿಯಂ ವದೇಯ್ಯಾತಿ ಅತ್ಥೋ।
2229.Labhitabbaṃ tu cīvaranti labhitabbaṃ vikappanupagaṃ cīvaraṃ. Nivāretīti yathā te dātukāmā na denti, evaṃ antarāyaṃ parakkamati. Pācittiṃ paridīpayeti sace tassā vacanena te na denti, bhikkhuniyā pācittiyaṃ vadeyyāti attho.
೨೨೩೦. ಏತ್ಥ ಪಠಮಂ ‘‘ಸಙ್ಘಸ್ಸಾ’’ತಿ ವುತ್ತತ್ತಾ ಗಣಸ್ಸಾತಿ ದ್ವೇ ತಯೋವ ಗಹೇತಬ್ಬಾ। ಲಾಭೇತಿ ಏತ್ಥ ‘‘ನಿವಾರಿತೇ’’ತಿ ಸೇಸೋ। ಸಚೇ ಅಞ್ಞಂ ಪರಿಕ್ಖಾರಂ ನಿವಾರೇತಿ, ತಥೇವ ದುಕ್ಕಟನ್ತಿ ಯೋಜನಾ। ಅಞ್ಞನ್ತಿ ವಿಕಪ್ಪನುಪಗಚೀವರತೋ ಅಞ್ಞಂ। ಪರಿಕ್ಖಾರನ್ತಿ ಯಂ ಕಿಞ್ಚಿ ಥಾಲಕಾದೀನಂ ವಾ ಸಪ್ಪಿತೇಲಾದೀನಂ ವಾ ಅಞ್ಞತರಂ।
2230. Ettha paṭhamaṃ ‘‘saṅghassā’’ti vuttattā gaṇassāti dve tayova gahetabbā. Lābheti ettha ‘‘nivārite’’ti seso. Sace aññaṃ parikkhāraṃ nivāreti, tatheva dukkaṭanti yojanā. Aññanti vikappanupagacīvarato aññaṃ. Parikkhāranti yaṃ kiñci thālakādīnaṃ vā sappitelādīnaṃ vā aññataraṃ.
೨೨೩೧. ಆನಿಸಂಸಂ ನಿದಸ್ಸೇತ್ವಾತಿ ‘‘ಕಿತ್ತಕಂ ಅಗ್ಘನಕಂ ದಾತುಕಾಮತ್ಥಾತಿ ಪುಚ್ಛತಿ, ‘ಏತ್ತಕಂ ನಾಮಾ’ತಿ ವದನ್ತಿ, ‘ಆಗಮೇಥ ತಾವ, ಇದಾನಿ ವತ್ಥು ಮಹಗ್ಘಂ, ಕತಿಪಾಹೇನ ಕಪ್ಪಾಸೇ ಆಗತೇ ಸಮಗ್ಘಂ ಭವಿಸ್ಸತೀ’’ತಿ ಏವಂ ಆನಿಸಂಸಂ ದಸ್ಸೇತ್ವಾ। ನ ದೋಸತಾತಿ ನ ದೋಸೋ, ಅನಾಪತ್ತೀತಿ ಅತ್ಥೋ।
2231.Ānisaṃsaṃ nidassetvāti ‘‘kittakaṃ agghanakaṃ dātukāmatthāti pucchati, ‘ettakaṃ nāmā’ti vadanti, ‘āgametha tāva, idāni vatthu mahagghaṃ, katipāhena kappāse āgate samagghaṃ bhavissatī’’ti evaṃ ānisaṃsaṃ dassetvā. Na dosatāti na doso, anāpattīti attho.
ಛಟ್ಠಂ।
Chaṭṭhaṃ.
೨೨೩೨-೩. ಧಮ್ಮಿಕಂ ಸಮಗ್ಗೇನ ಸಙ್ಘೇನ ಸನ್ನಿಪತಿತ್ವಾ ಕರಿಯಮಾನಂ ಚೀವರಾನಂ ವಿಭಙ್ಗಂ ಭಾಜನಂ ಯಾ ಭಿಕ್ಖುನೀ ಪಟಿಸೇಧೇಯ್ಯ ಪಟಿಬಾಹೇಯ್ಯ, ತಸ್ಸಾ ಏವಂ ಪಟಿಸೇಧೇನ್ತಿಯಾ ಪಾಚಿತ್ತಿಯಂ ಹೋತೀತಿ ಯೋಜನಾ। ಅಧಮ್ಮೇ ಧಮ್ಮಸಞ್ಞಾಯ ದುಕ್ಕಟಂ ಪರಿದೀಪಿತನ್ತಿ ಯೋಜನಾ। ಉಭೋ ವೇಮತಿಕಾಯ ವಾತಿ ಉಭೋಸು ವೇಮತಿಕಾಯ। ಗಾಥಾಬನ್ಧವಸೇನ ಸು-ಸದ್ದಲೋಪೋ। ಧಮ್ಮಿಕೇ ಅಧಮ್ಮಿಕೇ ಚೀವರವಿಭಙ್ಗೇ ವೇಮತಿಕಾಯ ಪಟಿಬಾಹನ್ತಿಯಾ ದುಕ್ಕಟಂ ಪರಿದೀಪಿತನ್ತಿ ಯೋಜನಾ। ಯಥಾಹ ‘‘ಧಮ್ಮಿಕೇ ವೇಮತಿಕಾ ಪಟಿಬಾಹತಿ, ಆಪತ್ತಿ ದುಕ್ಕಟಸ್ಸ। ಅಧಮ್ಮಿಕೇ ವೇಮತಿಕಾ ಪಟಿಬಾಹತಿ, ಆಪತ್ತಿ ದುಕ್ಕಟಸ್ಸಾ’’ತಿ। ಆನಿಸಂಸಂ ನಿದಸ್ಸೇತ್ವಾತಿ ‘‘ಏಕಿಸ್ಸಾ ಏಕಂ ಸಾಟಕಂ ನಪ್ಪಹೋತಿ, ಆಗಮೇಥ ತಾವ, ಕತಿಪಾಹೇನೇವ ಉಪ್ಪಜ್ಜಿಸ್ಸತಿ, ತತೋ ಭಾಜೇಸ್ಸಾಮೀ’’ತಿ (ಪಾಚಿ॰ ೯೧೪) ಏವಂ ಆನಿಸಂಸಂ ದಸ್ಸೇತ್ವಾ।
2232-3.Dhammikaṃ samaggena saṅghena sannipatitvā kariyamānaṃ cīvarānaṃ vibhaṅgaṃ bhājanaṃ yā bhikkhunī paṭisedheyya paṭibāheyya, tassā evaṃ paṭisedhentiyā pācittiyaṃ hotīti yojanā. Adhamme dhammasaññāya dukkaṭaṃ paridīpitanti yojanā. Ubho vematikāya vāti ubhosu vematikāya. Gāthābandhavasena su-saddalopo. Dhammike adhammike cīvaravibhaṅge vematikāya paṭibāhantiyā dukkaṭaṃ paridīpitanti yojanā. Yathāha ‘‘dhammike vematikā paṭibāhati, āpatti dukkaṭassa. Adhammike vematikā paṭibāhati, āpatti dukkaṭassā’’ti. Ānisaṃsaṃ nidassetvāti ‘‘ekissā ekaṃ sāṭakaṃ nappahoti, āgametha tāva, katipāheneva uppajjissati, tato bhājessāmī’’ti (pāci. 914) evaṃ ānisaṃsaṃ dassetvā.
ಸತ್ತಮಂ।
Sattamaṃ.
೨೨೩೫-೬. ನಿವಾಸನುಪಗಂ ವಾ ತಥಾ ಪಾರುಪನುಪಗಂ ವಾ ಕಪ್ಪಬಿನ್ದುಕತಂ ವಾ ಯಂ ಕಿಞ್ಚಿ ಚೀವರಂ ಪಞ್ಚ ಸಹಧಮ್ಮಿಕೇ ಚ ಮಾತಾಪಿತರೋಪಿ ಮುಞ್ಚಿತ್ವಾ ಅಞ್ಞಸ್ಸ ಯಸ್ಸ ಕಸ್ಸಚಿ ಗಹಟ್ಠಸ್ಸ ವಾ ಪರಿಬ್ಬಾಜಕಸ್ಸ ವಾ ಯದಿ ದದೇಯ್ಯ, ತಸ್ಸಾಪಿ ಪಾಚಿತ್ತಿಯಂ ಪರಿಯಾಪುತನ್ತಿ ಯೋಜನಾ। ಏತ್ಥ ಚ ‘‘ಪಿತರೋ’’ತಿ ಮಾತಾ ಚ ಪಿತಾ ಚ ಮಾತಾಪಿತರೋತಿ ವತ್ತಬ್ಬೇ ವಿರೂಪೇಕಸೇಸವಸೇನ ನಿದ್ದೇಸೋ ದಟ್ಠಬ್ಬೋ।
2235-6. Nivāsanupagaṃ vā tathā pārupanupagaṃ vā kappabindukataṃ vā yaṃ kiñci cīvaraṃ pañca sahadhammike ca mātāpitaropi muñcitvā aññassa yassa kassaci gahaṭṭhassa vā paribbājakassa vā yadi dadeyya, tassāpi pācittiyaṃ pariyāputanti yojanā. Ettha ca ‘‘pitaro’’ti mātā ca pitā ca mātāpitaroti vattabbe virūpekasesavasena niddeso daṭṭhabbo.
೨೨೩೭. ಏತ್ಥ ಇಮಸ್ಮಿಂ ಸಿಕ್ಖಾಪದೇ ತಾ ಪನ ಪಾಚಿತ್ತಿಯೋ ಚೀವರಾನಂ ಗಣನಾಯ ವಸೇನ ಗಣೇತಬ್ಬಾತಿ ಯೋಜನಾ।
2237.Ettha imasmiṃ sikkhāpade tā pana pācittiyo cīvarānaṃ gaṇanāya vasena gaṇetabbāti yojanā.
೨೨೩೮. ತಾವ ಸಮ್ಪಟಿಚ್ಛಿತೋ ಕಾಲೋ ಏತಸ್ಸಾತಿ ತಾವಕಾಲಿಕಂ, ಚೀವರಂ। ‘‘ಅಞ್ಞಸ್ಸಾ’’ತಿ ಪುಬ್ಬೇ ವುತ್ತಸ್ಸ ದೂರತ್ತಾ ಪುನಪಿ ‘‘ಅಞ್ಞೇಸ’’ನ್ತಿ ಆಹ, ಸೋಯೇವತ್ಥೋ।
2238. Tāva sampaṭicchito kālo etassāti tāvakālikaṃ, cīvaraṃ. ‘‘Aññassā’’ti pubbe vuttassa dūrattā punapi ‘‘aññesa’’nti āha, soyevattho.
ಅಟ್ಠಮಂ।
Aṭṭhamaṃ.
೨೨೩೯. ಯಾ ಪನ ಭಿಕ್ಖುನೀ ‘‘ಸಚೇ ಮಯಂ ಸಕ್ಕೋಮ, ದಸ್ಸಾಮ ಕರಿಸ್ಸಾಮಾತಿ ಏವಂ ವಾಚಾ ಭಿನ್ನಾ ಹೋತೀ’’ತಿ ವುತ್ತಾಯ ದುಬ್ಬಲಾಯ ಚೀವರಪಚ್ಚಾಸಾಯ ಚೀವರಸ್ಸ ವಿಭಙ್ಗಂ ನಿಸೇಧೇತ್ವಾ ಚೀವರೇ ಕಾಲಂ ಅತಿಕ್ಕಮೇಯ್ಯ, ಅಸ್ಸಾ ದೋಸತಾ ಪಾಚಿತ್ತಿಯಾಪತ್ತಿ ಹೋತೀತಿ ಯೋಜನಾ। ಚೀವರೇ ಕಾಲನ್ತಿ ‘‘ಚೀವರಕಾಲಸಮಯೋ ನಾಮ ಅನತ್ಥತೇ ಕಥಿನೇ ವಸ್ಸಾನಸ್ಸ ಪಚ್ಛಿಮೋ ಮಾಸೋ, ಅತ್ಥತೇ ಕಥಿನೇ ಪಞ್ಚಮಾಸಾ’’ತಿ (ಪಾಚಿ॰ ೯೨೨) ಪದಭಾಜನೇ ವುತ್ತಂ ಚೀವರಕಾಲಂ। ಅತಿಕ್ಕಮೇಯ್ಯಾತಿ ‘‘ಅನತ್ಥತೇ ಕಥಿನೇ ವಸ್ಸಾನಸ್ಸ ಪಚ್ಛಿಮಂ ದಿವಸಂ, ಅತ್ಥತೇ ಕಥಿನೇ ಕಥಿನುದ್ಧಾರದಿವಸಂ ಅತಿಕ್ಕಾಮೇತೀ’’ತಿ ವುತ್ತವಿಧಿಂ ಅತಿಕ್ಕಾಮೇಯ್ಯ।
2239. Yā pana bhikkhunī ‘‘sace mayaṃ sakkoma, dassāma karissāmāti evaṃ vācā bhinnā hotī’’ti vuttāya dubbalāya cīvarapaccāsāya cīvarassa vibhaṅgaṃ nisedhetvā cīvare kālaṃ atikkameyya, assā dosatā pācittiyāpatti hotīti yojanā. Cīvare kālanti ‘‘cīvarakālasamayo nāma anatthate kathine vassānassa pacchimo māso, atthate kathine pañcamāsā’’ti (pāci. 922) padabhājane vuttaṃ cīvarakālaṃ. Atikkameyyāti ‘‘anatthate kathine vassānassa pacchimaṃ divasaṃ, atthate kathine kathinuddhāradivasaṃ atikkāmetī’’ti vuttavidhiṃ atikkāmeyya.
೨೨೪೦. ‘‘ಅದುಬ್ಬಲಚೀವರೇ ದುಬ್ಬಲಚೀವರಸಞ್ಞಾ, ಆಪತ್ತಿ ದುಕ್ಕಟಸ್ಸಾ’’ತಿ ವಚನತೋ ಸುದುಬ್ಬಲನ್ತಿ ಚೇತಸಾತಿ ಏತ್ಥ ಸು-ಸದ್ದೋ ಪದಪೂರಣೇ। ಉಭೋಸೂತಿ ದುಬ್ಬಲೇ, ಅದುಬ್ಬಲೇ ಚ। ಕಙ್ಖಿತಾಯ ವಾತಿ ವೇಮತಿಕಾಯ ವಾ।
2240. ‘‘Adubbalacīvare dubbalacīvarasaññā, āpatti dukkaṭassā’’ti vacanato sudubbalanti cetasāti ettha su-saddo padapūraṇe. Ubhosūti dubbale, adubbale ca. Kaṅkhitāya vāti vematikāya vā.
೨೨೪೧. ಆನಿಸಂಸಂ ನಿದಸ್ಸೇತ್ವಾತಿ ‘‘ಕಿಞ್ಚಾಪಿ ‘ನ ಮಯಂ ಅಯ್ಯೇ ಸಕ್ಕೋಮಾ’ತಿ ವದನ್ತಿ, ಇದಾನಿ ಪನ ತೇಸಂ ಕಪ್ಪಾಸೋ ಆಗಮಿಸ್ಸತಿ, ಸದ್ಧೋ ಪಸನ್ನೋ ಪುರಿಸೋ ಆಗಮಿಸ್ಸತಿ , ಅದ್ಧಾ ದಸ್ಸತೀ’’ತಿ (ಪಾಚಿ॰ ಅಟ್ಠ॰ ೯೨೧) ಏವಂ ಅಟ್ಠಕಥಾಯ ವುತ್ತನಯೇನ ಆನಿಸಂಸಂ ದಸ್ಸೇತ್ವಾ।
2241.Ānisaṃsaṃ nidassetvāti ‘‘kiñcāpi ‘na mayaṃ ayye sakkomā’ti vadanti, idāni pana tesaṃ kappāso āgamissati, saddho pasanno puriso āgamissati , addhā dassatī’’ti (pāci. aṭṭha. 921) evaṃ aṭṭhakathāya vuttanayena ānisaṃsaṃ dassetvā.
ನವಮಂ।
Navamaṃ.
೨೨೪೨. ಧಮ್ಮಿಕಂ ಕಥಿನುದ್ಧಾರನ್ತಿ ‘‘ಧಮ್ಮಿಕೋ ನಾಮ ಕಥಿನುದ್ಧಾರೋ ಸಮಗ್ಗೋ ಭಿಕ್ಖುನಿಸಙ್ಘೋ ಸನ್ನಿಪತಿತ್ವಾ ಉದ್ಧರತೀ’’ತಿ (ಪಾಚಿ॰ ೯೨೯) ವುತ್ತಂ ಕಥಿನುದ್ಧಾರಂ।
2242.Dhammikaṃ kathinuddhāranti ‘‘dhammiko nāma kathinuddhāro samaggo bhikkhunisaṅgho sannipatitvā uddharatī’’ti (pāci. 929) vuttaṃ kathinuddhāraṃ.
೨೨೪೩. ಯಸ್ಸಾತಿ ಯಸ್ಸ ಕಥಿನಸ್ಸ। ಅತ್ಥಾರಮೂಲಕೋ ಆನಿಸಂಸೋ ನಾಮ ‘‘ಯೋ ಚ ತತ್ಥ ಚೀವರುಪ್ಪಾದೋ, ಸೋ ನೇಸಂ ಭವಿಸ್ಸತೀ’’ತಿ (ಮಹಾವ॰ ೩೦೬) ಅನುಞ್ಞಾತೋ ತಸ್ಮಿಂ ವಿಹಾರೇ ಉಪ್ಪಜ್ಜನಕಚೀವರವತ್ಥಾನಿಸಂಸೋ। ಉದ್ಧಾರಮೂಲಕೋ ನಾಮ ಅನ್ತರುಬ್ಭಾರಂ ಕಾರಾಪೇನ್ತೇಹಿ ಉಪಾಸಕೇಹಿ ದಿಯ್ಯಮಾನಚೀವರವತ್ಥಾನಿಸಂಸೋ।
2243.Yassāti yassa kathinassa. Atthāramūlako ānisaṃso nāma ‘‘yo ca tattha cīvaruppādo, so nesaṃ bhavissatī’’ti (mahāva. 306) anuññāto tasmiṃ vihāre uppajjanakacīvaravatthānisaṃso. Uddhāramūlako nāma antarubbhāraṃ kārāpentehi upāsakehi diyyamānacīvaravatthānisaṃso.
೨೨೪೫. ಸಮಾನಿಸಂಸೋಪೀತಿ ಅತ್ಥಾರಆನಿಸಂಸೇನ ಸಮಾನಿಸಂಸೋಪಿ ಉಬ್ಭಾರೋ। ಸದ್ಧಾಪಾಲನಕಆರಣಾತಿ ಪಸಾದಾನುರಕ್ಖನತ್ಥಾಯ ದಾತಬ್ಬೋತಿ ಯೋಜನಾ। ಆನಿಸಂಸಂ ನಿದಸ್ಸೇತ್ವಾತಿ ‘‘ಭಿಕ್ಖುನಿಸಙ್ಘೋ ಜಿಣ್ಣಚೀವರೋ, ಕಥಿನಾನಿಸಂಸಮೂಲಕೋ ಮಹಾಲಾಭೋ’’ತಿ ಏವರೂಪಂ ಆನಿಸಂಸಂ ದಸ್ಸೇತ್ವಾ।
2245.Samānisaṃsopīti atthāraānisaṃsena samānisaṃsopi ubbhāro. Saddhāpālanakaāraṇāti pasādānurakkhanatthāya dātabboti yojanā. Ānisaṃsaṃ nidassetvāti ‘‘bhikkhunisaṅgho jiṇṇacīvaro, kathinānisaṃsamūlako mahālābho’’ti evarūpaṃ ānisaṃsaṃ dassetvā.
೨೨೪೬. ಸಮುಟ್ಠಾನಾದಿನಾ ಸದ್ಧಿಂ ಸೇಸಂ ಪನ ವಿನಿಚ್ಛಯಜಾತಂ ಅಸೇಸೇನ ಸಬ್ಬಾಕಾರೇನ ಸತ್ತಮೇನ ಸಿಕ್ಖಾಪದೇನ ಸಮಂ ಮತಂ ‘‘ಸದಿಸ’’ನ್ತಿ ವಿಞ್ಞಾತಂ। ಕಿಞ್ಚಿಪಿ ಅಪ್ಪಕಮ್ಪಿ ಅಪುಬ್ಬಂ ತತ್ಥ ವುತ್ತನಯತೋ ಅಞ್ಞಂ ನತ್ಥೀತಿ ಯೋಜನಾ।
2246. Samuṭṭhānādinā saddhiṃ sesaṃ pana vinicchayajātaṃ asesena sabbākārena sattamena sikkhāpadena samaṃ mataṃ ‘‘sadisa’’nti viññātaṃ. Kiñcipi appakampi apubbaṃ tattha vuttanayato aññaṃ natthīti yojanā.
ದಸಮಂ।
Dasamaṃ.
ನಗ್ಗವಗ್ಗೋ ತತಿಯೋ।
Naggavaggo tatiyo.
೨೨೪೭. ‘‘ಯಾ ಪನ ಭಿಕ್ಖುನಿಯೋ ದ್ವೇ ಏಕಮಞ್ಚೇ ತುವಟ್ಟೇಯ್ಯುಂ, ಪಾಚಿತ್ತಿಯ’’ನ್ತಿ (ಪಾಚಿ॰ ೯೩೩) ಪಞ್ಞತ್ತಸಿಕ್ಖಾಪದೇ ವಿನಿಚ್ಛಯಂ ದಸ್ಸೇತುಮಾಹ ‘‘ಏಕಾಯಾ’’ತಿಆದಿ। ಏಕಾಯಾತಿ ಏಕಾಯ ಭಿಕ್ಖುನಿಯಾ। ಅಪರಾತಿ ಅಞ್ಞಾ ಉಪಸಮ್ಪನ್ನಾ। ನಿಪಜ್ಜೇಯ್ಯುನ್ತಿ ಏತ್ಥ ‘‘ಏಕಮಞ್ಚೇ’’ತಿ ಸೇಸೋ। ದ್ವೇತಿ ದ್ವೇ ಭಿಕ್ಖುನಿಯೋ।
2247. ‘‘Yā pana bhikkhuniyo dve ekamañce tuvaṭṭeyyuṃ, pācittiya’’nti (pāci. 933) paññattasikkhāpade vinicchayaṃ dassetumāha ‘‘ekāyā’’tiādi. Ekāyāti ekāya bhikkhuniyā. Aparāti aññā upasampannā. Nipajjeyyunti ettha ‘‘ekamañce’’ti seso. Dveti dve bhikkhuniyo.
೨೨೪೮-೯. ‘‘ಏಕಾಯ ಚಾ’’ತಿಆದಿ ಅನಾಪತ್ತಿವಾರನಿದ್ದೇಸೋ। ಉಭೋ ವಾಪಿ ಸಮಂ ನಿಸೀದನ್ತೀತಿ ಯೋಜನಾ। ಏಳಕೇನಾತಿ ಏಳಕಲೋಮಸಿಕ್ಖಾಪದೇನ।
2248-9.‘‘Ekāya cā’’tiādi anāpattivāraniddeso. Ubho vāpi samaṃ nisīdantīti yojanā. Eḷakenāti eḷakalomasikkhāpadena.
ಪಠಮಂ।
Paṭhamaṃ.
೨೨೫೦-೧. ಪಾವಾರಕಟಸಾರಾದಿನ್ತಿ ಏತ್ಥ ಭುಮ್ಮೇಕವಚನಂ। ‘‘ಸಂಹಾರಿಮೇಸೂ’’ತಿ ಇಮಿನಾ ಸಮಾನಾಧಿಕರಣತ್ತಾ ಬಹುವಚನಪ್ಪಸಙ್ಗೇ ವಚನವಿಪಲ್ಲಾಸೇನೇತ್ಥ ಏಕವಚನನಿದ್ದೇಸೋತಿ ದಟ್ಠಬ್ಬೋ। ಪಾವಾರೋ ಚ ಕಟಸಾರೋ ಚ ತೇ ಆದಿ ಯಸ್ಸಾತಿ ವಿಗ್ಗಹೋ, ನಿದ್ಧಾರಣೇ ಚೇತಂ ಭುಮ್ಮಂ। ಏಕಕನ್ತಿ ನಿದ್ಧಾರಿತಬ್ಬನಿದಸ್ಸನಂ। ಏಕಮೇವ ಏಕಕಂ। ಸಂಹಾರಿಮೇಸು ಪಾವಾರಾದೀಸು ಅಞ್ಞತರನ್ತಿ ಅತ್ಥೋ। ‘‘ಪಾವಾರೋತಿ ಕೋಜವಾದಯೋ’’ತಿ ವದನ್ತಿ। ಕಟಸಾರೋತಿ ಕಟೋಯೇವ। ಆದಿ-ಸದ್ದೇನ ಅತ್ಥರಿತ್ವಾ ಸಯನಾರಹಂ ಸಬ್ಬಂ ಸಙ್ಗಣ್ಹಾತಿ। ತೇನೇವಾತಿ ಯಂ ಅತ್ಥತಂ, ತೇನೇವ। ಪಾರುಪಿತ್ವಾ ಸಚೇ ಯಾ ಪನ ದ್ವೇ ಸಹೇವ ನಿಪಜ್ಜನ್ತಿ, ತಾಸಂ ಪಾಚಿತ್ತಿಯಂ ಸಿಯಾತಿ ಯೋಜನಾ। ಏತ್ಥ ಚ ಅತ್ಥರಣಪಾವುರಣಕಿಚ್ಚೇ ಏಕಸ್ಸೇವ ನಿದ್ದಿಟ್ಠತ್ತಾ ಏಕಸ್ಸ ಅನ್ತಸ್ಸ ಅತ್ಥರಣಞ್ಚ ಏಕಸ್ಸ ಅನ್ತಸ್ಸ ಪಾರುಪನಞ್ಚ ವಿಞ್ಞಾಯತಿ। ಯಥಾಹ ‘‘ಸಂಹಾರಿಮಾನಂ ಪಾವಾರತ್ಥರಣಕಟಸಾರಕಾದೀನಂ ಏಕಂ ಅನ್ತಂ ಅತ್ಥರಿತ್ವಾ ಏಕಂ ಪಾರುಪಿತ್ವಾ ತುವಟ್ಟೇನ್ತೀನಮೇತಂ ಅಧಿವಚನ’’ನ್ತಿ (ಪಾಚಿ॰ ಅಟ್ಠ॰ ೯೩೭)।
2250-1.Pāvārakaṭasārādinti ettha bhummekavacanaṃ. ‘‘Saṃhārimesū’’ti iminā samānādhikaraṇattā bahuvacanappasaṅge vacanavipallāsenettha ekavacananiddesoti daṭṭhabbo. Pāvāro ca kaṭasāro ca te ādi yassāti viggaho, niddhāraṇe cetaṃ bhummaṃ. Ekakanti niddhāritabbanidassanaṃ. Ekameva ekakaṃ. Saṃhārimesu pāvārādīsu aññataranti attho. ‘‘Pāvāroti kojavādayo’’ti vadanti. Kaṭasāroti kaṭoyeva. Ādi-saddena attharitvā sayanārahaṃ sabbaṃ saṅgaṇhāti. Tenevāti yaṃ atthataṃ, teneva. Pārupitvā sace yā pana dve saheva nipajjanti, tāsaṃ pācittiyaṃ siyāti yojanā. Ettha ca attharaṇapāvuraṇakicce ekasseva niddiṭṭhattā ekassa antassa attharaṇañca ekassa antassa pārupanañca viññāyati. Yathāha ‘‘saṃhārimānaṃ pāvārattharaṇakaṭasārakādīnaṃ ekaṃ antaṃ attharitvā ekaṃ pārupitvā tuvaṭṭentīnametaṃ adhivacana’’nti (pāci. aṭṭha. 937).
ಏಕಸ್ಮಿಂ ಏಕತ್ಥರಣೇ ವಾ ಏಕಪಾವುರಣೇ ವಾ ನಿಪಜ್ಜನೇ ಸತಿ ತಾಸಂ ದ್ವಿನ್ನಂ ಭಿಕ್ಖುನೀನಂ ದುಕ್ಕಟನ್ತಿ ಸಮ್ಬನ್ಧೋ। ದ್ವಿಕದುಕ್ಕಟಂ ವುತ್ತನ್ತಿ ‘‘ನಾನತ್ಥರಣಪಾವುರಣೇ ಏಕತ್ಥರಣಪಾವುರಣಸಞ್ಞಾ…ಪೇ॰… ವೇಮತಿಕಾ, ಆಪತ್ತಿ ದುಕ್ಕಟಸ್ಸಾ’’ತಿ (ಪಾಚಿ॰ ೯೩೯) ವುತ್ತಂ ದುಕ್ಕಟದ್ವಯಂ।
Ekasmiṃ ekattharaṇe vā ekapāvuraṇe vā nipajjane sati tāsaṃ dvinnaṃ bhikkhunīnaṃ dukkaṭanti sambandho. Dvikadukkaṭaṃ vuttanti ‘‘nānattharaṇapāvuraṇe ekattharaṇapāvuraṇasaññā…pe… vematikā, āpatti dukkaṭassā’’ti (pāci. 939) vuttaṃ dukkaṭadvayaṃ.
೨೨೫೨. ವವತ್ಥಾನಂ ನಿದಸ್ಸೇತ್ವಾತಿ ಮಜ್ಝೇ ಕಾಸಾವಂ ವಾ ಕತ್ತರಯಟ್ಠಿಂ ವಾ ಅನ್ತಮಸೋ ಕಾಯಬನ್ಧನಮ್ಪಿ ಠಪೇತ್ವಾ ನಿಪಜ್ಜನ್ತಿ, ಅನಾಪತ್ತೀತಿ ಅತ್ಥೋ। ಸೇಸಂ ಸಮುಟ್ಠಾನಾದಿವಿಧಾನಂ। ಆದಿನಾತಿ ಇಮಸ್ಮಿಂಯೇವ ವಗ್ಗೇ ಪಠಮಸಿಕ್ಖಾಪದೇನ। ತುಲ್ಯನ್ತಿ ಸಮಾನಂ।
2252.Vavatthānaṃ nidassetvāti majjhe kāsāvaṃ vā kattarayaṭṭhiṃ vā antamaso kāyabandhanampi ṭhapetvā nipajjanti, anāpattīti attho. Sesaṃ samuṭṭhānādividhānaṃ. Ādināti imasmiṃyeva vagge paṭhamasikkhāpadena. Tulyanti samānaṃ.
ದುತಿಯಂ।
Dutiyaṃ.
೨೨೫೩. ಅಞ್ಞಿಸ್ಸಾ ಭಿಕ್ಖುನಿಯಾ। ಅಫಾಸುಕಾರಣಾತಿ ಅಫಾಸುಕರಣಹೇತು। ಅನಾಪುಚ್ಛಾತಿ ಅನಾಪುಚ್ಛಿತ್ವಾ। ತಸ್ಸಾ ಪುರತೋ ಚ ಚಙ್ಕಮನಾದಯೋ ಯದಿ ಕರೇಯ್ಯ, ಏವಂ ಕರೋನ್ತಿಯಾ ಪಾಚಿತ್ತಿಯಾಪತ್ತಿ ಹೋತೀತಿ ಯೋಜನಾ। ಚಙ್ಕಮನಾದಯೋತಿ ಏತ್ಥ ಆದಿ-ಸದ್ದೇನ ‘‘ತಿಟ್ಠತಿ ವಾ ನಿಸೀದತಿ ವಾ ಸೇಯ್ಯಂ ವಾ ಕಪ್ಪೇತಿ ಉದ್ದಿಸತಿ ವಾ ಉದ್ದಿಸಾಪೇತಿ ವಾ ಸಜ್ಝಾಯಂ ವಾ ಕರೋತೀ’’ತಿ (ಪಾಚಿ॰ ೯೪೩) ಪದಭಾಜನೇ ವುತ್ತಾನಂ ಸಙ್ಗಹೋ।
2253.Aññissā bhikkhuniyā. Aphāsukāraṇāti aphāsukaraṇahetu. Anāpucchāti anāpucchitvā. Tassā purato ca caṅkamanādayo yadi kareyya, evaṃ karontiyā pācittiyāpatti hotīti yojanā. Caṅkamanādayoti ettha ādi-saddena ‘‘tiṭṭhati vā nisīdati vā seyyaṃ vā kappeti uddisati vā uddisāpeti vā sajjhāyaṃ vā karotī’’ti (pāci. 943) padabhājane vuttānaṃ saṅgaho.
೨೨೫೪. ನಿವತ್ತನಾನಂ ಗಣನಾಯಾತಿ ಚಙ್ಕಮನ್ತಿಯಾ ಚಙ್ಕಮಸ್ಸ ಉಭಯಕೋಟಿಂ ಪತ್ವಾ ನಿವತ್ತನ್ತಿಯಾ ನಿವತ್ತನಗಣನಾಯ। ಪಯೋಗತೋಯೇವಾತಿ ಪಯೋಗಗಣನಾಯೇವ, ಇರಿಯಾಪಥಪರಿವತ್ತನಗಣನಾಯೇವಾತಿ ವುತ್ತಂ ಹೋತಿ। ದೋಸಾತಿ ಪಾಚಿತ್ತಿಯಾಪತ್ತಿಯೋ।
2254.Nivattanānaṃ gaṇanāyāti caṅkamantiyā caṅkamassa ubhayakoṭiṃ patvā nivattantiyā nivattanagaṇanāya. Payogatoyevāti payogagaṇanāyeva, iriyāpathaparivattanagaṇanāyevāti vuttaṃ hoti. Dosāti pācittiyāpattiyo.
೨೨೫೫. ಪದಾನಂ ಗಣನಾವಸಾತಿ ಏತ್ಥ ಆದಿ-ಸದ್ದೋ ಲುತ್ತನಿದ್ದಿಟ್ಠೋ। ಯಥಾಹ ‘‘ಪದಾದಿಗಣನಾಯಾ’’ತಿ (ಪಾಚಿ॰ ಅಟ್ಠ॰ ೯೪೩)। ತಿಕಪಾಚಿತ್ತಿಯಂ ವುತ್ತನ್ತಿ ಉಪಸಮ್ಪನ್ನಾಯ ಉಪಸಮ್ಪನ್ನಸಞ್ಞಾ, ವೇಮತಿಕಾ, ಅನುಪಸಮ್ಪನ್ನಸಞ್ಞಾತಿ ವಿಕಪ್ಪತ್ತಯಸ್ಸ ವಸೇನ ಪಾಚಿತ್ತಿಯತ್ತಯಂ ವುತ್ತಂ। ಸೇಸಾಯಾತಿ ಅನುಪಸಮ್ಪನ್ನಾಯ।
2255.Padānaṃ gaṇanāvasāti ettha ādi-saddo luttaniddiṭṭho. Yathāha ‘‘padādigaṇanāyā’’ti (pāci. aṭṭha. 943). Tikapācittiyaṃ vuttanti upasampannāya upasampannasaññā, vematikā, anupasampannasaññāti vikappattayassa vasena pācittiyattayaṃ vuttaṃ. Sesāyāti anupasampannāya.
೨೨೫೬. ನ ಚ ಅಫಾಸುಕಾಮಾಯಾತಿ ಆಪುಚ್ಛಿತ್ವಾ ತಸ್ಸಾ ಭಿಕ್ಖುನಿಯಾ ಪುರತೋ ಚಙ್ಕಮನಾದೀನಿ ಕರೋನ್ತಿಯಾ ಅನಾಪತ್ತೀತಿ ಯೋಜನಾ।
2256.Naca aphāsukāmāyāti āpucchitvā tassā bhikkhuniyā purato caṅkamanādīni karontiyā anāpattīti yojanā.
೨೨೫೭. ಕ್ರಿಯಾಕ್ರಿಯನ್ತಿ ಚಙ್ಕಮನಾದಿಕರಣಂ ಕಿರಿಯಂ। ಆಪುಚ್ಛಾಯ ಅಕರಣಂ ಅಕಿರಿಯಂ। ಪಾಪಮಾನಸನ್ತಿ ಅಕುಸಲಚಿತ್ತಂ।
2257.Kriyākriyanti caṅkamanādikaraṇaṃ kiriyaṃ. Āpucchāya akaraṇaṃ akiriyaṃ. Pāpamānasanti akusalacittaṃ.
ತತಿಯಂ।
Tatiyaṃ.
೨೨೫೮-೯. ಅನನ್ತರಾಯಾತಿ ವಕ್ಖಮಾನೇಸು ರಾಜನ್ತರಾಯಾದೀಸು ದಸಸು ಅನ್ತರಾಯೇಸು ಅಞ್ಞತರರಹಿತಾ ಭಿಕ್ಖುನೀ। ದುಕ್ಖಿತನ್ತಿ ಗಿಲಾನಂ। ಯಥಾಹ ‘‘ದುಕ್ಖಿತಾ ನಾಮ ಗಿಲಾನಾ ವುಚ್ಚತೀ’’ತಿ (ಪಾಚಿ॰ ೯೪೮)। ಸಹಜೀವಿನಿನ್ತಿ ಸದ್ಧಿವಿಹಾರಿನಿಂ। ಯಥಾಹ ‘‘ಸಹಜೀವಿನೀ ನಾಮ ಸದ್ಧಿವಿಹಾರಿನೀ ವುಚ್ಚತೀ’’ತಿ। ಅಞ್ಞಾಯ ವಾ ನುಪಟ್ಠಾಪೇಯ್ಯಾತಿ ಅಞ್ಞಾಯ ಭಿಕ್ಖುನಿಯಾ, ಸಿಕ್ಖಮಾನಾಯ, ಸಾಮಣೇರಿಯಾ ವಾ ಗಿಹಿನಿಯಾ ವಾ ಉಪಟ್ಠಾನಂ ನ ಕಾರಾಪೇಯ್ಯ। ನುಪಟ್ಠೇಯ್ಯ ಸಯಮ್ಪಿ ವಾತಿ ಯಾ ಉಪಟ್ಠಾನಂ ನ ಕರೇಯ್ಯ। ಧುರೇ ನಿಕ್ಖಿತ್ತಮತ್ತೇ ವಾತಿ ‘‘ನೇವ ಉಪಟ್ಠೇಸ್ಸಾಮಿ, ನ ಉಪಟ್ಠಾಪನಾಯ ಉಸ್ಸುಕ್ಕಂ ಕರಿಸ್ಸಾಮೀ’’ತಿ ಧುರೇ ಉಸ್ಸಾಹೇ ನಿಕ್ಖಿತ್ತಮತ್ತೇಯೇವ। ತಸ್ಸಾತಿ ಉಪಜ್ಝಾಯಾಯ।
2258-9.Anantarāyāti vakkhamānesu rājantarāyādīsu dasasu antarāyesu aññatararahitā bhikkhunī. Dukkhitanti gilānaṃ. Yathāha ‘‘dukkhitā nāma gilānā vuccatī’’ti (pāci. 948). Sahajīvininti saddhivihāriniṃ. Yathāha ‘‘sahajīvinī nāma saddhivihārinī vuccatī’’ti. Aññāya vā nupaṭṭhāpeyyāti aññāya bhikkhuniyā, sikkhamānāya, sāmaṇeriyā vā gihiniyā vā upaṭṭhānaṃ na kārāpeyya. Nupaṭṭheyya sayampi vāti yā upaṭṭhānaṃ na kareyya. Dhure nikkhittamatte vāti ‘‘neva upaṭṭhessāmi, na upaṭṭhāpanāya ussukkaṃ karissāmī’’ti dhure ussāhe nikkhittamatteyeva. Tassāti upajjhāyāya.
ಅನ್ತೇವಾಸಿನಿಯಾ ವಾಪೀತಿ ಪಬ್ಬಜ್ಜಾಉಪಸಮ್ಪದಾಧಮ್ಮನಿಸ್ಸಯವಸೇನ ಚತುಬ್ಬಿಧಾಸು ಅನ್ತೇವಾಸಿನೀಸು ಅಞ್ಞತರಾಯ। ಇತರಾಯಾತಿ ಅನುಪಸಮ್ಪನ್ನಾಯ।
Antevāsiniyā vāpīti pabbajjāupasampadādhammanissayavasena catubbidhāsu antevāsinīsu aññatarāya. Itarāyāti anupasampannāya.
೨೨೬೦. ಗಿಲಾನಾಯಾತಿ ಸಯಂ ಗಿಲಾನಾಯ। ‘‘ಗವೇಸಿತ್ವಾ ಅಲಭನ್ತಿಯಾ’’ತಿ ಪದಚ್ಛೇದೋ, ಅಞ್ಞಂ ಉಪಟ್ಠಾಯಿಕಂ ಪರಿಯೇಸಿತ್ವಾ ಅಲಭಮಾನಾಯಾತಿ ಅತ್ಥೋ। ‘‘ಆಪದಾಸು ಉಮ್ಮತ್ತಿಕಾದೀನ’’ನ್ತಿ ಪದಚ್ಛೇದೋ। ಗಾಥಾಬನ್ಧವಸೇನ ವಣ್ಣಲೋಪೋಪಿ ದಟ್ಠಬ್ಬೋ। ಆಪದಾಸೂತಿ ತಥಾರೂಪೇ ಉಪದ್ದವೇ ಸತಿ। ಧುರನಿಕ್ಖೇಪನೋದಯನ್ತಿ ಧುರನಿಕ್ಖೇಪಸಮುಟ್ಠಾನಂ। ಯದೇತ್ಥ ವತ್ತಬ್ಬಂ, ತಂ ಹೇಟ್ಠಾ ವುತ್ತಮೇವ।
2260.Gilānāyāti sayaṃ gilānāya. ‘‘Gavesitvā alabhantiyā’’ti padacchedo, aññaṃ upaṭṭhāyikaṃ pariyesitvā alabhamānāyāti attho. ‘‘Āpadāsu ummattikādīna’’nti padacchedo. Gāthābandhavasena vaṇṇalopopi daṭṭhabbo. Āpadāsūti tathārūpe upaddave sati. Dhuranikkhepanodayanti dhuranikkhepasamuṭṭhānaṃ. Yadettha vattabbaṃ, taṃ heṭṭhā vuttameva.
ಚತುತ್ಥಂ।
Catutthaṃ.
೨೨೬೧-೨. ಪುಗ್ಗಲಿಕಸ್ಸ ಅತ್ತಾಯತ್ತಪರಾಯತ್ತವಸೇನ ಅನಿಯಮಿತತ್ತಾ ‘‘ಸಕ’’ನ್ತಿ ಇಮಿನಾ ನಿಯಮೇತಿ। ಸಕಂ ಪುಗ್ಗಲಿಕನ್ತಿ ಅತ್ತನೋ ಪುಗ್ಗಲಿಕಂ। ದತ್ವಾತಿ ಏತ್ಥ ‘‘ಭಿಕ್ಖುನಿಯಾ’’ತಿ ಸೇಸೋ। ಸಕವಾಟನ್ತಿ ಪರಿವತ್ತಕದ್ವಾರಕವಾಟಸಹಿತಂ। ಉಪಸ್ಸಯನ್ತಿ ಗೇಹಂ। ದ್ವಾರಾದೀಸೂತಿ ಏತ್ಥ ಆದಿ-ಸದ್ದೇನ ಗಬ್ಭಪಮುಖಾನಂ ಸಙ್ಗಹೋ, ನಿದ್ಧಾರಣೇ ಚೇತಂ ಭುಮ್ಮಂ। ಬಹೂನಿಪೀತಿ ನಿದ್ಧಾರೇತಬ್ಬನಿದಸ್ಸನಂ। ಬಹೂನಿಪಿ ದ್ವಾರಾನಿ ವಾ ಬಹೂ ಗಬ್ಭೇ ವಾ ಬಹೂನಿ ಪಮುಖಾನಿ ವಾ। ತನ್ತಿ ಯಸ್ಸಾ ಉಪಸ್ಸಯೋ ದಿನ್ನೋ, ತಂ ಭಿಕ್ಖುನಿಂ। ನಿಕ್ಕಡ್ಢನ್ತಿಯಾತಿ ಅತಿಕ್ಕಾಮೇನ್ತಿಯಾ। ತಸ್ಸಾತಿ ಯಾ ನಿಕ್ಕಡ್ಢತಿ, ತಸ್ಸಾ।
2261-2. Puggalikassa attāyattaparāyattavasena aniyamitattā ‘‘saka’’nti iminā niyameti. Sakaṃ puggalikanti attano puggalikaṃ. Datvāti ettha ‘‘bhikkhuniyā’’ti seso. Sakavāṭanti parivattakadvārakavāṭasahitaṃ. Upassayanti gehaṃ. Dvārādīsūti ettha ādi-saddena gabbhapamukhānaṃ saṅgaho, niddhāraṇe cetaṃ bhummaṃ. Bahūnipīti niddhāretabbanidassanaṃ. Bahūnipi dvārāni vā bahū gabbhe vā bahūni pamukhāni vā. Tanti yassā upassayo dinno, taṃ bhikkhuniṃ. Nikkaḍḍhantiyāti atikkāmentiyā. Tassāti yā nikkaḍḍhati, tassā.
೨೨೬೩. ಏತ್ಥಾತಿ ನಿಕ್ಕಡ್ಢನೇ। ಏಸೇವ ನಯೋತಿ ‘‘ಪಯೋಗಗಣನಾಯ ಆಪತ್ತೀ’’ತಿ ದಸ್ಸಿತನಯೋ। ಏತ್ಥ ಪಯೋಗೋ ನಾಮ ಆಣಾಪನಂ, ಇಮಿನಾ ‘‘ಏಕಾಯಾಣತ್ತಿಯಾ ಅನೇಕೇಸು ದ್ವಾರೇಸು ಅತಿಕ್ಕಾಮಿತೇಸುಪಿ ಏಕಾವ ಆಪತ್ತಿ ಹೋತೀ’’ತಿ ಏವಮಾದಿಕಂ ಅಟ್ಠಕಥಾಗತವಿನಿಚ್ಛಯಂ (ಪಾಚಿ॰ ಅಟ್ಠ॰ ೯೪೩, ೯೫೨ ಅತ್ಥತೋ ಸಮಾನಂ) ಸಙ್ಗಣ್ಹಾತಿ।
2263.Etthāti nikkaḍḍhane. Eseva nayoti ‘‘payogagaṇanāya āpattī’’ti dassitanayo. Ettha payogo nāma āṇāpanaṃ, iminā ‘‘ekāyāṇattiyā anekesu dvāresu atikkāmitesupi ekāva āpatti hotī’’ti evamādikaṃ aṭṭhakathāgatavinicchayaṃ (pāci. aṭṭha. 943, 952 atthato samānaṃ) saṅgaṇhāti.
೨೨೬೪. ತೇಸು ವಿನಿಚ್ಛಯೇಸು ಏಕಂ ವಿನಿಚ್ಛಯವಿಸೇಸಂ ದಸ್ಸೇತುಮಾಹ ‘‘ಏತ್ತಕಾವ ಇಮಂ ದ್ವಾರಾ’’ತಿಆದಿ। ದ್ವಾರಗಣನಾಯ ಆಪತ್ತಿಯೋ ದ್ವಾರಗಣನಾಪತ್ತಿಯೋ।
2264. Tesu vinicchayesu ekaṃ vinicchayavisesaṃ dassetumāha ‘‘ettakāva imaṃ dvārā’’tiādi. Dvāragaṇanāya āpattiyo dvāragaṇanāpattiyo.
೨೨೬೫. ಅಕವಾಟಮ್ಹಾತಿ ಅಕವಾಟಬನ್ಧತೋ ಉಪಸ್ಸಯಾ ನಿಕ್ಕಡ್ಢನ್ತಿಯಾ ದುಕ್ಕಟನ್ತಿ ಯೋಜನಾ। ಸೇಸಾಯಾತಿ ಅನುಪಸಮ್ಪನ್ನಾಯ। ತಿಕದುಕ್ಕಟನ್ತಿ ಅನುಪಸಮ್ಪನ್ನಾಯ ಉಪಸಮ್ಪನ್ನಸಞ್ಞಾಯ, ವೇಮತಿಕಾಯ, ಅನುಪಸಮ್ಪನ್ನಸಞ್ಞಾಯ ಚ ವಸೇನ ತಿಕದುಕ್ಕಟಂ। ಉಭಿನ್ನನ್ತಿ ಉಪಸಮ್ಪನ್ನಾನುಪಸಮ್ಪನ್ನಾನಂ। ಪರಿಕ್ಖಾರೇಸೂತಿ ಪತ್ತಚೀವರಾದೀಸು ಪರಿಕ್ಖಾರೇಸು । ಸಬ್ಬತ್ಥಾತಿ ಸಬ್ಬೇಸು ಪಯೋಗೇಸು, ನಿಕ್ಕಡ್ಢಿಯಮಾನೇಸು, ನಿಕ್ಕಡ್ಢಾಪಿಯಮಾನೇಸು ಚಾತಿ ವುತ್ತಂ ಹೋತಿ।
2265.Akavāṭamhāti akavāṭabandhato upassayā nikkaḍḍhantiyā dukkaṭanti yojanā. Sesāyāti anupasampannāya. Tikadukkaṭanti anupasampannāya upasampannasaññāya, vematikāya, anupasampannasaññāya ca vasena tikadukkaṭaṃ. Ubhinnanti upasampannānupasampannānaṃ. Parikkhāresūti pattacīvarādīsu parikkhāresu . Sabbatthāti sabbesu payogesu, nikkaḍḍhiyamānesu, nikkaḍḍhāpiyamānesu cāti vuttaṃ hoti.
೨೨೬೬. ಏತ್ಥ ಇಮಸ್ಮಿಂ ಸಿಕ್ಖಾಪದೇ ಸಮುಟ್ಠಾನಾದಿವಿನಿಚ್ಛಯೇನ ಸಹ ಸೇಸಂ ವಿನಿಚ್ಛಯಜಾತಂ ಅಸೇಸೇನ ಸಬ್ಬಪ್ಪಕಾರೇನ ಸಙ್ಘಿಕಾ ವಿಹಾರಸ್ಮಾ ನಿಕ್ಕಡ್ಢನಸಿಕ್ಖಾಪದೇನ ಸಮಂ ಮತಂ ‘‘ಸದಿಸ’’ನ್ತಿ ಸಲ್ಲಕ್ಖಿತನ್ತಿ ಯೋಜನಾ।
2266.Ettha imasmiṃ sikkhāpade samuṭṭhānādivinicchayena saha sesaṃ vinicchayajātaṃ asesena sabbappakārena saṅghikā vihārasmā nikkaḍḍhanasikkhāpadena samaṃ mataṃ ‘‘sadisa’’nti sallakkhitanti yojanā.
ಪಞ್ಚಮಂ।
Pañcamaṃ.
೨೨೬೭. ಛಟ್ಠೇತಿ ‘‘ಯಾ ಪನ ಭಿಕ್ಖುನೀ ಸಂಸಟ್ಠಾ ವಿಹರೇಯ್ಯ ಗಹಪತಿನಾ ವಾ ಗಹಪತಿಪುತ್ತೇನ ವಾ’’ತಿಆದಿಮಾತಿಕಾಯ (ಪಾಚಿ॰ ೯೫೬) ನಿದ್ದಿಟ್ಠೇ ಛಟ್ಠಸಿಕ್ಖಾಪದೇ। ಇಧ ವತ್ತಬ್ಬನ್ತಿ ಇಮಸ್ಮಿಂ ವಿನಯವಿನಿಚ್ಛಯೇ ಕಥೇತಬ್ಬಂ। ಅರಿಟ್ಠಸ್ಸ ಸಿಕ್ಖಾಪದೇನಾತಿ ಅರಿಟ್ಠಸಿಕ್ಖಾಪದೇನ। ವಿನಿಚ್ಛಯೋತಿ ಸಮುಟ್ಠಾನಾದಿಕೋ।
2267.Chaṭṭheti ‘‘yā pana bhikkhunī saṃsaṭṭhā vihareyya gahapatinā vā gahapatiputtena vā’’tiādimātikāya (pāci. 956) niddiṭṭhe chaṭṭhasikkhāpade. Idha vattabbanti imasmiṃ vinayavinicchaye kathetabbaṃ. Ariṭṭhassa sikkhāpadenāti ariṭṭhasikkhāpadena. Vinicchayoti samuṭṭhānādiko.
ಛಟ್ಠಂ।
Chaṭṭhaṃ.
೨೨೬೮. ಸಾಸಙ್ಕಸಮ್ಮತೇತಿ ಏತ್ಥ ‘‘ಸಪ್ಪಟಿಭಯೇ’’ತಿ ಸೇಸೋ। ಉಭಯಮ್ಪಿ ಹೇಟ್ಠಾ ವುತ್ತತ್ಥಮೇವ। ಅನ್ತೋರಟ್ಠೇತಿ ಯಸ್ಸ ವಿಜಿತೇ ವಿಹರತಿ, ತಸ್ಸೇವ ರಟ್ಠೇ। ಸಾಸಙ್ಕಸಮ್ಮತೇ ಸಪ್ಪಟಿಭಯೇ ಅನ್ತೋರಟ್ಠೇ ಸತ್ಥೇನ ವಿನಾ ಚಾರಿಕಂ ಚರನ್ತಿಯಾ ಭಿಕ್ಖುನಿಯಾ ಆಪತ್ತಿ ಸಿಯಾತಿ ಯೋಜನಾ।
2268.Sāsaṅkasammateti ettha ‘‘sappaṭibhaye’’ti seso. Ubhayampi heṭṭhā vuttatthameva. Antoraṭṭheti yassa vijite viharati, tasseva raṭṭhe. Sāsaṅkasammate sappaṭibhaye antoraṭṭhe satthena vinā cārikaṃ carantiyā bhikkhuniyā āpatti siyāti yojanā.
೨೨೬೯. ಏವಂ ಚರನ್ತಿಯಾ ಸಗಾಮಕಟ್ಠಾನೇ ಗಾಮನ್ತರಪ್ಪವೇಸೇ ಚ ಅಗಾಮಕೇ ಅರಞ್ಞೇ ಅದ್ಧಯೋಜನೇ ಚ ವಿನಯಞ್ಞುನಾ ಭಿಕ್ಖುನಾ ಪಾಚಿತ್ತಿಯನಯೋ ಪಾಚಿತ್ತಿಯಾಪತ್ತಿವಿಧಾನಕ್ಕಮೋ ಞೇಯ್ಯೋ ಞಾತಬ್ಬೋತಿ ಯೋಜನಾ।
2269. Evaṃ carantiyā sagāmakaṭṭhāne gāmantarappavese ca agāmake araññe addhayojane ca vinayaññunā bhikkhunā pācittiyanayo pācittiyāpattividhānakkamo ñeyyo ñātabboti yojanā.
೨೨೭೦. ಸಹ ಸತ್ಥೇನ ಚರನ್ತಿಯಾ ನ ದೋಸೋತಿ ಯೋಜನಾ। ಖೇಮಟ್ಠಾನೇ ಚರನ್ತಿಯಾ, ಆಪದಾಸು ವಾ ಚರನ್ತಿಯಾ ನ ದೋಸೋತಿ ಯೋಜನಾ।
2270. Saha satthena carantiyā na dosoti yojanā. Khemaṭṭhāne carantiyā, āpadāsu vā carantiyā na dosoti yojanā.
ಸತ್ತಮಂ।
Sattamaṃ.
೨೨೭೧. ಅಟ್ಠಮೇ ನವಮೇ ವಾಪೀತಿ ‘‘ಯಾ ಪನ ಭಿಕ್ಖುನೀ ತಿರೋರಟ್ಠೇ’’ತಿಆದಿಕೇ (ಪಾಚಿ॰ ೯೬೬) ಅಟ್ಠಮಸಿಕ್ಖಾಪದೇ ಚ ‘‘ಯಾ ಪನ ಭಿಕ್ಖುನೀ ಅನ್ತೋವಸ್ಸಂ ಚಾರಿಕಂ ಚರೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೯೭೦) ವುತ್ತನವಮಸಿಕ್ಖಾಪದೇ ಚ। ಅನುತ್ತಾನಂ ನ ವಿಜ್ಜತಿ, ಸಬ್ಬಂ ಉತ್ತಾನಮೇವ, ತಸ್ಮಾ ಏತ್ಥ ಮಯಾ ನ ವಿಚಾರೀಯತೀತಿ ಅಧಿಪ್ಪಾಯೋ।
2271.Aṭṭhamenavame vāpīti ‘‘yā pana bhikkhunī tiroraṭṭhe’’tiādike (pāci. 966) aṭṭhamasikkhāpade ca ‘‘yā pana bhikkhunī antovassaṃ cārikaṃ careyya, pācittiya’’nti (pāci. 970) vuttanavamasikkhāpade ca. Anuttānaṃ na vijjati, sabbaṃ uttānameva, tasmā ettha mayā na vicārīyatīti adhippāyo.
ಅಟ್ಠಮನವಮಾನಿ।
Aṭṭhamanavamāni.
೨೨೭೨. ‘‘ಯಾ ಪನ ಭಿಕ್ಖುನೀ ವಸ್ಸಂವುತ್ಥಾ ಚಾರಿಕಂ ನ ಪಕ್ಕಮೇಯ್ಯ ಅನ್ತಮಸೋ ಛಪ್ಪಞ್ಚಯೋಜನಾನಿಪಿ, ಪಾಚಿತ್ತಿಯ’’ನ್ತಿ (ಪಾಚಿ॰ ೯೭೪) ವುತ್ತಸಿಕ್ಖಾಪದೇ ವಿನಿಚ್ಛಯಂ ದಸ್ಸೇತುಮಾಹ ‘‘ಪಾಚಿತ್ತೀ’’ತಿಆದಿ। ಅಹಂ ನ ಗಮಿಸ್ಸಾಮಿ ನ ಪಕ್ಕಮಿಸ್ಸಾಮೀತಿ ಧುರನಿಕ್ಖೇಪೇ ಕತೇ ಪಾಚಿತ್ತೀತಿ ಯೋಜನಾ। ತಥಾತಿ ಪಾಚಿತ್ತಿ।
2272. ‘‘Yā pana bhikkhunī vassaṃvutthā cārikaṃ na pakkameyya antamaso chappañcayojanānipi, pācittiya’’nti (pāci. 974) vuttasikkhāpade vinicchayaṃ dassetumāha ‘‘pācittī’’tiādi. Ahaṃ na gamissāmi na pakkamissāmīti dhuranikkhepe kate pācittīti yojanā. Tathāti pācitti.
೨೨೭೩. ವಸ್ಸಂವುತ್ಥಾಯ ಪವಾರೇತ್ವಾ ಅನ್ತಮಸೋ ಪಞ್ಚ ಯೋಜನಾನಿ ಗನ್ತುಂ ವಟ್ಟತಿ। ಏತ್ಥ ಅಪಿ-ಸದ್ದಸ್ಸ ಸಮ್ಭಾವನತ್ಥತಂ ದಸ್ಸೇತುಮಾಹ ‘‘ಛಸೂ’’ತಿಆದಿ। ಇಧ ಇಮಸ್ಮಿಂ ಅನಾಪತ್ತಿವಾರೇ ಛಸು ಯೋಜನೇಸು ಯದತ್ಥಿ ವತ್ತಬ್ಬಂ, ತಂ ಕಿನ್ನು ನಾಮ ಸಿಯಾ, ನತ್ಥಿ ಕಿಞ್ಚಿ ವತ್ತಬ್ಬನ್ತಿ ಅತ್ಥೋ। ಪವಾರೇತ್ವಾ ಛ ಯೋಜನಾನಿ ಗಚ್ಛನ್ತಿಯಾ ಅನಾಪತ್ತಿಭಾವೋ ಅವುತ್ತಸಿದ್ಧೋವಾತಿ ದೀಪೇತಿ।
2273. Vassaṃvutthāya pavāretvā antamaso pañca yojanāni gantuṃ vaṭṭati. Ettha api-saddassa sambhāvanatthataṃ dassetumāha ‘‘chasū’’tiādi. Idha imasmiṃ anāpattivāre chasu yojanesu yadatthi vattabbaṃ, taṃ kinnu nāma siyā, natthi kiñci vattabbanti attho. Pavāretvā cha yojanāni gacchantiyā anāpattibhāvo avuttasiddhovāti dīpeti.
೨೨೭೪. ತೀಣಿ ಯೋಜನಾನಿ। ತೇನೇವಾತಿ ಯೇನ ಗತಾ, ತೇನೇವ ಮಗ್ಗೇನ। ಅಞ್ಞೇನ ಮಗ್ಗೇನಾತಿ ಗತಮಗ್ಗತೋ ಅಞ್ಞೇನ ಪಥೇನ।
2274.Tīṇi yojanāni. Tenevāti yena gatā, teneva maggena. Aññena maggenāti gatamaggato aññena pathena.
೨೨೭೫. ದಸವಿಧೇ ಅನ್ತರಾಯಸ್ಮಿಂ ಸತೀತಿ ವಕ್ಖಮಾನೇಸು ಅನ್ತರಾಯೇಸು ಅಞ್ಞತರಸ್ಮಿಂ ಸತಿ। ತಸ್ಸಾ ಅನಾಪತ್ತೀತಿ ಯೋಜನಾ। ಆಪದಾಸೂತಿ ಅಟ್ಟಾದಿಕಾರಣೇನ ಕೇನಚಿ ಪಲಿಬುದ್ಧಾದಿಭಾವಸಙ್ಖಾತಾಸು ಆಪದಾಸು। ಗಿಲಾನಾಯಾತಿ ಸಯಂ ಗಿಲಾನಾಯ। ದುತಿಯಾಯ ಭಿಕ್ಖುನಿಯಾ ಅಲಾಭೇ ವಾ ಅಪಕ್ಕಮನ್ತಿಯಾ ಅನಾಪತ್ತಿ।
2275.Dasavidhe antarāyasmiṃ satīti vakkhamānesu antarāyesu aññatarasmiṃ sati. Tassā anāpattīti yojanā. Āpadāsūti aṭṭādikāraṇena kenaci palibuddhādibhāvasaṅkhātāsu āpadāsu. Gilānāyāti sayaṃ gilānāya. Dutiyāya bhikkhuniyā alābhe vā apakkamantiyā anāpatti.
೨೨೭೬. ರಾಜಾ ಚ ಚೋರಾ ಚ ಅಮನುಸ್ಸಾ ಚ ಅಗ್ಗಿ ಚ ತೋಯಞ್ಚ ವಾಳಾ ಚ ಸರೀಸಪಾ ಚಾತಿ ವಿಗ್ಗಹೋ। ಮನುಸ್ಸೋತಿ ಏತ್ಥ ಗಾಥಾಬನ್ಧವಸೇನ ಪುಬ್ಬಪದಲೋಪೋ ‘‘ಲಾಬೂನಿ ಸೀದನ್ತೀ’’ತಿಆದೀಸು (ಜಾ॰ ೧.೧.೭೭) ವಿಯ। ಜೀವಿತಞ್ಚ ಬ್ರಹ್ಮಚರಿಯಾ ಚ ಜೀವಿತಬ್ರಹ್ಮಚರಿಯನ್ತಿ ಸಮಾಹಾರದ್ವನ್ದೇ ಸಮಾಸೋ, ತಸ್ಸ ಜೀವಿತಬ್ರಹ್ಮಚರಿಯಸ್ಸ। ಅನ್ತರಾಯಾ ಏವ ಅನ್ತರಾಯಿಕಾ। ಏತೇಸಂ ದಸನ್ನಂ ಅಞ್ಞತರಸ್ಮಿಂ ಅಪಕ್ಕಮನ್ತಿಯಾ ಅನಾಪತ್ತಿ। ಯಥಾಹ ‘‘ಅನ್ತರಾಯೇತಿ ದಸವಿಧೇ ಅನ್ತರಾಯೇ। ‘ಪರಂ ಗಚ್ಛಿಸ್ಸಾಮೀ’ತಿ ನಿಕ್ಖನ್ತಾ, ನದಿಪೂರೋ ಪನ ಆಗತೋ, ಚೋರಾ ವಾ ಮಗ್ಗೇ ಹೋನ್ತಿ, ಮೇಘೋ ವಾ ಉಟ್ಠಾತಿ, ನಿವತ್ತಿತುಂ ವಟ್ಟತೀ’’ತಿ (ಪಾಚಿ॰ ಅಟ್ಠ॰ ೯೭೬)।
2276. Rājā ca corā ca amanussā ca aggi ca toyañca vāḷā ca sarīsapā cāti viggaho. Manussoti ettha gāthābandhavasena pubbapadalopo ‘‘lābūni sīdantī’’tiādīsu (jā. 1.1.77) viya. Jīvitañca brahmacariyā ca jīvitabrahmacariyanti samāhāradvande samāso, tassa jīvitabrahmacariyassa. Antarāyā eva antarāyikā. Etesaṃ dasannaṃ aññatarasmiṃ apakkamantiyā anāpatti. Yathāha ‘‘antarāyeti dasavidhe antarāye. ‘Paraṃ gacchissāmī’ti nikkhantā, nadipūro pana āgato, corā vā magge honti, megho vā uṭṭhāti, nivattituṃ vaṭṭatī’’ti (pāci. aṭṭha. 976).
೨೨೭೭. ಅಪಕ್ಕಮನಂ ಅಕ್ರಿಯಂ। ಅನಾದರಿಯೇನ ಆಪಜ್ಜನತೋ ಆಹ ‘‘ದುಕ್ಖವೇದನ’’ನ್ತಿ।
2277. Apakkamanaṃ akriyaṃ. Anādariyena āpajjanato āha ‘‘dukkhavedana’’nti.
ದಸಮಂ।
Dasamaṃ.
ತುವಟ್ಟವಗ್ಗೋ ಚತುತ್ಥೋ।
Tuvaṭṭavaggo catuttho.
೨೨೭೮-೮೦. ರಾಜಾಗಾರನ್ತಿ ರಞ್ಞೋ ಕೀಳನಘರಂ। ಚಿತ್ತಾಗಾರನ್ತಿ ಕೀಳನಚಿತ್ತಸಾಲಂ। ಆರಾಮನ್ತಿ ಕೀಳನಉಪವನಂ। ಕೀಳುಯ್ಯಾನನ್ತಿ ಕೀಳನತ್ಥಾಯ ಕತಂ ಉಯ್ಯಾನಂ। ಕೀಳಾವಾಪಿನ್ತಿ ಏತ್ಥ ಕಿಞ್ಚಾಪಿ ಪಾಳಿಯಂ (ಪಾಚಿ॰ ೯೭೯) ಪೋಕ್ಖರಣೀ ವುತ್ತಾ, ಸಾ ಪನ ಸಬ್ಬಜಲಾಸಯಾನಂ ಕೀಳಾಯ ಕತಾನಂ ಉಪಲಕ್ಖಣವಸೇನ ವುತ್ತಾತಿ ಆಹ ‘‘ಕೀಳಾವಾಪಿ’’ನ್ತಿ, ಕೀಳನತ್ಥಾಯ ಕತವಾಪಿನ್ತಿ ಅತ್ಥೋ। ‘‘ನಾನಾಕಾರ’’ನ್ತಿ ಇದಂ ಯಥಾವುತ್ತಪದೇಹಿ ಪಚ್ಚೇಕಂ ಯೋಜೇತಬ್ಬಂ। ಸಬ್ಬಸಙ್ಗಾಹಿಕವಸೇನ ‘‘ತಾನೀ’’ತಿ ವುತ್ತಂ। ನಾನಾಕಾರಂ ರಾಜಾಗಾರಂ ಚಿತ್ತಾಗಾರಂ ಆರಾಮಂ ಕೀಳುಯ್ಯಾನಂ ವಾ ಕೀಳಾವಾಪಿಂ ದಟ್ಠುಂ ಗಚ್ಛನ್ತೀನಂ ತಾನಿ ಸಬ್ಬಾನಿ ಏಕತೋ ದಟ್ಠುಂ ಗಚ್ಛನ್ತೀನಂ ತಾಸಂ ಭಿಕ್ಖುನೀನಂ ಪದೇ ಪದೇ ದುಕ್ಕಟಂ ಮುನಿನಾ ನಿದ್ದಿಟ್ಠನ್ತಿ ಯೋಜನಾ।
2278-80.Rājāgāranti rañño kīḷanagharaṃ. Cittāgāranti kīḷanacittasālaṃ. Ārāmanti kīḷanaupavanaṃ. Kīḷuyyānanti kīḷanatthāya kataṃ uyyānaṃ. Kīḷāvāpinti ettha kiñcāpi pāḷiyaṃ (pāci. 979) pokkharaṇī vuttā, sā pana sabbajalāsayānaṃ kīḷāya katānaṃ upalakkhaṇavasena vuttāti āha ‘‘kīḷāvāpi’’nti, kīḷanatthāya katavāpinti attho. ‘‘Nānākāra’’nti idaṃ yathāvuttapadehi paccekaṃ yojetabbaṃ. Sabbasaṅgāhikavasena ‘‘tānī’’ti vuttaṃ. Nānākāraṃ rājāgāraṃ cittāgāraṃ ārāmaṃ kīḷuyyānaṃ vā kīḷāvāpiṃ daṭṭhuṃ gacchantīnaṃ tāni sabbāni ekato daṭṭhuṃ gacchantīnaṃ tāsaṃ bhikkhunīnaṃ pade pade dukkaṭaṃ muninā niddiṭṭhanti yojanā.
ಪಞ್ಚಪೀತಿ ರಾಜಾಗಾರಾದೀನಿ ಪಞ್ಚಪಿ। ಏಕಾಯೇವ ಪಾಚಿತ್ತಿ ಆಪತ್ತಿ ಪರಿದೀಪಿತಾತಿ ಯೋಜನಾ। ತಂ ತಂ ದಿಸಾಭಾಗಂ ಗನ್ತ್ವಾ ಪಸ್ಸನ್ತಿ ಚೇ, ಪಾಟೇಕ್ಕಾಪತ್ತಿಯೋ ಪಯೋಗಗಣನಾಯ ಸಿಯುನ್ತಿ ಯೋಜನಾ।
Pañcapīti rājāgārādīni pañcapi. Ekāyeva pācitti āpatti paridīpitāti yojanā. Taṃ taṃ disābhāgaṃ gantvā passanti ce, pāṭekkāpattiyo payogagaṇanāya siyunti yojanā.
೨೨೮೧. ಗಮನಬಾಹುಲ್ಲೇನ ಆಪತ್ತಿಬಾಹುಲ್ಲಂ ಪಕಾಸೇತ್ವಾ ಗೀವಾಪರಿವತ್ತನಸಙ್ಖಾತೇನ ಪಯೋಗಬಾಹುಲ್ಲೇನಾಪಿ ಆಪತ್ತಿಬಾಹುಲ್ಲಂ ಪಕಾಸೇತುಮಾಹ ‘‘ಪಯೋಗಬಹುತಾಯಾಪಿ, ಪಾಚಿತ್ತಿಬಹುತಾ ಸಿಯಾ’’ತಿ। ಸಬ್ಬತ್ಥಾತಿ ಯತ್ಥ ಭಿಕ್ಖುನಿಯಾ ಪಾಚಿತ್ತಿಯಂ ವುತ್ತಂ, ತತ್ಥ ಸಬ್ಬತ್ಥ।
2281. Gamanabāhullena āpattibāhullaṃ pakāsetvā gīvāparivattanasaṅkhātena payogabāhullenāpi āpattibāhullaṃ pakāsetumāha ‘‘payogabahutāyāpi, pācittibahutā siyā’’ti. Sabbatthāti yattha bhikkhuniyā pācittiyaṃ vuttaṃ, tattha sabbattha.
೨೨೮೨. ‘‘ಅವಸೇಸೋಪಿ ಅನಾಪತ್ತೀ’’ತಿ ಪದಚ್ಛೇದೋ। ಅನಾಪತ್ತಿ ಚ ಕಥಾಮಗ್ಗೋ ಚ ಅನಾಪತ್ತಿಕಥಾಮಗ್ಗೋ, ತೇಸಂ ವಿನಿಚ್ಛಯೋ ಅನಾಪತ್ತಿಕಥಾಮಗ್ಗವಿನಿಚ್ಛಯೋ, ‘‘ಅನಾಪತ್ತಿ ಆರಾಮೇ ಠಿತಾ ಪಸ್ಸತೀ’’ತಿಆದಿಕೋ (ಪಾಚಿ॰ ೯೮೧) ಅನಾಪತ್ತಿವಿನಿಚ್ಛಯೋ ಚ ಅಟ್ಠಕಥಾಗತೋ (ಪಾಚಿ॰ ಅಟ್ಠ॰ ೯೮೧) ಅವಸೇಸವಿನಿಚ್ಛಯೋ ಚಾತಿ ಅತ್ಥೋ। ‘‘ಆರಾಮೇ ಠಿತಾ’’ತಿ ಏತೇನ ಅಜ್ಝಾರಾಮೇ ರಾಜಾಗಾರಾದೀನಿ ಕರೋನ್ತಿ, ತಾನಿ ಪಸ್ಸನ್ತಿಯಾ ಅನಾಪತ್ತೀತಿ ಅಯಮನಾಪತ್ತಿವಾರೋ ದಸ್ಸಿತೋ। ಏತೇನೇವ ಅನ್ತೋಆರಾಮೇ ತತ್ಥ ತತ್ಥ ಗನ್ತ್ವಾ ನಚ್ಚಾದೀನಿ ವಿಯ ರಾಜಾಗಾರಾದೀನಿಪಿ ಪಸ್ಸಿತುಂ ಲಭತೀತಿಪಿ ಸಿದ್ಧಂ। ಆದಿ-ಸದ್ದೇನ ‘‘ಪಿಣ್ಡಪಾತಾದೀನಂ ಅತ್ಥಾಯ ಗಚ್ಛನ್ತಿಯಾ ಮಗ್ಗೇ ಹೋನ್ತಿ, ತಾನಿ ಪಸ್ಸತಿ, ಅನಾಪತ್ತಿ। ರಞ್ಞೋ ಸನ್ತಿಕಂ ಕೇನಚಿ ಕರಣೀಯೇನ ಗನ್ತ್ವಾ ಪಸ್ಸತಿ, ಅನಾಪತ್ತಿ। ಕೇನಚಿ ಉಪದ್ದುತಾ ಪವಿಸಿತ್ವಾ ಪಸ್ಸತಿ, ಅನಾಪತ್ತೀ’’ತಿ ಏತೇ ಅನಾಪತ್ತಿವಾರಾ ಸಙ್ಗಹಿತಾ। ನಚ್ಚದಸ್ಸನ…ಪೇ॰… ಸಹಾತಿ ಸಮುಟ್ಠಾನಾದಿನಾ ವಿನಿಚ್ಛಯೇನ ಸಹ ನಚ್ಚದಸ್ಸನಸಿಕ್ಖಾಪದಸದಿಸೋವ।
2282. ‘‘Avasesopi anāpattī’’ti padacchedo. Anāpatti ca kathāmaggo ca anāpattikathāmaggo, tesaṃ vinicchayo anāpattikathāmaggavinicchayo, ‘‘anāpatti ārāme ṭhitā passatī’’tiādiko (pāci. 981) anāpattivinicchayo ca aṭṭhakathāgato (pāci. aṭṭha. 981) avasesavinicchayo cāti attho. ‘‘Ārāme ṭhitā’’ti etena ajjhārāme rājāgārādīni karonti, tāni passantiyā anāpattīti ayamanāpattivāro dassito. Eteneva antoārāme tattha tattha gantvā naccādīni viya rājāgārādīnipi passituṃ labhatītipi siddhaṃ. Ādi-saddena ‘‘piṇḍapātādīnaṃ atthāya gacchantiyā magge honti, tāni passati, anāpatti. Rañño santikaṃ kenaci karaṇīyena gantvā passati, anāpatti. Kenaci upaddutā pavisitvā passati, anāpattī’’ti ete anāpattivārā saṅgahitā. Naccadassana…pe… sahāti samuṭṭhānādinā vinicchayena saha naccadassanasikkhāpadasadisova.
ಪಠಮಂ।
Paṭhamaṃ.
೨೨೮೩. ಮಾನತೋ ಪಮಾಣತೋ ಅತೀತಾ ಅಪೇತಾ ಮಾನಾತೀತಾ, ಆಸನ್ದೀ, ತಂ। ವಾಳೇಹಿ ಉಪೇತೋ ವಾಳೂಪೇತೋ, ಪಲ್ಲಙ್ಕೋ, ತಂ। ‘‘ಆಸನ್ದೀ ನಾಮ ಅತಿಕ್ಕನ್ತಪ್ಪಮಾಣಾ ವುಚ್ಚತೀ’’ತಿ ವಚನತೋ ಹೇಟ್ಠಾ ಅಟ್ಟನಿಯಾ ವಡ್ಢಕಿಹತ್ಥತೋ ಉಚ್ಚತರಪಾದೋ ಆಯಾಮಚತುರಸ್ಸೋ ಮಞ್ಚಪೀಠವಿಸೇಸೋ ಆಸನ್ದೀ ನಾಮ ಸಮಚತುರಸ್ಸಾನಂ ಅತಿಕ್ಕನ್ತಪ್ಪಮಾಣಾನಮ್ಪಿ ಅನುಞ್ಞಾತತ್ತಾ। ‘‘ಪಲ್ಲಙ್ಕೋ ನಾಮ ಆಹರಿಮೇಹಿ ವಾಳೇಹಿ ಕತೋ’’ತಿ (ಪಾಚಿ॰ ೯೮೪) ವಚನತೋ ಪಮಾಣಯುತ್ತೋಪಿ ಏವರೂಪೋ ನ ವಟ್ಟತಿ। ಆಹರಿತ್ವಾ ಯಥಾನುರೂಪಟ್ಠಾನೇ ಠಪೇತಬ್ಬವಾಳರೂಪಾನಿ ಆಹರಿಮವಾಳಾ ನಾಮ, ಸಂಹರಿಮವಾಳರೂಪಯುತ್ತೋತಿ ವುತ್ತಂ ಹೋತಿ। ಮಾನಾತೀತಂ ಆಸನ್ದಿಂ ವಾ ವಾಳೂಪೇತಂ ಪಲ್ಲಙ್ಕಂ ವಾ ಸೇವನ್ತೀನಂ ಅಭಿನಿಸೀದನ್ತೀನಂ, ಅಭಿನಿಪಜ್ಜನ್ತೀನಞ್ಚ ಯಾಸಂ ಭಿಕ್ಖುನೀನಂ ಸತ್ಥಾ ಪಾಚಿತ್ತಿಯಾಪತ್ತಿಂ ಆಹ।
2283. Mānato pamāṇato atītā apetā mānātītā, āsandī, taṃ. Vāḷehi upeto vāḷūpeto, pallaṅko, taṃ. ‘‘Āsandī nāma atikkantappamāṇā vuccatī’’ti vacanato heṭṭhā aṭṭaniyā vaḍḍhakihatthato uccatarapādo āyāmacaturasso mañcapīṭhaviseso āsandī nāma samacaturassānaṃ atikkantappamāṇānampi anuññātattā. ‘‘Pallaṅko nāma āharimehi vāḷehi kato’’ti (pāci. 984) vacanato pamāṇayuttopi evarūpo na vaṭṭati. Āharitvā yathānurūpaṭṭhāne ṭhapetabbavāḷarūpāni āharimavāḷā nāma, saṃharimavāḷarūpayuttoti vuttaṃ hoti. Mānātītaṃ āsandiṃ vā vāḷūpetaṃ pallaṅkaṃ vā sevantīnaṃ abhinisīdantīnaṃ, abhinipajjantīnañca yāsaṃ bhikkhunīnaṃ satthā pācittiyāpattiṃ āha.
೨೨೮೪. ತಾಸಂ ನಿಸೀದನಸ್ಸಾಪಿ ನಿಪಜ್ಜನಸ್ಸಾಪಿ ಪಯೋಗಬಾಹುಲ್ಲವಸೇನ ಪಾಚಿತ್ತಿಯಾನಂ ಗಣನಾ ಹೋತಿ ಇತಿ ಏವಂ ನಿದ್ದಿಟ್ಠಾ ಏವಂ ಅಯಂ ಗಣನಾ ಅಚ್ಚನ್ತಯಸೇನ ಅನನ್ತಪರಿವಾರೇನ ಭಗವತಾ ವುತ್ತಾತಿ ಯೋಜನಾ। ಏತ್ಥ ಚ ಇಚ್ಚೇವನ್ತಿ ನಿಪಾತಸಮುದಾಯೋ, ಇತಿ-ಸದ್ದೋ ನಿದಸ್ಸನೇ, ಏವಂ-ಸದ್ದೋ ಇದಮತ್ಥೇ ದಟ್ಠಬ್ಬೋ।
2284. Tāsaṃ nisīdanassāpi nipajjanassāpi payogabāhullavasena pācittiyānaṃ gaṇanā hoti iti evaṃ niddiṭṭhā evaṃ ayaṃ gaṇanā accantayasena anantaparivārena bhagavatā vuttāti yojanā. Ettha ca iccevanti nipātasamudāyo, iti-saddo nidassane, evaṃ-saddo idamatthe daṭṭhabbo.
೨೨೮೫. ಪಾದೇ ಆಸನ್ದಿಯಾ ಛೇತ್ವಾತಿ ಆಸನ್ದಿಯಾ ಪಾದೇ ಪಮಾಣತೋ ಅಧಿಕಟ್ಠಾನಛಿನ್ದನೇನ ಛೇತ್ವಾ। ಪಲ್ಲಙ್ಕಸ್ಸ ಪಾದೇ ವಾಳಕಾ ಪಲ್ಲಙ್ಕವಾಳಕಾ, ತೇ ಹಿತ್ವಾ ಅಪನೇತ್ವಾ, ಅನಾಪತ್ತೀತಿ ಸೇವನ್ತೀನಂ ಅನಾಪತ್ತಿ।
2285.Pāde āsandiyā chetvāti āsandiyā pāde pamāṇato adhikaṭṭhānachindanena chetvā. Pallaṅkassa pāde vāḷakā pallaṅkavāḷakā, te hitvā apanetvā, anāpattīti sevantīnaṃ anāpatti.
ದುತಿಯಂ।
Dutiyaṃ.
೨೨೮೬-೭. ಛನ್ನನ್ತಿ ಖೋಮಾದೀನಂ ಛನ್ನಂ, ನಿದ್ಧಾರಣೇ ಸಾಮಿವಚನಂ। ಅಞ್ಞತರಂ ಸುತ್ತನ್ತಿ ನಿದ್ಧಾರಿತಬ್ಬನಿದಸ್ಸನಂ। ಹತ್ಥಾತಿ ಹತ್ಥೇನ, ಕರಣತ್ಥೇ ಚೇತಂ ನಿಸ್ಸಕ್ಕವಚನಂ। ಅಞ್ಚಿತನ್ತಿ ಹತ್ಥಾಯಾಮೇನ ಆಕಡ್ಢಿತಂ । ತಸ್ಮಿನ್ತಿ ತಸ್ಮಿಂ ಅಞ್ಛಿತೇ ಸುತ್ತಪ್ಪದೇಸೇ। ತಕ್ಕಮ್ಹೀತಿ ಕನ್ತನಸೂಚಿಮ್ಹಿ। ವೇಠಿತೇತಿ ಪಲಿವೇಠಿತೇ।
2286-7.Channanti khomādīnaṃ channaṃ, niddhāraṇe sāmivacanaṃ. Aññataraṃ suttanti niddhāritabbanidassanaṃ. Hatthāti hatthena, karaṇatthe cetaṃ nissakkavacanaṃ. Añcitanti hatthāyāmena ākaḍḍhitaṃ . Tasminti tasmiṃ añchite suttappadese. Takkamhīti kantanasūcimhi. Veṭhiteti paliveṭhite.
ಸುತ್ತಕನ್ತನತೋ ಸಬ್ಬಪುಬ್ಬಪಯೋಗೇಸೂತಿ ಸುತ್ತಕನ್ತನತೋ ಪುಬ್ಬೇಸು ಕಪ್ಪಾಸವಿಚಿನನಾದಿಸಬ್ಬಪಯೋಗೇಸು। ಹತ್ಥವಾರತೋತಿ ಹತ್ಥವಾರಗಣನಾಯ। ಯಥಾಹ ‘‘ಕಪ್ಪಾಸವಿಚಿನನಂ ಆದಿಂ ಕತ್ವಾ ಸಬ್ಬಪುಬ್ಬಪಯೋಗೇಸು ಹತ್ಥವಾರಗಣನಾಯ ದುಕ್ಕಟ’’ನ್ತಿ (ಪಾಚಿ॰ ಅಟ್ಠ॰ ೯೮೮)।
Suttakantanato sabbapubbapayogesūti suttakantanato pubbesu kappāsavicinanādisabbapayogesu. Hatthavāratoti hatthavāragaṇanāya. Yathāha ‘‘kappāsavicinanaṃ ādiṃ katvā sabbapubbapayogesu hatthavāragaṇanāya dukkaṭa’’nti (pāci. aṭṭha. 988).
೨೨೮೮. ಕನ್ತಿತಂ ಸುತ್ತನ್ತಿ ಪಠಮಮೇವ ಕನ್ತಿತಂ ದಸಿಕಸುತ್ತಾದಿಂ। ಪುನ ಕನ್ತನ್ತಿಯಾತಿ ಕೋಟಿಯಾ ಕೋಟಿಂ ಸಙ್ಘಾಟೇತ್ವಾ ಪುನ ಕನ್ತನ್ತಿಯಾ।
2288.Kantitaṃ suttanti paṭhamameva kantitaṃ dasikasuttādiṃ. Puna kantantiyāti koṭiyā koṭiṃ saṅghāṭetvā puna kantantiyā.
ತತಿಯಂ।
Tatiyaṃ.
೨೨೮೯. ತಣ್ಡುಲಾನಂ ಕೋಟ್ಟನಂ ತು ಆದಿಂ ಕತ್ವಾ ಗಿಹೀನಂ ವೇಯ್ಯಾವಚ್ಚಂ ಕರೋನ್ತಿಯಾ ಸಬ್ಬಪುಬ್ಬಪಯೋಗೇಸು ದುಕ್ಕಟನ್ತಿ ಯೋಜನಾ।
2289. Taṇḍulānaṃ koṭṭanaṃ tu ādiṃ katvā gihīnaṃ veyyāvaccaṃ karontiyā sabbapubbapayogesu dukkaṭanti yojanā.
೨೨೯೦. ಯಾಗುಆದಿಸು ನಿಪ್ಫಾದೇತಬ್ಬೇಸು ತದಾಧಾರಾನಿ ಭಾಜನಾನಿ ಗಣೇತ್ವಾವ ಪಾಚಿತ್ತಿಂ ಪರಿದೀಪಯೇ, ಖಜ್ಜಕಾದೀಸು ರೂಪಾನಂ ಗಣನಾಯ ಪಾಚಿತ್ತಿಂ ಪರಿದೀಪಯೇತಿ ಯೋಜನಾ। ಯಾಗುಆದಿಸೂತಿ ಏತ್ಥ ಆದಿ-ಸದ್ದೇನ ಭತ್ತಸೂಪಾದೀನಂ ಸಙ್ಗಹೋ। ಖಜ್ಜಕಾದೀಸೂತಿ ಆದಿ-ಸದ್ದೇನ ಮಚ್ಛಮಂಸಾದಿಉತ್ತರಿಭಙ್ಗಾನಂ ಸಙ್ಗಹೋ।
2290.Yāguādisu nipphādetabbesu tadādhārāni bhājanāni gaṇetvāva pācittiṃ paridīpaye, khajjakādīsu rūpānaṃ gaṇanāya pācittiṃ paridīpayeti yojanā. Yāguādisūti ettha ādi-saddena bhattasūpādīnaṃ saṅgaho. Khajjakādīsūti ādi-saddena macchamaṃsādiuttaribhaṅgānaṃ saṅgaho.
೨೨೯೧. ‘‘ಸಚೇಪಿ ಮಾತಾಪಿತರೋ ಆಗಚ್ಛನ್ತಿ, ಯಂಕಿಞ್ಚಿ ಬೀಜನಿಂ ವಾ ಸಮ್ಮಜ್ಜನಿದಣ್ಡಂ ವಾ ಕಾರಾಪೇತ್ವಾ ವೇಯ್ಯಾವಚ್ಚಕರಟ್ಠಾನೇ ಠಪೇತ್ವಾವ ಯಂ ಕಿಞ್ಚಿ ಪಚಿತುಂ ವಟ್ಟತೀ’’ತಿ ಅಟ್ಠಕಥಾಗತಂ ವಿನಿಚ್ಛಯಂ ದಸ್ಸೇತುಮಾಹ ‘‘ಸಚೇ’’ತಿಆದಿ। ಸಚೇತಿ ಏತ್ಥ ‘‘ಮಾತಾಪಿತರೋ ಆಗಚ್ಛನ್ತೀ’’ತಿ ಸೇಸೋ। ಅತ್ತನೋ ಏವಮಾಗತಾನಂ ಮಾತಾಪಿತೂನಮ್ಪಿ ಕಿಞ್ಚಿ ಕಮ್ಮಂ ಅಕಾರೇತ್ವಾ ಕಿಞ್ಚಿ ಕಮ್ಮಂ ಕಾತುಂ ನ ವಟ್ಟತೀತಿ ಯೋಜನಾ। ಅಪಿ-ಸದ್ದೋ ಸಮ್ಭಾವನೇ, ತೇನ ಅಞ್ಞೇಸಂ ಕಥಾಯೇವ ನತ್ಥೀತಿ ದೀಪೇತಿ।
2291. ‘‘Sacepi mātāpitaro āgacchanti, yaṃkiñci bījaniṃ vā sammajjanidaṇḍaṃ vā kārāpetvā veyyāvaccakaraṭṭhāne ṭhapetvāva yaṃ kiñci pacituṃ vaṭṭatī’’ti aṭṭhakathāgataṃ vinicchayaṃ dassetumāha ‘‘sace’’tiādi. Saceti ettha ‘‘mātāpitaro āgacchantī’’ti seso. Attano evamāgatānaṃ mātāpitūnampi kiñci kammaṃ akāretvā kiñci kammaṃ kātuṃ na vaṭṭatīti yojanā. Api-saddo sambhāvane, tena aññesaṃ kathāyeva natthīti dīpeti.
೨೨೯೨-೩. ಸಙ್ಘಸ್ಸ ಯಾಗುಪಾನೇ ವೇಯ್ಯಾವಚ್ಚಂ ಕರೋನ್ತಿಯಾ ಅನಾಪತ್ತೀತಿ ಯೋಜನಾ। ‘‘ಸಙ್ಘಭತ್ತೇಪೀ’’ತಿಆದೀಸುಪಿ ಏಸೇವ ನಯೋ। ಅತ್ತನೋ ವೇಯ್ಯಾವಚ್ಚಕರಸ್ಸ ವಾತಿ ಸಮ್ಬನ್ಧೋ। ಯಥಾಹ ‘‘ಯಾಗುಪಾನೇತಿ ಮನುಸ್ಸೇಹಿ ಸಙ್ಘಸ್ಸತ್ಥಾಯ ಕರಿಯಮಾನೇ ಯಾಗುಪಾನೇ ವಾ ಸಙ್ಘಭತ್ತೇ ವಾ ತೇಸಂ ಸಹಾಯಿಕಭಾವೇನ ಯಂ ಕಿಞ್ಚಿ ಪಚನ್ತಿಯಾ ಅನಾಪತ್ತಿ। ಚೇತಿಯಪೂಜಾಯ ಸಹಾಯಿಕಾ ಹುತ್ವಾ ಗನ್ಧಮಾಲಾದೀನಿ ಪೂಜೇತಿ, ವಟ್ಟತೀ’’ತಿ (ಪಾಚಿ॰ ಅಟ್ಠ॰ ೯೯೩)।
2292-3. Saṅghassa yāgupāne veyyāvaccaṃ karontiyā anāpattīti yojanā. ‘‘Saṅghabhattepī’’tiādīsupi eseva nayo. Attano veyyāvaccakarassa vāti sambandho. Yathāha ‘‘yāgupāneti manussehi saṅghassatthāya kariyamāne yāgupāne vā saṅghabhatte vā tesaṃ sahāyikabhāvena yaṃ kiñci pacantiyā anāpatti. Cetiyapūjāya sahāyikā hutvā gandhamālādīni pūjeti, vaṭṭatī’’ti (pāci. aṭṭha. 993).
ಚತುತ್ಥಂ।
Catutthaṃ.
೨೨೯೪. ‘‘ಯಾ ಪನ ಭಿಕ್ಖುನೀ ‘ಏಹಾಯ್ಯೇ ಇಮಂ ಅಧಿಕರಣಂ ವೂಪಸಮೇಹೀ’ತಿ ವುಚ್ಚಮಾನಾ ‘ಸಾಧೂ’ತಿ ಪಟಿಸ್ಸುಣಿತ್ವಾ ಸಾ ಪಚ್ಛಾ ಅನನ್ತರಾಯಿಕಿನೀ ನೇವ ವೂಪಸಮೇಯ್ಯ ನ ವೂಪಸಮಾಯ ಉಸ್ಸುಕ್ಕಂ ಕರೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೯೯೫) ಸಿಕ್ಖಾಪದಸ್ಸ ವಿನಿಚ್ಛಯಂ ದಸ್ಸೇತುಮಾಹ ‘‘ಪಾಚಿತ್ತಿ ಧುರನಿಕ್ಖೇಪೇ’’ತಿಆದಿ। ಧುರನಿಕ್ಖೇಪೇತಿ ನ ದಾನಿ ತಂ ವೂಪಸಮೇಸ್ಸಾಮಿ, ಅಞ್ಞಾಹಿ ವಾ ನ ವೂಪಸಮಾಪೇಸ್ಸಾಮೀ’’ತಿ ಏವಂ ಧುರಸ್ಸ ಉಸ್ಸಾಹಸ್ಸ ನಿಕ್ಖೇಪೇ ಪಾಚಿತ್ತೀತಿ ಯೋಜನಾ। ಚೀವರಸಿಬ್ಬನೇ ಯಥಾ ಪಞ್ಚಾಹಪರಿಹಾರೋ ಲಬ್ಭತಿ, ಇಧ ಪನ ತಥಾ ಏಕಾಹಮ್ಪಿ ಪರಿಹಾರೋ ನ ಲಬ್ಭತೀತಿ ಯೋಜನಾ।
2294. ‘‘Yā pana bhikkhunī ‘ehāyye imaṃ adhikaraṇaṃ vūpasamehī’ti vuccamānā ‘sādhū’ti paṭissuṇitvā sā pacchā anantarāyikinī neva vūpasameyya na vūpasamāya ussukkaṃ kareyya, pācittiya’’nti (pāci. 995) sikkhāpadassa vinicchayaṃ dassetumāha ‘‘pācitti dhuranikkhepe’’tiādi. Dhuranikkhepeti na dāni taṃ vūpasamessāmi, aññāhi vā na vūpasamāpessāmī’’ti evaṃ dhurassa ussāhassa nikkhepe pācittīti yojanā. Cīvarasibbane yathā pañcāhaparihāro labbhati, idha pana tathā ekāhampi parihāro na labbhatīti yojanā.
೨೨೯೫. ಸೇಸನ್ತಿ ‘‘ಧುರಂ ನಿಕ್ಖಿಪಿತ್ವಾ ಪಚ್ಛಾ ವಿನಿಚ್ಛಿನನ್ತೀ ಆಪತ್ತಿಂ ಆಪಜ್ಜಿತ್ವಾವ ವಿನಿಚ್ಛಿನಾತೀ’’ತಿಆದಿಕಂ ವಿನಿಚ್ಛಯಜಾತಂ। ತತ್ಥ ಚೀವರಸಿಬ್ಬನೇ ವುತ್ತನಯೇನೇವ ವೇದಿತಬ್ಬನ್ತಿ ಯೋಜನಾ।
2295.Sesanti ‘‘dhuraṃ nikkhipitvā pacchā vinicchinantī āpattiṃ āpajjitvāva vinicchinātī’’tiādikaṃ vinicchayajātaṃ. Tattha cīvarasibbane vuttanayeneva veditabbanti yojanā.
ಪಞ್ಚಮಂ।
Pañcamaṃ.
೨೨೯೬-೭. ಯಾ ಪನ ಭಿಕ್ಖುನೀ ಗಿಹೀನಂ ವಾ ಸಹಧಮ್ಮಿಕೇ ಠಪೇತ್ವಾ ಅಞ್ಞೇಸಂ ಪರಿಬ್ಬಾಜಕಪರಿಬ್ಬಾಜಿಕಾನಂ ವಾ ದನ್ತಪೋನೋದಕಂ ವಿನಾ ಅಞ್ಞಂ ಯಂ ಕಿಞ್ಚಿ ಅಜ್ಝೋಹರಣೀಯಂ ಖಾದನೀಯಂ, ಭೋಜನೀಯಂ ವಾ ಕಾಯೇನ ವಾ ಕಾಯಪಟಿಬದ್ಧೇನ ವಾ ನಿಸ್ಸಗ್ಗಿಯೇನ ವಾ ದದಾತಿ, ತಸ್ಸಾ ಪಾಚಿತ್ತಿಯಂ ಹೋತೀತಿ ಯೋಜನಾ।
2296-7.Yāpana bhikkhunī gihīnaṃ vā sahadhammike ṭhapetvā aññesaṃ paribbājakaparibbājikānaṃ vā dantaponodakaṃ vinā aññaṃ yaṃ kiñci ajjhoharaṇīyaṃ khādanīyaṃ, bhojanīyaṃ vā kāyena vā kāyapaṭibaddhena vā nissaggiyena vā dadāti, tassā pācittiyaṃ hotīti yojanā.
೨೨೯೮-೯. ಇಧ ಇಮಸ್ಮಿಂ ಸಿಕ್ಖಾಪದೇ ಮುನಿನಾ ದನ್ತಕಟ್ಠೋದಕೇ ದುಕ್ಕಟಂ ವುತ್ತನ್ತಿ ಯೋಜನಾ। ಯಾ ಪನ ಭಿಕ್ಖುನೀ ಕಾಯಾದೀಹಿ ಸಯಂ ನ ದೇತಿ ಅಞ್ಞೇನ ದಾಪೇತಿ, ತಸ್ಸಾ ಚ ಕಾಯಾದೀಹಿ ಅದತ್ವಾ ಭೂಮಿಯಂ ನಿಕ್ಖಿಪಿತ್ವಾ ದೇನ್ತಿಯಾಪಿ ಯಾ ಬಾಹಿರಲೇಪಂ ವಾ ದೇತಿ, ತಸ್ಸಾಪಿ ಉಮ್ಮತ್ತಿಕಾಯ ಚ ನ ದೋಸೋ ಅನಾಪತ್ತೀತಿ ಯೋಜನಾ।
2298-9.Idha imasmiṃ sikkhāpade muninā dantakaṭṭhodake dukkaṭaṃ vuttanti yojanā. Yā pana bhikkhunī kāyādīhi sayaṃ na deti aññena dāpeti, tassā ca kāyādīhi adatvā bhūmiyaṃ nikkhipitvā dentiyāpi yā bāhiralepaṃ vā deti, tassāpi ummattikāya ca na doso anāpattīti yojanā.
ಛಟ್ಠಂ।
Chaṭṭhaṃ.
೨೩೦೦-೧. ಆವಸಥಚೀವರನ್ತಿ ‘‘ಉತುನಿಯೋ ಭಿಕ್ಖುನಿಯೋ ಪರಿಭುಞ್ಜನ್ತೂ’’ತಿ ದಿನ್ನಂ ಚೀವರಂ। ಯಾ ಭಿಕ್ಖುನೀ ಯಂ ‘‘ಆವಸಥಚೀವರ’’ನ್ತಿ ನಿಯಮಿತಂ ಚೀವರಂ, ತಂ ಚತುತ್ಥೇ ದಿವಸೇ ಧೋವಿತ್ವಾ ಅನ್ತಮಸೋ ಉತುನಿಯಾ ಸಾಮಣೇರಾಯ ವಾ ಅದತ್ವಾ ಸಚೇ ಪರಿಭುಞ್ಜೇಯ್ಯ, ತಸ್ಸಾ ಪಾಚಿತ್ತಿಯಂ ವುತ್ತನ್ತಿ ಯೋಜನಾ। ತಿಕಪಾಚಿತ್ತಿಯಂ ಸಿಯಾತಿ ‘‘ಅನಿಸ್ಸಜ್ಜಿತೇ ಅನಿಸ್ಸಜ್ಜಿತಸಞ್ಞಾ…ಪೇ॰… ವೇಮತಿಕಾ…ಪೇ॰… ನಿಸ್ಸಜ್ಜಿತಸಞ್ಞಾ ಪರಿಭುಞ್ಜತಿ, ಆಪತ್ತಿ ಪಾಚಿತ್ತಿಯಸ್ಸಾ’’ತಿ (ಪಾಚಿ॰ ೧೦೦೬) ವುತ್ತಂ ಪಾಚಿತ್ತಿಯಂ ಹೋತೀತಿ ಯೋಜನಾ।
2300-1.Āvasathacīvaranti ‘‘utuniyo bhikkhuniyo paribhuñjantū’’ti dinnaṃ cīvaraṃ. Yā bhikkhunī yaṃ ‘‘āvasathacīvara’’nti niyamitaṃ cīvaraṃ, taṃ catutthe divase dhovitvā antamaso utuniyā sāmaṇerāya vā adatvā sace paribhuñjeyya, tassā pācittiyaṃ vuttanti yojanā. Tikapācittiyaṃ siyāti ‘‘anissajjite anissajjitasaññā…pe… vematikā…pe… nissajjitasaññā paribhuñjati, āpatti pācittiyassā’’ti (pāci. 1006) vuttaṃ pācittiyaṃ hotīti yojanā.
೨೩೦೨-೩. ತಸ್ಮಿಂ ಚೀವರೇ ನಿಸ್ಸಜ್ಜಿತೇ ಅನಿಸ್ಸಜ್ಜಿತಸಞ್ಞಾಯ ವಾ ವೇಮತಿಕಾಯ ವಾ ತಸ್ಸಾ ಭಿಕ್ಖುನಿಯಾ ದ್ವಿಕದುಕ್ಕಟಂ ವುತ್ತನ್ತಿ ಯೋಜನಾ। ಅಞ್ಞಾಸಂ ಉತುನೀನಂ ಅಭಾವೇ ಅದತ್ವಾಪಿ ಪರಿಭುಞ್ಜನ್ತಿಯಾ ಅನಾಪತ್ತಿ। ಪುನ ಪರಿಯಯೇತಿ ಪುನ ಉತುನಿವಾರೇ ಯಥಾಕಾಲಂ ಪರಿಭುಞ್ಜನ್ತಿಯಾ ಅನಾಪತ್ತಿ। ಅಚ್ಛಿನ್ನಚೀವರಾದೀನಞ್ಚ ಅನಾಪತ್ತೀತಿ ಯೋಜನಾ। ಪರಿಯಯೇತಿ ಗಾಥಾಬನ್ಧವಸೇನ ರಸ್ಸತ್ತಂ । ಅಚ್ಛಿನ್ನಚೀವರಾದೀನನ್ತಿ ಏತ್ಥ ಆದಿ-ಸದ್ದೇನ ನಟ್ಠಚೀವರಾದೀನಂ ಸಙ್ಗಹೋ। ಆಪದಾಸುಪೀತಿ ಮಹಗ್ಘಚೀವರಂ ಸರೀರತೋ ಮೋಚೇತ್ವಾ ಸುಪ್ಪಟಿಸಾಮಿತಮ್ಪಿ ಚೋರಾ ಹರನ್ತಿ, ಏವರೂಪಾಸು ಆಪದಾಸು ಪರಿಭುಞ್ಜನ್ತಿಯಾ ಅನಾಪತ್ತೀತಿ ಯೋಜನಾ।
2302-3.Tasmiṃ cīvare nissajjite anissajjitasaññāya vā vematikāya vā tassā bhikkhuniyā dvikadukkaṭaṃ vuttanti yojanā. Aññāsaṃ utunīnaṃ abhāve adatvāpi paribhuñjantiyā anāpatti. Puna pariyayeti puna utunivāre yathākālaṃ paribhuñjantiyā anāpatti. Acchinnacīvarādīnañca anāpattīti yojanā. Pariyayeti gāthābandhavasena rassattaṃ . Acchinnacīvarādīnanti ettha ādi-saddena naṭṭhacīvarādīnaṃ saṅgaho. Āpadāsupīti mahagghacīvaraṃ sarīrato mocetvā suppaṭisāmitampi corā haranti, evarūpāsu āpadāsu paribhuñjantiyā anāpattīti yojanā.
ಸತ್ತಮಂ।
Sattamaṃ.
೨೩೦೪. ಸಕವಾಟಕಂ ವಿಹಾರನ್ತಿ ಕವಾಟಬನ್ಧವಿಹಾರಂ, ದ್ವಾರಕವಾಟಯುತ್ತಂ ಸುಗುತ್ತಸೇನಾಸನನ್ತಿ ವುತ್ತಂ ಹೋತಿ। ರಕ್ಖನತ್ಥಾಯ ಅದತ್ವಾತಿ ‘‘ಇಮಂ ಜಗ್ಗೇಯ್ಯಾಸೀ’’ತಿ ಏವಂ ಅನಾಪುಚ್ಛಿತ್ವಾ।
2304.Sakavāṭakaṃvihāranti kavāṭabandhavihāraṃ, dvārakavāṭayuttaṃ suguttasenāsananti vuttaṃ hoti. Rakkhanatthāya adatvāti ‘‘imaṃ jaggeyyāsī’’ti evaṃ anāpucchitvā.
೨೩೦೫-೬. ‘‘ಹೋತಿ ಪಾಚಿತ್ತಿಯಂ ತಸ್ಸಾ, ಚಾರಿಕಂ ಪಕ್ಕಮನ್ತಿಯಾ’’ತಿ ವುತ್ತಮೇವ ಪಕಾಸೇತುಮಾಹ ‘‘ಅತ್ತನೋ ಗಾಮತೋ’’ತಿಆದಿ। ಅತ್ತನೋ ಗಾಮತೋತಿ ಅತ್ತನೋ ವಸನಕಗಾಮತೋ। ತಥಾ ಇತರಸ್ಸಾತಿ ಅಪರಿಕ್ಖಿತ್ತಸ್ಸ ವಿಹಾರಸ್ಸ ಪರಿಕ್ಖೇಪಂ ಉಪಚಾರಂ। ತನ್ತಿಆದಿಪದತ್ತಯೇ ಭುಮ್ಮತ್ಥೇ ಉಪಯೋಗವಚನಂ ವೇದಿತಬ್ಬಂ। ಪರಿಕ್ಖಿತ್ತಸ್ಸ ವಿಹಾರಸ್ಸ ಪರಿಕ್ಖೇಪೇ ಪಠಮೇನ ಪದೇನ ಸಮತಿಕ್ಕನ್ತೇ ದುಕ್ಕಟಂ, ತಥಾ ಇತರಸ್ಸ ಅಪರಿಕ್ಖಿತ್ತಸ್ಸ ವಿಹಾರಸ್ಸ ತಸ್ಮಿಂ ಉಪಚಾರೇ ಅತಿಕ್ಕನ್ತೇ ದುಕ್ಕಟಂ। ದುತಿಯೇನ ಪದೇನ ಪರಿಕ್ಖೇಪೇ, ಉಪಚಾರೇ ಸಮತಿಕ್ಕನ್ತಮತ್ತೇ ಪಾಚಿತ್ತೀತಿ ಯೋಜನಾ।
2305-6. ‘‘Hoti pācittiyaṃ tassā, cārikaṃ pakkamantiyā’’ti vuttameva pakāsetumāha ‘‘attano gāmato’’tiādi. Attano gāmatoti attano vasanakagāmato. Tathā itarassāti aparikkhittassa vihārassa parikkhepaṃ upacāraṃ. Tantiādipadattaye bhummatthe upayogavacanaṃ veditabbaṃ. Parikkhittassa vihārassa parikkhepe paṭhamena padena samatikkante dukkaṭaṃ, tathā itarassa aparikkhittassa vihārassa tasmiṃ upacāre atikkante dukkaṭaṃ. Dutiyena padena parikkhepe, upacāre samatikkantamatte pācittīti yojanā.
೨೩೦೭. ಅಕವಾಟಬನ್ಧನಸ್ಮಿಂ ಕವಾಟಬನ್ಧರಹಿತೇ ವಿಹಾರೇ ತಥಾ ಅನಿಸ್ಸಜ್ಜನ್ತಿಯಾ ದುಕ್ಕಟಂ ಪರಿದೀಪಿತಂ। ಜಗ್ಗಿಕಂ ಅಲಭನ್ತಿಯಾತಿ ಏತ್ಥ ‘‘ಪರಿಯೇಸಿತ್ವಾ’’ತಿ ಸೇಸೋ। ಜಗ್ಗಿಕನ್ತಿ ವಿಹಾರಪಟಿಜಗ್ಗಿಕಂ।
2307.Akavāṭabandhanasmiṃ kavāṭabandharahite vihāre tathā anissajjantiyā dukkaṭaṃ paridīpitaṃ. Jaggikaṃ alabhantiyāti ettha ‘‘pariyesitvā’’ti seso. Jaggikanti vihārapaṭijaggikaṃ.
೨೩೦೮. ಆಪದಾಸೂತಿ ರಟ್ಠೇ ಭಿಜ್ಜನ್ತೇ ಆವಾಸೇ ಛಡ್ಡೇತ್ವಾ ಗಚ್ಛನ್ತಿ, ಏವರೂಪಾಸು ಆಪದಾಸು। ಗಿಲಾನಾಯಾತಿ ವಚೀಭೇದಂ ಕಾತುಂ ಅಸಮತ್ಥಾಯಾತಿ।
2308.Āpadāsūti raṭṭhe bhijjante āvāse chaḍḍetvā gacchanti, evarūpāsu āpadāsu. Gilānāyāti vacībhedaṃ kātuṃ asamatthāyāti.
ಅಟ್ಠಮಂ।
Aṭṭhamaṃ.
೨೩೦೯-೧೦. ಹತ್ಥೀ ಚ ಅಸ್ಸೋ ಚ ರಥೋ ಚ ಹತ್ಥಿಅಸ್ಸರಥಾ, ತೇ ಆದಿ ಯೇಸಂ ತೇ ಹತ್ಥಿಅಸ್ಸರಥಾದಯೋ, ತೇಹಿ। ಆದಿ-ಸದ್ದೇನ ಧನು ಥರೂತಿ ಪದದ್ವಯಂ ಗಹಿತಂ। ಸಂಯುತ್ತನ್ತಿ ಯಥಾವುತ್ತೇಹಿ ಹತ್ಥಿಅಸ್ಸಾದಿಪದೇಹಿ ಸಂಯೋಜಿತಂ, ‘‘ಹತ್ಥೀನಂ ಸಿಪ್ಪಂ ಹತ್ಥಿಸಿಪ್ಪ’’ನ್ತಿಆದಿನಾ ಕತಸಮಾಸನ್ತಿ ಅತ್ಥೋ, ‘‘ಹತ್ಥಿಸಿಪ್ಪಂ ಅಸ್ಸಸಿಪ್ಪಂ ರಥಸಿಪ್ಪಂ ಧನುಸಿಪ್ಪಂ ಥರುಸಿಪ್ಪ’’ನ್ತಿ ಏವಂ ವುತ್ತಂ ಯಂ ಕಿಞ್ಚಿ ಸಿಪ್ಪನ್ತಿ ವುತ್ತಂ ಹೋತಿ। ಹತ್ಥಿಸಿಕ್ಖಾದಿಸಿಪ್ಪಂ ಸನ್ದೀಪಕೋ ಗನ್ಥೋ ವಚ್ಚವಾಚಕಾನಂ ಅಭೇದೋಪಚಾರೇನ ಏವಂ ವುತ್ತೋತಿ ಗಹೇತಬ್ಬಂ। ತೇನೇವ ವಕ್ಖತಿ ‘‘ಪದಾದೀನಂ ವಸೇನಿಧಾ’’ತಿ। ಪರೂಪಘಾತಕಂ ಮನ್ತಾಗದಯೋಗಪ್ಪಭೇದಕಂ ಕಿಞ್ಚೀತಿ ಪರೇಸಂ ಅನ್ತರಾಯಕರಂ ಖಿಲನವಸೀಕರಣಸೋಸಾಪನಾದಿಭೇದಂ ಆಥಬ್ಬಣಮನ್ತಞ್ಚ ವಿಸಯೋಗಾದಿಪ್ಪಭೇದಕಞ್ಚ ಯಂ ಕಿಞ್ಚಿ ಸಿಪ್ಪನ್ತಿ ಅತ್ಥೋ।
2309-10. Hatthī ca asso ca ratho ca hatthiassarathā, te ādi yesaṃ te hatthiassarathādayo, tehi. Ādi-saddena dhanu tharūti padadvayaṃ gahitaṃ. Saṃyuttanti yathāvuttehi hatthiassādipadehi saṃyojitaṃ, ‘‘hatthīnaṃ sippaṃ hatthisippa’’ntiādinā katasamāsanti attho, ‘‘hatthisippaṃ assasippaṃ rathasippaṃ dhanusippaṃ tharusippa’’nti evaṃ vuttaṃ yaṃ kiñci sippanti vuttaṃ hoti. Hatthisikkhādisippaṃ sandīpako gantho vaccavācakānaṃ abhedopacārena evaṃ vuttoti gahetabbaṃ. Teneva vakkhati ‘‘padādīnaṃ vasenidhā’’ti. Parūpaghātakaṃ mantāgadayogappabhedakaṃ kiñcīti paresaṃ antarāyakaraṃ khilanavasīkaraṇasosāpanādibhedaṃ āthabbaṇamantañca visayogādippabhedakañca yaṃ kiñci sippanti attho.
ಏತ್ಥ ಚ ಖಿಲನಮನ್ತೋ ನಾಮ ದಾರುಸಾರಖಿಲಂ ಮನ್ತೇತ್ವಾ ಪಥವಿಯಂ ಪವೇಸೇತ್ವಾ ಮಾರಣಮನ್ತೋ। ವಸೀಕರಣಮನ್ತೋ ನಾಮ ಪರಂ ಅತ್ತನೋ ವಸೇ ವತ್ತಾಪನಕಮನ್ತೋ। ಸೋಸಾಪನಕಮನ್ತೋ ನಾಮ ಪರಸರೀರಂ ರಸಾದಿಧಾತುಕ್ಖಯೇನ ಸುಕ್ಖಭಾವಂ ಪಾಪನಕಮನ್ತೋ। ಆದಿ-ಸದ್ದೇನ ವಿದೇಸ್ಸನಾದಿಮನ್ತಾನಂ ಸಙ್ಗಹೋ। ವಿದೇಸ್ಸನಂ ನಾಮ ಮಿತ್ತಾನಂ ಅಞ್ಞಮಞ್ಞಸ್ಸ ವೇರಿಭಾವಾಪಾದನಂ। ಇಧ ಇಮಸ್ಮಿಂ ಸಾಸನೇ ಯಾ ಭಿಕ್ಖುನೀ ಹತ್ಥಿ…ಪೇ॰… ಕಿಞ್ಚಿ ಯಸ್ಸ ಕಸ್ಸಚಿ ಸನ್ತಿಕೇ ಪದಾದೀನಂ ವಸೇನ ಪರಿಯಾಪುಣೇಯ್ಯ ಅಧೀಯೇಯ್ಯ ಚೇ, ತಸ್ಸಾ ಪಾಚಿತ್ತಿಯಂ ಹೋತೀತಿ ಯೋಜನಾ।
Ettha ca khilanamanto nāma dārusārakhilaṃ mantetvā pathaviyaṃ pavesetvā māraṇamanto. Vasīkaraṇamanto nāma paraṃ attano vase vattāpanakamanto. Sosāpanakamanto nāma parasarīraṃ rasādidhātukkhayena sukkhabhāvaṃ pāpanakamanto. Ādi-saddena videssanādimantānaṃ saṅgaho. Videssanaṃ nāma mittānaṃ aññamaññassa veribhāvāpādanaṃ. Idha imasmiṃ sāsane yā bhikkhunī hatthi…pe… kiñci yassa kassaci santike padādīnaṃ vasena pariyāpuṇeyya adhīyeyya ce, tassā pācittiyaṃ hotīti yojanā.
೨೩೧೧. ಲೇಖೇತಿ ಲಿಖಿತಸಿಪ್ಪೇ। ಧಾರಣಾಯ ಚಾತಿ ಧಾರಣಸತ್ಥೇ, ಯಸ್ಮಿಂ ವುತ್ತನಯೇನ ಪಟಿಪಜ್ಜನ್ತಾ ಬಹೂನಿಪಿ ಗನ್ಥಾನಿ ಧಾರೇನ್ತಿ। ಗುತ್ತಿಯಾತಿ ಅತ್ತನೋ ವಾ ಪರೇಸಂ ವಾ ಗುತ್ತತ್ಥಾಯ। ಪರಿತ್ತೇಸು ಚ ಸಬ್ಬೇಸೂತಿ ಯಕ್ಖಪರಿತ್ತಚೋರವಾಳಾದಿಸಬ್ಬೇಸು ಪರಿತ್ತೇಸು ಚ।
2311.Lekheti likhitasippe. Dhāraṇāya cāti dhāraṇasatthe, yasmiṃ vuttanayena paṭipajjantā bahūnipi ganthāni dhārenti. Guttiyāti attano vā paresaṃ vā guttatthāya. Parittesu ca sabbesūti yakkhaparittacoravāḷādisabbesu parittesu ca.
ನವಮಂ।
Navamaṃ.
೨೩೧೨. ದಸಮೇತಿ ‘‘ಯಾ ಪನ ಭಿಕ್ಖುನೀ ತಿರಚ್ಛಾನವಿಜ್ಜಂ ವಾಚೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೧೦೧೮) ಸಮುದ್ದಿಟ್ಠೇ ದಸಮಸಿಕ್ಖಾಪದೇ। ಇದಂ ದಸಮಸಿಕ್ಖಾಪದಂ।
2312.Dasameti ‘‘yā pana bhikkhunī tiracchānavijjaṃ vāceyya, pācittiya’’nti (pāci. 1018) samuddiṭṭhe dasamasikkhāpade. Idaṃ dasamasikkhāpadaṃ.
ದಸಮಂ।
Dasamaṃ.
ಚಿತ್ತಾಗಾರವಗ್ಗೋ ಪಞ್ಚಮೋ।
Cittāgāravaggo pañcamo.
೨೩೧೩. ಸಭಿಕ್ಖುಕಂ ಆರಾಮನ್ತಿ ಯತ್ಥ ಭಿಕ್ಖೂ ರುಕ್ಖಮೂಲೇಪಿ ವಸನ್ತಿ, ತಂ ಪದೇಸಂ। ಜಾನಿತ್ವಾತಿ ‘‘ಸಭಿಕ್ಖುಕ’’ನ್ತಿ ಜಾನಿತ್ವಾ। ಯಂ ಕಿಞ್ಚೀತಿ ಭಿಕ್ಖುಂ ವಾ ಸಾಮಣೇರಂ ವಾ ಆರಾಮಿಕಂ ವಾ ಯಂ ಕಿಞ್ಚಿ।
2313.Sabhikkhukaṃ ārāmanti yattha bhikkhū rukkhamūlepi vasanti, taṃ padesaṃ. Jānitvāti ‘‘sabhikkhuka’’nti jānitvā. Yaṃ kiñcīti bhikkhuṃ vā sāmaṇeraṃ vā ārāmikaṃ vā yaṃ kiñci.
೨೩೧೪-೫. ‘‘ಸಭಿಕ್ಖುಕೋ ನಾಮ ಆರಾಮೋ ಯತ್ಥ ಭಿಕ್ಖೂ ರುಕ್ಖಮೂಲೇಪಿ ವಸನ್ತೀ’’ತಿ (ಪಾಚಿ॰ ೧೦೨೫) ವಚನತೋ ಆಹ ‘‘ಸಚೇ ಅನ್ತಮಸೋ’’ತಿಆದಿ। ಯಾ ಪನ ಭಿಕ್ಖುನೀ ಅನ್ತಮಸೋ ರುಕ್ಖಮೂಲಸ್ಸಪಿ ಅನಾಪುಚ್ಛಾ ಸಚೇ ಪರಿಕ್ಖೇಪಂ ಅತಿಕ್ಕಾಮೇತಿ, ತಸ್ಸಾ ಪಠಮೇ ಪಾದೇ ದುಕ್ಕಟಂ, ಅಪರಿಕ್ಖಿತ್ತೇ ತಸ್ಸ ವಿಹಾರಸ್ಸ ಉಪಚಾರೋಕ್ಕಮೇ ವಾಪಿ ಭಿಕ್ಖುನಿಯಾ ದುಕ್ಕಟಂ, ದುತಿಯೇ ಪಾದೇ ಅತಿಕ್ಕಾಮಿತೇ ಪಾಚಿತ್ತಿ ಸಿಯಾತಿ ಯೋಜನಾ।
2314-5. ‘‘Sabhikkhuko nāma ārāmo yattha bhikkhū rukkhamūlepi vasantī’’ti (pāci. 1025) vacanato āha ‘‘sace antamaso’’tiādi. Yā pana bhikkhunī antamaso rukkhamūlassapi anāpucchā sace parikkhepaṃ atikkāmeti, tassā paṭhame pāde dukkaṭaṃ, aparikkhitte tassa vihārassa upacārokkame vāpi bhikkhuniyā dukkaṭaṃ, dutiye pāde atikkāmite pācitti siyāti yojanā.
೨೩೧೬. ಅಭಿಕ್ಖುಕೇ ಆರಾಮೇ ಸಭಿಕ್ಖೂತಿ ಸಞ್ಞಾಯ ಉಭೋಸುಪಿ ಸಭಿಕ್ಖುಕಾಭಿಕ್ಖುಕೇಸು ಆರಾಮೇಸು ಜಾತಕಙ್ಖಾಯ ಸಞ್ಜಾತವಿಚಿಕಿಚ್ಛಾಯ, ವೇಮತಿಕಾಯಾತಿ ಅತ್ಥೋ। ತಸ್ಸಾ ಆಪತ್ತಿ ದುಕ್ಕಟಂ ಹೋತೀತಿ ಯೋಜನಾ।
2316.Abhikkhuke ārāme sabhikkhūti saññāya ubhosupi sabhikkhukābhikkhukesu ārāmesu jātakaṅkhāya sañjātavicikicchāya, vematikāyāti attho. Tassā āpatti dukkaṭaṃ hotīti yojanā.
೨೩೧೭. ಸೀಸಾನುಲೋಕಿಕಾ ಯಾ ಭಿಕ್ಖುನೀ ಗಚ್ಛತಿ, ತಸ್ಸಾ ಚ ಅನಾಪತ್ತಿ ಪಕಾಸಿತಾತಿ ಯೋಜನಾ। ಏವಮುಪರಿಪಿ। ತಾ ಭಿಕ್ಖುನಿಯೋ ಯತ್ಥ ಸನ್ನಿಪತಿತಾ ಹೋನ್ತಿ, ತಾಸಂ ಸನ್ತಿಕಂ ‘‘ಗಚ್ಛಾಮೀ’’ತಿ ಗಚ್ಛತಿ। ಯಥಾಹ ‘‘ಯತ್ಥ ಭಿಕ್ಖುನಿಯೋ ಪಠಮತರಂ ಪವಿಸಿತ್ವಾ ಸಜ್ಝಾಯಂ ವಾ ಚೇತಿಯವನ್ದನಾದೀನಿ ವಾ ಕರೋನ್ತಿ, ತತ್ಥ ತಾಸಂ ಸನ್ತಿಕಂ ಗಚ್ಛಾಮೀತಿ ಗನ್ತುಂ ವಟ್ಟತೀ’’ತಿ (ಪಾಚಿ॰ ಅಟ್ಠ॰ ೧೦೨೭)।
2317. Sīsānulokikā yā bhikkhunī gacchati, tassā ca anāpatti pakāsitāti yojanā. Evamuparipi. Tā bhikkhuniyo yattha sannipatitā honti, tāsaṃ santikaṃ ‘‘gacchāmī’’ti gacchati. Yathāha ‘‘yattha bhikkhuniyo paṭhamataraṃ pavisitvā sajjhāyaṃ vā cetiyavandanādīni vā karonti, tattha tāsaṃ santikaṃ gacchāmīti gantuṃ vaṭṭatī’’ti (pāci. aṭṭha. 1027).
೨೩೧೮. ‘‘ಸನ್ತಂ ಭಿಕ್ಖುಂ ಅನಾಪುಚ್ಛಾ’’ತಿ ವಚನೇನೇವ ಅಭಿಕ್ಖುಕಂ ಆರಾಮಂ ಕಿಞ್ಚಿ ಅನಾಪುಚ್ಛಾ ಪವಿಸನ್ತಿಯಾ ಅನಾಪತ್ತೀತಿ ದೀಪಿತಂ ಹೋತಿ। ಆರಾಮಮಜ್ಝತೋ ವಾ ಮಗ್ಗೋ ಹೋತಿ, ತೇನ ಗಚ್ಛನ್ತಿಯಾಪಿ। ಆಪದಾಸೂತಿ ಯೇನ ಕೇನಚಿ ಉಪದ್ದುತಾ ಹೋತಿ, ಏವರೂಪಾಸು ಆಪದಾಸು ಪವಿಸನ್ತಿಯಾ।
2318.‘‘Santaṃ bhikkhuṃ anāpucchā’’ti vacaneneva abhikkhukaṃ ārāmaṃ kiñci anāpucchā pavisantiyā anāpattīti dīpitaṃ hoti. Ārāmamajjhato vā maggo hoti, tena gacchantiyāpi. Āpadāsūti yena kenaci upaddutā hoti, evarūpāsu āpadāsu pavisantiyā.
ಪಠಮಂ।
Paṭhamaṃ.
೨೩೨೦. ಅಕ್ಕೋಸೇಯ್ಯಾತಿ ದಸನ್ನಂ ಅಕ್ಕೋಸವತ್ಥೂನಂ ಅಞ್ಞತರೇನ ಸಮ್ಮುಖಾ, ಪರಮ್ಮುಖಾ ವಾ ಅಕ್ಕೋಸೇಯ್ಯ ವಾ। ಪರಿಭಾಸೇಯ್ಯ ವಾತಿ ಭಯ’ಮಸ್ಸ ಉಪದಂಸೇಯ್ಯ ವಾ। ತಿಕಪಾಚಿತ್ತಿಯನ್ತಿ ‘‘ಉಪಸಮ್ಪನ್ನೇ ಉಪಸಮ್ಪನ್ನಸಞ್ಞಾ…ಪೇ॰… ವೇಮತಿಕಾ…ಪೇ॰… ಅನುಪಸಮ್ಪನ್ನಸಞ್ಞಾ ಅಕ್ಕೋಸತಿ ವಾ ಪರಿಭಾಸತಿ ವಾ, ಆಪತ್ತಿ ಪಾಚಿತ್ತಿಯಸ್ಸಾ’’ತಿ (ಪಾಚಿ॰ ೧೦೩೧) ತಿಕಪಾಚಿತ್ತಿಯಂ ವುತ್ತಂ। ಸೇಸೇತಿ ಅನುಪಸಮ್ಪನ್ನೇ। ತಿಕದುಕ್ಕಟಂ ತಸ್ಸಾ ಹೋತೀತಿ ಯೋಜನಾ।
2320.Akkoseyyāti dasannaṃ akkosavatthūnaṃ aññatarena sammukhā, parammukhā vā akkoseyya vā. Paribhāseyya vāti bhaya’massa upadaṃseyya vā. Tikapācittiyanti ‘‘upasampanne upasampannasaññā…pe… vematikā…pe… anupasampannasaññā akkosati vā paribhāsati vā, āpatti pācittiyassā’’ti (pāci. 1031) tikapācittiyaṃ vuttaṃ. Seseti anupasampanne. Tikadukkaṭaṃ tassā hotīti yojanā.
೨೩೨೧. ‘‘ಪುರಕ್ಖತ್ವಾ’’ತಿಆದೀಸು ಯಂ ವತ್ತಬ್ಬಂ, ತಂ ‘‘ಅಭಿಸಪೇಯ್ಯಾ’’ತಿ (ಪಾಚಿ॰ ೮೭೫) ವುತ್ತಸಿಕ್ಖಾಪದೇ ವುತ್ತನಯಮೇವ।
2321.‘‘Purakkhatvā’’tiādīsu yaṃ vattabbaṃ, taṃ ‘‘abhisapeyyā’’ti (pāci. 875) vuttasikkhāpade vuttanayameva.
ದುತಿಯಂ।
Dutiyaṃ.
೨೩೨೨-೩. ಸಙ್ಘನ್ತಿ ಭಿಕ್ಖುನಿಸಙ್ಘಂ। ಪರಿಭಾಸೇಯ್ಯಾತಿ ‘‘ಬಾಲಾ ಏತಾ, ಅಬ್ಯತ್ತಾ ಏತಾ, ನೇತಾ ಜಾನನ್ತಿ ಕಮ್ಮಂ ವಾ ಕಮ್ಮದೋಸಂ ವಾ ಕಮ್ಮವಿಪತ್ತಿಂ ವಾ ಕಮ್ಮಸಮ್ಪತ್ತಿಂ ವಾ’’ತಿ (ಪಾಚಿ॰ ೧೦೩೫) ಆಗತನಯೇನ ಪರಿಭಾಸೇಯ್ಯಾತಿ ಅತ್ಥೋ। ಇತರಾಯಾತಿ ಏತ್ಥ ಉಪಯೋಗತ್ಥೇ ಕರಣವಚನಂ। ಏಕಂ ಭಿಕ್ಖುನಿಂ ವಾ ಸಮ್ಬಹುಲಾ ಭಿಕ್ಖುನಿಯೋ ವಾ ತಥೇವ ಇತರಂ ಅನುಪಸಮ್ಪನ್ನಂ ವಾ ಪರಿಭಾಸನ್ತಿಯಾ ತಸ್ಸಾ ದುಕ್ಕಟಂ ಪರಿದೀಪಿತನ್ತಿ ಯೋಜನಾ।
2322-3.Saṅghanti bhikkhunisaṅghaṃ. Paribhāseyyāti ‘‘bālā etā, abyattā etā, netā jānanti kammaṃ vā kammadosaṃ vā kammavipattiṃ vā kammasampattiṃ vā’’ti (pāci. 1035) āgatanayena paribhāseyyāti attho. Itarāyāti ettha upayogatthe karaṇavacanaṃ. Ekaṃ bhikkhuniṃ vā sambahulā bhikkhuniyo vā tatheva itaraṃ anupasampannaṃ vā paribhāsantiyā tassā dukkaṭaṃ paridīpitanti yojanā.
ತತಿಯಂ।
Tatiyaṃ.
೨೩೨೪-೬. ಯಾ ನಿಮನ್ತನಪವಾರಣಾ ಉಭೋಪಿ ಗಣಭೋಜನಸಿಕ್ಖಾಪದೇ (ಪಾಚಿ॰ ೨೧೭-೨೧೯), ಪವಾರಣಸಿಕ್ಖಾಪದೇ (ಪಾಚಿ॰ ೨೩೮-೨೩೯) ಚ ವುತ್ತಲಕ್ಖಣಾ, ತಾಹಿ ಉಭೋಹಿ ನಿಮನ್ತನಪವಾರಣಾಹಿ ಯಾ ಚ ಭಿಕ್ಖುನೀ ಸಚೇ ನಿಮನ್ತಿತಾಪಿ ವಾ ಪವಾರಿತಾಪಿ ವಾ ಭವೇಯ್ಯ, ಸಾ ಪುರೇಭತ್ತಂ ಯಾಗುಞ್ಚ ಯಾಮಕಾಲಿಕಾದಿಕಾಲಿಕತ್ತಯಞ್ಚ ಠಪೇತ್ವಾ ಯಂ ಕಿಞ್ಚಿ ಆಮಿಸಂ ಯಾವಕಾಲಿಕಂ ಅಜ್ಝೋಹರಣತ್ಥಾಯ ಪಟಿಗ್ಗಣ್ಹಾತಿ ಚೇ, ತಸ್ಸಾ ಗಹಣೇ ದುಕ್ಕಟಂ ಸಿಯಾ, ಅಜ್ಝೋಹಾರವಸೇನ ಏತ್ಥ ಇಮಸ್ಮಿಂ ಸಿಕ್ಖಾಪದೇ ಪಾಚಿತ್ತಿ ಪರಿದೀಪಿತಾತಿ ಯೋಜನಾ।
2324-6. Yā nimantanapavāraṇā ubhopi gaṇabhojanasikkhāpade (pāci. 217-219), pavāraṇasikkhāpade (pāci. 238-239) ca vuttalakkhaṇā, tāhi ubhohi nimantanapavāraṇāhi yā ca bhikkhunī sace nimantitāpi vā pavāritāpi vā bhaveyya, sā purebhattaṃ yāguñca yāmakālikādikālikattayañca ṭhapetvā yaṃ kiñci āmisaṃ yāvakālikaṃ ajjhoharaṇatthāya paṭiggaṇhāti ce, tassā gahaṇe dukkaṭaṃ siyā, ajjhohāravasena ettha imasmiṃ sikkhāpade pācitti paridīpitāti yojanā.
ಏತ್ಥ ಚ ನಿಮನ್ತಿತಾ ನಾಮ ‘‘ಪಞ್ಚನ್ನಂ ಭೋಜನಾನಂ ಅಞ್ಞತರೇನ ಭೋಜನೇನ ನಿಮನ್ತಿತಾ’’ತಿ ಗಣಭೋಜನಸಿಕ್ಖಾಪದೇ ವುತ್ತಲಕ್ಖಣಾ। ಪವಾರಣಾ ಚ ‘‘ಪವಾರಿತೋ ನಾಮ ಅಸನಂ ಪಞ್ಞಾಯತಿ, ಭೋಜನಂ ಪಞ್ಞಾಯತಿ, ಹತ್ಥಪಾಸೇ ಠಿತೋ ಅಭಿಹರತಿ, ಪಟಿಕ್ಖೇಪೋ ಪಞ್ಞಾಯತೀ’’ತಿ ಪವಾರಣಸಿಕ್ಖಾಪದೇ ವುತ್ತಲಕ್ಖಣಾತಿ ವೇದಿತಬ್ಬಾ।
Ettha ca nimantitā nāma ‘‘pañcannaṃ bhojanānaṃ aññatarena bhojanena nimantitā’’ti gaṇabhojanasikkhāpade vuttalakkhaṇā. Pavāraṇā ca ‘‘pavārito nāma asanaṃ paññāyati, bhojanaṃ paññāyati, hatthapāse ṭhito abhiharati, paṭikkhepo paññāyatī’’ti pavāraṇasikkhāpade vuttalakkhaṇāti veditabbā.
೨೩೨೭. ಕಾಲಿಕಾನಿ ಚ ತೀಣೇವಾತಿ ಯಾಮಕಾಲಿಕಾದೀನಿ ತೀಣಿ ಕಾಲಿಕಾನಿ ಏವ।
2327.Kālikāni ca tīṇevāti yāmakālikādīni tīṇi kālikāni eva.
೨೩೨೮-೯. ನಿಮನ್ತಿತಪವಾರಿತಾನಂ ದ್ವಿನ್ನಂ ಸಾಧಾರಣಾಪತ್ತಿಂ ದಸ್ಸೇತ್ವಾ ಅನಾಪತ್ತಿಂ ದಸ್ಸೇತುಮಾಹ ‘‘ನಿಮನ್ತಿತಾ’’ತಿಆದಿ। ಇಧ ಇಮಸ್ಮಿಂ ಸಾಸನೇ ಯಾ ಪನ ಭಿಕ್ಖುನೀ ನಿಮನ್ತಿತಾ ಅಪ್ಪವಾರಿತಾ ಸಚೇ ಯಾಗುಂ ಪಿವತಿ, ವಟ್ಟತಿ ಅನಾಪತ್ತೀತಿ ಅತ್ಥೋ। ಸಾಮಿಕಸ್ಸಾತಿ ಯೇನ ನಿಮನ್ತಿತಾ, ತಸ್ಸ ನಿಮನ್ತನಸಾಮಿಕಸ್ಸೇವ। ಅಞ್ಞಭೋಜನನ್ತಿ ಯೇನ ನಿಮನ್ತಿತಾ, ತತೋ ಅಞ್ಞಸ್ಸ ಭೋಜನಂ। ಸಚೇ ಸಾ ಭುಞ್ಜತಿ, ತಥಾ ವಟ್ಟತೀತಿ ಯೋಜನಾ।
2328-9. Nimantitapavāritānaṃ dvinnaṃ sādhāraṇāpattiṃ dassetvā anāpattiṃ dassetumāha ‘‘nimantitā’’tiādi. Idha imasmiṃ sāsane yā pana bhikkhunī nimantitā appavāritā sace yāguṃ pivati, vaṭṭati anāpattīti attho. Sāmikassāti yena nimantitā, tassa nimantanasāmikasseva. Aññabhojananti yena nimantitā, tato aññassa bhojanaṃ. Sace sā bhuñjati, tathā vaṭṭatīti yojanā.
ಕಾಲಿಕಾನಿ ಚ ತೀಣೇವಾತಿ ಯಾಮಕಾಲಿಕಾದೀನಿ ತೀಣಿ ಕಾಲಿಕಾನೇವ। ಪಚ್ಚಯೇ ಸತೀತಿ ಪಿಪಾಸಾದಿಪಚ್ಚಯೇ ಸತಿ।
Kālikāni ca tīṇevāti yāmakālikādīni tīṇi kālikāneva. Paccaye satīti pipāsādipaccaye sati.
೨೩೩೦. ಇಮಸ್ಸ ಸಿಕ್ಖಾಪದಸ್ಸ ಇದಂ ಸಮುಟ್ಠಾನಂ ಅದ್ಧಾನೇನ ತುಲ್ಯನ್ತಿ ಯೋಜನಾ। ಪವಾರಿತಾಯ, ಅಪ್ಪವಾರಿತಾಯ ವಾ ನಿಮನ್ತಿತಾಯ ವಸೇನ ಕಿರಿಯಾಕಿರಿಯತಂ ದಸ್ಸೇತುಮಾಹ ‘‘ನಿಮನ್ತಿತಾ’’ತಿಆದಿ। ನಿಮನ್ತಿತಾ ಪನ ಸಾಮಿಕಂ ಅನಾಪುಚ್ಛಾ ಭುಞ್ಜತಿ ಚೇ, ತಸ್ಸಾ ವಸೇನ ಇದಂ ಸಿಕ್ಖಾಪದಂ ಕಿರಿಯಾಕಿರಿಯಂ ಹೋತಿ। ಏತ್ಥ ಭುಞ್ಜನಂ ಕ್ರಿಯಂ। ಸಾಮಿಕಸ್ಸ ಅನಾಪುಚ್ಛನಂ ಅಕ್ರಿಯಂ।
2330. Imassa sikkhāpadassa idaṃ samuṭṭhānaṃ addhānena tulyanti yojanā. Pavāritāya, appavāritāya vā nimantitāya vasena kiriyākiriyataṃ dassetumāha ‘‘nimantitā’’tiādi. Nimantitā pana sāmikaṃ anāpucchā bhuñjati ce, tassā vasena idaṃ sikkhāpadaṃ kiriyākiriyaṃ hoti. Ettha bhuñjanaṃ kriyaṃ. Sāmikassa anāpucchanaṃ akriyaṃ.
೨೩೩೧. ‘‘ಕಪ್ಪಿಯಂ ಕಾರಾಪೇತ್ವಾ’’ತಿಆದಿಂ ಪವಾರಿತಮೇವ ಸನ್ಧಾಯಾಹ। ಯಾ ಯದಿ ಪರಿಭುಞ್ಜತಿ, ತಸ್ಸಾ ಚ ಪಾಚಿತ್ತಿ ಸಿಯಾ ಕಿರಿಯತೋ ಹೋತೀತಿ ಯೋಜನಾ। ಸಿಯಾತಿ ಅವಸ್ಸಂ। ಪವಾರಣಸಿಕ್ಖಾಪದೇ ವುತ್ತನಯೇನ ಕಪ್ಪಿಯಂ ಕಾರೇತ್ವಾ ವಾ ಅಕಾರಾಪೇತ್ವಾ ವಾ ಪರಿಭುಞ್ಜನ್ತಿಯಾ ತಸ್ಸಾ ಪರಿಭೋಗೇನೇವ ಇಮಿನಾ ಸಿಕ್ಖಾಪದೇನ ಅವಸ್ಸಂ ಆಪತ್ತಿ ಹೋತೀತಿ ಅತ್ಥೋ।
2331.‘‘Kappiyaṃ kārāpetvā’’tiādiṃ pavāritameva sandhāyāha. Yā yadi paribhuñjati, tassā ca pācitti siyā kiriyato hotīti yojanā. Siyāti avassaṃ. Pavāraṇasikkhāpade vuttanayena kappiyaṃ kāretvā vā akārāpetvā vā paribhuñjantiyā tassā paribhogeneva iminā sikkhāpadena avassaṃ āpatti hotīti attho.
ಚತುತ್ಥಂ।
Catutthaṃ.
೨೩೩೨. ‘‘ಯಾ ಪನ ಭಿಕ್ಖುನೀ ಕುಲಮಚ್ಛರಿನೀ ಅಸ್ಸ, ಪಾಚಿತ್ತಿಯ’’ನ್ತಿ (ಪಾಚಿ॰ ೧೦೪೩) ಇಮಸ್ಮಿಂ ಸಿಕ್ಖಾಪದೇ ವಿನಿಚ್ಛಯಂ ದಸ್ಸೇತುಮಾಹ ‘‘ಭಿಕ್ಖುನೀನ’’ನ್ತಿಆದಿ। ಕುಲಸನ್ತಿಕೇ ಭಿಕ್ಖುನೀನಂ ಅವಣ್ಣಂ ವದನ್ತಿಯಾ ಪಾಚಿತ್ತೀತಿ ಸಮ್ಬನ್ಧೋ, ಕುಲಸ್ಸ ಸನ್ತಿಕೇ ‘‘ಭಿಕ್ಖುನಿಯೋ ದುಸ್ಸೀಲಾ ಪಾಪಧಮ್ಮಾ’’ತಿ ಭಿಕ್ಖುನೀನಂ ಅವಣ್ಣಂ ಭಾಸನ್ತಿಯಾತಿ ಅತ್ಥೋ। ಕುಲಸ್ಸಾವಣ್ಣನಂ ವಾಪೀತಿ ‘‘ತಂ ಕುಲಂ ಅಸ್ಸದ್ಧಂ ಅಪ್ಪಸನ್ನ’’ನ್ತಿ ಭಿಕ್ಖುನೀನಂ ಸನ್ತಿಕೇ ಕುಲಸ್ಸ ಅವಣ್ಣಂ ಅಗುಣಂ ವದನ್ತಿಯಾ ಪಾಚಿತ್ತೀತಿ ಸಮ್ಬನ್ಧೋ।
2332. ‘‘Yā pana bhikkhunī kulamaccharinī assa, pācittiya’’nti (pāci. 1043) imasmiṃ sikkhāpade vinicchayaṃ dassetumāha ‘‘bhikkhunīna’’ntiādi. Kulasantike bhikkhunīnaṃ avaṇṇaṃ vadantiyā pācittīti sambandho, kulassa santike ‘‘bhikkhuniyo dussīlā pāpadhammā’’ti bhikkhunīnaṃ avaṇṇaṃ bhāsantiyāti attho. Kulassāvaṇṇanaṃ vāpīti ‘‘taṃ kulaṃ assaddhaṃ appasanna’’nti bhikkhunīnaṃ santike kulassa avaṇṇaṃ aguṇaṃ vadantiyā pācittīti sambandho.
೨೩೩೩. ಸನ್ತಂ ಭಾಸನ್ತಿಯಾ ದೋಸನ್ತಿ ಅಮಚ್ಛರಾಯಿತ್ವಾ ಕುಲಸ್ಸ ವಾ ಭಿಕ್ಖುನೀನಂ ವಾ ಸನ್ತಂ ದೋಸಂ ಆದೀನವಂ ಕಥೇನ್ತಿಯಾ।
2333.Santaṃbhāsantiyā dosanti amaccharāyitvā kulassa vā bhikkhunīnaṃ vā santaṃ dosaṃ ādīnavaṃ kathentiyā.
ಪಞ್ಚಮಂ।
Pañcamaṃ.
೨೩೩೪-೫. ಓವಾದದಾಯಕೋತಿ ಅಟ್ಠಹಿ ಗರುಧಮ್ಮೇಹಿ ಓವಾದಂ ದೇನ್ತೋ। ವಸ್ಸಂ ಉಪಗಚ್ಛನ್ತಿಯಾತಿ ವಸ್ಸಂ ವಸನ್ತಿಯಾ।
2334-5.Ovādadāyakoti aṭṭhahi garudhammehi ovādaṃ dento. Vassaṃ upagacchantiyāti vassaṃ vasantiyā.
೨೩೩೬. ಭಿಕ್ಖೂತಿ ಓವಾದದಾಯಕಾ ಭಿಕ್ಖೂ।
2336.Bhikkhūti ovādadāyakā bhikkhū.
ಛಟ್ಠಂ।
Chaṭṭhaṃ.
೨೩೩೮. ಯಾ ಸಾ ಭಿಕ್ಖುನೀ ವಸ್ಸಂ ವುತ್ಥಾ ಪುರಿಮಂ ವಾ ಪಚ್ಛಿಮಂ ವಾ ತೇಮಾಸಂ ವುತ್ಥಾ ತತೋ ಅನನ್ತರಂ ಉಭತೋಸಙ್ಘೇ ಭಿಕ್ಖುನಿಸಙ್ಘೇ ಚ ಭಿಕ್ಖುಸಙ್ಘೇ ಚ ‘‘ನಾಹಂ ಪವಾರೇಸ್ಸಾಮೀ’’ತಿ ಧುರಂ ನಿಕ್ಖಿಪತಿ ಚೇತಿ ಯೋಜನಾ।
2338. Yā sā bhikkhunī vassaṃ vutthā purimaṃ vā pacchimaṃ vā temāsaṃ vutthā tato anantaraṃ ubhatosaṅghe bhikkhunisaṅghe ca bhikkhusaṅghe ca ‘‘nāhaṃ pavāressāmī’’ti dhuraṃ nikkhipati ceti yojanā.
ಸತ್ತಮಂ।
Sattamaṃ.
೨೩೪೧. ಓವಾದಾದೀನಮತ್ಥಾಯಾತಿ ಅಟ್ಠಗರುಧಮ್ಮಸ್ಸವನಾದೀನಮತ್ಥಾಯ। ಆದಿ-ಸದ್ದೇನ ಉಪೋಸಥಪುಚ್ಛನಪವಾರಣಾನಂ ಗಹಣಂ।
2341.Ovādādīnamatthāyāti aṭṭhagarudhammassavanādīnamatthāya. Ādi-saddena uposathapucchanapavāraṇānaṃ gahaṇaṃ.
೨೩೪೨. ಓವಾದಾದೀನಮತ್ಥಾಯ ಅಗಮನೇನ ಅಕ್ರಿಯಂ। ಕಾಯಿಕನ್ತಿ ಕಾಯಕಮ್ಮಂ।
2342. Ovādādīnamatthāya agamanena akriyaṃ. Kāyikanti kāyakammaṃ.
ಅಟ್ಠಮಂ।
Aṭṭhamaṃ.
೨೩೪೩. ‘‘ಅನ್ವದ್ಧಮಾಸಂ ಭಿಕ್ಖುನಿಯಾ ಭಿಕ್ಖುಸಙ್ಘತೋ ದ್ವೇ ಧಮ್ಮಾ ಪಚ್ಚಾಸೀಸಿತಬ್ಬಾ ಉಪೋಸಥಪುಚ್ಛನಞ್ಚ ಓವಾದೂಪಸಙ್ಕಮನಞ್ಚ, ತಂ ಅತಿಕ್ಕಾಮೇನ್ತಿಯಾ ಪಾಚಿತ್ತಿಯ’’ನ್ತಿ (ಪಾಚಿ॰ ೧೦೫೯) ಇಮಸ್ಮಿಂ ಸಿಕ್ಖಾಪದೇ ವಿನಿಚ್ಛಯಂ ದಸ್ಸೇತುಮಾಹ ‘‘ನ ಯಾಚಿಸ್ಸಾಮೀ’’ತಿಆದಿ। ತಂ ಉತ್ತಾನತ್ಥಮೇವ।
2343. ‘‘Anvaddhamāsaṃ bhikkhuniyā bhikkhusaṅghato dve dhammā paccāsīsitabbā uposathapucchanañca ovādūpasaṅkamanañca, taṃ atikkāmentiyā pācittiya’’nti (pāci. 1059) imasmiṃ sikkhāpade vinicchayaṃ dassetumāha ‘‘na yācissāmī’’tiādi. Taṃ uttānatthameva.
ನವಮಂ।
Navamaṃ.
೨೩೪೬-೭. ಪಸಾಖೋ ನಾಮ ನಾಭಿಯಾ ಹೇಟ್ಠಾ, ಜಾಣುಮಣ್ಡಲಾನಂ ಉಪರಿ ಪದೇಸೋ। ತಥಾ ಹಿ ಯಸ್ಮಾ ರುಕ್ಖಸ್ಸ ಸಾಖಾ ವಿಯ ಉಭೋ ಊರೂ ಪಭಿಜ್ಜಿತ್ವಾ ಗತಾ, ತಸ್ಮಾ ಸೋ ಪಸಾಖೋತಿ ವುಚ್ಚತಿ, ತಸ್ಮಿಂ ಪಸಾಖೇ। ಸಞ್ಜಾತನ್ತಿ ಉಟ್ಠಿತಂ। ಗಣ್ಡನ್ತಿ ಯಂ ಕಿಞ್ಚಿ ಗಣ್ಡಂ। ರುಧಿತನ್ತಿ ಯಂ ಕಿಞ್ಚಿ ವಣಂ। ಸಙ್ಘಂ ವಾತಿ ಭಿಕ್ಖುನಿಸಙ್ಘಂ ವಾ। ಗಣಂ ವಾತಿ ಸಮ್ಬಹುಲಾ ಭಿಕ್ಖುನಿಯೋ ವಾ। ಏಕೇನಾತಿ ಏತ್ಥ ‘‘ಪುರಿಸೇನಾ’’ತಿ ಸೇಸೋ, ಸಹತ್ಥೇ ಇದಂ ಕರಣವಚನಂ। ಯಥಾಹ ‘‘ಪುರಿಸೇನ ಸದ್ಧಿಂ ಏಕೇನೇಕಾ’’ತಿ। ಪುರಿಸೋತಿ ಚ ಮನುಸ್ಸಪುರಿಸೋವ ಗಹೇತಬ್ಬೋ।
2346-7.Pasākho nāma nābhiyā heṭṭhā, jāṇumaṇḍalānaṃ upari padeso. Tathā hi yasmā rukkhassa sākhā viya ubho ūrū pabhijjitvā gatā, tasmā so pasākhoti vuccati, tasmiṃ pasākhe. Sañjātanti uṭṭhitaṃ. Gaṇḍanti yaṃ kiñci gaṇḍaṃ. Rudhitanti yaṃ kiñci vaṇaṃ. Saṅghaṃ vāti bhikkhunisaṅghaṃ vā. Gaṇaṃ vāti sambahulā bhikkhuniyo vā. Ekenāti ettha ‘‘purisenā’’ti seso, sahatthe idaṃ karaṇavacanaṃ. Yathāha ‘‘purisena saddhiṃ ekenekā’’ti. Purisoti ca manussapurisova gahetabbo.
ಧೋವಾತಿ ಏತ್ಥ ಆದಿ-ಅತ್ಥೇ ವತ್ತಮಾನೇನ ಇತಿ-ಸದ್ದೇನ ‘‘ಆಲಿಮ್ಪಾಪೇಯ್ಯ ವಾ ಬನ್ಧಾಪೇಯ್ಯ ವಾ ಮೋಚಾಪೇಯ್ಯ ವಾ’’ತಿ (ಪಾಚಿ॰ ೧೦೬೩) ಸಿಕ್ಖಾಪದಾಗತಾನಂ ಇತರೇಸಂ ತಿಣ್ಣಂ ಸಙ್ಗಣ್ಹನತೋ ‘‘ಆಲಿಮ್ಪ ಬನ್ಧ ಮೋಚೇಹೀ’’ತಿ ಆಣತ್ತಿತ್ತಯಂ ಸಙ್ಗಹಿತಂ। ತೇನೇವ ವಕ್ಖತಿ ‘‘ದುಕ್ಕಟಾನಿಚ್ಛ ಪಾಚಿತ್ತಿಯೋ ಛ ಚಾ’’ತಿ।
Dhovāti ettha ādi-atthe vattamānena iti-saddena ‘‘ālimpāpeyya vā bandhāpeyya vā mocāpeyya vā’’ti (pāci. 1063) sikkhāpadāgatānaṃ itaresaṃ tiṇṇaṃ saṅgaṇhanato ‘‘ālimpa bandha mocehī’’ti āṇattittayaṃ saṅgahitaṃ. Teneva vakkhati ‘‘dukkaṭāniccha pācittiyo cha cā’’ti.
ಯಾ ಪನ ಭಿಕ್ಖುನೀ ಪಸಾಖೇ ಜಾತಂ ಗಣ್ಡಂ ವಾ ರುಧಿತಂ ವಾ ಸಙ್ಘಂ ವಾ ಗಣಂ ವಾ ಅನಾಪುಚ್ಛಿತ್ವಾ ಏಕೇನ ಪುರಿಸೇನ ಏಕಿಕಾ ‘‘ಭಿನ್ದ ಫಾಲೇಹಿ ಧೋವ ಆಲಿಮ್ಪ ಬನ್ಧ ಮೋಚೇಹೀ’’ತಿ ಸಬ್ಬಾನಿ ಕಾತಬ್ಬಾನಿ ಆಣಾಪೇತಿ, ತಸ್ಸಾ ಛ ದುಕ್ಕಟಾನಿ, ಕತೇಸು ಭಿನ್ದನಾದೀಸು ಛಸು ಕಿಚ್ಚೇಸು ತಸ್ಸಾ ಛ ಪಾಚಿತ್ತಿಯೋ ಹೋನ್ತೀತಿ ಯೋಜನಾ।
Yā pana bhikkhunī pasākhe jātaṃ gaṇḍaṃ vā rudhitaṃ vā saṅghaṃ vā gaṇaṃ vā anāpucchitvā ekena purisena ekikā ‘‘bhinda phālehi dhova ālimpa bandha mocehī’’ti sabbāni kātabbāni āṇāpeti, tassā cha dukkaṭāni, katesu bhindanādīsu chasu kiccesu tassā cha pācittiyo hontīti yojanā.
೨೩೪೮-೯. ಏತ್ಥಾತಿ ಗಣ್ಡೇ ವಾ ವಣೇ ವಾ। ‘‘ಯಂ ಕಾತಬ್ಬಂ ಅತ್ಥಿ, ತಂ ಸಬ್ಬಂ ತ್ವಂ ಕರೋಹಿ’’ಇತಿ ಸಚೇ ಏವಂ ಯಾ ಆಣಾಪೇತೀತಿ ಯೋಜನಾ। ತಸ್ಸಾ ಏಕಾಯ ಆಣಾಪನವಾಚಾಯ ಛ ದುಕ್ಕಟಾನಿ ಚ ಪಾಚಿತ್ತಿಯಚ್ಛಕ್ಕಞ್ಚೇತಿ ದ್ವಾದಸಾಪತ್ತಿಯೋ ಸಿಯುನ್ತಿ ಯೋಜನಾ।
2348-9.Etthāti gaṇḍe vā vaṇe vā. ‘‘Yaṃ kātabbaṃ atthi, taṃ sabbaṃ tvaṃ karohi’’iti sace evaṃ yā āṇāpetīti yojanā. Tassā ekāya āṇāpanavācāya cha dukkaṭāni ca pācittiyacchakkañceti dvādasāpattiyo siyunti yojanā.
೨೩೫೧. ಆಪುಚ್ಛಿತ್ವಾ ವಾತಿ ಸಙ್ಘಂ ವಾ ಗಣಂ ವಾ ಆಪುಚ್ಛಿತ್ವಾ। ದುತಿಯನ್ತಿ ದುತಿಯಿಕಂ। ವಿಞ್ಞುಂ ದುತಿಯಂ ಗಹೇತ್ವಾಪಿ ವಾತಿ ಯೋಜನಾ।
2351.Āpucchitvāvāti saṅghaṃ vā gaṇaṃ vā āpucchitvā. Dutiyanti dutiyikaṃ. Viññuṃ dutiyaṃ gahetvāpi vāti yojanā.
ದಸಮಂ।
Dasamaṃ.
ಆರಾಮವಗ್ಗೋ ಛಟ್ಠೋ।
Ārāmavaggo chaṭṭho.
೨೩೫೩. ‘‘ಗಣಪರಿಯೇಸನಾದಿಸ್ಮಿ’’ನ್ತಿ ವತ್ತಬ್ಬೇ ಛನ್ದಾನುರಕ್ಖನತ್ಥಂ ನಿಗ್ಗಹಿತಾಗಮೋ। ಗಬ್ಭಿನಿನ್ತಿ ಆಪನ್ನಸತ್ತಂ, ಕುಚ್ಛಿಪವಿಟ್ಠಸತ್ತನ್ತಿ ಅತ್ಥೋ। ವುಟ್ಠಾಪೇನ್ತಿಯಾತಿ ಉಪಸಮ್ಪಾದೇನ್ತಿಯಾ। ಕಮ್ಮವಾಚಾಹೀತಿ ದ್ವೀಹಿ ಕಮ್ಮವಾಚಾಹಿ।
2353. ‘‘Gaṇapariyesanādismi’’nti vattabbe chandānurakkhanatthaṃ niggahitāgamo. Gabbhininti āpannasattaṃ, kucchipaviṭṭhasattanti attho. Vuṭṭhāpentiyāti upasampādentiyā. Kammavācāhīti dvīhi kammavācāhi.
೨೩೫೪-೫. ಕಮ್ಮವಾಚಾಯ ಓಸಾನೇತಿ ತತಿಯಕಮ್ಮವಾಚಾಯ ಪರಿಯೋಸಾನೇ, ಯ್ಯಕಾರಪ್ಪತ್ತೇತಿ ಅತ್ಥೋ। ಗಬ್ಭಿನಿಸಞ್ಞಾಯ ನ ಚ ಗಬ್ಭಿನಿಯಾತಿ ಅಗಬ್ಭಿನಿಯಾ ಗಬ್ಭಿನಿಸಞ್ಞಾಯ ಚ। ಉಭೋ ಸಞ್ಜಾತಕಙ್ಖಾಯಾತಿ ಉಭೋಸು ಸಮುಪ್ಪನ್ನಸಂಸಯಾಯ, ಗಬ್ಭಿನಿಯಾ, ಅಗಬ್ಭಿನಿಯಾ ಚ ವೇಮತಿಕಾಯಾತಿ ಅತ್ಥೋ। ಗಾಥಾಬನ್ಧವಸೇನೇತ್ಥ ಸು-ಸದ್ದಲೋಪೋ। ತಥಾ ವುಟ್ಠಾಪೇನ್ತಿಯಾ ಉಪಜ್ಝಾಯಾಯ ಆಪತ್ತಿ ದುಕ್ಕಟಂ ಹೋತೀತಿ ಯೋಜನಾ। ಆಚರಿನಿಯಾ ತಸ್ಸಾತಿ ಉಪಜ್ಝಾಯಾ ಗಬ್ಭಿನಿಂ ವುಟ್ಠಾಪೇತಿ, ತಸ್ಸಾ ಕಮ್ಮವಾಚಂ ಸಾವೇನ್ತಿಯಾ ಆಚರಿನಿಯಾ ಚ। ಗಣಸ್ಸಾತಿ ಉಪಜ್ಝಾಯಾಚರಿನೀಹಿ ಅಞ್ಞಸ್ಸ ಭಿಕ್ಖುನಿಗಣಸ್ಸ ಚ। ತಥಾ ದುಕ್ಕಟಂ ದೀಪಿತನ್ತಿ ಯೋಜನಾ।
2354-5.Kammavācāya osāneti tatiyakammavācāya pariyosāne, yyakārappatteti attho. Gabbhinisaññāya na ca gabbhiniyāti agabbhiniyā gabbhinisaññāya ca. Ubho sañjātakaṅkhāyāti ubhosu samuppannasaṃsayāya, gabbhiniyā, agabbhiniyā ca vematikāyāti attho. Gāthābandhavasenettha su-saddalopo. Tathā vuṭṭhāpentiyā upajjhāyāya āpatti dukkaṭaṃ hotīti yojanā. Ācariniyā tassāti upajjhāyā gabbhiniṃ vuṭṭhāpeti, tassā kammavācaṃ sāventiyā ācariniyā ca. Gaṇassāti upajjhāyācarinīhi aññassa bhikkhunigaṇassa ca. Tathā dukkaṭaṃ dīpitanti yojanā.
೨೩೫೬. ‘‘ದ್ವೀಸು ಅಗಬ್ಭಿನಿಸಞ್ಞಾಯಾ’’ತಿ ಪದಚ್ಛೇದೋ। ದ್ವೀಸೂತಿ ಗಬ್ಭಿನಿಯಾ, ಅಗಬ್ಭಿನಿಯಾ ಚ।
2356. ‘‘Dvīsu agabbhinisaññāyā’’ti padacchedo. Dvīsūti gabbhiniyā, agabbhiniyā ca.
ಪಠಮಂ।
Paṭhamaṃ.
೨೩೫೭. ದುತಿಯೇತಿ ‘‘ಯಾ ಪನ ಭಿಕ್ಖುನೀ ಪಾಯನ್ತಿಂ ವುಟ್ಠಾಪೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೧೦೭೩) ಸಿಕ್ಖಾಪದೇ। ಇಮಸ್ಮಿಂ ಸಿಕ್ಖಾಪದೇ ಪಾಯನ್ತೀ ನಾಮ ಮಾತಾ ವಾ ಹೋತಿ ಧಾತಿ ವಾತಿ ಅಯಂ ವಿಸೇಸೋ।
2357.Dutiyeti ‘‘yā pana bhikkhunī pāyantiṃ vuṭṭhāpeyya, pācittiya’’nti (pāci. 1073) sikkhāpade. Imasmiṃ sikkhāpade pāyantī nāma mātā vā hoti dhāti vāti ayaṃ viseso.
ದುತಿಯಂ।
Dutiyaṃ.
೨೩೫೮. ಯಾ ಪನ ಭಿಕ್ಖುನೀ ದ್ವೇ ವಸ್ಸಾನಿ ಛಸು ಧಮ್ಮೇಸು ಅಸಿಕ್ಖಿತಸಿಕ್ಖಂ ಸಿಕ್ಖಮಾನಂ ಸಚೇ ವುಟ್ಠಾಪೇಯ್ಯ, ಪಾಚಿತ್ತಿ ಸಿಯಾತಿ ಯೋಜನಾ। ತತ್ಥ ದ್ವೇ ವಸ್ಸಾನೀತಿ ಪವಾರಣವಸೇನ ದ್ವೇ ಸಂವಚ್ಛರಾನಿ। ಛಸು ಧಮ್ಮೇಸೂತಿ ಪಾಣಾತಿಪಾತಾವೇರಮಣಿಆದೀಸು ವಿಕಾಲಭೋಜನಾವೇರಮಣಿಪರಿಯೋಸಾನೇಸು ಛಸು ಧಮ್ಮೇಸು। ಅಸಿಕ್ಖಿತಸಿಕ್ಖನ್ತಿ ‘‘ಪಾಣಾತಿಪಾತಾವೇರಮಣಿಂ ದ್ವೇ ವಸ್ಸಾನಿ ಅವೀತಿಕ್ಕಮ್ಮ ಸಮಾದಾನಂ ಸಮಾದಿಯಾಮೀ’’ತಿಆದಿನಾ (ಪಾಚಿ॰ ೧೦೭೯) ನಯೇನ ಅನಾದಿನ್ನಸಿಕ್ಖಾಪದಂ ವಾ ಏವಂ ಸಮಾದಿಯಿತ್ವಾಪಿ ಕುಪಿತಸಿಕ್ಖಂ ವಾ। ಸಿಕ್ಖಮಾನಂ ತೇಸು ಛಸು ಧಮ್ಮೇಸು ಸಿಕ್ಖನತೋ ವಾ ತೇ ವಾ ಸಿಕ್ಖಾಸಙ್ಖಾತೇ ಧಮ್ಮೇ ಮಾನನತೋ ಏವಂ ಲದ್ಧನಾಮಂ ಅನುಪಸಮ್ಪನ್ನಂ। ವುಟ್ಠಾಪೇಯ್ಯಾತಿ ಉಪಸಮ್ಪಾದೇಯ್ಯ। ಆಪತ್ತಿ ಸಿಯಾತಿ ಪಠಮಸಿಕ್ಖಾಪದೇ ವುತ್ತನಯೇನೇವ ಕಮ್ಮವಾಚಾಪರಿಯೋಸಾನೇ ಪಾಚಿತ್ತಿ ಆಪತ್ತಿ ಸಿಯಾ, ಪಾಚಿತ್ತಿ ಹೋತೀತಿ ಅತ್ಥೋ।
2358. Yā pana bhikkhunī dve vassāni chasu dhammesu asikkhitasikkhaṃ sikkhamānaṃ sace vuṭṭhāpeyya, pācitti siyāti yojanā. Tattha dve vassānīti pavāraṇavasena dve saṃvaccharāni. Chasu dhammesūti pāṇātipātāveramaṇiādīsu vikālabhojanāveramaṇipariyosānesu chasu dhammesu. Asikkhitasikkhanti ‘‘pāṇātipātāveramaṇiṃ dve vassāni avītikkamma samādānaṃ samādiyāmī’’tiādinā (pāci. 1079) nayena anādinnasikkhāpadaṃ vā evaṃ samādiyitvāpi kupitasikkhaṃ vā. Sikkhamānaṃ tesu chasu dhammesu sikkhanato vā te vā sikkhāsaṅkhāte dhamme mānanato evaṃ laddhanāmaṃ anupasampannaṃ. Vuṭṭhāpeyyāti upasampādeyya. Āpatti siyāti paṭhamasikkhāpade vuttanayeneva kammavācāpariyosāne pācitti āpatti siyā, pācitti hotīti attho.
೨೩೫೯. ‘‘ಧಮ್ಮಕಮ್ಮೇ ಧಮ್ಮಕಮ್ಮಸಞ್ಞಾ ವುಟ್ಠಾಪೇತಿ, ಆಪತ್ತಿ ಪಾಚಿತ್ತಿಯಸ್ಸ। ಧಮ್ಮಕಮ್ಮೇ ವೇಮತಿಕಾ ವುಟ್ಠಾಪೇತಿ, ಆಪತ್ತಿ ಪಾಚಿತ್ತಿಯಸ್ಸ। ಧಮ್ಮಕಮ್ಮೇ ಅಧಮ್ಮಕಮ್ಮಸಞ್ಞಾ ವುಟ್ಠಾಪೇತಿ, ಆಪತ್ತಿ ಪಾಚಿತ್ತಿಯಸ್ಸಾ’’ತಿ ಏವಂ ಧಮ್ಮಕಮ್ಮೇ ಸತ್ಥುನಾ ತಿಕಪಾಚಿತ್ತಿಯಂ ವುತ್ತಂ। ‘‘ಅಧಮ್ಮಕಮ್ಮೇ ಧಮ್ಮಕಮ್ಮಸಞ್ಞಾ, ಆಪತ್ತಿ ದುಕ್ಕಟಸ್ಸ। ಅಧಮ್ಮಕಮ್ಮೇ ವೇಮತಿಕಾ ಆಪತ್ತಿ ದುಕ್ಕಟಸ್ಸ। ಅಧಮ್ಮಕಮ್ಮೇ ಅಧಮ್ಮಕಮ್ಮಸಞ್ಞಾ ವುಟ್ಠಾಪೇತಿ, ಆಪತ್ತಿ ದುಕ್ಕಟಸ್ಸಾ’’ತಿ (ಪಾಚಿ॰ ೧೦೮೨) ಏವಂ ಅಧಮ್ಮೇ ಪನ ಕಮ್ಮಸ್ಮಿಂ ಸತ್ಥುನಾ ತಿಕದುಕ್ಕಟಂ ದೀಪಿತಂ।
2359. ‘‘Dhammakamme dhammakammasaññā vuṭṭhāpeti, āpatti pācittiyassa. Dhammakamme vematikā vuṭṭhāpeti, āpatti pācittiyassa. Dhammakamme adhammakammasaññā vuṭṭhāpeti, āpatti pācittiyassā’’ti evaṃ dhammakamme satthunā tikapācittiyaṃ vuttaṃ. ‘‘Adhammakamme dhammakammasaññā, āpatti dukkaṭassa. Adhammakamme vematikā āpatti dukkaṭassa. Adhammakamme adhammakammasaññā vuṭṭhāpeti, āpatti dukkaṭassā’’ti (pāci. 1082) evaṃ adhamme pana kammasmiṃ satthunā tikadukkaṭaṃ dīpitaṃ.
೨೩೬೦. ಅಖಣ್ಡತೋ ಖಣ್ಡಂ ಅಕತ್ವಾ।
2360.Akhaṇḍato khaṇḍaṃ akatvā.
೨೩೬೧. ಸಚೇ ಉಪಸಮ್ಪದಾಪೇಕ್ಖಾ ಪಬ್ಬಜ್ಜಾಯ ಸಟ್ಠಿವಸ್ಸಾಪಿ ಹೋತಿ, ತಸ್ಸಾ ಇಮಾ ಛ ಸಿಕ್ಖಾಯೋ ದ್ವೇ ವಸ್ಸಾನಿ ಅವೀತಿಕ್ಕಮನೀಯಾ ಪದಾತಬ್ಬಾ, ಇಮಾ ಅದತ್ವಾ ನ ಕಾರಯೇ ನೇವ ವುಟ್ಠಾಪೇಯ್ಯಾತಿ ಯೋಜನಾ।
2361. Sace upasampadāpekkhā pabbajjāya saṭṭhivassāpi hoti, tassā imā cha sikkhāyo dve vassāni avītikkamanīyā padātabbā, imā adatvā na kāraye neva vuṭṭhāpeyyāti yojanā.
ತತಿಯಂ।
Tatiyaṃ.
೨೩೬೨. ಚತುತ್ಥೇ ನತ್ಥಿ ವತ್ತಬ್ಬನ್ತಿ ವಕ್ಖಮಾನವಿಸೇಸತೋ ಅಞ್ಞಂ ವತ್ತಬ್ಬಂ ನತ್ಥೀತಿ ಯಥಾವುತ್ತನಯಮೇವಾತಿ ಅಧಿಪ್ಪಾಯೋ। ‘‘ಇಧಾ’’ತಿಆದಿನಾ ಇಮಸ್ಮಿಂ ಸಿಕ್ಖಾಪದೇ ಲಬ್ಭಮಾನವಿಸೇಸಂ ದಸ್ಸೇತಿ। ಇಧ ಇಮಸ್ಮಿಂ ಸಿಕ್ಖಾಪದೇ ಸಙ್ಘೇನ ಸಮ್ಮತಂ ತಂ ಸಿಕ್ಖಮಾನಂ ವುಟ್ಠಾಪೇನ್ತಿಯಾ ಭಿಕ್ಖುನಿಯಾ ಅನಾಪತ್ತಿ ಹೋತೀತಿ ಯೋಜನಾ।
2362.Catutthe natthi vattabbanti vakkhamānavisesato aññaṃ vattabbaṃ natthīti yathāvuttanayamevāti adhippāyo. ‘‘Idhā’’tiādinā imasmiṃ sikkhāpade labbhamānavisesaṃ dasseti. Idha imasmiṃ sikkhāpade saṅghena sammataṃ taṃ sikkhamānaṃ vuṭṭhāpentiyā bhikkhuniyā anāpatti hotīti yojanā.
೨೩೬೩. ದ್ವೇ ವಸ್ಸಾನಿ ಛಸು ಧಮ್ಮೇಸು ಸಿಕ್ಖಿತಸಿಕ್ಖಾಯ ಸಿಕ್ಖಮಾನಾಯ ಭಿಕ್ಖುನಿಸಙ್ಘೇನ ಉಪಸಮ್ಪದತೋ ಪಠಮಂ ಞತ್ತಿದುತಿಯಾಯ ಕಮ್ಮವಾಚಾಯ ಯಾ ವುಟ್ಠಾನಸಮ್ಮುತಿ ದಾತಬ್ಬಾ ಹೋತಿ, ಸಾ ವುಟ್ಠಾನಸಮ್ಮುತಿ ಸಚೇ ಪಠಮಂ ಅದಿನ್ನಾ ಹೋತಿ। ತತ್ಥ ತಸ್ಮಿಂ ಉಪಸಮ್ಪದಮಾಳಕೇಪಿ ಪದಾತಬ್ಬಾಯೇವಾತಿ ಯೋಜನಾ।
2363. Dve vassāni chasu dhammesu sikkhitasikkhāya sikkhamānāya bhikkhunisaṅghena upasampadato paṭhamaṃ ñattidutiyāya kammavācāya yā vuṭṭhānasammuti dātabbā hoti, sā vuṭṭhānasammuti sace paṭhamaṃ adinnā hoti. Tattha tasmiṃ upasampadamāḷakepi padātabbāyevāti yojanā.
೨೩೬೪. ತತಿಯಞ್ಚಾತಿ ತತಿಯಸಿಕ್ಖಾಪದಞ್ಚ। ಚತುತ್ಥಞ್ಚಾತಿ ಇದಂ ಚತುತ್ಥಸಿಕ್ಖಾಪದಞ್ಚ। ಪಠಮೇನ ಸಮಂ ಞೇಯ್ಯನ್ತಿ ಪಠಮೇನ ಸಿಕ್ಖಾಪದೇನ ಸಮುಟ್ಠಾನಾದಿನಾ ವಿನಿಚ್ಛಯೇನ ಸಮಾನನ್ತಿ ಞಾತಬ್ಬಂ। ಚತುತ್ಥಂ ಪನ ಸಿಕ್ಖಾಪದಂ ವುಟ್ಠಾಪನಸಮ್ಮುತಿಂ ಅದಾಪೇತ್ವಾ ವುಟ್ಠಾಪನವಸೇನ ಕ್ರಿಯಾಕ್ರಿಯಂ ಹೋತಿ।
2364.Tatiyañcāti tatiyasikkhāpadañca. Catutthañcāti idaṃ catutthasikkhāpadañca. Paṭhamena samaṃ ñeyyanti paṭhamena sikkhāpadena samuṭṭhānādinā vinicchayena samānanti ñātabbaṃ. Catutthaṃ pana sikkhāpadaṃ vuṭṭhāpanasammutiṃ adāpetvā vuṭṭhāpanavasena kriyākriyaṃ hoti.
ಚತುತ್ಥಂ।
Catutthaṃ.
೨೩೬೫. ಗಿಹಿಗತನ್ತಿ ಪುರಿಸನ್ತರಗತಂ, ಪುರಿಸಸಮಾಗಮಪ್ಪತ್ತನ್ತಿ ಅತ್ಥೋ। ಪರಿಪುಣ್ಣದ್ವಾದಸವಸ್ಸಾ ಪರಿಪುಣ್ಣಾ ಉತ್ತರಪದಲೋಪೇನ। ಕಿಞ್ಚಾಪಿ ನ ದೋಸೋತಿ ಯೋಜನಾ। ವುಟ್ಠಾಪೇನ್ತಿಯಾತಿ ಉಪಜ್ಝಾಯಾ ಹುತ್ವಾ ಉಪಸಮ್ಪಾದೇನ್ತಿಯಾ।
2365.Gihigatanti purisantaragataṃ, purisasamāgamappattanti attho. Paripuṇṇadvādasavassā paripuṇṇā uttarapadalopena. Kiñcāpi na dosoti yojanā. Vuṭṭhāpentiyāti upajjhāyā hutvā upasampādentiyā.
೨೩೬೬. ಸೇಸನ್ತಿ ವುತ್ತಂ। ಅಸೇಸೇನ ಸಬ್ಬಸೋ।
2366.Sesanti vuttaṃ. Asesena sabbaso.
ಪಞ್ಚಮಂ।
Pañcamaṃ.
೨೩೬೮. ದುಕ್ಖಿತಂ ಸಹಜೀವಿನಿನ್ತಿ ಏತ್ಥ ‘‘ಸಿಕ್ಖಾಪದ’’ನ್ತಿ ಸೇಸೋ। ತುವಟ್ಟಕವಗ್ಗಸ್ಮಿಂ ‘‘ದುಕ್ಖಿತಂ ಸಹಜೀವಿನಿ’’ನ್ತಿ ಇಮೇಹಿ ಪದೇಹಿ ಯುತ್ತಂ ಯಂ ಸಿಕ್ಖಾಪದಂ ವುತ್ತಂ, ತೇನ ಸಿಕ್ಖಾಪದೇನ ಅಟ್ಠಮಂ ಸಮಂ ಞೇಯ್ಯಂ, ನ ವಿಸೇಸತಾ ವಿಸೇಸೋ ನತ್ಥೀತಿ ಯೋಜನಾ। ಅಟ್ಠಮನ್ತಿ ‘‘ಯಾ ಪನ ಭಿಕ್ಖುನೀ ಸಹಜೀವಿನಿಂ ವುಟ್ಠಾಪೇತ್ವಾ ದ್ವೇ ವಸ್ಸಾನಿ ನೇವ ಅನುಗ್ಗಣ್ಹೇಯ್ಯ ನ ಅನುಗ್ಗಣ್ಹಾಪೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೧೧೦೮) ವುತ್ತಸಿಕ್ಖಾಪದಂ। ತತ್ಥ ಸಹಜೀವಿನಿನ್ತಿ ಸದ್ಧಿವಿಹಾರಿನಿಂ। ನೇವ ಅನುಗ್ಗಣ್ಹೇಯ್ಯಾತಿ ಸಯಂ ಉದ್ದೇಸಾದೀಹಿ ನಾನುಗ್ಗಣ್ಹೇಯ್ಯ। ನ ಅನುಗ್ಗಣ್ಹಾಪೇಯ್ಯಾತಿ ‘‘ಇಮಿಸ್ಸಾ ಅಯ್ಯೇ ಉದ್ದೇಸಾದೀನಿ ದೇಹೀ’’ತಿ ಏವಂ ನ ಅಞ್ಞಾಯ ಅನುಗ್ಗಣ್ಹಾಪೇಯ್ಯ। ಪಾಚಿತ್ತಿಯನ್ತಿ ಧುರೇ ನಿಕ್ಖಿತ್ತಮತ್ತೇ ಪಾಚಿತ್ತಿಯಂ।
2368.Dukkhitaṃ sahajīvininti ettha ‘‘sikkhāpada’’nti seso. Tuvaṭṭakavaggasmiṃ ‘‘dukkhitaṃ sahajīvini’’nti imehi padehi yuttaṃ yaṃ sikkhāpadaṃ vuttaṃ, tena sikkhāpadena aṭṭhamaṃ samaṃ ñeyyaṃ, na visesatā viseso natthīti yojanā. Aṭṭhamanti ‘‘yā pana bhikkhunī sahajīviniṃ vuṭṭhāpetvā dve vassāni neva anuggaṇheyya na anuggaṇhāpeyya, pācittiya’’nti (pāci. 1108) vuttasikkhāpadaṃ. Tattha sahajīvininti saddhivihāriniṃ. Neva anuggaṇheyyāti sayaṃ uddesādīhi nānuggaṇheyya. Na anuggaṇhāpeyyāti ‘‘imissā ayye uddesādīni dehī’’ti evaṃ na aññāya anuggaṇhāpeyya. Pācittiyanti dhure nikkhittamatte pācittiyaṃ.
ಅಟ್ಠಮಂ।
Aṭṭhamaṃ.
೨೩೬೯. ಯಾ ಕಾಚಿ ಭಿಕ್ಖುನೀ ವುಟ್ಠಾಪಿತಪವತ್ತಿನಿಂ ದ್ವೇ ವಸ್ಸಾನಿ ನಾನುಬನ್ಧೇಯ್ಯ ಚೇ, ತಸ್ಸಾ ಪಾಚಿತ್ತಿ ಪರಿಯಾಪುತಾ ಕಥಿತಾತಿ ಯೋಜನಾ। ವುಟ್ಠಾಪೇತೀತಿ ವುಟ್ಠಾಪಿತಾ, ಪವತ್ತೇತಿ ಸುಸಿಕ್ಖಾಪೇತೀತಿ ಪವತ್ತಿನೀ, ವುಟ್ಠಾಪಿತಾ ಚ ಸಾ ಪವತ್ತಿನೀ ಚಾತಿ ವುಟ್ಠಾಪಿತಪವತ್ತಿನೀ, ಉಪಜ್ಝಾಯಾಯೇತಂ ಅಧಿವಚನಂ, ತಂ, ಉಪಜ್ಝಾಯಂ। ನಾನುಬನ್ಧೇಯ್ಯಾತಿ ಚುಣ್ಣೇನ, ಮತ್ತಿಕಾಯ, ದನ್ತಕಟ್ಠೇನ, ಮುಖೋದಕೇನಾತಿ ಏವಂ ತೇನ ತೇನ ಕರಣೀಯೇನ ಉಪಟ್ಠಹೇಯ್ಯ।
2369.Yā kāci bhikkhunī vuṭṭhāpitapavattiniṃ dve vassāni nānubandheyya ce, tassā pācitti pariyāputā kathitāti yojanā. Vuṭṭhāpetīti vuṭṭhāpitā, pavatteti susikkhāpetīti pavattinī, vuṭṭhāpitā ca sā pavattinī cāti vuṭṭhāpitapavattinī, upajjhāyāyetaṃ adhivacanaṃ, taṃ, upajjhāyaṃ. Nānubandheyyāti cuṇṇena, mattikāya, dantakaṭṭhena, mukhodakenāti evaṃ tena tena karaṇīyena upaṭṭhaheyya.
೨೩೭೦. ‘‘ದ್ವೇ ವಸ್ಸಾನಿ ಅಹಂ ನಾನುಬನ್ಧಿಸ್ಸಾಮೀ’’ತಿ ಧುರಂ ನಿಕ್ಖಿಪತಿ ಚೇ, ಏವಂ ಧುರೇ ನಿಕ್ಖಿತ್ತಮತ್ತಸ್ಮಿಂ ಪನ ತಸ್ಸಾ ಪಾಚಿತ್ತಿಯಂ ಸಿಯಾತಿ ಯೋಜನಾ।
2370. ‘‘Dve vassāni ahaṃ nānubandhissāmī’’ti dhuraṃ nikkhipati ce, evaṃ dhure nikkhittamattasmiṃ pana tassā pācittiyaṃ siyāti yojanā.
೨೩೭೧. ಯಾ ಪನ ಭಿಕ್ಖುನೀ ಉಪಜ್ಝಾಯಂ ಬಾಲಂ ವಾ ಅಲಜ್ಜಿಂ ವಾ ನಾನುಬನ್ಧತಿ, ತಸ್ಸಾ, ಗಿಲಾನಾಯ ವಾ ಆಪದಾಸು ವಾ ಉಮ್ಮತ್ತಿಕಾಯ ವಾ ನಾನುಬನ್ಧನ್ತಿಯಾ ನ ದೋಸೋತಿ ಯೋಜನಾ।
2371. Yā pana bhikkhunī upajjhāyaṃ bālaṃ vā alajjiṃ vā nānubandhati, tassā, gilānāya vā āpadāsu vā ummattikāya vā nānubandhantiyā na dosoti yojanā.
೨೩೭೨. ಅನುಪಟ್ಠಾನೇನ ಹೋತೀತಿ ಆಹ ‘‘ಅಕ್ರಿಯಂ ವುತ್ತ’’ನ್ತಿ।
2372. Anupaṭṭhānena hotīti āha ‘‘akriyaṃ vutta’’nti.
ನವಮಂ।
Navamaṃ.
೨೩೭೩-೫. ಯಾ ಕಾಚಿ ಭಿಕ್ಖುನೀ ಸಹಜೀವಿನಿಂ ಸದ್ಧಿವಿಹಾರಿನಿಂ ವುಟ್ಠಾಪೇತ್ವಾ ಉಪಸಮ್ಪಾದೇತ್ವಾ ತಂ ಗಹೇತ್ವಾ ಅನ್ತಮಸೋ ಛಪ್ಪಞ್ಚಯೋಜನಾನಿಪಿ ನ ಗಚ್ಛೇಯ್ಯ ನ ಚಞ್ಞಂ ಆಣಾಪೇಯ್ಯ ‘‘ಇಮಂ, ಅಯ್ಯೇ, ಗಹೇತ್ವಾ ಗಚ್ಛಾ’’ತಿ ಅಞ್ಞಞ್ಚ ನ ನಿಯೋಜೇಯ್ಯ ಚೇ, ಧುರೇ ನಿಕ್ಖಿತ್ತಮತ್ತಸ್ಮಿಂ ‘‘ನ ದಾನಿ ಗಚ್ಛಿಸ್ಸಾಮಿ, ಅಞ್ಞಞ್ಚ ಗಹೇತ್ವಾ ಗನ್ತುಂ ನ ನಿಯೋಜೇಸ್ಸಾಮೀ’’ತಿ ಉಸ್ಸಾಹೇ ವಿಸ್ಸಟ್ಠಮತ್ತೇ ತಸ್ಸಾ ಪಾಚಿತ್ತಿಯಂ ಸಿಯಾತಿ ಯೋಜನಾ।
2373-5. Yā kāci bhikkhunī sahajīviniṃ saddhivihāriniṃ vuṭṭhāpetvā upasampādetvā taṃ gahetvā antamaso chappañcayojanānipi na gaccheyya na caññaṃ āṇāpeyya ‘‘imaṃ, ayye, gahetvā gacchā’’ti aññañca na niyojeyya ce, dhure nikkhittamattasmiṃ ‘‘na dāni gacchissāmi, aññañca gahetvā gantuṃ na niyojessāmī’’ti ussāhe vissaṭṭhamatte tassā pācittiyaṃ siyāti yojanā.
ಅನ್ತರಾಯಸ್ಮಿಂ ಸತಿ ವಾ ದುತಿಯಂ ಅಲಭನ್ತಿಯಾ ವಾ ಆಪದಾಸು ವಾ ಗಿಲಾನಾಯ ವಾ ಉಮ್ಮತ್ತಿಕಾಯ ವಾ ನ ದೋಸೋತಿ ಯೋಜನಾ।
Antarāyasmiṃ sati vā dutiyaṃ alabhantiyā vā āpadāsu vā gilānāya vā ummattikāya vā na dosoti yojanā.
ದಸಮಂ।
Dasamaṃ.
ಗಬ್ಭಿನಿವಗ್ಗೋ ಸತ್ತಮೋ।
Gabbhinivaggo sattamo.
೨೩೭೬. ಗಿಹಿಗತೇಹಿ ತೀಹೇವಾತಿ ಅನನ್ತರೇ ಗಬ್ಭಿನಿವಗ್ಗೇ ಗಿಹಿಗತಪದಯುತ್ತೇಹಿ ಪಞ್ಚಮಛಟ್ಠಸತ್ತಮೇಹಿ ತೀಹೇವ ಸಿಕ್ಖಾಪದೇಹಿ। ಸದಿಸಾನೀತಿ ಇಧ ವೀಸತಿವಸ್ಸವಚನಞ್ಚ ಕುಮಾರಿಭೂತವಚನಞ್ಚ ತತ್ಥ ದ್ವಾದಸವಸ್ಸವಚನಞ್ಚ ಗಿಹಿಗತವಚನಞ್ಚ ಠಪೇತ್ವಾ ಅವಸೇಸೇಹಿ ವಿನಿಚ್ಛಯೇಹಿ ಯಥಾಕ್ಕಮಂ ಸದಿಸಾನೇವಾತಿ।
2376.Gihigatehi tīhevāti anantare gabbhinivagge gihigatapadayuttehi pañcamachaṭṭhasattamehi tīheva sikkhāpadehi. Sadisānīti idha vīsativassavacanañca kumāribhūtavacanañca tattha dvādasavassavacanañca gihigatavacanañca ṭhapetvā avasesehi vinicchayehi yathākkamaṃ sadisānevāti.
೨೩೭೭. ಮಹೂಪಪದಾತಿ ಮಹಾ ಉಪಪದೋ ಯಾಸಂ ಸಿಕ್ಖಮಾನಾನಂ ತಾ ಮಹೂಪಪದಾ। ಉಪಪದಂ ನಾಮ ಪದಾನಮೇವ ಯುಜ್ಜತಿ, ನ ಅತ್ಥಾನನ್ತಿ ‘‘ಯಾಸ’’ನ್ತಿ ಅಞ್ಞಪದೇನ ಸಿಕ್ಖಮಾನಾದಿಪದಾನಂ ಗಹಣಂ, ಸದ್ದತ್ಥಾನಮಭೇದೋಪಚಾರಸ್ಸ ಪನ ಇಚ್ಛಿತತ್ತಾ ಸಿಕ್ಖಮಾನಪದಗಹಿತಾನಮೇತ್ಥ ಗಹಣಂ ವೇದಿತಬ್ಬಂ, ಮಹಾಸಿಕ್ಖಮಾನಾತಿ ವುತ್ತಂ ಹೋತಿ। ಆದಿತೋತಿ ಏತ್ಥ ‘‘ವುತ್ತಾ’’ತಿ ಸೇಸೋ, ಗಬ್ಭಿನಿವಗ್ಗೇ ತಿಸ್ಸನ್ನಂ ಗಿಹಿಗತಾನಂ ಪುರಿಮೇಸು ತತಿಯಚತುತ್ಥಸಿಕ್ಖಾಪದೇಸು ಆಗತಾ ದ್ವೇ ಸಿಕ್ಖಮಾನಾತಿ ಅತ್ಥೋ। ಗಿಹಿಗತಾಯ ‘‘ಪರಿಪುಣ್ಣದ್ವಾದಸವಸ್ಸಾ’’ತಿ ಚ ಕುಮಾರಿಭೂತಾಯ ‘‘ಪರಿಪುಣ್ಣವೀಸತಿವಸ್ಸಾ’’ತಿ ಚ ವಸ್ಸವಸೇನ ನಾನಾಕರಣಸ್ಸ ವುತ್ತತ್ತಾ ತಾಹಿ ದ್ವೀಹಿ ಮಹಾಸಿಕ್ಖಮಾನಾಯ ವಸ್ಸವಸೇನೇವ ನಾನಾಕರಣಂ ದಸ್ಸೇತುಮಾಹ ‘‘ಗತಾ ವೀಸತಿವಸ್ಸಾತಿ, ವಿಞ್ಞಾತಬ್ಬಾ ವಿಭಾವಿನಾ’’ತಿ, ಅತಿಕ್ಕನ್ತವೀಸತಿವಸ್ಸಾ ಮಹಾಸಿಕ್ಖಮಾನಾ ನಾಮ ಹೋತೀತಿ ಅತ್ಥೋ।
2377.Mahūpapadāti mahā upapado yāsaṃ sikkhamānānaṃ tā mahūpapadā. Upapadaṃ nāma padānameva yujjati, na atthānanti ‘‘yāsa’’nti aññapadena sikkhamānādipadānaṃ gahaṇaṃ, saddatthānamabhedopacārassa pana icchitattā sikkhamānapadagahitānamettha gahaṇaṃ veditabbaṃ, mahāsikkhamānāti vuttaṃ hoti. Āditoti ettha ‘‘vuttā’’ti seso, gabbhinivagge tissannaṃ gihigatānaṃ purimesu tatiyacatutthasikkhāpadesu āgatā dve sikkhamānāti attho. Gihigatāya ‘‘paripuṇṇadvādasavassā’’ti ca kumāribhūtāya ‘‘paripuṇṇavīsativassā’’ti ca vassavasena nānākaraṇassa vuttattā tāhi dvīhi mahāsikkhamānāya vassavaseneva nānākaraṇaṃ dassetumāha ‘‘gatā vīsativassāti, viññātabbā vibhāvinā’’ti, atikkantavīsativassā mahāsikkhamānā nāma hotīti attho.
೨೩೭೮. ತಾ ದ್ವೇ ಮಹಾಸಿಕ್ಖಮಾನಾ ಸಚೇ ಗಿಹಿಗತಾ ವಾ ಹೋನ್ತು, ನ ಚ ಪುರಿಸಗತಾ ವಾ ಹೋನ್ತು , ಸಮ್ಮುತಿಆದಿಸು ಕಮ್ಮವಾಚಾಯ ‘‘ಸಿಕ್ಖಮಾನಾ’’ತಿ ವತ್ತಬ್ಬಾತಿ ಯೋಜನಾ। ಏತ್ಥ ಚ ಸಮ್ಮುತಿ ನಾಮ ಞತ್ತಿದುತಿಯಾಯ ಕಮ್ಮವಾಚಾಯ ಕಾತಬ್ಬಾಯ ಸಿಕ್ಖಾಯ ಸಮ್ಮುತಿ ಚೇವ ವುಟ್ಠಾನಸಮ್ಮುತಿ ಚ। ಆದಿ-ಸದ್ದೇನ ಉಪಸಮ್ಪದಾಕಮ್ಮಂ ಗಹಿತಂ।
2378.Tā dve mahāsikkhamānā sace gihigatā vā hontu, na ca purisagatā vā hontu , sammutiādisu kammavācāya ‘‘sikkhamānā’’ti vattabbāti yojanā. Ettha ca sammuti nāma ñattidutiyāya kammavācāya kātabbāya sikkhāya sammuti ceva vuṭṭhānasammuti ca. Ādi-saddena upasampadākammaṃ gahitaṃ.
೨೩೭೯. ಇಮಾಸಂ ದ್ವಿನ್ನಂ ಸಮ್ಮುತಿದಾನಾದೀಸು ಞತ್ತಿಯಾ ಚ ಕಮ್ಮವಾಚಾಯ ಚ ವತ್ತಬ್ಬಂ ದಸ್ಸೇತ್ವಾ ಇದಾನಿ ಅವತ್ತಬ್ಬಂ ದಸ್ಸೇತುಮಾಹ ‘‘ನ ತಾ’’ತಿಆದಿ। ತಾ ಏತಾ ಉಭೋಪಿ ಮಹಾಸಿಕ್ಖಮಾನಾ ‘‘ಕುಮಾರಿಭೂತಾ’’ತಿ ವಾ ತಥಾ ‘‘ಗಿಹಿಗತಾ’’ತಿ ವಾ ಕಮ್ಮವಾಚಾಯ ನ ವತ್ತಬ್ಬಾ ಯಸ್ಮಾ, ತಸ್ಮಾ ಏವಂ ವತ್ತುಂ ನ ವಟ್ಟತೀತಿ ಯೋಜನಾ। ‘‘ನ ವತ್ತಬ್ಬಾ’’ತಿ ಇಮಿನಾ ತಥಾ ಚೇ ಕಮ್ಮವಾಚಾ ವುಚ್ಚೇಯ್ಯ, ತಂ ಕಮ್ಮಂ ಕುಪ್ಪತೀತಿ ದೀಪೇತಿ। ಇಧ ಪನ-ಸದ್ದೋ ಯಸ್ಮಾ-ಪದತ್ಥೋತಿ ತದತ್ಥವಸೇನ ಯೋಜನಾ ದಸ್ಸಿತಾ।
2379. Imāsaṃ dvinnaṃ sammutidānādīsu ñattiyā ca kammavācāya ca vattabbaṃ dassetvā idāni avattabbaṃ dassetumāha ‘‘na tā’’tiādi. Tā etā ubhopi mahāsikkhamānā ‘‘kumāribhūtā’’ti vā tathā ‘‘gihigatā’’ti vā kammavācāya na vattabbā yasmā, tasmā evaṃ vattuṃ na vaṭṭatīti yojanā. ‘‘Na vattabbā’’ti iminā tathā ce kammavācā vucceyya, taṃ kammaṃ kuppatīti dīpeti. Idha pana-saddo yasmā-padatthoti tadatthavasena yojanā dassitā.
೨೩೮೦. ಸಮ್ಮುತಿನ್ತಿ ಸಿಕ್ಖಮಾನಸಮ್ಮುತಿಂ। ದಸವಸ್ಸಾಯಾತಿ ಏತ್ಥ ‘‘ಗಿಹಿಗತಾಯಾ’’ತಿ ಸೇಸೋ। ಯಥಾಹ – ‘‘ಗಿಹಿಗತಾಯ ದಸವಸ್ಸಕಾಲೇ ಸಿಕ್ಖಾಸಮ್ಮುತಿಂ ದತ್ವಾ ದ್ವಾದಸವಸ್ಸಕಾಲೇ ಉಪಸಮ್ಪದಾ ಕಾತಬ್ಬಾ’’ತಿ (ಪಾಚಿ॰ ಅಟ್ಠ॰ ೧೧೧೯)। ಸೇಸಾಸುಪೀತಿ ಏಕಾದಸವಸ್ಸಕಾಲೇ ದತ್ವಾ ತೇರಸವಸ್ಸಕಾಲೇ ಕಾತಬ್ಬಾ, ದ್ವಾದಸ, ತೇರಸ, ಚುದ್ದಸ, ಪನ್ನರಸ, ಸೋಳಸ, ಸತ್ತರಸ, ಅಟ್ಠಾರಸವಸ್ಸಕಾಲೇ ಸಿಕ್ಖಾಸಮ್ಮುತಿಂ ದತ್ವಾ ವೀಸತಿವಸ್ಸಕಾಲೇ ಕಾತಬ್ಬಾತಿ ಏವಂ ಅಟ್ಠಾರಸವಸ್ಸಪರಿಯನ್ತಾಸು ಸೇಸಾಸುಪಿ ಸಿಕ್ಖಮಾನಾಸು। ಅಯಂ ನಯೋತಿ ‘‘ಸಮ್ಮುತಿಯಾ ದಿನ್ನಸಂವಚ್ಛರತೋ ಆಗಾಮಿನಿ ದುತಿಯೇ ಸಂವಚ್ಛರೇ ಉಪಸಮ್ಪಾದೇತಬ್ಬಾ’’ತಿ ಅಯಂ ನಯೋ। ತೇನೇವ ವುತ್ತಂ ‘‘ಏಕಾದಸವಸ್ಸಕಾಲೇ ದತ್ವಾ ತೇರಸವಸ್ಸಕಾಲೇ ಕಾತಬ್ಬಾ’’ತಿಆದಿ।
2380.Sammutinti sikkhamānasammutiṃ. Dasavassāyāti ettha ‘‘gihigatāyā’’ti seso. Yathāha – ‘‘gihigatāya dasavassakāle sikkhāsammutiṃ datvā dvādasavassakāle upasampadā kātabbā’’ti (pāci. aṭṭha. 1119). Sesāsupīti ekādasavassakāle datvā terasavassakāle kātabbā, dvādasa, terasa, cuddasa, pannarasa, soḷasa, sattarasa, aṭṭhārasavassakāle sikkhāsammutiṃ datvā vīsativassakāle kātabbāti evaṃ aṭṭhārasavassapariyantāsu sesāsupi sikkhamānāsu. Ayaṃ nayoti ‘‘sammutiyā dinnasaṃvaccharato āgāmini dutiye saṃvacchare upasampādetabbā’’ti ayaṃ nayo. Teneva vuttaṃ ‘‘ekādasavassakāle datvā terasavassakāle kātabbā’’tiādi.
೨೩೮೧. ‘‘ಕುಮಾರಿಭೂತಾ’’ತಿಪಿ ‘‘ಗಿಹಿಗತಾ’’ತಿಪಿ ವತ್ತುಂ ವಟ್ಟತೀತಿ ಅಟ್ಠಕಥಾಯಂ ವುತ್ತಾತಿ ಯೋಜನಾ।
2381. ‘‘Kumāribhūtā’’tipi ‘‘gihigatā’’tipi vattuṃ vaṭṭatīti aṭṭhakathāyaṃ vuttāti yojanā.
೨೩೮೨. ಯಾ ಪನ ಪರಿಪುಣ್ಣವೀಸತಿವಸ್ಸಾ ಸಾಮಣೇರೀ ‘‘ಕುಮಾರಿಭೂತಾ’’ತಿ ವುತ್ತಾ, ಸಾ ಕಮ್ಮವಾಚಾಯ ‘‘ಕುಮಾರಿಭೂತಾ’’ಇಚ್ಚೇವ ವತ್ತಬ್ಬಾ, ಅಞ್ಞಥಾ ಪನ ನ ವತ್ತಬ್ಬಾ ‘‘ಗಿಹಿಗತಾ’’ತಿ ವಾ ‘‘ಪುರಿಸನ್ತರಗತಾ’’ತಿ ವಾ ನ ವತ್ತಬ್ಬಾತಿ ಯೋಜನಾ। ಯಥಾಹ ‘‘ಕುಮಾರಿಭೂತಾ ಪನ ‘ಗಿಹಿಗತಾ’ತಿ ನ ವತ್ತಬ್ಬಾ, ‘ಕುಮಾರಿಭೂತಾ’ಇಚ್ಚೇವ ವತ್ತಬ್ಬಾ’’ತಿ।
2382.Yā pana paripuṇṇavīsativassā sāmaṇerī ‘‘kumāribhūtā’’ti vuttā, sā kammavācāya ‘‘kumāribhūtā’’icceva vattabbā, aññathā pana na vattabbā ‘‘gihigatā’’ti vā ‘‘purisantaragatā’’ti vā na vattabbāti yojanā. Yathāha ‘‘kumāribhūtā pana ‘gihigatā’ti na vattabbā, ‘kumāribhūtā’icceva vattabbā’’ti.
೨೩೮೩. ಏತಾ ತು ಪನ ತಿಸ್ಸೋಪೀತಿ ಮಹಾಸಿಕ್ಖಮಾನಾ ಗಿಹಿಗತಾ, ಕುಮಾರಿಭೂತಾತಿ ವುತ್ತಾ ಪನ ಏತಾ ತಿಸ್ಸೋಪಿ। ಅಪಿ-ಸದ್ದೇನ ಗಿಹಿಗತಾ ಕುಮಾರಿಭೂತಾ ದ್ವೇ ಸಕಸಕನಾಮೇನಾಪಿ ವತ್ತುಂ ವಟ್ಟನ್ತೀತಿ ದೀಪೇತಿ। ‘‘ಕುಮಾರಿಭೂತಸಿಕ್ಖಮಾನಾಯಾ’’ತಿ ಪಾಳಿಯಂ ಅವುತ್ತತ್ತಾ ನ ವಟ್ಟತೀತಿ ಕೋಚಿ ಮಞ್ಞೇಯ್ಯಾತಿ ಆಹ ‘‘ನ ಸಂಸಯೋ’’ತಿ। ತಥಾ ವತ್ತಬ್ಬತಾಹೇತುದಸ್ಸನತ್ಥಮಾಹ ‘‘ಸಿಕ್ಖಾಸಮ್ಮುತಿದಾನತೋ’’ತಿ।
2383.Etā tu pana tissopīti mahāsikkhamānā gihigatā, kumāribhūtāti vuttā pana etā tissopi. Api-saddena gihigatā kumāribhūtā dve sakasakanāmenāpi vattuṃ vaṭṭantīti dīpeti. ‘‘Kumāribhūtasikkhamānāyā’’ti pāḷiyaṃ avuttattā na vaṭṭatīti koci maññeyyāti āha ‘‘na saṃsayo’’ti. Tathā vattabbatāhetudassanatthamāha ‘‘sikkhāsammutidānato’’ti.
ಪಠಮದುತಿಯತತಿಯಾನಿ।
Paṭhamadutiyatatiyāni.
೨೩೮೪-೫. ಯಾ ಪನ ಭಿಕ್ಖುನೀ ಊನದ್ವಾದಸವಸ್ಸಾವ ಉಪಸಮ್ಪದಾವಸೇನ ಅಪರಿಪುಣ್ಣದ್ವಾದಸವಸ್ಸಾ ಏವ ಸಯಂ ಉಪಜ್ಝಾಯಾ ಹುತ್ವಾ ಪರಂ ಸಿಕ್ಖಮಾನಂ ಸಚೇ ವುಟ್ಠಾಪೇತಿ, ಪುಬ್ಬೇ ವುತ್ತನಯೇನೇವ ಗಣಪರಿಯೇಸನಾದಿದುತಿಯಾನುಸ್ಸಾವನಪರಿಯೋಸಾನೇಸು ಆಪನ್ನಾನಂ ದುಕ್ಕಟಾನಂ ಅನನ್ತರಂ ಕಮ್ಮವಾಚಾನಂ ಓಸಾನೇ ತತಿಯಾನುಸ್ಸಾವನಾಯ ಯ್ಯತಾರಪ್ಪತ್ತಾಯ ತಸ್ಸಾ ಪಾಚಿತ್ತಿ ಪರಿದೀಪಿತಾತಿ ಯೋಜನಾ।
2384-5. Yā pana bhikkhunī ūnadvādasavassāva upasampadāvasena aparipuṇṇadvādasavassā eva sayaṃ upajjhāyā hutvā paraṃ sikkhamānaṃ sace vuṭṭhāpeti, pubbe vuttanayeneva gaṇapariyesanādidutiyānussāvanapariyosānesu āpannānaṃ dukkaṭānaṃ anantaraṃ kammavācānaṃ osāne tatiyānussāvanāya yyatārappattāya tassā pācitti paridīpitāti yojanā.
ಚತುತ್ಥಂ।
Catutthaṃ.
೨೩೮೬. ಪಞ್ಚಮೇತಿ ‘‘ಯಾ ಪನ ಭಿಕ್ಖುನೀ ಪರಿಪುಣ್ಣದ್ವಾದಸವಸ್ಸಾ ಸಙ್ಘೇನ ಅಸಮ್ಮತಾ ವುಟ್ಠಾಪೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೧೧೪೨) ಸಿಕ್ಖಾಪದೇ। ಕಾಯಚಿತ್ತವಾಚಾಚಿತ್ತಕಾಯವಾಚಾಚಿತ್ತವಸೇನ ತಿಸಮುಟ್ಠಾನಂ। ಕ್ರಿಯಾಕ್ರಿಯನ್ತಿ ವುಟ್ಠಾಪನಂ ಕಿರಿಯಂ, ಸಙ್ಘಸಮ್ಮುತಿಯಾ ಅಗ್ಗಹಣಂ ಅಕಿರಿಯಂ।
2386.Pañcameti ‘‘yā pana bhikkhunī paripuṇṇadvādasavassā saṅghena asammatā vuṭṭhāpeyya, pācittiya’’nti (pāci. 1142) sikkhāpade. Kāyacittavācācittakāyavācācittavasena tisamuṭṭhānaṃ. Kriyākriyanti vuṭṭhāpanaṃ kiriyaṃ, saṅghasammutiyā aggahaṇaṃ akiriyaṃ.
ಪಞ್ಚಮಂ।
Pañcamaṃ.
೨೩೮೭. ಸಙ್ಘೇನಾತಿ ಭಿಕ್ಖುನಿಸಙ್ಘೇನ। ಉಪಪರಿಕ್ಖಿತ್ವಾತಿ ಅಲಜ್ಜಿಭಾವಾದಿಂ ಉಪಪರಿಕ್ಖಿತ್ವಾ। ಅಲಂ ತಾವಾತಿ ಏತ್ಥ ‘‘ತೇ ಅಯ್ಯೇ’’ತಿ ಸೇಸೋ। ವಾರಿತಾತಿ ಏತ್ಥ ‘‘ಸಾಧೂತಿ ಪಟಿಸ್ಸುಣಿತ್ವಾ’’ತಿ ಸೇಸೋ। ‘‘ಅಲಂ ತಾವ ತೇ, ಅಯ್ಯೇ, ಉಪಸಮ್ಪಾದಿತೇನಾ’’ತಿ ವಾರಿತಾ ‘‘ಸಾಧೂ’’ತಿ ಪಟಿಸ್ಸುಣಿತ್ವಾ ಏತ್ಥ ಏತಸ್ಮಿಂ ಪವಾರಣೇ ಪಚ್ಛಾ ಖೀಯತಿ ‘‘ಅಹಮೇವ ನೂನ ಬಾಲಾ, ಅಹಮೇವ ನೂನ ಅಲಜ್ಜಿನೀ’’ತಿಆದಿನಾ ಅವಣ್ಣಂ ಪಕಾಸೇತಿ, ದೋಸತಾ ಪಾಚಿತ್ತಿಯಾಪತ್ತಿ ಹೋತೀತಿ ಯೋಜನಾ।
2387.Saṅghenāti bhikkhunisaṅghena. Upaparikkhitvāti alajjibhāvādiṃ upaparikkhitvā. Alaṃ tāvāti ettha ‘‘te ayye’’ti seso. Vāritāti ettha ‘‘sādhūti paṭissuṇitvā’’ti seso. ‘‘Alaṃ tāva te, ayye, upasampāditenā’’ti vāritā ‘‘sādhū’’ti paṭissuṇitvā ettha etasmiṃ pavāraṇe pacchā khīyati ‘‘ahameva nūna bālā, ahameva nūna alajjinī’’tiādinā avaṇṇaṃ pakāseti, dosatā pācittiyāpatti hotīti yojanā.
೨೩೮೮. ಛನ್ದದೋಸಾದೀಹಿ ಕರೋನ್ತಿಯಾತಿ ಏತ್ಥ ‘‘ಪಕತಿಯಾ’’ತಿ ಸೇಸೋ। ಪಕತಿಯಾ ಛನ್ದದೋಸಾದೀಹಿ ಅಗತಿಗಮನೇಹಿ ನಿವಾರಣಂ ಕರೋನ್ತಿಯಾ ಸಚೇ ಉಜ್ಝಾಯತಿ, ನ ದೋಸೋತಿ ಯೋಜನಾ।
2388.Chandadosādīhikarontiyāti ettha ‘‘pakatiyā’’ti seso. Pakatiyā chandadosādīhi agatigamanehi nivāraṇaṃ karontiyā sace ujjhāyati, na dosoti yojanā.
ಛಟ್ಠಂ।
Chaṭṭhaṃ.
೨೩೮೯-೯೦. ಲದ್ಧೇ ಚೀವರೇತಿ ಸಿಕ್ಖಾಮಾನಾಯ ‘‘ಸಚೇ ಮೇ ತ್ವಂ, ಅಯ್ಯೇ, ಚೀವರಂ ದಸ್ಸಸಿ, ಏವಾಹಂ ತಂ ವುಟ್ಠಾಪೇಸ್ಸಾಮೀ’’ತಿ ವತ್ವಾ ಯಾಚಿತೇ ತಸ್ಮಿಂ ಚೀವರೇ ಲದ್ಧೇ। ಪಚ್ಛಾತಿ ಚೀವರಲಾಭತೋ ಪಚ್ಛಾ। ಅಸನ್ತೇ ಅನ್ತರಾಯಿಕೇತಿ ದಸನ್ನಂ ಅನ್ತರಾಯಾನಂ ಅಞ್ಞತರಸ್ಮಿಂ ಅನ್ತರಾಯೇ ಅವಿಜ್ಜಮಾನೇ। ವುಟ್ಠಾಪೇಸ್ಸಾಮಿನಾಹನ್ತಿ ಅಹಂ ತಂ ನ ಸಮುಟ್ಠಾಪೇಸ್ಸಾಮೀತಿ ಧುರನಿಕ್ಖೇಪನೇ ತಸ್ಸಾ ಪಾಚಿತ್ತಿಯಂ ಹೋತೀತಿ ಯೋಜನಾ।
2389-90.Laddhecīvareti sikkhāmānāya ‘‘sace me tvaṃ, ayye, cīvaraṃ dassasi, evāhaṃ taṃ vuṭṭhāpessāmī’’ti vatvā yācite tasmiṃ cīvare laddhe. Pacchāti cīvaralābhato pacchā. Asante antarāyiketi dasannaṃ antarāyānaṃ aññatarasmiṃ antarāye avijjamāne. Vuṭṭhāpessāmināhanti ahaṃ taṃ na samuṭṭhāpessāmīti dhuranikkhepane tassā pācittiyaṃ hotīti yojanā.
೨೩೯೧. ಇದನ್ತಿ ಇದಂ ಸಿಕ್ಖಾಪದಂ। ಅವುಟ್ಠಾಪನೇನ ಅಕ್ರಿಯಂ।
2391.Idanti idaṃ sikkhāpadaṃ. Avuṭṭhāpanena akriyaṃ.
ಸತ್ತಮಂ।
Sattamaṃ.
೨೩೯೨. ಅಟ್ಠಮನ್ತಿ ‘‘ಯಾ ಪನ ಭಿಕ್ಖುನೀ ಸಿಕ್ಖಮಾನಂ ‘ಸಚೇ ಮಂ ತ್ವಂ, ಅಯ್ಯೇ, ದ್ವೇ ವಸ್ಸಾನಿ ಅನುಬನ್ಧಿಸ್ಸಸಿ, ಏವಾಹಂ ತಂ ವುಟ್ಠಾಪೇಸ್ಸಾಮೀ’’ತಿಆದಿ (ಪಾಚಿ॰ ೧೧೫೫) ಸಿಕ್ಖಾಪದಂ। ನವಮೇತಿ ‘‘ಯಾ ಪನ ಭಿಕ್ಖುನೀ ಪುರಿಸಸಂಸಟ್ಠಂ ಕುಮಾರಕಸಂಸಟ್ಠಂ ಚಣ್ಡಿಂ ಸೋಕಾವಾಸಂ ಸಿಕ್ಖಮಾನಂ ವುಟ್ಠಾಪೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೧೧೫೯) ವುತ್ತಸಿಕ್ಖಾಪದೇ। ‘‘ವತ್ತಬ್ಬಂ ನತ್ಥೀ’’ತಿ ಇದಂ ಸದ್ದತ್ಥವಿಸೇಸಮನ್ತರೇನ ವಿನಿಚ್ಛಯಸ್ಸ ಸುವಿಞ್ಞೇಯ್ಯತ್ತಾ ವುತ್ತಂ। ತೇನೇವಾಹ ‘‘ಉತ್ತಾನಮೇವಿದ’’ನ್ತಿ।
2392.Aṭṭhamanti ‘‘yā pana bhikkhunī sikkhamānaṃ ‘sace maṃ tvaṃ, ayye, dve vassāni anubandhissasi, evāhaṃ taṃ vuṭṭhāpessāmī’’tiādi (pāci. 1155) sikkhāpadaṃ. Navameti ‘‘yā pana bhikkhunī purisasaṃsaṭṭhaṃ kumārakasaṃsaṭṭhaṃ caṇḍiṃ sokāvāsaṃ sikkhamānaṃ vuṭṭhāpeyya, pācittiya’’nti (pāci. 1159) vuttasikkhāpade. ‘‘Vattabbaṃ natthī’’ti idaṃ saddatthavisesamantarena vinicchayassa suviññeyyattā vuttaṃ. Tenevāha ‘‘uttānamevida’’nti.
ಸದ್ದತ್ಥೋ ಪನ ಏವಂ ವೇದಿತಬ್ಬೋ – ಪುರಿಸಸಂಸಟ್ಠನ್ತಿ ಪರಿಪುಣ್ಣವೀಸತಿವಸ್ಸೇನ ಪುರಿಸೇನ ಅನನುಲೋಮಿಕೇನ ಕಾಯವಚೀಕಮ್ಮೇನ ಸಂಸಟ್ಠಂ। ಕುಮಾರಕಸಂಸಟ್ಠನ್ತಿ ಊನವೀಸತಿವಸ್ಸೇನ ಕುಮಾರೇನ ತಥೇವ ಸಂಸಟ್ಠಂ। ಚಣ್ಡಿನ್ತಿ ಕೋಧನಂ। ಸೋಕಾವಾಸನ್ತಿ ಸಙ್ಕೇತಂ ಕತ್ವಾ ಆಗಚ್ಛಮಾನಾ ಪುರಿಸಾನಂ ಅನ್ತೋ ಸೋಕಂ ಪವೇಸೇತೀತಿ ಸೋಕಾವಾಸಾ, ತಂ ಸೋಕಾವಾಸಂ। ಅಥ ವಾ ಘರಂ ವಿಯ ಘರಸಾಮಿಕಾ, ಅಯಮ್ಪಿ ಪುರಿಸಸಮಾಗಮಂ ಅಲಭಮಾನಾ ಸೋಕಂ ಆವಿಸತಿ, ಇತಿ ಯಂ ಆವಿಸತಿ, ಸ್ವಾಸ್ಸಾ ಆವಾಸೋ ಹೋತೀತಿ ಸೋಕಾವಾಸಾ। ತೇನೇವಸ್ಸ ಪದಭಾಜನೇ ‘‘ಸೋಕಾವಾಸಾ ನಾಮ ಪರೇಸಂ ದುಕ್ಖಂ ಉಪ್ಪಾದೇತಿ, ಸೋಕಂ ಆವಿಸತೀ’’ತಿ (ಪಾಚಿ॰ ೧೧೬೦) ದ್ವೇಧಾ ಅತ್ಥೋ ವುತ್ತೋ। ಪಾಚಿತ್ತಿಯನ್ತಿ ಏವರೂಪಂ ವುಟ್ಠಾಪೇನ್ತಿಯಾ ವುತ್ತನಯೇನೇವ ಕಮ್ಮವಾಚಾಪರಿಯೋಸಾನೇ ಉಪಜ್ಝಾಯಾಯ ಪಾಚಿತ್ತಿಯಂ।
Saddattho pana evaṃ veditabbo – purisasaṃsaṭṭhanti paripuṇṇavīsativassena purisena ananulomikena kāyavacīkammena saṃsaṭṭhaṃ. Kumārakasaṃsaṭṭhanti ūnavīsativassena kumārena tatheva saṃsaṭṭhaṃ. Caṇḍinti kodhanaṃ. Sokāvāsanti saṅketaṃ katvā āgacchamānā purisānaṃ anto sokaṃ pavesetīti sokāvāsā, taṃ sokāvāsaṃ. Atha vā gharaṃ viya gharasāmikā, ayampi purisasamāgamaṃ alabhamānā sokaṃ āvisati, iti yaṃ āvisati, svāssā āvāso hotīti sokāvāsā. Tenevassa padabhājane ‘‘sokāvāsā nāma paresaṃ dukkhaṃ uppādeti, sokaṃ āvisatī’’ti (pāci. 1160) dvedhā attho vutto. Pācittiyanti evarūpaṃ vuṭṭhāpentiyā vuttanayeneva kammavācāpariyosāne upajjhāyāya pācittiyaṃ.
೨೩೯೩. ‘‘ನತ್ಥಿ ಅಜಾನನ್ತಿಯಾ’’ತಿ ಪಚ್ಛೇದೋ, ಸಿಕ್ಖಮಾನಾಯ ಪುರಿಸಸಂಸಟ್ಠಾದಿಭಾವಂ ಅಜಾನನ್ತಿಯಾತಿ ಅತ್ಥೋ।
2393. ‘‘Natthi ajānantiyā’’ti pacchedo, sikkhamānāya purisasaṃsaṭṭhādibhāvaṃ ajānantiyāti attho.
ಅಟ್ಠಮನವಮಾನಿ।
Aṭṭhamanavamāni.
೨೩೯೪. ವಿಜಾತಮಾತರಾ ವಾ ಜನಕಪಿತರಾ ವಾ ಸಾಮಿನಾ ಪರಿಗ್ಗಾಹಕಸಾಮಿನಾ ವಾ ನಾನುಞ್ಞಾತಂ ಉಪಸಮ್ಪದತ್ಥಾಯ ಅನನುಞ್ಞಾತಂ ತಂ ಸಿಕ್ಖಮಾನಂ ವುಟ್ಠಾಪೇನ್ತಿಯಾ ತಸ್ಸಾ ಪಾಚಿತ್ತಿಯಾಪತ್ತಿ ಸಿಯಾತಿ ಯೋಜನಾ।
2394. Vijātamātarāvā janakapitarā vā sāminā pariggāhakasāminā vā nānuññātaṃ upasampadatthāya ananuññātaṃ taṃ sikkhamānaṃ vuṭṭhāpentiyā tassā pācittiyāpatti siyāti yojanā.
೨೩೯೫. ನ ಭಿಕ್ಖುನಾತಿ ಭಿಕ್ಖುನಾ ದ್ವಿಕ್ಖತ್ತುಂ ನ ಪುಚ್ಛಿತಬ್ಬಂ, ಸಕಿಮೇವ ಪುಚ್ಛಿತಬ್ಬನ್ತಿ ವುತ್ತಂ ಹೋತಿ। ಯಥಾಹ ‘‘ಭಿಕ್ಖುನೀಹಿ ದ್ವಿಕ್ಖತ್ತುಂ ಆಪುಚ್ಛಿತಬ್ಬಂ ಪಬ್ಬಜ್ಜಾಕಾಲೇ ಚ ಉಪಸಮ್ಪದಾಕಾಲೇ ಚ, ಭಿಕ್ಖೂನಂ ಪನ ಸಕಿಂ ಆಪುಚ್ಛಿತೇಪಿ ವಟ್ಟತೀ’’ತಿ (ಪಾಚಿ॰ ಅಟ್ಠ॰ ೧೧೬೨)।
2395.Na bhikkhunāti bhikkhunā dvikkhattuṃ na pucchitabbaṃ, sakimeva pucchitabbanti vuttaṃ hoti. Yathāha ‘‘bhikkhunīhi dvikkhattuṃ āpucchitabbaṃ pabbajjākāle ca upasampadākāle ca, bhikkhūnaṃ pana sakiṃ āpucchitepi vaṭṭatī’’ti (pāci. aṭṭha. 1162).
೨೩೯೬-೭. ಅತ್ಥಿತನ್ತಿ ಅತ್ಥಿಭಾವಂ। ಚತೂಹಿ ಸಮುಟ್ಠಾತಿ, ಚತ್ತಾರಿ ವಾ ಸಮುಟ್ಠಾನಾನಿ ಏತಸ್ಸಾತಿ ಚತುಸಮುಟ್ಠಾನಂ। ಕತಮೇಹಿ ಚತೂಹಿ ಸಮುಟ್ಠಾತೀತಿ ಆಹ ‘‘ವಾಚತೋ…ಪೇ॰… ಕಾಯವಾಚಾದಿತೋಪಿ ಚಾ’’ತಿ। ಕಥಂ ವಾಚಾದೀಹಿ ಚತೂಹಿ ಸಮುಟ್ಠಾತಿ? ಅಬ್ಭಾನಕಮ್ಮಾದೀಸು ಕೇನಚಿದೇವ ಕರಣೀಯೇನ ಖಣ್ಡಸೀಮಾಯಂ ನಿಸಿನ್ನಾ ‘‘ಪಕ್ಕೋಸಥ ಸಿಕ್ಖಮಾನಂ, ಇಧೇವ ನಂ ಉಪಸಮ್ಪಾದೇಸ್ಸಾಮಾ’’ತಿ ಉಪಸಮ್ಪಾದೇತಿ, ಏವಂ ವಾಚತೋ ಸಮುಟ್ಠಾತಿ। ‘‘ಉಪಸ್ಸಯತೋ ಪಟ್ಠಾಯ ಉಪಸಮ್ಪಾದೇಸ್ಸಾಮೀ’’ತಿ ವತ್ವಾ ಖಣ್ಡಸೀಮಂ ಗಚ್ಛನ್ತಿಯಾ ಕಾಯವಾಚತೋ ಸಮುಟ್ಠಾತಿ। ದ್ವೀಸುಪಿ ಠಾನೇಸು ಪಣ್ಣತ್ತಿಂ ಜಾನಿತ್ವಾ ವೀತಿಕ್ಕಮಂ ಕರೋನ್ತಿಯಾ ವಾಚಾಚಿತ್ತತೋ, ಕಾಯವಾಚಾಚಿತ್ತತೋ ಚ ಸಮುಟ್ಠಾತಿ। ಉಪಸಮ್ಪಾದನಂ ಕ್ರಿಯಂ, ಅನಾಪುಚ್ಛನಂ ಅಕ್ರಿಯಂ।
2396-7.Atthitanti atthibhāvaṃ. Catūhi samuṭṭhāti, cattāri vā samuṭṭhānāni etassāti catusamuṭṭhānaṃ. Katamehi catūhi samuṭṭhātīti āha ‘‘vācato…pe… kāyavācāditopi cā’’ti. Kathaṃ vācādīhi catūhi samuṭṭhāti? Abbhānakammādīsu kenacideva karaṇīyena khaṇḍasīmāyaṃ nisinnā ‘‘pakkosatha sikkhamānaṃ, idheva naṃ upasampādessāmā’’ti upasampādeti, evaṃ vācato samuṭṭhāti. ‘‘Upassayato paṭṭhāya upasampādessāmī’’ti vatvā khaṇḍasīmaṃ gacchantiyā kāyavācato samuṭṭhāti. Dvīsupi ṭhānesu paṇṇattiṃ jānitvā vītikkamaṃ karontiyā vācācittato, kāyavācācittato ca samuṭṭhāti. Upasampādanaṃ kriyaṃ, anāpucchanaṃ akriyaṃ.
ದಸಮಂ।
Dasamaṃ.
೨೩೯೮. ಏತ್ಥ ಇಮಸ್ಮಿಂ ಸಾಸನೇ ಯಾ ಭಿಕ್ಖುನೀ ಪಾರಿವಾಸಿಕೇನ ಛನ್ದದಾನೇನ ಸಿಕ್ಖಮಾನಂ ಸಚೇ ವುಟ್ಠಾಪೇತಿ, ತಸ್ಸಾ ಪಾಚಿತ್ತಿಯಂ ಸಿಯಾತಿ ಯೋಜನಾ। ತತ್ಥ ಪಾರಿವಾಸಿಕೇನ ಛನ್ದದಾನೇನಾತಿ ಚತುಬ್ಬಿಧಂ ಪಾರಿವಾಸಿಯಂ ಪರಿಸಪಾರಿವಾಸಿಯಂ, ರತ್ತಿಪಾರಿವಾಸಿಯಂ, ಛನ್ದಪಾರಿವಾಸಿಯಂ, ಅಜ್ಝಾಸಯಪಾರಿವಾಸಿಯನ್ತಿ।
2398.Ettha imasmiṃ sāsane yā bhikkhunī pārivāsikena chandadānena sikkhamānaṃ sace vuṭṭhāpeti, tassā pācittiyaṃ siyāti yojanā. Tattha pārivāsikena chandadānenāti catubbidhaṃ pārivāsiyaṃ parisapārivāsiyaṃ, rattipārivāsiyaṃ, chandapārivāsiyaṃ, ajjhāsayapārivāsiyanti.
ತತ್ಥ ಪರಿಸಪಾರಿವಾಸಿಯಂ ನಾಮ ಭಿಕ್ಖೂ ಕೇನಚಿದೇವ ಕರಣೀಯೇನ ಸನ್ನಿಪತಿತಾ ಹೋನ್ತಿ, ಅಥ ಮೇಘೋ ವಾ ಉಟ್ಠಹತಿ, ಉಸ್ಸಾರಣಾ ವಾ ಕರೀಯತಿ, ಮನುಸ್ಸಾ ವಾ ಅಜ್ಝೋತ್ಥರನ್ತಾ ಆಗಚ್ಛನ್ತಿ, ಭಿಕ್ಖೂ ‘‘ಅನೋಕಾಸೋ ಅಯಂ, ಅಞ್ಞತ್ರ ಗಚ್ಛಾಮಾ’’ತಿ ಛನ್ದಂ ಅವಿಸ್ಸಜ್ಜೇತ್ವಾವ ಉಟ್ಠಹನ್ತಿ। ಇದಂ ಪರಿಸಪಾರಿವಾಸಿಯಂ। ಕಿಞ್ಚಾಪಿ ಪರಿಸಪಾರಿವಾಸಿಯಂ, ಛನ್ದಸ್ಸ ಪನ ಅವಿಸ್ಸಟ್ಠತ್ತಾ ಕಮ್ಮಂ ಕಾತುಂ ವಟ್ಟತಿ।
Tattha parisapārivāsiyaṃ nāma bhikkhū kenacideva karaṇīyena sannipatitā honti, atha megho vā uṭṭhahati, ussāraṇā vā karīyati, manussā vā ajjhottharantā āgacchanti, bhikkhū ‘‘anokāso ayaṃ, aññatra gacchāmā’’ti chandaṃ avissajjetvāva uṭṭhahanti. Idaṃ parisapārivāsiyaṃ. Kiñcāpi parisapārivāsiyaṃ, chandassa pana avissaṭṭhattā kammaṃ kātuṃ vaṭṭati.
ಪುನ ಭಿಕ್ಖೂ ‘‘ಉಪೋಸಥಾದೀನಿ ಕರಿಸ್ಸಾಮಾ’’ತಿ ರತ್ತಿಂ ಸನ್ನಿಪತಿತ್ವಾ ‘‘ಯಾವ ಸಬ್ಬೇ ಸನ್ನಿಪತನ್ತಿ, ತಾವ ಧಮ್ಮಂ ಸುಣಿಸ್ಸಾಮಾ’’ತಿ ಏಕಂ ಅಜ್ಝೇಸನ್ತಿ, ತಸ್ಮಿಂ ಧಮ್ಮಕಥಂ ಕಥೇನ್ತೇಯೇವ ಅರುಣೋ ಉಗ್ಗಚ್ಛತಿ। ಸಚೇ ‘‘ಚಾತುದ್ದಸಿಕಂ ಉಪೋಸಥಂ ಕರಿಸ್ಸಾಮಾ’’ತಿ ನಿಸಿನ್ನಾ, ‘‘ಪನ್ನರಸೋ’’ತಿ ಕಾತುಂ ವಟ್ಟತಿ। ಸಚೇ ಪನ್ನರಸಿಕಂ ಕಾತುಂ ನಿಸಿನ್ನಾ, ಪಾಟಿಪದೇ ಅನುಪೋಸಥೇ ಉಪೋಸಥಂ ಕಾತುಂ ನ ವಟ್ಟತಿ। ಅಞ್ಞಂ ಪನ ಸಙ್ಘಕಿಚ್ಚಂ ಕಾತುಂ ವಟ್ಟತಿ। ಇದಂ ಪನ ರತ್ತಿಪಾರಿವಾಸಿಯಂ ನಾಮ।
Puna bhikkhū ‘‘uposathādīni karissāmā’’ti rattiṃ sannipatitvā ‘‘yāva sabbe sannipatanti, tāva dhammaṃ suṇissāmā’’ti ekaṃ ajjhesanti, tasmiṃ dhammakathaṃ kathenteyeva aruṇo uggacchati. Sace ‘‘cātuddasikaṃ uposathaṃ karissāmā’’ti nisinnā, ‘‘pannaraso’’ti kātuṃ vaṭṭati. Sace pannarasikaṃ kātuṃ nisinnā, pāṭipade anuposathe uposathaṃ kātuṃ na vaṭṭati. Aññaṃ pana saṅghakiccaṃ kātuṃ vaṭṭati. Idaṃ pana rattipārivāsiyaṃ nāma.
ಪುನ ಭಿಕ್ಖೂ ‘‘ಕಿಞ್ಚಿದೇವ ಅಬ್ಭಾನಾದಿಸಙ್ಘಕಮ್ಮಂ ಕರಿಸ್ಸಾಮಾ’’ತಿ ನಿಸಿನ್ನಾ ಹೋನ್ತಿ, ತತ್ರೇಕೋ ನಕ್ಖತ್ತಪಾಠಕೋ ಭಿಕ್ಖು ಏವಂ ವದತಿ ‘‘ಅಜ್ಜ ನಕ್ಖತ್ತಂ ದಾರುಣಂ, ಮಾ ಇದಂ ಕಮ್ಮಂ ಕರೋಥಾ’’ತಿ, ತೇ ತಸ್ಸ ವಚನೇನ ಛನ್ದಂ ವಿಸ್ಸಜ್ಜೇತ್ವಾ ತತ್ಥೇವ ನಿಸಿನ್ನಾ ಹೋನ್ತಿ, ಅಥಞ್ಞೋ ಆಗನ್ತ್ವಾ –
Puna bhikkhū ‘‘kiñcideva abbhānādisaṅghakammaṃ karissāmā’’ti nisinnā honti, tatreko nakkhattapāṭhako bhikkhu evaṃ vadati ‘‘ajja nakkhattaṃ dāruṇaṃ, mā idaṃ kammaṃ karothā’’ti, te tassa vacanena chandaṃ vissajjetvā tattheva nisinnā honti, athañño āgantvā –
‘‘ನಕ್ಖತ್ತಂ ಪಟಿಮಾನೇನ್ತಂ, ಅತ್ಥೋ ಬಾಲಂ ಉಪಚ್ಚಗಾ’’ತಿ॥ (ಜಾ॰ ೧.೧.೪೯) –
‘‘Nakkhattaṃ paṭimānentaṃ, attho bālaṃ upaccagā’’ti. (jā. 1.1.49) –
ವತ್ವಾ ‘‘ಕಿಂ ನಕ್ಖತ್ತೇನ, ಕರೋಥಾ’’ತಿ ವದತಿ। ಇದಂ ಛನ್ದಪಾರಿವಾಸಿಯಞ್ಚೇವ ಅಜ್ಝಾಸಯಪಾರಿವಾಸಿಯಞ್ಚ। ಏತಸ್ಮಿಂ ಪಾರಿವಾಸಿಯೇ ಪುನ ಛನ್ದಪಾರಿಸುದ್ಧಿಂ ಅನಾಹರಿತ್ವಾ ಕಮ್ಮಂ ಕಾತುಂ ನ ವಟ್ಟತಿ। ಇದಂ ಸನ್ಧಾಯ ವುತ್ತಂ ‘‘ಪಾರಿವಾಸಿಕೇನ ಛನ್ದದಾನೇನಾ’’ತಿ।
Vatvā ‘‘kiṃ nakkhattena, karothā’’ti vadati. Idaṃ chandapārivāsiyañceva ajjhāsayapārivāsiyañca. Etasmiṃ pārivāsiye puna chandapārisuddhiṃ anāharitvā kammaṃ kātuṃ na vaṭṭati. Idaṃ sandhāya vuttaṃ ‘‘pārivāsikena chandadānenā’’ti.
ಪಾಚಿತ್ತಿಯಂ ಸಿಯಾತಿ ಏವಂ ವುಟ್ಠಾಪೇನ್ತಿಯಾ ವುತ್ತನಯೇನೇವ ಕಮ್ಮವಾಚಾಪರಿಯೋಸಾನೇ ಪಾಚಿತ್ತಿಯಂ ಸಿಯಾತಿ ಅತ್ಥೋ।
Pācittiyaṃ siyāti evaṃ vuṭṭhāpentiyā vuttanayeneva kammavācāpariyosāne pācittiyaṃ siyāti attho.
೨೩೯೯. ಛನ್ದಂ ಅವಿಹಾಯ ವಾ ಅವಿಸ್ಸಜ್ಜೇತ್ವಾವ ಅವುಟ್ಠಿತಾಯ ಪರಿಸಾಯ ತು ಯಥಾನಿಸಿನ್ನಾಯ ಪರಿಸಾಯ ವುಟ್ಠಾಪೇನ್ತಿಯಾ ಅನಾಪತ್ತೀತಿ ಯೋಜನಾ। ವಾ-ಸದ್ದೋ ಏವಕಾರತ್ಥೋ।
2399. Chandaṃ avihāya vā avissajjetvāva avuṭṭhitāya parisāya tu yathānisinnāya parisāya vuṭṭhāpentiyā anāpattīti yojanā. Vā-saddo evakārattho.
ಏಕಾದಸಮಂ।
Ekādasamaṃ.
೨೪೦೦. ದ್ವಾದಸೇತಿ ‘‘ಯಾ ಪನ ಭಿಕ್ಖುನೀ ಅನುವಸ್ಸಂ ವುಟ್ಠಾಪೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೧೧೭೧) ಸಿಕ್ಖಾಪದೇ। ತೇರಸೇತಿ ‘‘ಯಾ ಪನ ಭಿಕ್ಖುನೀ ಏಕಂ ವಸ್ಸಂ ದ್ವೇ ವುಟ್ಠಾಪೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೧೧೭೫) ಸಿಕ್ಖಾಪದೇ।
2400.Dvādaseti ‘‘yā pana bhikkhunī anuvassaṃ vuṭṭhāpeyya, pācittiya’’nti (pāci. 1171) sikkhāpade. Teraseti ‘‘yā pana bhikkhunī ekaṃ vassaṃ dve vuṭṭhāpeyya, pācittiya’’nti (pāci. 1175) sikkhāpade.
ದ್ವಾದಸಮತೇರಸಮಾನಿ।
Dvādasamaterasamāni.
ಕುಮಾರಿಭೂತವಗ್ಗೋ ಅಟ್ಠಮೋ।
Kumāribhūtavaggo aṭṭhamo.
೨೪೦೧. ಅಗಿಲಾನಾತಿ ಛತ್ತುಪಾಹನೇನ ವೂಪಸಮೇತಬ್ಬರೋಗರಹಿತಾ। ಯಥಾಹ ‘‘ಅಗಿಲಾನಾ ನಾಮ ಯಸ್ಸಾ ವಿನಾ ಛತ್ತುಪಾಹನಾ ಫಾಸು ಹೋತೀ’’ತಿ। ಛತ್ತಞ್ಚ ಉಪಾಹನಾ ಚ ಛತ್ತುಪಾಹನಂ। ತತ್ಥ ಛತ್ತಂ ವುತ್ತಲಕ್ಖಣಂ, ಉಪಾಹನಾ ವಕ್ಖಮಾನಲಕ್ಖಣಾ। ಧಾರೇಯ್ಯಾತಿ ಉಭಯಂ ಏಕತೋ ಧಾರೇಯ್ಯ। ವಿಸುಂ ಧಾರೇನ್ತಿಯಾ ಹಿ ದುಕ್ಕಟಂ ವಕ್ಖತಿ।
2401.Agilānāti chattupāhanena vūpasametabbarogarahitā. Yathāha ‘‘agilānā nāma yassā vinā chattupāhanā phāsu hotī’’ti. Chattañca upāhanā ca chattupāhanaṃ. Tattha chattaṃ vuttalakkhaṇaṃ, upāhanā vakkhamānalakkhaṇā. Dhāreyyāti ubhayaṃ ekato dhāreyya. Visuṃ dhārentiyā hi dukkaṭaṃ vakkhati.
೨೪೦೨. ದಿವಸನ್ತಿ ಅಚ್ಚನ್ತಸಂಯೋಗೇ ಉಪಯೋಗವಚನಂ। ಸಚೇ ಧಾರೇತೀತಿ ಯೋಜನಾ।
2402.Divasanti accantasaṃyoge upayogavacanaṃ. Sace dhāretīti yojanā.
೨೪೦೩. ಕದ್ದಮಾದೀನೀತಿ ಏತ್ಥ ಆದಿ-ಸದ್ದೇನ ಮಹಾವಾಲುಕಾದೀನಂ ಗಹಣಂ।
2403.Kaddamādīnīti ettha ādi-saddena mahāvālukādīnaṃ gahaṇaṃ.
೨೪೦೪. ಸಚೇ ಗಚ್ಛತೀತಿ ಸಮ್ಬನ್ಧೋ। ದಿಸ್ವಾ ಗಚ್ಛಾದಿಕನ್ತಿ ಛತ್ತೇ ಲಗ್ಗನಯೋಗ್ಗಂ ನೀಚತರಂ ಗಚ್ಛಾದಿಕಂ ದಿಸ್ವಾ। ಆದಿ-ಸದ್ದೇನ ಗುಮ್ಬಾದೀನಂ ಗಹಣಂ। ದುಕ್ಕಟನ್ತಿ ಉಪಾಹನಮತ್ತಸ್ಸೇವ ಧಾರಣೇ ದುಕ್ಕಟಂ।
2404. Sace gacchatīti sambandho. Disvā gacchādikanti chatte lagganayoggaṃ nīcataraṃ gacchādikaṃ disvā. Ādi-saddena gumbādīnaṃ gahaṇaṃ. Dukkaṭanti upāhanamattasseva dhāraṇe dukkaṭaṃ.
೨೪೦೫. ಅಪನಾಮೇತ್ವಾತಿ ಸೀಸತೋ ಅಪನಾಮೇತ್ವಾ। ಓಮುಞ್ಚಿತ್ವಾತಿ ಪಾದತೋ ಓಮುಞ್ಚಿತ್ವಾ। ಹೋತಿ ಪಾಚಿತ್ತಿಯನ್ತಿ ಪುನ ಪಾಚಿತ್ತಿಯಂ ಹೋತಿ।
2405.Apanāmetvāti sīsato apanāmetvā. Omuñcitvāti pādato omuñcitvā. Hoti pācittiyanti puna pācittiyaṃ hoti.
೨೪೦೬. ಪಯೋಗಗಣನಾಯೇವಾತಿ ಛತ್ತುಪಾಹನಸ್ಸ ಅಪನೇತ್ವಾ ಅಪನೇತ್ವಾ ಏಕತೋ ಧಾರಣಪಯೋಗಗಣನಾಯ। ತಿಕಪಾಚಿತ್ತಿಯಂ ವುತ್ತನ್ತಿ ‘‘ಅಗಿಲಾನಾ ಅಗಿಲಾನಸಞ್ಞಾ, ವೇಮತಿಕಾ, ಗಿಲಾನಸಞ್ಞಾ ಛತ್ತುಪಾಹನಂ ಧಾರೇತಿ, ಆಪತ್ತಿ ಪಾಚಿತ್ತಿಯಸ್ಸಾ’’ತಿ (ಪಾಚಿ॰ ೧೧೮೧) ಏವಂ ತಿಕಪಾಚಿತ್ತಿಯಂ ವುತ್ತಂ। ‘‘ಗಿಲಾನಾ ಅಗಿಲಾನಸಞ್ಞಾ, ಗಿಲಾನಾ ವೇಮತಿಕಾ, ಛತ್ತುಪಾಹನಂ ಧಾರೇತಿ, ಆಪತ್ತಿ ದುಕ್ಕಟಸ್ಸಾ’’ತಿ (ಪಾಚಿ॰ ೧೧೮೨) ಏವಂ ದ್ವಿಕದುಕ್ಕಟಂ ತಥೇವ ವುತ್ತನ್ತಿ ಸಮ್ಬನ್ಧೋ।
2406.Payogagaṇanāyevāti chattupāhanassa apanetvā apanetvā ekato dhāraṇapayogagaṇanāya. Tikapācittiyaṃ vuttanti ‘‘agilānā agilānasaññā, vematikā, gilānasaññā chattupāhanaṃ dhāreti, āpatti pācittiyassā’’ti (pāci. 1181) evaṃ tikapācittiyaṃ vuttaṃ. ‘‘Gilānā agilānasaññā, gilānā vematikā, chattupāhanaṃ dhāreti, āpatti dukkaṭassā’’ti (pāci. 1182) evaṃ dvikadukkaṭaṃ tatheva vuttanti sambandho.
೨೪೦೭. ಯತ್ಥ ಭಿಕ್ಖೂ ವಾ ಭಿಕ್ಖುನಿಯೋ ವಾ ನಿವಸನ್ತಿ, ತಸ್ಮಿಂ ಆರಾಮೇ ವಾ ಉಪಚಾರೇ ವಾ ಅಪರಿಕ್ಖಿತ್ತಸ್ಸ ಆರಾಮಸ್ಸ ಉಪಚಾರೇ ವಾ। ಆಪದಾಸೂತಿ ರಟ್ಠಭೇದಾದಿಆಪದಾಸು।
2407. Yattha bhikkhū vā bhikkhuniyo vā nivasanti, tasmiṃ ārāme vā upacāre vā aparikkhittassa ārāmassa upacāre vā. Āpadāsūti raṭṭhabhedādiāpadāsu.
ಪಠಮಂ।
Paṭhamaṃ.
೨೪೦೮. ಭಿಕ್ಖುನಿಯಾತಿ ಏತ್ಥ ‘‘ಅಗಿಲಾನಾಯಾ’’ತಿ ಸೇಸೋ, ಪಾದೇನ ಗನ್ತುಂ ಸಮತ್ಥಾಯ ಅಗಿಲಾನಾಯ ಭಿಕ್ಖುನಿಯಾತಿ ಅತ್ಥೋ। ಯಥಾಹ ‘‘ಅಗಿಲಾನಾ ನಾಮ ಸಕ್ಕೋತಿ ಪದಸಾ ಗನ್ತು’’ನ್ತಿ (ಪಾಚಿ॰ ೧೧೮೭)। ಯಾನಂ ನಾಮ ರಥಾದಿ, ತಂ ಹೇಟ್ಠಾ ವುತ್ತಸರೂಪಮೇವ।
2408.Bhikkhuniyāti ettha ‘‘agilānāyā’’ti seso, pādena gantuṃ samatthāya agilānāya bhikkhuniyāti attho. Yathāha ‘‘agilānā nāma sakkoti padasā gantu’’nti (pāci. 1187). Yānaṃ nāma rathādi, taṃ heṭṭhā vuttasarūpameva.
೨೪೦೯. ಆಪದಾಸೂತಿ ರಟ್ಠಭೇದಾದಿಆಪದಾಸು। ಛತ್ತುಪಾಹನಸಿಕ್ಖಾಪದೇ ಆರಾಮೇ, ಆರಾಮೂಪಚಾರೇ ಚ ಅನಾಪತ್ತಿ ವುತ್ತಾ, ಇಧ ತಥಾ ಅವುತ್ತತ್ತಾ ಸಬ್ಬತ್ಥಾಪಿ ಆಪತ್ತಿಯೇವ ವೇದಿತಬ್ಬಾ।
2409.Āpadāsūti raṭṭhabhedādiāpadāsu. Chattupāhanasikkhāpade ārāme, ārāmūpacāre ca anāpatti vuttā, idha tathā avuttattā sabbatthāpi āpattiyeva veditabbā.
ದುತಿಯಂ।
Dutiyaṃ.
೨೪೧೦. ‘‘ಯಂ ಕಿಞ್ಚಿಪಿ ಕಟೂಪಿಯ’’ನ್ತಿ ಇದಂ ‘‘ಸಙ್ಘಾಣಿ’’ನ್ತಿ ಏತಸ್ಸ ಅತ್ಥಪದಂ। ಯಥಾಹ – ‘‘ಸಙ್ಘಾಣಿ ನಾಮ ಯಾ ಕಾಚಿ ಕಟೂಪಗಾ’’ತಿ। ಸಙ್ಘಾಣಿ ನಾಮ ಮೇಖಲಾದಿಕಟಿಪಿಳನ್ಧನಂ। ಕಟೂಪಿಯನ್ತಿ ಕಟಿಪ್ಪದೇಸೋಪಗಂ।
2410.‘‘Yaṃ kiñcipi kaṭūpiya’’nti idaṃ ‘‘saṅghāṇi’’nti etassa atthapadaṃ. Yathāha – ‘‘saṅghāṇi nāma yā kāci kaṭūpagā’’ti. Saṅghāṇi nāma mekhalādikaṭipiḷandhanaṃ. Kaṭūpiyanti kaṭippadesopagaṃ.
೨೪೧೨. ಕಟಿಸುತ್ತಂ ನಾಮ ಕಟಿಯಂ ಪಿಳನ್ಧನರಜ್ಜುಸುತ್ತಕಂ।
2412.Kaṭisuttaṃ nāma kaṭiyaṃ piḷandhanarajjusuttakaṃ.
೨೪೧೩. ಇಧ ಇಮಸ್ಮಿಂ ಸಿಕ್ಖಾಪದೇ ಚಿತ್ತಂ ಅಕುಸಲಂ, ಇದಂ ಪನ ಸಿಕ್ಖಾಪದಂ ಲೋಕವಜ್ಜಂ, ಇತಿ ಇದಂ ಉಭಯಮೇವ ವಿಸೇಸತಾ ಪುರಿಮಸಿಕ್ಖಾಪದತೋ ಇಮಸ್ಸ ನಾನಾಕರಣಂ।
2413.Idha imasmiṃ sikkhāpade cittaṃ akusalaṃ, idaṃ pana sikkhāpadaṃ lokavajjaṃ, iti idaṃ ubhayameva visesatā purimasikkhāpadato imassa nānākaraṇaṃ.
ತತಿಯಂ।
Tatiyaṃ.
೨೪೧೪. ಸೀಸೂಪಗಾದಿಸು ಯಂ ಕಿಞ್ಚಿ ಸಚೇ ಯಾ ಧಾರೇತಿ, ತಸ್ಸಾ ತಸ್ಸ ವತ್ಥುಸ್ಸ ಗಣನಾಯ ಆಪತ್ತಿಯೋ ಸಿಯುನ್ತಿ ಯೋಜನಾ। ಸೀಸಂ ಉಪಗಚ್ಛತೀತಿ ಸೀಸೂಪಗಂ, ಸೀಸೇ ಪಿಳನ್ಧನಾರಹನ್ತಿ ಅತ್ಥೋ। ಆದಿ-ಸದ್ದೇನ ಗೀವೂಪಗಾದೀನಂ ಗಹಣಂ। ಯಥಾಹ – ‘‘ಇತ್ಥಾಲಙ್ಕಾರೋ ನಾಮ ಸೀಸೂಪಗೋ ಗೀವೂಪಗೋ ಹತ್ಥೂಪಗೋ ಪಾದೂಪಗೋ ಕಟೂಪಗೋ’’ತಿ।
2414. Sīsūpagādisu yaṃ kiñci sace yā dhāreti, tassā tassa vatthussa gaṇanāya āpattiyo siyunti yojanā. Sīsaṃ upagacchatīti sīsūpagaṃ, sīse piḷandhanārahanti attho. Ādi-saddena gīvūpagādīnaṃ gahaṇaṃ. Yathāha – ‘‘itthālaṅkāro nāma sīsūpago gīvūpago hatthūpago pādūpago kaṭūpago’’ti.
೨೪೧೫. ನ ಚ ದೋಸೋತಿ ಯೋಜನಾ। ‘‘ಸದಿಸನ್ತಿ ಪರಿದೀಪಿತ’’ನ್ತಿ ವತ್ತಬ್ಬೇ ಇತಿ-ಸದ್ದೋ ಲುತ್ತನಿದ್ದಿಟ್ಠೋ।
2415. Na ca dosoti yojanā. ‘‘Sadisanti paridīpita’’nti vattabbe iti-saddo luttaniddiṭṭho.
ಚತುತ್ಥಂ।
Catutthaṃ.
೨೪೧೬. ಯೇನ ಕೇನಚಿ ಗನ್ಧೇನಾತಿ ಚನ್ದನತಗರಾದಿನಾ ಯೇನ ಕೇನಚಿ ಗನ್ಧಕಕ್ಕೇನ। ಸವಣ್ಣಾವಣ್ಣಕೇನ ಚಾತಿ ವಣ್ಣೇನ ಸಹ ವತ್ತತೀತಿ ಸವಣ್ಣಕಂ, ಹಲಿದ್ದಿಕಕ್ಕಾದಿ, ನತ್ಥಿ ಏತಸ್ಸ ಉಬ್ಬಟ್ಟನಪಚ್ಚಯಾ ದಿಸ್ಸಮಾನೋ ವಣ್ಣವಿಸೇಸೋತಿ ಅವಣ್ಣಕಂ, ಸಾಸಪಕಕ್ಕಾದಿ, ಸವಣ್ಣಕಞ್ಚ ಅವಣ್ಣಕಞ್ಚ ಸವಣ್ಣಾವಣ್ಣಕಂ, ತೇನ ಸವಣ್ಣಾವಣ್ಣಕೇನ ಚ। ಉಬ್ಬಟ್ಟೇತ್ವಾ ನ್ಹಾಯನ್ತಿಯಾ ನ್ಹಾನೋಸಾನೇ ಪಾಚಿತ್ತಿಯಾಪತ್ತಿ ಪಕಾಸಿತಾತಿ ಯೋಜನಾ।
2416.Yenakenaci gandhenāti candanatagarādinā yena kenaci gandhakakkena. Savaṇṇāvaṇṇakena cāti vaṇṇena saha vattatīti savaṇṇakaṃ, haliddikakkādi, natthi etassa ubbaṭṭanapaccayā dissamāno vaṇṇavisesoti avaṇṇakaṃ, sāsapakakkādi, savaṇṇakañca avaṇṇakañca savaṇṇāvaṇṇakaṃ, tena savaṇṇāvaṇṇakena ca. Ubbaṭṭetvā nhāyantiyā nhānosāne pācittiyāpatti pakāsitāti yojanā.
೨೪೧೭. ಸಬ್ಬಪಯೋಗೇತಿ ಸಬ್ಬಸ್ಮಿಂ ಪುಬ್ಬಪಯೋಗೇ। ಆಬಾಧಪಚ್ಚಯಾತಿ ದದ್ದುಕುಟ್ಠಾದಿರೋಗಪಚ್ಚಯಾ।
2417.Sabbapayogeti sabbasmiṃ pubbapayoge. Ābādhapaccayāti daddukuṭṭhādirogapaccayā.
೨೪೧೮. ಛಟ್ಠನ್ತಿ ‘‘ಯಾ ಪನ ಭಿಕ್ಖುನೀ ವಾಸಿತಕೇನ ಪಿಞ್ಞಾಕೇನ ನಹಾಯೇಯ್ಯ, ಪಾಚಿತ್ತಿಯ’’ನ್ತಿ (ಪಾಚಿ॰ ೧೨೦೩) ಸಿಕ್ಖಾಪದಂ।
2418.Chaṭṭhanti ‘‘yā pana bhikkhunī vāsitakena piññākena nahāyeyya, pācittiya’’nti (pāci. 1203) sikkhāpadaṃ.
ಪಞ್ಚಮಛಟ್ಠಾನಿ।
Pañcamachaṭṭhāni.
೨೪೧೯. ಯಾ ಪನ ಭಿಕ್ಖುನೀ ಅಞ್ಞಾಯ ಭಿಕ್ಖುನಿಯಾ ಸಚೇ ಉಬ್ಬಟ್ಟಾಪೇಯ್ಯ ವಾ ಸಮ್ಬಾಹಾಪೇಯ್ಯ ವಾ, ತಸ್ಸಾ ಭಿಕ್ಖುನಿಯಾ ತಥಾ ಪಾಚಿತ್ತಿಯಾಪತ್ತಿ ಹೋತೀತಿ ಯೋಜನಾ।
2419. Yā pana bhikkhunī aññāya bhikkhuniyā sace ubbaṭṭāpeyya vā sambāhāpeyya vā, tassā bhikkhuniyā tathā pācittiyāpatti hotīti yojanā.
೨೪೨೦. ಏತ್ಥ ಇಮಸ್ಮಿಂ ಉಬ್ಬಟ್ಟನೇ, ಸಮ್ಬಾಹನೇ ಚ ಹತ್ಥಂ ಅಮೋಚೇತ್ವಾ ಉಬ್ಬಟ್ಟನೇ ಏಕಾ ಆಪತ್ತಿ ಸಿಯಾ, ಹತ್ಥಂ ಮೋಚೇತ್ವಾ ಮೋಚೇತ್ವಾ ಉಬ್ಬಟ್ಟನೇ ಪಯೋಗಗಣನಾಯ ಸಿಯಾತಿ ಯೋಜನಾ।
2420.Ettha imasmiṃ ubbaṭṭane, sambāhane ca hatthaṃ amocetvā ubbaṭṭane ekā āpatti siyā, hatthaṃ mocetvā mocetvā ubbaṭṭane payogagaṇanāya siyāti yojanā.
೨೪೨೧. ಆಪದಾಸೂತಿ ಚೋರಭಯಾದೀಹಿ ಸರೀರಕಮ್ಪನಾದೀಸು। ಗಿಲಾನಾಯಾತಿ ಅನ್ತಮಸೋ ಮಗ್ಗಗಮನಪರಿಸ್ಸಮೇನಾಪಿ ಆಬಾಧಿಕಾಯ।
2421.Āpadāsūti corabhayādīhi sarīrakampanādīsu. Gilānāyāti antamaso maggagamanaparissamenāpi ābādhikāya.
೨೪೨೨. ಅಟ್ಠಮಸಿಕ್ಖಾಪದೇ ‘‘ಸಿಕ್ಖಮಾನಾಯಾ’’ತಿ ಚ ನವಮಸಿಕ್ಖಾಪದೇ ‘‘ಸಾಮಣೇರಿಯಾ’’ತಿ ಚ ದಸಮಸಿಕ್ಖಾಪದೇ ‘‘ಗಿಹಿನಿಯಾ’’ತಿ ಚ ವಿಸೇಸಂ ವಜ್ಜೇತ್ವಾ ಅವಸೇಸವಿನಿಚ್ಛಯೋ ಸತ್ತಮೇನೇವ ಸಮಾನೋತಿ ದಸ್ಸೇತುಮಾಹ ‘‘ಅಟ್ಠಮಾದೀನಿ ತೀಣಿಪೀ’’ತಿ।
2422. Aṭṭhamasikkhāpade ‘‘sikkhamānāyā’’ti ca navamasikkhāpade ‘‘sāmaṇeriyā’’ti ca dasamasikkhāpade ‘‘gihiniyā’’ti ca visesaṃ vajjetvā avasesavinicchayo sattameneva samānoti dassetumāha ‘‘aṭṭhamādīni tīṇipī’’ti.
ಸತ್ತಮಟ್ಠಮನವಮದಸಮಾನಿ।
Sattamaṭṭhamanavamadasamāni.
೨೪೨೩. ಅನ್ತೋಉಪಚಾರಸ್ಮಿನ್ತಿ ದ್ವಾದಸರತನಬ್ಭನ್ತರೇ। ‘‘ಭಿಕ್ಖುಸ್ಸ ಪುರತೋ’’ತಿ ಇದಂ ಉಪಲಕ್ಖಣಂ। ತಸ್ಮಾ ಪುರತೋ ವಾ ಹೋತು ಪಚ್ಛತೋ ವಾ ಪಸ್ಸತೋ ವಾ, ಸಮನ್ತತೋ ದ್ವಾದಸರತನಬ್ಭನ್ತರೇತಿ ನಿದಸ್ಸನಪದಮೇತಂ। ಛಮಾಯಪೀತಿ ಅನನ್ತರಹಿತಾಯ ಭೂಮಿಯಾಪಿ। ಯಾ ನಿಸೀದೇಯ್ಯಾತಿ ಸಮ್ಬನ್ಧೋ। ನ ವಟ್ಟತಿ ಪಾಚಿತ್ತಿಯಾಪತ್ತಿ ಹೋತೀತಿ ಅತ್ಥೋ।
2423.Antoupacārasminti dvādasaratanabbhantare. ‘‘Bhikkhussa purato’’ti idaṃ upalakkhaṇaṃ. Tasmā purato vā hotu pacchato vā passato vā, samantato dvādasaratanabbhantareti nidassanapadametaṃ. Chamāyapīti anantarahitāya bhūmiyāpi. Yā nisīdeyyāti sambandho. Na vaṭṭati pācittiyāpatti hotīti attho.
೨೪೨೪. ತಿಕಪಾಚಿತ್ತಿಯಂ ವುತ್ತನ್ತಿ ಅನಾಪುಚ್ಛಿತೇ ಅನಾಪುಚ್ಛಿತಸಞ್ಞಾ, ವೇಮತಿಕಾ, ಆಪುಚ್ಛಿತಸಞ್ಞಾತಿ ತೀಸು ವಿಕಪ್ಪೇಸು ಪಾಚಿತ್ತಿಯತ್ತಯಂ ವುತ್ತಂ। ಆಪುಚ್ಛಿತೇ ಅನಾಪುಚ್ಛಿತಸಞ್ಞಾ, ವೇಮತಿಕಾ ವಾ ಭಿಕ್ಖುಸ್ಸ ಪುರತೋ ನಿಸೀದೇಯ್ಯಾತಿ ವಿಕಪ್ಪದ್ವಯೇ ದುಕ್ಕಟದ್ವಯಂ ಹೋತಿ। ಆಪದಾಸೂತಿ ರಟ್ಠಭೇದಾದಿಆಪದಾಸು। ಆಪುಚ್ಛಿತುಞ್ಚ ಠಾತುಞ್ಚ ಅಸಕ್ಕೋನ್ತಿಯಾ ಗಿಲಾನಾಯ।
2424.Tikapācittiyaṃ vuttanti anāpucchite anāpucchitasaññā, vematikā, āpucchitasaññāti tīsu vikappesu pācittiyattayaṃ vuttaṃ. Āpucchite anāpucchitasaññā, vematikā vā bhikkhussa purato nisīdeyyāti vikappadvaye dukkaṭadvayaṃ hoti. Āpadāsūti raṭṭhabhedādiāpadāsu. Āpucchituñca ṭhātuñca asakkontiyā gilānāya.
೨೪೨೫. ನಿಪಜ್ಜನಂ ಕ್ರಿಯಂ। ಅನಾಪುಚ್ಛನಂ ಅಕ್ರಿಯಂ।
2425. Nipajjanaṃ kriyaṃ. Anāpucchanaṃ akriyaṃ.
ಏಕಾದಸಮಂ।
Ekādasamaṃ.
೨೪೨೬. ಓಕಾಸೋ ಕತೋ ಯೇನ ಸೋ ಓಕಾಸಕತೋ, ನ ಓಕಾಸಕತೋ ಅನೋಕಾಸಕತೋ, ತಂ, ಅಕತೋಕಾಸನ್ತಿ ಅತ್ಥೋ, ‘‘ಅಸುಕಸ್ಮಿಂ ನಾಮ ಠಾನೇ ಪುಚ್ಛಾಮೀ’’ತಿ ಅತ್ತನಾ ಪುಚ್ಛಿತಬ್ಬವಿನಯಾದೀನಂ ನಾಮಂ ಗಹೇತ್ವಾ ಓಕಾಸಂ ಕಾರಾಪನಕಾಲೇ ಅಧಿವಾಸನವಸೇನ ಅಕತೋಕಾಸನ್ತಿ ವುತ್ತಂ ಹೋತಿ। ದೋಸತಾತಿ ಪಾಚಿತ್ತಿಯಾಪತ್ತಿ। ಏಕಸ್ಮಿಂ ಪಿಟಕೇ ಓಕಾಸಂ ಕಾರಾಪೇತ್ವಾ ಅಞ್ಞಸ್ಮಿಂ ಪಿಟಕೇ ಪಞ್ಹಂ ಪುಚ್ಛನ್ತಿಯಾಪಿ ಪಾಚಿತ್ತಿಯಂ ಹೋತೀತಿ ದಸ್ಸೇತುಮಾಹ ‘‘ವಿನಯೇ ಚಾ’’ತಿಆದಿ।
2426. Okāso kato yena so okāsakato, na okāsakato anokāsakato, taṃ, akatokāsanti attho, ‘‘asukasmiṃ nāma ṭhāne pucchāmī’’ti attanā pucchitabbavinayādīnaṃ nāmaṃ gahetvā okāsaṃ kārāpanakāle adhivāsanavasena akatokāsanti vuttaṃ hoti. Dosatāti pācittiyāpatti. Ekasmiṃ piṭake okāsaṃ kārāpetvā aññasmiṃ piṭake pañhaṃ pucchantiyāpi pācittiyaṃ hotīti dassetumāha ‘‘vinaye cā’’tiādi.
ಪುಚ್ಛನ್ತಿಯಾಪಿ ಚಾತಿ ಏತ್ಥ ಪಿ-ಸದ್ದೇನ ‘‘ಅಭಿಧಮ್ಮಂ ಪುಚ್ಛನ್ತಿಯಾಪೀ’’ತಿ ಇದಞ್ಚ ಅನುತ್ತಸಮುಚ್ಚಯತ್ಥೇನ ಚ-ಸದ್ದೇನ ‘‘ಸುತ್ತನ್ತೇ ಓಕಾಸಂ ಕಾರಾಪೇತ್ವಾ ವಿನಯಂ ವಾ ಅಭಿಧಮ್ಮಂ ವಾ ಪುಚ್ಛತಿ, ಆಪತ್ತಿ ಪಾಚಿತ್ತಿಯಸ್ಸ। ಅಭಿಧಮ್ಮೇ ಓಕಾಸಂ ಕಾರಾಪೇತ್ವಾ ಸುತ್ತನ್ತಂ ವಾ ವಿನಯಂ ವಾ ಪುಚ್ಛತಿ, ಆಪತ್ತಿ ಪಾಚಿತ್ತಿಯಸ್ಸಾ’’ತಿ ಇದಞ್ಚ ಸಙ್ಗಹಿತಂ।
Pucchantiyāpi cāti ettha pi-saddena ‘‘abhidhammaṃ pucchantiyāpī’’ti idañca anuttasamuccayatthena ca-saddena ‘‘suttante okāsaṃ kārāpetvā vinayaṃ vā abhidhammaṃ vā pucchati, āpatti pācittiyassa. Abhidhamme okāsaṃ kārāpetvā suttantaṃ vā vinayaṃ vā pucchati, āpatti pācittiyassā’’ti idañca saṅgahitaṃ.
೨೪೨೭. ಅನೋದಿಸ್ಸಾತಿ ‘‘ಅಸುಕಸ್ಮಿಂ ನಾಮ ಪುಚ್ಛಾಮೀ’’ತಿ ಏವಂ ಅನಿಯಮೇತ್ವಾ ಕೇವಲಂ ‘‘ಪುಚ್ಛಿತಬ್ಬಂ ಅತ್ಥಿ, ಪುಚ್ಛಾಮಿ ಅಯ್ಯಾ’’ತಿ ಏವಂ ವತ್ವಾ।
2427.Anodissāti ‘‘asukasmiṃ nāma pucchāmī’’ti evaṃ aniyametvā kevalaṃ ‘‘pucchitabbaṃ atthi, pucchāmi ayyā’’ti evaṃ vatvā.
ದ್ವಾದಸಮಂ।
Dvādasamaṃ.
೨೪೨೮-೯. ಸಂಕಚ್ಚಿಕನ್ತಿ ಥನವೇಠನಚೀವರಂ, ತಂ ಪನ ಪಾರುಪನ್ತಿಯಾ ಅಧಕ್ಖಕಂ ಉಬ್ಭನಾಭಿಮಣ್ಡಲಂ ಪಟಿಚ್ಛಾದೇನ್ತಿಯಾ ಪಾರುಪಿತಬ್ಬಂ। ತೇನಾಹ ಮಾತಿಕಟ್ಠಕಥಾಯಂ ‘‘ಅಸಂಕಚ್ಚಿಕಾತಿ ಅಧಕ್ಖಕಉಬ್ಭನಾಭಿಮಣ್ಡಲಸಙ್ಖಾತಸ್ಸ ಸರೀರಸ್ಸ ಪಟಿಚ್ಛಾದನತ್ಥಂ ಅನುಞ್ಞಾತಸಂಕಚ್ಚಿಕಚೀವರರಹಿತಾ’’ತಿ (ಕಙ್ಖಾ॰ ಅಟ್ಠ॰ ಅಸಂಕಚ್ಚಿಕಸಿಕ್ಖಾಪದವಣ್ಣನಾ)। ‘‘ಸಂಕಚ್ಚಿಕಾಯ ಪಮಾಣಂ ತಿರಿಯಂ ದಿಯಡ್ಢಹತ್ಥನ್ತಿ ಪೋರಾಣಗಣ್ಠಿಪದೇ ವುತ್ತ’’ನ್ತಿ (ವಜಿರ॰ ಟೀ॰ ಪಾಚಿತ್ತಿಯ ೧೨೨೪-೧೨೨೬) ವಜಿರಬುದ್ಧಿತ್ಥೇರೋ। ಪರಿಕ್ಖೇಪೋಕ್ಕಮೇತಿ ಪರಿಕ್ಖೇಪಸ್ಸ ಅನ್ತೋಪವೇಸನೇ। ಉಪಚಾರೋಕ್ಕಮೇಪೀತಿ ಅಪರಿಕ್ಖಿತ್ತಸ್ಸ ಗಾಮಸ್ಸ ದುತಿಯಲೇಡ್ಡುಪಾತಬ್ಭನ್ತರಪವೇಸನೇಪಿ। ಏತ್ಥಾತಿ ಇಮಸ್ಮಿಂ ಸಿಕ್ಖಾಪದೇ। ಏಸೇವ ನಯೋತಿ ‘‘ಪಠಮೇ ಪಾದೇ ದುಕ್ಕಟಂ, ದುತಿಯೇ ಪಾಚಿತ್ತಿಯ’’ನ್ತಿ ಯಥಾವುತ್ತೋಯೇವ ನಯೋ ಮತೋ ವಿಞ್ಞಾತೋತಿ ಅತ್ಥೋ।
2428-9.Saṃkaccikanti thanaveṭhanacīvaraṃ, taṃ pana pārupantiyā adhakkhakaṃ ubbhanābhimaṇḍalaṃ paṭicchādentiyā pārupitabbaṃ. Tenāha mātikaṭṭhakathāyaṃ ‘‘asaṃkaccikāti adhakkhakaubbhanābhimaṇḍalasaṅkhātassa sarīrassa paṭicchādanatthaṃ anuññātasaṃkaccikacīvararahitā’’ti (kaṅkhā. aṭṭha. asaṃkaccikasikkhāpadavaṇṇanā). ‘‘Saṃkaccikāya pamāṇaṃ tiriyaṃ diyaḍḍhahatthanti porāṇagaṇṭhipade vutta’’nti (vajira. ṭī. pācittiya 1224-1226) vajirabuddhitthero. Parikkhepokkameti parikkhepassa antopavesane. Upacārokkamepīti aparikkhittassa gāmassa dutiyaleḍḍupātabbhantarapavesanepi. Etthāti imasmiṃ sikkhāpade. Eseva nayoti ‘‘paṭhame pāde dukkaṭaṃ, dutiye pācittiya’’nti yathāvuttoyeva nayo mato viññātoti attho.
೨೪೩೦. ಆಪದಾಸುಪೀತಿ ಮಹಗ್ಘಂ ಹೋತಿ ಸಂಕಚ್ಚಿಕಂ, ಪಾರುಪಿತ್ವಾ ಗಚ್ಛನ್ತಿಯಾ ಚ ಉಪದ್ದವೋ ಉಪ್ಪಜ್ಜತಿ, ಏವರೂಪಾಸು ಆಪದಾಸು ಅನಾಪತ್ತಿ।
2430.Āpadāsupīti mahagghaṃ hoti saṃkaccikaṃ, pārupitvā gacchantiyā ca upaddavo uppajjati, evarūpāsu āpadāsu anāpatti.
೨೪೩೧. ಸೇಸನ್ತಿ ಇಧ ಸರೂಪತೋ ಅದಸ್ಸಿತಞ್ಚ। ವುತ್ತನಯೇನೇವಾತಿ ಮಾತಿಕಾಪದಭಾಜನಾದೀಸು ವುತ್ತನಯೇನೇವ। ಸುನಿಪುಣಸ್ಮಿಂ ಧಮ್ಮಜಾತಂ, ಅತ್ಥಜಾತಞ್ಚ ವಿಭಾವೇತಿ ವಿವಿಧೇನಾಕಾರೇನ ಪಕಾಸೇತೀತಿ ವಿಭಾವೀ, ತೇನ ವಿಭಾವಿನಾ।
2431.Sesanti idha sarūpato adassitañca. Vuttanayenevāti mātikāpadabhājanādīsu vuttanayeneva. Sunipuṇasmiṃ dhammajātaṃ, atthajātañca vibhāveti vividhenākārena pakāsetīti vibhāvī, tena vibhāvinā.
ತೇರಸಮಂ।
Terasamaṃ.
ಛತ್ತುಪಾಹನವಗ್ಗೋ ನವಮೋ।
Chattupāhanavaggo navamo.
ಏವಂ ನವಹಿ ವಗ್ಗೇಹಿ ಭಿಕ್ಖುನೀನಂ ಭಿಕ್ಖೂಹಿ ಅಸಾಧಾರಣಾನಿ ಛನ್ನವುತಿ ಸಿಕ್ಖಾಪದಾನಿ ದಸ್ಸೇತ್ವಾ ಇತೋ ಪರೇಸು ಮುಸಾವಾದವಗ್ಗಾದೀಸು ಸತ್ತಸು ವಗ್ಗೇಸು ಭಿಕ್ಖೂಹಿ ಸಾಧಾರಣಸಿಕ್ಖಾಪದಾನಿ ಭಿಕ್ಖುಪಾತಿಮೋಕ್ಖವಿನಿಚ್ಛಯಕಥಾಯ ವುತ್ತನಯೇನೇವ ವೇದಿತಬ್ಬಾನೀತಿ ತಾನಿ ಇಧ ನ ದಸ್ಸಿತಾನಿ।
Evaṃ navahi vaggehi bhikkhunīnaṃ bhikkhūhi asādhāraṇāni channavuti sikkhāpadāni dassetvā ito paresu musāvādavaggādīsu sattasu vaggesu bhikkhūhi sādhāraṇasikkhāpadāni bhikkhupātimokkhavinicchayakathāya vuttanayeneva veditabbānīti tāni idha na dassitāni.
ಸಬ್ಬಾನೇವ ಭಿಕ್ಖುನೀನಂ ಖುದ್ದಕೇಸು ಛನ್ನವುತಿ, ಭಿಕ್ಖೂನಂ ದ್ವೇನವುತೀತಿ ಅಟ್ಠಾಸೀತಿಸತಂ ಸಿಕ್ಖಾಪದಾನಿ। ತತೋ ಪರಂ ಸಕಲಂ ಭಿಕ್ಖುನಿವಗ್ಗಂ, ಪರಮ್ಪರಭೋಜನಂ, ಅನತಿರಿತ್ತಭೋಜನಂ, ಅನತಿರಿತ್ತೇನ ಅಭಿಹಟ್ಠುಂ ಪವಾರಣಂ, ಪಣೀತಭೋಜನವಿಞ್ಞತ್ತಿ, ಅಚೇಲಕಸಿಕ್ಖಾಪದಂ, ದುಟ್ಠುಲ್ಲಪಅಚ್ಛಾದನಂ, ಊನವೀಸತಿವಸ್ಸಉಪಸಮ್ಪಾದನಂ, ಮಾತುಗಾಮೇನ ಸದ್ಧಿಂ ಸಂವಿಧಾಯ ಅದ್ಧಾನಗಮನಂ, ರಾಜನ್ತೇಪುರಪ್ಪವೇಸನಂ , ಸನ್ತಂ ಭಿಕ್ಖುಂ ಅನಾಪುಚ್ಛಾ ವಿಕಾಲೇ ಗಾಮಪ್ಪವೇಸನಂ, ನಿಸೀದನಂ, ವಸ್ಸಿಕಸಾಟಿಕನ್ತಿ ಇಮಾನಿ ಬಾವೀಸತಿ ಸಿಕ್ಖಾಪದಾನಿ ಅಪನೇತ್ವಾ ಸೇಸಾನಿ ಸತಞ್ಚ ಛಸಟ್ಠಿ ಚ ಸಿಕ್ಖಾಪದಾನಿ ಭಿಕ್ಖುನಿಪಾತಿಮೋಕ್ಖುದ್ದೇಸಮಗ್ಗೇನ ಉದ್ದಿಟ್ಠಾನೀತಿ ವೇದಿತಬ್ಬಾನಿ।
Sabbāneva bhikkhunīnaṃ khuddakesu channavuti, bhikkhūnaṃ dvenavutīti aṭṭhāsītisataṃ sikkhāpadāni. Tato paraṃ sakalaṃ bhikkhunivaggaṃ, paramparabhojanaṃ, anatirittabhojanaṃ, anatirittena abhihaṭṭhuṃ pavāraṇaṃ, paṇītabhojanaviññatti, acelakasikkhāpadaṃ, duṭṭhullapaacchādanaṃ, ūnavīsativassaupasampādanaṃ, mātugāmena saddhiṃ saṃvidhāya addhānagamanaṃ, rājantepurappavesanaṃ , santaṃ bhikkhuṃ anāpucchā vikāle gāmappavesanaṃ, nisīdanaṃ, vassikasāṭikanti imāni bāvīsati sikkhāpadāni apanetvā sesāni satañca chasaṭṭhi ca sikkhāpadāni bhikkhunipātimokkhuddesamaggena uddiṭṭhānīti veditabbāni.
ತತ್ರಾಯಂ ಸಙ್ಖೇಪತೋ ಅಸಾಧಾರಣಸಿಕ್ಖಾಪದೇಸು ಸಮುಟ್ಠಾನವಿನಿಚ್ಛಯೋ – ಗಿರಗ್ಗಸಮಜ್ಜಾ, ಚಿತ್ತಾಗಾರಸಿಕ್ಖಾಪದಂ, ಸಙ್ಘಾಣಿ, ಇತ್ಥಾಲಙ್ಕಾರೋ, ಗನ್ಧವಣ್ಣಕೋ, ವಾಸಿತಕಪಿಞ್ಞಾಕೋ, ಭಿಕ್ಖುನಿಆದೀಹಿ ಉಮ್ಮದ್ದನಪರಿಮದ್ದನಾನೀತಿ ಇಮಾನಿ ದಸ ಸಿಕ್ಖಾಪದಾನಿ ಅಚಿತ್ತಕಾನಿ, ಲೋಕವಜ್ಜಾನಿ, ಅಕುಸಲಚಿತ್ತಾನಿ। ಅಯಂ ಪನೇತ್ಥ ಅಧಿಪ್ಪಾಯೋ – ವಿನಾಪಿ ಚಿತ್ತೇನ ಆಪಜ್ಜಿತಬ್ಬತ್ತಾ ಅಚಿತ್ತಕಾನಿ, ಚಿತ್ತೇ ಪನ ಸತಿ ಅಕುಸಲೇನೇವ ಆಪಜ್ಜಿತಬ್ಬತ್ತಾ ಲೋಕವಜ್ಜಾನಿ ಚೇವ ಅಕುಸಲಚಿತ್ತಾನಿ ಚ। ಅವಸೇಸಾನಿ ಅಚಿತ್ತಕಾನಿ ಪಣ್ಣತ್ತಿವಜ್ಜಾನೇವ। ಚೋರಿವುಟ್ಠಾಪನಂ, ಗಾಮನ್ತರಂ, ಆರಾಮಸಿಕ್ಖಾಪದಂ, ಗಬ್ಭಿನಿವಗ್ಗೇ ಆದಿತೋ ಪಟ್ಠಾಯ ಸತ್ತ, ಕುಮಾರಿಭೂತವಗ್ಗೇ ಆದಿತೋ ಪಟ್ಠಾಯ ಪಞ್ಚ, ಪುರಿಸಸಂಸಟ್ಠಂ, ಪಾರಿವಾಸಿಯಛನ್ದದಾನಂ, ಅನುವಸ್ಸವುಟ್ಠಾಪನಂ, ಏಕನ್ತರಿಕವುಟ್ಠಾಪನನ್ತಿ ಇಮಾನಿ ಏಕೂನವೀಸತಿ ಸಿಕ್ಖಾಪದಾನಿ ಸಚಿತ್ತಕಾನಿ, ಪಣ್ಣತ್ತಿವಜ್ಜಾನಿ। ಅವಸೇಸಾನಿ ಸಚಿತ್ತಕಾನಿ ಲೋಕವಜ್ಜಾನೇವಾತಿ।
Tatrāyaṃ saṅkhepato asādhāraṇasikkhāpadesu samuṭṭhānavinicchayo – giraggasamajjā, cittāgārasikkhāpadaṃ, saṅghāṇi, itthālaṅkāro, gandhavaṇṇako, vāsitakapiññāko, bhikkhuniādīhi ummaddanaparimaddanānīti imāni dasa sikkhāpadāni acittakāni, lokavajjāni, akusalacittāni. Ayaṃ panettha adhippāyo – vināpi cittena āpajjitabbattā acittakāni, citte pana sati akusaleneva āpajjitabbattā lokavajjāni ceva akusalacittāni ca. Avasesāni acittakāni paṇṇattivajjāneva. Corivuṭṭhāpanaṃ, gāmantaraṃ, ārāmasikkhāpadaṃ, gabbhinivagge ādito paṭṭhāya satta, kumāribhūtavagge ādito paṭṭhāya pañca, purisasaṃsaṭṭhaṃ, pārivāsiyachandadānaṃ, anuvassavuṭṭhāpanaṃ, ekantarikavuṭṭhāpananti imāni ekūnavīsati sikkhāpadāni sacittakāni, paṇṇattivajjāni. Avasesāni sacittakāni lokavajjānevāti.
ಇತಿ ವಿನಯತ್ಥಸಾರಸನ್ದೀಪನಿಯಾ ವಿನಯವಿನಿಚ್ಛಯವಣ್ಣನಾಯ
Iti vinayatthasārasandīpaniyā vinayavinicchayavaṇṇanāya
ಪಾಚಿತ್ತಿಯಕಥಾವಣ್ಣನಾ ನಿಟ್ಠಿತಾ।
Pācittiyakathāvaṇṇanā niṭṭhitā.
