| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
4. бад̣̇адтаанахаарасамбаад̇авибхааванаа
4. Padaṭṭhānahārasampātavibhāvanā
66. язна язна яуд̇д̇ихаарасамбаад̇зна суд̇д̇аббад̣̇зсад̇т̇аанам̣ яуд̇д̇ибхааво аажариязна вибхаавид̇о, амхзхи жа н̃аад̇о, со яуд̇д̇ихаарасамбаад̇о барибун̣н̣о, ‘‘гад̇амо бад̣̇адтаанахаарасамбаад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо бад̣̇адтаано хаарасамбаад̇о’’д̇и бужчад̇и.
66. Yena yena yuttihārasampātena suttappadesatthānaṃ yuttibhāvo ācariyena vibhāvito, amhehi ca ñāto, so yuttihārasampāto paripuṇṇo, ‘‘katamo padaṭṭhānahārasampāto’’ti pucchitabbattā ‘‘tattha katamo padaṭṭhāno hārasampāto’’ti pucchati.
бужчид̇ваа яасмим̣ суд̇д̇аббад̣̇зсз вуд̇д̇аани бад̣̇адтаанаани нийхарид̇аани, д̇ам̣ суд̇д̇аббад̣̇зсам̣ нийхарид̇ум̣ ‘‘д̇асмаа рагкид̇ажид̇д̇асса, саммаасан̇габбаг̇ожарод̇и г̇аат̇аа’’д̇и вуд̇д̇аа. г̇аат̇аад̇т̇о вуд̇д̇ова. ‘‘гад̇амз г̇аат̇аад̇т̇аа гад̇амзсам̣ д̇хаммаанам̣ бад̣̇адтаанааний’’д̇и бужчид̇аб̣б̣ад̇д̇аа ‘‘д̇асмаа рагкид̇ажид̇д̇ассаа’’д̇иаад̣̇и вуд̇д̇ам̣. ‘‘д̇асмаа рагкид̇ажид̇д̇ассаа’’д̇и суд̇д̇аббад̣̇зсасса ад̇т̇абхууд̇аа инд̣̇риязсу г̇уд̇д̇ад̣̇ваарад̇аа д̇ин̣н̣ам̣ сужарид̇аанам̣ бад̣̇адтаанам̣ наама сужарид̇абаарибуурияаа аасаннагааран̣ад̇д̇аа. ‘‘саммаасан̇габбаг̇ожаро’’д̇и суд̇д̇аббад̣̇зсасса ад̇т̇абхууд̇аа нзгкаммасан̇габбаад̣̇аяо саммаасан̇габбаа самат̇асса бад̣̇адтаанам̣ наама гаамажчанд̣̇ааад̣̇инийваран̣авигкамбханасса аасаннагааран̣ад̇д̇аа. ‘‘саммаад̣̇идтибурзгкааро’’д̇и суд̇д̇аббад̣̇зсасса ад̇т̇абхууд̇аа гаммассагад̇аасаммаад̣̇идти жа саббажжаяанаамаруубад̣̇ассанасаммаад̣̇идти жа вибассанааяа бад̣̇адтаанам̣ наама анижжаанубассанаад̣̇ийнам̣ висзсагааран̣ад̇д̇аа. ‘‘н̃ад̇ваана уд̣̇аяаб̣б̣аяа’’нд̇и суд̇д̇аббад̣̇зсасса ад̇т̇абхууд̇аа уд̣̇аяаб̣б̣аяаанубассанаабан̃н̃аа д̣̇ассанабхуумияаа бад̣̇адтаанам̣ наама батамамаг̇г̇аад̇хиг̇амасса аасаннагааран̣ад̇д̇аа. ‘‘т̇инамид̣̇д̇хаабхибхуу бхигкуу’’д̇и суд̇д̇аббад̣̇зсасса ад̇т̇абхууд̇ам̣ т̇инамид̣̇д̇хаабхибхаванам̣ вийрияасса бад̣̇адтаанам̣ наама аасаннагааран̣ад̇д̇аа. ‘‘саб̣б̣аа д̣̇уг̇г̇ад̇ияо ж̇ахз’’д̇и суд̇д̇аббад̣̇зсасса ад̇т̇абхууд̇аа бахаад̇аб̣б̣аж̇аханабхааванааяа арияамаг̇г̇абхааванааяа бад̣̇адтаанам̣ наама бахаад̇аб̣б̣аббахаанзна арияамаг̇г̇абхааванаабаарибуурисамбхавад̇о.
Pucchitvā yasmiṃ suttappadese vuttāni padaṭṭhānāni nīharitāni, taṃ suttappadesaṃ nīharituṃ ‘‘tasmā rakkhitacittassa, sammāsaṅkappagocaroti gāthā’’ti vuttā. Gāthāttho vuttova. ‘‘Katame gāthātthā katamesaṃ dhammānaṃ padaṭṭhānānī’’ti pucchitabbattā ‘‘tasmā rakkhitacittassā’’tiādi vuttaṃ. ‘‘Tasmā rakkhitacittassā’’ti suttappadesassa atthabhūtā indriyesu guttadvāratā tiṇṇaṃ sucaritānaṃ padaṭṭhānaṃ nāma sucaritapāripūriyā āsannakāraṇattā. ‘‘Sammāsaṅkappagocaro’’ti suttappadesassa atthabhūtā nekkhammasaṅkappādayo sammāsaṅkappā samathassa padaṭṭhānaṃ nāma kāmacchandaādinīvaraṇavikkhambhanassa āsannakāraṇattā. ‘‘Sammādiṭṭhipurekkhāro’’ti suttappadesassa atthabhūtā kammassakatāsammādiṭṭhi ca sappaccayanāmarūpadassanasammādiṭṭhi ca vipassanāya padaṭṭhānaṃ nāma aniccānupassanādīnaṃ visesakāraṇattā. ‘‘Ñatvāna udayabbaya’’nti suttappadesassa atthabhūtā udayabbayānupassanāpaññā dassanabhūmiyā padaṭṭhānaṃ nāma paṭhamamaggādhigamassa āsannakāraṇattā. ‘‘Thinamiddhābhibhū bhikkhū’’ti suttappadesassa atthabhūtaṃ thinamiddhābhibhavanaṃ vīriyassa padaṭṭhānaṃ nāma āsannakāraṇattā. ‘‘Sabbā duggatiyo jahe’’ti suttappadesassa atthabhūtā pahātabbajahanabhāvanāya ariyamaggabhāvanāya padaṭṭhānaṃ nāma pahātabbappahānena ariyamaggabhāvanāpāripūrisambhavato.
‘‘зд̇д̇агова бад̣̇адтаанахаарасамбаад̇о барибун̣н̣о’’д̇и вад̇д̇аб̣б̣ад̇д̇аа ‘‘нияуд̇д̇о бад̣̇адтаано хаарасамбаад̇о’’д̇и вуд̇д̇ам̣. язна язна сам̣ван̣н̣анаависзсабхууд̇зна бад̣̇адтаанахаарасамбаад̇абхууд̇зна суд̇д̇аббад̣̇зсад̇т̇аани бад̣̇адтаанаани нийхарид̇аани, со со сам̣ван̣н̣анаависзсабхууд̇о бад̣̇адтаанахаарасамбаад̇о нияуд̇д̇о яат̇аарахам̣ нид̣̇д̇хаарзд̇ваа яуж̇ж̇ид̇аб̣б̣од̇и ад̇т̇о г̇ахзд̇аб̣б̣од̇и.
‘‘Ettakova padaṭṭhānahārasampāto paripuṇṇo’’ti vattabbattā ‘‘niyutto padaṭṭhāno hārasampāto’’ti vuttaṃ. Yena yena saṃvaṇṇanāvisesabhūtena padaṭṭhānahārasampātabhūtena suttappadesatthāni padaṭṭhānāni nīharitāni, so so saṃvaṇṇanāvisesabhūto padaṭṭhānahārasampāto niyutto yathārahaṃ niddhāretvā yujjitabboti attho gahetabboti.
ид̇и бад̣̇адтаанахаарасамбаад̇з сад̇д̇иб̣алаануруубаа ражид̇аа
Iti padaṭṭhānahārasampāte sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана…бз… г̇ахзд̇аб̣б̣од̇и.
Paṇḍitehi pana…pe… gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 4. бад̣̇адтаанахаарасамбаад̇о • 4. Padaṭṭhānahārasampāto
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 4. бад̣̇адтаанахаарасамбаад̇аван̣н̣анаа • 4. Padaṭṭhānahārasampātavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 4. бад̣̇адтаанахаарасамбаад̇аад̣̇иван̣н̣анаа • 4. Padaṭṭhānahārasampātādivaṇṇanā
