| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
271. ‘‘рад̇д̇ам̣ жид̇д̇ам̣ имасмим̣ ад̇т̇з ад̇хиббзд̇ам̣ вибарин̣ад̇а’’нд̇и гин̃жааби сааман̃н̃зна вуд̇д̇ам̣, винийд̇авад̇т̇уусу ‘‘маад̇уяаа маад̇убзмзна аамасад̇и…бз… аабад̇д̇и д̣̇уггадассаа’’д̇и вуд̇д̇ад̇д̇аа гааяасам̣саг̇г̇арааг̇знзва рад̇д̇анд̇и взд̣̇ид̇аб̣б̣ам̣. д̇ат̇аа ‘‘маад̇уг̇аамо наама мануссид̇т̇ий’’д̇и гин̃жааби ависзсзна вуд̇д̇ам̣, ат̇а ко авинадтинд̣̇рияаава мануссид̇т̇ий ид̇хаад̇хиббзд̇аа ‘‘мад̇ид̇т̇ияаа гааяасам̣саг̇г̇ам̣ самаабаж̇ж̇и…бз… аабад̇д̇и т̇уллажжаяассаа’’д̇и вуд̇д̇ад̇д̇аа. ‘‘мануссид̇т̇ий’’д̇и зд̇д̇аавад̇аа сид̣̇д̇хз ‘‘на яагкий на бзд̇ий на д̇иражчаанаг̇ад̇аа’’д̇и важанам̣ авинадтинд̣̇рияааби на саб̣б̣аа мануссавиг̇г̇ахаа ид̇т̇ий ид̇ха мануссид̇т̇ий наама. яагкиаад̣̇аяо хи ад̇д̇ано ж̇аад̇исид̣̇д̇хзна ид̣̇д̇хивисзсзна иж̇жханд̇ияо мануссавиг̇г̇ахааби хонд̇ийд̇и д̣̇ассанад̇т̇ам̣ вуд̇д̇ам̣. д̇аасу яагкий т̇уллажжаяавад̇т̇у ход̇и винийд̇авад̇т̇уусу яагкияаа гааяасам̣саг̇г̇зна т̇уллажжаяасса вуд̇д̇ад̇д̇аа. д̇ад̣̇ануломад̇д̇аа бзд̇ид̇т̇ий, д̣̇звид̇т̇ий жа т̇уллажжаяавад̇т̇у. д̇иражчаанаг̇ад̇ид̇т̇ий д̣̇уггадавад̇т̇у. д̇иражчаанаг̇ад̇амануссавиг̇г̇ахид̇т̇ий жа т̇уллажжаяавад̇т̇умзваад̇и згз. вибхан̇г̇з бана ‘‘мануссид̇т̇ий жа ход̇и мануссид̇т̇исан̃н̃ий’’д̇и баал̣ияаа абхаавзна ‘‘ид̇т̇ий жа ход̇и яагкисан̃н̃ий’’д̇иаад̣̇иважанз сад̇и яагкиаад̣̇ийнам̣ анид̇т̇ид̇аабасан̇г̇ад̇о, ‘‘ид̇т̇ий жа ход̇и ид̇т̇исан̃н̃ий’’д̇иаад̣̇имхи яагкиаад̣̇ийнам̣ анд̇огаран̣з сад̇и д̇аасам̣ сан̇гхаад̣̇исзсавад̇т̇убхааваббасан̇г̇ад̇о жа яагкиаад̣̇аяо на вуд̇д̇аад̇и взд̣̇ид̇аб̣б̣аа. згз бана ‘‘винийд̇авад̇т̇умхи ‘ан̃н̃ад̇аро бхигку д̇иражчаанаг̇ад̇ид̇т̇ияаа гааяа…бз… д̣̇уггадассаа’д̇и зд̇т̇а амануссавиг̇г̇ахаа баагад̇игад̇иражчаанаг̇ад̇ид̇т̇ий ад̇хиббзд̇аа, д̇асмаа д̣̇уггадам̣ вуд̇д̇ам̣. ‘ид̇т̇ий жа ход̇и д̇иражчаанаг̇ад̇асан̃н̃ийд̇и д̇иражчаанаг̇ад̇аа жа ход̇и ид̇т̇исан̃н̃ий’д̇иаад̣̇иваарзсуби баагад̇игад̇иражчаанаг̇ад̇ова ад̇хиббзд̇о, со жа д̇иражчаанаг̇ад̇абурисова. д̇знзва д̣̇удтуллаваажааад̇д̇агааамабаарижарияасигкаабад̣̇зсу мануссабурисабадисам̣яуд̇д̇аваараа вияа д̇иражчаанабадисам̣яуд̇д̇аваарааби нааг̇ад̇аа’’д̇и вад̣̇анд̇и. д̇ат̇аа бан̣д̣агод̇и ид̇ха мануссабан̣д̣агова, бурисод̇и жа ид̇ха мануссабурисова ааг̇ад̇о, д̇асмаа амануссид̇т̇ий амануссабан̣д̣аго амануссабурисо д̇иражчаанаг̇ад̇ид̇т̇ий д̇иражчаанаг̇ад̇абан̣д̣аго мануссаамануссад̇иражчаанаг̇ад̇аубхад̇об̣яан̃ж̇анагаа жаад̇и адта ж̇анаа ид̇ха нааг̇ад̇аа, д̇зсам̣ васзна вад̇т̇усан̃н̃аавимад̇ибхзд̣̇авасзна аабад̇д̇ибхзд̣̇аабхзд̣̇авинижчаяо, анааг̇ад̇аваараг̇ан̣анаа жа асаммуяханд̇зна взд̣̇ид̇аб̣б̣аа, д̇ат̇аа д̇зсам̣ д̣̇угамиссагаад̣̇иваараа, аабад̇д̇ианаабад̇д̇ибхзд̣̇авинижчаяо жа. ‘‘д̇ад̇т̇а амануссабан̣д̣агаамануссабурисад̇иражчаанаг̇ад̇ид̇т̇ид̇иражчаанаг̇ад̇абан̣д̣агаад̇и жад̇д̇ааро д̣̇уггадавад̇т̇угаа, амануссид̇т̇имануссаубхад̇об̣яан̃ж̇анагаа т̇уллажжаяавад̇т̇угаа, амануссаубхад̇об̣яан̃ж̇анагаа д̇иражчаанаг̇ад̇аубхад̇об̣яан̃ж̇анагаа д̣̇уггадавад̇т̇угаа, баал̣ияам̣ бана амануссид̇т̇ияаа анааг̇ад̇ад̇д̇аа амануссабан̣д̣агаа, убхад̇об̣яан̃ж̇анагаа бурисаа жа нааг̇ад̇аа. д̇иражчаанаг̇ад̇ид̇т̇ибан̣д̣агаубхад̇об̣яан̃ж̇анагаа д̇иражчаанаг̇ад̇абурисзна самаанаг̇ад̇игад̇д̇аа нааг̇ад̇аа, мануссаубхад̇об̣яан̃ж̇анаго мануссабан̣д̣агзна самаанаг̇ад̇игад̇д̇аа анааг̇ад̇о’’д̇и вад̣̇анд̇и. адтагат̇ааяам̣ (баараа. адта. 2.281) бана ‘‘нааг̇амаан̣авигааяаби субан̣н̣амаан̣авигааяаби гиннарияааби г̇аавияааби д̣̇уггадамзваа’’д̇и вуд̇д̇ад̇д̇аа д̇ад̣̇зва бамаан̣ад̇о г̇ахзд̇аб̣б̣ам̣.
271.‘‘Rattaṃ cittaṃ imasmiṃ atthe adhippetaṃ vipariṇata’’nti kiñcāpi sāmaññena vuttaṃ, vinītavatthūsu ‘‘mātuyā mātupemena āmasati…pe… āpatti dukkaṭassā’’ti vuttattā kāyasaṃsaggarāgeneva rattanti veditabbaṃ. Tathā ‘‘mātugāmo nāma manussitthī’’ti kiñcāpi avisesena vuttaṃ, atha kho avinaṭṭhindriyāva manussitthī idhādhippetā ‘‘matitthiyā kāyasaṃsaggaṃ samāpajji…pe… āpatti thullaccayassā’’ti vuttattā. ‘‘Manussitthī’’ti ettāvatā siddhe ‘‘na yakkhī na petī na tiracchānagatā’’ti vacanaṃ avinaṭṭhindriyāpi na sabbā manussaviggahā itthī idha manussitthī nāma. Yakkhiādayo hi attano jātisiddhena iddhivisesena ijjhantiyo manussaviggahāpi hontīti dassanatthaṃ vuttaṃ. Tāsu yakkhī thullaccayavatthu hoti vinītavatthūsu yakkhiyā kāyasaṃsaggena thullaccayassa vuttattā. Tadanulomattā petitthī, devitthī ca thullaccayavatthu. Tiracchānagatitthī dukkaṭavatthu. Tiracchānagatamanussaviggahitthī ca thullaccayavatthumevāti eke. Vibhaṅge pana ‘‘manussitthī ca hoti manussitthisaññī’’ti pāḷiyā abhāvena ‘‘itthī ca hoti yakkhisaññī’’tiādivacane sati yakkhiādīnaṃ anitthitāpasaṅgato, ‘‘itthī ca hoti itthisaññī’’tiādimhi yakkhiādīnaṃ antokaraṇe sati tāsaṃ saṅghādisesavatthubhāvappasaṅgato ca yakkhiādayo na vuttāti veditabbā. Eke pana ‘‘vinītavatthumhi ‘aññataro bhikkhu tiracchānagatitthiyā kāya…pe… dukkaṭassā’ti ettha amanussaviggahā pākatikatiracchānagatitthī adhippetā, tasmā dukkaṭaṃ vuttaṃ. ‘Itthī ca hoti tiracchānagatasaññīti tiracchānagatā ca hoti itthisaññī’tiādivāresupi pākatikatiracchānagatova adhippeto, so ca tiracchānagatapurisova. Teneva duṭṭhullavācāattakaāmapāricariyasikkhāpadesu manussapurisapaṭisaṃyuttavārā viya tiracchānapaṭisaṃyuttavārāpi nāgatā’’ti vadanti. Tathā paṇḍakoti idha manussapaṇḍakova, purisoti ca idha manussapurisova āgato, tasmā amanussitthī amanussapaṇḍako amanussapuriso tiracchānagatitthī tiracchānagatapaṇḍako manussāmanussatiracchānagataubhatobyañjanakā cāti aṭṭha janā idha nāgatā, tesaṃ vasena vatthusaññāvimatibhedavasena āpattibhedābhedavinicchayo, anāgatavāragaṇanā ca asammuyhantena veditabbā, tathā tesaṃ dukamissakādivārā, āpattianāpattibhedavinicchayo ca. ‘‘Tattha amanussapaṇḍakaamanussapurisatiracchānagatitthitiracchānagatapaṇḍakāti cattāro dukkaṭavatthukā, amanussitthimanussaubhatobyañjanakā thullaccayavatthukā, amanussaubhatobyañjanakā tiracchānagataubhatobyañjanakā dukkaṭavatthukā, pāḷiyaṃ pana amanussitthiyā anāgatattā amanussapaṇḍakā, ubhatobyañjanakā purisā ca nāgatā. Tiracchānagatitthipaṇḍakaubhatobyañjanakā tiracchānagatapurisena samānagatikattā nāgatā, manussaubhatobyañjanako manussapaṇḍakena samānagatikattā anāgato’’ti vadanti. Aṭṭhakathāyaṃ (pārā. aṭṭha. 2.281) pana ‘‘nāgamāṇavikāyapi supaṇṇamāṇavikāyapi kinnariyāpi gāviyāpi dukkaṭamevā’’ti vuttattā tadeva pamāṇato gahetabbaṃ.
д̇ад̇рааяам̣ вижааран̣аа – ‘‘на, бхигкавз, д̇иражчаанаг̇ад̇асса нисиннабарисааяа баад̇имогкам̣ уд̣̇д̣̇исид̇аб̣б̣а’’нд̇и (махаава. 183) зд̇т̇а ‘‘д̇иражчаанаг̇ад̇од̇и яасса убасамбад̣̇аа бадигкид̇д̇аа’’д̇и (ган̇каа. адта. нид̣̇аанаван̣н̣анаа) адтагат̇ааяам̣ вуд̇д̇ад̇д̇аа д̇иражчаанаг̇ад̇амануссавиг̇г̇ахо баагад̇игад̇иражчаанаг̇ад̇ад̇о висидто, д̇ат̇аа яагкабзд̇ад̇иражчаанаг̇ад̇амануссавиг̇г̇ахаанам̣ ‘‘д̇иражчаанаг̇ад̇асса жа д̣̇угкуббад̇д̇ияам̣ абижа д̣̇уггадамзваа’’д̇и зд̇т̇а висзсзд̇ваа вуд̇д̇ад̇д̇аа жа ‘‘бад̇анаруубам̣ бамаан̣ам̣, на маран̣арууба’’нд̇и зд̇т̇а аабад̇д̇ивисзсаважанад̇о жа ‘‘убхад̇о авассуд̇з яагкасса ваа бзд̇асса ваа бан̣д̣агасса ваа д̇иражчаанаг̇ад̇амануссавиг̇г̇ахасса ваа ад̇хагкагам̣ уб̣бхаж̇аан̣уман̣д̣алам̣ гааязна гааяам̣ аамасад̇и, аабад̇д̇и т̇уллажжаяассаа’’д̇и (баажи. 661) сааман̃н̃зна важанад̇о жа со висидтод̇и сид̣̇д̇хам̣. висидтад̇д̇аа жа д̇иражчаанаг̇ад̇амануссавиг̇г̇ахид̇т̇ияаа гааяасам̣саг̇г̇ам̣ самаабаж̇ж̇анд̇ассаад̇и висзсо ход̇и, д̇асмаа д̇ад̇т̇а аабад̇д̇ивисзсзна бхавид̇аб̣б̣ам̣. яад̣̇и гааяасам̣саг̇г̇асигкаабад̣̇з д̇иражчаанаг̇ад̇амануссавиг̇г̇ахид̇т̇ийби ад̇хиббзд̇аа, руубасааман̃н̃зна сан̃н̃аавирааг̇ад̇д̇аасамбхавад̇о д̣̇удтуллаваажааад̇д̇агаамабаарижарияасигкаабад̣̇зсуби саа вад̇д̇аб̣б̣аа бхавзяяа, саа жаанааг̇ад̇аа. саруубзна сам̣кид̇д̇аваарад̇д̇аа нааг̇ад̇аад̇и жз? ид̇т̇ий жа ход̇и д̇иражчаанаг̇ад̇о жа убхиннам̣ ид̇т̇исан̃н̃ийд̇и ид̇ха ааг̇ад̇ад̇д̇аа бурисалин̇г̇анид̣̇д̣̇зсо на яуж̇ж̇ад̇и, д̇асмаа д̇иражчаанаг̇ад̇абурисо жа ид̇ха ааг̇ад̇о, д̇иражчаанаг̇ад̇амануссавиг̇г̇ахид̇т̇ияаа баал̣ияам̣ анааг̇ад̇ааяаби д̣̇уггадамзва адтагат̇ааяам̣ вуд̇д̇ад̇д̇аад̇и имасса важанасса гааран̣ажчааяаа бариязсид̇аб̣б̣аад̇и ад̇хиббааяо. ид̣̇ам̣ на яуж̇ж̇ад̇и. гасмаа? ид̇т̇ийнам̣, бурисаанан̃жа згад̇о важанз бурисалин̇г̇асаб̣бхаавад̇о. ид̇ха д̇иражчаанаг̇ад̇абурисабан̣д̣агид̇т̇ияо д̇иссоби згад̇о самбин̣д̣зд̇ваа ‘‘д̇иражчаанаг̇ад̇о’’д̇и вуд̇д̇ам̣.
Tatrāyaṃ vicāraṇā – ‘‘na, bhikkhave, tiracchānagatassa nisinnaparisāya pātimokkhaṃ uddisitabba’’nti (mahāva. 183) ettha ‘‘tiracchānagatoti yassa upasampadā paṭikkhittā’’ti (kaṅkhā. aṭṭha. nidānavaṇṇanā) aṭṭhakathāyaṃ vuttattā tiracchānagatamanussaviggaho pākatikatiracchānagatato visiṭṭho, tathā yakkhapetatiracchānagatamanussaviggahānaṃ ‘‘tiracchānagatassa ca dukkhuppattiyaṃ apica dukkaṭamevā’’ti ettha visesetvā vuttattā ca ‘‘patanarūpaṃ pamāṇaṃ, na maraṇarūpa’’nti ettha āpattivisesavacanato ca ‘‘ubhato avassute yakkhassa vā petassa vā paṇḍakassa vā tiracchānagatamanussaviggahassa vā adhakkhakaṃ ubbhajāṇumaṇḍalaṃ kāyena kāyaṃ āmasati, āpatti thullaccayassā’’ti (pāci. 661) sāmaññena vacanato ca so visiṭṭhoti siddhaṃ. Visiṭṭhattā ca tiracchānagatamanussaviggahitthiyā kāyasaṃsaggaṃ samāpajjantassāti viseso hoti, tasmā tattha āpattivisesena bhavitabbaṃ. Yadi kāyasaṃsaggasikkhāpade tiracchānagatamanussaviggahitthīpi adhippetā, rūpasāmaññena saññāvirāgattāsambhavato duṭṭhullavācāattakāmapāricariyasikkhāpadesupi sā vattabbā bhaveyya, sā cānāgatā. Sarūpena saṃkhittavārattā nāgatāti ce? Itthī ca hoti tiracchānagato ca ubhinnaṃ itthisaññīti idha āgatattā purisaliṅganiddeso na yujjati, tasmā tiracchānagatapuriso ca idha āgato, tiracchānagatamanussaviggahitthiyā pāḷiyaṃ anāgatāyapi dukkaṭameva aṭṭhakathāyaṃ vuttattāti imassa vacanassa kāraṇacchāyā pariyesitabbāti adhippāyo. Idaṃ na yujjati. Kasmā? Itthīnaṃ, purisānañca ekato vacane purisaliṅgasabbhāvato. Idha tiracchānagatapurisapaṇḍakitthiyo tissopi ekato sampiṇḍetvā ‘‘tiracchānagato’’ti vuttaṃ.
д̇ад̇т̇а жа мануссавиг̇г̇ахаамануссавиг̇г̇ахзсу ид̇т̇ибан̣д̣агабурисасан̃н̃ид̇аа яат̇аасамбхавам̣ взд̣̇ид̇аб̣б̣аа. д̣̇удтуллаваажаад̣̇исигкаабад̣̇ад̣̇ваяз ваараанам̣ сам̣кид̇д̇ад̇д̇аа бурисад̇иражчаанаг̇ад̇аад̣̇аяо нааг̇ад̇аа. яат̇аавуд̇д̇зсу аабад̇д̇и, д̇ат̇аа д̇ад̇т̇ааби. ан̃н̃ат̇аа бурисам̣ обхаасанд̇асса жа анаабад̇д̇ийд̇и бан̣д̣агам̣ обхаасанд̇асса жа т̇уллажжаяанд̇и маад̇игаадтагат̇ааяам̣ вуд̇д̇ам̣. д̇асмаа д̇з ваараа сам̣кид̇д̇аад̇и бан̃н̃ааяанд̇ийд̇и. висзсо жа бан̣д̣агз, бурисз, д̇иражчаанаг̇ад̇з жа ид̇т̇исан̃н̃исса ад̇т̇и, д̇ат̇ааби д̇ад̇т̇а д̣̇уггадам̣ вуд̇д̇ам̣, д̇асмаа адтагат̇ааяам̣ вуд̇д̇амзва бамаан̣анд̇и д̣̇виннамзд̇зсам̣ ваад̣̇аанам̣ яад̇т̇а яуд̇д̇и ваа гааран̣ам̣ ваа ад̇ирзгам̣ д̣̇иссад̇и, д̇ам̣ вижаарзд̇ваа г̇ахзд̇аб̣б̣анд̇и аарижаяо. зваруубзсу таанзсу судту вижаарзд̇ваа гат̇зд̇аб̣б̣ам̣.
Tattha ca manussaviggahāmanussaviggahesu itthipaṇḍakapurisasaññitā yathāsambhavaṃ veditabbā. Duṭṭhullavācādisikkhāpadadvaye vārānaṃ saṃkhittattā purisatiracchānagatādayo nāgatā. Yathāvuttesu āpatti, tathā tatthāpi. Aññathā purisaṃ obhāsantassa ca anāpattīti paṇḍakaṃ obhāsantassa ca thullaccayanti mātikāṭṭhakathāyaṃ vuttaṃ. Tasmā te vārā saṃkhittāti paññāyantīti. Viseso ca paṇḍake, purise, tiracchānagate ca itthisaññissa atthi, tathāpi tattha dukkaṭaṃ vuttaṃ, tasmā aṭṭhakathāyaṃ vuttameva pamāṇanti dvinnametesaṃ vādānaṃ yattha yutti vā kāraṇaṃ vā atirekaṃ dissati, taṃ vicāretvā gahetabbanti āricayo. Evarūpesu ṭhānesu suṭṭhu vicāretvā kathetabbaṃ.
д̇ад̇т̇а баал̣ияам̣ ааг̇ад̇аваараг̇ан̣анаа д̇аава звам̣ сан̇кзбад̇о взд̣̇ид̇аб̣б̣аа – ид̇т̇имуулагаа бан̃жа ваараа бан̣д̣агабурисад̇иражчаанаг̇ад̇амуулагаа жа бан̃жа бан̃жаад̇и вийсад̇и ваараа згамуулагаа, д̇ат̇аа д̣̇умуулагаа вийсад̇и, миссагамуулагаа вийсад̇ийд̇и садти ваараа, д̇аани д̇ийн̣и вийсад̇игаани хонд̇и. згзгасмим̣ вийсад̇игз згзгамуулаваарам̣ г̇ахзд̇ваа гааязна гааяабадиб̣ад̣̇д̇хаваараа д̇аяо вуд̇д̇аа. сзсаа сад̇д̇абан̃н̃ааса ваараа сам̣кид̇д̇аа, д̇ат̇аа гааяабадиб̣ад̣̇д̇хзна гааяаваараа д̇аяо вуд̇д̇аа, сзсаа сам̣кид̇д̇аа, звам̣ гааяабадиб̣ад̣̇д̇хзна гааяабадиб̣ад̣̇д̇хаваарзби ниссаг̇г̇иязна гааяаваарзби ниссаг̇г̇иязна гааяабадиб̣ад̣̇д̇хаваарзби ниссаг̇г̇иязна ниссаг̇г̇ияаваарзби д̇аяо д̇аяо ваараа вуд̇д̇аа, сзсаа сам̣кид̇д̇аа. звам̣ чаннам̣ д̇игаанам̣ васзна адтаараса ваараа ааг̇ад̇аад̇и саруубад̇о вуд̇д̇аа, сзсаа д̣̇взжад̇д̇аалийсаад̇хигаани д̇ийн̣и ваарасад̇аани сам̣кид̇д̇аани. д̇ад̇о барам̣ маад̇уг̇аамасса саарад̇д̇абагкз гааязна гааяанд̇и згамзгам̣ вад̣дхзд̇ваа буб̣б̣з вуд̇д̇аа адтаараса ваараа ааг̇ад̇аад̇и згавийсад̇и ваараа саруубзна ааг̇ад̇аа, наванавуд̇аад̇хигаани д̇ийн̣и ваарасад̇аани сам̣кид̇д̇аани. д̇ад̇о барам̣ аабад̇д̇аанаабад̇д̇ид̣̇ийбагаа жад̇д̇ааро сзванаад̇хиббааяамуулагаа жад̇д̇ааро могкаад̇хиббааяамуулагаад̇и д̣̇вз жад̇уггаа ааг̇ад̇аа.
Tattha pāḷiyaṃ āgatavāragaṇanā tāva evaṃ saṅkhepato veditabbā – itthimūlakā pañca vārā paṇḍakapurisatiracchānagatamūlakā ca pañca pañcāti vīsati vārā ekamūlakā, tathā dumūlakā vīsati, missakamūlakā vīsatīti saṭṭhi vārā, tāni tīṇi vīsatikāni honti. Ekekasmiṃ vīsatike ekekamūlavāraṃ gahetvā kāyena kāyapaṭibaddhavārā tayo vuttā. Sesā sattapaññāsa vārā saṃkhittā, tathā kāyapaṭibaddhena kāyavārā tayo vuttā, sesā saṃkhittā, evaṃ kāyapaṭibaddhena kāyapaṭibaddhavārepi nissaggiyena kāyavārepi nissaggiyena kāyapaṭibaddhavārepi nissaggiyena nissaggiyavārepi tayo tayo vārā vuttā, sesā saṃkhittā. Evaṃ channaṃ tikānaṃ vasena aṭṭhārasa vārā āgatāti sarūpato vuttā, sesā dvecattālīsādhikāni tīṇi vārasatāni saṃkhittāni. Tato paraṃ mātugāmassa sārattapakkhe kāyena kāyanti ekamekaṃ vaḍḍhetvā pubbe vuttā aṭṭhārasa vārā āgatāti ekavīsati vārā sarūpena āgatā, navanavutādhikāni tīṇi vārasatāni saṃkhittāni. Tato paraṃ āpattānāpattidīpakā cattāro sevanādhippāyamūlakā cattāro mokkhādhippāyamūlakāti dve catukkā āgatā.
д̇ад̇т̇ааяам̣ висзсо – яад̣̇ид̣̇ам̣ маад̇игааяа бараамасанабад̣̇ам̣, д̇зна яасмаа аамасанаад̣̇ийни чубанабарияосаанаани д̣̇ваад̣̇асаби бад̣̇аани г̇ахид̇аани, д̇асмаа бад̣̇уд̣̇д̇хаарам̣ агад̇ваа ‘‘аамасанаа бараамасанам̣ чубана’’нд̇и ааха. бараамасанам̣ наама аамасанаа. ‘‘чубана’’нд̇и хи вуд̇д̇з бараамасанамби висум̣ згад̇д̇ам̣ бхавзяяаад̇и взд̣̇ид̇аб̣б̣ам̣. ид̇т̇ий жа ход̇и ид̇т̇исан̃н̃ий жаад̇и имасмим̣ батамаваарз зва д̣̇ваад̣̇асаби аамасанаад̣̇ийни яож̇зд̇ваа д̣̇ассид̇аани. д̇ад̇о барам̣ аад̣̇имхи д̣̇вз бад̣̇аанийд̇и жад̇д̇аари бад̣̇аани ааг̇ад̇аани, ид̇араани сам̣кид̇д̇аанийд̇и взд̣̇ид̇аб̣б̣аани. ниссаг̇г̇иязна гааяаваараад̣̇ийсу бана саб̣б̣аагаарзна алаабхад̇о аамасанамзвзгам̣ ааг̇ад̇ам̣, нзд̇араани. ‘‘сан̃жобзд̇и харад̇ий’’д̇и баато, сан̃жобзд̇и жа. г̇ан̣тибад̣̇зсу бана ‘‘буриманаязнзваад̇и раж̇ж̇увад̇т̇аад̣̇ийхи баригкибанз’’д̇и жа бажчаа ‘‘буриманаязнзваад̇и саммасанаа ход̇ий’’д̇и жа ‘‘взн̣иг̇г̇аахз аабад̇д̇ияаа бан̃н̃ад̇д̇ад̇д̇аа ломапусанзби сан̇гхаад̣̇исзсо’’д̇и жа ‘‘д̇ам̣ багаасзд̇ум̣ убаад̣̇иннагзна хийд̇иаад̣̇и вуд̇д̇а’’нд̇и жа ликид̇ам̣.
Tatthāyaṃ viseso – yadidaṃ mātikāya parāmasanapadaṃ, tena yasmā āmasanādīni chupanapariyosānāni dvādasapi padāni gahitāni, tasmā paduddhāraṃ akatvā ‘‘āmasanā parāmasanaṃ chupana’’nti āha. Parāmasanaṃ nāma āmasanā. ‘‘Chupana’’nti hi vutte parāmasanampi visuṃ ekattaṃ bhaveyyāti veditabbaṃ. Itthī ca hoti itthisaññī cāti imasmiṃ paṭhamavāre eva dvādasapi āmasanādīni yojetvā dassitāni. Tato paraṃ ādimhi dve padānīti cattāri padāni āgatāni, itarāni saṃkhittānīti veditabbāni. Nissaggiyena kāyavārādīsu pana sabbākārena alābhato āmasanamevekaṃ āgataṃ, netarāni. ‘‘Sañcopeti haratī’’ti pāṭho, sañcopeti ca. Gaṇṭhipadesu pana ‘‘purimanayenevāti rajjuvatthādīhi parikkhipane’’ti ca pacchā ‘‘purimanayenevāti sammasanā hotī’’ti ca ‘‘veṇiggāhe āpattiyā paññattattā lomaphusanepi saṅghādiseso’’ti ca ‘‘taṃ pakāsetuṃ upādinnakena hītiādi vutta’’nti ca likhitaṃ.
яат̇аанид̣̇д̣̇идтанид̣̇д̣̇зсзд̇и имасмим̣язва яат̇аанид̣̇д̣̇идтз нид̣̇д̣̇зсз. ‘‘сад̣̇исам̣ аг̇г̇ахзсий’’д̇и вуд̇д̇з д̇аад̣̇исам̣ аг̇г̇ахзсийд̇и г̇аругам̣ д̇ад̇т̇а гаараязд̇и ад̇т̇о, гааяасам̣саг̇г̇авибхан̇г̇з ваад̇и ад̇т̇о. ид̇ароби гааяабадиб̣ад̣̇д̇хачубанаго. г̇ахан̣з жаад̇и г̇ахан̣ам̣ ваа. вирааг̇ид̇зд̇и вирад̣̇д̇хз. саарад̇д̇анд̇и гааяасам̣саг̇г̇арааг̇зна рад̇д̇ам̣, ад̇д̇анаа ад̇хиббзд̇анд̇и ад̇т̇о. ‘‘маад̇убхаг̇иниаад̣̇ивирад̇д̇ам̣ г̇ан̣хиссаамий’’д̇и вирад̇д̇ам̣ н̃аад̇ибзмавасзна г̇ан̣хи, зд̇т̇а д̣̇уггадам̣ яуд̇д̇ам̣. ‘‘гааяасам̣саг̇г̇арааг̇ам̣ ваа саарад̇д̇ам̣ г̇ан̣хиссаамий’’д̇и вирад̇д̇ам̣ маад̇арам̣ г̇ан̣хи, анад̇хиббзд̇ам̣ г̇ан̣хи. зд̇т̇а махаасумад̇т̇зраваад̣̇зна т̇уллажжаяам̣ ‘‘гааяам̣ г̇ан̣хиссаамий’’д̇и гааяаббадиб̣ад̣̇д̇хам̣ г̇ан̣хаад̇и, т̇уллажжаяанд̇и лад̣̇д̇хигад̇д̇аа. ‘‘ид̇т̇ий жа ход̇и ид̇т̇исан̃н̃ий саарад̇д̇о жа, бхигку жа нам̣ ид̇т̇ияаа гааязна гааяам̣ аамасад̇и, аабад̇д̇и сан̇гхаад̣̇исзсассаа’’д̇и (баараа. 273) важанад̇о сан̇гхаад̣̇исзсоби кааяад̇и. ‘‘вирад̇д̇ам̣ г̇ан̣хиссаамий’’д̇и саарад̇д̇ам̣ г̇ан̣хаад̇и, зд̇т̇аби сан̇гхаад̣̇исзсова кааяад̇и ‘‘нийлам̣ гхаддзссаамий’д̇и гааяам̣ гхаддзд̇и, сан̇гхаад̣̇исзсо’’д̇и важанад̇о. зд̇т̇а бана ‘‘на буб̣б̣абхааг̇з гааяасам̣саг̇г̇арааг̇ад̇д̇аа’’д̇и ануг̇ан̣тибад̣̇з гааран̣ам̣ вуд̇д̇ам̣. гзжи бана ‘‘г̇аругаабад̇д̇ибхаязна ‘нийламзва гхаддзссаамий’д̇и вааяааманд̇о гааяам̣ гхаддзд̇и, буб̣б̣абхааг̇з д̇асса ‘гааяабадиб̣ад̣̇д̇хам̣ гхаддзссаамий’д̇и бавад̇д̇ад̇д̇аа д̣̇уггадзна бхавид̇аб̣б̣а’’нд̇и вад̣̇анд̇и. д̇хаммасирид̇т̇зро ‘‘зваруубз сан̇гхаад̣̇исзсо’’д̇и вад̣̇ад̇и гира. ‘‘ид̇т̇иубхад̇об̣яан̃ж̇анагаид̇т̇ияаа бурисаубхад̇об̣яан̃ж̇анагабурисз вуд̇д̇анаязна аабад̇д̇ибхзд̣̇о, ид̇т̇илин̇г̇асса бадижчаннагаалзби ид̇т̇ивасзнзва аабад̇д̇ий’’д̇и вад̣̇анд̇и.
Yathāniddiṭṭhaniddeseti imasmiṃyeva yathāniddiṭṭhe niddese. ‘‘Sadisaṃ aggahesī’’ti vutte tādisaṃ aggahesīti garukaṃ tattha kārayeti attho, kāyasaṃsaggavibhaṅge vāti attho. Itaropi kāyapaṭibaddhachupanako. Gahaṇe cāti gahaṇaṃ vā. Virāgiteti viraddhe. Sārattanti kāyasaṃsaggarāgena rattaṃ, attanā adhippetanti attho. ‘‘Mātubhaginiādivirattaṃ gaṇhissāmī’’ti virattaṃ ñātipemavasena gaṇhi, ettha dukkaṭaṃ yuttaṃ. ‘‘Kāyasaṃsaggarāgaṃ vā sārattaṃ gaṇhissāmī’’ti virattaṃ mātaraṃ gaṇhi, anadhippetaṃ gaṇhi. Ettha mahāsumattheravādena thullaccayaṃ ‘‘kāyaṃ gaṇhissāmī’’ti kāyappaṭibaddhaṃ gaṇhāti, thullaccayanti laddhikattā. ‘‘Itthī ca hoti itthisaññī sāratto ca, bhikkhu ca naṃ itthiyā kāyena kāyaṃ āmasati, āpatti saṅghādisesassā’’ti (pārā. 273) vacanato saṅghādisesopi khāyati. ‘‘Virattaṃ gaṇhissāmī’’ti sārattaṃ gaṇhāti, etthapi saṅghādisesova khāyati ‘‘nīlaṃ ghaṭṭessāmī’ti kāyaṃ ghaṭṭeti, saṅghādiseso’’ti vacanato. Ettha pana ‘‘na pubbabhāge kāyasaṃsaggarāgattā’’ti anugaṇṭhipade kāraṇaṃ vuttaṃ. Keci pana ‘‘garukāpattibhayena ‘nīlameva ghaṭṭessāmī’ti vāyāmanto kāyaṃ ghaṭṭeti, pubbabhāge tassa ‘kāyapaṭibaddhaṃ ghaṭṭessāmī’ti pavattattā dukkaṭena bhavitabba’’nti vadanti. Dhammasiritthero ‘‘evarūpe saṅghādiseso’’ti vadati kira. ‘‘Itthiubhatobyañjanakaitthiyā purisaubhatobyañjanakapurise vuttanayena āpattibhedo, itthiliṅgassa paṭicchannakālepi itthivaseneva āpattī’’ti vadanti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. гааяасам̣саг̇г̇асигкаабад̣̇ам̣ • 2. Kāyasaṃsaggasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
