| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. பத³ஸுத்தங்
4. Padasuttaṃ
524. ‘‘ஸெய்யதா²பி , பி⁴க்க²வே, யானி கானிசி ஜங்க³லானங் 1 பாணானங் பத³ஜாதானி ஸப்³பா³னி தானி ஹத்தி²பதே³ ஸமோதா⁴னங் க³ச்ச²ந்தி, ஹத்தி²பத³ங் தேஸங் அக்³க³மக்கா²யதி, யதி³த³ங் – மஹந்தத்தேன; ஏவமேவ கோ², பி⁴க்க²வே, யானி கானிசி பதா³னி போ³தா⁴ய ஸங்வத்தந்தி , பஞ்ஞிந்த்³ரியங் பத³ங் தேஸங் அக்³க³மக்கா²யதி, யதி³த³ங் – போ³தா⁴ய. கதமானி ச, பி⁴க்க²வே, பதா³னி போ³தா⁴ய ஸங்வத்தந்தி? ஸத்³தி⁴ந்த்³ரியங், பி⁴க்க²வே, பத³ங், தங் போ³தா⁴ய ஸங்வத்ததி; வீரியிந்த்³ரியங் பத³ங், தங் போ³தா⁴ய ஸங்வத்ததி; ஸதிந்த்³ரியங் பத³ங், தங் போ³தா⁴ய ஸங்வத்ததி; ஸமாதி⁴ந்த்³ரியங் பத³ங், தங் போ³தா⁴ய ஸங்வத்ததி; பஞ்ஞிந்த்³ரியங் பத³ங், தங் போ³தா⁴ய ஸங்வத்ததி. ஸெய்யதா²பி, பி⁴க்க²வே, யானி கானிசி ஜங்க³லானங் பாணானங் பத³ஜாதானி ஸப்³பா³னி தானி ஹத்தி²பதே³ ஸமோதா⁴னங் க³ச்ச²ந்தி, ஹத்தி²பத³ங் தேஸங் அக்³க³மக்கா²யதி, யதி³த³ங் – மஹந்தத்தேன; ஏவமேவ கோ², பி⁴க்க²வே, யானி கானிசி பதா³னி போ³தா⁴ய ஸங்வத்தந்தி, பஞ்ஞிந்த்³ரியங் பத³ங் தேஸங் அக்³க³மக்கா²யதி, யதி³த³ங் – போ³தா⁴யா’’தி. சதுத்த²ங்.
524. ‘‘Seyyathāpi , bhikkhave, yāni kānici jaṅgalānaṃ 2 pāṇānaṃ padajātāni sabbāni tāni hatthipade samodhānaṃ gacchanti, hatthipadaṃ tesaṃ aggamakkhāyati, yadidaṃ – mahantattena; evameva kho, bhikkhave, yāni kānici padāni bodhāya saṃvattanti , paññindriyaṃ padaṃ tesaṃ aggamakkhāyati, yadidaṃ – bodhāya. Katamāni ca, bhikkhave, padāni bodhāya saṃvattanti? Saddhindriyaṃ, bhikkhave, padaṃ, taṃ bodhāya saṃvattati; vīriyindriyaṃ padaṃ, taṃ bodhāya saṃvattati; satindriyaṃ padaṃ, taṃ bodhāya saṃvattati; samādhindriyaṃ padaṃ, taṃ bodhāya saṃvattati; paññindriyaṃ padaṃ, taṃ bodhāya saṃvattati. Seyyathāpi, bhikkhave, yāni kānici jaṅgalānaṃ pāṇānaṃ padajātāni sabbāni tāni hatthipade samodhānaṃ gacchanti, hatthipadaṃ tesaṃ aggamakkhāyati, yadidaṃ – mahantattena; evameva kho, bhikkhave, yāni kānici padāni bodhāya saṃvattanti, paññindriyaṃ padaṃ tesaṃ aggamakkhāyati, yadidaṃ – bodhāyā’’ti. Catutthaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-5. பத³ஸுத்தாதி³வண்ணனா • 4-5. Padasuttādivaṇṇanā
