Library / Tipiṭaka / ติปิฎก • Tipiṭaka / อปทานปาฬิ • Apadānapāḷi

    ๖. ปาทปูชกเตฺถรอปทานํ

    6. Pādapūjakattheraapadānaṃ

    ๒๗.

    27.

    ‘‘ปพฺพเต หิมวนฺตมฺหิ, อโหสิํ กินฺนโร ตทา;

    ‘‘Pabbate himavantamhi, ahosiṃ kinnaro tadā;

    อทฺทสํ วิรชํ พุทฺธํ, ปีตรํสิํว ภาณุมํฯ

    Addasaṃ virajaṃ buddhaṃ, pītaraṃsiṃva bhāṇumaṃ.

    ๒๘.

    28.

    ‘‘อุเปตํ ตมหํ 1 พุทฺธํ, วิปสฺสิํ โลกนายกํ;

    ‘‘Upetaṃ tamahaṃ 2 buddhaṃ, vipassiṃ lokanāyakaṃ;

    จนฺทนํ ตครญฺจาปิ, ปาเท โอสิญฺจหํ ตทาฯ

    Candanaṃ tagarañcāpi, pāde osiñcahaṃ tadā.

    ๒๙.

    29.

    ‘‘เอกนวุติโต กเปฺป, ยํ ปาทํ อภิปูชยิํ;

    ‘‘Ekanavutito kappe, yaṃ pādaṃ abhipūjayiṃ;

    ทุคฺคติํ นาภิชานามิ, ปาทปูชายิทํ ผลํฯ

    Duggatiṃ nābhijānāmi, pādapūjāyidaṃ phalaṃ.

    ๓๐.

    30.

    ‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ

    ‘‘Paṭisambhidā catasso…pe… kataṃ buddhassa sāsanaṃ’’.

    อิตฺถํ สุทํ อายสฺมา ปาทปูชโก เถโร อิมา คาถาโย อภาสิตฺถาติฯ

    Itthaṃ sudaṃ āyasmā pādapūjako thero imā gāthāyo abhāsitthāti.

    ปาทปูชกเตฺถรสฺสาปทานํ ฉฎฺฐํฯ

    Pādapūjakattherassāpadānaṃ chaṭṭhaṃ.




    Next: ๗. เทสกิตฺตกเตฺถรอปทานํ • 7. Desakittakattheraapadānaṃ




    Footnotes:
    1. อุเปโตปิ ตทา (สฺยา.), อุเปสิํ ตมหํ (?)
    2. upetopi tadā (syā.), upesiṃ tamahaṃ (?)

    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact