| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৪. পদপূজকত্থেরঅপদানৰণ্ণনা
4. Padapūjakattheraapadānavaṇṇanā
সিদ্ধত্থস্স ভগৰতোতিআদিকং আযস্মতো পদপূজকত্থেরস্স অপদানং। অযম্পি পুরিমবুদ্ধেসু কতাধিকারো সিদ্ধত্থস্স ভগৰতো কালে কুলগেহে নিব্বত্তো ৰুদ্ধিমন্ৰায সত্থরি পসন্নো সুমনপুপ্ফেন পাদমূলে পূজেসি। সো তেন পুঞ্ঞেন দেৰমনুস্সেসু সংসরন্তো সক্কসম্পত্তিং অনুভৰিত্ৰা ইমস্মিং বুদ্ধুপ্পাদে একস্মিং কুলগেহে নিব্বত্তো ৰুদ্ধিমন্ৰায সত্থরি পসীদিত্ৰা পব্বজিতো ৰিপস্সনং ৰড্ঢেত্ৰা অরহত্তফলে পতিট্ঠাসি।
Siddhatthassabhagavatotiādikaṃ āyasmato padapūjakattherassa apadānaṃ. Ayampi purimabuddhesu katādhikāro siddhatthassa bhagavato kāle kulagehe nibbatto vuddhimanvāya satthari pasanno sumanapupphena pādamūle pūjesi. So tena puññena devamanussesu saṃsaranto sakkasampattiṃ anubhavitvā imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajito vipassanaṃ vaḍḍhetvā arahattaphale patiṭṭhāsi.
১৯. সো অপরভাগে অত্তনো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো সিদ্ধত্থস্স ভগৰতোতিআদিমাহ। জাতিপুপ্ফমদাসহন্তি জাতিসুমনপুপ্ফং অদাসিং অহন্তি ৰত্তব্বে গাথাবন্ধসুখত্থং সুমনসদ্দস্স লোপং কত্ৰা ৰুত্তং। তত্থ জাতিযা নিব্বত্তো ৰিকসমানোযেৰ সুমনং জনানং সোমনস্সং করোতীতি সুমনং, পুপ্ফনট্ঠেন ৰিকসনট্ঠেন পুপ্ফং, সুমনঞ্চ তং পুপ্ফঞ্চাতি সুমনপুপ্ফং, তানি সুমনপুপ্ফানি সিদ্ধত্থস্স ভগৰতো অহং পূজেসিন্তি অত্থো। সেসং সব্বত্থ উত্তানমেৰাতি।
19. So aparabhāge attano pubbakammaṃ saritvā somanassajāto pubbacaritāpadānaṃ pakāsento siddhatthassa bhagavatotiādimāha. Jātipupphamadāsahanti jātisumanapupphaṃ adāsiṃ ahanti vattabbe gāthābandhasukhatthaṃ sumanasaddassa lopaṃ katvā vuttaṃ. Tattha jātiyā nibbatto vikasamānoyeva sumanaṃ janānaṃ somanassaṃ karotīti sumanaṃ, pupphanaṭṭhena vikasanaṭṭhena pupphaṃ, sumanañca taṃ pupphañcāti sumanapupphaṃ, tāni sumanapupphāni siddhatthassa bhagavato ahaṃ pūjesinti attho. Sesaṃ sabbattha uttānamevāti.
পদপূজকত্থেরঅপদানৰণ্ণনা সমত্তা।
Padapūjakattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৪. পদপূজকত্থেরঅপদানং • 4. Padapūjakattheraapadānaṃ
