| Library / Tipiṭaka / ཏིཔིཊཀ • Tipiṭaka / ནེཏྟིཔྤཀརཎ-ཊཱིཀཱ • Nettippakaraṇa-ṭīkā |
༤. པདཊྛཱནཧཱརསམྤཱཏཱདིཝཎྞནཱ
4. Padaṭṭhānahārasampātādivaṇṇanā
༦༦. ཡསྨཱ ཝཱ སཾཀིལེསཏོ རཀྑིཏཙིཏྟསྶ ཏཱིཎི སུཙརིཏཱནི པཱརིཔཱུརིཾ གཙྪནྟི, ཏསྨཱ རཀྑིཏཙིཏྟསྶཱཏི ཨེཏྠ ཡཱཡཾ རཀྑིཏཙིཏྟཏཱ, སཱ ཀཱཡསུཙརིཏཱདཱིནཾ ཏིཎྞཾ སུཙརིཏཱནཾ པདཊྛཱནནྟི ཨེཝམེཏྠ ཨཏྠོ ཝེདིཏབྦོ། ཨཏྟཱདྷཱིནནྟི ཨཏྟཔརཱདྷཱིནཾ།
66. Yasmā vā saṃkilesato rakkhitacittassa tīṇi sucaritāni pāripūriṃ gacchanti, tasmā rakkhitacittassāti ettha yāyaṃ rakkhitacittatā, sā kāyasucaritādīnaṃ tiṇṇaṃ sucaritānaṃ padaṭṭhānanti evamettha attho veditabbo. Attādhīnanti attaparādhīnaṃ.
ཏཏོ ཨེཝཱཏི ཀཱརཎགྒཧཎེན ཕལསྶ གཧིཏཏྟཱ ཨེཝ།
Tato evāti kāraṇaggahaṇena phalassa gahitattā eva.
༦༨. ཏཏྠ ཨིཏིསདྡོཏི ‘‘པརིཔཱལཱིཡཏཱི’’ཏི ཨིཏིསདྡོ།
68.Tatthaitisaddoti ‘‘paripālīyatī’’ti itisaddo.
༧༣-༤. པཱལི༹ཡཾ པཉྩིནྡྲིཡཱནི ཏཱིཧི ཁནྡྷེཧི སངྒཧིཏཱནཱིཏི ཨེཏྠ སདྡྷཱཝཱིརིཡསཏིནྡྲིཡེཧི པཱཏིམོཀྑཱདི ཏིཝིདྷཾ སཱིལཾ གཧིཏཾ སོདྷེཏབྦཏྟཱ། ཏེསནྟི ཏེཧི སཱིལཀྑནྡྷོ སངྒཧིཏོ། སམཱདྷིཔཉྙིནྡྲིཡེཧི སམཱདྷིཔཉྙཱཀྑནྡྷཱ གཧིཏཱཏི པཱཀཊོཡམཏྠོ, ཏཐཱ སེསམྤཱིཏི ཨཱཧ ‘‘ཨིཏོ པརེསུ…པེ॰… ཝུཏྟནཡམེཝཱ’’ཏི།
73-4. Pāḷiyaṃ pañcindriyāni tīhi khandhehi saṅgahitānīti ettha saddhāvīriyasatindriyehi pātimokkhādi tividhaṃ sīlaṃ gahitaṃ sodhetabbattā. Tesanti tehi sīlakkhandho saṅgahito. Samādhipaññindriyehi samādhipaññākkhandhā gahitāti pākaṭoyamattho, tathā sesampīti āha ‘‘ito paresu…pe… vuttanayamevā’’ti.
༧༦. ཧེཏུཧེཏུསམུཔྤནྣཔཙྩཡཔཙྩཡུཔྤནྣསངྑཱཏསྶཱཏི ཨེཏྠ ཧེཏུཔཙྩཡཝིབྷཱགོ ཧེཊྛཱ ཝུཏྟོཡེཝ།
76.Hetuhetusamuppannapaccayapaccayuppannasaṅkhātassāti ettha hetupaccayavibhāgo heṭṭhā vuttoyeva.
པདཊྛཱནཧཱརསམྤཱཏཱདིཝཎྞནཱ ནིཊྛིཏཱ།
Padaṭṭhānahārasampātādivaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ནེཏྟིཔྤཀརཎཔཱལི༹ • Nettippakaraṇapāḷi / ༤. པདཊྛཱནཧཱརསམྤཱཏོ • 4. Padaṭṭhānahārasampāto
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ནེཏྟིཔྤཀརཎ-ཨཊྛཀཐཱ • Nettippakaraṇa-aṭṭhakathā / ༤. པདཊྛཱནཧཱརསམྤཱཏཝཎྞནཱ • 4. Padaṭṭhānahārasampātavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཁུདྡཀནིཀཱཡ (ཊཱིཀཱ) • Khuddakanikāya (ṭīkā) / ནེཏྟིཝིབྷཱཝིནཱི • Nettivibhāvinī / ༤. པདཊྛཱནཧཱརསམྤཱཏཝིབྷཱཝནཱ • 4. Padaṭṭhānahārasampātavibhāvanā
