| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. бад̣̇асод̇хаммасигкаабад̣̇аван̣н̣анаа
4. Padasodhammasikkhāpadavaṇṇanā
45. жад̇уд̇т̇з згад̇од̇и анубасамбаннзна сад̣̇д̇хим̣. буримаб̣яан̃ж̇анзна сад̣̇исам̣ бажчааб̣яан̃ж̇ананд̇и ‘‘руубам̣ анижжа’’нд̇и зд̇т̇а анижжа-сад̣̇д̣̇зна сад̣̇исам̣ ‘‘взд̣̇анаа анижжаа’’д̇и зд̇т̇а анижжа-сад̣̇д̣̇ам̣ вад̣̇ад̇и. агкарасамууход̇и авибхад̇д̇иго агкарасамуухо. агкараануб̣яан̃ж̇анасамуухо бад̣̇анд̇и вибхад̇д̇ианд̇ам̣ бад̣̇амааха. вибхад̇д̇ианд̇амзва бад̣̇ам̣ г̇ахзд̇ваа ‘‘батамабад̣̇ам̣ бад̣̇амзва, д̣̇уд̇ияам̣ анубад̣̇а’’нд̇и вуд̇д̇ам̣.
45. Catutthe ekatoti anupasampannena saddhiṃ. Purimabyañjanena sadisaṃ pacchābyañjananti ‘‘rūpaṃ anicca’’nti ettha anicca-saddena sadisaṃ ‘‘vedanā aniccā’’ti ettha anicca-saddaṃ vadati. Akkharasamūhoti avibhattiko akkharasamūho. Akkharānubyañjanasamūho padanti vibhattiantaṃ padamāha. Vibhattiantameva padaṃ gahetvā ‘‘paṭhamapadaṃ padameva, dutiyaṃ anupada’’nti vuttaṃ.
згам̣ бад̣̇анд̇и г̇аат̇аабад̣̇ам̣ санд̇хааяа вад̣̇ад̇и. бад̣̇аг̇ан̣анааяаад̇и г̇аат̇аабад̣̇аг̇ан̣анааяа. абаабун̣ид̇ваад̇и сад̣̇д̇хим̣ агат̇зд̇ваа. рунд̇и обаад̇зд̇ийд̇и зд̇т̇а анунаасиго ааг̇амавасзна вуд̇д̇о, сам̣яог̇абуб̣б̣асса рассад̇д̇ам̣ гад̇анд̇и взд̣̇ид̇аб̣б̣ам̣. д̇знааха ‘‘руу-гаарамад̇д̇амзваа’’д̇и. зд̇т̇а жа ‘‘руубам̣ анижжанд̇и бхан̣а сааман̣зраа’’д̇и вужжамаано сажз руу-гаарам̣ авад̇ваа ру-ид̇и рассам̣ гад̇ваа вад̣̇ад̇и, ан̃н̃ам̣ бхан̣ид̇ам̣ наама ход̇и, д̇асмаа анаабад̇д̇и. зван̃жа гад̇ваа ‘‘взд̣̇анаа анижжаа’’д̇и зд̇т̇ааби анижжа-сад̣̇д̣̇амад̇д̇знзва аабад̇д̇и ход̇ийд̇и взд̣̇ид̇аб̣б̣ам̣. зса наяод̇и згамзвагкарам̣ вад̇ваа таанам̣. ‘‘манобуб̣б̣ан̇г̇амаа д̇хаммаа’’д̇и вужжамаано хи ма-гаарамад̇д̇амзва вад̇ваа д̇идтад̇и. ‘‘звам̣ мз суд̇а’’нд̇иаад̣̇исуд̇д̇ам̣ бхан̣аабияамаано з-гаарам̣ вад̇ваа д̇идтад̇и жз, анвагкарзна баажид̇д̇ияам̣, абарибун̣н̣абад̣̇ам̣ вад̇ваа тид̇з ануб̣яан̃ж̇анзна. бад̣̇зсу згам̣ батамабад̣̇ам̣ вираж̇жхад̇и, д̣̇уд̇иязна анубад̣̇зна баажид̇д̇ияам̣.
Ekaṃ padanti gāthāpadaṃ sandhāya vadati. Padagaṇanāyāti gāthāpadagaṇanāya. Apāpuṇitvāti saddhiṃ akathetvā. Runti opātetīti ettha anunāsiko āgamavasena vutto, saṃyogapubbassa rassattaṃ katanti veditabbaṃ. Tenāha ‘‘rū-kāramattamevā’’ti. Ettha ca ‘‘rūpaṃ aniccanti bhaṇa sāmaṇerā’’ti vuccamāno sace rū-kāraṃ avatvā ru-iti rassaṃ katvā vadati, aññaṃ bhaṇitaṃ nāma hoti, tasmā anāpatti. Evañca katvā ‘‘vedanā aniccā’’ti etthāpi anicca-saddamatteneva āpatti hotīti veditabbaṃ. Esa nayoti ekamevakkharaṃ vatvā ṭhānaṃ. ‘‘Manopubbaṅgamā dhammā’’ti vuccamāno hi ma-kāramattameva vatvā tiṭṭhati. ‘‘Evaṃ me suta’’ntiādisuttaṃ bhaṇāpiyamāno e-kāraṃ vatvā tiṭṭhati ce, anvakkharena pācittiyaṃ, aparipuṇṇapadaṃ vatvā ṭhite anubyañjanena. Padesu ekaṃ paṭhamapadaṃ virajjhati, dutiyena anupadena pācittiyaṃ.
анан̇г̇ан̣асуд̇д̇ам̣ (ма. ни. 1.57 аад̣̇аяо) саммаад̣̇идтисуд̇д̇ам̣ (ма. ни. 1.89 аад̣̇аяо) махаавзд̣̇аллан̃жа (ма. ни. 1.449 аад̣̇аяо) д̇хаммасзнаабад̇инаа бхаасид̇ам̣, анумаанасуд̇д̇ам̣ (ма. ни. 1.181 аад̣̇аяо) махаамог̇г̇аллаанад̇т̇зрзна, жуул̣авзд̣̇алласуд̇д̇ам̣ (ма. ни. 1.460 аад̣̇аяо) д̇хаммад̣̇иннааяа т̇зрияаа бхаасид̇ам̣. бажжзгаб̣уд̣̇д̇хабхаасид̇амби б̣уд̣̇д̇хабхаасид̇зязва сан̇г̇ахам̣ г̇ажчад̇и. адтагат̇ааниссид̇од̇и буб̣б̣з маг̇ад̇хабхаасааяа вуд̇д̇ам̣ д̇хаммасан̇г̇ахаарул̣хам̣ адтагат̇ам̣ санд̇хааяа вад̣̇ад̇и. ид̣̇ааниби ‘‘яат̇ааби д̣̇ийбиго наама, нилийяид̇ваа г̇ан̣хад̇з миг̇з’’д̇и (ми. ба. 6.1.5) звамаад̣̇игам̣ сан̇г̇ахаарул̣хам̣ адтагат̇ааважанам̣ г̇ахзд̇аб̣б̣анд̇и вад̣̇анд̇и. баал̣иниссид̇од̇и ‘‘маггадий важ̇ж̇ибуд̇д̇аа жаа’’д̇извамаад̣̇инаа (баараа. 66) баал̣ияам̣язва ааг̇ад̇о. виваддуубаниссид̇анд̇и ниб̣б̣аанубаниссид̇ам̣. вивадданиссид̇ам̣ бана сааман̃н̃ад̇о г̇ахзд̇аб̣б̣анд̇и ааха ‘‘гин̃жаабий’’д̇иаад̣̇и. т̇зрассаад̇и нааг̇асзнад̇т̇зрасса. маг̇г̇агат̇аад̣̇ийни багаран̣аани. ‘‘агкарзна ваажзд̇и, агкарагкарз аабад̇д̇и баажид̇д̇ияассаа’’д̇и вад̇д̇аб̣б̣з ‘‘агкарааяа ваажзд̇и, агкарагкарааяа аабад̇д̇и баажид̇д̇ияассаа’’д̇и баал̣ияам̣ вуд̇д̇ам̣.
Anaṅgaṇasuttaṃ (ma. ni. 1.57 ādayo) sammādiṭṭhisuttaṃ (ma. ni. 1.89 ādayo) mahāvedallañca (ma. ni. 1.449 ādayo) dhammasenāpatinā bhāsitaṃ, anumānasuttaṃ (ma. ni. 1.181 ādayo) mahāmoggallānattherena, cūḷavedallasuttaṃ (ma. ni. 1.460 ādayo) dhammadinnāya theriyā bhāsitaṃ. Paccekabuddhabhāsitampi buddhabhāsiteyeva saṅgahaṃ gacchati. Aṭṭhakathānissitoti pubbe magadhabhāsāya vuttaṃ dhammasaṅgahāruḷhaṃ aṭṭhakathaṃ sandhāya vadati. Idānipi ‘‘yathāpi dīpiko nāma, nilīyitvā gaṇhate mige’’ti (mi. pa. 6.1.5) evamādikaṃ saṅgahāruḷhaṃ aṭṭhakathāvacanaṃ gahetabbanti vadanti. Pāḷinissitoti ‘‘makkaṭī vajjiputtā cā’’tievamādinā (pārā. 66) pāḷiyaṃyeva āgato. Vivaṭṭūpanissitanti nibbānupanissitaṃ. Vivaṭṭanissitaṃ pana sāmaññato gahetabbanti āha ‘‘kiñcāpī’’tiādi. Therassāti nāgasenattherassa. Maggakathādīni pakaraṇāni. ‘‘Akkharena vāceti, akkharakkhare āpatti pācittiyassā’’ti vattabbe ‘‘akkharāya vāceti, akkharakkharāya āpatti pācittiyassā’’ti pāḷiyaṃ vuttaṃ.
48. анубасамбаннзна сад̣̇д̇хим̣ г̇ан̣ханд̇асса анаабад̇д̇ийд̇и анубасамбаннзна саха нисийд̣̇ид̇ваа уд̣̇д̣̇зсам̣ г̇ан̣ханд̇асса анаабад̇д̇и вуд̇д̇аа. д̣̇ахарабхигку нисинно…бз… бхан̣ад̇о анаабад̇д̇ийд̇и зд̇т̇а д̣̇вийсуби тид̇зсу нисиннзсу ваа убасамбаннасса бхан̣аамийд̇и бхан̣анд̇асса анаабад̇д̇иязва. убажаарам̣ мун̃жид̇ваад̇и барисабарияанд̇ад̇о д̣̇ваад̣̇асахад̇т̇ам̣ мун̃жид̇ваа. ‘‘нисиннз ваажзмий’’д̇и бхан̣анд̇ассаби убажаарам̣ мун̃жид̇ваа нисиннад̇д̇аа анаабад̇д̇и. сажз бана д̣̇уурз нисиннамби ваажзмийд̇и висум̣ саллагкзд̇ваа бхан̣ад̇и, аабад̇д̇иязва. зго баад̣̇о на ааг̇ажчад̇ийд̇и буб̣б̣з баг̇ун̣оязва бажчаа асаранд̇асса на ааг̇ажчад̇и, д̇ам̣ ‘‘звам̣ бхан̣аахий’’д̇и згад̇о бхан̣анд̇асса анаабад̇д̇и. обаад̇зд̇ийд̇и сад̣̇д̇хим̣ гат̇зд̇и. сзсамзд̇т̇а уд̇д̇аанамзва. анубасамбаннад̇аа, вуд̇д̇алагкан̣ад̇хаммам̣ бад̣̇асо ваажанад̇аа, згад̇о бхан̣анан̃жаад̇и имаанзд̇т̇а д̇ийн̣и ан̇г̇аани.
48.Anupasampannena saddhiṃ gaṇhantassa anāpattīti anupasampannena saha nisīditvā uddesaṃ gaṇhantassa anāpatti vuttā. Daharabhikkhu nisinno…pe… bhaṇato anāpattīti ettha dvīsupi ṭhitesu nisinnesu vā upasampannassa bhaṇāmīti bhaṇantassa anāpattiyeva. Upacāraṃ muñcitvāti parisapariyantato dvādasahatthaṃ muñcitvā. ‘‘Nisinne vācemī’’ti bhaṇantassapi upacāraṃ muñcitvā nisinnattā anāpatti. Sace pana dūre nisinnampi vācemīti visuṃ sallakkhetvā bhaṇati, āpattiyeva. Eko pādo na āgacchatīti pubbe paguṇoyeva pacchā asarantassa na āgacchati, taṃ ‘‘evaṃ bhaṇāhī’’ti ekato bhaṇantassa anāpatti. Opātetīti saddhiṃ katheti. Sesamettha uttānameva. Anupasampannatā, vuttalakkhaṇadhammaṃ padaso vācanatā, ekato bhaṇanañcāti imānettha tīṇi aṅgāni.
бад̣̇асод̇хаммасигкаабад̣̇аван̣н̣анаа нидтид̇аа.
Padasodhammasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. бад̣̇асод̇хаммасигкаабад̣̇ам̣ • 4. Padasodhammasikkhāpadaṃ
