| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
২. পদসঞ্ঞকত্থেরঅপদানং
2. Padasaññakattheraapadānaṃ
৫.
5.
‘‘অক্কন্তঞ্চ পদং দিস্ৰা, তিস্সস্সাদিচ্চবন্ধুনো।
‘‘Akkantañca padaṃ disvā, tissassādiccabandhuno;
হট্ঠো হট্ঠেন চিত্তেন, পদে চিত্তং পসাদযিং॥
Haṭṭho haṭṭhena cittena, pade cittaṃ pasādayiṃ.
৬.
6.
‘‘দ্ৰেনৰুতে ইতো কপ্পে, যং সঞ্ঞমলভিং তদা।
‘‘Dvenavute ito kappe, yaṃ saññamalabhiṃ tadā;
দুগ্গতিং নাভিজানামি, পদসঞ্ঞাযিদং ফলং॥
Duggatiṃ nābhijānāmi, padasaññāyidaṃ phalaṃ.
৭.
7.
‘‘ইতো সত্তমকে কপ্পে, সুমেধো নাম খত্তিযো।
‘‘Ito sattamake kappe, sumedho nāma khattiyo;
সত্তরতনসম্পন্নো, চক্কৰতী মহব্বলো॥
Sattaratanasampanno, cakkavatī mahabbalo.
৮.
8.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা পদসঞ্ঞকো থেরো ইমা গাথাযো অভাসিত্থাতি॥
Itthaṃ sudaṃ āyasmā padasaññako thero imā gāthāyo abhāsitthāti.
পদসঞ্ঞকত্থেরস্সাপদানং দুতিযং।
Padasaññakattherassāpadānaṃ dutiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ২. পদসঞ্ঞকত্থেরঅপদানৰণ্ণনা • 2. Padasaññakattheraapadānavaṇṇanā
