| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. бад̣̇зсасуд̇д̇ам̣
6. Padesasuttaṃ
392. згам̣ самаяам̣ ааяасмаа жа саарибуд̇д̇о ааяасмаа жа махаамог̇г̇аллаано ааяасмаа жа ануруд̣̇д̇хо саагзд̇з вихаранд̇и ган̣д̣агийванз 1. ат̇а ко ааяасмаа жа саарибуд̇д̇о ааяасмаа жа махаамог̇г̇аллаано сааяанхасамаяам̣ бадисаллаанаа вудтид̇аа язнааяасмаа анируд̣̇д̇хо д̇знубасан̇гамим̣су; убасан̇гамид̇ваа ааяасмад̇аа ануруд̣̇д̇хзна сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисинно ко ааяасмаа саарибуд̇д̇о ааяасманд̇ам̣ ануруд̣̇д̇хам̣ зд̇ад̣̇авожа – ‘‘‘сзко, сзко’д̇и 2, аавусо ануруд̣̇д̇ха, вужжад̇и. гид̇д̇аавад̇аа ну ко, аавусо, сзко ход̇ий’’д̇и? ‘‘жад̇уннам̣ ко, аавусо, сад̇ибадтаанаанам̣ бад̣̇зсам̣ бхаавид̇ад̇д̇аа сзко ход̇и’’.
392. Ekaṃ samayaṃ āyasmā ca sāriputto āyasmā ca mahāmoggallāno āyasmā ca anuruddho sākete viharanti kaṇḍakīvane 3. Atha kho āyasmā ca sāriputto āyasmā ca mahāmoggallāno sāyanhasamayaṃ paṭisallānā vuṭṭhitā yenāyasmā aniruddho tenupasaṅkamiṃsu; upasaṅkamitvā āyasmatā anuruddhena saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinno kho āyasmā sāriputto āyasmantaṃ anuruddhaṃ etadavoca – ‘‘‘sekho, sekho’ti 4, āvuso anuruddha, vuccati. Kittāvatā nu kho, āvuso, sekho hotī’’ti? ‘‘Catunnaṃ kho, āvuso, satipaṭṭhānānaṃ padesaṃ bhāvitattā sekho hoti’’.
‘‘гад̇амзсам̣ жад̇уннам̣? ид̇хаавусо, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. имзсам̣ ко, аавусо, жад̇уннам̣ сад̇ибадтаанаанам̣ бад̣̇зсам̣ бхаавид̇ад̇д̇аа сзко ход̇ий’’д̇и. чадтам̣.
‘‘Katamesaṃ catunnaṃ? Idhāvuso, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Imesaṃ kho, āvuso, catunnaṃ satipaṭṭhānānaṃ padesaṃ bhāvitattā sekho hotī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. бад̣̇зсасуд̇д̇аван̣н̣анаа • 6. Padesasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. бад̣̇зсасуд̇д̇аван̣н̣анаа • 6. Padesasuttavaṇṇanā
