| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. பத³ஸுத்தங்
2. Padasuttaṃ
140. ‘‘ஸெய்யதா²பி , பி⁴க்க²வே, யானி கானிசி ஜங்க³லானங் பாணானங் பத³ஜாதானி, ஸப்³பா³னி தானி ஹத்தி²பதே³ ஸமோதா⁴னங் க³ச்ச²ந்தி; ஹத்தி²பத³ங் தேஸங் அக்³க³மக்கா²யதி, யதி³த³ங் – மஹந்தத்தேன; ஏவமேவ கோ², பி⁴க்க²வே, யே கேசி குஸலா த⁴ம்மா, ஸப்³பே³ தே அப்பமாத³மூலகா அப்பமாத³ஸமோஸரணா; அப்பமாதோ³ தேஸங் த⁴ம்மானங் அக்³க³மக்கா²யதி. அப்பமத்தஸ்ஸேதங், பி⁴க்க²வே, பி⁴க்கு²னோ பாடிகங்க²ங் – அரியங் அட்ட²ங்கி³கங் மக்³க³ங் பா⁴வெஸ்ஸதி அரியங் அட்ட²ங்கி³கங் மக்³க³ங் ப³ஹுலீகரிஸ்ஸதி. கத²ஞ்ச, பி⁴க்க²வே, பி⁴க்கு² அப்பமத்தோ அரியங் அட்ட²ங்கி³கங் மக்³க³ங் பா⁴வேதி அரியங் அட்ட²ங்கி³கங் மக்³க³ங் ப³ஹுலீகரோதி? இத⁴, பி⁴க்க²வே, பி⁴க்கு² ஸம்மாதி³ட்டி²ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஸம்மாஸமாதி⁴ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஏவங் கோ², பி⁴க்க²வே, பி⁴க்கு² அப்பமத்தோ அரியங் அட்ட²ங்கி³கங் மக்³க³ங் பா⁴வேதி அரியங் அட்ட²ங்கி³கங் மக்³க³ங் ப³ஹுலீகரோதீ’’தி. து³தியங்.
140. ‘‘Seyyathāpi , bhikkhave, yāni kānici jaṅgalānaṃ pāṇānaṃ padajātāni, sabbāni tāni hatthipade samodhānaṃ gacchanti; hatthipadaṃ tesaṃ aggamakkhāyati, yadidaṃ – mahantattena; evameva kho, bhikkhave, ye keci kusalā dhammā, sabbe te appamādamūlakā appamādasamosaraṇā; appamādo tesaṃ dhammānaṃ aggamakkhāyati. Appamattassetaṃ, bhikkhave, bhikkhuno pāṭikaṅkhaṃ – ariyaṃ aṭṭhaṅgikaṃ maggaṃ bhāvessati ariyaṃ aṭṭhaṅgikaṃ maggaṃ bahulīkarissati. Kathañca, bhikkhave, bhikkhu appamatto ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkaroti? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu appamatto ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkarotī’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. பத³ஸுத்தவண்ணனா • 2. Padasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. பத³ஸுத்தவண்ணனா • 2. Padasuttavaṇṇanā
