| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
92. ‘‘абхинаванивидто згагудигаад̣̇иг̇аамо яаава мануссаа бависид̇ваа ваасам̣ на габбзнд̇и, д̇аава г̇аамасан̇кяам̣ на г̇ажчад̇ий’’д̇и вад̣̇анд̇и, д̇асмаа д̇ад̇т̇а г̇аамаббавзсанаабужчаад̣̇игижжамби над̇т̇и. яагкабариг̇г̇ахабхууд̇од̇и саубад̣̇д̣̇ававасзна вуд̇д̇ам̣, яагканаг̇араад̣̇им̣ ваа сан̇г̇ан̣хаад̇и. яагканаг̇арамби аабан̣аад̣̇ийсу д̣̇иссамаанзсу г̇аамасан̇кяам̣ г̇ажчад̇и, ад̣̇иссамаанзсу на г̇ажчад̇и, д̇асмаа яагканаг̇арамби бависанд̇зна аабан̣аад̣̇ийсу д̣̇иссамаанзсу саб̣б̣ам̣ г̇аамаббавзсанавад̇д̇ам̣ гаад̇аб̣б̣ам̣, ад̣̇иссамаанзсу на гаад̇аб̣б̣анд̇и вад̣̇анд̇и. бунаби ааг̇анд̇угаамаад̇и иминаа д̇зсам̣ д̇ад̇т̇а саабзгкабхаавам̣ д̣̇ассзд̇и. яад̇о бана нирабзгкаава худ̇ваа баггаманд̇и, со г̇аамасан̇кяам̣ на г̇ажчад̇и, д̇асмаа д̇ад̇т̇а г̇аамаббавзсанаабужчаад̣̇игижжамби над̇т̇и.
92. ‘‘Abhinavaniviṭṭho ekakuṭikādigāmo yāva manussā pavisitvā vāsaṃ na kappenti, tāva gāmasaṅkhyaṃ na gacchatī’’ti vadanti, tasmā tattha gāmappavesanāpucchādikiccampi natthi. Yakkhapariggahabhūtoti saupaddavavasena vuttaṃ, yakkhanagarādiṃ vā saṅgaṇhāti. Yakkhanagarampi āpaṇādīsu dissamānesu gāmasaṅkhyaṃ gacchati, adissamānesu na gacchati, tasmā yakkhanagarampi pavisantena āpaṇādīsu dissamānesu sabbaṃ gāmappavesanavattaṃ kātabbaṃ, adissamānesu na kātabbanti vadanti. Punapi āgantukāmāti iminā tesaṃ tattha sāpekkhabhāvaṃ dasseti. Yato pana nirapekkhāva hutvā pakkamanti, so gāmasaṅkhyaṃ na gacchati, tasmā tattha gāmappavesanāpucchādikiccampi natthi.
нану жа ‘‘г̇аамаа ваа аран̃н̃аа ваа’’д̇и зд̇д̇агамзва маад̇игааяам̣ вуд̇д̇ам̣, д̇асмаа г̇аамалагкан̣ам̣ д̣̇ассзд̇ваа аран̃н̃амзва д̣̇ассзд̇аб̣б̣ам̣ сияаа, г̇аамуубажааро наамаад̇иаад̣̇и бана гасмаа вуд̇д̇анд̇и ааха – ‘‘г̇аамуубажаарод̇иаад̣̇и аран̃н̃абарижчзд̣̇ад̣̇ассанад̇т̇ам̣ вуд̇д̇а’’нд̇и. г̇аамуубажаарз хи д̣̇ассид̇з табзд̇ваа г̇ааман̃жа г̇аамуубажааран̃жа авасзсам̣ аран̃н̃ам̣ наамаад̇и аран̃н̃абарижчзд̣̇о саггаа д̣̇ассзд̇ум̣, ид̣̇ан̃жа г̇аамаг̇аамуубажаарз асан̇гарад̇о д̣̇ассзд̇ум̣ вуд̇д̇ам̣. маад̇игааяам̣ бана г̇аамаг̇г̇ахан̣знзва г̇аамуубажаароби сан̇г̇ахид̇од̇и д̣̇адтаб̣б̣ам̣. г̇аамуубажааро хи логз г̇аамасан̇кяамзва г̇ажчад̇и. зван̃жа гад̇ваа маад̇игааяа анавасзсаавахаран̣адтаанабариг̇г̇ахо сид̣̇д̇хо ход̇и. инд̣̇акийлзд̇и уммаарз. аран̃н̃асан̇кзбам̣ г̇ажчад̇ийд̇и ‘‘нигкамид̇ваа б̣ахи инд̣̇акийлаа саб̣б̣амзд̇ам̣ аран̃н̃а’’нд̇и (вибха. 529) абхид̇хаммз вуд̇д̇ад̇д̇аа. взмаж̇жхамзва инд̣̇акийлод̇и вужжад̇ийд̇и инд̣̇акийладтаанияад̇д̇аа асад̇иби инд̣̇акийлз взмаж̇жхамзва д̇ат̇аа вужжад̇и. яад̇т̇а бана д̣̇ваараб̣аахааби над̇т̇и, д̇ад̇т̇а убхосу бассзсу вад̇ияаа ваа баагаарасса ваа годивзмаж̇жхамзва инд̣̇акийладтаанияад̇д̇аа ‘‘инд̣̇акийло’’д̇и г̇ахзд̇аб̣б̣ам̣. уд̣д̣аабзнд̇од̇и балаабзнд̇о. лутид̇ваад̇и баривад̇д̇зд̇ваа.
Nanu ca ‘‘gāmā vā araññā vā’’ti ettakameva mātikāyaṃ vuttaṃ, tasmā gāmalakkhaṇaṃ dassetvā araññameva dassetabbaṃ siyā, gāmūpacāro nāmātiādi pana kasmā vuttanti āha – ‘‘gāmūpacārotiādi araññaparicchedadassanatthaṃ vutta’’nti. Gāmūpacāre hi dassite ṭhapetvā gāmañca gāmūpacārañca avasesaṃ araññaṃ nāmāti araññaparicchedo sakkā dassetuṃ, idañca gāmagāmūpacāre asaṅkarato dassetuṃ vuttaṃ. Mātikāyaṃ pana gāmaggahaṇeneva gāmūpacāropi saṅgahitoti daṭṭhabbaṃ. Gāmūpacāro hi loke gāmasaṅkhyameva gacchati. Evañca katvā mātikāya anavasesaavaharaṇaṭṭhānapariggaho siddho hoti. Indakhīleti ummāre. Araññasaṅkhepaṃ gacchatīti ‘‘nikkhamitvā bahi indakhīlā sabbametaṃ arañña’’nti (vibha. 529) abhidhamme vuttattā. Vemajjhameva indakhīloti vuccatīti indakhīlaṭṭhāniyattā asatipi indakhīle vemajjhameva tathā vuccati. Yattha pana dvārabāhāpi natthi, tattha ubhosu passesu vatiyā vā pākārassa vā koṭivemajjhameva indakhīlaṭṭhāniyattā ‘‘indakhīlo’’ti gahetabbaṃ. Uḍḍāpentoti palāpento. Luṭhitvāti parivattetvā.
маж̇жхимасса бурисассаад̇и т̇аамамаж̇жхимасса бурисасса. иминаа бана важанзна суббамусалабаад̇оби б̣алад̣̇ассанавасзнзва гад̇од̇и д̣̇адтаб̣б̣ам̣. гурунд̣̇адтагат̇ааяам̣ махаабажжарияан̃жа гхаруубажааро г̇аамод̇и ад̇хиббааязна ‘‘гхаруубажаарз тид̇асса лзд̣д̣убаад̇о г̇аамуубажааро’’д̇и вуд̇д̇ам̣. д̣̇ваарзд̇и ниб̣б̣агосасса уд̣̇агабад̇анадтаанад̇о аб̣бханд̇арам̣ санд̇хааяа вуд̇д̇ам̣. анд̇ог̇зхзд̇и жа бамукасса аб̣бханд̇арамзва санд̇хааяа вуд̇д̇ам̣. гад̇абаригкзбод̇и иминаава гхарасса саманд̇ад̇о д̇ад̇д̇аго барижчзд̣̇о гхаруубажааро наамаад̇и вуд̇д̇ам̣ ход̇и. яасса бана гхарасса саманд̇ад̇о г̇оруубаанам̣ бавзсананивааран̣ад̇т̇ам̣ баагааравад̇иаад̣̇ийхи баригкзбо гад̇о ход̇и, д̇ад̇т̇а сова баригкзбо гхаруубажааро, суббабаад̇аад̣̇ибарижчзд̣̇о бана абаригкид̇д̇агхарам̣ санд̇хааяа вуд̇д̇од̇и д̣̇адтаб̣б̣ам̣ . ид̣̇амзд̇т̇а бамаан̣анд̇и вигаалаг̇аамаббавзсанаад̣̇ийсу г̇аамаг̇аамуубажаараанам̣ асан̇гарад̇о винижчаяасса взд̣̇ид̇аб̣б̣ад̇д̇аа. гурунд̣̇ийаад̣̇ийсу вуд̇д̇анаязна хи гхаруубажаарасса г̇аамод̇и аабаннад̇д̇аа гхарагхаруубажаараг̇аамаг̇аамуубажаараанам̣ сан̇гаро сияаа. звам̣ саб̣б̣ад̇т̇аад̇и иминаа ид̇о буб̣б̣зби бажчимассзва ваад̣̇асса бамаан̣абхаавам̣ д̣̇ассзд̇и . гзжи бана ‘‘ид̇о бадтааяа вагкамаанаваад̣̇ам̣ санд̇хааяа вуд̇д̇а’’нд̇и вад̣̇анд̇и, д̇ам̣ на г̇ахзд̇аб̣б̣ам̣.
Majjhimassa purisassāti thāmamajjhimassa purisassa. Iminā pana vacanena suppamusalapātopi baladassanavaseneva katoti daṭṭhabbaṃ. Kurundaṭṭhakathāyaṃ mahāpaccariyañca gharūpacāro gāmoti adhippāyena ‘‘gharūpacāre ṭhitassa leḍḍupāto gāmūpacāro’’ti vuttaṃ. Dvāreti nibbakosassa udakapatanaṭṭhānato abbhantaraṃ sandhāya vuttaṃ. Antogeheti ca pamukhassa abbhantarameva sandhāya vuttaṃ. Kataparikkhepoti imināva gharassa samantato tattako paricchedo gharūpacāro nāmāti vuttaṃ hoti. Yassa pana gharassa samantato gorūpānaṃ pavesananivāraṇatthaṃ pākāravatiādīhi parikkhepo kato hoti, tattha sova parikkhepo gharūpacāro, suppapātādiparicchedo pana aparikkhittagharaṃ sandhāya vuttoti daṭṭhabbaṃ . Idamettha pamāṇanti vikālagāmappavesanādīsu gāmagāmūpacārānaṃ asaṅkarato vinicchayassa veditabbattā. Kurundīādīsu vuttanayena hi gharūpacārassa gāmoti āpannattā gharagharūpacāragāmagāmūpacārānaṃ saṅkaro siyā. Evaṃ sabbatthāti iminā ito pubbepi pacchimasseva vādassa pamāṇabhāvaṃ dasseti . Keci pana ‘‘ito paṭṭhāya vakkhamānavādaṃ sandhāya vutta’’nti vadanti, taṃ na gahetabbaṃ.
сзсамбийд̇и г̇аамуубажааралагкан̣ам̣ санд̇хааяа вад̣̇ад̇и. д̇ад̇раад̇и д̇асмим̣ г̇аамуубажаараг̇г̇ахан̣з. д̇асса г̇аамабарижчзд̣̇ад̣̇ассанад̇т̇анд̇и д̇асса абарижчзд̣̇асса г̇аамасса г̇аамабарижчзд̣̇ам̣ д̣̇ассзд̇унд̇и ад̇т̇о. яад̣̇и звам̣ ‘‘г̇аамо наамаа’’д̇и бад̣̇ам̣ уд̣̇д̇харид̇ваа ‘‘абаригкид̇д̇асса г̇аамасса гхаруубажаарз тид̇асса маж̇жхимасса бурисасса лзд̣д̣убаад̇о’’д̇и гасмаа на вуд̇д̇анд̇и? ‘‘г̇аамо наамаад̇и ид̇ха авуд̇д̇амби ад̇хигааравасзна лаб̣бхад̇иязваа’’д̇и вад̣̇анд̇и. абарз бана бхан̣анд̇и ‘‘г̇аамуубажааро наамаад̇и иминаава г̇аамасса жа г̇аамуубажаарасса жа сан̇г̇ахо д̣̇адтаб̣б̣о. гат̇ам̣? ‘г̇аамасса убажааро г̇аамуубажааро’д̇и звам̣ виг̇г̇ахз гарияамаанз ‘баригкид̇д̇асса г̇аамасса инд̣̇акийлз тид̇асса маж̇жхимасса бурисасса лзд̣д̣убаад̇о’д̇и иминаа баригкид̇д̇асса г̇аамасса г̇аамуубажааралагкан̣ам̣ д̣̇ассид̇ам̣ ход̇и, ‘г̇аамасан̇каад̇о убажааро г̇аамуубажааро’д̇и звам̣ бана г̇аяхамаанз ‘абаригкид̇д̇асса г̇аамасса гхаруубажаарз тид̇асса маж̇жхимасса бурисасса лзд̣д̣убаад̇о’д̇и иминаа абаригкид̇д̇асса г̇аамасса г̇аамабарижчзд̣̇о д̣̇ассид̇од̇и саггаа вин̃н̃аад̇у’’нд̇и. ‘‘гхаруубажаарз тид̇асса маж̇жхимасса бурисасса лзд̣д̣убаад̇о’’д̇и иминаа баригкид̇д̇ассаби г̇аамасса сажз лзд̣д̣убаад̇ад̇о д̣̇уурз баригкзбо ход̇и, лзд̣д̣убаад̇оязва г̇аамабарижчзд̣̇од̇и г̇ахзд̇аб̣б̣анд̇и вад̣̇анд̇и. буб̣б̣з вуд̇д̇анаязнзваад̇и баригкид̇д̇аг̇аамз вуд̇д̇анаязнзва.
Sesampīti gāmūpacāralakkhaṇaṃ sandhāya vadati. Tatrāti tasmiṃ gāmūpacāraggahaṇe. Tassa gāmaparicchedadassanatthanti tassa aparicchedassa gāmassa gāmaparicchedaṃ dassetunti attho. Yadi evaṃ ‘‘gāmo nāmā’’ti padaṃ uddharitvā ‘‘aparikkhittassa gāmassa gharūpacāre ṭhitassa majjhimassa purisassa leḍḍupāto’’ti kasmā na vuttanti? ‘‘Gāmo nāmāti idha avuttampi adhikāravasena labbhatiyevā’’ti vadanti. Apare pana bhaṇanti ‘‘gāmūpacāro nāmāti imināva gāmassa ca gāmūpacārassa ca saṅgaho daṭṭhabbo. Kathaṃ? ‘Gāmassa upacāro gāmūpacāro’ti evaṃ viggahe kariyamāne ‘parikkhittassa gāmassa indakhīle ṭhitassa majjhimassa purisassa leḍḍupāto’ti iminā parikkhittassa gāmassa gāmūpacāralakkhaṇaṃ dassitaṃ hoti, ‘gāmasaṅkhāto upacāro gāmūpacāro’ti evaṃ pana gayhamāne ‘aparikkhittassa gāmassa gharūpacāre ṭhitassa majjhimassa purisassa leḍḍupāto’ti iminā aparikkhittassa gāmassa gāmaparicchedo dassitoti sakkā viññātu’’nti. ‘‘Gharūpacāre ṭhitassa majjhimassa purisassa leḍḍupāto’’ti iminā parikkhittassapi gāmassa sace leḍḍupātato dūre parikkhepo hoti, leḍḍupātoyeva gāmaparicchedoti gahetabbanti vadanti. Pubbe vuttanayenevāti parikkhittagāme vuttanayeneva.
сан̇гарийяад̇ийд̇и миссийяад̇и. зд̇т̇аад̇и гхарагхаруубажаараг̇аамаг̇аамуубажаарзсу. ‘‘вигаалз г̇аамаббавзсанз баригкид̇д̇асса г̇аамасса баригкзбам̣ ад̇иггаманд̇асса аабад̇д̇и баажид̇д̇ияасса, абаригкид̇д̇асса г̇аамасса убажаарам̣ оггаманд̇асса аабад̇д̇и баажид̇д̇ияассаа’’д̇и (баажи. 513) вуд̇д̇ад̇д̇аа г̇аамаг̇аамуубажаараанам̣ асан̇гарад̇аа ижчид̇аб̣б̣аад̇и ааха – ‘‘асан̇гарад̇о жзд̇т̇а винижчаяо взд̣̇ид̇аб̣б̣о вигаалз г̇аамаббавзсанаад̣̇ийсуу’’д̇и. зд̇т̇а жа ‘‘баригкид̇д̇асса г̇аамасса баригкзбам̣, абаригкид̇д̇асса баригкзбаарахадтаанам̣ ад̇иггаманд̇асса вигаалаг̇аамаббавзсанаабад̇д̇и ход̇ий’’д̇и гзжи вад̣̇анд̇и, д̇ам̣ на г̇ахзд̇аб̣б̣ам̣ бад̣̇абхааж̇анияам̣ бана ‘‘баригкид̇д̇асса г̇аамасса баригкзбам̣ ад̇иггаманд̇асса аабад̇д̇и баажид̇д̇ияасса, абаригкид̇д̇асса г̇аамасса убажаарам̣ оггаманд̇асса аабад̇д̇и баажид̇д̇ияассаа’’д̇и (баажи. 513) вуд̇д̇ад̇д̇аа. абаригкид̇д̇асса г̇аамасса гхаруубажаарад̇о бадтааяа д̣̇уд̇ияалзд̣д̣убаад̇асан̇каад̇асса г̇аамуубажаарасса оггаманз аабад̇д̇и взд̣̇ид̇аб̣б̣аа. д̇знзва вигаалаг̇аамаббавзсанасигкаабад̣̇адтагат̇ааяам̣ (баажи. адта. 512) ‘‘абаригкид̇д̇асса г̇аамасса убажааро ад̣̇иннаад̣̇аанз вуд̇д̇анаязнзва взд̣̇ид̇аб̣б̣о’’д̇и вуд̇д̇ам̣. маад̇игаадтагат̇ааяамби (ган̇каа. адта. д̣̇уд̇ияабаарааж̇игаван̣н̣анаа) вуд̇д̇ам̣ ‘‘явааяам̣ абаригкид̇д̇асса г̇аамасса убажааро д̣̇ассид̇о, д̇асса васзна вигаалаг̇аамаббавзсанаад̣̇ийсу аабад̇д̇и барижчинд̣̇ид̇аб̣б̣аа’’д̇и. яад̣̇и звам̣ ‘‘вигаалз г̇аамам̣ бависзяяаа’’д̇и иминаа вируж̇жхад̇ийд̇и? на вируж̇жхад̇и г̇аамуубажаарассаби г̇аамаг̇г̇ахан̣зна г̇ахид̇ад̇д̇аа. д̇асмаа баригкид̇д̇асса г̇аамасса баригкзбам̣ ад̇иггаманд̇асса, абаригкид̇д̇асса убажаарам̣ оггаманд̇асса вигаалаг̇аамаббавзсанаабад̇д̇и ход̇ийд̇и нидтамзд̇т̇а г̇анд̇аб̣б̣ам̣. вигаалз г̇аамаббавзсанаад̣̇ийсууд̇и аад̣̇и-сад̣̇д̣̇зна гхарагхаруубажаараад̣̇ийсу тид̇аанам̣ уббанналаабхабхааж̇анаад̣̇им̣ сан̇г̇ан̣хаад̇и.
Saṅkarīyatīti missīyati. Etthāti gharagharūpacāragāmagāmūpacāresu. ‘‘Vikāle gāmappavesane parikkhittassa gāmassa parikkhepaṃ atikkamantassa āpatti pācittiyassa, aparikkhittassa gāmassa upacāraṃ okkamantassa āpatti pācittiyassā’’ti (pāci. 513) vuttattā gāmagāmūpacārānaṃ asaṅkaratā icchitabbāti āha – ‘‘asaṅkarato cettha vinicchayo veditabbo vikāle gāmappavesanādīsū’’ti. Ettha ca ‘‘parikkhittassa gāmassa parikkhepaṃ, aparikkhittassa parikkhepārahaṭṭhānaṃ atikkamantassa vikālagāmappavesanāpatti hotī’’ti keci vadanti, taṃ na gahetabbaṃ padabhājaniyaṃ pana ‘‘parikkhittassa gāmassa parikkhepaṃ atikkamantassa āpatti pācittiyassa, aparikkhittassa gāmassa upacāraṃ okkamantassa āpatti pācittiyassā’’ti (pāci. 513) vuttattā. Aparikkhittassa gāmassa gharūpacārato paṭṭhāya dutiyaleḍḍupātasaṅkhātassa gāmūpacārassa okkamane āpatti veditabbā. Teneva vikālagāmappavesanasikkhāpadaṭṭhakathāyaṃ (pāci. aṭṭha. 512) ‘‘aparikkhittassa gāmassa upacāro adinnādāne vuttanayeneva veditabbo’’ti vuttaṃ. Mātikāṭṭhakathāyampi (kaṅkhā. aṭṭha. dutiyapārājikavaṇṇanā) vuttaṃ ‘‘yvāyaṃ aparikkhittassa gāmassa upacāro dassito, tassa vasena vikālagāmappavesanādīsu āpatti paricchinditabbā’’ti. Yadi evaṃ ‘‘vikāle gāmaṃ paviseyyā’’ti iminā virujjhatīti? Na virujjhati gāmūpacārassapi gāmaggahaṇena gahitattā. Tasmā parikkhittassa gāmassa parikkhepaṃ atikkamantassa, aparikkhittassa upacāraṃ okkamantassa vikālagāmappavesanāpatti hotīti niṭṭhamettha gantabbaṃ. Vikāle gāmappavesanādīsūti ādi-saddena gharagharūpacārādīsu ṭhitānaṃ uppannalābhabhājanādiṃ saṅgaṇhāti.
нигкамид̇ваа б̣ахи инд̣̇акийлаад̇и инд̣̇акийлад̇о б̣ахи нигкамид̇ваад̇и ад̇т̇о. зд̇т̇а жа винаяабарияааязна д̇аава ‘‘табзд̇ваа г̇ааман̃жа г̇аамуубажааран̃жа авасзсам̣ аран̃н̃а’’нд̇и (баараа. 92) ааг̇ад̇ам̣, суд̇д̇анд̇абарияааязна ааран̃н̃игам̣ бхигкум̣ санд̇хааяа ‘‘ааран̃н̃агам̣ наама сзнаасанам̣ бан̃жад̇ханусад̇игам̣ бажчима’’нд̇и (баараа. 654) ааг̇ад̇ам̣. винаяасуд̇д̇анд̇аа убхоби барияааяад̣̇зсанаа наама, абхид̇хаммо бана ниббарияааяад̣̇зсанаа. ниббарияааяад̇о жа г̇аамавинимуд̇д̇ам̣ таанам̣ аран̃н̃амзва ход̇ийд̇и абхид̇хаммабарияааязна аран̃н̃ам̣ д̣̇ассзд̇ум̣ ‘‘нигкамид̇ваа б̣ахи инд̣̇акийлаа’’д̇и (вибха. 529) вуд̇д̇ам̣. ‘‘аажарияад̇хану наама багад̇ихад̇т̇зна нававид̣̇ад̇т̇иббамаан̣ам̣, ж̇ияааяа бана ааробид̇ааяа жад̇ухад̇т̇аббамаан̣а’’нд̇и вад̣̇анд̇и. лзсогаасанисзд̇ханад̇т̇анд̇и ‘‘маяаа нзва г̇аамз, на аран̃н̃з хадам̣, гхарз ваа гхаруубажаарзсу ваа г̇аамуубажаарзсу ваа ан̃н̃ад̇арасми’’нд̇и вад̇д̇ум̣ маа лабхад̇ууд̇и вуд̇д̇ам̣ ход̇и.
Nikkhamitvā bahi indakhīlāti indakhīlato bahi nikkhamitvāti attho. Ettha ca vinayapariyāyena tāva ‘‘ṭhapetvā gāmañca gāmūpacārañca avasesaṃ arañña’’nti (pārā. 92) āgataṃ, suttantapariyāyena āraññikaṃ bhikkhuṃ sandhāya ‘‘āraññakaṃ nāma senāsanaṃ pañcadhanusatikaṃ pacchima’’nti (pārā. 654) āgataṃ. Vinayasuttantā ubhopi pariyāyadesanā nāma, abhidhammo pana nippariyāyadesanā. Nippariyāyato ca gāmavinimuttaṃ ṭhānaṃ araññameva hotīti abhidhammapariyāyena araññaṃ dassetuṃ ‘‘nikkhamitvā bahi indakhīlā’’ti (vibha. 529) vuttaṃ. ‘‘Ācariyadhanu nāma pakatihatthena navavidatthippamāṇaṃ, jiyāya pana āropitāya catuhatthappamāṇa’’nti vadanti. Lesokāsanisedhanatthanti ‘‘mayā neva gāme, na araññe haṭaṃ, ghare vā gharūpacāresu vā gāmūpacāresu vā aññatarasmi’’nti vattuṃ mā labhatūti vuttaṃ hoti.
габбияанд̇и ануруубавасзна вуд̇д̇ам̣. агаббияамби бана аббадиг̇г̇ахид̇ан̃жз, ад̣̇иннасан̇кяамзва г̇ажчад̇и. барижжааг̇аад̣̇имхи агад̇з ‘‘ид̣̇ам̣ маяхам̣ санд̇ага’’нд̇и авид̣̇ид̇амби барабариг̇г̇ахид̇амзва маад̇аабид̇уунам̣ ажжаязна манд̣̇аанам̣ уд̇д̇аанасзяяагаанам̣ д̣̇аарагаанам̣ санд̇агамива.
Kappiyanti anurūpavasena vuttaṃ. Akappiyampi pana appaṭiggahitañce, adinnasaṅkhyameva gacchati. Pariccāgādimhi akate ‘‘idaṃ mayhaṃ santaka’’nti aviditampi parapariggahitameva mātāpitūnaṃ accayena mandānaṃ uttānaseyyakānaṃ dārakānaṃ santakamiva.
яасса васзна бурисо т̇знод̇и вужжад̇и, д̇ам̣ т̇зяяанд̇и ааха ‘‘авахаран̣ажид̇д̇ассзд̇ам̣ ад̇хиважана’’нд̇и. сан̇каа-сад̣̇д̣̇о н̃аан̣агодтаасабан̃н̃ад̇д̇иг̇ан̣анаад̣̇ийсу д̣̇иссад̇и. ‘‘сан̇кааязгам̣ бадисзвад̇ий’’д̇иаад̣̇ийсу (ма. ни. 2.168) хи н̃аан̣з д̣̇иссад̇и. ‘‘бабан̃жасан̃н̃аасан̇каа самуд̣̇аажаранд̇ий’’д̇иаад̣̇ийсу (ма. ни. 1.204) годтаасз. ‘‘д̇зсам̣ д̇зсам̣ д̇хаммаанам̣ сан̇каа саман̃н̃аа’’д̇иаад̣̇ийсу (д̇ха. са. 1313) бан̃н̃ад̇д̇ияам̣. ‘‘на сугарам̣ сан̇каад̇у’’нд̇иаад̣̇ийсу (д̇ха. ба. 196; аба. т̇зра. 1.10.2) г̇ан̣анааяам̣. д̇ад̇т̇а годтаасаважанам̣ сан̇каа-сад̣̇д̣̇ам̣ санд̇хааяааха ‘‘сан̇каасан̇каад̇анд̇и ад̇т̇ад̇о зга’’нд̇и. д̇знааха ‘‘годтаасассзд̇ам̣ ад̇хиважана’’нд̇и. бабан̃жасан̇каад̇и д̇ан̣хаамаанад̣̇идтисан̇каад̇аа бабан̃жагодтаасаа. ‘‘зго жид̇д̇агодтаасод̇и яан̃жа буб̣б̣абхааг̇з авахариссаамийд̇и бавад̇д̇ам̣ жид̇д̇ам̣, яан̃жа г̇аманаад̣̇исаад̇хагам̣ бараамасанаад̣̇исаад̇хагам̣ ваа маж̇жхз бавад̇д̇ам̣, яан̃жа таанаажааванаббаяог̇асаад̇хагам̣, д̇зсу аяамзвзго бажчимо жид̇д̇агодтаасо ид̇хаад̇хиббзд̇о’’д̇и гзжи вад̣̇анд̇и. жуул̣аг̇ан̣тибад̣̇з бана ‘‘уунамаасагамаасагауунабан̃жамаасагабан̃жамаасагаавахаран̣ажид̇д̇зсу зго жид̇д̇агодтаасо’’д̇и вуд̇д̇ам̣. ‘‘анзгаббабхзд̣̇ад̇д̇аа жид̇д̇асса зго жид̇д̇агодтаасод̇и вуд̇д̇а’’нд̇и махааг̇ан̣тибад̣̇з маж̇жхимаг̇ан̣тибад̣̇з жа вуд̇д̇ам̣. ид̣̇амзвзд̇т̇а сунд̣̇арад̇арам̣ ‘‘т̇зяяажид̇д̇асан̇каад̇о зго жид̇д̇агодтаасо’’д̇и вуд̇д̇ад̇д̇аа. т̇зяяасан̇каад̇знаад̇и т̇зяяажид̇д̇агодтаасзна гаран̣абхууд̇зна, на виссаасад̇аавагаалигаад̣̇иг̇аахавасаббавад̇д̇ажид̇д̇агодтаасзнаад̇и вуд̇д̇ам̣ ход̇и.
Yassa vasena puriso thenoti vuccati, taṃ theyyanti āha ‘‘avaharaṇacittassetaṃ adhivacana’’nti. Saṅkhā-saddo ñāṇakoṭṭhāsapaññattigaṇanādīsu dissati. ‘‘Saṅkhāyekaṃ paṭisevatī’’tiādīsu (ma. ni. 2.168) hi ñāṇe dissati. ‘‘Papañcasaññāsaṅkhā samudācarantī’’tiādīsu (ma. ni. 1.204) koṭṭhāse. ‘‘Tesaṃ tesaṃ dhammānaṃ saṅkhā samaññā’’tiādīsu (dha. sa. 1313) paññattiyaṃ. ‘‘Na sukaraṃ saṅkhātu’’ntiādīsu (dha. pa. 196; apa. thera. 1.10.2) gaṇanāyaṃ. Tattha koṭṭhāsavacanaṃ saṅkhā-saddaṃ sandhāyāha ‘‘saṅkhāsaṅkhātanti atthato eka’’nti. Tenāha ‘‘koṭṭhāsassetaṃ adhivacana’’nti. Papañcasaṅkhāti taṇhāmānadiṭṭhisaṅkhātā papañcakoṭṭhāsā. ‘‘Eko cittakoṭṭhāsoti yañca pubbabhāge avaharissāmīti pavattaṃ cittaṃ, yañca gamanādisādhakaṃ parāmasanādisādhakaṃ vā majjhe pavattaṃ, yañca ṭhānācāvanappayogasādhakaṃ, tesu ayameveko pacchimo cittakoṭṭhāso idhādhippeto’’ti keci vadanti. Cūḷagaṇṭhipade pana ‘‘ūnamāsakamāsakaūnapañcamāsakapañcamāsakāvaharaṇacittesu eko cittakoṭṭhāso’’ti vuttaṃ. ‘‘Anekappabhedattā cittassa eko cittakoṭṭhāsoti vutta’’nti mahāgaṇṭhipade majjhimagaṇṭhipade ca vuttaṃ. Idamevettha sundarataraṃ ‘‘theyyacittasaṅkhāto eko cittakoṭṭhāso’’ti vuttattā. Theyyasaṅkhātenāti theyyacittakoṭṭhāsena karaṇabhūtena, na vissāsatāvakālikādigāhavasappavattacittakoṭṭhāsenāti vuttaṃ hoti.
абхияог̇авасзнаад̇и ад̣д̣агаран̣авасзна. абхияун̃ж̇ад̇ийд̇и жод̣̇зд̇и, ад̣д̣ам̣ гарод̇ийд̇и ад̇т̇о. баригаббид̇адтаананд̇и огаасабаригаббанавасзна баригаббид̇аббад̣̇зсам̣. сун̇гагхаад̇анд̇и зд̇т̇а рааж̇уунам̣ д̣̇зяяабхааг̇асса зд̇ам̣ ад̇хиважанам̣ сун̇год̇и, со зд̇т̇а хан̃н̃ад̇и ад̣̇ад̇ваа г̇ажчанд̇зхийд̇и сун̇гагхаад̇о. ‘‘зд̇т̇а бавидтзхи сун̇го д̣̇аад̇аб̣б̣о’’д̇и ругкабаб̣б̣ад̇аад̣̇исан̃н̃аан̣зна нияамид̇аббад̣̇зсассзд̇ам̣ ад̇хиважанам̣.
Abhiyogavasenāti aḍḍakaraṇavasena. Abhiyuñjatīti codeti, aḍḍaṃ karotīti attho. Parikappitaṭṭhānanti okāsaparikappanavasena parikappitappadesaṃ. Suṅkaghātanti ettha rājūnaṃ deyyabhāgassa etaṃ adhivacanaṃ suṅkoti, so ettha haññati adatvā gacchantehīti suṅkaghāto. ‘‘Ettha paviṭṭhehi suṅko dātabbo’’ti rukkhapabbatādisaññāṇena niyamitappadesassetaṃ adhivacanaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
