| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
яо вияа д̣̇иссад̇ийд̇и яаад̣̇исо, яам̣-сад̣̇д̣̇ад̇т̇з яат̇аа-сад̣̇д̣̇о вад̇д̇ад̇ийд̇и ааха ‘‘язна ваа д̇зна ваа яуд̇д̇о’’д̇и. язна д̇знаад̇и хи бад̣̇ад̣̇ваязна анияамад̇о яам̣-сад̣̇д̣̇ад̇т̇ова д̣̇ассид̇о. ваасад̇хураяуд̇д̇од̇и вибассанаад̇хураяуд̇д̇о. яаа ж̇аад̇и ассаад̇и яам̣ж̇аад̇и, буг̇г̇ало, сова яам̣ж̇ажжо сагад̇т̇з яабажжаяам̣ гад̇ваа. г̇од̇д̇авасзна язна ваа д̇зна ваа г̇од̇д̇зна яат̇ааг̇од̇д̇о ваа д̇ат̇ааг̇од̇д̇о ваа ход̇ууд̇и самб̣анд̇хо. сийлзсууд̇и багад̇ийсу. ат̇а код̇и ид̣̇ам̣ гинд̇ууд̇и имасмим̣ ад̇т̇з. гим̣ вуд̇д̇ам̣ ход̇ийд̇и ад̇т̇о. имасмим̣ ад̇т̇зд̇и имасмим̣ баарааж̇игависаяз. зсод̇и яат̇аавуд̇д̇зхи багаарзхи яуд̇д̇о. арияааяаад̇и ‘‘уд̣̇д̣̇исса арияаа д̇идтанд̇и, зсаа арияаанам̣ яаажанаа’’д̇и звам̣ вуд̇д̇ааяа, на, ‘‘д̣̇зхи мз’’д̇и габан̣ааяа. лин̇г̇асамбадижчанзнаад̇и ‘‘бхигкам̣ жариссаамий’’д̇и жид̇д̇аабхаавзби бхигкаахаараниссид̇абаб̣б̣аж̇ж̇аалин̇г̇асса самбадижчанзна. гааж̇абхад̇д̇анд̇и гааж̇зхи аанийд̇абхад̇д̇ам̣. ад̇хаммигааяаад̇и ад̇хисийласигкаад̣̇ибхигкуг̇ун̣аабхаавад̇о вуд̇д̇ам̣, д̇знааха ‘‘абхууд̇ааяаа’’д̇и. ‘‘маяам̣ бхигкуу’’д̇и вад̣̇анд̇аа бадин̃н̃аамад̇д̇знзва бхигкуу, на ад̇т̇ад̇од̇и ад̇т̇о. ид̣̇ан̃жа ‘‘маяам̣ бхигкуу’’д̇и бадиж̇аананассааби самбхавад̇о вуд̇д̇ам̣. ‘‘маяам̣ бхигкуу’’д̇и аббадиж̇аананд̇ааби хи бхигкувохааранимид̇д̇асса лин̇г̇асса г̇ахан̣зна жзва бхигкуунам̣ д̣̇иннабажжаяабхааг̇аг̇г̇ахан̣аад̣̇инаа жа бхигкубадин̃н̃аа зва наама хонд̇и. д̇ат̇аа хи вуд̇д̇ам̣ буг̇г̇алабан̃н̃ад̇д̇иадтагат̇ааяам̣ –
Yo viya dissatīti yādiso, yaṃ-saddatthe yathā-saddo vattatīti āha ‘‘yena vā tena vā yutto’’ti. Yena tenāti hi padadvayena aniyamato yaṃ-saddatthova dassito. Vāsadhurayuttoti vipassanādhurayutto. Yā jāti assāti yaṃjāti, puggalo, sova yaṃjacco sakatthe yapaccayaṃ katvā. Gottavasena yena vā tena vā gottena yathāgotto vā tathāgotto vā hotūti sambandho. Sīlesūti pakatīsu. Atha khoti idaṃ kintūti imasmiṃ atthe. Kiṃ vuttaṃ hotīti attho. Imasmiṃ attheti imasmiṃ pārājikavisaye. Esoti yathāvuttehi pakārehi yutto. Ariyāyāti ‘‘uddissa ariyā tiṭṭhanti, esā ariyānaṃ yācanā’’ti evaṃ vuttāya, na, ‘‘dehi me’’ti kapaṇāya. Liṅgasampaṭicchanenāti ‘‘bhikkhaṃ carissāmī’’ti cittābhāvepi bhikkhāhāranissitapabbajjāliṅgassa sampaṭicchanena. Kājabhattanti kājehi ānītabhattaṃ. Adhammikāyāti adhisīlasikkhādibhikkhuguṇābhāvato vuttaṃ, tenāha ‘‘abhūtāyā’’ti. ‘‘Mayaṃ bhikkhū’’ti vadantā paṭiññāmatteneva bhikkhū, na atthatoti attho. Idañca ‘‘mayaṃ bhikkhū’’ti paṭijānanassāpi sambhavato vuttaṃ. ‘‘Mayaṃ bhikkhū’’ti appaṭijānantāpi hi bhikkhuvohāranimittassa liṅgassa gahaṇena ceva bhikkhūnaṃ dinnapaccayabhāgaggahaṇādinā ca bhikkhupaṭiññā eva nāma honti. Tathā hi vuttaṃ puggalapaññattiaṭṭhakathāyaṃ –
‘‘‘аб̣рахмажаарий б̣рахмажаарибадин̃н̃о’д̇и ан̃н̃з б̣рахмажаарино сунивад̇т̇з субааруд̇з сумбхагабад̇д̇ад̇харз г̇ааманиг̇амаж̇анабад̣̇арааж̇ад̇хаанийсу бин̣д̣ааяа жарид̇ваа ж̇ийвигам̣ габбзнд̇з д̣̇исваа саяамби д̇аад̣̇исзна аагаарзна д̇ат̇аа бадибаж̇ж̇анад̇о ‘ахам̣ б̣рахмажаарий’д̇и бадин̃н̃ам̣ д̣̇знд̇о вияа ход̇и. ‘ахам̣ бхигкуу’д̇и вад̇ваа убосат̇аг̇г̇аад̣̇ийни бависанд̇о бана б̣рахмажаарибадин̃н̃о ход̇иязва, д̇ат̇аа сан̇гхигам̣ лаабхам̣ г̇ан̣ханд̇о’’д̇и (бу. ба. адта. 91).
‘‘‘Abrahmacārī brahmacāripaṭiñño’ti aññe brahmacārino sunivatthe supārute sumbhakapattadhare gāmanigamajanapadarājadhānīsu piṇḍāya caritvā jīvikaṃ kappente disvā sayampi tādisena ākārena tathā paṭipajjanato ‘ahaṃ brahmacārī’ti paṭiññaṃ dento viya hoti. ‘Ahaṃ bhikkhū’ti vatvā uposathaggādīni pavisanto pana brahmacāripaṭiñño hotiyeva, tathā saṅghikaṃ lābhaṃ gaṇhanto’’ti (pu. pa. aṭṭha. 91).
д̇асмаа зваруубзхи бадин̃н̃ааяа бхигкуухи г̇од̇рабхубарияосаанзхи сад̣̇д̇хим̣ самбхог̇абарибхог̇о на ваддад̇и, алаж̇ж̇ийбарибхог̇ова ход̇и. сан̃жижжа аабад̇д̇иаабаж̇ж̇анаад̣̇иалаж̇ж̇ийлагкан̣ам̣ бана уггадтаанам̣ бхигкуунам̣ васзна вуд̇д̇ам̣ сааман̣зраад̣̇ийнамби алаж̇ж̇ийвохаарад̣̇ассанад̇о. ‘‘алаж̇ж̇ийсааман̣зрзхи хад̇т̇агаммамби на гаарзд̇аб̣б̣а’’нд̇и хи вуд̇д̇ам̣. яат̇аавихид̇абадибад̇д̇ияам̣ ад̇идтанан̃хи саб̣б̣асаад̇хааран̣ам̣ алаж̇ж̇ийлагкан̣ам̣. д̣̇уссийлаа лин̇г̇аг̇г̇ахан̣ад̇о бадтааяа яат̇аавихид̇абадибад̇д̇ияаа абхаавад̇о зганд̇аа лаж̇ж̇инова махаасан̇гхигаад̣̇инигааяанд̇аригаа вияа, лин̇г̇ад̇т̇знагаад̣̇аяо вияа, жа. яаава 11 жа д̇зсам̣ бхигкубадин̃н̃аа анувад̇д̇ад̇и, д̇аава бхигку зва, д̇зхи жа барибхог̇о алаж̇ж̇ибаабхог̇ова, д̇зсан̃жа бхигкусан̇гхасан̃н̃ааяа д̣̇иннам̣ сан̇гхз д̣̇иннам̣ наама ход̇и. вуд̇д̇ан̃хи бхаг̇авад̇аа –
Tasmā evarūpehi paṭiññāya bhikkhūhi gotrabhupariyosānehi saddhiṃ sambhogaparibhogo na vaṭṭati, alajjīparibhogova hoti. Sañcicca āpattiāpajjanādialajjīlakkhaṇaṃ pana ukkaṭṭhānaṃ bhikkhūnaṃ vasena vuttaṃ sāmaṇerādīnampi alajjīvohāradassanato. ‘‘Alajjīsāmaṇerehi hatthakammampi na kāretabba’’nti hi vuttaṃ. Yathāvihitapaṭipattiyaṃ atiṭṭhanañhi sabbasādhāraṇaṃ alajjīlakkhaṇaṃ. Dussīlā liṅgaggahaṇato paṭṭhāya yathāvihitapaṭipattiyā abhāvato ekantā lajjinova mahāsaṅghikādinikāyantarikā viya, liṅgatthenakādayo viya, ca. Yāva 11 ca tesaṃ bhikkhupaṭiññā anuvattati, tāva bhikkhu eva, tehi ca paribhogo alajjipaabhogova, tesañca bhikkhusaṅghasaññāya dinnaṃ saṅghe dinnaṃ nāma hoti. Vuttañhi bhagavatā –
‘‘бхависсанд̇и ко банаананд̣̇а, анааг̇ад̇амад̣̇д̇хаанам̣ г̇од̇рабхуно гаасааваган̣таа д̣̇уссийлаа баабад̇хаммаа, д̇зсу д̣̇уссийлзсу сан̇гхам̣ уд̣̇д̣̇исса д̣̇аанам̣ д̣̇ассанд̇и, д̇ад̣̇аабаахам̣, аананд̣̇а, сан̇гхаг̇ад̇ам̣ д̣̇агкин̣ам̣ асан̇кязяяам̣ аббамзяяам̣ вад̣̇аамий’’д̇и (ма. ни. 3.380).
‘‘Bhavissanti kho panānanda, anāgatamaddhānaṃ gotrabhuno kāsāvakaṇṭhā dussīlā pāpadhammā, tesu dussīlesu saṅghaṃ uddissa dānaṃ dassanti, tadāpāhaṃ, ānanda, saṅghagataṃ dakkhiṇaṃ asaṅkhyeyyaṃ appameyyaṃ vadāmī’’ti (ma. ni. 3.380).
бхаг̇авад̇о сан̇гхам̣ уд̣̇д̣̇исса д̣̇иннад̇д̇аа д̣̇агкин̣аа асан̇кязяяаа аббамзяяаа ж̇аад̇аа. д̣̇уссийлаанам̣ д̣̇иннад̇д̇аа наад̇и жз? на, д̇зсу сан̇гхам̣ уд̣̇д̣̇иссаад̇и г̇од̇рабхуунам̣ бадиг̇г̇аахагад̇д̇зна бараамадтад̇д̇аа, ид̇арат̇аа ‘‘язсу гзсужи г̇ахадтзсу ваа баб̣б̣аж̇ид̇зсу ваа сан̇гхам̣ уд̣̇д̣̇иссаа’’д̇и вад̇д̇аб̣б̣ад̇аабасан̇г̇ад̇о, д̇ат̇аа жа ‘‘д̇ад̣̇аабаахам̣, аананд̣̇аа’’д̇и хздтимагодид̣̇ассанасса баяож̇анам̣ на сияаа. д̇асмаа г̇од̇рабхуунамби абхаавз сан̇гхам̣ уд̣̇д̣̇исса д̣̇аанам̣ над̇т̇и, хздтимагодияаа д̇зсуби д̣̇иннаа сан̇гхаг̇ад̇аа д̣̇агкин̣аа асан̇кязяяаа, на д̇ад̇о барам̣ сиж̇жхад̇ийд̇и д̇зби бадин̃н̃ааяа бхигку зваад̇и г̇ахзд̇аб̣б̣ам̣.
Bhagavato saṅghaṃ uddissa dinnattā dakkhiṇā asaṅkhyeyyā appameyyā jātā. Dussīlānaṃ dinnattā nāti ce? Na, tesu saṅghaṃ uddissāti gotrabhūnaṃ paṭiggāhakattena parāmaṭṭhattā, itarathā ‘‘yesu kesuci gahaṭṭhesu vā pabbajitesu vā saṅghaṃ uddissā’’ti vattabbatāpasaṅgato, tathā ca ‘‘tadāpāhaṃ, ānandā’’ti heṭṭhimakoṭidassanassa payojanaṃ na siyā. Tasmā gotrabhūnampi abhāve saṅghaṃ uddissa dānaṃ natthi, heṭṭhimakoṭiyā tesupi dinnā saṅghagatā dakkhiṇā asaṅkhyeyyā, na tato paraṃ sijjhatīti tepi paṭiññāya bhikkhu evāti gahetabbaṃ.
б̣рахмагхосанд̇и уд̇д̇амагхосам̣, б̣рахмуно гхосасад̣̇исам̣ ваа гхосам̣. зхи бхигкууд̇и ‘‘бхигкуу’’д̇исамб̣од̇ханам̣. сам̣саарз бхаяаигкага д̇асса бхаяасса саб̣б̣асо винаасанад̇т̇ам̣ д̇исаран̣ам̣, саасанам̣ ваа зхи манасаа ‘‘д̇аан̣ам̣ лзн̣а’’нд̇и бависа убаг̇ажча. убаг̇анд̇вааби жара б̣рахмажарияанд̇и саасанаб̣рахмажарияам̣ маг̇г̇аб̣рахмажарияан̃жа жарассу. бхан̣д̣ууд̇и мун̣д̣ид̇агзсо. ваасийд̇и д̣̇анд̇агадтаад̣̇ижчзд̣̇анавааси. б̣анд̇хананд̇и гааяаб̣анд̇ханам̣. яуд̇д̇о яог̇о самаад̇хибан̃н̃аавасзна со яуд̇д̇аяог̇о, д̇асса адтзд̇з баригкаараад̇и сзсо. сарийрз бадимуггзхиязва убалагкид̇од̇и сзсо. ‘‘д̇ийн̣и сад̇ааний’’д̇и вад̇д̇аб̣б̣з г̇аат̇ааб̣анд̇хасукад̇т̇ам̣ ‘‘д̇ийн̣и сад̇а’’нд̇и вуд̇д̇ам̣.
Brahmaghosanti uttamaghosaṃ, brahmuno ghosasadisaṃ vā ghosaṃ. Ehi bhikkhūti ‘‘bhikkhū’’tisambodhanaṃ. Saṃsāre bhayaikkhaka tassa bhayassa sabbaso vināsanatthaṃ tisaraṇaṃ, sāsanaṃ vā ehi manasā ‘‘tāṇaṃ leṇa’’nti pavisa upagaccha. Upagantvāpi cara brahmacariyanti sāsanabrahmacariyaṃ maggabrahmacariyañca carassu. Bhaṇḍūti muṇḍitakeso. Vāsīti dantakaṭṭhādicchedanavāsi. Bandhananti kāyabandhanaṃ. Yutto yogo samādhipaññāvasena so yuttayogo, tassa aṭṭhete parikkhārāti seso. Sarīre paṭimukkehiyeva upalakkhitoti seso. ‘‘Tīṇi satānī’’ti vattabbe gāthābandhasukhatthaṃ ‘‘tīṇi sata’’nti vuttaṃ.
д̇асмаад̇и бхаг̇аваа хздтаа вуд̇д̇ам̣ бараамасад̇и. хздтаа хи ‘‘ахам̣ ко бана, гассаба, ж̇аанан̃н̃зва вад̣̇аами ‘ж̇аанаамий’д̇и, бассан̃н̃зва вад̣̇аами ‘бассаамий’’’д̇и (сам̣. ни. 2.154) вуд̇д̇ам̣, д̇ам̣ бараамасад̇и, яасмаа ахам̣ ж̇аанам̣ вад̣̇аами, д̇асмаад̇и ад̇т̇о. ихаад̇и имасмим̣ саасанз. д̇иб̣б̣анд̇и маханд̇ам̣. бажжубадтид̇ам̣ бхависсад̇ийд̇и т̇зраад̣̇иубасан̇гаманад̇о бурзд̇арамзва д̇зсу яам̣нууна мз хирод̇д̇аббам̣ убадтид̇ам̣ бхависсад̇ийд̇и ад̇т̇о. гусалуубасам̣хид̇анд̇и анаваж̇ж̇ад̇хамманиссид̇ам̣. адтим̣ гад̇ваад̇и ад̇д̇аанам̣ д̇зна д̇хаммзна адтигам̣ гад̇ваа, д̇ам̣ ваа д̇хаммам̣ ‘‘зса мз ад̇т̇о’’д̇и ад̇т̇ам̣ гад̇ваа. охид̇асод̇од̇и д̇хаммз нихид̇асод̇о. зван̃хи д̇з, гассаба, сигкид̇аб̣б̣анд̇и н̃аан̣асод̇ан̃жа басаад̣̇асод̇ан̃жа од̣̇ахид̇ваа ‘‘д̇хаммам̣ саггажжамзва сун̣иссаамий’’д̇и звамзва д̇аяаа сигкид̇аб̣б̣ам̣. саад̇асахаг̇ад̇аа жа мз гааяаг̇ад̇аасад̇ийд̇и асубхзсу жзва аанаабаанз жа батамаж̇жхаанавасзна сукасамбаяуд̇д̇агааяаг̇ад̇аасад̇и. яам̣ банзд̇асса оваад̣̇асса саггажжабадиг̇г̇ахан̣ам̣, аяамзва т̇зрасса баб̣б̣аж̇ж̇аа жа убасамбад̣̇аа жа ахоси (сам̣. ни. адта. 2.2.154).
Tasmāti bhagavā heṭṭhā vuttaṃ parāmasati. Heṭṭhā hi ‘‘ahaṃ kho pana, kassapa, jānaññeva vadāmi ‘jānāmī’ti, passaññeva vadāmi ‘passāmī’’’ti (saṃ. ni. 2.154) vuttaṃ, taṃ parāmasati, yasmā ahaṃ jānaṃ vadāmi, tasmāti attho. Ihāti imasmiṃ sāsane. Tibbanti mahantaṃ. Paccupaṭṭhitaṃ bhavissatīti therādiupasaṅkamanato puretarameva tesu yaṃnūna me hirottappaṃ upaṭṭhitaṃ bhavissatīti attho. Kusalūpasaṃhitanti anavajjadhammanissitaṃ. Aṭṭhiṃ katvāti attānaṃ tena dhammena aṭṭhikaṃ katvā, taṃ vā dhammaṃ ‘‘esa me attho’’ti atthaṃ katvā. Ohitasototi dhamme nihitasoto. Evañhi te, kassapa, sikkhitabbanti ñāṇasotañca pasādasotañca odahitvā ‘‘dhammaṃ sakkaccameva suṇissāmī’’ti evameva tayā sikkhitabbaṃ. Sātasahagatā ca me kāyagatāsatīti asubhesu ceva ānāpāne ca paṭhamajjhānavasena sukhasampayuttakāyagatāsati. Yaṃ panetassa ovādassa sakkaccapaṭiggahaṇaṃ, ayameva therassa pabbajjā ca upasampadā ca ahosi (saṃ. ni. aṭṭha. 2.2.154).
уд̣̇д̇хумаад̇агабадибхааг̇аарамман̣ам̣ жхаанам̣ уд̣̇д̇хумаад̇агасан̃н̃аа. гасин̣аарамман̣ам̣ руубааважараж̇жхаанам̣ руубасан̃н̃аа. имзд̇и сан̃н̃аасийсзна нид̣̇д̣̇идтаа имз д̣̇вз жхаанад̇хаммаа. собааго жа бхаг̇авад̇аа будто ‘‘руубааважарабхаавзна згад̇т̇аа, б̣яан̃ж̇анамзва наана’’нд̇и ааха. аарад̣̇д̇хажид̇д̇од̇и аараад̇хид̇ажид̇д̇о. г̇аруд̇хаммабадиг̇г̇ахан̣аад̣̇иубасамбад̣̇аа убари саяамзва аави бхависсад̇и.
Uddhumātakapaṭibhāgārammaṇaṃ jhānaṃ uddhumātakasaññā. Kasiṇārammaṇaṃ rūpāvacarajjhānaṃ rūpasaññā. Imeti saññāsīsena niddiṭṭhā ime dve jhānadhammā. Sopāko ca bhagavatā puṭṭho ‘‘rūpāvacarabhāvena ekatthā, byañjanameva nāna’’nti āha. Āraddhacittoti ārādhitacitto. Garudhammapaṭiggahaṇādiupasampadā upari sayameva āvi bhavissati.
саб̣б̣анд̇имзна барияааязнаад̇и саб̣б̣анд̇имзна барижчзд̣̇зна. н̃ад̇д̇ижад̇уд̇т̇аа гаммаваажаа убасамбад̣̇аагаммасса гааран̣ад̇д̇аа таанам̣, д̇асса таанасса арахам̣ анужчавиганд̇и вад̇т̇уд̣̇осаад̣̇ивинимуд̇д̇агаммам̣ ‘‘таанаараха’’нд̇и вуд̇д̇ам̣ вад̇т̇аад̣̇ид̣̇осаяуд̇д̇асса гаммасса сабхаавад̇о гаммаваажаарахад̇д̇аабхааваа. ат̇а ваа таананд̇и ниб̣б̣аанаббад̇д̇ихзд̇уд̇о сигкад̇д̇аяасан̇г̇ахам̣ саасанам̣ вужжад̇и, д̇асса анужчавигам̣ гаммам̣ таанаарахам̣. яат̇аавихид̇алагкан̣зна хи гаммзна убасамбаннова сагалам̣ саасанам̣ самаад̣̇ааяа барибуурзд̇умарахад̇и. д̇асмаа барисуд̣̇д̇хагаммаваажаабарияосаанам̣ саб̣б̣ам̣ сан̇гхагижжам̣ таанаарахам̣ наама, д̇знааха ‘‘сад̇т̇усаасанаарахзнаа’’д̇и, сийлаад̣̇исагаласаасанабарибун̣н̣асса анужчавигзнаад̇и ад̇т̇о. аяам̣ имасмим̣ ад̇т̇зд̇и н̃ад̇д̇ижад̇уд̇т̇агаммзна убасамбаннассзва саб̣б̣асигкаабад̣̇зсу вуд̇д̇ад̇д̇аа гин̃жааби зхибхигкуубасамбад̣̇аад̣̇ийхи убасамбаннаанам̣ суд̣̇д̇хасад̇д̇аанам̣ бан̣н̣ад̇д̇иваж̇ж̇асигкаабад̣̇авийд̇иггамзби абхаб̣б̣ад̇аа ваа д̣̇осаабхааво ваа сад̣̇д̣̇ад̇о бан̃н̃ааяад̇и, д̇ат̇ааби ад̇т̇ад̇о д̇зсамби бан̣н̣ад̇д̇иваж̇ж̇зсу, логаваж̇ж̇зсуби ваа сураабаанаад̣̇илахугзсу маг̇г̇уббад̇д̇ид̇о буб̣б̣з асан̃жижжаад̣̇инаа аабад̇д̇иаабаж̇ж̇анам̣ сиж̇жхад̇иязва. д̇ат̇аа хи ‘‘д̣̇вз буг̇г̇алаа абхаб̣б̣аа аабад̇д̇им̣ аабаж̇ж̇ид̇ум̣ б̣уд̣̇д̇хаа жа бажжзгаб̣уд̣̇д̇хаа жа. д̣̇вз буг̇г̇алаа бхаб̣б̣аа аабад̇д̇им̣ аабаж̇ж̇ид̇ум̣ бхигкуу жа бхигкунияо жаа’’д̇и (бари. 322) вуд̇д̇ам̣. н̃ад̇д̇ижад̇уд̇т̇зна гаммзна убасамбаннод̇и ид̣̇ам̣ бана саб̣б̣асигкаабад̣̇авийд̇иггамаарахз саб̣б̣агаалигз жа бхигкуу г̇ахзд̇ваа язбхуяяавасзна вуд̇д̇ам̣. нируд̇д̇ивасзнаад̇и ниб̣б̣ажанавасзна. абхилаабавасзнаад̇и вохааравасзна. г̇ун̣авасзнаад̇и бхигкувохааранимид̇д̇аанам̣ г̇ун̣аанам̣ васзна.
Sabbantimena pariyāyenāti sabbantimena paricchedena. Ñatticatutthā kammavācā upasampadākammassa kāraṇattā ṭhānaṃ, tassa ṭhānassa arahaṃ anucchavikanti vatthudosādivinimuttakammaṃ ‘‘ṭhānāraha’’nti vuttaṃ vatthādidosayuttassa kammassa sabhāvato kammavācārahattābhāvā. Atha vā ṭhānanti nibbānappattihetuto sikkhattayasaṅgahaṃ sāsanaṃ vuccati, tassa anucchavikaṃ kammaṃ ṭhānārahaṃ. Yathāvihitalakkhaṇena hi kammena upasampannova sakalaṃ sāsanaṃ samādāya paripūretumarahati. Tasmā parisuddhakammavācāpariyosānaṃ sabbaṃ saṅghakiccaṃ ṭhānārahaṃ nāma, tenāha ‘‘satthusāsanārahenā’’ti, sīlādisakalasāsanaparipuṇṇassa anucchavikenāti attho. Ayaṃ imasmiṃ attheti ñatticatutthakammena upasampannasseva sabbasikkhāpadesu vuttattā kiñcāpi ehibhikkhūpasampadādīhi upasampannānaṃ suddhasattānaṃ paṇṇattivajjasikkhāpadavītikkamepi abhabbatā vā dosābhāvo vā saddato paññāyati, tathāpi atthato tesampi paṇṇattivajjesu, lokavajjesupi vā surāpānādilahukesu magguppattito pubbe asañciccādinā āpattiāpajjanaṃ sijjhatiyeva. Tathā hi ‘‘dve puggalā abhabbā āpattiṃ āpajjituṃ buddhā ca paccekabuddhā ca. Dve puggalā bhabbā āpattiṃ āpajjituṃ bhikkhū ca bhikkhuniyo cā’’ti (pari. 322) vuttaṃ. Ñatticatutthena kammena upasampannoti idaṃ pana sabbasikkhāpadavītikkamārahe sabbakālike ca bhikkhū gahetvā yebhuyyavasena vuttaṃ. Niruttivasenāti nibbacanavasena. Abhilāpavasenāti vohāravasena. Guṇavasenāti bhikkhuvohāranimittānaṃ guṇānaṃ vasena.
