| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੪. ਪਦਸੋਧਮ੍ਮਸਿਕ੍ਖਾਪਦવਣ੍ਣਨਾ
4. Padasodhammasikkhāpadavaṇṇanā
੪੫. ਚਤੁਤ੍ਥੇ ਪੁਰਿਮਬ੍ਯਞ੍ਜਨੇਨ ਸਦਿਸਨ੍ਤਿ ‘‘ਰੂਪਂ ਅਨਿਚ੍ਚ’’ਨ੍ਤਿ ਏਤ੍ਥ ਅਨਿਚ੍ਚ-ਸਦ੍ਦੇਨ ਸਦਿਸਂ ‘‘વੇਦਨਾ ਅਨਿਚ੍ਚਾ’’ਤਿ ਏਤ੍ਥ ਅਨਿਚ੍ਚ-ਸਦ੍ਦਂ વਦਤਿ। ਅਕ੍ਖਰਸਮੂਹੋਤਿ ਅવਿਭਤ੍ਤਿਕੋ વੁਤ੍ਤੋ। ਪਦਨ੍ਤਿ વਿਭਤ੍ਤਿਅਨ੍ਤਂ વੁਤ੍ਤਂ।
45. Catutthe purimabyañjanena sadisanti ‘‘rūpaṃ anicca’’nti ettha anicca-saddena sadisaṃ ‘‘vedanā aniccā’’ti ettha anicca-saddaṃ vadati. Akkharasamūhoti avibhattiko vutto. Padanti vibhattiantaṃ vuttaṃ.
ਏਕਂ ਪਦਨ੍ਤਿ ਗਾਥਾਪਦਮੇવ ਸਨ੍ਧਾਯ વਦਤਿ। ਪਦਗਣਨਾਯਾਤਿ ਗਾਥਾਪਦਗਣਨਾਯ। ਅਪਾਪੁਣਿਤ੍વਾਤਿ ਸਦ੍ਧਿਂ ਅਕਥੇਤ੍વਾ। ਏਤੇਨ ਗਾਥਾਯ ਪਚ੍ਛਿਮਪਾਦੇ વੁਚ੍ਚਮਾਨੇ ਸਾਮਣੇਰੋ ਪਠਮਪਾਦਾਦਿਂ વਦਤਿ, ਆਪਤ੍ਤਿਯੇવ, ਤਸ੍ਮਿਂ ਨਿਸ੍ਸਦ੍ਦੇ ਏવ ਇਤਰੇਨ વਤ੍ਤਬ੍ਬਨ੍ਤਿ ਦਸ੍ਸੇਤਿ।
Ekaṃ padanti gāthāpadameva sandhāya vadati. Padagaṇanāyāti gāthāpadagaṇanāya. Apāpuṇitvāti saddhiṃ akathetvā. Etena gāthāya pacchimapāde vuccamāne sāmaṇero paṭhamapādādiṃ vadati, āpattiyeva, tasmiṃ nissadde eva itarena vattabbanti dasseti.
ਅਟ੍ਠਕਥਾਨਿਸ੍ਸਿਤੋਤਿ ਸਙ੍ਗੀਤਿਤ੍ਤਯਾਰੁਲ਼੍ਹਂ ਪੋਰਾਣਟ੍ਠਕਥਂ ਸਨ੍ਧਾਯ વਦਤਿ। ਇਦਾਨਿਪਿ ‘‘ਯਥਾਪਿ ਦੀਪਿਕੋ ਨਾਮ, ਨਿਲੀਯਿਤ੍વਾ ਗਣ੍ਹਤੇ ਮਿਗੇ’’ਤਿ (ਮਿ॰ ਪ॰ ੬.੧.੫; વਿਸੁਦ੍ਧਿ॰ ੧.੨੧੭; ਦੀ॰ ਨਿ॰ ਅਟ੍ਠ॰ ੨.੩੭੪; ਮ॰ ਨਿ॰ ਅਟ੍ਠ॰ ੧.੧੦੭; ਪਾਰਾ॰ ਅਟ੍ਠ॰ ੨.੧੬੫; ਪਟਿ॰ ਮ॰ ਅਟ੍ਠ॰ ੨.੧.੧੬੩) ਏવਮਾਦਿਕਂ ਅਟ੍ਠਕਥਾવਚਨਂ ਅਤ੍ਥੇવ, ਬੁਦ੍ਧਘੋਸਾਚਰਿਯਾਦੀਹਿ ਪੋਰਾਣਟ੍ਠਕਥਾਨਯੇਨ વੁਤ੍ਤਮ੍ਪਿ ਇਧ ਸਙ੍ਗਹੇਤਬ੍ਬਨ੍ਤਿ વਦਨ੍ਤਿ। ਪਾਲ਼ਿਨਿਸ੍ਸਿਤੋਤਿ ਉਦਾਨવਗ੍ਗਸਙ੍ਗਹਾਦਿਕੋ। વਿવਟ੍ਟੂਪਨਿਸ੍ਸਿਤਨ੍ਤਿ ਨਿਬ੍ਬਾਨਨਿਸ੍ਸਿਤਂ। ਥੇਰਸ੍ਸਾਤਿ ਨਾਗਸੇਨਤ੍ਥੇਰਸ੍ਸ। ਮਗ੍ਗਕਥਾਦੀਨਿ ਪਕਰਣਾਨਿ।
Aṭṭhakathānissitoti saṅgītittayāruḷhaṃ porāṇaṭṭhakathaṃ sandhāya vadati. Idānipi ‘‘yathāpi dīpiko nāma, nilīyitvā gaṇhate mige’’ti (mi. pa. 6.1.5; visuddhi. 1.217; dī. ni. aṭṭha. 2.374; ma. ni. aṭṭha. 1.107; pārā. aṭṭha. 2.165; paṭi. ma. aṭṭha. 2.1.163) evamādikaṃ aṭṭhakathāvacanaṃ attheva, buddhaghosācariyādīhi porāṇaṭṭhakathānayena vuttampi idha saṅgahetabbanti vadanti. Pāḷinissitoti udānavaggasaṅgahādiko. Vivaṭṭūpanissitanti nibbānanissitaṃ. Therassāti nāgasenattherassa. Maggakathādīni pakaraṇāni.
੪੬. ਪਾਲ਼ਿਯਂ ਅਕ੍ਖਰਾਯਾਤਿਆਦਿ ਲਿਙ੍ਗવਿਪਲ੍ਲਾਸੇਨ વੁਤ੍ਤਂ, ਅਕ੍ਖਰੇਨਾਤਿਆਦਿਨਾ ਅਤ੍ਥੋ ਗਹੇਤਬ੍ਬੋ।
46. Pāḷiyaṃ akkharāyātiādi liṅgavipallāsena vuttaṃ, akkharenātiādinā attho gahetabbo.
੪੮. ਉਪਚਾਰਂ ਮੁਞ੍ਚਿਤ੍વਾਤਿ ਪਰਿਸਾਯ ਦ੍વਾਦਸਹਤ੍ਥਂ ਮੁਞ੍ਚਿਤ੍વਾ ਏਕਤੋ ਠਿਤਸ੍ਸ વਾ ਨਿਸਿਨ੍ਨਸ੍ਸ વਾ ਅਨੁਪਸਮ੍ਪਨ੍ਨਸ੍ਸ ਅਕਥੇਤ੍વਾ ਅਞ੍ਞੇ ਉਦ੍ਦਿਸ੍ਸ ਭਣਨ੍ਤਸ੍ਸਾਪਿ ਅਨਾਪਤ੍ਤਿ। ਸਚੇ ਪਨ ਦੂਰੇ ਨਿਸਿਨ੍ਨਮ੍ਪਿ ਉਦ੍ਦਿਸ੍ਸ ਭਣਤਿ, ਆਪਤ੍ਤਿ ਏવ। ਓਪਾਤੇਤੀਤਿ ਸਦ੍ਧਿਂ ਕਥੇਤਿ। ਅਨੁਪਸਮ੍ਪਨ੍ਨਤਾ, વੁਤ੍ਤਲਕ੍ਖਣਧਮ੍ਮਂ ਪਦਸੋ વਾਚਨਤਾ, ਏਕਤੋ ਭਣਨਞ੍ਚਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
48.Upacāraṃmuñcitvāti parisāya dvādasahatthaṃ muñcitvā ekato ṭhitassa vā nisinnassa vā anupasampannassa akathetvā aññe uddissa bhaṇantassāpi anāpatti. Sace pana dūre nisinnampi uddissa bhaṇati, āpatti eva. Opātetīti saddhiṃ katheti. Anupasampannatā, vuttalakkhaṇadhammaṃ padaso vācanatā, ekato bhaṇanañcāti imānettha tīṇi aṅgāni.
ਪਦਸੋਧਮ੍ਮਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Padasodhammasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਮੁਸਾવਾਦવਗ੍ਗੋ • 1. Musāvādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਪਦਸੋਧਮ੍ਮਸਿਕ੍ਖਾਪਦવਣ੍ਣਨਾ • 4. Padasodhammasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਪਦਸੋਧਮ੍ਮਸਿਕ੍ਖਾਪਦવਣ੍ਣਨਾ • 4. Padasodhammasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. ਪਦਸੋਧਮ੍ਮਸਿਕ੍ਖਾਪਦવਣ੍ਣਨਾ • 4. Padasodhammasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਪਦਸੋਧਮ੍ਮਸਿਕ੍ਖਾਪਦਂ • 4. Padasodhammasikkhāpadaṃ
