| Library / Tipiṭaka / तिपिटक • Tipiṭaka / नेत्तिप्पकरण-टीका • Nettippakaraṇa-ṭīkā |
४. पदट्ठानहारसम्पातादिवण्णना
4. Padaṭṭhānahārasampātādivaṇṇanā
६६. यस्मा वा संकिलेसतो रक्खितचित्तस्स तीणि सुचरितानि पारिपूरिं गच्छन्ति, तस्मा रक्खितचित्तस्साति एत्थ यायं रक्खितचित्तता, सा कायसुचरितादीनं तिण्णं सुचरितानं पदट्ठानन्ति एवमेत्थ अत्थो वेदितब्बो। अत्ताधीनन्ति अत्तपराधीनं।
66. Yasmā vā saṃkilesato rakkhitacittassa tīṇi sucaritāni pāripūriṃ gacchanti, tasmā rakkhitacittassāti ettha yāyaṃ rakkhitacittatā, sā kāyasucaritādīnaṃ tiṇṇaṃ sucaritānaṃ padaṭṭhānanti evamettha attho veditabbo. Attādhīnanti attaparādhīnaṃ.
ततो एवाति कारणग्गहणेन फलस्स गहितत्ता एव।
Tato evāti kāraṇaggahaṇena phalassa gahitattā eva.
६८. तत्थ इतिसद्दोति ‘‘परिपालीयती’’ति इतिसद्दो।
68.Tatthaitisaddoti ‘‘paripālīyatī’’ti itisaddo.
७३-४. पाळियं पञ्चिन्द्रियानि तीहि खन्धेहि सङ्गहितानीति एत्थ सद्धावीरियसतिन्द्रियेहि पातिमोक्खादि तिविधं सीलं गहितं सोधेतब्बत्ता। तेसन्ति तेहि सीलक्खन्धो सङ्गहितो। समाधिपञ्ञिन्द्रियेहि समाधिपञ्ञाक्खन्धा गहिताति पाकटोयमत्थो, तथा सेसम्पीति आह ‘‘इतो परेसु…पे॰… वुत्तनयमेवा’’ति।
73-4. Pāḷiyaṃ pañcindriyāni tīhi khandhehi saṅgahitānīti ettha saddhāvīriyasatindriyehi pātimokkhādi tividhaṃ sīlaṃ gahitaṃ sodhetabbattā. Tesanti tehi sīlakkhandho saṅgahito. Samādhipaññindriyehi samādhipaññākkhandhā gahitāti pākaṭoyamattho, tathā sesampīti āha ‘‘ito paresu…pe… vuttanayamevā’’ti.
७६. हेतुहेतुसमुप्पन्नपच्चयपच्चयुप्पन्नसङ्खातस्साति एत्थ हेतुपच्चयविभागो हेट्ठा वुत्तोयेव।
76.Hetuhetusamuppannapaccayapaccayuppannasaṅkhātassāti ettha hetupaccayavibhāgo heṭṭhā vuttoyeva.
पदट्ठानहारसम्पातादिवण्णना निट्ठिता।
Padaṭṭhānahārasampātādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / नेत्तिप्पकरणपाळि • Nettippakaraṇapāḷi / ४. पदट्ठानहारसम्पातो • 4. Padaṭṭhānahārasampāto
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / नेत्तिप्पकरण-अट्ठकथा • Nettippakaraṇa-aṭṭhakathā / ४. पदट्ठानहारसम्पातवण्णना • 4. Padaṭṭhānahārasampātavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / खुद्दकनिकाय (टीका) • Khuddakanikāya (ṭīkā) / नेत्तिविभाविनी • Nettivibhāvinī / ४. पदट्ठानहारसम्पातविभावना • 4. Padaṭṭhānahārasampātavibhāvanā
