| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਪਦਸਞ੍ਞਕਤ੍ਥੇਰਅਪਦਾਨવਣ੍ਣਨਾ
2. Padasaññakattheraapadānavaṇṇanā
ਅਕ੍ਕਨ੍ਤਞ੍ਚ ਪਦਂ ਦਿਸ੍વਾਤਿਆਦਿਕਂ ਆਯਸ੍ਮਤੋ ਪਦਸਞ੍ਞਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਉਪ੍ਪਨ੍ਨੁਪ੍ਪਨ੍ਨਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਤਿਸ੍ਸਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਸਦ੍ਧਾਸਮ੍ਪਨ੍ਨੇ ਉਪਾਸਕਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਰਤਨਤ੍ਤਯੇ ਪਸਨ੍ਨੋ ਭਗવਤਾ ਤਸ੍ਸ ਅਨੁਕਮ੍ਪਾਯ ਦਸ੍ਸਿਤਂ ਪਦਚੇਤਿਯਂ ਦਿਸ੍વਾ ਪਸਨ੍ਨੋ ਲੋਮਹਟ੍ਠਜਾਤੋ વਨ੍ਦਨਪੂਜਨਾਦਿਬਹੁਮਾਨਮਕਾਸਿ। ਸੋ ਤੇਨੇવ ਸੁਖੇਤ੍ਤੇ ਸੁਕਤੇਨ ਪੁਞ੍ਞੇਨ ਤਤੋ ਚੁਤੋ ਸਗ੍ਗੇ ਨਿਬ੍ਬਤ੍ਤੋ ਤਤ੍ਥ ਦਿਬ੍ਬਸੁਖਮਨੁਭવਿਤ੍વਾ ਅਪਰਭਾਗੇ ਮਨੁਸ੍ਸੇਸੁ ਜਾਤੋ ਮਨੁਸ੍ਸਸਮ੍ਪਤ੍ਤਿਂ ਸਬ੍ਬਮਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਦ੍ਧਾਜਾਤੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ, ਪੁਰਾਕਤਪੁਞ੍ਞਨਾਮੇਨ ਪਦਸਞ੍ਞਕਤ੍ਥੇਰੋਤਿ ਪਾਕਟੋ।
Akkantañca padaṃ disvātiādikaṃ āyasmato padasaññakattherassa apadānaṃ. Ayampi purimabuddhesu katādhikāro uppannuppannabhave vivaṭṭūpanissayāni puññāni upacinanto tissassa bhagavato kāle ekasmiṃ saddhāsampanne upāsakagehe nibbatto viññutaṃ patto ratanattaye pasanno bhagavatā tassa anukampāya dassitaṃ padacetiyaṃ disvā pasanno lomahaṭṭhajāto vandanapūjanādibahumānamakāsi. So teneva sukhette sukatena puññena tato cuto sagge nibbatto tattha dibbasukhamanubhavitvā aparabhāge manussesu jāto manussasampattiṃ sabbamanubhavitvā imasmiṃ buddhuppāde vibhavasampannakule nibbatto vuddhimanvāya saddhājāto pabbajitvā nacirasseva arahā ahosi, purākatapuññanāmena padasaññakattheroti pākaṭo.
੫. ਸੋ ਏਕਦਿવਸਂ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਕ੍ਕਨ੍ਤਞ੍ਚ ਪਦਂ ਦਿਸ੍વਾਤਿਆਦਿਮਾਹ। ਤਤ੍ਥ ਅਕ੍ਕਨ੍ਤਨ੍ਤਿ ਅਕ੍ਕਮਿਤਂ ਦਸ੍ਸਿਤਂ। ਸਬ੍ਬਬੁਦ੍ਧਾਨਂ ਸਬ੍ਬਦਾ ਚਤੁਰਙ੍ਗੁਲੋਪਰਿਯੇવ ਗਮਨਂ, ਅਯਂ ਪਨ ਤਸ੍ਸ ਸਦ੍ਧਾਸਮ੍ਪਨ੍ਨਤਂ ਞਤ੍વਾ ‘‘ਏਸੋ ਇਮਂ ਪਸ੍ਸਤੂ’’ਤਿ ਪਦਚੇਤਿਯਂ ਦਸ੍ਸੇਸਿ, ਤਸ੍ਮਾ ਸੋ ਤਸ੍ਮਿਂ ਪਸੀਦਿਤ੍વਾ વਨ੍ਦਨਪੂਜਨਾਦਿਸਕ੍ਕਾਰਮਕਾਸੀਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
5. So ekadivasaṃ attano pubbakammaṃ saritvā pubbacaritāpadānaṃ pakāsento akkantañca padaṃ disvātiādimāha. Tattha akkantanti akkamitaṃ dassitaṃ. Sabbabuddhānaṃ sabbadā caturaṅgulopariyeva gamanaṃ, ayaṃ pana tassa saddhāsampannataṃ ñatvā ‘‘eso imaṃ passatū’’ti padacetiyaṃ dassesi, tasmā so tasmiṃ pasīditvā vandanapūjanādisakkāramakāsīti attho. Sesaṃ sabbattha uttānatthamevāti.
ਪਦਸਞ੍ਞਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Padasaññakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਪਦਸਞ੍ਞਕਤ੍ਥੇਰਅਪਦਾਨਂ • 2. Padasaññakattheraapadānaṃ
