| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
199. асубхаж̇жхаанаад̣̇ийнийд̇и аад̣̇и-сад̣̇д̣̇зна гааяаг̇ад̇аасад̇иж̇жхаанан̃жа гасин̣аж̇жхаанан̃жа сан̇г̇ан̣хаад̇и. д̇зна ‘‘гааяаг̇ад̇аасад̇иж̇жхаанам̣ бат̇авийгасин̣аж̇жхаанам̣ самаабаж̇ж̇и’’нд̇иаад̣̇им̣ вад̣̇анд̇оби баарааж̇игова ход̇ийд̇и взд̣̇ид̇аб̣б̣ам̣. вимогкод̇и зд̇т̇а ви-сад̣̇д̣̇о висзсад̇т̇о вивид̇хад̇т̇о ваад̇и д̣̇ассзнд̇о ааха ‘‘судту муд̇д̇о’’д̇иаад̣̇и. вимогкод̇и жад̇д̇ааро арияамаг̇г̇аа. д̇асса саг̇ун̣ад̇о сун̃н̃ад̇аад̣̇инаамалаабхам̣ д̣̇ассзнд̇о ааха ‘‘со банааяа’’ нд̇иаад̣̇и. маг̇г̇о хи наама бан̃жахи гааран̣зхи наамам̣ лабхад̇и сарасзна ваа бажжанийгзна ваа саг̇ун̣зна ваа аарамман̣зна ваа ааг̇аманзна ваа. сажз хи сан̇каарубзгкаа анижжад̇о сан̇каарз саммасид̇ваа вудтаад̇и, анимид̇д̇авимогкзна вимужжад̇и, сажз д̣̇угкад̇о саммасид̇ваа вудтаад̇и, аббан̣ихид̇авимогкзна вимужжад̇и, сажз анад̇д̇ад̇о саммасид̇ваа вудтаад̇и, сун̃н̃ад̇авимогкзна вимужжад̇и, ид̣̇ам̣ сарасад̇о наамам̣ наама. яасмаа банзса анижжаанубассанааяа сан̇каараанам̣ гханавиниб̣бхог̇ам̣ гад̇ваа нижжанимид̇д̇ад̇хуванимид̇д̇асассад̇анимид̇д̇аани баж̇аханд̇о ааг̇ад̇о, д̇асмаа анимид̇д̇о. д̣̇угкаанубассанааяа бана сукасан̃н̃ам̣ бахааяа бан̣ид̇хим̣ бад̇т̇анам̣ сугкаабзд̇ваа ааг̇ад̇ад̇д̇аа аббан̣ихид̇о. анад̇д̇аанубассанааяа ад̇д̇асад̇д̇абуг̇г̇аласан̃н̃ам̣ бахааяа сан̇каараанам̣ сун̃н̃ад̇о д̣̇идтад̇д̇аа сун̃н̃ад̇од̇и ид̣̇ам̣ бажжанийгад̇о наамам̣ наама.
199.Asubhajjhānādīnīti ādi-saddena kāyagatāsatijjhānañca kasiṇajjhānañca saṅgaṇhāti. Tena ‘‘kāyagatāsatijjhānaṃ pathavīkasiṇajjhānaṃ samāpajji’’ntiādiṃ vadantopi pārājikova hotīti veditabbaṃ. Vimokkhoti ettha vi-saddo visesattho vividhattho vāti dassento āha ‘‘suṭṭhu mutto’’tiādi. Vimokkhoti cattāro ariyamaggā. Tassa saguṇato suññatādināmalābhaṃ dassento āha ‘‘so panāya’’ ntiādi. Maggo hi nāma pañcahi kāraṇehi nāmaṃ labhati sarasena vā paccanīkena vā saguṇena vā ārammaṇena vā āgamanena vā. Sace hi saṅkhārupekkhā aniccato saṅkhāre sammasitvā vuṭṭhāti, animittavimokkhena vimuccati, sace dukkhato sammasitvā vuṭṭhāti, appaṇihitavimokkhena vimuccati, sace anattato sammasitvā vuṭṭhāti, suññatavimokkhena vimuccati, idaṃ sarasato nāmaṃ nāma. Yasmā panesa aniccānupassanāya saṅkhārānaṃ ghanavinibbhogaṃ katvā niccanimittadhuvanimittasassatanimittāni pajahanto āgato, tasmā animitto. Dukkhānupassanāya pana sukhasaññaṃ pahāya paṇidhiṃ patthanaṃ sukkhāpetvā āgatattā appaṇihito. Anattānupassanāya attasattapuggalasaññaṃ pahāya saṅkhārānaṃ suññato diṭṭhattā suññatoti idaṃ paccanīkato nāmaṃ nāma.
рааг̇аад̣̇ийхи банзса сун̃н̃ад̇ад̇д̇аа сун̃н̃ад̇о. руубанимид̇д̇аад̣̇ийнам̣ рааг̇анимид̇д̇аад̣̇ийнам̣язва ваа абхаавзна анимид̇д̇о. рааг̇аад̣̇ибан̣ид̇хиаад̣̇ийнам̣ абхаавад̇о аббан̣ихид̇од̇и ид̣̇амасса саг̇ун̣ад̇о наамам̣. свааяам̣ сун̃н̃ад̇ам̣ анимид̇д̇ам̣ аббан̣ихид̇ан̃жа ниб̣б̣аанам̣ аарамман̣ам̣ гарод̇ийд̇и сун̃н̃ад̇о анимид̇д̇о аббан̣ихид̇од̇и вужжад̇и, ид̣̇амасса аарамман̣ад̇о наамам̣. ааг̇аманам̣ бана д̣̇увид̇хам̣ вибассанааг̇аманам̣ маг̇г̇ааг̇аманан̃жа. д̇ад̇т̇а маг̇г̇з вибассанааг̇аманам̣ лаб̣бхад̇и, палз маг̇г̇ааг̇аманам̣. анад̇д̇аанубассанаа хи сун̃н̃ад̇аа наама, сун̃н̃ад̇авибассанааяа маг̇г̇о сун̃н̃ад̇о. анижжаанубассанаа анимид̇д̇аа наама, анимид̇д̇авибассанааяа маг̇г̇о анимид̇д̇о. ид̣̇ам̣ бана наамам̣ на абхид̇хаммабарияааязна лаб̣бхад̇и. д̇ат̇аа хи д̇ам̣ сан̇кааранимид̇д̇асса авиж̇аханад̇о на ниббарияааязна анимид̇д̇ам̣, суд̇д̇анд̇абарияааязна бана лаб̣бхад̇и. д̇ад̇ра хи г̇од̇рабхун̃аан̣ам̣ анимид̇д̇ам̣ ниб̣б̣аанам̣ аарамман̣ам̣ гад̇ваа анимид̇д̇анаамагам̣ худ̇ваа саяам̣ ааг̇аманияадтаанз тад̇ваа маг̇г̇асса наамам̣ д̣̇зд̇ийд̇и вад̣̇анд̇и, д̇зна маг̇г̇о анимид̇д̇од̇и вуд̇д̇о. маг̇г̇ааг̇аманзна бана палам̣ анимид̇д̇анд̇и яуж̇ж̇ад̇иязва. д̣̇угкаанубассанаа сан̇каарзсу бан̣ид̇хим̣ сугкаабзд̇ваа ааг̇ад̇ад̇д̇аа аббан̣ихид̇аа наама, аббан̣ихид̇авибассанааяа маг̇г̇о аббан̣ихид̇о, аббан̣ихид̇амаг̇г̇асса палам̣ аббан̣ихид̇ам̣. звам̣ вибассанаа ад̇д̇ано наамам̣ маг̇г̇асса д̣̇зд̇и, маг̇г̇о палассаад̇и ид̣̇ам̣ ааг̇аманад̇о наамам̣. сун̃н̃ад̇д̇аад̇и вивид̇д̇ад̇д̇аа. на хи маг̇г̇з рааг̇аад̣̇аяо санд̇и, убаруубари уббаж̇ж̇анагарааг̇аад̣̇ийнам̣ гааран̣ад̇д̇аа рааг̇аад̣̇аяо нимид̇д̇анд̇и ааха ‘‘рааг̇ад̣̇осамоханимид̇д̇зхий’’д̇и. савиг̇г̇ахаанам̣ вияа убадтаанамбзд̇т̇а нимид̇д̇анд̇и вад̣̇анд̇и. рааг̇аад̣̇аяова бавад̇д̇идтаанадтзна бан̣ид̇хийд̇и ааха ‘‘рааг̇ад̣̇осамохабан̣ид̇хийна’’нд̇и.
Rāgādīhi panesa suññatattā suññato. Rūpanimittādīnaṃ rāganimittādīnaṃyeva vā abhāvena animitto. Rāgādipaṇidhiādīnaṃ abhāvato appaṇihitoti idamassa saguṇato nāmaṃ. Svāyaṃ suññataṃ animittaṃ appaṇihitañca nibbānaṃ ārammaṇaṃ karotīti suññato animitto appaṇihitoti vuccati, idamassa ārammaṇato nāmaṃ. Āgamanaṃ pana duvidhaṃ vipassanāgamanaṃ maggāgamanañca. Tattha magge vipassanāgamanaṃ labbhati, phale maggāgamanaṃ. Anattānupassanā hi suññatā nāma, suññatavipassanāya maggo suññato. Aniccānupassanā animittā nāma, animittavipassanāya maggo animitto. Idaṃ pana nāmaṃ na abhidhammapariyāyena labbhati. Tathā hi taṃ saṅkhāranimittassa avijahanato na nippariyāyena animittaṃ, suttantapariyāyena pana labbhati. Tatra hi gotrabhuñāṇaṃ animittaṃ nibbānaṃ ārammaṇaṃ katvā animittanāmakaṃ hutvā sayaṃ āgamaniyaṭṭhāne ṭhatvā maggassa nāmaṃ detīti vadanti, tena maggo animittoti vutto. Maggāgamanena pana phalaṃ animittanti yujjatiyeva. Dukkhānupassanā saṅkhāresu paṇidhiṃ sukkhāpetvā āgatattā appaṇihitā nāma, appaṇihitavipassanāya maggo appaṇihito, appaṇihitamaggassa phalaṃ appaṇihitaṃ. Evaṃ vipassanā attano nāmaṃ maggassa deti, maggo phalassāti idaṃ āgamanato nāmaṃ. Suññattāti vivittattā. Na hi magge rāgādayo santi, uparūpari uppajjanakarāgādīnaṃ kāraṇattā rāgādayo nimittanti āha ‘‘rāgadosamohanimittehī’’ti. Saviggahānaṃ viya upaṭṭhānampettha nimittanti vadanti. Rāgādayova pavattiṭṭhānaṭṭhena paṇidhīti āha ‘‘rāgadosamohapaṇidhīna’’nti.
вад̇т̇увиж̇ж̇аад̣̇им̣ санд̇хааяа аважанад̇о ‘‘виж̇ж̇аанам̣ лаабхиймхий’’д̇и вуд̇д̇зби ход̇и. згзгагодтаасавасзнаад̇и сад̇ибадтаанажад̇уггаад̣̇изгзгагодтаасавасзна. гин̃жааби махааадтагат̇ааяамби згзгагодтаасавасзнзва д̣̇ассид̇ам̣, д̇ад̇т̇а бана ‘‘логуд̇д̇араанам̣ сад̇ибадтаанаана’’нд̇иаад̣̇инаа бажжзгам̣ логуд̇д̇ара-сад̣̇д̣̇ам̣ яож̇зд̇ваа згзгагодтаасавасзнзва вуд̇д̇ам̣, ид̇ха логуд̇д̇ара-сад̣̇д̣̇зна винаад̇и аяамзд̇т̇а висзсо. д̇ад̇т̇аад̇и д̇зсу годтаасзсу.
Vatthuvijjādiṃ sandhāya avacanato ‘‘vijjānaṃ lābhīmhī’’ti vuttepi hoti. Ekekakoṭṭhāsavasenāti satipaṭṭhānacatukkādiekekakoṭṭhāsavasena. Kiñcāpi mahāaṭṭhakathāyampi ekekakoṭṭhāsavaseneva dassitaṃ, tattha pana ‘‘lokuttarānaṃ satipaṭṭhānāna’’ntiādinā paccekaṃ lokuttara-saddaṃ yojetvā ekekakoṭṭhāsavaseneva vuttaṃ, idha lokuttara-saddena vināti ayamettha viseso. Tatthāti tesu koṭṭhāsesu.
нану жа ‘‘гилзсаббахаанамзваа’’д̇и гасмаа вуд̇д̇ам̣. на хи гилзсаанам̣ бахаанамад̇д̇ам̣ уд̇д̇аримануссад̇хаммо ход̇ийд̇и яо вад̣̇зяяа, д̇ам̣ санд̇хааяа гилзсаббахаанасса маг̇г̇агижжад̇д̇аа гижжавасзна маг̇г̇о д̣̇ийбид̇од̇и д̣̇ассзд̇ум̣ ‘‘д̇ам̣ банаа’’д̇иаад̣̇и вуд̇д̇ам̣. гаамарааг̇ам̣ санд̇хааяа ‘‘д̇ад̇ияамаг̇г̇зна хи рааг̇ад̣̇осаанам̣ бахаана’’нд̇и вуд̇д̇ам̣, на бана руубарааг̇ааруубарааг̇з санд̇хааяа. на хи д̇з д̇зна бахийяанд̇и жад̇уд̇т̇амаг̇г̇зна бахаад̇аб̣б̣ад̇д̇аа.
Nanu ca ‘‘kilesappahānamevā’’ti kasmā vuttaṃ. Na hi kilesānaṃ pahānamattaṃ uttarimanussadhammo hotīti yo vadeyya, taṃ sandhāya kilesappahānassa maggakiccattā kiccavasena maggo dīpitoti dassetuṃ ‘‘taṃ panā’’tiādi vuttaṃ. Kāmarāgaṃ sandhāya ‘‘tatiyamaggena hi rāgadosānaṃ pahāna’’nti vuttaṃ, na pana rūparāgaarūparāge sandhāya. Na hi te tena pahīyanti catutthamaggena pahātabbattā.
рааг̇аа жид̇д̇ам̣ винийваран̣ад̇аад̇и рааг̇аа жид̇д̇асса винийваран̣ад̇аад̇и вуд̇д̇ам̣ ход̇и. рааг̇аа вимуд̇д̇асса жид̇д̇асса д̇ассзва рааг̇анийваран̣асса абхаавзна виг̇ад̇анийваран̣ад̇д̇аа винийваран̣ад̇аад̇и ад̇т̇о взд̣̇ид̇аб̣б̣о. зса наяо сзсзсуби.
Rāgācittaṃ vinīvaraṇatāti rāgā cittassa vinīvaraṇatāti vuttaṃ hoti. Rāgā vimuttassa cittassa tasseva rāganīvaraṇassa abhāvena vigatanīvaraṇattā vinīvaraṇatāti attho veditabbo. Esa nayo sesesupi.
яаа жа бан̃жа виж̇ж̇аад̇и яож̇зд̇аб̣б̣ам̣. ниб̣б̣аддид̇алогуд̇д̇арад̇д̇аад̇и висум̣язва логад̇о абаг̇ад̇алогуд̇д̇арад̇д̇аа. яат̇аа винаа логуд̇д̇ара-сад̣̇д̣̇зна ‘‘сад̇ибадтаанаад̣̇ийнам̣ лаабхиймхий’’д̇и вуд̇д̇зби баарааж̇игам̣ ход̇и, звамид̇хааби ‘‘ад̇т̇абадисамбхид̣̇ааяа лаабхиймхийд̇и вуд̇д̇зби ход̇иязваа’’д̇и вад̇д̇ум̣ яуж̇ж̇ад̇и. гин̃жааби яуж̇ж̇ад̇и, ат̇а ко махааадтагат̇ааяам̣ вибхааг̇зна вуд̇д̇ад̇д̇аа на саггаа звамид̣̇ам̣ вад̇д̇унд̇и д̣̇ассзд̇ум̣ ‘‘махааадтагат̇ааяам̣ бана…бз… на саггаа ан̃н̃ам̣ бамаан̣ам̣ гаад̇у’’нд̇и вуд̇д̇ам̣. д̇амби д̇ад̇т̇зва бадигкид̇д̇анд̇и самб̣анд̇хо.
Yā ca pañca vijjāti yojetabbaṃ. Nibbaṭṭitalokuttarattāti visuṃyeva lokato apagatalokuttarattā. Yathā vinā lokuttara-saddena ‘‘satipaṭṭhānādīnaṃ lābhīmhī’’ti vuttepi pārājikaṃ hoti, evamidhāpi ‘‘atthapaṭisambhidāya lābhīmhīti vuttepi hotiyevā’’ti vattuṃ yujjati. Kiñcāpi yujjati, atha kho mahāaṭṭhakathāyaṃ vibhāgena vuttattā na sakkā evamidaṃ vattunti dassetuṃ ‘‘mahāaṭṭhakathāyaṃ pana…pe… na sakkā aññaṃ pamāṇaṃ kātu’’nti vuttaṃ. Tampi tattheva paṭikkhittanti sambandho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
