| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
бад̣̇абхааж̇анийяаван̣н̣анаа
Padabhājanīyavaṇṇanā
172. б̣яан̃ж̇анз аад̣̇арам̣ агад̇ваад̇и ж̇аанид̇ваа сан̃ж̇аанид̇ваад̇иаад̣̇инаа б̣яан̃ж̇анаануруубам̣ авуд̇д̇ад̇д̇аа вуд̇д̇ам̣. баан̣од̇и ж̇аананд̇од̇и ид̣̇ам̣ мануссод̇и аж̇аанид̇вааби гзвалам̣ сад̇д̇асан̃н̃ааяа зва баарааж̇игабхаавад̣̇ассанад̇т̇ам̣ вуд̇д̇ам̣. вад̇хагажзд̇анаавасзна жзд̇зд̇ваад̇и ‘‘имам̣ маарзмий’’д̇и вад̇хагажзд̇анааяа жинд̇зд̇ваа. багаббзд̇ваад̇и ‘‘вад̇хаами на’’нд̇и звам̣ жид̇д̇зна барижчинд̣̇ид̇ваа. абхивид̇арид̇ваад̇и саннидтаанам̣ гад̇ваа, д̇знааха ‘‘нираасан̇гажид̇д̇ам̣ бзсзд̇ваа’’д̇и. сикааббад̇д̇о ад̇т̇од̇и сан̃жижжаад̇и буб̣б̣агаалагирияаавасзна вуд̇д̇ассаби вийд̇иггамабхууд̇асса абарагаалагирияааяуд̇д̇ад̣̇ассанзна годиббад̇д̇о ад̇т̇о. ж̇аад̇иун̣н̣аа наама д̇ад̣̇ахуж̇аад̇азл̣агасса ломам̣. звам̣ ван̣н̣аббадибхааг̇анд̇и звам̣ ван̣н̣асан̣таанам̣. д̇ад̇о ваа уд̣̇д̇ханд̇и д̣̇уд̇ияасад̇д̇аахаад̣̇ийсу аб̣б̣уд̣̇аад̣̇ибхааваббад̇д̇ам̣ санд̇хааяа вуд̇д̇ам̣. барихийнавзг̇асса санд̇аанасса бажжаяо ход̇ийд̇и сахагаарийбажжаяо ход̇и, на ж̇анаго. гаммамзва хи кан̣з кан̣з уббаж̇ж̇амаанаанам̣ гаммаж̇аруубаанам̣ ж̇анагабажжаяо, д̇ан̃жа бавад̇д̇ияам̣ буб̣б̣з уббаж̇ж̇ид̇ваа тид̇ам̣ анубахад̇ам̣ жад̇усанд̇ад̇ируубам̣ сахагаарийбажжаяам̣ лабхид̇ваава гаад̇ум̣ саггод̇и, на ан̃н̃ат̇аа, язна гзнажи вирод̇хибажжаязна нируд̣̇д̇хажагкаад̣̇иббасаад̣̇аанам̣ буг̇г̇алаанам̣ виж̇ж̇амаанамби гаммам̣ жагкаад̣̇игам̣ ж̇анзд̇ум̣ на саггод̇ийд̇и сид̣̇д̇хамзва ход̇и.
172.Byañjane ādaraṃ akatvāti jānitvā sañjānitvātiādinā byañjanānurūpaṃ avuttattā vuttaṃ. Pāṇoti jānantoti idaṃ manussoti ajānitvāpi kevalaṃ sattasaññāya eva pārājikabhāvadassanatthaṃ vuttaṃ. Vadhakacetanāvasena cetetvāti ‘‘imaṃ māremī’’ti vadhakacetanāya cintetvā. Pakappetvāti ‘‘vadhāmi na’’nti evaṃ cittena paricchinditvā. Abhivitaritvāti sanniṭṭhānaṃ katvā, tenāha ‘‘nirāsaṅkacittaṃ pesetvā’’ti. Sikhāppatto atthoti sañciccāti pubbakālakiriyāvasena vuttassapi vītikkamabhūtassa aparakālakiriyāyuttadassanena koṭippatto attho. Jātiuṇṇā nāma tadahujātaeḷakassa lomaṃ. Evaṃ vaṇṇappaṭibhāganti evaṃ vaṇṇasaṇṭhānaṃ. Tato vā uddhanti dutiyasattāhādīsu abbudādibhāvappattaṃ sandhāya vuttaṃ. Parihīnavegassa santānassa paccayo hotīti sahakārīpaccayo hoti, na janako. Kammameva hi khaṇe khaṇe uppajjamānānaṃ kammajarūpānaṃ janakapaccayo, tañca pavattiyaṃ pubbe uppajjitvā ṭhitaṃ anupahataṃ catusantatirūpaṃ sahakārīpaccayaṃ labhitvāva kātuṃ sakkoti, na aññathā, yena kenaci virodhipaccayena niruddhacakkhādippasādānaṃ puggalānaṃ vijjamānampi kammaṃ cakkhādikaṃ janetuṃ na sakkotīti siddhameva hoti.
ад̇ибаад̇знд̇од̇и ад̇ибаад̇знд̇о винаасзнд̇о. вуд̇д̇абагаарамзваад̇и ж̇ийвид̇инд̣̇рияаад̇ибаад̇анавид̇хаанам̣ вуд̇д̇аббагаарамзва. сарасзнзва бад̇анасабхаавасса сан̣игам̣ бад̇ид̇ум̣ ад̣̇ад̇ваа ад̇ийва баад̇анам̣ сийгхабаад̇анам̣ ад̇ибаад̇о, баан̣асса ад̇ибаад̇о баан̣аад̇ибаад̇о. аат̇аб̣б̣ан̣игаад̇и ат̇аб̣б̣ан̣авзд̣̇ино. ат̇аб̣б̣ан̣анд̇и ат̇аб̣б̣ан̣авзд̣̇авихид̇ам̣. манд̇ам̣ баяож̇знд̇ийд̇и алон̣абхож̇анад̣̇аб̣б̣асаяанасусаанаг̇аманаад̣̇ийхи баяог̇зхи манд̇ам̣ баривад̇д̇знд̇и, д̇зна яат̇ижчид̇абаан̣авад̇хаад̣̇ипалам̣ убабаж̇ж̇ад̇и, д̇асмаа д̇ам̣ гааяаважийгаммзсу бавидтам̣. ийд̇инд̇и бийл̣ам̣. убад̣̇д̣̇аванд̇и д̇ад̇о ад̇хигад̇арам̣ бийл̣ам̣. баж̇ж̇араганд̇и висамаж̇ж̇арам̣. суужиганд̇и суужийхи вияа виж̇жхамаанам̣ суулам̣. висуужиганд̇и сасуулам̣ аамаад̇исаарам̣. багканд̣̇ияанд̇и рад̇д̇аад̇исаарам̣. виж̇ж̇ам̣ баривад̇д̇зд̇ваад̇и г̇анд̇хааравиж̇ж̇аад̣̇игам̣ ад̇д̇ано виж̇ж̇ам̣ гад̇уубажаарам̣ манд̇абатанаггамзна бариж̇аббид̇ваа. д̇зхийд̇и д̇зхи вад̇т̇уухи. баяож̇ананд̇и бавад̇д̇анам̣. ахо вад̇ааяанд̇и аяам̣ д̇ам̣ гужчиг̇ад̇ам̣. г̇аб̣бханд̇и ид̣̇ам̣ гужчиг̇ад̇ам̣ г̇аб̣бхам̣. гулумб̣ассаад̇и г̇аб̣бхасса, гулассзва ваа, гудумб̣ассаад̇и вуд̇д̇ам̣ ход̇и. бхааванаамаяид̣̇д̇хияаад̇и ад̇хидтаанид̣̇д̇хим̣ санд̇хааяа вуд̇д̇ам̣. д̇ам̣ д̇зсам̣ ижчаамад̇д̇анд̇и суд̇д̇ад̇т̇ад̇о на самзд̇ийд̇и ад̇хиббааяо. ат̇аб̣б̣ан̣ид̣̇д̇хивасзнзва хи суд̇д̇з ‘‘ид̣̇д̇химаа жзд̇овасиббад̇д̇о’’д̇и вуд̇д̇ам̣, на бхааванаамаяид̣̇д̇хивасзнаад̇и д̣̇адтаб̣б̣ам̣.
Atipātentoti atipātento vināsento. Vuttapakāramevāti jīvitindriyātipātanavidhānaṃ vuttappakārameva. Saraseneva patanasabhāvassa saṇikaṃ patituṃ adatvā atīva pātanaṃ sīghapātanaṃ atipāto, pāṇassa atipāto pāṇātipāto. Āthabbaṇikāti athabbaṇavedino. Athabbaṇanti athabbaṇavedavihitaṃ. Mantaṃ payojentīti aloṇabhojanadabbasayanasusānagamanādīhi payogehi mantaṃ parivattenti, tena yathicchitapāṇavadhādiphalaṃ upapajjati, tasmā taṃ kāyavacīkammesu paviṭṭhaṃ. Ītinti pīḷaṃ. Upaddavanti tato adhikataraṃ pīḷaṃ. Pajjarakanti visamajjaraṃ. Sūcikanti sūcīhi viya vijjhamānaṃ sūlaṃ. Visūcikanti sasūlaṃ āmātisāraṃ. Pakkhandiyanti rattātisāraṃ. Vijjaṃ parivattetvāti gandhāravijjādikaṃ attano vijjaṃ katūpacāraṃ mantapaṭhanakkamena parijappitvā. Tehīti tehi vatthūhi. Payojananti pavattanaṃ. Aho vatāyanti ayaṃ taṃ kucchigataṃ. Gabbhanti idaṃ kucchigataṃ gabbhaṃ. Kulumbassāti gabbhassa, kulasseva vā, kuṭumbassāti vuttaṃ hoti. Bhāvanāmayiddhiyāti adhiṭṭhāniddhiṃ sandhāya vuttaṃ. Taṃ tesaṃ icchāmattanti suttatthato na sametīti adhippāyo. Athabbaṇiddhivaseneva hi sutte ‘‘iddhimā cetovasippatto’’ti vuttaṃ, na bhāvanāmayiddhivasenāti daṭṭhabbaṃ.
ид̇арат̇аад̇и бариязсзяяаад̇и бад̣̇асса г̇авзсанамад̇д̇амзва яат̇ааруд̇авасзна ад̇т̇о сияаа, д̇ад̣̇аа барияидтамад̇д̇зна бариязсид̇ваа сад̇т̇аад̣̇ийнам̣ лад̣̇д̇хамад̇д̇знаад̇и ад̇т̇о. сасанд̇и хим̣санд̇и зд̇знаад̇и сад̇т̇анд̇и вад̇хобагаран̣асса баасаан̣араж̇ж̇уаад̣̇ино саб̣б̣ассааби нааманд̇и ааха лаг̇ул̣аад̇иаад̣̇и. лаг̇ул̣анд̇и муг̇г̇арассзд̇ам̣ ад̇хиважанам̣. сад̇т̇асан̇г̇аход̇и маад̇игааяам̣ сад̇т̇ахаараганд̇и зд̇т̇а вуд̇д̇асад̇т̇асан̇г̇ахо. барад̇о вуд̇д̇анаяад̇д̇аад̇и барад̇о ниг̇аманавасзна вуд̇д̇асса д̣̇уд̇ияабад̣̇асса бад̣̇абхааж̇анз вуд̇д̇анаяад̇д̇аа. жид̇д̇асад̣̇д̣̇асса ад̇т̇ад̣̇ийбанад̇т̇ам̣ вуд̇д̇од̇и жид̇д̇а-сад̣̇д̣̇асса вижид̇д̇аад̣̇ианзгад̇т̇ависаяад̇д̇аа ид̇арзхи нивад̇д̇зд̇ваа вин̃н̃аан̣ад̇т̇ам̣ нияамзд̇ум̣ вуд̇д̇о.
Itarathāti pariyeseyyāti padassa gavesanamattameva yathārutavasena attho siyā, tadā pariyiṭṭhamattena pariyesitvā satthādīnaṃ laddhamattenāti attho. Sasanti hiṃsanti etenāti satthanti vadhopakaraṇassa pāsāṇarajjuādino sabbassāpi nāmanti āha laguḷātiādi. Laguḷanti muggarassetaṃ adhivacanaṃ. Satthasaṅgahoti mātikāyaṃ satthahārakanti ettha vuttasatthasaṅgaho. Parato vuttanayattāti parato nigamanavasena vuttassa dutiyapadassa padabhājane vuttanayattā. Cittasaddassa atthadīpanatthaṃ vuttoti citta-saddassa vicittādianekatthavisayattā itarehi nivattetvā viññāṇatthaṃ niyametuṃ vutto.
174. гаммунаа б̣аж̇жхад̇ийд̇и баан̣аад̇ибаад̇агаммунаа б̣аж̇жхад̇и, д̇ам̣ гаммамасса сид̣̇д̇ханд̇и ад̇т̇о. убхаяат̇аабийд̇и уд̣̇д̣̇исагаануд̣̇д̣̇исагавасзна. бажчаа ваа д̇зна рог̇знаад̇и зд̇зна анааг̇ад̇амби ж̇ийвид̇инд̣̇рияам̣ аараб̣бха баан̣аад̇ибаад̇асса бавад̇д̇им̣ д̣̇ассзд̇и. зван̃жа ‘‘яад̣̇аа саггод̇и, д̇ад̣̇аа д̇ам̣ ж̇ийвид̇аа воробзхий’’д̇и аан̣ад̇д̇ияаа жирзна самид̣̇д̇хияамби аан̣ад̇д̇игкан̣зязва баан̣аад̇ибаад̇о. обаад̇акан̣анаад̣̇ит̇ааварабаяог̇зсу баяог̇агаран̣ад̇о бажчаа г̇ахид̇абадисанд̇хигассааби сад̇д̇асса маран̣з баан̣аад̇ибаад̇о жа анааг̇ад̇аарамман̣о убабанно ход̇и. яам̣ бана сигкаабад̣̇авибхан̇г̇з ‘‘бан̃жа сигкаабад̣̇аани бажжуббаннаарамман̣ааязваа’’д̇и вуд̇д̇ам̣, д̇ам̣ баан̣аад̇ибаад̇аад̣̇ид̇о вирад̇им̣ санд̇хааяа вуд̇д̇ам̣, на баан̣аад̇ибаад̇аад̣̇инд̇и г̇ахзд̇аб̣б̣ам̣. ан̃н̃ажид̇д̇знаад̇и амаарзд̇угаамад̇аажид̇д̇зна. д̣̇уд̇ияаббахаарзна марад̇ийд̇и батамаббахаарам̣ винаа д̣̇уд̇иязнзва марад̇ийд̇и ад̇т̇о. батамаббахаарзнзваад̇и батамаббахаарасамудтаабагажзд̇анаагкан̣зязваад̇и ад̇т̇о. гин̃жааби батамаббахааро саяамзва на саггод̇и маарзд̇ум̣, д̣̇уд̇ияам̣ бана лабхид̇ваа саггонд̇о ж̇ийвид̇авинаасахзд̇у ход̇и, д̇асмаа батамаббахаарам̣ винаа маран̣асса асид̣̇д̇хад̇д̇аа ‘‘баяог̇о д̇зна жа маран̣а’’нд̇и иминаа сам̣санд̣̇анад̇о батамаббахаарзнзва гаммаб̣ад̣̇д̇хо яуд̇д̇о, на д̣̇уд̇иязна д̇асса ан̃н̃ажид̇д̇зна д̣̇иннад̇д̇аа. яат̇аа жзд̇т̇а, звам̣ ан̃н̃зна буг̇г̇алзна д̣̇уд̇ияаббахаарад̣̇аанаад̣̇ийсу вияа. яад̣̇и бана д̣̇уд̇ияаббахаарад̣̇ааяагассааби буг̇г̇аласса вад̇хагажзд̇анаа ад̇т̇и, д̇ассааби ад̇д̇ано баяог̇знааби мад̇ад̇д̇аа баяог̇агкан̣з баан̣аад̇ибаад̇од̇и взд̣̇ид̇аб̣б̣ам̣.
174.Kammunābajjhatīti pāṇātipātakammunā bajjhati, taṃ kammamassa siddhanti attho. Ubhayathāpīti uddisakānuddisakavasena. Pacchā vā tena rogenāti etena anāgatampi jīvitindriyaṃ ārabbha pāṇātipātassa pavattiṃ dasseti. Evañca ‘‘yadā sakkoti, tadā taṃ jīvitā voropehī’’ti āṇattiyā cirena samiddhiyampi āṇattikkhaṇeyeva pāṇātipāto. Opātakhaṇanādithāvarapayogesu payogakaraṇato pacchā gahitapaṭisandhikassāpi sattassa maraṇe pāṇātipāto ca anāgatārammaṇo upapanno hoti. Yaṃ pana sikkhāpadavibhaṅge ‘‘pañca sikkhāpadāni paccuppannārammaṇāyevā’’ti vuttaṃ, taṃ pāṇātipātādito viratiṃ sandhāya vuttaṃ, na pāṇātipātādinti gahetabbaṃ. Aññacittenāti amāretukāmatācittena. Dutiyappahārena maratīti paṭhamappahāraṃ vinā dutiyeneva maratīti attho. Paṭhamappahārenevāti paṭhamappahārasamuṭṭhāpakacetanākkhaṇeyevāti attho. Kiñcāpi paṭhamappahāro sayameva na sakkoti māretuṃ, dutiyaṃ pana labhitvā sakkonto jīvitavināsahetu hoti, tasmā paṭhamappahāraṃ vinā maraṇassa asiddhattā ‘‘payogo tena ca maraṇa’’nti iminā saṃsandanato paṭhamappahāreneva kammabaddho yutto, na dutiyena tassa aññacittena dinnattā. Yathā cettha, evaṃ aññena puggalena dutiyappahāradānādīsu viya. Yadi pana dutiyappahāradāyakassāpi puggalassa vadhakacetanā atthi, tassāpi attano payogenāpi matattā payogakkhaṇe pāṇātipātoti veditabbaṃ.
гаммаабад̇д̇иб̣яад̇д̇ибхаавад̇т̇анд̇и аананд̇арияаад̣̇игаммавибхааг̇асса баарааж̇игаад̣̇иаабад̇д̇ивибхааг̇асса жа баагадабхаавад̇т̇ам̣. ‘‘зл̣агам̣ маарзмий’’д̇и вибарийд̇аг̇г̇ахан̣зби ‘‘има’’нд̇и яат̇аанибаннассзва барамад̇т̇ад̇о г̇ахид̇ад̇д̇аа яат̇аавад̇т̇угам̣ гаммаб̣ад̣̇д̇хо ход̇иязваад̇и ааха имам̣ вад̇т̇унд̇иаад̣̇и. гхаад̇аго жа ход̇ийд̇и баан̣аад̇ибаад̇агаммзна б̣ад̣̇д̇ход̇и ад̇т̇о. маад̇аад̣̇иг̇ун̣амаханд̇з аараб̣бха бавад̇д̇авад̇хагажзд̇анааяа махаасааваж̇ж̇ад̇ааяа вуд̇д̇ам̣ ‘‘ид̇ха бана жзд̇анаа д̣̇аарун̣аа ход̇ий’’д̇и.
Kammāpattibyattibhāvatthanti ānantariyādikammavibhāgassa pārājikādiāpattivibhāgassa ca pākaṭabhāvatthaṃ. ‘‘Eḷakaṃ māremī’’ti viparītaggahaṇepi ‘‘ima’’nti yathānipannasseva paramatthato gahitattā yathāvatthukaṃ kammabaddho hotiyevāti āha imaṃ vatthuntiādi. Ghātako ca hotīti pāṇātipātakammena baddhoti attho. Mātādiguṇamahante ārabbha pavattavadhakacetanāya mahāsāvajjatāya vuttaṃ ‘‘idha pana cetanā dāruṇā hotī’’ti.
лохид̇аганд̇и лохид̇амагкид̇ам̣. гаммам̣ гаронд̇зд̇и яуд̣̇д̇хагаммам̣ гаронд̇з. яат̇аад̇хиббааяам̣ г̇ад̇зд̇и яод̇хам̣ виж̇жхид̇ваа бид̇ари вид̣̇д̇хз, яод̇хам̣ бана авиж̇жхид̇ваа гзвалам̣ бид̇ари вид̣̇д̇хзби висан̇гзд̇о над̇т̇иязва бид̇ариби вад̇хагажид̇д̇асса ад̇т̇ид̇ааяа, гзвалам̣ яод̇хз вид̣̇д̇хзби зсзва наяо. аананд̇арияам̣ бана над̇т̇ийд̇и бид̇увисаяам̣ баан̣аад̇ибаад̇агаммам̣ над̇т̇ийд̇и ад̇т̇о.
Lohitakanti lohitamakkhitaṃ. Kammaṃ karonteti yuddhakammaṃ karonte. Yathādhippāyaṃ gateti yodhaṃ vijjhitvā pitari viddhe, yodhaṃ pana avijjhitvā kevalaṃ pitari viddhepi visaṅketo natthiyeva pitaripi vadhakacittassa atthitāya, kevalaṃ yodhe viddhepi eseva nayo. Ānantariyaṃ pana natthīti pituvisayaṃ pāṇātipātakammaṃ natthīti attho.
звам̣ виж̇жхаад̇и звам̣ баад̣̇зхи бхуумияам̣ тад̇ваа звам̣ д̇ханум̣ г̇ахзд̇ваа аагад̣дхид̇ваад̇иаад̣̇инаа виж̇жханаббагаарасигкаабанамукзна аан̣аабзд̇ийд̇и ад̇т̇о. звам̣ бахараад̇и д̣̇ал̣хам̣ асим̣ г̇ахзд̇ваа звам̣ бахара. звам̣ гхаад̇зхийд̇и звам̣ гаммагааран̣ам̣ гад̇ваа маарзхи. д̇ад̇д̇агаа убхиннам̣ баан̣аад̇ибаад̇аад̇и ануд̣̇д̣̇исид̇ваа язсам̣ гзсан̃жи мааран̣ад̇т̇ааяа убхохи баяог̇асса гад̇ад̇д̇аа вуд̇д̇ам̣. сажз хи аан̣аабаго ‘‘звам̣ вид̣̇д̇хз асуго звам̣ марад̇ий’’д̇и сан̃н̃ааяа ‘‘звам̣ виж̇жхаа’’д̇и аан̣аабзд̇и, нияамид̇ассзва маран̣з аан̣аабагасса гаммаб̣ад̣̇д̇ход̇и вад̣̇анд̇и. сажз аан̣ад̇д̇о ‘‘асуга’’нд̇и нияамзд̇ваа уд̣̇д̣̇исса сарам̣ кибад̇и, аан̣аабаго анияамзд̇ваа аан̣аабзд̇и, аан̣аабагасса язсам̣ гзсан̃жи маран̣зби гаммаб̣ад̣̇д̇хо, аан̣ад̇д̇асса бана нияамид̇амаран̣зязваад̇и взд̣̇ид̇аб̣б̣ам̣. маж̇жхзд̇и хад̇т̇ино бидтино маж̇жхз. зд̇знаад̇и ад̇хидтахид̇ваа аан̣аабзд̇ийд̇иаад̣̇ибаал̣иважанзна. д̇ад̇т̇аад̇и аан̣ад̇д̇игабаяог̇з.
Evaṃ vijjhāti evaṃ pādehi bhūmiyaṃ ṭhatvā evaṃ dhanuṃ gahetvā ākaḍḍhitvātiādinā vijjhanappakārasikkhāpanamukhena āṇāpetīti attho. Evaṃ paharāti daḷhaṃ asiṃ gahetvā evaṃ pahara. Evaṃ ghātehīti evaṃ kammakāraṇaṃ katvā mārehi. Tattakā ubhinnaṃ pāṇātipātāti anuddisitvā yesaṃ kesañci māraṇatthāya ubhohi payogassa katattā vuttaṃ. Sace hi āṇāpako ‘‘evaṃ viddhe asuko evaṃ maratī’’ti saññāya ‘‘evaṃ vijjhā’’ti āṇāpeti, niyamitasseva maraṇe āṇāpakassa kammabaddhoti vadanti. Sace āṇatto ‘‘asuka’’nti niyametvā uddissa saraṃ khipati, āṇāpako aniyametvā āṇāpeti, āṇāpakassa yesaṃ kesañci maraṇepi kammabaddho, āṇattassa pana niyamitamaraṇeyevāti veditabbaṃ. Majjheti hatthino piṭṭhino majjhe. Etenāti adhiṭṭhahitvā āṇāpetītiādipāḷivacanena. Tatthāti āṇattikapayoge.
гин̃жааби гирияаависзсо адтагат̇аасу анааг̇ад̇о, баал̣ияам̣ бана ‘‘звам̣ виж̇жха, звам̣ бахара, звам̣ гхаад̇зхий’’д̇и (баараа. 174) гирияаависзсасса бараамадтад̇д̇аа аажарияабарамбараа ааг̇ад̇ам̣ гирияаависзсамби баал̣исам̣санд̣̇анад̇о г̇ахзд̇ваа д̣̇ассзнд̇о абаро наяод̇иаад̣̇имааха. виж̇жхананд̇и усусад̇д̇иаад̣̇ийхи виж̇жханам̣. чзд̣̇ананд̇и асиаад̣̇ийхи хад̇т̇абаад̣̇аад̣̇ижчзд̣̇анам̣. бхзд̣̇ананд̇и муг̇г̇араад̣̇ийхи сийсаад̣̇ибхзд̣̇анам̣ д̣̇вид̇хаагаран̣ам̣. сан̇камун̣д̣аганд̇и сийсагадаахз жаммам̣ саха гзсзхи уббаадзд̇ваа т̇ууласагкараахи сийсагадаахам̣ гхам̣сид̇ваа сан̇каван̣н̣агаран̣авасзна сан̇камун̣д̣агаммагаран̣ам̣. звамаад̣̇ийд̇и аад̣̇и-сад̣̇д̣̇зна б̣ил̣ан̇г̇ат̇аалигаад̣̇им̣ сан̇г̇ан̣хаад̇и. урз бахарид̇ваа бидтияам̣ бахарид̇ваа г̇ийвааяам̣ бахарид̇ваад̇иаад̣̇инаа сарийрааваяаваббад̣̇зсзсу бахаран̣авиж̇жханаад̣̇инияамоби гирияаависзсзязва сан̇г̇аяхад̇и адтагат̇аасу сан̇камун̣д̣агаад̣̇исарийраббад̣̇зсависаяааяаби гхаад̇анааяа д̇ад̇т̇а бавзсид̇ад̇д̇аа, яам̣ бана саарад̇т̇ад̣̇ийбанияам̣ (саарад̇т̇а. дий. баарааж̇игаган̣д̣а 2.174 баяог̇агат̇ааван̣н̣анаа) бурад̇о бахарид̇ваа маарзхийд̇иаад̣̇игасса адтагат̇аабаатасса ‘‘буримабассаад̣̇ийнамби вад̇т̇усабхааг̇ад̇о вад̇т̇уг̇г̇ахан̣знзва г̇ахан̣анд̇и ааха бурад̇о бахарид̇ваад̇иаад̣̇ий’’д̇и звамад̇хиббааяагат̇анам̣, д̇ам̣ сан̇камун̣д̣агаад̣̇игасса сарийраббад̣̇зсз гаммагааран̣аагаран̣асса адтагат̇ааяа гирияаависзсависаяз вуд̇д̇ад̇д̇аа на яуж̇ж̇ад̇и. яат̇аан̣ад̇д̇ам̣ мун̃жид̇ваа буг̇г̇аланд̇арамааран̣амзва хи вад̇т̇увисам̣ваад̣̇о, на бахарид̇ум̣ аан̣ад̇д̇ам̣ сарийраббад̣̇зсависам̣ваад̣̇анам̣, д̇знааха ‘‘вад̇т̇ум̣ висам̣ ваад̣̇зд̇ваа…бз… д̇ад̇о ан̃н̃ам̣ маарзд̇и. бурад̇о бахарид̇ваа маарзхийд̇и ваа…бз… над̇т̇и гаммаб̣ад̣̇д̇хо’’д̇и, ид̣̇ам̣ бана яат̇аан̣ад̇д̇авад̇т̇усмимби гирияаависзсависан̇гзд̇зна гаммаб̣ад̣̇д̇хаабхаавам̣ д̣̇ассзд̇ум̣ вуд̇д̇анд̇и бан̃н̃ааяад̇и. д̇зна ‘‘вад̇т̇ум̣ ависам̣ваад̣̇зд̇ваа маарзнд̇ий’’д̇и зд̇д̇агамзва авад̇ваа ‘‘яат̇аан̣ад̇д̇ияаа’’д̇и гирияаависзсанияамоби д̣̇ассид̇о, ид̇арат̇аа яат̇аан̣ад̇д̇ияаад̇и важанасса нирад̇т̇агад̇аабад̇д̇ид̇о. вад̇т̇унид̣̇д̣̇зсз жа ‘‘вад̇т̇ууд̇и маарзд̇аб̣б̣о сад̇д̇о’’д̇и (баараа. адта. 2.174) зд̇д̇агамзва вуд̇д̇ам̣, на бана ‘‘яат̇аан̣ад̇д̇асса бахарид̇аб̣б̣асарийраббад̣̇зсобий’’д̇и вуд̇д̇ам̣. д̇асмаа бурад̇о бахаран̣аад̣̇иби гирияаависзсз зва сан̇г̇аяхад̇ийд̇и амхаагам̣ канд̇и, виймам̣сид̇ваа г̇ахзд̇аб̣б̣ам̣. вад̇т̇увисзсзнаад̇и маад̇уаад̣̇имад̇асад̇д̇ависзсзна. гаммависзсод̇и аананд̇арияаад̣̇игаммависзсо. аабад̇д̇ивисзсод̇и баарааж̇игаад̣̇иаабад̇д̇ивисзсо.
Kiñcāpi kiriyāviseso aṭṭhakathāsu anāgato, pāḷiyaṃ pana ‘‘evaṃ vijjha, evaṃ pahara, evaṃ ghātehī’’ti (pārā. 174) kiriyāvisesassa parāmaṭṭhattā ācariyaparamparā āgataṃ kiriyāvisesampi pāḷisaṃsandanato gahetvā dassento aparo nayotiādimāha. Vijjhananti ususattiādīhi vijjhanaṃ. Chedananti asiādīhi hatthapādādicchedanaṃ. Bhedananti muggarādīhi sīsādibhedanaṃ dvidhākaraṇaṃ. Saṅkhamuṇḍakanti sīsakaṭāhe cammaṃ saha kesehi uppāṭetvā thūlasakkharāhi sīsakaṭāhaṃ ghaṃsitvā saṅkhavaṇṇakaraṇavasena saṅkhamuṇḍakammakaraṇaṃ. Evamādīti ādi-saddena biḷaṅgathālikādiṃ saṅgaṇhāti. Ure paharitvā piṭṭhiyaṃ paharitvā gīvāyaṃ paharitvātiādinā sarīrāvayavappadesesu paharaṇavijjhanādiniyamopi kiriyāviseseyeva saṅgayhati aṭṭhakathāsu saṅkhamuṇḍakādisarīrappadesavisayāyapi ghātanāya tattha pavesitattā, yaṃ pana sāratthadīpaniyaṃ (sārattha. ṭī. pārājikakaṇḍa 2.174 payogakathāvaṇṇanā) purato paharitvā mārehītiādikassa aṭṭhakathāpāṭhassa ‘‘purimapassādīnampi vatthusabhāgato vatthuggahaṇeneva gahaṇanti āha purato paharitvātiādī’’ti evamadhippāyakathanaṃ, taṃ saṅkhamuṇḍakādikassa sarīrappadese kammakāraṇākaraṇassa aṭṭhakathāya kiriyāvisesavisaye vuttattā na yujjati. Yathāṇattaṃ muñcitvā puggalantaramāraṇameva hi vatthuvisaṃvādo, na paharituṃ āṇattaṃ sarīrappadesavisaṃvādanaṃ, tenāha ‘‘vatthuṃ visaṃ vādetvā…pe… tato aññaṃ māreti. Purato paharitvā mārehīti vā…pe… natthi kammabaddho’’ti, idaṃ pana yathāṇattavatthusmimpi kiriyāvisesavisaṅketena kammabaddhābhāvaṃ dassetuṃ vuttanti paññāyati. Tena ‘‘vatthuṃ avisaṃvādetvā mārentī’’ti ettakameva avatvā ‘‘yathāṇattiyā’’ti kiriyāvisesaniyamopi dassito, itarathā yathāṇattiyāti vacanassa niratthakatāpattito. Vatthuniddese ca ‘‘vatthūti māretabbo satto’’ti (pārā. aṭṭha. 2.174) ettakameva vuttaṃ, na pana ‘‘yathāṇattassa paharitabbasarīrappadesopī’’ti vuttaṃ. Tasmā purato paharaṇādipi kiriyāvisese eva saṅgayhatīti amhākaṃ khanti, vīmaṃsitvā gahetabbaṃ. Vatthuvisesenāti mātuādimatasattavisesena. Kammavisesoti ānantariyādikammaviseso. Āpattivisesoti pārājikādiāpattiviseso.
яад̣̇аа гад̣̇аажи буб̣б̣ан̣хзд̇и аан̣ад̇д̇ад̣̇ивасад̇о ан̃н̃ассаби яасса гассажи д̣̇ивасасса буб̣б̣ан̣хз. зд̇ам̣ г̇аамз тид̇анд̇и г̇аамо буг̇г̇аланияаманад̇т̇ам̣ вуд̇д̇о, на огаасанияаманад̇т̇ам̣, д̇асмаа ‘‘яад̇т̇а гад̇т̇ажи маарзд̇и, над̇т̇и висан̇гзд̇о’’д̇и вуд̇д̇ам̣, зд̇зна гаалогаасааавуд̇хаиаяаабат̇агирияаависзсаанам̣ нияамижчааяа асад̇и язна гзнажи багаарзна маран̣амзва ижчанд̇асса аан̣аабагасса мукаарул̣хавасзна вуд̇д̇асса д̣̇зсагаалаад̣̇инияамасса висан̇гзд̇зби гаммаб̣ад̣̇д̇хоязваад̇и н̃аабид̇ам̣ ход̇и. яо бана жид̇д̇зна яад̇т̇а гад̇т̇ажи яад̣̇аа гад̣̇аажи язна гзнажи багаарзна маран̣амзва ижчанд̇оби гаалаад̣̇ивисан̇гзд̇зна агусалад̇о жод̣̇анад̇о ваа мужжид̇угаамо лзсзна гаалаад̣̇инияамам̣ гарод̇и, д̇асса мануссавиг̇г̇ахабаарааж̇игад̇о барияааязна амужжанад̇о гаалаад̣̇ивисан̇гзд̇зби гаммаб̣ад̣̇д̇ховаад̇и г̇ахзд̇ваа вижааран̣ад̇о г̇ахзд̇аб̣б̣ам̣, гзжи банзд̇ам̣ на ижчанд̇и, виймам̣сид̇аб̣б̣ам̣. д̇ун̣д̣знаад̇и аг̇г̇агодияаа. т̇арунаад̇и каг̇г̇амудтинаа. зд̇ам̣ г̇ажчанд̇анд̇и г̇аманзна буг̇г̇алова нияамид̇о, на ирияаабат̇о, д̇знааха ‘‘над̇т̇и висан̇гзд̇а’’нд̇и.
Yadā kadāci pubbaṇheti āṇattadivasato aññassapi yassa kassaci divasassa pubbaṇhe. Etaṃ gāme ṭhitanti gāmo puggalaniyamanatthaṃ vutto, na okāsaniyamanatthaṃ, tasmā ‘‘yattha katthaci māreti, natthi visaṅketo’’ti vuttaṃ, etena kālokāsaāvudhaiayāpathakiriyāvisesānaṃ niyamicchāya asati yena kenaci pakārena maraṇameva icchantassa āṇāpakassa mukhāruḷhavasena vuttassa desakālādiniyamassa visaṅketepi kammabaddhoyevāti ñāpitaṃ hoti. Yo pana cittena yattha katthaci yadā kadāci yena kenaci pakārena maraṇameva icchantopi kālādivisaṅketena akusalato codanato vā muccitukāmo lesena kālādiniyamaṃ karoti, tassa manussaviggahapārājikato pariyāyena amuccanato kālādivisaṅketepi kammabaddhovāti gahetvā vicāraṇato gahetabbaṃ, keci panetaṃ na icchanti, vīmaṃsitabbaṃ. Tuṇḍenāti aggakoṭiyā. Tharunāti khaggamuṭṭhinā. Etaṃ gacchantanti gamanena puggalova niyamito, na iriyāpatho, tenāha ‘‘natthi visaṅketa’’nti.
‘‘д̣̇ийгхам̣ маарзхий’’д̇и вуд̇д̇зби д̣̇ийгхасан̣таанаанам̣ б̣ахубхаавад̇о ‘‘ид̇т̇аннаамам̣ зваруубан̃жа д̣̇ийгха’’нд̇и ан̃н̃зсам̣ асаад̇хааран̣алагкан̣зна анид̣̇д̣̇идтад̇д̇аа ‘‘анияамзд̇ваа аан̣аабзд̇ий’’д̇и вуд̇д̇ам̣, д̇знзвааха ‘‘яам̣ гин̃жи д̇аад̣̇исам̣ маарзмий’’д̇и. зд̇т̇а жа жид̇д̇зна б̣ахуусу д̣̇ийгхасан̣таанзсу згам̣ нияамзд̇ваа вуд̇д̇зби ваажааяа анияамид̇ад̇д̇аа ан̃н̃асмим̣ д̇аад̣̇исз маарид̇з над̇т̇и висан̇гзд̇од̇и вад̣̇анд̇и. ад̇д̇аанам̣ мун̃жид̇ваа барабаан̣имхи баан̣асан̃н̃ид̇аалагкан̣асса ан̇г̇асса абхаавад̇о нзвад̇т̇и баан̣аад̇ибаад̇од̇и ааха ‘‘аан̣аабаго мужжад̇ий’’д̇и. ад̇д̇аанам̣ уд̣̇д̣̇исса ‘‘асугадтаанз нисинна’’нд̇и огаасанияамз д̇асмим̣ бад̣̇зсз нисиннасса яасса гассажи ж̇ийвид̇инд̣̇рияам̣ аараб̣бха вад̇хагажид̇д̇ам̣ уббаж̇ж̇ад̇ийд̇и вуд̇д̇ам̣ ‘‘нзва вад̇хаго мужжад̇и на аан̣аабаго’’д̇и. огаасан̃хи нияамзд̇ваа нид̣̇д̣̇исанд̇о д̇асмим̣ огаасз нисиннам̣ маарзд̇угаамо ход̇и, саяам̣ бана д̇ад̣̇аа д̇ад̇т̇а над̇т̇и, д̇асмаа огаасзна саха д̇ад̇т̇а нисиннассзва ж̇ийвид̇инд̣̇рияам̣ аарамман̣ам̣ ход̇и, на ад̇д̇анод̇и г̇ахзд̇аб̣б̣ам̣. сажз бана саяам̣ д̇ад̇т̇зва нисийд̣̇ид̇ваа ад̇д̇ано нисиннадтаанамзва нияамзд̇ваа ‘‘маарзхий’’д̇и вуд̇д̇зби ан̃н̃о д̇ад̇т̇а нисинно маарияад̇и, д̇ассааби ад̇д̇аноби ж̇ийвид̇ам̣ аараб̣бха вад̇хагажзд̇анаа бавад̇д̇ад̇и, барасмим̣ д̇ад̇т̇а маарид̇з аан̣аабагасса гаммаб̣ад̣̇д̇ход̇и г̇ахзд̇аб̣б̣ам̣. зваруубз таанз жид̇д̇аббавад̇д̇инияамо б̣уд̣̇д̇хависаяо, на ан̃н̃зсам̣ висаяод̇и ааха ‘‘д̇асмаа зд̇т̇а на анаад̣̇арияам̣ гаад̇аб̣б̣а’’нд̇и.
‘‘Dīghaṃ mārehī’’ti vuttepi dīghasaṇṭhānānaṃ bahubhāvato ‘‘itthannāmaṃ evarūpañca dīgha’’nti aññesaṃ asādhāraṇalakkhaṇena aniddiṭṭhattā ‘‘aniyametvā āṇāpetī’’ti vuttaṃ, tenevāha ‘‘yaṃ kiñci tādisaṃ māremī’’ti. Ettha ca cittena bahūsu dīghasaṇṭhānesu ekaṃ niyametvā vuttepi vācāya aniyamitattā aññasmiṃ tādise mārite natthi visaṅketoti vadanti. Attānaṃ muñcitvā parapāṇimhi pāṇasaññitālakkhaṇassa aṅgassa abhāvato nevatthi pāṇātipātoti āha ‘‘āṇāpako muccatī’’ti. Attānaṃ uddissa ‘‘asukaṭṭhāne nisinna’’nti okāsaniyame tasmiṃ padese nisinnassa yassa kassaci jīvitindriyaṃ ārabbha vadhakacittaṃ uppajjatīti vuttaṃ ‘‘neva vadhako muccati na āṇāpako’’ti. Okāsañhi niyametvā niddisanto tasmiṃ okāse nisinnaṃ māretukāmo hoti, sayaṃ pana tadā tattha natthi, tasmā okāsena saha tattha nisinnasseva jīvitindriyaṃ ārammaṇaṃ hoti, na attanoti gahetabbaṃ. Sace pana sayaṃ tattheva nisīditvā attano nisinnaṭṭhānameva niyametvā ‘‘mārehī’’ti vuttepi añño tattha nisinno māriyati, tassāpi attanopi jīvitaṃ ārabbha vadhakacetanā pavattati, parasmiṃ tattha mārite āṇāpakassa kammabaddhoti gahetabbaṃ. Evarūpe ṭhāne cittappavattiniyamo buddhavisayo, na aññesaṃ visayoti āha ‘‘tasmā ettha na anādariyaṃ kātabba’’nti.
звам̣ аан̣аабзнд̇асса аажарияасса д̇аава д̣̇уггаданд̇и сажз аан̣ад̇д̇иго яат̇аад̇хиббааяам̣ на г̇ажчад̇и, аажарияасса аан̣ад̇д̇игкан̣з д̣̇уггадам̣. сажз бана со яат̇аад̇хиббааяам̣ г̇ажчад̇и, яам̣ барад̇о т̇уллажжаяам̣ вуд̇д̇ам̣, аан̣ад̇д̇игкан̣з д̇ад̣̇зва ход̇и. ат̇а со авассам̣ гхаад̇зд̇и, яам̣ барад̇о ‘‘аабад̇д̇и саб̣б̣зсам̣ баарааж̇игассаа’’д̇и (баараа. 174) вуд̇д̇ам̣, д̇ад̇о имасса аан̣ад̇д̇игкан̣зязва баарааж̇игам̣ ход̇и, на д̣̇уггадат̇уллажжаяаанийд̇и г̇ахзд̇аб̣б̣ам̣. д̇зсамби д̣̇уггаданд̇и б̣уд̣̇д̇харагкид̇аад̣̇ийнамби аарожанабажжаяаа д̣̇уггадам̣, ид̣̇ан̃жа яат̇аан̣ад̇д̇ивасзна сан̇гхарагкид̇асса ж̇ийвид̇аа воробанз асад̇и яуж̇ж̇ад̇и, воробанз сад̇и д̇зсамби аарожанагкан̣зязва баарааж̇игам̣. бадиг̇г̇ахид̇амад̇д̇зд̇и ид̣̇ам̣ авассам̣ бадиг̇г̇ахан̣асабхаавад̣̇ийбанад̇т̇ам̣ вуд̇д̇ам̣, на бадиг̇г̇ахид̇агкан̣зязва т̇уллажжаяанд̇и д̣̇ассанад̇т̇ам̣. сажз хи со авассам̣ бадиг̇г̇ахзссад̇и, гаммам̣ бана на нибпаад̣̇зссад̇и, д̇ад̣̇аа аажарияасса аан̣ад̇д̇игкан̣зязва т̇уллажжаяам̣ ход̇ийд̇и д̣̇адтаб̣б̣ам̣.
Evaṃāṇāpentassa ācariyassa tāva dukkaṭanti sace āṇattiko yathādhippāyaṃ na gacchati, ācariyassa āṇattikkhaṇe dukkaṭaṃ. Sace pana so yathādhippāyaṃ gacchati, yaṃ parato thullaccayaṃ vuttaṃ, āṇattikkhaṇe tadeva hoti. Atha so avassaṃ ghāteti, yaṃ parato ‘‘āpatti sabbesaṃ pārājikassā’’ti (pārā. 174) vuttaṃ, tato imassa āṇattikkhaṇeyeva pārājikaṃ hoti, na dukkaṭathullaccayānīti gahetabbaṃ. Tesampi dukkaṭanti buddharakkhitādīnampi ārocanapaccayā dukkaṭaṃ, idañca yathāṇattivasena saṅgharakkhitassa jīvitā voropane asati yujjati, voropane sati tesampi ārocanakkhaṇeyeva pārājikaṃ. Paṭiggahitamatteti idaṃ avassaṃ paṭiggahaṇasabhāvadīpanatthaṃ vuttaṃ, na paṭiggahitakkhaṇeyeva thullaccayanti dassanatthaṃ. Sace hi so avassaṃ paṭiggahessati, kammaṃ pana na nipphādessati, tadā ācariyassa āṇattikkhaṇeyeva thullaccayaṃ hotīti daṭṭhabbaṃ.
мууладтассзва д̣̇уггаданд̇и ид̣̇ам̣ махааадтагат̇ааяам̣ ааг̇ад̇анаяад̣̇ассанамад̇д̇ам̣, на банзд̇ам̣ ад̇д̇анаа ад̇хиббзд̇ам̣, д̇знааха звам̣ санд̇зд̇иаад̣̇и, звам̣ махааадтагат̇ааяам̣ вуд̇д̇анаязна ад̇т̇з сад̇ийд̇и ад̇т̇о. бадиг̇г̇ахан̣з аабад̇д̇иязва на сияаад̇и вад̇хагасса ‘‘саад̇ху судтуу’’д̇и маран̣абадиг̇г̇ахан̣з д̣̇уггадаабад̇д̇и нзва сияаа, звам̣ анол̣ааригависаязби д̇аава д̣̇уггадам̣, гиман̇г̇ам̣ бана маран̣абадиг̇г̇ахан̣зд̇и д̣̇ассанад̇т̇ам̣ сан̃жарид̇д̇абадиг̇г̇ахан̣аад̣̇и нид̣̇ассид̇ам̣. ‘‘ахо вад̇а ид̇т̇аннаамо хад̇о ассаа’’д̇и звам̣ маран̣аабхинанд̣̇анад̣̇ассанад̇т̇ам̣ сан̃жарид̇д̇абадиг̇г̇ахан̣аад̣̇ибхинанд̣̇анз д̣̇уггадз сад̇и баг̇зва ‘‘ахам̣ д̇ам̣ маарзссаамий’’д̇и маран̣абадиг̇г̇ахан̣зд̇и ад̇хиббааяо. бадиг̇г̇ан̣ханд̇ассзвзд̇ам̣ д̣̇уггаданд̇и авад̇хааран̣зна сан̇гхарагкид̇асса бадиг̇г̇ахан̣абажжаяаа мууладтасса над̇т̇зва аабад̇д̇ийд̇и д̣̇ассзд̇и, висан̇гзд̇ад̇д̇аа батамам̣ аан̣ад̇д̇ад̣̇уггадамзвасса ход̇и. гзжи бана ‘‘мууладтассааби д̣̇уггадамзваа’’д̇и вад̣̇анд̇и, д̇ам̣ на яуд̇д̇ам̣ згзна баяог̇зна д̣̇виннам̣ д̣̇уггадаанам̣ асамбхаваа. буриманаязд̇и самананд̇араад̇ийд̇з ависаггияад̣̇ууд̇анид̣̇д̣̇зсз. зд̇анд̇и д̣̇уггадам̣. огаасаабхаавзнаад̇и мууладтасса т̇уллажжаяасса вужжамаанад̇д̇аа бадиг̇г̇ан̣ханд̇асса д̣̇уггадам̣ на вуд̇д̇ам̣ огаасаабхаавзна, на бана аабад̇д̇иабхаавад̇од̇и ад̇хиббааяо.
Mūlaṭṭhasseva dukkaṭanti idaṃ mahāaṭṭhakathāyaṃ āgatanayadassanamattaṃ, na panetaṃ attanā adhippetaṃ, tenāha evaṃ santetiādi, evaṃ mahāaṭṭhakathāyaṃ vuttanayena atthe satīti attho. Paṭiggahaṇe āpattiyeva na siyāti vadhakassa ‘‘sādhu suṭṭhū’’ti maraṇapaṭiggahaṇe dukkaṭāpatti neva siyā, evaṃ anoḷārikavisayepi tāva dukkaṭaṃ, kimaṅgaṃ pana maraṇapaṭiggahaṇeti dassanatthaṃ sañcarittapaṭiggahaṇādi nidassitaṃ. ‘‘Aho vata itthannāmo hato assā’’ti evaṃ maraṇābhinandanadassanatthaṃ sañcarittapaṭiggahaṇādibhinandane dukkaṭe sati pageva ‘‘ahaṃ taṃ māressāmī’’ti maraṇapaṭiggahaṇeti adhippāyo. Paṭiggaṇhantassevetaṃ dukkaṭanti avadhāraṇena saṅgharakkhitassa paṭiggahaṇapaccayā mūlaṭṭhassa nattheva āpattīti dasseti, visaṅketattā paṭhamaṃ āṇattadukkaṭamevassa hoti. Keci pana ‘‘mūlaṭṭhassāpi dukkaṭamevā’’ti vadanti, taṃ na yuttaṃ ekena payogena dvinnaṃ dukkaṭānaṃ asambhavā. Purimanayeti samanantarātīte avisakkiyadūtaniddese. Etanti dukkaṭaṃ. Okāsābhāvenāti mūlaṭṭhassa thullaccayassa vuccamānattā paṭiggaṇhantassa dukkaṭaṃ na vuttaṃ okāsābhāvena, na pana āpattiabhāvatoti adhippāyo.
175. саяам̣ сан̇гхад̇т̇зрад̇д̇аа ‘‘убадтаанагаалз’’д̇и вуд̇д̇ам̣. ваажааяа ваажааяа д̣̇уггаданд̇и ‘‘яо гожи мама важанам̣ суд̇ваа имам̣ маарзд̇уу’’д̇и иминаа ад̇хиббааязна авад̇ваа гзвалам̣ маран̣аабхинанд̣̇анавасзнзва вуд̇д̇ад̇д̇аа жорааби наама д̇ам̣ на хананд̇ийд̇иаад̣̇иваажааяаби д̣̇уггадамзва вуд̇д̇ам̣. д̣̇виннам̣ уд̣̇д̣̇иссаад̇и д̣̇вз уд̣̇д̣̇исса, д̣̇виннам̣ ваа маран̣ам̣ уд̣̇д̣̇исса. убхо уд̣̇д̣̇исса маран̣ам̣ сам̣ван̣н̣знд̇асса баяог̇асамудтаабигааяа жзд̇анааяа згад̇д̇зби ‘‘д̣̇вз баан̣аад̇ибаад̇аа’’д̇и вад̇д̇аб̣б̣ад̇аасан̇каад̇ам̣ б̣алавабхаавам̣ аабаж̇ж̇ид̇ваа бадисанд̇хибавад̇д̇ийсу махаавибаагад̇д̇аа ‘‘агусалараасий’’д̇и вуд̇д̇ам̣, б̣ахуу уд̣̇д̣̇исса маран̣асам̣ван̣н̣анзби зсзва наяо. д̇ад̇д̇агаа баан̣аад̇ибаад̇аад̇и яад̇д̇агаа сам̣ван̣н̣анам̣ суд̇ваа мариссанд̇и, д̇ад̇д̇агаанамби вад̇д̇амаанам̣ анааг̇ад̇ан̃жа ж̇ийвид̇инд̣̇рияам̣ саб̣б̣ам̣ ааламб̣ид̇ваава жзд̇анааяа бавад̇д̇анад̇о д̇ад̇д̇агаа баан̣аад̇ибаад̇аа хонд̇и, д̇ад̇д̇агаахи жзд̇анаахи д̣̇аад̇аб̣б̣ам̣ бавад̇д̇ивибаагам̣ згаава саа жзд̇анаа д̣̇аад̇ум̣ саггод̇ийд̇и ад̇т̇о, бадисанд̇хивибаагам̣ бана саяан̃жа буб̣б̣аабаражзд̇анаа жа згзгамзва д̣̇аад̇ум̣ саггод̇ийд̇и г̇ахзд̇аб̣б̣ам̣.
175. Sayaṃ saṅghattherattā ‘‘upaṭṭhānakāle’’ti vuttaṃ. Vācāya vācāya dukkaṭanti ‘‘yo koci mama vacanaṃ sutvā imaṃ māretū’’ti iminā adhippāyena avatvā kevalaṃ maraṇābhinandanavaseneva vuttattā corāpi nāma taṃ na hanantītiādivācāyapi dukkaṭameva vuttaṃ. Dvinnaṃ uddissāti dve uddissa, dvinnaṃ vā maraṇaṃ uddissa. Ubho uddissa maraṇaṃ saṃvaṇṇentassa payogasamuṭṭhāpikāya cetanāya ekattepi ‘‘dve pāṇātipātā’’ti vattabbatāsaṅkhātaṃ balavabhāvaṃ āpajjitvā paṭisandhipavattīsu mahāvipākattā ‘‘akusalarāsī’’ti vuttaṃ, bahū uddissa maraṇasaṃvaṇṇanepi eseva nayo. Tattakā pāṇātipātāti yattakā saṃvaṇṇanaṃ sutvā marissanti, tattakānampi vattamānaṃ anāgatañca jīvitindriyaṃ sabbaṃ ālambitvāva cetanāya pavattanato tattakā pāṇātipātā honti, tattakāhi cetanāhi dātabbaṃ pavattivipākaṃ ekāva sā cetanā dātuṃ sakkotīti attho, paṭisandhivipākaṃ pana sayañca pubbāparacetanā ca ekekameva dātuṃ sakkotīti gahetabbaṃ.
176. язсам̣ хад̇т̇ад̇од̇и язсам̣ н̃аад̇агабаваарид̇аад̣̇ийнам̣ хад̇т̇ад̇о, ид̣̇ан̃жа бхигкуно руубияамууласса абхаавам̣ санд̇хааяа вуд̇д̇ам̣, ад̇д̇анова д̇ханан̃жз, саяамзва муулам̣ г̇ахзд̇ваа мун̃жад̇и, муулам̣ бана аг̇г̇ахзд̇вааби бод̇т̇агасса бод̇т̇агасаамино санд̇агад̇д̇аабаад̣̇анамзвзд̇т̇а бамаан̣анд̇и г̇ахзд̇аб̣б̣ам̣. лзкаад̣̇ассанагод̇уухалагаад̇и сунд̣̇арагкарам̣ д̣̇исваа ваа ‘‘гийд̣̇исам̣ ну ко бод̇т̇ага’’нд̇и ваа ологзд̇угаамаа.
176.Yesaṃ hatthatoti yesaṃ ñātakapavāritādīnaṃ hatthato, idañca bhikkhuno rūpiyamūlassa abhāvaṃ sandhāya vuttaṃ, attanova dhanañce, sayameva mūlaṃ gahetvā muñcati, mūlaṃ pana aggahetvāpi potthakassa potthakasāmino santakattāpādanamevettha pamāṇanti gahetabbaṃ. Lekhādassanakotūhalakāti sundarakkharaṃ disvā vā ‘‘kīdisaṃ nu kho potthaka’’nti vā oloketukāmā.
баан̣аад̇ибаад̇асса баяог̇ад̇д̇аад̇и сарийрад̇о баан̣авияож̇анасса нидтаабагабаяог̇ад̇д̇аа. обаад̇акан̣анад̇т̇ам̣ бана гуд̣̇аалаад̣̇иад̇т̇ааяа аяоб̣ийж̇асамудтаабанад̇т̇ам̣ агаббияабат̇авим̣ ваа гуд̣̇аалад̣̇ан̣д̣аад̣̇ийнам̣ ад̇т̇ааяа бхууд̇аг̇аамам̣ вигобзнд̇асса баажид̇д̇ияамзва. баан̣аад̇ибаад̇абаяог̇ад̇д̇аабхааваа ад̣̇иннаад̣̇аанабуб̣б̣абаяаог̇з вияа д̣̇уд̇ияабариязсанаад̣̇ийсуби зд̇т̇а д̣̇уггададтаанз д̣̇уггадам̣, мусааваад̣̇аад̣̇ибаажид̇д̇ияадтаанз баажид̇д̇ияамзваад̇и г̇ахзд̇аб̣б̣ам̣. бамаан̣зд̇и ад̇д̇анаа саллагкид̇з бамаан̣з. д̇ажчзд̇ваад̇и уннад̇аббад̣̇зсам̣ д̇ажчзд̇ваа. бам̣субажчинд̇и саб̣б̣анд̇имам̣ бам̣субажчим̣. зд̇д̇агам̣ аланд̇и нидтаабзд̇угаамад̇ааяа саб̣б̣анд̇имабаяаог̇асаад̇хигаа жзд̇анаа саннидтаабагажзд̇анаа, махааадтагат̇ааяам̣ ‘‘згасмим̣ д̣̇ивасз авуубасанд̇знзва баяог̇зна кан̣ид̇ваа нидтаабзнд̇ам̣ санд̇хааяа саб̣б̣анд̇имаа саннидтаабагажзд̇анаа вуд̇д̇аа, ид̇араасу бана адтагат̇аасу ‘‘имасмим̣ бад̇ид̇ваа маранд̇уу’’д̇и ад̇хиббааязна згасмим̣ д̣̇ивасз гин̃жи кан̣ид̇ваа абарасмимби д̣̇ивасз д̇ад̇о гин̃жи гин̃жи кан̣ид̇ваа нидтаабзнд̇ам̣ санд̇хааяа вуд̇д̇анд̇и звам̣ адтагат̇аанам̣ ан̃н̃аман̃н̃авирод̇хо н̃аад̇аб̣б̣о. ад̇д̇ано д̇хаммад̇ааяаад̇и аж̇аанид̇ваа, багкалид̇ваа ваа. араханд̇ааби сан̇г̇ахам̣ г̇ажчанд̇ийд̇и ан̃н̃зхи баад̇ияамаанаанам̣ амарид̇угаамаанамби араханд̇аанам̣ маран̣ам̣ самбхавад̇ийд̇и вуд̇д̇ам̣. буриманаязд̇и ‘‘марид̇угаамаа ид̇ха мариссанд̇ий’’д̇и вуд̇д̇анаяз. висан̇гзд̇од̇и марид̇угаамаанам̣ маарзд̇угаамаанан̃жа уд̣̇д̣̇исса кад̇ад̇д̇аа амарид̇угаамаанам̣ маран̣з гаммаб̣ад̣̇д̇хо над̇т̇ийд̇и ад̇т̇о.
Pāṇātipātassa payogattāti sarīrato pāṇaviyojanassa niṭṭhāpakapayogattā. Opātakhaṇanatthaṃ pana kudālādiatthāya ayobījasamuṭṭhāpanatthaṃ akappiyapathaviṃ vā kudāladaṇḍādīnaṃ atthāya bhūtagāmaṃ vikopentassa pācittiyameva. Pāṇātipātapayogattābhāvā adinnādānapubbapayaoge viya dutiyapariyesanādīsupi ettha dukkaṭaṭṭhāne dukkaṭaṃ, musāvādādipācittiyaṭṭhāne pācittiyamevāti gahetabbaṃ. Pamāṇeti attanā sallakkhite pamāṇe. Tacchetvāti unnatappadesaṃ tacchetvā. Paṃsupacchinti sabbantimaṃ paṃsupacchiṃ. Ettakaṃ alanti niṭṭhāpetukāmatāya sabbantimapayaogasādhikā cetanā sanniṭṭhāpakacetanā, mahāaṭṭhakathāyaṃ ‘‘ekasmiṃ divase avūpasanteneva payogena khaṇitvā niṭṭhāpentaṃ sandhāya sabbantimā sanniṭṭhāpakacetanā vuttā, itarāsu pana aṭṭhakathāsu ‘‘imasmiṃ patitvā marantū’’ti adhippāyena ekasmiṃ divase kiñci khaṇitvā aparasmimpi divase tato kiñci kiñci khaṇitvā niṭṭhāpentaṃ sandhāya vuttanti evaṃ aṭṭhakathānaṃ aññamaññavirodho ñātabbo. Attano dhammatāyāti ajānitvā, pakkhalitvā vā. Arahantāpi saṅgahaṃ gacchantīti aññehi pātiyamānānaṃ amaritukāmānampi arahantānaṃ maraṇaṃ sambhavatīti vuttaṃ. Purimanayeti ‘‘maritukāmā idha marissantī’’ti vuttanaye. Visaṅketoti maritukāmānaṃ māretukāmānañca uddissa khatattā amaritukāmānaṃ maraṇe kammabaddho natthīti attho.
д̇ад̇т̇а бад̇ид̇ам̣ б̣ахи нийхарид̇ваад̇и ид̣̇ам̣ д̇ад̇т̇а бад̇анабажжаяаа маран̣асса бавад̇д̇ад̇д̇аа вуд̇д̇ам̣. ааваадз бад̇ид̇ваа т̇огам̣ жирааяид̇ваа г̇ажчанд̇ам̣ г̇ахзд̇ваа маарид̇з д̇ад̇т̇а бад̇ид̇арог̇зна бийл̣ид̇асса г̇ажчад̇о багкалид̇ваа баасаан̣аад̣̇ийсу бад̇анзнааби маран̣зби обаад̇акан̣аго на мужжад̇ийд̇и взд̣̇ид̇аб̣б̣ам̣. амарид̇угаамаа ваад̇и ад̇хиббааяасса самбхавад̇о обабаад̇игз уд̇д̇арид̇ум̣ асаггун̣ид̇ваа мад̇зби баарааж̇игам̣ вуд̇д̇ам̣. ‘‘ниб̣б̣ад̇д̇ид̇ваа’’д̇и вуд̇д̇ад̇д̇аа бад̇анам̣ на д̣̇иссад̇ийд̇и жз? д̇ад̇т̇асса ниб̣б̣ад̇д̇иязва бад̇ананд̇и над̇т̇и вирод̇хо. яасмаа маад̇уяаа бад̇ид̇ваа баривад̇д̇ид̇алин̇г̇ааяа мад̇ааяа со маад̇угхаад̇аго ход̇и, на гзвалам̣ мануссабурисагхаад̇аго, д̇асмаа бад̇ид̇ассзва васзна аабад̇д̇ийд̇и ад̇хиббааязна ‘‘бад̇анаруубам̣ бамаан̣а’’нд̇и вуд̇д̇ам̣, ид̣̇ам̣ бана агааран̣ам̣ ‘‘лин̇г̇з баривад̇д̇зби згасанд̇аанад̇д̇асса авиг̇ад̇ад̇д̇аа. мануссабхууд̇ам̣ маад̇арам̣ ваа бид̇арам̣ ваа аби баривад̇д̇алин̇г̇ам̣ ж̇ийвид̇аа воробзнд̇асса гаммам̣ аананд̇арияа’’нд̇и хи адтагат̇ааяам̣ вуд̇д̇ам̣. язна бана сабхаавзна сад̇д̇аа ж̇ааяанд̇и, д̇знзва маранд̇и, сова д̇зсам̣ руубанд̇араг̇г̇ахан̣зби сабхаавод̇и ‘‘маран̣аруубамзва бамаан̣ам̣, д̇асмаа баажид̇д̇ияа’’нд̇и вуд̇д̇о. бажчимо ваад̣̇о бамаан̣ам̣, звам̣ санд̇з баал̣ияам̣ ‘‘яагко ваа бзд̇о ваа д̇иражчаанаг̇ад̇амануссавиг̇г̇ахо ваа д̇асмим̣ бад̇ад̇и, аабад̇д̇и д̣̇уггадасса. бад̇ид̇з д̣̇угкаа взд̣̇анаа уббаж̇ж̇ад̇и, аабад̇д̇и д̣̇уггадасса. марад̇и, аабад̇д̇и т̇уллажжаяассаа’’д̇и гасмаа вуд̇д̇анд̇и жз? нааяам̣ д̣̇осо. ‘‘яагко ваа бзд̇о ваа’’д̇и хи батамам̣ сагаруубам̣ д̣̇ассзд̇ваа руубанд̇арам̣ г̇ахзд̇вааби тид̇зязва яагкабзд̇з д̣̇ассзд̇ум̣ ‘‘д̇иражчаанаг̇ад̇амануссавиг̇г̇ахо ваа’’д̇и вуд̇д̇ам̣. д̇асмаа д̇иражчаанаг̇ад̇авиг̇г̇ахо мануссавиг̇г̇ахо ваа яагко ваа бзд̇о ваад̇и звамзд̇т̇а яож̇анаа гаад̇аб̣б̣аа. гзжи бана ‘‘мануссавиг̇г̇ахзна тид̇ад̇иражчаанаг̇ад̇аанам̣ аавзн̣игам̣ гад̇ваа т̇уллажжаяам̣ вуд̇д̇ам̣ вияа д̣̇иссад̇ий’’д̇и вад̣̇анд̇и, д̇ам̣ на яуд̇д̇ам̣ д̇иражчаано ваа мануссавиг̇г̇аход̇и вад̇д̇аб̣б̣ад̇о, адтагат̇аасу жа имасса висзсасса авуд̇д̇ад̇д̇аа. яагкабзд̇аруубзна мад̇зби зсзва наяод̇и иминаа маран̣аруубассзва бамаан̣ад̇д̇аа т̇уллажжаяам̣ ад̇ид̣̇исад̇и.
Tatthapatitaṃ bahi nīharitvāti idaṃ tattha patanapaccayā maraṇassa pavattattā vuttaṃ. Āvāṭe patitvā thokaṃ cirāyitvā gacchantaṃ gahetvā mārite tattha patitarogena pīḷitassa gacchato pakkhalitvā pāsāṇādīsu patanenāpi maraṇepi opātakhaṇako na muccatīti veditabbaṃ. Amaritukāmā vāti adhippāyassa sambhavato opapātike uttarituṃ asakkuṇitvā matepi pārājikaṃ vuttaṃ. ‘‘Nibbattitvā’’ti vuttattā patanaṃ na dissatīti ce? Tatthassa nibbattiyeva patananti natthi virodho. Yasmā mātuyā patitvā parivattitaliṅgāya matāya so mātughātako hoti, na kevalaṃ manussapurisaghātako, tasmā patitasseva vasena āpattīti adhippāyena ‘‘patanarūpaṃ pamāṇa’’nti vuttaṃ, idaṃ pana akāraṇaṃ ‘‘liṅge parivattepi ekasantānattassa avigatattā. Manussabhūtaṃ mātaraṃ vā pitaraṃ vā api parivattaliṅgaṃ jīvitā voropentassa kammaṃ ānantariya’’nti hi aṭṭhakathāyaṃ vuttaṃ. Yena pana sabhāvena sattā jāyanti, teneva maranti, sova tesaṃ rūpantaraggahaṇepi sabhāvoti ‘‘maraṇarūpameva pamāṇaṃ, tasmā pācittiya’’nti vutto. Pacchimo vādo pamāṇaṃ, evaṃ sante pāḷiyaṃ ‘‘yakkho vā peto vā tiracchānagatamanussaviggaho vā tasmiṃ patati, āpatti dukkaṭassa. Patite dukkhā vedanā uppajjati, āpatti dukkaṭassa. Marati, āpatti thullaccayassā’’ti kasmā vuttanti ce? Nāyaṃ doso. ‘‘Yakkho vā peto vā’’ti hi paṭhamaṃ sakarūpaṃ dassetvā rūpantaraṃ gahetvāpi ṭhiteyeva yakkhapete dassetuṃ ‘‘tiracchānagatamanussaviggaho vā’’ti vuttaṃ. Tasmā tiracchānagataviggaho manussaviggaho vā yakkho vā peto vāti evamettha yojanā kātabbā. Keci pana ‘‘manussaviggahena ṭhitatiracchānagatānaṃ āveṇikaṃ katvā thullaccayaṃ vuttaṃ viya dissatī’’ti vadanti, taṃ na yuttaṃ tiracchāno vā manussaviggahoti vattabbato, aṭṭhakathāsu ca imassa visesassa avuttattā. Yakkhapetarūpena matepi eseva nayoti iminā maraṇarūpasseva pamāṇattā thullaccayaṃ atidisati.
муд̇хаад̇и амуулзна. со нид̣̇д̣̇осод̇и д̇зна д̇ад̇т̇а гад̇абаяог̇асса абхаавад̇о, яад̣̇и бана соби д̇ад̇т̇а гин̃жи гарод̇и, на мужжад̇и зваад̇и д̣̇ассзнд̇о звам̣ бад̇ид̇аад̇иаад̣̇имааха. д̇ад̇т̇а званд̇и звам̣ маяаа гад̇зд̇и ад̇т̇о . на нассиссанд̇ийд̇и ад̣̇ассанам̣ на г̇амиссанд̇и, на балааяиссанд̇ийд̇и ад̇хиббааяо. сууд̣̇д̇хараа ваа бхависсанд̇ийд̇и ид̣̇ам̣ г̇амбхийрасса обаад̇асса бууран̣з баяож̇анад̣̇ассанам̣. уд̇д̇аанз гад̇з обаад̇з сийгхам̣ амхзхи г̇ахзд̇ваа маарзд̇ум̣ сууд̣̇д̇хараа бхависсанд̇ийд̇и ад̇хиббааяо. виббадисаарз уббаннзд̇и мууладтам̣ санд̇хааяа вуд̇д̇ам̣. яад̣̇и бана бажчимоби лабхид̇ваа д̇ад̇т̇а вуд̇д̇аббагаарам̣ гин̃жи гад̇ваа буна виббадисаарз уббаннз звам̣ гарод̇и, д̇ассааби зсзва наяо. ж̇аад̇абат̇авий ж̇аад̇аад̇и ийд̣̇исз буна ан̃н̃зна обаад̇з кад̇з д̇ад̣̇аа мужжад̇ийд̇и д̣̇ассанад̇т̇ам̣ вуд̇д̇ам̣, ж̇аад̇абат̇авийсад̣̇исам̣ гад̇ваа буна судту годдзд̇ваа д̣̇ал̣хад̇арам̣ буурид̇зби мужжад̇иязваад̇и г̇ахзд̇аб̣б̣ам̣.
Mudhāti amūlena. So niddosoti tena tattha katapayogassa abhāvato, yadi pana sopi tattha kiñci karoti, na muccati evāti dassento evaṃ patitātiādimāha. Tattha evanti evaṃ mayā kateti attho . Na nassissantīti adassanaṃ na gamissanti, na palāyissantīti adhippāyo. Suuddharā vā bhavissantīti idaṃ gambhīrassa opātassa pūraṇe payojanadassanaṃ. Uttāne kate opāte sīghaṃ amhehi gahetvā māretuṃ suuddharā bhavissantīti adhippāyo. Vippaṭisāre uppanneti mūlaṭṭhaṃ sandhāya vuttaṃ. Yadi pana pacchimopi labhitvā tattha vuttappakāraṃ kiñci katvā puna vippaṭisāre uppanne evaṃ karoti, tassāpi eseva nayo. Jātapathavī jātāti īdise puna aññena opāte khate tadā muccatīti dassanatthaṃ vuttaṃ, jātapathavīsadisaṃ katvā puna suṭṭhu koṭṭetvā daḷhataraṃ pūritepi muccatiyevāti gahetabbaṃ.
т̇ад̣̇д̇хад̇аранд̇и т̇ирагаран̣ад̇т̇ам̣ абараабарааяа баасаяадтияаа сад̣̇д̇хим̣ б̣анд̇хид̇ваа ваа д̇амзва ваа сит̇илабхууд̇абаасам̣ т̇ад̣̇д̇хад̇арам̣ б̣анд̇хид̇ваа табзд̇и. каан̣уганд̇и баасаяадтиб̣анд̇ханакаан̣угам̣. д̇ад̇т̇аж̇аад̇агаяадтим̣ чинд̣̇ид̇ваа мужжад̇ийд̇и ид̣̇ам̣ аран̃н̃з яат̇аатид̇амзва д̣̇ан̣д̣ам̣ муулз ажчинд̣̇ид̇ваа баасаб̣анд̇ханаяог̇г̇ам̣ гад̇ваа табид̇ад̇д̇аа д̇ад̇т̇а ан̃н̃оби гожи баасам̣ б̣анд̇хзяяа, мууладто на мужжад̇и, д̇ам̣ бана муулзби чинд̣̇ид̇ваа кан̣д̣аакан̣д̣ам̣ гад̇ваа мужжад̇ийд̇и д̣̇ассанад̇т̇ам̣ вуд̇д̇ам̣. раж̇ж̇угзд̇и ваагзхи згаваарам̣ ваддид̇араж̇ж̇угз. саяам̣ ваддид̇анд̇и д̇анугаваддид̇ам̣ д̣̇иг̇ун̣ад̇иг̇ун̣ад̇аабаад̣̇анзна ад̇д̇анаа ваддид̇ам̣. уб̣б̣аддзд̇ваад̇и баагад̇игам̣ гад̇ваа. г̇обзнд̇обийд̇и хийрам̣ хийрам̣ гад̇ваа г̇обзнд̇оби.
Thaddhataranti thirakaraṇatthaṃ aparāparāya pāsayaṭṭhiyā saddhiṃ bandhitvā vā tameva vā sithilabhūtapāsaṃ thaddhataraṃ bandhitvā ṭhapeti. Khāṇukanti pāsayaṭṭhibandhanakhāṇukaṃ. Tatthajātakayaṭṭhiṃ chinditvā muccatīti idaṃ araññe yathāṭhitameva daṇḍaṃ mūle acchinditvā pāsabandhanayoggaṃ katvā ṭhapitattā tattha aññopi koci pāsaṃ bandheyya, mūlaṭṭho na muccati, taṃ pana mūlepi chinditvā khaṇḍākhaṇḍaṃ katvā muccatīti dassanatthaṃ vuttaṃ. Rajjuketi vākehi ekavāraṃ vaṭṭitarajjuke. Sayaṃ vaṭṭitanti tanukavaṭṭitaṃ diguṇatiguṇatāpādanena attanā vaṭṭitaṃ. Ubbaṭṭetvāti pākatikaṃ katvā. Gopentopīti hīraṃ hīraṃ katvā gopentopi.
177. ааламб̣анаругко ваад̇и д̇ад̇т̇аж̇аад̇агам̣ санд̇хааяа вуд̇д̇ам̣. д̇ад̣̇ад̇т̇амзва гад̇ваад̇и мааран̣ад̇т̇амзва аяоб̣ийж̇асамудтаабанаад̣̇инаа ваасиаад̣̇им̣ сад̇т̇ам̣ гаарзд̇ваа. баагад̇иганд̇и ан̃н̃зхи гад̇ам̣ багад̇исад̇т̇амзва лабхид̇ваа мууладтзна табид̇ам̣ ход̇ийд̇и ад̇т̇о. мужжад̇ийд̇и мууладто мужжад̇и. висаман̣д̣аланд̇и ман̃жабийтаад̣̇ийсу аалид̇д̇ам̣ висаман̣д̣алам̣.
177.Ālambanarukkho vāti tatthajātakaṃ sandhāya vuttaṃ. Tadatthameva katvāti māraṇatthameva ayobījasamuṭṭhāpanādinā vāsiādiṃ satthaṃ kāretvā. Pākatikanti aññehi kataṃ pakatisatthameva labhitvā mūlaṭṭhena ṭhapitaṃ hotīti attho. Muccatīti mūlaṭṭho muccati. Visamaṇḍalanti mañcapīṭhādīsu ālittaṃ visamaṇḍalaṃ.
вад̇ваа асим̣ убанигкибад̇ийд̇и зд̇т̇а мукзна авад̇ваа манасаава жинд̇зд̇ваа убанигкибанзби зсзва наяо. буриманаязнаад̇и язсам̣ хад̇т̇ад̇о муулам̣ г̇ахид̇анд̇иаад̣̇инаа. висабхааг̇арог̇о наама гудтаад̣̇ивируубабхаавад̇о, г̇ан̣д̣абийл̣агаад̣̇и ваа ж̇ийвид̇аббавад̇д̇ияаа бажжанийгад̇д̇аа.
Vatvā asiṃ upanikkhipatīti ettha mukhena avatvā manasāva cintetvā upanikkhipanepi eseva nayo. Purimanayenāti yesaṃ hatthato mūlaṃ gahitantiādinā. Visabhāgarogo nāma kuṭṭhādivirūpabhāvato, gaṇḍapīḷakādi vā jīvitappavattiyā paccanīkattā.
178. манаабиязби зсзва наяод̇и зд̇зна манаабияам̣ руубам̣ убасам̣харад̇ийд̇и зд̇т̇а яам̣ ваа манаабаруубам̣, д̇асса самийбз табзд̇и, ад̇д̇анаа ваа манаабиязна руубзна саманнааг̇ад̇о д̇идтад̇ийд̇иаад̣̇и яож̇зд̇аб̣б̣анд̇и д̣̇ассзд̇и. алан̇гарид̇ваа убасам̣харад̇ийд̇и ‘‘алаабхагзна суссид̇ваа марад̇уу’’д̇и иминаа ад̇хиббааязна убасам̣харад̇и, д̇знзва ‘‘сажз уд̇д̇асид̇ваа марад̇и, висан̇гзд̇о’’д̇и вуд̇д̇ам̣. алаабхагзна суссид̇ваа марад̇ийд̇и зд̇т̇а баарааж̇игод̇и баатасзсо д̣̇адтаб̣б̣о. махаагажчу наама валлипалависзсо, яасса маж̇ж̇аарабаад̣̇ассзва сан̣таанам̣ д̣̇угкасампассаани сукумаломаани жа хонд̇и. хам̣сабубпанд̇и хам̣саад̣̇ийнам̣ багкаломам̣ санд̇хааяа вад̣̇анд̇и. ад̇д̇ано д̇хаммад̇ааяа марад̇и, анаабад̇д̇ийд̇и баарааж̇игам̣ санд̇хааяа вуд̇д̇ам̣ д̣̇уггадаа на мужжанад̇о.
178.Manāpiyepi eseva nayoti etena manāpiyaṃ rūpaṃ upasaṃharatīti ettha yaṃ vā manāparūpaṃ, tassa samīpe ṭhapeti, attanā vā manāpiyena rūpena samannāgato tiṭṭhatītiādi yojetabbanti dasseti. Alaṅkaritvā upasaṃharatīti ‘‘alābhakena sussitvā maratū’’ti iminā adhippāyena upasaṃharati, teneva ‘‘sace uttasitvā marati, visaṅketo’’ti vuttaṃ. Alābhakena sussitvā maratīti ettha pārājikoti pāṭhaseso daṭṭhabbo. Mahākacchu nāma valliphalaviseso, yassa majjārapādasseva saṇṭhānaṃ dukkhasamphassāni sukhumalomāni ca honti. Haṃsapupphanti haṃsādīnaṃ pakkhalomaṃ sandhāya vadanti. Attano dhammatāya marati, anāpattīti pārājikaṃ sandhāya vuttaṃ dukkaṭā na muccanato.
179. асан̃жижжаад̇и ид̣̇ам̣ маран̣асам̣вад̇д̇анигаубаггамасса асаллагкан̣ам̣ санд̇хааяа вуд̇д̇анд̇и ааха иминаа убаггамзнаад̇иаад̣̇и. аж̇аананд̇ассаад̇и ид̣̇ам̣ бана маран̣асам̣вад̇д̇анигависаад̣̇иубаггамагаран̣асса аж̇аананам̣ санд̇хааяа вуд̇д̇анд̇и ааха иминаа аяам̣ мариссад̇ийд̇иаад̣̇и. на маран̣аад̇хиббааяассаад̇и ид̣̇ам̣ д̣̇угкуббаад̣̇агам̣ убаггаманд̇и ж̇аананд̇ассааби маран̣аад̇хиббааяасса абхаавам̣ санд̇хааяа вуд̇д̇анд̇и ааха маран̣ам̣ анижчанд̇ассаад̇иаад̣̇и. ануббаб̣анд̇хаабхааваад̇и д̣̇оманассавийт̇ийнам̣ ниранд̇араббавад̇д̇иабхааваа.
179. Asañciccāti idaṃ maraṇasaṃvattanikaupakkamassa asallakkhaṇaṃ sandhāya vuttanti āha iminā upakkamenātiādi. Ajānantassāti idaṃ pana maraṇasaṃvattanikavisādiupakkamakaraṇassa ajānanaṃ sandhāya vuttanti āha iminā ayaṃ marissatītiādi. Na maraṇādhippāyassāti idaṃ dukkhuppādakaṃ upakkamanti jānantassāpi maraṇādhippāyassa abhāvaṃ sandhāya vuttanti āha maraṇaṃ anicchantassātiādi. Anuppabandhābhāvāti domanassavīthīnaṃ nirantarappavattiabhāvā.
бад̣̇абхааж̇анийяаван̣н̣анаанаяо нидтид̇о.
Padabhājanīyavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияабаарааж̇игам̣ • 3. Tatiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияабаарааж̇игам̣ • 3. Tatiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бад̣̇абхааж̇анийяаван̣н̣анаа • Padabhājanīyavaṇṇanā
д̣̇ууд̇агат̇ааван̣н̣анаа • Dūtakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
