| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[432] 6. бад̣̇агусаламаан̣аваж̇аад̇агаван̣н̣анаа
[432] 6. Padakusalamāṇavajātakavaṇṇanā
б̣ахуссуд̇анд̇и ид̣̇ам̣ сад̇т̇аа ж̇зд̇аванз вихаранд̇о згам̣ д̣̇аарагам̣ аараб̣бха гат̇зси. со гира саавад̇т̇ияам̣ гудумб̣игабуд̇д̇о сад̇д̇авассагаалзязва бад̣̇агусало ахоси. ат̇асса бид̇аа ‘‘имам̣ виймам̣сиссаамий’’д̇и д̇асса аж̇аананд̇ассзва мид̇д̇агхарам̣ аг̇амааси. со бид̇у г̇ад̇адтаанам̣ абужчид̇ваава д̇асса бад̣̇аанусаарзна г̇анд̇ваа бид̇у санд̇игз адтааси. ат̇а нам̣ бид̇аа згад̣̇ивасам̣ бужчи ‘‘д̇аад̇а, д̇вам̣ маяи д̇ам̣ аж̇аанаабзд̇ваа г̇ад̇зби мама г̇ад̇адтаанам̣ гим̣ ж̇аанаасий’’д̇и? ‘‘д̇аад̇а , бад̣̇ам̣ д̇з сан̃ж̇аанаами, бад̣̇агусало аха’’нд̇и. ат̇асса виймам̣санад̇т̇ааяа бид̇аа бхуд̇д̇абаад̇араасо гхараа нигкамид̇ваа ананд̇арам̣ бадивиссагагхарам̣ г̇анд̇ваа д̇ад̇о д̣̇уд̇ияам̣, д̇ад̇о д̇ад̇ияам̣ гхарам̣ бависид̇ваа д̇ад̇ияагхараа нигкамид̇ваа буна ад̇д̇ано гхарам̣ ааг̇анд̇ваа д̇ад̇о уд̇д̇арад̣̇ваарзна нигкамид̇ваа наг̇арам̣ ваамам̣ гаронд̇о ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа д̇хаммам̣ сун̣анд̇о нисийд̣̇и. д̣̇аараго ‘‘гахам̣ мз бид̇аа’’д̇и бужчид̇ваа ‘‘на ж̇аанаамаа’’д̇и вуд̇д̇з д̇асса бад̣̇аанусаарзна ананд̇арабадивиссагасса гхарам̣ аад̣̇им̣ гад̇ваа бид̇у г̇ад̇амаг̇г̇знзва ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа бид̇у санд̇игз адтааси. бид̇араа жа ‘‘гат̇ам̣ д̇аад̇а, мама ид̇хааг̇ад̇абхаавам̣ ан̃н̃аасий’’д̇и будто ‘‘бад̣̇ам̣ д̇з сан̃ж̇аанид̇ваа бад̣̇аанусаарзна ааг̇ад̇омхий’’д̇и ааха. сад̇т̇аа ‘‘гим̣ гат̇зси убаасагаа’’д̇и бужчид̇ваа ‘‘бханд̇з, аяам̣ д̣̇аараго бад̣̇агусало, ахам̣ имам̣ виймам̣санд̇о иминаа наама убааязна ааг̇ад̇о, аяамби мам̣ г̇зхз ад̣̇исваа мама бад̣̇аанусаарзна ааг̇ад̇о’’д̇и вуд̇д̇з ‘‘анажчарияам̣, убаасага, бхуумияам̣ бад̣̇асан̃ж̇аананам̣, бораан̣агабан̣д̣ид̇аа аагаасз бад̣̇ам̣ сан̃ж̇ааним̣суу’’д̇и вад̇ваа д̇зна яаажид̇о ад̇ийд̇ам̣ аахари.
Bahussutanti idaṃ satthā jetavane viharanto ekaṃ dārakaṃ ārabbha kathesi. So kira sāvatthiyaṃ kuṭumbikaputto sattavassakāleyeva padakusalo ahosi. Athassa pitā ‘‘imaṃ vīmaṃsissāmī’’ti tassa ajānantasseva mittagharaṃ agamāsi. So pitu gataṭṭhānaṃ apucchitvāva tassa padānusārena gantvā pitu santike aṭṭhāsi. Atha naṃ pitā ekadivasaṃ pucchi ‘‘tāta, tvaṃ mayi taṃ ajānāpetvā gatepi mama gataṭṭhānaṃ kiṃ jānāsī’’ti? ‘‘Tāta , padaṃ te sañjānāmi, padakusalo aha’’nti. Athassa vīmaṃsanatthāya pitā bhuttapātarāso gharā nikkhamitvā anantaraṃ paṭivissakagharaṃ gantvā tato dutiyaṃ, tato tatiyaṃ gharaṃ pavisitvā tatiyagharā nikkhamitvā puna attano gharaṃ āgantvā tato uttaradvārena nikkhamitvā nagaraṃ vāmaṃ karonto jetavanaṃ gantvā satthāraṃ vanditvā dhammaṃ suṇanto nisīdi. Dārako ‘‘kahaṃ me pitā’’ti pucchitvā ‘‘na jānāmā’’ti vutte tassa padānusārena anantarapaṭivissakassa gharaṃ ādiṃ katvā pitu gatamaggeneva jetavanaṃ gantvā satthāraṃ vanditvā pitu santike aṭṭhāsi. Pitarā ca ‘‘kathaṃ tāta, mama idhāgatabhāvaṃ aññāsī’’ti puṭṭho ‘‘padaṃ te sañjānitvā padānusārena āgatomhī’’ti āha. Satthā ‘‘kiṃ kathesi upāsakā’’ti pucchitvā ‘‘bhante, ayaṃ dārako padakusalo, ahaṃ imaṃ vīmaṃsanto iminā nāma upāyena āgato, ayampi maṃ gehe adisvā mama padānusārena āgato’’ti vutte ‘‘anacchariyaṃ, upāsaka, bhūmiyaṃ padasañjānanaṃ, porāṇakapaṇḍitā ākāse padaṃ sañjāniṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̇асса аг̇г̇амахзсий ад̇ижарид̇ваа ран̃н̃аа бужчид̇аа ‘‘сажз ахам̣ д̇умхз ад̇ижараами, ассамукий яагкиний хомий’’д̇и сабат̇ам̣ гад̇ваа д̇ад̇о гаалам̣ гад̇ваа згасмим̣ баб̣б̣ад̇абаад̣̇з ассамукий яагкиний худ̇ваа лзн̣аг̇ухааяам̣ васамаанаа махааадавияам̣ буб̣б̣анд̇ад̇о абаранд̇ам̣ г̇аманамаг̇г̇з анусан̃жаранд̇з мануссз г̇ахзд̇ваа каад̣̇ад̇и. саа гира д̇ийн̣и вассаани взссаван̣ам̣ убадтахид̇ваа ааяаамад̇о д̇им̣саяож̇анз вид̇т̇аарад̇о бан̃жаяож̇анз таанз мануссз каад̣̇ид̇ум̣ лабхи. ат̇згад̣̇ивасам̣ зго ад̣дхо махад̣̇д̇хано махаабхог̇о абхируубо б̣раахман̣о б̣ахуухи мануссзхи баривуд̇о д̇ам̣ маг̇г̇ам̣ абхирухи. д̇ам̣ д̣̇исваа яагкиний д̇уссид̇ваа багканд̣̇и, д̇ам̣ д̣̇исваа бариваарамануссаа балааяим̣су. саа ваад̇авзг̇зна г̇анд̇ваа б̣раахман̣ам̣ г̇ахзд̇ваа бидтияаа нибаж̇ж̇аабзд̇ваа г̇ухам̣ г̇ажчанд̇ий бурисасампассам̣ бадилабхид̇ваа гилзсавасзна д̇асмим̣ синзхам̣ уббаад̣̇зд̇ваа д̇ам̣ акаад̣̇ид̇ваа ад̇д̇ано саамигам̣ агааси. д̇з убхоби самаг̇г̇асам̣ваасам̣ васим̣су д̇ад̇о бадтааяа яагкиний мануссз г̇ан̣ханд̇ий вад̇т̇ад̇ан̣д̣улад̇злаад̣̇ийниби г̇ахзд̇ваа д̇асса наанаг̇г̇арасабхож̇анам̣ убанзд̇ваа ад̇д̇анаа мануссамам̣сам̣ каад̣̇ад̇и. г̇аманагаалз д̇асса балааяанабхаязна махад̇ияаа силааяа г̇ухаад̣̇ваарам̣ бид̣̇ахид̇ваа г̇ажчад̇и. звам̣ д̇зсу саммод̣̇амаанзсу васанд̇зсу б̣од̇хисад̇д̇о ниб̣б̣ад̇д̇адтаанаа жавид̇ваа б̣раахман̣ам̣ бадижжа д̇ассаа гужчимхи бадисанд̇хим̣ г̇ан̣хи. саа д̣̇асамаасажжаязна буд̇д̇ам̣ виж̇ааяид̇ваа буд̇д̇з жа б̣раахман̣з жа б̣алавасинзхаа худ̇ваа убхоби босзси. саа абарабхааг̇з буд̇д̇з вуд̣дхиббад̇д̇з буд̇д̇амби бид̇араа сад̣̇д̇хим̣ анд̇ог̇ухааяам̣ бавзсзд̇ваа д̣̇ваарам̣ бид̣̇ахи.
Atīte bārāṇasiyaṃ brahmadatte rajjaṃ kārente tassa aggamahesī aticaritvā raññā pucchitā ‘‘sace ahaṃ tumhe aticarāmi, assamukhī yakkhinī homī’’ti sapathaṃ katvā tato kālaṃ katvā ekasmiṃ pabbatapāde assamukhī yakkhinī hutvā leṇaguhāyaṃ vasamānā mahāaṭaviyaṃ pubbantato aparantaṃ gamanamagge anusañcarante manusse gahetvā khādati. Sā kira tīṇi vassāni vessavaṇaṃ upaṭṭhahitvā āyāmato tiṃsayojane vitthārato pañcayojane ṭhāne manusse khādituṃ labhi. Athekadivasaṃ eko aḍḍho mahaddhano mahābhogo abhirūpo brāhmaṇo bahūhi manussehi parivuto taṃ maggaṃ abhiruhi. Taṃ disvā yakkhinī tussitvā pakkhandi, taṃ disvā parivāramanussā palāyiṃsu. Sā vātavegena gantvā brāhmaṇaṃ gahetvā piṭṭhiyā nipajjāpetvā guhaṃ gacchantī purisasamphassaṃ paṭilabhitvā kilesavasena tasmiṃ sinehaṃ uppādetvā taṃ akhāditvā attano sāmikaṃ akāsi. Te ubhopi samaggasaṃvāsaṃ vasiṃsu tato paṭṭhāya yakkhinī manusse gaṇhantī vatthataṇḍulatelādīnipi gahetvā tassa nānaggarasabhojanaṃ upanetvā attanā manussamaṃsaṃ khādati. Gamanakāle tassa palāyanabhayena mahatiyā silāya guhādvāraṃ pidahitvā gacchati. Evaṃ tesu sammodamānesu vasantesu bodhisatto nibbattaṭṭhānā cavitvā brāhmaṇaṃ paṭicca tassā kucchimhi paṭisandhiṃ gaṇhi. Sā dasamāsaccayena puttaṃ vijāyitvā putte ca brāhmaṇe ca balavasinehā hutvā ubhopi posesi. Sā aparabhāge putte vuḍḍhippatte puttampi pitarā saddhiṃ antoguhāyaṃ pavesetvā dvāraṃ pidahi.
ат̇згад̣̇ивасам̣ б̣од̇хисад̇д̇о д̇ассаа г̇ад̇агаалам̣ н̃ад̇ваа силам̣ абанзд̇ваа бид̇арам̣ б̣ахи агааси. саа ааг̇анд̇ваа ‘‘гзна силаа абанийд̇аа’’д̇и вад̇ваа ‘‘амма, маяаа абанийд̇аа, анд̇хагаарз нисийд̣̇ид̇ум̣ на саггомий’’д̇и вуд̇д̇з буд̇д̇асинзхзна на гин̃жи авожа. ат̇згад̣̇ивасам̣ б̣од̇хисад̇д̇о бид̇арам̣ бужчи ‘‘д̇аад̇а, маяхам̣ маад̇у мукам̣ ан̃н̃аад̣̇исам̣, д̇умхаагам̣ мукам̣ ан̃н̃аад̣̇исам̣, гим̣ ну ко гааран̣а’’нд̇и? ‘‘д̇аад̇а, д̇ава маад̇аа мануссамам̣сакаад̣̇игаа яагкиний, маяам̣ убхо мануссаа’’д̇и. ‘‘д̇аад̇а, яад̣̇и звам̣, ид̇ха гасмаа васаама, зхи мануссабат̇ам̣ г̇ажчаамаа’’д̇и. ‘‘д̇аад̇а, сажз маяам̣ балааяиссаама, убхоби амхз д̇ава маад̇аа каад̣̇иссад̇ий’’д̇и. б̣од̇хисад̇д̇о ‘‘маа бхааяи, д̇аад̇а, д̇ава мануссабат̇асамбаабанам̣ мама бхааро’’д̇и бид̇арам̣ самассаасзд̇ваа бунад̣̇ивасз маад̇ари г̇ад̇ааяа бид̇арам̣ г̇ахзд̇ваа балааяи. яагкиний ааг̇анд̇ваа д̇з ад̣̇исваа ваад̇авзг̇зна багканд̣̇ид̇ваа д̇з г̇ахзд̇ваа ‘‘б̣раахман̣а, гим̣ балааяаси, гим̣ д̇з ид̇ха над̇т̇ий’’д̇и вад̇ваа ‘‘бхад̣̇д̣̇з, маа маяхам̣ гуж̇жхи, буд̇д̇о д̇з мам̣ г̇ахзд̇ваа балааяад̇ий’’д̇и вуд̇д̇з буд̇д̇асинзхзна гин̃жи авад̇ваа д̇з ассаасзд̇ваа ад̇д̇ано васанадтаанан̃н̃зва д̇з г̇ахзд̇ваа г̇анд̇ваа звам̣ бунаби гад̇ибаяз д̣̇ивасз балааяанд̇з аанзси.
Athekadivasaṃ bodhisatto tassā gatakālaṃ ñatvā silaṃ apanetvā pitaraṃ bahi akāsi. Sā āgantvā ‘‘kena silā apanītā’’ti vatvā ‘‘amma, mayā apanītā, andhakāre nisīdituṃ na sakkomī’’ti vutte puttasinehena na kiñci avoca. Athekadivasaṃ bodhisatto pitaraṃ pucchi ‘‘tāta, mayhaṃ mātu mukhaṃ aññādisaṃ, tumhākaṃ mukhaṃ aññādisaṃ, kiṃ nu kho kāraṇa’’nti? ‘‘Tāta, tava mātā manussamaṃsakhādikā yakkhinī, mayaṃ ubho manussā’’ti. ‘‘Tāta, yadi evaṃ, idha kasmā vasāma, ehi manussapathaṃ gacchāmā’’ti. ‘‘Tāta, sace mayaṃ palāyissāma, ubhopi amhe tava mātā khādissatī’’ti. Bodhisatto ‘‘mā bhāyi, tāta, tava manussapathasampāpanaṃ mama bhāro’’ti pitaraṃ samassāsetvā punadivase mātari gatāya pitaraṃ gahetvā palāyi. Yakkhinī āgantvā te adisvā vātavegena pakkhanditvā te gahetvā ‘‘brāhmaṇa, kiṃ palāyasi, kiṃ te idha natthī’’ti vatvā ‘‘bhadde, mā mayhaṃ kujjhi, putto te maṃ gahetvā palāyatī’’ti vutte puttasinehena kiñci avatvā te assāsetvā attano vasanaṭṭhānaññeva te gahetvā gantvā evaṃ punapi katipaye divase palāyante ānesi.
б̣од̇хисад̇д̇о жинд̇зси ‘‘маяхам̣ маад̇у барижчиннзна огаасзна бхавид̇аб̣б̣ам̣, яам̣нуунаахам̣ имиссаа аан̣аабавад̇д̇идтаанасиймам̣ бужчзяяам̣, ат̇а нам̣ ад̇иггамид̇ваа балааяиссаамаа’’д̇и. со згад̣̇ивасам̣ маад̇арам̣ г̇ахзд̇ваа згаманд̇ам̣ нисинно ‘‘амма, маад̇усанд̇агам̣ наама буд̇д̇аанам̣ баабун̣аад̇и, агкаахи д̇аава мз ад̇д̇ано санд̇агааяа бхуумияаа барижчзд̣̇а’’нд̇и ааха. саа саб̣б̣ад̣̇исаасу баб̣б̣ад̇анад̣̇ийнимид̇д̇аад̣̇ийни гат̇зд̇ваа ааяаамад̇о д̇им̣саяож̇анам̣, вид̇т̇аарад̇о бан̃жаяож̇анам̣ буд̇д̇асса гат̇зд̇ваа ‘‘ид̣̇ам̣ зд̇д̇агам̣ таанам̣ саллагкзхи буд̇д̇аа’’д̇и ааха. со д̣̇вз д̇аяо д̣̇ивасз ад̇иггамид̇ваа маад̇у адавиг̇ад̇агаалз бид̇арам̣ канд̇хам̣ ааробзд̇ваа д̇ассаа д̣̇иннасан̃н̃ааяа ваад̇авзг̇зна багканд̣̇о барижчзд̣̇анад̣̇ийд̇ийрам̣ самбаабун̣и. сааби ааг̇анд̇ваа д̇з абассанд̇ий ануб̣анд̇хи. б̣од̇хисад̇д̇о бид̇арам̣ г̇ахзд̇ваа над̣̇иймаж̇жхам̣ аг̇амааси. саа ааг̇анд̇ваа над̣̇ийд̇ийрз тад̇ваа ад̇д̇ано барижчзд̣̇ам̣ ад̇игганд̇абхаавам̣ н̃ад̇ваа д̇ад̇т̇зва тад̇ваа ‘‘д̇аад̇а, бид̇арам̣ г̇ахзд̇ваа зхи, го маяхам̣ д̣̇осо, д̇умхаагам̣ мам̣ ниссааяа гим̣ наама на самбаж̇ж̇ад̇и, нивад̇д̇а, саамий’’д̇и буд̇д̇ан̃жа бад̇ин̃жа яаажи. ат̇а б̣раахман̣о над̣̇им̣ уд̇д̇ари. саа буд̇д̇амзва яаажанд̇ий ‘‘д̇аад̇а, маа звам̣ гари, нивад̇д̇аахий’’д̇и ааха. ‘‘амма, маяам̣ мануссаа, д̇вам̣ яагкиний, на саггаа саб̣б̣агаалам̣ д̇ава санд̇игз васид̇у’’нд̇и. ‘‘нзва нивад̇д̇иссаси, д̇аад̇аа’’д̇и. ‘‘аама, аммаа’’д̇и. ‘‘д̇аад̇а, яад̣̇и на нивад̇д̇иссаси, мануссалогз ж̇ийвид̇ам̣ наама д̣̇угкам̣, сиббам̣ аж̇аананд̇аа ж̇ийвид̇ум̣ на саггонд̇и, ахам̣ згам̣ жинд̇ааман̣им̣ наама виж̇ж̇ам̣ ж̇аанаами, д̇ассаанубхаавзна д̣̇ваад̣̇асасам̣важчарамад̇т̇агз хадабхан̣д̣амби бад̣̇аанубад̣̇ам̣ г̇анд̇ваа саггаа ж̇аанид̇ум̣. аяам̣ д̇з ж̇ийвигаа бхависсад̇и, уг̇г̇ан̣ха, д̇аад̇а, анаг̇гхам̣ манд̇а’’нд̇и д̇ат̇ааруубзна д̣̇угкзна абхибхууд̇ааби буд̇д̇асинзхзна манд̇ам̣ ад̣̇ааси.
Bodhisatto cintesi ‘‘mayhaṃ mātu paricchinnena okāsena bhavitabbaṃ, yaṃnūnāhaṃ imissā āṇāpavattiṭṭhānasīmaṃ puccheyyaṃ, atha naṃ atikkamitvā palāyissāmā’’ti. So ekadivasaṃ mātaraṃ gahetvā ekamantaṃ nisinno ‘‘amma, mātusantakaṃ nāma puttānaṃ pāpuṇāti, akkhāhi tāva me attano santakāya bhūmiyā pariccheda’’nti āha. Sā sabbadisāsu pabbatanadīnimittādīni kathetvā āyāmato tiṃsayojanaṃ, vitthārato pañcayojanaṃ puttassa kathetvā ‘‘idaṃ ettakaṃ ṭhānaṃ sallakkhehi puttā’’ti āha. So dve tayo divase atikkamitvā mātu aṭavigatakāle pitaraṃ khandhaṃ āropetvā tassā dinnasaññāya vātavegena pakkhando paricchedanadītīraṃ sampāpuṇi. Sāpi āgantvā te apassantī anubandhi. Bodhisatto pitaraṃ gahetvā nadīmajjhaṃ agamāsi. Sā āgantvā nadītīre ṭhatvā attano paricchedaṃ atikkantabhāvaṃ ñatvā tattheva ṭhatvā ‘‘tāta, pitaraṃ gahetvā ehi, ko mayhaṃ doso, tumhākaṃ maṃ nissāya kiṃ nāma na sampajjati, nivatta, sāmī’’ti puttañca patiñca yāci. Atha brāhmaṇo nadiṃ uttari. Sā puttameva yācantī ‘‘tāta, mā evaṃ kari, nivattāhī’’ti āha. ‘‘Amma, mayaṃ manussā, tvaṃ yakkhinī, na sakkā sabbakālaṃ tava santike vasitu’’nti. ‘‘Neva nivattissasi, tātā’’ti. ‘‘Āma, ammā’’ti. ‘‘Tāta, yadi na nivattissasi, manussaloke jīvitaṃ nāma dukkhaṃ, sippaṃ ajānantā jīvituṃ na sakkonti, ahaṃ ekaṃ cintāmaṇiṃ nāma vijjaṃ jānāmi, tassānubhāvena dvādasasaṃvaccharamatthake haṭabhaṇḍampi padānupadaṃ gantvā sakkā jānituṃ. Ayaṃ te jīvikā bhavissati, uggaṇha, tāta, anagghaṃ manta’’nti tathārūpena dukkhena abhibhūtāpi puttasinehena mantaṃ adāsi.
б̣од̇хисад̇д̇о над̣̇ияаа тид̇агова маад̇арам̣ ванд̣̇ид̇ваа ад̇исаггажжам̣ суд̇ам̣ гад̇ваа манд̇ам̣ г̇ахзд̇ваа маад̇арам̣ ванд̣̇ид̇ваа ‘‘г̇ажчат̇а, аммаа’’д̇и ааха. ‘‘д̇аад̇а, д̇умхзсу анивад̇д̇анд̇зсу маяхам̣ ж̇ийвид̇ам̣ над̇т̇ий’’д̇и вад̇ваа –
Bodhisatto nadiyā ṭhitakova mātaraṃ vanditvā atisakkaccaṃ sutaṃ katvā mantaṃ gahetvā mātaraṃ vanditvā ‘‘gacchatha, ammā’’ti āha. ‘‘Tāta, tumhesu anivattantesu mayhaṃ jīvitaṃ natthī’’ti vatvā –
‘‘зхи буд̇д̇а нивад̇д̇ассу, маа анаат̇ам̣ гарохи мз;
‘‘Ehi putta nivattassu, mā anāthaṃ karohi me;
аж̇ж̇а буд̇д̇ам̣ абассанд̇ий, яагкиний маран̣ам̣ г̇ад̇аа’’д̇и.
Ajja puttaṃ apassantī, yakkhinī maraṇaṃ gatā’’ti.
яагкиний урам̣ бахари, д̇аавад̣̇звассаа буд̇д̇асогзна хад̣̇аяам̣ пали. саа марид̇ваа д̇ад̇т̇зва бад̇ид̇аа. д̇ад̣̇аа б̣од̇хисад̇д̇о д̇ассаа мад̇абхаавам̣ н̃ад̇ваа бид̇арам̣ баггосид̇ваа маад̇у санд̇игам̣ г̇анд̇ваа жид̇агам̣ гад̇ваа жхаабзд̇ваа аал̣ааханам̣ ниб̣б̣аабзд̇ваа наанааван̣н̣зхи бубпзхи бууж̇зд̇ваа ванд̣̇ид̇ваа род̣̇ид̇ваа барид̣̇звид̇ваа бид̇арам̣ аад̣̇ааяа б̣аараан̣асим̣ г̇анд̇ваа рааж̇ад̣̇ваарз тад̇ваа ‘‘бад̣̇агусало маан̣аво д̣̇ваарз тид̇о’’д̇и ран̃н̃о бадивзд̣̇зд̇ваа ‘‘д̇зна хи ааг̇ажчад̇уу’’д̇и вуд̇д̇з бависид̇ваа рааж̇аанам̣ ванд̣̇ид̇ваа ‘‘д̇аад̇а, гим̣ сиббам̣ ж̇аанаасий’’д̇и вуд̇д̇з ‘‘д̣̇зва, д̣̇ваад̣̇асасам̣важчарамад̇т̇агз хадабхан̣д̣ам̣ бад̣̇аанубад̣̇ам̣ г̇анд̇ваа г̇ан̣хид̇ум̣ ж̇аанаамий’’д̇и ааха. ‘‘д̇зна хи мам̣ убадтаахий’’д̇и. ‘‘д̣̇зва, д̣̇звасигам̣ сахассам̣ лабханд̇о убадтахиссаамий’’д̇и. ‘‘саад̇ху д̇аад̇а, убадтахаа’’д̇и. рааж̇аа д̣̇звасигам̣ сахассам̣ д̣̇аабзси.
Yakkhinī uraṃ pahari, tāvadevassā puttasokena hadayaṃ phali. Sā maritvā tattheva patitā. Tadā bodhisatto tassā matabhāvaṃ ñatvā pitaraṃ pakkositvā mātu santikaṃ gantvā citakaṃ katvā jhāpetvā āḷāhanaṃ nibbāpetvā nānāvaṇṇehi pupphehi pūjetvā vanditvā roditvā paridevitvā pitaraṃ ādāya bārāṇasiṃ gantvā rājadvāre ṭhatvā ‘‘padakusalo māṇavo dvāre ṭhito’’ti rañño paṭivedetvā ‘‘tena hi āgacchatū’’ti vutte pavisitvā rājānaṃ vanditvā ‘‘tāta, kiṃ sippaṃ jānāsī’’ti vutte ‘‘deva, dvādasasaṃvaccharamatthake haṭabhaṇḍaṃ padānupadaṃ gantvā gaṇhituṃ jānāmī’’ti āha. ‘‘Tena hi maṃ upaṭṭhāhī’’ti. ‘‘Deva, devasikaṃ sahassaṃ labhanto upaṭṭhahissāmī’’ti. ‘‘Sādhu tāta, upaṭṭhahā’’ti. Rājā devasikaṃ sahassaṃ dāpesi.
ат̇згад̣̇ивасам̣ бурохид̇о рааж̇аанам̣ ааха – ‘‘махаарааж̇а, маяам̣ д̇асса маан̣авасса сиббаанубхаавзна гассажи гаммасса агад̇ад̇д̇аа ‘сиббам̣ ад̇т̇и ваа над̇т̇и ваа’д̇и на ж̇аанаама, виймам̣сиссаама д̇аава на’’нд̇и. рааж̇аа ‘‘саад̇хуу’’д̇и самбадижчид̇ваа убхоби ж̇анаа наанаарад̇анаг̇обагаанам̣ сан̃н̃ам̣ д̣̇ад̇ваа рад̇анасаарабхан̣д̣игам̣ г̇ахзд̇ваа баасаад̣̇аа оруяха рааж̇анивзсананд̇арз д̇игкад̇д̇ум̣ аавиж̇жхид̇ваа ниссзн̣им̣ ад̇т̇арид̇ваа баагаарамад̇т̇агзна б̣ахи од̇арид̇ваа винижчаяасаалам̣ бависид̇ваа д̇ад̇т̇а нисийд̣̇ид̇ваа буна г̇анд̇ваа ниссзн̣им̣ ад̇т̇арид̇ваа баагаарамад̇т̇агзна од̇арид̇ваа анд̇збурз богкаран̣ияаа д̇ийрам̣ г̇анд̇ваа богкаран̣им̣ д̇игкад̇д̇ум̣ бад̣̇агкин̣ам̣ гад̇ваа од̇арид̇ваа анд̇обогкаран̣ияам̣ бхан̣д̣игам̣ табзд̇ваа баасаад̣̇ам̣ абхирухим̣су. бунад̣̇ивасз ‘‘рааж̇анивзсанад̇о гира рад̇анам̣ харим̣суу’’д̇и згаголаахалам̣ ахоси. рааж̇аа аж̇аананд̇о вияа худ̇ваа б̣од̇хисад̇д̇ам̣ баггосаабзд̇ваа ‘‘д̇аад̇а, рааж̇анивзсанад̇о б̣ахурад̇анабхан̣д̣ам̣ хадам̣, ханд̣̇а нам̣ анувижинид̇ум̣ ваддад̇ий’’д̇и ааха . ‘‘махаарааж̇а, д̣̇ваад̣̇асасам̣важчарамад̇т̇агз хадабхан̣д̣ам̣ жораанам̣ бад̣̇аанубад̣̇ам̣ г̇анд̇ваа аахаран̣асамад̇т̇асса мама анажчарияам̣ аж̇ж̇а рад̇д̇им̣ хадабхан̣д̣ам̣ аахарид̇ум̣, аахариссаами д̇ам̣, маа жинд̇аяид̇т̇аа’’д̇и. ‘‘д̇зна хи аахараа’’д̇и. со ‘‘саад̇ху, д̣̇зваа’’д̇и вад̇ваа маад̇арам̣ ванд̣̇ид̇ваа манд̇ам̣ баривад̇д̇зд̇ваа махаад̇алз тид̇ова ‘‘махаарааж̇а, д̣̇виннам̣ жораанам̣ бад̣̇ам̣ бан̃н̃ааяад̇ий’’д̇и вад̇ваа ран̃н̃о жа бурохид̇асса жа бад̣̇аанусаарзна сириг̇аб̣бхам̣ бависид̇ваа д̇ад̇о нигкамид̇ваа баасаад̣̇аа оруяха рааж̇анивзсананд̇арз д̇игкад̇д̇ум̣ бариг̇анд̇ваа бад̣̇аанусаарзнзва баагаарасамийбам̣ г̇анд̇ваа баагаарз тад̇ваа ‘‘махаарааж̇а, имасмим̣ таанз баагаарад̇о мужжид̇ваа аагаасз бад̣̇ам̣ бан̃н̃ааяад̇и, ниссзн̣им̣ ад̇т̇араабзд̇ваа д̣̇зт̇аа’’д̇и ниссзн̣им̣ баагаарамад̇т̇агзна од̇арид̇ваа бад̣̇аанусаарзнзва винижчаяасаалам̣ г̇анд̇ваа буна рааж̇анивзсанам̣ ааг̇анд̇ваа ниссзн̣им̣ ад̇т̇араабзд̇ваа баагаарамад̇т̇агзна оруяха богкаран̣им̣ г̇анд̇ваа д̇игкад̇д̇ум̣ бад̣̇агкин̣ам̣ гад̇ваа ‘‘махаарааж̇а, жораа имам̣ богкаран̣им̣ од̇ин̣н̣аа’’д̇и вад̇ваа ад̇д̇анаа табид̇ам̣ вияа бхан̣д̣игам̣ нийхарид̇ваа ран̃н̃о д̣̇ад̇ваа ‘‘махаарааж̇а, имз д̣̇вз жораа абхин̃н̃аад̇амахаажораа иминаа маг̇г̇зна рааж̇анивзсанам̣ абхирул̣хаа’’д̇и ааха. махааж̇анаа д̇удтабахадтаа ан̇г̇улияо подзсум̣, жзлугкзбаа бавад̇д̇им̣су.
Athekadivasaṃ purohito rājānaṃ āha – ‘‘mahārāja, mayaṃ tassa māṇavassa sippānubhāvena kassaci kammassa akatattā ‘sippaṃ atthi vā natthi vā’ti na jānāma, vīmaṃsissāma tāva na’’nti. Rājā ‘‘sādhū’’ti sampaṭicchitvā ubhopi janā nānāratanagopakānaṃ saññaṃ datvā ratanasārabhaṇḍikaṃ gahetvā pāsādā oruyha rājanivesanantare tikkhattuṃ āvijjhitvā nisseṇiṃ attharitvā pākāramatthakena bahi otaritvā vinicchayasālaṃ pavisitvā tattha nisīditvā puna gantvā nisseṇiṃ attharitvā pākāramatthakena otaritvā antepure pokkharaṇiyā tīraṃ gantvā pokkharaṇiṃ tikkhattuṃ padakkhiṇaṃ katvā otaritvā antopokkharaṇiyaṃ bhaṇḍikaṃ ṭhapetvā pāsādaṃ abhiruhiṃsu. Punadivase ‘‘rājanivesanato kira ratanaṃ hariṃsū’’ti ekakolāhalaṃ ahosi. Rājā ajānanto viya hutvā bodhisattaṃ pakkosāpetvā ‘‘tāta, rājanivesanato bahuratanabhaṇḍaṃ haṭaṃ, handa naṃ anuvicinituṃ vaṭṭatī’’ti āha . ‘‘Mahārāja, dvādasasaṃvaccharamatthake haṭabhaṇḍaṃ corānaṃ padānupadaṃ gantvā āharaṇasamatthassa mama anacchariyaṃ ajja rattiṃ haṭabhaṇḍaṃ āharituṃ, āharissāmi taṃ, mā cintayitthā’’ti. ‘‘Tena hi āharā’’ti. So ‘‘sādhu, devā’’ti vatvā mātaraṃ vanditvā mantaṃ parivattetvā mahātale ṭhitova ‘‘mahārāja, dvinnaṃ corānaṃ padaṃ paññāyatī’’ti vatvā rañño ca purohitassa ca padānusārena sirigabbhaṃ pavisitvā tato nikkhamitvā pāsādā oruyha rājanivesanantare tikkhattuṃ parigantvā padānusāreneva pākārasamīpaṃ gantvā pākāre ṭhatvā ‘‘mahārāja, imasmiṃ ṭhāne pākārato muccitvā ākāse padaṃ paññāyati, nisseṇiṃ attharāpetvā dethā’’ti nisseṇiṃ pākāramatthakena otaritvā padānusāreneva vinicchayasālaṃ gantvā puna rājanivesanaṃ āgantvā nisseṇiṃ attharāpetvā pākāramatthakena oruyha pokkharaṇiṃ gantvā tikkhattuṃ padakkhiṇaṃ katvā ‘‘mahārāja, corā imaṃ pokkharaṇiṃ otiṇṇā’’ti vatvā attanā ṭhapitaṃ viya bhaṇḍikaṃ nīharitvā rañño datvā ‘‘mahārāja, ime dve corā abhiññātamahācorā iminā maggena rājanivesanaṃ abhiruḷhā’’ti āha. Mahājanā tuṭṭhapahaṭṭhā aṅguliyo phoṭesuṃ, celukkhepā pavattiṃsu.
рааж̇аа жинд̇зси – ‘‘аяам̣ маан̣аво бад̣̇аанусаарзна г̇анд̇ваа жорзхи табид̇абхан̣д̣адтаанамзва ман̃н̃з ж̇аанаад̇и, жорз бана г̇ан̣хид̇ум̣ на саггод̇ий’’д̇и. ат̇а нам̣ ааха ‘‘жорзхи хадабхан̣д̣ам̣ д̇аава но д̇аяаа аахадам̣, жораа бана на аахадаа’’д̇и. ‘‘махаарааж̇а, ид̇хзва жораа, на д̣̇уурз’’д̇и. ‘‘го жа го жаа’’д̇и. ‘‘яо махаарааж̇а, ижчад̇и, сова жоро ход̇и, д̇ад̇о д̇умхаагам̣ бхан̣д̣игасса лад̣̇д̇хагаалад̇о бадтааяа жорзхи го ад̇т̇о, маа бужчид̇т̇аа’’д̇и. ‘‘д̇аад̇а, ахам̣ д̇уяхам̣ д̣̇звасигам̣ сахассам̣ д̣̇амми, жорз мз г̇ахзд̇ваа д̣̇зхий’’д̇и. ‘‘махаарааж̇а, д̇ханз лад̣̇д̇хз гим̣ жорзхий’’д̇и. ‘‘д̇ханад̇оби но, д̇аад̇а, жорз лад̣̇д̇хум̣ ваддад̇ий’’д̇и. ‘‘д̇зна хи, махаарааж̇а, ‘имз наама жораа’д̇и д̇умхаагам̣ на гат̇зссаами, ад̇ийд̇з бавад̇д̇агааран̣ам̣ бана д̇з аахариссаами, сажз д̇умхз бан̃н̃аванд̇о, д̇ам̣ гааран̣ам̣ ж̇аанаат̇аа’’д̇и со звам̣ вад̇ваа ад̇ийд̇ам̣ аахари.
Rājā cintesi – ‘‘ayaṃ māṇavo padānusārena gantvā corehi ṭhapitabhaṇḍaṭṭhānameva maññe jānāti, core pana gaṇhituṃ na sakkotī’’ti. Atha naṃ āha ‘‘corehi haṭabhaṇḍaṃ tāva no tayā āhaṭaṃ, corā pana na āhaṭā’’ti. ‘‘Mahārāja, idheva corā, na dūre’’ti. ‘‘Ko ca ko cā’’ti. ‘‘Yo mahārāja, icchati, sova coro hoti, tato tumhākaṃ bhaṇḍikassa laddhakālato paṭṭhāya corehi ko attho, mā pucchitthā’’ti. ‘‘Tāta, ahaṃ tuyhaṃ devasikaṃ sahassaṃ dammi, core me gahetvā dehī’’ti. ‘‘Mahārāja, dhane laddhe kiṃ corehī’’ti. ‘‘Dhanatopi no, tāta, core laddhuṃ vaṭṭatī’’ti. ‘‘Tena hi, mahārāja, ‘ime nāma corā’ti tumhākaṃ na kathessāmi, atīte pavattakāraṇaṃ pana te āharissāmi, sace tumhe paññavanto, taṃ kāraṇaṃ jānāthā’’ti so evaṃ vatvā atītaṃ āhari.
ад̇ийд̇з б̣аараан̣асид̇о авид̣̇уурз над̣̇ийд̇ийраг̇аамагз баадали наама зго надо васад̇и. со згасмим̣ уссавад̣̇ивасз бхарияамаад̣̇ааяа б̣аараан̣асим̣ бависид̇ваа нажжид̇ваа вийн̣ам̣ ваад̣̇ид̇ваа г̇ааяид̇ваа д̇ханам̣ лабхид̇ваа уссавабарияосаанз б̣ахум̣ сураабхад̇д̇ам̣ г̇аахаабзд̇ваа ад̇д̇ано г̇аамам̣ г̇ажчанд̇о над̣̇ийд̇ийрам̣ бад̇ваа навод̣̇агам̣ ааг̇ажчанд̇ам̣ д̣̇исваа бхад̇д̇ам̣ бхун̃ж̇анд̇о сурам̣ биванд̇о нисийд̣̇ид̇ваа мад̇д̇о худ̇ваа ад̇д̇ано б̣алам̣ аж̇аананд̇о ‘‘махаавийн̣ам̣ г̇ийвааяа б̣анд̇хид̇ваа над̣̇им̣ уд̇д̇арид̇ваа г̇амиссаамий’’д̇и бхарияам̣ хад̇т̇з г̇ахзд̇ваа над̣̇им̣ од̇ари. вийн̣аачид̣̇д̣̇зхи уд̣̇агам̣ баависи. ат̇а нам̣ саа вийн̣аа уд̣̇агз осийд̣̇аабзси . бхарияаа банасса осийд̣̇анабхаавам̣ н̃ад̇ваа д̇ам̣ виссаж̇ж̇зд̇ваа уд̇д̇арид̇ваа д̇ийрз адтааси. надабаадали сагим̣ уммуж̇ж̇ад̇и, сагим̣ нимуж̇ж̇ад̇и, уд̣̇агам̣ бависид̇ваа уд̣̇д̇хумаад̇ауд̣̇аро ахоси. ат̇асса бхарияаа жинд̇зси ‘‘маяхам̣ саамиго ид̣̇аани мариссад̇и, згам̣ нам̣ г̇ийд̇агам̣ яаажид̇ваа барисамаж̇жхз д̇ам̣ г̇ааяанд̇ий ж̇ийвигам̣ габбзссаамий’’д̇и жинд̇зд̇ваа ‘‘саами, д̇вам̣ уд̣̇агз нимуж̇ж̇аси, згам̣ мз г̇ийд̇агам̣ д̣̇зхи, д̇зна ж̇ийвигам̣ габбзссаамий’’д̇и вад̇ваа г̇аат̇амааха –
Atīte bārāṇasito avidūre nadītīragāmake pāṭali nāma eko naṭo vasati. So ekasmiṃ ussavadivase bhariyamādāya bārāṇasiṃ pavisitvā naccitvā vīṇaṃ vāditvā gāyitvā dhanaṃ labhitvā ussavapariyosāne bahuṃ surābhattaṃ gāhāpetvā attano gāmaṃ gacchanto nadītīraṃ patvā navodakaṃ āgacchantaṃ disvā bhattaṃ bhuñjanto suraṃ pivanto nisīditvā matto hutvā attano balaṃ ajānanto ‘‘mahāvīṇaṃ gīvāya bandhitvā nadiṃ uttaritvā gamissāmī’’ti bhariyaṃ hatthe gahetvā nadiṃ otari. Vīṇāchiddehi udakaṃ pāvisi. Atha naṃ sā vīṇā udake osīdāpesi . Bhariyā panassa osīdanabhāvaṃ ñatvā taṃ vissajjetvā uttaritvā tīre aṭṭhāsi. Naṭapāṭali sakiṃ ummujjati, sakiṃ nimujjati, udakaṃ pavisitvā uddhumātaudaro ahosi. Athassa bhariyā cintesi ‘‘mayhaṃ sāmiko idāni marissati, ekaṃ naṃ gītakaṃ yācitvā parisamajjhe taṃ gāyantī jīvikaṃ kappessāmī’’ti cintetvā ‘‘sāmi, tvaṃ udake nimujjasi, ekaṃ me gītakaṃ dehi, tena jīvikaṃ kappessāmī’’ti vatvā gāthamāha –
49.
49.
‘‘б̣ахуссуд̇ам̣ жид̇д̇агат̇им̣, г̇ан̇г̇аа вахад̇и баадалим̣;
‘‘Bahussutaṃ cittakathiṃ, gaṅgā vahati pāṭaliṃ;
вуяхамаанага бхад̣̇д̣̇анд̇з, згам̣ мз д̣̇зхи г̇аат̇ага’’нд̇и.
Vuyhamānaka bhaddante, ekaṃ me dehi gāthaka’’nti.
д̇ад̇т̇а г̇аат̇аганд̇и куд̣̇д̣̇агам̣ г̇аат̇ам̣.
Tattha gāthakanti khuddakaṃ gāthaṃ.
ат̇а нам̣ надабаадали ‘‘бхад̣̇д̣̇з, гат̇ам̣ д̇ава г̇ийд̇агам̣ д̣̇ассаами, ид̣̇аани махааж̇анасса бадисаран̣абхууд̇ам̣ уд̣̇агам̣ мам̣ маарзд̇ий’’д̇и вад̇ваа г̇аат̇амааха –
Atha naṃ naṭapāṭali ‘‘bhadde, kathaṃ tava gītakaṃ dassāmi, idāni mahājanassa paṭisaraṇabhūtaṃ udakaṃ maṃ māretī’’ti vatvā gāthamāha –
50.
50.
‘‘язна син̃жанд̇и д̣̇угкид̇ам̣, язна син̃жанд̇и аад̇урам̣;
‘‘Yena siñcanti dukkhitaṃ, yena siñcanti āturaṃ;
д̇асса маж̇жхз мариссаами, ж̇аад̇ам̣ саран̣ад̇о бхаяа’’нд̇и.
Tassa majjhe marissāmi, jātaṃ saraṇato bhaya’’nti.
б̣од̇хисад̇д̇о имам̣ г̇аат̇ам̣ вад̇ваа ‘‘махаарааж̇а, яат̇аа уд̣̇агам̣ махааж̇анасса бадисаран̣ам̣, д̇ат̇аа рааж̇ааноби, д̇зсам̣ санд̇игаа бхаяз уббаннз д̇ам̣ бхаяам̣ го бадиб̣аахиссад̇ий’’д̇и вад̇ваа ‘‘махаарааж̇а, ид̣̇ам̣ гааран̣ам̣ бадижчаннам̣, маяаа бана бан̣д̣ид̇авзд̣̇анийяам̣ гад̇ваа гат̇ид̇ам̣, ж̇аанаахи, махаарааж̇аа’’д̇и ааха. ‘‘д̇аад̇а ахам̣ зваруубам̣ бадижчаннагат̇ам̣ на ж̇аанаами, жорз мз г̇ахзд̇ваа д̣̇зхий’’д̇и. ат̇асса махаасад̇д̇о ‘‘д̇зна хи, махаарааж̇а, ид̣̇ам̣ суд̇ваа ж̇аанаахий’’д̇и абарамби гааран̣ам̣ аахари. д̣̇зва, буб̣б̣з имиссаава б̣аараан̣асияаа д̣̇ваараг̇аамз зго гумбхагааро бхааж̇анад̇т̇ааяа мад̇д̇игам̣ аахаранд̇о згасмим̣язва таанз ниб̣ад̣̇д̇хам̣ г̇ан̣хид̇ваа анд̇обаб̣бхаарам̣ маханд̇ам̣ ааваадам̣ кан̣и. ат̇згад̣̇ивасам̣ д̇асса мад̇д̇игам̣ г̇ан̣ханд̇асса агааламахаамзгхо удтахид̇ваа махаавудтим̣ баад̇зси. уд̣̇агам̣ авад̇т̇арамаанам̣ ааваадам̣ баад̇зси, д̇знасса мад̇т̇аго бхиж̇ж̇и. со барид̣̇званд̇о г̇аат̇амааха –
Bodhisatto imaṃ gāthaṃ vatvā ‘‘mahārāja, yathā udakaṃ mahājanassa paṭisaraṇaṃ, tathā rājānopi, tesaṃ santikā bhaye uppanne taṃ bhayaṃ ko paṭibāhissatī’’ti vatvā ‘‘mahārāja, idaṃ kāraṇaṃ paṭicchannaṃ, mayā pana paṇḍitavedanīyaṃ katvā kathitaṃ, jānāhi, mahārājā’’ti āha. ‘‘Tāta ahaṃ evarūpaṃ paṭicchannakathaṃ na jānāmi, core me gahetvā dehī’’ti. Athassa mahāsatto ‘‘tena hi, mahārāja, idaṃ sutvā jānāhī’’ti aparampi kāraṇaṃ āhari. Deva, pubbe imissāva bārāṇasiyā dvāragāme eko kumbhakāro bhājanatthāya mattikaṃ āharanto ekasmiṃyeva ṭhāne nibaddhaṃ gaṇhitvā antopabbhāraṃ mahantaṃ āvāṭaṃ khaṇi. Athekadivasaṃ tassa mattikaṃ gaṇhantassa akālamahāmegho uṭṭhahitvā mahāvuṭṭhiṃ pātesi. Udakaṃ avattharamānaṃ āvāṭaṃ pātesi, tenassa matthako bhijji. So paridevanto gāthamāha –
51.
51.
‘‘яад̇т̇а б̣ийж̇аани рууханд̇и, сад̇д̇аа яад̇т̇а бад̇идтид̇аа;
‘‘Yattha bījāni rūhanti, sattā yattha patiṭṭhitā;
саа мз сийсам̣ нибийл̣зд̇и, ж̇аад̇ам̣ саран̣ад̇о бхаяа’’нд̇и.
Sā me sīsaṃ nipīḷeti, jātaṃ saraṇato bhaya’’nti.
д̇ад̇т̇а нибийл̣зд̇ийд̇и нибад̇ид̇ваа бийл̣зд̇и бхинд̣̇ад̇и.
Tattha nipīḷetīti nipatitvā pīḷeti bhindati.
яат̇аа хи д̣̇зва, махааж̇анасса бадисаран̣абхууд̇аа махаабат̇авий гумбхагаарасса сийсам̣ бхинд̣̇и, звамзва махаабат̇авийсамз саб̣б̣алогасса бадисаран̣з наринд̣̇з удтааяа жорагаммам̣ гаронд̇з го б̣аахиссад̇и, сагкиссаси, махаарааж̇а, звам̣ бадижчаад̣̇зд̇ваа гат̇ид̇ам̣ жорам̣ ж̇аанид̇унд̇и. д̇аад̇а, маяхам̣ бадижчаннзна гааран̣ам̣ над̇т̇и, аяам̣ жород̇и звам̣ мз жорам̣ г̇ахзд̇ваа д̣̇зхийд̇и. со рааж̇аанам̣ рагканд̇о ‘‘д̇вам̣ жоро’’д̇и авад̇ваа абарамби уд̣̇аахаран̣ам̣ аахари. махаарааж̇а, буб̣б̣з имасмим̣язва наг̇арз згасса бурисасса г̇зхам̣ аад̣̇ид̇д̇ам̣. со ‘‘анд̇о бависид̇ваа бхан̣д̣агам̣ нийхараа’’д̇и ан̃н̃ам̣ аан̣аабзси. д̇асмим̣ бависид̇ваа нийхаранд̇з г̇зхад̣̇ваарам̣ бид̣̇ахи. со д̇хууманд̇хо худ̇ваа нигкаманамаг̇г̇ам̣ алабханд̇о уббаннад̣аахад̣̇угко худ̇ваа анд̇о тид̇ова барид̣̇званд̇о г̇аат̇амааха –
Yathā hi deva, mahājanassa paṭisaraṇabhūtā mahāpathavī kumbhakārassa sīsaṃ bhindi, evameva mahāpathavīsame sabbalokassa paṭisaraṇe narinde uṭṭhāya corakammaṃ karonte ko bāhissati, sakkhissasi, mahārāja, evaṃ paṭicchādetvā kathitaṃ coraṃ jānitunti. Tāta, mayhaṃ paṭicchannena kāraṇaṃ natthi, ayaṃ coroti evaṃ me coraṃ gahetvā dehīti. So rājānaṃ rakkhanto ‘‘tvaṃ coro’’ti avatvā aparampi udāharaṇaṃ āhari. Mahārāja, pubbe imasmiṃyeva nagare ekassa purisassa gehaṃ ādittaṃ. So ‘‘anto pavisitvā bhaṇḍakaṃ nīharā’’ti aññaṃ āṇāpesi. Tasmiṃ pavisitvā nīharante gehadvāraṃ pidahi. So dhūmandho hutvā nikkhamanamaggaṃ alabhanto uppannaḍāhadukkho hutvā anto ṭhitova paridevanto gāthamāha –
52.
52.
‘‘язна бхад̇д̇аани бажжанд̇и, сийд̇ам̣ язна вихан̃н̃ад̇и;
‘‘Yena bhattāni paccanti, sītaṃ yena vihaññati;
со мам̣ д̣ахад̇и г̇ад̇д̇аани, ж̇аад̇ам̣ саран̣ад̇о бхаяа’’нд̇и.
So maṃ ḍahati gattāni, jātaṃ saraṇato bhaya’’nti.
д̇ад̇т̇а со мам̣ д̣ахад̇ийд̇и со мз д̣ахад̇и, аяамзва ваа баато.
Tattha so maṃ ḍahatīti so me ḍahati, ayameva vā pāṭho.
‘‘махаарааж̇а, аг̇г̇и вияа махааж̇анасса бадисаран̣абхууд̇о зго мануссо рад̇анабхан̣д̣игам̣ хари, маа мам̣ жорам̣ бужчаа’’д̇и. ‘‘д̇аад̇а, маяхам̣ жорам̣ д̣̇зхиязваа’’д̇и. со рааж̇аанам̣ ‘‘д̇вам̣ жоро’’д̇и авад̇ваа абарамби уд̣̇аахаран̣ам̣ аахари. д̣̇зва, буб̣б̣з имасмим̣язва наг̇арз зго бурисо ад̇иб̣ахум̣ бхун̃ж̇ид̇ваа ж̇ийраабзд̇ум̣ асаггонд̇о взд̣̇анааббад̇д̇о худ̇ваа барид̣̇званд̇о г̇аат̇амааха –
‘‘Mahārāja, aggi viya mahājanassa paṭisaraṇabhūto eko manusso ratanabhaṇḍikaṃ hari, mā maṃ coraṃ pucchā’’ti. ‘‘Tāta, mayhaṃ coraṃ dehiyevā’’ti. So rājānaṃ ‘‘tvaṃ coro’’ti avatvā aparampi udāharaṇaṃ āhari. Deva, pubbe imasmiṃyeva nagare eko puriso atibahuṃ bhuñjitvā jīrāpetuṃ asakkonto vedanāppatto hutvā paridevanto gāthamāha –
53.
53.
‘‘язна бхуд̇д̇зна яаабанд̇и, бут̇уу б̣раахман̣акад̇д̇ияаа;
‘‘Yena bhuttena yāpanti, puthū brāhmaṇakhattiyā;
со мам̣ бхуд̇д̇о б̣яаабаад̣̇зд̇и, ж̇аад̇ам̣ саран̣ад̇о бхаяа’’нд̇и.
So maṃ bhutto byāpādeti, jātaṃ saraṇato bhaya’’nti.
д̇ад̇т̇а со мам̣ бхуд̇д̇о б̣яаабаад̣̇зд̇ийд̇и со од̣̇ано бхуд̇д̇о мам̣ б̣яаабаад̣̇зд̇и маарзд̇и.
Tattha so maṃ bhutto byāpādetīti so odano bhutto maṃ byāpādeti māreti.
‘‘махаарааж̇а, бхад̇д̇ам̣ вияа махааж̇анасса бадисаран̣абхууд̇о зго бхан̣д̣ам̣ хари, д̇асмим̣ лад̣̇д̇хз гим̣ жорам̣ бужчасий’’д̇и? ‘‘д̇аад̇а, саггонд̇о жорам̣ мз д̣̇зхий’’д̇и. со д̇асса сан̃н̃аабанад̇т̇ам̣ абарамби уд̣̇аахаран̣ам̣ аахари. махаарааж̇а , буб̣б̣зби имасмим̣язва наг̇арз згасса ваад̇о удтахид̇ваа г̇ад̇д̇аани бхан̃ж̇и. со барид̣̇званд̇о г̇аат̇амааха –
‘‘Mahārāja, bhattaṃ viya mahājanassa paṭisaraṇabhūto eko bhaṇḍaṃ hari, tasmiṃ laddhe kiṃ coraṃ pucchasī’’ti? ‘‘Tāta, sakkonto coraṃ me dehī’’ti. So tassa saññāpanatthaṃ aparampi udāharaṇaṃ āhari. Mahārāja , pubbepi imasmiṃyeva nagare ekassa vāto uṭṭhahitvā gattāni bhañji. So paridevanto gāthamāha –
54.
54.
‘‘г̇имхаанам̣ бажчимз маасз, ваад̇амижчанд̇и бан̣д̣ид̇аа;
‘‘Gimhānaṃ pacchime māse, vātamicchanti paṇḍitā;
со мам̣ бхан̃ж̇ад̇и г̇ад̇д̇аани, ж̇аад̇ам̣ саран̣ад̇о бхаяа’’нд̇и.
So maṃ bhañjati gattāni, jātaṃ saraṇato bhaya’’nti.
ид̇и махаарааж̇а, саран̣ад̇о бхаяам̣ уббаннам̣, ж̇аанаахи д̇ам̣ гааран̣анд̇и. д̇аад̇а, жорам̣ мз д̣̇зхийд̇и. со д̇асса сан̃н̃аабанад̇т̇ам̣ абарамби уд̣̇аахаран̣ам̣ аахари. д̣̇зва, ад̇ийд̇з химаванд̇абад̣̇зсз саакаавидабасамбанно махааругко ахоси бубпапаласамбанно анзгасахассаанам̣ сагун̣аанам̣ ниваасо д̇асса д̣̇вз саакаа ан̃н̃аман̃н̃ам̣ сан̇гхаддзсум̣, д̇ад̇о д̇хуумо уббаж̇ж̇и, аг̇г̇ижун̣н̣аани бад̇им̣су. д̇ам̣ д̣̇исваа сагун̣аж̇здтаго г̇аат̇амааха –
Iti mahārāja, saraṇato bhayaṃ uppannaṃ, jānāhi taṃ kāraṇanti. Tāta, coraṃ me dehīti. So tassa saññāpanatthaṃ aparampi udāharaṇaṃ āhari. Deva, atīte himavantapadese sākhāviṭapasampanno mahārukkho ahosi pupphaphalasampanno anekasahassānaṃ sakuṇānaṃ nivāso tassa dve sākhā aññamaññaṃ saṅghaṭṭesuṃ, tato dhūmo uppajji, aggicuṇṇāni patiṃsu. Taṃ disvā sakuṇajeṭṭhako gāthamāha –
55.
55.
‘‘яам̣ ниссид̇аа ж̇аг̇ад̇ирухам̣, свааяам̣ аг̇г̇им̣ бамун̃жад̇и;
‘‘Yaṃ nissitā jagatiruhaṃ, svāyaṃ aggiṃ pamuñcati;
д̣̇исаа бхаж̇ат̇а вагган̇г̇аа, ж̇аад̇ам̣ саран̣ад̇о бхаяа’’нд̇и.
Disā bhajatha vakkaṅgā, jātaṃ saraṇato bhaya’’nti.
д̇ад̇т̇а ж̇аг̇ад̇ируханд̇и махийрухам̣.
Tattha jagatiruhanti mahīruhaṃ.
яат̇аа хи, д̣̇зва, ругко багкийнам̣ бадисаран̣ам̣, звам̣ рааж̇аа махааж̇анасса бадисаран̣ам̣, д̇асмим̣ жоригам̣ гаронд̇з го бадиб̣аахиссад̇и, саллагкзхи, д̣̇зваад̇и. д̇аад̇а, маяхам̣ жорамзва д̣̇зхийд̇и. ат̇асса со абарамби уд̣̇аахаран̣ам̣ аахари. махаарааж̇а, згасмим̣ гаасиг̇аамз ан̃н̃ад̇арасса гулагхарасса бажчимабхааг̇з гагкал̣аа сусумааранад̣̇ий ад̇т̇и, д̇асса жа гуласса згова буд̇д̇о. со бид̇ари гаалагад̇з маад̇арам̣ бадиж̇аг̇г̇и. д̇асса маад̇аа анижчамаанассзва згам̣ гулад̇хийд̇арам̣ аанзси. саа буб̣б̣абхааг̇з сассум̣ самбияааяид̇ваа бажчаа буд̇д̇ад̇хийд̇аахи вад̣дхамаанаа д̇ам̣ нийхарид̇угаамаа ахоси. д̇ассаа бана маад̇ааби д̇асмим̣язва гхарз васад̇и. саа саамигасса санд̇игз сассуяаа наанаббагаарам̣ д̣̇осам̣ вад̇ваа барибхинд̣̇ид̇ваа ‘‘ахам̣ д̇з маад̇арам̣ босзд̇ум̣ на саггоми, маарзхи на’’нд̇и вад̇ваа ‘‘мануссамааран̣ам̣ наама бхаарияам̣, гат̇ам̣ нам̣ маарзмий’’д̇и вуд̇д̇з ‘‘нид̣̇д̣̇оггаманагаалз нам̣ ман̃жагзнзва сад̣̇д̇хим̣ г̇ахзд̇ваа сусумааранад̣̇ияам̣ кибиссаама, ат̇а нам̣ сусамаараа каад̣̇иссанд̇ий’’д̇и ааха. ‘‘д̇уяхам̣ бана маад̇аа гаха’’нд̇и? ‘‘д̇ассааязва санд̇игз субад̇ий’’д̇и. ‘‘д̇зна хи г̇ажча, д̇ассаа нибаннаман̃жагз раж̇ж̇ум̣ б̣анд̇хид̇ваа сан̃н̃ам̣ гарохий’’д̇и. саа д̇ат̇аа гад̇ваа ‘‘гад̇аа мз сан̃н̃аа’’д̇и ааха. ид̇аро ‘‘т̇огам̣ ад̇хиваасзхи, мануссаа д̇аава нид̣̇д̣̇ааяанд̇уу’’д̇и нид̣̇д̣̇ааяанд̇о вияа нибаж̇ж̇ид̇ваа г̇анд̇ваа д̇ам̣ раж̇ж̇угам̣ бхарияааяа маад̇у ман̃жагз б̣анд̇хид̇ваа бхарияам̣ баб̣од̇хзд̇ваа убхоби г̇анд̇ваа д̇ам̣ ман̃жагзнзва сад̣̇д̇хим̣ угкибид̇ваа над̣̇ияам̣ кибим̣су. д̇ад̇т̇а нам̣ нид̣̇д̣̇ааяамаанам̣ сусумаараа вид̣̇д̇хам̣сзд̇ваа каад̣̇им̣су.
Yathā hi, deva, rukkho pakkhīnaṃ paṭisaraṇaṃ, evaṃ rājā mahājanassa paṭisaraṇaṃ, tasmiṃ corikaṃ karonte ko paṭibāhissati, sallakkhehi, devāti. Tāta, mayhaṃ corameva dehīti. Athassa so aparampi udāharaṇaṃ āhari. Mahārāja, ekasmiṃ kāsigāme aññatarassa kulagharassa pacchimabhāge kakkhaḷā susumāranadī atthi, tassa ca kulassa ekova putto. So pitari kālakate mātaraṃ paṭijaggi. Tassa mātā anicchamānasseva ekaṃ kuladhītaraṃ ānesi. Sā pubbabhāge sassuṃ sampiyāyitvā pacchā puttadhītāhi vaḍḍhamānā taṃ nīharitukāmā ahosi. Tassā pana mātāpi tasmiṃyeva ghare vasati. Sā sāmikassa santike sassuyā nānappakāraṃ dosaṃ vatvā paribhinditvā ‘‘ahaṃ te mātaraṃ posetuṃ na sakkomi, mārehi na’’nti vatvā ‘‘manussamāraṇaṃ nāma bhāriyaṃ, kathaṃ naṃ māremī’’ti vutte ‘‘niddokkamanakāle naṃ mañcakeneva saddhiṃ gahetvā susumāranadiyaṃ khipissāma, atha naṃ susamārā khādissantī’’ti āha. ‘‘Tuyhaṃ pana mātā kaha’’nti? ‘‘Tassāyeva santike supatī’’ti. ‘‘Tena hi gaccha, tassā nipannamañcake rajjuṃ bandhitvā saññaṃ karohī’’ti. Sā tathā katvā ‘‘katā me saññā’’ti āha. Itaro ‘‘thokaṃ adhivāsehi, manussā tāva niddāyantū’’ti niddāyanto viya nipajjitvā gantvā taṃ rajjukaṃ bhariyāya mātu mañcake bandhitvā bhariyaṃ pabodhetvā ubhopi gantvā taṃ mañcakeneva saddhiṃ ukkhipitvā nadiyaṃ khipiṃsu. Tattha naṃ niddāyamānaṃ susumārā viddhaṃsetvā khādiṃsu.
саа бунад̣̇ивасз маад̇у баривад̇д̇ид̇абхаавам̣ н̃ад̇ваа ‘‘саами, мама маад̇аава маарид̇аа, ид̣̇аани д̇ава маад̇арам̣ маарзхий’’д̇и вад̇ваа ‘‘д̇зна хи саад̇хуу’’д̇и вуд̇д̇з ‘‘сусаанз жид̇агам̣ гад̇ваа аг̇г̇имхи нам̣ багкибид̇ваа маарзссаамаа’’д̇и ааха. ат̇а нам̣ нид̣̇д̣̇ааяамаанам̣ убхоби сусаанам̣ нзд̇ваа табаяим̣су. д̇ад̇т̇а саамиго бхарияам̣ ааха ‘‘аг̇г̇и д̇з аабхад̇о’’д̇и? ‘‘бамудтаасми, саамий’’д̇и. ‘‘д̇зна хи г̇анд̇ваа аанзхий’’д̇и. ‘‘на саггоми саами, г̇анд̇ум̣, д̇аяи г̇ад̇зби таад̇ум̣ на сагкиссаами, убхоби маяам̣ г̇ажчиссаамаа’’д̇и. д̇зсу г̇ад̇зсу махаллигаа сийд̇аваад̇зна баб̣од̇хид̇аа сусаанабхаавам̣ н̃ад̇ваа ‘‘имз мам̣ маарзд̇угаамаа аг̇г̇иад̇т̇ааяа г̇ад̇аа’’д̇и жа убад̇хаарзд̇ваа ‘‘на мз б̣алам̣ ж̇аананд̇ий’’д̇и згам̣ мад̇агал̣зварам̣ г̇ахзд̇ваа ман̃жагз нибаж̇ж̇аабзд̇ваа убари билод̇игааяа бадижчаад̣̇зд̇ваа саяам̣ балааяид̇ваа д̇ад̇т̇зва лзн̣аг̇ухам̣ баависи. ид̇арз аг̇г̇им̣ аахарид̇ваа ‘‘махаллигаа’’д̇и сан̃н̃ааяа гал̣зварам̣ жхаабзд̇ваа баггамим̣су. згзна жорзна д̇асмим̣ г̇ухаалзн̣з буб̣б̣з бхан̣д̣игаа табид̇аа, со ‘‘д̇ам̣ г̇ан̣хиссаамий’’д̇и ааг̇анд̇ваа махаллигам̣ д̣̇исваа ‘‘згаа яагкиний бхависсад̇и, бхан̣д̣игаа мз амануссабариг̇г̇ахид̇аа’’д̇и згам̣ бхууд̇авзж̇ж̇ам̣ аанзси. взж̇ж̇о манд̇ам̣ гаронд̇о г̇ухам̣ баависи.
Sā punadivase mātu parivattitabhāvaṃ ñatvā ‘‘sāmi, mama mātāva māritā, idāni tava mātaraṃ mārehī’’ti vatvā ‘‘tena hi sādhū’’ti vutte ‘‘susāne citakaṃ katvā aggimhi naṃ pakkhipitvā māressāmā’’ti āha. Atha naṃ niddāyamānaṃ ubhopi susānaṃ netvā ṭhapayiṃsu. Tattha sāmiko bhariyaṃ āha ‘‘aggi te ābhato’’ti? ‘‘Pamuṭṭhāsmi, sāmī’’ti. ‘‘Tena hi gantvā ānehī’’ti. ‘‘Na sakkomi sāmi, gantuṃ, tayi gatepi ṭhātuṃ na sakkhissāmi, ubhopi mayaṃ gacchissāmā’’ti. Tesu gatesu mahallikā sītavātena pabodhitā susānabhāvaṃ ñatvā ‘‘ime maṃ māretukāmā aggiatthāya gatā’’ti ca upadhāretvā ‘‘na me balaṃ jānantī’’ti ekaṃ matakaḷevaraṃ gahetvā mañcake nipajjāpetvā upari pilotikāya paṭicchādetvā sayaṃ palāyitvā tattheva leṇaguhaṃ pāvisi. Itare aggiṃ āharitvā ‘‘mahallikā’’ti saññāya kaḷevaraṃ jhāpetvā pakkamiṃsu. Ekena corena tasmiṃ guhāleṇe pubbe bhaṇḍikā ṭhapitā, so ‘‘taṃ gaṇhissāmī’’ti āgantvā mahallikaṃ disvā ‘‘ekā yakkhinī bhavissati, bhaṇḍikā me amanussapariggahitā’’ti ekaṃ bhūtavejjaṃ ānesi. Vejjo mantaṃ karonto guhaṃ pāvisi.
ат̇а нам̣ саа ааха ‘‘наахам̣ яагкиний, зхи убхоби имам̣ д̇ханам̣ бхааж̇зссаамаа’’д̇и. ‘‘гат̇ам̣ сад̣̇д̣̇ахид̇аб̣б̣а’’нд̇и? ‘‘д̇ава ж̇ивхам̣ мама ж̇ивхааяа табзхий’’д̇и. со д̇ат̇аа агааси. ат̇асса саа ж̇ивхам̣ д̣ам̣сид̇ваа чинд̣̇ид̇ваа баад̇зси. бхууд̇авзж̇ж̇о ‘‘ад̣̇д̇хаа зсаа яагкиний’’д̇и ж̇ивхааяа лохид̇ам̣ баг̇гхаранд̇ияаа виравамаано балааяи. махаллигаа бунад̣̇ивасз мадтасаадагам̣ ниваасзд̇ваа наанаарад̇анабхан̣д̣игам̣ г̇ахзд̇ваа гхарам̣ аг̇амааси. сун̣исаа д̇ам̣ д̣̇исваа ‘‘гахам̣ д̇з, амма, ид̣̇ам̣ лад̣̇д̇ха’’нд̇и бужчи. ‘‘амма, зд̇асмим̣ сусаанз д̣̇ааружид̇агааяа жхаабид̇аа зваруубам̣ лабханд̇ий’’д̇и. ‘‘амма, маяааби саггаа лад̣̇д̇ху’’нд̇и. ‘‘маад̣̇исий худ̇ваа лабхиссасий’’д̇и. саа лад̣̇д̇хабхан̣д̣игалобхзна саамигасса гат̇зд̇ваа д̇ад̇т̇а ад̇д̇аанам̣ жхаабзси. ат̇а нам̣ бунад̣̇ивасз саамиго абассанд̇о ‘‘амма, имааяаби взлааяа д̇вам̣ ааг̇ад̇аа, сун̣исаа д̇з нааг̇ажчад̇ий’’д̇и ааха. саа д̇ам̣ суд̇ваа ‘‘арз баабабуриса, гим̣ мад̇аа наама ааг̇ажчанд̇ий’’д̇и д̇ам̣ д̇аж̇ж̇зд̇ваа г̇аат̇амааха –
Atha naṃ sā āha ‘‘nāhaṃ yakkhinī, ehi ubhopi imaṃ dhanaṃ bhājessāmā’’ti. ‘‘Kathaṃ saddahitabba’’nti? ‘‘Tava jivhaṃ mama jivhāya ṭhapehī’’ti. So tathā akāsi. Athassa sā jivhaṃ ḍaṃsitvā chinditvā pātesi. Bhūtavejjo ‘‘addhā esā yakkhinī’’ti jivhāya lohitaṃ paggharantiyā viravamāno palāyi. Mahallikā punadivase maṭṭhasāṭakaṃ nivāsetvā nānāratanabhaṇḍikaṃ gahetvā gharaṃ agamāsi. Suṇisā taṃ disvā ‘‘kahaṃ te, amma, idaṃ laddha’’nti pucchi. ‘‘Amma, etasmiṃ susāne dārucitakāya jhāpitā evarūpaṃ labhantī’’ti. ‘‘Amma, mayāpi sakkā laddhu’’nti. ‘‘Mādisī hutvā labhissasī’’ti. Sā laddhabhaṇḍikalobhena sāmikassa kathetvā tattha attānaṃ jhāpesi. Atha naṃ punadivase sāmiko apassanto ‘‘amma, imāyapi velāya tvaṃ āgatā, suṇisā te nāgacchatī’’ti āha. Sā taṃ sutvā ‘‘are pāpapurisa, kiṃ matā nāma āgacchantī’’ti taṃ tajjetvā gāthamāha –
56.
56.
‘‘яамаанаяим̣ соманассам̣, маалиним̣ жанд̣̇ануссад̣̇ам̣;
‘‘Yamānayiṃ somanassaṃ, māliniṃ candanussadaṃ;
саа мам̣ гхараа нижчубхад̇и, ж̇аад̇ам̣ саран̣ад̇о бхаяа’’нд̇и.
Sā maṃ gharā nicchubhati, jātaṃ saraṇato bhaya’’nti.
д̇ад̇т̇а соманассанд̇и соманассам̣ уббаад̣̇зд̇ваа. ‘‘соманассаа’’д̇иби баато, соманассавад̇ий худ̇ваад̇и ад̇т̇о. ид̣̇ам̣ вуд̇д̇ам̣ ход̇и – яамахам̣ ‘‘имам̣ мз ниссааяа буд̇д̇о буд̇д̇ад̇хийд̇аахи вад̣дхиссад̇и, ман̃жа махаллигагаалз босзссад̇ий’’д̇и маалиним̣ жанд̣̇ануссад̣̇ам̣ гад̇ваа алан̇гарид̇ваа соманассаж̇аад̇аа аанзсим̣. саа мам̣ аж̇ж̇а гхараа нийхарад̇и, саран̣ад̇оязва мз бхаяам̣ уббаннанд̇и.
Tattha somanassanti somanassaṃ uppādetvā. ‘‘Somanassā’’tipi pāṭho, somanassavatī hutvāti attho. Idaṃ vuttaṃ hoti – yamahaṃ ‘‘imaṃ me nissāya putto puttadhītāhi vaḍḍhissati, mañca mahallikakāle posessatī’’ti māliniṃ candanussadaṃ katvā alaṅkaritvā somanassajātā ānesiṃ. Sā maṃ ajja gharā nīharati, saraṇatoyeva me bhayaṃ uppannanti.
‘‘махаарааж̇а, сун̣исаа вияа сассуяаа махааж̇анасса рааж̇аа бадисаран̣ам̣, д̇ад̇о бхаяз уббаннз гим̣ саггаа гаад̇ум̣, саллагкзхи, д̣̇зваа’’д̇и. д̇ам̣ суд̇ваа рааж̇аа ‘‘д̇аад̇а, наахам̣ д̇аяаа аанийд̇агааран̣аани ж̇аанаами, жорамзва мз д̣̇зхий’’д̇и ааха. со ‘‘рааж̇аанам̣ рагкиссаамий’’д̇и абарамби уд̣̇аахаран̣ам̣ аахари. д̣̇зва, буб̣б̣з имасмим̣язва наг̇арз зго бурисо бад̇т̇анам̣ гад̇ваа буд̇д̇ам̣ лабхи. со буд̇д̇аж̇аад̇агаалз ‘‘буд̇д̇о мз лад̣̇д̇хо’’д̇и соманассаж̇аад̇о д̇ам̣ босзд̇ваа ваяаббад̇д̇агаалз д̣̇аарзна сам̣яож̇зд̇ваа абарабхааг̇з ж̇арам̣ бад̇ваа гаммам̣ ад̇хидтаад̇ум̣ наасагки. ат̇а нам̣ буд̇д̇о ‘‘д̇вам̣ гаммам̣ гаад̇ум̣ на саггоси, ид̇о нигкамаа’’д̇и г̇зхад̇о нийхари . со гижчзна гасирзна ж̇ийвигам̣ габбзнд̇о барид̣̇звамаано г̇аат̇амааха –
‘‘Mahārāja, suṇisā viya sassuyā mahājanassa rājā paṭisaraṇaṃ, tato bhaye uppanne kiṃ sakkā kātuṃ, sallakkhehi, devā’’ti. Taṃ sutvā rājā ‘‘tāta, nāhaṃ tayā ānītakāraṇāni jānāmi, corameva me dehī’’ti āha. So ‘‘rājānaṃ rakkhissāmī’’ti aparampi udāharaṇaṃ āhari. Deva, pubbe imasmiṃyeva nagare eko puriso patthanaṃ katvā puttaṃ labhi. So puttajātakāle ‘‘putto me laddho’’ti somanassajāto taṃ posetvā vayappattakāle dārena saṃyojetvā aparabhāge jaraṃ patvā kammaṃ adhiṭṭhātuṃ nāsakkhi. Atha naṃ putto ‘‘tvaṃ kammaṃ kātuṃ na sakkosi, ito nikkhamā’’ti gehato nīhari . So kicchena kasirena jīvikaṃ kappento paridevamāno gāthamāha –
57.
57.
‘‘язна ж̇аад̇зна нанд̣̇иссам̣, яасса жа бхавамижчисам̣;
‘‘Yena jātena nandissaṃ, yassa ca bhavamicchisaṃ;
со мам̣ гхараа нижчубхад̇и, ж̇аад̇ам̣ саран̣ад̇о бхаяа’’нд̇и.
So maṃ gharā nicchubhati, jātaṃ saraṇato bhaya’’nti.
д̇ад̇т̇а со манд̇и со буд̇д̇о мам̣ гхарад̇о нижчубхад̇и нийхарад̇и. сваахам̣ бхигкам̣ жарид̇ваа д̣̇угкзна ж̇ийваами, саран̣ад̇оязва мз бхаяам̣ уббаннанд̇и.
Tattha so manti so putto maṃ gharato nicchubhati nīharati. Svāhaṃ bhikkhaṃ caritvā dukkhena jīvāmi, saraṇatoyeva me bhayaṃ uppannanti.
‘‘махаарааж̇а, яат̇аа бид̇аа наама махаллаго бадиб̣алзна буд̇д̇зна рагкид̇аб̣б̣о, звам̣ саб̣б̣оби ж̇анабад̣̇о ран̃н̃аа рагкид̇аб̣б̣о, ид̣̇ан̃жа бхаяам̣ уббаж̇ж̇амаанам̣ саб̣б̣асад̇д̇з рагканд̇асса ран̃н̃о санд̇игаа уббаннам̣, иминаа гааран̣зна ‘асуго наама жоро’д̇и ж̇аанаахи, д̣̇зваа’’д̇и. ‘‘д̇аад̇а, наахам̣ гааран̣ам̣ ваа агааран̣ам̣ ваа ж̇аанаами, жорам̣ ваа мз д̣̇зхи, д̇ван̃н̃зва ваа жоро хохий’’д̇и звам̣ рааж̇аа бунаббунам̣ маан̣авам̣ ануяун̃ж̇и. ат̇а нам̣ со звамааха ‘‘гим̣ бана, махаарааж̇а, згам̣сзна жораг̇ахан̣ам̣ рожзт̇аа’’д̇и? ‘‘аама, д̇аад̇аа’’д̇и. д̇зна хи ‘‘асуго жа асуго жа жоро’’д̇и барисамаж̇жхз багаасзмийд̇и. ‘‘звам̣ гарохи, д̇аад̇аа’’д̇и. со д̇асса важанам̣ суд̇ваа ‘‘аяам̣ рааж̇аа ад̇д̇аанам̣ рагкид̇ум̣ на д̣̇зд̇и, г̇ан̣хиссаами д̣̇аани жора’’нд̇и саннибад̇ид̇з махааж̇анз ааманд̇зд̇ваа имаа г̇аат̇аа ааха –
‘‘Mahārāja, yathā pitā nāma mahallako paṭibalena puttena rakkhitabbo, evaṃ sabbopi janapado raññā rakkhitabbo, idañca bhayaṃ uppajjamānaṃ sabbasatte rakkhantassa rañño santikā uppannaṃ, iminā kāraṇena ‘asuko nāma coro’ti jānāhi, devā’’ti. ‘‘Tāta, nāhaṃ kāraṇaṃ vā akāraṇaṃ vā jānāmi, coraṃ vā me dehi, tvaññeva vā coro hohī’’ti evaṃ rājā punappunaṃ māṇavaṃ anuyuñji. Atha naṃ so evamāha ‘‘kiṃ pana, mahārāja, ekaṃsena coragahaṇaṃ rocethā’’ti? ‘‘Āma, tātā’’ti. Tena hi ‘‘asuko ca asuko ca coro’’ti parisamajjhe pakāsemīti. ‘‘Evaṃ karohi, tātā’’ti. So tassa vacanaṃ sutvā ‘‘ayaṃ rājā attānaṃ rakkhituṃ na deti, gaṇhissāmi dāni cora’’nti sannipatite mahājane āmantetvā imā gāthā āha –
58.
58.
‘‘сун̣анд̇у мз ж̇аанабад̣̇аа, нзг̇амаа жа самааг̇ад̇аа;
‘‘Suṇantu me jānapadā, negamā ca samāgatā;
яад̇од̣̇агам̣ д̇ад̣̇аад̣̇ид̇д̇ам̣, яад̇о кзмам̣ д̇ад̇о бхаяам̣.
Yatodakaṃ tadādittaṃ, yato khemaṃ tato bhayaṃ.
59.
59.
‘‘рааж̇аа вилумбад̇з радтам̣, б̣раахман̣о жа бурохид̇о;
‘‘Rājā vilumpate raṭṭhaṃ, brāhmaṇo ca purohito;
ад̇д̇аг̇уд̇д̇аа вихарат̇а, ж̇аад̇ам̣ саран̣ад̇о бхаяа’’нд̇и.
Attaguttā viharatha, jātaṃ saraṇato bhaya’’nti.
д̇ад̇т̇а яад̇од̣̇агам̣ д̇ад̣̇аад̣̇ид̇д̇анд̇и яам̣ уд̣̇агам̣ д̇ад̣̇зва аад̣̇ид̇д̇ам̣. яад̇о кзманд̇и яад̇о рааж̇ад̇о кзмзна бхавид̇аб̣б̣ам̣, д̇ад̇ова бхаяам̣ уббаннам̣. ад̇т̇аг̇уд̇д̇аа вихарат̇аад̇и д̇умхз ид̣̇аани анаат̇аа ж̇аад̇аа, ад̇д̇аанам̣ маа винаасзт̇а, ад̇д̇анаава г̇уд̇д̇аа худ̇ваа ад̇д̇ано санд̇агам̣ д̇ханад̇хан̃н̃ам̣ рагкат̇а, рааж̇аа наама махааж̇анасса бадисаран̣ам̣, д̇ад̇о д̇умхаагам̣ бхаяам̣ уббаннам̣, рааж̇аа жа бурохид̇о жа вилобакаад̣̇агажораа, сажз жорз г̇ан̣хид̇угаамад̇т̇а, имз д̣̇вз г̇ахзд̇ваа гаммагаран̣ам̣ гарот̇аад̇и.
Tattha yatodakaṃ tadādittanti yaṃ udakaṃ tadeva ādittaṃ. Yato khemanti yato rājato khemena bhavitabbaṃ, tatova bhayaṃ uppannaṃ. Atthaguttā viharathāti tumhe idāni anāthā jātā, attānaṃ mā vināsetha, attanāva guttā hutvā attano santakaṃ dhanadhaññaṃ rakkhatha, rājā nāma mahājanassa paṭisaraṇaṃ, tato tumhākaṃ bhayaṃ uppannaṃ, rājā ca purohito ca vilopakhādakacorā, sace core gaṇhitukāmattha, ime dve gahetvā kammakaraṇaṃ karothāti.
д̇з д̇асса гат̇ам̣ суд̇ваа жинд̇аяим̣су ‘‘аяам̣ рааж̇аа рагкан̣аарахоби самаано ид̣̇аани ан̃н̃асса убари д̣̇осам̣ ааробзд̇ваа ад̇д̇ано бхан̣д̣игам̣ саяамзва богкаран̣ияам̣ табзд̇ваа жорам̣ бариязсаабзд̇и, ид̇о д̣̇аани бадтааяа буна жорагаммасса агаран̣ад̇т̇ааяа маарзма нам̣ баабарааж̇аана’’нд̇и. д̇з д̣̇ан̣д̣амуг̇г̇араад̣̇ихад̇т̇аа удтааяа д̇ад̇т̇зва рааж̇аанан̃жа бурохид̇ан̃жа бот̇зд̇ваа ж̇ийвид̇агкаяам̣ баабзд̇ваа махаасад̇д̇ам̣ абхисин̃жид̇ваа раж̇ж̇з бад̇идтабзсум̣.
Te tassa kathaṃ sutvā cintayiṃsu ‘‘ayaṃ rājā rakkhaṇārahopi samāno idāni aññassa upari dosaṃ āropetvā attano bhaṇḍikaṃ sayameva pokkharaṇiyaṃ ṭhapetvā coraṃ pariyesāpeti, ito dāni paṭṭhāya puna corakammassa akaraṇatthāya mārema naṃ pāparājāna’’nti. Te daṇḍamuggarādihatthā uṭṭhāya tattheva rājānañca purohitañca pothetvā jīvitakkhayaṃ pāpetvā mahāsattaṃ abhisiñcitvā rajje patiṭṭhapesuṃ.
сад̇т̇аа имам̣ д̇хаммад̣̇зсанам̣ аахарид̇ваа ‘‘анажчарияам̣, убаасага, бат̇авияам̣ бад̣̇асан̃ж̇аананам̣, бораан̣агабан̣д̣ид̇аа звам̣ аагаасз бад̣̇ам̣ сан̃ж̇ааним̣суу’’д̇и вад̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз убаасаго жа буд̇д̇о жа сод̇аабад̇д̇ипалз бад̇идтид̇аа. д̇ад̣̇аа бид̇аа гассабо ахоси, бад̣̇агусаламаан̣аво бана ахамзва ахосинд̇и.
Satthā imaṃ dhammadesanaṃ āharitvā ‘‘anacchariyaṃ, upāsaka, pathaviyaṃ padasañjānanaṃ, porāṇakapaṇḍitā evaṃ ākāse padaṃ sañjāniṃsū’’ti vatvā saccāni pakāsetvā jātakaṃ samodhānesi, saccapariyosāne upāsako ca putto ca sotāpattiphale patiṭṭhitā. Tadā pitā kassapo ahosi, padakusalamāṇavo pana ahameva ahosinti.
бад̣̇агусаламаан̣аваж̇аад̇агаван̣н̣анаа чадтаа.
Padakusalamāṇavajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 432. бад̣̇агусаламаан̣аваж̇аад̇агам̣ • 432. Padakusalamāṇavajātakaṃ
