| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
199. анааг̇ад̇з уббаж̇ж̇анагарааг̇аад̣̇ийнам̣ гааран̣ад̇д̇аа рааг̇аад̣̇аяова нимид̇д̇ам̣ наама. д̇иссаннан̃жа виж̇ж̇аанам̣ ан̃н̃ад̇арам̣ санд̇хааяа ‘‘виж̇ж̇аанам̣ лаабхиймхий’’д̇и бхан̣ад̇и, баарааж̇игам̣, на вад̇т̇увиж̇ж̇аад̣̇ийнам̣ гилзсанахаанамзва вуд̇д̇ам̣, д̇ам̣кан̣ад̇д̇аа уд̇д̇аримануссад̇хаммаббавад̇д̇и на ход̇ийд̇и жз? на, маг̇г̇агижжад̣̇ийбанад̇о. д̇знзва ‘‘маг̇г̇зна винаа над̇т̇ий’’д̇иаад̣̇и вуд̇д̇ам̣. жид̇д̇анд̇и жид̇д̇асса виг̇ад̇анийваран̣ад̇аад̇и ад̇т̇о. ‘‘яааван̃жа виж̇ж̇аа анааг̇ад̇аа, д̇аава вибассанаан̃аан̣асса лаабхиймхий’д̇и вад̣̇анд̇о яад̣̇и логуд̇д̇арам̣ санд̇хааяа вад̣̇ад̇и, соби жа д̇ат̇аа ж̇аанаад̇и, баарааж̇игамзва логуд̇д̇арассаби д̇ам̣наамад̇д̇аа’’д̇и вад̣̇анд̇и. ‘‘ависзсзнааби вад̣̇ад̇о баарааж̇игам̣ вуд̇д̇анд̇и логуд̇д̇арам̣ санд̇хааяа вад̣̇ад̇о ‘баарааж̇ига’нд̇и вад̇д̇ум̣ яуж̇ж̇ад̇и. яат̇аа гим̣ ‘виж̇ж̇аанам̣ лаабхиймхий’д̇и бхан̣анд̇оби баарааж̇игамзваа’д̇и вуд̇д̇адтаанз вад̇т̇увиж̇ж̇аад̣̇ийнам̣ самбхавзби д̇аасам̣ анад̇хиббзд̇ад̇д̇аа баарааж̇игам̣ ход̇и, звамид̇хааби. на саггаа ан̃н̃ам̣ бамаан̣ам̣ гаад̇унд̇и ад̇д̇ано г̇ун̣амаарожзд̇угаамо логиязна саммиссам̣ ад̇т̇абадисамбхид̣̇ам̣ вад̣̇ад̇о баарааж̇иганд̇и бамаан̣ам̣ гаад̇ум̣ на саггаа, ид̇арат̇аа ход̇ий’’д̇и абарзхи вуд̇д̇ам̣, ‘‘д̇ам̣ буб̣б̣аабаравируд̣̇д̇хам̣, д̇асмаа виж̇ж̇аанид̣̇ассанам̣ ид̇ха анид̣̇ассанам̣ саасанз вад̇т̇увиж̇ж̇аад̣̇ийнам̣ виж̇ж̇аавид̇хаанаабхааваа. бхаг̇авад̇аа вибхад̇д̇акзд̇д̇абад̣̇з ваа д̇зсам̣ барияааяаважанаанам̣ анаамадтад̇д̇аа на саггаа ан̃н̃ам̣ бамаан̣ам̣ гаад̇у’’нд̇и ликид̇ам̣. ‘‘бадисамбхид̣̇аанам̣ лаабхиймхий’д̇и вуд̇д̇з барияааязна вуд̇д̇ад̇д̇аа т̇уллажжаяам̣ яуд̇д̇а’’нд̇и вад̣̇анд̇и, вижаарзд̇аб̣б̣ам̣. виймам̣сид̇ваа г̇ахзд̇аб̣б̣анд̇и ‘‘яо д̇з вихаарз васад̇ий’’д̇иаад̣̇ийхи сам̣санд̣̇анад̇о барияааяаважанад̇д̇аа т̇уллажжаяам̣ вуд̇д̇ам̣. ‘‘нирод̇хасамаабад̇д̇им̣ самаабаж̇ж̇аамий’д̇и ваа ‘лаабхиймхаахам̣ д̇ассаа’д̇и ваа вад̣̇ад̇обий’’д̇и вуд̇д̇аважанамби ‘‘сажз банассзвам̣ ход̇ий’’д̇иаад̣̇иважанамби ад̇т̇ад̇о згамзва, соби хи ад̇д̇ано висзсам̣ аарожзд̇умзва вад̣̇ад̇и. ‘‘яо д̇з вихаарз васад̇ий’д̇иаад̣̇ийсу ахам̣-важанаабхааваа барияааяо яуж̇ж̇ад̇и, ид̇ха бана ‘лаабхиймхаахам̣ д̇ассаа’д̇и ад̇д̇аанам̣ нид̣̇д̣̇исад̇и, д̇асмаа баарааж̇игам̣ аабаж̇ж̇ид̇ум̣ яуд̇д̇ам̣ вияаа’’д̇и вад̣̇анд̇и. ‘‘махаабажжарияаад̣̇иважанам̣ уд̇д̇аримануссад̇хаммзсу згоби на ход̇и, д̇асмаа барияааязна вуд̇д̇ад̇д̇аа на ход̇ий’’д̇и вад̣̇анд̇и, судту убабаригкид̇аб̣б̣ам̣. паласажчигирияаа-бад̣̇ад̇о бадтааяа зва баато г̇ахзд̇аб̣б̣о, паласажчигирияааяаби згзгамби згзгапалавасзна баарааж̇игам̣ взд̣̇ид̇аб̣б̣ам̣.
199. Anāgate uppajjanakarāgādīnaṃ kāraṇattā rāgādayova nimittaṃ nāma. Tissannañca vijjānaṃ aññataraṃ sandhāya ‘‘vijjānaṃ lābhīmhī’’ti bhaṇati, pārājikaṃ, na vatthuvijjādīnaṃ kilesanahānameva vuttaṃ, taṃkhaṇattā uttarimanussadhammappavatti na hotīti ce? Na, maggakiccadīpanato. Teneva ‘‘maggena vinā natthī’’tiādi vuttaṃ. Cittanti cittassa vigatanīvaraṇatāti attho. ‘‘Yāvañca vijjā anāgatā, tāva vipassanāñāṇassa lābhīmhī’ti vadanto yadi lokuttaraṃ sandhāya vadati, sopi ca tathā jānāti, pārājikameva lokuttarassapi taṃnāmattā’’ti vadanti. ‘‘Avisesenāpi vadato pārājikaṃ vuttanti lokuttaraṃ sandhāya vadato ‘pārājika’nti vattuṃ yujjati. Yathā kiṃ ‘vijjānaṃ lābhīmhī’ti bhaṇantopi pārājikamevā’ti vuttaṭṭhāne vatthuvijjādīnaṃ sambhavepi tāsaṃ anadhippetattā pārājikaṃ hoti, evamidhāpi. Na sakkā aññaṃ pamāṇaṃ kātunti attano guṇamārocetukāmo lokiyena sammissaṃ atthapaṭisambhidaṃ vadato pārājikanti pamāṇaṃ kātuṃ na sakkā, itarathā hotī’’ti aparehi vuttaṃ, ‘‘taṃ pubbāparaviruddhaṃ, tasmā vijjānidassanaṃ idha anidassanaṃ sāsane vatthuvijjādīnaṃ vijjāvidhānābhāvā. Bhagavatā vibhattakhettapade vā tesaṃ pariyāyavacanānaṃ anāmaṭṭhattā na sakkā aññaṃ pamāṇaṃ kātu’’nti likhitaṃ. ‘‘Paṭisambhidānaṃ lābhīmhī’ti vutte pariyāyena vuttattā thullaccayaṃ yutta’’nti vadanti, vicāretabbaṃ. Vīmaṃsitvā gahetabbanti ‘‘yo te vihāre vasatī’’tiādīhi saṃsandanato pariyāyavacanattā thullaccayaṃ vuttaṃ. ‘‘Nirodhasamāpattiṃ samāpajjāmī’ti vā ‘lābhīmhāhaṃ tassā’ti vā vadatopī’’ti vuttavacanampi ‘‘sace panassevaṃ hotī’’tiādivacanampi atthato ekameva, sopi hi attano visesaṃ ārocetumeva vadati. ‘‘Yo te vihāre vasatī’tiādīsu ahaṃ-vacanābhāvā pariyāyo yujjati, idha pana ‘lābhīmhāhaṃ tassā’ti attānaṃ niddisati, tasmā pārājikaṃ āpajjituṃ yuttaṃ viyā’’ti vadanti. ‘‘Mahāpaccariyādivacanaṃ uttarimanussadhammesu ekopi na hoti, tasmā pariyāyena vuttattā na hotī’’ti vadanti, suṭṭhu upaparikkhitabbaṃ. Phalasacchikiriyā-padato paṭṭhāya eva pāṭho gahetabbo, phalasacchikiriyāyapi ekekampi ekekaphalavasena pārājikaṃ veditabbaṃ.
рааг̇асса бахаананд̇иаад̣̇ид̇д̇игз гилзсаббахаанамзва вуд̇д̇ам̣, д̇ам̣ бана яасмаа маг̇г̇зна винаа над̇т̇и. д̇ад̇ияамаг̇г̇зна хи рааг̇ад̣̇осаанам̣ бахаанам̣, жад̇уд̇т̇зна мохасса, д̇асмаа ‘‘рааг̇о мз бахийно’’д̇иаад̣̇ийни вад̣̇ад̇оби баарааж̇игам̣. рааг̇аа жид̇д̇ам̣ винийваран̣ад̇аад̇иаад̣̇ид̇д̇игз логуд̇д̇арамзва вуд̇д̇ам̣, д̇асмаа ‘‘рааг̇аа мз жид̇д̇ам̣ винийваран̣а’’нд̇иаад̣̇ийни вад̣̇ад̇о баарааж̇игамзваад̇и. агуббад̇хаммад̇д̇аад̇и гзжи уд̇д̇аравихаараваасино. гасмаа на ход̇ийд̇и жз? ‘‘ид̇и ж̇аанаами, ид̇и бассаамий’’д̇и вад̇д̇амаанаважанзнзва маад̇игааяам̣ вуд̇д̇ад̇д̇аа. яад̣̇и звам̣ бад̣̇абхааж̇анз ‘‘самаабаж̇ж̇им̣, самаабанно’’д̇иаад̣̇инаа вуд̇д̇ад̇д̇аа ‘‘ад̇ийд̇ад̇д̇абхаавз сод̇аабанномхий’’д̇и вад̣̇ад̇оби ход̇ууд̇и жз? на, ан̃н̃ат̇аа ад̇т̇асамбхавад̇о. гат̇ам̣? ад̣̇д̇хаабажжуббаннавасзна вад̇д̇амаанад̇аа г̇ахзд̇аб̣б̣аад̇и н̃аабанад̇т̇ам̣ вуд̇д̇ам̣, на ад̇ийд̇ад̇д̇абхаавам̣. ад̇ийд̇ад̇д̇абхааво хи барияааязна вуд̇д̇ад̇д̇аа ‘‘т̇уллажжаяа’’нд̇и вуд̇д̇анд̇и аажарияаа.
Rāgassa pahānantiādittike kilesappahānameva vuttaṃ, taṃ pana yasmā maggena vinā natthi. Tatiyamaggena hi rāgadosānaṃ pahānaṃ, catutthena mohassa, tasmā ‘‘rāgo me pahīno’’tiādīni vadatopi pārājikaṃ. Rāgā cittaṃ vinīvaraṇatātiādittike lokuttarameva vuttaṃ, tasmā ‘‘rāgā me cittaṃ vinīvaraṇa’’ntiādīni vadato pārājikamevāti. Akuppadhammattāti keci uttaravihāravāsino. Kasmā na hotīti ce? ‘‘Iti jānāmi, iti passāmī’’ti vattamānavacaneneva mātikāyaṃ vuttattā. Yadi evaṃ padabhājane ‘‘samāpajjiṃ, samāpanno’’tiādinā vuttattā ‘‘atītattabhāve sotāpannomhī’’ti vadatopi hotūti ce? Na, aññathā atthasambhavato. Kathaṃ? Addhāpaccuppannavasena vattamānatā gahetabbāti ñāpanatthaṃ vuttaṃ, na atītattabhāvaṃ. Atītattabhāvo hi pariyāyena vuttattā ‘‘thullaccaya’’nti vuttanti ācariyā.
200. ‘‘сажзби на ход̇и, баарааж̇игамзваа’’д̇и адтаанабаригаббавасзна вуд̇д̇ам̣ гира. ‘‘ид̇и ваажаа д̇иван̇г̇игаа’’д̇и вагкад̇и. над̇т̇зд̇анд̇и буримз сад̇и бажчимассаабхааваа самаабаж̇ж̇им̣, самаабаннод̇и имзсам̣ гин̃жааби ад̇т̇ад̇о гаалависзсо над̇т̇и, важанависзсо бана ад̇т̇и зва.
200.‘‘Sacepi na hoti, pārājikamevā’’ti aṭṭhānaparikappavasena vuttaṃ kira. ‘‘Iti vācā tivaṅgikā’’ti vakkhati. Natthetanti purime sati pacchimassābhāvā samāpajjiṃ, samāpannoti imesaṃ kiñcāpi atthato kālaviseso natthi, vacanaviseso pana atthi eva.
207. угкздид̇од̇и уд̇д̇аасид̇о. кида уд̇раасанз.
207.Ukkheṭitoti uttāsito. Khiṭa utrāsane.
суд̣̇д̇хигаваарагат̇ааван̣н̣анаа нидтид̇аа.
Suddhikavārakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бад̣̇абхааж̇анийяаван̣н̣анаа • Padabhājanīyavaṇṇanā
суд̣̇д̇хигаваарагат̇ааван̣н̣анаа • Suddhikavārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
