| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
4. бад̣̇асод̇хаммасигкаабад̣̇аван̣н̣анаа
4. Padasodhammasikkhāpadavaṇṇanā
45. жад̇уд̇т̇з буримаб̣яан̃ж̇анзна сад̣̇исанд̇и ‘‘руубам̣ анижжа’’нд̇и зд̇т̇а анижжа-сад̣̇д̣̇зна сад̣̇исам̣ ‘‘взд̣̇анаа анижжаа’’д̇и зд̇т̇а анижжа-сад̣̇д̣̇ам̣ вад̣̇ад̇и. агкарасамууход̇и авибхад̇д̇иго вуд̇д̇о. бад̣̇анд̇и вибхад̇д̇ианд̇ам̣ вуд̇д̇ам̣.
45. Catutthe purimabyañjanena sadisanti ‘‘rūpaṃ anicca’’nti ettha anicca-saddena sadisaṃ ‘‘vedanā aniccā’’ti ettha anicca-saddaṃ vadati. Akkharasamūhoti avibhattiko vutto. Padanti vibhattiantaṃ vuttaṃ.
згам̣ бад̣̇анд̇и г̇аат̇аабад̣̇амзва санд̇хааяа вад̣̇ад̇и. бад̣̇аг̇ан̣анааяаад̇и г̇аат̇аабад̣̇аг̇ан̣анааяа. абаабун̣ид̇ваад̇и сад̣̇д̇хим̣ агат̇зд̇ваа. зд̇зна г̇аат̇ааяа бажчимабаад̣̇з вужжамаанз сааман̣зро батамабаад̣̇аад̣̇им̣ вад̣̇ад̇и, аабад̇д̇иязва, д̇асмим̣ ниссад̣̇д̣̇з зва ид̇арзна вад̇д̇аб̣б̣анд̇и д̣̇ассзд̇и.
Ekaṃ padanti gāthāpadameva sandhāya vadati. Padagaṇanāyāti gāthāpadagaṇanāya. Apāpuṇitvāti saddhiṃ akathetvā. Etena gāthāya pacchimapāde vuccamāne sāmaṇero paṭhamapādādiṃ vadati, āpattiyeva, tasmiṃ nissadde eva itarena vattabbanti dasseti.
адтагат̇ааниссид̇од̇и сан̇г̇ийд̇ид̇д̇аяаарул̣хам̣ бораан̣адтагат̇ам̣ санд̇хааяа вад̣̇ад̇и. ид̣̇ааниби ‘‘яат̇ааби д̣̇ийбиго наама, нилийяид̇ваа г̇ан̣хад̇з миг̇з’’д̇и (ми. ба. 6.1.5; висуд̣̇д̇хи. 1.217; д̣̇ий. ни. адта. 2.374; ма. ни. адта. 1.107; баараа. адта. 2.165; бади. ма. адта. 2.1.163) звамаад̣̇игам̣ адтагат̇ааважанам̣ ад̇т̇зва, б̣уд̣̇д̇хагхосаажарияаад̣̇ийхи бораан̣адтагат̇аанаязна вуд̇д̇амби ид̇ха сан̇г̇ахзд̇аб̣б̣анд̇и вад̣̇анд̇и. баал̣иниссид̇од̇и уд̣̇аанаваг̇г̇асан̇г̇ахаад̣̇иго. виваддуубаниссид̇анд̇и ниб̣б̣аананиссид̇ам̣. т̇зрассаад̇и нааг̇асзнад̇т̇зрасса. маг̇г̇агат̇аад̣̇ийни багаран̣аани.
Aṭṭhakathānissitoti saṅgītittayāruḷhaṃ porāṇaṭṭhakathaṃ sandhāya vadati. Idānipi ‘‘yathāpi dīpiko nāma, nilīyitvā gaṇhate mige’’ti (mi. pa. 6.1.5; visuddhi. 1.217; dī. ni. aṭṭha. 2.374; ma. ni. aṭṭha. 1.107; pārā. aṭṭha. 2.165; paṭi. ma. aṭṭha. 2.1.163) evamādikaṃ aṭṭhakathāvacanaṃ attheva, buddhaghosācariyādīhi porāṇaṭṭhakathānayena vuttampi idha saṅgahetabbanti vadanti. Pāḷinissitoti udānavaggasaṅgahādiko. Vivaṭṭūpanissitanti nibbānanissitaṃ. Therassāti nāgasenattherassa. Maggakathādīni pakaraṇāni.
46. баал̣ияам̣ агкарааяаад̇иаад̣̇и лин̇г̇авибаллаасзна вуд̇д̇ам̣, агкарзнаад̇иаад̣̇инаа ад̇т̇о г̇ахзд̇аб̣б̣о.
46. Pāḷiyaṃ akkharāyātiādi liṅgavipallāsena vuttaṃ, akkharenātiādinā attho gahetabbo.
48. убажаарам̣ мун̃жид̇ваад̇и барисааяа д̣̇ваад̣̇асахад̇т̇ам̣ мун̃жид̇ваа згад̇о тид̇асса ваа нисиннасса ваа анубасамбаннасса агат̇зд̇ваа ан̃н̃з уд̣̇д̣̇исса бхан̣анд̇ассааби анаабад̇д̇и. сажз бана д̣̇уурз нисиннамби уд̣̇д̣̇исса бхан̣ад̇и, аабад̇д̇и зва. обаад̇зд̇ийд̇и сад̣̇д̇хим̣ гат̇зд̇и. анубасамбаннад̇аа, вуд̇д̇алагкан̣ад̇хаммам̣ бад̣̇асо ваажанад̇аа, згад̇о бхан̣анан̃жаад̇и имаанзд̇т̇а д̇ийн̣и ан̇г̇аани.
48.Upacāraṃmuñcitvāti parisāya dvādasahatthaṃ muñcitvā ekato ṭhitassa vā nisinnassa vā anupasampannassa akathetvā aññe uddissa bhaṇantassāpi anāpatti. Sace pana dūre nisinnampi uddissa bhaṇati, āpatti eva. Opātetīti saddhiṃ katheti. Anupasampannatā, vuttalakkhaṇadhammaṃ padaso vācanatā, ekato bhaṇanañcāti imānettha tīṇi aṅgāni.
бад̣̇асод̇хаммасигкаабад̣̇аван̣н̣анаа нидтид̇аа.
Padasodhammasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. бад̣̇асод̇хаммасигкаабад̣̇аван̣н̣анаа • 4. Padasodhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. бад̣̇асод̇хаммасигкаабад̣̇ам̣ • 4. Padasodhammasikkhāpadaṃ
