| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
4. бад̣̇асод̇хаммасигкаабад̣̇аван̣н̣анаа
4. Padasodhammasikkhāpadavaṇṇanā
44. жад̇уд̇т̇асигкаабад̣̇з – аббад̇иссаад̇и аббад̇иссаваа. убаасагаад̇и вуд̇д̇з важанамби на сод̇угаамаа; анаад̣̇араад̇и ад̇т̇о. аббад̇иссаяаа ваа анийжавуд̇д̇инод̇и ад̇т̇о. асабхааг̇авуд̇д̇игаад̇и висабхааг̇аж̇ийвигаа, яат̇аа бхигкуусу вад̇д̇ид̇аб̣б̣ам̣; звам̣ аббавад̇д̇авуд̇д̇инод̇и ад̇т̇о.
44. Catutthasikkhāpade – appatissāti appatissavā. Upāsakāti vutte vacanampi na sotukāmā; anādarāti attho. Appatissayā vā anīcavuttinoti attho. Asabhāgavuttikāti visabhāgajīvikā, yathā bhikkhūsu vattitabbaṃ; evaṃ appavattavuttinoti attho.
45. бад̣̇асо д̇хаммам̣ ваажзяяаад̇и згад̇о бад̣̇ам̣ бад̣̇ам̣ д̇хаммам̣ ваажзяяа; годтаасам̣ годтаасам̣ ваажзяяаад̇и ад̇т̇о. яасмаа бана д̇ам̣ годтаасанаамагам̣ бад̣̇ам̣ жад̇уб̣б̣ид̇хам̣ ход̇и, д̇асмаа д̇ам̣ д̣̇ассзд̇ум̣ ‘‘бад̣̇ам̣ анубад̣̇ам̣ анвагкарам̣ ануб̣яан̃ж̇ана’’нд̇и бад̣̇абхааж̇анам̣ вуд̇д̇ам̣. д̇ад̇т̇а бад̣̇анд̇и зго г̇аат̇аабаад̣̇о ад̇хиббзд̇о. анубад̣̇анд̇и д̣̇уд̇ияабаад̣̇о. анвагкаранд̇и згзгамагкарам̣. ануб̣яан̃ж̇ананд̇и буримаб̣яан̃ж̇анзна сад̣̇исам̣ бажчааб̣яан̃ж̇анам̣. яам̣ гин̃жи ваа згамагкарам̣ анвагкарам̣, агкарасамуухо ануб̣яан̃ж̇анам̣, агкараануб̣яан̃ж̇анасамуухо бад̣̇ам̣. батамабад̣̇ам̣ бад̣̇амзва, д̣̇уд̇ияам̣ анубад̣̇анд̇и звамзд̇т̇а наанаагаран̣ам̣ взд̣̇ид̇аб̣б̣ам̣.
45.Padaso dhammaṃ vāceyyāti ekato padaṃ padaṃ dhammaṃ vāceyya; koṭṭhāsaṃ koṭṭhāsaṃ vāceyyāti attho. Yasmā pana taṃ koṭṭhāsanāmakaṃ padaṃ catubbidhaṃ hoti, tasmā taṃ dassetuṃ ‘‘padaṃ anupadaṃ anvakkharaṃ anubyañjana’’nti padabhājanaṃ vuttaṃ. Tattha padanti eko gāthāpādo adhippeto. Anupadanti dutiyapādo. Anvakkharanti ekekamakkharaṃ. Anubyañjananti purimabyañjanena sadisaṃ pacchābyañjanaṃ. Yaṃ kiñci vā ekamakkharaṃ anvakkharaṃ, akkharasamūho anubyañjanaṃ, akkharānubyañjanasamūho padaṃ. Paṭhamapadaṃ padameva, dutiyaṃ anupadanti evamettha nānākaraṇaṃ veditabbaṃ.
ид̣̇аани бад̣̇ам̣ наама згад̇о бадтабзд̇ваа згад̇о осаабзнд̇ийд̇и г̇аат̇ааб̣анд̇хам̣ д̇хаммам̣ ваажзнд̇о ‘‘манобуб̣б̣ан̇г̇амаа д̇хаммаа’’д̇и згамзгам̣ бад̣̇ам̣ сааман̣зрзна сад̣̇д̇хим̣ згад̇о аарабхид̇ваа згад̇оязва нидтаабзд̇и. звам̣ ваажзнд̇асса бад̣̇аг̇ан̣анааяа баажид̇д̇ияаа взд̣̇ид̇аб̣б̣аа. анубад̣̇ам̣ наама баадзггам̣ бадтабзд̇ваа згад̇о осаабзнд̇ийд̇и т̇зрзна ‘‘манобуб̣б̣ан̇г̇амаа д̇хаммаа’’д̇и вуд̇д̇з сааман̣зро д̇ам̣ бад̣̇ам̣ абаабун̣ид̇ваа ‘‘маносздтаа маномаяаа’’д̇и д̣̇уд̇ияабад̣̇ам̣ згад̇о бхан̣ад̇и, имз баадзггам̣ бадтабзд̇ваа згад̇о осаабзнд̇и наама. звам̣ ваажзнд̇ассааби анубад̣̇аг̇ан̣анааяа баажид̇д̇ияаа. анвагкарам̣ наама руубам̣ анижжанд̇и вужжамаано ‘‘руу’’д̇и обаад̇зд̇ийд̇и ‘‘руубам̣ анижжанд̇и бхан̣а сааман̣зраа’’д̇и вужжамаано руугаарамад̇д̇амзва згад̇о вад̇ваа д̇идтад̇и. звам̣ ваажзнд̇ассааби анвагкараг̇ан̣анааяа баажид̇д̇ияаа. г̇аат̇ааб̣анд̇хзби жа зса наяо лаб̣бхад̇иязва. ануб̣яан̃ж̇анам̣ наама руубам̣ анижжанд̇и вужжамаано взд̣̇анаа анижжаад̇и сад̣̇д̣̇ам̣ нижчаарзд̇ийд̇и ‘‘руубам̣, бхигкавз, анижжам̣, взд̣̇анаа анижжаа’’д̇и имам̣ суд̇д̇ам̣ ваажаяамаано т̇зрзна ‘‘руубам̣ анижжа’’нд̇и вужжамаано сааман̣зро сийгхабан̃н̃ад̇ааяа ‘‘взд̣̇анаа анижжаа’’д̇и имам̣ анижжабад̣̇ам̣ т̇зрасса ‘‘руубам̣ анижжа’’нд̇и зд̇зна анижжабад̣̇зна сад̣̇д̇хим̣ згад̇о бхан̣анд̇о ваажам̣ нижчаарзд̇и. звам̣ ваажзнд̇ассааби ануб̣яан̃ж̇анаг̇ан̣анааяа баажид̇д̇ияаа. аяам̣ банзд̇т̇а сан̇кзбо – имзсу бад̣̇аад̣̇ийсу яам̣ яам̣ згад̇о бхан̣ад̇и д̇зна д̇зна аабад̇д̇им̣ аабаж̇ж̇ад̇ийд̇и.
Idāni padaṃ nāma ekato paṭṭhapetvā ekato osāpentīti gāthābandhaṃ dhammaṃ vācento ‘‘manopubbaṅgamā dhammā’’ti ekamekaṃ padaṃ sāmaṇerena saddhiṃ ekato ārabhitvā ekatoyeva niṭṭhāpeti. Evaṃ vācentassa padagaṇanāya pācittiyā veditabbā. Anupadaṃ nāma pāṭekkaṃ paṭṭhapetvā ekato osāpentīti therena ‘‘manopubbaṅgamā dhammā’’ti vutte sāmaṇero taṃ padaṃ apāpuṇitvā ‘‘manoseṭṭhā manomayā’’ti dutiyapadaṃ ekato bhaṇati, ime pāṭekkaṃ paṭṭhapetvā ekato osāpenti nāma. Evaṃ vācentassāpi anupadagaṇanāya pācittiyā. Anvakkharaṃ nāma rūpaṃ aniccantivuccamāno ‘‘rū’’ti opātetīti ‘‘rūpaṃ aniccanti bhaṇa sāmaṇerā’’ti vuccamāno rūkāramattameva ekato vatvā tiṭṭhati. Evaṃ vācentassāpi anvakkharagaṇanāya pācittiyā. Gāthābandhepi ca esa nayo labbhatiyeva. Anubyañjanaṃ nāma rūpaṃ aniccanti vuccamāno vedanā aniccāti saddaṃ nicchāretīti ‘‘rūpaṃ, bhikkhave, aniccaṃ, vedanā aniccā’’ti imaṃ suttaṃ vācayamāno therena ‘‘rūpaṃ anicca’’nti vuccamāno sāmaṇero sīghapaññatāya ‘‘vedanā aniccā’’ti imaṃ aniccapadaṃ therassa ‘‘rūpaṃ anicca’’nti etena aniccapadena saddhiṃ ekato bhaṇanto vācaṃ nicchāreti. Evaṃ vācentassāpi anubyañjanagaṇanāya pācittiyā. Ayaṃ panettha saṅkhepo – imesu padādīsu yaṃ yaṃ ekato bhaṇati tena tena āpattiṃ āpajjatīti.
б̣уд̣̇д̇хабхаасид̇од̇и сагалам̣ винаяабидагам̣ абхид̇хаммабидагам̣ д̇хаммабад̣̇ам̣ жарияаабидагам̣ уд̣̇аанам̣ ид̇ивуд̇д̇агам̣ ж̇аад̇агам̣ суд̇д̇анибаад̇о вимаанавад̇т̇у бзд̇авад̇т̇у б̣рахмаж̇аалаад̣̇ийни жа суд̇д̇аани. саавагабхаасид̇од̇и жад̇убарисабарияаабаннзхи саавагзхи бхаасид̇о анан̇г̇ан̣асаммаад̣̇идтианумаанасуд̇д̇ажул̣авзд̣̇алламахаавзд̣̇аллаад̣̇иго. исибхаасид̇од̇и б̣аахирабариб̣б̣ааж̇агзхи бхаасид̇о сагало бариб̣б̣ааж̇агаваг̇г̇о, б̣ааварияасса анд̇зваасигаанам̣ сол̣асаннам̣ б̣раахман̣аанам̣ бужчаад̇и звамаад̣̇и. д̣̇звад̇аабхаасид̇од̇и д̣̇звад̇аахи бхаасид̇о; со д̣̇звад̇аасам̣яуд̇д̇ад̣̇звабуд̇д̇асам̣яуд̇д̇амаарасам̣яуд̇д̇аб̣рахмасам̣яуд̇д̇асаггасам̣яуд̇д̇аад̣̇ивасзна взд̣̇ид̇аб̣б̣о.
Buddhabhāsitoti sakalaṃ vinayapiṭakaṃ abhidhammapiṭakaṃ dhammapadaṃ cariyāpiṭakaṃ udānaṃ itivuttakaṃ jātakaṃ suttanipāto vimānavatthu petavatthu brahmajālādīni ca suttāni. Sāvakabhāsitoti catuparisapariyāpannehi sāvakehi bhāsito anaṅgaṇasammādiṭṭhianumānasuttacuḷavedallamahāvedallādiko. Isibhāsitoti bāhiraparibbājakehi bhāsito sakalo paribbājakavaggo, bāvariyassa antevāsikānaṃ soḷasannaṃ brāhmaṇānaṃ pucchāti evamādi. Devatābhāsitoti devatāhi bhāsito; so devatāsaṃyuttadevaputtasaṃyuttamārasaṃyuttabrahmasaṃyuttasakkasaṃyuttādivasena veditabbo.
ад̇т̇уубасан̃хид̇од̇и адтагат̇ааниссид̇о. д̇хаммуубасан̃хид̇од̇и баал̣иниссид̇о; убхаязнааби виваддуубаниссид̇амзва вад̣̇ад̇и. гин̃жааби виваддуубаниссид̇ам̣ вад̣̇ад̇и, д̇иссо сан̇г̇ийд̇ияо аарул̣хад̇хаммам̣язва бана бад̣̇асо ваажзнд̇асса аабад̇д̇и . виваддуубаниссид̇зби наанаабхаасаавасзна г̇аат̇аасилогаб̣анд̇хаад̣̇ийхи абхисан̇кад̇з анаабад̇д̇и. д̇иссо сан̇г̇ийд̇ияо анаарул̣хзби гулумб̣асуд̇д̇ам̣ рааж̇оваад̣̇асуд̇д̇ам̣ д̇игкинд̣̇рияам̣ жад̇убариваддам̣ нанд̣̇обананд̣̇анд̇и ийд̣̇исз аабад̇д̇иязва. абалаалад̣̇аманамби вуд̇д̇ам̣, махаабажжарияамбана бадисид̣̇д̇хам̣. мзн̣д̣агамилинд̣̇абан̃хзсу т̇зрасса сагабадибхаанз анаабад̇д̇и, яам̣ ран̃н̃о сан̃н̃аабанад̇т̇ам̣ аахарид̇ваа вуд̇д̇ам̣, д̇ад̇т̇а аабад̇д̇и. ван̣н̣абидагаан̇г̇улимаалабидагарадтабаалаг̇ааж̇ад̇ааал̣авагаг̇аж̇ж̇ид̇аг̇ул̣хамаг̇г̇аг̇ул̣хавзссанд̇араг̇ул̣хавинаяавзд̣̇аллабидагаани бана аб̣уд̣̇д̇хаважанааниязваад̇и вуд̇д̇ам̣. сийлуубад̣̇зсо наама д̇хаммасзнаабад̇инаа вуд̇д̇од̇и вад̣̇анд̇и, д̇асмим̣ аабад̇д̇иязва. ан̃н̃ааниби маг̇г̇агат̇аааарамман̣агат̇ааб̣уд̣̇д̇хигад̣̇ан̣д̣ага н̃аан̣авад̇т̇уасубхагат̇аад̣̇ийни ад̇т̇и, д̇зсу сад̇д̇ад̇им̣са б̣од̇хибагкияад̇хаммаа вибхад̇д̇аа, д̇худ̇ан̇г̇абан̃хз бадибад̣̇аа вибхад̇д̇аа; д̇асмаа д̇зсу аабад̇д̇ийд̇и вуд̇д̇ам̣. махаабажжарияаад̣̇ийсу бана сан̇г̇ийд̇им̣ анаарул̣хзсу рааж̇оваад̣̇ад̇игкинд̣̇рияажад̇убариваддананд̣̇обананд̣̇агулумб̣асуд̇д̇зсуязва аабад̇д̇ийд̇и вад̇ваа авасзсзсу яам̣ б̣уд̣̇д̇хаважанад̇о аахарид̇ваа вуд̇д̇ам̣, д̇ад̣̇зва аабад̇д̇ивад̇т̇у ход̇и, на ид̇аранд̇и аяамад̇т̇о бариг̇г̇ахид̇о.
Atthūpasañhitoti aṭṭhakathānissito. Dhammūpasañhitoti pāḷinissito; ubhayenāpi vivaṭṭūpanissitameva vadati. Kiñcāpi vivaṭṭūpanissitaṃ vadati, tisso saṅgītiyo āruḷhadhammaṃyeva pana padaso vācentassa āpatti . Vivaṭṭūpanissitepi nānābhāsāvasena gāthāsilokabandhādīhi abhisaṅkhate anāpatti. Tisso saṅgītiyo anāruḷhepi kulumbasuttaṃ rājovādasuttaṃ tikkhindriyaṃ catuparivaṭṭaṃ nandopanandanti īdise āpattiyeva. Apalāladamanampi vuttaṃ, mahāpaccariyampana paṭisiddhaṃ. Meṇḍakamilindapañhesu therassa sakapaṭibhāne anāpatti, yaṃ rañño saññāpanatthaṃ āharitvā vuttaṃ, tattha āpatti. Vaṇṇapiṭakaaṅgulimālapiṭakaraṭṭhapālagaajataāḷavakagajjitaguḷhamaggaguḷhavessantaraguḷhavinayavedallapiṭakāni pana abuddhavacanāniyevāti vuttaṃ. Sīlūpadeso nāma dhammasenāpatinā vuttoti vadanti, tasmiṃ āpattiyeva. Aññānipi maggakathāārammaṇakathābuddhikadaṇḍaka ñāṇavatthuasubhakathādīni atthi, tesu sattatiṃsa bodhipakkhiyadhammā vibhattā, dhutaṅgapañhe paṭipadā vibhattā; tasmā tesu āpattīti vuttaṃ. Mahāpaccariyādīsu pana saṅgītiṃ anāruḷhesu rājovādatikkhindriyacatuparivaṭṭanandopanandakulumbasuttesuyeva āpattīti vatvā avasesesu yaṃ buddhavacanato āharitvā vuttaṃ, tadeva āpattivatthu hoti, na itaranti ayamattho pariggahito.
48. згад̇о уд̣̇д̣̇исаабзнд̇од̇и анубасамбаннзна сад̣̇д̇хим̣ згад̇о уд̣̇д̣̇зсам̣ г̇ан̣ханд̇оби згад̇о вад̣̇ад̇и анаабад̇д̇ийд̇и ад̇т̇о.
48.Ekato uddisāpentoti anupasampannena saddhiṃ ekato uddesaṃ gaṇhantopi ekato vadati anāpattīti attho.
д̇ад̇рааяам̣ винижчаяо – убасамбанно жа анубасамбанно жа нисийд̣̇ид̇ваа уд̣̇д̣̇исаабзнд̇и. аажарияо нисиннаанам̣ бхан̣аамийд̇и д̇зхи сад̣̇д̇хим̣ згад̇о вад̣̇ад̇и, аажарияасса аабад̇д̇и. анубасамбаннзна сад̣̇д̇хим̣ г̇ан̣ханд̇асса анаабад̇д̇и. д̣̇взби тид̇аа г̇ан̣ханд̇и, зсзва наяо. д̣̇ахарабхигку нисинно, сааман̣зро тид̇о, нисиннасса бхан̣аамийд̇и бхан̣ад̇о анаабад̇д̇и. сажз д̣̇ахаро д̇идтад̇и, ид̇аро нисийд̣̇ад̇и, тид̇асса бхан̣аамийд̇и бхан̣ад̇оби анаабад̇д̇и. сажз б̣ахуунам̣ бхигкуунам̣ анд̇арз зго сааман̣зро нисинно ход̇и, д̇асмим̣ нисиннз бад̣̇асо д̇хаммам̣ ваажзнд̇асса аажарияасса ажид̇д̇агаабад̇д̇и. сажз сааман̣зро убажаарам̣ мун̃жид̇ваа тид̇о ваа нисинно ваа ход̇и, язсам̣ ваажзд̇и, д̇зсу абарияаабаннад̇д̇аа згзна д̣̇исаабхааг̇зна балааяанагаг̇ант̇ам̣ наама г̇ан̣хаад̇ийд̇и сан̇кяам̣ г̇ажчад̇и, д̇асмаа анаабад̇д̇и. згад̇о саж̇жхааяам̣ гаронд̇оби анубасамбаннзна сад̣̇д̇хим̣ убасамбанно згад̇о саж̇жхааяам̣ гаронд̇о д̇зна сад̣̇д̇хим̣язва бхан̣ад̇и, анаабад̇д̇и. анубасамбаннасса санд̇игз уд̣̇д̣̇зсам̣ г̇ан̣ханд̇ассаби д̇зна сад̣̇д̇хим̣ згад̇о бхан̣анд̇асса анаабад̇д̇и. аяамби хи згад̇о саж̇жхааяам̣ гарод̇ижжзва сан̇кяам̣ г̇ажчад̇и.
Tatrāyaṃ vinicchayo – upasampanno ca anupasampanno ca nisīditvā uddisāpenti. Ācariyo nisinnānaṃ bhaṇāmīti tehi saddhiṃ ekato vadati, ācariyassa āpatti. Anupasampannena saddhiṃ gaṇhantassa anāpatti. Dvepi ṭhitā gaṇhanti, eseva nayo. Daharabhikkhu nisinno, sāmaṇero ṭhito, nisinnassa bhaṇāmīti bhaṇato anāpatti. Sace daharo tiṭṭhati, itaro nisīdati, ṭhitassa bhaṇāmīti bhaṇatopi anāpatti. Sace bahūnaṃ bhikkhūnaṃ antare eko sāmaṇero nisinno hoti, tasmiṃ nisinne padaso dhammaṃ vācentassa ācariyassa acittakāpatti. Sace sāmaṇero upacāraṃ muñcitvā ṭhito vā nisinno vā hoti, yesaṃ vāceti, tesu apariyāpannattā ekena disābhāgena palāyanakaganthaṃ nāma gaṇhātīti saṅkhyaṃ gacchati, tasmā anāpatti. Ekato sajjhāyaṃ karontopi anupasampannena saddhiṃ upasampanno ekato sajjhāyaṃ karonto tena saddhiṃyeva bhaṇati, anāpatti. Anupasampannassa santike uddesaṃ gaṇhantassapi tena saddhiṃ ekato bhaṇantassa anāpatti. Ayampi hi ekato sajjhāyaṃ karoticceva saṅkhyaṃ gacchati.
язбхуяязна баг̇ун̣ам̣ г̇ант̇ам̣ бхан̣анд̇ам̣ обаад̇зд̇ийд̇и сажз згаг̇аат̇ааяа зго баад̣̇о на ааг̇ажчад̇и, сзсам̣ ааг̇ажчад̇и, аяам̣ язбхуяязна баг̇ун̣аг̇ант̇о наама. зд̇зна наязна суд̇д̇зби взд̣̇ид̇аб̣б̣о. д̇ам̣ обаад̇знд̇асса звам̣ бхан̣аахийд̇и згад̇оби бхан̣анд̇асса анаабад̇д̇и. осаарзнд̇ам̣ обаад̇зд̇ийд̇и суд̇д̇ам̣ ужжаарзнд̇ам̣ барисамаж̇жхз барисан̇гамаанам̣ звам̣ вад̣̇зхийд̇и д̇зна сад̣̇д̇хим̣ згад̇оби вад̣̇анд̇асса анаабад̇д̇и. яам̣ бана махаабажжарияаад̣̇ийсу ‘‘маяаа сад̣̇д̇хим̣ маа вад̣̇аа’’д̇и вуд̇д̇о яад̣̇и вад̣̇ад̇и, ‘‘анаабад̇д̇ий’’д̇и вуд̇д̇ам̣, д̇ам̣ махааадтагат̇ааяам̣ над̇т̇и, над̇т̇ибхаавоязва жасса яуд̇д̇о. гасмаа? гирияасамудтаанад̇д̇аа. ид̇арат̇аа хи гирияаагирияам̣ бхавзяяа. сзсам̣ уд̇д̇аанад̇т̇амзва.
Yebhuyyena paguṇaṃ ganthaṃ bhaṇantaṃ opātetīti sace ekagāthāya eko pādo na āgacchati, sesaṃ āgacchati, ayaṃ yebhuyyena paguṇagantho nāma. Etena nayena suttepi veditabbo. Taṃ opātentassa evaṃ bhaṇāhīti ekatopi bhaṇantassa anāpatti. Osārentaṃ opātetīti suttaṃ uccārentaṃ parisamajjhe parisaṅkamānaṃ evaṃ vadehīti tena saddhiṃ ekatopi vadantassa anāpatti. Yaṃ pana mahāpaccariyādīsu ‘‘mayā saddhiṃ mā vadā’’ti vutto yadi vadati, ‘‘anāpattī’’ti vuttaṃ, taṃ mahāaṭṭhakathāyaṃ natthi, natthibhāvoyeva cassa yutto. Kasmā? Kiriyasamuṭṭhānattā. Itarathā hi kiriyākiriyaṃ bhaveyya. Sesaṃ uttānatthameva.
бад̣̇асод̇хаммасамудтаанам̣ – ваажад̇о жа ваажаажид̇д̇ад̇о жа самудтаад̇и, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, важийгаммам̣, д̇ижид̇д̇ам̣, д̇ивзд̣̇ананд̇и.
Padasodhammasamuṭṭhānaṃ – vācato ca vācācittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, vacīkammaṃ, ticittaṃ, tivedananti.
бад̣̇асод̇хаммасигкаабад̣̇ам̣ жад̇уд̇т̇ам̣.
Padasodhammasikkhāpadaṃ catutthaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. бад̣̇асод̇хаммасигкаабад̣̇ам̣ • 4. Padasodhammasikkhāpadaṃ
