| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
303. саха барид̣̇ан̣д̣зна вад̇д̇амаанаад̇и ад̇т̇о. чанд̣̇аваасиний наама ‘‘бияаа бияам̣ васзд̇ий’’д̇и баал̣и, бурисам̣ ваасзд̇ийд̇и ад̇хиббааяо. ‘‘бияо бияам̣ ваасзд̇ий’’д̇и адтагат̇аа.
303. Saha paridaṇḍena vattamānāti attho. Chandavāsinī nāma ‘‘piyā piyaṃ vasetī’’ti pāḷi, purisaṃ vāsetīti adhippāyo. ‘‘Piyo piyaṃ vāsetī’’ti aṭṭhakathā.
д̇ам̣ гирияам̣ самбаад̣̇зссад̇ийд̇и авассам̣ аарожзнд̇ияаа жз аарожзд̇ийд̇и ад̇т̇о. д̣̇виннам̣ маад̇аабид̇уунам̣ жз аарожзд̇и, сан̇гхаад̣̇исзсод̇и винаяавинижчаяз ‘‘вад̇т̇у ологзд̇аб̣б̣а’’нд̇и вуд̇д̇ам̣. вад̇т̇умхи жа ‘‘уд̣̇ааяид̇т̇зро г̇ан̣игааяа аарожзсий’’д̇и вуд̇д̇ам̣. д̇ам̣ ‘‘маад̇аад̣̇ийнамби вад̣̇ад̇о висан̇гзд̇о над̇т̇ий’’д̇и адтагат̇ааважанад̇о ниббаяож̇анам̣. д̇ам̣ банзд̇анд̇и аажарияасса важанам̣. маад̇урагкид̇ам̣ б̣руухийд̇и бзсид̇асса г̇анд̇ваа маад̇аабид̇урагкид̇ам̣ вад̣̇ад̇о д̇асса д̇ассаа маад̇урагкид̇абхаавзби сад̇и висан̇гзд̇амзва, гасмаа? ‘‘бид̇урагкид̇аад̣̇ийсу ан̃н̃ад̇арам̣ вад̣̇анд̇асса висан̇гзд̇а’’нд̇и вуд̇д̇ад̇д̇аа ид̇арат̇аа аад̣̇и-сад̣̇д̣̇о нирад̇т̇аго сияаа. згам̣ д̣̇асагам̣ ид̇арзна д̣̇асагзна яож̇зд̇ваа буб̣б̣з суггависсадтияам̣ вуд̇д̇анаяад̇д̇аа маад̇урагкид̇ааяа маад̇аа ад̇д̇ано д̇хийд̇усанд̇игам̣ бахин̣ад̇ийд̇и г̇ахзд̇аб̣б̣ам̣.
Taṃ kiriyaṃ sampādessatīti avassaṃ ārocentiyā ce ārocetīti attho. Dvinnaṃ mātāpitūnaṃ ce āroceti, saṅghādisesoti vinayavinicchaye ‘‘vatthu oloketabba’’nti vuttaṃ. Vatthumhi ca ‘‘udāyitthero gaṇikāya ārocesī’’ti vuttaṃ. Taṃ ‘‘mātādīnampi vadato visaṅketo natthī’’ti aṭṭhakathāvacanato nippayojanaṃ. Taṃ panetanti ācariyassa vacanaṃ. Māturakkhitaṃ brūhīti pesitassa gantvā mātāpiturakkhitaṃ vadato tassa tassā māturakkhitabhāvepi sati visaṅketameva, kasmā? ‘‘Piturakkhitādīsu aññataraṃ vadantassa visaṅketa’’nti vuttattā itarathā ādi-saddo niratthako siyā. Ekaṃ dasakaṃ itarena dasakena yojetvā pubbe sukkavissaṭṭhiyaṃ vuttanayattā māturakkhitāya mātā attano dhītusantikaṃ pahiṇatīti gahetabbaṃ.
338. анабхинанд̣̇ид̇ваад̇и важанамад̇д̇амзва, яад̣̇иби абхинанд̣̇ад̇и, яаава саасанам̣ наарожзд̇и, д̇аава ‘‘виймам̣сид̇о’’д̇и на вужжад̇и. саасанаарожанагаалзд̇и аан̣аабагасса саасанаважанагкан̣з. д̇ад̇ияабад̣̇з вуд̇д̇анаязнаад̇и зган̇г̇асамбад̇д̇ияаа д̣̇уггаданд̇и ад̇т̇о. вад̇т̇уг̇ан̣анааяа сан̇гхаад̣̇исзсод̇и убхаяавад̇т̇уг̇ан̣анааяа гира.
338.Anabhinanditvāti vacanamattameva, yadipi abhinandati, yāva sāsanaṃ nāroceti, tāva ‘‘vīmaṃsito’’ti na vuccati. Sāsanārocanakāleti āṇāpakassa sāsanavacanakkhaṇe. Tatiyapade vuttanayenāti ekaṅgasampattiyā dukkaṭanti attho. Vatthugaṇanāya saṅghādisesoti ubhayavatthugaṇanāya kira.
339. жад̇уд̇т̇з анаабад̇д̇ийд̇и зд̇т̇а бана ‘‘бадиг̇г̇ан̣хаад̇и на виймам̣сад̇и на бажжаахарад̇и, анаабад̇д̇ийд̇и зд̇т̇а вияа ‘г̇ажчанд̇о на самбаад̣̇зд̇и, ааг̇ажчанд̇о висам̣ваад̣̇зд̇ий’д̇и анаабад̇д̇ибаал̣ияааби бхавид̇аб̣б̣анд̇и д̣̇ассанад̇т̇ам̣ вуд̇д̇а’’нд̇и вад̣̇анд̇и, згажжзсу бод̇т̇агзсу ‘‘ад̇т̇ий’’д̇иби.
339.Catutthe anāpattīti ettha pana ‘‘paṭiggaṇhāti na vīmaṃsati na paccāharati, anāpattīti ettha viya ‘gacchanto na sampādeti, āgacchanto visaṃvādetī’ti anāpattipāḷiyāpi bhavitabbanti dassanatthaṃ vutta’’nti vadanti, ekaccesu potthakesu ‘‘atthī’’tipi.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. сан̃жарид̇д̇асигкаабад̣̇ам̣ • 5. Sañcarittasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
