| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
4. бад̣̇адтаанахааравибхан̇г̇аван̣н̣анаа
4. Padaṭṭhānahāravibhaṅgavaṇṇanā
22. д̇ад̇т̇а гад̇амо бад̣̇адтаано хаарод̇иаад̣̇и бад̣̇адтаанахааравибхан̇г̇о. д̇ад̇т̇а яасмаа ‘‘ид̣̇ам̣ имасса бад̣̇адтаанам̣, ид̣̇ам̣ имасса бад̣̇адтаана’’нд̇и д̇зсам̣ д̇зсам̣ д̇хаммаанам̣ бад̣̇адтаанабхууд̇ад̇хаммавибхааваналагкан̣о бад̣̇адтаано хааро, д̇асмаа бавад̇д̇ияаа муулабхууд̇ам̣ авиж̇ж̇ам̣ аад̣̇им̣ гад̇ваа сабхаавад̇хаммаанам̣ бад̣̇адтаанам̣ аасаннагааран̣ам̣ нид̣̇д̇хаарзнд̇о авиж̇ж̇ааяа сабхаавам̣ нид̣̇д̣̇исад̇и ‘‘саб̣б̣ад̇хаммаяаат̇ааваасамбадивзд̇халагкан̣аа авиж̇ж̇аа’’д̇и. д̇ассад̇т̇о – саб̣б̣зсам̣ д̇хаммаанам̣ авибарийд̇асабхааво на самбадивиж̇жхийяад̇и зд̇знаад̇и саб̣б̣ад̇хаммаяаат̇ааваасамбадивзд̇хо. со лагкан̣ам̣ зд̇иссаад̇и саа д̇ат̇аа вуд̇д̇аа. зд̇зна д̇хаммасабхааваббадижчаад̣̇аналагкан̣аа авиж̇ж̇аад̇и вуд̇д̇ам̣ ход̇и. ат̇а ваа саммаа бадивзд̇хо самбадивзд̇хо. д̇асса бадибагко асамбадивзд̇хо. гад̇т̇а бана со самбадивзд̇хасса бадибагкод̇и ааха – ‘‘саб̣б̣а…бз… лагкан̣аа’’д̇и. яасмаа бана асубхз субханд̇иаад̣̇ивибаллаасз сад̇и д̇ад̇т̇а саммохо убаруубари ж̇ааяад̇иязва на хааяад̇и, д̇асмаа ‘‘д̇ассаа вибаллаасаа бад̣̇адтаана’’нд̇и вуд̇д̇ам̣.
22.Tattha katamo padaṭṭhāno hārotiādi padaṭṭhānahāravibhaṅgo. Tattha yasmā ‘‘idaṃ imassa padaṭṭhānaṃ, idaṃ imassa padaṭṭhāna’’nti tesaṃ tesaṃ dhammānaṃ padaṭṭhānabhūtadhammavibhāvanalakkhaṇo padaṭṭhāno hāro, tasmā pavattiyā mūlabhūtaṃ avijjaṃ ādiṃ katvā sabhāvadhammānaṃ padaṭṭhānaṃ āsannakāraṇaṃ niddhārento avijjāya sabhāvaṃ niddisati ‘‘sabbadhammayāthāvaasampaṭivedhalakkhaṇā avijjā’’ti. Tassattho – sabbesaṃ dhammānaṃ aviparītasabhāvo na sampaṭivijjhīyati etenāti sabbadhammayāthāvaasampaṭivedho. So lakkhaṇaṃ etissāti sā tathā vuttā. Etena dhammasabhāvappaṭicchādanalakkhaṇā avijjāti vuttaṃ hoti. Atha vā sammā paṭivedho sampaṭivedho. Tassa paṭipakkho asampaṭivedho. Kattha pana so sampaṭivedhassa paṭipakkhoti āha – ‘‘sabba…pe… lakkhaṇā’’ti. Yasmā pana asubhe subhantiādivipallāse sati tattha sammoho uparūpari jāyatiyeva na hāyati, tasmā ‘‘tassā vipallāsā padaṭṭhāna’’nti vuttaṃ.
бияаруубам̣ саад̇аруубанд̇и бияааяид̇аб̣б̣аж̇аад̇ияам̣ идтаж̇аад̇ияан̃жа бад̣̇адтаанам̣. ‘‘яам̣ логз бияаруубам̣ саад̇аруубам̣ зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇ий’’д̇и (д̣̇ий. ни. 2.400; ма. ни. 1.133; вибха. 203) хи вуд̇д̇ам̣. ад̣̇иннаад̣̇аананд̇и ад̣̇иннаад̣̇аанажзд̇анаа. саа хи згаваарам̣ уббаннааби анаад̣̇ийнавад̣̇ассид̇ааяа лобхасса уббад̇д̇игааран̣ам̣ ход̇ийд̇и д̇асса бад̣̇адтаанам̣ вуд̇д̇ам̣. д̣̇осасса баан̣аад̇ибаад̇о бад̣̇адтаанам̣, мохасса мижчаабадибад̣̇аа бад̣̇адтаананд̇и зд̇т̇ааби иминаава наязна ад̇т̇о взд̣̇ид̇аб̣б̣о. ван̣н̣асан̣таанаб̣яан̃ж̇анаг̇г̇ахан̣алагкан̣аад̇и нимид̇д̇аануб̣яан̃ж̇анаг̇г̇ахан̣алагкан̣аа. сукасан̃н̃ааяа пассасса убаг̇аманалагкан̣ад̇аа пассабажжаяад̇аава вуд̇д̇аа. ‘‘пудто сан̃ж̇аанаад̇ий’’д̇и (сам̣. ни. 4.93) хи вуд̇д̇ам̣ . ассаад̣̇од̇и д̇ан̣хаа. сан̇кад̇алагкан̣аани уббаад̣̇аваяан̃н̃ат̇ад̇д̇аани. язбхуяязна нижжаг̇г̇ахан̣ам̣ вин̃н̃аан̣аад̇хийнанд̇и нижжасан̃н̃ааяа вин̃н̃аан̣абад̣̇адтаанад̇аа вуд̇д̇аа. д̇ат̇аа хи со бхигку д̇ам̣язва вин̃н̃аан̣ам̣ санд̇хаавад̇и сам̣сарад̇ийд̇и вин̃н̃аан̣ависаяамзва ад̇д̇ано нижжаг̇г̇аахам̣ бавзд̣̇зси. бан̃жаннам̣ канд̇хаанам̣ яад̣̇и анижжад̇аа д̣̇угкад̇аа жа суд̣̇идтаа, ад̇д̇асан̃н̃аа сукасан̃н̃аа анавагаасаад̇и ааха – ‘‘анижжасан̃н̃аад̣̇угкасан̃н̃ааасаманубассаналагкан̣аа ад̇д̇асан̃н̃аа’’д̇и. ‘‘яад̣̇анижжам̣ д̇ам̣ д̣̇угкам̣, яам̣ д̣̇угкам̣ д̇ад̣̇анад̇д̇аа’’д̇и (сам̣. ни. 3.15) хи вуд̇д̇ам̣.
Piyarūpaṃ sātarūpanti piyāyitabbajātiyaṃ iṭṭhajātiyañca padaṭṭhānaṃ. ‘‘Yaṃ loke piyarūpaṃ sātarūpaṃ etthesā taṇhā uppajjamānā uppajjatī’’ti (dī. ni. 2.400; ma. ni. 1.133; vibha. 203) hi vuttaṃ. Adinnādānanti adinnādānacetanā. Sā hi ekavāraṃ uppannāpi anādīnavadassitāya lobhassa uppattikāraṇaṃ hotīti tassa padaṭṭhānaṃ vuttaṃ. Dosassa pāṇātipāto padaṭṭhānaṃ, mohassa micchāpaṭipadā padaṭṭhānanti etthāpi imināva nayena attho veditabbo. Vaṇṇasaṇṭhānabyañjanaggahaṇalakkhaṇāti nimittānubyañjanaggahaṇalakkhaṇā. Sukhasaññāya phassassa upagamanalakkhaṇatā phassapaccayatāva vuttā. ‘‘Phuṭṭho sañjānātī’’ti (saṃ. ni. 4.93) hi vuttaṃ . Assādoti taṇhā. Saṅkhatalakkhaṇāni uppādavayaññathattāni. Yebhuyyena niccaggahaṇaṃ viññāṇādhīnanti niccasaññāya viññāṇapadaṭṭhānatā vuttā. Tathā hi so bhikkhu taṃyeva viññāṇaṃ sandhāvati saṃsaratīti viññāṇavisayameva attano niccaggāhaṃ pavedesi. Pañcannaṃ khandhānaṃ yadi aniccatā dukkhatā ca sudiṭṭhā, attasaññā sukhasaññā anavakāsāti āha – ‘‘aniccasaññādukkhasaññāasamanupassanalakkhaṇā attasaññā’’ti. ‘‘Yadaniccaṃ taṃ dukkhaṃ, yaṃ dukkhaṃ tadanattā’’ti (saṃ. ni. 3.15) hi vuttaṃ.
язбхуяязна ад̇д̇аабхинивзсо аруубад̇хаммзсууд̇и ааха – ‘‘д̇ассаа наамагааяо бад̣̇адтаана’’нд̇и. саб̣б̣ам̣ нзяяанд̇и жад̇д̇аари сажжаани жад̇усажжавинимуд̇д̇асса н̃зяяасса абхаавад̇о. жид̇д̇авигкзбабадисам̣харан̣ам̣ уд̣̇д̇хажжавигкамбханам̣. асубхаад̇и асубхаанубассанаа, бадибхааг̇анимид̇д̇абхууд̇аа асубхаа зва ваа, д̇ан̣хаабадибагкад̇д̇аа самат̇асса асубхаа бад̣̇адтаананд̇и вуд̇д̇ам̣. абхиж̇жхааяа д̇анугаран̣ад̇о ад̣̇иннаад̣̇аанаавзраман̣ий алобхасса бад̣̇адтаананд̇и вуд̇д̇аа. д̇ат̇аа б̣яаабаад̣̇асса д̇анугаран̣ад̇о баан̣аад̇ибаад̇аавзраман̣ий ад̣̇осасса бад̣̇адтаананд̇и вуд̇д̇аа. вад̇т̇уавиббадибад̇д̇и висаяасабхаавабадивзд̇хо, саммаабадибад̇д̇и сийласамаад̇хисамбад̣̇аанам̣ ниб̣б̣ид̣̇аан̃аан̣зна анабхирад̇ин̃аан̣амзва ваа д̇ат̇аа бавад̇д̇ам̣. саб̣б̣ааби взд̣̇анаа д̣̇угкад̣̇угкад̇аад̣̇ибхаавад̇о д̣̇угканд̇и гад̇ваа вуд̇д̇ам̣ – ‘‘д̣̇угкасан̃н̃ааяа взд̣̇анаа бад̣̇адтаана’’нд̇и. д̇хаммасан̃н̃аад̇и д̇хаммамад̇д̇анд̇и сан̃н̃аа.
Yebhuyyena attābhiniveso arūpadhammesūti āha – ‘‘tassā nāmakāyo padaṭṭhāna’’nti. Sabbaṃ neyyanti cattāri saccāni catusaccavinimuttassa ñeyyassa abhāvato. Cittavikkhepapaṭisaṃharaṇaṃ uddhaccavikkhambhanaṃ. Asubhāti asubhānupassanā, paṭibhāganimittabhūtā asubhā eva vā, taṇhāpaṭipakkhattā samathassa asubhā padaṭṭhānanti vuttaṃ. Abhijjhāya tanukaraṇato adinnādānāveramaṇī alobhassa padaṭṭhānanti vuttā. Tathā byāpādassa tanukaraṇato pāṇātipātāveramaṇī adosassa padaṭṭhānanti vuttā. Vatthuavippaṭipatti visayasabhāvapaṭivedho, sammāpaṭipatti sīlasamādhisampadānaṃ nibbidāñāṇena anabhiratiñāṇameva vā tathā pavattaṃ. Sabbāpi vedanā dukkhadukkhatādibhāvato dukkhanti katvā vuttaṃ – ‘‘dukkhasaññāya vedanā padaṭṭhāna’’nti. Dhammasaññāti dhammamattanti saññā.
сад̇д̇аанам̣ гааяз авийд̇арааг̇ад̇аа бан̃жаннам̣ аж̇жхад̇д̇игааяад̇анаанам̣ васзна ход̇ийд̇и ааха – ‘‘бан̃жинд̣̇рияаани руубийни руубарааг̇асса бад̣̇адтаана’’нд̇и. гааяо хи ид̇ха руубанд̇и ад̇хиббзд̇о. висзсад̇о жхаананиссаяабхууд̇з манааяад̇анз жа ниганд̇и ход̇ийд̇и ааха – ‘‘чадтааяад̇анам̣ бхаварааг̇асса бад̣̇адтаана’’нд̇и. зд̣̇исам̣ маа руубам̣ ниб̣б̣ад̇д̇ад̇у, маа зд̣̇исий взд̣̇анаад̇и звам̣ бавад̇д̇аа руубаад̣̇иабхинанд̣̇анаа ниб̣б̣ад̇д̇абхаваанубассид̇аа. н̃аан̣ад̣̇ассанассаад̇и гаммассагад̇ан̃н̃аан̣ад̣̇ассанасса. яонисоманасигааравад̇о хи буб̣б̣зниваасаануссад̇и гаммассагад̇ан̃н̃аан̣асса гааран̣ам̣ ход̇и, на аяонисо уммуж̇ж̇анд̇асса. имасса жа ад̇т̇асса вибхааванад̇т̇ам̣ махаанаарад̣̇агассабаж̇аад̇агам̣ (ж̇аа. 2.22.1153 аад̣̇аяо), б̣рахмаж̇аалз (д̣̇ий. ни. 1.38 аад̣̇аяо) згажжасассад̇аваад̣̇о жа уд̣̇аахарид̇аб̣б̣о. ‘‘огаббаналагкан̣аа’’д̇иаад̣̇инаа сад̣̇д̇хаабасаад̣̇аанам̣ висзсам̣ д̣̇ассзд̇и. со бана сад̣̇д̇хааяаязва авад̇т̇аависзсо д̣̇адтаб̣б̣о. д̇ад̇т̇а огаббанам̣ сад̣̇д̣̇аханавасзна аарамман̣асса ог̇аахан̣ам̣ нижчаяо. анаавилад̇аа ассад̣̇д̇хияаабаг̇амзна жид̇д̇асса агаалуссияад̇аа. абхибад̇т̇ияанаа сад̣̇д̣̇аханамзва. авзжжабасаад̣̇о бан̃н̃аасахид̇о ааяад̇анаг̇ад̇о абхиббасаад̣̇о. абилаабанам̣ асаммосо нимуж̇ж̇ид̇ваа вияа аарамман̣асса ог̇аахан̣ам̣ ваа, зд̇т̇а жа сад̣̇д̇хаад̣̇ийнам̣ басаад̣̇асад̣̇д̇хаасаммаббад̇хаанасад̇ибадтаанажхаанан̇г̇аани яат̇ааггамам̣ бад̣̇адтаананд̇и вад̣̇анд̇зна авад̇т̇аависзсавасзна бад̣̇адтаанабхааво вуд̇д̇од̇и д̣̇адтаб̣б̣ам̣. сад̇исамаад̇хийнам̣ ваа гааяаад̣̇аяо сад̇ибадтаанаад̇и. вид̇аггаад̣̇аяо жа жхаанаанийд̇и бад̣̇адтаанабхаавзна вуд̇д̇аа.
Sattānaṃ kāye avītarāgatā pañcannaṃ ajjhattikāyatanānaṃ vasena hotīti āha – ‘‘pañcindriyāni rūpīni rūparāgassa padaṭṭhāna’’nti. Kāyo hi idha rūpanti adhippeto. Visesato jhānanissayabhūte manāyatane ca nikanti hotīti āha – ‘‘chaṭṭhāyatanaṃ bhavarāgassa padaṭṭhāna’’nti. Edisaṃ mā rūpaṃ nibbattatu, mā edisī vedanāti evaṃ pavattā rūpādiabhinandanā nibbattabhavānupassitā. Ñāṇadassanassāti kammassakataññāṇadassanassa. Yonisomanasikāravato hi pubbenivāsānussati kammassakataññāṇassa kāraṇaṃ hoti, na ayoniso ummujjantassa. Imassa ca atthassa vibhāvanatthaṃ mahānāradakassapajātakaṃ (jā. 2.22.1153 ādayo), brahmajāle (dī. ni. 1.38 ādayo) ekaccasassatavādo ca udāharitabbo. ‘‘Okappanalakkhaṇā’’tiādinā saddhāpasādānaṃ visesaṃ dasseti. So pana saddhāyayeva avatthāviseso daṭṭhabbo. Tattha okappanaṃ saddahanavasena ārammaṇassa ogāhaṇaṃ nicchayo. Anāvilatā assaddhiyāpagamena cittassa akālussiyatā. Abhipatthiyanā saddahanameva. Aveccapasādo paññāsahito āyatanagato abhippasādo. Apilāpanaṃ asammoso nimujjitvā viya ārammaṇassa ogāhaṇaṃ vā, ettha ca saddhādīnaṃ pasādasaddhāsammappadhānasatipaṭṭhānajhānaṅgāni yathākkamaṃ padaṭṭhānanti vadantena avatthāvisesavasena padaṭṭhānabhāvo vuttoti daṭṭhabbaṃ. Satisamādhīnaṃ vā kāyādayo satipaṭṭhānāti. Vitakkādayo ca jhānānīti padaṭṭhānabhāvena vuttā.
ассаад̣̇аманасигааро сам̣яож̇анийязсу д̇хаммзсу ассаад̣̇аанубассид̇аа. бунаб̣бхававирохан̣аад̇и бунаб̣бхавааяа вирохан̣аа, бунаб̣бхаваниб̣б̣ад̇д̇анаарахад̇аа вибаагад̇хаммад̇аад̇и ад̇т̇о. обабажжаяиганиб̣б̣ад̇д̇илагкан̣анд̇и убабад̇д̇ибхавабхаавзна ниб̣б̣ад̇д̇анасабхаавам̣. наамагааяаруубагааяасан̇гхаад̇алагкан̣анд̇и аруубаруубагааяаанам̣ самуухияабхаавам̣. инд̣̇рияававад̇т̇аананд̇и жагкаад̣̇ийнам̣ чаннам̣ инд̣̇рияаанам̣ вавад̇т̇ид̇абхааво. обабажжаяиганд̇и убабад̇д̇игканд̇ханиб̣б̣ад̇д̇агам̣. убад̇хийд̇и ад̇д̇абхааво. ад̇д̇ано бияасса маран̣ам̣ жинд̇знд̇асса б̣ааласса язбхуяязна сого уббаж̇ж̇ад̇ийд̇и маран̣ам̣ согасса бад̣̇адтаананд̇и вуд̇д̇ам̣. уссуггам̣ жзд̇асо санд̇аабо. од̣̇ахананд̇и авад̣̇аханам̣. ад̇д̇ано ниссаяасса санд̇абанамзва бхавассаад̇и вуд̇д̇ам̣ бхавам̣ д̣̇ассзд̇ум̣ ‘‘имааний’’д̇иаад̣̇и вуд̇д̇ам̣. д̇ад̇т̇а бхавасса ан̇г̇аани бхавасан̇каад̇аани жа ан̇г̇аани бхаван̇г̇аани. д̇зсу гилзсаа бхавасса ан̇г̇аани. гаммавибаагаваддам̣ бхавасан̇каад̇аани ан̇г̇аани. самаг̇г̇аанийд̇и саб̣б̣аани. канд̇хааяад̇анаад̣̇ийнам̣ абараабаруббад̇д̇исам̣саран̣ам̣ сам̣сааро. д̇асса буримабуримаж̇аад̇инибпаннам̣ гилзсаад̣̇иваддам̣ гааран̣анд̇и ааха – ‘‘бхаво сам̣саарасса бад̣̇адтаана’’нд̇и. самбаабагахзд̇убхаавам̣ санд̇хааяа ‘‘маг̇г̇о нирод̇хасса бад̣̇адтаана’’нд̇и вуд̇д̇ам̣.
Assādamanasikāro saṃyojanīyesu dhammesu assādānupassitā. Punabbhavavirohaṇāti punabbhavāya virohaṇā, punabbhavanibbattanārahatā vipākadhammatāti attho. Opapaccayikanibbattilakkhaṇanti upapattibhavabhāvena nibbattanasabhāvaṃ. Nāmakāyarūpakāyasaṅghātalakkhaṇanti arūparūpakāyānaṃ samūhiyabhāvaṃ. Indriyavavatthānanti cakkhādīnaṃ channaṃ indriyānaṃ vavatthitabhāvo. Opapaccayikanti upapattikkhandhanibbattakaṃ. Upadhīti attabhāvo. Attano piyassa maraṇaṃ cintentassa bālassa yebhuyyena soko uppajjatīti maraṇaṃ sokassa padaṭṭhānanti vuttaṃ. Ussukkaṃ cetaso santāpo. Odahananti avadahanaṃ. Attano nissayassa santapanameva bhavassāti vuttaṃ bhavaṃ dassetuṃ ‘‘imānī’’tiādi vuttaṃ. Tattha bhavassa aṅgāni bhavasaṅkhātāni ca aṅgāni bhavaṅgāni. Tesu kilesā bhavassa aṅgāni. Kammavipākavaṭṭaṃ bhavasaṅkhātāni aṅgāni. Samaggānīti sabbāni. Khandhāyatanādīnaṃ aparāparuppattisaṃsaraṇaṃ saṃsāro. Tassa purimapurimajātinipphannaṃ kilesādivaṭṭaṃ kāraṇanti āha – ‘‘bhavo saṃsārassa padaṭṭhāna’’nti. Sampāpakahetubhāvaṃ sandhāya ‘‘maggo nirodhassa padaṭṭhāna’’nti vuttaṃ.
гаммадтааног̇аахагасса од̇аран̣адтаанад̇ааяа б̣ахуссуд̇о д̇ид̇т̇ам̣ наама, д̇асса саммаабаяирубаасанаа д̇ид̇т̇ан̃н̃уд̇аа. д̇хаммуубасан̃хид̇ам̣ баамож̇ж̇ам̣ бийд̇ам̣ наама, саббааяад̇хаммассаванзна д̇ам̣ уббаад̣̇зд̇ваа гаммадтаанасса б̣рууханаа бийд̇ан̃н̃уд̇аа, бхааванааяа т̇огамби лаяаабад̇д̇ияаа уд̣̇д̇хам̣бад̇д̇ияаа жа ж̇аананаа бад̇д̇ан̃н̃уд̇аа. ад̇д̇ано бан̃жахи бад̇хаанияан̇г̇зхи саманнааг̇ад̇асса ж̇аананаа ад̇д̇ан̃н̃уд̇аа, д̇зсу буримаанам̣ буримаанам̣ бажчимасса бажчимасса бад̣̇адтаанабхааво сувин̃н̃зяяо зва. гад̇абун̃н̃ассзва бад̇ируубад̣̇зсаваасо самбхавад̇и , на ид̇арассаад̇и ‘‘буб̣б̣згад̇абун̃н̃ад̇аа бад̇ируубад̣̇зсаваасасса бад̣̇адтаана’’нд̇и вуд̇д̇ам̣. яат̇аабхууд̇ан̃аан̣ад̣̇ассанам̣ саха ад̇хидтаанзна д̇арун̣авибассанаа. ниб̣б̣ид̣̇аад̇и б̣алававибассанаа. вирааг̇од̇и маг̇г̇о. вимуд̇д̇ийд̇и палам̣. званд̇и яад̣̇ид̣̇ам̣ ‘‘д̇ассаа вибаллаасаа бад̣̇адтаана’’нд̇иаад̣̇инаа авиж̇ж̇аад̣̇ийнам̣ бад̣̇адтаанам̣ д̣̇ассид̇ам̣, иминаа наязна ат̇ааби яо гожи убаниссаяо б̣алавабажжаяод̇и яо гожи авасзсабажжаяо, саб̣б̣о со бад̣̇адтаанам̣ гааран̣анд̇и взд̣̇ид̇аб̣б̣ам̣. ‘‘звам̣ яаа гаажи убанисаа яог̇ад̇о жа бажжаяад̇о жаа’’д̇иби батанд̇и. д̇ад̇т̇а убанисаад̇и гааран̣ам̣, яог̇ад̇од̇и яуд̇д̇ид̇о, бажжаяад̇од̇и бажжаяабхаавамад̇д̇ад̇од̇и ад̇т̇о взд̣̇ид̇аб̣б̣о. яам̣ банзд̇т̇а ад̇т̇ад̇о на вибхад̇д̇ам̣, д̇ам̣ сувин̃н̃зяяамзва.
Kammaṭṭhānogāhakassa otaraṇaṭṭhānatāya bahussuto titthaṃ nāma, tassa sammāpayirupāsanā titthaññutā. Dhammūpasañhitaṃ pāmojjaṃ pītaṃ nāma, sappāyadhammassavanena taṃ uppādetvā kammaṭṭhānassa brūhanā pītaññutā, bhāvanāya thokampi layāpattiyā uddhaṃpattiyā ca jānanā pattaññutā. Attano pañcahi padhāniyaṅgehi samannāgatassa jānanā attaññutā, tesu purimānaṃ purimānaṃ pacchimassa pacchimassa padaṭṭhānabhāvo suviññeyyo eva. Katapuññasseva patirūpadesavāso sambhavati , na itarassāti ‘‘pubbekatapuññatā patirūpadesavāsassa padaṭṭhāna’’nti vuttaṃ. Yathābhūtañāṇadassanaṃ saha adhiṭṭhānena taruṇavipassanā. Nibbidāti balavavipassanā. Virāgoti maggo. Vimuttīti phalaṃ. Evanti yadidaṃ ‘‘tassā vipallāsā padaṭṭhāna’’ntiādinā avijjādīnaṃ padaṭṭhānaṃ dassitaṃ, iminā nayena athāpi yo koci upanissayo balavapaccayoti yo koci avasesapaccayo, sabbo so padaṭṭhānaṃ kāraṇanti veditabbaṃ. ‘‘Evaṃ yā kāci upanisā yogato ca paccayato cā’’tipi paṭhanti. Tattha upanisāti kāraṇaṃ, yogatoti yuttito, paccayatoti paccayabhāvamattatoti attho veditabbo. Yaṃ panettha atthato na vibhattaṃ, taṃ suviññeyyameva.
бад̣̇адтаанахааравибхан̇г̇аван̣н̣анаа нидтид̇аа.
Padaṭṭhānahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 4. бад̣̇адтаанахааравибхан̇г̇о • 4. Padaṭṭhānahāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 4. бад̣̇адтаанахааравибхан̇г̇аван̣н̣анаа • 4. Padaṭṭhānahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 4. бад̣̇адтаанахааравибхан̇г̇авибхааванаа • 4. Padaṭṭhānahāravibhaṅgavibhāvanā
