| Library / Tipiṭaka / திபிடக • Tipiṭaka / நெத்திப்பகரண-டீகா • Nettippakaraṇa-ṭīkā |
4. பத³ட்டா²னஹாரஸம்பாதாதி³வண்ணனா
4. Padaṭṭhānahārasampātādivaṇṇanā
66. யஸ்மா வா ஸங்கிலேஸதோ ரக்கி²தசித்தஸ்ஸ தீணி ஸுசரிதானி பாரிபூரிங் க³ச்ச²ந்தி, தஸ்மா ரக்கி²தசித்தஸ்ஸாதி எத்த² யாயங் ரக்கி²தசித்ததா, ஸா காயஸுசரிதாதீ³னங் திண்ணங் ஸுசரிதானங் பத³ட்டா²னந்தி ஏவமெத்த² அத்தோ² வேதி³தப்³போ³. அத்தாதீ⁴னந்தி அத்தபராதீ⁴னங்.
66. Yasmā vā saṃkilesato rakkhitacittassa tīṇi sucaritāni pāripūriṃ gacchanti, tasmā rakkhitacittassāti ettha yāyaṃ rakkhitacittatā, sā kāyasucaritādīnaṃ tiṇṇaṃ sucaritānaṃ padaṭṭhānanti evamettha attho veditabbo. Attādhīnanti attaparādhīnaṃ.
ததோ ஏவாதி காரணக்³க³ஹணேன ப²லஸ்ஸ க³ஹிதத்தா ஏவ.
Tato evāti kāraṇaggahaṇena phalassa gahitattā eva.
68. தத்த² இதிஸத்³தோ³தி ‘‘பரிபாலீயதீ’’தி இதிஸத்³தோ³.
68.Tatthaitisaddoti ‘‘paripālīyatī’’ti itisaddo.
73-4. பாளியங் பஞ்சிந்த்³ரியானி தீஹி க²ந்தே⁴ஹி ஸங்க³ஹிதானீதி எத்த² ஸத்³தா⁴வீரியஸதிந்த்³ரியேஹி பாதிமொக்கா²தி³ திவித⁴ங் ஸீலங் க³ஹிதங் ஸோதே⁴தப்³ப³த்தா. தேஸந்தி தேஹி ஸீலக்க²ந்தோ⁴ ஸங்க³ஹிதோ. ஸமாதி⁴பஞ்ஞிந்த்³ரியேஹி ஸமாதி⁴பஞ்ஞாக்க²ந்தா⁴ க³ஹிதாதி பாகடோயமத்தோ², ததா² ஸேஸம்பீதி ஆஹ ‘‘இதோ பரேஸு…பே॰… வுத்தனயமேவா’’தி.
73-4. Pāḷiyaṃ pañcindriyāni tīhi khandhehi saṅgahitānīti ettha saddhāvīriyasatindriyehi pātimokkhādi tividhaṃ sīlaṃ gahitaṃ sodhetabbattā. Tesanti tehi sīlakkhandho saṅgahito. Samādhipaññindriyehi samādhipaññākkhandhā gahitāti pākaṭoyamattho, tathā sesampīti āha ‘‘ito paresu…pe… vuttanayamevā’’ti.
76. ஹேதுஹேதுஸமுப்பன்னபச்சயபச்சயுப்பன்னஸங்கா²தஸ்ஸாதி எத்த² ஹேதுபச்சயவிபா⁴கோ³ ஹெட்டா² வுத்தோயேவ.
76.Hetuhetusamuppannapaccayapaccayuppannasaṅkhātassāti ettha hetupaccayavibhāgo heṭṭhā vuttoyeva.
பத³ட்டா²னஹாரஸம்பாதாதி³வண்ணனா நிட்டி²தா.
Padaṭṭhānahārasampātādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / நெத்திப்பகரணபாளி • Nettippakaraṇapāḷi / 4. பத³ட்டா²னஹாரஸம்பாதோ • 4. Padaṭṭhānahārasampāto
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / நெத்திப்பகரண-அட்ட²கதா² • Nettippakaraṇa-aṭṭhakathā / 4. பத³ட்டா²னஹாரஸம்பாதவண்ணனா • 4. Padaṭṭhānahārasampātavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திவிபா⁴வினீ • Nettivibhāvinī / 4. பத³ட்டா²னஹாரஸம்பாதவிபா⁴வனா • 4. Padaṭṭhānahārasampātavibhāvanā
