| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. པདསུཏྟཾ
4. Padasuttaṃ
༥༢༤. ‘‘སེཡྻཐཱཔི , བྷིཀྑཝེ, ཡཱནི ཀཱནིཙི ཛངྒལཱནཾ 1 པཱཎཱནཾ པདཛཱཏཱནི སབྦཱནི ཏཱནི ཧཏྠིཔདེ སམོདྷཱནཾ གཙྪནྟི, ཧཏྠིཔདཾ ཏེསཾ ཨགྒམཀྑཱཡཏི, ཡདིདཾ – མཧནྟཏྟེན; ཨེཝམེཝ ཁོ, བྷིཀྑཝེ, ཡཱནི ཀཱནིཙི པདཱནི བོདྷཱཡ སཾཝཏྟནྟི , པཉྙིནྡྲིཡཾ པདཾ ཏེསཾ ཨགྒམཀྑཱཡཏི, ཡདིདཾ – བོདྷཱཡ། ཀཏམཱནི ཙ, བྷིཀྑཝེ, པདཱནི བོདྷཱཡ སཾཝཏྟནྟི? སདྡྷིནྡྲིཡཾ, བྷིཀྑཝེ, པདཾ, ཏཾ བོདྷཱཡ སཾཝཏྟཏི; ཝཱིརིཡིནྡྲིཡཾ པདཾ, ཏཾ བོདྷཱཡ སཾཝཏྟཏི; སཏིནྡྲིཡཾ པདཾ, ཏཾ བོདྷཱཡ སཾཝཏྟཏི; སམཱདྷིནྡྲིཡཾ པདཾ, ཏཾ བོདྷཱཡ སཾཝཏྟཏི; པཉྙིནྡྲིཡཾ པདཾ, ཏཾ བོདྷཱཡ སཾཝཏྟཏི། སེཡྻཐཱཔི, བྷིཀྑཝེ, ཡཱནི ཀཱནིཙི ཛངྒལཱནཾ པཱཎཱནཾ པདཛཱཏཱནི སབྦཱནི ཏཱནི ཧཏྠིཔདེ སམོདྷཱནཾ གཙྪནྟི, ཧཏྠིཔདཾ ཏེསཾ ཨགྒམཀྑཱཡཏི, ཡདིདཾ – མཧནྟཏྟེན; ཨེཝམེཝ ཁོ, བྷིཀྑཝེ, ཡཱནི ཀཱནིཙི པདཱནི བོདྷཱཡ སཾཝཏྟནྟི, པཉྙིནྡྲིཡཾ པདཾ ཏེསཾ ཨགྒམཀྑཱཡཏི, ཡདིདཾ – བོདྷཱཡཱ’’ཏི། ཙཏུཏྠཾ།
524. ‘‘Seyyathāpi , bhikkhave, yāni kānici jaṅgalānaṃ 2 pāṇānaṃ padajātāni sabbāni tāni hatthipade samodhānaṃ gacchanti, hatthipadaṃ tesaṃ aggamakkhāyati, yadidaṃ – mahantattena; evameva kho, bhikkhave, yāni kānici padāni bodhāya saṃvattanti , paññindriyaṃ padaṃ tesaṃ aggamakkhāyati, yadidaṃ – bodhāya. Katamāni ca, bhikkhave, padāni bodhāya saṃvattanti? Saddhindriyaṃ, bhikkhave, padaṃ, taṃ bodhāya saṃvattati; vīriyindriyaṃ padaṃ, taṃ bodhāya saṃvattati; satindriyaṃ padaṃ, taṃ bodhāya saṃvattati; samādhindriyaṃ padaṃ, taṃ bodhāya saṃvattati; paññindriyaṃ padaṃ, taṃ bodhāya saṃvattati. Seyyathāpi, bhikkhave, yāni kānici jaṅgalānaṃ pāṇānaṃ padajātāni sabbāni tāni hatthipade samodhānaṃ gacchanti, hatthipadaṃ tesaṃ aggamakkhāyati, yadidaṃ – mahantattena; evameva kho, bhikkhave, yāni kānici padāni bodhāya saṃvattanti, paññindriyaṃ padaṃ tesaṃ aggamakkhāyati, yadidaṃ – bodhāyā’’ti. Catutthaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤-༥. པདསུཏྟཱདིཝཎྞནཱ • 4-5. Padasuttādivaṇṇanā
