| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
(3) பாசித்தியவண்ணனா
(3) Pācittiyavaṇṇanā
476. பஞ்ச பே⁴ஸஜ்ஜானீதி ஸப்³பி³ஆதீ³னி பஞ்ச பே⁴ஸஜ்ஜானி. இமங் ஆபத்திந்தி ஸம்ப³ந்தோ⁴. பச்சா² ஆபன்னோதி யோஜனா.
476.Pañca bhesajjānīti sabbiādīni pañca bhesajjāni. Imaṃ āpattinti sambandho. Pacchā āpannoti yojanā.
ஏகங் கப³ளந்தி ஏகங் ஆலோபங், தும்ஹமூலேதி தும்ஹங் ஸந்திகே.
Ekaṃkabaḷanti ekaṃ ālopaṃ, tumhamūleti tumhaṃ santike.
யதா²வத்து²கந்தி வத்து²அனுலோமங், ஆபத்தியோ தே³ஸிதாவ ஹொந்தீதி யோஜனா.
Yathāvatthukanti vatthuanulomaṃ, āpattiyo desitāva hontīti yojanā.
கோகாலிகாதீ³னந்திஆதி³ஸத்³தே³ன கடமோத³கதிஸ்ஸகாத³யோ (பாரா॰ 417) ஸங்க³ண்ஹாதி. பாபிகாய தி³ட்டி²யா அப்படினிஸ்ஸக்³கே³ பாசித்தியஞ்ச சண்ட³காளிகாய பி⁴க்கு²னியா பாசித்தியஞ்சாதி யோஜனா. பயுத்தவாசாபச்சயாதி விஞ்ஞத்தினிமித்தாதீ³ஹி பகாரேன யுத்தாய வாசாய பச்சயா. ஆபத்தி பாராஜிகஸ்ஸாதி பாராஜிகஸ்ஸ ஆபஜ்ஜனங். அத²வா பாராஜிகஸ்ஸாதி அஸ்ஸ பி⁴க்கு²ஸ்ஸ பாராஜிகா ஆபத்தி ஹோதீதி வா பாராஜிகா ஆபத்தி அஸ்ஸ ப⁴வதீதி வா யோஜனா காதப்³பா³. இதீதி இமா ச² ஆபத்தியோ ஆபஜ்ஜதீதி யோஜனா.
Kokālikādīnantiādisaddena kaṭamodakatissakādayo (pārā. 417) saṅgaṇhāti. Pāpikāya diṭṭhiyā appaṭinissagge pācittiyañca caṇḍakāḷikāya bhikkhuniyā pācittiyañcāti yojanā. Payuttavācāpaccayāti viññattinimittādīhi pakārena yuttāya vācāya paccayā. Āpatti pārājikassāti pārājikassa āpajjanaṃ. Athavā pārājikassāti assa bhikkhussa pārājikā āpatti hotīti vā pārājikā āpatti assa bhavatīti vā yojanā kātabbā. Itīti imā cha āpattiyo āpajjatīti yojanā.
போ⁴ஜனங் க³ஹெத்வா அஜ்ஜோ²ஹரமானாதி ஸம்ப³ந்தோ⁴. ததே²வாதி யதா² கா²த³னே, ததே²வ மங்ஸங் லஸுணங் அஜ்ஜோ²ஹரமானாதி யோஜனா. ‘‘பணீதபோ⁴ஜனானீ’’தி ச ‘‘அகப்பியமங்ஸ’’ந்தி ச பதா³னி ‘‘அஜ்ஜோ²ஹரமானா’’தி பதே³ன ஸம்ப³ந்தி⁴தப்³பா³னி.
Bhojanaṃ gahetvā ajjhoharamānāti sambandho. Tathevāti yathā khādane, tatheva maṃsaṃ lasuṇaṃ ajjhoharamānāti yojanā. ‘‘Paṇītabhojanānī’’ti ca ‘‘akappiyamaṃsa’’nti ca padāni ‘‘ajjhoharamānā’’ti padena sambandhitabbāni.
பஞ்ச டா²னானீதி பஞ்ச ஆபத்திஸங்கா²தானி டா²னானி. தத்தா²தி பஞ்சஸு ஸஹத⁴ம்மிகேஸு. த்³வின்னந்தி பி⁴க்கு²பி⁴க்கு²னீனங். தேஸந்தி ஸிக்க²மானாதீ³னங். பஞ்சன்னமேவாதி ஸஹத⁴ம்மிகானங்யேவ. வினிச்ச²யவோஹாரோதி வினிச்ச²யவசனங். இமினா சத்தாரி அதி⁴கரணானி படிக்கி²பதி. அட்³ட³கம்மங் நாமாதி அபி⁴யுஞ்ஜந்தானங் கம்மங் நாம.
Pañca ṭhānānīti pañca āpattisaṅkhātāni ṭhānāni. Tatthāti pañcasu sahadhammikesu. Dvinnanti bhikkhubhikkhunīnaṃ. Tesanti sikkhamānādīnaṃ. Pañcannamevāti sahadhammikānaṃyeva. Vinicchayavohāroti vinicchayavacanaṃ. Iminā cattāri adhikaraṇāni paṭikkhipati. Aḍḍakammaṃ nāmāti abhiyuñjantānaṃ kammaṃ nāma.
‘‘ஸஹத⁴ம்மிகான’’ந்தி இமினா பஞ்ஜன்னங் வினிச்ச²யோதி எத்த² பஞ்சஸரூபங் த³ஸ்ஸேதி. ஸோப⁴ணபா⁴வங் வித்தா²ரெந்தோ ஆஹ ‘‘கதவீதிக்கமோ ஹீ’’திஆதி³. அப்³பு⁴ண்ஹஸீலோதி அபி⁴னவுப்பன்னஸீலோ. அப்³பு⁴ண்ஹஸீலோ நாம அத்த²தோ பாகதிகஸீலோதி ஆஹ ‘‘பாகதிகோ’’தி, பகதிஸீலேன நியுத்தோதி அத்தோ².
‘‘Sahadhammikāna’’nti iminā pañjannaṃ vinicchayoti ettha pañcasarūpaṃ dasseti. Sobhaṇabhāvaṃ vitthārento āha ‘‘katavītikkamo hī’’tiādi. Abbhuṇhasīloti abhinavuppannasīlo. Abbhuṇhasīlo nāma atthato pākatikasīloti āha ‘‘pākatiko’’ti, pakatisīlena niyuttoti attho.
‘‘காயத்³வாரஸம்ப⁴வா’’தி இமினா காயிகாதி பத³ஸ்ஸ தத்³தி⁴தபா⁴வங் த³ஸ்ஸேதி. முக²ங் ஓலோகேதப்³ப³ந்தி எத்த² வுத்தாதி ஸம்ப³ந்தோ⁴.
‘‘Kāyadvārasambhavā’’ti iminā kāyikāti padassa taddhitabhāvaṃ dasseti. Mukhaṃ oloketabbanti ettha vuttāti sambandho.
சதுன்னங் தே³ஸனாய சாதி எத்த² ‘‘தே³ஸனாயா’’தி பத³ங் ஆதி³பத³லோபந்தி ஆஹ ‘‘அச்சயதே³ஸனாயா’’தி. ஸாதி அச்சயதே³ஸனா. அபி⁴னிலீயித்வா த⁴னுனா மாரெந்தீதி அபி⁴மாரா.
Catunnaṃ desanāya cāti ettha ‘‘desanāyā’’ti padaṃ ādipadalopanti āha ‘‘accayadesanāyā’’ti. Sāti accayadesanā. Abhinilīyitvā dhanunā mārentīti abhimārā.
சே²ஜ்ஜங் ஹோதீதி எத்த² சே²ஜ்ஜங் நாம பாராஜிகாபஜ்ஜனமேவாதி ஆஹ ‘‘தே³வத³த்தோ விய பாராஜிகங் ஆபஜ்ஜதீ’’தி. இமா பன ஆபத்தியோதி பாராஜிகது²ல்லச்சயாபத்தியோ.
Chejjaṃhotīti ettha chejjaṃ nāma pārājikāpajjanamevāti āha ‘‘devadatto viya pārājikaṃ āpajjatī’’ti. Imā pana āpattiyoti pārājikathullaccayāpattiyo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 3. பாசித்தியங் • 3. Pācittiyaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / (3) பாசித்தியவண்ணனா • (3) Pācittiyavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பாசித்தியவண்ணனா • Pācittiyavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பாசித்தியவண்ணனா • Pācittiyavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பாசித்தியவண்ணனா • Pācittiyavaṇṇanā
