бад̣̇абхааж̇анийяаван̣н̣анаа

199. званд̇и жа батамаж̇жхаанаад̣̇ибараамасанам̣ батамаж̇жхаанам̣ ж̇аанаами д̣̇уд̇ияаад̣̇ижхаананд̇и. асубхаж̇жхаанаад̣̇ийнийд̇и аад̣̇и-сад̣̇д̣̇зна гааяаг̇ад̇аасад̇иж̇жхаанам̣ гасин̣аж̇жхаанам̣ гасин̣амуулагаани ааруббаж̇жхаанаани жа сан̇г̇ан̣хаад̇и. вимогкод̇и жад̇уб̣б̣ид̇хо маг̇г̇о, д̇асса саг̇ун̣ад̇о сун̃н̃ад̇аад̣̇инаамам̣ д̣̇ассзнд̇о ааха со банааяанд̇иаад̣̇и. маг̇г̇о хи наама бан̃жахи гааран̣зхи наамам̣ лабхад̇и сарасзна ваа бажжанийгзна ваа саг̇ун̣зна ваа аарамман̣зна ваа ааг̇аманзна ваа. сажз хи сан̇каарубзгкаа анижжад̇о сан̇каарз саммасид̇ваа вудтаад̇и, маг̇г̇о анимид̇д̇авимогкзна вимужжад̇и. сажз д̣̇угкад̇о саммасид̇ваа вудтаад̇и, аббан̣ихид̇авимогкзна вимужжад̇и. сажз анад̇д̇ад̇о саммасид̇ваа вудтаад̇и, сун̃н̃ад̇авимогкзна вимужжад̇и, ид̣̇ам̣ сарасад̇о наамам̣ наама. яасмаа банзса сан̇каарзсу анижжаанубассанааяа нижжанимид̇д̇ам̣ баж̇аханд̇о ааг̇ад̇о, д̇асмаа анимид̇д̇о. д̣̇угкаанубассанааяа сукасан̃н̃ам̣ бан̣ид̇хим̣ бад̇т̇анам̣ бахааяа ааг̇ад̇ад̇д̇аа аббан̣ихид̇о. анад̇д̇аанубассанааяа ад̇д̇асан̃н̃ам̣ бахааяа ад̇д̇асун̃н̃ад̇аад̣̇ассанавасзна сун̃н̃ад̇аа ход̇и, ид̣̇ам̣ бажжанийгад̇о наамам̣ наама. рааг̇аад̣̇ийхи банзса сун̃н̃ад̇ад̇д̇аа сун̃н̃ад̇о, руубанимид̇д̇аад̣̇ийнам̣, рааг̇анимид̇д̇аад̣̇ийнам̣ зва ваа абхаавзна анимид̇д̇о, рааг̇абан̣ид̇хиаад̣̇ийнам̣ абхаавад̇о аббан̣ихид̇од̇и вужжад̇и, ид̣̇ам̣ асса саг̇ун̣ад̇о наамам̣. рааг̇аад̣̇исун̃н̃ам̣ анимид̇д̇ам̣ аббан̣ихид̇ан̃жа ниб̣б̣аанам̣ аарамман̣ам̣ гарод̇ийд̇и сун̃н̃ад̇о анимид̇д̇о аббан̣ихид̇од̇и вужжад̇и, ид̣̇амасса аарамман̣ад̇о наамам̣. ааг̇аманам̣ бана д̣̇увид̇хам̣ вибассанааг̇аманам̣ маг̇г̇ааг̇аманан̃жа. д̇ад̇т̇а маг̇г̇з вибассанааг̇аманамзва, палз бана маг̇г̇аананд̇арз маг̇г̇ааг̇аманам̣, паласамаабад̇д̇ияам̣ вибассанааг̇аманамби. анад̇д̇аанубассанаавасзна маг̇г̇о сун̃н̃ад̇о анижжад̣̇угкаанубассанаахи анимид̇д̇о аббан̣ихид̇од̇и звам̣ вибассанаа ад̇д̇ано наамам̣ маг̇г̇асса д̣̇зд̇и, маг̇г̇о палассаад̇и ид̣̇ам̣ ааг̇аманад̇о наамам̣.

сун̃н̃ад̇д̇аад̇и вивид̇д̇ад̇д̇аа. рааг̇аад̣̇аяова бад̇идтаанадтзна бан̣ид̇хийд̇и ааха ‘‘рааг̇ад̣̇осамохабан̣ид̇хийна’’нд̇и. имиссаа виж̇ж̇ааяаад̇и д̣̇иб̣б̣ажагкувиж̇ж̇ааяаад̇иаад̣̇инаа згзгавиж̇ж̇ам̣ санд̇хааяа вад̣̇анд̇и. звам̣ згиссааби наамам̣ аг̇г̇ахзд̇вааби д̇аа зва санд̇хааяа ‘‘виж̇ж̇аанам̣ лаабхимхий’’д̇и бхан̣анд̇оби баарааж̇иго ход̇ийд̇и сан̇кзбадтагат̇ааяам̣ ад̇хиббааяо. вад̇т̇увиж̇ж̇аад̣̇ийни бана санд̇хааяа вад̣̇анд̇о на ход̇и. згзгагодтаасавасзнаад̇и махааадтагат̇ааяам̣ вуд̇д̇анаязна логуд̇д̇арависзсам̣ агад̇ваа гзвалам̣ ‘‘сад̇ибадтаанаанам̣ лаабхий’’д̇и згзгагодтаасавасзнаад̇и ад̇хиббааяо. д̇ад̇т̇аад̇и д̇зсу годтаасзсу. гилзсаанам̣ бахаанам̣ наама абхаавамад̇д̇амби логуд̇д̇арагижжад̇д̇аа логуд̇д̇аранд̇и самад̇т̇зд̇ум̣ д̇ам̣ банаад̇иаад̣̇и вуд̇д̇ам̣. рааг̇аа жид̇д̇ам̣ винийваран̣ад̇аад̇и рааг̇ад̇о жид̇д̇асса винийваран̣ад̇аа, д̇ад̇о рааг̇ад̇о вимуд̇д̇ад̇д̇аа зва вийд̇арааг̇анийваран̣ад̇аад̇и ад̇т̇о, яаа жа бан̃жа виж̇ж̇аад̇и яож̇зд̇аб̣б̣ам̣. на ааг̇ад̇аад̇и ид̇ха бад̣̇абхааж̇анз ‘‘н̃аан̣анд̇и д̇иссо виж̇ж̇аа’’д̇и (баараа. 199) вуд̇д̇ад̇д̇аа сзсаа бан̃жа виж̇ж̇аа на ааг̇ад̇аад̇и ад̇т̇о. ниб̣б̣ад̇д̇ид̇алогуд̇д̇арад̇д̇аад̇и логияад̇хаммасаад̇хааран̣асан̇кад̇ассааби абхааваа логиязхи саб̣б̣ат̇аа асаммиссалогуд̇д̇арад̇д̇аа. ан̃н̃анд̇и сан̇кзбадтагат̇аад̣̇им̣ вад̣̇анд̇и, д̇амби д̇ад̇т̇зва бадигкид̇д̇анд̇и самб̣анд̇хо.

200. буна аанзд̇ваа батамаж̇жхаанаад̣̇ийхи на яож̇ид̇анд̇и зд̇т̇а ‘‘батамаж̇жхаанзнаад̇и баато’’д̇и гзжи вад̣̇анд̇и, д̇ам̣ яуд̇д̇амзва аад̣̇и-сад̣̇д̣̇зна г̇ахзд̇аб̣б̣асса жхаанасса абхааваа. батамаж̇жхаанамуулаган̃хи згамзва кан̣д̣ажаггам̣. гад̇д̇усаад̇ханоби бхан̣ид̇а-сад̣̇д̣̇о ход̇ийд̇и ааха ат̇а ваад̇иаад̣̇и. язна жид̇д̇зна мусаа бхан̣ад̇и, д̇знзва жид̇д̇зна на саггаа ‘‘мусаа бхан̣аамий’’д̇и ж̇аанид̇ум̣, анд̇аранд̇араа бана ан̃н̃аахи манод̣̇вааравийт̇ийхи ‘‘мусаа бхан̣аамий’’д̇и ж̇аанаад̇ийд̇и вуд̇д̇ам̣ ‘‘бхан̣анд̇асса ход̇и мусаа бхан̣аамий’’д̇и. аяамзд̇т̇а ад̇т̇о д̣̇ассид̇од̇и д̇ийхи ан̇г̇зхи саманнааг̇ад̇о мусааваад̣̇од̇и аяамад̇т̇о д̣̇ассид̇о. д̣̇аваад̇и сахасаа. раваад̇и ан̃н̃ам̣ вад̇д̇угаамасса калид̇ваа ан̃н̃абхан̣анам̣. д̇ам̣ ж̇аанаад̇ийд̇и д̇ам̣н̃аан̣ам̣, д̇асса бхааво д̇ам̣н̃аан̣ад̇аа, н̃аан̣асса висаяависаяийбхаавзна ад̇д̇асам̣взд̣̇ананд̇и ад̇т̇о. н̃аан̣асамод̇хаананд̇и б̣ахуунам̣ н̃аан̣аанам̣ згасмим̣ кан̣з самод̇хаанам̣, сахуббад̇д̇ийд̇и ад̇т̇о. язна жид̇д̇зна ‘‘мусаа бхан̣исса’’нд̇и ж̇аанаад̇ийд̇и ид̣̇ам̣ буб̣б̣абхааг̇ажзд̇анан̃жа саннидтаанажзд̇анан̃жа згад̇о гад̇ваа вуд̇д̇ам̣. язна жид̇д̇зна буб̣б̣абхааг̇ажзд̇анаабхууд̇зна саннидтаанажзд̇анаабхууд̇зна жа висам̣ваад̣̇ид̇аб̣б̣асад̇д̇асан̇каарз ж̇аанаад̇и, язна жид̇д̇зна мусаа бхан̣иссанд̇и ад̇т̇о. д̇знзва…бз… барижжаж̇ид̇аб̣б̣аад̇и д̇знзва жид̇д̇зна ‘‘звам̣ ахам̣ мусаа бхан̣аамий’’д̇и ваа ‘‘бхан̣ид̇а’’нд̇и ваа д̇ад̣̇зва мусааваад̣̇ажид̇д̇амаарамман̣ам̣ гад̇ваа бхигку ж̇аанаад̇ийд̇и звам̣ буб̣б̣аабарасаннидтаанажзд̇анаагкан̣зсу д̇ийсу згзнзва жид̇д̇зна н̃аан̣ависаяан̃жа н̃аан̣ан̃жаад̇и убхаяамби згагкан̣з буг̇г̇ало ж̇аанаад̇ийд̇и аяам̣ д̇ам̣н̃аан̣ад̇аа барижжаж̇ид̇аб̣б̣аа висаяассзва д̇ад̣̇аа багаасанад̇од̇и ад̇хиббааяо, д̇знааха на хийд̇иаад̣̇и. яад̣̇и н̃аан̣асса ад̇д̇ано саруубам̣ на н̃ааяад̇и, гат̇ам̣ бажчимам̣ жид̇д̇ам̣ ж̇аанаад̇ийд̇и ааха буримам̣ буриманд̇иаад̣̇и. д̇ад̇т̇а бхан̣иссаамийд̇иаад̣̇инаа д̇ийсу гаалзсу уббаннам̣ буримабуримажид̇д̇ам̣ ад̇д̇аанам̣ висаяам̣ гад̇ваа уббаж̇ж̇амаанасса бажчимасса бажчимасса жид̇д̇асса д̇ат̇аа уббад̇д̇ияаа бажжаяо ход̇ийд̇и ад̇т̇о. д̇знаад̇и язна гааран̣зна д̇ийсу кан̣зсу жид̇д̇аани д̇ад̣̇ан̃н̃зхзва жид̇д̇зхи ж̇аанид̇аб̣б̣аани, д̇аани жа буримабуримажид̇д̇знзва авассам̣ уббаж̇ж̇анд̇и, д̇зна гааран̣знаад̇и ад̇т̇о. д̇асмим̣ сад̇ийд̇и бхан̣иссаамийд̇и буб̣б̣абхааг̇з сад̇и. сзсад̣̇ваяанд̇и бхан̣аами, бхан̣ид̇анд̇и ид̣̇ам̣ д̣̇ваяам̣ на хзссад̇ийд̇и зд̇ам̣ над̇т̇ийд̇и яож̇анаа ход̇иязваад̇и ад̇т̇о. згам̣ вияа багаасад̇ийд̇и бхиннагкан̣аанамби ниранд̇аруббад̇д̇ияаа ‘‘д̇ад̣̇звзд̣̇а’’нд̇и г̇ахзд̇аб̣б̣ад̇ам̣ санд̇хааяа вад̣̇ад̇и.

б̣алавад̇хаммавинид̇хаанавасзнаад̇и б̣алаваг̇аахасса винид̇хаанавасзна. д̣̇уб̣б̣алад̣̇уб̣б̣алаананд̇и д̣̇уб̣б̣алад̣̇уб̣б̣алаанам̣ г̇аахаанам̣. сагабхаавабарижжаж̇анавасзнаад̇и ад̇д̇ано санд̇агабхаавасса барижжаж̇анавасзна.

207. уд̇д̇аасид̇ад̇д̇аад̇и бхаяам̣ ж̇анзд̇ваа вияа балаабид̇ад̇д̇аа. звам̣ балаабид̇о на буна д̇ам̣ таанам̣ ааг̇ажчад̇ийд̇и ааха ‘‘буна аналлийяанабхаавад̣̇ассанавасзнаа’’д̇и. кзда-сад̣̇д̣̇ам̣ сад̣̇д̣̇ад̇т̇авид̣̇уу уд̇д̇аасад̇т̇з батанд̇ийд̇и ааха свааяамад̇т̇од̇иаад̣̇и. ан̣у зва ан̣усахаг̇ад̇ам̣, ан̣уд̇д̇зна ваа яуд̇д̇анд̇и ад̇т̇о.