| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
2. பத³ஸஞ்ஞகத்தே²ரஅபதா³னவண்ணனா
2. Padasaññakattheraapadānavaṇṇanā
அக்கந்தஞ்ச பத³ங் தி³ஸ்வாதிஆதி³கங் ஆயஸ்மதோ பத³ஸஞ்ஞகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ உப்பன்னுப்பன்னப⁴வே விவட்டூபனிஸ்ஸயானி புஞ்ஞானி உபசினந்தோ திஸ்ஸஸ்ஸ ப⁴க³வதோ காலே ஏகஸ்மிங் ஸத்³தா⁴ஸம்பன்னே உபாஸககே³ஹே நிப்³ப³த்தோ விஞ்ஞுதங் பத்தோ ரதனத்தயே பஸன்னோ ப⁴க³வதா தஸ்ஸ அனுகம்பாய த³ஸ்ஸிதங் பத³சேதியங் தி³ஸ்வா பஸன்னோ லோமஹட்ட²ஜாதோ வந்த³னபூஜனாதி³ப³ஹுமானமகாஸி. ஸோ தேனேவ ஸுகெ²த்தே ஸுகதேன புஞ்ஞேன ததோ சுதோ ஸக்³கே³ நிப்³ப³த்தோ தத்த² தி³ப்³ப³ஸுக²மனுப⁴வித்வா அபரபா⁴கே³ மனுஸ்ஸேஸு ஜாதோ மனுஸ்ஸஸம்பத்திங் ஸப்³ப³மனுப⁴வித்வா இமஸ்மிங் பு³த்³து⁴ப்பாதே³ விப⁴வஸம்பன்னகுலே நிப்³ப³த்தோ வுத்³தி⁴மன்வாய ஸத்³தா⁴ஜாதோ பப்³ப³ஜித்வா நசிரஸ்ஸேவ அரஹா அஹோஸி, புராகதபுஞ்ஞனாமேன பத³ஸஞ்ஞகத்தே²ரோதி பாகடோ.
Akkantañca padaṃ disvātiādikaṃ āyasmato padasaññakattherassa apadānaṃ. Ayampi purimabuddhesu katādhikāro uppannuppannabhave vivaṭṭūpanissayāni puññāni upacinanto tissassa bhagavato kāle ekasmiṃ saddhāsampanne upāsakagehe nibbatto viññutaṃ patto ratanattaye pasanno bhagavatā tassa anukampāya dassitaṃ padacetiyaṃ disvā pasanno lomahaṭṭhajāto vandanapūjanādibahumānamakāsi. So teneva sukhette sukatena puññena tato cuto sagge nibbatto tattha dibbasukhamanubhavitvā aparabhāge manussesu jāto manussasampattiṃ sabbamanubhavitvā imasmiṃ buddhuppāde vibhavasampannakule nibbatto vuddhimanvāya saddhājāto pabbajitvā nacirasseva arahā ahosi, purākatapuññanāmena padasaññakattheroti pākaṭo.
5. ஸோ ஏகதி³வஸங் அத்தனோ புப்³ப³கம்மங் ஸரித்வா புப்³ப³சரிதாபதா³னங் பகாஸெந்தோ அக்கந்தஞ்ச பத³ங் தி³ஸ்வாதிஆதி³மாஹ. தத்த² அக்கந்தந்தி அக்கமிதங் த³ஸ்ஸிதங். ஸப்³ப³பு³த்³தா⁴னங் ஸப்³ப³தா³ சதுரங்கு³லோபரியேவ க³மனங், அயங் பன தஸ்ஸ ஸத்³தா⁴ஸம்பன்னதங் ஞத்வா ‘‘ஏஸோ இமங் பஸ்ஸதூ’’தி பத³சேதியங் த³ஸ்ஸேஸி, தஸ்மா ஸோ தஸ்மிங் பஸீதி³த்வா வந்த³னபூஜனாதி³ஸக்காரமகாஸீதி அத்தோ². ஸேஸங் ஸப்³ப³த்த² உத்தானத்த²மேவாதி.
5. So ekadivasaṃ attano pubbakammaṃ saritvā pubbacaritāpadānaṃ pakāsento akkantañca padaṃ disvātiādimāha. Tattha akkantanti akkamitaṃ dassitaṃ. Sabbabuddhānaṃ sabbadā caturaṅgulopariyeva gamanaṃ, ayaṃ pana tassa saddhāsampannataṃ ñatvā ‘‘eso imaṃ passatū’’ti padacetiyaṃ dassesi, tasmā so tasmiṃ pasīditvā vandanapūjanādisakkāramakāsīti attho. Sesaṃ sabbattha uttānatthamevāti.
பத³ஸஞ்ஞகத்தே²ரஅபதா³னவண்ணனா ஸமத்தா.
Padasaññakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 2. பத³ஸஞ்ஞகத்தே²ரஅபதா³னங் • 2. Padasaññakattheraapadānaṃ
