| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
4. бад̣̇адтаанахааравибхан̇г̇авибхааванаа
4. Padaṭṭhānahāravibhaṅgavibhāvanā
22. язна язна сам̣ван̣н̣анаависзсабхууд̇зна яуд̇д̇ихааравибхан̇г̇абхууд̇зна бан̃хаависсаж̇ж̇анаад̣̇ийнам̣ яуд̇д̇ааяуд̇д̇абхааво вибхад̇д̇о, со сам̣ван̣н̣анаависзсабхууд̇о яуд̇д̇ихааравибхан̇г̇о барибун̣н̣о, ‘‘гад̇амо бад̣̇адтаанахааравибхан̇г̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо бад̣̇адтаано хааро’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇зсу нид̣̇д̣̇идтзсу сол̣асасу д̣̇зсанаахаараад̣̇ийсу хаарзсу гад̇амо сам̣ван̣н̣анаависзсо бад̣̇адтаано хааро бад̣̇адтаанахааравибхан̇г̇од̇и бужчад̇и. ‘‘д̇хаммам̣ д̣̇зсзси ж̇ино’’д̇иаад̣̇инид̣̇д̣̇зсасса ид̣̇аани маяаа вужжамаано ‘‘аяам̣ бад̣̇адтаано хааро’’д̇иаад̣̇иго вид̇т̇аарасам̣ван̣н̣анаависзсо бад̣̇адтаанахааравибхан̇г̇од̇и вин̃н̃зяяо. д̇зна вуд̇д̇ам̣ – ‘‘д̇ад̇т̇а гад̇амо бад̣̇адтаано хаарод̇иаад̣̇и бад̣̇адтаанахааравибхан̇г̇о’’д̇и (нзд̇д̇и. адта. 22). ‘‘аяам̣ ид̣̇аани вужжамаано вид̇т̇аарабхууд̇о бад̣̇адтаано хааро бидагад̇д̇аяз д̣̇зсид̇зсу д̇хаммзсу гим̣ наама д̇хаммам̣ д̣̇зсаяад̇и сам̣ван̣н̣зд̇ий’’д̇и бужчам̣ табзд̇ваа ‘‘ид̣̇ам̣ аасаннагааран̣ам̣ имасса аасаннапаласса бад̣̇адтаана’’нд̇и нияамзд̇ваа вибхаж̇ид̇ум̣ ‘‘аяам̣ бад̣̇адтаано’’д̇иаад̣̇и вуд̇д̇ам̣. д̇ассад̇т̇о – саб̣б̣зсу вин̃н̃зяяад̇хаммзсу яаат̇аавад̇о асамбадивзд̇хо лагкан̣ам̣ зд̇иссаа авиж̇ж̇ааяаад̇и саб̣б̣ад̇хаммаяаат̇ааваасамбадивзд̇халагкан̣аа, авиж̇ж̇аа, д̇ассаа авиж̇ж̇ааяа асубхз ‘‘субха’’нд̇иаад̣̇ивибаллаасаа бад̣̇адтаанам̣ аасаннагааран̣ам̣. вибаллаасз сад̇и авиж̇ж̇аа вад̇д̇ад̇и убаруубари ж̇ааяад̇и на хааяад̇и, д̇асмаа вибаллаасаа авиж̇ж̇ааяа бад̣̇адтаанам̣ аасаннагааран̣ам̣ бхаванд̇и. авиж̇ж̇ааяа ваддамуулагад̇д̇аа д̇ам̣ аад̣̇им̣ гад̇ваа бад̣̇адтаанам̣ вибхад̇д̇анд̇и д̣̇адтаб̣б̣ам̣.
22. Yena yena saṃvaṇṇanāvisesabhūtena yuttihāravibhaṅgabhūtena pañhāvissajjanādīnaṃ yuttāyuttabhāvo vibhatto, so saṃvaṇṇanāvisesabhūto yuttihāravibhaṅgo paripuṇṇo, ‘‘katamo padaṭṭhānahāravibhaṅgo’’ti pucchitabbattā ‘‘tattha katamo padaṭṭhāno hāro’’tiādi āraddhaṃ. Tattha tatthāti tesu niddiṭṭhesu soḷasasu desanāhārādīsu hāresu katamo saṃvaṇṇanāviseso padaṭṭhāno hāro padaṭṭhānahāravibhaṅgoti pucchati. ‘‘Dhammaṃ desesi jino’’tiādiniddesassa idāni mayā vuccamāno ‘‘ayaṃ padaṭṭhāno hāro’’tiādiko vitthārasaṃvaṇṇanāviseso padaṭṭhānahāravibhaṅgoti viññeyyo. Tena vuttaṃ – ‘‘tattha katamo padaṭṭhāno hārotiādi padaṭṭhānahāravibhaṅgo’’ti (netti. aṭṭha. 22). ‘‘Ayaṃ idāni vuccamāno vitthārabhūto padaṭṭhāno hāro piṭakattaye desitesu dhammesu kiṃ nāma dhammaṃ desayati saṃvaṇṇetī’’ti pucchaṃ ṭhapetvā ‘‘idaṃ āsannakāraṇaṃ imassa āsannaphalassa padaṭṭhāna’’nti niyametvā vibhajituṃ ‘‘ayaṃ padaṭṭhāno’’tiādi vuttaṃ. Tassattho – sabbesu viññeyyadhammesu yāthāvato asampaṭivedho lakkhaṇaṃ etissā avijjāyāti sabbadhammayāthāvaasampaṭivedhalakkhaṇā, avijjā, tassā avijjāya asubhe ‘‘subha’’ntiādivipallāsā padaṭṭhānaṃ āsannakāraṇaṃ. Vipallāse sati avijjā vattati uparūpari jāyati na hāyati, tasmā vipallāsā avijjāya padaṭṭhānaṃ āsannakāraṇaṃ bhavanti. Avijjāya vaṭṭamūlakattā taṃ ādiṃ katvā padaṭṭhānaṃ vibhattanti daṭṭhabbaṃ.
д̇ан̣хааяаби ваддамуулагад̇д̇аа д̇ад̣̇ананд̇арам̣ д̇ан̣хааяа бад̣̇адтаанам̣ вибхаж̇ид̇ум̣ ‘‘аж̇жхосааналагкан̣аа’’д̇иаад̣̇и вуд̇д̇ам̣. д̇ад̇т̇а бияаруубам̣ саад̇аруубанд̇и бияасабхаавам̣ саад̇асабхаавам̣ жагкаад̣̇ид̇хаммаж̇аад̇ам̣. бияанийяасаад̇анийяз жагкаад̣̇игз сад̇и д̇ан̣хаа вад̇д̇ад̇и убаруубари ж̇ааяад̇и, д̇асмаа бияаруубам̣ саад̇аруубам̣ д̇ан̣хааяа бад̣̇адтаанам̣ аасаннагааран̣ам̣ бхавад̇и.
Taṇhāyapi vaṭṭamūlakattā tadanantaraṃ taṇhāya padaṭṭhānaṃ vibhajituṃ ‘‘ajjhosānalakkhaṇā’’tiādi vuttaṃ. Tattha piyarūpaṃ sātarūpanti piyasabhāvaṃ sātasabhāvaṃ cakkhādidhammajātaṃ. Piyanīyasātanīye cakkhādike sati taṇhā vattati uparūpari jāyati, tasmā piyarūpaṃ sātarūpaṃ taṇhāya padaṭṭhānaṃ āsannakāraṇaṃ bhavati.
ад̣̇иннаад̣̇аанз сад̇и лобхо вад̇д̇ад̇и, д̇асмаа ад̣̇иннаад̣̇аанам̣ лобхасса бад̣̇адтаанам̣ бхавад̇и. ад̣̇иннаад̣̇аанан̃хи згаваарам̣ уббаннамби анаад̣̇ийнавад̣̇ассанад̇о лобхасса аасаннагааран̣ам̣ бхавад̇взва.
Adinnādāne sati lobho vattati, tasmā adinnādānaṃ lobhassa padaṭṭhānaṃ bhavati. Adinnādānañhi ekavāraṃ uppannampi anādīnavadassanato lobhassa āsannakāraṇaṃ bhavatveva.
гзсаад̣̇ийсу асубхзсу бавад̇д̇ааяаби субхасан̃н̃ааяа нийлаад̣̇иван̣н̣ад̣̇ийгхаад̣̇исан̣таанахасанаад̣̇иб̣яан̃ж̇анаг̇г̇ахан̣алагкан̣ад̇д̇аа жагкунд̣̇рияаад̣̇ийнам̣ асам̣варо субхасан̃н̃ааяа бад̣̇адтаанам̣ бхавад̇и.
Kesādīsu asubhesu pavattāyapi subhasaññāya nīlādivaṇṇadīghādisaṇṭhānahasanādibyañjanaggahaṇalakkhaṇattā cakkhundriyādīnaṃ asaṃvaro subhasaññāya padaṭṭhānaṃ bhavati.
д̣̇угкад̣̇угкаад̣̇ийсу бавад̇д̇ааяаби сукасан̃н̃ааяа саасавапассуубаг̇аманалагкан̣ад̇д̇аа руубаад̣̇ийсу ассаад̣̇о сукасан̃н̃ааяа бад̣̇адтаанам̣.
Dukkhadukkhādīsu pavattāyapi sukhasaññāya sāsavaphassūpagamanalakkhaṇattā rūpādīsu assādo sukhasaññāya padaṭṭhānaṃ.
руубагканд̇хаад̣̇ийсу анижжзсу бавад̇д̇ааяаби нижжасан̃н̃ааяа сан̇кад̇алагкан̣аанам̣ д̇хаммаанам̣ асаманубассаналагкан̣ад̇д̇аа руубагканд̇хаад̣̇ийсу нижжаг̇г̇ахан̣ам̣ вин̃н̃аан̣ам̣ нижжасан̃н̃ааяа бад̣̇адтаанам̣.
Rūpakkhandhādīsu aniccesu pavattāyapi niccasaññāya saṅkhatalakkhaṇānaṃ dhammānaṃ asamanupassanalakkhaṇattā rūpakkhandhādīsu niccaggahaṇaṃ viññāṇaṃ niccasaññāya padaṭṭhānaṃ.
анижжад̣̇угкаанад̇д̇асан̇каад̇зсу канд̇хаад̣̇ийсу бавад̇д̇ааяаби ад̇д̇асан̃н̃ааяа анижжасан̃н̃аад̣̇угкасан̃н̃аанам̣ асаманубассаналагкан̣ад̇д̇аа ахам̣мамаад̣̇ивасзна бавад̇д̇о наамагааяо ад̇д̇асан̃н̃ааяа бад̣̇адтаанам̣.
Aniccadukkhānattasaṅkhātesu khandhādīsu pavattāyapi attasaññāya aniccasaññādukkhasaññānaṃ asamanupassanalakkhaṇattā ahaṃmamādivasena pavatto nāmakāyo attasaññāya padaṭṭhānaṃ.
звам̣ авиж̇ж̇аад̣̇ийнам̣ агусалабагкаанам̣ д̇хаммаанам̣ бад̣̇адтаанам̣ д̣̇ассзд̇ваа ид̣̇аани д̇аббадибагкаанам̣ виж̇ж̇аад̣̇ийнам̣ д̇хаммаанам̣ бад̣̇адтаанам̣ д̣̇ассзд̇ум̣ ‘‘саб̣б̣ад̇хаммасамбадивзд̇халагкан̣аа’’д̇иаад̣̇и вуд̇д̇ам̣. саб̣б̣зсу н̃зяяад̇хаммзсу бавад̇д̇ааяа виж̇ж̇ааяа саб̣б̣ад̇хаммасамбадивзд̇халагкан̣ад̇д̇аа саб̣б̣ам̣ нзяяам̣ виж̇ж̇ааяа бад̣̇адтаанам̣.
Evaṃ avijjādīnaṃ akusalapakkhānaṃ dhammānaṃ padaṭṭhānaṃ dassetvā idāni tappaṭipakkhānaṃ vijjādīnaṃ dhammānaṃ padaṭṭhānaṃ dassetuṃ ‘‘sabbadhammasampaṭivedhalakkhaṇā’’tiādi vuttaṃ. Sabbesu ñeyyadhammesu pavattāya vijjāya sabbadhammasampaṭivedhalakkhaṇattā sabbaṃ neyyaṃ vijjāya padaṭṭhānaṃ.
самат̇асса жид̇д̇авигкзбасан̇каад̇ауд̣̇д̇хажжабадисам̣харан̣асан̇каад̇авигкамбханалагкан̣ад̇д̇аа бадибхааг̇анимид̇д̇абхууд̇аа асубхаа самат̇асса бад̣̇адтаанам̣. асубхааяа хи д̇ан̣хаабадибагкад̇д̇аа, д̇ан̣хааяа жа абхаавз самат̇о д̇идтад̇ийд̇и.
Samathassa cittavikkhepasaṅkhātauddhaccapaṭisaṃharaṇasaṅkhātavikkhambhanalakkhaṇattā paṭibhāganimittabhūtā asubhā samathassa padaṭṭhānaṃ. Asubhāya hi taṇhāpaṭipakkhattā, taṇhāya ca abhāve samatho tiṭṭhatīti.
ад̣̇иннаад̣̇аанаа взраман̣ивасзна бавад̇д̇асса алобхасса ижчааважарабадисам̣харан̣алагкан̣ад̇д̇аа ад̣̇иннаад̣̇аанаа взраман̣ий алобхасса бад̣̇адтаанам̣.
Adinnādānā veramaṇivasena pavattassa alobhassa icchāvacarapaṭisaṃharaṇalakkhaṇattā adinnādānā veramaṇī alobhassa padaṭṭhānaṃ.
баан̣аад̇ибаад̇аа взраман̣ивасзна бавад̇д̇асса ад̣̇осасса аб̣яаабаж̇ж̇алагкан̣ад̇д̇аа баан̣аад̇ибаад̇аа взраман̣ий ад̣̇осасса бад̣̇адтаанам̣.
Pāṇātipātā veramaṇivasena pavattassa adosassa abyāpajjalakkhaṇattā pāṇātipātā veramaṇī adosassa padaṭṭhānaṃ.
саммаабадибад̇д̇ивасзна бавад̇д̇асса амохасса вад̇т̇уавиббадибад̇д̇илагкан̣ад̇д̇аа саммаабадибад̇д̇и амохасса бад̣̇адтаанам̣.
Sammāpaṭipattivasena pavattassa amohassa vatthuavippaṭipattilakkhaṇattā sammāpaṭipatti amohassa padaṭṭhānaṃ.
ниб̣б̣ид̣̇аавасзна бавад̇д̇ааяа асубхасан̃н̃ааяа винийлагавибуб̣б̣агаг̇ахан̣алагкан̣ад̇д̇аа ниб̣б̣ид̣̇аа асубхасан̃н̃ааяа бад̣̇адтаанам̣. ниб̣б̣ид̣̇аан̃аан̣зна хи анабхирад̇и бавад̇д̇ад̇и, анабхирад̇ияаа жа асубхасан̃н̃аа тид̇аад̇и.
Nibbidāvasena pavattāya asubhasaññāya vinīlakavipubbakagahaṇalakkhaṇattā nibbidā asubhasaññāya padaṭṭhānaṃ. Nibbidāñāṇena hi anabhirati pavattati, anabhiratiyā ca asubhasaññā ṭhitāti.
д̣̇угкавзд̣̇анаавасзна бавад̇д̇ааяа д̣̇угкасан̃н̃ааяа саасавапассабариж̇аананалагкан̣ад̇д̇аа взд̣̇анаа д̣̇угкасан̃н̃ааяа бад̣̇адтаанам̣.
Dukkhavedanāvasena pavattāya dukkhasaññāya sāsavaphassaparijānanalakkhaṇattā vedanā dukkhasaññāya padaṭṭhānaṃ.
уббаад̣̇аваяавасзна бавад̇д̇ааяа анижжасан̃н̃ааяа сан̇кад̇алагкан̣аанам̣ д̇хаммаанам̣ саманубассаналагкан̣ад̇д̇аа уббаад̣̇аваяаа анижжасан̃н̃ааяа бад̣̇адтаанам̣. уббаад̣̇аваяан̃хи саманубассид̇ваа анижжасан̃н̃аа бавад̇д̇аа.
Uppādavayavasena pavattāya aniccasaññāya saṅkhatalakkhaṇānaṃ dhammānaṃ samanupassanalakkhaṇattā uppādavayā aniccasaññāya padaṭṭhānaṃ. Uppādavayañhi samanupassitvā aniccasaññā pavattā.
д̇хаммамад̇д̇асан̃н̃аавасзна бавад̇д̇ааяа анад̇д̇асан̃н̃ааяа саб̣б̣ад̇хаммаабхинивзсалагкан̣ад̇д̇аа д̇хаммасан̃н̃аа анад̇д̇асан̃н̃ааяа бад̣̇адтаанам̣.
Dhammamattasaññāvasena pavattāya anattasaññāya sabbadhammaabhinivesalakkhaṇattā dhammasaññā anattasaññāya padaṭṭhānaṃ.
гаамарааг̇асса руубаад̣̇ибан̃жагаамаг̇ун̣аарамман̣ад̇д̇аа бан̃жа гаамаг̇ун̣аа гаамарааг̇асса бад̣̇адтаанам̣.
Kāmarāgassa rūpādipañcakāmaguṇārammaṇattā pañca kāmaguṇā kāmarāgassa padaṭṭhānaṃ.
руубасан̇каад̇з гааяз аараб̣бха бавад̇д̇асса руубарааг̇асса жагкаад̣̇ибан̃жинд̣̇рияаанам̣ анусаарзна бавад̇д̇анад̇о бан̃жинд̣̇рияаани руубаани руубарааг̇асса бад̣̇адтаанам̣.
Rūpasaṅkhāte kāye ārabbha pavattassa rūparāgassa cakkhādipañcindriyānaṃ anusārena pavattanato pañcindriyāni rūpāni rūparāgassa padaṭṭhānaṃ.
бхаваниганд̇ивасзна бавад̇д̇асса бхаварааг̇асса чал̣ааяад̇анам̣ бад̣̇адтаанам̣. ниб̣б̣ад̇д̇абхаваанубассид̇аад̇и ‘‘зд̣̇исам̣ анидтам̣ руубам̣ маа ниб̣б̣ад̇д̇ад̇у, зд̣̇исам̣ идтам̣ руубам̣ ниб̣б̣ад̇д̇ад̇у зд̣̇исий д̣̇угкаа взд̣̇анаа маа ниб̣б̣ад̇д̇ад̇у, зд̣̇исий сукаа взд̣̇анаа ниб̣б̣ад̇д̇ад̇уу’’д̇и звамаад̣̇инаа багаарзна бавад̇д̇аа руубаабхинанд̣̇анаа, саа бан̃жаннам̣ убаад̣̇аанагканд̇хаанам̣ бад̣̇адтаанам̣.
Bhavanikantivasena pavattassa bhavarāgassa chaḷāyatanaṃ padaṭṭhānaṃ. Nibbattabhavānupassitāti ‘‘edisaṃ aniṭṭhaṃ rūpaṃ mā nibbattatu, edisaṃ iṭṭhaṃ rūpaṃ nibbattatu edisī dukkhā vedanā mā nibbattatu, edisī sukhā vedanā nibbattatū’’ti evamādinā pakārena pavattā rūpābhinandanā, sā pañcannaṃ upādānakkhandhānaṃ padaṭṭhānaṃ.
гаммассагад̇ан̃н̃аан̣асса буб̣б̣зниваасаануссад̇ин̃аан̣аануг̇ад̇ад̇д̇аа буб̣б̣зниваасаануссад̇ин̃аан̣ад̣̇ассанам̣ гаммассагад̇ан̃н̃аан̣асса бад̣̇адтаанам̣.
Kammassakataññāṇassa pubbenivāsānussatiñāṇānugatattā pubbenivāsānussatiñāṇadassanaṃ kammassakataññāṇassa padaṭṭhānaṃ.
огаббанам̣ лагкан̣ам̣ яассаа сад̣̇д̇хааяаад̇и огаббаналагкан̣аа сад̣̇д̇хаа. ад̇химуд̇д̇и бажжубадтаанам̣ яассаа сад̣̇д̇хааяаад̇и ад̇химуд̇д̇ибажжубадтаанаа жа сад̣̇д̇хаа. анаавилам̣ лагкан̣ам̣ яасса басаад̣̇ассаад̇и анаавилалагкан̣од̇и басаад̣̇о. самбасийд̣̇анам̣ бажжубадтаанам̣ яасса басаад̣̇ассаад̇и самбасийд̣̇анабажжубадтаано жа басаад̣̇о. со бана басаад̣̇о сад̣̇д̇хааяа зва авад̇т̇аависзсод̇и взд̣̇ид̇аб̣б̣о. авзжжабасаад̣̇о абхибад̇т̇ияаналагкан̣ааяа сад̣̇д̇хааяа бад̣̇адтаанам̣, огаббаналагкан̣аа сад̣̇д̇хаа анаавилалагкан̣асса басаад̣̇асса бад̣̇адтаанам̣, жад̇уб̣б̣ид̇хам̣ саммаббад̇хаанам̣ вийрияам̣ аарамбхалагкан̣асса вийрияасса бад̣̇адтаанам̣, гааяаад̣̇исад̇ибадтаанам̣ абилаабаналагкан̣ааяа сад̇ияаа бад̣̇адтаанам̣, жхаанасахид̇асса самаад̇хисса згаг̇г̇алагкан̣ад̇д̇аа вид̇аггаад̣̇ижхаанаани самаад̇хисса бад̣̇адтаанам̣, бан̃н̃ааяа гижжабаж̇аананааарамман̣абаж̇аананалагкан̣ад̇д̇аа сажжаани бан̃н̃ааяа бад̣̇адтаанам̣.
Okappanaṃ lakkhaṇaṃ yassā saddhāyāti okappanalakkhaṇā saddhā. Adhimutti paccupaṭṭhānaṃ yassā saddhāyāti adhimuttipaccupaṭṭhānā ca saddhā. Anāvilaṃ lakkhaṇaṃ yassa pasādassāti anāvilalakkhaṇoti pasādo. Sampasīdanaṃ paccupaṭṭhānaṃ yassa pasādassāti sampasīdanapaccupaṭṭhāno ca pasādo. So pana pasādo saddhāya eva avatthāvisesoti veditabbo. Aveccapasādo abhipatthiyanalakkhaṇāya saddhāya padaṭṭhānaṃ, okappanalakkhaṇā saddhā anāvilalakkhaṇassa pasādassa padaṭṭhānaṃ, catubbidhaṃ sammappadhānaṃ vīriyaṃ ārambhalakkhaṇassa vīriyassa padaṭṭhānaṃ, kāyādisatipaṭṭhānaṃ apilāpanalakkhaṇāya satiyā padaṭṭhānaṃ, jhānasahitassa samādhissa ekaggalakkhaṇattā vitakkādijhānāni samādhissa padaṭṭhānaṃ, paññāya kiccapajānanaārammaṇapajānanalakkhaṇattā saccāni paññāya padaṭṭhānaṃ.
‘‘язсам̣ авиж̇ж̇аад̣̇ийнам̣ бад̣̇адтаанаани аажариязна вибхад̇д̇аани, д̇з авиж̇ж̇аад̣̇аяо гад̇амзсам̣ д̇хаммаанам̣ бад̣̇адтаанааний’’д̇и бужчид̇аб̣б̣ад̇д̇аа д̇з авиж̇ж̇аад̣̇аяоби имзсам̣ д̇хаммаанам̣ бад̣̇адтаанаад̇и д̣̇ассзд̇ум̣ ‘‘абаро наяо’’д̇иаад̣̇и вуд̇д̇ам̣. авиж̇ж̇аа ассаад̣̇аманасигааралагкан̣асса аяонисоманасигаарасса бад̣̇адтаанам̣. авиж̇ж̇ааяа хи аад̣̇ийнаважчаад̣̇анад̇о аяонисоманасигааро ж̇аад̇од̇и. сажжасаммоханалагкан̣аа авиж̇ж̇аа бун̃н̃аабун̃н̃аанзн̃ж̇аабхисан̇каараанам̣ бад̣̇адтаанам̣, бунаб̣бхававироханалагкан̣аа д̇збхуумагажзд̇анаа сан̇каараа вибаагавин̃н̃аан̣асса бад̣̇адтаанам̣, обабажжаяигасан̇каад̇зна убабад̇д̇ибхавабхаавзна ниб̣б̣ад̇д̇илагкан̣ам̣ бадисанд̇хивин̃н̃аан̣ам̣ наамаруубасса бад̣̇адтаанам̣, наамагааяаруубагааяасан̇гхаад̇алагкан̣ам̣ наамаруубам̣ чал̣ааяад̇анасса бад̣̇адтаанам̣ сахаж̇аад̇аад̣̇ибажжаяабхаавад̇о, жагкаад̣̇ийнам̣ чаннам̣ инд̣̇рияаанам̣ бавад̇д̇аанам̣ лагкан̣ам̣ чал̣ааяад̇анам̣ чаб̣б̣ид̇хасса пассасса яат̇ааггамам̣ бад̣̇адтаанам̣ ниссаяаад̣̇ибажжаяабхаавад̇о, жагкубасаад̣̇аруубаарамман̣ам̣ жагкувин̃н̃аан̣аад̣̇исаннибаад̇алагкан̣о чаб̣б̣ид̇хо пассо, д̇ам̣ взд̣̇анааяа д̇зна чаб̣б̣ид̇хзна пассзна сахаж̇аад̇ааяа чаб̣б̣ид̇хааяа взд̣̇анааяа яат̇ааггамам̣ бад̣̇адтаанам̣ сахаж̇аад̇аад̣̇ибажжаяабхаавад̇о, идтаанубхаванаанидтаанубхаванаидтаанидтаанубхаваналагкан̣аа д̇ивид̇хаа взд̣̇анаа, д̇ам̣ д̇ан̣хааяа д̇ааяа д̇ивид̇хааяа взд̣̇анааяа васзна бавад̇д̇ааяа д̇ан̣хааяа бад̣̇адтаанам̣ убаниссаяаад̣̇ибажжаяабхаавад̇о, сабарасанд̇аанзсу аж̇жхосааналагкан̣аа д̇ан̣хаа, д̇ам̣ убаад̣̇аанасса д̇ааяа д̇ан̣хааяа васзна бавад̇д̇асса жад̇уб̣б̣ид̇хасса убаад̣̇аанасса бад̣̇адтаанам̣ убаниссаяаад̣̇ибажжаяабхаавад̇о. ‘‘со взд̣̇анааяаа’’д̇и жа ‘‘саа д̇ан̣хааяаа’’д̇и жа ‘‘саа убаад̣̇аанассаа’’д̇и жа баатзна бхавид̇аб̣б̣ам̣, лин̇г̇авибаллаасанид̣̇д̣̇зсо ваа сияаа.
‘‘Yesaṃ avijjādīnaṃ padaṭṭhānāni ācariyena vibhattāni, te avijjādayo katamesaṃ dhammānaṃ padaṭṭhānānī’’ti pucchitabbattā te avijjādayopi imesaṃ dhammānaṃ padaṭṭhānāti dassetuṃ ‘‘aparo nayo’’tiādi vuttaṃ. Avijjā assādamanasikāralakkhaṇassa ayonisomanasikārassa padaṭṭhānaṃ. Avijjāya hi ādīnavacchādanato ayonisomanasikāro jātoti. Saccasammohanalakkhaṇā avijjā puññāpuññāneñjābhisaṅkhārānaṃ padaṭṭhānaṃ, punabbhavavirohanalakkhaṇā tebhūmakacetanā saṅkhārā vipākaviññāṇassa padaṭṭhānaṃ, opapaccayikasaṅkhātena upapattibhavabhāvena nibbattilakkhaṇaṃ paṭisandhiviññāṇaṃ nāmarūpassa padaṭṭhānaṃ, nāmakāyarūpakāyasaṅghātalakkhaṇaṃ nāmarūpaṃ chaḷāyatanassa padaṭṭhānaṃ sahajātādipaccayabhāvato, cakkhādīnaṃ channaṃ indriyānaṃ pavattānaṃ lakkhaṇaṃ chaḷāyatanaṃ chabbidhassa phassassa yathākkamaṃ padaṭṭhānaṃ nissayādipaccayabhāvato, cakkhupasādarūpārammaṇaṃ cakkhuviññāṇādisannipātalakkhaṇo chabbidho phasso, taṃ vedanāya tena chabbidhena phassena sahajātāya chabbidhāya vedanāya yathākkamaṃ padaṭṭhānaṃ sahajātādipaccayabhāvato, iṭṭhānubhavanaaniṭṭhānubhavanaiṭṭhāniṭṭhānubhavanalakkhaṇā tividhā vedanā, taṃ taṇhāya tāya tividhāya vedanāya vasena pavattāya taṇhāya padaṭṭhānaṃ upanissayādipaccayabhāvato, saparasantānesu ajjhosānalakkhaṇā taṇhā, taṃ upādānassa tāya taṇhāya vasena pavattassa catubbidhassa upādānassa padaṭṭhānaṃ upanissayādipaccayabhāvato. ‘‘So vedanāyā’’ti ca ‘‘sā taṇhāyā’’ti ca ‘‘sā upādānassā’’ti ca pāṭhena bhavitabbaṃ, liṅgavipallāsaniddeso vā siyā.
яам̣ убаад̣̇аанам̣ обабажжаяигам̣ убабад̇д̇игканд̇ханиб̣б̣ад̇д̇агам̣, д̇ам̣ убаад̣̇аанам̣ д̣̇увид̇хасса бхавасса бад̣̇адтаанам̣. яо гаммабхаво наамагааяаруубагааяасамбхаваналагкан̣о, со гаммабхаво ж̇аад̇ияаа бад̣̇адтаанам̣. яаа убабад̇д̇ибхууд̇аа ж̇аад̇и канд̇хабаад̇убхаавалагкан̣аа, д̇ам̣ саа ж̇аад̇и ж̇арааяа бад̣̇адтаанам̣. яаа ж̇ин̣н̣аж̇араа убад̇хигканд̇хабарибаагалагкан̣аа, д̇ам̣ саа ж̇ин̣н̣аж̇араа маран̣асса бад̣̇адтаанам̣. яамби яасса саммуд̇имаран̣ам̣ ж̇ийвид̇инд̣̇рияубажчзд̣̇алагкан̣ам̣, д̇амби д̇асса саммуд̇имаран̣ам̣ согасса бад̣̇адтаанам̣. бияасса маран̣ам̣ жинд̇знд̇асса язбхуяязна согуббаж̇ж̇анад̇о яо сого н̃аад̇иаад̣̇ибиязсу уссуггагаараго, д̇ам̣ со сого барид̣̇звасса бад̣̇адтаанам̣. яо барид̣̇зво лаалаббагаараго, д̇ам̣ со барид̣̇зво гааяигад̣̇угкасса бад̣̇адтаанам̣. яам̣ гааяигам̣ д̣̇угкам̣ гааяасамбийл̣аналагкан̣ам̣, д̇ам̣ гааяигам̣ д̣̇угкам̣ д̣̇оманассасса бад̣̇адтаанам̣. яам̣ д̣̇оманассам̣ жид̇д̇асамбийл̣аналагкан̣ам̣, д̇ам̣ д̣̇оманассам̣ убааяаасасса бад̣̇адтаанам̣. яо убааяаасо од̣̇аханагаараго авад̣̇аханагаараго, д̇ам̣ со убааяаасо бхавасса убааяаасасса ниссаяасанд̇аанабхавасса бад̣̇адтаанам̣.
Yaṃ upādānaṃ opapaccayikaṃ upapattikkhandhanibbattakaṃ, taṃ upādānaṃ duvidhassa bhavassa padaṭṭhānaṃ. Yo kammabhavo nāmakāyarūpakāyasambhavanalakkhaṇo, so kammabhavo jātiyā padaṭṭhānaṃ. Yā upapattibhūtā jāti khandhapātubhāvalakkhaṇā, taṃ sā jāti jarāya padaṭṭhānaṃ. Yā jiṇṇajarā upadhikkhandhaparipākalakkhaṇā, taṃ sā jiṇṇajarā maraṇassa padaṭṭhānaṃ. Yampi yassa sammutimaraṇaṃ jīvitindriyupacchedalakkhaṇaṃ, tampi tassa sammutimaraṇaṃ sokassa padaṭṭhānaṃ. Piyassa maraṇaṃ cintentassa yebhuyyena sokuppajjanato yo soko ñātiādipiyesu ussukkakārako, taṃ so soko paridevassa padaṭṭhānaṃ. Yo paridevo lālappakārako, taṃ so paridevo kāyikadukkhassa padaṭṭhānaṃ. Yaṃ kāyikaṃ dukkhaṃ kāyasampīḷanalakkhaṇaṃ, taṃ kāyikaṃ dukkhaṃ domanassassa padaṭṭhānaṃ. Yaṃ domanassaṃ cittasampīḷanalakkhaṇaṃ, taṃ domanassaṃ upāyāsassa padaṭṭhānaṃ. Yo upāyāso odahanakārako avadahanakārako, taṃ so upāyāso bhavassa upāyāsassa nissayasantānabhavassa padaṭṭhānaṃ.
бхавассаад̇и вуд̇д̇абхавам̣ д̣̇ассзд̇ум̣ ‘‘имааний’’д̇иаад̣̇и вуд̇д̇ам̣. д̇ад̇т̇а бхаван̇г̇аани гилзсо бхавасса ан̇г̇ам̣ гааран̣ам̣ гаммаваддавибаагаваддаани бхавасан̇каад̇аани ан̇г̇аани аваяаваани. яад̣̇аа бажжуббаннаад̣̇игаалз самаг̇г̇аани ниб̣б̣ад̇д̇аани бхаванд̇и, д̇ад̣̇аа со гилзсаваддагаммаваддавибаагаваддасан̇каад̇о д̇хаммасамуухо ‘‘бхавассаа’’д̇и зд̇т̇а бхавод̇и д̣̇адтаб̣б̣о. д̇ам̣ бхавасан̇каад̇ам̣ гилзсаваддагаммаваддавибаагаваддад̇д̇аяам̣ сам̣саарасса бад̣̇адтаанам̣ буримам̣ буримам̣ ж̇аад̇инибпаннагилзсаад̣̇иваддзна сам̣саарасса аб̣б̣ожчиннуббаж̇ж̇анад̇о, яо арияамаг̇г̇о нияяаанигалагкан̣о, д̇ам̣ со арияамаг̇г̇о нирод̇хасса ниб̣б̣аанасса бад̣̇адтаанам̣ самбаабагахзд̇убхаавад̇о.
Bhavassāti vuttabhavaṃ dassetuṃ ‘‘imānī’’tiādi vuttaṃ. Tattha bhavaṅgāni kileso bhavassa aṅgaṃ kāraṇaṃ kammavaṭṭavipākavaṭṭāni bhavasaṅkhātāni aṅgāni avayavāni. Yadā paccuppannādikāle samaggāni nibbattāni bhavanti, tadā so kilesavaṭṭakammavaṭṭavipākavaṭṭasaṅkhāto dhammasamūho ‘‘bhavassā’’ti ettha bhavoti daṭṭhabbo. Taṃ bhavasaṅkhātaṃ kilesavaṭṭakammavaṭṭavipākavaṭṭattayaṃ saṃsārassa padaṭṭhānaṃ purimaṃ purimaṃ jātinipphannakilesādivaṭṭena saṃsārassa abbocchinnuppajjanato, yo ariyamaggo niyyānikalakkhaṇo, taṃ so ariyamaggo nirodhassa nibbānassa padaṭṭhānaṃ sampāpakahetubhāvato.
б̣ахуссуд̇о саб̣б̣асиссаад̣̇ийнам̣ бад̇идтаанад̇д̇аа д̇ид̇т̇ам̣ вияаад̇и д̇ид̇т̇ам̣, ж̇аанаад̇ийд̇и н̃уу, д̇ид̇т̇ам̣ н̃ууд̇и д̇ид̇т̇ан̃н̃уу, д̇ид̇т̇ан̃н̃уно бхааво д̇ид̇т̇ан̃н̃уд̇аа, саммаабаяирубаасанаа, саа бийд̇ан̃н̃уд̇ааяа бад̣̇адтаанам̣. б̣ахуссуд̇асса хи саммаабаяирубаасанааяа д̇хаммуубасан̃хид̇ам̣ баамож̇ж̇ам̣ ж̇ааяад̇и, баамож̇ж̇зна жа гаммадтаанаб̣рууханаа ж̇ааяад̇ийд̇и саббааяад̇хаммассаванзна бийд̇им̣ ж̇аанаад̇ийд̇и бийд̇ан̃н̃уу, бийд̇ан̃н̃уно бхааво бийд̇ан̃н̃уд̇аа, гаммадтаанасса б̣рууханаа, саа бад̇д̇ан̃н̃уд̇ааяа бад̣̇адтаанам̣. гаммадтаанаб̣рууханааяа хи бхааванаабад̇д̇аж̇аананад̇аа ж̇ааяад̇ийд̇и бад̇д̇ан̃н̃уд̇аа. бхааванаабад̇д̇аж̇аананад̇аа ад̇д̇ан̃н̃уд̇ааяа бад̣̇адтаанам̣. бхааванаабад̇д̇аж̇аананад̇ааяа хи бан̃жахи бад̇хаанияан̇г̇зхи саманнааг̇ад̇асса ад̇д̇ано ж̇аананад̇аа ж̇ааяад̇ийд̇и ад̇д̇ан̃н̃уд̇аа буб̣б̣згад̇абун̃н̃ад̇ааяа бад̣̇адтаанам̣.
Bahussuto sabbasissādīnaṃ patiṭṭhānattā titthaṃ viyāti titthaṃ, jānātīti ñū, titthaṃ ñūti titthaññū, titthaññuno bhāvo titthaññutā, sammāpayirupāsanā, sā pītaññutāya padaṭṭhānaṃ. Bahussutassa hi sammāpayirupāsanāya dhammūpasañhitaṃ pāmojjaṃ jāyati, pāmojjena ca kammaṭṭhānabrūhanā jāyatīti sappāyadhammassavanena pītiṃ jānātīti pītaññū, pītaññuno bhāvo pītaññutā, kammaṭṭhānassa brūhanā, sā pattaññutāya padaṭṭhānaṃ. Kammaṭṭhānabrūhanāya hi bhāvanāpattajānanatā jāyatīti pattaññutā. Bhāvanāpattajānanatā attaññutāya padaṭṭhānaṃ. Bhāvanāpattajānanatāya hi pañcahi padhāniyaṅgehi samannāgatassa attano jānanatā jāyatīti attaññutā pubbekatapuññatāya padaṭṭhānaṃ.
бад̇хаанияан̇г̇зсу саманнааг̇ад̇ад̇д̇аж̇аананад̇ааяа хи буб̣б̣з бун̃н̃агаран̣ам̣ ж̇аад̇ам̣, буб̣б̣згад̇абун̃н̃ад̇аа бад̇ируубад̣̇зсаваасасса бад̣̇адтаанам̣. буб̣б̣з хи гад̇зна бун̃н̃зна бад̇ируубад̣̇зсаваасо лад̣̇д̇хо, бад̇ируубад̣̇зсаваасо саббурисуубаниссаяасса бад̣̇адтаанам̣. бад̇ируубад̣̇зсаваасзна хи саббурисуубаниссаяо лад̣̇д̇хо, саббурисуубаниссаяо ад̇д̇асаммаабан̣ид̇хаанасса бад̣̇адтаанам̣. саббурисуубаниссаязна хи ад̇д̇асаммаабан̣ид̇хаанам̣ ж̇аад̇ам̣, ад̇д̇асаммаабан̣ид̇хаанам̣ сийлаанам̣ бад̣̇адтаанам̣. ад̇д̇асаммаабан̣ид̇хаанзна хи сийлаани самбад̇идтид̇аани, сийлаани авиббадисаарасса бад̣̇адтаанам̣. ад̇д̇ани хи самбад̇идтид̇ам̣ сийлам̣ бажжавзгканд̇асса виббадисааро над̇т̇зваад̇и, авиббадисаарзна баамож̇ж̇ам̣ ж̇ааяад̇и, д̇асмаа авиббадисааро баамож̇ж̇асса бад̣̇адтаанам̣. баамож̇ж̇зна бийд̇и ж̇ааяад̇и, д̇асмаа баамож̇ж̇ам̣ бийд̇ияаа бад̣̇адтаанам̣. бийд̇ияаа бассад̣̇д̇хи ж̇ааяад̇и, д̇асмаа бийд̇и бассад̣̇д̇хияаа бад̣̇адтаанам̣. бассад̣̇д̇хияаа сукам̣ ж̇ааяад̇и, д̇асмаа бассад̣̇д̇хи сукасса бад̣̇адтаанам̣. сукзна самаад̇хи ж̇ааяад̇и, д̇асмаа сукам̣ самаад̇хисса бад̣̇адтаанам̣. самаад̇хинаа яат̇аабхууд̇ан̃аан̣ад̣̇ассанам̣ ж̇ааяад̇и, д̇асмаа самаад̇хи яат̇аабхууд̇ан̃аан̣асса бад̣̇адтаанам̣. яат̇аабхууд̇ан̃аан̣ад̣̇ассанзна ниб̣б̣ид̣̇аан̃аан̣ам̣ ж̇ааяад̇и, д̇асмаа яат̇аабхууд̇ан̃аан̣ад̣̇ассанам̣ ниб̣б̣ид̣̇ааяа бад̣̇адтаанам̣. ниб̣б̣ид̣̇ааяа вирааг̇о ж̇ааяад̇и, д̇асмаа ниб̣б̣ид̣̇аа вирааг̇асса бад̣̇адтаанам̣. вирааг̇зна вимуд̇д̇и ж̇ааяад̇и, д̇асмаа вирааг̇о вимуд̇д̇ияаа бад̣̇адтаанам̣. вимуд̇д̇ияаа вимуд̇д̇ин̃аан̣ад̣̇ассанам̣ ж̇ааяад̇и, д̇асмаа вимуд̇д̇и вимуд̇д̇ин̃аан̣ад̣̇ассанасса бад̣̇адтаанам̣. звам̣ яат̇аавуд̇д̇анаязна яо гожи д̇хаммо убаниссаяо ход̇и, яо гожи д̇хаммо бажжаяо ход̇и, саб̣б̣о со д̇хаммо ад̇д̇ано бажжаяуббаннасса д̇хаммасса бад̣̇адтаананд̇и д̣̇адтаб̣б̣о.
Padhāniyaṅgesu samannāgatattajānanatāya hi pubbe puññakaraṇaṃ jātaṃ, pubbekatapuññatā patirūpadesavāsassa padaṭṭhānaṃ. Pubbe hi katena puññena patirūpadesavāso laddho, patirūpadesavāso sappurisūpanissayassapadaṭṭhānaṃ. Patirūpadesavāsena hi sappurisūpanissayo laddho, sappurisūpanissayo attasammāpaṇidhānassa padaṭṭhānaṃ. Sappurisūpanissayena hi attasammāpaṇidhānaṃ jātaṃ, attasammāpaṇidhānaṃ sīlānaṃ padaṭṭhānaṃ. Attasammāpaṇidhānena hi sīlāni sampatiṭṭhitāni, sīlāni avippaṭisārassa padaṭṭhānaṃ. Attani hi sampatiṭṭhitaṃ sīlaṃ paccavekkhantassa vippaṭisāro natthevāti, avippaṭisārena pāmojjaṃ jāyati, tasmā avippaṭisāro pāmojjassa padaṭṭhānaṃ. Pāmojjena pīti jāyati, tasmā pāmojjaṃ pītiyā padaṭṭhānaṃ. Pītiyā passaddhi jāyati, tasmā pīti passaddhiyā padaṭṭhānaṃ. Passaddhiyā sukhaṃ jāyati, tasmā passaddhi sukhassa padaṭṭhānaṃ. Sukhena samādhi jāyati, tasmā sukhaṃ samādhissa padaṭṭhānaṃ. Samādhinā yathābhūtañāṇadassanaṃ jāyati, tasmā samādhi yathābhūtañāṇassa padaṭṭhānaṃ. Yathābhūtañāṇadassanena nibbidāñāṇaṃ jāyati, tasmā yathābhūtañāṇadassanaṃ nibbidāya padaṭṭhānaṃ. Nibbidāya virāgo jāyati, tasmā nibbidā virāgassa padaṭṭhānaṃ. Virāgena vimutti jāyati, tasmā virāgo vimuttiyā padaṭṭhānaṃ. Vimuttiyā vimuttiñāṇadassanaṃ jāyati, tasmā vimutti vimuttiñāṇadassanassa padaṭṭhānaṃ. Evaṃ yathāvuttanayena yo koci dhammo upanissayo hoti, yo koci dhammo paccayo hoti, sabbo so dhammo attano paccayuppannassa dhammassa padaṭṭhānanti daṭṭhabbo.
‘‘убаниссаяад̇хаммасса, бажжаяад̇хаммасса ваа бажжаяуббаннад̇хаммасса бад̣̇адтаанабхааво гзна сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘д̇знаахаа’’д̇иаад̣̇и вуд̇д̇ам̣. д̇ад̇т̇а д̇знаад̇и яасса гассажи убаниссаяад̇хаммасса, бажжаяад̇хаммасса жа бажжаяуббаннад̇хаммасса бад̣̇адтаанабхаавзна ааяасмаа махаагажжаано ‘‘д̇хаммам̣ д̣̇зсзд̇и ж̇ино’’д̇иаад̣̇игам̣ яам̣ важанам̣ ааха, д̇зна важанзна д̇зсам̣ убаниссаяад̇хаммабажжаяад̇хаммаанам̣ бад̣̇адтаанабхааво сад̣̇д̣̇ахид̇аб̣б̣од̇и. ‘‘яат̇аавуд̇д̇о бад̣̇адтаано хааро барибун̣н̣о гим̣, уд̣̇ааху ан̃н̃о нид̣̇д̇хаарзд̇ваа яож̇зд̇аб̣б̣о ад̇т̇и ги’’нд̇и вад̇д̇аб̣б̣ад̇д̇аа ‘‘нияуд̇д̇о бад̣̇адтаано хааро’’д̇и вуд̇д̇ам̣. ид̇ха баал̣ияам̣ авибхад̇д̇амби яат̇аалаабхавасзна бад̣̇адтаано хааро нийхарид̇ваа яуд̇д̇о яуж̇ж̇ид̇аб̣б̣о, вибхаж̇ид̇аб̣б̣анд̇и вуд̇д̇ам̣ ход̇и.
‘‘Upanissayadhammassa, paccayadhammassa vā paccayuppannadhammassa padaṭṭhānabhāvo kena saddahitabbo’’ti vattabbattā ‘‘tenāhā’’tiādi vuttaṃ. Tattha tenāti yassa kassaci upanissayadhammassa, paccayadhammassa ca paccayuppannadhammassa padaṭṭhānabhāvena āyasmā mahākaccāno ‘‘dhammaṃ deseti jino’’tiādikaṃ yaṃ vacanaṃ āha, tena vacanena tesaṃ upanissayadhammapaccayadhammānaṃ padaṭṭhānabhāvo saddahitabboti. ‘‘Yathāvutto padaṭṭhāno hāro paripuṇṇo kiṃ, udāhu añño niddhāretvā yojetabbo atthi ki’’nti vattabbattā ‘‘niyutto padaṭṭhāno hāro’’ti vuttaṃ. Idha pāḷiyaṃ avibhattampi yathālābhavasena padaṭṭhāno hāro nīharitvā yutto yujjitabbo, vibhajitabbanti vuttaṃ hoti.
ид̇и бад̣̇адтаанахааравибхан̇г̇з сад̇д̇иб̣алаануруубаа ражид̇аа
Iti padaṭṭhānahāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 4. бад̣̇адтаанахааравибхан̇г̇о • 4. Padaṭṭhānahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 4. бад̣̇адтаанахааравибхан̇г̇аван̣н̣анаа • 4. Padaṭṭhānahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 4. бад̣̇адтаанахааравибхан̇г̇аван̣н̣анаа • 4. Padaṭṭhānahāravibhaṅgavaṇṇanā
