| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
92. г̇аамаа ваа аран̃н̃аа ваад̇и лагкан̣аанубан̃н̃ад̇д̇игад̇д̇аа батамабан̃н̃ад̇д̇ияаа аад̣̇имхи вуд̇д̇аа. яад̇о ваа абагганд̇аа, со амануссо наама. ‘‘амануссаг̇аамам̣ абаарубид̇ваа, г̇аамаббавзсанан̃жа анаабужчаа бависид̇ум̣ ваддад̇ий’’д̇и ануг̇ан̣тибад̣̇з вуд̇д̇ам̣. ‘‘яад̇о г̇аамад̇о ааг̇анд̇угаамаа зва абагганд̇аа, д̇ам̣ г̇аамам̣ звам̣ бависид̇ум̣ на ваддад̇ий’’д̇и вад̣̇анд̇и згз. гзжи бана ‘‘яагкабариг̇г̇ахабхууд̇оби аабан̣аад̣̇ийсу д̣̇иссамаанзсу зва ‘г̇аамо’д̇и сан̇кяам̣ г̇ажчад̇и, ад̣̇иссамаанзсу бавзсанз анаабад̇д̇ий’’д̇и вад̣̇анд̇и. ‘‘г̇аамо зва убажааро г̇аамуубажаарод̇и звам̣ гаммад̇хаараяавасзна г̇ахид̇з гурунд̣̇адтагат̇аад̣̇ийсу вуд̇д̇амби сувуд̇д̇амзва ход̇ий’’д̇и вад̣̇анд̇и. ‘‘д̇асса гхаруубажааро г̇аамод̇и аабаж̇ж̇ад̇ий’’д̇и важанам̣ бадигкибад̇и. ‘‘г̇аамассубажааро жа г̇аамо жа г̇аамуубажааро жаа’’д̇и вад̣̇анд̇и, д̇ам̣ вируж̇жхад̇и, на. ‘‘имзсам̣ лаабхаад̣̇ийсу лагкан̣ам̣ санд̇хааяа махааадтагат̇ааяам̣ ‘гхарам̣ гхаруубажааро’д̇иаад̣̇и вуд̇д̇ам̣, д̇ам̣ на маяам̣ бадигкибаамаа’’д̇и жа вад̣̇анд̇и. ‘‘гад̇абаригкзбо жаад̇и гхарасса саманд̇ад̇о д̇ад̇д̇аго убажааро наамаа’’д̇и г̇ан̣тибад̣̇з ликид̇ам̣. ануг̇ан̣тибад̣̇з бана ‘‘яо яо адтагат̇ааваад̣̇о ваа т̇зраваад̣̇о ваа бажчаа вужжад̇ийд̇и ид̇о анааг̇ад̇ам̣ санд̇хааяа вуд̇д̇ам̣, наад̇ийд̇ам̣. яад̣̇и ад̇ийд̇амби санд̇хааяа вуд̇д̇ам̣, махаабад̣̇умат̇зраваад̣̇ова бамаан̣ам̣ ж̇аад̇анд̇и аабаж̇ж̇ад̇и, д̇асмаа анааг̇ад̇амзва санд̇хааяа вуд̇д̇анд̇и аажарияаа гат̇аяанд̇ий’’д̇и вуд̇д̇ам̣. сзсамбийд̇и г̇аамуубажааралагкан̣амби.
92.Gāmā vā araññā vāti lakkhaṇānupaññattikattā paṭhamapaññattiyā ādimhi vuttā. Yato vā apakkantā, so amanusso nāma. ‘‘Amanussagāmaṃ apārupitvā, gāmappavesanañca anāpucchā pavisituṃ vaṭṭatī’’ti anugaṇṭhipade vuttaṃ. ‘‘Yato gāmato āgantukāmā eva apakkantā, taṃ gāmaṃ evaṃ pavisituṃ na vaṭṭatī’’ti vadanti eke. Keci pana ‘‘yakkhapariggahabhūtopi āpaṇādīsu dissamānesu eva ‘gāmo’ti saṅkhyaṃ gacchati, adissamānesu pavesane anāpattī’’ti vadanti. ‘‘Gāmo eva upacāro gāmūpacāroti evaṃ kammadhārayavasena gahite kurundaṭṭhakathādīsu vuttampi suvuttameva hotī’’ti vadanti. ‘‘Tassa gharūpacāro gāmoti āpajjatī’’ti vacanaṃ paṭikkhipati. ‘‘Gāmassupacāro ca gāmo ca gāmūpacāro cā’’ti vadanti, taṃ virujjhati, na. ‘‘Imesaṃ lābhādīsu lakkhaṇaṃ sandhāya mahāaṭṭhakathāyaṃ ‘gharaṃ gharūpacāro’tiādi vuttaṃ, taṃ na mayaṃ paṭikkhipāmā’’ti ca vadanti. ‘‘Kataparikkhepocāti gharassa samantato tattako upacāro nāmā’’ti gaṇṭhipade likhitaṃ. Anugaṇṭhipade pana ‘‘yo yo aṭṭhakathāvādo vā theravādo vā pacchā vuccatīti ito anāgataṃ sandhāya vuttaṃ, nātītaṃ. Yadi atītampi sandhāya vuttaṃ, mahāpadumatheravādova pamāṇaṃ jātanti āpajjati, tasmā anāgatameva sandhāya vuttanti ācariyā kathayantī’’ti vuttaṃ. Sesampīti gāmūpacāralakkhaṇampi.
д̇ад̇рааяам̣ наяод̇и д̇асса г̇аамуубажаарасса г̇ахан̣з аяам̣ наяо. вигаалзг̇аамаббавзсанаад̣̇ийсууд̇и зд̇т̇а ‘‘г̇аамаббавзсанан̃хи б̣ахи зва аабужчид̇аб̣б̣а’’нд̇и г̇ан̣тибад̣̇з вуд̇д̇ам̣. ‘‘д̇ам̣ адтагат̇ааяа на самзд̇ий’’д̇и вад̣̇анд̇и. ‘‘г̇аамасан̇каад̇уубажаарам̣ санд̇хааяа вуд̇д̇а’’нд̇и г̇ахид̇з самзд̇ийд̇и мама д̇агго. ‘‘аад̣̇и-сад̣̇д̣̇ад̇о гхарз тид̇аанам̣ д̣̇инналаабхабхааж̇анаад̣̇ийний’’д̇и г̇ан̣тибад̣̇з вуд̇д̇ам̣. ‘‘г̇аамуубажаарз тид̇аанам̣ баабун̣ид̇аб̣б̣алаабхам̣ сан̃жижжа ад̣̇знд̇аанам̣ баарааж̇ига’’нд̇и ануг̇ан̣тибад̣̇з вуд̇д̇ам̣. гин̃жааби гурунд̣̇иаад̣̇ийсу баал̣ияам̣ вуд̇д̇аважанаануломавасзна вуд̇д̇ад̇д̇аа ‘‘бамаад̣̇алзкаа’’д̇и на вад̇д̇аб̣б̣ам̣, махааадтагат̇ааяам̣ вуд̇д̇авинижчаяо сан̇г̇ийд̇ид̇о бадтааяа ааг̇ад̇о. ‘‘яан̃жзд̇ам̣ махааадтагат̇ааяа’’нд̇иаад̣̇и сийхал̣ад̣̇ийбз адтагат̇аажариязхи вуд̇д̇ам̣ ‘‘винижчаяанаяо’’д̇и жа. лзд̣д̣убаад̇знзва барижчинд̣̇ид̇аб̣б̣од̇и баригкзбаарахадтаанам̣, на убажаарам̣. со хи д̇ад̇о абарзна лзд̣д̣убаад̇зна баражчинно. имасмим̣ ад̣̇иннаад̣̇аанасигкаабад̣̇зд̇и нияамзна ан̃н̃ад̇т̇а ан̃н̃ат̇аад̇и ад̇т̇ад̇о вуд̇д̇ам̣ ход̇и. д̇зна ваа нияамзна яат̇ааруд̇авасзнааби ад̇т̇о ид̇ха яуж̇ж̇ад̇и. абхид̇хаммз банаад̇иаад̣̇инаа ан̃н̃ат̇ааби ад̇т̇аабад̇д̇исид̣̇д̇хам̣ д̣̇ассзд̇и.
Tatrāyaṃ nayoti tassa gāmūpacārassa gahaṇe ayaṃ nayo. Vikālegāmappavesanādīsūti ettha ‘‘gāmappavesanañhi bahi eva āpucchitabba’’nti gaṇṭhipade vuttaṃ. ‘‘Taṃ aṭṭhakathāya na sametī’’ti vadanti. ‘‘Gāmasaṅkhātūpacāraṃ sandhāya vutta’’nti gahite sametīti mama takko. ‘‘Ādi-saddato ghare ṭhitānaṃ dinnalābhabhājanādīnī’’ti gaṇṭhipade vuttaṃ. ‘‘Gāmūpacāre ṭhitānaṃ pāpuṇitabbalābhaṃ sañcicca adentānaṃ pārājika’’nti anugaṇṭhipade vuttaṃ. Kiñcāpi kurundiādīsu pāḷiyaṃ vuttavacanānulomavasena vuttattā ‘‘pamādalekhā’’ti na vattabbaṃ, mahāaṭṭhakathāyaṃ vuttavinicchayo saṅgītito paṭṭhāya āgato. ‘‘Yañcetaṃ mahāaṭṭhakathāya’’ntiādi sīhaḷadīpe aṭṭhakathācariyehi vuttaṃ ‘‘vinicchayanayo’’ti ca. Leḍḍupāteneva paricchinditabboti parikkhepārahaṭṭhānaṃ, na upacāraṃ. So hi tato aparena leḍḍupātena paracchinno. Imasmiṃ adinnādānasikkhāpadeti niyamena aññattha aññathāti atthato vuttaṃ hoti. Tena vā niyamena yathārutavasenāpi attho idha yujjati. Abhidhamme panātiādinā aññathāpi atthāpattisiddhaṃ dasseti.
‘‘барижжааг̇аад̣̇имхи агад̇з ‘ид̣̇ам̣ мама санд̇ага’нд̇и авид̣̇ид̇амби барабариг̇г̇ахид̇амзва буд̇д̇агаанам̣ бид̇у ажжаязна санд̇агам̣ вияа, д̇ам̣ ад̇т̇ад̇о абарижжад̇д̇з сан̇г̇ахам̣ г̇ажчад̇ий’’д̇и г̇ан̣тибад̣̇з вуд̇д̇ам̣. ‘‘т̇знасса гаммам̣ т̇зяяам̣, т̇знзна г̇ахзд̇аб̣б̣абхууд̇ам̣ бхан̣д̣ам̣. т̇зяяанд̇и сан̇каад̇анд̇и т̇зяяасан̇каад̇а’’нд̇и бораан̣аг̇ан̣тибад̣̇з вуд̇д̇ам̣. д̇ам̣ т̇зяяам̣ яасса т̇знасса гаммам̣, со яасмаа т̇зяяажид̇д̇о авахаран̣ажид̇д̇о ход̇и, д̇асмаа ‘‘т̇зяяасан̇каад̇а’’нд̇и бад̣̇ам̣ уд̣̇д̇харид̇ваа ‘‘т̇зяяажид̇д̇о авахаран̣ажид̇д̇о’’д̇и бад̣̇абхааж̇анамби д̇зсам̣ бораан̣аанам̣ яуж̇ж̇ад̇зва, д̇ат̇ааби адтагат̇ааяам̣ вуд̇д̇анаязнзва г̇ахзд̇аб̣б̣ам̣. ‘‘яан̃жа буб̣б̣абхааг̇з ‘авахариссаамий’д̇и бавад̇д̇ам̣ жид̇д̇ам̣, яан̃жа г̇аманаад̣̇исаад̇хагам̣, бараамасанаад̣̇исаад̇хагам̣ ваа маж̇жхз бавад̇д̇ам̣, яан̃жа таанаажааванабаяог̇асаад̇хагам̣ , д̇зсу аяамзвзго бажчимо жид̇д̇агодтаасо ид̇ха ад̇хиббзд̇о ‘т̇зно’д̇и абарз’’д̇и ануг̇ан̣тибад̣̇з вуд̇д̇ам̣. уунамаасагамаасабаад̣̇аад̣̇ийсу ‘‘авахаран̣ажид̇д̇зсу згажид̇д̇агодтаасод̇и аажарияаа вад̣̇анд̇ий’’д̇и вуд̇д̇ам̣.
‘‘Pariccāgādimhi akate ‘idaṃ mama santaka’nti aviditampi parapariggahitameva puttakānaṃ pitu accayena santakaṃ viya, taṃ atthato apariccatte saṅgahaṃ gacchatī’’ti gaṇṭhipade vuttaṃ. ‘‘Thenassa kammaṃ theyyaṃ, thenena gahetabbabhūtaṃ bhaṇḍaṃ. Theyyanti saṅkhātanti theyyasaṅkhāta’’nti porāṇagaṇṭhipade vuttaṃ. Taṃ theyyaṃ yassa thenassa kammaṃ, so yasmā theyyacitto avaharaṇacitto hoti, tasmā ‘‘theyyasaṅkhāta’’nti padaṃ uddharitvā ‘‘theyyacitto avaharaṇacitto’’ti padabhājanampi tesaṃ porāṇānaṃ yujjateva, tathāpi aṭṭhakathāyaṃ vuttanayeneva gahetabbaṃ. ‘‘Yañca pubbabhāge ‘avaharissāmī’ti pavattaṃ cittaṃ, yañca gamanādisādhakaṃ, parāmasanādisādhakaṃ vā majjhe pavattaṃ, yañca ṭhānācāvanapayogasādhakaṃ , tesu ayameveko pacchimo cittakoṭṭhāso idha adhippeto ‘theno’ti apare’’ti anugaṇṭhipade vuttaṃ. Ūnamāsakamāsapādādīsu ‘‘avaharaṇacittesu ekacittakoṭṭhāsoti ācariyā vadantī’’ti vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
