| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
285. вуд̇д̇анаяамзваад̇и ‘‘гааяасам̣саг̇г̇з ид̇т̇илагкан̣знаа’’д̇и ликид̇ам̣. ‘‘ид̇т̇илагкан̣знаа’’д̇и гира махааадтагат̇аабаато. сийсам̣ на зд̇ийд̇и аггосанам̣ на ход̇и, гхадид̇з бана ход̇и. д̇ад̇рааяам̣ висзсо – имзхи д̇ийхи гхадид̇з зва сан̇гхаад̣̇исзсо важжамаг̇г̇абассаавамаг̇г̇аанам̣ нияад̇аважанад̇д̇аа, ажжол̣ааригад̇д̇аа ваа, на ан̃н̃зхи анимид̇д̇аасийд̇иаад̣̇ийхи адтахи. д̇ад̇т̇а алохид̇ааси, д̇хувалохид̇ааси, д̇хуважол̣ааси, баг̇гхаран̣ийси, ид̇т̇ибан̣д̣агааси, взбурисигаасийд̇и зд̇аани ча маг̇г̇аанам̣ анияад̇аважанаани, анимид̇д̇ааси, нимид̇д̇амад̇д̇аасийд̇и д̣̇вз бад̣̇аани анажжол̣ааригаани жа, яад̇о адтабад̣̇аани ‘‘сан̇гхаад̣̇исзсам̣ на ж̇анзнд̇ий’’д̇и вуд̇д̇аани, д̇асмаа д̇аани т̇уллажжаяавад̇т̇ууни. бариб̣б̣ааж̇агавад̇т̇умхи вияа аггосамад̇д̇ад̇д̇аа д̣̇уггадавад̇т̇уунийд̇и згз. ид̇т̇ибан̣д̣агааси, взбурисигаасийд̇и зд̇аанзва бад̣̇аани сагаласарийрасан̣таанабхзд̣̇ад̣̇ийбагаани суд̣̇д̇хаани сан̇гхаад̣̇исзсам̣ на ж̇анзнд̇и сагаласарийрасааман̃н̃ад̇д̇аа, ид̇араани ж̇анзнд̇и асааман̃н̃ад̇д̇аа. д̇аани хи бассаавамаг̇г̇амзва д̣̇ийбзнд̇и сикаран̣ий-бад̣̇ам̣ вияа. убхад̇об̣яан̃ж̇анаасийд̇и важанам̣ бана бурисанимид̇д̇зна асан̇гхаад̣̇исзсавад̇т̇унаа миссаважанам̣. бурисаубхад̇об̣яан̃ж̇анагасса жа ид̇т̇инимид̇д̇ам̣ бадижчаннам̣, бурисанимид̇д̇ам̣ баагадам̣ ход̇и. яад̣̇и д̇амби ж̇анзд̇и, гат̇ам̣ анимид̇д̇аасийд̇иаад̣̇ибад̣̇аани на сан̇гхаад̣̇исзсам̣ ж̇анзнд̇ийд̇и згз, д̇ам̣ на яуд̇д̇ам̣. бурисассаби нимид̇д̇аад̇хиважанад̇о, ‘‘мзт̇унубасам̣хид̇аахи сан̇гхаад̣̇исзсо’’д̇и маад̇игааяа лагкан̣асса вуд̇д̇ад̇д̇аа жа мзт̇унубасам̣хид̇аахиби обхаасанз бадивиж̇аананд̇ияаа сан̇гхаад̣̇исзсо, аббадивиж̇аананд̇ияаа т̇уллажжаяам̣, ид̇арзхи обхаасанз бадивиж̇аананд̇ияаа т̇уллажжаяам̣, аббадивиж̇аананд̇ияаа д̣̇уггаданд̇и згз, саб̣б̣ам̣ судту вижаарзд̇ваа г̇ахзд̇аб̣б̣ам̣.
285.Vuttanayamevāti ‘‘kāyasaṃsagge itthilakkhaṇenā’’ti likhitaṃ. ‘‘Itthilakkhaṇenā’’ti kira mahāaṭṭhakathāpāṭho. Sīsaṃ na etīti akkosanaṃ na hoti, ghaṭite pana hoti. Tatrāyaṃ viseso – imehi tīhi ghaṭite eva saṅghādiseso vaccamaggapassāvamaggānaṃ niyatavacanattā, accoḷārikattā vā, na aññehi animittāsītiādīhi aṭṭhahi. Tattha alohitāsi, dhuvalohitāsi, dhuvacoḷāsi, paggharaṇīsi, itthipaṇḍakāsi, vepurisikāsīti etāni cha maggānaṃ aniyatavacanāni, animittāsi, nimittamattāsīti dve padāni anaccoḷārikāni ca, yato aṭṭhapadāni ‘‘saṅghādisesaṃ na janentī’’ti vuttāni, tasmā tāni thullaccayavatthūni. Paribbājakavatthumhi viya akkosamattattā dukkaṭavatthūnīti eke. Itthipaṇḍakāsi, vepurisikāsīti etāneva padāni sakalasarīrasaṇṭhānabhedadīpakāni suddhāni saṅghādisesaṃ na janenti sakalasarīrasāmaññattā, itarāni janenti asāmaññattā. Tāni hi passāvamaggameva dīpenti sikharaṇī-padaṃ viya. Ubhatobyañjanāsīti vacanaṃ pana purisanimittena asaṅghādisesavatthunā missavacanaṃ. Purisaubhatobyañjanakassa ca itthinimittaṃ paṭicchannaṃ, purisanimittaṃ pākaṭaṃ hoti. Yadi tampi janeti, kathaṃ animittāsītiādipadāni na saṅghādisesaṃ janentīti eke, taṃ na yuttaṃ. Purisassapi nimittādhivacanato, ‘‘methunupasaṃhitāhi saṅghādiseso’’ti mātikāya lakkhaṇassa vuttattā ca methunupasaṃhitāhipi obhāsane paṭivijānantiyā saṅghādiseso, appaṭivijānantiyā thullaccayaṃ, itarehi obhāsane paṭivijānantiyā thullaccayaṃ, appaṭivijānantiyā dukkaṭanti eke, sabbaṃ suṭṭhu vicāretvā gahetabbaṃ.
287. хасанд̇од̇и яам̣ уд̣̇д̣̇исса бхан̣ад̇и, саа жз бадивиж̇аанаад̇и, сан̇гхаад̣̇исзсо.
287.Hasantoti yaṃ uddissa bhaṇati, sā ce paṭivijānāti, saṅghādiseso.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̣̇удтуллаваажаасигкаабад̣̇ам̣ • 3. Duṭṭhullavācāsikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
