| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
172. уссуггаважананд̇и баагадасад̣̇д̣̇асан̃н̃аа гира, самаанагабад̣̇анд̇и вуд̇д̇ам̣ ход̇и. ‘‘суд̇ваа бхун̃ж̇анд̇ий’’д̇и зд̇т̇а вияа сан̃жижжа воробзд̇угаамасса сан̃жижжабад̣̇ам̣ воробанабад̣̇асса уссуггам̣, сан̃жзд̇анаа жа ж̇ийвид̇аа воробанан̃жа згассзваад̇и вуд̇д̇ам̣ ход̇и. на гзвалам̣ жзд̇асигамад̇д̇знзва ход̇и, баяог̇оби ижчид̇аб̣б̣о зваад̇и д̣̇ассзд̇ум̣ вуд̇д̇аанийд̇и гира убад̇иссад̇т̇зро. ‘‘ж̇аанид̇ваа сан̃ж̇аанид̇ваа жзжжа абхивид̇арид̇ваа’’д̇и вад̇д̇аб̣б̣з ‘‘ж̇аананд̇о…бз… вийд̇иггамо’’д̇и воробанамби д̣̇ассид̇ам̣, д̇асмаа б̣яан̃ж̇анз аад̣̇арам̣ агад̇ваа ад̇т̇о д̣̇ассид̇о. вийд̇иггамасан̇каад̇ад̇т̇асид̣̇д̇хияаа хи буримажзд̇анаа ад̇т̇асаад̇хигаа ход̇и. саб̣б̣асукумаад̇д̇абхааванд̇и руубам̣ санд̇хааяа вуд̇д̇ам̣, на аруубам̣. ад̇д̇асан̇каад̇аанан̃хи аруубаанам̣ канд̇хавибхан̇г̇з (вибха. 1 аад̣̇аяо) вияа ид̇ха ол̣ааригасукумад̇аа анад̇хиббзд̇аа. маад̇угужчисминд̇и язбхуяяаважанам̣, обабаад̇игамануссзби баарааж̇игамзва, аруубагааяз убаггамаабхааваа д̇аг̇г̇ахан̣ам̣ гасмаад̇и жз? аруубагканд̇хзна сад̣̇д̇хим̣ д̇ассзва руубагааяасса ж̇ийвид̇инд̣̇рияасамбхавад̇о. д̇зна саж̇ийвагова мануссавиг̇г̇ахоби наама ход̇ийд̇и сид̣̇д̇хам̣. зд̇т̇а маад̇угужчисминд̇и мануссамаад̇уяаа ваа д̇иражчаанамаад̇уяаа ваа. вуд̇д̇ан̃хи бариваарз (бари. 480) –
172.Ussukkavacananti pākaṭasaddasaññā kira, samānakapadanti vuttaṃ hoti. ‘‘Sutvā bhuñjantī’’ti ettha viya sañcicca voropetukāmassa sañciccapadaṃ voropanapadassa ussukkaṃ, sañcetanā ca jīvitā voropanañca ekassevāti vuttaṃ hoti. Na kevalaṃ cetasikamatteneva hoti, payogopi icchitabbo evāti dassetuṃ vuttānīti kira upatissatthero. ‘‘Jānitvā sañjānitvā cecca abhivitaritvā’’ti vattabbe ‘‘jānanto…pe… vītikkamo’’ti voropanampi dassitaṃ, tasmā byañjane ādaraṃ akatvā attho dassito. Vītikkamasaṅkhātatthasiddhiyā hi purimacetanā atthasādhikā hoti. Sabbasukhumaattabhāvanti rūpaṃ sandhāya vuttaṃ, na arūpaṃ. Attasaṅkhātānañhi arūpānaṃ khandhavibhaṅge (vibha. 1 ādayo) viya idha oḷārikasukhumatā anadhippetā. Mātukucchisminti yebhuyyavacanaṃ, opapātikamanussepi pārājikameva, arūpakāye upakkamābhāvā taggahaṇaṃ kasmāti ce? Arūpakkhandhena saddhiṃ tasseva rūpakāyassa jīvitindriyasambhavato. Tena sajīvakova manussaviggahopi nāma hotīti siddhaṃ. Ettha mātukucchisminti manussamātuyā vā tiracchānamātuyā vā. Vuttañhi parivāre (pari. 480) –
‘‘ид̇т̇им̣ ханз жа маад̇арам̣, бурисан̃жа бид̇арам̣ ханз;
‘‘Itthiṃ hane ca mātaraṃ, purisañca pitaraṃ hane;
маад̇арам̣ бид̇арам̣ ханд̇ваа, на д̇знаананд̇арам̣ пусз;
Mātaraṃ pitaraṃ hantvā, na tenānantaraṃ phuse;
бан̃хаа мзсаа гусалзхи жинд̇ид̇аа’’д̇и.
Pañhā mesā kusalehi cintitā’’ti.
батаманд̇и бадисанд̇хижид̇д̇амзва. згабхавабарияаабаннааяа хи жид̇д̇асанд̇ад̇ияаа бадисанд̇хижид̇д̇ам̣ батамажид̇д̇ам̣ наама. жуд̇ижид̇д̇ам̣ бажчимам̣ наама. ан̃н̃ат̇аа анамад̇аг̇г̇з сам̣саарз батамажид̇д̇ам̣ наама над̇т̇и винаа ананд̇арасамананд̇аранад̇т̇ивиг̇ад̇абажжаязхи жид̇д̇уббад̇д̇ияаа абхаавад̇о. бхаавз ваа навасад̇д̇абаад̇убхаавад̣̇осаббасан̇г̇о. аяам̣ саб̣б̣абатамо мануссавиг̇г̇аход̇и гин̃жааби имам̣ ж̇ийвид̇аа воробзд̇ум̣ на саггаа, д̇ам̣ аад̣̇им̣ гад̇ваа санд̇ад̇ияаа яаава маран̣аа уббаж̇ж̇анагамануссавиг̇г̇ахзсу абаримаан̣зсу ‘‘саб̣б̣абатамо’’д̇и д̣̇иссад̇и. яад̣̇аа бана яо мануссавиг̇г̇ахо буб̣б̣аабарияавасзна санд̇ад̇иббад̇д̇о ход̇и, д̇ад̣̇аа д̇ам̣ ж̇ийвид̇аа воробзд̇ум̣ саггаа. санд̇ад̇им̣ вигобзнд̇о хи ж̇ийвид̇аа воробзд̇и наама. зд̇т̇а жа наанад̇д̇анаяз ад̇хиббзд̇з сад̇и ‘‘саб̣б̣абатамо’’д̇и важанам̣ яуж̇ж̇ад̇и, на бана згад̇д̇анаяз санд̇ад̇ияаа згад̇д̇аа. згад̇д̇анаяо жа ид̇хаад̇хиббзд̇о ‘‘санд̇ад̇им̣ вигобзд̇ий’’д̇и важанад̇о, д̇асмаа ‘‘саб̣б̣абатамо’’д̇и важанам̣ на яуж̇ж̇ад̇ийд̇и жз? на, санд̇ад̇ибажжуббаннаб̣ахуд̇д̇аа. яасмаа бана санд̇ад̇и наама анзгзсам̣ буб̣б̣аабарияуббад̇д̇и вужжад̇и, д̇асмаа ‘‘аяам̣ саб̣б̣абатамо’’д̇и вуд̇д̇о, звамзд̇т̇а д̣̇взби наяаа сан̇г̇ахам̣ г̇ажчанд̇и, ан̃н̃ат̇аа ‘‘санд̇ад̇им̣ вигобзд̇ий’’д̇и ид̣̇ам̣ важанам̣ на сиж̇жхад̇и. гин̃жааби зд̇т̇а ‘‘санд̇ад̇им̣ вигобзд̇ий’’д̇и важанад̇о санд̇ад̇ибажжуббаннамзва ад̇хиббзд̇ам̣, на ад̣̇д̇хаабажжуббаннам̣ вияа д̣̇иссад̇и, д̇ат̇ааби яасмаа санд̇ад̇ибажжуббаннз вигобид̇з ад̣̇д̇хаабажжуббаннам̣ вигобид̇амзва ход̇и, ад̣̇д̇хаабажжуббаннз бана вигобид̇з санд̇ад̇ибажжуббаннам̣ вигобид̇ам̣ ход̇ийд̇и зд̇т̇а вад̇д̇аб̣б̣ам̣ над̇т̇и. д̇асмаа адтагат̇ааяам̣ ‘‘д̇ад̣̇убхаяамби воробзд̇ум̣ саггаа, д̇асмаа д̇ад̣̇зва санд̇хааяа ‘санд̇ад̇им̣ вигобзд̇ий’д̇и ид̣̇ам̣ вуд̇д̇анд̇и взд̣̇ид̇аб̣б̣а’’нд̇и ааха. ‘‘санд̇ад̇им̣ вигобзд̇ий’’д̇и важанад̇о багад̇ияаа ааяубарияанд̇ам̣ бад̇ваа маран̣агасад̇д̇з вийд̇иггамз сад̇и анаабад̇д̇и вийд̇иггамабажжаяаа санд̇ад̇ияаа агобид̇ад̇д̇аа. вийд̇иггамабажжаяаа жз ааяубарияанд̇ам̣ аббад̇ваа анд̇араава маран̣агасад̇д̇з вийд̇иггамабажжаяаа аабад̇д̇и, гаммаб̣ад̣̇д̇хо жаад̇и но д̇аггод̇и аажарияо. ‘‘маран̣аван̣н̣ам̣ ваа сам̣ван̣н̣зяяа, маран̣ааяа ваа самаад̣̇абзяяа, аяамби баарааж̇иго ход̇и асам̣ваасо’’д̇и важанад̇о ваа жзд̇анаагкан̣з зва баарааж̇игаабад̇д̇и зганд̇аагусалад̇д̇аа, д̣̇угкавзд̣̇анад̇д̇аа, гааяагаммад̇д̇аа, важийгаммад̇д̇аа, гирияад̇д̇аа жаад̇и взд̣̇ид̇аб̣б̣ам̣.
Paṭhamanti paṭisandhicittameva. Ekabhavapariyāpannāya hi cittasantatiyā paṭisandhicittaṃ paṭhamacittaṃ nāma. Cuticittaṃ pacchimaṃ nāma. Aññathā anamatagge saṃsāre paṭhamacittaṃ nāma natthi vinā anantarasamanantaranatthivigatapaccayehi cittuppattiyā abhāvato. Bhāve vā navasattapātubhāvadosappasaṅgo. Ayaṃ sabbapaṭhamo manussaviggahoti kiñcāpi imaṃ jīvitā voropetuṃ na sakkā, taṃ ādiṃ katvā santatiyā yāva maraṇā uppajjanakamanussaviggahesu aparimāṇesu ‘‘sabbapaṭhamo’’ti dissati. Yadā pana yo manussaviggaho pubbāpariyavasena santatippatto hoti, tadā taṃ jīvitā voropetuṃ sakkā. Santatiṃ vikopento hi jīvitā voropeti nāma. Ettha ca nānattanaye adhippete sati ‘‘sabbapaṭhamo’’ti vacanaṃ yujjati, na pana ekattanaye santatiyā ekattā. Ekattanayo ca idhādhippeto ‘‘santatiṃ vikopetī’’ti vacanato, tasmā ‘‘sabbapaṭhamo’’ti vacanaṃ na yujjatīti ce? Na, santatipaccuppannabahuttā. Yasmā pana santati nāma anekesaṃ pubbāpariyuppatti vuccati, tasmā ‘‘ayaṃ sabbapaṭhamo’’ti vutto, evamettha dvepi nayā saṅgahaṃ gacchanti, aññathā ‘‘santatiṃ vikopetī’’ti idaṃ vacanaṃ na sijjhati. Kiñcāpi ettha ‘‘santatiṃ vikopetī’’ti vacanato santatipaccuppannameva adhippetaṃ, na addhāpaccuppannaṃ viya dissati, tathāpi yasmā santatipaccuppanne vikopite addhāpaccuppannaṃ vikopitameva hoti, addhāpaccuppanne pana vikopite santatipaccuppannaṃ vikopitaṃ hotīti ettha vattabbaṃ natthi. Tasmā aṭṭhakathāyaṃ ‘‘tadubhayampi voropetuṃ sakkā, tasmā tadeva sandhāya ‘santatiṃ vikopetī’ti idaṃ vuttanti veditabba’’nti āha. ‘‘Santatiṃ vikopetī’’ti vacanato pakatiyā āyupariyantaṃ patvā maraṇakasatte vītikkame sati anāpatti vītikkamapaccayā santatiyā akopitattā. Vītikkamapaccayā ce āyupariyantaṃ appatvā antarāva maraṇakasatte vītikkamapaccayā āpatti, kammabaddho cāti no takkoti ācariyo. ‘‘Maraṇavaṇṇaṃ vā saṃvaṇṇeyya, maraṇāya vā samādapeyya, ayampi pārājiko hoti asaṃvāso’’ti vacanato vā cetanākkhaṇe eva pārājikāpatti ekantākusalattā, dukkhavedanattā, kāyakammattā, vacīkammattā, kiriyattā cāti veditabbaṃ.
сад̇д̇адтаж̇аванаваарамад̇д̇анд̇и сабхааг̇аарамман̣авасзна вуд̇д̇ам̣, д̇знзва ‘‘сабхааг̇асанд̇ад̇ивасзнаа’’д̇иаад̣̇и вуд̇д̇ам̣ . ад̇д̇ано бадибагкзна саманнааг̇ад̇ад̇д̇аа самананд̇арасса бажжаяам̣ хонд̇ам̣ яат̇аа бурз вияа ахуд̇ваа д̣̇уб̣б̣аласса. д̇анд̇и ж̇ийвид̇инд̣̇рияавигобанам̣.
Sattaṭṭhajavanavāramattanti sabhāgārammaṇavasena vuttaṃ, teneva ‘‘sabhāgasantativasenā’’tiādi vuttaṃ . Attano paṭipakkhena samannāgatattā samanantarassa paccayaṃ hontaṃ yathā pure viya ahutvā dubbalassa. Tanti jīvitindriyavikopanaṃ.
ийд̇инд̇и сад̇д̇авид̇хавижчигаад̣̇ийни яуд̣̇д̇хз д̣ам̣сид̇ваа мааран̣ад̇т̇ам̣ виссаж̇ж̇знд̇и. баж̇ж̇араганд̇и сарийрад̣аахам̣. суужиганд̇и суулам̣. висуужиганд̇и сугкамаад̇исаарам̣васаяам̣. багканд̣̇ияанд̇и рад̇д̇аад̇исаарам̣. д̣̇вад̇д̇иб̣яаамасад̇аббамаан̣з махаагааяз нимминид̇ваа тид̇анааг̇уд̣̇д̇харан̣ам̣, гуж̇жхид̇ваа ологид̇з барзсам̣ гааяз висамаран̣ам̣ ваа д̣аахуббаад̣̇анам̣ ваа баяог̇о наама.
Ītinti sattavidhavicchikādīni yuddhe ḍaṃsitvā māraṇatthaṃ vissajjenti. Pajjarakanti sarīraḍāhaṃ. Sūcikanti sūlaṃ. Visūcikanti sukkhamātisāraṃvasayaṃ. Pakkhandiyanti rattātisāraṃ. Dvattibyāmasatappamāṇe mahākāye nimminitvā ṭhitanāguddharaṇaṃ, kujjhitvā olokite paresaṃ kāye visamaraṇaṃ vā ḍāhuppādanaṃ vā payogo nāma.
гзжийд̇и махаасан̇гхигаа. аяам̣ ид̇т̇ий. гулумб̣ассаад̇и г̇аб̣бхасса. гат̇ам̣ саа ид̇арассаад̇и жз? д̇асса д̣̇удтзна манасаанубагкид̇з со жа г̇аб̣бхо саа жа ид̣̇д̇хийд̇и убхаяамби сахзва нассад̇и, гхадаг̇г̇ийнам̣ бхзд̣̇аниб̣б̣ааяанам̣ вияа згагкан̣з ход̇и. ‘‘д̇зсам̣ суд̇д̇анд̇игзсу ожарияамаанам̣ на самзд̇ий’’д̇и ликид̇ам̣, ‘‘д̇зсам̣ мад̇ам̣ г̇ахзд̇ваа ‘т̇ааварийнамби аяам̣ яуж̇ж̇ад̇ий’д̇и вуд̇д̇з д̇игавасзна бадисзд̇хид̇аб̣б̣анд̇и абарз’’д̇и вуд̇д̇ам̣. саахад̇т̇иганиссаг̇г̇ияабаяог̇зсу саннидтаабагажзд̇анааяа сад̇д̇амааяа сахуббаннагааяавин̃н̃ад̇д̇ияаа саахад̇т̇игад̇аа взд̣̇ид̇аб̣б̣аа. аан̣ад̇д̇игз бана сад̇д̇ахиби жзд̇анаахи саха важийвин̃н̃ад̇д̇исамбхавад̇о сад̇д̇асад̇д̇а сад̣̇д̣̇аа згад̇о худ̇ваа згзгагкарабхаавам̣ г̇анд̇ваа яад̇д̇агзхи агкарзхи ад̇д̇ано ад̇хиббааяам̣ вин̃н̃аабзд̇и, д̇ад̣̇авасаанагкарасамудтаабигааяа сад̇д̇амажзд̇анааяа сахаж̇аад̇аважийвин̃н̃ад̇д̇ияаа аан̣ад̇д̇игад̇аа взд̣̇ид̇аб̣б̣аа. д̇ат̇аа виж̇ж̇аамаяабаяог̇з. гааязнаан̣ад̇д̇ияам̣ бана саахад̇т̇игз вуд̇д̇анаяова. т̇ааварабаяог̇з яаавад̇аа барасса маран̣ам̣ ход̇и, д̇аавад̇аа гаммаб̣ад̣̇д̇хо, аабад̇д̇и жа. д̇ад̇о барам̣ ад̇исан̃жаран̣з гаммаб̣ад̣̇д̇хаад̇иб̣ахуд̇д̇ам̣ взд̣̇ид̇аб̣б̣ам̣ сад̇и барам̣ маран̣з. баарааж̇игаабад̇д̇и банзд̇т̇а згаа. ад̇т̇асаад̇хагажзд̇анаа яасмаа зд̇т̇а жа д̣̇уд̇ияабаарааж̇игз жа лаб̣бхад̇и, на ан̃н̃ад̇т̇а, д̇асмаа д̣̇виннамби саад̇хааран̣аа имаа г̇аат̇ааяо –
Kecīti mahāsaṅghikā. Ayaṃ itthī. Kulumbassāti gabbhassa. Kathaṃ sā itarassāti ce? Tassa duṭṭhena manasānupakkhite so ca gabbho sā ca iddhīti ubhayampi saheva nassati, ghaṭaggīnaṃ bhedanibbāyanaṃ viya ekakkhaṇe hoti. ‘‘Tesaṃ suttantikesu ocariyamānaṃ na sametī’’ti likhitaṃ, ‘‘tesaṃ mataṃ gahetvā ‘thāvarīnampi ayaṃ yujjatī’ti vutte tikavasena paṭisedhitabbanti apare’’ti vuttaṃ. Sāhatthikanissaggiyapayogesu sanniṭṭhāpakacetanāya sattamāya sahuppannakāyaviññattiyā sāhatthikatā veditabbā. Āṇattike pana sattahipi cetanāhi saha vacīviññattisambhavato sattasatta saddā ekato hutvā ekekakkharabhāvaṃ gantvā yattakehi akkharehi attano adhippāyaṃ viññāpeti, tadavasānakkharasamuṭṭhāpikāya sattamacetanāya sahajātavacīviññattiyā āṇattikatā veditabbā. Tathā vijjāmayapayoge. Kāyenāṇattiyaṃ pana sāhatthike vuttanayova. Thāvarapayoge yāvatā parassa maraṇaṃ hoti, tāvatā kammabaddho, āpatti ca. Tato paraṃ atisañcaraṇe kammabaddhātibahuttaṃ veditabbaṃ sati paraṃ maraṇe. Pārājikāpatti panettha ekā. Atthasādhakacetanā yasmā ettha ca dutiyapārājike ca labbhati, na aññattha, tasmā dvinnampi sādhāraṇā imā gāthāyo –
‘‘бхууд̇ад̇хамманияаамаа яз, д̇з д̇хаммаа нияад̇аа мад̇аа;
‘‘Bhūtadhammaniyāmā ye, te dhammā niyatā matā;
бхаавид̇хамманияаамаа яз, д̇зва анияад̇аа ид̇ха.
Bhāvidhammaniyāmā ye, teva aniyatā idha.
‘‘бхууд̇ад̇хамманияаамаанам̣, тид̇аава саа бажжаяадтид̇и;
‘‘Bhūtadhammaniyāmānaṃ, ṭhitāva sā paccayaṭṭhiti;
бхаавид̇хамманияаамаанам̣, саабзгкаа бажжаяадтид̇и.
Bhāvidhammaniyāmānaṃ, sāpekkhā paccayaṭṭhiti.
‘‘д̇знан̃н̃аа хзд̇уяаа ад̇т̇и, сааби д̇хамманияаамад̇аа;
‘‘Tenaññā hetuyā atthi, sāpi dhammaniyāmatā;
д̇ассаа палам̣ анияад̇ам̣, палаабзгкаа нияаамад̇аа.
Tassā phalaṃ aniyataṃ, phalāpekkhā niyāmatā.
‘‘зван̃хи саб̣б̣ад̇хаммаанам̣, тид̇аа д̇хамманияаамад̇аа;
‘‘Evañhi sabbadhammānaṃ, ṭhitā dhammaniyāmatā;
лад̣̇д̇хад̇хамманияаамаа яаа, саад̇т̇асаад̇хагажзд̇анаа.
Laddhadhammaniyāmā yā, sātthasādhakacetanā.
‘‘жзд̇анаасид̣̇д̇хид̇о буб̣б̣з, бажчаа д̇ассаад̇т̇асид̣̇д̇хид̇о;
‘‘Cetanāsiddhito pubbe, pacchā tassātthasiddhito;
ависзсзна саб̣б̣ааби, чаб̣б̣ид̇хаа ад̇т̇асаад̇хигаа.
Avisesena sabbāpi, chabbidhā atthasādhikā.
‘‘аан̣ад̇д̇ияам̣ яад̇о саггаа, вибхаавзд̇ум̣ вибхааг̇ад̇о;
‘‘Āṇattiyaṃ yato sakkā, vibhāvetuṃ vibhāgato;
д̇асмаа аан̣ад̇д̇ияам̣язва, вуд̇д̇аа саа ад̇т̇асаад̇хигаа.
Tasmā āṇattiyaṃyeva, vuttā sā atthasādhikā.
‘‘мижчад̇д̇з вааби саммад̇д̇з, нияад̇аанияад̇аа мад̇аа;
‘‘Micchatte vāpi sammatte, niyatāniyatā matā;
абхид̇хаммз на саб̣б̣ад̇т̇и, д̇ад̇т̇а саа нияад̇аа сияаа.
Abhidhamme na sabbatthi, tattha sā niyatā siyā.
‘‘яаа т̇зяяажзд̇анаа саб̣б̣аа, сахад̇т̇аан̣ад̇д̇игааби ваа;
‘‘Yā theyyacetanā sabbā, sahatthāṇattikāpi vā;
абхид̇хамманаязнааяам̣, зганд̇анияад̇аа сияаа.
Abhidhammanayenāyaṃ, ekantaniyatā siyā.
‘‘баан̣аад̇ибаад̇ам̣ ниссааяа, сахад̇т̇аан̣ад̇д̇игаад̣̇игаа;
‘‘Pāṇātipātaṃ nissāya, sahatthāṇattikādikā;
абхид̇хаммавасзнзсаа, бажжзгам̣ д̇ам̣ д̣̇угам̣ бхаж̇з.
Abhidhammavasenesā, paccekaṃ taṃ dukaṃ bhaje.
‘‘ж̇ийвид̇инд̣̇рияубажчзд̣̇о, жзд̇анаа жзд̇и д̇ам̣ д̣̇ваяам̣;
‘‘Jīvitindriyupacchedo, cetanā ceti taṃ dvayaṃ;
на саахад̇т̇игагаммзна, баг̇зваан̣ад̇д̇игаасамам̣.
Na sāhatthikakammena, pagevāṇattikāsamaṃ.
‘‘ж̇ийвид̇инд̣̇рияубажчзд̣̇о, жзд̇анаа жзд̇и д̇ам̣ д̣̇ваяам̣;
‘‘Jīvitindriyupacchedo, cetanā ceti taṃ dvayaṃ;
на саахад̇т̇игагаммзна, баг̇зваан̣ад̇д̇игаасамам̣.
Na sāhatthikakammena, pagevāṇattikāsamaṃ.
‘‘ж̇ийвид̇инд̣̇рияубажчзд̣̇агкан̣з вад̇хагажзд̇анаа;
‘‘Jīvitindriyupacchedakkhaṇe vadhakacetanā;
жираатид̇аад̇и го д̇хаммо, нияаамзд̇и аабад̇д̇игам̣.
Cirāṭhitāti ko dhammo, niyāmeti āpattikaṃ.
‘‘ж̇ийвид̇инд̣̇рияубажчзд̣̇агкан̣з жз вад̇хаго сияаа;
‘‘Jīvitindriyupacchedakkhaṇe ce vadhako siyā;
мад̇о суд̇д̇о баб̣уд̣̇д̇хо ваа, гусало вад̇хаго сияаа.
Mato sutto pabuddho vā, kusalo vadhako siyā.
‘‘гусалад̇д̇игабхзд̣̇о жа, взд̣̇анаад̇д̇игабхзд̣̇оби;
‘‘Kusalattikabhedo ca, vedanāttikabhedopi;
сияаа д̇ат̇аа г̇ад̇о сид̣̇д̇хо, сахад̇т̇аа вад̇хагажзд̇анаа’’д̇и.
Siyā tathā gato siddho, sahatthā vadhakacetanā’’ti.
яаани бана б̣ийж̇ауд̇угаммад̇хаммажид̇д̇анияаамаани бан̃жа адтагат̇ааяа аанзд̇ваа нид̣̇ассид̇аани, д̇зсу аяамад̇т̇асаад̇хагажзд̇анаа яог̇ам̣ г̇ажчад̇ийд̇и ман̃н̃з ‘‘аяам̣ ад̇т̇асаад̇хагажзд̇анаанияамо над̇т̇ий’’д̇и жзд̇анаанам̣ мижчад̇д̇асаммад̇д̇анияад̇аанамби над̇т̇ибхааваббасан̇г̇ад̇о. бхаж̇аабияамаанаа язна, д̇зна саб̣б̣зби яат̇аасамбхавам̣ гаммажид̇д̇анияаамз бхаж̇анд̇и г̇ажчанд̇ийд̇и взд̣̇ид̇аб̣б̣ам̣. ж̇ийвид̇з аад̣̇ийнаво маран̣аван̣н̣ад̣̇ассанз на вибхад̇д̇ова, ид̇ха бана сан̇габбабад̣̇з ад̇т̇ад̇о ‘‘маран̣асан̃н̃ий маран̣ажзд̇ано маран̣аад̇хиббааяо’’д̇и звам̣ авибхууд̇ад̇д̇аа вибхад̇д̇о, абаагадад̇д̇аа, анол̣ааригад̇д̇аа ваа авибхааг̇аа гаарид̇аа ваа. наяид̣̇ам̣ вид̇аггасса нааманд̇и на вид̇аггассзва наамам̣, гинд̇у сан̃н̃аажзд̇анаанамби нааманд̇и г̇ахзд̇аб̣б̣ам̣. ган̇каавид̇аран̣ияамби звамзва вуд̇д̇ам̣.
Yāni pana bījautukammadhammacittaniyāmāni pañca aṭṭhakathāya ānetvā nidassitāni, tesu ayamatthasādhakacetanā yogaṃ gacchatīti maññe ‘‘ayaṃ atthasādhakacetanāniyamo natthī’’ti cetanānaṃ micchattasammattaniyatānampi natthibhāvappasaṅgato. Bhajāpiyamānā yena, tena sabbepi yathāsambhavaṃ kammacittaniyāme bhajanti gacchantīti veditabbaṃ. Jīvite ādīnavo maraṇavaṇṇadassane na vibhattova, idha pana saṅkappapade atthato ‘‘maraṇasaññī maraṇacetano maraṇādhippāyo’’ti evaṃ avibhūtattā vibhatto, apākaṭattā, anoḷārikattā vā avibhāgā kāritā vā. Nayidaṃ vitakkassa nāmanti na vitakkasseva nāmaṃ, kintu saññācetanānampi nāmanti gahetabbaṃ. Kaṅkhāvitaraṇiyampi evameva vuttaṃ.
174. гааяад̇од̇и вуд̇д̇ад̇д̇аа ‘‘сад̇д̇ин̃асуу’’д̇и вад̇д̇аб̣б̣з важанасилидтад̇т̇ам̣ ‘‘усусад̇д̇иаад̣̇инаа’’д̇и вуд̇д̇ам̣. ануд̣̇д̣̇зсигз гаммассаарамман̣ам̣ со ваа ход̇и, ан̃н̃о ваа. убхаязхийд̇и гин̃жааби батамаббахааро на саяамзва саггод̇и, д̣̇уд̇ияам̣ лабхид̇ваа бана саггонд̇о ж̇ийвид̇авинаасанахзд̇у ахоси, д̇ад̣̇ад̇т̇амзва хи вад̇хагзна со д̣̇инно, д̣̇уд̇ияо бана ан̃н̃зна жид̇д̇зна д̣̇инно, д̇зна судту вуд̇д̇ам̣ ‘‘батамаббахаарзнзваа’’д̇и, ‘‘жзд̇анаа наама д̣̇аарун̣аад̇и г̇арум̣ вад̇т̇ум̣ аараб̣бха бавад̇д̇абуб̣б̣абхааг̇ажзд̇анаа багад̇исабхаававад̇хагажзд̇анаа, но д̣̇аарун̣аа ход̇ий’’д̇и аажариязна ликид̇ам̣. ‘‘буб̣б̣абхааг̇ажзд̇анаа бариваараа, вад̇хагажзд̇анаава д̣̇аарун̣аа ход̇ий’’д̇и вуд̇д̇ам̣. яат̇аад̇хиббааяанд̇и убхоби бадивиж̇жхад̇и, саахад̇т̇игоби сан̇гзд̇ад̇д̇аа на мужжад̇и гира.
174.Kāyatoti vuttattā ‘‘sattiñasū’’ti vattabbe vacanasiliṭṭhatthaṃ ‘‘ususattiādinā’’ti vuttaṃ. Anuddesike kammassārammaṇaṃ so vā hoti, añño vā. Ubhayehīti kiñcāpi paṭhamappahāro na sayameva sakkoti, dutiyaṃ labhitvā pana sakkonto jīvitavināsanahetu ahosi, tadatthameva hi vadhakena so dinno, dutiyo pana aññena cittena dinno, tena suṭṭhu vuttaṃ ‘‘paṭhamappahārenevā’’ti, ‘‘cetanā nāma dāruṇāti garuṃ vatthuṃ ārabbha pavattapubbabhāgacetanā pakatisabhāvavadhakacetanā, no dāruṇā hotī’’ti ācariyena likhitaṃ. ‘‘Pubbabhāgacetanā parivārā, vadhakacetanāva dāruṇā hotī’’ti vuttaṃ. Yathādhippāyanti ubhopi paṭivijjhati, sāhatthikopi saṅketattā na muccati kira.
гирияаависзсо адтагат̇аасу анааг̇ад̇о. ‘‘звам̣ виж̇жха, звам̣ бахара, звам̣ гхаахзхий’д̇и баал̣ияаа самзд̇ийд̇и аажариязна г̇ахид̇о’’д̇и вад̣̇анд̇и. бурад̇о бахарид̇ваад̇иаад̣̇и вад̇т̇увисан̇гзд̇амзва гира. зд̇ам̣ г̇аамз тид̇анд̇и буг̇г̇алова нияамид̇о. яо бана лин̇г̇авасзна ‘‘д̣̇ийгхам̣…бз… маарзхий’’д̇и аан̣аабзд̇и анияамзд̇ваа. яад̣̇и нияамзд̇ваа вад̣̇ад̇и, ‘‘зд̇ам̣ д̣̇ийгха’’нд̇и вад̣̇зяяаад̇и абарз. аажарияаа бана ‘‘д̣̇ийгханд̇и вуд̇д̇з нияамид̇ам̣ ход̇и, звам̣ анияамзд̇ваа вад̣̇ад̇и, на бана аан̣аабаго д̣̇ийгхаад̣̇ийсу ан̃н̃ад̇арам̣ маарзхийд̇и ад̇хиббааяо’’д̇и вад̣̇анд̇и гира. ‘‘ад̇т̇о бана жид̇д̇зна згам̣ санд̇хааяаби анияамзд̇ваа аан̣аабзд̇ий’’д̇и ликид̇ам̣. ‘‘ид̇аро ан̃н̃ам̣ д̇аад̣̇исам̣ маарзд̇и, аан̣аабаго мужжад̇ий’’д̇и вуд̇д̇ам̣ яат̇аад̇хиббааяам̣ на г̇ад̇ад̇д̇аа. ‘‘звам̣ д̣̇ийгхаад̣̇ивасзнааби жид̇д̇зна анияамид̇ассзваад̇и яуд̇д̇ам̣ вияа д̣̇иссад̇ий’’д̇и ан̃н̃ад̇арасмим̣ г̇ан̣тибад̣̇з ликид̇ам̣, судту виймам̣сид̇ваа саб̣б̣ам̣ г̇ахзд̇аб̣б̣ам̣, огаасасса нияамид̇ад̇д̇аад̇и зд̇т̇а огаасанияамам̣ гад̇ваа нид̣̇д̣̇исанд̇о д̇асмим̣ огаасз нисиннам̣ маарзд̇угаамова ход̇и, саяам̣ бана д̇ад̣̇аа д̇ад̇т̇а над̇т̇и. д̇асмаа огаасзна саха ад̇д̇ано ж̇ийвид̇инд̣̇рияам̣ аарамман̣ам̣ на ход̇и, д̇зна ад̇д̇анаа маараабид̇о баро зва маараабид̇о. гат̇ам̣? саяам̣ рассо жа д̇ануго жа худ̇ваа буб̣б̣абхааг̇з ад̇д̇аанам̣ санд̇хааяа аан̣ад̇д̇игкан̣з ‘‘д̣̇ийгхам̣ рассам̣ т̇уулам̣ б̣алаванд̇ам̣ маарзхий’’д̇и аан̣аабзнд̇асса жид̇д̇ам̣ ад̇д̇ани д̇ассаагаарасса над̇т̇ид̇ааяа ан̃н̃асса д̇аад̣̇исасса ж̇ийвид̇инд̣̇рияам̣ аарамман̣ам̣ гад̇ваа бавад̇д̇ад̇и, д̇зна мууладтасса гаммаб̣ад̣̇д̇хо. звам̣самбад̣̇амид̣̇анд̇и д̣̇адтаб̣б̣ам̣.
Kiriyāviseso aṭṭhakathāsu anāgato. ‘‘Evaṃ vijjha, evaṃ pahara, evaṃ ghāhehī’ti pāḷiyā sametīti ācariyena gahito’’ti vadanti. Purato paharitvātiādi vatthuvisaṅketameva kira. Etaṃ gāme ṭhitanti puggalova niyamito. Yo pana liṅgavasena ‘‘dīghaṃ…pe… mārehī’’ti āṇāpeti aniyametvā. Yadi niyametvā vadati, ‘‘etaṃ dīgha’’nti vadeyyāti apare. Ācariyā pana ‘‘dīghanti vutte niyamitaṃ hoti, evaṃ aniyametvā vadati, na pana āṇāpako dīghādīsu aññataraṃ mārehīti adhippāyo’’ti vadanti kira. ‘‘Attho pana cittena ekaṃ sandhāyapi aniyametvā āṇāpetī’’ti likhitaṃ. ‘‘Itaro aññaṃ tādisaṃ māreti, āṇāpako muccatī’’ti vuttaṃ yathādhippāyaṃ na gatattā. ‘‘Evaṃ dīghādivasenāpi cittena aniyamitassevāti yuttaṃ viya dissatī’’ti aññatarasmiṃ gaṇṭhipade likhitaṃ, suṭṭhu vīmaṃsitvā sabbaṃ gahetabbaṃ, okāsassa niyamitattāti ettha okāsaniyamaṃ katvā niddisanto tasmiṃ okāse nisinnaṃ māretukāmova hoti, sayaṃ pana tadā tattha natthi. Tasmā okāsena saha attano jīvitindriyaṃ ārammaṇaṃ na hoti, tena attanā mārāpito paro eva mārāpito. Kathaṃ? Sayaṃ rasso ca tanuko ca hutvā pubbabhāge attānaṃ sandhāya āṇattikkhaṇe ‘‘dīghaṃ rassaṃ thūlaṃ balavantaṃ mārehī’’ti āṇāpentassa cittaṃ attani tassākārassa natthitāya aññassa tādisassa jīvitindriyaṃ ārammaṇaṃ katvā pavattati, tena mūlaṭṭhassa kammabaddho. Evaṃsampadamidanti daṭṭhabbaṃ.
д̣̇ууд̇абарамбараанид̣̇д̣̇зсз аан̣аабзд̇и, аабад̇д̇и д̣̇уггадасса. ид̇арасса аарожзд̇и, аабад̇д̇и д̣̇уггадассаад̇и аажарияанд̇зваасийнам̣ яат̇аасамбхавам̣ аарожанз, бадиг̇г̇ан̣ханз д̣̇уггадам̣ санд̇хааяа вуд̇д̇ам̣. на вад̇хаго бадиг̇г̇ан̣хаад̇и, д̇асса д̣̇уггаданд̇и сид̣̇д̇хам̣ ход̇и. д̇ам̣ бана огаасаабхаавад̇о на вуд̇д̇ам̣. мууладтзна аабаж̇ж̇ид̇аб̣б̣аабад̇д̇ияаа хи д̇асса огаасо абарижчинно, д̇знасса д̇асмим̣ огаасз т̇уллажжаяам̣ вуд̇д̇ам̣. вад̇хаго жз бадиг̇г̇ан̣хаад̇и, мууладто аажарияо буб̣б̣з аабаннад̣̇уггадзна саха т̇уллажжаяамби аабаж̇ж̇ад̇и. гасмаа? махааж̇ано хи д̇зна баабз нияож̇ид̇од̇и. ид̣̇ам̣ бана д̣̇уггадат̇уллажжаяам̣ вад̇хаго жз д̇амад̇т̇ам̣ на саавзд̇и аабаж̇ж̇ад̇и. яад̣̇и саавзд̇и, баарааж̇игамзваабаж̇ж̇ад̇и. гасмаа? ад̇т̇асаад̇хагажзд̇анааяа абхааваа. ануг̇ан̣тибад̣̇з бана ‘‘бадиг̇г̇ан̣хад̇и, д̇ам̣ д̣̇уггадам̣ ход̇и. яад̣̇и звам̣ гасмаа баатз на вуд̇д̇анд̇и жз? вад̇хаго бана ‘саад̇ху гаромий’д̇и бадиг̇г̇ан̣хид̇ваа д̇ам̣ на гарод̇и. зван̃хи нияамз ‘мууладтасса гим̣ наама ход̇и, гимасса д̣̇уггадаабад̇д̇ий’д̇и сан̃ж̇аад̇аган̇каанам̣ д̇ад̣̇ад̇т̇ад̣̇ийбанад̇т̇ам̣ ‘мууладтасса аабад̇д̇и т̇уллажжаяассаа’’’д̇и вуд̇д̇ам̣. ‘‘вад̇хаго бадиг̇г̇ан̣хаад̇и аабад̇д̇и д̣̇уггадасса, мууладтасса жа аабад̇д̇и т̇уллажжаяассаа’’д̇и вуд̇д̇ам̣ на силиссад̇и, мууладтзна аабаж̇ж̇ид̇аб̣б̣аабад̇д̇ид̣̇ассанаад̇хигаарад̇д̇аа вад̇хаго бадиг̇г̇ан̣хаад̇и, аабад̇д̇и д̣̇уггадассаад̇и вуд̇д̇ам̣.
Dūtaparamparāniddese āṇāpeti, āpatti dukkaṭassa. Itarassa āroceti, āpatti dukkaṭassāti ācariyantevāsīnaṃ yathāsambhavaṃ ārocane, paṭiggaṇhane dukkaṭaṃ sandhāya vuttaṃ. Na vadhako paṭiggaṇhāti, tassa dukkaṭanti siddhaṃ hoti. Taṃ pana okāsābhāvato na vuttaṃ. Mūlaṭṭhena āpajjitabbāpattiyā hi tassa okāso aparicchinno, tenassa tasmiṃ okāse thullaccayaṃ vuttaṃ. Vadhako ce paṭiggaṇhāti, mūlaṭṭho ācariyo pubbe āpannadukkaṭena saha thullaccayampi āpajjati. Kasmā? Mahājano hi tena pāpe niyojitoti. Idaṃ pana dukkaṭathullaccayaṃ vadhako ce tamatthaṃ na sāveti āpajjati. Yadi sāveti, pārājikamevāpajjati. Kasmā? Atthasādhakacetanāya abhāvā. Anugaṇṭhipade pana ‘‘paṭiggaṇhati, taṃ dukkaṭaṃ hoti. Yadi evaṃ kasmā pāṭhe na vuttanti ce? Vadhako pana ‘sādhu karomī’ti paṭiggaṇhitvā taṃ na karoti. Evañhi niyame ‘mūlaṭṭhassa kiṃ nāma hoti, kimassa dukkaṭāpattī’ti sañjātakaṅkhānaṃ tadatthadīpanatthaṃ ‘mūlaṭṭhassa āpatti thullaccayassā’’’ti vuttaṃ. ‘‘Vadhako paṭiggaṇhāti āpatti dukkaṭassa, mūlaṭṭhassa ca āpatti thullaccayassā’’ti vuttaṃ na silissati, mūlaṭṭhena āpajjitabbāpattidassanādhikārattā vadhako paṭiggaṇhāti, āpatti dukkaṭassāti vuttaṃ.
висаггияад̣̇ууд̇абад̣̇анид̣̇д̣̇зсз ‘‘вад̇д̇угаамад̇ааяа жа гижчзнзд̇т̇а вад̇ваа баяож̇анам̣ над̇т̇ийд̇и бхаг̇авад̇аа на вуд̇д̇а’’нд̇и вуд̇д̇ам̣. яам̣ бана ‘‘мууладтассзва д̣̇уггада’’нд̇и адтагат̇ааяам̣ вуд̇д̇ам̣. д̇ад̇рааяам̣ вижааран̣аа – аажариязна аан̣ад̇д̇зна б̣уд̣̇д̇харагкид̇зна д̇ад̣̇ад̇т̇з сан̇гхарагкид̇ассзва аарожид̇з гин̃жааби яо ‘‘саад̇хуу’’д̇и бадиг̇г̇ан̣хаад̇и, ат̇а ко аажарияассзвзд̇ам̣ д̣̇уггадам̣ висан̇гзд̇ад̇д̇аа, на б̣уд̣̇д̇харагкид̇асса, гасмаа? ад̇т̇асаад̇хагажзд̇анааяа аабаннад̇д̇аа. д̇знзва ‘‘аан̣аабагасса жа вад̇хагасса жа аабад̇д̇и баарааж̇игассаа’’д̇и баал̣ияам̣ вуд̇д̇ам̣, д̇ам̣ бана мууладтзна аабаж̇ж̇ид̇аб̣б̣ад̣̇уггадам̣ ‘‘мууладтасса анаабад̇д̇ий’’д̇и иминаа абарижчинногаасад̇д̇аа на вуд̇д̇ам̣.
Visakkiyadūtapadaniddese ‘‘vattukāmatāya ca kicchenettha vatvā payojanaṃ natthīti bhagavatā na vutta’’nti vuttaṃ. Yaṃ pana ‘‘mūlaṭṭhasseva dukkaṭa’’nti aṭṭhakathāyaṃ vuttaṃ. Tatrāyaṃ vicāraṇā – ācariyena āṇattena buddharakkhitena tadatthe saṅgharakkhitasseva ārocite kiñcāpi yo ‘‘sādhū’’ti paṭiggaṇhāti, atha kho ācariyassevetaṃ dukkaṭaṃ visaṅketattā, na buddharakkhitassa, kasmā? Atthasādhakacetanāya āpannattā. Teneva ‘‘āṇāpakassa ca vadhakassa ca āpatti pārājikassā’’ti pāḷiyaṃ vuttaṃ, taṃ pana mūlaṭṭhena āpajjitabbadukkaṭaṃ ‘‘mūlaṭṭhassa anāpattī’’ti iminā aparicchinnokāsattā na vuttaṃ.
ависан̇гзд̇з ‘‘мууладтасса аабад̇д̇и т̇уллажжаяассаа’’д̇и вуд̇д̇ад̇д̇аа висан̇гзд̇з аабад̇д̇и д̣̇уггадассаад̇и сид̣̇д̇ханд̇и взд̣̇ид̇аб̣б̣ам̣. ‘‘вад̇хаго бадиг̇г̇ан̣хаад̇и, аабад̇д̇и д̣̇уггадассаа’’д̇и ид̣̇ам̣ бана д̣̇уггадам̣ вад̇хагассзва. со хи батамам̣ аан̣аабагам̣ б̣уд̣̇д̇харагкид̇ам̣ баарааж̇игаабад̇д̇им̣ баабзд̇ваа саяам̣ ж̇ийвид̇аа воробзд̇ваа аабаж̇ж̇иссад̇ийд̇и гин̃жааби баал̣ияам̣ ‘‘со д̇ам̣ ж̇ийвид̇аа воробзд̇и, аан̣аабагасса жа вад̇хагасса жа аабад̇д̇и баарааж̇игассаа’’д̇и на вуд̇д̇ам̣, д̇ат̇ааби д̇ам̣ ад̇т̇ад̇о вуд̇д̇амзва, ‘‘яад̇о баарааж̇игам̣ бан̃н̃ад̇д̇а’’нд̇и буб̣б̣з вуд̇д̇анаяад̇д̇аа жа д̇ам̣ на вуд̇д̇ам̣. ‘‘со д̇ам̣ ж̇ийвид̇аа воробзд̇и, аабад̇д̇и саб̣б̣зсам̣ баарааж̇игассаа’’д̇и хи буб̣б̣з вуд̇д̇ам̣. зд̇т̇а буб̣б̣з аажарияанд̇зваасигаанам̣ вуд̇д̇ад̣̇уггадат̇уллажжаяаабад̇д̇ияо батамамзва анаабаннаа баарааж̇игаабад̇д̇ияаа аабаннад̇д̇аа. д̇ат̇ааби вад̇хагасса баарааж̇игаабад̇д̇ияаа д̇зсам̣ баарааж̇игабхааво баагадо ж̇аад̇од̇и гад̇ваа ‘‘аабад̇д̇и саб̣б̣зсам̣ баарааж̇игассаа’’д̇и згад̇о вуд̇д̇ам̣, на д̇ат̇аа ‘‘аан̣аабагасса, вад̇хагасса жа аабад̇д̇и баарааж̇игассаа’’д̇и зд̇т̇а. гасмаа? вад̇хагасса д̣̇уггадаабад̇д̇ияаа аабаннад̇д̇аа. со хи батамам̣ д̣̇уггадаабад̇д̇им̣ аабаж̇ж̇ид̇ваа бажчаа баарааж̇игам̣ аабаж̇ж̇ад̇и. яад̣̇и бана анд̇зваасигаа гзвалам̣ аажарияасса г̇аругад̇ааяа саасанам̣ аарожзнд̇и саяам̣ амаран̣аад̇хиббааяаа самаанаа баарааж̇игзна анаабад̇д̇и. агаббияасаасанахаран̣абажжаяаа д̣̇уггадаабад̇д̇и ход̇и зва, имассад̇т̇асса саад̇ханад̇т̇ам̣ д̇хаммабад̣̇авад̇т̇уухи миг̇алуд̣̇д̣̇агасса бхарияааяа сод̇аабаннааяа д̇хануусусуулаад̣̇ид̣̇аанам̣ нид̣̇ассанам̣ вад̣̇анд̇и згз. д̇ам̣ д̇ид̇д̇ираж̇аад̇агзна (ж̇аа. 1.4.73 аад̣̇аяо) самзд̇и, д̇асмаа суд̇д̇ан̃жа адтагат̇ан̃жа ануломзд̇ийд̇и но д̇аггод̇и аажарияо. ид̇ха бана д̣̇ууд̇абарамбарааяа жа ‘‘ид̇т̇аннаамасса баавад̣̇а, ид̇т̇аннаамо ид̇т̇аннаамам̣ баавад̣̇ад̇уу’’д̇и зд̇т̇а ависзсзд̇ваа вуд̇д̇ад̇д̇аа ваажааяа ваа аарожзд̇у, хад̇т̇амуд̣̇д̣̇ааяа ваа, бан̣н̣зна ваа, д̣̇ууд̇зна ваа аарожзд̇у, висан̇гзд̇о над̇т̇и. сажз висзсзд̇ваа мууладто, анд̇араад̣̇ууд̇о ваа вад̣̇ад̇и, д̇ад̣̇ад̇иггамз висан̇гзд̇од̇и взд̣̇ид̇аб̣б̣ам̣.
Avisaṅkete ‘‘mūlaṭṭhassa āpatti thullaccayassā’’ti vuttattā visaṅkete āpatti dukkaṭassāti siddhanti veditabbaṃ. ‘‘Vadhako paṭiggaṇhāti, āpatti dukkaṭassā’’ti idaṃ pana dukkaṭaṃ vadhakasseva. So hi paṭhamaṃ āṇāpakaṃ buddharakkhitaṃ pārājikāpattiṃ pāpetvā sayaṃ jīvitā voropetvā āpajjissatīti kiñcāpi pāḷiyaṃ ‘‘so taṃ jīvitā voropeti, āṇāpakassa ca vadhakassa ca āpatti pārājikassā’’ti na vuttaṃ, tathāpi taṃ atthato vuttameva, ‘‘yato pārājikaṃ paññatta’’nti pubbe vuttanayattā ca taṃ na vuttaṃ. ‘‘So taṃ jīvitā voropeti, āpatti sabbesaṃ pārājikassā’’ti hi pubbe vuttaṃ. Ettha pubbe ācariyantevāsikānaṃ vuttadukkaṭathullaccayāpattiyo paṭhamameva anāpannā pārājikāpattiyā āpannattā. Tathāpi vadhakassa pārājikāpattiyā tesaṃ pārājikabhāvo pākaṭo jātoti katvā ‘‘āpatti sabbesaṃ pārājikassā’’ti ekato vuttaṃ, na tathā ‘‘āṇāpakassa, vadhakassa ca āpatti pārājikassā’’ti ettha. Kasmā? Vadhakassa dukkaṭāpattiyā āpannattā. So hi paṭhamaṃ dukkaṭāpattiṃ āpajjitvā pacchā pārājikaṃ āpajjati. Yadi pana antevāsikā kevalaṃ ācariyassa garukatāya sāsanaṃ ārocenti sayaṃ amaraṇādhippāyā samānā pārājikena anāpatti. Akappiyasāsanaharaṇapaccayā dukkaṭāpatti hoti eva, imassatthassa sādhanatthaṃ dhammapadavatthūhi migaluddakassa bhariyāya sotāpannāya dhanuususūlādidānaṃ nidassanaṃ vadanti eke. Taṃ tittirajātakena (jā. 1.4.73 ādayo) sameti, tasmā suttañca aṭṭhakathañca anulometīti no takkoti ācariyo. Idha pana dūtaparamparāya ca ‘‘itthannāmassa pāvada, itthannāmo itthannāmaṃ pāvadatū’’ti ettha avisesetvā vuttattā vācāya vā ārocetu, hatthamuddāya vā, paṇṇena vā, dūtena vā ārocetu, visaṅketo natthi. Sace visesetvā mūlaṭṭho, antarādūto vā vadati, tadatikkame visaṅketoti veditabbaṃ.
ид̣̇аани имасмим̣язва ад̇хигаарад̣̇ваяз ануг̇ан̣тибад̣̇з вуд̇д̇анаяо вужжад̇и – ‘‘вад̇хаго бадиг̇г̇ан̣хаад̇и, аабад̇д̇и д̣̇уггадассаа’’д̇и вад̇хагассзва аабад̇д̇и, на аан̣аабагасса б̣уд̣̇д̇харагкид̇асса. яад̣̇и бана со важ̇жхамаран̣аамаран̣зсу авассаман̃н̃ад̇арам̣ гарод̇и, б̣уд̣̇д̇харагкид̇ассаан̣ад̇д̇игкан̣з зва баарааж̇игад̣̇уггадзсу ан̃н̃ад̇арам̣ сияаа. ‘‘ид̇и жид̇д̇амано’’д̇и ад̇хигаарад̇о ‘‘жид̇д̇асан̇габбо’’д̇и зд̇т̇ааби ид̇и-сад̣̇д̣̇о вияа ‘‘вад̇хаго бадиг̇г̇ан̣хаад̇и, мууладтасса аабад̇д̇и т̇уллажжаяассаа’’д̇и ад̇хигаарад̇о ‘‘мууладтасса аабад̇д̇и д̣̇уггадассаа’’д̇и вуд̇д̇амзва ход̇и. гасмаа саруубзна на вуд̇д̇анд̇и жз? д̇ад̇о жуд̇д̇ари наяад̣̇аанад̇т̇ам̣. ‘‘мууладтасса аабад̇д̇и д̣̇уггадассаа’’д̇и хи вуд̇д̇з мууладтассзва васзна нияамид̇ад̇д̇аа ‘‘бадиг̇г̇ан̣ханд̇асса д̣̇уггадам̣ ход̇ий’’д̇и на н̃ааяад̇и. ‘‘вад̇хаго бадиг̇г̇ан̣хаад̇и, аабад̇д̇и д̣̇уггадассаа’’д̇и хи анияамзд̇ваа вуд̇д̇з саггаа убхаязсам̣ васзна д̣̇уггадз яож̇зд̇ум̣. д̇асмаа зва хи адтагат̇аажариязхи ад̇хигаарам̣ г̇ахзд̇ваа ‘‘сан̇гхарагкид̇зна самбадижчид̇з мууладтассзва д̣̇уггаданд̇и взд̣̇ид̇аб̣б̣а’’нд̇и вуд̇д̇ам̣. бадиг̇г̇ан̣ханд̇асса нзва анун̃н̃аад̇ам̣, на бадигкид̇д̇ам̣, гзваланд̇у б̣уд̣̇д̇харагкид̇асса анияамид̇ад̇д̇аа бадигкид̇д̇ам̣, д̇асса бана баарааж̇игад̣̇уггадзсу ан̃н̃ад̇арам̣ бхавзяяаад̇и аяамад̇т̇о д̣̇ийбид̇о, д̇асмаа д̇амби сувуд̇д̇ам̣. яасмаа убхаязсам̣ васзна яож̇зд̇ум̣ саггаа, д̇асмаа аажариязхи ‘‘бадиг̇г̇ан̣ханд̇ассзвзд̇ам̣ д̣̇уггада’’нд̇и вуд̇д̇ам̣. д̇ад̇т̇а мууладто нзва анун̃н̃аад̇о ‘‘мууладтассаа’’д̇и важанаабхаавад̇о, на жа бадигкид̇д̇о ‘‘бадиг̇г̇ан̣ханд̇асса аабад̇д̇и д̣̇уггадассаа’’д̇и баал̣ияаа абхаавад̇о, бадиг̇г̇ан̣ханабажжаяаа вад̇хагасса д̣̇уггадам̣ сияаад̇и наяам̣ д̣̇аад̇ум̣ ‘‘мууладтассаа’’д̇и баал̣ияам̣ авуд̇д̇ад̇д̇аа ‘‘д̇ам̣ бадиг̇г̇ан̣ханд̇ассзвзд̇ам̣ д̣̇уггада’’нд̇и яам̣ вуд̇д̇ам̣, д̇амби сувуд̇д̇ам̣. д̇ад̇ра хи б̣уд̣̇д̇харагкид̇асса бадигкид̇д̇ам̣, вуд̇д̇анаязна бана д̇асса аабад̇д̇и анияад̇аад̇и. гасмаа бана адтагат̇ааяам̣ ануд̇д̇аанам̣ бадиг̇г̇ан̣ханабажжаяаа вад̇хагасса д̣̇уггадам̣ авад̇ваа мууладтассзва васзна д̣̇уггадам̣ вуд̇д̇анд̇и жз? анидтанивааран̣ад̇т̇ам̣. ‘‘сан̇гхарагкид̇зна самбадижчид̇з бадиг̇г̇ан̣ханабажжаяаа д̇асса д̣̇уггада’’нд̇и хи вуд̇д̇з ананд̇аранаязна саруубзна вуд̇д̇ад̇д̇аа ид̇хааби мууладтасса т̇уллажжаяам̣ адтагат̇ааяам̣ вуд̇д̇амзва ход̇ийд̇и аабаж̇ж̇ад̇и. ид̇и д̇ам̣ звам̣ аабаннам̣ т̇уллажжаяам̣ уд̇д̇аананд̇и д̇ам̣ авад̇ваа бадиг̇г̇ан̣ханд̇асса д̣̇уггадам̣ вуд̇д̇ам̣. ануд̇д̇аанад̇д̇аа адтагат̇ааяанд̇и имам̣ анидтаг̇г̇ахан̣ам̣ ниваарзд̇ум̣ ‘‘мууладтассзвзд̇ам̣ д̣̇уггада’’нд̇и вуд̇д̇ам̣. аажариязна хи вуд̇д̇анаязна бадиг̇г̇ан̣ханд̇асса д̣̇уггадамби уд̇д̇аанамзва. уд̇д̇аанан̃жа гасмаа амхаагам̣ канд̇ийд̇и вуд̇д̇анд̇и жз? бадибад̇д̇ид̣̇ийбанад̇т̇ам̣. ‘‘бидагад̇д̇аяаад̣̇ийсу аббадихад̇аб̣уд̣̇д̇хияоби аажарияаа саруубзна баал̣ияам̣ адтагат̇ааяан̃жа авуд̇д̇ад̇д̇аа зваруубзсу наама таанзсу звам̣ бадибаж̇ж̇анд̇и, гиман̇г̇ам̣ бана маад̣̇исод̇и сухад̣̇аяаа гулабуд̇д̇аа анааг̇ад̇з вуд̇д̇анаяаманад̇иггамид̇ваа сан̇гарад̣̇осам̣ виваж̇ж̇зд̇ваа ван̣н̣анаавзлан̃жа анад̇иггамма бадибаж̇ж̇анд̇ий’’д̇и жа абарзхи вуд̇д̇ам̣. аяам̣ бана адтагат̇ааяа ваа авуд̇д̇ад̇д̇аа зваруубзсу наама баато аажариязна бажчаа нигкид̇д̇ад̇д̇аа гзсужи бод̇т̇агзсу на д̣̇иссад̇ийд̇и гад̇ваа саб̣б̣ам̣ ликиссаама. звам̣ санд̇з бадиг̇г̇ахан̣з аабад̇д̇иязва на сияаа, сан̃жарид̇д̇абадиг̇г̇ахан̣амаран̣аабхинанд̣̇анзсуби жа аабад̇д̇и ход̇и, мааран̣абадиг̇г̇ахан̣з гат̇ам̣ на сияаа, д̇асмаа бадиг̇г̇ан̣ханд̇ассзвзд̇ам̣ д̣̇уггадам̣, д̇знзвзд̇т̇а ‘‘мууладтассаа’’д̇и на вуд̇д̇ам̣. буриманаязби жзд̇ам̣ бадиг̇г̇ан̣ханд̇асса взд̣̇ид̇аб̣б̣амзва, огаасаабхаавзна бана на вуд̇д̇ам̣. д̇асмаа яо яо бадиг̇г̇ан̣хаад̇и, д̇асса д̇асса д̇аббажжаяаа аабад̇д̇иязваад̇и аяамзд̇т̇а амхаагам̣ канд̇и. яат̇аа жзд̇т̇а, звам̣ ад̣̇иннаад̣̇аанзбийд̇и.
Idāni imasmiṃyeva adhikāradvaye anugaṇṭhipade vuttanayo vuccati – ‘‘vadhako paṭiggaṇhāti, āpatti dukkaṭassā’’ti vadhakasseva āpatti, na āṇāpakassa buddharakkhitassa. Yadi pana so vajjhamaraṇāmaraṇesu avassamaññataraṃ karoti, buddharakkhitassāṇattikkhaṇe eva pārājikadukkaṭesu aññataraṃ siyā. ‘‘Iti cittamano’’ti adhikārato ‘‘cittasaṅkappo’’ti etthāpi iti-saddo viya ‘‘vadhako paṭiggaṇhāti, mūlaṭṭhassa āpatti thullaccayassā’’ti adhikārato ‘‘mūlaṭṭhassa āpatti dukkaṭassā’’ti vuttameva hoti. Kasmā sarūpena na vuttanti ce? Tato cuttari nayadānatthaṃ. ‘‘Mūlaṭṭhassa āpatti dukkaṭassā’’ti hi vutte mūlaṭṭhasseva vasena niyamitattā ‘‘paṭiggaṇhantassa dukkaṭaṃ hotī’’ti na ñāyati. ‘‘Vadhako paṭiggaṇhāti, āpatti dukkaṭassā’’ti hi aniyametvā vutte sakkā ubhayesaṃ vasena dukkaṭe yojetuṃ. Tasmā eva hi aṭṭhakathācariyehi adhikāraṃ gahetvā ‘‘saṅgharakkhitena sampaṭicchite mūlaṭṭhasseva dukkaṭanti veditabba’’nti vuttaṃ. Paṭiggaṇhantassa neva anuññātaṃ, na paṭikkhittaṃ, kevalantu buddharakkhitassa aniyamitattā paṭikkhittaṃ, tassa pana pārājikadukkaṭesu aññataraṃ bhaveyyāti ayamattho dīpito, tasmā tampi suvuttaṃ. Yasmā ubhayesaṃ vasena yojetuṃ sakkā, tasmā ācariyehi ‘‘paṭiggaṇhantassevetaṃ dukkaṭa’’nti vuttaṃ. Tattha mūlaṭṭho neva anuññāto ‘‘mūlaṭṭhassā’’ti vacanābhāvato, na ca paṭikkhitto ‘‘paṭiggaṇhantassa āpatti dukkaṭassā’’ti pāḷiyā abhāvato, paṭiggaṇhanapaccayā vadhakassa dukkaṭaṃ siyāti nayaṃ dātuṃ ‘‘mūlaṭṭhassā’’ti pāḷiyaṃ avuttattā ‘‘taṃ paṭiggaṇhantassevetaṃ dukkaṭa’’nti yaṃ vuttaṃ, tampi suvuttaṃ. Tatra hi buddharakkhitassa paṭikkhittaṃ, vuttanayena pana tassa āpatti aniyatāti. Kasmā pana aṭṭhakathāyaṃ anuttānaṃ paṭiggaṇhanapaccayā vadhakassa dukkaṭaṃ avatvā mūlaṭṭhasseva vasena dukkaṭaṃ vuttanti ce? Aniṭṭhanivāraṇatthaṃ. ‘‘Saṅgharakkhitena sampaṭicchite paṭiggaṇhanapaccayā tassa dukkaṭa’’nti hi vutte anantaranayena sarūpena vuttattā idhāpi mūlaṭṭhassa thullaccayaṃ aṭṭhakathāyaṃ vuttameva hotīti āpajjati. Iti taṃ evaṃ āpannaṃ thullaccayaṃ uttānanti taṃ avatvā paṭiggaṇhantassa dukkaṭaṃ vuttaṃ. Anuttānattā aṭṭhakathāyanti imaṃ aniṭṭhaggahaṇaṃ nivāretuṃ ‘‘mūlaṭṭhassevetaṃ dukkaṭa’’nti vuttaṃ. Ācariyena hi vuttanayena paṭiggaṇhantassa dukkaṭampi uttānameva. Uttānañca kasmā amhākaṃ khantīti vuttanti ce? Paṭipattidīpanatthaṃ. ‘‘Piṭakattayādīsu appaṭihatabuddhiyopi ācariyā sarūpena pāḷiyaṃ aṭṭhakathāyañca avuttattā evarūpesu nāma ṭhānesu evaṃ paṭipajjanti, kimaṅgaṃ pana mādisoti suhadayā kulaputtā anāgate vuttanayamanatikkamitvā saṅkaradosaṃ vivajjetvā vaṇṇanāvelañca anatikkamma paṭipajjantī’’ti ca aparehi vuttaṃ. Ayaṃ pana aṭṭhakathāya vā avuttattā evarūpesu nāma pāṭho ācariyena pacchā nikkhittattā kesuci potthakesu na dissatīti katvā sabbaṃ likhissāma. Evaṃ sante paṭiggahaṇe āpattiyeva na siyā, sañcarittapaṭiggahaṇamaraṇābhinandanesupi ca āpatti hoti, māraṇapaṭiggahaṇe kathaṃ na siyā, tasmā paṭiggaṇhantassevetaṃ dukkaṭaṃ, tenevettha ‘‘mūlaṭṭhassā’’ti na vuttaṃ. Purimanayepi cetaṃ paṭiggaṇhantassa veditabbameva, okāsābhāvena pana na vuttaṃ. Tasmā yo yo paṭiggaṇhāti, tassa tassa tappaccayā āpattiyevāti ayamettha amhākaṃ khanti. Yathā cettha, evaṃ adinnādānepīti.
175. арахо рахосан̃н̃ийнид̣̇д̣̇зсаад̣̇ийсу гин̃жааби баал̣ияам̣, адтагат̇ааяан̃жа д̣̇уггадамзва вуд̇д̇ам̣, д̇ат̇ааби д̇ад̇т̇а барамбарааяа суд̇ваа марад̇ууд̇и ад̇хиббааязна уллабанд̇асса уд̣̇д̣̇зсз сад̇и уд̣̇д̣̇идтасса маран̣зна аабад̇д̇и баарааж̇игасса, асад̇и яасса гассажи маран̣зна аабад̇д̇и баарааж̇игасса. ‘‘ид̇т̇аннаамо суд̇ваа мз важ̇жхасса аарожзд̇уу’’д̇и уд̣̇д̣̇исид̇ваа уллабанд̇асса висан̇гзд̇ад̇аа д̣̇ууд̇абарамбарааяа вуд̇д̇ад̇д̇аа взд̣̇ид̇аб̣б̣аа. сажз ‘‘яо гожи суд̇ваа вад̣̇ад̇уу’’д̇и уллабад̇и, важ̇жхо саяамзва суд̇ваа марад̇и, висан̇гзд̇ад̇д̇аа на баарааж̇игам̣. яо гожи суд̇ваа вад̣̇ад̇и, со жз марад̇и, баарааж̇игам̣. ‘‘яо гожи мама важанам̣ суд̇ваа д̇ам̣ маарзд̇уу’’д̇и уллабад̇и, яо гожи суд̇ваа маарзд̇и, баарааж̇игам̣, саяамзва суд̇ваа маарзд̇и, висан̇гзд̇ад̇д̇аа на баарааж̇иганд̇и звам̣ яат̇аасамбхаво взд̣̇ид̇аб̣б̣о.
175.Araho rahosaññīniddesādīsu kiñcāpi pāḷiyaṃ, aṭṭhakathāyañca dukkaṭameva vuttaṃ, tathāpi tattha paramparāya sutvā maratūti adhippāyena ullapantassa uddese sati uddiṭṭhassa maraṇena āpatti pārājikassa, asati yassa kassaci maraṇena āpatti pārājikassa. ‘‘Itthannāmo sutvā me vajjhassa ārocetū’’ti uddisitvā ullapantassa visaṅketatā dūtaparamparāya vuttattā veditabbā. Sace ‘‘yo koci sutvā vadatū’’ti ullapati, vajjho sayameva sutvā marati, visaṅketattā na pārājikaṃ. Yo koci sutvā vadati, so ce marati, pārājikaṃ. ‘‘Yo koci mama vacanaṃ sutvā taṃ māretū’’ti ullapati, yo koci sutvā māreti, pārājikaṃ, sayameva sutvā māreti, visaṅketattā na pārājikanti evaṃ yathāsambhavo veditabbo.
176. муулам̣ д̣̇ад̇ваа мужжад̇ийд̇и зд̇т̇а бхинд̣̇ид̇ваа, бхан̃ж̇ид̇ваа, жавид̇ваа, жун̣н̣зд̇ваа, аг̇г̇имхи багкибид̇ваа ваа баг̇зва мужжад̇ийд̇и ад̇т̇ад̇о вуд̇д̇амзва ход̇и. язсам̣ хад̇т̇ад̇о муулам̣ г̇ахид̇анд̇и язсам̣ н̃аад̇агабариваарид̇аанам̣ хад̇т̇ад̇о муулам̣ д̇зна бхигкунаа г̇ахид̇ам̣, бод̇т̇агасаамигахад̇т̇ад̇о буб̣б̣з д̣̇иннамуулам̣ буна г̇ахзд̇ваа д̇зсан̃н̃зва н̃аад̇агаад̣̇ийнам̣ д̣̇ад̇ваа мужжад̇и, звам̣ бод̇т̇агасаамигассзва санд̇агам̣ ж̇аад̇ам̣ ход̇и. ануг̇ан̣тибад̣̇з бана ‘‘сажзби со виббадисаарий худ̇ваа сийгхам̣ д̇зсам̣ муулам̣ д̣̇ад̇ваа мужжад̇ий’’д̇и вуд̇д̇ам̣, д̇ам̣ язна д̇ханзна бод̇т̇аго гийд̇о, д̇ан̃жа д̇ханам̣ санд̇хааяа вуд̇д̇ам̣. гасмаа? бод̇т̇агасаамигахад̇т̇ад̇о д̇ханз г̇ахид̇з бод̇т̇агз ад̣̇иннзби мужжанад̇о. сажз ан̃н̃ам̣ д̇ханам̣ санд̇хааяа вуд̇д̇ам̣, на яуд̇д̇ам̣ бод̇т̇агасса ад̇д̇анияабхаавад̇о аможид̇ад̇д̇аа. сажз бод̇т̇агам̣ саамигаанам̣ д̣̇ад̇ваа муулам̣ на г̇ан̣хаад̇и, на мужжад̇и ад̇д̇анияабхаавад̇о аможид̇ад̇д̇аа. сажз бод̇т̇агам̣ мууладтзна д̣̇ияяамаанам̣ ‘‘д̇авзва ход̇уу’’д̇и аббзд̇и, мужжад̇и ад̇д̇анияабхаавад̇о можид̇ад̇д̇аа. зд̇т̇ааяам̣ вижааран̣аа – яат̇аа жзд̇ияам̣ ваа бадимам̣ богкаран̣им̣ сзд̇ум̣ ваа гин̣ид̇ваа г̇ахид̇амби гаарагассзвзд̇ам̣ бун̃н̃ам̣, на гин̣ид̇ваа г̇ахид̇асса, д̇ат̇аа баабамби язна бод̇т̇аго ликид̇о, д̇ассзва яуж̇ж̇ад̇и, на ид̇арассаад̇и жз? на, ‘‘сад̇т̇ахаарагам̣ ваасса бариязсзяяаа’’д̇и важанад̇о. барзна хи гад̇асад̇т̇ам̣ лабхид̇ваа убанигкибанд̇асса баарааж̇иганд̇и сид̣̇д̇хам̣. звам̣ барзна ликид̇амби бод̇т̇агам̣ лабхид̇ваа яат̇аа важ̇жхо д̇ам̣ бассид̇ваа марад̇и, д̇ат̇аа убанигкибзяяа баарааж̇иганд̇и сид̣̇д̇хам̣ ход̇ийд̇и. жзд̇ияаад̣̇ийд̇и зд̇аманид̣̇ассанам̣ гаран̣абажжаяам̣ хи д̇ам̣ гаммам̣ ид̣̇ам̣маран̣абажжаяанд̇и звам̣ аажариязна вижаарид̇ам̣. мама бана жзд̇ияаад̣̇инид̣̇ассанзнзва соби ад̇т̇о саад̇хзд̇аб̣б̣о вияа бадибхаад̇и.
176.Mūlaṃ datvā muccatīti ettha bhinditvā, bhañjitvā, cavitvā, cuṇṇetvā, aggimhi pakkhipitvā vā pageva muccatīti atthato vuttameva hoti. Yesaṃ hatthato mūlaṃ gahitanti yesaṃ ñātakaparivāritānaṃ hatthato mūlaṃ tena bhikkhunā gahitaṃ, potthakasāmikahatthato pubbe dinnamūlaṃ puna gahetvā tesaññeva ñātakādīnaṃ datvā muccati, evaṃ potthakasāmikasseva santakaṃ jātaṃ hoti. Anugaṇṭhipade pana ‘‘sacepi so vippaṭisārī hutvā sīghaṃ tesaṃ mūlaṃ datvā muccatī’’ti vuttaṃ, taṃ yena dhanena potthako kīto, tañca dhanaṃ sandhāya vuttaṃ. Kasmā? Potthakasāmikahatthato dhane gahite potthake adinnepi muccanato. Sace aññaṃ dhanaṃ sandhāya vuttaṃ, na yuttaṃ potthakassa attaniyabhāvato amocitattā. Sace potthakaṃ sāmikānaṃ datvā mūlaṃ na gaṇhāti, na muccati attaniyabhāvato amocitattā. Sace potthakaṃ mūlaṭṭhena diyyamānaṃ ‘‘taveva hotū’’ti appeti, muccati attaniyabhāvato mocitattā. Etthāyaṃ vicāraṇā – yathā cetiyaṃ vā paṭimaṃ pokkharaṇiṃ setuṃ vā kiṇitvā gahitampi kārakassevetaṃ puññaṃ, na kiṇitvā gahitassa, tathā pāpampi yena potthako likhito, tasseva yujjati, na itarassāti ce? Na, ‘‘satthahārakaṃ vāssa pariyeseyyā’’ti vacanato. Parena hi katasatthaṃ labhitvā upanikkhipantassa pārājikanti siddhaṃ. Evaṃ parena likhitampi potthakaṃ labhitvā yathā vajjho taṃ passitvā marati, tathā upanikkhipeyya pārājikanti siddhaṃ hotīti. Cetiyādīti etamanidassanaṃ karaṇapaccayaṃ hi taṃ kammaṃ idaṃmaraṇapaccayanti evaṃ ācariyena vicāritaṃ. Mama pana cetiyādinidassaneneva sopi attho sādhetabbo viya paṭibhāti.
д̇ад̇д̇агаа баан̣аад̇ибаад̇аад̇и ‘‘згааби жзд̇анаа гижжавасзна ‘д̇ад̇д̇агаа’д̇и вуд̇д̇аа сад̇ибадтаанасаммаббад̇хаанаанам̣ жад̇уггад̇аа вияаа’’д̇и ликид̇ам̣. бамаан̣з табзд̇ваад̇и ад̇д̇анаа ад̇хиббзд̇аббамаан̣з. ‘‘гад̇ам̣ маяаа зваруубз ааваадз кан̣ид̇з д̇асмим̣ бад̇ид̇ваа марад̇уу’’д̇и ад̇хиббааязна вад̇хаго ааваадаббамаан̣ам̣ нияамзд̇ваа сажз кан̣и, д̇ам̣ санд̇хааяа вуд̇д̇ам̣ ‘‘имасмим̣ ааваадз’’д̇и. ид̣̇аани кан̣ид̇аб̣б̣ам̣ санд̇хааяа зд̇д̇агаббамаан̣асса анияамид̇ад̇д̇аа ‘‘згасмимби гуд̣̇аалаббахаарз’’д̇иаад̣̇и вуд̇д̇ам̣, суд̇д̇анд̇игад̇т̇зрзхи гин̃жааби убатад̇ам̣, д̇ат̇ааби саннидтаабагажзд̇анаа убхаяад̇т̇а ад̇т̇зваад̇и аажарияаа. б̣ахуунам̣ маран̣з аарамман̣анияамз гат̇анд̇и жз? важ̇жхзсу згасса ж̇ийвид̇инд̣̇рияз ааламб̣ид̇з саб̣б̣зсамааламб̣ид̇амзва ход̇и. згасса маран̣зби на д̇асса сагалам̣ ж̇ийвид̇ам̣ саггаа ааламб̣ид̇ум̣ на уббаж̇ж̇амаанам̣, уббаннам̣, нируж̇жхамаанам̣, ад̇т̇ид̇ааяабаан̣аад̇ибаад̇ажзд̇анаава бажжуббаннаарамман̣аа, бурзж̇аад̇аарамман̣аа жа ход̇и, д̇асмаа д̇амби яуж̇ж̇ад̇и. бажчимагодияаа згажид̇д̇агкан̣з бурзж̇аад̇ам̣ худ̇ваа тид̇ам̣ д̇ам̣ ж̇ийвид̇амааламб̣ан̣ам̣ гад̇ваа сад̇д̇амаж̇аванабарияаабаннажзд̇анааяа обаггамз гад̇з ад̇т̇ад̇о д̇асса сад̇д̇асса саб̣б̣ам̣ ж̇ийвид̇инд̣̇рияамааламб̣ид̇ам̣, воробид̇ан̃жа ход̇и, ид̇о банан̃н̃ат̇аа на саггаа; звамзва буб̣б̣абхааг̇з ‘‘б̣ахуубисад̇д̇з маарзмий’’д̇и жинд̇зд̇ваа саннидтаанагаалз висабагкибанаад̣̇ийсу згам̣ баяог̇ам̣ саад̇хаяамаанаа вуд̇д̇аббагааражзд̇анаа д̇зсу згасса вуд̇д̇аббагаарам̣ ж̇ийвид̇инд̣̇рияам̣ ааламб̣ан̣ам̣ гад̇ваа уббаж̇ж̇ад̇и, звам̣ уббаннааяа банзгааяа саб̣б̣зби д̇з маарид̇аа хонд̇и д̇ааяа зва саб̣б̣зсам̣ маран̣асид̣̇д̇хид̇о, ан̃н̃ат̇аа на саггаа воробзд̇ум̣, ааламб̣ид̇ум̣ ваа. д̇ад̇т̇а згааяа жзд̇анааяа б̣ахуунам̣ маран̣з агусаларааси гат̇анд̇и жз? висум̣ висум̣ маран̣з бавад̇д̇ажзд̇анаанам̣ гижжагаран̣ад̇о. гат̇ам̣? д̇аа бана саб̣б̣аа убабаж̇ж̇авзд̣̇анийяаава хонд̇и, д̇асмаа д̇аасу яааяа гааяажи д̣̇иннааяа бадисанд̇хияаа ид̇араа саб̣б̣ааби ‘‘д̇ад̇о б̣алавад̇арагусалабадиб̣аахид̇аа ахосигамма’’нд̇иаад̣̇игодтаасам̣ бхаж̇анд̇и, бунаби вибаагам̣ ж̇анид̇ум̣ на саггонд̇и. абараабарияавзд̣̇анийяааби вияа д̇ам̣ бадиб̣аахид̇ваа гусалажзд̇анаа бадисанд̇хим̣ д̣̇зд̇и, д̇ат̇аа аяамби жзд̇анаа ананд̇арабхавз зва бадисанд̇хид̣̇аанаад̣̇ивасзна д̇аасам̣ гижжалзсагаран̣ад̇о згааби самаанаа ‘‘раасий’’д̇и вуд̇д̇аа. д̇ааяа бана д̣̇иннааяа бадисанд̇хияаа ад̇ид̇игко вибааго ход̇и. аяамзд̇т̇а висзсод̇иаад̣̇и ануг̇ан̣тибад̣̇з бабан̃жид̇ам̣.
Tattakā pāṇātipātāti ‘‘ekāpi cetanā kiccavasena ‘tattakā’ti vuttā satipaṭṭhānasammappadhānānaṃ catukkatā viyā’’ti likhitaṃ. Pamāṇe ṭhapetvāti attanā adhippetappamāṇe. ‘‘Kataṃ mayā evarūpe āvāṭe khaṇite tasmiṃ patitvā maratū’’ti adhippāyena vadhako āvāṭappamāṇaṃ niyametvā sace khaṇi, taṃ sandhāya vuttaṃ ‘‘imasmiṃ āvāṭe’’ti. Idāni khaṇitabbaṃ sandhāya ettakappamāṇassa aniyamitattā ‘‘ekasmimpi kudālappahāre’’tiādi vuttaṃ, suttantikattherehi kiñcāpi upaṭhataṃ, tathāpi sanniṭṭhāpakacetanā ubhayattha atthevāti ācariyā. Bahūnaṃ maraṇe ārammaṇaniyame kathanti ce? Vajjhesu ekassa jīvitindriye ālambite sabbesamālambitameva hoti. Ekassa maraṇepi na tassa sakalaṃ jīvitaṃ sakkā ālambituṃ na uppajjamānaṃ, uppannaṃ, nirujjhamānaṃ, atthitāyapāṇātipātacetanāva paccuppannārammaṇā, purejātārammaṇā ca hoti, tasmā tampi yujjati. Pacchimakoṭiyā ekacittakkhaṇe purejātaṃ hutvā ṭhitaṃ taṃ jīvitamālambaṇaṃ katvā sattamajavanapariyāpannacetanāya opakkame kate atthato tassa sattassa sabbaṃ jīvitindriyamālambitaṃ, voropitañca hoti, ito panaññathā na sakkā; evameva pubbabhāge ‘‘bahūpisatte māremī’’ti cintetvā sanniṭṭhānakāle visapakkhipanādīsu ekaṃ payogaṃ sādhayamānā vuttappakāracetanā tesu ekassa vuttappakāraṃ jīvitindriyaṃ ālambaṇaṃ katvā uppajjati, evaṃ uppannāya panekāya sabbepi te māritā honti tāya eva sabbesaṃ maraṇasiddhito, aññathā na sakkā voropetuṃ, ālambituṃ vā. Tattha ekāya cetanāya bahūnaṃ maraṇe akusalarāsi kathanti ce? Visuṃ visuṃ maraṇe pavattacetanānaṃ kiccakaraṇato. Kathaṃ? Tā pana sabbā upapajjavedanīyāva honti, tasmā tāsu yāya kāyaci dinnāya paṭisandhiyā itarā sabbāpi ‘‘tato balavatarakusalapaṭibāhitā ahosikamma’’ntiādikoṭṭhāsaṃ bhajanti, punapi vipākaṃ janituṃ na sakkonti. Aparāpariyavedanīyāpi viya taṃ paṭibāhitvā kusalacetanā paṭisandhiṃ deti, tathā ayampi cetanā anantarabhave eva paṭisandhidānādivasena tāsaṃ kiccalesakaraṇato ekāpi samānā ‘‘rāsī’’ti vuttā. Tāya pana dinnāya paṭisandhiyā atitikkho vipāko hoti. Ayamettha visesotiādi anugaṇṭhipade papañcitaṃ.
амарид̇угаамаа ваад̇и ад̇хиббааяад̇д̇аа обабаад̇игамаран̣зби аабад̇д̇и. ‘‘‘ниб̣б̣ад̇д̇ид̇ваа’д̇и вуд̇д̇ад̇д̇аа бад̇анам̣ на д̣̇иссад̇ийд̇и жз? обабаад̇игад̇д̇ам̣, бад̇анан̃жа згамзваа’’д̇и ликид̇ам̣. ат̇а ваа ‘‘саб̣б̣ат̇ааби ануд̣̇д̣̇иссзваа’’д̇и важанад̇о зд̇т̇а марад̇ууд̇и ад̇хиббааяасамбхавад̇о ‘‘уд̇д̇арид̇ум̣ асаггонд̇о марад̇и баарааж̇игамзваа’’д̇и сувуд̇д̇ам̣. сажз ‘‘бад̇ид̇ваа марад̇уу’’д̇и нияамзд̇ваа кан̣ид̇о ход̇и, обабаад̇игамануссо жа ниб̣б̣ад̇д̇ид̇ваа тид̇анияамзнзва ‘‘уд̇д̇арид̇ум̣ на саггаа’’д̇и жинд̇зд̇ваа марад̇ийд̇и баарааж̇игажчааяаа на д̣̇иссад̇и, д̇зна вуд̇д̇ам̣ ‘‘уд̇д̇арид̇ум̣ асаггонд̇о’’д̇и. со хи уд̇д̇арид̇ум̣ асаггонд̇о бунаббунам̣ бад̇ид̇ваа марад̇и, д̇зна баад̇оби д̇асса сид̣̇д̇хо ход̇ийд̇и ад̇хиббааяо. д̇ад̇т̇а сияаа – яо бана ‘‘уд̇д̇арид̇ум̣ асаггонд̇о марад̇ий’’д̇и вуд̇д̇о, со обаад̇акан̣анагкан̣з аруубалогз ж̇ийвад̇и. вад̇хагажзд̇анаа жа ‘‘анияад̇о д̇хаммо мижчад̇д̇анияад̇асса д̇хаммасса аарамман̣абажжаязна бажжаяо, руубаж̇ийвид̇инд̣̇рияам̣ маад̇угхаад̇игаммасса бид̇угхаад̇игаммасса араханд̇агхаад̇игаммасса рухируббаад̣̇агаммасса аарамман̣абажжаязна бажжаяо’’д̇и (бадтаа. 2.15.38 мижчад̇д̇анияад̇ад̇д̇ига) важанад̇о руубаж̇ийвид̇инд̣̇рияаарамман̣ам̣ ход̇и, на жа д̇ам̣ аруубааважарасад̇д̇ассад̇т̇и, на жа саа жзд̇анаа ‘‘анияад̇о д̇хаммо мижчад̇д̇анияад̇асса д̇хаммасса бурзж̇аад̇абажжаязна бажжаяо, аарамман̣абурзж̇аад̇ам̣ вад̇т̇убурзж̇аад̇ам̣ аарамман̣абурзж̇аад̇ам̣. руубаж̇ийвид̇инд̣̇рияам̣ маад̇угхаад̇игаммасса бурзж̇аад̇абажжаязна бажжаяо’’д̇и (бадтаа. 2.15.48 мижчад̇д̇анияад̇ад̇д̇ига) важанад̇о анааг̇ад̇аарамман̣аа ход̇и. ан̃н̃о ид̇ха бад̇ид̇ваа маран̣агасад̇д̇о над̇т̇и, звам̣ санд̇з вад̇хагажзд̇анааяа гим̣ аарамман̣анд̇и жз? яасса гассажи ид̇ха ж̇ийванагасад̇д̇асса бажжуббаннам̣ ж̇ийвид̇инд̣̇рияам̣ аарамман̣ам̣. гин̃жааби со на марад̇и, ат̇а ко баан̣аад̇ибаад̇о ход̇и зва. яат̇аа гим̣ ‘‘яат̇ааггамзна тид̇з сад̇д̇а ж̇анз згзна ган̣д̣зна виж̇жхид̇ваа маарзмий’’д̇и буб̣б̣абхааг̇з жинд̇зд̇ваа саннидтаанагаалз д̇зсу згасса ж̇ийвид̇амаарамман̣ам̣ гад̇ваа ган̣д̣ам̣ виссаж̇ж̇зд̇и, ган̣д̣о д̇ам̣ вираж̇жхид̇ваа ид̇арз ча ж̇анз маарзд̇и, звам̣ санд̇зби аяам̣ баан̣аад̇ибаад̇ий зва ход̇и, звамид̇хааби ‘‘яо гожий’’д̇и вигаббзнд̇асса вад̇хагажзд̇анаа яасса гассажи ж̇ийвид̇аарамман̣ам̣ гад̇ваа бавад̇д̇ад̇и, д̇асмим̣ амад̇зби ид̇арасса васзна баан̣аад̇ибаад̇ий. сажз арахаа худ̇ваа бариниб̣б̣ааяад̇и, араханд̇агхаад̇агова ход̇и. зса наяо саб̣б̣ад̇т̇а зваруубзсу. аяамзва хзд̇т̇а аажарияабарамбарааг̇ад̇аа яуд̇д̇и винижчаяагат̇аад̇и вуд̇д̇ам̣.
Amaritukāmā vāti adhippāyattā opapātikamaraṇepi āpatti. ‘‘‘Nibbattitvā’ti vuttattā patanaṃ na dissatīti ce? Opapātikattaṃ, patanañca ekamevā’’ti likhitaṃ. Atha vā ‘‘sabbathāpi anuddissevā’’ti vacanato ettha maratūti adhippāyasambhavato ‘‘uttarituṃ asakkonto marati pārājikamevā’’ti suvuttaṃ. Sace ‘‘patitvā maratū’’ti niyametvā khaṇito hoti, opapātikamanusso ca nibbattitvā ṭhitaniyameneva ‘‘uttarituṃ na sakkā’’ti cintetvā maratīti pārājikacchāyā na dissati, tena vuttaṃ ‘‘uttarituṃ asakkonto’’ti. So hi uttarituṃ asakkonto punappunaṃ patitvā marati, tena pātopi tassa siddho hotīti adhippāyo. Tattha siyā – yo pana ‘‘uttarituṃ asakkonto maratī’’ti vutto, so opātakhaṇanakkhaṇe arūpaloke jīvati. Vadhakacetanā ca ‘‘aniyato dhammo micchattaniyatassa dhammassa ārammaṇapaccayena paccayo, rūpajīvitindriyaṃ mātughātikammassa pitughātikammassa arahantaghātikammassa ruhiruppādakammassa ārammaṇapaccayena paccayo’’ti (paṭṭhā. 2.15.38 micchattaniyatattika) vacanato rūpajīvitindriyārammaṇaṃ hoti, na ca taṃ arūpāvacarasattassatthi, na ca sā cetanā ‘‘aniyato dhammo micchattaniyatassa dhammassa purejātapaccayena paccayo, ārammaṇapurejātaṃ vatthupurejātaṃ ārammaṇapurejātaṃ. Rūpajīvitindriyaṃ mātughātikammassa purejātapaccayena paccayo’’ti (paṭṭhā. 2.15.48 micchattaniyatattika) vacanato anāgatārammaṇā hoti. Añño idha patitvā maraṇakasatto natthi, evaṃ sante vadhakacetanāya kiṃ ārammaṇanti ce? Yassa kassaci idha jīvanakasattassa paccuppannaṃ jīvitindriyaṃ ārammaṇaṃ. Kiñcāpi so na marati, atha kho pāṇātipāto hoti eva. Yathā kiṃ ‘‘yathākkamena ṭhite satta jane ekena kaṇḍena vijjhitvā māremī’’ti pubbabhāge cintetvā sanniṭṭhānakāle tesu ekassa jīvitamārammaṇaṃ katvā kaṇḍaṃ vissajjeti, kaṇḍo taṃ virajjhitvā itare cha jane māreti, evaṃ santepi ayaṃ pāṇātipātī eva hoti, evamidhāpi ‘‘yo kocī’’ti vikappentassa vadhakacetanā yassa kassaci jīvitārammaṇaṃ katvā pavattati, tasmiṃ amatepi itarassa vasena pāṇātipātī. Sace arahā hutvā parinibbāyati, arahantaghātakova hoti. Esa nayo sabbattha evarūpesu. Ayameva hettha ācariyaparamparāgatā yutti vinicchayakathāti vuttaṃ.
бад̇анаруубам̣ бамаан̣анд̇и зд̇т̇а яат̇аа маад̇уяаа бад̇ид̇ваа баривад̇д̇алин̇г̇ааяа мад̇ааяа со маад̇угхаад̇аго ход̇и, на гзвалам̣ бурисагхаад̇аго, д̇асмаа бад̇анассзва васзна аабад̇д̇и. гасмаа? бад̇анаруубамаран̣аруубаанам̣ згасанд̇аанад̇д̇аа, д̇ад̣̇зва хисса ж̇ийвид̇инд̣̇рияам̣, д̇асса хи баривад̇д̇анам̣ над̇т̇и, ид̇т̇ибурисинд̣̇рияаанзва бавад̇д̇ияам̣ нируж̇жхануббаж̇ж̇анагаани, ид̇т̇ибурисод̇и жа д̇ад̇т̇а вохаарамад̇д̇амзва, д̇асмаа маад̇угхаад̇агова, на бурисагхаад̇агод̇и, яат̇аа д̇асса бад̇анаруубавасзнаабад̇д̇и, д̇ат̇аа ид̇хааби бад̇анаруубавасзна т̇уллажжаяам̣ згасанд̇аанад̇д̇аад̇и аяам̣ батамат̇зраваад̣̇з яуд̇д̇и. д̣̇уд̇ияз гин̃жааби бзд̇о бад̇ид̇о, яагко жа, ат̇а ко ахзд̇угабадисанд̇хигад̇д̇аа агусалавибаагасса ‘‘ваамзна суугаро ход̇ий’’д̇и (д̣̇ий. ни. адта. 2.296; махаани. адта. 166) зд̇т̇а вуд̇д̇аяагкаанам̣ бадисанд̇хи вияа саб̣б̣аруубаанам̣ саад̇хааран̣ад̇д̇аа, амануссаж̇аад̇игад̇д̇аа жа д̇иражчаанаруубзна мад̇з маран̣аруубавасзна баажид̇д̇ияам̣, вад̇т̇увасзна лахугаабад̇д̇ияаа баривад̇д̇анаа ход̇и зва д̇ад̇т̇аж̇аад̇агаругкаад̣̇ичзд̣̇анабаажид̇д̇ияабаривад̇д̇анам̣ вияа. аяамзва яуд̇д̇ад̇аро, д̇асмаа бажчаа вуд̇д̇о. баарааж̇игасса бана мануссаж̇аад̇иго яат̇аа д̇ат̇аа ваа бад̇ид̇ваа яат̇аа д̇ат̇аа ваа марад̇у, баарааж̇игамзва г̇аругад̇д̇аа. г̇аругаабад̇д̇ияаа хи вибаривад̇д̇анаа над̇т̇ийд̇и вуд̇д̇ам̣.
Patanarūpaṃ pamāṇanti ettha yathā mātuyā patitvā parivattaliṅgāya matāya so mātughātako hoti, na kevalaṃ purisaghātako, tasmā patanasseva vasena āpatti. Kasmā? Patanarūpamaraṇarūpānaṃ ekasantānattā, tadeva hissa jīvitindriyaṃ, tassa hi parivattanaṃ natthi, itthipurisindriyāneva pavattiyaṃ nirujjhanuppajjanakāni, itthipurisoti ca tattha vohāramattameva, tasmā mātughātakova, na purisaghātakoti, yathā tassa patanarūpavasenāpatti, tathā idhāpi patanarūpavasena thullaccayaṃ ekasantānattāti ayaṃ paṭhamatheravāde yutti. Dutiye kiñcāpi peto patito, yakkho ca, atha kho ahetukapaṭisandhikattā akusalavipākassa ‘‘vāmena sūkaro hotī’’ti (dī. ni. aṭṭha. 2.296; mahāni. aṭṭha. 166) ettha vuttayakkhānaṃ paṭisandhi viya sabbarūpānaṃ sādhāraṇattā, amanussajātikattā ca tiracchānarūpena mate maraṇarūpavasena pācittiyaṃ, vatthuvasena lahukāpattiyā parivattanā hoti eva tatthajātakarukkhādichedanapācittiyaparivattanaṃ viya. Ayameva yuttataro, tasmā pacchā vutto. Pārājikassa pana manussajātiko yathā tathā vā patitvā yathā tathā vā maratu, pārājikameva garukattā. Garukāpattiyā hi viparivattanā natthīti vuttaṃ.
т̇уллажжаяам̣ д̇иражчаанз, мад̇з бхзд̣̇асса гааран̣ам̣;
Thullaccayaṃ tiracchāne, mate bhedassa kāraṇaṃ;
саруубамаран̣ам̣ д̇иссо, пуссо ман̃н̃зд̇и ан̃н̃ат̇аа.
Sarūpamaraṇaṃ tisso, phusso maññeti aññathā.
г̇ан̣тибад̣̇з бана ‘‘д̣̇уд̇ияаваад̣̇з бут̇уж̇ж̇анасса бад̇ид̇ваа арахад̇д̇ам̣ бад̇ваа маранд̇асса васзна вуд̇д̇о’’д̇и ликид̇ам̣. ‘‘д̇иражчаанз’’д̇и зд̇т̇а гзжи вад̣̇анд̇и ‘‘д̣̇зваа ад̇хиббзд̇аа’’д̇и. ‘‘сагасагаруубзнзва маран̣ам̣ бхавад̇и наан̃н̃ат̇аа’’д̇и жа вад̣̇анд̇и. яагкабзд̇аруубзна мад̇зби зсзва наяод̇и т̇уллажжаяанд̇и ад̇т̇о. ‘‘д̇иражчаанаг̇ад̇амануссавиг̇г̇ахамаран̣з вияаа’’д̇и ликид̇ам̣. бахаарам̣ лад̣̇д̇хаад̇и сад̇д̇аанам̣ мааран̣ад̇т̇ааяа гад̇ад̇д̇аа вуд̇д̇ам̣.
Gaṇṭhipade pana ‘‘dutiyavāde puthujjanassa patitvā arahattaṃ patvā marantassa vasena vutto’’ti likhitaṃ. ‘‘Tiracchāne’’ti ettha keci vadanti ‘‘devā adhippetā’’ti. ‘‘Sakasakarūpeneva maraṇaṃ bhavati nāññathā’’ti ca vadanti. Yakkhapetarūpena matepi eseva nayoti thullaccayanti attho. ‘‘Tiracchānagatamanussaviggahamaraṇe viyā’’ti likhitaṃ. Pahāraṃ laddhāti sattānaṃ māraṇatthāya katattā vuttaṃ.
177. саад̇ху судту марад̇ууд̇и важийбхзд̣̇ам̣ гарод̇и. висабхааг̇арог̇од̇и сарийрадто г̇ан̣д̣абийл̣агаад̣̇и.
177.Sādhu suṭṭhu maratūti vacībhedaṃ karoti. Visabhāgarogoti sarīraṭṭho gaṇḍapīḷakādi.
178. гаал̣аанусаарийд̇и згиссаа лад̇ааяа муулам̣ гира. махаагажчабзна гад̇абубпам̣ ваа. хам̣сабубпанд̇и хам̣саанам̣ багкабад̇д̇ам̣. хздтаа вуд̇д̇анаязна саахад̇т̇игаан̣ад̇д̇иганаяан̃хзд̇т̇а яож̇зд̇ваа гааяаваажаажид̇д̇ад̇о самудтаанавид̇хи д̣̇ассзд̇аб̣б̣о.
178.Kāḷānusārīti ekissā latāya mūlaṃ kira. Mahākacchapena katapupphaṃ vā. Haṃsapupphanti haṃsānaṃ pakkhapattaṃ. Heṭṭhā vuttanayena sāhatthikāṇattikanayañhettha yojetvā kāyavācācittato samuṭṭhānavidhi dassetabbo.
бад̣̇абхааж̇анийяаван̣н̣анаа нидтид̇аа.
Padabhājanīyavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияабаарааж̇игам̣ • 3. Tatiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияабаарааж̇игам̣ • 3. Tatiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бад̣̇абхааж̇анийяаван̣н̣анаа • Padabhājanīyavaṇṇanā
д̣̇ууд̇агат̇ааван̣н̣анаа • Dūtakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
