| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
сигкаабад̣̇авибхан̇г̇з бана гин̃жааби яо банаад̇и анавасзсабарияаад̣̇аанабад̣̇ам̣, д̇ат̇ааби бхигкууд̇и иминаа барабад̣̇зна самаанаад̇хигаран̣ад̇д̇аа д̇ад̣̇ануруубаанзвасса вибхан̇г̇абад̣̇аани вуд̇д̇аани. бхигкуниб̣б̣ажанабад̣̇аани д̇ийн̣и гин̃жааби сабхигкубхаавасса, абхигкубхаавасса жаад̇и яасса гассажи баб̣б̣аж̇ид̇асса саад̇хааран̣аани, д̇ат̇ааби ‘‘асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно, д̇ан̃жз суд̣̇д̇хад̣̇идти самаано аногаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и сан̇гхаад̣̇исзсзна д̣̇уггадассаа’’д̇и звамаад̣̇исуд̇д̇ам̣ ниб̣б̣ажанад̇т̇аяуд̇д̇ова буг̇г̇ало ‘‘аабад̇д̇и сан̇гхаад̣̇исзсзна д̣̇уггадассаа’’д̇и (баараа. 389) зд̇т̇а вад̇т̇у, на ид̇аро г̇ихибхууд̇од̇и д̣̇ассанад̇т̇ам̣ вуд̇д̇ам̣. саб̣б̣ассаби винаяабидагасса саад̇хааран̣ам̣ бхигкулагкан̣ам̣ вад̇т̇ун̃хи бхаг̇аваа аарабхи. яо бана суд̣̇д̇хо зва самаано гзнажи гааран̣зна г̇ихилин̇г̇з тид̇о, со ад̇д̇ано сабхигкубхаавад̇д̇аа зва вад̇т̇у ход̇и, асуд̣̇д̇хоби бхигкулин̇г̇з тид̇ад̇д̇аад̇и аяамад̇т̇о д̣̇ассид̇о ход̇и. асуд̣̇д̇хоби н̃аад̇агзхи, бажжад̇т̇игзхи ваа рааж̇абхаяаад̣̇игааран̣зна ваа гаасаавзсу сауссаахова абанийд̇агаасааво вад̇т̇у зва буна гаасааваг̇г̇ахан̣зна т̇зяяасам̣ваасагабхааваанубаг̇аманад̇о, бхигкуниб̣б̣ажанад̇т̇з анигкид̇д̇ад̇хурад̇д̇аад̇и вуд̇д̇ам̣ ход̇и. яо бана лин̇г̇ад̇т̇знаго бхигкуниб̣б̣ажанад̇т̇ам̣ саяан̃жа аж̇жхубаг̇ад̇о, сам̣ваасам̣ т̇знзнд̇о, д̇ан̃жз суд̣̇д̇хад̣̇идти самаано аногаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и сан̇гхаад̣̇исзсзна д̣̇уггадассаад̇и аяамби ад̇т̇о д̣̇ассид̇о ход̇и.
Sikkhāpadavibhaṅge pana kiñcāpi yo panāti anavasesapariyādānapadaṃ, tathāpi bhikkhūti iminā parapadena samānādhikaraṇattā tadanurūpānevassa vibhaṅgapadāni vuttāni. Bhikkhunibbacanapadāni tīṇi kiñcāpi sabhikkhubhāvassa, abhikkhubhāvassa cāti yassa kassaci pabbajitassa sādhāraṇāni, tathāpi ‘‘asuddho hoti puggalo aññataraṃ pārājikaṃ dhammaṃ ajjhāpanno, tañce suddhadiṭṭhi samāno anokāsaṃ kārāpetvā cāvanādhippāyo vadeti, āpatti saṅghādisesena dukkaṭassā’’ti evamādisuttaṃ nibbacanatthayuttova puggalo ‘‘āpatti saṅghādisesena dukkaṭassā’’ti (pārā. 389) ettha vatthu, na itaro gihibhūtoti dassanatthaṃ vuttaṃ. Sabbassapi vinayapiṭakassa sādhāraṇaṃ bhikkhulakkhaṇaṃ vatthuñhi bhagavā ārabhi. Yo pana suddho eva samāno kenaci kāraṇena gihiliṅge ṭhito, so attano sabhikkhubhāvattā eva vatthu hoti, asuddhopi bhikkhuliṅge ṭhitattāti ayamattho dassito hoti. Asuddhopi ñātakehi, paccatthikehi vā rājabhayādikāraṇena vā kāsāvesu saussāhova apanītakāsāvo vatthu eva puna kāsāvaggahaṇena theyyasaṃvāsakabhāvānupagamanato, bhikkhunibbacanatthe anikkhittadhurattāti vuttaṃ hoti. Yo pana liṅgatthenako bhikkhunibbacanatthaṃ sayañca ajjhupagato, saṃvāsaṃ thenento, tañce suddhadiṭṭhi samāno anokāsaṃ kārāpetvā cāvanādhippāyo vadeti, āpatti saṅghādisesena dukkaṭassāti ayampi attho dassito hoti.
‘‘саман̃н̃ааяа бхигку бадин̃н̃ааяа бхигкуу’’д̇и важанад̣̇ваяам̣ яат̇аавуд̇д̇ан̃жа ад̇т̇ам̣ убаб̣руухзд̇и, анд̇араа уббаннааяа нияад̇ааяа мижчаад̣̇идтияаа убажчиннагусаламууло гзвалааяа саман̃н̃ааяа, бадин̃н̃ааяа жа ‘‘бхигкуу’’д̇и вужжад̇и, на барамад̇т̇ад̇од̇и имам̣ ад̇ирзгад̇т̇ам̣ д̣̇ийбзд̇и. гим̣ вуд̇д̇ам̣ ход̇и? ‘‘наахам̣, бхигкавз, ан̃н̃ам̣ згад̇хаммамби саманубассаами, яам̣ звам̣ махаасааваж̇ж̇ам̣ яат̇аяид̣̇ам̣, бхигкавз, мижчаад̣̇идти. мижчаад̣̇идтибарамаани, бхигкавз, махааваж̇ж̇ааний’’д̇и аахажжабхаасид̇ам̣ сан̇г̇ийд̇ид̇д̇аяаарул̣хам̣ суд̇д̇ам̣, адтагат̇ааяамбисса ‘‘мижчаад̣̇идтибарамаа зд̇зсанд̇и мижчаад̣̇идтибарамааний’’д̇и (а. ни. 1.310) вуд̇д̇ам̣. бан̃жа аананд̇арияагаммаани махаасааваж̇ж̇аани, мижчаад̣̇идти бана махаасааваж̇ж̇ад̇араад̇и ад̇хиббааяод̇и. гасмаа? д̇зсан̃хи барижчзд̣̇о ад̇т̇и, саб̣б̣аб̣алавамби габбадтид̇игамзва ход̇и, нияад̇амижчаад̣̇идтияаа бана барижчзд̣̇о над̇т̇и, д̇ааяа саманнааг̇ад̇асса бхавад̇о вудтаанам̣ над̇т̇и, д̇асмаа ‘‘имасса бхигкугаран̣аа гусалаа д̇хаммаа сам̣виж̇ж̇анд̇ий’’д̇и ваа ‘‘суд̣̇д̇ховааяа’’нд̇и ваа на саггаа вад̇д̇ум̣. ‘‘д̣̇идтивибад̇д̇ибажжаяаа д̣̇вз аабад̇д̇ияо аабаж̇ж̇ад̇ий’’д̇и вуд̇д̇ад̇д̇аа на саггаа ‘‘асуд̣̇д̇хо’’д̇и ваа ‘‘ан̃н̃ад̇арам̣ баарааж̇игам̣ д̇хаммам̣ аж̇жхаабанно’’д̇и ваа вад̇д̇ум̣. зса хи убхоби багкз на бхаж̇ад̇и, д̇зна вуд̇д̇ам̣ ‘‘саман̃н̃ааяа, бадин̃н̃ааяа жа бхигку, на барамад̇т̇ад̇о’’д̇и.
‘‘Samaññāya bhikkhu paṭiññāya bhikkhū’’ti vacanadvayaṃ yathāvuttañca atthaṃ upabrūheti, antarā uppannāya niyatāya micchādiṭṭhiyā upacchinnakusalamūlo kevalāya samaññāya, paṭiññāya ca ‘‘bhikkhū’’ti vuccati, na paramatthatoti imaṃ atirekatthaṃ dīpeti. Kiṃ vuttaṃ hoti? ‘‘Nāhaṃ, bhikkhave, aññaṃ ekadhammampi samanupassāmi, yaṃ evaṃ mahāsāvajjaṃ yathayidaṃ, bhikkhave, micchādiṭṭhi. Micchādiṭṭhiparamāni, bhikkhave, mahāvajjānī’’ti āhaccabhāsitaṃ saṅgītittayāruḷhaṃ suttaṃ, aṭṭhakathāyampissa ‘‘micchādiṭṭhiparamā etesanti micchādiṭṭhiparamānī’’ti (a. ni. 1.310) vuttaṃ. Pañca ānantariyakammāni mahāsāvajjāni, micchādiṭṭhi pana mahāsāvajjatarāti adhippāyoti. Kasmā? Tesañhi paricchedo atthi, sabbabalavampi kappaṭṭhitikameva hoti, niyatamicchādiṭṭhiyā pana paricchedo natthi, tāya samannāgatassa bhavato vuṭṭhānaṃ natthi, tasmā ‘‘imassa bhikkhukaraṇā kusalā dhammā saṃvijjantī’’ti vā ‘‘suddhovāya’’nti vā na sakkā vattuṃ. ‘‘Diṭṭhivipattipaccayā dve āpattiyo āpajjatī’’ti vuttattā na sakkā ‘‘asuddho’’ti vā ‘‘aññataraṃ pārājikaṃ dhammaṃ ajjhāpanno’’ti vā vattuṃ. Esa hi ubhopi pakkhe na bhajati, tena vuttaṃ ‘‘samaññāya, paṭiññāya ca bhikkhu, na paramatthato’’ti.
гимад̇т̇ам̣ банзвам̣ махаасааваж̇ж̇ааяа нияад̇амижчаад̣̇идтияаа баарааж̇игам̣ бхаг̇аваа на бан̃н̃абзсийд̇и? д̣̇уб̣б̣иж̇аанад̇д̇аа. багад̇ияаабзсаа д̣̇идти наама ‘‘саммаа’’д̇и ваа ‘‘мижчаа’’д̇и ваа д̣̇увин̃н̃зяяаа, баг̇зва ‘‘нияад̇аа’’д̇и ваа ‘‘анияад̇аа’’д̇и ваад̇и. д̇ад̇т̇а баарааж̇игаабад̇д̇ияаа бан̃н̃ад̇д̇ааяа бхигкуу ан̃н̃аман̃н̃ам̣ асамад̣̇идтигам̣ баарааж̇игам̣ ман̃н̃амаанаа убосат̇аад̣̇ийни агад̇ваа ажирзнзва саасанам̣ винаасзяяум̣, саяан̃жа абун̃н̃ам̣ басавзяяум̣ суд̣̇д̇хзсуби бхигкуусу виббадибад̇д̇ияаа бадибаж̇ж̇анзна. д̇асмаа убааяагусалад̇ааяа баарааж̇игам̣ абан̃н̃аабзд̇ваа д̇асса угкзбанийяагаммам̣, саммаавад̇д̇ан̃жа бан̃н̃аабзд̇ваа д̇ам̣ сан̇гхзна асамбхог̇ам̣, асам̣ваасан̃жа агааси. бхаг̇аваа хи д̇асса жз зсаа д̣̇идти анияад̇аа, саммаавад̇д̇ам̣ буурзд̇ваа осааран̣ам̣ лабхид̇ваа багад̇ад̇д̇о бхавзяяа. нияад̇аа жз, адтаанамзд̇ам̣ анавагаасо, яам̣ со нияад̇амижчаад̣̇идтиго саммаавад̇д̇ам̣ буурзд̇ваа осааран̣ам̣ лабхид̇ваа багад̇ад̇д̇о бхавзяяа. гзвалам̣ ‘‘саман̃н̃ааяабхигку бадин̃н̃ааяабхигкуу’’д̇и наамамад̇д̇ад̇хаараго худ̇ваа барам̣ маран̣аа аридто вияа сам̣сааракаан̣угова бхависсад̇ийд̇и имам̣ наяам̣ ад̣̇д̣̇аса.
Kimatthaṃ panevaṃ mahāsāvajjāya niyatamicchādiṭṭhiyā pārājikaṃ bhagavā na paññapesīti? Dubbijānattā. Pakatiyāpesā diṭṭhi nāma ‘‘sammā’’ti vā ‘‘micchā’’ti vā duviññeyyā, pageva ‘‘niyatā’’ti vā ‘‘aniyatā’’ti vāti. Tattha pārājikāpattiyā paññattāya bhikkhū aññamaññaṃ asamadiṭṭhikaṃ pārājikaṃ maññamānā uposathādīni akatvā acireneva sāsanaṃ vināseyyuṃ, sayañca apuññaṃ pasaveyyuṃ suddhesupi bhikkhūsu vippaṭipattiyā paṭipajjanena. Tasmā upāyakusalatāya pārājikaṃ apaññāpetvā tassa ukkhepanīyakammaṃ, sammāvattañca paññāpetvā taṃ saṅghena asambhogaṃ, asaṃvāsañca akāsi. Bhagavā hi tassa ce esā diṭṭhi aniyatā, sammāvattaṃ pūretvā osāraṇaṃ labhitvā pakatatto bhaveyya. Niyatā ce, aṭṭhānametaṃ anavakāso, yaṃ so niyatamicchādiṭṭhiko sammāvattaṃ pūretvā osāraṇaṃ labhitvā pakatatto bhaveyya. Kevalaṃ ‘‘samaññāyabhikkhu paṭiññāyabhikkhū’’ti nāmamattadhārako hutvā paraṃ maraṇā ariṭṭho viya saṃsārakhāṇukova bhavissatīti imaṃ nayaṃ addasa.
адтасу убасамбад̣̇аасу д̇иссовзд̇т̇а вуд̇д̇аа, на ид̇араа баадибуг̇г̇алад̇д̇аа, бхигкуунам̣ асанд̇агад̇д̇аа жа. д̇ад̇т̇а хи оваад̣̇абадиг̇г̇ахан̣абан̃хаб̣яаагаран̣уубасамбад̣̇аа д̣̇виннам̣ т̇зраанам̣ зва, сзсаа д̇иссо бхигкунийнам̣ санд̇агаад̇и ид̇ха наад̇хиббзд̇аа, д̇иссаннамби убасамбад̣̇аанам̣ маж̇жхз ‘‘бхад̣̇ро бхигкуу’’д̇иаад̣̇ийни жад̇д̇аари бад̣̇аани вуд̇д̇аани д̇иссаннам̣ саад̇хааран̣ад̇д̇аа. зхибхигкубхаавзна ваа саран̣аг̇аманан̃ад̇д̇ижад̇уд̇т̇зна ваа убасамбанно хи бхад̣̇ро жа сааро жа сзгко жа асзгко жа ход̇и, убасамбад̣̇аважанам̣ бана нзсам̣ саавагабхаавад̣̇ийбанад̇т̇ам̣. имз зва хи аабад̇д̇им̣ аабаж̇ж̇анд̇и, на саммаасамб̣уд̣̇д̇хаа, бажжзгаб̣уд̣̇д̇хаа жа.
Aṭṭhasu upasampadāsu tissovettha vuttā, na itarā pāṭipuggalattā, bhikkhūnaṃ asantakattā ca. Tattha hi ovādapaṭiggahaṇapañhabyākaraṇūpasampadā dvinnaṃ therānaṃ eva, sesā tisso bhikkhunīnaṃ santakāti idha nādhippetā, tissannampi upasampadānaṃ majjhe ‘‘bhadro bhikkhū’’tiādīni cattāri padāni vuttāni tissannaṃ sādhāraṇattā. Ehibhikkhubhāvena vā saraṇagamanañatticatutthena vā upasampanno hi bhadro ca sāro ca sekkho ca asekkho ca hoti, upasampadavacanaṃ pana nesaṃ sāvakabhāvadīpanatthaṃ. Ime eva hi āpattiṃ āpajjanti, na sammāsambuddhā, paccekabuddhā ca.
аяам̣ имасмим̣ ад̇т̇з ад̇хиббзд̇од̇и зд̇т̇а жа аабад̇д̇им̣ аабаж̇ж̇ид̇ум̣ бхаб̣б̣аа н̃ад̇д̇ижад̇уд̇т̇знзва гаммзна убасамбаннаа. на хи ан̃н̃з зхибхигкусаран̣аг̇аманаоваад̣̇абадиг̇г̇ахан̣абан̃хаб̣яаагаран̣аахи убасамбаннаа аабад̇д̇им̣ аабаж̇ж̇ид̇ум̣ бхаб̣б̣аа, д̇знзд̇з бадигкибид̇ваа ‘‘аяам̣ имасмим̣ ад̇т̇з ад̇хиббзд̇о бхигкуу’’д̇и анд̇имова вуд̇д̇од̇и гира д̇хаммасирид̇т̇зро, д̇ам̣ аяуд̇д̇ам̣. ‘‘д̣̇вз буг̇г̇алаа абхаб̣б̣аа аабад̇д̇им̣ аабаж̇ж̇ид̇ум̣ б̣уд̣̇д̇хаа жа бажжзгаб̣уд̣̇д̇хаа жаа’’д̇и (бари. 322) зд̇д̇агамзва вуд̇д̇анд̇и. ан̃н̃ат̇аа зхибхигкуаад̣̇аяоби вад̇д̇аб̣б̣аа сияум̣. гин̃жа бхияяо ‘‘д̣̇вз буг̇г̇алаа бхаб̣б̣аа аабад̇д̇им̣ аабаж̇ж̇ид̇ум̣ бхигкуу жа бхигкунияо жаа’’д̇и сааман̃н̃зна вуд̇д̇ад̇д̇аа жа, абижа аабад̇д̇ибхаяадтаанад̣̇ассанад̇о жа. гат̇ам̣? ааяасмаа саарибуд̇д̇о аавасат̇абин̣д̣ам̣ гуггужжааяанд̇о на бадиг̇г̇ахзси, жийваравиббаваасабхаяаа жа саб̣б̣ам̣ д̇ижийварам̣ г̇ахзд̇ваа над̣̇им̣ д̇аранд̇о манам̣ вул̣хо ахоси махаагассабо. гин̃жа саран̣аг̇амануубасамбад̣̇ааяа убасамбаннз аараб̣бха сад̣̇д̇хивихааригавад̇д̇аад̣̇ийни асаммаавад̇д̇анд̇аанам̣ нзсам̣ д̣̇уггадаани жа бан̃н̃ад̇д̇аани д̣̇иссанд̇и, д̇асмаа д̣̇уб̣б̣ижаарид̇амзд̇ам̣. аяам̣ имасмим̣ ад̇т̇з ад̇хиббзд̇о бхигкууд̇и бадигкид̇д̇ааяа саран̣аг̇амануубасамбад̣̇ааяа анун̃н̃аад̇аббасан̇г̇абхаяаад̇и убад̇иссад̇т̇зро, аабад̇д̇ияаа бхаб̣б̣ад̇ам̣ санд̇хааяа д̇асмимби вуд̇д̇з буб̣б̣з бадигкид̇д̇ааби саа буна звам̣ вад̣̇анд̇зна анун̃н̃аад̇аад̇и бхигкуунам̣ мижчааг̇аахо ваа вимад̇и ваа уббаж̇ж̇ад̇и , д̇асмаа на вуд̇д̇аад̇и вуд̇д̇ам̣ ход̇и, д̇ам̣ ‘‘бхигкуний наама убхад̇осан̇гхз убасамбаннаа’’д̇и (баажи. 161) иминаа самзд̇и. ид̣̇ан̃хи саагияаад̣̇ийнам̣ анун̃н̃аад̇аубасамбад̣̇ааяа ануббаб̣анд̇хабхаяаа вуд̇д̇ам̣.
Ayaṃ imasmiṃ atthe adhippetoti ettha ca āpattiṃ āpajjituṃ bhabbā ñatticatuttheneva kammena upasampannā. Na hi aññe ehibhikkhusaraṇagamanaovādapaṭiggahaṇapañhabyākaraṇāhi upasampannā āpattiṃ āpajjituṃ bhabbā, tenete paṭikkhipitvā ‘‘ayaṃ imasmiṃ atthe adhippeto bhikkhū’’ti antimova vuttoti kira dhammasiritthero, taṃ ayuttaṃ. ‘‘Dve puggalā abhabbā āpattiṃ āpajjituṃ buddhā ca paccekabuddhā cā’’ti (pari. 322) ettakameva vuttanti. Aññathā ehibhikkhuādayopi vattabbā siyuṃ. Kiñca bhiyyo ‘‘dve puggalā bhabbā āpattiṃ āpajjituṃ bhikkhū ca bhikkhuniyo cā’’ti sāmaññena vuttattā ca, apica āpattibhayaṭṭhānadassanato ca. Kathaṃ? Āyasmā sāriputto āvasathapiṇḍaṃ kukkuccāyanto na paṭiggahesi, cīvaravippavāsabhayā ca sabbaṃ ticīvaraṃ gahetvā nadiṃ taranto manaṃ vuḷho ahosi mahākassapo. Kiñca saraṇagamanūpasampadāya upasampanne ārabbha saddhivihārikavattādīni asammāvattantānaṃ nesaṃ dukkaṭāni ca paññattāni dissanti, tasmā dubbicāritametaṃ. Ayaṃ imasmiṃ atthe adhippeto bhikkhūti paṭikkhittāya saraṇagamanūpasampadāya anuññātappasaṅgabhayāti upatissatthero, āpattiyā bhabbataṃ sandhāya tasmimpi vutte pubbe paṭikkhittāpi sā puna evaṃ vadantena anuññātāti bhikkhūnaṃ micchāgāho vā vimati vā uppajjati , tasmā na vuttāti vuttaṃ hoti, taṃ ‘‘bhikkhunī nāma ubhatosaṅghe upasampannā’’ti (pāci. 161) iminā sameti. Idañhi sākiyādīnaṃ anuññātaupasampadāya anuppabandhabhayā vuttaṃ.
аяам̣ банзд̇т̇а амхаагам̣ канд̇и – бхигку-бад̣̇анид̣̇д̣̇зсад̇д̇аа яад̇д̇агаани д̇зна бад̣̇зна сан̇г̇ахам̣ г̇ажчанд̇и, яз жа винаяабидагз д̇ад̇т̇а д̇ад̇т̇а санд̣̇иссанд̇и саяам̣ аабад̇д̇аабаж̇ж̇анадтзна ваа д̣̇удтуллаарожанабадижчаад̣̇анаад̣̇ийсу барзсам̣ аабад̇д̇игаран̣адтзна ваа, д̇з саб̣б̣зби д̣̇ассзд̇ваа ид̣̇аани яад̣̇ид̣̇ам̣ д̇асса бхигку-бад̣̇асса висзсанад̇т̇ам̣ вуд̇д̇ам̣ барабад̣̇ам̣ ‘‘сигкаасааж̇ийвасамаабанно’’д̇и, д̇асса васзна ид̣̇ам̣ вуд̇д̇ам̣ ‘‘аяам̣ имасмим̣ ад̇т̇з ад̇хиббзд̇о бхигкуу’’д̇и. со зва хи гаммаваажаананд̇арамзва сигкаасааж̇ийвасамаабанно ход̇и д̇ад̇о бадтааяа сауд̣̇д̣̇зсасигкаабад̣̇аанам̣ уббад̇д̇ид̣̇ассанад̇о, д̇ассзва жа сигкаабажжагкаанам̣ д̣̇иссад̇и, нзд̇арасса. д̇ассзва жа сигкаабажжагкаанам̣ самбхавад̇и ‘‘уллумбад̇у мам̣, бханд̇з, сан̇гхо анугамбам̣ убаад̣̇ааяаа’’д̇и (махаава. 71, 126) вад̇ваа самаад̣̇иннад̇д̇аа, д̇ассзва жа убасамбаннасамананд̇арамзва агаран̣ийяаниссаяаажигканад̣̇ассанад̇о, винаяам̣ баад̇имогкам̣ уд̣̇д̣̇зсам̣ бажжагкаамийд̇иаад̣̇исигкаабажжагкааналагкан̣абаарибуурид̇о жаад̇и сигкаабажжагкаанам̣ убаад̣̇ааяа со зва ид̇хаад̇хиббзд̇од̇и вуд̇д̇ам̣ ход̇и.
Ayaṃ panettha amhākaṃ khanti – bhikkhu-padaniddesattā yattakāni tena padena saṅgahaṃ gacchanti, ye ca vinayapiṭake tattha tattha sandissanti sayaṃ āpattāpajjanaṭṭhena vā duṭṭhullārocanapaṭicchādanādīsu paresaṃ āpattikaraṇaṭṭhena vā, te sabbepi dassetvā idāni yadidaṃ tassa bhikkhu-padassa visesanatthaṃ vuttaṃ parapadaṃ ‘‘sikkhāsājīvasamāpanno’’ti, tassa vasena idaṃ vuttaṃ ‘‘ayaṃ imasmiṃ atthe adhippeto bhikkhū’’ti. So eva hi kammavācānantarameva sikkhāsājīvasamāpanno hoti tato paṭṭhāya sauddesasikkhāpadānaṃ uppattidassanato, tasseva ca sikkhāpaccakkhānaṃ dissati, netarassa. Tasseva ca sikkhāpaccakkhānaṃ sambhavati ‘‘ullumpatu maṃ, bhante, saṅgho anukampaṃ upādāyā’’ti (mahāva. 71, 126) vatvā samādinnattā, tasseva ca upasampannasamanantarameva akaraṇīyanissayācikkhanadassanato, vinayaṃ pātimokkhaṃ uddesaṃ paccakkhāmītiādisikkhāpaccakkhānalakkhaṇapāripūrito cāti sikkhāpaccakkhānaṃ upādāya so eva idhādhippetoti vuttaṃ hoti.
яасмаа банасса сигкаабажжагкаанам̣ саб̣б̣ат̇аа яуж̇ж̇ад̇и, д̇асмаа ‘‘сигкам̣ бажжагкааяа д̇ам̣ д̇ам̣ вад̇т̇ум̣ вийд̇иггаманд̇асса д̇ад̇о д̇ад̇о аабад̇д̇ид̇о анаабад̇д̇и, ид̇арасса аабад̇д̇ий’’д̇и вад̇д̇ум̣ яуж̇ж̇ад̇и, д̇асмаа ‘‘яад̇т̇а яад̇т̇а сааваж̇ж̇абан̃н̃ад̇д̇и, анаваж̇ж̇абан̃н̃ад̇д̇и ваа, аяам̣ имасмим̣ ад̇т̇з ад̇хиббзд̇о бхигкууд̇и вужжад̇и, д̇ад̇т̇а д̇ад̇т̇а д̇ад̣̇аж̇жхаажаарад̇т̇знааяамзва н̃ад̇д̇ижад̇уд̇т̇зна убасамбанно ад̇хиббзд̇о наамаа’’д̇и вад̇д̇ум̣ яуж̇ж̇ад̇ийд̇и взд̣̇ид̇аб̣б̣ам̣. звам̣ санд̇з яам̣ вуд̇д̇ам̣ ‘‘яааяа гааяажи убасамбад̣̇ааяа аяам̣ имасмим̣ ‘мзт̇унам̣ д̇хаммам̣ бадисзвид̇ваа баарааж̇иго ход̇ий’д̇и ад̇т̇з бхигкууд̇и ад̇хиббзд̇о’’д̇и, д̇амби на вад̇д̇аб̣б̣амзва. гат̇ам̣ ход̇и? вирод̇хад̣̇особи барихад̇о ход̇и. гат̇ам̣? сажз н̃ад̇д̇ижад̇уд̇т̇зна убасамбанно зва ид̇хаад̇хиббзд̇о ‘‘бхигкуу’’д̇и жа ‘‘убасамбанно’’д̇и жа, д̇зна на убасамбанно анубасамбанно наамаад̇и гад̇ваа н̃ад̇д̇ижад̇уд̇т̇агаммад̇о ан̃н̃ат̇аа убасамбаннаа наама махаагассабад̇т̇зраад̣̇аяо ид̇арзсам̣ анубасамбаннадтаанз тад̇ваа сахасзяяабад̣̇асод̇хаммаабад̇д̇им̣ ж̇анзяяум̣, омасанаад̣̇игаалз жа д̣̇уггадамзва ж̇анзяяунд̇и звамаад̣̇иго вирод̇хад̣̇осо барихад̇о ход̇ийд̇и саб̣б̣ам̣ аажарияо вад̣̇ад̇и. ман̇г̇уражчави наама саамо.
Yasmā panassa sikkhāpaccakkhānaṃ sabbathā yujjati, tasmā ‘‘sikkhaṃ paccakkhāya taṃ taṃ vatthuṃ vītikkamantassa tato tato āpattito anāpatti, itarassa āpattī’’ti vattuṃ yujjati, tasmā ‘‘yattha yattha sāvajjapaññatti, anavajjapaññatti vā, ayaṃ imasmiṃ atthe adhippeto bhikkhūti vuccati, tattha tattha tadajjhācāratthenāyameva ñatticatutthena upasampanno adhippeto nāmā’’ti vattuṃ yujjatīti veditabbaṃ. Evaṃ sante yaṃ vuttaṃ ‘‘yāya kāyaci upasampadāya ayaṃ imasmiṃ ‘methunaṃ dhammaṃ paṭisevitvā pārājiko hotī’ti atthe bhikkhūti adhippeto’’ti, tampi na vattabbameva. Kathaṃ hoti? Virodhadosopi parihato hoti. Kathaṃ? Sace ñatticatutthena upasampanno eva idhādhippeto ‘‘bhikkhū’’ti ca ‘‘upasampanno’’ti ca, tena na upasampanno anupasampanno nāmāti katvā ñatticatutthakammato aññathā upasampannā nāma mahākassapattherādayo itaresaṃ anupasampannaṭṭhāne ṭhatvā sahaseyyapadasodhammāpattiṃ janeyyuṃ, omasanādikāle ca dukkaṭameva janeyyunti evamādiko virodhadoso parihato hotīti sabbaṃ ācariyo vadati. Maṅguracchavi nāma sāmo.
яасмаа д̇з ад̇имаханд̇о ж̇аад̇имад̣̇о жид̇д̇ам̣ барияудтаад̇и, д̇асмаа д̇умхзхи мама саасанз звам̣ сигкид̇аб̣б̣ам̣ . ‘‘саад̇асахаг̇ад̇аа батамаж̇жхаанасукасахаг̇ад̇аа асубхз жа аанаабаанз жаа’’д̇и г̇ан̣тибад̣̇з вуд̇д̇ам̣. уд̣̇д̇хумаад̇агасан̃н̃аад̇и уд̣̇д̇хумаад̇аганимид̇д̇з бадилад̣̇д̇хабатамаж̇жхаанасан̃н̃аа. руубасан̃н̃аад̇и бат̇авийгасин̣аад̣̇ируубааважараж̇жхаанасан̃н̃аа. со д̇ам̣ б̣яаагааси ‘‘авибхууд̇аа, бханд̇з, уд̣̇д̇хумаад̇агасан̃н̃аа авад̣дхид̇аб̣б̣ад̇д̇аа асубхаанам̣, вибхууд̇аа, бханд̇з, руубасан̃н̃аа вад̣дхид̇аб̣б̣ад̇д̇аа гасин̣аана’’нд̇и. бан̃жаубасамбад̣̇аггамо махааваг̇г̇аа г̇ахид̇о. н̃ад̇д̇ижад̇уд̇т̇знаад̇и зд̇т̇а гин̃жааби н̃ад̇д̇и саб̣б̣абатамам̣ вужжад̇и, д̇иссаннам̣ бана ануссааванаанам̣ ад̇т̇аб̣яан̃ж̇анабхзд̣̇аабхаавад̇о ад̇т̇аб̣яан̃ж̇анабхиннаа н̃ад̇д̇ид̇аасам̣ жад̇уд̇т̇аад̇и гад̇ваа ‘‘н̃ад̇д̇ижад̇уд̇т̇а’’нд̇и вужжад̇и. б̣яан̃ж̇анаануруубамзва адтагат̇ааяа ‘‘д̇ийхи ануссааванаахи згааяа жа н̃ад̇д̇ияаа’’д̇и вуд̇д̇ам̣, ад̇т̇абавад̇д̇иггамзна бад̣̇зна бана ‘‘згааяа н̃ад̇д̇ияаа д̇ийхи ануссааванаахий’’д̇и вад̇д̇аб̣б̣ам̣. яасмаа банзд̇т̇а ‘‘жад̇д̇ааримаани, бхигкавз, гаммаани (махаава. 384), ча имаани, бхигкавз, гаммаани ад̇хаммагаммам̣ ваг̇г̇агамма’’нд̇и (махаава. 387) важанад̇о губбагаммамби гад̇т̇ажи ‘‘гамма’’нд̇и вужжад̇и д̇асмаа ‘‘агуббзнаа’’д̇и вуд̇д̇ам̣.
Yasmā te atimahanto jātimado cittaṃ pariyuṭṭhāti, tasmā tumhehi mama sāsane evaṃ sikkhitabbaṃ . ‘‘Sātasahagatā paṭhamajjhānasukhasahagatā asubhe ca ānāpāne cā’’ti gaṇṭhipade vuttaṃ. Uddhumātakasaññāti uddhumātakanimitte paṭiladdhapaṭhamajjhānasaññā. Rūpasaññāti pathavīkasiṇādirūpāvacarajjhānasaññā. So taṃ byākāsi ‘‘avibhūtā, bhante, uddhumātakasaññā avaḍḍhitabbattā asubhānaṃ, vibhūtā, bhante, rūpasaññā vaḍḍhitabbattā kasiṇāna’’nti. Pañcaupasampadakkamo mahāvaggā gahito. Ñatticatutthenāti ettha kiñcāpi ñatti sabbapaṭhamaṃ vuccati, tissannaṃ pana anussāvanānaṃ atthabyañjanabhedābhāvato atthabyañjanabhinnā ñattitāsaṃ catutthāti katvā ‘‘ñatticatuttha’’nti vuccati. Byañjanānurūpameva aṭṭhakathāya ‘‘tīhi anussāvanāhi ekāya ca ñattiyā’’ti vuttaṃ, atthapavattikkamena padena pana ‘‘ekāya ñattiyā tīhi anussāvanāhī’’ti vattabbaṃ. Yasmā panettha ‘‘cattārimāni, bhikkhave, kammāni (mahāva. 384), cha imāni, bhikkhave, kammāni adhammakammaṃ vaggakamma’’nti (mahāva. 387) vacanato kuppakammampi katthaci ‘‘kamma’’nti vuccati tasmā ‘‘akuppenā’’ti vuttaṃ.
яасмаа агуббамби згажжам̣ на таанаарахам̣, язна аббад̇д̇о осааран̣ам̣ ‘‘сосаарид̇о’’д̇и жамбзяяагканд̇хагз (махаава. 395 аад̣̇аяо) вужжад̇и, д̇асмаа ‘‘таанаарахзнаа’’д̇и вуд̇д̇ам̣. яад̣̇и звам̣ ‘‘таанаарахзнаа’’д̇и ид̣̇амзва бад̣̇ам̣ вад̇д̇аб̣б̣ам̣, на буб̣б̣абад̣̇ам̣ иминаа агуббасид̣̇д̇хид̇од̇и жз? д̇ам̣ на, адтаанаарахзна агуббзна убасамбанно имасмим̣ ад̇т̇з анад̇хиббзд̇од̇и анидтаббасан̇г̇ад̇о. д̣̇вийхи банзд̇зхи згад̇о вуд̇д̇зхи аяамад̇т̇о бан̃н̃ааяад̇и ‘‘гзвалам̣ д̇зна агуббзна убасамбанно аяамби имасмим̣ ад̇т̇з ад̇хиббзд̇о ‘бхигкуу’д̇и, таанаарахзна жа убасамбанно аяамби имасмим̣ ад̇т̇з ад̇хиббзд̇о ‘бхигкуу’д̇и, губбзна убасамбанно наад̇хиббзд̇о’’д̇и. д̇знааяамби ад̇т̇о саад̇хид̇о ход̇и ‘‘яо бана, бхигку, ж̇аанам̣ уунавийсад̇ивассам̣ буг̇г̇алам̣ убасамбаад̣̇зяяа, со жа буг̇г̇ало анубасамбанно’’д̇и (баажи. 403) важанад̇о яаава на н̃ааяад̇и, д̇аава саман̃н̃ааяабхигкубадин̃н̃ааяабхигкубхаавам̣ убаг̇ад̇оби на буб̣б̣з д̣̇ассид̇асаман̃н̃ааяабхигкубадин̃н̃ааяабхигку вияа ан̃н̃зсам̣ бхигкуунам̣ убасамбаннадтаанз тад̇ваа омасанабаажид̇д̇ияаад̣̇ивад̇т̇у ход̇и, гзвалам̣ анубасамбаннадтаанз тад̇ваа ‘‘анубасамбаннз убасамбаннасан̃н̃ий бад̣̇асо д̇хаммам̣ ваажзд̇и, аабад̇д̇и баажид̇д̇ияассаа’’д̇иаад̣̇и (баажи. 47) аабад̇д̇ивад̇т̇умзва худ̇ваа д̇идтад̇и. агуббзна убасамбанно бана бажчаа баарааж̇игоби ж̇аад̇ид̇о убасамбаннадтаанз д̇идтад̇ийд̇и ‘‘бан̣д̣аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’’д̇иаад̣̇инаа (махаава. 109) наязна вуд̇д̇зсу бана важ̇ж̇анийяабуг̇г̇алзсу гожи буг̇г̇ало ‘‘убасамбанно’’д̇и вужжад̇и, ноби убасамбаннадтаанз д̇идтад̇и, гожи д̇идтад̇ийд̇и взд̣̇ид̇аб̣б̣ам̣.
Yasmā akuppampi ekaccaṃ na ṭhānārahaṃ, yena appatto osāraṇaṃ ‘‘sosārito’’ti campeyyakkhandhake (mahāva. 395 ādayo) vuccati, tasmā ‘‘ṭhānārahenā’’ti vuttaṃ. Yadi evaṃ ‘‘ṭhānārahenā’’ti idameva padaṃ vattabbaṃ, na pubbapadaṃ iminā akuppasiddhitoti ce? Taṃ na, aṭṭhānārahena akuppena upasampanno imasmiṃ atthe anadhippetoti aniṭṭhappasaṅgato. Dvīhi panetehi ekato vuttehi ayamattho paññāyati ‘‘kevalaṃ tena akuppena upasampanno ayampi imasmiṃ atthe adhippeto ‘bhikkhū’ti, ṭhānārahena ca upasampanno ayampi imasmiṃ atthe adhippeto ‘bhikkhū’ti, kuppena upasampanno nādhippeto’’ti. Tenāyampi attho sādhito hoti ‘‘yo pana, bhikkhu, jānaṃ ūnavīsativassaṃ puggalaṃ upasampādeyya, so ca puggalo anupasampanno’’ti (pāci. 403) vacanato yāva na ñāyati, tāva samaññāyabhikkhupaṭiññāyabhikkhubhāvaṃ upagatopi na pubbe dassitasamaññāyabhikkhupaṭiññāyabhikkhu viya aññesaṃ bhikkhūnaṃ upasampannaṭṭhāne ṭhatvā omasanapācittiyādivatthu hoti, kevalaṃ anupasampannaṭṭhāne ṭhatvā ‘‘anupasampanne upasampannasaññī padaso dhammaṃ vāceti, āpatti pācittiyassā’’tiādi (pāci. 47) āpattivatthumeva hutvā tiṭṭhati. Akuppena upasampanno pana pacchā pārājikopi jātito upasampannaṭṭhāne tiṭṭhatīti ‘‘paṇḍako, bhikkhave, anupasampanno na upasampādetabbo, upasampanno nāsetabbo’’tiādinā (mahāva. 109) nayena vuttesu pana vajjanīyapuggalesu koci puggalo ‘‘upasampanno’’ti vuccati, nopi upasampannaṭṭhāne tiṭṭhati, koci tiṭṭhatīti veditabbaṃ.
зд̇т̇а бана ад̇т̇и гаммам̣ агуббам̣ таанаарахам̣, ад̇т̇и таанаарахам̣ наагуббам̣, ад̇т̇и агуббан̃жзва на таанаарахан̃жа, ад̇т̇и наагуббам̣ на жа таанаараханд̇и ид̣̇ам̣ жад̇уггам̣ взд̣̇ид̇аб̣б̣ам̣. д̇ад̇т̇а батамам̣ д̇аава вуд̇д̇ам̣, д̇ад̇ияажад̇уд̇т̇аани баагадаани. д̣̇уд̇ияам̣ барияааязна бхигкунисан̇гхад̇о згад̇оубасамбаннааяа лин̇г̇абаривад̇д̇з сад̇и лаб̣бхад̇и. д̇асса хи буг̇г̇аласса буб̣б̣з сигкамаанагаалз лад̣̇д̇хам̣ н̃ад̇д̇ижад̇уд̇т̇аубасамбад̣̇аагаммам̣ гин̃жааби агуббан̃жзва таанаарахан̃жа, бурисалин̇г̇з бана баад̇убхууд̇з ‘‘ануж̇аанаами, бхигкавз, д̇ам̣язва убаж̇жхам̣ д̇амзва убасамбад̣̇а’’нд̇и (баараа. 69) зд̇т̇а абарияаабаннад̇д̇аа д̇асса буг̇г̇аласса гзвалам̣ сааман̣зрабхааваабад̇д̇ид̇о гаммам̣ д̣̇аани губбам̣ ж̇аад̇анд̇и вужжад̇и. лин̇г̇абаривад̇д̇зна жийварасса ад̇хидтаанавиж̇аханам̣ вияа д̇асса буг̇г̇аласса бхигкунисан̇гхзна гад̇ааяа убасамбад̣̇ааяа виж̇аханам̣ ход̇ийд̇и взд̣̇ид̇аб̣б̣ам̣, ан̃н̃ат̇аа со буг̇г̇ало убасамбанно бхигкууд̇и аабаж̇ж̇ад̇и. ат̇а ваа лин̇г̇абаривад̇д̇з асад̇ибид̇ам̣ згад̇оубасамбад̣̇аагаммам̣ губбад̇и, яат̇аатаанз на д̇идтад̇и. д̇асмаа на д̇аава саа ‘‘бхигкуний’’д̇и сан̇кяам̣ г̇ажчад̇и. яасмаа ан̃н̃ад̇арам̣ баарааж̇игам̣ д̇хаммам̣ аабаж̇ж̇ид̇вааби анаабаж̇ж̇ид̇вааби уббаб̣б̣аж̇ид̇угаамад̇ааяа г̇ихилин̇г̇ам̣ саад̣̇ияанд̇ияаа бунаби убасамбад̣̇аа убхад̇осан̇гхз лаб̣бхад̇и, д̇асмаа д̇зна барияааязна ‘‘губбад̇ийд̇и губба’’нд̇и вужжад̇и, яат̇аавуд̇д̇агаммад̣̇осаабхаавад̇о бана ‘‘таанаараха’’нд̇и. бхигкуний бана г̇ихилин̇г̇ам̣ саад̣̇ияанд̇игаалз на бурисалин̇г̇абаад̇убхаавз сад̇и бхигкуусу убасамбад̣̇ам̣ лаб̣бхад̇ийд̇и саад̇хагам̣ гааран̣ам̣ на д̣̇иссад̇и, сигкам̣ бажжагкааяа уббаб̣б̣аж̇ид̇аа жз, лабхад̇ийд̇и згз, д̇ам̣ банааяуд̇д̇ам̣ бхигкунияаа сигкаабажжагканаабхаавад̇од̇и амхаагам̣ канд̇ийд̇и аажарияо. ‘‘яат̇аа ‘гад̇д̇аб̣б̣а’нд̇и вуд̇д̇ам̣, д̇ат̇аа агад̇з губбад̇ийд̇и гад̇ваа гаран̣ам̣ сад̇т̇усаасана’’нд̇и г̇ан̣тибад̣̇з вуд̇д̇ам̣. яад̇т̇а яад̇т̇а ‘‘г̇ан̣тибад̣̇з’’д̇и вужжад̇и, д̇ад̇т̇а д̇ад̇т̇а ‘‘д̇хаммасирид̇т̇зрасса г̇ан̣тибад̣̇з’’д̇и г̇ахзд̇аб̣б̣ам̣.
Ettha pana atthi kammaṃ akuppaṃ ṭhānārahaṃ, atthi ṭhānārahaṃ nākuppaṃ, atthi akuppañceva na ṭhānārahañca, atthi nākuppaṃ na ca ṭhānārahanti idaṃ catukkaṃ veditabbaṃ. Tattha paṭhamaṃ tāva vuttaṃ, tatiyacatutthāni pākaṭāni. Dutiyaṃ pariyāyena bhikkhunisaṅghato ekatoupasampannāya liṅgaparivatte sati labbhati. Tassa hi puggalassa pubbe sikkhamānakāle laddhaṃ ñatticatutthaupasampadākammaṃ kiñcāpi akuppañceva ṭhānārahañca, purisaliṅge pana pātubhūte ‘‘anujānāmi, bhikkhave, taṃyeva upajjhaṃ tameva upasampada’’nti (pārā. 69) ettha apariyāpannattā tassa puggalassa kevalaṃ sāmaṇerabhāvāpattito kammaṃ dāni kuppaṃ jātanti vuccati. Liṅgaparivattena cīvarassa adhiṭṭhānavijahanaṃ viya tassa puggalassa bhikkhunisaṅghena katāya upasampadāya vijahanaṃ hotīti veditabbaṃ, aññathā so puggalo upasampanno bhikkhūti āpajjati. Atha vā liṅgaparivatte asatipitaṃ ekatoupasampadākammaṃ kuppati, yathāṭhāne na tiṭṭhati. Tasmā na tāva sā ‘‘bhikkhunī’’ti saṅkhyaṃ gacchati. Yasmā aññataraṃ pārājikaṃ dhammaṃ āpajjitvāpi anāpajjitvāpi uppabbajitukāmatāya gihiliṅgaṃ sādiyantiyā punapi upasampadā ubhatosaṅghe labbhati, tasmā tena pariyāyena ‘‘kuppatīti kuppa’’nti vuccati, yathāvuttakammadosābhāvato pana ‘‘ṭhānāraha’’nti. Bhikkhunī pana gihiliṅgaṃ sādiyantikāle na purisaliṅgapātubhāve sati bhikkhūsu upasampadaṃ labbhatīti sādhakaṃ kāraṇaṃ na dissati, sikkhaṃ paccakkhāya uppabbajitā ce, labhatīti eke, taṃ panāyuttaṃ bhikkhuniyā sikkhāpaccakkhanābhāvatoti amhākaṃ khantīti ācariyo. ‘‘Yathā ‘kattabba’nti vuttaṃ, tathā akate kuppatīti katvā karaṇaṃ satthusāsana’’nti gaṇṭhipade vuttaṃ. Yattha yattha ‘‘gaṇṭhipade’’ti vuccati, tattha tattha ‘‘dhammasirittherassa gaṇṭhipade’’ti gahetabbaṃ.
