| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. ปทปูชกเตฺถรอปทานํ
4. Padapūjakattheraapadānaṃ
๑๙.
19.
‘‘สิทฺธตฺถสฺส ภควโต, ชาติปุปฺผมทาสหํ;
‘‘Siddhatthassa bhagavato, jātipupphamadāsahaṃ;
ปาเทสุ สตฺต ปุปฺผานิ, หาเสโนกิริตานิ เมฯ
Pādesu satta pupphāni, hāsenokiritāni me.
๒๐.
20.
‘‘เตน กเมฺมนหํ อชฺช, อภิโภมิ นรามเร;
‘‘Tena kammenahaṃ ajja, abhibhomi narāmare;
ธาเรมิ อนฺติมํ เทหํ, สมฺมาสมฺพุทฺธสาสเนฯ
Dhāremi antimaṃ dehaṃ, sammāsambuddhasāsane.
๒๑.
21.
‘‘จตุนฺนวุติโต กเปฺป, ยํ ปุปฺผมภิโรปยิํ;
‘‘Catunnavutito kappe, yaṃ pupphamabhiropayiṃ;
ทุคฺคติํ นาภิชานามิ, ปุปฺผปูชายิทํ ผลํฯ
Duggatiṃ nābhijānāmi, pupphapūjāyidaṃ phalaṃ.
๒๒.
22.
‘‘สมนฺตคนฺธนามาสุํ, เตรส จกฺกวตฺติโน;
‘‘Samantagandhanāmāsuṃ, terasa cakkavattino;
อิโต ปญฺจมเก กเปฺป, จาตุรนฺตา ชนาธิปาฯ
Ito pañcamake kappe, cāturantā janādhipā.
๒๓.
23.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปทปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā padapūjako thero imā gāthāyo abhāsitthāti.
ปทปูชกเตฺถรสฺสาปทานํ จตุตฺถํฯ
Padapūjakattherassāpadānaṃ catutthaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๕. มุฎฺฐิปุปฺผิยเตฺถรอปทานวณฺณนา • 5. Muṭṭhipupphiyattheraapadānavaṇṇanā
