| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. бад̣̇асан̃н̃агад̇т̇зраабад̣̇аанаван̣н̣анаа
2. Padasaññakattheraapadānavaṇṇanā
агганд̇ан̃жа бад̣̇ам̣ д̣̇исваад̇иаад̣̇игам̣ ааяасмад̇о бад̣̇асан̃н̃агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро уббаннуббаннабхавз виваддуубаниссаяаани бун̃н̃аани убажинанд̇о д̇иссасса бхаг̇авад̇о гаалз згасмим̣ сад̣̇д̇хаасамбаннз убаасагаг̇зхз ниб̣б̣ад̇д̇о вин̃н̃уд̇ам̣ бад̇д̇о рад̇анад̇д̇аяз басанно бхаг̇авад̇аа д̇асса анугамбааяа д̣̇ассид̇ам̣ бад̣̇ажзд̇ияам̣ д̣̇исваа басанно ломахадтаж̇аад̇о ванд̣̇анабууж̇анаад̣̇иб̣ахумаанамагааси. со д̇знзва сукзд̇д̇з сугад̇зна бун̃н̃зна д̇ад̇о жуд̇о саг̇г̇з ниб̣б̣ад̇д̇о д̇ад̇т̇а д̣̇иб̣б̣асукаманубхавид̇ваа абарабхааг̇з мануссзсу ж̇аад̇о мануссасамбад̇д̇им̣ саб̣б̣аманубхавид̇ваа имасмим̣ б̣уд̣̇д̇хуббаад̣̇з вибхавасамбаннагулз ниб̣б̣ад̇д̇о вуд̣̇д̇химанвааяа сад̣̇д̇хааж̇аад̇о баб̣б̣аж̇ид̇ваа нажирассзва арахаа ахоси, бураагад̇абун̃н̃анаамзна бад̣̇асан̃н̃агад̇т̇зрод̇и баагадо.
Akkantañca padaṃ disvātiādikaṃ āyasmato padasaññakattherassa apadānaṃ. Ayampi purimabuddhesu katādhikāro uppannuppannabhave vivaṭṭūpanissayāni puññāni upacinanto tissassa bhagavato kāle ekasmiṃ saddhāsampanne upāsakagehe nibbatto viññutaṃ patto ratanattaye pasanno bhagavatā tassa anukampāya dassitaṃ padacetiyaṃ disvā pasanno lomahaṭṭhajāto vandanapūjanādibahumānamakāsi. So teneva sukhette sukatena puññena tato cuto sagge nibbatto tattha dibbasukhamanubhavitvā aparabhāge manussesu jāto manussasampattiṃ sabbamanubhavitvā imasmiṃ buddhuppāde vibhavasampannakule nibbatto vuddhimanvāya saddhājāto pabbajitvā nacirasseva arahā ahosi, purākatapuññanāmena padasaññakattheroti pākaṭo.
5. со згад̣̇ивасам̣ ад̇д̇ано буб̣б̣агаммам̣ сарид̇ваа буб̣б̣ажарид̇аабад̣̇аанам̣ багаасзнд̇о агганд̇ан̃жа бад̣̇ам̣ д̣̇исваад̇иаад̣̇имааха. д̇ад̇т̇а агганд̇анд̇и аггамид̇ам̣ д̣̇ассид̇ам̣. саб̣б̣аб̣уд̣̇д̇хаанам̣ саб̣б̣ад̣̇аа жад̇уран̇г̇улобариязва г̇аманам̣, аяам̣ бана д̇асса сад̣̇д̇хаасамбаннад̇ам̣ н̃ад̇ваа ‘‘зсо имам̣ бассад̇уу’’д̇и бад̣̇ажзд̇ияам̣ д̣̇ассзси, д̇асмаа со д̇асмим̣ басийд̣̇ид̇ваа ванд̣̇анабууж̇анаад̣̇исаггаарамагаасийд̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
5. So ekadivasaṃ attano pubbakammaṃ saritvā pubbacaritāpadānaṃ pakāsento akkantañca padaṃ disvātiādimāha. Tattha akkantanti akkamitaṃ dassitaṃ. Sabbabuddhānaṃ sabbadā caturaṅgulopariyeva gamanaṃ, ayaṃ pana tassa saddhāsampannataṃ ñatvā ‘‘eso imaṃ passatū’’ti padacetiyaṃ dassesi, tasmā so tasmiṃ pasīditvā vandanapūjanādisakkāramakāsīti attho. Sesaṃ sabbattha uttānatthamevāti.
бад̣̇асан̃н̃агад̇т̇зраабад̣̇аанаван̣н̣анаа самад̇д̇аа.
Padasaññakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. бад̣̇асан̃н̃агад̇т̇зраабад̣̇аанам̣ • 2. Padasaññakattheraapadānaṃ
