| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
4. бад̣̇адтаанахааравибхан̇г̇о
4. Padaṭṭhānahāravibhaṅgo
22. д̇ад̇т̇а гад̇амо бад̣̇адтаано хааро? ‘‘д̇хаммам̣ д̣̇зсзд̇и ж̇ино’’д̇и, аяам̣ бад̣̇адтаано хааро. гим̣ д̣̇зсзд̇и? саб̣б̣ад̇хаммаяаат̇ааваасамбадивзд̇халагкан̣аа авиж̇ж̇аа, д̇ассаа вибаллаасаа бад̣̇адтаанам̣. аж̇жхосааналагкан̣аа д̇ан̣хаа, д̇ассаа бияаруубам̣ саад̇аруубам̣ бад̣̇адтаанам̣. бад̇т̇аналагкан̣о лобхо, д̇асса ад̣̇иннаад̣̇аанам̣ бад̣̇адтаанам̣. ван̣н̣асан̣таанаб̣яан̃ж̇анаг̇г̇ахан̣алагкан̣аа субхасан̃н̃аа, д̇ассаа инд̣̇рияаа сам̣варо бад̣̇адтаанам̣. саасавапассаубаг̇аманалагкан̣аа сукасан̃н̃аа, д̇ассаа ассаад̣̇о бад̣̇адтаанам̣. сан̇кад̇алагкан̣аанам̣ д̇хаммаанам̣ асаманубассаналагкан̣аа нижжасан̃н̃аа, д̇ассаа вин̃н̃аан̣ам̣ бад̣̇адтаанам̣. анижжасан̃н̃аад̣̇угкасан̃н̃ааасаманубассаналагкан̣аа ад̇д̇асан̃н̃аа, д̇ассаа наамагааяо бад̣̇адтаанам̣. саб̣б̣ад̇хаммасамбадивзд̇халагкан̣аа виж̇ж̇аа, д̇ассаа саб̣б̣ам̣ нзяяам̣ бад̣̇адтаанам̣. жид̇д̇авигкзбабадисам̣харан̣алагкан̣о самат̇о, д̇асса асубхаа бад̣̇адтаанам̣. ижчааважарабадисам̣харан̣алагкан̣о алобхо, д̇асса ад̣̇иннаад̣̇аанаа взраман̣ий 1 бад̣̇адтаанам̣. аб̣яаабаж̇ж̇алагкан̣о ад̣̇осо, д̇асса баан̣аад̇ибаад̇аа взраман̣ий бад̣̇адтаанам̣. вад̇т̇уавиббадибад̇д̇илагкан̣о 2 амохо, д̇асса саммаабадибад̇д̇и бад̣̇адтаанам̣. винийлагавибуб̣б̣агаг̇ахан̣алагкан̣аа асубхасан̃н̃аа, д̇ассаа ниб̣б̣ид̣̇аа бад̣̇адтаанам̣. саасавапассабариж̇аананалагкан̣аа д̣̇угкасан̃н̃аа, д̇ассаа взд̣̇анаа бад̣̇адтаанам̣. сан̇кад̇алагкан̣аанам̣ д̇хаммаанам̣ саманубассаналагкан̣аа анижжасан̃н̃аа , д̇ассаа уббаад̣̇аваяаа бад̣̇адтаанам̣. саб̣б̣ад̇хаммаабхинивзсалагкан̣аа анад̇д̇асан̃н̃аа, д̇ассаа д̇хаммасан̃н̃аа бад̣̇адтаанам̣.
22. Tattha katamo padaṭṭhāno hāro? ‘‘Dhammaṃ deseti jino’’ti, ayaṃ padaṭṭhāno hāro. Kiṃ deseti? Sabbadhammayāthāvaasampaṭivedhalakkhaṇā avijjā, tassā vipallāsā padaṭṭhānaṃ. Ajjhosānalakkhaṇā taṇhā, tassā piyarūpaṃ sātarūpaṃ padaṭṭhānaṃ. Patthanalakkhaṇo lobho, tassa adinnādānaṃ padaṭṭhānaṃ. Vaṇṇasaṇṭhānabyañjanaggahaṇalakkhaṇā subhasaññā, tassā indriyā saṃvaro padaṭṭhānaṃ. Sāsavaphassaupagamanalakkhaṇā sukhasaññā, tassā assādo padaṭṭhānaṃ. Saṅkhatalakkhaṇānaṃ dhammānaṃ asamanupassanalakkhaṇā niccasaññā, tassā viññāṇaṃ padaṭṭhānaṃ. Aniccasaññādukkhasaññāasamanupassanalakkhaṇā attasaññā, tassā nāmakāyo padaṭṭhānaṃ. Sabbadhammasampaṭivedhalakkhaṇā vijjā, tassā sabbaṃ neyyaṃ padaṭṭhānaṃ. Cittavikkhepapaṭisaṃharaṇalakkhaṇo samatho, tassa asubhā padaṭṭhānaṃ. Icchāvacarapaṭisaṃharaṇalakkhaṇo alobho, tassa adinnādānā veramaṇī 3 padaṭṭhānaṃ. Abyāpajjalakkhaṇo adoso, tassa pāṇātipātā veramaṇī padaṭṭhānaṃ. Vatthuavippaṭipattilakkhaṇo 4 amoho, tassa sammāpaṭipatti padaṭṭhānaṃ. Vinīlakavipubbakagahaṇalakkhaṇā asubhasaññā, tassā nibbidā padaṭṭhānaṃ. Sāsavaphassaparijānanalakkhaṇā dukkhasaññā, tassā vedanā padaṭṭhānaṃ. Saṅkhatalakkhaṇānaṃ dhammānaṃ samanupassanalakkhaṇā aniccasaññā , tassā uppādavayā padaṭṭhānaṃ. Sabbadhammaabhinivesalakkhaṇā anattasaññā, tassā dhammasaññā padaṭṭhānaṃ.
бан̃жа гаамаг̇ун̣аа гаамарааг̇асса бад̣̇адтаанам̣, бан̃жинд̣̇рияаани руубийни руубарааг̇асса бад̣̇адтаанам̣, чадтааяад̇анам̣ бхаварааг̇асса бад̣̇адтаанам̣, ниб̣б̣ад̇д̇абхаваанубассид̇аа бан̃жаннам̣ убаад̣̇аанагканд̇хаанам̣ бад̣̇адтаанам̣, буб̣б̣зниваасаануссад̇ин̃аан̣ад̣̇ассанасса бад̣̇адтаанам̣. огаббаналагкан̣аа сад̣̇д̇хаа ад̇химуд̇д̇ибажжубадтаанаа жа, анаавилалагкан̣о басаад̣̇о самбасийд̣̇анабажжубадтаано жа. абхибад̇т̇ияаналагкан̣аа сад̣̇д̇хаа, д̇ассаа авзжжабасаад̣̇о бад̣̇адтаанам̣. анаавилалагкан̣о басаад̣̇о, д̇асса сад̣̇д̇хаа бад̣̇адтаанам̣. аарамбхалагкан̣ам̣ вийрияам̣, д̇асса саммаббад̇хаанам̣ бад̣̇адтаанам̣. абилаабаналагкан̣аа сад̇и, д̇ассаа сад̇ибадтаанам̣ бад̣̇адтаанам̣. згаг̇г̇алагкан̣о самаад̇хи, д̇асса жхаанаани бад̣̇адтаанам̣. баж̇аананалагкан̣аа бан̃н̃аа, д̇ассаа сажжаани бад̣̇адтаанам̣.
Pañca kāmaguṇā kāmarāgassa padaṭṭhānaṃ, pañcindriyāni rūpīni rūparāgassa padaṭṭhānaṃ, chaṭṭhāyatanaṃ bhavarāgassa padaṭṭhānaṃ, nibbattabhavānupassitā pañcannaṃ upādānakkhandhānaṃ padaṭṭhānaṃ, pubbenivāsānussatiñāṇadassanassa padaṭṭhānaṃ. Okappanalakkhaṇā saddhā adhimuttipaccupaṭṭhānā ca, anāvilalakkhaṇo pasādo sampasīdanapaccupaṭṭhāno ca. Abhipatthiyanalakkhaṇā saddhā, tassā aveccapasādo padaṭṭhānaṃ. Anāvilalakkhaṇo pasādo, tassa saddhā padaṭṭhānaṃ. Ārambhalakkhaṇaṃ vīriyaṃ, tassa sammappadhānaṃ padaṭṭhānaṃ. Apilāpanalakkhaṇā sati, tassā satipaṭṭhānaṃ padaṭṭhānaṃ. Ekaggalakkhaṇo samādhi, tassa jhānāni padaṭṭhānaṃ. Pajānanalakkhaṇā paññā, tassā saccāni padaṭṭhānaṃ.
абаро наяо, ассаад̣̇аманасигааралагкан̣о аяонисоманасигааро, д̇асса авиж̇ж̇аа бад̣̇адтаанам̣. сажжасаммоханалагкан̣аа авиж̇ж̇аа, саа сан̇каараанам̣ бад̣̇адтаанам̣. бунаб̣бхававирохан̣алагкан̣аа сан̇каараа, д̇з 5 вин̃н̃аан̣асса бад̣̇адтаанам̣. обабажжаяиганиб̣б̣ад̇д̇илагкан̣ам̣ вин̃н̃аан̣ам̣, д̇ам̣ наамаруубасса бад̣̇адтаанам̣. наамагааяаруубагааяасан̇гхаад̇алагкан̣ам̣ наамаруубам̣, д̇ам̣ чал̣ааяад̇анасса бад̣̇адтаанам̣. инд̣̇рияававад̇т̇ааналагкан̣ам̣ чал̣ааяад̇анам̣, д̇ам̣ пассасса бад̣̇адтаанам̣. жагкуруубавин̃н̃аан̣асаннибаад̇алагкан̣о пассо, со взд̣̇анааяа бад̣̇адтаанам̣. идтаанидтаанубхаваналагкан̣аа взд̣̇анаа, саа д̇ан̣хааяа бад̣̇адтаанам̣. аж̇жхосааналагкан̣аа д̇ан̣хаа, саа убаад̣̇аанасса бад̣̇адтаанам̣. обабажжаяигам̣ убаад̣̇аанам̣, д̇ам̣ бхавасса бад̣̇адтаанам̣. наамагааяаруубагааяасамбхаваналагкан̣о бхаво, со ж̇аад̇ияаа бад̣̇адтаанам̣. канд̇хабаад̇убхаваналагкан̣аа ж̇аад̇и, саа ж̇арааяа бад̣̇адтаанам̣. убад̇хибарибаагалагкан̣аа ж̇араа, саа маран̣асса бад̣̇адтаанам̣. ж̇ийвид̇инд̣̇рияубажчзд̣̇алагкан̣ам̣ маран̣ам̣, д̇ам̣ согасса бад̣̇адтаанам̣. уссуггагаараго сого, со барид̣̇звасса бад̣̇адтаанам̣ . лаалаббагаараго барид̣̇зво, со д̣̇угкасса бад̣̇адтаанам̣. гааяасам̣бийл̣анам̣ д̣̇угкам̣, д̇ам̣ д̣̇оманассасса бад̣̇адтаанам̣. жид̇д̇асам̣бийл̣анам̣ д̣̇оманассам̣, д̇ам̣ убааяаасасса бад̣̇адтаанам̣. од̣̇аханагаараго убааяаасо, со бхавасса бад̣̇адтаанам̣. имаани бхаван̇г̇аани яад̣̇аа самаг̇г̇аани ниб̣б̣ад̇д̇аани бхаванд̇и со бхаво, д̇ам̣ сам̣саарасса бад̣̇адтаанам̣. нияяаанигалагкан̣о маг̇г̇о, со нирод̇хасса бад̣̇адтаанам̣.
Aparo nayo, assādamanasikāralakkhaṇo ayonisomanasikāro, tassa avijjā padaṭṭhānaṃ. Saccasammohanalakkhaṇā avijjā, sā saṅkhārānaṃ padaṭṭhānaṃ. Punabbhavavirohaṇalakkhaṇā saṅkhārā, te 6 viññāṇassa padaṭṭhānaṃ. Opapaccayikanibbattilakkhaṇaṃ viññāṇaṃ, taṃ nāmarūpassa padaṭṭhānaṃ. Nāmakāyarūpakāyasaṅghātalakkhaṇaṃ nāmarūpaṃ, taṃ chaḷāyatanassa padaṭṭhānaṃ. Indriyavavatthānalakkhaṇaṃ chaḷāyatanaṃ, taṃ phassassa padaṭṭhānaṃ. Cakkhurūpaviññāṇasannipātalakkhaṇo phasso, so vedanāya padaṭṭhānaṃ. Iṭṭhāniṭṭhaanubhavanalakkhaṇā vedanā, sā taṇhāya padaṭṭhānaṃ. Ajjhosānalakkhaṇā taṇhā, sā upādānassa padaṭṭhānaṃ. Opapaccayikaṃ upādānaṃ, taṃ bhavassa padaṭṭhānaṃ. Nāmakāyarūpakāyasambhavanalakkhaṇo bhavo, so jātiyā padaṭṭhānaṃ. Khandhapātubhavanalakkhaṇā jāti, sā jarāya padaṭṭhānaṃ. Upadhiparipākalakkhaṇā jarā, sā maraṇassa padaṭṭhānaṃ. Jīvitindriyupacchedalakkhaṇaṃ maraṇaṃ, taṃ sokassa padaṭṭhānaṃ. Ussukkakārako soko, so paridevassa padaṭṭhānaṃ . Lālappakārako paridevo, so dukkhassa padaṭṭhānaṃ. Kāyasaṃpīḷanaṃ dukkhaṃ, taṃ domanassassa padaṭṭhānaṃ. Cittasaṃpīḷanaṃ domanassaṃ, taṃ upāyāsassa padaṭṭhānaṃ. Odahanakārako upāyāso, so bhavassa padaṭṭhānaṃ. Imāni bhavaṅgāni yadā samaggāni nibbattāni bhavanti so bhavo, taṃ saṃsārassa padaṭṭhānaṃ. Niyyānikalakkhaṇo maggo, so nirodhassa padaṭṭhānaṃ.
д̇ид̇т̇ан̃н̃уд̇аа бийд̇ан̃н̃уд̇ааяа бад̣̇адтаанам̣, бийд̇ан̃н̃уд̇аа бад̇д̇ан̃н̃уд̇ааяа 7 бад̣̇адтаанам̣, бад̇д̇ан̃н̃уд̇аа ад̇д̇ан̃н̃уд̇ааяа бад̣̇адтаанам̣, ад̇д̇ан̃н̃уд̇аа буб̣б̣згад̇абун̃н̃ад̇ааяа бад̣̇адтаанам̣, буб̣б̣згад̇абун̃н̃ад̇аа бад̇ируубад̣̇зсаваасасса бад̣̇адтаанам̣, бад̇ируубад̣̇зсаваасо саббурисуубаниссаяасса бад̣̇адтаанам̣, саббурисуубаниссаяо ад̇д̇асаммаабан̣ид̇хаанасса бад̣̇адтаанам̣, ад̇д̇асаммаабан̣ид̇хаанам̣ сийлаанам̣ бад̣̇адтаанам̣, сийлаани авиббадисаарасса бад̣̇адтаанам̣, авиббадисааро баамож̇ж̇асса бад̣̇адтаанам̣, баамож̇ж̇ам̣ бийд̇ияаа бад̣̇адтаанам̣, бийд̇и бассад̣̇д̇хияаа бад̣̇адтаанам̣, бассад̣̇д̇хи сукасса бад̣̇адтаанам̣, сукам̣ самаад̇хисса бад̣̇адтаанам̣, самаад̇хи яат̇аабхууд̇ан̃аан̣ад̣̇ассанасса бад̣̇адтаанам̣, яат̇аабхууд̇ан̃аан̣ад̣̇ассанам̣ ниб̣б̣ид̣̇ааяа бад̣̇адтаанам̣, ниб̣б̣ид̣̇аа вирааг̇асса бад̣̇адтаанам̣, вирааг̇о вимуд̇д̇ияаа бад̣̇адтаанам̣. вимуд̇д̇и вимуд̇д̇ин̃аан̣ад̣̇ассанасса бад̣̇адтаанам̣. звам̣ яо гожи убаниссаяо яо гожи бажжаяо, саб̣б̣о со бад̣̇адтаанам̣. д̇знааха ааяасмаа махаагажжааяано ‘‘д̇хаммам̣ д̣̇зсзд̇и ж̇ино’’д̇и.
Titthaññutā pītaññutāya padaṭṭhānaṃ, pītaññutā pattaññutāya 8 padaṭṭhānaṃ, pattaññutā attaññutāya padaṭṭhānaṃ, attaññutā pubbekatapuññatāya padaṭṭhānaṃ, pubbekatapuññatā patirūpadesavāsassa padaṭṭhānaṃ, patirūpadesavāso sappurisūpanissayassa padaṭṭhānaṃ, sappurisūpanissayo attasammāpaṇidhānassa padaṭṭhānaṃ, attasammāpaṇidhānaṃ sīlānaṃ padaṭṭhānaṃ, sīlāni avippaṭisārassa padaṭṭhānaṃ, avippaṭisāro pāmojjassa padaṭṭhānaṃ, pāmojjaṃ pītiyā padaṭṭhānaṃ, pīti passaddhiyā padaṭṭhānaṃ, passaddhi sukhassa padaṭṭhānaṃ, sukhaṃ samādhissa padaṭṭhānaṃ, samādhi yathābhūtañāṇadassanassa padaṭṭhānaṃ, yathābhūtañāṇadassanaṃ nibbidāya padaṭṭhānaṃ, nibbidā virāgassa padaṭṭhānaṃ, virāgo vimuttiyā padaṭṭhānaṃ. Vimutti vimuttiñāṇadassanassa padaṭṭhānaṃ. Evaṃ yo koci upanissayo yo koci paccayo, sabbo so padaṭṭhānaṃ. Tenāha āyasmā mahākaccāyano ‘‘dhammaṃ deseti jino’’ti.
нияуд̇д̇о бад̣̇адтаано хааро.
Niyutto padaṭṭhāno hāro.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 4. бад̣̇адтаанахааравибхан̇г̇аван̣н̣анаа • 4. Padaṭṭhānahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 4. бад̣̇адтаанахааравибхан̇г̇аван̣н̣анаа • 4. Padaṭṭhānahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 4. бад̣̇адтаанахааравибхан̇г̇авибхааванаа • 4. Padaṭṭhānahāravibhaṅgavibhāvanā
