| Library / Tipiṭaka / ติปิฎก • Tipiṭaka / เนตฺติปฺปกรณ-ฎีกา • Nettippakaraṇa-ṭīkā |
๔. ปทฎฺฐานหารสมฺปาตาทิวณฺณนา
4. Padaṭṭhānahārasampātādivaṇṇanā
๖๖. ยสฺมา วา สํกิเลสโต รกฺขิตจิตฺตสฺส ตีณิ สุจริตานิ ปาริปูริํ คจฺฉนฺติ, ตสฺมา รกฺขิตจิตฺตสฺสาติ เอตฺถ ยายํ รกฺขิตจิตฺตตา, สา กายสุจริตาทีนํ ติณฺณํ สุจริตานํ ปทฎฺฐานนฺติ เอวเมตฺถ อโตฺถ เวทิตโพฺพฯ อตฺตาธีนนฺติ อตฺตปราธีนํฯ
66. Yasmā vā saṃkilesato rakkhitacittassa tīṇi sucaritāni pāripūriṃ gacchanti, tasmā rakkhitacittassāti ettha yāyaṃ rakkhitacittatā, sā kāyasucaritādīnaṃ tiṇṇaṃ sucaritānaṃ padaṭṭhānanti evamettha attho veditabbo. Attādhīnanti attaparādhīnaṃ.
ตโต เอวาติ การณคฺคหเณน ผลสฺส คหิตตฺตา เอวฯ
Tato evāti kāraṇaggahaṇena phalassa gahitattā eva.
๖๘. ตตฺถ อิติสโทฺทติ ‘‘ปริปาลียตี’’ติ อิติสโทฺทฯ
68.Tatthaitisaddoti ‘‘paripālīyatī’’ti itisaddo.
๗๓-๔. ปาฬิยํ ปญฺจินฺทฺริยานิ ตีหิ ขเนฺธหิ สงฺคหิตานีติ เอตฺถ สทฺธาวีริยสตินฺทฺริเยหิ ปาติโมกฺขาทิ ติวิธํ สีลํ คหิตํ โสเธตพฺพตฺตาฯ เตสนฺติ เตหิ สีลกฺขโนฺธ สงฺคหิโตฯ สมาธิปญฺญินฺทฺริเยหิ สมาธิปญฺญากฺขนฺธา คหิตาติ ปากโฎยมโตฺถ, ตถา เสสมฺปีติ อาห ‘‘อิโต ปเรสุ…เป.… วุตฺตนยเมวา’’ติฯ
73-4. Pāḷiyaṃ pañcindriyāni tīhi khandhehi saṅgahitānīti ettha saddhāvīriyasatindriyehi pātimokkhādi tividhaṃ sīlaṃ gahitaṃ sodhetabbattā. Tesanti tehi sīlakkhandho saṅgahito. Samādhipaññindriyehi samādhipaññākkhandhā gahitāti pākaṭoyamattho, tathā sesampīti āha ‘‘ito paresu…pe… vuttanayamevā’’ti.
๗๖. เหตุเหตุสมุปฺปนฺนปจฺจยปจฺจยุปฺปนฺนสงฺขาตสฺสาติ เอตฺถ เหตุปจฺจยวิภาโค เหฎฺฐา วุโตฺตเยวฯ
76.Hetuhetusamuppannapaccayapaccayuppannasaṅkhātassāti ettha hetupaccayavibhāgo heṭṭhā vuttoyeva.
ปทฎฺฐานหารสมฺปาตาทิวณฺณนา นิฎฺฐิตาฯ
Padaṭṭhānahārasampātādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / เนตฺติปฺปกรณปาฬิ • Nettippakaraṇapāḷi / ๔. ปทฎฺฐานหารสมฺปาโต • 4. Padaṭṭhānahārasampāto
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เนตฺติปฺปกรณ-อฎฺฐกถา • Nettippakaraṇa-aṭṭhakathā / ๔. ปทฎฺฐานหารสมฺปาตวณฺณนา • 4. Padaṭṭhānahārasampātavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / ขุทฺทกนิกาย (ฎีกา) • Khuddakanikāya (ṭīkā) / เนตฺติวิภาวินี • Nettivibhāvinī / ๔. ปทฎฺฐานหารสมฺปาตวิภาวนา • 4. Padaṭṭhānahārasampātavibhāvanā
