| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
4. бад̣̇асод̇хаммасигкаабад̣̇аван̣н̣анаа
4. Padasodhammasikkhāpadavaṇṇanā
45-6. саб̣б̣амзд̇ам̣ бад̣̇асо д̇хаммо наамаад̇и зд̇т̇а д̇хаммо наама б̣уд̣̇д̇хабхаасид̇од̇и звам̣ самб̣анд̇хо. агкарасамууход̇и асамад̇д̇абад̣̇з. бажжзгаб̣уд̣̇д̇хабхаасид̇ам̣ б̣уд̣̇д̇хабхаасид̇з зва. анубаасагаг̇ахадтзхи бхаасид̇о исибхаасид̇аад̣̇исан̇г̇ахам̣ г̇ажчад̇ийд̇и взд̣̇ид̇аб̣б̣ам̣. гад̇т̇ажи бод̇т̇агз ‘‘д̣̇звад̇аабхаасид̇о’’д̇и бад̣̇ам̣ над̇т̇и, яад̇т̇а ад̇т̇и, саа баал̣и. г̇аат̇ааб̣анд̇хзби жа зса наяод̇и згамзва агкарам̣ вад̇ваа таанам̣ лаб̣бхад̇и зва. ‘‘звам̣ мз суд̇а’’нд̇иаад̣̇исуд̇д̇ам̣ бхан̣аабияамаано згаарам̣ вад̇ваа д̇идтад̇и жз, анвагкарзна баажид̇д̇ияам̣, абарибун̣н̣абад̣̇ам̣ вад̇ваа тид̇з ануб̣яан̃ж̇анзна. бад̣̇зсу згам̣ батамабад̣̇ам̣ вируж̇жхад̇и жз, анубад̣̇зна баажид̇д̇ияам̣. адтагат̇ааниссид̇од̇и адтагат̇ааниссид̇авасзна тид̇о. буб̣б̣з багад̇ибхаасааяа вуд̇д̇ам̣ адтагат̇ам̣ санд̇хааяа. баал̣иниссид̇од̇и баал̣ияам̣ звааг̇ад̇о. маг̇г̇агат̇аад̣̇ийниби багаран̣аани.
45-6.Sabbametaṃpadaso dhammo nāmāti ettha dhammo nāma buddhabhāsitoti evaṃ sambandho. Akkharasamūhoti asamattapade. Paccekabuddhabhāsitaṃ buddhabhāsite eva. Anupāsakagahaṭṭhehi bhāsito isibhāsitādisaṅgahaṃ gacchatīti veditabbaṃ. Katthaci potthake ‘‘devatābhāsito’’ti padaṃ natthi, yattha atthi, sā pāḷi. Gāthābandhepi ca esa nayoti ekameva akkharaṃ vatvā ṭhānaṃ labbhati eva. ‘‘Evaṃ me suta’’ntiādisuttaṃ bhaṇāpiyamāno ekāraṃ vatvā tiṭṭhati ce, anvakkharena pācittiyaṃ, aparipuṇṇapadaṃ vatvā ṭhite anubyañjanena. Padesu ekaṃ paṭhamapadaṃ virujjhati ce, anupadena pācittiyaṃ. Aṭṭhakathānissitoti aṭṭhakathānissitavasena ṭhito. Pubbe pakatibhāsāya vuttaṃ aṭṭhakathaṃ sandhāya. Pāḷinissitoti pāḷiyaṃ evāgato. Maggakathādīnipi pakaraṇāni.
48. убажааранд̇и д̣̇ваад̣̇асахад̇т̇ам̣. ‘‘обаад̇зд̇ийд̇и згад̇о бхан̣ад̇и самааг̇ажчад̇ий’’д̇и ликид̇ам̣. гин̃жааби абалаалад̣̇аманамби сийлубад̣̇зсоби бхаг̇авад̇о гаалз уббанно, ат̇а ко д̇зсу яам̣ яам̣ б̣уд̣̇д̇хаважанад̇о аахарид̇ваа вуд̇д̇ам̣, д̇ам̣ д̇ад̣̇зва аабад̇д̇ивад̇т̇у ход̇ийд̇и вин̃н̃аабанад̇т̇ам̣ махааадтагат̇ааяам̣ ‘‘вад̣̇анд̇ий’’д̇и важанзхи сит̇илам̣ гад̇ам̣. б̣уд̣̇д̇хаважанад̇о аахарид̇ваа вуд̇д̇асса б̣ахулад̇ааяа д̇аб̣б̣ахуланаязна д̇зсу аабад̇д̇и вуд̇д̇аа, д̇асмаа махаабажжарияам̣ д̇ассаад̇хиббааяо багаасид̇од̇и ад̇т̇о. ‘‘саб̣б̣зсамзва важананд̇и абарз’’д̇и вуд̇д̇ам̣. сажз аажарияо тид̇о нисиннаанам̣ баатам̣ д̣̇зд̇и, ‘‘на тид̇о нисиннасса д̇хаммам̣ д̣̇зсзссаамий’’д̇и вуд̇д̇аабад̇д̇им̣ наабаж̇ж̇ад̇ийд̇и згз. д̇зсамби баатад̣̇аанам̣ д̇хаммад̣̇зсанад̇о на ан̃н̃анд̇и д̇ам̣ на яуд̇д̇ам̣, чад̇д̇абаан̣игаад̣̇ийнам̣ баатад̣̇аанзна анаабад̇д̇иббасан̇г̇ад̇о, аабад̇д̇ибхааво жа сид̣̇д̇хо. вуд̇д̇ан̃хзд̇ам̣ –
48.Upacāranti dvādasahatthaṃ. ‘‘Opātetīti ekato bhaṇati samāgacchatī’’ti likhitaṃ. Kiñcāpi apalāladamanampi sīlupadesopi bhagavato kāle uppanno, atha kho tesu yaṃ yaṃ buddhavacanato āharitvā vuttaṃ, taṃ tadeva āpattivatthu hotīti viññāpanatthaṃ mahāaṭṭhakathāyaṃ ‘‘vadantī’’ti vacanehi sithilaṃ kataṃ. Buddhavacanato āharitvā vuttassa bahulatāya tabbahulanayena tesu āpatti vuttā, tasmā mahāpaccariyaṃ tassādhippāyo pakāsitoti attho. ‘‘Sabbesameva vacananti apare’’ti vuttaṃ. Sace ācariyo ṭhito nisinnānaṃ pāṭhaṃ deti, ‘‘na ṭhito nisinnassa dhammaṃ desessāmī’’ti vuttāpattiṃ nāpajjatīti eke. Tesampi pāṭhadānaṃ dhammadesanato na aññanti taṃ na yuttaṃ, chattapāṇikādīnaṃ pāṭhadānena anāpattippasaṅgato, āpattibhāvo ca siddho. Vuttañhetaṃ –
‘‘убхо ад̇т̇ам̣ на ж̇аананд̇и, убхо д̇хаммам̣ на бассарз;
‘‘Ubho atthaṃ na jānanti, ubho dhammaṃ na passare;
яо жааяам̣ манд̇ам̣ ваажзд̇и, яо жаад̇хаммзнад̇хийяад̇ий’’д̇и. (баажи. 647);
Yo cāyaṃ mantaṃ vāceti, yo cādhammenadhīyatī’’ti. (pāci. 647);
зд̇т̇а ад̇хийяад̇ийд̇и ад̇т̇о, д̇асмаа баатад̣̇аанамби д̇хаммад̣̇зсанаава. сзкияадтагат̇ааяам̣ (баажи. адта. 634) ‘‘д̇хаммабарижчзд̣̇о банзд̇т̇а бад̣̇асод̇хаммз вуд̇д̇анаязна взд̣̇ид̇аб̣б̣о’’д̇и вуд̇д̇ам̣ , д̇асмаа аяамзва д̇хаммо саб̣б̣ад̇т̇а д̇хаммабадисам̣яуд̇д̇асигкаабад̣̇зсу взд̣̇ид̇аб̣б̣о. яад̣̇и звам̣ сан̇каарабхаасаад̣̇ивасзна жид̇д̇ад̇хаммам̣ д̣̇зсзнд̇асса сзкияавасзна анаабад̇д̇и сияаа, д̇ад̇о чабагаж̇аад̇агавирод̇хо. д̇ад̇т̇а манд̇аанам̣ б̣аахираг̇ант̇ад̇д̇аад̇и жз? на, д̇ад̣̇ад̇хиббааяааж̇аананад̇о. аяан̃хи д̇ад̇т̇а ад̇хиббааяо ‘‘б̣аахирагаг̇ант̇асан̇каад̇амби манд̇ам̣ ужжз аасанз нисиннасса ваажзд̇ум̣ мз бхигкавз аманаабам̣, баг̇зва д̇хаммам̣ д̣̇зсзд̇у’’нд̇и. ‘‘д̇ад̣̇ааби мз, бхигкавз, аманаабам̣ нийжз аасанз нисийд̣̇ид̇ваа ужжз аасанз нисиннасса манд̇ам̣ ваажзд̇ум̣, гиман̇г̇ам̣ бана зд̇арахи…бз… д̇хаммам̣ д̣̇зсзд̇у’’нд̇и (баажи. 647) хи аяам̣ баал̣и яат̇аавуд̇д̇амзва ад̇хиббааяам̣ д̣̇ийбзд̇и, на ан̃н̃ам̣. д̇знзва ‘‘манд̇ам̣ ваажзд̇ум̣ д̇хаммам̣ д̣̇зсзд̇у’’нд̇и важанабхзд̣̇о гад̇о. ан̃н̃ат̇аа убхаяад̇т̇а ‘‘д̇хаммам̣ д̣̇зсзд̇у’’мижжзва вад̇д̇аб̣б̣анд̇и.
Ettha adhīyatīti attho, tasmā pāṭhadānampi dhammadesanāva. Sekhiyaṭṭhakathāyaṃ (pāci. aṭṭha. 634) ‘‘dhammaparicchedo panettha padasodhamme vuttanayena veditabbo’’ti vuttaṃ , tasmā ayameva dhammo sabbattha dhammapaṭisaṃyuttasikkhāpadesu veditabbo. Yadi evaṃ saṅkhārabhāsādivasena cittadhammaṃ desentassa sekhiyavasena anāpatti siyā, tato chapakajātakavirodho. Tattha mantānaṃ bāhiraganthattāti ce? Na, tadadhippāyājānanato. Ayañhi tattha adhippāyo ‘‘bāhirakaganthasaṅkhātampi mantaṃ ucce āsane nisinnassa vācetuṃ me bhikkhave amanāpaṃ, pageva dhammaṃ desetu’’nti. ‘‘Tadāpi me, bhikkhave, amanāpaṃ nīce āsane nisīditvā ucce āsane nisinnassa mantaṃ vācetuṃ, kimaṅgaṃ pana etarahi…pe… dhammaṃ desetu’’nti (pāci. 647) hi ayaṃ pāḷi yathāvuttameva adhippāyaṃ dīpeti, na aññaṃ. Teneva ‘‘mantaṃ vācetuṃ dhammaṃ desetu’’nti vacanabhedo kato. Aññathā ubhayattha ‘‘dhammaṃ desetu’’micceva vattabbanti.
маяаа сад̣̇д̇хим̣ маа вад̣̇аад̇иаад̣̇имхи бана ануг̇ан̣тибад̣̇з звам̣ вуд̇д̇о ‘‘сажз бхигку сааман̣зрзна сад̣̇д̇хим̣ вад̇д̇угаамо, д̇ат̇аа сааман̣зроби бхигкунаа сад̣̇д̇хим̣ вад̇д̇угаамо сахасаа обаад̇зд̇и, ‘язбхуяязна баг̇ун̣ам̣ г̇ант̇ам̣ бхан̣анд̇ам̣ обаад̇зд̇ий’’д̇иаад̣̇ийсу вияа анаабад̇д̇и, на хи зд̇д̇аавад̇аа бхигку сааман̣зрасса уд̣̇д̣̇исад̇и наама ход̇и. яасмаа махааадтагат̇ааяам̣ над̇т̇и, д̇асмааби яуд̇д̇амзвзд̇ам̣. сажз д̇ад̇т̇а вижаарзд̇ваа бадигкид̇д̇ам̣ сияаа аабад̇д̇и, гирияаагирияан̃жа наабаж̇ж̇ад̇и. гасмаа? яасмаа жид̇д̇зна згад̇о вад̇д̇угаамо, ат̇а ко нам̣ ‘згад̇о маа вад̣̇аа’д̇и бадигкибид̇вааби згад̇о вад̣̇анд̇о аабаж̇ж̇ад̇и. авад̇д̇угаамасса сахасаа вираж̇жхид̇ваа згад̇о вад̣̇анд̇асса анаабад̇д̇и, д̇зна вуд̇д̇ам̣ ‘маяаа сад̣̇д̇хим̣ маа вад̣̇аад̇и вуд̇д̇о яад̣̇и вад̣̇ад̇и, анаабад̇д̇ий’д̇и. д̇ат̇ааби аажарияаанам̣ мад̇иманувад̇д̇анд̇зна зваруубзсу таанзсу яат̇аавуд̇д̇анаязнзва бадибаж̇ж̇ид̇аб̣б̣ам̣. гасмаа? яасмаа махааадтагат̇ааяам̣ над̇т̇и, над̇т̇ибхаавад̇оязва аабад̇д̇и. сажз д̇ад̇т̇а анаабад̇д̇иаважанам̣ на самбхавад̇и аяамадтаанад̇д̇аа’’д̇и.
Mayāsaddhiṃ mā vadātiādimhi pana anugaṇṭhipade evaṃ vutto ‘‘sace bhikkhu sāmaṇerena saddhiṃ vattukāmo, tathā sāmaṇeropi bhikkhunā saddhiṃ vattukāmo sahasā opāteti, ‘yebhuyyena paguṇaṃ ganthaṃ bhaṇantaṃ opātetī’’tiādīsu viya anāpatti, na hi ettāvatā bhikkhu sāmaṇerassa uddisati nāma hoti. Yasmā mahāaṭṭhakathāyaṃ natthi, tasmāpi yuttamevetaṃ. Sace tattha vicāretvā paṭikkhittaṃ siyā āpatti, kiriyākiriyañca nāpajjati. Kasmā? Yasmā cittena ekato vattukāmo, atha kho naṃ ‘ekato mā vadā’ti paṭikkhipitvāpi ekato vadanto āpajjati. Avattukāmassa sahasā virajjhitvā ekato vadantassa anāpatti, tena vuttaṃ ‘mayā saddhiṃ mā vadāti vutto yadi vadati, anāpattī’ti. Tathāpi ācariyānaṃ matimanuvattantena evarūpesu ṭhānesu yathāvuttanayeneva paṭipajjitabbaṃ. Kasmā? Yasmā mahāaṭṭhakathāyaṃ natthi, natthibhāvatoyeva āpatti. Sace tattha anāpattiavacanaṃ na sambhavati ayamaṭṭhānattā’’ti.
д̇ад̇рааяам̣ вижааран̣аа – ‘‘маяаа сад̣̇д̇хим̣ маа вад̣̇аа’’д̇и вуд̇д̇о яад̣̇и вад̣̇ад̇и, бхигкуно анаабад̇д̇ийд̇и яуд̇д̇амзд̇ам̣ бхигкуно вад̇д̇угаамад̇ааяаабхаавад̇о, бхаавзби саж̇жхааяагаран̣аад̣̇ийсу д̇ийсу анаабад̇д̇ид̇о жа. ат̇а сааман̣зрзна б̣яад̇д̇ад̇ааяа ‘‘маяаа сад̣̇д̇хим̣ маа вад̣̇аа’’д̇и вуд̇д̇о бхигку аб̣яад̇д̇ад̇ааяа вад̣̇ад̇и, аабад̇д̇и зва вад̇д̇угаамад̇аасаб̣бхаавад̇о. сахасаа жз вад̣̇ад̇и, анаабад̇д̇и д̇ад̣̇абхаавад̇о. сажз бхигку звам̣ ‘‘маяаа сад̣̇д̇хим̣ маа вад̣̇аа’’д̇и вад̇ваа д̇зна сад̣̇д̇хим̣ саяам̣ вад̣̇ад̇и, аабад̇д̇и зва. на хи зд̇ам̣ сигкаабад̣̇ам̣ гирияаагирияам̣. яад̣̇и зд̇ам̣ сигкаабад̣̇ам̣ гирияаагирияам̣ бхавзяяа, яуд̇д̇ам̣. д̇ад̇т̇а анаабад̇д̇ийд̇и ад̇хиббааяо. махаабажжарияам̣ иминаава ад̇хиббааязна ‘‘маяаа сад̣̇д̇хим̣ маа вад̣̇аа’’д̇и вуд̇д̇ам̣ сияаа. на хи сааман̣зрасса гирияаа ид̇ха бамаан̣анд̇и, имасмим̣ бана ад̇хиббааяз вуд̇д̇з ад̇ияуд̇д̇ам̣ваад̇и ад̇т̇о. агкарад̇т̇о б̣яан̃ж̇анад̇т̇о. гин̃жааби ‘‘яан̃жа бад̣̇ам̣ яан̃жа анубад̣̇ам̣ яан̃жа анвагкарам̣ яан̃жа ануб̣яан̃ж̇анам̣, саб̣б̣амзд̇ам̣ бад̣̇асод̇хаммо наамаа’’д̇и вуд̇д̇ам̣, д̇ат̇ааби ‘‘бад̣̇зна ваажзд̇и, бад̣̇з бад̣̇з аабад̇д̇и баажид̇д̇ияасса, агкарааяа ваажзд̇и, агкарагкарааяа аабад̇д̇и баажид̇д̇ияассаа’’д̇и ид̣̇амзва д̣̇ваяам̣ яож̇ид̇ам̣, д̇ам̣ гасмаад̇и жз? бад̣̇зна анубад̣̇аануб̣яан̃ж̇анаанам̣ сан̇г̇ахид̇ад̇д̇аа. вуд̇д̇ан̃хзд̇ам̣ ‘‘анубад̣̇анд̇и д̣̇уд̇ияабаад̣̇о. ануб̣яан̃ж̇ананд̇и буримаб̣яан̃ж̇анзна сад̣̇исам̣ бажчааб̣яан̃ж̇ана’’нд̇и (баажи. адта. 45), д̇асмаа анубад̣̇згад̣̇зсамад̇д̇амзва ануб̣яан̃ж̇ананд̇и сид̣̇д̇хам̣. ‘‘агкараануб̣яан̃ж̇анасамуухо бад̣̇а’’нд̇и жа вуд̇д̇ад̇д̇аа бад̣̇амад̇д̇амзва вад̇д̇аб̣б̣ам̣ д̇зна анубад̣̇аад̣̇ид̇д̇аяаг̇г̇ахан̣ад̇од̇и жз? на вад̇д̇аб̣б̣ам̣ важанависзсад̇о. бад̣̇зна ваажзнд̇о хи бад̣̇з ваа анубад̣̇з ваа ануб̣яан̃ж̇анз ваа аабад̇д̇им̣ аабаж̇ж̇ад̇и. на агкарзна. агкарзна ваажзнд̇о бана бад̣̇аад̣̇ийсу ан̃н̃ад̇арасмим̣ аабаж̇ж̇ад̇и. на хи ‘‘варо варан̃н̃уу варад̣̇о вараахаро’’д̇иаад̣̇имхи батамам̣ ва-гаарам̣ ваажзнд̇о д̣̇уд̇ияаад̣̇ива-гаарз обаад̇зд̇и, батамам̣ ро-гаарам̣ ваажзнд̇о д̣̇уд̇ияаро-гаарз обаад̇зд̇и, батамам̣ ра-гаарам̣ ваажзнд̇о д̣̇уд̇ияара-гаарз обаад̇зд̇и, аабад̇д̇и баажид̇д̇ияассаад̇и самбхавад̇и. ануб̣яан̃ж̇анаануломад̇о самбхавад̇и зваад̇и жз? на, ‘‘бад̣̇з бад̣̇з аабад̇д̇и баажид̇д̇ияассаа’’д̇и иминаа вируд̣̇д̇хад̇д̇аа. ид̣̇ан̃хи важанам̣ згасмим̣ бад̣̇з згаа аабад̇д̇ийд̇и д̣̇ийбзд̇и. ‘‘руубам̣ анижжанд̇и вужжамаано рууд̇и обаад̇зд̇ий’’д̇и важанад̇о сагалам̣ баад̣̇ам̣ ваажзнд̇асса батамаагкарамад̇д̇з згад̇о вуд̇д̇з аабад̇д̇ийд̇и сид̣̇д̇ханд̇и жз? на, ‘‘агкарагкарааяа аабад̇д̇и баажид̇д̇ияассаа’’д̇и иминаа вируд̣̇д̇хад̇д̇аа, д̇асмаа рууд̇и обаад̇зд̇ийд̇и вад̇д̇ум̣ асамбхавад̇о руу-гаарасса яат̇аавуд̇д̇ад̇хаммабарияаабаннабхаавасид̣̇д̇хид̇о д̇ам̣ авад̇ваа гзвалам̣ агкарааяа ваажзнд̇асса яат̇аавуд̇д̇ад̇хаммабарияаабаннаагкарабхаавад̣̇ассанад̇т̇ам̣ ‘‘руубам̣ анижжанд̇и вужжамаано’’д̇и вуд̇д̇ам̣, важанасилидтад̇аавасзна ваа ануб̣яан̃ж̇анз взд̣̇анааважанам̣ вияаад̇и взд̣̇ид̇аб̣б̣ам̣.
Tatrāyaṃ vicāraṇā – ‘‘mayā saddhiṃ mā vadā’’ti vutto yadi vadati, bhikkhuno anāpattīti yuttametaṃ bhikkhuno vattukāmatāyābhāvato, bhāvepi sajjhāyakaraṇādīsu tīsu anāpattito ca. Atha sāmaṇerena byattatāya ‘‘mayā saddhiṃ mā vadā’’ti vutto bhikkhu abyattatāya vadati, āpatti eva vattukāmatāsabbhāvato. Sahasā ce vadati, anāpatti tadabhāvato. Sace bhikkhu evaṃ ‘‘mayā saddhiṃ mā vadā’’ti vatvā tena saddhiṃ sayaṃ vadati, āpatti eva. Na hi etaṃ sikkhāpadaṃ kiriyākiriyaṃ. Yadi etaṃ sikkhāpadaṃ kiriyākiriyaṃ bhaveyya, yuttaṃ. Tattha anāpattīti adhippāyo. Mahāpaccariyaṃ imināva adhippāyena ‘‘mayā saddhiṃ mā vadā’’ti vuttaṃ siyā. Na hi sāmaṇerassa kiriyā idha pamāṇanti, imasmiṃ pana adhippāye vutte atiyuttaṃvāti attho. Akkharattho byañjanattho. Kiñcāpi ‘‘yañca padaṃ yañca anupadaṃ yañca anvakkharaṃ yañca anubyañjanaṃ, sabbametaṃ padasodhammo nāmā’’ti vuttaṃ, tathāpi ‘‘padena vāceti, pade pade āpatti pācittiyassa, akkharāya vāceti, akkharakkharāya āpatti pācittiyassā’’ti idameva dvayaṃ yojitaṃ, taṃ kasmāti ce? Padena anupadaanubyañjanānaṃ saṅgahitattā. Vuttañhetaṃ ‘‘anupadanti dutiyapādo. Anubyañjananti purimabyañjanena sadisaṃ pacchābyañjana’’nti (pāci. aṭṭha. 45), tasmā anupadekadesamattameva anubyañjananti siddhaṃ. ‘‘Akkharānubyañjanasamūho pada’’nti ca vuttattā padamattameva vattabbaṃ tena anupadādittayaggahaṇatoti ce? Na vattabbaṃ vacanavisesato. Padena vācento hi pade vā anupade vā anubyañjane vā āpattiṃ āpajjati. Na akkharena. Akkharena vācento pana padādīsu aññatarasmiṃ āpajjati. Na hi ‘‘varo varaññū varado varāharo’’tiādimhi paṭhamaṃ va-kāraṃ vācento dutiyādiva-kāre opāteti, paṭhamaṃ ro-kāraṃ vācento dutiyaro-kāre opāteti, paṭhamaṃ ra-kāraṃ vācento dutiyara-kāre opāteti, āpatti pācittiyassāti sambhavati. Anubyañjanānulomato sambhavati evāti ce? Na, ‘‘pade pade āpatti pācittiyassā’’ti iminā viruddhattā. Idañhi vacanaṃ ekasmiṃ pade ekā āpattīti dīpeti. ‘‘Rūpaṃ aniccanti vuccamāno rūti opātetī’’ti vacanato sakalaṃ pādaṃ vācentassa paṭhamaakkharamatte ekato vutte āpattīti siddhanti ce? Na, ‘‘akkharakkharāya āpatti pācittiyassā’’ti iminā viruddhattā, tasmā rūti opātetīti vattuṃ asambhavato rū-kārassa yathāvuttadhammapariyāpannabhāvasiddhito taṃ avatvā kevalaṃ akkharāya vācentassa yathāvuttadhammapariyāpannaakkharabhāvadassanatthaṃ ‘‘rūpaṃ aniccanti vuccamāno’’ti vuttaṃ, vacanasiliṭṭhatāvasena vā anubyañjane vedanāvacanaṃ viyāti veditabbaṃ.
бад̣̇асод̇хаммасигкаабад̣̇аван̣н̣анаа нидтид̇аа.
Padasodhammasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. бад̣̇асод̇хаммасигкаабад̣̇ам̣ • 4. Padasodhammasikkhāpadaṃ
