| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. бад̣̇асод̇хаммасигкаабад̣̇аван̣н̣анаа
4. Padasodhammasikkhāpadavaṇṇanā
бад̣̇асо д̇хаммам̣ ваажзяяаад̇и згад̇о бад̣̇ам̣ бад̣̇ам̣ д̇хаммам̣ ваажзяяа, годтаасам̣ годтаасам̣ ваажзяяаад̇и ад̇т̇о. яасмаа на гзвалам̣ д̇иссо сан̇г̇ийд̇ияо аарул̣хад̇хаммам̣язва бад̣̇асо ваажзнд̇асса аабад̇д̇и, д̇асмаа ‘‘сан̇г̇ийд̇ид̇д̇аяам̣ анаарул̣хамбий’’д̇иаад̣̇и вуд̇д̇ам̣. аад̣̇и-сад̣̇д̣̇зна (баажи. адта. 45) сийлуубад̣̇зса д̇худ̇ан̇г̇абан̃хааарамман̣агат̇аа б̣уд̣̇д̇хигад̣̇ан̣д̣аган̃н̃аан̣авад̇т̇уасубхагат̇аад̣̇ийнам̣ г̇ахан̣ам̣. мзн̣д̣агамилинд̣̇абан̃хзсу т̇зрасса сагаббадибхаанз анаабад̇д̇и. яам̣ ран̃н̃о сан̃н̃аабанад̇т̇ам̣ аахарид̇ваа вуд̇д̇ам̣, д̇ад̇т̇а аабад̇д̇и. ван̣н̣абидагаан̇г̇улимаалабидагарадтабаалаг̇аж̇ж̇ид̇ааал̣авагаг̇аж̇ж̇ид̇аг̇уул̣хамаг̇г̇аг̇уул̣хавзссанд̇араг̇уул̣хавинаяавзд̣̇аллабидагаад̣̇ийни бана аб̣уд̣̇д̇хаважанааниязва.
Padaso dhammaṃ vāceyyāti ekato padaṃ padaṃ dhammaṃ vāceyya, koṭṭhāsaṃ koṭṭhāsaṃ vāceyyāti attho. Yasmā na kevalaṃ tisso saṅgītiyo āruḷhadhammaṃyeva padaso vācentassa āpatti, tasmā ‘‘saṅgītittayaṃ anāruḷhampī’’tiādi vuttaṃ. Ādi-saddena (pāci. aṭṭha. 45) sīlūpadesa dhutaṅgapañhaārammaṇakathā buddhikadaṇḍakaññāṇavatthuasubhakathādīnaṃ gahaṇaṃ. Meṇḍakamilindapañhesu therassa sakappaṭibhāne anāpatti. Yaṃ rañño saññāpanatthaṃ āharitvā vuttaṃ, tattha āpatti. Vaṇṇapiṭakaaṅgulimālapiṭakaraṭṭhapālagajjitaāḷavakagajjitagūḷhamaggagūḷhavessantaragūḷhavinayavedallapiṭakādīni pana abuddhavacanāniyeva.
яасмаа бана д̇ам̣ бад̣̇ам̣ жад̇уб̣б̣ид̇хам̣ ход̇и, д̇асмаа д̇ам̣ д̣̇ассзд̇ум̣ ‘‘бад̣̇аанубад̣̇аанвагкараануб̣яан̃ж̇анзсуу’’д̇и вуд̇д̇ам̣. д̇ад̇т̇а бад̣̇анд̇и зго г̇аат̇аабаад̣̇о ад̇хиббзд̇о. анубад̣̇анд̇и д̣̇уд̇ияабаад̣̇о. анвагкаранд̇и згзгам̣ агкарам̣. ануб̣яан̃ж̇ананд̇и буримаб̣яан̃ж̇анзна сад̣̇исам̣ бажчааб̣яан̃ж̇анам̣. яам̣ гин̃жи ваа згам̣ агкарам̣ анвагкарам̣. агкарасамуухо ануб̣яан̃ж̇анам̣. агкараануб̣яан̃ж̇анасамуухо бад̣̇ам̣. батамам̣ бад̣̇ам̣ бад̣̇амзва, д̣̇уд̇ияам̣ анубад̣̇анд̇и звамзд̇т̇а наанаагаран̣ам̣ взд̣̇ид̇аб̣б̣ам̣. зд̇зсу бад̣̇аад̣̇ийсу яам̣ ган̃жи годтаасам̣ бхигкун̃жа бхигкунин̃жа табзд̇ваа авасзсабуг̇г̇алзхи сад̣̇д̇хим̣ згад̇о бхан̣анд̇асса бад̣̇аад̣̇иг̇ан̣анааяа баажид̇д̇ияанд̇и самб̣анд̇хо.
Yasmā pana taṃ padaṃ catubbidhaṃ hoti, tasmā taṃ dassetuṃ ‘‘padānupadaanvakkharānubyañjanesū’’ti vuttaṃ. Tattha padanti eko gāthāpādo adhippeto. Anupadanti dutiyapādo. Anvakkharanti ekekaṃ akkharaṃ. Anubyañjananti purimabyañjanena sadisaṃ pacchābyañjanaṃ. Yaṃ kiñci vā ekaṃ akkharaṃ anvakkharaṃ. Akkharasamūho anubyañjanaṃ. Akkharānubyañjanasamūho padaṃ. Paṭhamaṃ padaṃ padameva, dutiyaṃ anupadanti evamettha nānākaraṇaṃ veditabbaṃ. Etesu padādīsu yaṃ kañci koṭṭhāsaṃ bhikkhuñca bhikkhuniñca ṭhapetvā avasesapuggalehi saddhiṃ ekato bhaṇantassa padādigaṇanāya pācittiyanti sambandho.
зд̇т̇а г̇аат̇ааб̣анд̇хзсу (баажи. адта. 45) д̇аава ‘‘манобуб̣б̣ан̇г̇амаа д̇хаммаа’’д̇и (д̇ха. ба. 1, 2) згамзгам̣ бад̣̇ам̣ сааман̣зрзна сад̣̇д̇хим̣ згад̇о аарабхид̇ваа згад̇оязва нидтаабзнд̇асса бад̣̇аг̇ан̣анааяа баажид̇д̇ияам̣. т̇зрзна ‘‘манобуб̣б̣ан̇г̇амаа д̇хаммаа’’д̇и вуд̇д̇з д̇ам̣ бад̣̇ам̣ абаабун̣ид̇ваа ‘‘маносздтаа маномаяаа’’д̇и важанагаалз бад̇д̇зна сааман̣зрзна згад̇о бхан̣анд̇асса анубад̣̇аг̇ан̣анааяа. ‘‘руубам̣ анижжа’’нд̇иаад̣̇и (ма. ни. 1.353, 356) важанагаалз д̇зна сад̣̇д̇хим̣ ‘‘руу’’ гаарамад̇д̇амзва ваажзнд̇асса анвагкараг̇ан̣анааяа. зса наяо г̇аат̇ааб̣анд̇хзби. ‘‘руубам̣, бхигкавз, анижжам̣, взд̣̇анаа анижжаа’’д̇и (ма. ни. 1.353, 356) имам̣ суд̇д̇ам̣ ваажаяамаано т̇зрзна ‘‘руубам̣ анижжа’’нд̇и вужжамаанз сааман̣зро сийгхабан̃н̃ад̇ааяа ‘‘взд̣̇анаа анижжаа’’д̇и имам̣ анижжабад̣̇ам̣ т̇зрасса ‘‘руубам̣ анижжа’’нд̇и зд̇зна анижжабад̣̇зна сад̣̇д̇хим̣ згад̇о бхан̣анд̇о ваажам̣ нижчаарзд̇и, звам̣ ваажзнд̇асса ануб̣яан̃ж̇анаг̇ан̣анааяа баажид̇д̇ияанд̇и взд̣̇ид̇аб̣б̣ам̣.
Ettha gāthābandhesu (pāci. aṭṭha. 45) tāva ‘‘manopubbaṅgamā dhammā’’ti (dha. pa. 1, 2) ekamekaṃ padaṃ sāmaṇerena saddhiṃ ekato ārabhitvā ekatoyeva niṭṭhāpentassa padagaṇanāya pācittiyaṃ. Therena ‘‘manopubbaṅgamā dhammā’’ti vutte taṃ padaṃ apāpuṇitvā ‘‘manoseṭṭhā manomayā’’ti vacanakāle pattena sāmaṇerena ekato bhaṇantassa anupadagaṇanāya. ‘‘Rūpaṃ anicca’’ntiādi (ma. ni. 1.353, 356) vacanakāle tena saddhiṃ ‘‘rū’’ kāramattameva vācentassa anvakkharagaṇanāya. Esa nayo gāthābandhepi. ‘‘Rūpaṃ, bhikkhave, aniccaṃ, vedanā aniccā’’ti (ma. ni. 1.353, 356) imaṃ suttaṃ vācayamāno therena ‘‘rūpaṃ anicca’’nti vuccamāne sāmaṇero sīghapaññatāya ‘‘vedanā aniccā’’ti imaṃ aniccapadaṃ therassa ‘‘rūpaṃ anicca’’nti etena aniccapadena saddhiṃ ekato bhaṇanto vācaṃ nicchāreti, evaṃ vācentassa anubyañjanagaṇanāya pācittiyanti veditabbaṃ.
д̇игабаажид̇д̇ияанд̇и анубасамбаннз анубасамбаннасан̃н̃ивзмад̇игаубасамбаннасан̃н̃ийнам̣ васзна д̇ийн̣и баажид̇д̇ияаани. анубасамбаннзна сад̣̇д̇хим̣ згад̇о уд̣̇д̣̇зсаг̇г̇ахан̣з згад̇о бхан̣анд̇асса анаабад̇д̇ийд̇и самб̣анд̇хо. зса наяо ‘‘саж̇жхааяагаран̣з, д̇асса санд̇игз уд̣̇д̣̇зсаг̇г̇ахан̣з’’д̇и зд̇т̇ааби. д̇ад̇рааяам̣ винижчаяо – убасамбанно жа анубасамбанно жа нисийд̣̇ид̇ваа уд̣̇д̣̇исаабзнд̇и. аажарияо ‘‘нисиннаанам̣ бхан̣аамий’’д̇и д̇зхи сад̣̇д̇хим̣ згад̇о вад̣̇ад̇и, аажарияассзва аабад̇д̇и. анубасамбаннзна сад̣̇д̇хим̣ г̇ан̣ханд̇асса анаабад̇д̇и. д̣̇взби тид̇аа г̇ан̣ханд̇и, зсзва наяо. д̣̇ахарабхигку нисинно, сааман̣зро тид̇о, ‘‘нисиннасса бхан̣аамий’’д̇и бхан̣ад̇о анаабад̇д̇и. сажз д̣̇ахаро д̇идтад̇и, ид̇аро нисийд̣̇ад̇и, ‘‘тид̇асса бхан̣аамий’’д̇и бхан̣ад̇оби анаабад̇д̇и. сажз б̣ахуунам̣ бхигкуунам̣ анд̇арз зго сааман̣зро нисинно ход̇и, д̇асмим̣ нисиннз бад̣̇асо д̇хаммам̣ ваажзнд̇асса ажид̇д̇агаа аабад̇д̇и. сажз сааман̣зро убажаарам̣ мун̃жид̇ваа тид̇о ваа нисинно ваа ход̇и, язсам̣ ваажзд̇и, д̇зсу абарияаабаннад̇д̇аа згзна д̣̇исаабхааг̇зна балааяанагаг̇ант̇ам̣ наама г̇ан̣хаад̇ийд̇и сан̇кам̣ г̇ажчад̇и, д̇асмаа анаабад̇д̇и.
Tikapācittiyanti anupasampanne anupasampannasaññivematikaupasampannasaññīnaṃ vasena tīṇi pācittiyāni. Anupasampannena saddhiṃ ekato uddesaggahaṇe ekato bhaṇantassa anāpattīti sambandho. Esa nayo ‘‘sajjhāyakaraṇe, tassa santike uddesaggahaṇe’’ti etthāpi. Tatrāyaṃ vinicchayo – upasampanno ca anupasampanno ca nisīditvā uddisāpenti. Ācariyo ‘‘nisinnānaṃ bhaṇāmī’’ti tehi saddhiṃ ekato vadati, ācariyasseva āpatti. Anupasampannena saddhiṃ gaṇhantassa anāpatti. Dvepi ṭhitā gaṇhanti, eseva nayo. Daharabhikkhu nisinno, sāmaṇero ṭhito, ‘‘nisinnassa bhaṇāmī’’ti bhaṇato anāpatti. Sace daharo tiṭṭhati, itaro nisīdati, ‘‘ṭhitassa bhaṇāmī’’ti bhaṇatopi anāpatti. Sace bahūnaṃ bhikkhūnaṃ antare eko sāmaṇero nisinno hoti, tasmiṃ nisinne padaso dhammaṃ vācentassa acittakā āpatti. Sace sāmaṇero upacāraṃ muñcitvā ṭhito vā nisinno vā hoti, yesaṃ vāceti, tesu apariyāpannattā ekena disābhāgena palāyanakaganthaṃ nāma gaṇhātīti saṅkhaṃ gacchati, tasmā anāpatti.
саж̇жхааяагаран̣зд̇и анубасамбаннзна сад̣̇д̇хим̣ згад̇о саж̇жхааяагаран̣з. д̇асса санд̇игз уд̣̇д̣̇зсаг̇г̇ахан̣зд̇и анубасамбаннасса санд̇игз уд̣̇д̣̇зсаг̇г̇ахан̣з. язбхуяязна баг̇ун̣аг̇ант̇ам̣ бхан̣анд̇ассаад̇и сажз згаг̇аат̇ааяа зго баад̣̇о нааг̇ажчад̇и, авасзсаа ааг̇ажчанд̇и, аяам̣ язбхуяязна баг̇ун̣аг̇ант̇о наама. зд̇зна наязна суд̇д̇зби взд̣̇ид̇аб̣б̣о, д̇ам̣ бхан̣анд̇асса. осаарзнд̇асса жаад̇и барисаамаж̇жхз суд̇д̇ам̣ ужжаарзнд̇асса жа.
Sajjhāyakaraṇeti anupasampannena saddhiṃ ekato sajjhāyakaraṇe. Tassa santike uddesaggahaṇeti anupasampannassa santike uddesaggahaṇe. Yebhuyyena paguṇaganthaṃ bhaṇantassāti sace ekagāthāya eko pādo nāgacchati, avasesā āgacchanti, ayaṃ yebhuyyena paguṇagantho nāma. Etena nayena suttepi veditabbo, taṃ bhaṇantassa. Osārentassa cāti parisāmajjhe suttaṃ uccārentassa ca.
бад̣̇асод̇хаммасигкаабад̣̇аван̣н̣анаа нидтид̇аа.
Padasodhammasikkhāpadavaṇṇanā niṭṭhitā.
