| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. පදපූජකත්‌ථෙරඅපදානං
4. Padapūjakattheraapadānaṃ
19.
19.
‘‘සිද්‌ධත්‌ථස්‌ස භගවතො, ජාතිපුප්‌ඵමදාසහං;
‘‘Siddhatthassa bhagavato, jātipupphamadāsahaṃ;
පාදෙසු සත්‌ත පුප්‌ඵානි, හාසෙනොකිරිතානි මෙ.
Pādesu satta pupphāni, hāsenokiritāni me.
20.
20.
‘‘තෙන කම්‌මෙනහං අජ්‌ජ, අභිභොමි නරාමරෙ;
‘‘Tena kammenahaṃ ajja, abhibhomi narāmare;
ධාරෙමි අන්‌තිමං දෙහං, සම්‌මාසම්‌බුද්‌ධසාසනෙ.
Dhāremi antimaṃ dehaṃ, sammāsambuddhasāsane.
21.
21.
‘‘චතුන්‌නවුතිතො කප්‌පෙ, යං පුප්‌ඵමභිරොපයිං;
‘‘Catunnavutito kappe, yaṃ pupphamabhiropayiṃ;
දුග්‌ගතිං නාභිජානාමි, පුප්‌ඵපූජායිදං ඵලං.
Duggatiṃ nābhijānāmi, pupphapūjāyidaṃ phalaṃ.
22.
22.
‘‘සමන්‌තගන්‌ධනාමාසුං, තෙරස චක්‌කවත්‌තිනො;
‘‘Samantagandhanāmāsuṃ, terasa cakkavattino;
ඉතො පඤ්‌චමකෙ කප්‌පෙ, චාතුරන්‌තා ජනාධිපා.
Ito pañcamake kappe, cāturantā janādhipā.
23.
23.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පදපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā padapūjako thero imā gāthāyo abhāsitthāti.
පදපූජකත්‌ථෙරස්‌සාපදානං චතුත්‌ථං.
Padapūjakattherassāpadānaṃ catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 5. මුට්‌ඨිපුප්‌ඵියත්‌ථෙරඅපදානවණ්‌ණනා • 5. Muṭṭhipupphiyattheraapadānavaṇṇanā
